:: قسم خاص باستفسارات الفلاشاب ::

[النوّار]

.. بسم الله الرحمن الرحيم ..

احبتي الفلاشاب .. كما لوحظ في الفترة الاخيرة اختفاءكم من الساحة

و قلة في يمتابعة الدروس الاخيرة .. لذلك و كما اقترح اخونا مصعب .. انشاء قسم خاص باستفسارتكم
.. يعني اي زول يشوف حركة في فلاش و يغلبو يسويها
يطرحها لينا هنا .. و سنقوم بشرحها انشالله ..

و في انتظاركم ...

ودي

[kbashy2005]

عمي النوار
تحية طيبة

ومشكورين على جهودكم المقدرة
وربن يديكم العافية

بس هل انقطعت الدروس نهائيا
ولا ح يكون في دروس تاني

وياريت ما تنقطع

تحياتي

[السرة]

الاخ نوار

منذ عودتي للبركل وانا اتابع كل مايوحي بالجمال في منتدي الفلاشاب .. حقيقة ابداع عالي جدا اتمني ان اظل بينكم ..هلا قبلتوني ؟؟

[النوّار]

الف مرحب بيك اختنا السرة

و سعيد جدا بانضمامك الى كوكبة الفلاشاب

هذه الزاوية معدة للاستفسارات .. و اي سؤال يمر عليك انا حاضر ..


تاني سعيد بيكي ..

[أشرف محمد خليفة]

الاخ والاستاذ النوّار
اعذرنا على الغياب في الفترة السابقة لظروف الاجازة السنوية والتجهيز لها
وبعد العودة اكيد لقينا الشغل مردّم
اتمني عودة الروح والهمة لمواصلة الدروس
بعدييييين تجي للاسلئة البعد الحصص دي
تحياتي لكل الفلاشاب وكل عام وانت بخير (ده بمناسبة الاضحي)
وكل سنه وانتوا طيبين (بمناسبة عيد الاستقلال) ;)

[النوّار]

مرحب حباب .. الزول الزمان .. أبو الشوش ..

كل سنة و انت طيب ياراجل ..

خلاص نرجى الناس لمن يجو من الاجازة ولا كيف يعني ..

انا لي هسي زعلان عندي درس مافي زول طبق لي فيهو من الفلاشاب

و ما بمشي لي قدام لو ما زول طبقو ..

الدرس السابع .. يلا همتكم ..

ودي

[kbashy2005]

ي هلا
بكل الفلاشاب
ي هلا

ورب العالمين مشتاقين ليكم

يلا ي عمنا النوار
راجين الثامن

عشان نصل المية سوا يارب العالمين (الدروس)


ترانا لايكين الصبر وراجيييييييين


تحياتي

[الشنيبابي]

الاخ النوار
التحية و التقدير والاعجاب
طبعا انا جيت متأخر ما حاضر الحصص من البداية عشان كده ماشاركت في التطبيقات
اتمني ان تتواصل الدروس المفيدة جدا ونشارك معاكم
هسع باستفسر عن حركة جر الكلمة مع جرت الفنان زي طاااااااااالع و الفاااااااااارع في فلاش صديق احمد ثلاثة x واحد
انا بعرف اجرها لكنها ليست بذلك الجمال والنعومة
ولك مني الشكر
وجزاك الله خيرا

[النوّار]

الاخ الشينبابي .. معزرة للتاخير في الرد ..

بالنسبة لسؤالك .. و جر الكلمة مع الزمن ..

ياهو زي ما انت قلت من شريط الزمن .. تجر زمن التاثير .. و تجرب و كل مرة تجرب لحدي ما الزمن يزبط .. المسألة كلها زبطة زمن ...


و شفت فلاشك جزء من بت البلد ... رااااااااااائع .. و اتمنى اشوف شغل ليك زيادة


ودي

[النوّار]

اي سؤال يا جماعة الخير ...

سؤال لله يا محسنين

[احمد قوقاى]

سلام يا النوار كيفك ياخي ؟؟
عندي مشكلة في ايجاد ملفات مفاوحة معينة
زي الوميض و البرق وغيرها
هل متوفرة ليكم او في اي موقع بطرفكم؟؟؟

[النوّار]

الأخ احمد قوقاي

مرحب بيك و ده يوم سعيد الجابك لينا ..

بالنسبة للملفات المفتوحة .. بحر .... مافي ليها موقع معين ..

افضل وسيلة دائما هي البحث في عمنا قوقل

حاولت ارفع ليك ملفات للوميض .. لكنها كتييييييييييييييييرة

اما بلنسبة للبرق ما عارف لاني البرق الفي اغنية حقك علي عملتو بالفوتوشوب ..

أفضل حل بالنسبة ليك تكتب في قوقل ..

أكيد بتلقى ..


ودي

[الهادي قنديل]

اي سؤال يا جماعة الخير ...

سؤال لله يا محسنين

عمــنا النـوّار

عمنــا دي لاقتني فوق ووهطهــا ليك هــنا :d

عمومــاً انت كبير بأبداعك

متــابع جداً لكل فلاشــاتك هنــا وهنــاك ومباريك من ابداع لآخر

المهـم استعصت عليّ السرقـة:d


الحقني بطريقة حفظ الفلاش ولو في الخــاص

[النوّار]

و الله طبعا يا اخوي الهادي قندلا ..

الفلاش عادة ما بتقدر تنزلو الا بالسرقة ..

و ده طبعا تخصص اخونا طارق علي صالح ..

