ميثاق ولائحة الموقع !!! مجلس الإدارة


العودة   موقع البركل > منتديات البركل > الـمنتدى العــــام
التعليمـــات المجموعات الإجتماعية التقويم البحث مشاركات اليوم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #46  
قديم 02-15-2009, 11:56 AM
السر احمد خليفه السر احمد خليفه غير متواجد حالياً
Senior Member
 
تاريخ التسجيل: Sep 2007
المشاركات: 1,221
افتراضي

صلاح نصر
ايوه كده زي ما قالوا اخوانك ضمره وعمر مجذوب
بس طبعا ياصلاح لا عمر لا ضمره ماهن عارفين فايتاهن دي مني؟؟؟؟؟؟؟؟؟؟؟؟؟؟؟؟؟
صلاح القصيده البيقو ل فيها محمد العبيد
يحتحت ريشو فوق ناس اللمامه
للجميع تحياتي
رد مع اقتباس
  #47  
قديم 02-15-2009, 12:45 PM
ضمره بغدادى ضمره بغدادى غير متواجد حالياً
Senior Member
 
تاريخ التسجيل: Sep 2007
المشاركات: 12,235
افتراضي

اقتباس:
المشاركة الأصلية كتبت بواسطة السر احمد خليفه مشاهدة المشاركة
صلاح نصر
ايوه كده زي ما قالوا اخوانك ضمره وعمر مجذوب
بس طبعا ياصلاح لا عمر لا ضمره ماهن عارفين فايتاهن دي مني؟؟؟؟؟؟؟؟؟؟؟؟؟؟؟؟؟
صلاح القصيده البيقو ل فيها محمد العبيد
يحتحت ريشو فوق ناس اللمامه
للجميع تحياتي
السر
:D:D:D:D
والله ضحكتنى انا اعرفه ليك لاقعيراته ..... اسكت خلها فى سرك بس .:D
__________________
رد مع اقتباس
  #48  
قديم 02-15-2009, 08:13 PM
صلاح عثمان صلاح صلاح عثمان صلاح غير متواجد حالياً
Senior Member
 
تاريخ التسجيل: Sep 2007
الدولة: مكة المكرمة
المشاركات: 1,448
إرسال رسالة عبر مراسل ICQ إلى صلاح عثمان صلاح إرسال رسالة عبر مراسل AIM إلى صلاح عثمان صلاح
افتراضي ................

الاخوان الاعزاء:
الشاعر ود العبيد شكل ثنائية جميلة مع الفنان كباشى جعفر..حيث تغنى له كباشى (ود الضعاف)ببعض الاشعار
لازلت اذكر الشاعر ود العبيد سائق الفورد كى...حكى لى والدى انه فى اواخر الثمانينات كان يركب مع ود العبيد وعندما وصل الى حلتنا اعطاه ولكن حسب التسعيرة وليس حسب العرف السائد فما كان من ود العبيد الا ان قال له: يا عثمان صلاح لو ما دفعت حق التذكرة كاملا لاقولن فيك قصيدة ذم يتحدث بها الركبان فما كان من والدى الا ان دفعها كاملة
رد مع اقتباس
  #49  
قديم 02-16-2009, 09:05 PM
الصورة الرمزية صلاح نصر ادم
صلاح نصر ادم صلاح نصر ادم غير متواجد حالياً
Senior Member
 
تاريخ التسجيل: Nov 2008
المشاركات: 663
افتراضي

أخوتي ,, مساكم الله بالخير ..
أخوي السر اذا سمحت لي , أقدم تعريف مختصر عن شاعرنا ود العبيد ...

