اين الخلف [الأرشيف] - موقع البركل

مشاهدة النسخة كاملة : اين الخلف

محمد الطيب

09-08-2007, 04:32 PM

ياجماعه اخونا المبدع خلف الله مختفى من زمن المنتدى القديم .. ان شاء الله المانع خير
الزعيم خالد شوف اخونا خلف طاشى وين يديك العافيه .

صلاح عبد النبي

09-08-2007, 06:38 PM

الأخ محمد الطيب ..
تحياتي ..

أخونا خلف الله فعلاً مختفي ليه مدة .. وإنتو قراب منو بالله شوفوا الحاصل
أفيدونا أفادكم الله بكل خير ...

ضمره بغدادى

09-08-2007, 07:02 PM

الاخوان محمد الطيب وصلاح
لكم منى الف سلام
قبل يومين انا وهو تقابلنا فى محادثة كتابية بالايميل وانا لى فترة طبعا ما قابلت الغالى خلف الله التوم وبدأنا بالفعل فى اجترار الذكريات ولكن مدة المحادثة لم تطول نسبة لمشغوليتى (الحكومة كانت واقفة فوق راسى )وعلى ما يبدو لى ان خلف الله سوف يعود الينا قريبا باذن الله .

صلاح عبد النبي

09-08-2007, 07:42 PM

نادر رشاد

09-08-2007, 07:50 PM

الخلف أخونا صحيح فقد عظيم نتمنى انو يرجع بسرعة ومعه بقية عقد الدوحة المنقوص
لكن في البيني وبينكم يكون محبط من هكر الجن ، لأنو ضيع عليهو مجهود زمن طويل مثل الكثيرين من أهل المنتدى
كدي ياناس قطر شدو السلك للزول ده وتعالو بالخبر اليقين
البركلاوي،
كل الود ،،،

ضمره بغدادى

09-08-2007, 08:10 PM

الله يطمنك يا ضمرة ..
والزول طبعاً عديلي لزم لكن تلفونو رايح علي
كت داير اطمنو علي وليداتو .. باقي أنا راجع لي كم يوم دابي من الإجازي وخليناهم
كلهم طيبين وسالمين والحمد لله ..ورجعنا تاني لي كفيف الدموع في الغربة أم قرون:D

الله يدي العافي بس ..

اخى صلاح
فعلا انا سألته عن وليداتو وقالى العيال ما شاء الله فى الجامعات وهم وامهم بالخرطوم
نسأل الله العافية لى ولكم ولكل المسلمين .

عمر مجذوب خطيب

09-08-2007, 10:06 PM

غايتو سمعت والعهدة على الراوي ان خلف الله اتعاق في كومبيوترو والجهود جارية لاصلاحه لانو العطل كبير هارد ويير وكدا - ويا الخلف الجاتك في كومبيوترك سامحتك
ترجع لينا زي ما كنت وتنزل لينا الاغاني الجميلة

عوض جلاس

09-08-2007, 11:20 PM

زمن المنتدى القديم الواحد كان داير الخلف دا كان طوالي تلقاهو يحاحي الطير في مننتدى الأغاني بس أسع الطير يمكن نقد الغنا بي هناك وما في زولاً قاعد حارسو كدي امشوا شوفوهو رجع بي هناك ولا هوليقتوا فاضي

ضمره بغدادى

09-09-2007, 04:44 PM

الاخ خلف الله
وينك ياراجل ... ياخى انتاوق بس والله مشتاقين
الهكر ده الله بيجازيه...منتدى الاغانى بيسأل عن مديره .. اجب عليه ولو ببسيط الكلمات
وعندك الموضوع التوثيقى اساتذة اجلاء دائما فى الذاكرة لابد من نقله من الارشيف .
مودتى

خالد الحاج

09-09-2007, 04:49 PM

سلامات يا شباب
فيكم الخير والله
يا عصام سر الختم يا أخي شوف لينا خبر الزول ده
والله واحشنا يا خلف

