المساعد الشخصي الرقمي

مشاهدة النسخة كاملة : نزولاً عند رغبة الأخوان - شوية كلام في الموسيقى والدليب !- عثمان الدغيس


صلاح عبد النبي
10-28-2007, 10:35 AM
في المنتدى المهكور ابتدر الأخ عثمان الدغيس هذا الموضوع وتتالت الأقلأم فيه فكان هذا البوست من البوستات المميزة والتي فتحت مجالاً واسعاً للنقاش في هذا الموضوع الثر والجميل ..
سأحاول بقدر ما استطيع استعادة أغلب ما كتب في البوست القديم وأدعو الأخ عثمان الدغيس لمواصلة إبداعه وبقية الأخوة الكرام الذين ساهموا في هذا الموضوع الشيق ، وإلى بداية الموضوع :-

كتب عثمان الدغيس :-فجأة لقيت نفسي في موضع الخبير الإستراتيجي وتعالت علي أصوات حبيبة تطالبني بالكلام عن الموسيقى ، وللشهادة إني لا أملك في هذا المضمارمن مخزون إلا إنتمائي لهؤلاء النفر من شماليي السودان المسميين ( شايقية ) وسنوات من العمل ( كصفاق ) ومن بعد ذلك كعازف لآلة الأكورديون مع فناني الغناء الحديث ( وهذا ما يطلق عليه للتفريق بينه وبين الغناء الشعبي ) وللأمانه كله شعبي بس الأخير أدخلت عليه الآلات الموسيقية وبعض الموليديات اللحنية البسيطة ، وحتى وقت قريب كان دور الآلة الموسيقية هو نفس دور الكورس الزمان بمعنى كانت الآلة تردد نفس اللحن الموليدي الكان الكورس يردده بكلمات ، يعني ما عملت أي حاجة ، لكن _ وكخلفية تاريخية _ برز بعض العباقرة أمثال الكاشف وعبد الحميد يوسف ومن بعدهم بقية الفطاحلة والعباقرة في زمنهم ناس إبراهيم عوض وولدنا عثمان حسين و و و و و وأدخلوا بعض المحاولات اللحنية والمقدمات الموسيقية التي لا تشبه الكلام بتاع الأغنية ، فصار هنالك لحن أساسي لكلمات الأغنية ولحن مقدمة وكذلك لزمات موسيقية ، وهي مثل المونه البيقفل بها البناء العراميز !!!! ( أوع أكون عصرت عليكم يا ناس الموسيقى ؟؟) ليس هذا فحسب بل وأدخلوا بعض اللمسة الشرقية على أغنياتهم وده طبعاً بسبب التأثر بالمصريين الذين سبقونا في مجال الموسيقى الآلية ومن رواد هذه المدرسة العاقب محمد حسن وأحمد المصطفى وسيد خليفة رحمة الله عليهم أجمعين .

بعد هذه المقدمة المختصرة جداً والتي أتمنى ألا تكون مخلة نعرج للتعريف العام والمختصر للموسيقى :

الموسيقى تتكون من مكونين أساسيين :

الإيقاع والنغم

ولأن الثاني قد يتضمن الحديث عن إيقاع الدليب ، دعونا نبدأ بالنغم :::

الأنغام الموسيقية هي عبارة عن مدرج موسيقي يتدرج من أكثر صوت حدة إلى أكثرها غلظة وتتكرر الفكرة يمكن إلى ما لا نهاية ، وتنحصر تلك الأصوات في سبعة أنغام أساسية تتخللها أنصاف نغمات وأرباع نغمات ( مثل ما يوجد عند المصريين ) وخلونا هنا مع النغمات السبعة الأساسية والتي يتكون منها السلم الموسيقي الكامل ( السباعي ) وهي

دو
ري
مي
فا
صول
لا
سي
دو
ري
مي

وهكذا ......

وهذه النغمات السبعة كما قلت هي المكونه لما يعرف بالسلم السباعي ، أما عندنا في السودان يوجد ما يسمى بالسلم الخماسي ( يعني خمسة نغمات ) ويعني جميع الألحان السودانية لا يخرج تركيب نغماتها من تلك النغمات الخمس إلا لماماً ( بعض المحاولات المتأثرة بالموسيقي الشرقية سالفة الذكر ) وتتكون تلك النغمات الخمسة بحذف نغمتين من السلم السباعي وهاتين النغمتين هما النغمة الرابعة والسابعة من كل سلم ، يعني لو إفترضنا أن اللحن في سلم دو ميجر ( الكبير ) وعايزنو لحن خماسي نقوم بحذف حرفي ال ( فا ) وال ( سي ) من السلم ونركب اللحن المطلوب ...

أنا عارف كلامي ده زي الهضاريب ، وعشان كدة قلت ليكم في صدر هذا البوست إنو الموسيقى علم صعب بمعنى أنه يحتاج للتطبيق العملي أولا بأول علشان تتضح الصورة


لكن ما يهمنا في هذا المقام هو إن موسيقانا السودانية خماسية بحته وهي بهذا تشابه موسيقى بعض دول شرق آسيا ( الصينيين والكوريين وحتى بعض الهنود ) .

وكمان أصلنا لو جينا للحديث عن الطمبور فهو خماسي لمن غلط !!!!! بمعنى أصلا ما عندو نية يغير أو يطور نفسو !!! فهو خمس سلوك لا غير !!! أها في زول بغالتو يقولو ماك خماسي !!!!؟؟؟ والمصيبة الكبيرة إنو غير قابل للتطوير بشكله وفكرتو الحالية وغايتو ربنا يكون في عون أخواننا الفنانين الذي يتأبطونه ،

وعشان نوضح المسألة أكتر فنان الطمبور وعشان يغني براحته ويلحن براحتو المطلوب منو أن يكون عندو عدد ليس بالقليل من الطنابير بعدد السلالم الموسيقية المعروفة ويكون راصهن جنبو عشان يغني أي أغنية بالسلم ( الوزنه ) اللي يناسب اللحن ويناسب طبقة صوته ، عشان كدة أنا بقول فنان الطمبور مسكين والله وضايع وما قادر يطلع كل إبداعه لأنو مقيد بنظام عقيم _ بس حنين _ إسمو الطمبور ، في الوقت اللي فيهو فناني الغناء الحديث يغنو براحتهم خالص لأن كل المطلوب منهم عشان يغيرو السلم لكي يتناسب مع لحن الأغنية بس يلتفتوا للعازفين ويقولولهم إسم السلم المناسب والموجود أصلا في أي آلة حديثة وطبعاً مفقود في الطمبور (أبو سلما - وزنة - واحدة !!! )

وحتى لا يكون الكلام ممجوجاً ومملاً .... راجعلكم في الكلام عن الأيقاع والرد على مداخلاتكم

مع تريليونات مودتي،،،،،،،،،،،،،،،،،،،،،
ومن عندي أطعم ليكم البوست باللحن الجميل دة :

http://www.alnsri.com/upload/uploads/yashbh_alzhr_khalid.mp3

صلاح عبد النبي
10-28-2007, 10:38 AM
ثم كان أول المتداخلين أخونا أبو الحسين - الله يطراه بالخير - : فكتب قائلاً :-
الغالي أُستاذ/ الدغيس...

