المساعد الشخصي الرقمي

مشاهدة النسخة كاملة : تقنيه وسد

ايهاب نعملو
08-19-2009, 11:05 AM
ولعمرى لم اشهد او اسمع بأن ابناء احفاد مهيره ومنذ ايام الاستعمار وما تلاها من حكومات ديمقراطيه او عسكريه بأنهم خرجوا فرادا او جماعات لإستقبال رئيس او وزير والشاهد على ذلك كثير . فنئوا بانفسهم وترفعوا عن هبات الحكومات التى تدفع مقابل التصفيق والنفاق فكرسوا جهدهم وانفقوا من مالهم فيما يسمى ( بالعون الذاتى ) فبنيت الشفخانات والمدارس وقامت المشاريع الصغيره فصخروا الطبيعه ومناخها القاسى وكسروا طوق كل القيود فكان التحرر وكان العشق للمكان.
واليوم اتت الانقاذ لتصفق لهم وتكرمهم بإنجازاتها التى فاقت كل التصور فما سد مروى إلا اعجاز وشوارع الاسفلت التى طوت المسافات وكبرى مروى وغيرها وبالامس تشرف الرئيس البشير بخروج الكبار والصغار وهم يشمرون عن سواعدهم يصفقون ويرقصون على انغام الطمبور وكلمات الراحل المقيم ود بت حد الزين ( بلادى انا بلاد ناساً تكرم الضيف ) كانت بمثابة عهد ووشاح تلقاه البشير كأستفتاء شعبى وهو يتكرم بتخريج أول دفعه من كلية مروى التقنيه والتى بإذن الله سوف تكون مركز إشعاع يضيئ ويضيف لكل المنجزات داخل الولايه وخارجها فلنا ان نحمد الله ونشكره وحتى ان يتقبل الله لابد من ان نشكر هؤلاء ومن لا يشكر الناس لا يشكر الله
أبو الحُسين
08-19-2009, 11:22 AM
فنئوا بانفسهم وترفعوا عن هبات الحكومات التى تدفع مقابل التصفيق والنفاق


الأخ الحبيب إيهاب...

أولاً نبارك المشاريع القامت ونبارك للطلاب المتخرجين من الكلية...

لكن كلامك يناقض بعضو بشدة... يا أخي الحبيب الكلام القُلتُو فوق دا مشهورين بيهو جماعة الحكومة دي... والشاهد تسمية لبعضهم ناس "أنِحْنَا" عملنا وأنحنا تركنا...

الشكية لله... يا أخي الحبيب هناك واجبات أساسية يجب على الحكومة تقوم بها لمواطنيها أقلها ما تفضلت وذكرته...

لكن المؤسف يا الحبيب لمن تعمل لي كوبري وأنا جيعان... وتعمل لي كهرباء وأنا مرضان وتعمل مدرسة وأنا ما قادر أصرف على الدراسة... الفائدة منها شنو؟؟؟؟ الله عرفوهو بالعقل يا الحبيب...

إنت أصلح لي أساسيات الحياة الضرورية من تعليم وصحة وشبعني في بطينتي دي... بعدين لو عاوزني أهتف ليك لي بكرة بهتف...

لك مودتي...


أبو الحُسين...
الارباب
08-19-2009, 11:38 AM
الغالى ايهاب

الله اكبر الله اكبر تقنية وسد
نهتف اليوم والغد من ينجز وينتج

لكن كلامك يناقض بعضو بشدة... يا أخي الحبيب الكلام القُلتُو فوق دا مشهورين بيهو جماعة الحكومة دي... والشاهد تسمية لبعضهم ناس "أنِحْنَا" عملنا وأنحنا تركنا...

الشكية لله... يا أخي الحبيب هناك واجبات أساسية يجب على الحكومة تقوم بها لمواطنيها أقلها ما تفضلت وذكرته...

