العودة   موقع البركل > منتديات البركل > خــــالد الـحــاج
التعليمـــات المجموعات الإجتماعية التقويم البحث مشاركات اليوم اجعل كافة الأقسام مقروءة

 
 
أدوات الموضوع انواع عرض الموضوع
  #1  
قديم 01-28-2008, 10:05 PM
الصورة الرمزية خالد الحاج
خالد الحاج خالد الحاج غير متواجد حالياً
Administrator
 
تاريخ التسجيل: Sep 2007
الدولة: Netherlands
المشاركات: 2,055
إرسال رسالة عبر مراسل MSN إلى خالد الحاج إرسال رسالة عبر مراسل Yahoo إلى خالد الحاج
Unhappy أب عديلات وشمار الخواجات

تخيل نفسك تصحي الصباح من النوم وتلقي عندك تلاتة جضوم
أي والله ...

أول من لاحظ للأمر كان إبنتي نهلة ... ضحكتها الرنانة وسؤال :
يا بابا ده سنو ؟(اللسان أغلف) .
وطبعا إحساس بالخدر في الخد دون ألم ..
مديت يدي ألمس وجهي.. إحساس غريب كأنك تحمل ثمرة قونقليز قبل كسرها وإخراج ثمارها ..خاصة وأني لم أحلق ذقني ليومين ...

يسميه أهلنا الشايقية "برومبوفي"..
ويطلق عليه في الكثير من أنحاء السودان "أب عديلات" ..

تلاتة جضوم والما يشتري "يكفت"

نظرت إلي وجهي في المرايا... منظر عجيب...
جلست أتابع نشرة الأخبار في قناة الجزيرة .. "ده ما وش شغل"..
الساعة الثامنة والنصف تماما جرس التلفون يضرب ..
ألو ...
- ألو أيوة معاك روجي (Roger) -زميلي ورئيسي المباشر..-
أسلم عليه وأقول :
معليش كان مفروض أتصل أعتذر أصلي عيان شوية ..
- مالك في شنو ؟
فكرت للحظة ولم أجد الإسم ... لم أكن أتخيل أني سأحتاج يوما لمعرفته .. هذه الأشياء لا تحدث كل يوم .
رديت عليه :
لا أعرف إسم المرض بالهولندية يا روجي لكنه ورم في الوجه .
الخواجة لايوق يسألني ..
- هل عندك ألم ضرس ؟
أرد عليه بصبر :
لا يا أخي ورم في أسفل الخد .
يسأل ثانية..
- عندك لوزات ؟
هنا عيل صبري فالخواجة ليس من حقه أن يسأل ، يكفيه أن يعلم أني مريض
لكنه "الشمار الذي قتل الكديسة" ..
فقلت له :
أصبر دعني أسأل زوجتي ..
وناديت علي الحيكومة :
يا حاجة البرومبوفي ده إسمو شنو بالهولندي ؟
- برومبوفي شنو يا راجل ؟!
أبعديلات يا حاجة إسمو شنو بالهولندي ؟
نظرت إليً تلك النظرة العجيبة ... لا أحتاج في الكثير من الأحيان لحديثها يكفي نظرة لأفهم المطلوب "عشرة سنين"
كانت نظرتها تقول لي ( ما عامل مقدد الهولندي ! أها ترجم يا فالح ) .

طبعا فوتت الخواجة اللايوق بي كلمتين لكن إنتقل فضوله إليً..
وهنا "قوقول" غير مفيد علي الإطلاق ..
وأنا أفكر في هذا البرومبوفي اللعين إذا بجرس التلفون يضرب مرة أخري..

ألو ..
- أيوة معاك روجي..
أها يا روجي في شنو ..؟
- أسمع يا "حسن" - ينادونني بإسم العائلة "الحسن" مع سحب الألف والام-
ما دام مافي ألم تعال الشغل في عدد من الزملاء غايبين؟
هنا ظهرت مشكلة كبيرة .. البرومبوفي جاب ليه "أشكدي"
ولو قلت للخواجة عندي أشكدي بقعد باقي يومي أشرح معناها ..
فضلت الذهاب بشكلي الغريب "تلاتة جضوم" وأشكدي ..
عندما وصلت الشغل.. كان منظري كافيا لأن يرجعوني المنزل..
وبقيت مشكلة أخري..
من وين نجيب عجين مر ؟؟؟
__________________
جضما معود علي الكفيت=
  #2  
قديم 01-28-2008, 11:13 PM
الصورة الرمزية عوض جلاس
عوض جلاس عوض جلاس غير متواجد حالياً
Senior Member
 
