العودة   موقع البركل > منتديات البركل > الآداب والفنون > منتدى الشعر
التعليمـــات المجموعات الإجتماعية التقويم البحث مشاركات اليوم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #1  
قديم 04-22-2009, 04:15 PM
الصورة الرمزية عمرعبدالعزيزالحسن
عمرعبدالعزيزالحسن عمرعبدالعزيزالحسن غير متواجد حالياً
Senior Member
 
تاريخ التسجيل: Feb 2009
المشاركات: 616
إرسال رسالة عبر مراسل AIM إلى عمرعبدالعزيزالحسن
افتراضي مجموعه قصائد الشاعر حميد

بين الموجه والخزان حلم أنسان

هردت لهاتى بالغنوات
وقت يبرد حشاك يمى
من التعب البلا صالح
تفيقى تروقى تنجمى
تسوى مكانسك
المطرة تضوى البيت وتنحمى
تمرقى صبوحه للجيران
قدح فوق ايد وفى ايد المى
يلاقوك شفع الكتاب نضاف وظراف
ويغنولك غناوى الساب
وفى بيوضه مافى سراب
جبال كجبى وفيافى الكاب
تميد بالخضرة منقسمى
ولا آبار ولا هو سحاب
وتنهجمى من الدهشه تحاحيهن
غناكن نى غناكن نى
غنا الوهمى
ويهتفوا زى كلاب الحى
على الاغراب حوافى الصى
وبيوضه البراسيم فيها مفروضه
شوف عينى على الابواب
قماريها وحواريها وطواريها
بقت روضه بقت تشرب من الحامداب
تشربى عافى من ايدى
تدوى أيويا بى حشمه تسوى السى
وتبتسمى
تشوفى رهاب بعد نجمى
وأشوفو قريب قرب نضمى
أشوف العالم التحتانى
هيلا هوب وقف ناهض
ودك عمايد الفوقانى
جوة الجب رمى العارض
وفى السابو الدمارافراق عريق الحب
نبض قابض متل قبض الحروف فى اسمى
غناوينا القبيل رقراق
علينا تصب برد قارض
ألك طيناتا من دمى
وأرمله
من عصب عشاق
أنط تلب
ةأجيك عارض وأجر نمى
أدودى لهاتى بالغنوات
عقب يبرد حشاك ياامى
تسوى السى وتبتسمى
تسمى الله وتعتصمىبحبل القدرة
تتفرق ظلمه فيها نتحرق
صرمه قالوا ليك قسمى
أدودى لهاتى بالغنوات
عقب يبرد حشاك ياامى
وتقلبى اللكمه بى الكلمى
ضراعك يرمى مايدمى
تقيفى بعيد عن الشمات
تكونى أقرب لى من أسمى
واضمك بارتياح ياامى
أحبك صاح وصاح حلمى
ولاكى سعيه للضباح
ولاشمش الصباح حزمى
ولا كتف السلاح سواح
ةلا فى الخريف تبقى
ولا الفيضان يبضع بك
ولافى القيفه تنهدمى
ولا ان جات حارة تنهزمى
ولايغشى الغلب قلبك
فياحزن البلد عووووك كر
وياسعد
ضر
ضر
مع النسمى
وألو قيمه العمل عمى
وأفتحى ظلمتك للضى
سنى على النضال ايدى
سوكى بالهتاف فمى
شوارعك لى دويها
اذا ما آخر العلاج الكى
مراويدك حمر صمى
ياامى بليلتى ولا ضبايح طى
قليلتى ولاكتر سمى
وطنى ولا ملى بطنى
سكاتى ولا الكلام النى
سلام ياامى
سلام ياامى
سلام لاهكمى ولادكمى
رد مع اقتباس
  #2  
قديم 04-23-2009, 06:22 AM
الصورة الرمزية عمرعبدالعزيزالحسن
عمرعبدالعزيزالحسن عمرعبدالعزيزالحسن غير متواجد حالياً
Senior Member
 
تاريخ التسجيل: Feb 2009
المشاركات: 616
إرسال رسالة عبر مراسل AIM إلى عمرعبدالعزيزالحسن
افتراضي