والحاجات الضرورية دى لمن ناس :::: مسكوا الحكومة اين هى
هل اقاموا كبرى على النيل
هل اقاموا كلية تقنية باسم :::

لكن المؤسف يا الحبيب لمن تعمل لي كوبري وأنا جيعان... وتعمل لي كهرباء وأنا مرضان وتعمل مدرسة وأنا ما قادر أصرف على الدراسة... الفائدة منها شنو؟؟؟؟ الله عرفوهو بالعقل يا الحبيب...

الكبرى يفك الجوع انشاء الله والكهرباء تمنع المرض انشاء الله

بعدين لو عاوزني أهتف ليك لي بكرة بهتف...

عاش :::: محتاجين للحناجر احسن ما تقرش صوتك مع الانقاذ
الانقاذ برجالاتها للانجاز وللهتافات
الله اكبر سير سير يا بشير
المبروك
08-19-2009, 12:58 PM
تحياتى لك بعدد الأيام الخوالى لكن والله محتاج أقول لك كلمة فى أضانك الجد واللا الجمبو الإنقاذ ما قصرت وأدتنا أكتر ما إتوقعنا ولعل سبب النبيشة الواقعة فيها الحكومة اليومين ديل جات من إنها مهتمة بى الشمال أكتر من غيرو والكلام دا بينى وبينك صح مو كدى ؟ ولو فى نقض كلام يبقى قلتو إنت فى حديثك قولى كيفن ؟ إنت بتطالب بالتنمية والبنيات التحتية والشى البتسوى فيهو الحكومة دا يا هو عين البوصلنا لى كلامك ويا جماعة بالشكر تدوم النعم وما فينا زول كان قايل بحضر السد فى عمرنا ولا يوم يسافر بى بص سياحى والللا يتعالج فى مستشفى تخصصى فى مروى واللا يسافر لى عطبرة وبورتسودان ويصلى العصر حاضر كدى النشكر عشان ربنا يزيد ويبارك والزول بى قليلتو بكوس سترتو زى ما بقول ود محمد خير والجاى أكتر بإذن الله
أبو الحُسين
08-19-2009, 01:05 PM
ولو فى نقض كلام يبقى قلتو إنت فى حديثك قولى كيفن ؟ إنت بتطالب بالتنمية والبنيات التحتية والشى البتسوى فيهو الحكومة دا يا هو عين البوصلنا لى كلامك


والله يا المبروك كلامك سمح تَب... ربنا يديك الصحة والعافية...

بس لكن وترتي الأنا عزفتها شايفك مشيت منها بي غادي... مع الجوع ماذا يفيد الكُوبري؟؟؟ ومع المرض وأسعار المستشفيات الغالية جداً ماذا تفيد جدرانها الأنيقة... ومع كثرة المدارس وقلة المعلمين فيها... وتكلفة الداخليات الباهظة وعدم القدرة على المواصلة ماذا تفيد... قول لي بربك...

لك مودتي... وشكراً للغتك الهادئة المهذبة... وقلمك يحكي عن إسمك...


أبو الحُسين...
الارباب
08-19-2009, 01:14 PM
نعم
يا المبروك
انه الانجاز
ما قدمته لنا الانقاذ يعجز اللسان عن الوصف عنه رغم انف الاعداء والحاقدين
التهامى كروم
08-19-2009, 01:20 PM
كل مرة اقول ما ادخل المنتدي السياسي
عشان بخاف اللوم لكن ثم لكن

كل ما اتزكر الوحل والتعب والعطش والسموم
والسفر يومين وتلاته والباص اتكسر وداك راكب
في العظمة وبطنه طامه من النطيط وداك جاء في
مطب وضرب راسه في السقف.

واعمل مقارنة مع السفر الان الاصبح زي اللعب
في 3 ساعات او اربعة او خمسة تكون في البلد
وانت نضيف .




