يوم والبلد .............!!!!!!!!

[خالد الباشا]

يوم والبلد..

يوم والبلد مندسي في جوف الليالي الدافي حن ..
والريح تجيب حس البطان حجي ويصن ..
وأنا لا هويت ..
لا بيكي للنار إتكويت ..لا حتى فاكرك ذاتي أظن ....


نمت وحلم ..
بالغيمة والبراق يشيل ..
والنيم يميل ..
والطير يوج ..
والضوء يفج ..
في عتمة الليل الطويل .
ومن تالا إحساسنا الجميل ملفوح حسيس طمبور يرن ..


زي ماتقولي كدي البلد ..
شلال من الأفراح طمح ..
طقت مواويل الحباب .. القرقراب ألمي وقدح
زي عيد وما عيد الوكت ..
مليون شراع للريح فتح ..
وأنا وإنتي وسط الناس صغاااار
سن الحمار ..
أمسك طريف عمري وأفن ..


يابت عيونك بالكلام ..
مالياها كانت ضحكتك ..
تجري وتجري هواي وراك .. لوايتي تلفح طرحتك ..
وآه يالضحك .. !!!
وكتين يرك زرزور برائتي علي تفاصيل لمحتك ..
لا البرتكان ...!!!
لا كنت حاسبك بت كمان ..
لا حتى عارف شنهن !!!


وآآآ بختي والأيام سماح ..
والليل سريع عقبو الصباح ...
في روعة البلد العصير
وانا وإنتي لسه قدر قدير ..
لا همي أيه باكر يكون ..
لا عارفي إنتي شني الجراح !!!
نتجارى وينو شليل وراح ..
نتدسه في كوم التبن ....

يا شافعي والناس في البلد
والضحكة رابطاهم ربط
سمحين بطان وسط الُبكان في لمة الضحى بي تحت ..
نلعب نلم باقي الحصى ..
(يايمه ) هاك شوفي البخت
وآآآآ بختك إنتي وكت بعد ..
ختت بياضو شلن شلن ..


ياحليلي أنا الشلتك حنين
طول المسافات مانسيت
لمتنا عن شق الصباح
ونومتنا متقالدين نبيت
وين ياتميرتي الكت بفن
أشواقي في خاطر السبيط ..
وتجدعلي شوقا ملان سلام ..
باللهفة صر يملاني حن ..


والليل يطول ..
تاريني في جوف المنامات ماهو صح ..
لا إنتي لسه الشافعي ديك
لا قلبي عدمان الجرح
ظهرت ملامح الفرقة فيك
وإتشوه الزمن السمح ..
وفتح عيوني قصاد صباح تتباكا في ساعة شروقو الدنيا بالميلاد تئن ...

[أب شخيت]

أخوي خالد الباشا

سلامات يا مشاعر دفاقة بالشوق والحنين...إيه الكلام الحلو السهل الممتنع الصعب القافية المليان موسيقى بدون لحن...الدفاق المشاعر الطفولية البريئة الطاهرة..الملئ بالذكريات والشجن اللذيذ والمؤلم...ياخي دا كلام عجيب جابتني ليهو الصدفة ساكت "ورب صدفة أحلي من ميعاد"..أنا كنت فاكرو موضوع زول مستف الشنطة داير يأخد إجازتو...!!!.
بالله عليك الله تشوف لينا جنس الكلام الزي دا وتكتر منو...الزمن العلينا دا الأطفال الصغار محرومين من براءة الطفولة ...و بقو تفتيحة من صفارة الحكم...ياخي الطفولة بدون البراءة اللذيذة المابتعرف الواو الضكر من نون النسوة دي شن تسوا...لكم الله يا أطفالي لم أكن أدرك أنكم محرومون من طفولتكم حتى قرأت هذه الكلمات التي أرجعتني للماضي البعيد....
مشكور يا خوي و زود لينا المحلبية شوي وصلحه فرد مرة..!!!