للذين لايعرفون الشاعر ود العبيد ..هو محمد العبيد ذلك الشاعر خفيف الظل , سريع البديهه , سلس الأ سلوب , يضع كل كلمة مكانها , وكل حرف في كلمته , بأسلوب ما قل و دل ,, و السهل الممتع ,
نشأته نشأة أي شاعر يلقي به القدر وسط الجناين والنخيل وحنية أهلنا الشايقية , والجبال وأرث الفراعنة .. وقد كان متفوقا في دراسته , ولكن فرص التعليم في ذلك الوقت كانت لأربعين طالبا فقط يقبلون بمدرسة مروي الوسطي للمنطقة من أبوحمد جنوبا , وحتى دنقلا شمالا .. وللأسف الشديد لم يواصل تعليمه رغم أشادة الأساتذة به ..فقد كان الأول علي دفعته ,,لكن لكبر سنه حولوه ألي المدرسة الصناعية عطبرة ..
ومن أشعاره , أن تغني للتاريخ , في قصيدته جبل البركل , الذي يمثل تاريخ المنطقة ,,ويمقت التخلف ,ويحلم بالكباري والمستشفيات المتطورة , ويحلم بتشغيل سد مروي حتي يعيد للمنطقة هيبتها وتاريخها وحضارتها من جديد .















جبل البركل

تقيف شاهد علي الحاصل علينا
وشقيش فات جنانا تكوسه لينا
متين تبداها يا الزهيب تجينا
ومصانعك يطرب ام الخير رطينها
عشان الفرحة تظهر فوق وشينا
وعشان الشردة يا جنياتنا شينه
وعشان سد مروي يبدا رسالته بينا
ويعود لي نبته تاني صهيل حصينها
علي الشريان تقيف عشرين مدينه
ونكون أم الفقر قدينا عينها
ولك مودتي أخوي السر ...وراجعلك تاني..
رد مع اقتباس
  #50  
قديم 02-17-2009, 11:10 AM
السر احمد خليفه السر احمد خليفه غير متواجد حالياً
Senior Member
 
تاريخ التسجيل: Sep 2007
المشاركات: 1,221
افتراضي

اقتباس:
المشاركة الأصلية كتبت بواسطة ضمره بغدادى مشاهدة المشاركة
السر
:D:D:D:D
والله ضحكتنى انا اعرفه ليك لاقعيراته ..... اسكت خلها فى سرك بس .:D
انت تتنجازا ايابا-كما كانت تقول حبوبتك- انت اصلو مابيفوت عليك شي
انا عارفك لكن اخيك داك-عمر- والله ماتستبعد
يكون .....ا نتو كنتو ساكنين اندنا والله الخبر تجيبه الهبوب
رد مع اقتباس
  #51  
قديم 02-17-2009, 11:16 AM
السر احمد خليفه السر احمد خليفه غير متواجد حالياً
Senior Member
 
تاريخ التسجيل: Sep 2007
المشاركات: 1,221
افتراضي

اقتباس:
المشاركة الأصلية كتبت بواسطة صلاح عثمان صلاح مشاهدة المشاركة
الاخوان الاعزاء:
الشاعر ود العبيد شكل ثنائية جميلة مع الفنان كباشى جعفر..حيث تغنى له كباشى (ود الضعاف)ببعض الاشعار
لازلت اذكر الشاعر ود العبيد سائق الفورد كى...حكى لى والدى انه فى اواخر الثمانينات كان يركب مع ود العبيد وعندما وصل الى حلتنا اعطاه ولكن حسب التسعيرة وليس حسب العرف السائد فما كان من ود العبيد الا ان قال له: يا عثمان صلاح لو ما دفعت حق التذكرة كاملا لاقولن فيك قصيدة ذم يتحدث بها الركبان فما كان من والدى الا ان دفعها كاملة
اخي صلاح
مصداقا لكلامك الحمد لله الدفعلو والا كانت قصيده في عثمان صلاح
تتناقلها الاجيال عشان كدي ما تطرقنا للهجاء في اشعاره ..شعر الهجاء لا يمكن
تناقله في المنتديات درا للفتن النائمه لكن اجمل قصائده الطريفه وقصائد المزاح
وسنزودكم بما نعرف لك شكري وتقديري
رد مع اقتباس
  #52  
قديم 02-24-2009, 10:49 PM
الصورة الرمزية صلاح نصر ادم
صلاح نصر ادم صلاح نصر ادم غير متواجد حالياً
Senior Member
 
تاريخ التسجيل: Nov 2008
المشاركات: 663
افتراضي

السلام جاكم ,, ومساكم الله بالخير ..ان الذكري ناقوس يدق في عالم النسيان ..