اقول بارك الله في الانقاذ


كل ما اتزكر الوقوف في القيف في انتظار البنطون
وناس البنطون بي غادي بفطرو او بتغدو وهنا العربات
صفوف والشمس حاره والدرب كله فرناقه

واعمل مقارنة مع الحاضر في ظل وجود الكبري
يعني ممكن تغمض عيونك والعربية ماشه وتكون
ما عارف نفسك وين في - مروي و لا وصلته شبا

ما كده وبس
الان يمكنك ان تتحرك من بورتسودان الي دنقلا
دون وجود اي بنطون يعني بعد قيام كبري ام الطيور
+ كبري مروي + كبري دنقلا السليم


اقول بارك الله في الانقاذ

المقارنات كثيرة

حتي وجود السمك في مروي هو لصالح الانقاذ
:)
المبروك
08-19-2009, 01:22 PM
والله أنا حبيت أقول كلمة حق مفروض تنقال والشئ الإتعمل مو شوية وبصراحة ما كنا قايلين بنلقى نصو فى الزمن العلينا دا وبراكم يا إخوانا شايفين وعارفين الحاصل وبعد دا لو مشت الإنقاذ وجات أية حكومة ما أظن فضل ليها شى يتعمل والجوع البتتحدث عنو بروح بالخزان القام وزى ما قال حميد ودعوته لى قيام الخزان فى زمن كان يعتقد فيه بإستحالة ذلك وكأنه ضرب من رابع المستحيلات حينما غنانا بين الموجة والخزان حلم إنسان وبعد دا الباقى علينا وقعاد الخرطوم ما بنفع والحوامة والإغتراب بقى عندنا فى مروى والمساحة الفاضية وصالحة للزراعة حرم تكفينا وتكفى غيرنا ومن هنا بدعوك ونفسى والآخرين وأقول يلاكم نرجع ونزرع وشوف كان تلقى ليك زول جوعان بعد دا إلا أنحنا وبصراحة إتعودنا ننتظر الفرج من غيرنا واللا مو كدى وصدقنى دا ما كلام دفاع عن الحكومة بقدر ما هو كلمة حق ربنا بسألنا منها وأرح نشجع بعض ونسد الفرقة والباقى علينا ما على الحكومة واللا رايك شنو مع إحترامى الكتير وتقديرى
التهامى كروم
08-19-2009, 01:39 PM
العطا علي العطا
عمل مقارنة اكثر من واضحة بين زماااااااااااان واسه
في قصيدة مروي



مخيرة في رايا مروي تسوي الشي الشايفو كيفه
ولادها وما بنرضا ابداً نشوفا هي ذات يوم ضعيفه
حلفنا يمين ما بنقصر ولاداً قدر الحليفة
بهذا الكبري البنينا مروي اتعدلت ظروفها
بقت كالمدن العواصم معاها اتساوت كتوفا
كهارب الكبري المضوي منوري شبا لطريفا


والله يا العطا كهارب الكبري تتشاف من كريمة ومن فتنة واصبح مكان سياحي


طلقنا طريق المراكب قبيلك دخلتنا خوفا
نسينا عجاجة السقالة ولواري تزح في صفوفا

جد نسينا الفرناقة والعجاجي الطاقة والحق البنطون لا يكون اتحرك


سماحة بدال الكواري تكنتك للهوندا فولفا
رصفنا طريقنا ونسينا رمال القوز الكثيفة
وجري وصاجات المساعد البدفن الصاجة ويشوفا
البنرجا يتم اللساتك نحرسو يوزن البلوفا
كراسي النص يا حليلن حليل العظمة المخيفة
نشتت من اوسلي فللي بقينا دقيقا ابنقيفه
بقينا نسافر سياحي الكراسي مريحة ونضيفه
قاعد في الكرسي تفطر تجيك الوجبة الخفيفة
مع الزيتون في المربة وشرايح جبنه ورغيفا
نكركع في الريتش بارد وموية الصحة النضيفة
تجينا طراوة المكيف تخلي البص كلو زيفه
نعاين في السي دي نسمع ونقرأ نطالع الصحيفة
نشاهد الكاميرا الخفية ومقالب الكاميرا الطريفة
وكت منعونا السجارة بقينا نكوس في السفيفه


