فتح الرحمن الدقاويت
04-20-2010, 05:32 PM
آخر ماكتبت وانا فى الغربه بابوظبى أهديها لزوار المنتدى ولى ود البرصه والنصرى
ملاذ
لما الهم يدس أحزانو في جوانا يتمدد
لما الضلمه تكسى الكون ولما البسمه تتمرد
لماننادى بح الصوت وما فيش للفرح من رد
ياكى ملاذ فرحنا ا لبيهو كل أحزانا تتبدد
********
ياومضة برق فى ليل مغطى الدنيارهبه وخوف
ياعافية جرحنا الدامى يامنداحه جوه الجوف
يا آسرانا بى عينين منها نستمد الشوف
ويابسمة صباح العيد على وش طفله تتجسد
********
النسمات بتنساب رقه لما تهل صباحه معاك
والقمره التضوى الليل بتاخد نوره من محياك
واى جمال تشوفو عيونا شايل معنى من معناك
واى ورد مجمل كونا من ضى وجنتيك فرهد
********
قولى ليه كيف الدنيا دونك تبقى فيها أفراح
كيف قلبى الموهدب بيكى تانى يطيقلو أي جراح
قولى ليه هل ممكن سعادتى البيكى تبقى نواح
آه لو حزنى داك الفات تانى يعودلى يتجدد
********
عارفك ياقليبى رهيف وارهف من منابع الحن
خايف عشقك المجنون يسيبك بكره متمحن
لوعدن مراكب الحسره واختارن حداك يرثن
سلامتك من جروح الريده أبعد ماتكون أبعد
********
لو فكرتي إنك تقسى أو تنسيهو عهدك لي
أعرفى إنو فينى هواكى مهما يكون حيفضل حى
مابندم على ريدك ولا بندب معاك ماضى
وابقى أدس دموعى برايه فى ليلن إذا هود
********
مابجى يوم اقولك فيهو إنو قصيدى هو السواك
ختاك فى قلوب الناس وخلاك فى عيونه ملاك
لأنك إنتى روح أشعاري حن الكلمه من تالاك
ولولاك مابتزورنى قوافى لابلبل غناى غرد
********
ريدك إنتى أغنانى عن الأحلام ودنيا الناس
يكفى إنك سكنت الروح وطوق حنك الإحساس
أهواك فوق هوى العشاق وعد ماتنهدت أنفاس
ولى آخر نبض فى الدم ولما رويحتى تتوسد
كلمات فتح الرحمن يوسف ود الدقاويت
ملاذ
لما الهم يدس أحزانو في جوانا يتمدد
لما الضلمه تكسى الكون ولما البسمه تتمرد
لماننادى بح الصوت وما فيش للفرح من رد
ياكى ملاذ فرحنا ا لبيهو كل أحزانا تتبدد
********
ياومضة برق فى ليل مغطى الدنيارهبه وخوف
ياعافية جرحنا الدامى يامنداحه جوه الجوف
يا آسرانا بى عينين منها نستمد الشوف
ويابسمة صباح العيد على وش طفله تتجسد
********
النسمات بتنساب رقه لما تهل صباحه معاك
والقمره التضوى الليل بتاخد نوره من محياك
واى جمال تشوفو عيونا شايل معنى من معناك
واى ورد مجمل كونا من ضى وجنتيك فرهد
********
قولى ليه كيف الدنيا دونك تبقى فيها أفراح
كيف قلبى الموهدب بيكى تانى يطيقلو أي جراح
قولى ليه هل ممكن سعادتى البيكى تبقى نواح
آه لو حزنى داك الفات تانى يعودلى يتجدد
********
عارفك ياقليبى رهيف وارهف من منابع الحن
خايف عشقك المجنون يسيبك بكره متمحن
لوعدن مراكب الحسره واختارن حداك يرثن
سلامتك من جروح الريده أبعد ماتكون أبعد
********
لو فكرتي إنك تقسى أو تنسيهو عهدك لي
أعرفى إنو فينى هواكى مهما يكون حيفضل حى
مابندم على ريدك ولا بندب معاك ماضى
وابقى أدس دموعى برايه فى ليلن إذا هود
********
مابجى يوم اقولك فيهو إنو قصيدى هو السواك
ختاك فى قلوب الناس وخلاك فى عيونه ملاك
لأنك إنتى روح أشعاري حن الكلمه من تالاك
ولولاك مابتزورنى قوافى لابلبل غناى غرد
********
ريدك إنتى أغنانى عن الأحلام ودنيا الناس
يكفى إنك سكنت الروح وطوق حنك الإحساس
أهواك فوق هوى العشاق وعد ماتنهدت أنفاس
ولى آخر نبض فى الدم ولما رويحتى تتوسد
كلمات فتح الرحمن يوسف ود الدقاويت