قصائد الشاعر السر عثمان الطيب

[dayami]

بحر المؤده



شوفي الزمن يا يمه ساقني بعيد خلاص
در درني واتغربت واتبهدلت وريني الخلاص
ساقني القدر منك بعيد لآذيا كاس جرعني كاس
يا يمه يا فيض الحنان الما كمل
يا يمه يا بدري البشع دايماً يهل
يا يمه يا نور الصباح وكتين يطل
وآشري يا زينوبة ولدك في بحور الشوق كتل
محروم من الحب والمحنة وراك همل
يا يمة يا بحر المودة وكتين يفيض
يا يمة يا شعلة أمل زادت وميض
يا يمة يا عنقود كلام منظوم قصيد
يا يمه يا نغماً حنين بالشوق يرن
وأفكاري فيهو بيرتعن … دمعاتي شانو بينزلن
واتذكر يا يمه في الدغش النسايمو يهبهبن
قايمي الصباح متكفلتي شايلي الحليلي علي المراح
والساعة ديك يا دوب ديكنا بدأ الصياح
والطير صغاروا يغردن
جبتي اللبن بي انشراح
واتذكر يا يمه في وكت الهجير
صالياك نار الدوكي عستيلنا الفطير
رشيتي قلتي أكلوهو خير
واتذكر يا يمه يا بسمة الطفل الغرير
وكت الخلوق ترقد تنوم وأسهر براي
أرعي النجوم
والشوق يرف جنحيهو بي فوق لي يحوم
وأهتف باسمك في الخيال
طيفك كمان بي فوقي جال
وأتمني لو لحظات يدوم لكني فجأة ألقاهو زال
واتذكر يا يمه ساعة الناس يجونا من البلد
ناعم ترابه علي جسيماتن رقد
ريحة التمر فوق الهدوم
ولون الخضار خانس لبد
والشوق أوارو بيشتعل
كان ظني فيهو يكون خمد
واتذكر يا يمة والناس قالوا راجعين البلد
رصوا الهديمات عدلوا ركبوا اللواري وقبلوا
خلونى وحيدى بلا انيس
كيف إنفرادى إتحملوا
شالوا السلام من عندى ليك
وإن شاءالله عندك يوصلو
يايمه ساعت يوصلوا ويقولو ليك
شفناه فى بلد فى بلد الأمان
انبسطى يا نبع الحنان
وانا حالى يشهدبوا الزمان
يايمه رسلى لى عفوك
ينجينى من جور الزمان
...

[dayami]

الخرطــــوم بدونك

الخرطوم .. بدونِك!

الخرطوم بدونِك!!
ضهباني ..
وتفتِّش لى واحات عيونِك

**
تاهَت في الهجاير
باهِت لون جبينا
تتلفَّت تعايِن
مالي الشوق عيونا
تتعشَّم ، تصادفِك نظراتا الحزينة
تصغر بين زحاما
وتصبح ما مدينة

**
يكسي الليل بيوتا
وتتوشّح ظلاما
يحكى الحال سكوتا
ويتبعثر كلاما
فقدت يوم رحيلك طعم الابتسامة

**
النيل .. فوق خدودا .. دمعة بكت عليكي
قبلِ يحين فراقِك
ملتاع مشتهيكي
لو يقدر .. يغيِّر مجراهو ويجيكي
طافت بين ضفافا
كايساكي المراكب
وقمريّات تنادت للعُش في المغارب
والعُش.. يا حِليلِنْ .. عَصَفَتْبُو الهبايب

**
أرصفة الأماني .. طال فيها انتظارا
ساعت اللقيا عدّت .. وفات ميعاد قطارا
هزَّتْ راسا
بِلْعَتْ غمَّها وانكسارا

**
فاقداكي المآذن ..
واجراس الكنايس
لماّت المآتم .. وزفّات العرايس
السُّمرة الأصيلة .. وايَّاما العوابس
هجرات الغمايم
واطفال المدارس

**
تسألني الشوارع
عنَّك وعن مكانِك
جلسات الفتارى المنتظرين أوانِك
همهمة الحيارى .. والباكين عشانِك
الناس يسألوني
واسأل غيري عنِّك
سبب الفُرقة نحنَ .. ولاَّ الجفوة منِّك
وليه الغيبة طالت؟؟
ليه يا المِشْتَهِنِّكْ ؟؟

[صلاح عبد النبي]

الخرطــــوم بدونك

الخرطوم .. بدونِك!

