العودة   موقع البركل > منتديات البركل > الـمنتدى العــــام
التعليمـــات المجموعات الإجتماعية التقويم البحث مشاركات اليوم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #1  
قديم 02-26-2010, 06:30 PM
فاطمة كرار فاطمة كرار غير متواجد حالياً
Member
 
تاريخ التسجيل: Dec 2009
المشاركات: 97
افتراضي عوارض حنة اعتدال

عوارض حنة اعتدال
فاطمة محجوب كرار

حلفت اعتدال ان لا تتحنن بعد اليوم .. اي لا توسم يديها ورجليها بالحناء ، وكررت حليفتها ثلاثة مرات .. دا غير النقنقة تحت تحت والتي استمرت عدة ساعات .. و استعملت في كل حليفة كلمات مختلفة :
- والله انا تاني كان اتحنن يكون ابوي ما جايبني ..
- ها .. حنه .. يكون ما اسمي اعتدال !!
- حنه شنو تاني .. قال حنه قال .. انا ماحلفت !!
ولكنها بعد مرور شهرين من حليفتها تراجعت من جراء تعليقات عدد من النساء تقدمتهن والدتها والتي جاءت من البلد وقالت باستنكار و صرة وش حالما وصلت
- مالك يابت كرعينك بيض .. راجلك ميت !!
وتعذر على فهم اعتدال العلاقة بين سواد اقدامها وحياة الراجل ، ثم توالت التعليقات من نساء من اقاربها اتين للسلام على والدتها :
- اجي يابت امي ظرف حنه واحد بي فد جنيه ينور ليك كريعاتك متل الحريم
او
- يابت الراجل قدام عينك ما تكوني مقرشبة كدي !!
هذه المراة فسرت لماذا بعض النساء مقرشبات فانهن اما ارامل او بعيدات عن ازواجهن ، او انهن ينتمين لزمرة من (يكاوين) ازواجهن بعدم وضع الزينة وعلى رأسها الحنه دلالة على (انا ما فاضية فيك) .. وهن كثر ..
وكانت اعتدال فيما مضى تضع الحناء بانتظام فهي نوع من انواع الزينة تواجد منذ القدم ثم ان اقدامها جميلة (قديم حمام) .. ولم اتفحص حمامة من قبل لأتأكد من جمال اقدامها وربما المقصود المشية الرشيقة فالحمامة وهي تمشي تحاكي هيفاء وهبي مرتدية حذائها ذو الكعب العالي وهي (تتقصع) يمنة ويسرة .. ، وهي لا تضعها سادة (مجلوطة) وانما ترسمها في اشكال هندسية رائعة او ترسم باطن القدم ثم تتفرع منه اشكال غاية في الروعة ، ولكن ما جعلها تحلف عن الحناء هو انها ما ان تتهيأ لوضع الحنة وذلك بان (تكرش) كريعاتا وتملأ الكيس بعجين الحنة وتبدأ بمزاج في رسم حنتها الا ويرن هاتفها لتسمع من الطرف الآخر صوتا يردد :
- اها يااعتدال .. قلت لي نلف من الطرمبة شمال ولا يمين .. نحن جايين .
فترد اعتدال بارتباك :
- لفوا شميل ..
ثم تأخذ الملعقة وتبدأ في (خرت) حنتها والتي اتمت رسمها قبل دقائق :
- الله تجيكم الجاتني في حبوبتي ..
تكرر مسلسل وضع اعتدال حنتها وقدوم اشخاص او دق باب بالحاح في نهار غائظ ، ولأن دق الباب دائما ما (يلبشها) اي يزعجها فانها كانت تلبس (الشبشب) (خافجة حنتها) وتذهب لتفتح الباب لتجده في الغالب شخصا لا تعرفه :
- ياخ دا ما بيت ناس عباس ..
- لأ والله ..
- طيب في الحلة دي ما بتعرفوا راجل اسمو عباس قصير واخدر وسمين كدا .. مرتو اسمها اخلاص طويله ثم باعد بين يديه واحكم قبضتيه وبهزة من يديه :
- ومليانة كدا ..
نفت بهزة من رأسها ثم صفقت الباب في وجهه :
- عاينوا الراجل الما بخجل دا ناقص يقول لي عندها( قفا) ، وواصلت بزهج :
- والله يا اخوانا يااما سحروني فيها يا اما داير يموت لينا زول !!
وكثيرا ما حكت عدة نساء من ان عجن الحنة وتركها هكذا دون وضعها ربما يمثل (عارض) .. حسد .. موت عزيز (أرو) ، ولاتدري اعتدال اهي تخريفة تضاف الى تخاريف النساء الكتيرة ام ماذا !! .. ثم فكرت اعتدال وقررت وضع حنتها بعد منتصف الليل وذلك بعد ان (ينخمد) الجميع .. جارات فايقات .. ناس رايحين .. شحادين .. محصلي اتاوات .. اقارب حدثتهم نفسهم بتناول وجبة مجانية دون دعوة .
في تلك الليلة وبعد منتصف الليل تسللت اعتدال من مخدعها الى غرفة اخرى حاملة صينية صغيرة بها عدة الحنه ثم رسمت حنتها بمزاج رايق و(قمعت) اصابعها بمساعدة من لسانها ثم عكست وضع ارجلها على حافة السرير و(دلدلت) اصابعها ، الرقدة متعبة ولكن كله يهون في سبيل اللحاق بركب المتزوجات النايرات ، استسلمت اعتدال للنوم بعد صراع طويل مع (شميطة) عصبة في رجلها اليمنى وسرعان ما راحت في نوم عميق ولكنها صحت فجأة على يد تهزها ، فتحت عينيها (مخلوعة) لتجد شخصا ذو عضلات ك(التبش) يرتدي فنلة داخلية وشورت قصير وقد قرب وجهه من وجهها مشيرا بسبابته ناحية فمه بينما لمعت في يديه الاخرى سكين ذات نصل حاد .. بحلقت اعتدال بعينيها وحاولت القيام من رقدتها ولكنه خاطبها بصوت هامس ولكن بحزم :
- وريني الأوضة الفيها القروش والدهب .. لا لا ما تقومي خليك قبلك ما تقلعي حنتك .. باين عليها لينة .
رد مع اقتباس
  #2  
قديم 02-26-2010, 07:17 PM
د. نادية د. نادية غير متواجد حالياً
Senior Member
 
