العودة   موقع البركل > منتديات البركل > الـمنتدى العــــام
التعليمـــات المجموعات الإجتماعية التقويم البحث مشاركات اليوم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #1  
قديم 08-28-2012, 05:17 AM
الصورة الرمزية العابره
العابره العابره غير متواجد حالياً
Senior Member
 
تاريخ التسجيل: Nov 2011
المشاركات: 1,714
افتراضي ده اسمو شنو ؟؟؟؟انا غلبني....

اول حاجه كل سنه وانتو طيبين وترجوهو داير معا حبانكن ..الموضوع ده فعلا غلبني لا عرفتو استغلال... لا عرفتو غبا... لا عرفتو ضحك على العقول... اسمعوا معاي القصه وفهموني ليهو...
في يوم من ايام رمضان الكانت ربيعيه بحمد الله خرجت ومعي احدى قريباتي القادمه في اجازه قلت اوريها البلد بقت كيف؟هي زآآآآتا مادايره تطلع لها قوزآاخدر قالت واحشا السوق العربي ...مع اني ما بحبو وبخاف منو لاني بطش فيهو بالساعات مشيت معاها وفعلا طشيت لقيت نفسي جنب المول الجديد الشامخ بالقرب من برج البركه مافي داعي لذكر الاسم عشان الدعايه وكده ...قلنا بسم الله دخلناالحق يقال نضيف الزوار نضاف لكن معلم الله من محلآ تقعد تشيل نفسك فيهو كراسي الكافتريات مرفوعه فوق بعض ومضايره ...قلنا كدي نتنور للعيد دخلنا محل حقائب نسائيه السعر مكتوب منعآ للاحراج قريت الاولى وعاينت لي قريبتي 700جنيه؟لاها جوردان ولاها جوتشي..لاها دولسي اندجابانا ... مشيت للبعديها 800 جنيه اللي بعدو950 جنيه...خليناآآآآهو حودنا على العطور لفت نظري عطر دنهيل بشوف اخواني في السعوديه بيستخدموهو عاينت السعر كنت ح اتشل 1600جنيه مليون وستمئة الف بالعربي كده النار دي علقت في قلبي شديت الو لي اخوي من محلي داك قال لي عندنا بي 150 ريال حوالي300جنيه مشيت علي ولد مسلهب كدي ومبرم شعرو اول حاجه كنت دايره اقولو ارفع بنطلونك ده شويه ما يقع ...قلت لو انا عندي محل عطور في السعوديه ممكن اورد لكم بسعر اقل من ده كتير قريبتي طيرت عيونا وانبهطت قرصتها ...حك راسو وقال لي دقيقه مشى نادى لي بت لامن قالت اتفضلي قربت اجري ...اتلفت فجأه لقيت بت زررررقا وقاصه شعرا كاري وصابغاهو اشقر والشعر واقف زي الشمسيه وراسما عيونا بقلم لبني نظام طقم الينيفورم اللي هو اصلآ ما مناسب لونا ...المهم قلت اشوف بس السعر ده موضوع على اي اساس مالت يمين وشمال قالت لي نحن بنجيب البضاعه من المنشأ مباشرة الجمارك والضرايب وكده يعني قلت ليها انا بجيب من الوكيل وبرضو ماسعرك ده ..هنا تدخل الشاب وقالي انت ممكن تجيبيهو لينا بكم طبعآ قريبتي في ده كلو مبهوطه ...