الخرطوم بدونِك!!
ضهباني ..
وتفتِّش لى واحات عيونِك

**
تاهَت في الهجاير
باهِت لون جبينا
تتلفَّت تعايِن
مالي الشوق عيونا
تتعشَّم ، تصادفِك نظراتا الحزينة
تصغر بين زحاما
وتصبح ما مدينة

**
يكسي الليل بيوتا
وتتوشّح ظلاما
يحكى الحال سكوتا
ويتبعثر كلاما
فقدت يوم رحيلك طعم الابتسامة

**
النيل .. فوق خدودا .. دمعة بكت عليكي
قبلِ يحين فراقِك
ملتاع مشتهيكي
لو يقدر .. يغيِّر مجراهو ويجيكي
طافت بين ضفافا
كايساكي المراكب
وقمريّات تنادت للعُش في المغارب
والعُش.. يا حِليلِنْ .. عَصَفَتْبُو الهبايب

**
أرصفة الأماني .. طال فيها انتظارا
ساعت اللقيا عدّت .. وفات ميعاد قطارا
هزَّتْ راسا
بِلْعَتْ غمَّها وانكسارا

**
فاقداكي المآذن ..
واجراس الكنايس
لماّت المآتم .. وزفّات العرايس
السُّمرة الأصيلة .. وايَّاما العوابس
هجرات الغمايم
واطفال المدارس

**
تسألني الشوارع
عنَّك وعن مكانِك
جلسات الفتارى المنتظرين أوانِك
همهمة الحيارى .. والباكين عشانِك
الناس يسألوني
واسأل غيري عنِّك
سبب الفُرقة نحنَ .. ولاَّ الجفوة منِّك
وليه الغيبة طالت؟؟
ليه يا المِشْتَهِنِّكْ ؟؟


الأخ ديامي ..
مشكور والله على فتح سيرة هذا الشاعر الفذ والذي عطر سماواتنا بقصائده وألحانه الشجية فهو شاعر ملحن عزف على أوتار القلوب وسكب عصارة مشاعره وأحساسيه في ما قدمه من فنٍ راقٍ تبوأ مكانةً عالية في خارطة الفن السوداني الأصيل ..
قصيدة الخرطوم بدونك غناها أولاً ثناني العامراب ثم غنتها الفنانة حنان النيل في ألبوم الطنبور الأول لها وبحق أضافت لها ألقاً وبعداً جديداً بصوتها الرائع ..
والقصيدة تعبر تعبيراً صادقاً عن فقد الحبيب ..

فاقداكي المآذن ..
واجراس الكنايس
لماّت المآتم .. وزفّات العرايس
السُّمرة الأصيلة .. وايَّاما العوابس
هجرات الغمايم
واطفال المدارس

**
تسألني الشوارع
عنَّك وعن مكانِك
جلسات الفتارى المنتظرين أوانِك
همهمة الحيارى .. والباكين عشانِك
الناس يسألوني
واسأل غيري عنِّك
سبب الفُرقة نحنَ .. ولاَّ الجفوة منِّك
وليه الغيبة طالت؟؟
ليه يا المِشْتَهِنِّكْ ؟؟

منتهى القوة والجمال في التعبير عن خلجات الشاعر ..

واصل ..

ولك ودي

[dayami]

يا الناسينا ..حبك في ربيع دنيانا شال نور
تسقي الذكريات يا روحي شان يخضر لي يكبر
همساتنا وعناقنا الحاني يا ريت ليها تتذكر
لمان من جداول ريدنا كنا بنرتوي ونسكـــــــر
ضل السيسبان والمنقة لافينا بوشاح أخضــــر
فرع البرتكان متدلي فوقو كنارو يتبختــــر
*****
والكون كلو باسم لينا طربان غنى واستبشر
لكن جار زمانّا الليلة خلى صفانا يتعكــــر
بطراك ، وكتين الساقي التسوق فجراوي تتحسر
نواحا يزيد قليبي بكا واصبّرو مابي يتصبــــــر
*****
بطراك والقميرة معاي تشاركني الهموم تسهــر
نعسان انت يا محبوبي ضوها فوق وشيك نوّر
بطراك وكت اشوفلي عريس فرح في صحابو قام بشر
واتمناك واعيش لحظات محال يا روحي تتفســر
بطراك ، يوم قمحنا سنابلو لونن يتقلب أصفر
أبكي على الديون الفوقي .. والغير في الحصاد فكر
*****
بطراك ، وكتين الشخلوب سبيطتو تخافلو يتبعثر
تضمو عليها بي تحنان قليب الام كمان وأكتر
إلا قليبي قلبك جافا .. لي تحنانو ما قــدّر
راجيك بالسنين يا روحي ضيع للشباب ودر
تنساهو وبراهو تسيبو ..حبك ليهو يتغير؟
يتجرع وراك احزانو يندب حظو يتكـــدر
*****
يا ريت لو تعود وتجيهو أو في مرة تتعذر
شان تلقاهو قاربو وراك في لجج العذاب أبحر

[dayami]

إستحلفك بالريد
استحلفك بالريد أوعك تفارقني
لا تسيبني في الأحزان أبحر تغرقني
ياروحي مشغول بال .. محتار أنا ومحتار
ما بهون فراقك يوم ألم الفراق تاوار
يا المستحيل بٌعدك .. يا الحار فراقك .. حار
قلبي الحنين أصبح موطن هواكا و دار
**
دنيايا غير عينيك ليل مسدل الاستار
فيهو ألقى روحي بلاك مسجونة دون أسوار
وانت معاي أنغام داؤود .. بلا مزمار
تسكر حنايا الروح من كاس ندى الأزهار
استحلفك بالفيك وبالفيّ موقد نار
بي صرخة في الأعماق دار تفضح الأسرار
**
بي دم دموع عيني وبي دمعك المدرار
يرويك ويرويني ويخنق غنا الأوتار
بالإلفة حلفتك بالخوة حق الجار
أوعك تسيبني تفوت وترميني للأقدار
خايف عليك وعلي من جور زمن غدار
خايف من الأيام ودولابن الــدوار
لا لالا لا ترحل كوس للقعاد أعذار
دابن خطاي وخطاك في الريد بدوا المشوار
اوعك تفارقني

