فيديو : يا عيوني كفاكن دموع .. قالو شوف ناس آسيا ممنوع

[خلف الله التوم]

يقول:
يا لغفير أسمح لي مشكور ..
بالدخول أطلب ما تدور """ رشوة يعني!!!"""

http://aafat.org/upload/uploading/Kafaken.wmv

[بكرى سرو]

يا عيونى كفاكن دموع
قالو شوف ناس اسيا ممنوع

بيها تفتخر المصلحه
اللبس رسمى مسمحه
من جماله البدر استحى
للمريض شوفته مفرحه

من جبينه بيشلع النور
الخدود باقات من زهور
يا الغفير اسمح لى مشكور
بالدخول ...واطلب ما تدور

آسيا من البال ما بتغيب
النفوس غيرك ما بتطيب
عوده من الغصن الرطيب
الحديث احلى من الذبيب

قال لى وقت الشوف انتهى
الزيارة ده ما وقتها
بالدخول الدكتور نهى
قلبى وين تلقه الريدتها ؟؟

..

[خلف الله التوم]

يا عيونى كفاكن دموع
قالو شوف ناس اسيا ممنوع

بيها تفتخر المصلحه
اللبس رسمى مسمحه
من جماله البدر استحى
للمريض شوفته مفرحه
..


الكلام دا كلو كان في مستشفى مروي يا بكري ...

[عمر مجذوب خطيب]

الخلف كيفنك - الاغنية ما فتحت معاي - ظهر لي مربع صغير غير مفعل - ومعظم الاغاني كدي - وعشان الاغنية عزيزة علي كنت داير اسمعها - كدي ادينا الشورة

[خلف الله التوم]

http://www.albrkal.com/upload/uploads/Domoo3.wmv

[خلف الله التوم]

الخلف كيفنك - الاغنية ما فتحت معاي - ظهر لي مربع صغير غير مفعل - ومعظم الاغاني كدي - وعشان الاغنية عزيزة علي كنت داير اسمعها - كدي ادينا الشورة

أخونا عمر .. كيفنك يا أخي
إن شاء الله طيب

نعم أن معظم المواد لا تفتح الآن .. وأعتقد أن السبب
هو إغلاق مركز التحميل القديم .. ونرجو أن يتدخل
خالد لحل هذا المعضل..

وطبعاً طلبك .. أمر عشان كدا قمت برفعها مرة أخرى
على مركز التحميل الخاص بالبركل ..

لك التحايا مدنكلات .. والسلام ملايين..

[عمر مجذوب خطيب]

الخلف كيف حالك - اليوم الاغنية فتحت معاي واستمتعت بها

[شهرزاد]

أغنية من الزمن الجميل
تسلم الخلف ..

[عبد العزيز السعيد]

الاخ خلف التحية لك

شكراًعلي الاغنية الجميلة واستمتعت بها جداً خاصة انو الفنان ولدنا ودفعتنا في نوري

الفنان كمال جادين وزمن ما شفناهو وهو ضارب شرق السودان ،،،،،

[التهامى كروم]

من اجمل الاغاني
وتدل علي زمن جميل
زمن الحياء والخجل
تخريمة
اول واحد في الكورس
علي يدك اليمين ده
الاخ/ الحاج ود الرحيمة
من قريتي فــــــــــــتنة