التصويت على مسودة لائحة إنتخابات الموقع !!! المشرف الفنى


العودة   موقع البركل > منتديات البركل > الآداب والفنون > منتدى الشعر
التعليمـــات المجموعات الإجتماعية التقويم البحث مشاركات اليوم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #1  
قديم 03-29-2010, 06:39 PM
الصورة الرمزية غسان جعفر محمد عمر
غسان جعفر محمد عمر غسان جعفر محمد عمر غير متواجد حالياً
Senior Member
 
تاريخ التسجيل: Dec 2009
الدولة: ليس لي مكان ثابت
المشاركات: 166
إرسال رسالة عبر مراسل Yahoo إلى غسان جعفر محمد عمر
افتراضي ود النصري شعر مكتوب

باكرنا نيل ( 1)


باكر نفتش فيهو رايح ذي شليل
باكر نتبن في الظلام كايسنو الليل الطويل
باكرنا يا رايح يا بكرة طال الانتظار
بالرغم من انك محال ونحن الجبال والاحتمال
نرجاك منتظرين ظهورك يا شحوح
قاعدين نفتش فيك ذي ملين يروح
نلقاك في الروح الطموح
ماهزة هاماتنا الحموح
يا ربي في القمر
ولا باكر جوة في جوف السحابة مع المطر
يا طالع القمرة جيب لي معاك باكر
باكرا يصور لي لون الفيافي زهر
لون الهويد والصي ذي الجروف اخضر
باكر صباح الخير يطرد ليالي الشر
لكن رغم مرارة الايام والامل القليل
باكرنا نيل
يطمح يدفق سلسبيل
والجزاير تستعيد الخضرة واللون السمح
ويغازل العصفور سنيبلات القمح
والبرازات تاني ترجع والوجوه الطيبة تضحك وتنطرح
وانا وانتو من قيساب نكيل
وهناك في ضو القمر شفع يكوركو لقو الشليل
__________________
كل الغصون متأففة
ومتعففة
من طيرة خانت جنسها
وبرت الصقور المترفة
[ghossny_66@yahoo.com
]
رد مع اقتباس
  #2  
قديم 03-29-2010, 06:40 PM
الصورة الرمزية غسان جعفر محمد عمر
غسان جعفر محمد عمر غسان جعفر محمد عمر غير متواجد حالياً
Senior Member
 
تاريخ التسجيل: Dec 2009
الدولة: ليس لي مكان ثابت
المشاركات: 166
إرسال رسالة عبر مراسل Yahoo إلى غسان جعفر محمد عمر
افتراضي

بتنفسك ( 2)



بتشهقك جواي انا
وبتنفسك يا موقنة
ذي بيني بينك قصة في رحم التراب
مدفونة ما طلاها ري من كم سنة
وجات هسه امطرت الظروف روت التراب
وقامت رياحين المودة وسوسنة
__________________
كل الغصون متأففة
ومتعففة
من طيرة خانت جنسها
وبرت الصقور المترفة
[ghossny_66@yahoo.com
]
رد مع اقتباس
  #3  
قديم 03-29-2010, 06:40 PM
الصورة الرمزية غسان جعفر محمد عمر
غسان جعفر محمد عمر غسان جعفر محمد عمر غير متواجد حالياً
Senior Member
 
تاريخ التسجيل: Dec 2009
الدولة: ليس لي مكان ثابت
المشاركات: 166
إرسال رسالة عبر مراسل Yahoo إلى غسان جعفر محمد عمر
افتراضي

خاتم المني ( 3)



