العودة   موقع البركل > منتديات البركل > الـمنتدى العــــام
التعليمـــات المجموعات الإجتماعية التقويم البحث مشاركات اليوم اجعل كافة الأقسام مقروءة

إضافة رد
 
أدوات الموضوع انواع عرض الموضوع
  #136  
قديم 07-11-2012, 08:53 AM
الصورة الرمزية د. عبدالرحمن حسين
د. عبدالرحمن حسين د. عبدالرحمن حسين غير متواجد حالياً
Senior Member
 
تاريخ التسجيل: Jul 2009
الدولة: السعودية
المشاركات: 863
إرسال رسالة عبر مراسل MSN إلى د. عبدالرحمن حسين إرسال رسالة عبر مراسل Yahoo إلى د. عبدالرحمن حسين إرسال رسالة عبر Skype إلى د. عبدالرحمن حسين
Post بسم الله الرحمن الرحيم

الاخوان ابوزهير و ابوطارق لكم الود والتقدير :بمداخلاتكم الرائعة رجعتا للبلد وجمالها ....واصلوا...
__________________
رد مع اقتباس
  #137  
قديم 07-11-2012, 10:08 AM
أبوزهير أبوزهير غير متواجد حالياً
Senior Member
 
تاريخ التسجيل: Sep 2007
المشاركات: 3,131
افتراضي

أبو طارق
يا مصيوب.. اسع يردو عليك يقولوا شنو؟
لقد جسدت المعنوي لمحسوس بى طعم حلو شديد معتق مغموس طاعن في ارثنا الجميل جمال لوحاتك المرسومه بصدق وعفوية فأتت معبره بجد في فليم لا تستيطع كاميرات افضل فنان ان يعرضها..
يازول انت مسكون بالبلد والبلد الزمان مو البلدي الاسع دي شئ.. يا سلام عليك ياخي.. لا خليت سبيل لا ترتار فوق سطح المويه ولا طير الجني المنتظر يشرب من السبيل.. حتى كريت والبرم..
تعرف كلامك ده لونه برم وطعمه برم هل تذوقت طعم البرم.. صدقني مذاقع اصيل اصالة نضمك دهـ.. يا زول انت داخلاك روح قديمي.. اصيلي اصالة زمن الارقوق والتوريق والالس وموية الساقيه المباركه.. المندلقي بى بشيش زي ما وصفت ترقرق تروي بى مهلتها وفيها البركه .. لا جازولين ولا مكننه ولا عكننه..
يا سلام على حنين الساقيه ودوبيت الاروتي يلوح بى صوتو لكن لا يضرب الارقوق.. عطفا عليه والقواديس تتوالى فوق الحلقه .. في نظام صناعي بديع ..يا سلام قول يا كريم .. البركه البركه.. ديك دخانيه وديك لوبايه وديك السمحه بى مهارة تلقط من فوق التقنتد داير تسوي ملاحها .. من كل نبته قطفه فياتي الغذاء مترع بالفايتمينات والعافية والصحة..
ذكرتني البرم وكريت
انا أتالم جدا يا اباطارق لان التنوع في الاشجار انعدم.. كانت اشجار الصنط على ضاف النيل تعطى عطاء لا حدود له .. بداء من الظل ثم الحطب ثم البرم وثم القرض .. وكانت تعشقه السعيه من ماعز وضان ونحن ايضا كنا نطعم منه صمغا نسميه الكعنكول.. هل تذوقت طعم الكعنكول.. يا سلام.. ثم الطلح وما ادراك ما اطلح ساونت بناتنا والطندب شجر الطندب وثماره الذي يشبه العنب لا بل أوكد انه العنب بذاته .. والسيال .. والهجليج.. وشجر الحراز الذي يتحدى فيضان النيل في كربياء فتجده يحرد مع الفيضان ويذبل. يا سلام على الخروم لونا وشكلا.. وغذاءا للسعيه.
الاخبار من البلد أن المطر عم والسيول اندفعت متحدية طريق الشمال وعبرت فوقه.. وتكونت الغدران.. يا سلام تعرف الغدير يا اباطارق ؟ هوي ممنوع الاقتراب أو التصوير .. هذا حوض سباحه خاص بالفتيات فقط. لا ادري هل عدنكم هذا العاده.. من اراد ان يسبح من الذكور فصدره للنيل لا للغدير.. اعراف وقوانين يسنها المجتمع دون لائحة مكتوبة او قوى تشرف على تنفيذها سوى قوة المجتمع وعاداته..
سلامي كتير لى زولا عايش بجسده وسط غابات الاسمنت لكن روحه هناك.. هناك حيث الصدق والصفاء ..
لك مودتي
رد مع اقتباس
  #138  
قديم 07-11-2012, 10:17 AM
ابو طارق ابو طارق غير متواجد حالياً
Senior Member
 
