العودة   موقع البركل > منتديات البركل > الـمنتدى العــــام
التعليمـــات المجموعات الإجتماعية التقويم البحث مشاركات اليوم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #1  
قديم 08-27-2009, 11:41 AM
الصورة الرمزية واصل هاشم
واصل هاشم واصل هاشم غير متواجد حالياً
Senior Member
 
تاريخ التسجيل: Apr 2008
المشاركات: 2,409
Wink فن الاتكيت والبروتوكول - ونصيب السودانيين منه


حدثتني نفسي قبل فترة للكتابة عن موضوع الاتكيت والبرتوكول والذوق الرفيع لما يصادف ذلك من هوي في نفسي، اذ انه ومنذ سنين طويلة خلت عندما كان والدي يحاضر في مركز الدراسات الدبلوماسية عن العلاقات العامة والمراسم كانت احدي مراجعه لتلك المحاضرات كتابا نسيت اسمه لكنه عن البرتكولات والاتكيت، قرأت ذلك الكتاب اكثر من مرة وعجبتني فيه قصص طريفة ساحكيها تباعا، ومنذ حينها وانا احب القرأة عن الذوق الرفيع والاتكيت وان كنت اعلم انني وبسودانيتي الطاغية لن انفذ شيئا من تلك النصائح والا لفقدت شخصيتي السودانية الفريدة من نوعها بين نظرائها من شعوب العالم
اما ما داعي اليوم للكتابة عن هذا الموضوع وزاد من دافعي فهو خبر صغير قرأت في صحيفة الرأي العام لعدد البارحة يقول الخبر

اقتباس:
الرحلة «332» على متنها عدد كبير من السودانيين المتعطشين للعودة لارض الوطن في أول يوم من رمضان فتأهب الكل وحزم امتعته وانتظر طائرة الخطوط الجوية سودانير رقم «332» لتقلهم للسودان حيث من المفترض ان تحط الطائرة في الثانية عشرة ليلاً ليظفر المسافرون بآخر وجبة عشاء قبل رمضان مع ذويهم لكن عندما بدأت المضيفة تعلن عن اغلاق الاجهزة وربط احزمة الامان استعداداً للطيران فوجئت بصاحب المقعد رقم «81» الذي كان يتحدث عبر هاتفه الجوال والطائرة كانت في «الراون» لتطلب منه المضيفة اغلاق الجوال ضماناً لسلامته وسلامة بقية الركاب.. إلا انه رفض واخذ يثرثر مما آثار استياء عدد كبير من الركاب ليضطر الكابتن بالاتصال ببرج المراقبة بعد ان فشلت كل المحاولات في اقناع الرجل لتعود الطائرة ادراجها ويتم انزاله بواسطة الشرطة وتم انزال امتعته لفترة زمنية اجلت الطائرة لما يقارب من ثلاث ساعات.. بعد ذلك تنفس الجميع الصعداء حيث كانوا في حالة صمت وهم مقبلين على شهر رمضان العظيم.
حزنت لهذا الخبر وان يأتي هذا السلوك من مواطن سوداني سيسيء لسمعة شعب كامل فعودة طائرة الي المطار ليس بالامر الهين اذ ان المطار بموظفيه وعابريه سيعلم بالقصة وستتناقلها الالسن لتصير بابا جديدا للتهكم علينا
لذلك وودت افتح الموضوعين مع بعضهما للناقش موضوع الاتكيت وفن الاتكيت ومعه نناقش حظنا كسودانيين من رفيع الذوق وحسن التصرف والتعامل

فالاتكيت في ابسط صوره يعرف علي انه فن التعامل مع الاخرين بصورة لائقة وهو تراكم للتجارب الانسانية واخذ الجيد منها اي ببساطة هو تأدب الانسان مع الاخرين واحترامهم
وديننا الحنيف يحثنا علي ذلك حيث ان الاخلاق الحميدة من اهم خصال المسلم وما بعث رسولنا الكريم الا متمما لمكارم الاخلاق واقرب الناس مجلسا يوم القيامة من رسولنا عليه الصلاة والسلام هم احاسننا اخلاقا