لا مقارنة بين السفر زمان واسه من حيث السرعة والراحة رغم حبي لسفر زمان


نعاين في امري الجديدة وظلال أشجارها الوريفة
نعيدو مسلسل حياتنا نمثلو ونعمل بروفه
كسح وابو زيد الهلالي وصابر وجابر الخليفة
يطالبو السواق يهدن يلف ام جقره ويطوفه
نأشر بالإيد نسالم في أم الحسن الولوفه
نحي قهاوي الحميدي معانا نقدر وقوفا
كريمة هي كانت معانا وتعدنا دايماً ضيوفا


ما بننساها تلك القهاوي فهي كانت لنا كواحة بين صحراء

وقريباً يا مروي منك نطير في طايرة انتنوفا
ندوس الزر بس تجينا تصنقر فوقنا المضيفة
رشاقة ورقة ولطافه نحس بي انها ظريفه
تباري رباطات حزامنا ِِ تطول بالها ووقوفا
توري مخارج الطواري تحاكي وتشرح نشوفها
وتقرا درجة الحراره تخلي الأجواء لطيفة


الان بمروي مطار من افضل المطارات بالسودان ويستقبل كل انواع الطائرات


ونسهل كل القواسي نتم الناقصي ونضيفا
كشفنا يكون بالأشعة أشعة ليزر خفيفة
علاجنا رنين مغنطيسي بعد مو الحلبه السفوفه
مريضنا يصنقر يقنب يضوق العافي ويشوفا


الان بمروي - المستشفي العسكري / والصيني وهي طفرة في مجال العلاج


ابشري مروي وابشري بشارةً دقت دفوفه
ولادك في الجامعة طلبة وعميد كليه ...وبروفا[]


اها قعدنا نبشر يالعطا
الارباب
08-19-2009, 01:51 PM
شكرا تهامى
شكرا للرائع العطا
وانشاء الله كل الشعراء عما قريب سيتركون مدح الاسياد ويمدحون الانجازات
وحتنى حميد عما قريب سيمدح البشير وفى النهاية الحكاية مصالح
مدح السابق بقى ما يغطى
التهامى كروم
08-19-2009, 02:04 PM
شكرا تهامى
شكرا للرائع العطا
وانشاء الله كل الشعراء عما قريب سيتركون مدح الاسياد ويمدحون الانجازات
وحتنى حميد عما قريب سيمدح البشير وفى النهاية الحكاية مصالح
مدح السابق بقى ما يغطى


العزيز ناصر
سلام مطبوق
:rolleyes:


هي وجهات نظر ليس اكتر او اقل
في بعض الاشياء نمدح الانقاذ
وفي اشياء اخري تكون لنا وجهة نظر
مختلفه عن تلك التي تنظر اليها الانقاذ

فالامر بين هذه وتلك
يعني الموضوع بالنسبة لي ما مصالح
ولكن رائي معين في موضوع معين
ايهاب نعملو
08-20-2009, 04:47 PM
الأخ الحبيب إيهاب...

أولاً نبارك المشاريع القامت ونبارك للطلاب المتخرجين من الكلية...

لكن كلامك يناقض بعضو بشدة... يا أخي الحبيب الكلام القُلتُو فوق دا مشهورين بيهو جماعة الحكومة دي... والشاهد تسمية لبعضهم ناس "أنِحْنَا" عملنا وأنحنا تركنا...

الشكية لله... يا أخي الحبيب هناك واجبات أساسية يجب على الحكومة تقوم بها لمواطنيها أقلها ما تفضلت وذكرته...