تاريخ التسجيل: Jan 2012
المشاركات: 2,642
افتراضي

اقتباس:
المشاركة الأصلية كتبت بواسطة أبوزهير مشاهدة المشاركة
لعل البعض يراها ترفا ، لكني اطلق ومضا املا في ان يكبر ويصبح نورا يوما ما.. الشمال وما ادراك ما الشمال .. محلية صنب او مروي قل ماشئت.. لها دين في رقابنا.. لست جهويا لهذا الحد لكن انه الانتماء لاهل ومنطقة اعطتنا وما فتئت تعطى لاجيال من بعدنا.. فلا تلومونا ان كنا اكثر التصاقا ودفاعا عنها فإصلاح البعض يساهم في تقدم الكل..
من لم يشكر الناس لم يشكر الله جل شانه، التحية لابن المنطقة التي يعمل في صمت .. المهندس جعفر على البشير..مدير شركة الكهرباء .. وحقيقة عندما ارى جزر المنطقة المتناثره داخل النيل تتمتع بالكهرباء وتساير روح العصر .. احمد الله ومن ثم اثني الحمد للقائمين على هذا الجهد.. هذه الجزر المنتشره والتي كنا نعاني في الوصول اليها عبر المراكب وغيرها تعمها اليوم الكهرباء وينعم اهلها بفوائد هذه الطاقة.. لكن بالرغم من ذلك النجاح يا جعفر وانت مننا وفينا زي ماب يقولوا.. مازالت هناك مشاريع زراعية لم تستبدل طاقتها من الجازولين للكهرباء واعلم ان السبب ليس لعدم توفر الكهرباء بل لامر يتعلق بالاهل انفسهم .. الحيازات ومن اين يمر الخط الناقل حتى ضفاف النيل ..
اعلم ان حنكتك وقدرتك على ايجاد الحلول لمثل هذه المعضلات لا يعجزها الحل بل انت بعون الله قادر على مناقشة الاهل وانت من جلست تحت البركاوية والمشرقية وعبرت الجدول وضرعت الانقاية والديق . اي مدرك لنوع وحقيقة الارض وانسانها هناك ، قادر باذن الله على ايجاد الحلول مع اهل الحل والعقد من بينهم..
املي يا جعفر ان يتحقق هذا الامر على يديك ولا اود ان اسمع ان هذا الاختصاص لا يشمل مهامي فانت الرجل الشامل لقضايا منطقتنا.. فهل اسمع عن قريب تبنيك لمعالجة ما تبقى من مشاريع زراعية لم تكهرب؟
تحياتي
الاخ الكريم ....ابوزهير
وفال الخير اخير وبكره الفكره تصبح واقع معاش يعود بالنفع والخير لاهل الشمال
وطول الباع وامشى كمان وولتشمل الفكره الضفتين لا عند حلفا.وتحياتنا وثناؤنا عبركم
للجندى الصامد فى الميدان جعفر على البشير ونحييه والبلد تقوم على اكتاف شبابا
اخى ابو زهير ومازال الخير فى اهلنا باقى لا جنى الجنا و الاتفاق كارنا ونحل كبارنا وقبيل اتفقو على الجدول الضكر والتنقير وعمرت السواقى اما درب الترك الممتد من كورى لا كريمه كان بوازع من السلطان وكذلك يمكن ان يكون الخط الناقل للطاقه للمزارع والمشاريع والمسالة يمكن ان تكون اكثر سهولة وتطبيق اذا كان هناك توجه ولائى او مركزى يمنع استخدام ماكينات الديزل للرى تدريجيا خلال فترة زمنيه محدده وبذلك نكون اصطدنا عصفورين بحجر اولهما طورنا وحدثنا مشاريعنا وثانيها الاستفاده من الديزل فى عملية التصدير وجلب العملات الحره وبها توفر قطع الغيار واللوازم الاخرى وينطلق قطار التنميه
تحياتى
رد مع اقتباس
  #139  
قديم 07-11-2012, 10:57 AM
ابو طارق ابو طارق غير متواجد حالياً
Senior Member
 
تاريخ التسجيل: Jan 2012
المشاركات: 2,642
افتراضي

اقتباس:
المشاركة الأصلية كتبت بواسطة ام فئ مشاهدة المشاركة
الاكارم

ابوزهير
ابوطارق
ابو صلاح
ابو الجعافر
ابو عبده(د\عبد الرحمن،للوزنه)

صباح الخضره والماء والوجه الحسن

شكرن لوجودكم وانتم تحاولون تخضير الارض
ام فئ.....سلام
تيممت العين التى عند ضارج --يفئ عليها الظل عرمصها طامى
كيف قيلتو والقيلوله وراحت البال
ولك جزيل الشكر وانت تشحذين الهمم
وتحدى للمسير
تحيات خضراء فى ليلة قمراء...وسط الحيشان
رد مع اقتباس
  #140  
قديم 07-11-2012, 06:59 PM
ام فئ ام فئ غير متواجد حالياً
Senior Member
 
تاريخ التسجيل: May 2010
المشاركات: 2,568
افتراضي

اقتباس:
المشاركة الأصلية كتبت بواسطة ابو طارق مشاهدة المشاركة
ام فئ.....سلام
تسلم
تيممت العين التى عند ضارج --يفئ عليها الظل عرمصها طامى
كيف قيلتو والقيلوله وراحت البال
تمام قيلنا بفضله،،،الا البال مشغول بما لونته بالاحمر،،،ضووومه ما عرفتهن،،،اخشي تقول بركلاويه شايقية لندن
ولك جزيل الشكر وانت تشحذين الهمم
وتحدى للمسير
إتباشروا ام فئ وراكم
انا فوقكم بقول تمام

تحيات خضراء فى ليلة قمراء...وسط الحيشان

اجمل تحيه،،،وليله قمريه في حيشان البلد
رد مع اقتباس
  #141  
قديم 07-12-2012, 03:47 AM
ابو طارق ابو طارق غير متواجد حالياً
Senior Member
 
تاريخ التسجيل: Jan 2012
المشاركات: 2,642
افتراضي

اقتباس:
المشاركة الأصلية كتبت بواسطة ام فئ مشاهدة المشاركة

اجمل تحيه،،،وليله قمريه في حيشان البلد
ام فئ....ليك بقول سلام
تحيه باكريه وبكريه تفوق على عجو المشرق الدفاق
ضارج:اسم لجبل
عرمض:طحالب
طامى:طافى او مطفح فوق وشى المويه
وكامل الموضوع لوصف واحه فى قلب الصحراء بجوارها عين ماء سقت المكان خضره واينعت وفاءت ظلالها للاستجمام ،ومعلوم ان الطحالب لا تنمو وتطفو الا فى ماء لا حراك به او اى بيئه تتوفرفيها الرطوبه الكافيه حتى ضهر الزير لم ينجو منها
وانقذت هذه العين الشاعر ومن سلك ذات الطريق من مهالك العطش والفناء
رد مع اقتباس
  #142  
قديم 07-12-2012, 06:01 AM
ام فئ ام فئ غير متواجد حالياً
Senior Member
 