النافعابى

09-09-2007, 06:43 PM

لايبقى مهكر

النافعابى

09-10-2007, 01:38 PM

والله انى لارى الخلف
اخيرا ظهر وبان وبركه بالطله

خلف الله التوم

09-10-2007, 04:16 PM

الحبان .. ناس البلد الطيبة دي..
ناس النافعابي
والزعيم خالد "الموقع يا خالد مالو حركتو بقت تقيلي كدي؟؟)
وعديلي صلاح عبدالنبي "حمدا لله على السلامة"
والزبون الحبيب عمر مجذوب "الهارد وير"
وجاري محمد الطيب
ونادر البركلاوي
وضمرة الهميم..
وجميع من يسأل عننا
وجميع أهلنا في البركل
مبروووك لكم جميعاً رجوع البركل العملاق
الزول دا لعلو آب يجينا صاد تاني .. !!
التمر زربناهو .. وسوينالو دورية ..
والحرامية وسوينالن السلك الشايك ..
وعلينا الحيشان ..
لكن .. دا يسوولو شنو آآآ جماعة ..
الزوول دا لا ضريناهو .. والله فكينا بهايمنا فوق زراعتو..
مالو علينا .. والله عاد الشكية لا أب إيدن قوية ..
لكن نقولو زي ما قالو بعض الزملاء ..
أحذر دعوة المظلوم .. ونحن مظلومين .. دي صلاتنا الطيبة..
وكمان نقولو .. احذر دعوتنا عليك في رمضان الجايينا دا...
وكل عام علينا وعليكم مقدماً ..
وربنا يكتب للجميع فيه الرحمة والمغفرة والعتق من النار..

أخوكم الخلف

على محجوب جعفر مصطفى

09-13-2007, 09:44 AM

صلاح عبد النبي

09-13-2007, 12:33 PM

أخونا الخلف ..

حمدلّه على السلامة .. والحمد لله كل شئ تمام والجميع بخير ..
إجازة كانت عجيبة .. لا من ألقالي فرصة أحكيلك عنها ..
غايتو موية ماصت ليها طين زي ما قال اسماعيل حسن الله يرحمه ..

أقعد عافي ..

صلاح عبد النبي

09-13-2007, 12:37 PM

سلام اخونا الخلف وانشا ء الله ترجع بالسلامه وانا طبعا جيت المنتدى متاخر شوبه
عشان كدى مانى قايل الخلف ياهو خلف الله فلك التحايا وكتين تبنقر تانى
وسلام صلاح والتحيه لك وللاولاد واخبار اخونا محمد البشير ايه

أخونا علي محجوب جعفر ..

خالص التحايا .. وأرجو أن تكون بخير .. جات السيرة والجماعة حكولي عن رحلتكم المكوكية أنت والأخ العزيز خليل الكرسني لدارنا المتواضعة بالكلاكلة .. وبالمناسبة الخليل أخبارو شنو ..
محمد البشير بخير وعافية ودابي راجع منهم قبل أيام .. خالص مودتي ..

خلف الله التوم

09-13-2007, 12:53 PM

سلام اخونا الخلف وانشا ء الله ترجع بالسلامه وانا طبعا جيت المنتدى متاخر شوبه
عشان كدى مانى قايل الخلف ياهو خلف الله فلك التحايا وكتين تبنقر تانى
وسلام صلاح والتحيه لك وللاولاد واخبار اخونا محمد البشير ايه

الأخ الكريم علي ...
كيفنك أن شاء الله طيب .. لك خالص وغالي التحايا ..
أخوتي جميعاً .. رمضان كريم .. وتصومو ا وتفطرو علي خير
ربنا إن شاء الله يتقبل صيامكم وقيامكم...
ودمتم...

على محجوب جعفر مصطفى

09-15-2007, 07:46 AM

سلام الاخوان صلاح والخلف وكل سنه وانت طيبين
خليل اخبارو تمام فى لندن

على محجوب جعفر مصطفى

09-15-2007, 07:53 AM

سلام الاخوان صلاح والخلف وكل سنه وانت طيبين
خليل اخبارو تمام فى لندن