عمل جميل جداً يحكي عن دراية ومعرفة تامة بالموسيقى وفنوها... بس الشئ دي متفكي جاري (كَدِي) غالبنا نحوشها نقراها عِلِّي نجابد فيها وننقِّد فيها بالجنبي بالجنبي ....

كدي شوف لك طريقة وقفها ولَّة فوضنا بِعِكِّيمها ليك!

كميات مودتي...


أبو الحســـــــــــين...

صلاح عبد النبي
10-28-2007, 10:40 AM
ثم كتب الأخ أبو أيمن :-
الاخ عثمان...عمت صباحاً.....في سؤال داير في رأسي من وأنا صغير وسمعت بالسلم الخماسي والسباعي وإنو السودانيين يغنوا بالخماسي....لكن هذا السؤال ظل محبوساً رهن التردد...وعدم الاهتمام أحياناً....لكن مادام الفرصة جاتنا لاعندنا... والسؤال ماهو وجهاً لوجه....يعني إنبقا سؤالي أطرق...ترا ماك قدامي قلّب وشيك وأضحك علي زي ماك داير...مادام إني ماني شايفك...والسؤال هو:
لماذا إختار السودانيين السلم الخماسي مادام في سلم أحسن منو؟؟؟؟؟
ولماذا لم يطوروا أنفسهم وينتقلوا الى السلم السباعي بعد إكتشافهم لعجز هذا السلم في التعبير عن ألحانهم؟؟؟؟؟؟........وربنا يستر....عاد لاأسمعك تقول لي (آن لأبي حنيفة أن يمد رجله )...وأنا أقول لك آن لهذا الفارس أن يترجل..

صلاح عبد النبي
10-28-2007, 10:41 AM
عثمان الدغيس :-

الأخوة الأحباب أبو أيمن وصلاح عبد النبي
لكم كل الود والإعزاز على المرور والتعليق

أخوي أبو أيمن سؤالك ماهو أطرق ولا حاجة ، بل مشروع جداً ، لكن يبدو لي أن المسألة مرتبطة بالعنصر النفسي والتكويني في الإنسان السوداني ، وده كلام كبار بيعرفوه ناس علم الإجتماع والدراسات السكانية والحاجات الكبيرة دي ، إذ أن الموضوع مرتبط - في تقديري بالموروث الذوقي يعني هي مسعلة زوق وليست قصور في أي جانب ، وعلى فكرة معظم موسيقى الجاز والروك آند رول خماسية ، يعني القصة مش بالكثرة وإنما مسألة تذوق وبالتالي تخضع لمعايير تانية ، وتبسيطاً للموضوع الواحد مننا بيطرب لحسين شندي ولا كمال ترباس وما بيطرب لفريد الأطرش وأم كلثوم ، هل ده يعني إنو ناس شندي وترباس أفضل من الفطاحلة ديلك ؟؟؟ مع إحترامي لكل فنان ....!

أخونا صلا عبد النبي

أول شيئ أوعى تكون أخو محمد وخالد ؟؟!!

بالنسبة للإستفسارات التي طرحتها ربنا يقدرني وأكون خير مجيب ، خاصة والواحد شعر بأنو أمام زولا عندو خلفية ما هينة ،

بالنسبة لخمسنة السلم السباعي فكما ذكرت فإن المطلوب منك لكي تصل إلى السلم الخماسي لكل سلم ، أن تقوم بحذف النغمتين الرابعة والسابعة من السلم وتدور في اللحن وما ح تجيك عوجة !!

مثلاً سلم ري الكبير ( السباعي ) ( ري ميجور ) فهو بالترتيب التالي :
ري
مي
فا ( دي إس )
صول
لا
سي
دو (دي إس)
ري
مي

وهكذا

وده عشان تعملو خماسي كل المطلوب منك تشيل منه النغمتين صول ودو دي إس

وجاييك للباقي من تساؤلاتك
مع حبي

صلاح عبد النبي
10-28-2007, 10:43 AM
صلاح عبد النبي :-

الأخ عثمان الدغيس ..

بالنسبة لسؤالك الأول ..
نعم .. أنا أخوهم الكبير أو ما قبل الكبير .. يعني في واحد أكبر مني

ثانياً : أشكرك على التوضيح .. وبالنسبة للخلفية والله الحكاية جربندية ساااااكت ..
بدأت بالطنبور وطبعا دة العشق الأزلي .. ودة من أيام ما كنا طلبة في المتوسطة والثانوي
وبعد الانتقال للدراسة الجامعية في الخرطوم لقينا قدامنا آلات جديدة فأضفت آلة العود
ثم عشقت آلة الكمان وعزفتها لفترة مرافقاً لبعض فناني مركز الخرطوم جنوب وبعض الفنانين
المحليين لدينا في الكلاكلات ..
وفي يوم من الأيام عزف بجانبي عازف أكورديون ومجموعة من عازفي مركز جنوب ..وبادرني بسؤال
لماذا لم أسجل في المركز .. فأجبته بأنني لسع زول مبتدئ ..فطلع الراجل هو المسئول عن الفرقة
وقال لي أنه الشخص المسئول عن اختبارات العازفين وأنه خلاص اختبرني ونجحت في الاختباروطلب مني الحضور للمركز للتسجيل كعازف والدخول لدورات الموسيقى ..
ولكن .. بعد يومين من هذا الكلام كنت أحزم حقائبي وأتوجه نحو مطار الخرطوم مغادراً السودان في
رحلة الغربة (اللا يومي ويومك دة ) .. وطبعاً الباقي انت عارفو ... خلاص راحت علينا ...
ولكن بمجهود فردي أحاول من حين لآخر زيادة معرفتي بهذا العلم العجيب وغايتو وصلت لمرحلة
فك الخط في النوتة ..وباقي التجويد .. لو في العمر باقي ..
راجنك تكمل ..

ولك خالص مودتي ..