تاريخ التسجيل: May 2010
المشاركات: 2,568
افتراضي

اقتباس:
المشاركة الأصلية كتبت بواسطة ابو طارق مشاهدة المشاركة
ام فئ....ليك بقول سلام
وليك بقول حباب،،،تمام
تحيه باكريه وبكريه تفوق على عجو المشرق الدفاق
ولك مثلها تفوق عجو المحس
ضارج:اسم لجبل
عرمض:طحالب
طامى:طافى او مطفح فوق وشى المويه
لولا قوقلتي لهن عندك لما عرفتهم لا حووووووووول ده
قشكرن ع زيادة رصيدي المعرفي

وكامل الموضوع لوصف واحه فى قلب الصحراء بجوارها عين ماء سقت المكان خضره واينعت وفاءت ظلالها للاستجمام ،ومعلوم ان الطحالب لا تنمو وتطفو الا فى ماء لا حراك به او اى بيئه تتوفرفيها الرطوبه الكافيه حتى ضهر الزير لم ينجو منها

انت واحة البركل نتفيأ ونتعلم
وانقذت هذه العين الشاعر ومن سلك ذات الطريق من مهالك العطش والفناء
ربنا ينقذك من عيون البركل،وكل خلقو
وينجيك من مهالك الطريق
رد مع اقتباس
  #143  
قديم 07-14-2012, 08:22 PM
ابو طارق ابو طارق غير متواجد حالياً
Senior Member
 
تاريخ التسجيل: Jan 2012
المشاركات: 2,642
افتراضي

اقتباس:
المشاركة الأصلية كتبت بواسطة صلاح نصر ادم مشاهدة المشاركة
أبو طارق مساك الله بالخير ,
ياخي و الله كفيت ووفيت تب ,,
بالمناسبة بعد كلامك عن الأوكادو , بقيت أحتفظ بالبزرة , عشان أن شاء الله لما
أمشي في الأجازة أزرعها ,, طبعا حتقولي أحسن الشتل ,, لكن الشتل يجيبوه من
وين ياباشمهندس ؟؟؟؟ بالله عليك دلنا ,,,...,
ثانيا : في المداخلة بتاعة أستاذنا أبو زهير ,, وخطبة الجمعة للشيخ الكاروري
أعتقد ان الشيخ في كلامه ذكر أنه النخيل والعنب , وليس النخيل والزيتون ,
وأستدل بالآية الكريمة (وأحيط بثمره فأصبح يقلب كفيه علي ما أنفق فيها وهي خاوية
علي عروشها ويقول ياليتني لم أشرك بربي أحدا ) , وعرف كلمة عروشها , أي
الرواكيب اللي بتتعمل للعنب عشان يسرح وينتشر فوق هذه الأقفاص ويشيل ,,
يعني الخلاصة اللي طلعت بيها من كلام الكاروري , ان مناخ المنطقة مناخ ملائم
لزراعة العنب ,, ولا أنت عندك راي تاني ياباشمهندس ,,
وبرضو بالنسبة للزيتون ,, هل مناخ المنطقة مناخ ملائم لزراعته ؟؟ أرجو الأفادة
أفادك الله وزادك علما ,,,

تخريمة : تعرف يا أبو طارق , أي مداخلة منك بتكون محاضرة دسمة بي كل ماتحمل
الكلمة من معني ,, واصل واصل يا أبو طارق أفادك الله ,,,...,,,...

,,...,,,
الاخت صاحبة البستان....ام فئ
الرائد الكريم والاخ العزيز/صلاح
سند الهاكعه ركازة الزمان ان مال الاخ الفاضل/...ابوزهير
الاخوة رواد البستان....تحية خضراء....من زروع و جنات معروشات وغير معروشات والنخيل والزيتون والرمان ...وطاب مقيلكم تحت ظلال ورافه فى جنات قائمة على اصولها....تؤتى اكلها حينها باذن ربها...وبورك فى جمعكم ومن جمعكم
وقبل مانمشى لى قدام نرجع مع الافكاتو وبذور الافكادو وكما ذكرنا من قبل فان اشجار الفاكهه لا يحبذ زراعتها من البذره لانها ربما تعطى شجره ذات ثمار تخالف الاصل حتى احيانا تقاوى الخضروات الهجين تجد بجانب الصوره على ظهر العبوه عبارة ربما المنتج يخالف الصوره والسؤال المفروض يطرح نفسه لماذا شتله البذره يمكن ان تخالف اصل اماتا؟؟؟سؤال مطروح للاجابه عليه
وسؤال اخر لماذا التمر المزروع من الحصا اغلبه ذكور؟؟؟
وطبعا الشتول التى نحصل عليها من البذور تستخدم اصول يطعم عليها ودا كلام اكاديمى من نافلة القول فى الاجابه على من يقول لماذا تزرع البذور.وعموما اخى صلاح البذره زى البطيخه يا طلعت بيضاء او حمراء
من اين نتحصل على الشتول ؟؟
المشاتل المركزيه فى السودان
اقرب الدول انتاجا للافكادو...جمهوريه مصر
مشتل الصحراء فى دبى وسبق لى ان زرت هذا المشتل وبه انواع لا تحصى ولاتعد من شتول الفاكهه
مشتل شركة الريوم الزراعيه فى مزارع الرحبه بابوظبى
العنب..... والزيتون
(( وهو الذي أنشأ جنات معروشات وغير معروشات والنخل والزرع مختلفا أكله والزيتون والرمان متشابها وغير متشابه كلوا من ثمره إذا أثمر وآتوا حقه يوم حصاده ولا تسرفوا إنه لا يحب المسرفين ))
الجنات المعروشات هى مزارع العنب وغير معروشات باقى الاشجار ويدخل فيها العنب ايضا لان هناك انواع من العنب تنمو على دعامة خشبيه فى شكل شجيره واحيانا لاتحتاجها.انواع العنب كثيره ومتنوعه منها ماهو للاكل واخر لتصنيع العصائر طيبه وتخمر لتكون خبيثة ثم عنب الزبيب وبعض الاصناف تصلح للكل
زراعة العنب فى السودان ناجحه ويمكن التوسع فى زراعته(وكان مكضبنا اسال العنب الراميه فى بيتنا)
العوامل البئيه التى تحتاجها زراعة العنب:
اول ابشرك اخى صلاح كل العوامل البيئيه المطلوبه لزراعة العنب متوفره عندنا فى الشماليه والسودان عامة وهى تتمثل فى
1 - التربه كل انواع الترب الزراعيه والمستصلحه على ان تكون جيدة التهويه يعنى مسمده ومحروثه
2 - الرياح الخفيفه يعن يزرع فى مزارع حولها مصادات رياح
3 - الضوء المناسب ولا يحب التظليل لان ذلك يؤثر على كمية المحصول ومحتواه السكرى (الحلاوه)
4 - الحراره بين 30-35درجه مئويه وهذه متوفره فى الشمال وحراره التربه يمكن الحصول عليها بالرى المنتظم
5 - الرطوبه
الحد الاعلى:60-70%
الحد الادنى:20-25%
وعموما من انجح انواع الفاكهه فى الاراضى الصحراويه علما بانه كلما اتجهنا جنوبا كل ما كان الانتاج اوفر .

