عوض جلاس
01-17-2010, 02:02 PM
• الليلة جيت شايل الفرح قصدك تعوّضني اللي فات...رددتها الجنبات..ورقصت على إثرها النواميس...زغرد الكروان...تمايلت الأغصان...وعبست الدلاقين وحاكى محياها وش الككو الشفناه في الفنجان...
• الأنشودة انطبقت على المسار الأزرق...
• والتشويق بلغ مداه بعد أن حمل بين طياته الاثارة المفعمة بالترقب...
• وضحكنا أخيراً..وأخيراً ...وأخيراً...
• وكثيراً...
• وقهقهنا واتفنقلنا وضاهينا هوبا القيصر لمن يجيب القون ويمشي يتبختر...
• الواثق عبدالرحمن أكبر المحبراتية شوهد ينطط في الشارع العام وبقوة قلب ناقصه العقال...حد في السعودية ينطط في الشارع العام..؟ والله الا ولد الامير أو ابن اخت سلطان....الافوكاتو نسى نفسه..البهجة حولته للصحاف..وفي غمرة الانتشاء يردد بمزاااااااج هوت هوت هوت...
• المارون بقربه منهم من خاله اثيوبي فرط التجاليح الامهرية يصرخ هوت هوت وكمن وطأ جمراً...ومنهم من اعتبره جائع عايز شطيرة هوت...ومنهم من اعتبره صاحب مطعم عايز يروج للهوت دوق...ومنهم وصيفي دلقوني ضلابي نقش الحكاية راح يثكل ويولول وآآآآآشقايا وآآآآآشقايا الأرباب خلاص كسر الدواية...وضبح الوالي وعمل السماية ...!
• والواثق لمن يفرح بيعيط...طبعه كده نشتري ليه تطبع من وين...؟
• الواثق من يومه الفرح عنده بيفكها بكية تقول الزول بيعزي في شهداء زلزال الصين...
• بيعيط شنو..؟ دا بيجعر...جعير ما بعده جعير...جعير بتاع فرح غريب...الجاعر عبدالرحمن ..إتجعري...!
• كمّل الجعيرة وقال انا ماشي اغترب في الفجيرة عشان أوسط ناديهم يفك للدافي الحيرة..
• ما قصرت يا محبراتي همك قومي وشغال صاح بنظرية على الغريب انا وابن عمي..
• ومن على البعد واحد في منتدى الهلال اسمه هلالابي تلاتة تسعة...القصيدة عنده نجده بس...يعني تضرب تلاتة تسعات تجيك النجدة طايرة في ثواني اها اخونا الهلالابي دا الفكرة عنده بتلاتة تسعات تجي طايرة زي النجدة.واااويييك وااااويييييك والحروف زي العساكر تحاوطك يمين شمال...
• تعالوا شوفوا الواد أبو تلاتة تسعات كتب شنو...؟
• أربابنا يا كافي البلا...كل يوم مفجر قنبلة
جاب للهلال ناس (الكمبلا)....وخلي الوصيف للطمبلة
حرم العيون طعم النعاس...خلاها ديمه مزهللة
في عازة ما خلالو كاس...ومجموعتو ديمه بيوصلا
وصل المربع مرتين....قدم عروض ما أجملا
ولي هسي كاس افريقيا دين...ومن تاني عندو محاولة
شكرا صلاح النصر لاح....ودوماً هلالاك في العلا...
• هيييييييع ابشروا بالخير يا هلالاب... وهيييييق صنقعوا بابو الشهيق يا وصيفاب ...
• والبلا عند الوصيف بقى خالص كافي بعد ما اتعرف ايه اللي حصل للدافي...؟
• وعودة يوسف محمد مفاجأة..وأم المفاجآت..وخلاصة الفرح الكبير...
• فعودة هوت تعني بأن لجنة التسجيلات اشتغلت وكما جاء في كتاب النبض الجماهيري...
• لجنة التسجيلات لم تجتهد كثيراً بل قامت بترجمة نبض الشارع الهلالي العام وطبقت الاماني الوريفة القابعة في جوف اي هلالي متصالح في نظرته العامة..
• يوسف محمد ثروة صقلها الهلال واستفاد منها المنتخب النيجيري واختلف مع العميد سليمان محمد سليمان بأنه كان الثغرة امام مصر بل الأحق بالقول أن المنتخب النيجيري لعب بلا ارتكاز واعتمد على الحركة المتثاقلة لكانو ود زماااااان...
• ثم انه المنتخب المصري الذي نعرف..حماس ورجولة وفدائية وقتال ومدرب اسمه حسن شحاتة لن يجود به الزمان...