[dayami]

القدم كان ليهو رافع
قاسي فرقك يوم اوادع
لو فضل في العمر ثانيه
تاني لابد ليكي ارجع .. تاني راجع يا بلادي
ان نسيت ماب انسي مرة
كيف فى بعدك ضقت مرة
كان اخير لى اقعد هناك
اعيش ولو بى كسري مرة .. تبقي حلوى في بلادي
عشت يوت فى الغربة امنح
ابكى طول الليل وانوح
كل ساعه اتمنى ارجع
امشي اشد رحلي واروح .. امشي اروح لى بلادي
شان اشوف دار الأحبه
اصطفاها القلب وحب
فيها اترعرع تربي
بين حنان خلانو شب .. شب عاشقك يا بلادي
إن عطش يسقيهو نيلك
أكلو من ثمرات نخيلك
ياحلاتك ويا حليلك
والقمر يلصف في ليلك .. وين مثيلك يا بلادي
يا حبيبه تعالي شوفي
شوفي كيف حالى وظروفي
شوقي نار توقد في جوفي
حار على فراق ولوفي .. خوفي تنسي يا بلادي
خوفي تنسي حنان وليدك
فاكري إنو مرق من إيدك
راح جفاك واختار سواك
وقلبو تب ما عاد يريدك .. حاشا حاشاى يا بلادي
انت لى عيني نورا
بهجة الروح كل سرورا
جنتي الغنت طيورا
زهرتي الفاحت عطورا .. والفؤاد عابدك عبادي

[dayami]

الليله في يوماً صباحو صباح هنا
واحة عبير نغمة غنا
ريحة لبينه مقننه
مر الجنى وسلم على بت البلد
ذي عادتو سلم وأبتعد
تابعاه عين بت البلد
بت البلد سمعت ضريبات القلب
ياالله مالو ده ها القلب
بعد الثبات كيفن خرب
بت البلد عرفت تحب
***
واليوم داك وماجاها نوم
مادام خيال ود البلد يمشي يحوم
بين الخيال شافت وجيهو الهاش وباش
شافت عيونو الفيها فيض أحلامها عاش
شافت سحاب الريدة فوق واديها راش

أتذكرت قول حاج مُحُمد والدها
حالف بي يمين ود البلد ما يخدها
لو كان ركع قدامها صلى يعبدها
***
أتذكرت قول حاج مُحُمد والدها
وصف العريس الجاي بقطر الأحد
كتَّر محاسنو عددها ....
راجل موظف عندو مال
يأويك في بيتاً حلال
تبقي لو أماً للعيال
أتذكرت لمن أبت قول حاج مُحُمد والدها
كيف نهرها وكيف نهزرها
حالف بي يمين بيودرها
لو ما رضت بالجاي بي قطر الأحد
***
قاليها: ما عندك أدب
تعبان سنين فوقك تعب
بديك لي زولاً كعب
تربال عشتو عدم عدم
لو قاري لو ماسك قلم
لو أخديتو تندمي صح ندم
يشقيك يورك الألم

أتذكرت كيف الحبيب ود البلد
في الغربة سافر وأبتعد
بكت لمن الخبر زاع في البلد
أنو العريس قام بالأحد
***
الحلة جاطت والحريم يتهامسن جاي الولد
لكنهن ما عرفن الشوق كيف وقد
ما عرفن هي شوقها تب ما عندو حد
مو للعريس للحبيب ود البلد
دا الراح في زحمة ضياع ما توجد
يا حليلك إنت يا بت البلد

[dayami]

قالوا العريس قام بالأحد
الحلة جاطت والحريم يتهامسن جاي الولد
كوم من بنات للبير ورد يتحدثن جاي الولد
يابختها وشوقنا نحن اللينا جمر الشوق وقد
*****
لامن خلاص الليل دخل
آخر شعاع من الشمس روح نزل
ضو القميره جاء من بعيد بهر قدل
دافر ظلام الحله قدامو وصل
****
ناس البلد النام رقد
والماسك السبحي عبد
مشغول هو بى خبر العريس القالوا قام بالأحد

