فيديو لمحمد كرم الله - الجواب

[خلف الله التوم]

"أصلو لا تمراً مرق ولا نا سايقين"

http://aafat.org/upload/uploading/AljwabV.wmv

[عصام سرالختم]

لك التحية الخلف
اظن دى كانت فى حفلة بورتسودان الشهيرة
فى بدايات ظهور ودكرم الله خارج الشمالية
وسبحان مغير الاحوال .. ود كرم الله كان فى عز الشباب

[صلاح عبد النبي]

أخونا الخلف ..
ما شاء الله .. تبارك الله .. وحليل أيام الزمن زين ..
شئ بديع والله ..
لكن يا عصام أعتقد أن هذا التسجيل كان خارج السودان وأعتقد أنه في قطر
والله شنو يا خلف الله ..
شكراً على هذا الابداع ..

[ali009]

الاخ ( الخلف )

لا اجد كلامات توفيك حقك

لو قلت تسلم ما ب تفي وقولاً يعبر ما هو في

وكل ما كتبت أسطر مداد ما ب تشرح الفي الجوف خفي

وكيفن أوريكم شعوري الليلة وا عيب أحرفي

يا أحرفي بالله جودي وأنصفي

وفد مرة بس ويحيدي .. أرقشي وألصفي

وطاوعيني أنا .. وأديني أبيات من غنا

وفي أهلي قولي واسرفي

كانت تلك الحفله في دولة قطر سنة 83 او 82 بمناسبة المهرجان الثقافي السوداني

بالدوحة وكانت في سينما الخليج وكم كان مبدع فيها صاحب الحنجره الذهبية محمد كرم

الله



الليله رسلت السلام يغريك يا الزين

السلام ليك وللمعاك في الأوضه قاعدين

السلام يغري الطرابش والقلاشين

السلام من عين شمش لحد فلسطين

أنا ما بوصفك يا صباحي بخاف من العين

وانت من عين الحسود وادعاك جبرين

وأنت بالعافي التخصك في المصارين

تبقالك هدم ياسيدي سروال ونعلين

الليله انت يا سيد الحصص وصمد النمرتين

وانت ياسيد الجزيري تكاكي وزين

وأنت ياسيد البسوق أرقوق موازين

وأنت ماعارف قلبين لي مجنين

ومابترسل لي جوابن فيهو سطرين

وما بتقول لي نعيم صباح أمو أشتغل وين

أنت ماعارف جواب السلامي

يجيني وأطول لي شبرين

وأنبسط لي بساطي زايده علي القوانين

الله من خلاني طيره وأحصلو الحين

وألقى في القهوه قبل الرسمي جالس في الدرابزين

وينسر بالي بيكم يا الحنينين

بعد الحال معاك أن شاءالله جالسين

نتلاقى أنت طيب ونحن طيبين

الليله دايره احكيلو العذر صمد نمرتين

وقولو من قبل الملمات مانا فايقين

ومنطبقات عليا تلاتي واتنين

وختي ربع جنيه وبعضن تلاتين

وقالوا مابنقبل عذردايرنو في الحين

وأن قلته المقد ماجابلو مدين

والعيشريف مبوص ومامرق هين

اصلو لاتمرن مر ولانا سايقين

أنا طلبتك بالله ترسل لي جنهين

الليله لاتقول الجواب دا انا انا جاني من وين

الكلام نظم أم نعيم ما دايرلو تلقين

الكاتبو وراق حسن اسطى في الطاحونه

تاجر في الدكاكين

وانت في تلات سنين ما بدوك سبوعين

شكرك عندي راقد بالجرانين

الا الجواب يا خيري اتملا بالصفحتين

لكم كل الود

اخوكم ( ودالبلد ) ali009

[السر احمد خليفه]

اخي خلف الله
السلام ليك وللمعاك
اخي زمن طويل من زمن- معاي معاي- صلاح عبدالنبي طبعا استرجع الزكريات
وضحك لك الشكر علي اتحافنا ب الاشياء الحبيبة الي النفس والتي ترجعنا ل\لك الزمن الجميل لك شكري مره اخري ونتلاق في ساعة خير
اخوك السر
tagelsirk@excite.com

[صلاح عبد النبي]

اخي خلف الله
السلام ليك وللمعاك
اخي زمن طويل من زمن- معاي معاي- صلاح عبدالنبي طبعا استرجع الزكريات
وضحك لك الشكر علي اتحافنا ب الاشياء الحبيبة الي النفس والتي ترجعنا ل\لك الزمن الجميل لك شكري مره اخري ونتلاق في ساعة خير
اخوك السر
tagelsirk@excite.com

أي لا حولي :D:D

[السر احمد خليفه]

اي والله لاحولي يا الش
خصوصا بشارع البنك الصناعي

[ضمره بغدادى]

اخى خلف الله
لك التحية
لقد رجعنا بذاكرتنا الى الزمن السمح أيام رقصات طيبة العشرة الله يرحمه وحسن عبد الله ود سعيد رحمه الله وضربته للارض بيده وهو جالسا عندما يبدأ الفاصل الثانى ويبدأ معه القامه محمد كرم الله بهذه الرمية التاريخية .
الله يديك العافية