تاريخ التسجيل: Nov 2009
الدولة: hl ]vlhk
المشاركات: 975
افتراضي

والله ليها حق تحلف اعتدال دي
عضلات تبش قلتي ليي؟
دا أخير منو الغبشة وشيل الحال


ياسلاااام علي قلمك الرشيق دا بس احذري التهبش والكتابة بالليل ...اووووعك,,,،،،
رد مع اقتباس
  #3  
قديم 02-27-2010, 04:39 AM
الصورة الرمزية dr_abdelslam
dr_abdelslam dr_abdelslam غير متواجد حالياً
Senior Member
 
تاريخ التسجيل: Jul 2008
الدولة: ksa
المشاركات: 211
إرسال رسالة عبر Skype إلى dr_abdelslam
افتراضي

فاطمة صباحك فل
لديك ملكة قوية لسرد وحبك القصة والتفاصيل الدقيقة
بس حرامي عنده زوووووووووووووق خالص قمة التهذيب والاحترام عيبه الوحيد انه حرامي
سؤالي ليه الحريم دايما بختارن وقت النهار لوضع الحنة يعني بالليل مالوا؟؟بعد ما الشفع ينوموا وخلاص الناس اتعشت ؟؟؟؟
رد مع اقتباس
  #4  
قديم 02-27-2010, 08:09 AM
الصورة الرمزية عوض جلاس
عوض جلاس عوض جلاس غير متواجد حالياً
Senior Member
 