الليلة هناك بعيد بقادي في آخر الديار
راكوبة ضلها أحر من حر النهار
كوم من بروش وجريد تمر عيدان صغار
دلوق هدوم موروثه من زمن الكبار
تلات عناقريباً صغار كرابه منقطع نزل
والنوم من البى فوقها روح داك جفل
***
راقد هناك كوم من ضياع
مركب مسافرة بلا شراع
وأحلام مسافرة بلا وداع
دموع ضياع تجاره من غير انقطاع
أحرف أنين ما خطتن أيد بيراع]
رسالة
إرسال سريع
الليلة هناك بعيد بقادي في آخر الديار
راكوبة ضلها أحر من حر النهار
كوم من بروش وجريد تمر عيدان صغار
دلوق هدوم موروثه من زمن الكبار
تلات عناقريباً صغار كرابه منقطع نزل
والنوم من البى فوقها روح داك جفل
***
راقد هناك كوم من ضياع
مركب مسافرة بلا شراع
وأحلام مسافرة بلا وداع
دموع ضياع تجاره من غير انقطاع
أحرف أنين ما خطتن أيد بيراع

الليله في يوماً صباحو صباح هنا
واحة عبير نغمة غنا
ريحة لبينه مقننه
مر الجنى وسلم على بت البلد
ذي عادتو سلم وأبتعد
تابعاه عين بت البلد
بت البلد سمعت ضريبات القلب
ياالله مالو ده ها القلب
بعد الثبات كيفن خرب
بت البلد عرفت تحب
***
واليوم داك وماجاها نوم
مادام خيال ود البلد يمشي يحوم
بين الخيال شافت وجيهو الهاش وباش
شافت عيونو الفيها فيض أحلامها عاش
شافت سحاب الريدة فوق واديها راش

[dayami]

يا لون الجرف الشارب
خضرة لون الزول السمح
الخاتف من لون الليمون
مبتله شفايفو الزى "ام راس"
السال عسلا ونقط فوق العرجون
يا لون الفرح
انشرا في جبين جدي التربال
ال " لم " المسره
وفرح الشفع كان مرهون بي لون الجرف
الشارب خضرة لون الزول السمح
الخاتف من لون الليمون
وبرنين أوتار طنبور " أب خبته "
الفجر صمت ليالي الشاطي
انساب جوه الارواح بهدوء وسكون
الله الله أنا آه
يالون الرايه المرفوعه يالون الخرقه المرقوعه
يالون الطيبه وينبوعه يالون البنت المدفوعه
يا قزح العصر النجا الدفيقه
يا نضرة لون الوجه الأغبش
نام في لهيب الشمس وحريقا
الحيا فوق وجه الزينه الإتوارت
عن شوفت العاشق اندارت خلف التمرات
الله الله أنا آه يا العسجد مندفق
عن غيبت الشمس النعساني
متمدد فوق الغيمه الفتراني
الجات من نبع القدره الرباني
روت بيوضه العطشاني
تفتر ثغور البرق الشلع
نور الأبيض متلو جلاليب ناسنا
الغسلوا نفوسن قصدو الجامع
رفعوا كفوفن حمدوا الرب
يوم خدر نبت الأرض المحلاني
الله الله أنا آه يا لون الصبح واشراقو
الغيب ابوابو مسوجره بين طياتو وآفاقو
الله الله أنا آه يا لون محزون ممكون مجنون
مفتون بهواك يا لون بلدي السودان.

[dayami]

جور زمنى العلي جنى
باين فى عيوني ضنا
شايل من قليبي هنا
يا بلدي البريدك انا
عشت الغربه تسعه سنه
ورثت روحي هم وعنا
ماشف يوم سعادتي دنا
كل أملي انكتبلو فنا
مالقيت غير قناعتي غنى
كم شيد خيالي بنا
اترايملو كل ما بنا
فوق احلامو ديك دفنا
زولاً شال هموم حضنا
والروح للعذاب رهنا
كان يا ناس سبب سجنا
وين ينتملو تاني منى
كيف يصبح بكاهو غنا
ما عينى الدمع عطنا
آه لو شفتو حالتو هنا
روحو الفارقت بدنا
ياهو الغربه عاد تمنا
الناس لو حكم زمنا
مرة تقوم تسيب وطنا
تشقى كتير يزيد شجنا.

[dayami]

الريح العاتي الجات بالليل
شالت تمرات أبواتي
الليل والليل
رغم المأساه وعمق الاحزان
ومرارة الجرح النازف
جوه قلوب الناس ماسوو الووب
كان نص الليل والداره عجاجا يعج
والناس بتنح
نغم الطنبور ينساب فوق موية النيل
يعبر بي غادي يمازج قولت الليل الليل
اهلي الصابرين
صبرا مزروع فى نفوسن
قالوا:-
الريح ماب تقدر تقلع من واطاتنا ولو شبرين
والساقى تسوق والقمري يعود ويسوى القوق
والناس زي أولي تمشي السوق نفطر قراصه
وفوق جدولنا نقيف وندق الكف
ونغني الليل والليل والليل قمراتو تظل قمره
وضفاف النهر الخالد
رغم زمان المحل الجاير برضو تظل خضره
يا كرم الناس القاهر كل الضيق بتدوم
يا فرح الشفع يوم العيد
المر عليهن زي كل يوم
في عيونن يوت مرسوم احساس
بحلاوة الشقا عند المحروم
بتدوم وندوم ونغني
الليل الليل.