تاريخ التسجيل: Sep 2007
المشاركات: 21,318
Post

سلامتك أخوي خالد
وأسع الواحد يتحمد لك السلامة ولا يقعد يضحك من الكلام البتقول فيهو دا
قلت لي برومبوفي ما قدرت تشرحها للخواجة داير تشرحلو اشكدي
وهي اصلاً الكلمتين ديل أنا ما بعرف تسميتهم دي جات من وين
وشكلهم وحركتهم كدا زي اللغة الأجنبية يعني البيسمعهم أول مرة يشك إنهم كلمات سودانية
وحتى البرومبوفي دي اسع جننتني بي كتابتها وأكتبها واقعد إتهجى فيها لامن اباصرا وأمرق منها ..
أسع إنشاء الله تكون بقيت كويس وراح ال ( دقيقة أعملها كوبي من فوق ) البرومبوفي والأشكدي الخرابات ديل
وأنا يتخايل لي دا كلو من كترت الكفيت تسوي في جضمي متعود الكفيت متعود الكفيت لامن ورموهو ليك ..
أنا غايتو بذكر الخرابة دا جاني وانا في صف رابع ابتدائي وكنت على العلي حالق صلعة في الوكت داك والوشي مع الصلعة بقى مدور زي الكورة :D
يا زول آلف حمداً لله على السلامة وما تشوف شر
وإنشاء الله أجر وعافية
  #3  
قديم 01-29-2008, 03:27 AM
ضمره بغدادى ضمره بغدادى غير متواجد حالياً
Senior Member
 
تاريخ التسجيل: Sep 2007
المشاركات: 12,234
افتراضي

الاخ خالد
سلامتك
والبرومبفى ده اصلو بس مالقى الا يجى لى خالد الراجل الطيب ده ...قلت لى البت قالتلك عندك تلاتة جضوم .
بعدين كان تقول للخواجة والاشكدى مسويلى الوردى ...يعنى تكون كدى يا خواجة انا صايدنى البرومبفى وسوالى اشكدى لامن صابتنى الوردى .
تسلم يا خالد وانشاء الله ما تشوف شر
__________________
  #4  
قديم 01-29-2008, 03:30 AM
أب شخيت أب شخيت غير متواجد حالياً
Senior Member
 
تاريخ التسجيل: Sep 2007
المشاركات: 3,901
افتراضي

"برومبوفي"..
"أب عديلات" ..
"أبو اللغود"...
كلها كلمات لمعنى واحد..
الخواجات يسموهوه (Mumps)..
وهو إلتهاب فيروسي لغدد اللعاب هناك (الباروتيد)..
ما مفروض يكون عندو "أشكدي" أو "أشقدي"..والمعنى واحد..
الأشكدي تورم في الغدد اللمفاوية المصرفة لمنطقة الإلتهاب غير الفايروسي..
الجهاز اللمفاوي دا زي نظام التصريف للمنزل..:D
فيهو مواسير ..وفيهو منافذ إستكشاف "إنسبكشن هولز"..
المنافذ دي هي الغدد اللمفاوية..
لما تتورم بالالتهاب بتعمل الأشكدي..
وكل منطقة عندها مناطق استكشاف في موضع معين خاص بيها..
وبس..
دا كلام الطب بلغة اللغاويس..
نجي لي كلام بني لاغوس زاتن:
الغدد اللعابية قاعد تفرز "لعاب"..
يعني "ريالة"...:D
الوداك وخلاك "تلهب" مصانع "الريالة" شنو..:D
إنت يا خالد مشيت مع صاحبك ود خطيب بالدس واللا شنو.؟!!..:D

__________________

  #5  
قديم 01-29-2008, 04:29 AM
الصورة الرمزية Adil Assoom
Adil Assoom Adil Assoom غير متواجد حالياً
Senior Member
 
تاريخ التسجيل: Sep 2007
المشاركات: 4,066
افتراضي

الزعيم
ألف لابأس عليك وطهور بحول الله
شوف شيل حال نسيبك دة ماكان أخير تقطّعو في رقبتك وتنوم بيهو بدل بشتنة الحال دة
أنا مرة في ألمانيا... جسمي أتملا حبوب بصورة مزعجة ...ناس الشركة ودوني المستشفى والقيامة قامت ...شي كونسلتو وشي أتصالات مع وزارة الصحة وغايتو لو ماأتصلت على أصحابي دكاترة سودانيين في هامبورق كان كرتنوني ورجعوني بي طيارة خاصة مباشرة الى السودان...تعرف في النهاية طلع حساسية عادية (أليرجي) فقط
اللهم أشف خالد
__________________
وإِذا أَرادَ الله نَشْرَ فَضيلةٍ طُويَتْ أَتاحَ لها لسانَ حَسُودِ
adilassoom@gmail.com
  #6  
قديم 01-29-2008, 05:29 AM
الصورة الرمزية حسين علي الحاج
حسين علي الحاج حسين علي الحاج غير متواجد حالياً
Senior Member
 