قلت لو نصف القيمه دي وما عليك الا تستلم ...خلاص ادينا تلفونك...طلعنا من المحل وانا اردد مقولة ما افلح قوم اوكلوا امرهم الى امرأه. بعد ما ضربنا المكيف وقلنا نتجول والله العظيم حاجات ترفع الضغط وتجيب الكثافه شباصات شعر ابو3جنيه معلقه عليها ديباجه 95ج باندا في الطبليه 3بجنيه معلقين 2 ب75 ج غوايش الخرز بره 2بجنيه معروضه 1ب40ج الموجعني سفنجة الحمآآآآآآآآم ب71جنيه فشان شنو؟؟؟؟
مشينا علي المكياج اصبع روج ما فايت ال5 سم ب280ج وحده قالت وكان ولدي كسرو؟رديت عليها يكسروا رقبتك وراهو قالت لي برضو البطن ما بتبرد البودره ام 4ج ب370 والحاجات دي كلها لا كرستيان دايور لا ياردلي لا دافنشي ولا حتىxx العاديه ويعميني ما شفت لي زول شايلو كيس انشا الله فاضي تجي داخل المحل واقف شحط طويل يقول دخلي شنطتك في الدرج داك وشيلي المفتاح .هي شنطتي كان اشتريتو بالقروش ودخلتو فيها بتجدعولانها بتكون ما مقتنعا بيهو....
نزلنا تحت قلنا ناخد نفس لقينا مرتين اتجرأن ونزلن كرسيين من كراسي الكافتريا قعدو فيها بعد ما قاموا قعدنا جانا واحد مسلهب طوييييل هز طولو قال لنا معليش ممنوع الجلوس اقعدوا شويه وقوموا...وعلي غضبتي ديك قلت لو تعال انتو اول مره تشوفوا المولات ؟؟؟اهم حاجه في المول مقاعد متفرقه عشان الناس تشتري ساندوتش ولا ايسكريم ولا بوب كورن وتقعد تقزقزولاالراجل يقعد بالعيال والمره تلف .رد علي والله تعليمات .مع التعليمات ارجوك انقل الملاحظات والانتقادات عشان نمشي لي قدام....
قريبتي قالت لي قومي قبل ما يطق لنا عرق الناس دي بتضحك على عقول المواطنين وده الما خالي البلد تمش والمول ده اسع بيلحق عفراء هجر...ثم ملتقى طلبه ...ثم فلس ...ثم الله يستر....اهه كدي افتوني ده يسمو شنو ؟؟؟ومالك اليومين ديل قالوا في اجازه ما عارفين اوكل مهامو لي زول ولا خلا الحكايه عايمه زي كل السودانيين ...تشيل ورقك تمش المصلحه ..والله المسؤول من الموضوع ده في اجازه ...في منو بدلو؟؟؟والله مافي زول...طيب لما هو مهم وخانتو ماف راجلآ بسدها مؤجزن ليهوليه؟؟؟؟؟؟مافي جواب وتتعطل مصالحك لحدي سيادتو ما يرجع...وآآآآآآآآآآه يابلد...واستغفر الله العظيم الواطه صباح ويا عاملات خالتي ما اتكتبت حسني....
__________________
مسافر والامر اسرار...وفي الغربه الوطن تذكار
رد مع اقتباس
  #2  
قديم 08-28-2012, 05:54 AM
الصورة الرمزية علي محمد سند
علي محمد سند علي محمد سند غير متواجد حالياً
Senior Member
 
