حكاية بت الدهب

[صلاح هاشم السعيد]

كاتب النص الأصلي عوض عبيدالله

حكاية بت الدهب
________________________________________
.
حكاية بت الدهب:

في عام 1948م كانت الطفلة آمنة بابكر ترعى الأغنام جوار جبل البركل. وحدث أن تركتها ترعى واتجهت نحو "آثار جبل البركل" وهي آثار معروفة على مستوى العالم. بدأت الطفلة تعبث بأطرافها في الأرض المحيطة بالجبل فاصطدمت أصابعها بجسم صلب، فإذا هو تمثال لبنت من الذهب، فرحت الطفلة وهي لا تدري قيمة ما وجدت. اتجهت نحو صبي كان هو الآخر يرعى الغنم أسمه كمال فتح العبد. أخذ الصبي التمثال من الطفلة وركض نحو امرأتين كانتا ترعيان. استلمت إحداهن التمثال من الصبي. ثم حاولت إرضاء الطفلة آمنة بحجر عندما لحقت بالصبي وسألته عن التمثال. رفضت البنت الحجر وأصرت أن ما وجدته ليس بحجر. وبدأت تبكي فصفعتها الأخرى على وجهها. عادت البنت إلى أهلها وأخبرت أمها "التومة" بتمثال الذهب وبما جرى لها من النسوة. هذا الصيد الثمين ومسألة التقسيم قاد النسوة و"تمثال الذهب" لسوق كريمة، تحمله واحدة وتتبعها الأخرى، بعد أن تركتا الرعي وهمومه. ذهبن لتاجر معروف، فدعاهن إلى منزله. وهناك أوقد الفحم لتليين الذهب. قبل أن يواصلوا التقسيم سمعوا طرقاً على الباب. وبسرعة أخفوا التمثال في حفرة "تحت الزير". وإذا بالطارق التومة والدة البنت آمنة وبادرتهن بالسؤال "وين بت الدهب" فكان الرد " ما في بت دهب دا حجر" وأصرت التومة على أنها بنت من ذهب، وهددت بإبلاغ الشرطة. عندها تعدين عليها.
ذهبت التومة إلى الشرطة "نقطة البوليس" وكان ضابطها في ذلك الحين "الامباشي على أبكر" فذهب برفقة أفراد من الشرطة إلى منزل التاجر، ورغم التفتيش لم يتمكنوا من معرفة مكان التمثال القابع "تحت الزير". واقتادوا كل من التاجر وزوجته ومن أحضرت التمثال ورفيقتها، وأودع الجميع الحراسة. لم تطق زوجة التاجر حرارة الزنزانة وصاحت "افتحوا الباب " وفتح الباب، فطلبت مقابلة الامباشي واعترفت بوجود تمثال الذهب. ذهب معها الامباشي ليجد التمثال الذي يزن 144 وقية "تحت الزير". فأطلق صراح الجميع.
تم هذا الحدث في عهد "المستر ماكبير" مفتش المركز و"حسن علام" مأمور المركز. أعطت الحكومة التومة ثلاثمائة جنية مكافأة لها والتزمت بتعليم البنت الصغيرة. هذه الواقعة سجلها بكامل تفاصيلها شاعر البركل الفحل "عمسيب" رحمة الله عليه. اذكر منها خاتمة قصيدة الفرح التي هنأ بها "التومة" بعد انتصارها :
يا بت الملك ضنقدل
وآ حــلات لونك الأحمــر
جــات المـلكة تترتل
وشايلِ التومة في البركل

بقلم/ عوض عبيدالله
.........................

[عصام سرالختم]

الاخ صلاح
فى رواية ( ملكة الشمس والجان )
للكاتب سيف الدين حسن بابكر الحاج
روى الكاتب عن حكاية بت الدهب وكيف أن المستر جاك ماكريك ومساعديه على نديم وعلى بكر إستطاعو إعادتها والاجزاء المفقودة .

ونقلا من الرواية صفحة 81 :
(ألم أقل لك بإنها ملكة حارسها الجان ؟ ألا تذكر ما حاق ببت مقام وبت سكسوك وخلف ود سلمان والصائغ ودعمران ..؟ قوات الشرطة تطوق القرية تماما ... مستر ماكريل على صهوة حصانه متبوعا بقوة من رجاله السمر الأشداء ... يقتحمون القرية من درب الثلاثاء ويتقدمون صوب دوربت مقام وبت سكسوك وخلف الله ودسلمان والصائغ عمران ..وهؤلاء الأخيران كانت أقدامهما مصفدة وهما يسيران مباشرة خلف حصانى مستر جاك ماكريك ومساعده على نديم وبجانبهما بنت مقام وبخيتون وبت سكسوك وقد أطرقن الى الأرض وقد شحبت وجوههن وبان الهزال عليهن فقد أمضين ثلاثة أيام بمركز الشرطة تحت تعذيب قاسى .....) وبعد تعرضهن للتعذيب القاسى أعترفن بالواقعة ....
خلف الله والصائغ أنكرا وأصرا على الإنكارأسراب الحمام طارت فزعة من برجها ومجموعة من الشرطة تتسلقه وتحطم بابه بحثا عن تمثال نصيرة الذى أخفته بت مقام داخله . المفتش ماكريل ومساعده على نديم ترجلا من حصانيهما وتركا مقوديهما للسائس ودلفا بنفسيهما الى داخل المنزل وبجانبهما التومة بت ود ابوصرة وزوجها بابكر وبنتهما آمنة ... ! بت مقام وبت سكسوك وبخيتون جلسن أرضا داخل فناء المنزل . والحرس بسلاحه النارى من خلفهن .. المتهمان الاخران وقفا وظهريهما للحائط ويجاور كل منهما حارسا ببندقية تشابهه لونا وشكلا .الترقب والصمت توأمان مترادفان الجميع عيونهم متعلقة ببرج الحمام .. الخ ...
الشرطى على ودبكر يخرج من برج الحمام محطما ماتبقى من بابه وهو يصرخ ملوحا بتمثال الملكة الذهبى( لقيتها ... لقيتها ) ويقفز من أرتفاع كبير ناسيا عمامته الرسمية من خلفه ... !
التومة بنت ود أبوصرة إندفعت تزغرد وتزغرد وهى تجوب حوش بت مقام طولا وعرضا ..! وتبعتها مجموعة اخرى من خلف جدران المنزل..
واستمر الكاتب فى وصف المشهد حتى وصل الى :
البحث فى منزل بتت سكسوك لم يستغرق وقتا طويلا ... فصندوقها الخشبى شهد عليها واليد الذهبية تشب من داخله معلنة عن نفسها ..!

ويستمر الكاتب راويا كيف ان الشاعر عمسيب كتب قصيدة حينها عن حكاية بت الدهب واقتطف منها بعض الابيات :

يد الملكة فى الصندوق
عند زينب بت سكسوك
* * *
كراع الملكة فى الدكان
عند خلف الله ود سلمان
* * *
دى ملكة وحارسه الجان
وما بيلقاها كل إنســـان

واسترسل الكاتب قائلا :
مرت السنين ولا أنسى فى أول زيارة لى للمتحف فى الخرطوم وجدت صندوق زجاجى وبداخله تمثال صغير لملكة من الذهب مكتوب اسمها ( الملكة أمانتيرى )وانه تم العتور عليه1948 بالقرب من جبل البركل وانه كان ينقص الرجل واليد اليسرى وان السلطات حينها تمكنت من إعادتهم ..........