ساحول بقدر المستطاع التطرق لموضوع الاتكيت بصورة عامة و بعض القواعد الدبلوماسية في التعامل (المراسم) وساحاول ايضا النظر للموضوع من التعاليم الاسلامية السمحة
والموضوع مفتوح للنقاش والبوست بوستيكم واعتبرو ما عندو سيد وكل واحد يدينا رايه
رد مع اقتباس
  #2  
قديم 08-27-2009, 11:58 AM
الصورة الرمزية كسلاوي
كسلاوي كسلاوي غير متواجد حالياً
Senior Member
 
تاريخ التسجيل: Jul 2009
المشاركات: 10,108
افتراضي

من خلال متابعتي لما يكتب.... وجدت نفسي تتوق لكتابتك يا واصل... لجمال ما تعرض وللقيمة العالية لما تكتب.... فاتمني ان تستمر وندعوا الله لناو لكم بالتوفيق السداد
المشكلة اخي واصل ان لفظ الاتكيت ... ارتبط في الأذهان ...بكيفية الأكل بالشوكة والسكين.... وكيف يتم شرب الشوربة بالمعلقة المدورة وأن نغرف الشوربة من الداخل للخارج... وأن نضع الشوكة والسكين في شكل كروس اذا لم ننتهي من الأكل ... والخ
وهذا .... ليس لنا به حاجة... الأ للقليل الذين يرتبط عملهم بهذه الأشياء

ولم يرتبط عند البعض أن لذلك ارتباط في كيفية معاملة الآخرين ... فتلك تحكمها القوة والفتوة والإنتصار للنفس وإن كنا علي خطأ

تحياتي وفي انتظار ما تتحفنا به

التعديل الأخير تم بواسطة كسلاوي ; 08-27-2009 الساعة 08:06 PM
رد مع اقتباس
  #3  
قديم 08-30-2009, 09:44 AM
الصورة الرمزية عبد العظيم عرفات
عبد العظيم عرفات عبد العظيم عرفات غير متواجد حالياً
Senior Member
 
تاريخ التسجيل: Aug 2008
المشاركات: 4,254
افتراضي

الاخ واصل
سلامات
بارك الله فيك اثرت موضوع مهم
اضافة الى ما طرحته في هذا البوست كنت في احد الدول العربية في فندق بمثابة خمس نجوم ما كان من مرتاديها من بعض اخوتنا ان يلقو بالسفة خلف الباب وأي باب هذا هو الباب الرئيسي لمدخل الفندق ولم يكلفوا أنفسهم بالقاءها في سلة المهملات مما جعل المرتادين والعاملين ينفرون من هذا السلوك مع احترامي للسادة الكيفين هنالك منهم من يتبع سلوك افضل

التعديل الأخير تم بواسطة عبد العظيم عرفات ; 08-30-2009 الساعة 03:34 PM
رد مع اقتباس
  #4  
قديم 08-30-2009, 12:16 PM
عبد الجليل وداعه سيدأحمد عبد الجليل وداعه سيدأحمد غير متواجد حالياً
Senior Member
 
تاريخ التسجيل: Sep 2007
الدولة: السعودية
المشاركات: 1,487
افتراضي

واصل ،
كنت متابع من أول رمضان برنامج على قناة النيل الازرق من انتاج شركة ( دال ـ الغذائية ) يقدم هذا البرنامج دروس لعدد محدود من الطلاب عن الطبخ وفن الاتيكيت تدرسه مدرسة لبنانية وشيف لبناني ,
أمس كانت هناك نتيجة للمتدربين ـ أعطت المدربة الطلاب درجة 2 من عشرة في فن الاتيكيت وزعلت منهم وقالت للطلاب عبارة شبيهه بـ ( فقعتوا مرارتي أو ماشابهها ) وزعلوا الطلاب من أيه ؟ لا أدري .
الدروس كلها كانت تدريب كيف تمسك الشوكة والسكين وكيف تضعها على التربيرة للزبون وكيف تمسك الكاس من نصفه او من فمه ( وهذا خطأ يقع في السودانيين كثييرا .)
وغيرها من الدروس ,
المهم جمعتنا سقطوا ـ في الدرس وفي غيرها .
رد مع اقتباس
  #5  
قديم 08-30-2009, 12:50 PM
الصورة الرمزية ود حمزه
ود حمزه ود حمزه غير متواجد حالياً
Senior Member
 