لكن كدي نديك طريقة جربها ..

اضغط في اي مكان في الصفحة الموجود فيها الفلاش بالزر اليمين للماوس

من القائمة اختار view source

بيطلع ليك ملف txt مكتوب فيهو كل الروابط الفي الصفحة
اضغط ctrl +F

او من قائمة المهام edit ثم find
و ابحث عن swf

بيديك روابط الفلاشات الموجودة في نفس الصفحة ..

و عاد انت و خبرتك مع الروابط .. لو دي ما نفعت بوريك طريقة تانية

ملحوظة يمكن استخدام هذه الطريقة لسرقة روابط الاغاني و اشياء اخرى .. هاهاهاها

و تحياتي

[الهادي قنديل]

عمنــا النوّار

الحقني بالطريقة التــانية باقي سرقة الروابط دي مــابتاخد معاي ثواني :d


المشكلة بقت في الحفظ حاليــاً

[ود حمزه]

عمــنا النـوّار

عمنــا دي لاقتني فوق ووهطهــا ليك هــنا :d

عمومــاً انت كبير بأبداعك

متــابع جداً لكل فلاشــاتك هنــا وهنــاك ومباريك من ابداع لآخر

المهـم استعصت عليّ السرقـة:d


الحقني بطريقة حفظ الفلاش ولو في الخــاص

الساده الفلاشاب انتو نايمين علي ودانكم
والجماعه من خلف الكواليس شغالين سرقه في فلاشاتكن
ساكت شايلين حس طارق علي صالح المسكين:p:p:p
وبقوا يستعينوا بي صديق محترف ,اسع انا قلت فلان
ولاّ جبت سيرة زول ؟؟
يلّا ياطارق ويا أشرف ويا محمد احمد نادوا
الفلاشاب وشيلوا عكاكيزكم وتعالوا وراي ::mad::mad::mad:

[علياء]

الساده الفلاشاب انتو نايمين علي ودانكم
والجماعه من خلف الكواليس شغالين سرقه في فلاشاتكن
ساكت شايلين حس طارق علي صالح المسكين:p:p:p
وبقوا يستعينوا بي صديق محترف ,اسع انا قلت فلان
ولاّ جبت سيرة زول ؟؟
يلّا ياطارق ويا أشرف ويا محمد احمد نادوا
الفلاشاب وشيلوا عكاكيزكم وتعالوا وراي ::mad::mad::mad:

يا اخوي ود حمزة
السرقة شوف اضاني وسمع عيني بقت في نص النهار وكمان سيد البيت ادى المفاتيح للحرامي وقال ليهو تعال اسرق ولو داير مساعدة هو قاااااااااااعد :mad:


اسع أنا حيبت سيرة :rolleyes: ولا :rolleyes: هنا:d




سلام بعد غياب لي كل الفلاشاب وعلى راسهم مبدعنا الاستاذ النوار
حايمة في المدرسة براجع في الدروس يديني الايام دي ماكلاني :rolleyes:

[مصعب علي]

عمنــا النوّار

الحقني بالطريقة التــانية باقي سرقة الروابط دي مــابتاخد معاي ثواني :d


المشكلة بقت في الحفظ حاليــاً

والله ياجماعة مع انو الشرقة حرام
وانا بطلت الشغلة دي من فارقت طارق علي صالح زمن المدرسة
تاني مالن دايرين ترجعونا لي سنة اولى

علي العموم انا بديكم برنامج مساحتو كلها ميقا واحدة بس .. بعد تنزلو تاني اي ملف بتاع فلاش في صفحة النت يقبضو ليك وحتي لو كان توقيع بتاع زول او هدر بتاع موقع المهم اي فلاش ما عليك الا تمرر الماوس عليهو وبديك خيار الحفظ مباشرة زي كانك داير تحفظ صورة او اسهل من ذلك

كدي جربو :: وادعو لي ربنا يغفر لي بس دي اخر مرة

الله يسامح اللكان السبب

هاكم البرنامج
http://www.albrkal.com/upload/uploads/flashcasher.rar

[النوّار]

انا قلت حاجة !!!!

خشمي عندي ..

[بت شنان]

انا دايري اعرف الصور الكتيري البتتقلب اثناء التطبيقات دي قعد يسووها كيفن ؟؟

انا عندي فد صوره

يعني مثلا شغل اشرف في الدرس رقم 3 واغنية ياستهم جايب من صوره لي بتو الصور تتحرك كل مره تظهر صوره مختلفه وبي حركه مختلفه

انا دايري اسوي زيهن وغالبني

[بت شنان]

استاذنا النوار
السرقه سرقناها الا نحفظها كيف ماعرفت
غايتو بس الاعمي المسكو العكاز
واقعه ليك لطش بالطريقه الصاح وبحفظ في الروابط
لكن ماعرفت اتصرف معاها تاني

اصلو ياهو حال الحرامي :d
كبكبه وربكه ماعاديه :p:p

[النوّار]

الاخت العزيزة بت شنان

بالنسبة لحركة الصور ..

تقومي بعد تضيفي الصورة او عدد من الصور فوق بعض تعتبريهم كانهم نصوص .. و زي ما بتدي النص حركة .. تقومي تدي الصورة حركة ( تأثير يعني )

كدي جربي ووريني ..

اما بالنسبة للسرقة ..

فــــ استغفر الله لعظيم ...

نادو لي طارق علي صالح ده بي هنا قولليو ليهو الاستاذ عايزك ضروري