مرحب حباب فايز

[المرهف]

يا جماعة إنتو الناس وينن ؟؟؟؟

يلا يا عوض جلاس حضر الخرفان

وزكريا يلا سرعة فرشو الديوان

ويا ضمرة أها أعزمو الحبان

ويا أبو أيمن باشر الضيفان

وخلو الولاد يكبرو الصيوان

جانا ود عوض الكريم فارس الفرسان

إسمو فايز راجل ضكر وأخو أخوان

يلا إتفضل من الباب وإتعرف علي الأخوان

[ضمره بغدادى]

يا جماعة إنتو الناس وينن ؟؟؟؟

يلا يا عوض جلاس حضر الخرفان

وزكريا يلا سرعة فرشو الديوان

ويا ضمرة أها أعزمو الحبان

ويا أبو أيمن باشر الضيفان

وخلو الولاد يكبرو الصيوان

جانا ود عوض الكريم فارس الفرسان

إسمو فايز راجل ضكر وأخو أخوان

يلا إتفضل من الباب وإتعرف علي الأخوان


حبابو فايز ...مرحبا به فى البركل دوت كوم ...منوًر
مشكور اخى المرهف

[أبو أيمن]

يا جماعة إنتو الناس وينن ؟؟؟؟

يلا يا عوض جلاس حضر الخرفان

وزكريا يلا سرعة فرشو الديوان

ويا ضمرة أها أعزمو الحبان

ويا أبو أيمن باشر الضيفان

وخلو الولاد يكبرو الصيوان

جانا ود عوض الكريم فارس الفرسان

إسمو فايز راجل ضكر وأخو أخوان

يلا إتفضل من الباب وإتعرف علي الأخوان

يالله يالفارس إتفضل....وإنت يالمرهف خلآ الولاد يملو السقوات..... نحن جاهزين موية ونور للشيخ فايز ومابنقصر إنشاء الله....البيت بيتو وأن ماشالو نشيلوا فوق روسينا
كيفن عاد؟؟؟ دا جاي من ناساً ماهن هينين .

[السر احمد خليفه]

مرحبا فايز من وين يا خوي انت .......
علي العموم مرحب بيك والدار دارنا كلنا

[الخزين ود نصر]

فائز من أكثر الاسماء المحببة الى نفسي ... هلا هلا وحبابك فرحانين بوصولك ..

عوض جلاس أضبح الخرفان ..

[المرهف]

حبابو فايز ...مرحبا به فى البركل دوت كوم ...منوًر
مشكور اخى المرهف

تشكر أخوي ضمرة
المن ضيوفو ماب ينصرة

تكرم الحاضرين وتنادي البرة

ومتل كرمك ماشفناهو تب بالمرة

وإن فاضي المراح غنماية اللبن كرة

وخيرك كتييير عم البوادي وفي الصعيد إنشرة

[المرهف]

يالله يالفارس إتفضل....وإنت يالمرهف خلآ الولاد يملو السقوات..... نحن جاهزين موية ونور للشيخ فايز ومابنقصر إنشاء الله....البيت بيتو وأن ماشالو نشيلوا فوق روسينا
كيفن عاد؟؟؟ دا جاي من ناساً ماهن هينين .

زينة الرجال عباس أخوي أبو أيمن

الكرم ليك شيمة والشهامة فيك تتأمن

وإنت سليل كرم وبي كرمو ما بتمنن

سيد التقيلي الليهو الرحال إنشدن

سيد الضيوف الفي ضيفتو كيف يتفنن

[المرهف]

مرحبا فايز من وين يا خوي انت .......
علي العموم مرحب بيك والدار دارنا كلنا

أخوي السر ودأحمد الخليفة

شايفك طالب الإسم تعريفة

أنا فايز لقيتو فوق القيفة

وخفلو من المطر والزيفة

وقنا نكرمو ونتم ليهو الكيفة

ونتونس معاهو عشان تكون وليفة

وبعداك السؤال الجنس والجيهة

[المرهف]

فائز من أكثر الاسماء المحببة الى نفسي ... هلا هلا وحبابك فرحانين بوصولك ..

عوض جلاس أضبح الخرفان ..