تاريخ التسجيل: Sep 2007
الدولة: Qatar
المشاركات: 2,149
افتراضي


العابرة صباح الخير وكل سنة وانت طيبة ،،،
البركة في الهواء البارد غايتو ،،،

دا إسمو بطر شفتي ليك زول شال ليهو كيس ومرق من المحل وللا كلهم (إنبهطوا) وطلعوا

أنا ما عندي ليهو إسم إلا يكون عندهم صفر زائد ما عرفو يودوهو وين جو لتقوهو في الأسعار دي ،،

بس إنبهطوا دي جديدة خالص (يعني قصدك كانت مذبهلَّة يعني )

تحياتي
رد مع اقتباس
  #3  
قديم 08-28-2012, 07:03 AM
ام فئ ام فئ غير متواجد حالياً
Senior Member
 
تاريخ التسجيل: May 2010
المشاركات: 2,447
افتراضي


كل سنه وانت طيبه ومن العايدين
فعلا المول فيهو اسعار خرافيه،،،الحاصل شنو،،، ومسعره ل منو ؟ وعلي ياتو اساس ما عارفه؟؟
انا دخلت اول مكان مكان العطور،،،سألت من لاكوست،،،وجدت عندهم بينك لاكوست،،،عارفه ب كم،،1836ج،،،قلت ليها ي بت غيري بدلي لتوي جايباها من دبي الكلام ده ما كدي،،،قالت لي يمكن مااا بينك،،،قتلها بت امها وابوها،،،مشينا محل الاساس،،،الطقوم 70ـ35(البت قالت كلها إتباعت) وكده وصراحه في اطقم ب 7و6 لانهم صناعه سودانيه،،،اخوانهم في شارع جبره ب 3ـ3ونص،،،شوفي القنبله وين!غرف النوم،،،هنالك غرفه ب 294مليون ج بالقديم،،قلت ليها عايزاها وح ادغع 300 ال6 ما ترجع معاي،،،قالت لي إتبااااااااااعت وما عندنا غير المعروضه هذه!!! وااااو إنت جاده؟،،،،نعم.. الغريب شنو؟؟قتلها غريب الشيطان لكن السعر ده كده ليييييه؟؟؟قالت لانو مذهبه ب موية دهب والكرستال الفيها ده ،،،والجلد ده طبيعي،،،حمدت الله وقلت ليها ربنا يذيد ويبارك،،،،مُرافقي إحتجوا وقالو النوم عليها حرام!!!ليييه حرام؟؟مش كل زول بردو قدر غتاه،،،القادر يسوي
كده انا مبهوطه؟؟؟مبهوطه دي جديده ع قول سند
عارفه كيسي شنو؟؟؟فشار من سناء موول،،،
العابره عايزه اقول
دي خطوه في طريق التطور عندنا في التسوق،،، صراحه المكان جميل وفيهو شبه من مولات دبي،،،بس مشكلتنا ماعندنا فلوووس،،،لذلك نسبة نجاحو ماااا مبشره،،
رد مع اقتباس
  #4  
قديم 08-28-2012, 09:20 AM
الصورة الرمزية Abu Hassan
Abu Hassan Abu Hassan متواجد حالياً
Senior Member
 
تاريخ التسجيل: Sep 2007
الدولة: UAE
المشاركات: 1,151
إرسال رسالة عبر مراسل MSN إلى Abu Hassan إرسال رسالة عبر Skype إلى Abu Hassan
افتراضي

الاخت العابرة نشكرك اولا علي تنويرنا بهذه الاسعار الخرافية في مولات الخرطوم برغم انو هامش الربح المفترض لا يتعدي ال 20% من التكلفة ،،،علي سبيل المثال سعر عطر دنهل الذي ذكرتيه هنا الاصلي ب 120درهم هل معقول سعره ما يعادل 800 درهم في السودان هل يعقل ان الربح 500% اما يكون حرامي ام هناك ضرئب وجمارك باهظة يدفعها بالنيابه عنه المواطن المغلوب علي أمره ،،،، وهذا يدخلنا في موضوع آخر لماذا ارتفاع الضرائب والجمارك في السودان مع العم هنا الامارات يدفع التاجر رسوم في مونئ الدولة وعند تجديد الرخصة فقط ولذا نجد الحراك التجاري والمنافسة علي اذنه والمستفيد الاول هو الموطن،،،،عكس ما يحصل في السودان يسلو روحو ،،،
انا ممرت علي الاسعار ايضا بمول عفراء قبل الحريق مع ملاحظة ارتفاعها ايضاً ،،،،،يوجد مول آخر بكافوري قرب مسجد النور المشهور له علاقة باخوة البشير بالرغم انو في طريقي الي بحري لم ادخله لمقارنه الاسعار ،،،،،
مثلك تماما استفسر ماهو سر عدم الجلوس داخل الكفتريات مول بركه بالرغم أن مول عفراء به جلسات رائعة ،،،، كيف هذا يحصل في هذا المول احتمال لوجود حركة كثيفة في هذه المنطقة،،،،،كم مره صادفت وزراء بموالات دبي او الشارقة جالسيين بعوائلهم أيحل هنا ويحرم هناك ،،،، شي غريب وهذا تخلف ،،،،
مع هذه الاسعار المولعة ايه رأيك بمشاركة تجارية 20 سنه مغترب لم نستفيد ولو بجنيه واحد في تجارة وهنا برخص التراب