[dayami]

ياليلى يا ليل يا عنيد
قالد معاي
طول صبري فيك
مدد مساحات الحزن جواي
وطول واكسر
كمان حاجز الزمن
وامتد تاني وتاني
ارجع من جديد
بي دمعي اكتب
فوق نجومك بيت قصيد
يروى الغمام لمان يمر
كان الحنين وداهو لي أرض الصعيد
ياليلي يا ليل ياعنيد
في صمتك الممزوج أسى
وكبل مشاعري بقالا قيد
ردد صدى
شوقي الحبستو بعيد بعيد
لا تسيبني
ياليلي وتفوت
شيلني
وامش
فى جوفك
المليان
انين ناساً تريد
ما اصلي منك
وانت مني
وبينا كان الريد شديد.

[dayami]

يا راقداً قدام عيوني نهر عسل
وترعة لبن
أنا ليك أشابي وبيك أهاتي
وضمه ما قادر أصل
حوريه من الجنه فوق وجه الأرض
يا دي السماحه ويا العرض
انا قلبي بى دوب حبك انت
النار تحرقو تب نجض
لهفان عليك آه يا بلد
جاي مد ايديك
جيب حضنك الدافي الحنون
ابقالي عون
انا ما وليدك
خافلي يا وطني الجنون
البعد عنك
ربى فى فكري الهلاويس والظنون
ما بين شجون وشجون
وحاتك كل يوم تزداد شجون
متل العصيفير صرت وكت الريح تولول
تلقا حاس مندسي بينات الغصون
إن طار يخاف
كيفن مصيرو مع الرياح باكر يكون
وان حاول النوم
تلقى نومو تملى فار من العيون
آه يا بلد
لولا الظروف
والله فرقك ماب يهون.
رسالة
إرسال سريع

[dayami]

ياوطن لبيك جينا
جينا قوم لا حيلك انهض
يلا هاك قالدنا .. قوي
رغم إنك كت معضعض
من كلاب مايو التهوي
يا جمل شيلت تقيلنا
فى الظلام والسكه غابه ياكا فانوسنا المضوي
يا وليد آخر عمرنا يا الرموك جدعوك مكسح
جيتا تسندنا ونسندك يا وطن لبيك هوبح
نحن جندك جينا ننفض للوشي الضبلان مكتح
دار نعوس أحرف غنانا
لقمه للمصرانو ينبح
من سنين غرزت بقيرتو
داجي بين فقرين مشوبح
يا وطن يا ضل مقيلنا
يا جمل شيلت تقيلنا
يا التسامحنا وتقيلنا
يا سمعنا ويا بصرنا
يا نفسنا وطول عمرنا
يا مصيرنا ويا قدرنا
يا دربنا الفيك سرنا
سرنا سرنا وما عترنا
جينا نقلع من تقانتك كمر الذل والمهانه
فوق نزرع كم شتيله وبرتكانه
وتاني فيكن يا بيوت النمل حاشا
ماب ندخل ايدنا ضمه
تاني يا النهرين وحاتكن
ماب تفوت روح العطاشا
يا شعاع ابريل وحاتك
ماب نعيش قبس الضلمه
يا وطن جيناك أمه
جينا قوم لاحيلك انهض
يلا هاك قالدنا قوي
رغم انك كت معضعض
من كلاب مايو التهوي
يا جمل شيلت تقيلنا
فى الظلام والسكه غابه
ياكا فانوسنا المضوي.

[dayami]

الطير الشوم:
عتمه الدنيا غيوم وضباب
في الأفق النائي سراب وسراب
والطير الناح ينذر بالشوم
في المغرب آب
قيل وارتاح فى دارنا
بدون ما يطرق لينا الباب
ساقية جحا:
يا فرحنا المنتظر
كنت عارفك يوم حتصبح
بؤرة الحرمان
لفارس سيفو فى غمدو انكسر
التحذير:
ساعت جنا الجيران جابولو طياره
قالولي: اسكت هاك ادوني عيديه
قرشين ونص يا ناس
ما زلت اتذكرت
في ساحة الاعياد
والله ما جابت لوكان طحينيه
الصبر:
فوق فراش الموت طريح
الذبيح يا خوانا داير يستريح
وينو مفتاح الفرج
والكلام الضال عن المعني الصحيح.

[dayami]

يا مرسى امان القلب التايه ليهو زمان
أرويهو حنان يا ارض النيل
اتغرب راح
يحلم بالعوده مساء وصباح
داير يرتاح ينجم الحيل
الديمه يئن
لى دار أحبابو قليبو يحن
طنبورو يرن ودموعو تسيل
بعد الأوطان
خلاهو يعيش العمر احزان
آهات واشجان وراهو الويل
وين امدرمان
يتراءي جمال المقرن بان
زهرو النديان والنسمه يميل
اتوشح توب
يترقب كان راجي المحبوب
وقليبو يذوب ضاع صبرو وعيل
مرت أيام
واليوم محسوب في الغربة اعوام
والقلب الهام ردد يحليل
هداهو الشوق
لى صوت القمري الساو القوق
لى ساقى تسوق وتنوح بالليل.