الدنيا صح فراقة لكن القلوب يا الدنيا مداك الامان
وعشم المسافرين الرجوع لو ما كدي ماكان
في زول فات المكان
وانا لي حبيب يوم دار يسيب
قال لي قريب برجع عشان نبني البيوت
نرسم خطوط الضو علي طول المكان
يا الله وين خاتم المني
في رمشة العين الابت بالشوق تنوم القاك هنا
ارقد علي حضنك انوم تملاني ريد و املاك غنا
ما انت يابحر الشعاع الشمسو غابت من سنة
لسة بحمل قلبي نور اسرني يا عبق الهنا
يا القمرة وين السنسنة
لا حتي في طرق الشعاع المن زمان الفوقك بني
هي اقلب الصفحة العلي السما من هناك
مادام هنا
زولي البدي الدنيا نور ظلم رحيلو الامكنة
وتراهو ذي ما الطيف يمر
الليل يمر
اليوم يمر
والعام يمر
وانا في الدريب الفت بيهو الم اثر قدمك واصر
ارجي المسافرين وانشدن
هوي في المدن ما شفتو زول شايل بشاشات الفجر
مزج الصباحات بالمغيب ولون خدودو من العصر
واه يا بيوت
لا دق باب لا فات حيطنا العنكبوت
وانا لسة راقد في الرصيف
راجيك تقيف قدامي قبال ما اموت
الدنيا من بعدك يباس انشرة في الوديان سكوت
يا الله يوم كدي بالنهار فرح المواسم نفرعو
صوت القطارات من بعيد فوق الفلنكات نسمعو
اشواقنا والناس الزمان وكل المسافرين يرجعو
المح حبيبي من بعيد يهجم قليبي ويقطعو
حزن السنين الفينا ساد انا وانت سوا سوا نقلعو
__________________
كل الغصون متأففة
ومتعففة
من طيرة خانت جنسها
وبرت الصقور المترفة
[ghossny_66@yahoo.com
]
رد مع اقتباس
  #4  
قديم 03-29-2010, 06:41 PM
الصورة الرمزية غسان جعفر محمد عمر
غسان جعفر محمد عمر غسان جعفر محمد عمر غير متواجد حالياً
Senior Member
 
تاريخ التسجيل: Dec 2009
الدولة: ليس لي مكان ثابت
المشاركات: 166
إرسال رسالة عبر مراسل Yahoo إلى غسان جعفر محمد عمر
افتراضي

تسالني ( 4)



اللوم عشم
وانا فيك قسم
قسم اليمين فوق الكتاب
بالكان زمان بيناتنا يوم
من جيهتك انت قفلت باب
وتسالني مالك مابتلوم
ماعندي للغدار عتاب
ما داير اعيد الزكريات
مادام مريرة ويوما غاب
بنساكي عشان انا لي ذات
وقطعتو في قلبي العذاب
قلبي الخرب لحظة من غير سبب
بالصدمة طاب
هو قضيتو من حبيب
يخطف زهور عمر الشباب
ما ايمانو اسرع من وجيب المحبين القراب
ايمانو بالدنيا ام سماح
خلاهو قالك مرحباب
شال ريدو ذاد يتوصي بيك
خليتو في بحر الصعاب
ما كنت فايت بي وشيك
ياتو الذكرك العقاب
و المتلي ما ترباية هوان
عشان انت تمسحبو التراب
ماكان حديث شفع زمان
عشان ننصلح ونرجع صحاب
او كت بكيتك اغتراب
عشان بيك تفرحني التياب
ما همي دفقات الحنان
عشان فيهو موضع مستطاب
علي قدر ما اديتك امان
ما عندي ليك اسع حساب
مرهف قليبي ومستعاذ
ربو يخففلو العذاب
كان ذنبو انو امين عليك
وبعد الحصل من ذنبو تاب
__________________
كل الغصون متأففة
ومتعففة
من طيرة خانت جنسها
وبرت الصقور المترفة
[ghossny_66@yahoo.com
]
رد مع اقتباس
  #5  
قديم 03-29-2010, 06:41 PM
الصورة الرمزية غسان جعفر محمد عمر
غسان جعفر محمد عمر غسان جعفر محمد عمر غير متواجد حالياً
Senior Member
 
تاريخ التسجيل: Dec 2009
الدولة: ليس لي مكان ثابت
المشاركات: 166
إرسال رسالة عبر مراسل Yahoo إلى غسان جعفر محمد عمر
افتراضي

اشارات الوداع ( 5)