تاريخ التسجيل: Sep 2007
المشاركات: 21,345
افتراضي

اقتباس:
المشاركة الأصلية كتبت بواسطة فاطمة كرار مشاهدة المشاركة
مرتو اسمها اخلاص طويله ثم باعد بين يديه واحكم قبضتيه وبهزة من يديه :
-ومليانة كدا ..
ههههههههههههههههههههههه
وصفك دا مبالغة
أول مرة اتمعن في الوصف دا مع إنو شايع والواحد كتير بيشوفو
يديك العافية
أها عملت شنو مع الحرامي ؟؟؟
رد مع اقتباس
  #5  
قديم 02-27-2010, 08:10 AM
الصورة الرمزية عوض جلاس
عوض جلاس عوض جلاس غير متواجد حالياً
Senior Member
 
تاريخ التسجيل: Sep 2007
المشاركات: 21,345
افتراضي

اقتباس:
المشاركة الأصلية كتبت بواسطة dr_abdelslam مشاهدة المشاركة

سؤالي ليه الحريم دايما بختارن وقت النهار لوضع الحنة يعني بالليل
بالليل قاعدات يطبقنها
رد مع اقتباس
  #6  
قديم 02-27-2010, 04:49 PM
أحمد سليمان طه أحمد سليمان طه غير متواجد حالياً
Super Moderator
 
تاريخ التسجيل: Jul 2009
المشاركات: 4,810
افتراضي

انا بتمنى لو جا زول اخترع لينا حاجة زي قلم الشيني تؤدي شغل الحنة بالضبط و توفر علي النسوان الزمن المهدر دا ، خمسة دقايق تكون رسمتها و قامت علي خدمتها بدل المحركة النحن واقعين فيها دي ... و الشي البيوجع ، المرة تقول لها : ياخي انت الحني دي موش متحنناها لي ؟؟ أنا ماني دايرا تب ، تقول لك ... انا متحنناها لي رقبتي .. الله رقبتك ....

التعديل الأخير تم بواسطة أحمد سليمان طه ; 02-27-2010 الساعة 05:21 PM
رد مع اقتباس
  #7  
قديم 02-27-2010, 05:14 PM
الصورة الرمزية عكود
عكود عكود غير متواجد حالياً
Administrator
 
تاريخ التسجيل: Sep 2007
الدولة: الإمارات
المشاركات: 630
إرسال رسالة عبر مراسل Yahoo إلى عكود
افتراضي

اقتباس:
في تلك الليلة وبعد منتصف الليل تسللت اعتدال من مخدعها الى غرفة اخرى حاملة صينية صغيرة بها عدة الحنه ثم رسمت حنتها بمزاج رايق و(قمعت) اصابعها بمساعدة من لسانها ثم عكست وضع ارجلها على حافة السرير و(دلدلت) اصابعها ، الرقدة متعبة ولكن كله يهون في سبيل اللحاق بركب المتزوجات النايرات ، استسلمت اعتدال للنوم بعد صراع طويل مع (شميطة) عصبة في رجلها اليمنى وسرعان ما راحت في نوم عميق
الفاضلة فاطمة،
مسّاك الله بالخير . .

وصف التفاصيل الصغيرة تعجبني كثيراً، مثال ما اقتبسته أعلاه وخاصة ما تحته خط، حقيقي قمّة في الإبداع.
شكراً للإمتاع وإزالة الغبشة عن ليلتي وجعلها أكثر نورة من حنّة إعتدال.
رد مع اقتباس
  #8  
قديم 02-27-2010, 10:00 PM
د/ريم احمد د/ريم احمد غير متواجد حالياً
Senior Member
 
تاريخ التسجيل: Sep 2009
الدولة: الخرطوم
المشاركات: 1,275
افتراضي

الاستاذة فاطمة ...سلام محنن بالشوق ..
غايتو ما تتحنن ووب ...تتحنن ووبين ...
عليك الله الحنة في الكراع كده بتديها نوووورة كده تعجب وتريح الواحدة ..
يعنى خت الحنة اهم شئ تعقبوا نومة كده والاكياس مربطة بيها كرعينك ولازم يكون لونن اصفر ...يعنى ان ربطتى كرعينك بي اكياس سود كده ما بتطلع سمحة ..
واعتدال دى ما تنفع معاها الا النشادر ..عشان لا تطبقها ولا تستناها زمن ...
بس خمسة كده وتلقى يدينها تلمع بالسواد ...
يا اخوانا الله لا حرمنا من الحنة ...ناس تنق تنق وتلقي المرة غبشة برضو تنق تنق ....لا يعجبها العجب والا الصيام في رجب ..رايك شنو في الطعن الحار ده ؟؟
راجاك تردى على كم زول كده عشان اجى وراك بعد ما اخت حنتى واتفاصح ..
__________________
رد مع اقتباس
  #9  
قديم 03-01-2010, 01:08 PM
فاطمة كرار فاطمة كرار غير متواجد حالياً
Member
 