الزيتون
اتجه العالم المتقدم نحو انتاج الزيتون للفوائد الطبيه لزيته ويزرع على نطاق واسع فى دول حوض البحر الابيض المتوسط وعليه كلما اتجهنا شمالا كلما كانت زراعته ناجه لذلك يمكن ان ينجح فى شمال السودان اكثر من اواسطه وجنوبه علما بانه نجحت زراعته شمال المملكه العربيه السعوديه فى منطقة الجوف وحائل اكثر من نجاحه فى الرياض
المتطلبات البيئيه:
1 - المناخ :مناخ البحر المتوسط حار جاف صيفا دافى ممطر شتاءا وشمال السودان اكثر المنا طق قربا من المناخ المذكور فضلا عن ذلك التغير البيئى بعد بحيرة السد ربما يضيف الى نجاحه اكثر مع انه زرع واثمر فى اسوان والصحراء الغربيه وصحراء الجزائر
2 -الحراره: يحتاج الى فتره بروده كافيه فى موسم الشتاء لتساعد على الازهار صيفا
3 -التربه : يمكن زراعته على نطاق واسع من الترب الخفيفه ،الثقيله والرمليه وزراعته فى الاراضى الخصبه يزيد من النمو الخضرى على حساب الاثمار.
المعوقات:
بما ان زراعه الزيتون والعنب حديثه ودخيله على النمط التقليدى للزراعه فان الخبره والعمال المهره هما العائقان التى يمكن التغلب عليهما بالممارسه والاستعانه باهل الاختصاص ولو من الدول المجاوره على مستوى الحكومات

هوامش:
ا -يمكن للاشجار ان تنمو وتبلغ الطول المناسب ولكنها لا تثمر اذا لم تتكامل العوامل المناسبه
ب - يمكن ان تعمر لاكثر من 2000عام
ج -لزيت الزيتون خاصية الوميض الذاتى وسوف نتجاذب اطراف الحديث عن هذا الاعجاز لاحقا
رد مع اقتباس
  #144  
قديم 07-15-2012, 10:34 AM
أبوزهير أبوزهير غير متواجد حالياً
Senior Member
 