تسلمي مع الود
__________________
اللهم إن كان رزقي في السماء فأنزله وإن كان في الأرض فأخرجه وإن كان بعيدا فقربه وإن كان قريبا فيسره وإن
كان قليلا فكثره وإن كان كثيرا فبارك لي فيه
رد مع اقتباس
  #5  
قديم 08-28-2012, 10:36 AM
الصورة الرمزية العابره
العابره العابره غير متواجد حالياً
Senior Member
 
تاريخ التسجيل: Nov 2011
المشاركات: 1,714
افتراضي

اقتباس:
المشاركة الأصلية كتبت بواسطة علي محمد سند مشاهدة المشاركة

العابرة صباح الخير وكل سنة وانت طيبة ،،،
البركة في الهواء البارد غايتو ،،،

دا إسمو بطر شفتي ليك زول شال ليهو كيس ومرق من المحل وللا كلهم (إنبهطوا) وطلعوا

أنا ما عندي ليهو إسم إلا يكون عندهم صفر زائد ما عرفو يودوهو وين جو لتقوهو في الأسعار دي ،،

بس إنبهطوا دي جديدة خالص (يعني قصدك كانت مذبهلَّة يعني )

تحياتي
الدكتور ابو علوه حبابك منوروالله.. القابله على امانيك...انبهطوا دي كلمه وصف لي زول فاق حد الدهشه والاستغراب والاستهزاء يعني بالعربي فقد المنطق...حكيت لي بتي عن غرف النوم واسعاره قالت لي ما كتيره الزول ينوم في مكان غالي ويحلم حلم كويس هي عندها شقه في الرياض بجوار ابراج الياسمين قالت لي ابيعها ويادوبك تكفي سعر الغرفه بمشي اختها في ارضك بتاعة الوادي الاخضروانوم على الاقل الهواء طلق والمطره مابترمي البيت فوق الغرفه .....مش فهم برضو؟؟؟؟ هو باقيلك العندهم ده صفر واحد دي مجموعة اصفار قاموا لتقوها لي كل البضاعه بلا فرز باقي الفرز كعب....
__________________
مسافر والامر اسرار...وفي الغربه الوطن تذكار

التعديل الأخير تم بواسطة العابره ; 08-28-2012 الساعة 11:13 AM
رد مع اقتباس
  #6  
قديم 08-28-2012, 10:48 AM
الصورة الرمزية العابره
العابره العابره غير متواجد حالياً
Senior Member
 