صلاح عبد النبي
10-28-2007, 10:44 AM
وأدلى الباشمهندس عادل عسوم بدلوه :-
عادل عسوم :-


الأخ العزيز عثمان الدغيس
بوست ينذر بتفاعلات طاردة للحرارة(دي طبعا عكس الماصة للحرارة والتي قد تحتاج لعامل مساعد أو مادة محفزة)
بخصوص الموسيقى فحصيلتي منها أكتر من أستاذنا صلاح عبدالنبي ....شي طنبور (بأجادة) وشي عود(المجاملين يقولون أني رائع) أما الكمان فأعلم أجادتي له....
بالنسبة للموسيقى فكما يقال( الذوق وليدالسماع) فقد أعتادت آذاننا (من قبل) السلم الخماسي طنبورا كان أم غيره ولكن بدانا في تلمس السباعي في أغاني الرائع( أبواللمين) وأبوعركي (أستمع بالله عليك لأغنية بخاف واسأل عليك الناس...فهي بحق تستحق جائزة مهرجان الأغنية العربي)...وكذلك الراحل مصطفى سيدأحمد ...والراحل الجابري( والذي أعشق أغانيه كثيرا).....وأجتهادات كلية الموسيقى والمسرح والتى (يكجنها ) البعض(وهم قلة) بأعتبارها قد شوهت الموسيقى السودانية ...,
لي النية (بأن أذاكر شوية) وأعود لدوحتك الجميلة هذه..ولكني قبل أن أختم...... فقد حضرت محاضرة في كلية الموسيقى والمسرح وأثناء حديث المحاضر ذكر أيقاع الدليب وقال كلاما ظل يتردد في ذهني ألى الآن..قال عن الدليب (الأيقاع الأعرج )....هل تتصوروا أنه الأيقاع الوحيد( الثلاثي) في الدنيا؟....بينما باقي الأيقاعات كلها مزدوجة...طبعا هو ثلاث دقات...(حتى الصفقة) رايكم شنو في النبذ دة ياجماعة؟.....

صلاح عبد النبي
10-28-2007, 10:45 AM
سيد البوست : عثمان الدغيس :-

جيتك يا صلاح

وعلى ذكر حكاية الخرطووم جنوب دي يعني قربت تعاصرنا هناك فقد كنت أنا من ضمن فرقة الخرطوم جنوب في الفترة بين 1993 _ 1997 وكنت تحديداً في فرقة عبد المنعم الخالدي وطبعاً برضو ناس عمار السنوسي والمرحوم إبراهيم عوض وناس محمد إسماعيل بتاع الكاشف وناس عمر إحساس والأطرش و و و و و

بخصوص بقية السلالم وزي ما وضحت ليك بتبتدي من الحرف وتنتهي في نفس الحرف الجواب يعني تبتدئ في القرار ( الغليظ ) وتنتهي في الجواب (الحاد) وبالطريقة دي أي قرار يقابله جواب حاد ونفس الحاد يقابله أحد منه ويكون له جواب وهكذا ، والمدرج النغمي بين القرار و الجواب يسمى ( الأوكتاف )
وطبعاً الأوكتاف الموسيقي يشمل بالإضافة للنغمات الأساسية السبعة أنصاف النغمات وأرباعها لمن يستخدمون السيكة ( المصريين ) والسيكة دي حاجة زي لحام يوضع في نص النغمة ليكون ربعين ، ده على حسب علمي بالأكورديون الحروفه ثابته وطبعاً الكمان ما محتاج يعملوا ليه سيكة بطبيعة الحال .

بالنسبة لمفتاح صول هو عبارة عن مفتاح لقراية النوتة يعني أساس يبين وضع حرف الصول بالنسبة للنوتة ويكون بموجبه موضع الصول في السطر أو الخط الثاني من تحت وبناء عليه تقرأ بقية النوتة ، يعني هو علامة أو مقياس تقرأ غلى أساسه النوتة الموسيقية وهنالك مفاتيح أخرى مشهورة مثل مفتاح لا وغيره .

ومسألة كيف تعرف الإيقاع المفروض تشتغل عليه النوته دي تلقاها في الميزان الموضوع أمام المفتاح في النوته وده كلام أنا سايبه لمرحلة الحديث عن الإيقاعات وسيكون أكثر تفصيلاً .
وعظيم شكري لنقاشك المثمر اللي ينشط على قولك

وتحياتي للأخوان محمد وخالد

صلاح عبد النبي
10-28-2007, 10:46 AM
استاذنا عثمان الدغيس يرد على باش مهندس عادل عسوم :-

الأخ عادل عسوم لك التحية والود اللامحدود

بالنسبة لإيقاع الدليب فعلا يسمى الأيقاع الأعرج وذلك ليس لأنه ثلاثي فهو ليس بالثلاثي بل 7/8 والإيقاع الثلاثي هو 3/4 ومثال للثلاثي إيقاغ أغنية الراحل خليل فرح عازة في هواك كما لعه أشكال تانية كثيرة منها مثلا إيقاع أغنية تباريح الهوى لمحمد ميرغني وأغنية خاف من الله على قلبي للرائع وردي وغير ذلك كثير لكن إيقاع الدليب هو كما ذكرت لك أعرج وذلك لأنه لا يمكن حسابه إلا من ثمانية بينما الإيقاعات التانية تحسب على أساس الروند ( 4/4 ) وكذلك ضعفها (8/8) ومضاعفاتهما ، ولي قصة طريفة مع واحدة سويسرية ذكرتها في موضع آخر وهي بإختصار إنو الخواجية في مهرجان الخرطوم للموسيقى سنة 1996 عقدتني عديييييييييل كده إلا ربك رب الخير ألهمني بإيقاع الدليب ( الأعرج ده ) وده الوحيد الأنقذني من العقدة !!!!!

وجاييكم راجع
مع كل حبي ....

صلاح عبد النبي
10-28-2007, 10:48 AM
عمر مجذوب خطيب :-

عثمان شكرا لهذا الجهد الجبار خاصة واننا نستمتع بالموسيقى لكن لا نعرف دهاليزها
دعنا نتابع ما تجود به وما يجود به المتداخلون الكرام والى الان برز صلاح عبد النبي وعادل عسوم
كاقرب ما يكونا للاعتراف بينما انا وابو ايمن وابو الحسين على باب الله نتلمس معرفة تلك المجاهيل
واكيد ان الشعوب لا تختار موسيقاها بل تكتسبها في سياق جدالها المتواصل مع البيئة الصوتية المحيطة بها
واسمح لي ان انقل وبتصرف ما قاله الصحفي الالمعي ابراهيم دقش ذات يوم دفاعا عن السلم الخماسي
قال دقش ان صوت القماري خماسي ووخرير السواقي خماسي الى اخره اي انه كان حريصا على تبيان صلة الخماسي بالبيئة والطبيعة لكن هل فاته ان بيئات الشعوب تتنوع وتتفاوت
ما علينا دعنا في خماسينا ده وللنظر للسباعي كسلم موسيقي محض وان لا نربطه باشكالات الهوية التي نحسها عرب وما عرب سجم ورماد
استمر يا دغيس