هو كان شايف اشارات الوداع في العين
حزر جاي وامل راحل وحزن قدر الفراق والبين
نزر قدرو يداقر عمرو لازم عمرو يتودر
نتر جرحو يبشر دمو باكر دمو يتقطر
عرف فرحو السقاهو حنانو والراجيهو بتاخر
شعر حلم السنين العاشو قدام عينو يتبخر
رجع لايام زمان لاقاهو في درب العمر صدفة
ايديهو الرادة ياها ايدي تضمو وبينا يدفا
عيونو الحزن ما هداها بل ذادة الالم لفة
وقليبو يوم فراقو الابدي فارق حتي بي الفة
فضل جنب الحبيب ساهر فضل ساهم قريب منو
وشرب علي قدر ما اداهو الله من القليب حنو
فضل في كل ثانية يريدو ابدا ما انشغل عنو
نزر كل العميروالعافية يفداهو لكنو
كان شايف اشارات في العين
__________________
كل الغصون متأففة
ومتعففة
من طيرة خانت جنسها
وبرت الصقور المترفة
[ghossny_66@yahoo.com
]
رد مع اقتباس
  #6  
قديم 03-29-2010, 06:42 PM
الصورة الرمزية غسان جعفر محمد عمر
غسان جعفر محمد عمر غسان جعفر محمد عمر غير متواجد حالياً
Senior Member
 
تاريخ التسجيل: Dec 2009
الدولة: ليس لي مكان ثابت
المشاركات: 166
إرسال رسالة عبر مراسل Yahoo إلى غسان جعفر محمد عمر
افتراضي

يا امنا ( 6)


يا امنا الارض الهجيرة
يا معلقة في النجيمات
يا مشعلقة من ضفيرة
يا مطرقة في الضلمات
من عتبة الليل ضريرة
ما الزمن بي طبعو حاير
لاك خلقة رب عزيرة
ختي في بالك حكاوي
وانت احبابك كتيرة
حقرة الغير ما بتساوي
نصرة اولاد العشيرة
نحن سنينا الغناوي
الليلي ليك وفي الف غيرة
نحن صنينا المصايب
الاناشيد القصايد المواويل الحسيرة
الترانيم المسادير الشعارات العزيرة
شلنا من شوف المظاليم الجماهير الغفيرة
الجاهلة محرومة وبخيرة
التقول لا حولة زالت دنيا
ومازالت بخيرة
شلنا من نار البصاير
قوة قوة العين والبصيرة
من هبوب بعد الطراوة
من سحب وعدة المطيرة
يا دا جينا يا قسي الزمن العلينا
اختفي يوم عرس الفقاري
الغنية والحق والضريرة
الا ما حارو البصاري طارو
شالو القمرة طارة
الدلاليك الرعود والطنابير المطيرة
لفحة الشبال شروق القبلي و الترقص مهيرة
يا نسمة صلي علي النبي
المن حبي لامن عرج
ما ساولو شينة ولا عوج
يا نسمة صلي علي الحبيب
رغم العوارض نجو نج
كضابة سيطان العذاب
كضابة سيطان العنج
المترفين داروها دم
دم والامة شقيش تمش
لاكنو بعد الدم فرج
اراك تبلدية واراكة
اراك ابنوسة و تميرة
اراك بحر وراك جزيرة
وراكي طيرة من الصعيد
علي كتف غيرة
ملقلي المطر البراود كفو
الطراوة بالسلامة وقيرة قيرة
وترجع الطير طيرة طيرة
الوطن يا وجه مطروح ما بشيح
ياوليد الكلمة من ما قام فصيح
ياقدر ياقسمة يا واحد صحيح
الوطنيا النسمة دايرة يستريح
والعصافير داير تغني
دايرة تبني العش نصيح
والشجر بي صمغو
طول ما الليح جريح الليح جريح
__________________
كل الغصون متأففة
ومتعففة
من طيرة خانت جنسها
وبرت الصقور المترفة
[ghossny_66@yahoo.com
]
رد مع اقتباس
  #7  
قديم 03-29-2010, 06:43 PM
الصورة الرمزية غسان جعفر محمد عمر
غسان جعفر محمد عمر غسان جعفر محمد عمر غير متواجد حالياً
Senior Member
 
تاريخ التسجيل: Dec 2009
الدولة: ليس لي مكان ثابت
المشاركات: 166
إرسال رسالة عبر مراسل Yahoo إلى غسان جعفر محمد عمر
افتراضي