[حسان سرالختم]

اخونا ود الباشا
بركه الشفناك تانى بعد الهكر
ودى اجمل هديه لينا بعد العوده
اكيد دى من طرف الدفاتر ودايرين
اكتر واكتر ( ماتبخل علينا )
ويا ابشخيت خالد دا نقدم ليهو دعوه
للمشاركه فى بوست عتود دقش ..
رايك شنو ؟ يعنى تجيبو معاك فزع
عشان لو الضرب كتر عليك بتقع
فى نص الدرب !!

[صلاح عبد النبي]

الأخ الشاعر المرهف خالد الباشا ..

حاولت أن أستقطع جزءاً من لوحتك المكتوبة بحروف مضيئة بارزة يراها القارئ
ويلمسها عياناً بياناً .. حاولت أن أختار واحدة من هذه الصور الناطقة لكي أعلق عليها
أو أجعلها مدخلاً .. فلم أفلح .. فكل جزء وكل مقطع في القصيدة ينافس الآخر في قوة تعبيره وجزالة معانيه .. وفي لحظات قراءتي لها خلتني جزءاً من ملامح هذا الحلم المدهش وتقهقرت بي السنوات حثيثة نحو ذلك الزمن الغني الباذخ الناضح بالبراءة المفعم بالحميمية والالفة والدفء .. و
نمت وحلم ..
بالغيمة والبراق يشيل ..
والنيم يميل ..
والطير يوج ..
والضوء يفج ..
في عتمة الليل الطويل .
ومن تالا إحساسنا الجميل ملفوح حسيس طمبور يرن ..

يا الله ..
تدثرت بهذا الشعور وأنا وحدي في ليل غربتي .. لبسته .. فأحسست بذلك الدفء وبذلك الأمان الذي يتسربل الروح والجسد حين تغمرني هذه التفاصيل وأنا بين اليقظة والمنام
(منجبداً ) في غطائي في الحوش الواسع والنيم يميل والطير يوج والضوء يفج في عتمة الليل الطويل ! ..
وهكذا .. تتمدد الرؤيا المترعة بالدهشة :
وآآآ بختي والأيام سماح ..
والليل سريع عقبو الصباح ...
في روعة البلد العصير
وانا وإنتي لسه قدر قدير ..
لا همي أيه باكر يكون ..
لا عارفي إنتي شني الجراح !!!
نتجارى وينو شليل وراح ..
نتدسه في كوم التبن ....

يا شافعي والناس في البلد
والضحكة رابطاهم ربط
سمحين بطان وسط الُبكان في لمة الضحى بي تحت ..
نلعب نلم باقي الحصى ..
(يايمه ) هاك شوفي البخت
وآآآآ بختك إنتي وكت بعد ..
ختت بياضو شلن شلن ..


ياحليلي أنا الشلتك حنين
طول المسافات مانسيت
لمتنا عن شق الصباح
ونومتنا متقالدين نبيت
وين ياتميرتي الكت بفن
أشواقي في خاطر السبيط ..
وتجدعلي شوقا ملان سلام ..
باللهفة صر يملاني حن ..

شكراً خالد .. فقد انداحت سبيطتك بحنّها ولهفتها وسلامها على رمال الحاضر
الجرداء فأحالتها إلى واحة يغرد طيرها شوقاً إلى ذلك الزمن الجميل .. في هنيهات
كافيات شافيات ثم تسللت روحك مرغمة من ذلك الحلم الجميل و :

وفتح عيوني قصاد صباح تتباكا في ساعة شروقو الدنيا بالميلاد تئن ...

يا حليلنا ..

لك خالص مودتي ..