• يوسف هوت ظهير عصري وكان مفتاح الفوز الافريقي للهلال وينال حصة كبيرة من بين النجوم لما حققناه من انجاز...
• وحديث لريكاردو لا يبرح ذهني يوسف هوت قوة خفية لاي مدرب لانه زي المنشار ماكل طالع ماكل نازل...سلم وثعبان نيجيري ...ثم انه صاحب اروع العكسيات...العكسة مقشرة كايسة الدماغ البيدقشا...وهات من جوه يا بطوحي البطاطيحي البطوح المبطوح سادومبيا أو امبيليا وراقد في المستشفى اكلينيكيا...
• عودة يوسف يعني عودة التماسك للدفاع الهلالي...
• ويااامنت كريم يا رب وكمان ياااا حظ الدافي الأغبر...فاذا كنا بلا يوسف هوت وقد تم اختيار دفاعنا الأول على العالم فكيف يكون الوضع بعد عودته..خلاص نقلع الشرابات ونعتزل ونقفل النادي وندي جمال الوالي المفتاح عشان يخش جوه يفك الطلاسم ...
• اصلو جمال الوالي بعد كده ما بتعلم الا عملي..نظري نتيجته كلها كعكات الصفار ما يديك الدرب..حاول وحاول وحاول والرد نفس الرد عذراً يا الحبيب تكعيب الهلال لا يمكن الوصول اليه لا حالياً ولا مستقبلاً اقنع وشوف تفوز كيف في دائرتك لو خلوك الهلالاب...!
• عقدناك يا جمال مش كده...؟ وما اصعب العقد النفسية اذا كان سببها الهلال...
• حد يسك الهلال ..؟ ما طبيعي يتعقد ويلف ويدور ومحل ما يمشي يجي راجع نفس المكان الاتحرك منه...تمشي البحر وترجع عطشان.. لقيتنا كيف يا جيمي يا فنان..؟
• وانتو قايلين وارغو دا بكتّر في لف الصواني لييييه..؟ الواد اصلو كان مكتول في حوش الهلال لولا تدخل من خاف على خانته وعمل دراما وقنّع منه الارباب...؟
• والله يا جيمي تلف زي لف وارغو وبرضو ما تلقى حاجة...
• والطريف في الأمر أن الاسباب الحقيقية التى ادت الى عزوف وارغو مش الاهلي القاهري انو الواد اكتشف بأن مصر مافيها صواني..
• البلد اتحضرت خالص وما فيها الا صينية ابراهيم باشا وسط البلد وهي قدر صينية الشاي يعني الواحد بموتر ما برضى يلفها...
• وارغو حسبها صاح..عرف أن القاهرة حيتعب فيها خالص وما حيقدر يمارس هوايته المفضلة...يعني يمشي صينية ابراهيم باشا يلف نص كُم طيب ينعنش ككيف يا سماعين..؟
• ناس الأهلي حاولوا يحلوا المشكلة يعملوا ليهم صينية في مقر النادي الجديد بمدينة نصر وبعد التمرين يلف لف مروحة التربيذة لمن يدوخ...بس الفكرة رفضها حسن حمدي خوفاً أن تنتقل العدوى لبقية الاجانب...
• رجعنالك بتاعت سبدرات نغنيها لحبيبنا ابو الورغنة...
• والمرة دي محل ما تلف تلقانا لافين معاك...والله الا تلف دائرة السنتر بالرد الدافي وتكون حالق شعرك زيرو وحافي وكداري..كمال دحية قال عربية جوه نهي...
• الدافي.. هو جنسوه ولا بوضياف باع الترام للقنيطرة...؟
• الدولة هيبة وعظمة ومسؤولية ولا يمكن أن تقوم بفتح مكاتبها يوم الاجازة عشان يجنسوا واحد بيحب البخور زي ما قال صديق علي صالح وطارق تفاحة...
• قالوا ليك أوضته فيها بخور التقول النار أكلت المرتبة...
• قلت لي يا مزمز داااافي ولا بارد ....؟ حااااار وفي الكشف ما بندار...اتدفدفي..
• خانة ما عندكم ليهو الشتارة ليكم شنو...؟
• دفدفوه...
• دفدفوه وفي فداسي خزنوه..
• دفدفوه وبالدولارات دفوه...دفوه شنو اقول ليكم حاجة ادفسوه...
• دفسيبة جمال من روعتا تغير الحال من المحال...