[جبل البركل]

كراع الملكي في الصندوق وعن زينب بت السكسوك احي وي احي وي هذه الاغنية كانت تغني في الساحات (اتاريها وراها قصة بالله من يعلم بتفاصيلها عليه اخبارنا اكثر وياريت ضمرة بغدادي و عندوفكرة عن الموضوع ده)

[شهرزاد]

كاتب النص الأصلي عوض عبيدالله

حكاية بت الدهب
________________________________________
.
حكاية بت الدهب:

في عام 1948م كانت الطفلة آمنة بابكر ترعى الأغنام جوار جبل البركل. وحدث أن تركتها ترعى واتجهت نحو "آثار جبل البركل" وهي آثار معروفة على مستوى العالم. بدأت الطفلة تعبث بأطرافها في الأرض المحيطة بالجبل فاصطدمت أصابعها بجسم صلب، فإذا هو تمثال لبنت من الذهب، فرحت الطفلة وهي لا تدري قيمة ما وجدت. اتجهت نحو صبي كان هو الآخر يرعى الغنم أسمه كمال فتح العبد. أخذ الصبي التمثال من الطفلة وركض نحو امرأتين كانتا ترعيان. استلمت إحداهن التمثال من الصبي. ثم حاولت إرضاء الطفلة آمنة بحجر عندما لحقت بالصبي وسألته عن التمثال. رفضت البنت الحجر وأصرت أن ما وجدته ليس بحجر. وبدأت تبكي فصفعتها الأخرى على وجهها. عادت البنت إلى أهلها وأخبرت أمها "التومة" بتمثال الذهب وبما جرى لها من النسوة. هذا الصيد الثمين ومسألة التقسيم قاد النسوة و"تمثال الذهب" لسوق كريمة، تحمله واحدة وتتبعها الأخرى، بعد أن تركتا الرعي وهمومه. ذهبن لتاجر معروف، فدعاهن إلى منزله. وهناك أوقد الفحم لتليين الذهب. قبل أن يواصلوا التقسيم سمعوا طرقاً على الباب. وبسرعة أخفوا التمثال في حفرة "تحت الزير". وإذا بالطارق التومة والدة البنت آمنة وبادرتهن بالسؤال "وين بت الدهب" فكان الرد " ما في بت دهب دا حجر" وأصرت التومة على أنها بنت من ذهب، وهددت بإبلاغ الشرطة. عندها تعدين عليها.
ذهبت التومة إلى الشرطة "نقطة البوليس" وكان ضابطها في ذلك الحين "الامباشي على أبكر" فذهب برفقة أفراد من الشرطة إلى منزل التاجر، ورغم التفتيش لم يتمكنوا من معرفة مكان التمثال القابع "تحت الزير". واقتادوا كل من التاجر وزوجته ومن أحضرت التمثال ورفيقتها، وأودع الجميع الحراسة. لم تطق زوجة التاجر حرارة الزنزانة وصاحت "افتحوا الباب " وفتح الباب، فطلبت مقابلة الامباشي واعترفت بوجود تمثال الذهب. ذهب معها الامباشي ليجد التمثال الذي يزن 144 وقية "تحت الزير". فأطلق صراح الجميع.
تم هذا الحدث في عهد "المستر ماكبير" مفتش المركز و"حسن علام" مأمور المركز. أعطت الحكومة التومة ثلاثمائة جنية مكافأة لها والتزمت بتعليم البنت الصغيرة. هذه الواقعة سجلها بكامل تفاصيلها شاعر البركل الفحل "عمسيب" رحمة الله عليه. اذكر منها خاتمة قصيدة الفرح التي هنأ بها "التومة" بعد انتصارها :
يا بت الملك ضنقدل
وآ حــلات لونك الأحمــر
جــات المـلكة تترتل
وشايلِ التومة في البركل

بقلم/ عوض عبيدالله
.........................
الغالي / صلاح هاشم السعيد
حكاوي كثيرة دارات حول البركل ..
بعضها حدث فعلا وبعضها .. حرف وبدلت أحداثه ..ونسجت حوله سناريوهات من وحي الخيال ...
ياريت لو تحدثنا عن قصة (البقرة) الدخلوها الجبل وطلعت من
الناحية التانية (مسلوخة) ..
ودا كان عند إكتشاف مدخل الجبل ....
وأدخلو البقرة للأختبار ..
ــ
طبعاً ما متأكدة من صحة الرواية ..

[ناصر قدور]

سلامات للجميع
شكرا صلاح لنقل القصة و سعدت باطلاعي عليها رغم سماعي لها مرارا و تكرارا من صاحبتها و هي خالتي امنة بابكر ابو صرة و هي تقيم حاليا في السقاي ريفي بحري.

[صلاح هاشم السعيد]

سلامات للجميع
شكرا صلاح لنقل القصة و سعدت باطلاعي عليها رغم سماعي لها مرارا و تكرارا من صاحبتها و هي خالتي امنة بابكر ابو صرة و هي تقيم حاليا في السقاي ريفي بحري.

**** قدور .
لك التحية ,,
حقيقة الامر، القصة المنشورة بها بعض الجوانب الغامضة وتداعيات الحدث استمرت طويلاً ونحن ما زلنا نعرف الخطوط العريضة (فقط). القصائد غير مكتملة ـ وأكيد عندك إضافات عليها ـ ارجو أن تحاول إكمال ما غاب علينا ـ وأذكر أن البروف/ عباس سعيد زروق وهو باحث معروف على مستوى العالم ولديه الكثير من المؤلفات التي تعتبر مراجع بحثية قيمة وتدرس على مستوى الجامعات العالمية ـ طلب منى البحث عن هذه القصة وكان أن ذهبت للإخ/ عوض عبيدالله وسجلت منه هذه القصة ثم نشرتها تحت اسمه بالطرابيل ـ ومن ثم في هذا الموقع ـ

[علي ود بت الكاتب]

**** قدور .
لك التحية ,,
حقيقة الامر، القصة المنشورة بها بعض الجوانب الغامضة وتداعيات الحدث استمرت طويلاً ونحن ما زلنا نعرف الخطوط العريضة (فقط). القصائد غير مكتملة ـ وأكيد عندك إضافات عليها ـ ارجو أن تحاول إكمال ما غاب علينا ـ وأذكر أن البروف/ عباس سعيد زروق وهو باحث معروف على مستوى العالم ولديه الكثير من المؤلفات التي تعتبر مراجع بحثية قيمة وتدرس على مستوى الجامعات العالمية ـ طلب منى البحث عن هذه القصة وكان أن ذهبت للإخ/ عوض عبيدالله وسجلت منه هذه القصة ثم نشرتها تحت اسمه بالطرابيل ـ ومن ثم في هذا الموقع ـ


سلام
ياناس الدمام لدي شريط كاسيت سجلت عليه قصة الدهباية كاملة من الشاعر عمسيب
المرجو المساعدة علي تنزبله في الموقع البيعرف طريقة التنزيل الاتصال بي
جوال 0506800646
علي بابكر علي

[ناصر قدور]

**** قدور .
لك التحية ,,
حقيقة الامر، القصة المنشورة بها بعض الجوانب الغامضة وتداعيات الحدث استمرت طويلاً ونحن ما زلنا نعرف الخطوط العريضة (فقط). القصائد غير مكتملة ـ وأكيد عندك إضافات عليها ـ ارجو أن تحاول إكمال ما غاب علينا ـ وأذكر أن البروف/ عباس سعيد زروق وهو باحث معروف على مستوى العالم ولديه الكثير من المؤلفات التي تعتبر مراجع بحثية قيمة وتدرس على مستوى الجامعات العالمية ـ طلب منى البحث عن هذه القصة وكان أن ذهبت للإخ/ عوض عبيدالله وسجلت منه هذه القصة ثم نشرتها تحت اسمه بالطرابيل ـ ومن ثم في هذا الموقع ـ

الاخ صلاح هاشم السعيد انا اسف لانقطاعي الطويل عن المنتدي و لكني اعدك بان اصلك بخالتي بعد عودتها من الحج لتخبرك بالقصة كاملة ان شاء الله