عمر مجذوب

صلاح عبد النبي
10-28-2007, 10:51 AM
ثم كتب صلاح عبد النبي في معرض رده على باش مهندس عادل عسوم :-
اقتباس:
بخصوص الموسيقى فحصيلتي منها أكتر من أستاذنا صلاح عبدالنبي ....شي طنبور (بأجادة) وشي عود(المجاملين يقولون أني رائع) أما الكمان فأعلم أجادتي له

ما شاء الله .. ياخوي يا عادل أهو أنت طلعت كبير الأساتذة .. شئ جميل ما في شك .. وبالصدفة طلعنا ماشين فوق درب واااحد .. (طنبور +عود+كمان ) ..
طبعاً الطنبور والكمان يشتركان في الرقة ورهافة الشعور والقدرة الهائلة على التعبير عن الإحساس
وهذا ما شجعني يا عادل على القيام بأعمال مشتركة تجمع بين هاتين الآلتين العجيبتين وفعلاً قمت
بتنفيذ أعمال عديدة مع الفنان الصديق عادل عثمان الطيب والفنان الرائع محمد جبارة وتسجيلاتي
مع عادل الطيب موجودة لكن أخونا محمد جبارة وبعد أن قمنا بتسجيل جلسة خاصة كانت
في منزل أخونا الشاعر السر عثمان وحضرها جمع كبير من الأخوة في جده وغنى فيها معظم أغانيه المعروفة بمشاركة الكمان أصر على أن لا يرى هذا التسجيل النور على أساس أنه يرغب في
القيام بتنفيذ شريط بمشاركة بعض الالات الموسيقية ومن الضروري أن لا يظهر هذا التسجيل
قبل شريطه المزمع تنفيذه .. (وأعتقد أن شريطه هذا سيرى النور قريباً ) ..وعلى كل حال أعتبرت هذا الموقف دليل إيجابي على نجاح التجربة رغم ما فيه .. والحمد لله كان العمل ناجحاً وجميلاً بشهادة الحضور ..
وأود بهذه المناسبة أن أتحسس رأي الأخوة المتداخلين عن تجربة إدخال بعض الآلآت الموسيقية
مع الطنبور .. وننتظر رأي أخونا عثمان الدغيس في المقام الأول .. وأتمنى أن لا يجنح البعض نحو
محور المحافظة على الأصالة وعدم التغيير وإن كنت أتوقع هذا .. ولكن المسألة في رأيي المتواضع
لا تمس أصالة الطنبور والغناء الشايقي بأي حال من الأحوال ..بل هي محاولة لزيادة ترسيخ الإيقاع
وتوسيع مدى الجمهور المستمع له ، والشكل الذي أقترحه وأراه مناسباً لهذه التجربة هي أن تتم
بواسطة فنانين يغنون أساساً بالطنبور ومع عازفي إيقاع يجيدون إيقاع الدليب الكامل مثل أخونا
ود العوض وتدخل بعض الآلآت الموسيقية معهم مثل الكمان والفلوت والاكورديون
وهي أقدر الآلآت في رأيي على مجاراة إيقاع الدليب الصعب لأن بعض الآلآت الوترية الأخرى مثل العود يصعب معها تكنيكيا مجاراة إيقاع الدليب لطبيعة عزفها المعتمد على التنقل بين الأوتار في زمن
قد لا يمكن من تنفيذ زمن الدليب المتفرد ..قد يستطيع البعض الاقتراب من الايقاع الصحيح ولكنه يظل
ناقصاً ومبتوراً وهو ما يسمى بدليب الخرطوم وهو ما يستخدمه معظم الفنانين الذين غنوا بألحان
في إيقاع الدليب ..
معذرة يا أخوة أنا سرحت مع الموضوع وطولت عليكم شوية .. لكن زي ما قال عادل عسوم البوست
دة بينذر بتفاعلات طاردة للحرارة

خالص مودتي ..

صلاح عبد النبي
10-28-2007, 10:52 AM
نادر البركلاوي :-كتب في معرض تعليقه :-


ماشاء الله وتبارك الله يا عثمان الدقيس الشي واطاطاتكن دي متين كربنتوها ورميتو تيرابا وبوقتوها ومسحتوها ؟
والله يا استاذ عثمان بالجد برقم اني اتبريت منك زمان لمن كنت بتذاكر دروس الموسيقى فينا لكن انا بستمتع بهذا الموضوع برغم انو قاسي وصعيب من اولو . لكن انا بركز على دروس الطمبور اشان عاوز اقشربها اصلي ما طال اني ما بقيت شاعر ولا بعرف ادق الطمبور اخير ابقى منظراتي في الغناء والطمبور .
وربنا يوفقك والأخوة اصحاب الشأن في هذا المجال وماشاء الله مرقو من الجحور .
ومنكم نستفيد ....
كل الود ،،،

صلاح عبد النبي
10-28-2007, 10:55 AM
ثم كتب صلاح عبد النبي :-

الأخ عثمان الدغيس
أملنا أن يتواصل هذا البوست رغم أن بعض الأخوة مثل البركلاوي أبدوا تخوفهم من صعوبته ولكن
أي علم من الطبيعي أن يبدو صعباً في البداية ولكنه يسهل تدريجياً ..

راجنك في موضوع الايقاع .. وبعدين أنا لدي قوالب جاهزة للمدرج الموسيقي والأشكال وكل العلامات
الموسيقية.. لما توصل لهذه المرحلة يمكنني أن أساعدك بها إذا لم تكن متوفرة لديك ..

خالص مودتي ..

صلاح عبد النبي
10-28-2007, 10:57 AM
عثمان الدغيس كتب :-


الحبايب عمر مجدوب ونادر البركلاوي
لكم كل التقدير والحب على إثرائكم البوست بالمثمر من التعليقات ، وبعدين يا عمر وعشان الزول يبقى فنان مش لازم يمشي ويشتغل عدادات ويحفظ ليهو نوتين تلاتة ينظر بيهن ويبرى بيهن الناس ، أشهد جميع الخلق إنك فنان بمعنى الكلمة وما تشتغل بي رأي علي سند في قمصانك !!

ويا أخونا نادر لك كل التقدير والمودة
وقلت لي كل العاوز تمرق بيهو إنك تتعلم ليك ثنظير تبرى بيهو الناس ، هو بالله في ناس في أمريكا فايقين للتنظير ؟؟؟

تسلم يا حبيب

مع بليونات مودتي ...!!!!