[dayami]

كل ما تغيب عن عيوني بتبقي قريب لى فؤادي
خلاص اصبح قطعه مني بريدك انا زى بلادي
يمين جواي انت خالد خلود البركل زيادي
خلود النيل يجري دايماً يجود بالخير في البوادي
فراقك ماكنت دايرو رضيت بي حكم الارداي
بساهر وطيفك معايا وبسوي الاحزان وسادي
قليبي كمان سبتو امانه أمانه معاك في بعادي
شقاوتي انا في غيبتي عنك عذابي واوطول سهادي
اكون جنبك كل لحظة قريب لو ينتم مرادي
احاول اقول مره اصبر يكون حزني على بادي
اخت ريدك بين ضلوعى يكون لى في الغربه زادي
اشيل من ينبوع حنانك اعود ألقى قليبي صادى
بريدك وشانك بغني تغني معاي الشوادي
يردد طنبوري اسمك يرنبو في كل وادي
ارقص زهر الخمايل يميل طربان جاي وغادي
الملم ناس بلدي ديلك يضاروك من الأعادي
يسوولك في الضريري يقولولك فال وعادي
واقلدك انا يا الحنين وشاح من ريدى وودادي
دحين لامن اعود واجيك على نار الشوق قعادي
دوام صورتك في عيوني ألاهي بذكرك وانادي

[dayami]

ساقتنا الظروف يا صاح لي دار العذاب والغربه
فارقنا القرير نتباكي احكام الزمن صح صعبه
من شفع صغار يا دوبنا ماسكين الشطر نتربي
ما فتنا البلد بالمرة حبها قام معانا وشب
بي فوق البحر نتجارا عاشرنا وبقينا احبه
حارسين الجبابيد ديمه نشرب من مياهو العذبه
نتغاتت كتير في بعضنا دسينا الطعم في العلبه
مره نلفو في الأشميقه بالكشونه تلقى مخبا
نحلف للكمل صارقيلو مننا ما يضوق الحبه
نرجع تاني ننسى القلنا نديهو وتعود الصحبه
والطاهر جزيرتو حليله نساما العليل فاح هب
يلا عليها قوم يا رامي لو بينا بيدور القبه
آه أنا حليل رملاتا منها كم نشيد قبه
نرميها ونقول لبعضنا سجماني ودي فوقا التبه
نرجع للتقا ونتلم نسأل عن صديقنا الغبَّ
ندفرلو الصغير فينا يتأكد يعرف السبه
يمشيلو ويجيبو ونبدا كم في الخط نصيح نتنبأ
ماهن سته لع والله ياتانيهو عيد الحسبه
ماهن سبعة لع والله ماهن تسعة جبت الكضبه
فجأة يقولو شد نتجارا واليركب تكونلو الغلبه
وينو شليل حليل فتيشو ماكنا بنخاف أو نأبه
نتحاوم حفايا نكوسو يدفعنا الحماس والرغبه
نرجع لامتين لقريرنا يفرح عاد قليبنا الحبَّ
نيلووروض نخيلو الزاهي حاضناهو الأراضى الخصبه.

[dayami]

مغستي رحل تلوت الليل شقاوتي رحل تلوت الليل
مسالكي ضلمه ما بتنشق سكت روح نويرة الفرقة
جوة الجوف تسوي البق
مشيت لا زاد أشيلو معاي ولا زولاً معا اترفق
ولما خلاص بقيت مارق نجيم الليل مشي إتفرق
بكيت وبكيت طريف العين متمسح بالدموع رقرق
عشان مظلوم زماني الليلي شتت للشمل فرق
بسوي الووب نحاس احزاني جوه قليبي ينقر دق
يوهدبي يلوعني واخاف من المصير واشفق
اوادع الناس وافوت مجبور يجيني نغيم من الطنبور
اشوفلي جني وقف صفق ينط لا فوق
يطير يندق واطير واندق
وادنقر فوق تراب بلدي أخم بي إيدي في رحلي
اقول يا ليل وافارق الدار اجر فوق الوداع مسدار
أنوني أنوني شاق الواح محال ارتاح
ادخل إيدي في رحلي تراباً فيهو تسوى الكون
تراب بلدي
اشيل منو اشم وارتاح اشم طيبة اهلي
منو تفوح ترد الروح عويناتن تلوح وتلوح
عراريقن طواقيهن طواريهن سواقيهن
انين الساقي لما تنوح حسيس البربخ المفتوح
واعاين يا تراب بلدي اشوف فيك صورة ماب تنشاف
واشم ريحة الكُليت والشاف بنات بلدي بنات بلدي
طريحاتن مناديلن رقيصاتن شبابيلن
حليلي حليلي يحليلن
واشيل من زادي واتكرف
واشوف فيك يا تراب بلدي الحنين المابي يتوصف
سماح ناساً حلاة ناساً بلا السكر
طعم قراصه في قدحاً من الدبكر
كواريك شفع المغرب يقلبوا في الجمر قنقر
ولاد بلدي نقاقيرن طنابيرن جبابيدن سنانيرن
وافوت يا ناسي في دربي أقول يا أهلى واغلبي
خلاص ريدكن ملك قلبي منو الغيركن بشيل حبي
تراب بلدي بنات بلدي ولاد بلدي.