[خالد البدوي بابكر]

كاتب النص الأصلي عوض عبيدالله

حكاية بت الدهب
________________________________________
.
حكاية بت الدهب:

في عام 1948م كانت الطفلة آمنة بابكر ترعى الأغنام جوار جبل البركل. وحدث أن تركتها ترعى واتجهت نحو "آثار جبل البركل" وهي آثار معروفة على مستوى العالم. بدأت الطفلة تعبث بأطرافها في الأرض المحيطة بالجبل فاصطدمت أصابعها بجسم صلب، فإذا هو تمثال لبنت من الذهب، فرحت الطفلة وهي لا تدري قيمة ما وجدت. اتجهت نحو صبي كان هو الآخر يرعى الغنم أسمه كمال فتح العبد. أخذ الصبي التمثال من الطفلة وركض نحو امرأتين كانتا ترعيان. استلمت إحداهن التمثال من الصبي. ثم حاولت إرضاء الطفلة آمنة بحجر عندما لحقت بالصبي وسألته عن التمثال. رفضت البنت الحجر وأصرت أن ما وجدته ليس بحجر. وبدأت تبكي فصفعتها الأخرى على وجهها. عادت البنت إلى أهلها وأخبرت أمها "التومة" بتمثال الذهب وبما جرى لها من النسوة. هذا الصيد الثمين ومسألة التقسيم قاد النسوة و"تمثال الذهب" لسوق كريمة، تحمله واحدة وتتبعها الأخرى، بعد أن تركتا الرعي وهمومه. ذهبن لتاجر معروف، فدعاهن إلى منزله. وهناك أوقد الفحم لتليين الذهب. قبل أن يواصلوا التقسيم سمعوا طرقاً على الباب. وبسرعة أخفوا التمثال في حفرة "تحت الزير". وإذا بالطارق التومة والدة البنت آمنة وبادرتهن بالسؤال "وين بت الدهب" فكان الرد " ما في بت دهب دا حجر" وأصرت التومة على أنها بنت من ذهب، وهددت بإبلاغ الشرطة. عندها تعدين عليها.
ذهبت التومة إلى الشرطة "نقطة البوليس" وكان ضابطها في ذلك الحين "الامباشي على أبكر" فذهب برفقة أفراد من الشرطة إلى منزل التاجر، ورغم التفتيش لم يتمكنوا من معرفة مكان التمثال القابع "تحت الزير". واقتادوا كل من التاجر وزوجته ومن أحضرت التمثال ورفيقتها، وأودع الجميع الحراسة. لم تطق زوجة التاجر حرارة الزنزانة وصاحت "افتحوا الباب " وفتح الباب، فطلبت مقابلة الامباشي واعترفت بوجود تمثال الذهب. ذهب معها الامباشي ليجد التمثال الذي يزن 144 وقية "تحت الزير". فأطلق صراح الجميع.
تم هذا الحدث في عهد "المستر ماكبير" مفتش المركز و"حسن علام" مأمور المركز. أعطت الحكومة التومة ثلاثمائة جنية مكافأة لها والتزمت بتعليم البنت الصغيرة. هذه الواقعة سجلها بكامل تفاصيلها شاعر البركل الفحل "عمسيب" رحمة الله عليه. اذكر منها خاتمة قصيدة الفرح التي هنأ بها "التومة" بعد انتصارها :
يا بت الملك ضنقدل
وآ حــلات لونك الأحمــر
جــات المـلكة تترتل
وشايلِ التومة في البركل

بقلم/ عوض عبيدالله
.........................

هذا الموضوع أثار فضولي و بعض الزملاء و ناقشناه مع كمال فتح العبد الذي يعمل الآن خبير ضرائب ولم نتوصل إلي مكان رجل بت الدهب ومن أخذها إذ البنت في المتحف بلا رجل حتى الآن والشيئ الآخر غالط في التاريخ .. وأنكر أنه كان يرعى الغنم سنة 1948
غير أنه وافق على أن هذه الواقعة حدثت فعلا ..

[صلاح هاشم السعيد]

أخونا/ خالد البدوي ـ
حكاية بت الدهب يلفها شيء من الغموض ـ لا اظن السبب عدم معرفة التفاصيل ـ خصوصاً وأن الحدث موثق ـ شاعرنا المرحوم : عمسيب مؤرخ بطريقة الخاصة ـ لكن المشكلة فينا نحن وفي طريقة الرواية ـ وطبعاً دي أزمة نعاني منها كلنا ـ لأسباب متعددة ـ وحكاية بت جزء أصيل من تاريخ البركل ـ مثلها مثل قلع الشتل ـ ومشروع المقبول ـ والمشروع ـ
أخونا/ علي بابكر علي ـ كما اورد لديه تسجيل بصوت الشاعر عمسيب ـ يرغب في إنزاله ـ أراه مهماً خصوصاً وأن عمسيب جزء أصيل من الأحداث ـ أيضاً أخونا/ ناصر قدور ـ لو جمعنا بين التسجيل والرواية التي وعد بها ناصر ـ نكون قد وفرنا مادة توثيقية هامة جداً ـ وكما اوردت من قبل أن الأمر يهتم به علماء لهم سمعة على مستوى العالم ـ وقد يفتح باباً للدراسة في التركيبة الذاتية للتاريخ الأجتماعي والفكري للمنطقة ـ أتمنى أن يحدث ذلك ـ والرواية المحكية هنا رواها عوض عبيد ـ وهو أحد المهتمين بالقضايا الفكرية والتاريخية للبركل ـ ولم يكن لي فيها إلا ربما السؤال وأجر المناولة ـ

[ناصر قدور]

العزيز صلاح و بقية الاخوة الكرام
اولا انا اسف لانقطاعي الطويل و عدم تمكني من الوفاء بوعدي في الفترة السابقة لظروف قاهرة و لكني اعدكم بان انقل القصة من خشم سيدا
قصة بت الدهب ليست قصة خيالية مثل البقرة التي دخلت الجبل و خرجت في دنقلا العجوز و هي ليست اسطورة كاسطورة نصيرة بت الجبل بل هي قصة حقيقية حدثت في البركل و بطلتها خالتي امنة بابكر ابو صرة و هي ما تزال تذكر تفاصيلها بكل وضوح و لكن الملكة نفسها غير موجودة فقد سرقت من المتحف القومي في التسعينات و كانت في البداية قد سرقت يدها ثم لحق بها بقية التمثال و هذا حال السودان

[صلاح هاشم السعيد]

كل ما في الأمر :
عمكم يعاني من مشكلة "التواصل مع الشبكة" ـ
المنتدى كما أرى وترون، في إزدهار ـ متواصل ـ يبدو أنه لفت أنظار المهتمين ـ وكنت قد توقعت هذا النجاح ـ رغم المشاكل والصعاب ـ الصحافة الالكترونية ربما تقضي على الصحف لما فيها من ديناميكية وحيوية، بإعتبار أنها ترفع من فرص المشاركة ـ هذا النوع من التفاعلية لا توفره الصحف السيارة ـ سيأتي بعدنا جيل يعرف كيف يفكر وكيف يتواصل وكيف يتفهم ويتعايش مع الآخر ـ وسينعكس هذا الأثر الكلي العالمي ـ بالأمس أثارت "اوبرا" قضية خطف الأطفال في افريقيا للتجنيد ـ جاء ذلك نتيجة لنشاط جمعية مدنية عبر موقع في الأنترنت ـ
أقول: أن موقعنا هذا أضاف الكثير، ـ قبل كتابة هذه الأسطر بقليل، حاولت البحث في قوقل عن "حكاية بت الدهب" فلم اجد غير موقع البركل ـ أي إضافة على هذه القصة ـ تعتبر سبق صحفي ـ
ـ نحن في الانتظار يا ناصر قدور ويا علي ود بت الكاتب ـ