تاريخ التسجيل: Sep 2007
المشاركات: 3,131
افتراضي

ابو طارق
اسطرها لك قلمي قرن ويكي خضراء مداده ملاح نعيميه على صفحة قراصة اربعه بوصه.. لتاتي الكلمات ليست كالكلمات.. طعمها مختلف ولونها مختلف لكنه معلوم لديكم.. كلام اهلي ونضم اهلي.. الحنين يدخل الجوف وجو الجوف يتحكر ويزيد الالفه والمحنه..ويرسم على صفحة القراصة قلب برئ دليل محبه وتقدير .. أهـ بى تلحس اصابعك وتدشه ام تعاف هذا التصرف وتمسح بى منديل..
ابوطارق تعال يا خوي.. اتفرجخ هنا جنبي في ضل الضحى دهـ .. الهواء نقي ولا تخاف تراب بلدي طاهر ونضيف طبيعي ينظف لا يوسخ شي.. الفطور قرب والنفك الريق والسايقي واصلي اصلنا ناس مهلي تب.. الراحو ديل كلهن ما كان لديهم رغبات يحققوها.. كلهم كانوا مستعجلين وراحو خلوها.. دنيا فرندقس. الدنيا اتغريت واتبدلت .. اظنها آخر زمن.. اسع التمر الماشال دهـ وبقى عاول السني دي نسوي فيه شنو؟ وكمان قالوا المناخ ما يصلح معاه.. انت المناخ دهـ شنو؟ ما ياهو الهو بتاعانا دهـ والواطه واطاتنا لا اتبدلت لا اتغيرت ومويتنا ماياها المويه .. يا ربي كبوا فيها شيتا يعول التمر؟
دحين انت قلت لي كيلة التمر بى كم؟ يا خي انت من زمن التمر بالكليه.. الشئ بقى بالشوال يبيعوه.. تعرف زمان جد لي يزرع في البركاوي ويشتل .. سالوه ليه يازول مكتر كدي في الشتل قال داير يحصل الكيله عشرين... تعرف عشرين دي شنو ؟ عشرين قرش.. رحمك الله يا جدي..
هوكان يدي تمر زريق الجاوه الكعبي ديك كان يديها الحمار- الله يكرمك.. لامن غلبنا كل يوم قاطع الحبل وعاير مسوي العوه فوق حمير الناس ويجري بالبرود .. اسع بقى يتباع ويجيب قروش كمان.. لكن بى يودوه وين.. انت التمر ده بى كترتوا دي بى يروح وين كله ياكلوه.. ديل اصلهم ماب يكلوا شئ غير التمر؟ اهـ بعد دهـ يسو شنو قالوا التمر بقى شيلو كعب وماب ينفع مع الرطوبه السوتها بحيرة السد.. باقيلك دي ماها عوجي؟ لكن تعرف الحمار دهـ ما كان يجوط ويجري ويعض براه اظن كترت التمر تحول لى كريس.... في معدته
جدي عذبوه في حمارو البى ياكل التمر وكل يوم عاير.. على طول اديني حمارك امشي بيه مشوار غلبوه.. يوم كان زهجان طلبو الحمار .. رد عليهم حرم حماري دار.. تعرف دار دي معناها شنو اي حامل في بطنه جنين.. أي لا يتحمل المشاوير ... منتهى الكعوبيه.. حسم غريب.. تعرف جدي دهـ متقدم في تفكيرو شديد .. اسع ما قريت ان في رجال حملوا بى اجنه؟ طيب جدي غلطو شنو؟ ما الحمار ضكر والرجال البى يحملوا ديل ذكور...!!! أنا ما قلت ليك آخر زمان!!!!!
زمان عندنا فارس ودفارس عندو جماعه تابعين ليه – اظنك فهمتها- كان يصنع التمر دهـ ويحولوا كريستال .. خرب شفع الحلي كلهن.. الجماعه اجتمعوا قالوا نطرد الزويل دهـ من هنا.. نط الفارس قالهم الزول زولي والتمر تمري وانا راضي بالبسوي فيه.. انتو امسكو ولادكم عليكم.
فجاة كده عمنا دهـ قال انتو الحكاي شنو الهدد راح والقمل راح... تخيل تفكير هذا الزول.. جمع ما بين القمل والهدد.. ليه .. يا ربي عمنا شرب شامبيون ام.....؟!!!!! أم فعلا الزمن اتغير .. طيب القمل راح شئ مرغوب لكن الهدد دهـ مالوا؟!!
دهـ التمر ياأبا طارق ونحن نقول ازرعوا الزيتون باقيلك التمر مو اهون من الزيتون ؟
أبو طارق جاوب وتحياتي لى ام فئ وكل زوار البوست
رد مع اقتباس
  #145  
قديم 07-15-2012, 11:01 AM
الصورة الرمزية د. عبدالرحمن حسين
د. عبدالرحمن حسين د. عبدالرحمن حسين غير متواجد حالياً
Senior Member
 
تاريخ التسجيل: Jul 2009
الدولة: السعودية
المشاركات: 863
إرسال رسالة عبر مراسل MSN إلى د. عبدالرحمن حسين إرسال رسالة عبر مراسل Yahoo إلى د. عبدالرحمن حسين إرسال رسالة عبر Skype إلى د. عبدالرحمن حسين
Red face

الاخون ..ابو طارق ..ابوزهير:كيفنكم,,الله يجازي محنك يا ابو زهير..والله صاحبك ودفارس...اظنو (التابع له)...يجيب له البكريي من الكرستال...قالو اماني ماهي قوي...هي عقلك لا يمشي بعيد انا ما جربته ..ههههههههههههه
__________________
رد مع اقتباس
  #146  
قديم 07-15-2012, 11:33 AM
أبوزهير أبوزهير غير متواجد حالياً
Senior Member
 
تاريخ التسجيل: Sep 2007
المشاركات: 3,131
افتراضي

د. عبد الرحمن
قالوا... ام متاكد؟!!!!!
البكري قوي!!!!! من اين لك هذا.....الاسم ..سمعتوا ام جابوه ليك؟
طيب المو بكري اسمه شنو؟ وهل درجته اقل ام مساوي للقطفه الاولى؟
غفر الله لي اولا ولك ثانيا ولى ابي طارق ثالثا الرمانا في الشبكي دي..
اسال الله ان نتذوقها في الجنه يا ظريف .. الامر ما هو الا مداعبه وعارفك ابيض توب دبلان.
رد مع اقتباس
  #147  
قديم 07-15-2012, 07:41 PM
الصورة الرمزية صلاح نصر ادم
صلاح نصر ادم صلاح نصر ادم غير متواجد حالياً
Senior Member
 