[طيبان]

فرحتنا بي نضمك ونظمك...
ونعنشتنا بعد مايبس فرحنا الهكر ...
دي قصيدة الزول كلما تضيق عليهو الدنيا يرجع يقيف عندها...
غايتو أنا لا باكر بكون حفظتها...
وياني المباري دربك تاني...
تسلم

[عمر مجذوب خطيب]

خالد وانت تلاحق ما كان - وانت تعيد رسم ساعاته وانفاسه - تكون اسعد ما تكون بقدرتك الخارقة على التنقل رغم قيود السنوات وفروض التغيير - ياه ما اعظم الحيشان والبراح والنيم والطيور وصوت الغنم وكوكيي الجداد - دروة تتحق عبرها شروط الحياة علما وتعايشا.
مودتي

[عوض جلاس]

الرائع خالد الباشا
لك الشكر وأنت تتحفنا وتشنف آذاننا بجمال قوافيك ونظمك الجميل ونتمنى أن لا تحرمنا من هذا الإبداع وتكون معانا على طول نعيش معاك أحلى الكلام ونستنشق عبيرو الفواح
لك تحياتي خالد الباشا الشاعر المرهف

[حميد]

لك التحية استاذنا ود الباشا..
وانت تتحفنا بهذه الصور الديجيتالية
ثلاثية الابعاد..

نمت وحلم ..
بالغيمة والبراق يشيل ..
والنيم يميل ..
والطير يوج ..
والضوء يفج ..
في عتمة الليل الطويل .
ومن تالا إحساسنا الجميل ملفوح حسيس طمبور يرن ..

حلم زين وان شاء الله خير..

[الصادق عثمان]

جد مشكله ياباشا وينا السنسنه !!!
ماليلنا راح والعمر فات ** وأيامنا راحت دندنه
تمراتنا والشوق الدفين ** مستنه حتى الوشوشه
*****
ياباشا لاتبكي وتنوح ** بكره الرسايل ممكنه
أكتب مدادك لايجف ** أبلغ صروح الأمنيه
*****
أوصفلنا النيل التساب ** نخلاتنا صامده ومثمره
حال البلد ناس البلـد ** لاتنسي كل الأمكنه
أبقي عشره على العقاب** وأحزر رياح الأزمنه
أخوي الباشا :- أرت أعادة الأبيات لنزكرت أننا أوصيناك علي البلد والعقاب وهاأنت تشجي مسامعنا بالمنظومات الرائعة وأمنياتنا أن لاتنقطع خاصة وأهلنا هذه الأيام يعشون أحلي أيامهم وإستمتاعه ب(حش التمر ) أوصف لنا عرقهم .... ابتساماتهم ... كرمهم .... تمرهم .... فالشاعر يتصيد المواسم ليعبر ... ليحمس المواسم فنتضر منك الكثير و (حلات بلدي ) لك التحيه

[خالد الباشا]

جد مشكله ياباشا وينا السنسنه !!!
ماليلنا راح والعمر فات ** وأيامنا راحت دندنه
تمراتنا والشوق الدفين ** مستنه حتى الوشوشه
*****
ياباشا لاتبكي وتنوح ** بكره الرسايل ممكنه
أكتب مدادك لايجف ** أبلغ صروح الأمنيه
*****
أوصفلنا النيل التساب ** نخلاتنا صامده ومثمره
حال البلد ناس البلـد ** لاتنسي كل الأمكنه
أبقي عشره على العقاب** وأحزر رياح الأزمنه


[B]الصادق اخوي وكل الذين عطروني بالكلمات ورفعو هامتي حتى لامست نخلات البركل ...لكم التحية فردا فردا .. وبكم اتكون هنا وأبدا من جديد (شويعر ) يحتاج لمذيد من الكلمات المشجعة ..


إنت ياحسان ويييين صاحبنا الأسمر الوجيه .....؟؟؟؟؟؟؟؟
وبمناسبة الهكر دي ووجود العزيز اب شخيت وكل رائعي البركل تعالو نفتح قصيده للهكر الهكر ده وانا برشح البدايات للحبيب الصادق ...

[عبد العظيم الطاهر]

يوم والبلد..

يوم والبلد مندسي في جوف الليالي الدافي حن ..
والريح تجيب حس البطان حجي ويصن ..
وأنا لا هويت ..
لا بيكي للنار إتكويت ..لا حتى فاكرك ذاتي أظن ....