[علي ود بت الكاتب]

أخونا/ خالد البدوي ـ
حكاية بت الدهب يلفها شيء من الغموض ـ لا اظن السبب عدم معرفة التفاصيل ـ خصوصاً وأن الحدث موثق ـ شاعرنا المرحوم : عمسيب مؤرخ بطريقة الخاصة ـ لكن المشكلة فينا نحن وفي طريقة الرواية ـ وطبعاً دي أزمة نعاني منها كلنا ـ لأسباب متعددة ـ وحكاية بت جزء أصيل من تاريخ البركل ـ مثلها مثل قلع الشتل ـ ومشروع المقبول ـ والمشروع ـ
أخونا/ علي بابكر علي ـ كما اورد لديه تسجيل بصوت الشاعر عمسيب ـ يرغب في إنزاله ـ أراه مهماً خصوصاً وأن عمسيب جزء أصيل من الأحداث ـ أيضاً أخونا/ ناصر قدور ـ لو جمعنا بين التسجيل والرواية التي وعد بها ناصر ـ نكون قد وفرنا مادة توثيقية هامة جداً ـ وكما اوردت من قبل أن الأمر يهتم به علماء لهم سمعة على مستوى العالم ـ وقد يفتح باباً للدراسة في التركيبة الذاتية للتاريخ الأجتماعي والفكري للمنطقة ـ أتمنى أن يحدث ذلك ـ والرواية المحكية هنا رواها عوض عبيد ـ وهو أحد المهتمين بالقضايا الفكرية والتاريخية للبركل ـ ولم يكن لي فيها إلا ربما السؤال وأجر المناولة ـ


عمسيب في حضرة الدهباية ( 1 )

في اجازة من اجازاتي الى البلد زرت الشاعر عمسيب في منزله بالبركل جنوب وكان لي معه لقاءتم تسجيله في شريط كاسيت ما زلت احتفظ بنسخةمنه الشريط جاهز
بصوت الشاعر وكنت قد طلبت الفزعةمن الاخوة انزاله في الموقع ولكن مافي زول تقدم هذا الشريط يحكي قصةالدهباية بتفاصيلها علي لسان الشاعر عبددالرحيم عمسيب نسال الله ان يتقبله قبولا حسنا ويسكنه فسيح الجنان .
بالرغم من وجود القصص الكثيرة التي دارت حول القصة الا انني اعتبر الشاعر عمسيب شاهداعلى ذلك العصر.
ما دام الاخوة لم يتمكنو من سماع الشريط تجدني مضطرا الي نقل محتويات الشريط كتابة كماورد على لسان الشاعر.
هنالك مواضيع اخرى خلاف قصة الدهباية تتحدث عن تراث المنطقة سجلته ايضا في ذلك الشر يط وسانشرها باذن الله بعدالانتهاءمن قصةالدهباية
كما انه لدي ايضا شريط مسجل مع صاحبة القصة الاصلية الخالة زينب بابكر ابوصرة
سينشر ايضا بعدنهايةلقاء عمسيب . بعد هذة المقدمة هاكم الحكاية .
في الجبل ......جبل ود الكرسنى كان في نسوان يرعن الغنم .. رعاية البهايم...جنب الجبل واحدي اسمها صبر زين ... وواحدي اسمها عاشة مرت ود عوض ..... واحدي اسمها التومة بت بخيتة ومعاها بنتها امنة ......... وواحد ولد اسمو كمال الدين...........في الليل وقع هواء شديد ....كشف ليك الدهباية....بت الملك ...دهب عنج
اصلي .....ماكانت هي تحت التراب ... قام الهواء كشفا بقت فوق وش الواطه
....جات البت ا لبقولولا امني ... قالت لي كمال الدين امشاك النلقط الجعارين...في الجبل فوق....كانن النسوان ينضمنها مع الدهب...... طالعين.....طالعين .....
ماشين لا فوق .... لقو الدهباية دي مكشفة ....حمراء مولعة نار .....قامت البت
قالت لي كمال الدين....شوف دي يا كمال.... كمال شوف دي ...... كمال الدين خمشا وقام جاري........ وجاري ........وجاري..... والبت جاري وراهو....... لحدي ما وصلو
صبر زين ... كمال قالها...... شوفي دي يا حبوبة ........قامت صبر زين لوت الدهباية في عبها.... جات بت السكسوك تبقى للولد عمتو....... طوالي قالت لصبر زين تشيلي دهبة ود اخوي اصبر زين ....تشيلي دهبةوداخوي .... وقامن كدي اتكافتن هناك...... اخر حاجة ماشات........ وماشات قالن نروح النقطة..........
بعد ما قالن نروح النقطة....اتفقن يمشوعن ناس ود عوض......كان زمان بيكيل التمر
اتفقن يقطعن قطعة من الضفر.......... خلي بالك الضفر ده يجيب وقية من تقلها....... الضفر ده يسكتوبو كمال الدين.... ويسكتوبوالبت...وبعدين بعدما تثبت الحركة شوية
يجن يقسمنها النسوان على راسن وهن صبر زين وبت سكسوك زينب وعاشة مرت عوض............... ونواصل

[عصام سرالختم]

الف رحمه تنزل على روح عمنا المرحوم عمسيب وبالفعل فهو خير شاهد لانه عاصر الحكاية من اولها الى اخرها بل كتب فيها قصيدة ظلت تتداولها الاجيال وياتى ذكرها كلما جاء ذكر حكاية بت الدهب ..
متابعين اخى على ونرجو ان تواصل

[علي ود بت الكاتب]

الف رحمه تنزل على روح عمنا المرحوم عمسيب وبالفعل فهو خير شاهد لانه عاصر الحكاية من اولها الى اخرها بل كتب فيها قصيدة ظلت تتداولها الاجيال وياتى ذكرها كلما جاء ذكر حكاية بت الدهب ..
متابعين اخى على ونرجو ان تواصل

ياعصام شكرا علي المرور
كل شيئ ياتي في وقته والقصائد المتعلقة بالدهباية عندي مسجلة بالكوم والردوم
على لسان شاعرنا عمسيب............ تحياتي

[عاطف دودو]

اخونا علي ود بت الكاتب :- لك التحايا العطرة :نشتم في سردك رائحة وعبق تراثنا الاصيل ...فواصل اخي سردك لهذه القصة التراثية الرائعة التي سمعت بها مراراً وتكراراً وبروايات مختلفة وها قد جاء دورك لتنقل لنا القصة بلسان معاصرها شاعرنا المرحوم عمسيب تغمده الله بواسع رحمته ولا اظن ان بها اي شائبة طالما انها جاءت من مصدرها الاصلي وسنعتمدها بهذه الرواية الاصلية ..فواصل وبالطريقة التي تراها مناسبة طالما ان النهاية ستكون فائدة الجميع واهمها المحافظة على تراثنا الاصيل ،وياليتك أخي علي استطعت انزال الشريط بصوت الشاعر عمسيب وحبذا لو ساعدك أحد العارفين بانزاله وتكون بذلك وثقت صوت وحرف وفقك الله وسدد خطاك ،،

[صلاح هاشم السعيد]

على ود بت الكاتب :
ما تفعله هنا شيء عظيم وسبق لم يؤتى به من قبل ـ كلنا شوق وانتظار لهذا الحدث الكبير ـ أعلم أن التفريغ أمر "صعب" ولكن حفاظاً على التراث وعلى إرث شاعرنا المؤرخ/ عمسيب ـ تهون الصعاب ـ
ـ اكتمال التوثيق لحكاية بت الدهب : أراه من أهم ما يمكن أن يحدث في منتديات البركل ـ لهذا وجد المنتدى ولهكذا أغراض أراه مهما ـ
ـ نحن في الانتظار على أحر من الجمر ـ
ـ كل كلمة تقال: هنا سيكون لها شأناً ...