بلاد الشوق ( 7)




مشيت بعدك بلاد الشوق
لقيت في سكتي الاطلال
لقيتك في الخاطر
وفي شرقة شمس باكر
ملانبك طول حياتنا جمال
رسومات روعتك تزكار
علي ابواب بيوت الحي
محل تاوقت لقيتك شوق
مشتت الشوارع ضي
اماسينا البتسهر بيك
نجيماتنا البتشهد لي
وراك لا جفن الدمعات
ولا اتلاقن رموش عيني
اونس بيك نصايص الليل
احجيك دندنة وموال
سالت عليك براي النيل تميراتنا
وعصيفير الهوي الصداح
لقيتك في عيون الناس
حنين ساكن القلوب مرتاح
بتطلع من حكاياتنا وخيالاتنا
بعيد شايفك هناك رحراح
انادي عليك شموس تمرق من الوطا
قلوب بيضا شعاع وصباح
يبق نورك مع الفجاج
علي النخل العزيز وطوال
اتاريك انت كلنا بيك
بلاك انت نحن وبيوتنا شجن
تموت سيرة الفرح نبكيك
نتوه مانلقي لينا وطن
جناينا وضرانا الفوق
قمارينا وحسيس القوق
رحل البلد وياك
نزل جواك حنين وسكن
وانا الكاتلني من يوم داك
عليك بيتك عيوني بكن
اقالد ذكرتك جواي
واعيش باقي العمر رحال
سلامات يا جميل محياك
تحياتنا وامانينا
اكيد باكر نجي ونلقاك
قمر ظاهر اماسينا
تبل شوق القلوب ترياح
علي نمة غناوينا
لدليات شايك الرماي
مزاجات قهوتك جواي
احاسيس فيني تتحسس
اماسينا وعصارينا
نضاريك في العيون تظهر
بريق ودمع هطال
__________________
كل الغصون متأففة
ومتعففة
من طيرة خانت جنسها
وبرت الصقور المترفة
[ghossny_66@yahoo.com
]
رد مع اقتباس
  #8  
قديم 03-29-2010, 06:44 PM
الصورة الرمزية غسان جعفر محمد عمر
غسان جعفر محمد عمر غسان جعفر محمد عمر غير متواجد حالياً
Senior Member
 
تاريخ التسجيل: Dec 2009
الدولة: ليس لي مكان ثابت
المشاركات: 166
إرسال رسالة عبر مراسل Yahoo إلى غسان جعفر محمد عمر
افتراضي

حزن الحراز ( 8)




ياغصن الحراز
هل جارت الايام علي
ولا الدلج وعطش السنين
خلاهو كرهان الرزاز
مابنو وبين الغمام
ذاد الجفا ودام الخصام
شوقر عروقو من المحل
خدر من الشقا كل عام
لا فرهد اوراقو الخريف
لا ركة قمري ولا حمام
عاشق سفر طير الرهو
عبر المسافة بلا جواز
دايما ينادي من البعيد
سرب المعذات اللي فات
سر الهوي المزروف الامو
في الحيا والممات
احرق معاناتك شموع
ارميها ضد الريح رفات
والساكنة عمقك زكريات
واريها في صي المفاز
قول لي يا رويان عطش
ليه ا نت حبيت الجفاف
عقرب معاناتك دوام
يسقيك بي سم الزعاف
شايفك يبكيك النضار
عارفك من الامطار تخاف
لكن بشيل الحيرة ليه
لكل قاعدة اكيد شواذ
افرح اذا ما الليل دخل
طرد الشعاع من النهار
بوخ من العتمور سموم
تلفح مياسم الزهرة نار
العن محطات الامل
اسرق من النيل المحار
علم دواير الهم تدور
لوليها محور ارتكاز
__________________
كل الغصون متأففة
ومتعففة
من طيرة خانت جنسها
وبرت الصقور المترفة
[ghossny_66@yahoo.com
]
رد مع اقتباس
  #9  
قديم 03-29-2010, 06:45 PM
الصورة الرمزية غسان جعفر محمد عمر
غسان جعفر محمد عمر غسان جعفر محمد عمر غير متواجد حالياً
Senior Member
 