(وحليل ايام زمان وكت الزمن زين)






حليل الملين


الريال واب خمسي واب قرشين حليلن
عليهن نبكي والدمعات يسيلن
قبيل كانن يقلدن فوق عديلن
مع التعريفي و المليني جيلن
قبيل ليهن حساب و الشورة هيلن
مبروكات و ربي مقوي حيلن
يمشن في ملقة العيش يكيلن
يجيبن تور و بقرة و بي عجيلن

ايام زمان


حيل اليام زمان وكت الزمن زين
وحليل ايام زمان والناس حنينين
ايام نحن دابنا صغار بطينين
شايلين النبل فوق طيرنا جارين
كنا لا بنعرف جروره و لا سداد دين
و لا بنعرف عشانا يجيبو من وين
...


ولكم مودتي..
رد مع اقتباس
  #53  
قديم 02-25-2009, 11:46 AM
السر احمد خليفه السر احمد خليفه غير متواجد حالياً
Senior Member
 
تاريخ التسجيل: Sep 2007
المشاركات: 1,221
افتراضي

اقتباس:
المشاركة الأصلية كتبت بواسطة صلاح نصر ادم مشاهدة المشاركة
السلام جاكم ,, ومساكم الله بالخير ..ان الذكري ناقوس يدق في عالم النسيان ..

(وحليل ايام زمان وكت الزمن زين)






حليل الملين


الريال واب خمسي واب قرشين حليلن
عليهن نبكي والدمعات يسيلن
قبيل كانن يقلدن فوق عديلن
مع التعريفي و المليني جيلن
قبيل ليهن حساب و الشورة هيلن
مبروكات و ربي مقوي حيلن
يمشن في ملقة العيش يكيلن
يجيبن تور و بقرة و بي عجيلن

ايام زمان


حيل اليام زمان وكت الزمن زين
وحليل ايام زمان والناس حنينين
ايام نحن دابنا صغار بطينين
شايلين النبل فوق طيرنا جارين
كنا لا بنعرف جروره و لا سداد دين
و لا بنعرف عشانا يجيبو من وين
...


ولكم مودتي..
اخوي صلاح
بارك الله فيك علي هذه المشاركه وكلام زي ده والله طولت منو
لكن يا اخوان الشاعر محمد العبيد قال الكلام ده في السبعينات نهايتها
حايقول شنو الايام دي عن المليار وجاي الترليون كمان صلاح وين تمامة القصيده
رد مع اقتباس
  #54  
قديم 02-25-2009, 12:12 PM
عمر مجذوب خطيب عمر مجذوب خطيب غير متواجد حالياً
Senior Member
 
تاريخ التسجيل: Sep 2007
المشاركات: 5,616
افتراضي

كان ود العبيد لا يكف عن الونسة والضحك مع الركاب فضلا عن مشاغلته المستمرة لكثير من رواد الشارع بين كريمة ومروي - وقد لاحظ كثرة جلوس المرحوم جيب الله مرمي وصديقه المرحوم احمد نعمان امام بيت الاول في العاشاب - كان يجلسان صباح مساء -يتبعان الظل ولا يغادران الشارع الا للفطور والقيلولة - وفي كل مرة كان على ود العبيد ان يلقي عليهما التحية ويشاغلهما كلما عنى له ذلك - وذات مرة اوقف الفورد كي واخرج راسه من النافذة وانشد:

يا جيب الله يا ود نعمان ---------- فترنا من قول السلام
يا جيب الله يا البـــــوم ----------- والعجين ان كرو بيقوم
ما معناه انكما تجلسان في الشارع لساعات تكفي لتخمير العجين وما ادراك ما قومة العجين
رد مع اقتباس
  #55  
قديم 03-01-2009, 10:07 PM
الصورة الرمزية صلاح نصر ادم
صلاح نصر ادم صلاح نصر ادم غير متواجد حالياً
Senior Member
 
تاريخ التسجيل: Nov 2008
المشاركات: 663
افتراضي

هوي اللاجوة ,,مساكم الله بالخير ..
هاكم النصيحة الغالية دي , من شاعرنا الغالي ود العبيد




البت و المراهقة

البت ان فكرت للعرس
مابيخش في رأسها الدرس
يبقي همها كله االعريس
وهمها التسريح و اللبس
يعني أمها لازم تحس
و ان رختلها تتبع ابليس
وتكسر القييد ما بتتحرس

أوعو الغفلة

البت من تقولك مارقي أزاكر
تقوم تمرق و تعقبها تاني باكر
تلقي البيت بلا شباك تزاكر
وده البخلي الجاز يكب فوق السكاك



ولكم مودتي....
رد مع اقتباس
  #56  
قديم 07-11-2010, 01:08 PM
أحمد سليمان طه أحمد سليمان طه غير متواجد حالياً
Super Moderator
 
تاريخ التسجيل: Jul 2009
المشاركات: 4,759
افتراضي


عثرت علي هذا البوست الجميل مصادفة بعد أن (اتهكر)في الصفحات الخلفية ! و لم أكن قد اطلعت عليه من قبل ،
الشاعر محمد العبيد سيداحمد ، و الحق يقال، أحد أبرع شعراء المنطقة على الإطلاق ، و هو ممن تشرُف بهم مروي شرق ، و له إسهام كبير و مؤثر في أغنية الشايقية ،
أود أن أصحح معلومة وردت في بعض المداخلات ، و هي أن أغنية ( ثمارك باكلو ولاّ القسمة تمنع) هي للشاعر محمد العبيد ، و الصحيح أن هذه الأغنية للشاعر عبد الله كنّة ، و شادية المذكورة في الأغنية هي شادية طلسم ، شقيقة البلابل ، و كان عبدالله مفتونا بها ،، و له فيها أيضاً
أغنية ( مالا يا خلاّقا أوعى تكون مريضه .. انا بريدا يا الله شاديه حياتي في ايدا !)
أما (شادية) ود العبيد المشهورة فهي (شادية عين شر ما تصيدا ،، فوق بنيّتافوق وِليدا) ، و فيها يقول

جاتنا عايمي و تلّت ايدا ** وفي القلوب زادت رصيدا
شوفتو ليها الزول يريدا ** و يا مُحُمّد سَوْ قصيده

قول حلاة سكّر بغيدة ** فوق سمن بلدي و عصيده
قول لي جاتنا افراح جديده ** و تبقى من عارف اكيده

باين الرّوا فوق جريدا ** و بايني عافتا فوق جليدا
و بايني ست اخلاق حميده ** وفي الجمال يا الله زيدا

يا المراغنه انا زول عقيده ** و ريدتي لي اهل الله شديده
شاديه عين شر ما تصيده ** فوق بنيتا فوق وليدا!

دي الحيا الملياني ريده ** و يا الشباب ردد نشيدا
الضمير قاسم عِويدا ** و دار يقصّها نص نهيدا !

و من أغنيات محمد العبيد البديعة ( ضُمّه عجيبي فدّاعه) و قد نسيتها لطول العهد بها ، و قد تغنّى بها الفنان اليمني ، و عسى أن يسعفنا الأخوان السر أو ضمره أو صلاح نصر بأبياتها ،
أذكر منها ( حكومه مرتّبي اوضاعا و مأمني تحسين دفاعا ، مالكي قلوبنا بالطاعه ، مع شيلت ايدا و كراعا ) و فيها ( الشريفي تفِر فوقنا باعا و تقيف يا نبي الشفاعه !!)