تاريخ التسجيل: Mar 2009
الدولة: uae-sharjah
المشاركات: 912
إرسال رسالة عبر مراسل MSN إلى ود حمزه
افتراضي

الاخ الفاضل واصل
دايما مواضيعك ظريفه وخفيفة الدم يعطيك العافيه
أتذكر اول ما اشتغلت هنا في الامارات مشيت
عشان أأجر بيت البيوت علي افا من يشيل زيما
بيقول اخواننا المصريين لكن قالوا لي ما بنأجر
لي سودانيين ..!!!!ليه؟؟ قالوا لان السودانيين بيدقوا
المسامير في الحيطه
.اتخيل يكون واحد غبي عمله .وطق الخبر مالي البلد
مع انه انا في قناعتي الشخصيه أنه اكثر ناس يبحافظوا علي
البيوت هم السودنيين واذا المالك رفض يعمل صيانه
لي بيته سيتولون عمل الصيانه بأنفسهم .

__________________
فانظر إليّ بعين لطفك إنني * لعريض جودك آمل متعرض
رد مع اقتباس
  #6  
قديم 08-30-2009, 02:15 PM
عنانى عنانى غير متواجد حالياً
Senior Member
 
تاريخ التسجيل: Jul 2009
المشاركات: 227
افتراضي

واصل ياقامة ...
تقدير شديد لموضوع عويص ...
نحن فى السودان اخى واصل لا نعرف ايتيكيت ولا ذوق ولا دياولو ...
لا توجد فى قاموسنا كلمات الظرف ...
لانعرف كلمة لوسمحت سابقة لاى طلب ...
لانعرف كلمة عن اذنك لنقولها فى اى مناسبة ...
لم تمر علينا كلمة لو تكرمت...
بالله عليك كم تكلف مثل هذه الكلمات من مجهود ....
لو تفحصت وجوهنا ستجدها مصرورة فى نقطة صغيرة جدا ...
ولن تجد مبتسما واحدا بشوشا فى وجهك ...
فكلنا صارين ...
لماذا لا ادرى ...
من اين له الاتكيت ان يجد طريقه الينا ....
حكيت هذه القصة بالامس فى مكان اخر ...
فقد كنا ايام الدراسة فى الجامعة فى نهاية السبعينات غالبا ما نقضى ليلة الخميس مع اقرباء لنا بالمايقوما ...
فى مرة من المرات ذهبنا للعشاء فى اكشاك سينما النيلين كعادتنا ...
جاء احد الاخوة الجنوبيين سكران للطيش ...
وطلب عشاء ...
عندما قال له صاحب المحل طيب لو سمحت اجلس هناك لنحضر لك عشاءك ... ومويتك ...
كأنما ارتكب صاحبنا هذا جرما ما بعده جرم وتطايرت الصحون والكبابى ... ودارت معركة بين الجنوبيين واصحاب الاكشاك كان سلاحها كوانين النار ... واستمرت المعركة الى ان وصلت الشرطة وقيدت الجريمة ضد لو سمحت
رد مع اقتباس
  #7  
قديم 08-30-2009, 08:05 PM
الصورة الرمزية كسلاوي
كسلاوي كسلاوي غير متواجد حالياً
Senior Member
 
تاريخ التسجيل: Jul 2009
المشاركات: 10,108
افتراضي

اقتباس:
المشاركة الأصلية كتبت بواسطة ودالعوتيب مشاهدة المشاركة
واصل ،
كنت متابع من أول رمضان برنامج على قناة النيل الازرق من انتاج شركة ( دال ـ الغذائية ) يقدم هذا البرنامج دروس لعدد محدود من الطلاب عن الطبخ وفن الاتيكيت تدرسه مدرسة لبنانية وشيف لبناني ,
أمس كانت هناك نتيجة للمتدربين ـ أعطت المدربة الطلاب درجة 2 من عشرة في فن الاتيكيت وزعلت منهم وقالت للطلاب عبارة شبيهه بـ ( فقعتوا مرارتي أو ماشابهها ) وزعلوا الطلاب من أيه ؟ لا أدري .
الدروس كلها كانت تدريب كيف تمسك الشوكة والسكين وكيف تضعها على التربيرة للزبون وكيف تمسك الكاس من نصفه او من فمه ( وهذا خطأ يقع في السودانيين كثييرا .)
وغيرها من الدروس ,
المهم جمعتنا سقطوا ـ في الدرس وفي غيرها .