نمت وحلم ..
بالغيمة والبراق يشيل ..
والنيم يميل ..
والطير يوج ..
والضوء يفج ..
في عتمة الليل الطويل .
ومن تالا إحساسنا الجميل ملفوح حسيس طمبور يرن ..


زي ماتقولي كدي البلد ..
شلال من الأفراح طمح ..
طقت مواويل الحباب .. القرقراب ألمي وقدح
زي عيد وما عيد الوكت ..
مليون شراع للريح فتح ..
وأنا وإنتي وسط الناس صغاااار
سن الحمار ..
أمسك طريف عمري وأفن ..


يابت عيونك بالكلام ..
مالياها كانت ضحكتك ..
تجري وتجري هواي وراك .. لوايتي تلفح طرحتك ..
وآه يالضحك .. !!!
وكتين يرك زرزور برائتي علي تفاصيل لمحتك ..
لا البرتكان ...!!!
لا كنت حاسبك بت كمان ..
لا حتى عارف شنهن !!!


وآآآ بختي والأيام سماح ..
والليل سريع عقبو الصباح ...
في روعة البلد العصير
وانا وإنتي لسه قدر قدير ..
لا همي أيه باكر يكون ..
لا عارفي إنتي شني الجراح !!!
نتجارى وينو شليل وراح ..
نتدسه في كوم التبن ....

يا شافعي والناس في البلد
والضحكة رابطاهم ربط
سمحين بطان وسط الُبكان في لمة الضحى بي تحت ..
نلعب نلم باقي الحصى ..
(يايمه ) هاك شوفي البخت
وآآآآ بختك إنتي وكت بعد ..
ختت بياضو شلن شلن ..


ياحليلي أنا الشلتك حنين
طول المسافات مانسيت
لمتنا عن شق الصباح
ونومتنا متقالدين نبيت
وين ياتميرتي الكت بفن
أشواقي في خاطر السبيط ..
وتجدعلي شوقا ملان سلام ..
باللهفة صر يملاني حن ..


والليل يطول ..
تاريني في جوف المنامات ماهو صح ..
لا إنتي لسه الشافعي ديك
لا قلبي عدمان الجرح
ظهرت ملامح الفرقة فيك
وإتشوه الزمن السمح ..
وفتح عيوني قصاد صباح تتباكا في ساعة شروقو الدنيا بالميلاد تئن ...

ياااااااااااااااااااااااه يااااااااااااااااااااااااااااا خااااااااااااااااااااااااااااااالـــــــــــــــد

ياخي إنت مجنون جن راسو عديييييييييييييييييييييييييييييييييييييييييييييييي يل

أشهد الله وأشهدك ... أنك دخلت قلبي من أوسع أبوابه

شكرا لك .... شكرا جزيلاً

[عوض جلاس]

وينك يا خالد الباشا
نحن في انتظارك لنرى الجديد

[حسين علي الحاج]

ياااااااااااااااااااااااه يااااااااااااااااااااااااااااا خااااااااااااااااااااااااااااااالـــــــــــــــد

ياخي إنت مجنون جن راسو عديييييييييييييييييييييييييييييييييييييييييييييييي يل

أشهد الله وأشهدك ... أنك دخلت قلبي من أوسع أبوابه

شكرا لك .... شكرا جزيلاً
عبد العظيم اخوي
لك التحية وكل عام وانت بخير والحمد الله خالد الباشا الخلاك تبنقر
اكيد عبد العظيم خالد رجل شاعر في كل شيء اخلاق وجمال روح وفوق ذلك ود بلد تحبه لانه صافي يقابلك بالاحضان وتحس مشاعره نحوك بل تلمسها 0شكرا خالد على هذا الجمال وطبعا ده خالد الباشا والسمعناهو من الشعر كثير وجميل ونقول شكرا لاخونا اسامة حمزة الذي جعل خالد يتحفنا بكل ذلك الجمال
لك عبد العظيم ولخالد الباشا ولاسامة حمزة ودي

[Adil Assoom]

نمت وحلم ..
بالغيمة والبراق يشيل ..
والنيم يميل ..
والطير يوج ..
والضوء يفج ..
في عتمة الليل الطويل .
ومن تالا إحساسنا الجميل ملفوح حسيس طمبور يرن ..
***
زي ماتقولي كدي البلد ..
شلال من الأفراح طمح ..
طقت مواويل الحباب .. القرقراب ألمي وقدح
زي عيد وما عيد الوكت ..
مليون شراع للريح فتح ..
وأنا وإنتي وسط الناس صغاااار
سن الحمار ..
أمسك طريف عمري وأفن ..