[dayami]

مغستي رحل تلوت الليل شقاوتي رحل تلوت الليل
مسالكي ضلمه ما بتنشق سكت روح نويرة الفرقة
جوة الجوف تسوي البق
مشيت لا زاد أشيلو معاي ولا زولاً معا اترفق
ولما خلاص بقيت مارق نجيم الليل مشي إتفرق
بكيت وبكيت طريف العين متمسح بالدموع رقرق
عشان مظلوم زماني الليلي شتت للشمل فرق
بسوي الووب نحاس احزاني جوه قليبي ينقر دق
يوهدبي يلوعني واخاف من المصير واشفق
اوادع الناس وافوت مجبور يجيني نغيم من الطنبور
اشوفلي جني وقف صفق ينط لا فوق
يطير يندق واطير واندق
وادنقر فوق تراب بلدي أخم بي إيدي في رحلي
اقول يا ليل وافارق الدار اجر فوق الوداع مسدار
أنوني أنوني شاق الواح محال ارتاح
ادخل إيدي في رحلي تراباً فيهو تسوى الكون
تراب بلدي
اشيل منو اشم وارتاح اشم طيبة اهلي
منو تفوح ترد الروح عويناتن تلوح وتلوح
عراريقن طواقيهن طواريهن سواقيهن
انين الساقي لما تنوح حسيس البربخ المفتوح
واعاين يا تراب بلدي اشوف فيك صورة ماب تنشاف
واشم ريحة الكُليت والشاف بنات بلدي بنات بلدي
طريحاتن مناديلن رقيصاتن شبابيلن
حليلي حليلي يحليلن
واشيل من زادي واتكرف
واشوف فيك يا تراب بلدي الحنين المابي يتوصف
سماح ناساً حلاة ناساً بلا السكر
طعم قراصه في قدحاً من الدبكر
كواريك شفع المغرب يقلبوا في الجمر قنقر
ولاد بلدي نقاقيرن طنابيرن جبابيدن سنانيرن
وافوت يا ناسي في دربي أقول يا أهلى واغلبي
خلاص ريدكن ملك قلبي منو الغيركن بشيل حبي
تراب بلدي بنات بلدي ولاد بلدي.
رسالة
إرسال سريع

[dayami]

في حمايا وفي ضرايا .. . استريحـــي .. واستجمي
يا قريبة كما إخيتــــي .. أفتديك بالروح ودمـــــي
لا تخافي .. ولا تهمي .
***
أتكلي الوجع البتاورك .. ختّي حملو على كفوفــي
من ضباب الحزن أجبدك .. ليكي ممدوات كفوفــــي
لو وسط لهباً مولقـــــد ... جوة جوفك وجوة جوفي
ما بيزحزح من عزيمتي.. على انتشالك مرة خوفي
والبرٌشّك بي لبيني .. تلفا درقاتي وسيوفـــي
نامي في حضن القوافي.. وهاك وساداتك حروفـي
**
لو نهار الصيف سمايمو .. بقّت الحر فوق جبينـــك
اتلفحتي التوب طريفــو .. ضروة بي أطراف يمينك
كفّك الأيسر مميـــّل .... كسكيقة على عيونـــك
واتلفتي تكوسي فــيَّ .. ما بخيّب لك ظنونــــــــك
واللّه حتماً تلتقينـــــي .. فيكي متحاوشك أصونك
***
من شتيلة خديرة شبّت .. دابا في عز النــــــــداوة
ليك بفِر سعفاتا طرحة .. فوقك الضل والطــــراوة
قلبي منقاش لي همومك.. للضنا وشوك الشقاوة
وكلما زاد حنو ليكـــي .. زاد على العزال قساوة
**
يا قميرات صيف بلدنا .. نورت قبس الأماســـي
راقشي فوق النيل تكشّف .. للمراكبية المراسي
وفي النهارات ساوي حنِّك ..للمزارعية الشماسي
من دموع جرحك تكتبي .. وصفة للموجوع تآسي
ريدي ليك درعاً مدرع .. في وشي المحن القواسي
**
لو عليك زمن الأفاعي .. جار وجاك بي سمو ناقع
والخلوق فرّاجا قاعدي .. وضاحكي شمات الفواجع
يا الهواك قدري ونصيبي .. احتميبي من الصواقــع
سايم الروح ليك رخيصة ، صامدة عن حصنك تدافــع

[dayami]

