ميثاق ولائحة الموقع !!! مجلس الإدارة


العودة   موقع البركل > منتديات البركل > الآداب والفنون > منتدى الشعر
التعليمـــات المجموعات الإجتماعية التقويم البحث مشاركات اليوم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #1  
قديم 08-28-2008, 11:31 PM
اسامة حمزة اسامة حمزة غير متواجد حالياً
Senior Member
 
تاريخ التسجيل: Jul 2008
الدولة: السودان - الخرطوم ،،
المشاركات: 7,046
افتراضي خالد الباشا ..هذا المبدع .... قصيدة (بلاد الشوق)

بلاد الشوق





مشيت بعدك بلاد الشوق..
غِشيت في سكـــتي الأطـــــلال
لقيتــك لسّه في الخـــاطــر،،

وفي مــرقة شمس باكـــر،،
ملانـبك طول حياتنا جمال.
رسومات روعتك تــذكار..
علي أبواب بيوت الحـي..
محــل تاوّق لـقيتك شوق
مشتت في الشوارع ضي..
أماسينا البتسهر بيــك ..
نجيماتنــا البتشهد لي..
وراك لا جفّن الدمعات
ولا أتلاقن رموش عيني..
أوّنس بيك نصايص الليل..
احجيك دندّ نه وموّال..

سألت عليك براي النيل..
تميراتنا وعصيفير الهوى الصدّاح ..
لقيتك في عيون الناس
حنين ساكن القلوب مرتاح
.. بتطلع من حكاياتنا وخيالاتنا ...
رهاب شايفك بعيد رحراح ..
أنادي عليك ..
شموس تمرق من الواطه..
قلوب بيضاء وشعاع وصباح ..
يبق نورك مع الفَجَّاج ..
علي النخل العزيز وطُوَال
أتاريك.. إنت كلنا بيك ..
بلاك نحن وبيوتنا شَجَن..
تموت سِيرة الفرح نبكيك..
نتوه مانلقى لينا وطن..
جناينا وضَرانا الفوق..
قمارينا وحسيس القوق..
رَحَْلْ كل البلد وياك ..
نزلْ جوَاك حنين وسكْن..
وانا الكاتلني من يوم داك..
علي عينيك عيوني بكن..
أقالد ذكرتك جواي .
وأعيش باقي العُمُر رحّاااال ..
سلامات وين نزل محياك..
تحياتنا وأمانينا..
٠٠ اكيد باكر نجي ونلقاك ..
قمر باهر أماسينا..
تبل شوق البلد ترتاح
علي نمّك غناوينا..
"لدايات" شايك الرماي..
مزاجات قهوتك جوّاي ..
أحاسيس فيني تتحكر..
جمال نيلنا وعصارينا..
نضاريك في العيون تظهر..
بريق لهفة ودمع هطّاااّال
.
.





اسامة حمزة
رمضان 2006
رد مع اقتباس
  #2  
قديم 10-17-2008, 04:48 PM
الصورة الرمزية ابراهيم الصغير
ابراهيم الصغير ابراهيم الصغير غير متواجد حالياً
Junior Member
 
تاريخ التسجيل: Oct 2008
المشاركات: 19
افتراضي

شكرا الاخ اسامة
هذا الرجل انا من اكثر المعجبين بشعره بل حتي والله (بالونسة معاه)..
خالد الباشا حاولت مرارا ان اجمع اشعاره جمعت الكثير منها بس هو بخيل بي شعروا من زمن لي زمن القي ليهو قصيدة اواتنين وربما هذا ما يجعل شعره يأتينا جميلا معبرا رصينا ويخليني انا احفظ قصيدتو من مرة واحدة بس
شكرا اسامة وشكرا شكرا شكرا خالد الباشا علي كل حرف كتبته وانشاء الله يوم شكرك ما يجي
__________________
وآخر خبر ....
ياحلوة لاتبكي المصير .. وقدر الموالفين الفراق
وقدر المتلنا مشي الهجير .. وسفر الأماني طويل وشاق
يسعدني إنك بت هواي .. تبينا من شفع دقاااق
مغروسة في جوايا ريد .. ومحفورة ساساتك غراااق
رد مع اقتباس
  #3  
قديم 10-17-2008, 04:59 PM
الصورة الرمزية ابراهيم الصغير
ابراهيم الصغير ابراهيم الصغير غير متواجد حالياً
Junior Member
 