• الدافي بالدولارات ادفسّوه عشان ترضّوه... ووارغو بدل الطابق التالت اعملوا ليه صينية وبخّروه... ومزمز من الحمى بالبطاطين غطوه..
• داااافي وزيو مافي...دافي ومن المرض مو شافي...احقدوا انتو يا حلوين نجيكم نحنا تاني بوارغو الحزين...
• هسه الأهلي المصري دا لو قال عايز كرت وارغو يجيبوه ليه من وين..؟ مكاتب الاتحاد العام ولا القسم الشرقي ولا المحكمة ...؟
• عفيت منك يا أرباب خليت الدافي للندم سافي...سف وادي أمك تسف وألحق بوضياف الدقت ليه الكتائب القراف وعرف كيف يخاف...تاني بتجي التوووووبة...!؟!
• التمايز حدث...والهلالاب تحزموا...ومسخرة الوصيفاب تاني نهي...المؤتمر حقنا كلنا...وما لجمال للأرباب...والكايس الدفو ينضف دواخله من النفو...
• دافي وبردان ككيف دي يا بني الدلقان...؟
• من برد اخيراً إدّفا كثيراً..مثل مزمزي جديد لنج ...
• جسمك دافي وبترجف مالك يا والي..؟ حمى الوصيف المتصدع البتخليه بعد شوية بالحجارة يجدع...
• والثورة الجد من تجمع امدرمان اسياد الوجعة في المريخ...وكدي نشوف رد فعلهم على قصة الدافي البقى مافي...
• دافي وبقى مافي شبح يا بعيد...؟
• تدفوا تصحوا...انفلونزا خنازير نهي..
• أمين عبدالوهاب قال والله خجل لي ناس صديق علي صالح لمن شافهم جايبين الزومي وبلة جابر وسعيد السعودي...
• وايش مصير ميدو..؟
• ديل يمدوا ليهم فوق كم..؟ وخايفين من منو..؟
• صديق لمن جا داخل ناس أمين قالوا امك الليلة جابوا ميسي...
• نية الأرباب غلبت شغل الدفن بتاع جمال...
• نية صافية هزمت صفقة حافية نعلين ما عندها...اللذيذة قالوا الجماعة قاموا بباقي الليل يفتشوا في الشغيل..
• ألم يقل لكم الارباب ابعدوا من القلق..؟
• شطبوه امبارح ورجعوه الليلة ..دا لاعب ولا تربيذة..؟
• اتقلقلي..!
أنا ما دخلني دا كلام الرشيد علي عمر
• الأنشودة انطبقت على المسار الأزرق...
• والتشويق بلغ مداه بعد أن حمل بين طياته الاثارة المفعمة بالترقب...
• وضحكنا أخيراً..وأخيراً ...وأخيراً...
• وكثيراً...
• وقهقهنا واتفنقلنا وضاهينا هوبا القيصر لمن يجيب القون ويمشي يتبختر...
• الواثق عبدالرحمن أكبر المحبراتية شوهد ينطط في الشارع العام وبقوة قلب ناقصه العقال...حد في السعودية ينطط في الشارع العام..؟ والله الا ولد الامير أو ابن اخت سلطان....الافوكاتو نسى نفسه..البهجة حولته للصحاف..وفي غمرة الانتشاء يردد بمزاااااااج هوت هوت هوت...
• المارون بقربه منهم من خاله اثيوبي فرط التجاليح الامهرية يصرخ هوت هوت وكمن وطأ جمراً...ومنهم من اعتبره جائع عايز شطيرة هوت...ومنهم من اعتبره صاحب مطعم عايز يروج للهوت دوق...ومنهم وصيفي دلقوني ضلابي نقش الحكاية راح يثكل ويولول وآآآآآشقايا وآآآآآشقايا الأرباب خلاص كسر الدواية...وضبح الوالي وعمل السماية ...!
• والواثق لمن يفرح بيعيط...طبعه كده نشتري ليه تطبع من وين...؟
• الواثق من يومه الفرح عنده بيفكها بكية تقول الزول بيعزي في شهداء زلزال الصين...
• بيعيط شنو..؟ دا بيجعر...جعير ما بعده جعير...جعير بتاع فرح غريب...الجاعر عبدالرحمن ..إتجعري...!
• كمّل الجعيرة وقال انا ماشي اغترب في الفجيرة عشان أوسط ناديهم يفك للدافي الحيرة..
• ما قصرت يا محبراتي همك قومي وشغال صاح بنظرية على الغريب انا وابن عمي..