خالد الباشا
الكلام السمح يدخل الى القلوب بلا أستئذان...
الطير يوج...
والضو يفج...
تصوير بديع ونقل لصورة (على الهواء) بلغة أهل البث الفضائي...
والنفس الشعري كلما نحى الى تقمص الوقائع كان أصدق سياقا وأوقع في النفس!...
وهاأنت تضيف الى تقمص المشهد زخما آخر وهو شمول الكلمات وتناسق التراكيب...
شلال من الأفراح طمح ..
طقت مواويل الحباب .. القرقراب ألمي وقدح

ماأجمل تعبير (ألمي وقدح)...
هي بصدق تقوم مقام أستخدام صيغة جمع الجموع في
(وأمواه) تصل بها حصاها صليل الحلي في أيدي الغواني!...
أما الأحساس الذي يشابه أحساس العيد (وماعيد الوكت) فهو الأحساس الخالد في القرى بل هو الأوحد لندرة الأحتفاليات فيها!...
هو أحساس لا يتناسب مع تملّي حلاوته الاّ تعبيرك الماتع...
مليون شراع للريح فتح ...

فالنفس قد تشبعت بعبق الأحساس بالمشهد...وجاشت بالمشاعر ولم يبق الاّ الأنطلاق !...
ولا يتم المشهد الاّ بهذه الذكريات الجميلة...
سن الحمار ..
أمسك طريف عمري وأفن ..
ماأجملها من صور...
وماأحلاها من ذكريات...
كل المودة

[عثمان الدغيس]

[QUOTE=خالد الباشا;791][B][font=Tahoma][color=#8B0000]يوم والبلد..





[I]يابت عيونك بالكلام ..
مالياها كانت ضحكتك ..
تجري وتجري هواي وراك .. لوايتي تلفح طرحتك ..
وآه يالضحك .. !!!
وكتين يرك زرزور برائتي علي تفاصيل لمحتك ..
لا البرتكان ...!!!
لا كنت حاسبك بت كمان ..
لا حتى عارف شنهن !!!
[size=6]
والله مبدع يا ود الباشا

ليك شوق كتير بأحكيلك عنو وكت ألاقيك والحبان ..

ربنا يعجل لقاءنا بكم ..

[عبد الرحمن يوسف]

خالد الباشا ياروعة زمانك ابداع
كلمنى الساعة كم الشمس طلعت والطير نضم
والطير يوج ..
والضوء يفج [/size]
[size=5]ياسلام على روعة وقت العصر وربما صغر لضيق وقته العصير ولكن مايحدث فيه من متعه كثير وفعلا تجد الليل سريع عقبه الصباح ولم يكمتل الكثير ،وياسلام على قدر قديرولايهم ايه باكر يكون
وآآآ بختي والأيام سماح ..
والليل سريع عقبو الصباح ...
في روعة البلد العصير
وانا وإنتي لسه قدر قدير ..
لا همي أيه باكر يكون
سلاسه تنساب كما ينساب الماءفى الجدول كلمات مربوطه بالبيئة تصور واقع معاش [/B]
يا شافعي والناس في البلد
والضحكة رابطاهم ربط
سمحين بطان وسط الُبكان في لمة الضحى بي تحت ..
نلعب نلم باقي الحصى ..
(يايمه ) هاك شوفي البخت
وآآآآ بختك إنتي وكت بعد ..
ختت بياضو شلن شلن ..
ياحليلي أنا الشلتك حنين
طول المسافات مانسيت
لمتنا عن شق الصباح
ونومتنا متقالدين نبيت
وين ياتميرتي الكت بفن
أشواقي في خاطر السبيط ..
وتجدعلي شوقا ملان سلام ..
باللهفة صر يملاني حن ..
[B]بالله شوف بفن دى ويفن اشواقه وسط السبيط وتجدعلى شوق ملان سلام ويملاه حن والله ياخالد الباشا هذه البساطه فى التعبير المربوط بحياتنا فى الشمال يسوق الواحد الى ايام مضت يملاؤها الشوق والحنين وطيبة الاهل والتعامل ببراءة الاطفال وعفويه تعطى الكل الثقه ياحليل ايامنا الزمان من لم يعش فيها لايعرف معنى هذا الكلام لك كل التحية ورجاء ان لا نحرم
من الكلمات العذبه التى تدفق فوقنا كالماء ونشرب منها بشغف وقدر مانشرب ياخالد مااظن تروينا .ونتمنى المزيد مع عاطر التحايا