[السر احمد خليفه]

[اي والله اخي ضمره
طيب العشره والصفاق حسن حسين وحركات حسن عبدالله رحمه الله
يازول انت اظنك من الجماعة الكانو بيعملو شكلة -بطان شبا- عندنا في عسوم والطريف
انبقا كدي بتذكر شكلة ناس علي العربي في الدوداب
لكم تحياتي وودي وكانت لنا ايام وارجو ان يمرق صلاح الفي الجراب

[م بروي]

أخي الرائع الخلف وأخي ود البلد الرائع التاني ليكم التحايا والشكر الجزيل لما تتحفونا به من روائع ..أيوه كده خلونا في القديم خالص مافي أحسن منو... وكذلك التحايا ليكم أخواني صلاح والسر خليفة وضمرة وعصام سر الختم كلكم زواقين وفنانين..

[ضمره بغدادى]

[اي والله اخي ضمره
طيب العشره والصفاق حسن حسين وحركات حسن عبدالله رحمه الله
يازول انت اظنك من الجماعة الكانو بيعملو شكلة -بطان شبا- عندنا في عسوم والطريف
انبقا كدي بتذكر شكلة ناس علي العربي في الدوداب
لكم تحياتي وودي وكانت لنا ايام وارجو ان يمرق صلاح الفي الجراب

أخى السر
دى زكريات ستظل عالقة بأذهاننا جميعا الى أن يرث الأرض ومن عليها . الفنان محمد كرم الله خلد زكريات لأنه قامه والقامات لا تنسى أخى السر .
بخصوص شكلات ولاد شبا ديل السبقونا من الأخوة الله يديهم العافية ولكن اذكرجيدا شكلة العرب مع ناس عوض شنان ومجموعته .كما اذكر سرقة عشا العريس فى القرتاب والحفلة كانت بالفنان صديق وكانت هناك قصيدة عملت فى هذا الخصوص لا أحفظ منها شىء .
شكرا لك أخى السر ولكل الاخوة الخلف وود البلد وعصام وصلاح ومحمد بروى وكل المتداخلين والمتذوقين للغناء القديم .

[خلف الله التوم]

الأخوة الأحباء الأفاضل .. كيفنكم جميع..
عصام سرالختم....وصلاح عبدالنبي.. وعلي ود البلد.. ومحمد بروي ..وفردة الثنائي السر أحمد خليفة والعزيز ضمرة
والله عاد إتلميتو .. نان وينو النافعابي.؟؟؟
يالله عاد النعمرا...



كانت تلك الحفله في دولة قطر سنة 83 او 82 بمناسبة المهرجان الثقافي السوداني
بالدوحة وكانت في سينما الخليج وكم كان مبدع فيها صاحب الحنجره الذهبية محمد كرم
الله

صدقت آآآآ على .. كانت في الدوحة بمناسبة إسبوع السودان ..


[/QUOTE[QUOTE=ضمره بغدادى;10075]اخى خلف الله
لك التحية
لقد رجعنا بذاكرتنا الى الزمن السمح أيام رقصات طيبة العشرة الله يرحمه وحسن عبد الله ود سعيد رحمه الله وضربته للارض بيده وهو جالسا عندما يبدأ الفاصل الثانى ويبدأ معه القامه محمد كرم الله بهذه الرمية التاريخية .
الله يديك العافية

أخوي ضمرة .. والله عاد كان زمن .. وحليل الما عاش تلك الأيام ..
وحليل ناس طيبة العشرة وحسن عبدالله وغرامه في أغنية عذابي البي شوف عيني جافها الغميد .. أقول أنساك انسى هواكا .. القى الشوق يزيد...
وكمان يا صلاح كان في واحد كدا من البركل تحت - نسيت إسمو - كان دائماً يتابع الجواب
ويوصف بي يده .. ونذكر لمن ود كرم الله يقول "إن كان للقروش إن شاء الله طايري "
يعمل يده متل جناح الطير ويقول "فررررررررر":)

اخي خلف الله
السلام ليك وللمعاك
اخي زمن طويل من زمن- معاي معاي- صلاح عبدالنبي طبعا استرجع الزكريات
وضحك لك الشكر علي اتحافنا ب الاشياء الحبيبة الي النفس والتي ترجعنا ل\لك الزمن الجميل لك شكري مره اخري ونتلاق في ساعة خير
اخوك السر


إيه .. السر أحمد خليفة .. يا اخي كيفك والله مشتاقين ....
يا أخوانا زمن معايا .. معايا دي كان زمن عجيب .. أصلو
أنا وفردتي السر أحمد خليفة كنا عاملين ثنائي أيام داخليات مروي الوسطى..
لاحدي ما وصلنا مسرح ليلة السمر بتاعات داخليات مروي ..
وكانت ليلة مشهودة .. تلك التي طلعناه فيها لأول مرة على المسرح
وقدمنا أغنيتين واحدة لثنائي النغم .. والأخرى معايا معايا .. بالدرب الطويل
فقد تم تقديم ثنائي رائع .. خصوصاً أن مسرح ليلة السمر
كان فارض نفسه عليه واحد إسمو عيسى من كريمة ..
وما عندو غير أغنية أجمل حبيب للروح .. وبتاعت خلف الله حمد
بتاعت أنا بالتمنى.. فقد نالت فقرتنا إعجاب شديد للغاية ..
لك تحياتي أخوي السر والله مشتاقين ..