ود العوتيب ... السلام عليكم ورحمة الله وبركاته ... وكل عام وانتم بخير
الآن بشاهد في قناة النيل الأزرق .... يمكن إعادة للحلقة..... والجماعة مهمومين بعد النتيجة 2 من 10
والله محن .....نحن مالنا ومال الأكل بالشوكة والسكين .....
اها الليلة قالت ليهم ... انتو حتجيبوا لي جلطة ...هاهاها.
لكن يمكن نعذرهم ...... لأنوا شكلهم ..طلاب فندقة
رد مع اقتباس
  #8  
قديم 08-31-2009, 07:21 AM
عصام سرالختم عصام سرالختم غير متواجد حالياً
Administrator
 
تاريخ التسجيل: Sep 2007
المشاركات: 9,470
افتراضي

تعرف يا واصل وانا اتصفح فى جريدة الراية القطرية صباح اليوم طالعت خبر عن فن الاتيكيت فى - بعض الدول العربية - وعلى سبيل المثال فى السعودية يقول الخبر :
لبنانى قدم لتوه من لبنان للعمل باحد محلات الحلويات الشهيرة بجدة ، دخل سعودى ومعه زوجته وطفلتهما ( 4 سنوات ) لإختيار طبق حلوى . فوجئ الزوج بأن اللبنانى يقدم لزوجته قطعة بقلاوة مبتسما فيما وقفت الزوجة دون ردة فعل باغت الزوج اللبنانى المبتسم بضربة خطافية أسقطته أرضا ثم اخذ طبق حلويات من المحل وألقاه على وجه اللبنانى .. وخرج دون ان يدفع ثمن طبق الحلوى الملقى على وجه اللبنانى
قال اتيكيت قال
رد مع اقتباس
  #9  
قديم 08-31-2009, 12:20 PM
الصورة الرمزية واصل هاشم
واصل هاشم واصل هاشم غير متواجد حالياً
Senior Member
 
تاريخ التسجيل: Apr 2008
المشاركات: 2,409
افتراضي

السادة المتداخلين تحية واحترام
معليش فتحت الموضوع وانشغلت عنو
عزيزي الكسلاوي اشكرك علي الاطراء بعد شوية بصدق وبغلي السعر وبرفع القزاز
اما موضوع الاتكيت والذوق ففعلا الموضوع داير اعادة نظر واعادة فهم

استاذي العزيز عبد العظيم عرفات بالفعل مثل هذه الممارسات السخيفة التي تسيء لشعب ووطن بحاله

استاذي ود العوتيب شوكة شنو الدايرين يتعلمو ياكلو بيها كدي في الاول اليعرفو التعامل الراقي والذوق

عزيزي ود حمزة والله الكويس وقفت علي المسمار ما قالو ليك بيتفو التمباك في السلم

عزيزي المهندس عناني نحن في قاموسنا كلمات الذوق دي ما بيقولها راجل ملء هدومو وبنشوفها زي العيب كدا


الخال عصام نحن والسعوديين الحال من بعضو

الله يصلح الحال

رد مع اقتباس
  #10  
قديم 09-01-2009, 12:35 PM
عبد الجليل وداعه سيدأحمد عبد الجليل وداعه سيدأحمد غير متواجد حالياً
Senior Member
 
تاريخ التسجيل: Sep 2007
الدولة: السعودية
المشاركات: 1,487
افتراضي

ونحن نواصل ياواصل المداخلات في فن الاتيكيت تذكرت هذه الحادثة ،
حكي لي صديق ( أنه عندما زار لندن في أحد المرات وبرفقته عائلته وفي ميدان الطرف الاغر المعروف تقدم نحو كشك لبيع المشروبات الغازية تعمل به فتاة فقال لها ( Five Pepsi ) فلم تلبي الفتاة طلبه وأتي بعده عدد من الزبائن وهي لا تعيره انتباها ـ فهاج وماج فيها ليه أنا ما عاجبك ؟
قالت له قول لي ( Five Pepsi Please ) يعني عدم تقديمة لكلمة ( Please ) أخرته لدقائق ثم رفعت ضغطه ثم أعطته درسا في الاتيكيت .
رد مع اقتباس
  #11  
قديم 09-02-2009, 11:36 AM
عنانى عنانى غير متواجد حالياً
Senior Member
 