ودنصر صافي النفس خاتي الكلام والقول

وإن غبت مننا فد يوم حرم بس تقول حول

فارس أبشرك بي حب ودنصر والله زد طول

سليل الجود والكرم وقبايلو ثابتة أصول

سيد المتكا سبيطو والمشرق المشتول

وإن عندك صداع أقرا كلامو لا تبلع البندول

[عوض جلاس]

أهلاً ومرحباً بالأخ فايز
وحياك الله بين أهلك وأحبابك
والدار دارك والبيت بيتك ومطرحك
ومليون أهلاً وسهلاً بيك
ومشكوووور الأخ المرهف على استقبال الضيف
والضبايح جاهزة

http://www.s7r.net/vb/imgcache/4423.imgcache

واتفضلو الأكل جاهز

http://www.alfrasha.com/up/12262066991336559632.jpg

[نادر رشاد]

ترليون مرحب وحباب فائز عوض الكريم
حللت أهلاً ونزلت سهلاً
ياربي إنت فائز عوض الكريم أبو الزمل في الجامعة والعندو إسم تاني (وليد عوض الكريم ) من مروي شرق ولا تشابه أسماء .
وفي كل أهلاً وسهلاً
كل الود ،،،

[الخزين ود نصر]

و الله يا المرهف اخجلت تواضعنا ... مشكووووور على الابيات ذات الاحساس العالي... و تاني مرحب ب فائز ..

[أبو أيمن]

زينة الرجال عباس أخوي أبو أيمن

الكرم ليك شيمة والشهامة فيك تتأمن

وإنت سليل كرم وبي كرمو ما بتمنن

سيد التقيلي الليهو الرحال إنشدن

سيد الضيوف الفي ضيفتو كيف يتفنن

أبشر يالمرهف......السيرة المالقيناها في عرسنا ...تسلم يالغالي نسدك في الأفراح ولياليك الملاح....إنت بس كدي إتقدم!!!!!!

[النافعابى]

جيدا جيت تدى قلوبنا جمه
انت فى خاطرنا عايش مرحبتين حبابك ادخل
بى عدلك البركل يسع الجميع

[السر احمد خليفه]

اخي نادر لك الشكر عشان كدي انا سالت من الجيهه لان بعرفوا ابن بلدي وجاري وليد عوض الكريم ود الشيخ ولا اعرف شي عن اسم فايز مما جعلني اشك -اظنو اسم شهادات ووليد اسمنا في البلد-وهذا كل السبب اخي المرهف ولك تحياتي مرحب بيك يا ابن مروي شرق الاستاذ وليد
وتحياتي اخوتي

[السر احمد خليفه]

أخوي السر ودأحمد الخليفة

شايفك طالب الإسم تعريفة

أنا فايز لقيتو فوق القيفة

وخفلو من المطر والزيفة

وقنا نكرمو ونتم ليهو الكيفة

ونتونس معاهو عشان تكون وليفة

وبعداك السؤال الجنس والجيهة

بارك الله فيك-وسؤالي جوب عليه نادر ولك شكري

[المرهف]

جيدا جيت تدى قلوبنا جمه
انت فى خاطرنا عايش مرحبتين حبابك ادخل
بى عدلك البركل يسع الجميع
النافعابي أخوي متفري في البركل غمام

تمطر لنا الحب الجميل ينبت الإلفة الوئام

خاطرك الطيب حنون ينشرلنا أسباب السلام

صورتك الباسمة بتطمئن إنت يا سيد الكلام

إنت للبركل منووور كل يوم تحكي إبتسام

إنت للبركل فرح تجذب من الدنيا أم زحام

النافعابي أخوي إنت زول عااالي المقام



مودتي ،،،،،،،،

[طيبان]

حباب فايز...
آناس الزول دا طول...
واتلومنا عاد ماجينا رحبنا..
مرحبتين العزيز وليد واهلا بيك.........

[زكريا بابكر عمر]

يا جماعة إنتو الناس وينن ؟؟؟؟

يلا يا عوض جلاس حضر الخرفان

وزكريا يلا سرعة فرشو الديوان

ويا ضمرة أها أعزمو الحبان

ويا أبو أيمن باشر الضيفان

وخلو الولاد يكبرو الصيوان

جانا ود عوض الكريم فارس الفرسان

إسمو فايز راجل ضكر وأخو أخوان

يلا إتفضل من الباب وإتعرف علي الأخوان

مرحب حباب ضيفك يا المرهف(فايز) وإن بقت الواطه ماشالتو نشيلو فوق راسنا...أبقي لاداخل ودارنا عمراني بوجودك وياها دارك وإنته سيده....ياهلا بيك ومليووووون مرحب ...تحياتي ,,

[ناصر بدوي بابكر]

سلام

مرحب بى فائز
اكون ستكون فائزا بعضوية البركل وسيفوز منتدى البركل بيك
مع مودتى

[أبو رنس]

مرحب حباب فايز

إن شاء الله البركل بيك يفوز !!!!!!

[صلاح عبد النبي]

مرحب بيك أخونا فايز عوض الكريم أو وليد عوض الكريم ومرحب بكل ابناء مروي شرق .. وعذراً لم انتبه لهذا البوست إلا الان ..
نزلت أهلاً
وحللت سهلاً ..
وأبقى داخل ..