لكن المؤسف يا الحبيب لمن تعمل لي كوبري وأنا جيعان... وتعمل لي كهرباء وأنا مرضان وتعمل مدرسة وأنا ما قادر أصرف على الدراسة... الفائدة منها شنو؟؟؟؟ الله عرفوهو بالعقل يا الحبيب...

إنت أصلح لي أساسيات الحياة الضرورية من تعليم وصحة وشبعني في بطينتي دي... بعدين لو عاوزني أهتف ليك لي بكرة بهتف...

لك مودتي...


أبو الحُسين...العزيز ابو الحسن مافى تناقضات وجماعة الحكومه دى وصلوا للناس وقلوبهم بالكبارى والشوارع والسد وكل مشاريع البنيه التحتيه التى بإذن الله تجيب الخير وتزيل الجوع وتنور العقول ياسيدى الناس واعيه وماطلعوا وهللوا الا لانهم مدركون للحاصل . لك الود
ايهاب نعملو
08-20-2009, 04:55 PM
الغالى ايهاب

الله اكبر الله اكبر تقنية وسد
نهتف اليوم والغد من ينجز وينتج

لكن كلامك يناقض بعضو بشدة... يا أخي الحبيب الكلام القُلتُو فوق دا مشهورين بيهو جماعة الحكومة دي... والشاهد تسمية لبعضهم ناس "أنِحْنَا" عملنا وأنحنا تركنا...

الشكية لله... يا أخي الحبيب هناك واجبات أساسية يجب على الحكومة تقوم بها لمواطنيها أقلها ما تفضلت وذكرته...

والحاجات الضرورية دى لمن ناس :::: مسكوا الحكومة اين هى
هل اقاموا كبرى على النيل
هل اقاموا كلية تقنية باسم :::

لكن المؤسف يا الحبيب لمن تعمل لي كوبري وأنا جيعان... وتعمل لي كهرباء وأنا مرضان وتعمل مدرسة وأنا ما قادر أصرف على الدراسة... الفائدة منها شنو؟؟؟؟ الله عرفوهو بالعقل يا الحبيب...

الكبرى يفك الجوع انشاء الله والكهرباء تمنع المرض انشاء الله

بعدين لو عاوزني أهتف ليك لي بكرة بهتف...

عاش :::: محتاجين للحناجر احسن ما تقرش صوتك مع الانقاذ
الانقاذ برجالاتها للانجاز وللهتافات
الله اكبر سير سير يا بشير العزيز الارباب ابو الحسن لسع عايش فى زمن الفانوس بربك حل هذه المعادله وان غلبتك ارجع لبوست ابو الحسن ماذا قدمت حكوة الكيزان تجد الاجابه على ردى والمعادله هى :
تنكر+ كاروا = فانوس فى انتظار الاجابه
ايهاب نعملو
08-20-2009, 05:03 PM
تحياتى لك بعدد الأيام الخوالى لكن والله محتاج أقول لك كلمة فى أضانك الجد واللا الجمبو الإنقاذ ما قصرت وأدتنا أكتر ما إتوقعنا ولعل سبب النبيشة الواقعة فيها الحكومة اليومين ديل جات من إنها مهتمة بى الشمال أكتر من غيرو والكلام دا بينى وبينك صح مو كدى ؟ ولو فى نقض كلام يبقى قلتو إنت فى حديثك قولى كيفن ؟ إنت بتطالب بالتنمية والبنيات التحتية والشى البتسوى فيهو الحكومة دا يا هو عين البوصلنا لى كلامك ويا جماعة بالشكر تدوم النعم وما فينا زول كان قايل بحضر السد فى عمرنا ولا يوم يسافر بى بص سياحى والللا يتعالج فى مستشفى تخصصى فى مروى واللا يسافر لى عطبرة وبورتسودان ويصلى العصر حاضر كدى النشكر عشان ربنا يزيد ويبارك والزول بى قليلتو بكوس سترتو زى ما بقول ود محمد خير والجاى أكتر بإذن اللهالمبروك والله صحى مبروك ومابيزيد البركه الا الشكر والحمد ولو فى معروف عايز تسوى تانى تهمس فى اضان اخونا العزيز ابوالحسين ولك التحيه على المداخله
ايهاب نعملو
08-20-2009, 05:13 PM
كل مرة اقول ما ادخل المنتدي السياسي
عشان بخاف اللوم لكن ثم لكن