تاريخ التسجيل: Dec 2009
الدولة: ليس لي مكان ثابت
المشاركات: 166
إرسال رسالة عبر مراسل Yahoo إلى غسان جعفر محمد عمر
افتراضي

ريح السراب ( 9)



بتقتي بي ريح السراب
فانوس رؤاي وا لشوق عطش
وصاقعالي يداك السحاب
باري البروق واوعك تطش
ليهو ساعة الغمام الرشة
واديك مندهش
ليش لا قبض شتل الغرام
لا طيرو فيك سوالو عش
نوبة الجاذيب اترخت
ودرويشي يرقص منبرش
وانا روحي تقابة بخت
لي الله لي رب العرش
يا مبيتاني الليل قوي
راجاني اجيب لي الشمش
طالقاني فيك عكس الهوي
طابقاني بي اسراع وامش
نقرشتي قلبي عشان يكون
يوم مهرجان سعفك برش
وانا ما نقد حب العيون
لامن يحاحيني الرمش
ساعالي ناموس الشجون
حاماني بي غنواتي هش
ومابين مرايات الظنون
فيك كل مرة الاقي وش
في الضلمة لسه بنات نعش
يا بنية باري العنقريب
ضارب العريجا حجر دغش
في سكة الشوق الخبيب
اندهدهت راجي الهوي
وعود التباشير يا ام نصيب
ينفخ مزاميرالهوي
علي نقرة العشق الرهيب
تفضح معانينا سوا
وتسكت زنازين الوجيب
وانا ببقي الكون ندي
وكل المواسم همبريب
لا ريدة تتحترب صدي
لا ظن حبيب في حبيب يخيب
العمر بالصرخة ابتدا
والصرخة ما صرخة نحيب
وانا راضي بي زكراك نصيب
يا بنية ما اكتر من بشر
في خير وشر يخطا ويصيب
يسعدني اكونك مطر
ما شرط طينك يستجيب
المهدي وين المنتظر
حز الكدر غير في الحبيب
دي الكتمة لو كسر المطر
حوش الربيع والهمبريب
يا مبيتاني الليل قوي
__________________
كل الغصون متأففة
ومتعففة
من طيرة خانت جنسها
وبرت الصقور المترفة
[ghossny_66@yahoo.com
]
رد مع اقتباس
  #10  
قديم 03-29-2010, 06:46 PM
الصورة الرمزية غسان جعفر محمد عمر
غسان جعفر محمد عمر غسان جعفر محمد عمر غير متواجد حالياً
Senior Member
 
تاريخ التسجيل: Dec 2009
الدولة: ليس لي مكان ثابت
المشاركات: 166
إرسال رسالة عبر مراسل Yahoo إلى غسان جعفر محمد عمر
افتراضي

اماني ( 10)


ذي لون الفرح ذي نسمة
ذي طعم السعادة اماني
من عينيها اول نظرة
ذوبت العناد في كياني
احلي من الامل والله
احلي من الربيع وازهارو
لا محدود ولا متناهي
زولا فيني اشعل نارو
دون احساس وقفت اماما
ودقيت لي هواي اوتارو
غنيت في جمالة اغاني
من وحي الغرام واشعارو
ارتديت بعد ما تبت
من قولة بريد وبعاني
حتي شقاي يوم ودعتو
عارف انو راجع تاني
عارف انو في ايامي
اغدار بالعذاب راجاني
واشواق مابتخف تضاري
بي الاما تتحداني
سلمت ورضيت بالقسمة
بي لهفة فؤادي وحالو
بي احلام عيوني الساهرة
بي طيف الحبيب وجمالو
عارف ما بقاوم حسنو
ياسرني الجمال في دلالو
تاسرني النداوة الفيهو
الرقة وبشاشة اقبالو
خايف من ظروفي تعيدني
لي اسف العواطف تاني
وارحل في دروب ودارة
واغرق في بحر احزاني
اتناسيت زمان المرة
حتي زمانا اتناساني
كيف انسي الملكني هواهو
كيف تنسي الاماني اماني
يا كعبة طواف احساسي
يا مرسي الجمال ومدارو
جيتك والامل سايقني لي
ورد الخدود ونضدارو
افتحي باب في الجنة
بي همسة هواك واسرارو
واسقيني الفرح واستني
اعرفي قلبي ايه اخبارو
في عينيك تبين الروعة
واروع ما حواهو زماني
تتوهج تشع ذى فكرة
ذي شمس الصباح الداني
افتحي لي فيها مكانة
خليها التكون عنواني
مادام فيها لي تتجلي
قدرة ربي يا ايماني
__________________
كل الغصون متأففة
ومتعففة
من طيرة خانت جنسها
وبرت الصقور المترفة
[ghossny_66@yahoo.com
]
رد مع اقتباس
  #11  
قديم 03-29-2010, 06:46 PM
الصورة الرمزية غسان جعفر محمد عمر
غسان جعفر محمد عمر غسان جعفر محمد عمر غير متواجد حالياً
Senior Member
 