• ومن على البعد واحد في منتدى الهلال اسمه هلالابي تلاتة تسعة...القصيدة عنده نجده بس...يعني تضرب تلاتة تسعات تجيك النجدة طايرة في ثواني اها اخونا الهلالابي دا الفكرة عنده بتلاتة تسعات تجي طايرة زي النجدة.واااويييك وااااويييييك والحروف زي العساكر تحاوطك يمين شمال...
• تعالوا شوفوا الواد أبو تلاتة تسعات كتب شنو...؟
• أربابنا يا كافي البلا...كل يوم مفجر قنبلة
جاب للهلال ناس (الكمبلا)....وخلي الوصيف للطمبلة
حرم العيون طعم النعاس...خلاها ديمه مزهللة
في عازة ما خلالو كاس...ومجموعتو ديمه بيوصلا
وصل المربع مرتين....قدم عروض ما أجملا
ولي هسي كاس افريقيا دين...ومن تاني عندو محاولة
شكرا صلاح النصر لاح....ودوماً هلالاك في العلا...
• هيييييييع ابشروا بالخير يا هلالاب... وهيييييق صنقعوا بابو الشهيق يا وصيفاب ...
• والبلا عند الوصيف بقى خالص كافي بعد ما اتعرف ايه اللي حصل للدافي...؟
• وعودة يوسف محمد مفاجأة..وأم المفاجآت..وخلاصة الفرح الكبير...
• فعودة هوت تعني بأن لجنة التسجيلات اشتغلت وكما جاء في كتاب النبض الجماهيري...
• لجنة التسجيلات لم تجتهد كثيراً بل قامت بترجمة نبض الشارع الهلالي العام وطبقت الاماني الوريفة القابعة في جوف اي هلالي متصالح في نظرته العامة..
• يوسف محمد ثروة صقلها الهلال واستفاد منها المنتخب النيجيري واختلف مع العميد سليمان محمد سليمان بأنه كان الثغرة امام مصر بل الأحق بالقول أن المنتخب النيجيري لعب بلا ارتكاز واعتمد على الحركة المتثاقلة لكانو ود زماااااان...
• ثم انه المنتخب المصري الذي نعرف..حماس ورجولة وفدائية وقتال ومدرب اسمه حسن شحاتة لن يجود به الزمان...
• يوسف هوت ظهير عصري وكان مفتاح الفوز الافريقي للهلال وينال حصة كبيرة من بين النجوم لما حققناه من انجاز...
• وحديث لريكاردو لا يبرح ذهني يوسف هوت قوة خفية لاي مدرب لانه زي المنشار ماكل طالع ماكل نازل...سلم وثعبان نيجيري ...ثم انه صاحب اروع العكسيات...العكسة مقشرة كايسة الدماغ البيدقشا...وهات من جوه يا بطوحي البطاطيحي البطوح المبطوح سادومبيا أو امبيليا وراقد في المستشفى اكلينيكيا...
• عودة يوسف يعني عودة التماسك للدفاع الهلالي...
• ويااامنت كريم يا رب وكمان ياااا حظ الدافي الأغبر...فاذا كنا بلا يوسف هوت وقد تم اختيار دفاعنا الأول على العالم فكيف يكون الوضع بعد عودته..خلاص نقلع الشرابات ونعتزل ونقفل النادي وندي جمال الوالي المفتاح عشان يخش جوه يفك الطلاسم ...
• اصلو جمال الوالي بعد كده ما بتعلم الا عملي..نظري نتيجته كلها كعكات الصفار ما يديك الدرب..حاول وحاول وحاول والرد نفس الرد عذراً يا الحبيب تكعيب الهلال لا يمكن الوصول اليه لا حالياً ولا مستقبلاً اقنع وشوف تفوز كيف في دائرتك لو خلوك الهلالاب...!
• عقدناك يا جمال مش كده...؟ وما اصعب العقد النفسية اذا كان سببها الهلال...
• حد يسك الهلال ..؟ ما طبيعي يتعقد ويلف ويدور ومحل ما يمشي يجي راجع نفس المكان الاتحرك منه...تمشي البحر وترجع عطشان.. لقيتنا كيف يا جيمي يا فنان..؟
• وانتو قايلين وارغو دا بكتّر في لف الصواني لييييه..؟ الواد اصلو كان مكتول في حوش الهلال لولا تدخل من خاف على خانته وعمل دراما وقنّع منه الارباب...؟
• والله يا جيمي تلف زي لف وارغو وبرضو ما تلقى حاجة...
• والطريف في الأمر أن الاسباب الحقيقية التى ادت الى عزوف وارغو مش الاهلي القاهري انو الواد اكتشف بأن مصر مافيها صواني..