تاريخ التسجيل: Nov 2008
المشاركات: 667
افتراضي

اقتباس:
المشاركة الأصلية كتبت بواسطة ابو طارق مشاهدة المشاركة
الاخ الكريم/ابوزهير
دعاء كالثناء بلارئاء --يؤديه الجنان الى الجنان
حباب المعلق تورو كاربلو الصريمى....سلام للكرفس وقلع الديمه....وسلامى لى المو مورق قمحو قالبلو المى ديمه...والسلام للعوالى والضهارى مرفوع بالكلاتيد...من اروتى وسط التكم متحكر ومريح وغرة عين....وعينو ملانى ...بتورا يسوق ارقوق موازين... ومنسجم مع صوتا رخيم مجموع انين من الحلقه والمشق والحليقه والتوريق مع العطفه وموية كابى فى الفزقيه وماسكى الجدول الضكر وقايمى جرى...مدلوقه ودى جداولنا البى ايدينا محكمه وبين التتقين تتمرتق مويتا ...وبعيد هناك تحت الشدر حايمى السعيى ومعاعا كمين جنا رعت البرم وادوعلت لامن جاها المسور وحتا لاخلالو علف ولا قرض...وكريت اتمسحت وكم سواهو فيها القرض وصدق القال....
جيت لى داركم اشكرتى ودخلت بستانكم العامر وافتقدت الترجمان ودنيت لكى اغطف من ثمره اليانع وكانه دنانير تفر من البنان ورجعت للسبيل الفوق درب الترك فى ضل نيمه وتحتو خاتين المزيره زيرين قناوى مربوطات سوا ومغتات بى قطعت صفيح وفوقا قطاع الهنا ...وطيور الجنه تتاوق وترجع لا ورا وراجى الفضله دار تقطع عطشتا ونتراوح على دانقت فلان ساعة المقيل والتسليه والطاب مبنت امانى ما بتشوفلك خزا...ومع العصيرنتساوق لا تحت الفى نيتو عوم والبقضيها قعاد فوق الكرتقه ويشيل من الكركتى ويجدع فى البحرويترتر الحجر فوق المويه ساولو كم دورانيى قبال تنحسب تمشى مكسره...ويلاكم على البيوت من ضو قبال المرسال يجى لا عندنا ...وبى عند الزرايب نمر حس البهيمات فى الوكر ضايقات وروحا مشعتفه باقى مسدودات من الضحى وضايقات للرضاعى وبطيب نفس قاسمنا لبينة اماتن وتبارك الله الخير وفير والكوره مليانى وفوقا كسرة عود معارضه..وطبينا البيوت وحيشانا المفرشه بمراتب الهنا وملايات ترقص مع الهمبريب اليرد الروح ..مستاقينلو ولينا كم سنه ومع الضحك والقرقراب يجينى الشاى الريحتو فايحى مغننه و الكبابى فى الصينى ترن بايقاع مع قدم الشايلا شاين تخين بلبن ضان ومعاهو حرف تمر لزوم الفنكه....وراجينا العشى وقمراتنا زينه ملجلجى ويا سهر السعد واسعد وتعود الايام يا ريت كل سنه .
وباكر من صباحك قوم شوفلنا الشدر الغريب الفى الحزام وقولنا وحدثنا النسوى شنو قبال يحتل ارضنا ويخربا .ونشوف المسكيت (الغويف) كمان مالو داوش الناس وعامل قلقله ما يقوم واحد يسوربو مزرعتو ويبقى فى آخرا


أبو طارق يا رجل يا زين ,,
مساك الله بالخير ,,
كلامك الفوق ده ,, أنا أكاد أجزم , في ناس كتيرة أستعانت بي صديق
لترجمة الكلام ده ,, وصدقني , خلي شايقية لندن !! حتي بطان الزمن ده , العايشين
في البلد حيستعينوا بالدكشنري ,,

وبرضو تقولي الشوايقة ما رطانة !!!!!

..,,..,,..
رد مع اقتباس
  #148  
قديم 07-15-2012, 08:11 PM
الصورة الرمزية صلاح نصر ادم
صلاح نصر ادم صلاح نصر ادم غير متواجد حالياً
Senior Member
 