[علي ود بت الكاتب]

على ود بت الكاتب :
ما تفعله هنا شيء عظيم وسبق لم يؤتى به من قبل ـ كلنا شوق وانتظار لهذا الحدث الكبير ـ أعلم أن التفريغ أمر "صعب" ولكن حفاظاً على التراث وعلى إرث شاعرنا المؤرخ/ عمسيب ـ تهون الصعاب ـ
ـ اكتمال التوثيق لحكاية بت الدهب : أراه من أهم ما يمكن أن يحدث في منتديات البركل ـ لهذا وجد المنتدى ولهكذا أغراض أراه مهما ـ
ـ نحن في الانتظار على أحر من الجمر ـ
ـ كل كلمة تقال: هنا سيكون لها شأناً ...


الاخ صلاح مشكور على المرور
كلنا بصدداضافةالجديد لقصةالدهباية وعمسيب يحكي القصة شاهدا على العصر وقصته فيها الكثير من الحقائق.
التسجيل سارفعه قريبا في الموقع باذن الله.

[علي ود بت الكاتب]

اخونا علي ود بت الكاتب :- لك التحايا العطرة :نشتم في سردك رائحة وعبق تراثنا الاصيل ...فواصل اخي سردك لهذه القصة التراثية الرائعة التي سمعت بها مراراً وتكراراً وبروايات مختلفة وها قد جاء دورك لتنقل لنا القصة بلسان معاصرها شاعرنا المرحوم عمسيب تغمده الله بواسع رحمته ولا اظن ان بها اي شائبة طالما انها جاءت من مصدرها الاصلي وسنعتمدها بهذه الرواية الاصلية ..فواصل وبالطريقة التي تراها مناسبة طالما ان النهاية ستكون فائدة الجميع واهمها المحافظة على تراثنا الاصيل ،وياليتك أخي علي استطعت انزال الشريط بصوت الشاعر عمسيب وحبذا لو ساعدك أحد العارفين بانزاله وتكون بذلك وثقت صوت وحرف وفقك الله وسدد خطاك ،،


الاخ عاطف لك التحيه
مواصلون في ا لسرد والشريط المسجل سيرى النور قريبا ليكون حكي صوت وكتابة
جزيل شكري

[علي ود بت الكاتب]

عمسيب في حضرة الدهباية ( 1 )

في اجازة من اجازاتي الى البلد زرت الشاعر عمسيب في منزله بالبركل جنوب وكان لي معه لقاءتم تسجيله في شريط كاسيت ما زلت احتفظ بنسخةمنه الشريط جاهز
بصوت الشاعر وكنت قد طلبت الفزعةمن الاخوة انزاله في الموقع ولكن مافي زول تقدم هذا الشريط يحكي قصةالدهباية بتفاصيلها علي لسان الشاعر عبددالرحيم عمسيب نسال الله ان يتقبله قبولا حسنا ويسكنه فسيح الجنان .
بالرغم من وجود القصص الكثيرة التي دارت حول القصة الا انني اعتبر الشاعر عمسيب شاهداعلى ذلك العصر.
ما دام الاخوة لم يتمكنو من سماع الشريط تجدني مضطرا الي نقل محتويات الشريط كتابة كماورد على لسان الشاعر.
هنالك مواضيع اخرى خلاف قصة الدهباية تتحدث عن تراث المنطقة سجلته ايضا في ذلك الشر يط وسانشرها باذن الله بعدالانتهاءمن قصةالدهباية
كما انه لدي ايضا شريط مسجل مع صاحبة القصة الاصلية الخالة زينب بابكر ابوصرة
سينشر ايضا بعدنهايةلقاء عمسيب . بعد هذة المقدمة هاكم الحكاية .
في الجبل ......جبل ود الكرسنى كان في نسوان يرعن الغنم .. رعاية البهايم...جنب الجبل واحدي اسمها صبر زين ... وواحدي اسمها عاشة مرت ود عوض ..... واحدي اسمها التومة بت بخيتة ومعاها بنتها امنة ......... وواحد ولد اسمو كمال الدين...........في الليل وقع هواء شديد ....كشف ليك الدهباية....بت الملك ...دهب عنج
اصلي .....ماكانت هي تحت التراب ... قام الهواء كشفا بقت فوق وش الواطه
....جات البت ا لبقولولا امني ... قالت لي كمال الدين امشاك النلقط الجعارين...في الجبل فوق....كانن النسوان ينضمنها مع الدهب...... طالعين.....طالعين .....
ماشين لا فوق .... لقو الدهباية دي مكشفة ....حمراء مولعة نار .....قامت البت
قالت لي كمال الدين....شوف دي يا كمال.... كمال شوف دي ...... كمال الدين خمشا وقام جاري........ وجاري ........وجاري..... والبت جاري وراهو....... لحدي ما وصلو
صبر زين ... كمال قالها...... شوفي دي يا حبوبة ........قامت صبر زين لوت الدهباية في عبها.... جات بت السكسوك تبقى للولد عمتو....... طوالي قالت لصبر زين تشيلي دهبة ود اخوي اصبر زين ....تشيلي دهبةوداخوي .... وقامن كدي اتكافتن هناك...... اخر حاجة ماشات........ وماشات قالن نروح النقطة..........
بعد ما قالن نروح النقطة....اتفقن يمشوعن ناس ود عوض......كان زمان بيكيل التمر
اتفقن يقطعن قطعة من الضفر.......... خلي بالك الضفر ده يجيب وقية من تقلها....... الضفر ده يسكتوبو كمال الدين.... ويسكتوبوالبت...وبعدين بعدما تثبت الحركة شوية
يجن يقسمنها النسوان على راسن وهن صبر زين وبت سكسوك زينب وعاشة مرت عوض............... ونواصل



عمسيب في حضرة الدهباية ( 2 )

يجن يقسمنها النسوان على راسن وهن صبر زين وبت سكسوك زينب وعاشة مرت ودعوض............... ونواصل



اتفقن الحريم علي القصة دى ... وحلفن اسم الله ما في واحدي تطلع السر ده....... وقامن دفنن الدهباية تحت الزير زيادة علي الحليفى.. انو ست البيت دي ما تخونن ........ دفنوها تحت الزير زي متر كدي بعد ما قطعوا منها قطعتين صغار من الضفر ... وادوهن بت السكسوك عشان تدي واحدة لي كمال ...والنانية....... لامنة بت التومي ... عشان الحركة تبرد ....كانت الدنيا هايجة....
بعد شوية خلي بالك الولية بت السكسوك قامت شالت الحتتين الصغار... .... وختت في محفضها الكان مفروض تد يهن لكمال وامني..... لكنها عملت عليهم نايمة........ هني ام البت التومي جوها قالو ليها بتك دقدقوها وشالودهبا........ طوالي مشت وراحت لي صبر زين .... قامت صبر زين كفتتا......... من هناك طوالي راحت النقطة .... فتحت بلاغ.... راحت بلغت.......... .عندالبوليس...
كان في النقطة واحد امباشة .. يقولولو أبكر.... أهلومن هنا........ من شبا...من هني ..........
فتحت البلاغ وكان في النقطةواحد تاني ... عسكري يقولولو ود مريمي نسيبا لي مدني.....
المغرب والدنيا رمضان....تصدق جو طوالي لي بت السكسوك .......... بيتا بي هني.....
كان الامباشي ود ابكر...... وودمريمي من الحوشا ب ... عسكري عادي...كان شايل بندقية........
المرة طبعا قلبا ضعيف..... علي ابكر قال لها..........فين الدهباية.......مرقتلو القطعتين من
محفضتها.....قالت لو ....تاخد جناي دي قسمتي.... دي قسمتي اللدوني ياها............
الشاويش قال........ ها........ هو.......ايوه في زي دة ..... كدي .......... اتاري في دهب
اتاري في دهب صح........ساقوها ومشو ........حشروها.......... وجابومرة ود عوض حشروهن
سوا ...........اها بعدين........ شوية بعدين كدي....... شوية .....لامن قيلن هنا ك في النقطة
وتاني قيلن.... تمن الثلاتة ايام.....جا علي ابكر الامباشة........ قال للمرة دي .... مرة ود عوض

.......... قالها .... انتي اعملي نايمة......... دهباية شنو..... وكلام فاضي شنو الدهباية خليها بيناتنا ..... النص
يعني انا وانتي بس .........اسكتي عليا بس انا وانتي ... قام وداها البيت.......طبعا بعد التلاتة ايام .........
طبعا سادنها ....لا أكل لا شراب ........... كويس مشت مستسلمة .