تاريخ التسجيل: Sep 2007
المشاركات: 1,098
إرسال رسالة عبر مراسل Yahoo إلى حسين علي الحاج
افتراضي

خالد حمد لله على السلامة والف مليون خواجة كرامتك وبعدين يا اخي اب شخيت ده في السياسة باقيلك في ريقك تجي تخش ليهو في الطب؟
والف حمد الله على السلامة وكفارة ليك يا ريس
  #7  
قديم 01-29-2008, 05:55 AM
الصورة الرمزية خالد الحاج
خالد الحاج خالد الحاج غير متواجد حالياً
Administrator
 
تاريخ التسجيل: Sep 2007
الدولة: Netherlands
المشاركات: 2,055
إرسال رسالة عبر مراسل MSN إلى خالد الحاج إرسال رسالة عبر مراسل Yahoo إلى خالد الحاج
افتراضي

هلا بالأحباب
أول حاجة أحمد الله الوش إتفشي وبقي ما شاء الله منور وآخر جمال :D

وألف شكر يا عوض ربنا يحفظنا ما يجينا "حبن" كمان نبقي في كواسة الحلبة المسحونة

حاج ضمرة هنا ؟؟؟ يا زول والله جاني الخبر قالو سويتلك دريبات وحبايب غيرنا
غايتو يا ضمرة السويتها رقدت والفيك إتعرفت :D

أبشخيت ...
إنت يا زول ما صدقت ؟
أسه السألك منو والله حقو الواحد يقلع مداخلتك دي ينقلها المنتدي الطبي
سويت لي الخلعة وأنا قايل الأشكدي من البرومبوفي ؟
يعني تكون في مصيبة تانية دايرة تسليك ؟
الشكية لله .
أما ريالة ود خطيب يشهد الله ود خطيب كان جا هنا (البرومبوفي يقوم ليه ود خطيب)
الزول متجرس براه وقلبو رهيف يبكي ويتنخج في البنية المخشبة جاب لينا النبيشة

عادل عسوم إزيك
مرة مشينا أنا وعادل عوض الكريم الحسن تركيا .
الكلام ده قبل حرب الخليج . وصاحبك عادل ضربتو ملاريا..
والله لو لا أننا وسطنا زول بيعرف زول بيعرف زول من زائير في مدينة إسمها "أزمير" عندو حبوب ملاريا صاحبك عادل كان لي أسه يكون في الكرنتينة ..
واتخيل أنا المسيكين ركبت القطر من إستانبول لي أزمير عشان أجيب الحبوب
وجيت لقيت عادل يهضرب (الله يا أمي... الله يا أمي ) :D


سلامات يا حسين يا إبن عمي

أب شخيت ده خلو
أصلو من المؤلفة قلوبهم
وأنا قاعد أدوعل فيه أصلو قال داير يناسبني وكده
__________________
جضما معود علي الكفيت=
  #8  
قديم 01-29-2008, 08:19 AM
misar misar غير متواجد حالياً
Senior Member
 
تاريخ التسجيل: Sep 2007
المشاركات: 1,245
افتراضي

خالو

خسااااااااااااارة

كنا عاوزين الصورة بالتلاتة جضوم عشان الكفيت يكون في الجضم التالت:D

حمد لله علي السلامة
  #9  
قديم 01-29-2008, 08:41 AM
الصورة الرمزية خالد الحاج
خالد الحاج خالد الحاج غير متواجد حالياً
Administrator
 
تاريخ التسجيل: Sep 2007
الدولة: Netherlands
المشاركات: 2,055
إرسال رسالة عبر مراسل MSN إلى خالد الحاج إرسال رسالة عبر مراسل Yahoo إلى خالد الحاج
افتراضي

اقتباس:
المشاركة الأصلية كتبت بواسطة misar مشاهدة المشاركة
خالو

خسااااااااااااارة

كنا عاوزين الصورة بالتلاتة جضوم عشان الكفيت يكون في الجضم التالت:D

حمد لله علي السلامة
بت أختي
إزيك يا ستهم
دي تلقيها عند الغافل :D
صورة زي دي الواحد يرهب بيها الشفع (هوووووي ود تمبعلو جاكم ) .
تسلمي من كل شر
__________________
جضما معود علي الكفيت=
  #10  
قديم 01-29-2008, 11:48 AM
الصورة الرمزية طيبان
طيبان طيبان غير متواجد حالياً
Senior Member
 