كل ما اتزكر الوحل والتعب والعطش والسموم
والسفر يومين وتلاته والباص اتكسر وداك راكب
في العظمة وبطنه طامه من النطيط وداك جاء في
مطب وضرب راسه في السقف.

واعمل مقارنة مع السفر الان الاصبح زي اللعب
في 3 ساعات او اربعة او خمسة تكون في البلد
وانت نضيف .




اقول بارك الله في الانقاذ


كل ما اتزكر الوقوف في القيف في انتظار البنطون
وناس البنطون بي غادي بفطرو او بتغدو وهنا العربات
صفوف والشمس حاره والدرب كله فرناقه

واعمل مقارنة مع الحاضر في ظل وجود الكبري
يعني ممكن تغمض عيونك والعربية ماشه وتكون
ما عارف نفسك وين في - مروي و لا وصلته شبا

ما كده وبس
الان يمكنك ان تتحرك من بورتسودان الي دنقلا
دون وجود اي بنطون يعني بعد قيام كبري ام الطيور
+ كبري مروي + كبري دنقلا السليم


اقول بارك الله في الانقاذ

المقارنات كثيرة

حتي وجود السمك في مروي هو لصالح الانقاذ
:)العزيز التهامى سعيد بهذه المداخله وانت تتزكر ايام العناء والتعب والنفس الدايماً مقطوع الناس ديل ريحونا وخلو نفسنا رايق للكوريك (الله اكبروسير سير يابشير) ربنا يحفظك لقول الحق وخليك مواصل ومتواصل
احمدسيداحمد
08-27-2009, 08:14 AM
تحية لك ابو الحسين
كل الكلام القلتو صاح
التعليم غالي ومتدهور
العلاج غالي
ثمن الاكل مرتفع
هل ياكل الناس الكباري
وبعدين الناس البصفقو في استقبال البشير منو
1-طلاب المدارس البيطلعوا غصبا عنهم
2-الموظفين الخايفين علي وظائفهم
ولا افراد الشعب البتسوقم العربات بالمجان يعني الواحد مابيجي يتكبد المشاق عشان يصفق للرئيس
وبعدين وين الانجازات الانفاق المابتصرف الموية زي نفق عفراء
انظر للصور




هذه الصور ماخوذة من بوست الاخ اسامة حمزة له التحية
هيثم ابوشيبه
08-31-2009, 05:46 PM
الحبيب ايهاب

قلت لي نفسي تاني ضمة الله ماني داخل المنتدي السياسي ده بس كل يوم بلقي نفسي قدر ما القي لي فرصه وافتح المنتدي اول حاجه فيهو بمشي عليها المنتدي السياسي في الباقي لي نحن شعب يعشق السياسه حد الثماله وما ظني في شعب في الدول العربيه عندو مقدار الوعي السياسي الموجود في السودان .......؟
الانقاذ ما قصرت مع شمالنا بعد فترة من التهميش عاني منه الشمال اكثر مما عاني منه من ينادي بالسلطه والثروة وغيرها
البنيات التحته الحمد لله ماشيه لي قدام
الجوع ... ابو الحسين ما ظني في لسه في السودان ظاهرة طوابير البشر امام المخابز في انتظار رحمة الفران وجوده وكرمه بلقيمات يقمن صلب المرء
لكم التحيه اخوتي وربنا يوفق الانقاذ لخدمة الشمال
أبو الحُسين
09-03-2009, 08:54 AM
العزيز الارباب ابو الحسن لسع عايش فى زمن الفانوس بربك حل هذه المعادله وان غلبتك ارجع لبوست ابو الحسن ماذا قدمت حكوة الكيزان تجد الاجابه على ردى والمعادله هى :
تنكر+ كاروا = فانوس فى انتظار الاجابه

الحبيب إيهاب... سلامات... تقنية و سد!!!