ونواصل

[صلاح هاشم السعيد]

أخونا/ علي ود بت
المشكلة الحقيقية والأهم التي نعاني منها عند التوثيق لـ(منطقتنا تحديداً) هو لجوء الموثق للانتقاء المتعمد لوقائع دون غيرها ـ بمعني تحقيق جزء واسقاط جزء "بمقصدية" وليس عفو الخاطر أو لنقص في المعلومة ـ الأسباب متعددة هنا ـ أغلبها اجتماعية واخلاقية احياناً ـ أيضاً مفاهيمية حول تفسير معنى التاريخ بالإضافة لعدم الصرامة العلمية ـ ببساطة قد تدخل المجاملة ـ هذه أمور قد تعرض التاريخ للتشويه ـ كذلك أرى أن المسألة أكثر تعقيداً من مجرد سرد الأحداث ـ وأعتقد أننا نحتفي بالتحقيق على حساب التفسير أو هكذا نفهم مسئوليتنا التوثيقية ـ بالرغم من ضرورة الدراسة الأفقية للفترة التاريخية المتعينة ـ بمعني ظرف المنطقة وقت الحدث ـ نحن لا ننفي دور الأفراد في تحقيق التاريخ كفاعل إيجابي على أرض الواقع ـ ولكن المكان والزمان والجماعة داخل "الظروف الفكرية والثقافية والاجتماعية السياسية والاقتصادية والاقليمية" ـ كعوامل "تشكل الدافع الحقيقي لصناعة التاريخ" نقول هذا حتى لا نصبغ القدسية على الافراد فيتعذر علينا نقدهم ـ وبالتالي: التفكيك واستقاء العبر من الحدث نفسه.. على كل حال : يمكن إجمال قواعد التوثيق في الآتي : التحري الدقيق للموضوعية، والابتعاد عن الذاتية والإيديولوجية، والالتزام الصارم بالأمانة العلمية في النقل والتوثيق من المصادر التي لا يقوم التوثيق إلا عليها ـ
ـ أعجبني هنا ـ انك تخطيت كل العوائق بنقل الكاسيت ـ بنفس الكلمات والجمل ـ والتوقفات ـ والاشارات ـ
لك مني التحية والتجلة ـ ولك القيام حتى تأذن لنا بالجلوس ـ لما تفعله هنا ـ

[علي ود بت الكاتب]

أخونا/ علي ود بت
المشكلة الحقيقية والأهم التي نعاني منها عند التوثيق لـ(منطقتنا تحديداً) هو لجوء الموثق للانتقاء المتعمد لوقائع دون غيرها ـ بمعني تحقيق جزء واسقاط جزء "بمقصدية" وليس عفو الخاطر أو لنقص في المعلومة ـ الأسباب متعددة هنا ـ أغلبها اجتماعية واخلاقية احياناً ـ أيضاً مفاهيمية حول تفسير معنى التاريخ بالإضافة لعدم الصرامة العلمية ـ ببساطة قد تدخل المجاملة ـ هذه أمور قد تعرض التاريخ للتشويه ـ كذلك أرى أن المسألة أكثر تعقيداً من مجرد سرد الأحداث ـ وأعتقد أننا نحتفي بالتحقيق على حساب التفسير أو هكذا نفهم مسئوليتنا التوثيقية ـ بالرغم من ضرورة الدراسة الأفقية للفترة التاريخية المتعينة ـ بمعني ظرف المنطقة وقت الحدث ـ نحن لا ننفي دور الأفراد في تحقيق التاريخ كفاعل إيجابي على أرض الواقع ـ ولكن المكان والزمان والجماعة داخل "الظروف الفكرية والثقافية والاجتماعية السياسية والاقتصادية والاقليمية" ـ كعوامل "تشكل الدافع الحقيقي لصناعة التاريخ" نقول هذا حتى لا نصبغ القدسية على الافراد فيتعذر علينا نقدهم ـ وبالتالي: التفكيك واستقاء العبر من الحدث نفسه.. على كل حال : يمكن إجمال قواعد التوثيق في الآتي : التحري الدقيق للموضوعية، والابتعاد عن الذاتية والإيديولوجية، والالتزام الصارم بالأمانة العلمية في النقل والتوثيق من المصادر التي لا يقوم التوثيق إلا عليها ـ
ـ أعجبني هنا ـ انك تخطيت كل العوائق بنقل الكاسيت ـ بنفس الكلمات والجمل ـ والتوقفات ـ والاشارات ـ
لك مني التحية والتجلة ـ ولك القيام حتى تأذن لنا بالجلوس ـ لما تفعله هنا ـ
شكرا جزيلا للمر ة الثانية اخو ي صلاح

الاهتمام يدل على ان اواصل في سرد بقيةالقصة للتوثيق
هنالك بعض الاسما ء للذين وردت اسماؤهم في رواية الشاعر عمسيب
هؤلاء اكن لهم كل احترام وليس القصد التشهير والهدف ينصب في نقل
الرواية كما حدثت دون تشويه للحقائق المعروفة لبعض من عاصرها
جزيل شكري وانا سائر على الدرب.

عمسيب في حضرة الدهباية ( 3 )
طبعا سادنها ....لا أكل لا شراب ........... كويس مشت مستسلمة