تاريخ التسجيل: Dec 2009
الدولة: ليس لي مكان ثابت
المشاركات: 166
إرسال رسالة عبر مراسل Yahoo إلى غسان جعفر محمد عمر
افتراضي

ما تظن ( 11)


ما تظن انا بي وراك
ابقي ذي عصفور كسير
ابقي بين صمتي وهواي
طول زماني اكون اسير
اللي مهد ليك طريق
قسي قلبا كان كبير
بكرة بديني الامان
و ابقي في السموات اطير
الطريق السبتو لي
قبل ما نوصل نهايتو
تقدر الخطوات تواصلو
حتي لو ترجع بدايتو
الهوي الشايلة الدواخل
صاحي مابتكمل روايتو
فوق اعالي الروح ترفرف
بالاماني الحلوة رايتو
انت لوفاكر المشاعر
تبكي يوم تغشانا ذكرة
او ح اظل مشدودوانادي
كل ما اقراك واطري
دا القليب الضوي دربك
ختي في جواك فكرة
بكرة يزرع وردة تاني
وحولو تنبت الف زهرة
ما تظن بالساهل انسي
وابدا ذيك سكة تاني
المشاعر مهما تقسي
ومهما من الريد نعاني
مافي زول بين يوم وليلة
بدفن الكانت اماني
الا ما بفضل اشيلك
طول حياتي وهم واغاني
__________________
كل الغصون متأففة
ومتعففة
من طيرة خانت جنسها
وبرت الصقور المترفة
[ghossny_66@yahoo.com
]
رد مع اقتباس
  #12  
قديم 03-29-2010, 06:47 PM
الصورة الرمزية غسان جعفر محمد عمر
غسان جعفر محمد عمر غسان جعفر محمد عمر غير متواجد حالياً
Senior Member
 
تاريخ التسجيل: Dec 2009
الدولة: ليس لي مكان ثابت
المشاركات: 166
إرسال رسالة عبر مراسل Yahoo إلى غسان جعفر محمد عمر
افتراضي

لسة قادر ( 12)



لسة تاني قادر اصبر
مهما مني بعد سرابك
ولسة قادر قلبي ينزف
كلما طعنت حرابك
إنا لسه قادر عمري يكمل
وبرضي واقف فيهو بابك
إلا ما بقدر وحاثك
لحظة أتحمل غيابك
في انتظاري علي رصيفك
والزمن ما حن جابك
يا وجع روحي البتمرق
كلما فكري سحابك
لي زمن ودران وتايه
وقاربي ضايع في عبابك
وين مراسيك يا حبيبة
انسدل تالاي حجابك
مهما جارت بي ظروفي
او علي ضاقت رحابك
وعشت في هامش حياتك
لا حسابك لا حياتك
ياني فارش دربك اخضر
في انتظار هيبة جنابك
تلقي فوق صفحة جبيني
الف مرحب بيك حبابك
با عشق يا حلم اكبر
من مشيك او ايابك
يا عشم في سماي ازهر
واصلو مزروع في ترابك
يا وجع قلبي البودر ذاتي
كل ما فكري سابك
وين ادس حزني البتاوق
مني في همسة ربابك
اه انا القبلان انزل فرحي
كلو واشيل عذابك
اه انا النازر حياتي روحي
عمري وكلي دابك
إنا الضيعت ذاتي
وراجي اتعوض شبابك
قلبي يهتف دقة دقة
حسبك ودقتين يصرخ بهابك
__________________
كل الغصون متأففة
ومتعففة
من طيرة خانت جنسها
وبرت الصقور المترفة
[ghossny_66@yahoo.com
]
رد مع اقتباس
  #13  
قديم 03-29-2010, 06:47 PM
الصورة الرمزية غسان جعفر محمد عمر
غسان جعفر محمد عمر غسان جعفر محمد عمر غير متواجد حالياً
Senior Member
 