الحنين وداني جيت بالساقي سادر***قلت انشد ناسا عن زولي المسافر


الحفير شوف عيني يبكي معاي يكابر***دمعو جدول جاري لبيتكم مجاور


قال لي وين ما بنت طوّل ماك ظاهر***دار اجيكم قلت لو كان لاقي خاطر

كانت الايام حنان بلحيل نواضر***الله يلعن حظي شوم يااخواني عاسر

لمحل اللقيا سقت خطاي ازاور***استعيد الماضي اتعللبو صابر

احضن الاغصان واهيم في وهم سادر***وحدي تحت المنقة للأحزان مصاقر

مالو من خلاني ما يكتب يخابر***بس لعلّو المانعو خيروكتر بشاير

ناس فلان قالوا لي طاريك ديمة ذاكر***بغرامك قلبو ديمه ملان وعامر

لابس الاخلاص حرير وهلال واساور***قلدو فوق عنقو اكليل من ازاهر

آه..تقاليد ريفنا يا الابو ماب تشاور***نحن سر مأساتنا بتنا قولا قاصر


برضي بمحبوبتي مهما كان بفاخر***زولتي خلقت مني زول فنان وشاعر

من جراحي ونوحي والاذي والدرادر***من جحيمي الفيهو مرمي كأني كافر

من ضيا القمرة البشق الليل يدافر***من حسيس طنبور يرن في روعة يناقر

من فؤادي وروحي من آخر وآخر***بهدي اجمل شعري لؤلؤ در جواهر

[dayami]

منادي الشوق ينادي دا ير ارجع لي بلادي
احكي للطيبين واغني وانسي الالمي وسهادي
الليل ..اصلي ماكان في مرادي يوم افارق داري غادي
اهجر الاوطان واسافر بالسنين يبقي ابتعادي
الليل..بلدي طيبة وما بتعادي وفي الكرم غنالا شادي
ارسل الالحان وابدع راح يطوف كل البوادي
منادي الشوق ينادي داير ارجع لي بلادي
احكي للطيبين واغني انسي الالم وسهادي
الليل..حبي ليها وريدها زادي شايلة في عيوني وفؤادي
ليها برسم كل حروفي ودمعة الاشواق مدادي
الليل..شوقي ليها ولي ضفافها طهرها ونورها وعفافها
سلسبيل نيلا البيجري بالسنين خدر جفافها
الليل..اي زول لو مرة شافها زاهيه في حلة زفافها
تاني يحلف ما يفوتها لو زمان الوصل صافه
الليل..شوقي لي زرات ترابها ولي سهولها ولي هضابها
زهرة الياسمين تضاحك خضرة الصفصاف في غابة
الليل..طفلة من الذنب دابها عنفوان القاش شبابها
راقصت في عبري رنت غنوة من وتر الربابة
الليل..شوقي ليها ولي نعيمها وفوقنا دايما راشه غيمة
روحي من الغربة ضاقت دايري ترجع لي قديمها
الليل..كل ما نطري بلدنا ديمة تنهمر دمعات هميمة
نحنا اخلاصنا ووفاءنا لي بلدنا بقالنا شيمة

[dayami]

نواصل في الفواصل

[عوض جلاس]

ألف شكر على هذا الجهد المقدر في نقل ورسم لوحة من لوحات شاعرنا المبدع الأستاذ السر عثمان الطيب وربنا يمتعه بالصحة والعافية
ونتمنى أن تواصل وتدينا المزيد من كلامه العذب السلسبيل
ولك تحياتي

[dayami]

الاخ العزيز صلاح عبد النبي نشكر على المرور وطبعا شاعرا بقمة السر لا يمكن ان يمر عليه شخص دون تحليل ادواته الشعرية وتشبيهاته الفوية ورقة تعبيره وتشكر على المرور والتوضيح

[dayami]

ود اهلى عوض جلاس سلامات تشكر على المرور ولدي تسجيلات صوتية بصوت السر وبعض اللقاءات الاذاعية احاول ان انزلها لالقاء مزيد من الضوء على هذا العملاق

[صلاح هاشم السعيد]

بحر المؤده



شوفي الزمن يا يمه ساقني بعيد خلاص
در درني واتغربت واتبهدلت وريني الخلاص
ساقني القدر منك بعيد لآذيا كاس جرعني كاس
يا يمه يا فيض الحنان الما كمل
يا يمه يا بدري البشع دايماً يهل
يا يمه يا نور الصباح وكتين يطل
وآشري يا زينوبة ولدك في بحور الشوق كتل
محروم من الحب والمحنة وراك همل
يا يمة يا بحر المودة وكتين يفيض
يا يمة يا شعلة أمل زادت وميض
يا يمة يا عنقود كلام منظوم قصيد
يا يمه يا نغماً حنين بالشوق يرن
وأفكاري فيهو بيرتعن … دمعاتي شانو بينزلن
واتذكر يا يمه في الدغش النسايمو يهبهبن
قايمي الصباح متكفلتي شايلي الحليلي علي المراح
والساعة ديك يا دوب ديكنا بدأ الصياح
والطير صغاروا يغردن
جبتي اللبن بي انشراح
واتذكر يا يمه في وكت الهجير
صالياك نار الدوكي عستيلنا الفطير
رشيتي قلتي أكلوهو خير
واتذكر يا يمه يا بسمة الطفل الغرير
وكت الخلوق ترقد تنوم وأسهر براي
أرعي النجوم
والشوق يرف جنحيهو بي فوق لي يحوم

واتذكر يا يمه ساعة الناس يجونا من البلد
ناعم ترابه علي جسيماتن رقد
ريحة التمر فوق الهدوم
ولون الخضار خانس لبد
والشوق أوارو بيشتعل
كان ظني فيهو يكون خمد
...

لك التحايا والشكر ،،