بعد ما وصلوالبيت قالتلو .. أحفر هني..تحت الزير .. قام حفر..حفر لا كدي .. لا كدي
جات مبنقري ..وطوالي على بالك..بس ما كضب.. ساقا طوالي ومشو سدوها لامن
ياخدالشي الدايرو..شال منها الايادي والاصابعين.. كراعا مافي.. طوالي خلي بالك
قام ضرب لي مروي..كان الزمن داك ..شايف.. المركز..كان في مفتش واحد.البلدما فاضية
في كريمي دي..كان هوالامباشة الوحيد المسيطر على كريمي.. في مروي كان في واحد
يقولولوماكرين ..وهوكان قاضي يحكم.. وبعدين قامو خلي بالك .. هالو.. هالو مفتش مركز
مروي.. التقت دهبايى في الجبل
(مداخلة) هل العسكري شال منها شي؟
ايوه طبعا بعدما سدة الولية عاث الشي الدايرو..عاسو.. شال من الايادي.. والرجل دي اصلها
مافي....بس كان في رجل واحدة.. والايدين.. بعدين ..الرقبة مافي .. قام كيف طوالي بعدماشال
نظاموالدايرومنها..قام بلغ المركز.
الحريم المسكوهن كانو يرحلوهن من كريمي ليمروي بعربية..خللي بالك..السواق اسمو محمد عثمان الكلام ده كان في الثلاتين..كريمي دي كان مافيها اي عربية تقول دن.. والله تمشي بالشارع
معلمي الله ..ما في زول عندوعربية....شفت العربيةوكت تجي.. البطان يتلموفوقا.... شوف عيونا
يتفرجو..بالله..شوف عيونا نورن..الناس كانوبيجة.. كانو بيجة ..ماعندهن اي طايوق.
في واحد خواجة يقولولو يني.. في كريمي.. كان عندولوري ..زي الكركابة ديك الجابا العمدة..زمان تذكروا العمدة زمان كان جاب ليهولوري.. سواق اللوري كان يقولولو محمد عثمان ..كان يودي
النسوان ديل لي مروي...
يودوهن مروي .. يرجعوهن كريمي في الفترة دي مفتش مروي .. قام وزن الدهباية..جو وزنوها
عن فرح صايغ...بعد ماوزنوها حكم.. قام غرم بت السكسوك تلاتين جنيه.. التلاتين جنيه الزمن
داك عللي جابوها من ولادا من شندي..ما في زول في البلدعندوتلاتين جنيه واللهي مافي
زول يقولك عندوتلاتين جنيه.. بعدين صبر زين ماشالت حاجة لكن المفتش غرما عشرةجنيه
ود المقبول دفعا ليها..ماكرين القاضى قررالحاجات دي بي خمسينن جنيه.. صلي علي النبي
صبر زيندفع غرامتا دفعا ود المقبول.. وبعدين.. العشرة الباقي دفعتا مرة ود عوض عاشة
بعدين مدير الاثار صادق بي 311 جنيه للبت امني.... ال 311 جنيه دي في البلد ماكان في زول عندوقدرا. المبلغ دة.. ما في زول عندو..اغنى زول كان ود المقبول وود درقي وباقي ا لناس كلهم
ميتين .. ود درقي كان عندو زريبة في السكة حديد يجيب العيش من تلبون اخوه من القضارف وددرقي دة ماهوزولا هين.. بعدين ( كنجي ) دة كان ود المقبول .
زيادة علي المبلغ الكبير مفتش المركزصدق ليها باسهم في البابور .. بابور اشركة..كان مجوب جعفر سكرتير المشروع .. بعد اعتماد كلام المفتش بقت ام امني تجي طالعة تلقى الحريم مكسرات
القمح ده مسواتنو في القفاف..تجي طوالي تكشحو فوق القيساب .. تقولهن جيتن تسرقن في بابور امنه بتي..بعدين محجوب جعفرده.. انا جيت فايت من كريمي.. محجوب جعفر قالي غناك شنو
وللعلم ان الاغاني في داك الزمن كانت فكاهة تحكي القصص التى تدور في المنطقةوليس الهدف منها انقاص قيم الناس اوالاساءةاليهم على حسب ما ذكره عمسيب وهويكن كل الحب والود
الى ود عوض ..بت السكاسيك.. التومة.. امنه
طبعا بعد التومة قبضت القروش الناس قالو ليها حقوتدي عمسيب حركة مدام لقيتيلك 311 جنيه..
قامت طوالي قالت اديتو.. بخصوص الاغنية التي ساقولها..هي قالت انو عبدالرحيم غناللا عشان
ما اديتوقروش..لا..لا.. انا غناي دة الكت بقولو ماداير فيهورزق لكن طبعا كان عبارة عن فكاهة الناس دايما كانت تهتم بالحركات دي.... وما كان في زعل وحالتنا كانت على مايرام .
بعدين التومي..بس العالم كلو منشقل بيها.. التومة...التومي... بنتك البخيتي.. بنتك وصفا.. بنتك اللقت الدهباية.. بنتك العملت وعملت.... الناس كلهم يقولولا بس دايرين ناخد بتك عشان الدهباية
تجي المرة هني.. عاد الناس اليلاقوها في الدرب.. لمن تجي من مروي اي زول يقول لها يابت العمد
يابت الشكلك.. يا المة الاصلك بخيتي.. كانت تتكن.. وتغمت لامن تجي البركل
( مداخلة ) وين خبر كمال الدين ؟ .. كمال الدين طلع فلصو
اها نقول لكم القصيدة الاولى


قلتلا بابت الملك جوني واسجم امك التومي

التومي الفقدت شعورا ومال الملكي مو هولا
جات ترقص صفقولا دي الانضربن شطورا
وفوق دة دايرالا دبورة
حاج محجوب المروة والتومي الداخلة بالقوة
قلتلها بابور الشركة عندوحرارة فايري بطنوبي اقدارا
مسخنى طارطوليها شرارة الا تمرقي ياقمبالا
التومي منوالبجاجيكي والتومي منوالبماسيكي
انتى الله راميكي وسهوم الشركة تعميكى
شوف التومي وغباها وفي الدوليق افتراها
ود حسنة اظنوغشاها ( اظنه ود درقي )
ولاد ود جعفر بجوكي ومن البابوربكشوكي
ومن الدوليق بعدوكي
يا السهراني من عشية تفقطي في التلتمية
اصبح ما ليكي نية

نرجع تاني للدهباية بعد ما الدنيا صفت شلت الطورية ... طلعت محل الاثارات بعد ما قالو لقو
دهباية .. طلعت محل الاثارات .. الحمبك .. ده.. حفرت ..وحفرت.. ما لقيت حاجة .. قلت
دي ملكة وحارسا جان
وما بلقاها كل انسان
يعني البلقاها طفل اوزول بخيت


في رثاء بت الملك دنقل

قت ووب يا الملكة عازيكي وفي حوش ود عوض نبكيكي
بكاه هناك
دخلوكي في الحيشان انتي ملكة والله جان
وزيطك ضارب البلدان
يا ود فانة تعالي قوم دور العربية
مفتش مروي واقف لي انا متوجهة الظابطية
بالقدوم يقطعو فيكي قول قسمة وارادة عليكي
جات التومة مبلغي فيكى
ياود عوض كيف الشورة لي بت الملك ماسورة
تحت الزير تقول مهكورة
دي ملكة وحارسا الجان وما بلقاها كل انسان
اضربن قلوبكن بي ر حمان
ليه يا الصبر دقيتيها فوق ايديها جرحتيها
مفتش مروي مومخليها دي الله راضي عليها
مفتش مروي يوم جاني وفتح الخزنة يا اخواني
قال للتومي اتبني فرحانين ومبسوطين عليكي يالتومي ما حاسدين
المكسيم تقول شقال وراجل كسلا لي تعال
تشوف التومي في اطن الحال
وكت الامة مهجورة وعاد في مروي محشورة
وجاتني التومي منصورة
جاتني الملكة تترتل ورايحي التومي في البركل
بت السكسوك قالت ماني دايري ها الايدين
قالولا نديكى من الايدين قالت لا...لا......لالا
قالت ماني دايرة ها الايدين الا الفخدة في الكرعين
كراع الملكة في الصندوق عن زينب بت السكسوك
كراع الملكة في الدكان عنخلف الله ود سلمان

نسال الرحمة والغفران للاموات الذين وردت اسماؤهم
وطول العمر والمسامحة من الاحياء

[علي ود بت الكاتب]

عمسيب في حضرة الدهباية ( 3 )
طبعا سادنها ....لا أكل لا شراب ........... كويس مشت مستسلمة