[خالد الباشا]

..أخوي عبد الرحمن .. كتبتني ومزجتني بإحساسك الجميل ... وأمرتني بأن أكتب ..


أحلم معاي بالضوء يفج .. عتمة ليالينا ويجي
وأحلم معاي بالطير يوج ..
يملأ البيوت بي حس غناوينا الشجي ..
أحلم معاي
في كل بيت .. طمبور وطار
شفع صغااار
حِجي وحُجي

[عثمان الدغيس]

[QUOTE=خالد الباشا;24284][I][font=Tahoma]..أخوي عبد الرحمن .. كتبتني ومزجتني بإحساسك الجميل ... وأمرتني بأن أكتب ..


أحلم معاي بالضوء يفج .. عتمة ليالينا ويجي
وأحلم معاي بالطير يوج ..
يملأ البيوت بي حس غناوينا الشجي ..
أحلم معاي
[B][COLOR="black"]في كل بيت .. طمبور وطار
شفع صغااار
حِجي وحُجي


[size=6]غايتو دي علي سند جيهها جيهي ..

جاب الطمبور معاه
باقيلنا الطار وده بيتلقي هني في قطر
أظنك صاحب فكرة إنو يشيل معاه طمبور ... واللا تكون جبتو ليهو إنت ..

زيدني من (ذلك ) شوية وكتر الأشواق عليَ ...

[اسامة حمزة]

[quote=خالد الباشا;24284][i][font=Tahoma]..أخوي عبد الرحمن .. كتبتني ومزجتني بإحساسك الجميل ... وأمرتني بأن أكتب ..


أحلم معاي بالضوء يفج .. عتمة ليالينا ويجي
وأحلم معاي بالطير يوج ..
يملأ البيوت بي حس غناوينا الشجي ..
أحلم معاي
[B][COLOR=black]في كل بيت .. طمبور وطار
شفع صغااار
حِجي وحُجي


[SIZE=6]غايتو دي علي سند جيهها جيهي ..

جاب الطمبور معاه
باقيلنا الطار وده بيتلقي هني في قطر
أظنك صاحب فكرة إنو يشيل معاه طمبور ... واللا تكون جبتو ليهو إنت ..

زيدني من (ذلك ) شوية وكتر الأشواق عليَ ...
خالد الباشا

وين القصائد الدُقااااق

زي بيناتنا كان ساح العِرِق (مثلا )

[مرتضى عوض]

التحية ليك يا خالد الباشا
و الله قمة الروعة , تجسيد للاحاسيس يحير,,,
و قمة الروعة انك قدرت بي كلماتك ترجع ناس رجناهم كتير عشان يرجعو لي البركل , نتمني انو ما يبخلو علي البركل بي كتاباتم .
سامعين يا اب شخيت و عادل عسوم و طيبان
التحية ليك يا خالد و لي كل البركالة الرائعين

[د/ريم احمد]

استاذ الكلمة الجاية من دميرة البحر صافية وماها عكرانة
لم يكن ذاك يوم ..وانما حصاد ايام ...
وحليل البلد ..وايام البلد ...وناس البلد ..
وياجمال تلك الكلمات الممزوجة مع جروف النيل ....
وفيها رذاذ المطر ...
وفيها ريحة الدعاش ...
ابقي زى غيمة مروية ياخالد عاشقة نوار الزرع والخدار ...