تاريخ التسجيل: Dec 2009
الدولة: ليس لي مكان ثابت
المشاركات: 166
إرسال رسالة عبر مراسل Yahoo إلى غسان جعفر محمد عمر
افتراضي

ياتو طريق ( 13)



ياتو طريق يجبرني واجيك
ياتو طبيعة وياتو سلام
لو ما اصلا جاييك
وحارس طيفك بالايام
يا البتقولي وماك مهتمي
كيف الحال انشا الله تمام
والحول الزاد فوق حولو
عارفة علي مشهادك تام
بحلم بيك والدنيا أماني
والأحلام ياها الأحلام
الاحلام كيف تبقي حقيقة
والبحلم بيناتنا يلام
تزكري يوم اتلاقينا
وماكان في خاطرنا غرام
غير اشواق لي لقية احبة
ومامعروف تكون يات عام
والمستقبل في ايد سيدو
يا افراح يا يبقي الام
كيف ما نرضابو ونقبل
طالا ما نؤمن بالاقسام
وفي يوم مامتزكر اسمو
من شدة ما عشت صدام
لاح لي صباحك واتحسست
باقي معالمك في الارحام
شفتك في افاقي بعيدة
مسرورة ومسكونة هيام
كاسيك الحسن الرباني
ذوق وسماح لون وقوام
شفت عيون مخلوقة اريدة
وشوفتا تصبح لي حرام
بتمناها ولي تاكد
كل غناي الحارسو حطام
اتخيلت كتير في الدنيا
شوق وماسي وكم الام
الا عيونك تبقي بعيدة
وبيني وبينن يجري خصام
ومهما الليل اشيدة ضراهو
يملاء مسار احلامي حطام
لابد من يشرق لي صباحو
وروضي يهب فوقو النسام
مؤمن بي مقسوم القسمة
حتي ان كانت كاسا سام
والاغدار وكت الله يجيبا
ياها نهاية كل كلام
__________________
كل الغصون متأففة
ومتعففة
من طيرة خانت جنسها
وبرت الصقور المترفة
[ghossny_66@yahoo.com
]
رد مع اقتباس
  #14  
قديم 03-29-2010, 06:49 PM
الصورة الرمزية غسان جعفر محمد عمر
غسان جعفر محمد عمر غسان جعفر محمد عمر غير متواجد حالياً
Senior Member
 
تاريخ التسجيل: Dec 2009
الدولة: ليس لي مكان ثابت
المشاركات: 166
إرسال رسالة عبر مراسل Yahoo إلى غسان جعفر محمد عمر
افتراضي

ساقية نواحي ( 14)