يا ريت تعليقك...

اتفاق لاستيراد كهرباء من أثيوبيا

صحيفة الرأي العام ـ عبد الرؤوف عوض

وقّع السودان اتفاقية لشراء الكهرباء من أثيوبيا بعد أن اكتملت عمليات الربط الكهربائي بين البلدين عن طريق الأبراج الناقلة للكهرباء. وزار الزبير احمد حسن وزير الطاقة والتعدين ومدير عام الهيئة القومية للكهرباء، أثيوبيا ووقفا على إكمال عمليات ربط البلدين بالكهرباء. وبناءً على هذه الاتفاقية سيقوم السودان بشراء فائض الكهرباء من اثيوبيا التي تنفذ الآن عدداً من السدود بغرض توليد الكهرباء.
ــــــــــــــــــــــــــــــــــ

مودتي...

الرابط :
http://www.rayaam.info/News_view.aspx?pid=371&id=26500
ايهاب نعملو
09-08-2009, 11:16 AM
تحياتى لك حنين ورمضان كريم ياخوى . تعرف السياسه دى ذى أكل الملوحه البيدخل يدوا فيها مابيقدر يطلعها وخصوصاً لمان تكون مظبطه ومخدومه و الجو بارد ياخوى والله لعابى جره اللهم انى صائم اوعدك بصحن ملوحه تحت مكيفاً بارد ونحمد الله الكهرباء ماليه البلد الا ناس الاستثمار والصناعه ديل عايزين يزاحمونا فيها لكن الحمدلله اخونا ابوالحسن ربنا يديه العافيه بشرنا بالخير وقال راح نستورد كهرباء من اثيوبيا للتنميه الحاصله دى بس الخايف منو ياحنين ناس الصناعه ديل مايصنعوا لينا ملوحه صناعيه
محمد تاج الدين بغدادي
09-12-2009, 07:30 AM
ولعمرى لم اشهد او اسمع بأن ابناء احفاد مهيره ومنذ ايام الاستعمار وما تلاها من حكومات ديمقراطيه او عسكريه بأنهم خرجوا فرادا او جماعات لإستقبال رئيس او وزير والشاهد على ذلك كثير .

انت عارف الكلام ده ليه ... مشكلتكم زي ما قلت ليك ان ثقافتكم ثقافة صحف..
الكلام ده لان زمان الزول بطلع على كيفو ... اما الان ياعزيزي الفاضل الطلوع بدفتر الحضور.. يعني الموظف الغلبان الما بطلع بتخصم منو حق اسبوع .. انا كنت هناك والله العظيم المسيرة كلها ناس المحلية والضرايب والكهربا والموية والمدارس .. لكن زول من تلقائي نفسو غير النشالين ما في تب


فبنيت الشفخانات والمدارس وقامت المشاريع الصغيره فصخروا الطبيعه ومناخها القاسى وكسروا طوق كل القيود فكان التحرر وكان العشق للمكان.


انت يازول عايش وين وقعد تجيب الاخبار دي من وين؟؟؟
انت شكلك قعد تتكلم عن بلجيكا وليس السودان...
انا لحدي قبل 4 شهور عندي ود خالي سفروهو دنقلا شان يقرا الثانوي لسوء الاحوال في كريمة ... وعندي بنت عمتي جابوها الخرطوم ..
حتى اذا بنو مدارس او جامعات فماهي الا زوبعه اعلاميه فقط لاغير.. نفس مباني الانجليز حولوها جامعات




واليوم اتت الانقاذ لتصفق لهم وتكرمهم بإنجازاتها التى فاقت كل التصور فما سد مروى إلا اعجاز وشوارع الاسفلت التى طوت المسافات وكبرى مروى وغيرها