[ابو مبارك]

[QUOTE=خالد الباشا;791][B][I][font=Tahoma]يوم والبلد..

يوم والبلد مندسي في جوف الليالي الدافي حن ..
والريح تجيب حس البطان حجي ويصن ..


يابت عيونك بالكلام ..
مالياها كانت ضحكتك ..
تجري وتجري هواي وراك .. [COLOR="Red"]لوايتي تلفح طرحتك ..
وآه يالضحك .. !!!
وكتين يرك زرزور برائتي علي تفاصيل لمحتك ..
لا البرتكان ...!!!
لا كنت حاسبك بت كمان ..
لا حتى عارف شنهن !!!


[SIZE="5"]ماعندي غير الإندهاش ياخالد

[تماضر الخنساء]

يوم والبلد..

يوم والبلد مندسي في جوف الليالي الدافي حن ..
والريح تجيب حس البطان حجي ويصن ..
وأنا لا هويت ..
لا بيكي للنار إتكويت ..لا حتى فاكرك ذاتي أظن ....


نمت وحلم ..
بالغيمة والبراق يشيل ..
والنيم يميل ..
والطير يوج ..
والضوء يفج ..
في عتمة الليل الطويل .
ومن تالا إحساسنا الجميل ملفوح حسيس طمبور يرن ..


زي ماتقولي كدي البلد ..
شلال من الأفراح طمح ..
طقت مواويل الحباب .. القرقراب ألمي وقدح
زي عيد وما عيد الوكت ..
مليون شراع للريح فتح ..
وأنا وإنتي وسط الناس صغاااار
سن الحمار ..
أمسك طريف عمري وأفن ..


يابت عيونك بالكلام ..
مالياها كانت ضحكتك ..
تجري وتجري هواي وراك .. لوايتي تلفح طرحتك ..
وآه يالضحك .. !!!
وكتين يرك زرزور برائتي علي تفاصيل لمحتك ..
لا البرتكان ...!!!
لا كنت حاسبك بت كمان ..
لا حتى عارف شنهن !!!


وآآآ بختي والأيام سماح ..
والليل سريع عقبو الصباح ...
في روعة البلد العصير
وانا وإنتي لسه قدر قدير ..
لا همي أيه باكر يكون ..
لا عارفي إنتي شني الجراح !!!
نتجارى وينو شليل وراح ..
نتدسه في كوم التبن ....

يا شافعي والناس في البلد
والضحكة رابطاهم ربط
سمحين بطان وسط الُبكان في لمة الضحى بي تحت ..
نلعب نلم باقي الحصى ..
(يايمه ) هاك شوفي البخت
وآآآآ بختك إنتي وكت بعد ..
ختت بياضو شلن شلن ..


ياحليلي أنا الشلتك حنين
طول المسافات مانسيت
لمتنا عن شق الصباح
ونومتنا متقالدين نبيت
وين ياتميرتي الكت بفن
أشواقي في خاطر السبيط ..
وتجدعلي شوقا ملان سلام ..
باللهفة صر يملاني حن ..


والليل يطول ..
تاريني في جوف المنامات ماهو صح ..
لا إنتي لسه الشافعي ديك
لا قلبي عدمان الجرح
ظهرت ملامح الفرقة فيك
وإتشوه الزمن السمح ..
وفتح عيوني قصاد صباح تتباكا في ساعة شروقو الدنيا بالميلاد تئن ...
لك فائق الشكر شاعرنا القامه وكل عام وانت نبع للمفردات الجميله وتصويرك البديع لطبيعة بلدنا الحنين ولهوءالطفوله البريئه وياسلام علي الروعه في تشبيه وقت العصير وسرعان ما ياتي الليل الذي يعقبه الصباح ويالك من روعه
يااابختي والايام سماح
والليل سريع عقبو الصباح
وفي روعة البلد العصير
وحقيقه العصير ياخذ طابع تاني في بلدنا كل التعابير مربوطه بشمالنا الرائع ياريت يديك الصحه ويخليك عشان تجسد لينا الشمال في مفرداتك ونتمني المذيد ودمت

[خالد البدوي بابكر]

يوم والبلد..