صلاح عبد النبي
10-28-2007, 11:00 AM
وكتب عثمان الدغيس :-

أخوي صلاح والله الواحد ما عارف ده توارد خواطر ولا توارد شنو ما عارف !!!!
موضوع محاولات إدخال بعض الآلات الموسيقية في أداء غناء الطمبور كانت ولا تزال هاجس يؤرقني والغريب إني بذلت مجهوذ وحاولت إقناع كل من محمد جبارة وصديق أحمد وعبدالرحيم أرقي ( وعلى فكرة كلهم صفقت معاهم ) بالمسألة دي ، عن صديق أحمد الله يديه العافية وافقني على الفكرة بعد مجهود جبار لكن ما أظهر لي تشجيع على تنفيذها

ود جبارة طبعاً نظر لي قدر ما الله أداه ولكنه كان عندو فكرة أياميها إنو يغني بالآلات الموسيقية لكن غناء حديث ( يعني طلوح بالفكرة لي قيفاً تاني !!!)

عموماً وطبعاً هي فكرة رائعة جداً ونتمنى يا صلاح لو إتلاقينا يوم ما وعملنا محاولات وأكيد ح تكون رائعة جداً وأنا لو كنت عارفك زمان كنت جيتك في الكلاكلة ودورت معاك ، لأني كنت مشغول جداً بالحكايي دي وما زلت !!

بخصوص الإيقاع يبدو لي جانب كبير منه ورد الكلام عنه في معرض ردي على أخونا عادل عسوم ... وجاييكم لمزيد من التفصيل لو ربنا قدرني

لكن يا صلاح أسع ده ما قروب عديل كدة !!! أكورديون وكمنجتين زائد بتاع طبلة كارب والفنان بي طمبورو يشتغل دور الجيتار ( الرزم ) وكمان لو أقنعنا بتاع ساكس أو فلوت وحفظناهم ياها الناقصة وتمت ،،، ولا شنو ؟؟؟!!!

مع مودتي ....

صلاح عبد النبي
10-28-2007, 11:02 AM
ثم كتب عمر مجذوب خطيب :-

يا صلاح اتذكر زمان صديق احمد غنا مع وردي وبعدين براهو بصحبة الكمان والالات الاخرى ورغم انقضاء السنوات ما زالت الاغنيات في ذاكرتي
التطوير مطلوب خاصة وان عشرات الاغاني الحديثة تؤدى بالدليب وسمعتها في السما
بس زي ما قلت لابد من وجود بعض العناصر الداعمة والضرورية للنجاح
راجين راي الدغيس

صلاح عبد النبي
10-28-2007, 11:04 AM
سيد البوست : عثمان الدغيس : كتب ما يلي :-

أخونا صلاح عبد النبي والله مشاركتك في البزست ده تعقد الزول عدييييل كده ، ونتمنى من بقية الأخوان ألا يبخلوا علينا بآرائهم عسانا وإياكم إضاءة بعض الزوايا المظلمة من هذا الجانب المهم من ثقافتنا وإحساسنا .

وبالجد يا صلاح عجبتني الفكرة بتاعة إنزال مادة فيها تجربة عملية ، والله تكون بالغت عديييييييل كده !!!!

بخصوص موضوع عدم تجويد إيقاع الدليب بالنسبة لغير أبناء المنطقة فهو بسبب أنه فعلاً إيقاع صعب التركيب وزي ما بيقول أهل الموسيقى ( مسنكب ) وبعدين حكاية السنكبة دي راجعلك فيها وفيها كلام كتييييير ، بس ما اردت ان أقوله أنه في رأيي الا ننحى بالبوست ده للمصطلحات العلمية والتنظير الكتير بقدر النقاش حول مشاكل الأغنية الشايقية ومحاولة طرح الأفكار الكفيلة بمعالجتها ،،، ولا ما كدي ؟؟؟ على الأقل عشان نوع ناس البركلاوي ما يشردوا مننا !!!!

صلاح عبد النبي
10-28-2007, 11:06 AM
صلاح عبد النبي :-

الله يديك أكثر من الفي مرادك يا عثمان
لكن كدي أقيف لي شوية مع حكاية (مسنكب ) دي .. صراحة أول مرة أسمع المصطلح دة رغم ملازمتي
للعديد من الموسيقيين .. لو تدينا بس إضاءة بسيطة عنه ..لأني بالاحساس الفطري بس لاحظت للقصور
الملازم لتنفيذ أعمال الدليب لفنانين من غير أهل المنطقة .. يمكن أقدر أفهم ..
أنا عند وعدي إن شاء الله .. بالنسبة لنماذج الأعمال التي سجلتها مع أخونا عادل الطيب بس ..أدوني مهلة شوية لأنها ما نازلة على الكمبيوتر يعني عايزة شوية شغلة .. لكن ما تغلى عليكم ..

صلاح عبد النبي
10-28-2007, 11:11 AM
أها يا أخونا عثمان الدغيس :
البوست تقريباً نقلت ثلث ما ورد فيه من معلومات ثرة .. وجبتلو ليك جاهز .. وليس هذا إلا رغبة مني في مواصلة الحوار في هذا الموضوع الذي يعتبر جزأً أصيلاً من ثقافتنا وتراثنا .. ورغبة مني في اطلاع الأخوة الأعضاء الجدد الذين شرفونا في البركل الجديد على الموضوع .. وعلى فكرة دي المرة الثانية أنا أرفع البوست دة ..وحأواصل إن شاء الله في نقل الردود التي احتوت على معلومات أو اضافات من البوست القديم .. وإذا عدتم عدنا !! ولاّ :cool:

وهاكم الهدية بمناسبة عودة البوست :-http://aafat.org/upload/uploading/3oumalbetartun.mp3

المرهف
10-28-2007, 02:00 PM
الأخ الفـــــاضل صلاح عبدالنبي وكمان أخو الأفاضل خالد ومحمد

لك التحية والتجلة

والله بوست رائع بروعتكم إنت وصديقي عثمان الدغيس وانا والله أول مرة أشوف البوست لكن شئ جميل ومفيد وخاصة أنا حالي في الموسيقي حال أخوي عمر خطيب أتلمس معرفة تلك المجاهيل .
وما أدهشني الكثافة الموسيقية التي جادت بها قريحة صاحبي ود الدغيس والله يا عثمان (صحي المايعرفك يجهلك)وأحي فيك تلك الروح الجميلة في سردك الذي كلما طال أضاء ظلمتنا المسيقية .
وكذلك الشكر للأخ صلاح عبدالنبي لهذا المجهود الجبار وشرحك الجمييييييل ومقدراتك الموسيقية المرهفة .
ورغم إني ود الدغيس عاصرته من زمن الصفقة والطمبور إلي أن حظيت بلقائه في العيد بالدوحة وكنت شاهد عيان وهو يعزف في حفل ساهر كبير علي الة الاكورديون وكان في قمة الروعة ...لكن المفاجأة الأن هو أنه أستاذ وليس عازف فحسب فأهنئك بذلك ولا تبخل واااااااااصل ....


