يستجير بمحمد سعيد واحد انضرب شاكوش

[عبدالله محمد الجزولي]

فى بحور الريد غرقت عديل وبيك ياحمد سعيد انا بستجير
مد ايديكا لى زولاً بيحتل فى مياهاً كير
انت كم نظمت قول وانت كم رسلت طير
وانت كم خاطبت طيف وعليك كم شهد الحفير
أصلوا صبرك كان صبر فاق صبر أيوب كثير
انترجم احساسك شعر اتغنى لحناً بالطنابير
انت عارف الريد وطبعو ودربو كيف قاسي وعسير
بالنهار يقلاك قلي وتقضيهوا ليلك كلو تفكير
و القلب يتعبا ريد ويعميهو الغرام مايلقى تنوير
انت قولى كيفن أسوى أنا ما عميت بقيت ضرير
ومانى شايف تب ترانى فى حالك الظلمات بسير
قولى يا مثلى العظيم يامحل إعجاب وتقدير
دى الشوره ليك ترجع تعود ياقلب فى الريد خبير
أنا حبيت زولاً فى الجمال أصلو تب معدوم نظــير
زى زهر الربيع فى روعتو نديان يفوح ينثر عبير
فيهو الأمل وبيهو الوجود يبقالو معنى وفيهو خير
إلا بس فى لحظه ضاع ومعاهو ضاع حبى الكبير
والسبب كانت شنط ورزمة فلوس كانت دنانيــر
افتينى يا أب راياً سديد وقولى هل فى الأمر تدبير
والله ألوك الصبر وأغرق وأدفن سرى فى بيـــر

[رقيتون]

فى بحور الريد غرقت عديل وبيك ياحمد سعيد انا بستجير
مد ايديكا لى زولاً بيحتل فى مياهاً كير
انت كم نظمت قول وانت كم رسلت طير
وانت كم خاطبت طيف وعليك كم شهد الحفير
أصلوا صبرك كان صبر فاق صبر أيوب كثير
انترجم احساسك شعر اتغنى لحناً بالطنابير
انت عارف الريد وطبعو ودربو كيف قاسي وعسير
بالنهار يقلاك قلي وتقضيهوا ليلك كلو تفكير
و القلب يتعبا ريد ويعميهو الغرام مايلقى تنوير
انت قولى كيفن أسوى أنا ما عميت بقيت ضرير
ومانى شايف تب ترانى فى حالك الظلمات بسير
قولى يا مثلى العظيم يامحل إعجاب وتقدير
دى الشوره ليك ترجع تعود ياقلب فى الريد خبير
أنا حبيت زولاً فى الجمال أصلو تب معدوم نظــير
زى زهر الربيع فى روعتو نديان يفوح ينثر عبير
فيهو الأمل وبيهو الوجود يبقالو معنى وفيهو خير
إلا بس فى لحظه ضاع ومعاهو ضاع حبى الكبير
والسبب كانت شنط ورزمة فلوس كانت دنانيــر
افتينى يا أب راياً سديد وقولى هل فى الأمر تدبير
والله ألوك الصبر وأغرق وأدفن سرى فى بيـــر

ياوليدى لوك الصبر رغم انو الشاكوش دة مابتنسى كلوا ماتنساهو يتاور زى وجع الضرس لكن خليك واقعى ولا تاسى على مافات وماتفرح بالجاى هسع حبوبتك القدامك دى زكريا اداها شاكوش حار ماشفت بدوا بالمشاكل وبعدين بقوا اصحاب بس لا تسمعنى
مرة زكريا تقوم تبيتوا فى واو عليك ود الختم الكلام دة تخلى بينى وبينك ياود الجزولى

[عبدالله محمد الجزولي]

ياوليدى لوك الصبر رغم انو الشاكوش دة مابتنسى كلوا ماتنساهو يتاور زى وجع الضرس لكن خليك واقعى ولا تاسى على مافات وماتفرح بالجاى هسع حبوبتك القدامك دى زكريا اداها شاكوش حار ماشفت بدوا بالمشاكل وبعدين بقوا اصحاب بس لا تسمعنى
مرة زكريا تقوم تبيتوا فى واو عليك ود الختم الكلام دة تخلى بينى وبينك ياود الجزولى
]الكلام بنسوى سر وما بنوريهو زول مهما علا ومهما كبر
ونحن بى زكريا بنعتبر[/size]