وكتين يرك زرزور برائتي علي تفاصيل لمحتك ..
لا البرتكان ...!!!
لا كنت حاسبك بت كمان ..
لا حتى عارف شنهن !!!






أحلى حتّة ...!!!!

[د. نادية]

يوم والبلد ...
العنوان والفكرة..
المفردات والفطرة ..
كلها اجتمعت هاهنا أخي الجميل خالد الباشا
لنقرأك بعيون أخري مختلفة ..
هي -بأي حال من الأحوال -ليست عيون الرضا فقد تجاوزنا هذه المحطة ..
هي عيون الدهشة وازهارك تتفتح ها هنا و..هناك تنثر العبير والألق
ونحن (نندهش وبس )


كيل يازول بالربع الكبير ..
حاضر؟

[عبد الرحمن يوسف]

..أخوي عبد الرحمن .. كتبتني ومزجتني بإحساسك الجميل ... وأمرتني بأن أكتب ..


أحلم معاي بالضوء يفج .. عتمة ليالينا ويجي
وأحلم معاي بالطير يوج ..
يملأ البيوت بي حس غناوينا الشجي ..
أحلم معاي
في كل بيت .. طمبور وطار
شفع صغااار
حِجي وحُجي

الاخ خالد الباشا هذا الحلم بالضوءالذى يزيح عتمة الليل
ضوءالقميره ومعاه الطنابير الترن
نغماته جوه الجوف تديك حن
والداره بالحور الحسان مجمعن
الشفع صغار حايمين ليهم بحن
حبوبتى بالليل تحجى ويسمعن
ياحليلو الزمان فرق ومااظن يجمعن
بحلم معاك وجا الصباح شتتن
والقمرى قوقه على الغصون
ياحليل زمان ايامه حلاوات مابيرجعن

[بنت النيلين]

الرائع ود الباشا متابعين واصل وما تحرمنا من هذه الروائع .. يديك العافية

[د. سحر]

(نمت وحلم ..
بالغيمة والبراق يشيل ..
والنيم يميل ..
والطير يوج ..
والضوء يفج ..
في عتمة الليل الطويل .
ومن تالا إحساسنا الجميل ملفوح حسيس طمبور يرن ..)
دي ماها أحلام ولاهو منام ... !


وآآآ بختي والأيام سماح ..
والليل سريع عقبو الصباح ...
في روعة البلد العصير
وانا وإنتي لسه قدر قدير ..
لا همي أيه باكر يكون ..
لا عارفي إنتي شني الجراح !!!
نتجارى وينو شليل وراح ..
نتدسه في كوم التبن ....
(وشليلنا رااااح)

ياحليلي أنا الشلتك حنين
طول المسافات مانسيت
لمتنا عن شق الصباح
ونومتنا متقالدين نبيت
وين ياتميرتي الكت بفن
أشواقي في خاطر السبيط ..
وتجدعلي شوقا ملان سلام ..
باللهفة صر يملاني حن ..
(إتمطقنا حلاوتها والله)
[size="5"]وفتحنا عيونا قصاد صباح خير حروفك في رجاك لا تطول علينا ...
المبدع خالد الباشا
رجعتنا للبلد وهيجت فينا حنين دافق ، ونحن أصغر من أن نكتب لك وعنك
لكن كلماتك تسكننا وتشكل وجداننا ، لا تطول غيابك .

[ودحامد]

نمت وحلم ..
بالغيمة والبراق يشيل ..
والنيم يميل ..
والطير يوج ..
والضوء يفج ..
حروف تحكى احلام
الله لا يحرمنا منك خالد الباشا

[محمد عبده]

ربنا يديك العافيه ونرجو المزيد