تاريخ التسجيل: Jul 2009
المشاركات: 227
افتراضي

ارجعلك يا واصل واحكيلك محنا مع الاتيكيت والذوق العام وبعدنا الشديد من كل ذلك ...
السنة الماضية ذهبت الى القاهرة ...
وانتهزت الفرصة لمعاودة الاطباء بغرض المراجعات الدورية ...
وهذه يمكن ان تكون غريبة من سودانى يذهب للطبيب بغرض المراجعه ... دخلت الى صيدلية لشراء بعض الادوية وكانت مزدحمة ...
وقفت منتظر الى ان يحين دورى ...
وافاجأ بالصيدلى يترك مكانه خلف البنك ويحضر لى شخصيا....
وينرك كل الزبائن امامه
قائلا
زعلان ليه يا بيه ...
لازم تيجى وتاخد حاجتك ابل كل الناس دى ...
هسع انا زعلان ؟
قلت لها له وبغضب وبصوت عالى مع صرة للوجه ...
باعتبار ان هذا المصرى استفزانى بدون سبب ...
وبس لمان شاف وشى المكضرم دا افتكرنى زعلان ...
وهاك يا تحانيس من اخوانا المصريين وانا داير اشاكل ...
هو افتكرنى انا زعلان لمان شاف وشى ...
ودار يرضينى ...
وما عارف انو سخن لى دمى قدر شنو
رد مع اقتباس
  #12  
قديم 09-02-2009, 11:17 PM
الصورة الرمزية علياء
علياء علياء غير متواجد حالياً
Senior Member
 
تاريخ التسجيل: Jun 2009
الدولة: الخرطوم
المشاركات: 420
إرسال رسالة عبر مراسل MSN إلى علياء إرسال رسالة عبر مراسل Yahoo إلى علياء
افتراضي

واصل..
أسعد الله ايامك..ورمضان كريم

أسع في داعي تدخلنا في الحتة الضيقة دي !!!
لو كان على نصيب السودانين من فن الاتكيت فالحمد لله زي ما انت شايف ما عندنا منو التكتح...(عجبتني التكتح دي) الا من رحم ربي.

فن التعامل بيعتمد بشكل رئيسي علي درجة شفافية المرء ومراعاته للآخرين لأنو بينبع من داخل الإنسان وما ممكن تفرضو علي الإطلاق مهما كانت في قواعد بتحكمه.

ذكرتي بي موقف مر بي قبل كم سنة..
كنت راكبه في الحافلة ولما وصلت محطتي اشرت للكمساري وقلت ليه" لو سمحت" انا نازلة المحطة الجاية...
وعينك ما تشوف الا النور ...سمعت لي حلات موشح في" لو سمحت" دي لمن نزلت من الحافلة...ويمكن يكون العرض استمرا بي وراي لما وصلت البيت..
بس تخيل.. الكمساري قال لي:
كيييييييييييييييييييييف تقولي لي لو سمحت .. انت لو نازله قولي لي اقيف لي هنا وبس
وما في داعي لي لو سمحت دي وووووووو...انا تقولي لي لو سمحت!!!

بالله الولد شككني في نفسي وقعد افكر ياربي انا قلت شنو ؟؟؟ياربي اكون شتمتو وانا ما عارفة!!!

بالله شوف ...قال اية البت عاملة فيها ظريفة وعندها ذوق ...انا عارفه اني غلطانة وعشان كدي ما كررتها تاني"لكل مقام مقال"
والله يصلح الحال
__________________
ما رحلوا لـنبقى .. هم سبقونا فقط .

اللهُم إن رحمتك وسعت كل شيء فارحمه رحمة تطمئن بها نفسه وتقر بها عينه
رد مع اقتباس
  #13  
قديم 09-03-2009, 07:17 AM
عصام سرالختم عصام سرالختم غير متواجد حالياً
Administrator
 
تاريخ التسجيل: Sep 2007
المشاركات: 9,470
افتراضي

اقتباس:
المشاركة الأصلية كتبت بواسطة ودالعوتيب مشاهدة المشاركة

قالت له قول لي ( five pepsi please ) يعني عدم تقديمة لكلمة ( please ) أخرته لدقائق ثم رفعت ضغطه ثم أعطته درسا في الاتيكيت .