و من أغنياته التي تأسرني بروعتها

يا السأل عني انا حالي كيف ،، شاهد الله انا سائل عليك
في الجواب اقرا سطر واقيف ،، واسأل المولى العافي ليك
مروي من عسوم لا الطريف ،، مافي زولا مو مشتهيك
داره تعمر و الصف يقيف ،، و مرّه مرّه الشبال يجيك

و من أروع المعاني فيها :

أحمِد الله و قول يا لطيف ،، ياخي قالدَ اهلك زين وبِكْ ( اَبِكْ ،، أي ابكي)
وانت في بلدك ماكا ضيف ،، وان نزل تقدل سيد مِلِكْ !!

تأملوا هذا الإبداع !!!

و تأملوا قوله :

العندو القرش الناس تعلي مقامو
حتى ان كان كضب ينصنّتولو كلامو
و الصايدو الفلس تتعكّس القِدّامو
تتواتا الكديسي محل يودّي حمامو !!!

التحية للأخ السر أحمد خليفة وهو يوثق لشاعر كبير من شعراء مروي شرق ، هو البقية الباقية من ذلك الجيل الذي نجد في شعره نكهة البلد و طعمها الأصيل

ِ
رد مع اقتباس
  #57  
قديم 07-11-2010, 02:33 PM
اسحاق عمر اسحاق عمر غير متواجد حالياً
Senior Member
 
تاريخ التسجيل: May 2009
الدولة: الرياض
المشاركات: 129
افتراضي سلام يا السر

اخى السر:
انا كمان جيت يا دوب من البلد.. تبركت هناك حضورا من عسوم للدوداب واكلت المدين وخوجلت فوق ساقتنا جنب الكبرى .. ابشرك طير الجنى الملون داك رجع ويمين بالله شفت الهدهد بعد الغياب الطويل.
المهم ذكرتنى اخونا ود العبيد و اود ان اضيف هنا اننى اعتقد بان له ديوان مطبوع .. واضافة لما ذكره الاخوان فان اكثر ما يميز شعر محمد العبيد المواكبة والتجديد و جرأته فى اختراح المفردات الجديدة ..ود العبيد نجح الى ابعد حد فى صياغة قضايا جديدة بنفس مفردات الشايقية القديمة البسيطة والمتدفقة حنية .. قابلته واخونا د. محمود طه فى موقف كريمة وسمعنا لاول مرة .. كريمى لو بتشوفها تحلف مو كريمى الخليتها ديك ... فرسم صورة كنت اراها مغرغة فى التفاؤل وهى اليوم واقع معاش ...لكن الشعراء يقولون ما لا يفعلون فقد ترك ود العبيد كريمى قبل ان يجف مداد دعوته:
نحمد الله سعاد شتى وصيف
الفقير هنى عايش ملك
و يا السر سلام
رد مع اقتباس
  #58  
قديم 07-11-2010, 02:52 PM
الصورة الرمزية العطا علي العطا
العطا علي العطا العطا علي العطا غير متواجد حالياً
Senior Member
 
تاريخ التسجيل: Jul 2008
الدولة: البركل
المشاركات: 2,548
افتراضي


الحبيب احمد سليمان
كنا فى الثمانينيات فى موقف مواصلات كريمة مروى عشنا ايام
جميلة مع ود العبيد فى مرة من المرات بعد ما شحن ود العبيد
الفوردكى ركاب .. العربية حلفت ماتدور قدر ما نلز فيها ونمشى ونجى
بجوار كشك اليمنى للبنشر واليمنى رحمة الله عليه واولاده انور
والتاج ومصطفى مشدوهين فى تفوير لستك والناس تقولهم ايدكن
معانا وهم ما جايبين خبر قلنا لود العبيد دقيقة خل اليمنى واولادو يدفروا
معانا قال سيبك منهن وقال
اليمنى زول ماعندو خوة
وانور ولدو عدمان المروة
وميت مصطفى ومافيهو قوة
والتاج يمرقا فى جده ويرجع هو هو
وكل العندو مكملة عند النور وضوه