تاريخ التسجيل: Nov 2008
المشاركات: 667
افتراضي

اقتباس:
المشاركة الأصلية كتبت بواسطة أبوزهير مشاهدة المشاركة
ابو طارق
اسطرها لك قلمي قرن ويكي خضراء مداده ملاح نعيميه على صفحة قراصة اربعه بوصه.. لتاتي الكلمات ليست كالكلمات.. طعمها مختلف ولونها مختلف لكنه معلوم لديكم.. كلام اهلي ونضم اهلي.. الحنين يدخل الجوف وجو الجوف يتحكر ويزيد الالفه والمحنه..ويرسم على صفحة القراصة قلب برئ دليل محبه وتقدير .. أهـ بى تلحس اصابعك وتدشه ام تعاف هذا التصرف وتمسح بى منديل..
ابوطارق تعال يا خوي.. اتفرجخ هنا جنبي في ضل الضحى دهـ .. الهواء نقي ولا تخاف تراب بلدي طاهر ونضيف طبيعي ينظف لا يوسخ شي.. الفطور قرب والنفك الريق والسايقي واصلي اصلنا ناس مهلي تب.. الراحو ديل كلهن ما كان لديهم رغبات يحققوها.. كلهم كانوا مستعجلين وراحو خلوها.. دنيا فرندقس. الدنيا اتغريت واتبدلت .. اظنها آخر زمن.. اسع التمر الماشال دهـ وبقى عاول السني دي نسوي فيه شنو؟ وكمان قالوا المناخ ما يصلح معاه.. انت المناخ دهـ شنو؟ ما ياهو الهو بتاعانا دهـ والواطه واطاتنا لا اتبدلت لا اتغيرت ومويتنا ماياها المويه .. يا ربي كبوا فيها شيتا يعول التمر؟
دحين انت قلت لي كيلة التمر بى كم؟ يا خي انت من زمن التمر بالكليه.. الشئ بقى بالشوال يبيعوه.. تعرف زمان جد لي يزرع في البركاوي ويشتل .. سالوه ليه يازول مكتر كدي في الشتل قال داير يحصل الكيله عشرين... تعرف عشرين دي شنو ؟ عشرين قرش.. رحمك الله يا جدي..
هوكان يدي تمر زريق الجاوه الكعبي ديك كان يديها الحمار- الله يكرمك.. لامن غلبنا كل يوم قاطع الحبل وعاير مسوي العوه فوق حمير الناس ويجري بالبرود .. اسع بقى يتباع ويجيب قروش كمان.. لكن بى يودوه وين.. انت التمر ده بى كترتوا دي بى يروح وين كله ياكلوه.. ديل اصلهم ماب يكلوا شئ غير التمر؟ اهـ بعد دهـ يسو شنو قالوا التمر بقى شيلو كعب وماب ينفع مع الرطوبه السوتها بحيرة السد.. باقيلك دي ماها عوجي؟ لكن تعرف الحمار دهـ ما كان يجوط ويجري ويعض براه اظن كترت التمر تحول لى كريس.... في معدته
جدي عذبوه في حمارو البى ياكل التمر وكل يوم عاير.. على طول اديني حمارك امشي بيه مشوار غلبوه.. يوم كان زهجان طلبو الحمار .. رد عليهم حرم حماري دار.. تعرف دار دي معناها شنو اي حامل في بطنه جنين.. أي لا يتحمل المشاوير ... منتهى الكعوبيه.. حسم غريب.. تعرف جدي دهـ متقدم في تفكيرو شديد .. اسع ما قريت ان في رجال حملوا بى اجنه؟ طيب جدي غلطو شنو؟ ما الحمار ضكر والرجال البى يحملوا ديل ذكور...!!! أنا ما قلت ليك آخر زمان!!!!!
زمان عندنا فارس ودفارس عندو جماعه تابعين ليه – اظنك فهمتها- كان يصنع التمر دهـ ويحولوا كريستال .. خرب شفع الحلي كلهن.. الجماعه اجتمعوا قالوا نطرد الزويل دهـ من هنا.. نط الفارس قالهم الزول زولي والتمر تمري وانا راضي بالبسوي فيه.. انتو امسكو ولادكم عليكم.
فجاة كده عمنا دهـ قال انتو الحكاي شنو الهدد راح والقمل راح... تخيل تفكير هذا الزول.. جمع ما بين القمل والهدد.. ليه .. يا ربي عمنا شرب شامبيون ام.....؟!!!!! أم فعلا الزمن اتغير .. طيب القمل راح شئ مرغوب لكن الهدد دهـ مالوا؟!!
دهـ التمر ياأبا طارق ونحن نقول ازرعوا الزيتون باقيلك التمر مو اهون من الزيتون ؟
أبو طارق جاوب وتحياتي لى ام فئ وكل زوار البوست

أم فئ ,, مساك الله بالخير أختنا العزيزة ,,
أيه رايك في اللعيبة المحترفة اللي جبتها ليك في بوستيك ده ,,
عليك الله شوفي الكلام الطاعم ده ,,
تصدقي يا أم فئ لما ركذت في كلام أستاذنا أبوزهير الفوق ده , لقيت نفسي ماسك لي
كباية شاي ومكوع جمبهم ,,

أستاذنا أبو زهير , الله يديك الصحة والعافية ,,
واصل , واصل , والله أديت البوست نكهة خاصة ,,

مع تحياتي للجميع ,,

,,..,,..
رد مع اقتباس
  #149  
قديم 07-15-2012, 08:18 PM
الصورة الرمزية صلاح نصر ادم
صلاح نصر ادم صلاح نصر ادم غير متواجد حالياً
Senior Member
 
تاريخ التسجيل: Nov 2008
المشاركات: 667
افتراضي

اقتباس:
المشاركة الأصلية كتبت بواسطة د. عبدالرحمن حسين مشاهدة المشاركة
الاخون ..ابو طارق ..ابوزهير:كيفنكم,,الله يجازي محنك يا ابو زهير..والله صاحبك ودفارس...اظنو (التابع له)...يجيب له البكريي من الكرستال...قالو اماني ماهي قوي...هي عقلك لا يمشي بعيد انا ما جربته ..ههههههههههههه
عبد الرحمن , مساك الله بالخير ,
أسع أبو زهير ده فتح خشمو ؟؟ الفيه حرقص براه بيرقص ,,

تحياتي ,,..,
رد مع اقتباس
  #150  
قديم 07-15-2012, 09:03 PM
الصورة الرمزية صلاح نصر ادم
صلاح نصر ادم صلاح نصر ادم غير متواجد حالياً
Senior Member
 