آه ياغبش

آة ياغبش ماعندى ليكم غير نغيم
برجوة ينفض لى غبار زمن القسا الكتاح
يهز عرجون نخل صبر الغلابه الطال
يحت يخرت تباريح الأسى المدودة
فوق نور الدغش
يانورا آة يحرد كنائسنا المسيح
يعرش مدارسنا الصدأ
يييبس يباس حلق العصافير الوديعه من البكاء
يندردر الصوت للبعيد
أسيان يصد من دون صدى
ينكفرن الفجر الصبوح
يحمى الزهيرات الندى
تختا الدراويش الضريح
تسكن خلاوينا الجنون
يهجر جوامعنا الاله
يانورا آة
تطرح غيوم الشوق
تئن تشرق
تموت خيل كلمه الحق
تراها ياضيا القمرا القبالى
شوكه الظلم الخيالى
عسمت فوقنا الليالى
خبى فسراعك تعالى
المروق
والاغنيات
اللى الشروق
والارض
والحب
والمطر تضهب تتوة
وقتين يضيع عرق الجباة الشم
شمار فى مرقه
آة يانورا آة
من دربك التور نفس خيل الصبر
فتر خطاوى الشوق وراة
يانورا آة
آة
ساعه الشموس الغر تهضلم فى المغارب
تذفر الضو الكهارب
فى وشيك تدفر المدن
الضبابيه
السرابيه
الكآبه وحائط التيه والطشاشات فوق قفيك
ياأم عوارض
وياأم عوارض
مو دعاشه ماها شبورة وتقيف
جايى ليك يانورا غيمه
تملا ماعونك خريف
يملا عينيكى ويفضل
العطاشه مو دعاشه
يامطر عز الحريق
يامصابيح الطريق
ياالمراكبيه البتجبد من فك الموج الغريق
جينا ليك والشوق دفرنا
ياالمراسى النتحويبا لما ينشوعت بحرنا
ياجزرنا وقيف عمرنا
يانشوغ روحنا ودمرنا
ياالمحطات الحنينه
القصرت مشوار سفرنا
ويا ماشايلك بينى حايم
أيوة شايلك بينى حايم
فى الارض تكوين قضيه
فى السماء الاحمر غمايم
بى برد نغما السلامى
رطبت حلق الحمائم
طنبر النخل
التبلدى راقص الابنوس
وصفق
سوت الصقريه موجه
خلت النيل هاجلو هوجه
بشرت بالخير بلدنا
شالت الشبال نسائم
جددت زلفى القديم
أمشى بالماشيبو أقاوم
لا بتكبر راسى فورة
لاب تصغرنى الهزائم
جنسى يانورا ابن آدم
حلمو فى عالم مسالم
لاالليالى الماهاليا
ولا الشماتات العلى
لا البنوك المخمليه
لاتفاهات الحضارة
لا عفاريت المدينه
لا العمارات السوامق
فوق ضهر ناسا فقارى
لا الهتاف الفاوة
ضارى غطى بالى من الفوارق
لا الالوهه الطوطميه
لا البرندات الوسيمه
ولا الاسامى الأجنبيه
بتمحى من عينى ملامحك
وأنتى جايه المغربيه
دايشى داقسى المغربيه
وشك المكبوت مكندك
سامسونايتك زمزميه
كون شبر
مرزبه
مقطع
ريشه
فانوسآ مدردح
قلت بيهن لى زمانك
يازمان الحاجه عندك
يازمان الآفه حدك
لاتطأ الوردة الصبيه
يانفس فجر القصائديابلادى
القطع قلب الروادى
باللواجه الجاى وغادى
دة ماهو صوتك
لاها صورتك
دى البترقش
نادى فوق صدر الجرايد
ماها صورتك
لاهو صوتك
لاها صورتك
انتى ياالفطن الصحارى
شفع العرب الفتارى
البفنو الشايله ايدن
ويجروا كابسين القطارة
يجرو بارين القطارة
ولا سراب الصحراء مويه
لاحجار سلوم موائد
انتى فى الغابه
اليص2ارع جوفو للآهات تلكى
ياما دفق غيم رجاهو
لكن الايام كركى
فى خلا حالنا اليمحن
ويملا بالسهد الوسائد
انتى غيمه
شديرة
خيمه
انتى جاهنا
والتقا الطلقت وشينا
فرقت غمه جباهنا
فرجت فى الحارة ضيقنا
فرحت شفع فريقنا
والمواعين الحزينه
يااتجاهنا
ياالنغيم البق فينا
وشد لى وتر انتباهنا
ياتباشير
يابشارة
انتى ياضرعآ يكرمش
شان يرضعنى الجسارة
انتى فى منفاى رفيقه
وفى حشا الاشواق حرارة
ياهدى الناس الحيارى
ياندى الفجر اليبلل
صور عوينات الفقارى
جاى ليك
آى جايى ليك
وجايليك يانورا
آفه
آفه للسوس الجا ينقر
عود عشيمآ داخرو فيكى
واصلى لمن ادور أجيكى بجيكى
لا بتعجزنى المسافه
لا يقيف بيناتنا عارض
لا الظروف تمسك فى ايدى
ولامن الايام مخافه
يانفس فجر القصائد
ماضهب فى بعدى عنك
واصلى متغرب عشانك
راضى بالبيجينى منك
مابكيت شح الليالى
لا شكيت
نح
شلتو حالى
رغم انو الحال بيفسخ
ورغم انو الحالبيفسخ
الا كت فى الحارة بصرخ
ياوطن عند الشدائد
ياوطن عز الشدائد
ياوطن
رد مع اقتباس
  #3  
قديم 04-23-2009, 07:54 AM
الصورة الرمزية عمرعبدالعزيزالحسن
عمرعبدالعزيزالحسن عمرعبدالعزيزالحسن غير متواجد حالياً
Senior Member
 