[السر احمد خليفه]

اخي خلف
سبحان الله تفاصيل صغيره انا كنت ناسيها واذكر اتنكرت مالك!!!!!!!!!!!!!!!!!!!!!!!!هههههه
اما عيسي فهو د عيسي محمد عبد اللطيف وهوكان قدامنا بي 3 سنوات اتذكره جيدا وهواعنتقد بالامارات سمعته بالاذاعه يتكلم عن البيئه وما التلوث كما ن لا انسي الفنان الكبير نجم الدين حسين شايفو يمدح ايام العيد في الرياض في لقاء ابناء البركل وجنو كان اغنيه فوق جناين الشاطي-سمعوني ليه بالتلفون واتصل بي بعد ذلك ايام
يا حليله تلك الايام

[السر احمد خليفه]

اخي ضمره
تحياتي وشكرا لهذه الذكريات الجميله
اولا شكله العرب مع شنان هي التي كنت اقصدها و كنا جالسين في اللوج فوق
-فوق الحيطه- وكل مايدور تحتنا بتفاصيله واذكر الي جانبي احد الاصدقاء
من ابناء شبا كان في الفصول القدامنا بي سنتين جالس الي جواري الاخ محمد غالب-طولت ما شفتو ولم اسمع اخبار كان رئيس عنبرنا في الداخلية-
وحينها نزل ليستكشف وجاني بسرعة البرق الي اعلي الاستاد بانه اخد حظه من الشكله
واحد عكاز علي ظهره لا تدري من الضارب ومن المضروب
اما سرقة عشا العريس في القرتاب فلا علم لي به ولكن زودونا من خيراتكم يا بطان شبا
ولكم جميعا تحياتي وارجو ان تكبر حلقة الذكريات لتلك الايام

[خلف الله التوم]

اخي خلف
سبحان الله تفاصيل صغيره انا كنت ناسيها واذكر اتنكرت مالك!!!!!!!!!!!!!!!!!!!!!!!!هههههه
اما عيسي فهو د عيسي محمد عبد اللطيف وهوكان قدامنا بي 3 سنوات اتذكره جيدا وهواعنتقد بالامارات سمعته بالاذاعه يتكلم عن البيئه وما التلوث كما ن لا انسي الفنان الكبير نجم الدين حسين شايفو يمدح ايام العيد في الرياض في لقاء ابناء البركل وجنو كان اغنيه فوق جناين الشاطي-سمعوني ليه بالتلفون واتصل بي بعد ذلك ايام
يا حليله تلك الايام

إي والله يا حليل نجم الدين .. وأغنية فوق جناين الشاطئ ...
وكمان ما أنسى حبيبنا الراحل/ الحاج علي خليفة ..
فقد كان مغرماً بنشيد .. واجب الأوطان ساعينا ...
ورغم أنه لم يطلع به لخشبة المسرح .. لكنه كان
دائماً يردده ونحن في صف السفرة..
كما أنه كان دائماً يغني..
الله أنا يا الحبيبتو دقاقة .. في ديوانا داكا أب طاقة..
متين نتلما ونطق القاقة .. "الله يرحمه"
كانت أيام والله .. والليالي في أيام الشتاء داخل
مبنى السفرة .. ثم في الصيف خارج السفرة ..
جهة عنبري واحد وإثنين...

[السر احمد خليفه]

الله يا انا يالحبيبتو دقاقه
خمسه جنيه معاهن ناقه
رحم الله الحاج واتذكره في حفلة الوداع وهو يلقي كلمه
وكان يريد ان يقول نتمني ان نلتقي في سفينة الحياه الواسعه فقال نتمني ان نلتقي في سفينة الصحراء
جنبي واحد من المجارمه علق -الحاج مالوا كلوا شغلتوا جمال ونياق-

[خلف الله التوم]

الله يا انا يالحبيبتو دقاقه
خمسه جنيه معاهن ناقه
رحم الله الحاج واتذكره في حفلة الوداع وهو يلقي كلمه
وكان يريد ان يقول نتمني ان نلتقي في سفينة الحياه الواسعه فقال نتمني ان نلتقي في سفينة الصحراء
جنبي واحد من المجارمه علق -الحاج مالوا كلوا شغلتوا جمال ونياق-

الله يرحمه ويغفر له .. كان شخصية فريدة
وكان قوي قوة عجيبة جداً ... وكان مغرم بالجيش
يشيل عصاية المكنسة ويعمل بيها مشيات عسكرية ..
وطبعاً هو ما وقف عند هذا الحد .. بل إلتحق بالجيش فعلاً..
وحتى وفاته.. ربنا يغفر له ويرحمه..