تاريخ التسجيل: Nov 2008
المشاركات: 667
افتراضي

اقتباس:
المشاركة الأصلية كتبت بواسطة ابو طارق مشاهدة المشاركة
الاخت صاحبة البستان....ام فئ
الرائد الكريم والاخ العزيز/صلاح
سند الهاكعه ركازة الزمان ان مال الاخ الفاضل/...ابوزهير
الاخوة رواد البستان....تحية خضراء....من زروع و جنات معروشات وغير معروشات والنخيل والزيتون والرمان ...وطاب مقيلكم تحت ظلال ورافه فى جنات قائمة على اصولها....تؤتى اكلها حينها باذن ربها...وبورك فى جمعكم ومن جمعكم
وقبل مانمشى لى قدام نرجع مع الافكاتو وبذور الافكادو وكما ذكرنا من قبل فان اشجار الفاكهه لا يحبذ زراعتها من البذره لانها ربما تعطى شجره ذات ثمار تخالف الاصل حتى احيانا تقاوى الخضروات الهجين تجد بجانب الصوره على ظهر العبوه عبارة ربما المنتج يخالف الصوره والسؤال المفروض يطرح نفسه لماذا شتله البذره يمكن ان تخالف اصل اماتا؟؟؟سؤال مطروح للاجابه عليه
وسؤال اخر لماذا التمر المزروع من الحصا اغلبه ذكور؟؟؟
وطبعا الشتول التى نحصل عليها من البذور تستخدم اصول يطعم عليها ودا كلام اكاديمى من نافلة القول فى الاجابه على من يقول لماذا تزرع البذور.وعموما اخى صلاح البذره زى البطيخه يا طلعت بيضاء او حمراء
من اين نتحصل على الشتول ؟؟
المشاتل المركزيه فى السودان
اقرب الدول انتاجا للافكادو...جمهوريه مصر
مشتل الصحراء فى دبى وسبق لى ان زرت هذا المشتل وبه انواع لا تحصى ولاتعد من شتول الفاكهه
مشتل شركة الريوم الزراعيه فى مزارع الرحبه بابوظبى
العنب..... والزيتون
(( وهو الذي أنشأ جنات معروشات وغير معروشات والنخل والزرع مختلفا أكله والزيتون والرمان متشابها وغير متشابه كلوا من ثمره إذا أثمر وآتوا حقه يوم حصاده ولا تسرفوا إنه لا يحب المسرفين ))
الجنات المعروشات هى مزارع العنب وغير معروشات باقى الاشجار ويدخل فيها العنب ايضا لان هناك انواع من العنب تنمو على دعامة خشبيه فى شكل شجيره واحيانا لاتحتاجها.انواع العنب كثيره ومتنوعه منها ماهو للاكل واخر لتصنيع العصائر طيبه وتخمر لتكون خبيثة ثم عنب الزبيب وبعض الاصناف تصلح للكل
زراعة العنب فى السودان ناجحه ويمكن التوسع فى زراعته(وكان مكضبنا اسال العنب الراميه فى بيتنا)
العوامل البئيه التى تحتاجها زراعة العنب:
اول ابشرك اخى صلاح كل العوامل البيئيه المطلوبه لزراعة العنب متوفره عندنا فى الشماليه والسودان عامة وهى تتمثل فى
1 - التربه كل انواع الترب الزراعيه والمستصلحه على ان تكون جيدة التهويه يعنى مسمده ومحروثه
2 - الرياح الخفيفه يعن يزرع فى مزارع حولها مصادات رياح
3 - الضوء المناسب ولا يحب التظليل لان ذلك يؤثر على كمية المحصول ومحتواه السكرى (الحلاوه)
4 - الحراره بين 30-35درجه مئويه وهذه متوفره فى الشمال وحراره التربه يمكن الحصول عليها بالرى المنتظم
5 - الرطوبه
الحد الاعلى:60-70%
الحد الادنى:20-25%
وعموما من انجح انواع الفاكهه فى الاراضى الصحراويه علما بانه كلما اتجهنا جنوبا كل ما كان الانتاج اوفر .

الزيتون
اتجه العالم المتقدم نحو انتاج الزيتون للفوائد الطبيه لزيته ويزرع على نطاق واسع فى دول حوض البحر الابيض المتوسط وعليه كلما اتجهنا شمالا كلما كانت زراعته ناجه لذلك يمكن ان ينجح فى شمال السودان اكثر من اواسطه وجنوبه علما بانه نجحت زراعته شمال المملكه العربيه السعوديه فى منطقة الجوف وحائل اكثر من نجاحه فى الرياض
المتطلبات البيئيه:
1 - المناخ :مناخ البحر المتوسط حار جاف صيفا دافى ممطر شتاءا وشمال السودان اكثر المنا طق قربا من المناخ المذكور فضلا عن ذلك التغير البيئى بعد بحيرة السد ربما يضيف الى نجاحه اكثر مع انه زرع واثمر فى اسوان والصحراء الغربيه وصحراء الجزائر
2 -الحراره: يحتاج الى فتره بروده كافيه فى موسم الشتاء لتساعد على الازهار صيفا
3 -التربه : يمكن زراعته على نطاق واسع من الترب الخفيفه ،الثقيله والرمليه وزراعته فى الاراضى الخصبه يزيد من النمو الخضرى على حساب الاثمار.
المعوقات:
بما ان زراعه الزيتون والعنب حديثه ودخيله على النمط التقليدى للزراعه فان الخبره والعمال المهره هما العائقان التى يمكن التغلب عليهما بالممارسه والاستعانه باهل الاختصاص ولو من الدول المجاوره على مستوى الحكومات

هوامش:
ا -يمكن للاشجار ان تنمو وتبلغ الطول المناسب ولكنها لا تثمر اذا لم تتكامل العوامل المناسبه
ب - يمكن ان تعمر لاكثر من 2000عام
ج -لزيت الزيتون خاصية الوميض الذاتى وسوف نتجاذب اطراف الحديث عن هذا الاعجاز لاحقا
الباشمهندس , خبيرنا ,,و قائد بوستينا ,, الرجل الحبوب ,,
أبو طارق ,,,
ياخي الله يديك رزقا قدر سعف التمر (كما كانت تقول لي أمي دائما في كل مكالمة
تلفونية بيناتنا ) ( الله يرحمها ويجعل الجنه مسواها يا رب ) ..
والله كفيت ووفيت ,,

أبو طارق , أها ,, دايرنك تكلمنا عن الفراولة ,, هل مناخنا ملائم لزراعتها ,
وثانيا , هل هي شجرة دائمة ,, زي الليمون والبرتقال وكده ,, ولا هي شجرة
زي شجرة الطماطم ,, وهل عندها وقت معين لزراعتها ,,
أفيدنا ,, أفادك الله دنيا وآخرة ,,


مع تحياتي القلبية لك وكل المتداخلين ,,,

...,,,...,,,...,,,...,,,...
رد مع اقتباس
إضافة رد

« الموضوع السابق | الموضوع التالي »
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:06 AM.

زوار البركل من تاريخ 2011/7/11
free counters
التصميم والدعم الفني


Design By: Miner Skinz.com
Powered by vBulletin® Version 3.8.1, Copyright ©2000 - 2017, Jelsoft Enterprises Ltd. TranZ By Almuhajir