تاريخ التسجيل: Dec 2009
المشاركات: 97
افتراضي

اخى د. عبد السلام ...والله الحنة المرة بتعملها للحريم فشان ما ينبشنها ...ما ملاحظ اى مرة عندها مرقة لازم تعملها لانو الحريم نباشات ...تحايا طيبة .
رد مع اقتباس
  #10  
قديم 03-01-2010, 01:10 PM
فاطمة كرار فاطمة كرار غير متواجد حالياً
Member
 
تاريخ التسجيل: Dec 2009
المشاركات: 97
افتراضي

عزيزتى نادية ...شوق بالكوم ....ما تقولى جنس حرامية اليومين ديل ....دمتى بخير .
رد مع اقتباس
  #11  
قديم 03-01-2010, 01:13 PM
فاطمة كرار فاطمة كرار غير متواجد حالياً
Member
 
تاريخ التسجيل: Dec 2009
المشاركات: 97
افتراضي

اخوى عوض ....لك الف تحية ...طبعا اتبكمت وحلفت من الحنة لى يوم الله .
رد مع اقتباس
  #12  
قديم 03-01-2010, 01:17 PM
فاطمة كرار فاطمة كرار غير متواجد حالياً
Member
 
تاريخ التسجيل: Dec 2009
المشاركات: 97
افتراضي

اخوى احمد لك التحايا والامنيات الطيبة ...فعلا الرجال ما بريدو الحنة لانو دايرين المرة واقفة لخدمتن ...واحدين ينفنفوا من ريحة المحلبية ...ان شاء الله المحلبية التشرقن ....نبرا يا يابا من كسر الرقبة ...اتحسبنا باالله .
رد مع اقتباس
  #13  
قديم 03-01-2010, 01:20 PM
فاطمة كرار فاطمة كرار غير متواجد حالياً
Member
 
تاريخ التسجيل: Dec 2009
المشاركات: 97
افتراضي

اخى عكود ....ملأ الله لياليك هناء وسعادة وصفاء ...ورد الله غربتك ...اجمل الامنيات بالصحة والتوفيق
رد مع اقتباس
  #14  
قديم 03-01-2010, 01:23 PM
فاطمة كرار فاطمة كرار غير متواجد حالياً
Member
 
تاريخ التسجيل: Dec 2009
المشاركات: 97
افتراضي

اخيتى د. ريم ....متعك الله بالعافية ....ان شاء الله دايما كريعاتك نايرات بحنة لامعة ومواسية وسودة زى السكن ومن ختة واحدة .....غيظة للرجال ديل .
رد مع اقتباس
  #15  
قديم 03-01-2010, 04:29 PM
الصورة الرمزية زينوبة
زينوبة زينوبة غير متواجد حالياً
Senior Member
 
تاريخ التسجيل: Oct 2009
الدولة: بلاد الله الوااسعي دي
المشاركات: 107
افتراضي

عزيزتي الغالية فاطمة:

بعيداً عن حنة إعتدال وحليفتا والحرامي وكلام النسوان..
لكي أسلوب رااااائع في السرد وإيصال المعنى والوصف و..و..و
يعني يا فطومة انتي كتابة عديل كدا..

تحيااااتي
رد مع اقتباس
إضافة رد

« الموضوع السابق | الموضوع التالي »
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:34 PM.

زوار البركل من تاريخ 2011/7/11
free counters
التصميم والدعم الفني


Design By: Miner Skinz.com
Powered by vBulletin® Version 3.8.1, Copyright ©2000 - 2014, Jelsoft Enterprises Ltd. TranZ By Almuhajir