رحم الله اليمنى
والله يطراهو بالخير محمد العبيد سيداحمد
يديكم الله العافية السر واحمد سلمان
رد مع اقتباس
  #59  
قديم 07-11-2010, 04:43 PM
المريود المريود غير متواجد حالياً
Junior Member
 
تاريخ التسجيل: Jul 2010
المشاركات: 2
افتراضي

السلام عليكم .. كلكم ..

ما احلى الكلام عن هذا الرمز الشايقي .. وكلامه الأصيل المعجون بطين الجروف .. وجريد التمر .. والمطيب برائحة البرسيم .. ولا يذكر محمد العبيد وإلا تتوارد على الخواطر تلك القصائد الرائعة .. التي يتجلى فيها دقة الوصف وحسن الرصف وقوة المعنى وعذوبة المفردة .. وتناغم كلماته مع اللحن .. وودت أن أساهم معكم بهذه القصيدة ..


يا حليلو الراسي يوم بابورو صفر .. رجف قلبي المجرح دم مقطر
في وصف البريدو بقيت محير .. قادر الله في خلقو المخير
أبدع صورتو جل الباري صور .. في حبو ابتليت أصبح مسير
مكحول العيون اللونو اسمر .. خدو السادة حالي لهيجو سكر
نظراتو السهام في الجوف بتنحر .. قصد لي هلاكنا مالو وقا وفينا حدر

قصيبنا الجا فايض نيلو هدر .. كشف قندولو بي خيراتو بشر
طلع تربالو فوق حاحايتو غفر .. يقدل تورو والتتق مشبر
الرطب الفدع بالكود مجبر .. حريص غفارو حارسو عليهو يسهر
غرد طيرو نشوان فوقو فرفر .. من نغمو الحنون الروح بتسكر

مشتول الجنيينة ام سور مسور .. هبا نسيمو فاح والجو تعطر
سيدو حقب عصاتو تملي ينهر .. قفل للطريق والشوف محجر
سلب نومي الملاك ولصفايا عكر .. زاد نبض القلب والدم تفجر
معزز عند ابوهو البيهو بكر .. عقلي تاه معاهو وفيهو فكر
مكتوب في جبيني على مسطر .. أضوق نيران فراق زولي المستر
رص الخطوة بالميدان تبختر .. يضوي كما النجف كشافو يجهر
يا قلبي آه القضيت عمرك مدردر .. رحل خلاك وحيد .. الخدو أزهر
كفاك سيب النواح بالله اصبر .. مصيرو بعد غيابو قمرنا يظهر ..
رد مع اقتباس
  #60  
قديم 07-13-2010, 05:32 AM
السر احمد خليفه السر احمد خليفه غير متواجد حالياً
Senior Member
 
تاريخ التسجيل: Sep 2007
المشاركات: 1,221
افتراضي

اخي احمد
لك تحياتي
اولا اعتذاري لك ولبقية الاخوه لعدم الرد في وقته نسبة للمشاغل -باقي نحن
الايام دي عندنا حش التمر حق ناس الطيارات والسفر فمعذره-هذا ما كنت انظره من البدايه
واعرف ان لك مساجلات مع الشاعر محمد العبيد ارجو اتن لا تبخل علينا بها
وكذلك اشعاره القديمه والرباعيات وبجيك صاد ان الله مد في الايام
رد مع اقتباس
إضافة رد

« الموضوع السابق | الموضوع التالي »
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:24 AM.

زوار البركل من تاريخ 2011/7/11
free counters
التصميم والدعم الفني


Design By: Miner Skinz.com
Powered by vBulletin® Version 3.8.1, Copyright ©2000 - 2014, Jelsoft Enterprises Ltd. TranZ By Almuhajir