تاريخ التسجيل: Nov 2011
المشاركات: 1,714
افتراضي

اقتباس:
المشاركة الأصلية كتبت بواسطة ام فئ مشاهدة المشاركة

كل سنه وانت طيبه ومن العايدين
فعلا المول فيهو اسعار خرافيه،،،الحاصل شنو،،، ومسعره ل منو ؟ وعلي ياتو اساس ما عارفه؟؟
انا دخلت اول مكان مكان العطور،،،سألت من لاكوست،،،وجدت عندهم بينك لاكوست،،،عارفه ب كم،،1836ج،،،قلت ليها ي بت غيري بدلي لتوي جايباها من دبي الكلام ده ما كدي،،،قالت لي يمكن مااا بينك،،،قتلها بت امها وابوها،،،مشينا محل الاساس،،،الطقوم 70ـ35(البت قالت كلها إتباعت) وكده وصراحه في اطقم ب 7و6 لانهم صناعه سودانيه،،،اخوانهم في شارع جبره ب 3ـ3ونص،،،شوفي القنبله وين!غرف النوم،،،هنالك غرفه ب 294مليون ج بالقديم،،قلت ليها عايزاها وح ادغع 300 ال6 ما ترجع معاي،،،قالت لي إتبااااااااااعت وما عندنا غير المعروضه هذه!!! وااااو إنت جاده؟،،،،نعم.. الغريب شنو؟؟قتلها غريب الشيطان لكن السعر ده كده ليييييه؟؟؟قالت لانو مذهبه ب موية دهب والكرستال الفيها ده ،،،والجلد ده طبيعي،،،حمدت الله وقلت ليها ربنا يذيد ويبارك،،،،مُرافقي إحتجوا وقالو النوم عليها حرام!!!ليييه حرام؟؟مش كل زول بردو قدر غتاه،،،القادر يسوي
كده انا مبهوطه؟؟؟مبهوطه دي جديده ع قول سند
عارفه كيسي شنو؟؟؟فشار من سناء موول،،،
العابره عايزه اقول
دي خطوه في طريق التطور عندنا في التسوق،،، صراحه المكان جميل وفيهو شبه من مولات دبي،،،بس مشكلتنا ماعندنا فلوووس،،،لذلك نسبة نجاحو ماااا مبشره،،
اخيتي ام في حبابك كل سنه طيبي مع وليداتك ياتو تطور في عالم التسوق الماشين عليهوبالشكل ده الزول بعد يدفع دم قلبو في سفنجه ساآآآآآي ما يلقى محل يقعد بشيل نفسو فيهو ما في شي موجعني بلا ده...انت شلت كيس فشار وحات سيدي الحسن استخسرت فيهو درب كراعي...لكن كان جينا للشبه ماعندو فرق من الفيصليه والعقاريه الا انو الناس هناك شايله اكياس بيديها الاتنين غير القزقزه....بري ...بري ...فالي فال الله وتكلي علي الله....

__________________
مسافر والامر اسرار...وفي الغربه الوطن تذكار
رد مع اقتباس
  #7  
قديم 08-28-2012, 11:06 AM
الصورة الرمزية العابره
العابره العابره غير متواجد حالياً
Senior Member
 
تاريخ التسجيل: Nov 2011
المشاركات: 1,714
افتراضي

اقتباس:
المشاركة الأصلية كتبت بواسطة abu hassan مشاهدة المشاركة
الاخت العابرة نشكرك اولا علي تنويرنا بهذه الاسعار الخرافية في مولات الخرطوم برغم انو هامش الربح المفترض لا يتعدي ال 20% من التكلفة ،،،علي سبيل المثال سعر عطر دنهل الذي ذكرتيه هنا الاصلي ب 120درهم هل معقول سعره ما يعادل 800 درهم في السودان هل يعقل ان الربح 500% اما يكون حرامي ام هناك ضرئب وجمارك باهظة يدفعها بالنيابه عنه المواطن المغلوب علي أمره ،،،، وهذا يدخلنا في موضوع آخر لماذا ارتفاع الضرائب والجمارك في السودان مع العم هنا الامارات يدفع التاجر رسوم في مونئ الدولة وعند تجديد الرخصة فقط ولذا نجد الحراك التجاري والمنافسة علي اذنه والمستفيد الاول هو الموطن،،،،عكس ما يحصل في السودان يسلو روحو ،،،
انا ممرت علي الاسعار ايضا بمول عفراء قبل الحريق مع ملاحظة ارتفاعها ايضاً ،،،،،يوجد مول آخر بكافوري قرب مسجد النور المشهور له علاقة باخوة البشير بالرغم انو في طريقي الي بحري لم ادخله لمقارنه الاسعار ،،،،،
مثلك تماما استفسر ماهو سر عدم الجلوس داخل الكفتريات مول بركه بالرغم أن مول عفراء به جلسات رائعة ،،،، كيف هذا يحصل في هذا المول احتمال لوجود حركة كثيفة في هذه المنطقة،،،،،كم مره صادفت وزراء بموالات دبي او الشارقة جالسيين بعوائلهم أيحل هنا ويحرم هناك ،،،، شي غريب وهذا تخلف ،،،،
مع هذه الاسعار المولعة ايه رأيك بمشاركة تجارية 20 سنه مغترب لم نستفيد ولو بجنيه واحد في تجارة وهنا برخص التراب