تاريخ التسجيل: Sep 2007
المشاركات: 3,952
افتراضي سلامات

كفارات يا زعيم..طبعا انت عاجبك جضمك التالت-نظام إسبير وكدة-وبعد داك فيهو (حنك) إجازة مضمونة زي ما شفنا..وترطيبة في البلد ام برد ديك...
ياخي والله عندي سؤال لو مافي إحراج يعني
عندك فرزيان؟؟؟
قالوا اللبن الطازج بنفع في حالتك دي..(ودا ما عندو علاقة بإلتهاب النكفة ..ولا المناكفة)...
دحين لا تدي نصيحتي دي الواطة...
كسرة:-إن جبنا سيرة (نهلة)ياربي بتتساهل معانا ؟؟
وللا بتتشدد زي سواتك مع نسيبك اب شخيت(الوافق بعد مكاجرة):D:D:D:D
__________________
  #11  
قديم 01-29-2008, 12:38 PM
الصورة الرمزية عبد الرحمن يوسف
عبد الرحمن يوسف عبد الرحمن يوسف غير متواجد حالياً
Senior Member
 
تاريخ التسجيل: Sep 2007
الدولة: البركل
المشاركات: 2,076
افتراضي سلامات

[b]الاخ خالد الحاج الف حمدا على السلامة من البرومبوفي وكمان معاه الاشكدى وخواجه
ان شاء الله كفارة
[
/B]تخريمه خارج النص
اذا حولت للطبى انا حولى كلمة ا لبرومبوفي والاشكدى لمفردات من الطين ولك الف سلامه

التعديل الأخير تم بواسطة عبد الرحمن يوسف ; 01-29-2008 الساعة 12:39 PM سبب آخر: خطا
  #12  
قديم 01-29-2008, 03:56 PM
الصورة الرمزية النافعابى
النافعابى النافعابى غير متواجد حالياً
Senior Member
 
تاريخ التسجيل: Sep 2007
الدولة: العين الامارات
المشاركات: 1,830
إرسال رسالة عبر مراسل ICQ إلى النافعابى إرسال رسالة عبر مراسل AIM إلى النافعابى إرسال رسالة عبر Skype إلى النافعابى
افتراضي

نلحقك بى عجينى مره بالفاكس سلامى
يا ود الحاج ماتشوف شر
__________________
هيا ابعدى كل العواطف واشاورك في امرين ... ضرورى
يا تزيدى مواجعك على يا ترجعى فرحى وسرورى
فى الحالتين راضى عنك تنصفى او كان تجورى
وسمح حكمك زى سماحتك وبرضو قسيمة الله سمحى
  #13  
قديم 01-29-2008, 04:30 PM
الصورة الرمزية أشرف محمد خليفة
أشرف محمد خليفة أشرف محمد خليفة غير متواجد حالياً
Senior Member
 
تاريخ التسجيل: Sep 2007
الدولة: السنغال
المشاركات: 1,166
Thumbs up

يا خال المدام اكيد بتكون صورتك للتاريخ وعشان تكون (ورقة ضغط) عند الحوجة
لوفي حاجة رسله لي بالخاص واوعدك ما أديها لي نسيبك :D

سلامات وكفارة، وان شاء عدوينك يا قول حبوبتي حسنه عبيد الله
__________________



  #14  
قديم 01-31-2008, 01:33 AM
الصورة الرمزية مصعب ود حمد
مصعب ود حمد مصعب ود حمد غير متواجد حالياً
Member
 
تاريخ التسجيل: Jan 2008
الدولة: Virginia,USA
المشاركات: 85
إرسال رسالة عبر مراسل Yahoo إلى مصعب ود حمد إرسال رسالة عبر Skype إلى مصعب ود حمد
افتراضي

الف سلامه ليك يا خالد
بس البرومبوفي دا الجابو ليك شنو في البلدل ديك ؟؟
كان تعملك لبن مر (زبادي انشاء الله ) وكت ما لقيتلك عجين مر
الف سلامه ليك يا رائع
  #15  
قديم 01-31-2008, 04:27 AM
عمر مجذوب خطيب عمر مجذوب خطيب غير متواجد حالياً
Senior Member
 
تاريخ التسجيل: Sep 2007
المشاركات: 5,616
افتراضي

خالد كفارة - وحسب علمي غير الطبي ان البرمبفيه مرض شفع ساكت زيو زي الحصبة - وطبعا ابشخيت لو نطا هنا مابنقدر نقولو شي فهو دكتور - فرجاء ياخلد لاتزعج روجيه بامراض المناطق الحارة دي - وبرضو ابشخيت ممكن يقول دا مرض مناطق باردة ايضا - نانسي بتسلم عليك وما اكثر المتخشبات في هولندا ام لبنا فاير
 

« الموضوع السابق | الموضوع التالي »
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:15 AM.

التصميم والدعم الفني

Mohammed Abuagla


Powered by vBulletin® Version 3.8.1, Copyright ©2000 - 2014, Jelsoft Enterprises Ltd. TranZ By Almuhajir