تاريخ التسجيل: Feb 2009
المشاركات: 616
إرسال رسالة عبر مراسل AIM إلى عمرعبدالعزيزالحسن
افتراضي

جيه الشليل

شوك الشوق
لى الشوفه
آخى
ضارب فطن النسج
الحى
يامنقاشو
أحزانى انشرت
وادى الفرح
اتمددصى
ياراحلين
عن دغش الليل
مالاقيتو جنايآ
زى
تكيه نخل الفجر الجاسر
فوق فى المترة عراجين ضى
يارعاوة
آ العرب الرحل
ما لاقاكم
فى المطرانى
فى كاويق الجرف
الأمحل
بين اسراب الرهو الراحل
ساند أكتاف الليل الميل
عند ساساق الغيمه عليكم
بين رقراق الخيمه معاكم
ما أديتوهو شوى بى حرجل
آ رطانه
الليل أن ليل
مالاقاكم فى ونساتكم
بين الشادى وبين كاساتكم
فى صلواتكم
عند دعواتكم او دقساتكم
عز خلواتكم
زول زول الله
آب يسأل الهباد
لى غلب أخواتو
الفراح عوان الحلى
الفدار لليل ظلماتو
آ نجمات شقيش قولنلى
مالاقاك طالع مندلى
المطعوم من طيبه أماتو
كالفجاج الند نباتو
موج البحر الأحمر هوجتو
وعرق العرق اللاوى ثباتو
جانا الشجر الأخدر منو
ونار الشدر الأخدر جاتو
راح شقيش أب قولا واحد
وليش مايرجع من غرباتو
طول طول ماطل علينا
وقاطع مننا جواباتو
الغابات جات تنشد منو
العربان راجين جياتو
أديناهم علقو وعرقو
وصورتو يقلب فى كتباتو
ضل رشاشو ركيزة زولو
ساعات سلمو ويوم حوباتو
سن طوريتو ولون أبرولو
وحس طنبورو البى نغماتو
لهلب عشق الناس الفقرا
وبرد جوفن بى غنواتو
الدخلت فينا تمرق
جينا على جلاتو
وجيدآ جينا
طلقنا وشينا ووش أطفالنا
الليله حلاتو غنى معانا
غنانا هويتو
غنى العالم غنى
حياتو لاساومنا عليها قضيتو
ولافكينا من ايدنا وصاتو
ألف شليل يانورا يفوتو
شان مايجيكى شليلك ذاتو
ولما يجيلك شليلك ذاتو
رد مع اقتباس
إضافة رد

« الموضوع السابق | الموضوع التالي »
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:25 AM.

زوار البركل من تاريخ 2011/7/11
free counters
التصميم والدعم الفني


Design By: Miner Skinz.com
Powered by vBulletin® Version 3.8.1, Copyright ©2000 - 2014, Jelsoft Enterprises Ltd. TranZ By Almuhajir