تاريخ التسجيل: Oct 2008
المشاركات: 19
افتراضي

ودي هدية مني لكل عشاق خالد الباشا

يوم والبلد..
يوم والبلد مندسي في جوف الليالي الدافي حن ..
والريح تجيب حس البطان حجي ويصن ..
وأنا لا هويت ..
لا بيكي للنار إتكويت ..لا حتى فاكرك ذاتي أظن ....
نمت وحلم ..
بالغيمة والبراق يشيل ..
والنيم يميل ..
والطير يوج ..
والضوء يفج ..
في عتمة الليل الطويل .
ومن تالا إحساسنا الجميل ملفوح حسيس طمبور يرن ..
زي ماتقولي كدي البلد ..
شلال من الأفراح طمح ..
طقت مواويل الحباب .. القرقراب ألمي وقدح
زي عيد وما عيد الوكت ..
مليون شراع للريح فتح ..
وأنا وإنتي وسط الناس صغاااار
سن الحمار ..
أمسك طريف عمري وأفن ..
يابت عيونك بالكلام ..
مالياها كانت ضحكتك ..
تجري ويجري هواي وراك .. لوايدي تلفح طرحتك ..
وآه يالضحك .. !!!
وكتين يرك زرزور برائتي علي تفاصيل لمحتك ..
لا البرتكان ...!!!
لا كنت حاسبك بت كمان ..
لا حتى عارف شنهن !!!
وآآآ بختي والأيام سماح ..
والليل سريع عقبو الصباح ...
في روعة البلد العصير
وانا وإنتي لسه قدر قدير ..
لا همي أيه باكر يكون ..
لا عارفي إنتي شني الجراح !!!
نتجارى وينو شليل وراح ..
نتدسه في كوم التبن ....
يا شافعي والناس في البلد
والضحكة رابطاهم ربط
سمحين بطان وسط الُبكان في لمة الضحى بي تحت ..
نلعب نلم باقي الحصى ..
(يايمه ) هاك شوفي البخت
وآآآآ بختك إنتي وكت بعد ..
ختت بياضو شلن شلن ..
ياحليلي أنا الشلتك حنين
طول المسافات مانسيت
لمتنا عن شق الصباح
ونومتنا متقالدين نبيت
وين ياتميرتي الكت بفن
أشواقي في خاطر السبيط ..
وتجدعلي شوقا ملان سلام ..
باللهفة صر يملاني حن ..
والليل يطول ..
تاريني في جوف المنامات ماهو صح ..
لا إنتي لسه الشافعي ديك
لا قلبي عدمان الجرح
ظهرت ملامح الفرقة فيك
وإتشوه الزمن السمح ..
وفتح عيوني قصاد صباح تتباكا في ساعة شروقو الدنيا بالميلاد تئن.
__________________
وآخر خبر ....
ياحلوة لاتبكي المصير .. وقدر الموالفين الفراق
وقدر المتلنا مشي الهجير .. وسفر الأماني طويل وشاق
يسعدني إنك بت هواي .. تبينا من شفع دقاااق
مغروسة في جوايا ريد .. ومحفورة ساساتك غراااق
رد مع اقتباس
  #4  
قديم 03-30-2009, 04:55 PM
الصورة الرمزية عوض جلاس
عوض جلاس عوض جلاس غير متواجد حالياً
Senior Member
 
تاريخ التسجيل: Sep 2007
المشاركات: 21,080
Post

مشكور الأخ اسامة
وفعلاً قصيدة جميلة وإبداع من الشاعر الفذ خالد الباشا
نتمنى أن تكتب لنا الكثير عن أشعار ود الباشا
فنعرف إنك تحتفظ بالكثير منها
رد مع اقتباس
  #5  
قديم 04-02-2009, 02:56 AM
عصام سرالختم عصام سرالختم غير متواجد حالياً
Administrator
 
تاريخ التسجيل: Sep 2007
المشاركات: 9,292
افتراضي

كتر خيرك يا اسامة وانت توثق اشعار وكلمات المبدع خالد الباشا
وانت مسئول من الخير وين اخونا خالد مالو غاتس اليومين ديل
لعل المانع خير
رد مع اقتباس
  #6  
قديم 04-20-2009, 01:24 PM
الصورة الرمزية خالد هاشم
خالد هاشم خالد هاشم غير متواجد حالياً
Member
 
تاريخ التسجيل: Feb 2009
المشاركات: 93
افتراضي

والله مشكور على القصيدة الجميلة ....ودى واحدة من الفن الرائع الذى يقدمه المبدع دوماً فى سماء شعر الشايقية .... وتحياتى
__________________
رد مع اقتباس
  #7  
قديم 05-10-2009, 12:15 PM
murtada murtada غير متواجد حالياً
Junior Member
 
تاريخ التسجيل: Apr 2009
المشاركات: 1
افتراضي

شكراالأخ اسامة هذه القصيدة الرائعة لو لم يكتب خالد الباشا غيرها لميزته وقد اضاف لها النصرى بصوته العذب واداه المميز فاصبحت من اجمل اغانى الطمبور لهما التحية ونرجو ان نقرأ اكثر عن خالد الباشا
مرتضى الكاسنجر
رد مع اقتباس
  #8  
قديم 07-02-2009, 02:01 PM
اشرف بابكر اشرف بابكر غير متواجد حالياً
Member
 
تاريخ التسجيل: Jul 2009
الدولة: مروى
المشاركات: 61
إرسال رسالة عبر مراسل MSN إلى اشرف بابكر
افتراضي مشكورين على الروعة

مشكورين كتيييييييييييييييييييييييييييييييييييييييييييييييي ييير على هذا الابداع يا خالد ويا اسامة ودايرين الزيادى الحقنا بيها يا اسامة سرييييييييييييييييييييييييييييع
اما الخبر ياحلوة لا قدر الاسى لا الفرقة لا جور السنين
تكتف ارادة زول دفن احساسو فى قلبك حنين
مستنى بس طيفك يجى ولهفة عويناتك تبين
تكفى المبدع خالد الباشا رائعته عندك خبر لتبين لنا كل اشكال الروعه والجمال لهذا المبدع المتفرد
رد مع اقتباس
إضافة رد

« الموضوع السابق | الموضوع التالي »
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:34 AM.

زوار البركل من تاريخ 2011/7/11
free counters
التصميم والدعم الفني


Design By: Miner Skinz.com
Powered by vBulletin® Version 3.8.1, Copyright ©2000 - 2014, Jelsoft Enterprises Ltd. TranZ By Almuhajir