مصطلحات من مخلات شايقي

[خالد حجة]

الاخوة في منتدي التراث:
التحية لكم جميعا ولكم جزيل الشكر علي مجهودكم هذا .
والشكر موصول لكل الاروتية القاعدين فوق التكم . انا بدعوكم كلكم العندو اي مصطلحات يذود بيها المنتدي حتي الجيل الجديد يكون ملم بيها .الحليبي وكل الاحوة المهتمين بالتراث . ولكم التحية...



ود حجة

[عثمان الحليبي]

خالد حجة لك التحايا.
وبلا شك أن امر التراث وتوثيقه أمر مهم بالنسبة لنا كوننا ابناء اناس كانت ثقافتهم راقية. وكانت افكارهم سامية. يجب ان نخلد لحياة اجدادنا. ونوضح مدى وعيهم بما يدور في الحياة في عقولهم غير المتعلمة تعليما نظاميا.
ولك مني كهدية مقطعين من شعر حبوبتك /فاطني بت الخبير ود حجة زوجة محمد ود فضل الله (ود السوق)حبوبة امك بشيرة ام ابوها. قالت في زمن ضيق ما وظهرت معادن الناس:

متين يا بشتنة .. ربك يعديك
وينعدل الوكيت ونمرق حكاويك
نشوف الاتفضح والانستر فيك

وقالت في اخلاق الناس ايضا وتقصد الحريم الماب ينسترن في بيوتن:

القصيرات لا يخودن
بنات الناس يسافرن فوق عروضن
يشيلن فوق تقل ويطرن جدودن
والرحمة لاخي محمد عثمان شقوري راوي الابيات. وما عنونته مصطلحات من مخلات شايقي ده موضوع جميل. لكن في عرفنا في البركل أن من يكتب بوستر عليه تغذيته وريه مرة مرة. واعتقد ان في دهاليز الحجاب ذخر أقدم من الحاجة نفيسة اطال الله تعميرها بيننا. أرجو ان تقدم لنا من شئ انا اثق في وجوده عندكم. مما تعتقون. الا تعلم انني قد نهلت من اسلوب علي فضل الله (فنو) في قصصه عن ست علوية الشريفية. ومن قصص العذابي التي كان يختلقها لنا علي الهواء مباشرة. ومما كان ينقله لنا رحمة عن علي حجة وعن فاطني بت علي. انا مشغول بمحيطي وأن تفرغت لخرجت لك بمصطلحات تسألني عن معانيها فقط تتاح لي فرصة مع الخليفة وخالته بتد السوق ومع بشيرة. او حتى قل الكامل ودعلي او حسن وداعة الله.