مودتي ،،،،،،،

طيبان
10-28-2007, 08:01 PM
في الإنتظار
يصيبني هوس
برصد الإحتمالات الكثيرة
ربما....
( درويش)...
شكرا صلاح عبد النبي....
شكرا مقدما عثمان الدغيس......
يللا نغني....

عثمان الدغيس
10-29-2007, 06:57 AM
الله يديك العافية التجمك في عضامك يا صلاح يا ود عبد النبي .... والله المجهود البذلتو في إعادة البوست ده يساوي أضعاف مجهودي المتواضع في سرد الموضوع وملابساته .. تعرف يا صلاح خليتني زي نوع الفنانين الما عندو شغلة بتجميع الفرقة ولا تنظيم البروفات ، بس يجي الحفلة وكمان بعد ما الفرقة تطلع المسرح وتبدأ في موليدية الأغنية الأولى وترديدها مرتين تلاتة ويقوم بتاع الساوند يمد ليهو المايك ويبدأ يغني ....!!

الله لا يحرمنا منك

أخوي المرهف

كم أسعدتني طلتك علينا .... فالبوست بوست المرهفيييييييين وإنت سيد المرهفييييييييييييين طبعاً وتطبعاً وليس إسماً ... ربنا يقدرنا ونفيدكم بما جادت علينا به الدنيا من شوية كلام في الموسيقى والدليب ....!

الأخ الغالي الدكتور طيبان

أشكرك على المرور وقد سعدت بإنضمامك لنا وللفرقة وده شرف كبير لنا ربنا يقدرنا ونكون قدرو
بالمناسبة يا طيبان صحي إنت أخو خالد عباس عبد الغني ( ولا إسم على إسم !!! ؟)
إن كنت فتحياتي لصديقي ورفيق دربي خالد وارجو تزويدي بمعلومات الإتصال به لو أمكن ...

وما سألناك عن السلطنة وشن سويت فيها وشن سوت فيك لا أسع ؟؟؟

ويا صلاح أكاد أفهم مرماك من إعادة الكلام عن السنكبة ( سانكوبيشن ) وده إسمها بالإنجليزية ... فأنا أعلم تمام العلم إنك زول عدادات وما بتفوت عليك حكاية السنكبة دي كأني بك عاوز الناس تعرف وتكون في الصورة فلا بأس من ذلك ..........

السنكبة بإختصارهي ( الخلفة ) في الإيقاع أو في (الخرشة ) عند العزف على الطمبوريعني بالعربي كده اللعب في الزمن أو في التيمبو ودايما ما بيعملوها بتاعين الإيقاعات أو الآلات الإيقاعية ( الجيتار والباس جيتار والدرمز ) لكن لجهل عند غالب الموسيقيين ال ( جربندية ) بتوظيف الآلات أوبمعرفة وظيفة الآلات التي يعزفونها تلقى ثلاثة أرباع الفرقة شغالة سنكبة حتى يضيع اللحن الأساسي أو الزمن الأساسي الذي وضع عليه اللحن..!!

وهذه أيضاً تذكرنا بحكاية الهارموني ... ومشكلة التعامل معه من قبل أنصاف المتعلمين من الموسيقيين والذين يحاولون إستعراض معرفتهم المتواضعة بالحروف الهارمونية المتناسبة مع اللحن والسلم المستخدم دونما إعتبار لسير اللحن العام ولا أذن المستمع العادي الذي يتوقع أن يسمع لحنا مفهوما ومحفوظاً له في غالب الأحيان ، فهي أيضاً مهمة يفترض أن تقوم بها بعض الآلات بعينها بينما تقوم بقية الآلات بعزف اللحن الأساسي للأغنية..

والهارموني لمن لا يعرفه ومن المعنى الحرفي للكلمة فهي تعني التجانس أو التوافق أو الإنسجام .. وهو موسيقياً عزف حرفين موسيقيين مع بعض أي في ذات الوقت والتوقيت وطبعاً المسألة تحكمها قواعد تنظمها فبينما تعزف الفرقة اللحن المجرد ،، تخصص بعض الآلات لعزف اللحن الموازي ( الخط الثاني ) وقد يكون هنالك خط ثالث حسب رؤية الموزع الموسيقي ....... وسنتعرض لهذه النقطة بشيئ من التفصيل لاحقاً ....

وعادة الآلات التي توكل إليها مهمة عزف الهارموني أو الخط الثاني تكون آلات النفخ والبيانو ويمكن أن يكون العكس فبينما تتولى تلك الأخيرة القيام بعزف اللحن الأساسي تقوم بقية الفرقة بعزف الخط الهارموني فالمعيار ذاتي وليس موضوعي ..

أنا مالي زي الكلامي بقي كتير كدي ؟؟ الشي كبرت ولا شنو ؟؟؟!

جاييكم راجع

صلاح ألحقني النفس إنقطع!!

صلاح عبد النبي
10-29-2007, 07:37 AM
الله يديك العافية التجمك في عضامك يا صلاح يا ود عبد النبي .... والله المجهود البذلتو في إعادة البوست ده يساوي أضعاف مجهودي المتواضع في سرد الموضوع وملابساته .. تعرف يا صلاح خليتني زي نوع الفنانين الما عندو شغلة بتجميع الفرقة ولا تنظيم البروفات ، بس يجي الحفلة وكمان بعد ما الفرقة تطلع المسرح وتبدأ في موليدية الأغنية الأولى وترديدها مرتين تلاتة ويقوم بتاع الساوند يمد ليهو المايك ويبدأ يغني ....!!

عثمان ود الدغيس .. سلامات يا زول يا رائع ..
دفعني إلى إعادة هذا البوست عدة دوافع .. أولاً ما وجده من استحسان وتفاعل مع العديد من أعضاء المنتدى السابق ..كيف لا وهو يسلط الضوء على واحد من أروع العلوم والأنشطة الإنسانية ..علم الموسيقى .. والتي لا أشك في تفاعل معظم البشر معها ..إما عازفاً أو مستمعاً ..
ثانياً : ما حواه البوست من مشاركات ثرة حول موضوع الدليب .. والذي يشكل عظم الظهر في ثقافتنا الغنائية ..وسأقوم إن شاء الله بنقل كل هذه المشاركات لإعادة إثراء النقاش حول الموضوع ..
ثالثاً : محاولة مني متواضعة لمواجهة هذه الهكر وإثبات أننا نستطيع أن نبني ما هدمه .. الله لا عادو ..