اخي الفاضل ما معيار الانجاز الحقيقي عندك
الانجاز يقاس ب منتوجه وليس بعائده
سد مروي ليس الا مشروع استثماري لكل كينونات الاجهزة الامنية في الدولة..
بنو السد الكهربا غلت وبقت تقطع كتير(ياهو ده الانجاز)
ايهاب نعملو
09-12-2009, 10:07 AM
لك التحيه محمد بغدادى وانت اضافه بالتاكيد لهذا المنتدى اخى العالم اليوم عالم تكنلوجيا ومصادر المعرفه بالكوم وليس هذا هو الموضوع .
ذكرت يابغدادى انو الناس طلعت بدفتر الحضور والانصراف طيب الناس الصفقو ورقصو ديل بياتو دفتر ياخوى والمهم انت طلعت مع ياتو فئه الموظفين ولا الطلاب ولا النشالين ( حاشاك ود بغدادى)
المانع شنو تتحول سكنات الانجليز لمدارس وجامعات ولا شكلك ماعارف الاستقلال كان عام 1956
السد اضافه ياعزيزى سوا كان فى عائده ولا منتوجه وبربك ماالفرق بين المنتوج والعائد واذا كان خدم جهاز الامن فهذه محمده واللهم اجعل بلادنا امنه من الاعداء واعداء الوطن
محمد تاج الدين بغدادي
09-13-2009, 08:48 PM
وبربك ماالفرق بين المنتوج والعائد


اخي الفاضل ايهاب
اتمنى انك تجاوب على السؤال ده شان تكون ند للنقاش
ايهاب نعملو
09-15-2009, 10:17 AM
انا تكلمت عن بعض الانجازات وبالتحديد السد والكليه وسميت البوست تقنيه وسد وجيت انت بالحرف الواحد بتسأل ( انت يازول عايش وين وقعد تجيب الاخبار دى من وين ؟ ) ياربى السد والكليه دى كضبت ام ضبيبينه ولا ثقافة صحف ساى ؟ الشيئ التانى الما سألتك ليه ود خالك ده سفروا دنقلا يقرأ الثانوى عشان الاحوال الجويه فى كريمة ولا ياتو احوال ولا ياربى دنقلا دى ولايه فى بلجيكا وبرضو تقولى منتوج وعائد ونديه
الارباب
09-16-2009, 07:31 AM
انا تكلمت عن بعض الانجازات وبالتحديد السد والكليه وسميت البوست تقنيه وسد وجيت انت بالحرف الواحد بتسأل ( انت يازول عايش وين وقعد تجيب الاخبار دى من وين ؟ ) ياربى السد والكليه دى كضبت ام ضبيبينه ولا ثقافة صحف ساى ؟ الشيئ التانى الما سألتك ليه ود خالك ده سفروا دنقلا يقرأ الثانوى عشان الاحوال الجويه فى كريمة ولا ياتو احوال ولا ياربى دنقلا دى ولايه فى بلجيكا وبرضو تقولى منتوج وعائد ونديه

ايهاب
هو محمد دا وولد خالوا لولا ثورة التعليم
كان دخلوا كلية الطب
وبعدين اين هم فى عهدهم اين كباريهم وسدودهم
اين انجاواتهم ولم نرى اى انجاز للشعب السودان وكل همهم انجازاتهم الشخصية
هذه هى الانقاذ
هذه هى التنمية ويا من ذكرت الخليج الا تعرف بان الخليج فى السبيعينات كان اسواء من حالنا ولكنهم اتجهوا نحو التنمية خطوة خطوة ولكن نحن منذ السبيعينات حكوماتكم دمرتنا وزرعت فينا التخلف والذهاب الى الوراء
فهاهو العهد الجديد لسودان الخليج قد بدا والى الامام وربنا يبعد من السودان العوارض