• البلد اتحضرت خالص وما فيها الا صينية ابراهيم باشا وسط البلد وهي قدر صينية الشاي يعني الواحد بموتر ما برضى يلفها...
• وارغو حسبها صاح..عرف أن القاهرة حيتعب فيها خالص وما حيقدر يمارس هوايته المفضلة...يعني يمشي صينية ابراهيم باشا يلف نص كُم طيب ينعنش ككيف يا سماعين..؟
• ناس الأهلي حاولوا يحلوا المشكلة يعملوا ليهم صينية في مقر النادي الجديد بمدينة نصر وبعد التمرين يلف لف مروحة التربيذة لمن يدوخ...بس الفكرة رفضها حسن حمدي خوفاً أن تنتقل العدوى لبقية الاجانب...
• رجعنالك بتاعت سبدرات نغنيها لحبيبنا ابو الورغنة...
• والمرة دي محل ما تلف تلقانا لافين معاك...والله الا تلف دائرة السنتر بالرد الدافي وتكون حالق شعرك زيرو وحافي وكداري..كمال دحية قال عربية جوه نهي...
• الدافي.. هو جنسوه ولا بوضياف باع الترام للقنيطرة...؟
• الدولة هيبة وعظمة ومسؤولية ولا يمكن أن تقوم بفتح مكاتبها يوم الاجازة عشان يجنسوا واحد بيحب البخور زي ما قال صديق علي صالح وطارق تفاحة...
• قالوا ليك أوضته فيها بخور التقول النار أكلت المرتبة...
• قلت لي يا مزمز داااافي ولا بارد ....؟ حااااار وفي الكشف ما بندار...اتدفدفي..
• خانة ما عندكم ليهو الشتارة ليكم شنو...؟
• دفدفوه...
• دفدفوه وفي فداسي خزنوه..
• دفدفوه وبالدولارات دفوه...دفوه شنو اقول ليكم حاجة ادفسوه...
• دفسيبة جمال من روعتا تغير الحال من المحال...
• الدافي بالدولارات ادفسّوه عشان ترضّوه... ووارغو بدل الطابق التالت اعملوا ليه صينية وبخّروه... ومزمز من الحمى بالبطاطين غطوه..
• داااافي وزيو مافي...دافي ومن المرض مو شافي...احقدوا انتو يا حلوين نجيكم نحنا تاني بوارغو الحزين...
• هسه الأهلي المصري دا لو قال عايز كرت وارغو يجيبوه ليه من وين..؟ مكاتب الاتحاد العام ولا القسم الشرقي ولا المحكمة ...؟
• عفيت منك يا أرباب خليت الدافي للندم سافي...سف وادي أمك تسف وألحق بوضياف الدقت ليه الكتائب القراف وعرف كيف يخاف...تاني بتجي التوووووبة...!؟!
• التمايز حدث...والهلالاب تحزموا...ومسخرة الوصيفاب تاني نهي...المؤتمر حقنا كلنا...وما لجمال للأرباب...والكايس الدفو ينضف دواخله من النفو...
• دافي وبردان ككيف دي يا بني الدلقان...؟
• من برد اخيراً إدّفا كثيراً..مثل مزمزي جديد لنج ...
• جسمك دافي وبترجف مالك يا والي..؟ حمى الوصيف المتصدع البتخليه بعد شوية بالحجارة يجدع...
• والثورة الجد من تجمع امدرمان اسياد الوجعة في المريخ...وكدي نشوف رد فعلهم على قصة الدافي البقى مافي...
• دافي وبقى مافي شبح يا بعيد...؟
• تدفوا تصحوا...انفلونزا خنازير نهي..
• أمين عبدالوهاب قال والله خجل لي ناس صديق علي صالح لمن شافهم جايبين الزومي وبلة جابر وسعيد السعودي...
• وايش مصير ميدو..؟
• ديل يمدوا ليهم فوق كم..؟ وخايفين من منو..؟
• صديق لمن جا داخل ناس أمين قالوا امك الليلة جابوا ميسي...
• نية الأرباب غلبت شغل الدفن بتاع جمال...
• نية صافية هزمت صفقة حافية نعلين ما عندها...اللذيذة قالوا الجماعة قاموا بباقي الليل يفتشوا في الشغيل..
• ألم يقل لكم الارباب ابعدوا من القلق..؟
• شطبوه امبارح ورجعوه الليلة ..دا لاعب ولا تربيذة..؟
• اتقلقلي..!
أنا ما دخلني دا كلام الرشيد علي عمر