تسلمي مع الود
اخوي ابو الحسن تسلم ومن العايدين انشا الله السؤالت كتيره والاسعار نار وما عارفين النار دي من وين ناس تقول البنزين وناس تقول الدولار ترسل لي اولادك دولارات عشان تطلع لهم حاجه كويسه يقولك الدولارواقع في الواطه تمشي تعاين بي عيونك سآآآفي المول ضغطك يرتفع وقلبك يدق خصوصآلوكنت شايف الاسواق والاسعار بره غايتو معادله غريبه تشبه مكعب روبيك بتاع زمان داك لولفيتو مره استحاله يرجع...بس هنا الوضع بلا تلفه ما بيرجع....
__________________
مسافر والامر اسرار...وفي الغربه الوطن تذكار
رد مع اقتباس
  #8  
قديم 08-28-2012, 11:50 AM
الصورة الرمزية زكريا بابكر عمر
زكريا بابكر عمر زكريا بابكر عمر غير متواجد حالياً
Senior Member
 
تاريخ التسجيل: Sep 2007
الدولة: السودان
المشاركات: 9,241
افتراضي

إنتو البيوديكُن المحلات دي شنو دي عندها ناسه يا العابره أختي ...مااالو سوق العُشره ؟ عيبيهو ليّ ...مالو السوق الشعبي ...إنتو براااكن تجيبو الضغط والسُكري وفقع المراره ليروحكن ...الأرقام الإنتي بتشوفيها فلكيه دي عن ناس عاديه جداً .... يا عابره أصبحت هُنالك طبقتين لا ثالث لهما في السودان طبقه فوق الثُريا وطبقه تحت الثري ...شيلي فشارك وإتكلي علي الله وتاني ماتزازي بيجنب المحلات دي ...ده أسمو السودان الجديد
__________________
سبحانك اللهم و بحمدك أشهد أن لا إله إلا أنت أستغفرك وأتوب إليك .
رد مع اقتباس
  #9  
قديم 08-28-2012, 04:39 PM
خالد الباشا خالد الباشا غير متواجد حالياً
Senior Member
 
تاريخ التسجيل: Sep 2007
المشاركات: 980
افتراضي

انتي زولة مدهشة يالعابرة وممتعة في السرد وونااااااااااسة ...


وانا زيك سقت ولادي ومشيت المول ده .. وعشان الدعاية قولي القبة الخضراء (يااااحليلا )

وانا الشفع حمنا هنا وهم لعبو في السلالم وانا اتوجعت ..اخر شي اتصورنا في الحوش الوسيع ده وجينا راجيعين بعد خرمنا واشترينا لينا طاقيتين وشراب بمبي من الحريم الفارشات قدام الدكاكين الفي السوق العربي القديم ...
رد مع اقتباس
  #10  
قديم 08-28-2012, 06:21 PM
الصورة الرمزية عوض جلاس
عوض جلاس عوض جلاس غير متواجد حالياً
Senior Member
 
تاريخ التسجيل: Sep 2007
المشاركات: 21,360
افتراضي

العابرة سلامات وكل سنة وإنتي طيبة
وزي ما قال زكريي البيوديكم المحلات دي شنو ؟؟
المحلات دي ليها ناسا وبيدفعوا فيها زي السلام عليكم
أنا ذاتي انبهطت من الأسعار دي زي علي سند
لكن انبهط دي يبقالي جايي من إنبهت ( فبُهت الذي كفر )
بعدين الحكايي شنو ناس المول ديل كلهم مالهم مسهلبين وطوااااااال ؟؟؟
يعني القصار ما عندهم طريقة يشتغلوا هناك ولا شنو ؟؟؟
رد مع اقتباس
  #11  
قديم 08-29-2012, 06:11 AM
الصورة الرمزية العابره
العابره العابره غير متواجد حالياً
Senior Member
 