يا جاية من بعد السنين
هدت حصون الاغنيات
دا انا قلبي بالشوق الحزين
لا عارفو حي لا عارفو مات
وريني كيفن ارتجييك
وانا عمري فات فيهو الفوات
يكفيني اقفلو باب هواك
ابكيك واغنيك زكريات
وجاياني بعد الليل دخل
وانا كنت راجيك الصباح
ساعة لقاك كان الامل
واشواقي اقوي من الرياح
جيتني يا نجمي الافل
والدنيا تتشايح جراح
في سكة عاقلة لو غفل
تدميهو بي صادي الرماح
وان اقبلك من غير زعل
طبع المحبين السماح
لكن معاك ضد الوحل
ح نمش كيف ونهارنا راح
ما بين عواطفي وشوقي ليك
خايف متاهات الجنون
لو عقلي اختارك رفيقة
بنزف القلب الحنون
لو قلبي اختارك حبيبة
توهدب العقل الظنون
جهجهتي عمري سنين معاك
محتار معاك انا كيف اكون
صبحت مواسم الدنيا صيف
والصيف رزازو رهاب رهاب
ما خدرت واحة امل
لو ما هطل فوقا السحاب
ساقية نواحي ولا بتقيف
يسقن دموعي انا في اليباب
لكنو لو بتق عشم
ببتق الصبا والشباب
ايا ساكنة ما بين الضلوع
في روحي جوة سواد عيني
انا قلبي ملكك من زمان
كل ما تجرحي نبضو حي
ما انت اقرب ليهو مني
انت اقرب منو لي
ما طال مسكنك الفؤاد
انا ليه اوريك العلي
وبرجع خلاص من سكتك
قنعان ومتألم براي
اكشح رماده مع الرياح
أحلام أمانينا وهواي
يؤسفني أقولك ذكرتك
تفتح جراحاتي وبكاي
ومحل مشيت نار الظنون
موقودة قدامي ووراي
__________________
كل الغصون متأففة
ومتعففة
من طيرة خانت جنسها
وبرت الصقور المترفة
[ghossny_66@yahoo.com
]
رد مع اقتباس
  #15  
قديم 03-29-2010, 06:50 PM
الصورة الرمزية غسان جعفر محمد عمر
غسان جعفر محمد عمر غسان جعفر محمد عمر غير متواجد حالياً
Senior Member
 
تاريخ التسجيل: Dec 2009
الدولة: ليس لي مكان ثابت
المشاركات: 166
إرسال رسالة عبر مراسل Yahoo إلى غسان جعفر محمد عمر
افتراضي

اتجنستك بالميلاد ( 15)



الايام مالن ماهن
في الالام داقالي اوتاد
الايام كاتفاني حزين
سوقرن الاشواق باصفاد
كندكن الاحلام بالحسرة
يبسن الوديانفي المجري
لو بتقينا عدل الخطوة بالعترة
ما اتراوحت وجيتك صاد
يا احلام القلب الراد
ما حبيت عينيك باصدفة
وما لاقيتك دون ميعاد
اتلاقينا صباح الدنيا
وشلتك منية
واتجنستك بالميلاد
اتحسستك حب بالفطرة
وعشتك فكرة
وشلتك ذاد
من شقيت طريق اشوقنا
لامن جيت من عندك صاد
يوم ما جيت من راجع
كلي مواجع ونوح وسهاد
اتوكيتك حزنا دامس
بين خلجات القلب الراد
وتلفت عشان القاك
فرحة زول بي زولو العاد
وانا ماش مباري الرجعة
محطة محطة لقيتا رماد
حتة كنا وحتة قلنا
حتة كان الشوق وقاد
في الاطفال احساس الوحدة
الاحلام منشرة سواد
لا لاقيت اطفال بغنو
لا اتنين قاعدين يتمنو
وادي الخير مرابو جراد
اتزكرت انا ليالي الهجعة
و خيل الشوق مشدودة شداد
غيبتي كان اسباب الوجعة
وسفر الطيف في العتمة جهاد
ياما مشيت فوق دربك اسعي
طول الليل شقيت لي بلاد
كم كبيت فوق دربك دمعة
واستنيت طيفك ما عاد
اه يا زول اهديتو حياة
اهديتو عيون مروة وذاد
اهديتو بيوت
اديتو شعري الوقاد
لو فاضل فيك من ريدي رماد
اطرح لي وشيك انا داير اجيك
ليه الاحزان ليه الاهات
والدمعة حصاد
__________________
كل الغصون متأففة
ومتعففة
من طيرة خانت جنسها
وبرت الصقور المترفة
[ghossny_66@yahoo.com
]
رد مع اقتباس
إضافة رد

« الموضوع السابق | الموضوع التالي »
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:19 AM.

زوار البركل من تاريخ 2011/7/11
free counters
التصميم والدعم الفني


Design By: Miner Skinz.com
Powered by vBulletin® Version 3.8.1, Copyright ©2000 - 2014, Jelsoft Enterprises Ltd. TranZ By Almuhajir