بس همتك معانا .. وما تقوم تسرح وراء العدادات في الدوحة وتنسى الموضوع:D:D
أنا شايف الحكاية ( لبّنت ) عندكم وحفلاتكم قاجة يا فردة (نستخدم لغة الماضي الجميل شوية ) !!

خالص مودتي ..

عثمان الدغيس
10-30-2007, 06:55 AM
أخوي صلاح

كل التقدير لما تقوم به
العدادات في الدوحة فعلاً مدورة مو زي بلدكم ديك الما تقدر تشغل فيها مسجل العربية إلا بالدس وبصوت منخفض .. الله يكون في عونكم

بس عندكم فرق كاربة في السعودية وعندي فيهو أصحاب قدام زي ناس بكري كسلا في الرياض وعبد الرحمن أبو سته والإتنين بتاعين كمنجات وأنا شفتهم في التلفزيون كم مرة وعلى إتصال دائم بيهم ..

منتظرين تعليقاتكم وإستفسارات الحبايب المهتمين

مع ودي ... كل الود

صلاح عبد النبي
10-30-2007, 10:13 AM
الأخ عثمان الدغيس ..
تحياتي ،،

وأشكرك على الاضاءة الوافية حول موضوع الهارموني في الموسيقى .. وحقيقة هو من أكثر ضروب الموسيقى التي تثير إعجابي حين أسمعه منفذاً بطريقة صحيحة .. وأضيف أن الهارموني يظهر ويكون واضحاً وجلياً حين ينفذ بواسطة مغنيين يؤدون لحناً جماعياً .. وأبرز ما طرأ على ذاكرتي الآن أداء البلابل في بعض أغنياتهم حيث كانت الرائعة هادية طلسم تقوم بأداء الهارموني كأبدع ما يكون وسط صوت شقيقتيها حياة وآمال ..
وكما ذكرت فإن الهارموني ينفذ بعزف حرفين موسيقيين مختلفين في ذات الوقت وأزيد شرحك بإضافة بسيطة هي أن هذين الحرفين يكون التناسب أو الهارموني بينهما في غير الجواب والقرار أي في حروف أخرى تتناسب بشكل آخر يعطي جمالية مميزة في الأداء الموسيقي ليخرج الأداء في تناغم بديع .. أرجو أن تكون معلومتي هذه صحيحة ..

واصل دندنة .. وأنا معك أشد من أزرك ..

عصام سرالختم
10-30-2007, 10:48 AM
الاخوان عثمان الدغيس وصلاح عبدالنبى
شوية كلام فى الموسيقى كان من اهم مواضيع المنتدى السابق (المهكور)
وقد وجد ترحيبا كبيرا وتفاعلا من كل الاعضاء لما فيه من معلومات ثرة وهامة .. ونتمنى المواصلة

اليكم رابط البوست القديم :

http://albrkal.com/forum/showthread.php?t=1113

....

صلاح عبد النبي
10-30-2007, 07:00 PM
الأخ عصام ..
شكراً نيابة عن الأخ عثمان الدغيس .. وإن شاء الله سنمضي فيه قدماً باستعادة النقاط المهمة من البوست المهكور ولا زال هناك الكثير الذي لم يقال في هذا الموضوع ..
بس خليكم معانا ..

خالص مودتي .

عثمان الدغيس
10-31-2007, 05:23 AM
الأخ عثمان الدغيس ..
تحياتي ،،

وأشكرك على الاضاءة الوافية حول موضوع الهارموني في الموسيقى .. وحقيقة هو من أكثر ضروب الموسيقى التي تثير إعجابي حين أسمعه منفذاً بطريقة صحيحة .. وأضيف أن الهارموني يظهر ويكون واضحاً وجلياً حين ينفذ بواسطة مغنيين يؤدون لحناً جماعياً .. وأبرز ما طرأ على ذاكرتي الآن أداء البلابل في بعض أغنياتهم حيث كانت الرائعة هادية طلسم تقوم بأداء الهارموني كأبدع ما يكون وسط صوت شقيقتيها حياة وآمال ..
وكما ذكرت فإن الهارموني ينفذ بعزف حرفين موسيقيين مختلفين في ذات الوقت وأزيد شرحك بإضافة بسيطة هي أن هذين الحرفين يكون التناسب أو الهارموني بينهما في غير الجواب والقرار أي في حروف أخرى تتناسب بشكل آخر يعطي جمالية مميزة في الأداء الموسيقي ليخرج الأداء في تناغم بديع .. أرجو أن تكون معلومتي هذه صحيحة ..

واصل دندنة .. وأنا معك أشد من أزرك ..


أشكر الأخوة المتداخلين صلاح سيد البوست بالإنابة وعميدنا عصام

ونشكر لك يا عصام إهتمامك بالبوست

بالنسبة للهارموني يا صلاح كلامك مظبوط هو عزف حرفين مختلفين وليس قرار وجواب إذ أن الأخير هو عزف نفس الحرف الموسيقي أو الدرجة الموسيقية بحالتين القرار ( الصوت الغليظ ) والجواب ( الصوت الحاد )

أما في حالة الهارموني فيكون التعويل على الدرجة وأبعاد الدرجات الأخرى في السلم من تلك الدرجة يعني أضرب مثلاً بسلم دو الكبير ( ميجور ) فعند عزف حرف الدو وهو درجة ال ( تونيك ) في السلم أو الركوز أو أساس السلم أو الدرجة الأولى فيمكن عزف الدرجة الثالثة معه فنعزف حرف ال ( مي ) وهكذا فكل أساس سلم يعزف معه عند إرادة الهارموني الدرجة التالثة ، وهذه قاعدة ثابتة ...

هنالك أيضاً درجة ال ( سب دومينانت ) وهي تسمى شبه المسيطر وهي الدرجة الرابعة من السلم وهذه تعزف مع الدرجة السادسة منه فيكون هارموني حرف الدرجة السادسة ال ( لا ) هو الرابعة ال ( فا )

المرتكز الثالث للهارموني هو ال ( دومينانت ) وهو يعني المسيطر وهو الدرجة الخامسة وما أحلاها درجة وما أحلاه هارموني ( أحبه جداً ) وقلائل هم من يستخدمونه في السودان ومثاله في سلم دو الكبير هو حرف الصول فهو يستخدم مع الدرجة الثانية ال ( ري ) و و و و شي عجيب ....!! يعني فعلاً حكاية رهيبة خلاااااااااااس

وعموماً فالهارموني يظهر جليا في ما يعرف بالمركبات الموسيقية ودي طبعاً علم كبير قائم بذاته ونحن بتاعين الأكورديونات متخصصين فيه لأن آلة الأكورديون بطبيعتها آلة هارمونية ، بل وتسمى في بعض البلدان بالهارمونيكا وليس كما هو معروف عن آلة الهارمونيكا الصغيرة التي تعزف عن طريق النفخ !!

