محمد إسماعيل الرفاعي
11-02-2009, 07:22 AM
جيتك مستّف ريد وشوق
سابقني ليك قلبي العشوق
هـزيت نخل ريدتك عشم
متمني يتساقط عليَّ رُطب هواك
كـان أهدأ في الواطـه وأروق
لكين أبيتي تسقّطي
ورميتي لي حبّات بلح
( كرموش ) عديل
شايلو السبيط تمّـالو حول
ما بنفع يبقى ولو علـوق
السوس زمان سواهو بيت
ساكنو الدعت غالبوا المِروق
والطير حلف ..
لو كان يبيت يومي القوى
ما يمد مناقيروا ويضـوق
يا حلوه مالك حاقرا بي؟؟
وأنا من زمن تبيتي دابك مشتهيك
وحاسّي بيك ونفسي ليكي دوام تتوق
ووكت الحنان يغمرني بيك
بزرف دموعي وإنتحب
وقلبي المعـذّب بي هواك
دايماً عطـوف وعليك شفوق
بيحنّ ليك ويحِنّ عليك شان باكي فيك
كمان جوارحو عليك تنوح وتحاكي نوق
يا حلوه يام قلباً قسى والعُتمه حجبت رؤيتو
ما بنسحب من دنيتك .. وأقول خلاص مافيش لِحُوق
برجـاك دوام وإستنى لحظات الشروق
لمن شمس ريدتي الزمان تسطع عليك
تشعّ ليك وتضوِّي ليك
من تاني ترجعي تشعري
وتحسي بي ..
وتعودي لي بعد النوى
ننهل من الحب الحلال
نتساقى كاسات الهوى
نسكر سوا ..
من لَذة الحُبّ العتـوق
3 /4 /2009م
سابقني ليك قلبي العشوق
هـزيت نخل ريدتك عشم
متمني يتساقط عليَّ رُطب هواك
كـان أهدأ في الواطـه وأروق
لكين أبيتي تسقّطي
ورميتي لي حبّات بلح
( كرموش ) عديل
شايلو السبيط تمّـالو حول
ما بنفع يبقى ولو علـوق
السوس زمان سواهو بيت
ساكنو الدعت غالبوا المِروق
والطير حلف ..
لو كان يبيت يومي القوى
ما يمد مناقيروا ويضـوق
يا حلوه مالك حاقرا بي؟؟
وأنا من زمن تبيتي دابك مشتهيك
وحاسّي بيك ونفسي ليكي دوام تتوق
ووكت الحنان يغمرني بيك
بزرف دموعي وإنتحب
وقلبي المعـذّب بي هواك
دايماً عطـوف وعليك شفوق
بيحنّ ليك ويحِنّ عليك شان باكي فيك
كمان جوارحو عليك تنوح وتحاكي نوق
يا حلوه يام قلباً قسى والعُتمه حجبت رؤيتو
ما بنسحب من دنيتك .. وأقول خلاص مافيش لِحُوق
برجـاك دوام وإستنى لحظات الشروق
لمن شمس ريدتي الزمان تسطع عليك
تشعّ ليك وتضوِّي ليك
من تاني ترجعي تشعري
وتحسي بي ..
وتعودي لي بعد النوى
ننهل من الحب الحلال
نتساقى كاسات الهوى
نسكر سوا ..
من لَذة الحُبّ العتـوق
3 /4 /2009م