تاريخ التسجيل: Nov 2011
المشاركات: 1,714
افتراضي

اقتباس:
المشاركة الأصلية كتبت بواسطة زكريا بابكر عمر مشاهدة المشاركة
إنتو البيوديكُن المحلات دي شنو دي عندها ناسه يا العابره أختي ...مااالو سوق العُشره ؟ عيبيهو ليّ ...مالو السوق الشعبي ...إنتو براااكن تجيبو الضغط والسُكري وفقع المراره ليروحكن ...الأرقام الإنتي بتشوفيها فلكيه دي عن ناس عاديه جداً .... يا عابره أصبحت هُنالك طبقتين لا ثالث لهما في السودان طبقه فوق الثُريا وطبقه تحت الثري ...شيلي فشارك وإتكلي علي الله وتاني ماتزازي بيجنب المحلات دي ...ده أسمو السودان الجديد
كل سنه وانت طيب اخيي السنه الجايه جدو ...وبعدين ما بنمشي هناك مالنا دفاتر شيكاتنا في شنطنا بس البضاعه ما ماركات اما شوق العشره اريتو سوق البنيات لاحدهن الا بس على قولة حفيدي ريحتو ما حلوه وانا اصلا كنت قاصده اشتري كسيق اموله بتي علبة شوكلاته باتشي لكن ما لقيتا معليش جبت ليها قزقز...ما ازازي ليه والله ازازي كل يوم وارفع ضغط البياعين بالمراقبه والمساعله وامرق ايدي فاضي كمان فوق ده يخلوهم رايقين بي شحمة قلبن؟؟؟؟والله ياهو...
__________________
مسافر والامر اسرار...وفي الغربه الوطن تذكار
رد مع اقتباس
  #12  
قديم 08-29-2012, 06:21 AM
الصورة الرمزية العابره
العابره العابره غير متواجد حالياً
Senior Member
 
تاريخ التسجيل: Nov 2011
المشاركات: 1,714
افتراضي

اقتباس:
المشاركة الأصلية كتبت بواسطة عوض جلاس مشاهدة المشاركة
العابرة سلامات وكل سنة وإنتي طيبة
وزي ما قال زكريي البيوديكم المحلات دي شنو ؟؟
المحلات دي ليها ناسا وبيدفعوا فيها زي السلام عليكم
أنا ذاتي انبهطت من الأسعار دي زي علي سند
لكن انبهط دي يبقالي جايي من إنبهت ( فبُهت الذي كفر )
بعدين الحكايي شنو ناس المول ديل كلهم مالهم مسهلبين وطوااااااال ؟؟؟
يعني القصار ما عندهم طريقة يشتغلوا هناك ولا شنو ؟؟؟
ود جلاس ليك وحشه السنه الجايه جدو معا زكريا والعابره حبيب زمان كنت ناكراهو عشان حق بت اسع جاييني حبيب الولد ياهو البي راسو وقعروا.. وترجاهو طيب مع ست بيتك ووليداتك...انا ما مشيت عشان اعرف ناسا ديل بيدفعو من وين ؟؟؟لكني انبهطت واحتمال انبهطت دي جايه من انبهت لكن الشعور كان اكبر من الانبهات فتضخمت الكلمه وتحولت التاء الى طاء...الحمدلله ان سيبويه مات قبل ما يشوف الحصل للغه العربيه كان انبهط هو زاآآآآتو.الناس كلهم طوال ما عارف ليه ؟؟؟لانه في اي لحظه ممكن اي واحد دمو يفور من الاسعار دي يهيج فيهم يلحقن امات طه اخير يكونوا على اهبة الاستعداد لكن لي سلهبتن دي كان جاهم واحد عاتي بيراقدن ....
__________________
مسافر والامر اسرار...وفي الغربه الوطن تذكار
رد مع اقتباس
  #13  
قديم 08-29-2012, 06:40 AM
الصورة الرمزية العابره
العابره العابره غير متواجد حالياً
Senior Member
 
تاريخ التسجيل: Nov 2011
المشاركات: 1,714
افتراضي

اقتباس:
المشاركة الأصلية كتبت بواسطة خالد الباشا مشاهدة المشاركة
انتي زولة مدهشة يالعابرة وممتعة في السرد وونااااااااااسة ...