اقتباس:
المشاركة الأصلية كتبت بواسطة علياء مشاهدة المشاركة

بس تخيل.. الكمساري قال لي:
كيييييييييييييييييييييف تقولي لي لو سمحت .. انت لو نازله قولي لي اقيف لي هنا وبس
وما في داعي لي لو سمحت دي وووووووو...انا تقولي لي لو سمحت!!!



للمقارنة ..... !!!!!!
وشوف الفرق يا واصل
رد مع اقتباس
  #14  
قديم 09-04-2009, 08:06 AM
الصورة الرمزية واصل هاشم
واصل هاشم واصل هاشم غير متواجد حالياً
Senior Member
 
تاريخ التسجيل: Apr 2008
المشاركات: 2,409
افتراضي

شكلي انا زاتي وقعت في الحظور وبقي ما عندي ذوق لانو ما من الذوق انك تفتح موضوع وتسيبو ما تجي ترد وتناقش
بس عاد نعمل شنو مع الزحمة دي فيا جماعة لكم الشكر علي عصر الفراش دا وكت سيد البيت كان غايب وكتر خيركم وجبر الله كسرنا جميعا في مصابنا الجلل الذوق والاتكيت

رد مع اقتباس
  #15  
قديم 09-04-2009, 08:17 AM
الصورة الرمزية واصل هاشم
واصل هاشم واصل هاشم غير متواجد حالياً
Senior Member
 
تاريخ التسجيل: Apr 2008
المشاركات: 2,409
افتراضي

اقتباس:
المشاركة الأصلية كتبت بواسطة ودالعوتيب مشاهدة المشاركة
ونحن نواصل ياواصل المداخلات في فن الاتيكيت تذكرت هذه الحادثة ،
حكي لي صديق ( أنه عندما زار لندن في أحد المرات وبرفقته عائلته وفي ميدان الطرف الاغر المعروف تقدم نحو كشك لبيع المشروبات الغازية تعمل به فتاة فقال لها ( Five Pepsi ) فلم تلبي الفتاة طلبه وأتي بعده عدد من الزبائن وهي لا تعيره انتباها ـ فهاج وماج فيها ليه أنا ما عاجبك ؟
قالت له قول لي ( Five Pepsi Please ) يعني عدم تقديمة لكلمة ( Please ) أخرته لدقائق ثم رفعت ضغطه ثم أعطته درسا في الاتيكيت .

ومواصلةً لنفس مداخلتك استاذي العزيزي ود العوتيب انا اول ما جيت هنا في كلمة باللغة الهولندية كانت طوااااالي محل ما امشي بسمعها هي alstublieft وتنطق اشتوبليفت وهي بتقال لو واحد داير يرجع ليك باقي داير يديك تذكرة بص ولا قطر داير يديك كباية شاي ولا قهوة يعني بالعربي ممكن تكون ترجمتها اتفضل او لو سمحت اها بالله الناس ديل هنا يستحييييل ما يقولها ليك ولو انت قدمت لي واحد قروش مثلا في متجر بيقول ليك dank u او bedankt واول ايام ما كنت عارف استعمل ياتا وين والتانية وين
وازيدك من الشعر بيت شوف حكاية الالتزام بالصفوف الناس ديل بيقدسو الصفوف دي عديييييل ومهما كان الواحد عيان ولا تعبان يستحيل يتخطي الصف ياخي انا مرة كنت في مؤتمر في اسكتلندا وفيهو ناس بروفيسورات كبار في العمر والمقام اها وقت الغداء وقفنا صف عشان نمر علي البوفيه وراي كان في بروفيسور يكون عمرو تمنين سنة اها لمن قلت ليهو اتفضل خش قدامي والله الزول دا زعل جنس زعل وبي كل تهذيب اداني درس في احترام الصف وانو ما عشان هو كبير في السن يخرب النظام
شوف بالله الفرق بينا وبينهم

رد مع اقتباس
إضافة رد

« الموضوع السابق | الموضوع التالي »
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:54 AM.

زوار البركل من تاريخ 2011/7/11
free counters
التصميم والدعم الفني


Design By: Miner Skinz.com
Powered by vBulletin® Version 3.8.1, Copyright ©2000 - 2014, Jelsoft Enterprises Ltd. TranZ By Almuhajir