بعد ما وصلوالبيت قالتلو .. أحفر هني..تحت الزير .. قام حفر..حفر لا كدي .. لا كدي
جات مبنقري ..وطوالي على بالك..بس ما كضب.. ساقا طوالي ومشو سدوها لامن
ياخدالشي الدايرو..شال منها الايادي والاصابعين.. كراعا مافي.. طوالي خلي بالك
قام ضرب لي مروي..كان الزمن داك ..شايف.. المركز..كان في مفتش واحد.البلدما فاضية
في كريمي دي..كان هوالامباشة الوحيد المسيطر على كريمي.. في مروي كان في واحد
يقولولوماكرين ..وهوكان قاضي يحكم.. وبعدين قامو خلي بالك .. هالو.. هالو مفتش مركز
مروي.. التقت دهبايى في الجبل
(مداخلة) هل العسكري شال منها شي؟
ايوه طبعا بعدما سدة الولية عاث الشي الدايرو..عاسو.. شال من الايادي.. والرجل دي اصلها
مافي....بس كان في رجل واحدة.. والايدين.. بعدين ..الرقبة مافي .. قام كيف طوالي بعدماشال
نظاموالدايرومنها..قام بلغ المركز.
الحريم المسكوهن كانو يرحلوهن من كريمي ليمروي بعربية..خللي بالك..السواق اسمو محمد عثمان الكلام ده كان في الثلاتين..كريمي دي كان مافيها اي عربية تقول دن.. والله تمشي بالشارع
معلمي الله ..ما في زول عندوعربية....شفت العربيةوكت تجي.. البطان يتلموفوقا.... شوف عيونا
يتفرجو..بالله..شوف عيونا نورن..الناس كانوبيجة.. كانو بيجة ..ماعندهن اي طايوق.
في واحد خواجة يقولولو يني.. في كريمي.. كان عندولوري ..زي الكركابة ديك الجابا العمدة..زمان تذكروا العمدة زمان كان جاب ليهولوري.. سواق اللوري كان يقولولو محمد عثمان ..كان يودي
النسوان ديل لي مروي...
يودوهن مروي .. يرجعوهن كريمي في الفترة دي مفتش مروي .. قام وزن الدهباية..جو وزنوها
عن فرح صايغ...بعد ماوزنوها حكم.. قام غرم بت السكسوك تلاتين جنيه.. التلاتين جنيه الزمن
داك عللي جابوها من ولادا من شندي..ما في زول في البلدعندوتلاتين جنيه واللهي مافي
زول يقولك عندوتلاتين جنيه.. بعدين صبر زين ماشالت حاجة لكن المفتش غرما عشرةجنيه
ود المقبول دفعا ليها..ماكرين القاضى قررالحاجات دي بي خمسينن جنيه.. صلي علي النبي
صبر زيندفع غرامتا دفعا ود المقبول.. وبعدين.. العشرة الباقي دفعتا مرة ود عوض عاشة
بعدين مدير الاثار صادق بي 311 جنيه للبت امني.... ال 311 جنيه دي في البلد ماكان في زول عندوقدرا. المبلغ دة.. ما في زول عندو..اغنى زول كان ود المقبول وود درقي وباقي ا لناس كلهم
ميتين .. ود درقي كان عندو زريبة في السكة حديد يجيب العيش من تلبون اخوه من القضارف وددرقي دة ماهوزولا هين.. بعدين ( كنجي ) دة كان ود المقبول .
زيادة علي المبلغ الكبير مفتش المركزصدق ليها باسهم في البابور .. بابور اشركة..كان مجوب جعفر سكرتير المشروع .. بعد اعتماد كلام المفتش بقت ام امني تجي طالعة تلقى الحريم مكسرات
القمح ده مسواتنو في القفاف..تجي طوالي تكشحو فوق القيساب .. تقولهن جيتن تسرقن في بابور امنه بتي..بعدين محجوب جعفرده.. انا جيت فايت من كريمي.. محجوب جعفر قالي غناك شنو
وللعلم ان الاغاني في داك الزمن كانت فكاهة تحكي القصص التى تدور في المنطقةوليس الهدف منها انقاص قيم الناس اوالاساءةاليهم على حسب ما ذكره عمسيب وهويكن كل الحب والود
الى ود عوض ..بت السكاسيك.. التومة.. امنه
طبعا بعد التومة قبضت القروش الناس قالو ليها حقوتدي عمسيب حركة مدام لقيتيلك 311 جنيه..
قامت طوالي قالت اديتو.. بخصوص الاغنية التي ساقولها..هي قالت انو عبدالرحيم غناللا عشان
ما اديتوقروش..لا..لا.. انا غناي دة الكت بقولو ماداير فيهورزق لكن طبعا كان عبارة عن فكاهة الناس دايما كانت تهتم بالحركات دي.... وما كان في زعل وحالتنا كانت على مايرام .
بعدين التومي..بس العالم كلو منشقل بيها.. التومة...التومي... بنتك البخيتي.. بنتك وصفا.. بنتك اللقت الدهباية.. بنتك العملت وعملت.... الناس كلهم يقولولا بس دايرين ناخد بتك عشان الدهباية
تجي المرة هني.. عاد الناس اليلاقوها في الدرب.. لمن تجي من مروي اي زول يقول لها يابت العمد
يابت الشكلك.. يا المة الاصلك بخيتي.. كانت تتكن.. وتغمت لامن تجي البركل
( مداخلة ) وين خبر كمال الدين ؟ .. كمال الدين طلع فلصو
اها نقول لكم القصيدة الاولى


قلتلا بابت الملك جوني واسجم امك التومي

التومي الفقدت شعورا ومال الملكي مو هولا
جات ترقص صفقولا دي الانضربن شطورا
وفوق دة دايرالا دبورة
حاج محجوب المروة والتومي الداخلة بالقوة
قلتلها بابور الشركة عندوحرارة فايري بطنوبي اقدارا
مسخنى طارطوليها شرارة الا تمرقي ياقمبالا
التومي منوالبجاجيكي والتومي منوالبماسيكي
انتى الله راميكي وسهوم الشركة تعميكى
شوف التومي وغباها وفي الدوليق افتراها
ود حسنة اظنوغشاها ( اظنه ود درقي )
ولاد ود جعفر بجوكي ومن البابوربكشوكي
ومن الدوليق بعدوكي
يا السهراني من عشية تفقطي في التلتمية
اصبح ما ليكي نية

نرجع تاني للدهباية بعد ما الدنيا صفت شلت الطورية ... طلعت محل الاثارات بعد ما قالو لقو
دهباية .. طلعت محل الاثارات .. الحمبك .. ده.. حفرت ..وحفرت.. ما لقيت حاجة .. قلت
دي ملكة وحارسا جان
وما بلقاها كل انسان
يعني البلقاها طفل اوزول بخيت


في رثاء بت الملك دنقل

قت ووب يا الملكة عازيكي وفي حوش ود عوض نبكيكي
بكاه هناك
دخلوكي في الحيشان انتي ملكة والله جان
وزيطك ضارب البلدان
يا ود فانة تعالي قوم دور العربية
مفتش مروي واقف لي انا متوجهة الظابطية
بالقدوم يقطعو فيكي قول قسمة وارادة عليكي
جات التومة مبلغي فيكى
ياود عوض كيف الشورة لي بت الملك ماسورة
تحت الزير تقول مهكورة
دي ملكة وحارسا الجان وما بلقاها كل انسان
اضربن قلوبكن بي ر حمان
ليه يا الصبر دقيتيها فوق ايديها جرحتيها
مفتش مروي مومخليها دي الله راضي عليها
مفتش مروي يوم جاني وفتح الخزنة يا اخواني
قال للتومي اتبني فرحانين ومبسوطين عليكي يالتومي ما حاسدين
المكسيم تقول شقال وراجل كسلا لي تعال
تشوف التومي في اطن الحال
وكت الامة مهجورة وعاد في مروي محشورة
وجاتني التومي منصورة
جاتني الملكة تترتل ورايحي التومي في البركل
بت السكسوك قالت ماني دايري ها الايدين
قالولا نديكى من الايدين قالت لا...لا......لالا
قالت ماني دايرة ها الايدين الا الفخدة في الكرعين
كراع الملكة في الصندوق عن زينب بت السكسوك
كراع الملكة في الدكان عنخلف الله ود سلمان

نسال الرحمة والغفران للاموات الذين وردت اسماؤهم
وطول العمر والمسامحة من الاحياء