وانا زيك سقت ولادي ومشيت المول ده .. وعشان الدعاية قولي القبة الخضراء (يااااحليلا )

وانا الشفع حمنا هنا وهم لعبو في السلالم وانا اتوجعت ..اخر شي اتصورنا في الحوش الوسيع ده وجينا راجيعين بعد خرمنا واشترينا لينا طاقيتين وشراب بمبي من الحريم الفارشات قدام الدكاكين الفي السوق العربي القديم ...

مرحب بيك ود الباشا ياخي عيدك مبارك وعساكم من عواده ...القبه الخضرا والله قمة المتعه للاطفال لكن الكلام المول المافيهو محل تنجم فيهوهم قاصديننا عديل الماداير يشتري يهوينا قاعد لي شنو؟؟؟لو تشوف المولات دي بره اول حاجه الحوش الكبير ده الاطفال بالاسكوتر والزلاجات واهليهم قاعدين وامهاتهم في المول جوه.اخير انت اشتريتلك طاقيتين وشراب ..انا درب كراعي في الواطه قربت اشيلو معاي استخسرتو فيهم...غايتوما في خيارات..واسمع دي كمان.. رابع يوم العيد قررت اعزم قريبتي في احد مطاعم شارع المطار وكانت شوره سوده دخلنا المطعم كميه من الاطفال انا افتكرتو تخريج روضه ازعاج وجري وسحب كراسي اتاريهو شلة نسوان قرروا يفسحو اطفالهم في المطعم؟؟؟؟؟بس اتخيل معاي رحله لي اكتر من 15 او 20 طفل في مكان محصور بالاضافه لوجود زبائن اخرين ...ياخي شيلن الاكل ده وامشن الحديقه خلوا العيال دي تسرح وتمرح...والله ما استمتعت بالاكل ولا عرفت اكلت شنو؟؟؟بفكرفي الشعب السوداني ده متين ح يعرف الشيء المناسب في المكان المناسب ...وصدق زكريا براي قعد اكوس محل فقع المراره...ورفع الضغط ..كافتيريات السوق العربي ماله ؟محل ضبح الكدايس العارفه منو كديسي ولا ارنب تراهم الطلبه يلهطو سآآآآي....
__________________
مسافر والامر اسرار...وفي الغربه الوطن تذكار
رد مع اقتباس
  #14  
قديم 08-29-2012, 07:04 AM
الصورة الرمزية ودالحوش
ودالحوش ودالحوش غير متواجد حالياً
Senior Member
 
تاريخ التسجيل: Nov 2010
المشاركات: 2,912
افتراضي

اعتقد بانو في فواصل عشرية ناقصة....
__________________
مـــا اصــلــي مــنــك
وانــــــت مـــنــــي
وبينـا كــان الـريـد شـديـد
رد مع اقتباس
  #15  
قديم 08-29-2012, 09:32 AM
الصورة الرمزية العابره
العابره العابره غير متواجد حالياً
Senior Member
 
تاريخ التسجيل: Nov 2011
المشاركات: 1,714
افتراضي

اقتباس:
المشاركة الأصلية كتبت بواسطة ودالحوش مشاهدة المشاركة
اعتقد بانو في فواصل عشرية ناقصة....
معليش قلبك طيب ونيتك بيضا شيل الارقام دي وامش اقعد ومحل ما يبقالك عديل خت الفاصله العشريه كان وقع لك السعر نقوم نمش بربطة المعلم ونوضح اللبس الحاصل بس لازم يكون معانا زكريا بالعكاكيز المحضره لي مهنئين عرس بتو لاننا بالتأكيد ح نحتاجه مع الناس المسلهبين الطوال الشغالين هناك ديل....

__________________
مسافر والامر اسرار...وفي الغربه الوطن تذكار
رد مع اقتباس
إضافة رد

« الموضوع السابق | الموضوع التالي »
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:50 PM.

زوار البركل من تاريخ 2011/7/11
free counters
التصميم والدعم الفني


Design By: Miner Skinz.com
Powered by vBulletin® Version 3.8.1, Copyright ©2000 - 2014, Jelsoft Enterprises Ltd. TranZ By Almuhajir