كدي خلوني آخد نفسي وأجيكم صاد في حكاية المركبات دي ..

فتكم بي عاقي ،،،

أب شخيت
10-31-2007, 07:35 AM
والله ياخواني نحن الناس الجداد الما شفنا البوست دا قبل الهكر..باقي انا سبقت الهكر بيوم يومين (ويمكن أكون أنا الهكر زاتو..:D)..مشكورين والله العملتو مجهود عشان نشوف الحصل زمان شنو من نقاش ومداخلات...
انا أحب الموسيقى "لا علمها" وحاولت عزف الاكورديون وغلبي مسكت العود وغلبني برضو قبضت الطنبور طلعت اب قمبور..خليتن كلهن ماغساني الحسرة ومسكت البنقز لقيتو ماشي معاي شوية شوية..لكين خليتو لأنو براهو مابيطرب حاف بدون ملاح موسيقى..
حسع انا فضلت على "حديدة الإستماع" للموسيقى.. وبتذوق الموسيقى بشغف وبحب خاصة النقرشات الموسيقية البسمعة من بعض الألات المابعرفه "المخرمة مارقة" من خلال "فتحات" سياق اللحن العام..غايتو كان عرفتو وصفي دا وروني الحكاية البحبها دي إسمها شنو..ما اقعد اوصف فيها ساكت...بس ما تمقلبوني وتدقسوني:D:D...
يا ريت تقدرو لا قدام تجيبو "مقاطع" صوتية تلصقوها في مواقع الشرح عشان نفهم الشي البنسمعو ..مش عشان نسمع الشي الفهمناهو ..باقي انا فهمي تقيل في الحتات دي..
و أعزروني أنا هنا جاهل "جاهل عقل ما جاهل سن" باصرولي حبة "سمع" معاكم..

صلاح عبد النبي
10-31-2007, 08:09 AM
الأخ أب شخيت ..
أولاً حبابك عشرة في بوست الدليب والموسيقى .. وأنا أدعوك لزيارة هذا البوست مرة مرة عشان تآخد نفسك وتنجمة شوية من البوستات المسخنة ديك والحتسخن زي بوست الشايقيات ورجالهن :D

الموسيقى يا عزيزي بحر لا ساحل له .. عذابها مثل عذاب الحب والعشق المجنون ..ومتعتها كذلك مثله !! .. وكون أنك مستمع جيد فهذا ضرب من ضروب الفن أيضاً .. فالكثير (والعياذ بالله ) لا يعرفون كيف يسمعون ! .
فهنيئاً لك على شغف التذوق والاستمتاع بما يشنف آذانك من نغم ..
ما تقصده أخي أب شخيت ومن وصفك الذي ذكرته فهذا والله أعلم يسمى لدى الموسيقيين (الصولة ) أي تقوم إحدى الالات بعزف النغمة الأساسية منفردة (صولو ) بينما تقوم بقية الالات بالمصاحبة بعزف ما يسمى (بالاكوردات ) أو قد يكون في شكل سؤال وجواب أو حوار بين الآلة المنفردة وبقية الالات ..
وننتظر تعليق أستاذنا عثمان الدغيس ..وأحيل له اقتراحك ..
ولك خالص شكري ..

عثمان الدغيس
11-01-2007, 06:39 AM
الأخ أب شخيت ..
أولاً حبابك عشرة في بوست الدليب والموسيقى .. وأنا أدعوك لزيارة هذا البوست مرة مرة عشان تآخد نفسك وتنجمة شوية من البوستات المسخنة ديك والحتسخن زي بوست الشايقيات ورجالهن :D

الموسيقى يا عزيزي بحر لا ساحل له .. عذابها مثل عذاب الحب والعشق المجنون ..ومتعتها كذلك مثله !! .. وكون أنك مستمع جيد فهذا ضرب من ضروب الفن أيضاً .. فالكثير (والعياذ بالله ) لا يعرفون كيف يسمعون ! .
فهنيئاً لك على شغف التذوق والاستمتاع بما يشنف آذانك من نغم ..
ما تقصده أخي أب شخيت ومن وصفك الذي ذكرته فهذا والله أعلم يسمى لدى الموسيقيين (الصولة ) أي تقوم إحدى الالات بعزف النغمة الأساسية منفردة (صولو ) بينما تقوم بقية الالات بالمصاحبة بعزف ما يسمى (بالاكوردات ) أو قد يكون في شكل سؤال وجواب أو حوار بين الآلة المنفردة وبقية الالات ..
وننتظر تعليق أستاذنا عثمان الدغيس ..وأحيل له اقتراحك ..
ولك خالص شكري ..



أخونا أب شخيت
حبابك عشرة بلا كشرة
وكدي أخدلك كرسي وأقعد تالا المسرح بي هني جنب العازفين عشان تكشِف للجكس !! أصلو العازفين وعشان يضربولك مزيكا تمام لازم يقعدوا قريب محل البنات أو مواجهنهن !! وده عن تجربة !!!

كلام صلاح مظبوط إن كنت ما تقصده الصولو لكن يا صلاح يمكن الزول ده يكون قاصد اللزمات الموسيقية ، ودي يا أب شخيت يا خوي زي المونه البيقفل بها البنًاء العراميز ...! ( ما تقول لي ماك عارف ( العراميز )؟؟!!

حكاية النماذج دي والله أنما زاتي بفكر فيها لكن العين بصيرة والإيد قصيرة بمعنى إني معرفتي أنا شخصياً ماها قدر ده ، البركة في صلاح ، وصلاح واعدنا بالكتير

لذلك نحيل طلبكم للسيد النائب الأول ..!

مع المودة

أب شخيت
11-01-2007, 07:30 AM
أخونا أب شخيت
حبابك عشرة بلا كشرة
وكدي أخدلك كرسي وأقعد تالا المسرح بي هني جنب العازفين عشان تكشِف للجكس !! أصلو العازفين وعشان يضربولك مزيكا تمام لازم يقعدوا قريب محل البنات أو مواجهنهن !! وده عن تجربة !!!

كلام صلاح مظبوط إن كنت ما تقصده الصولو لكن يا صلاح يمكن الزول ده يكون قاصد اللزمات الموسيقية ، ودي يا أب شخيت يا خوي زي المونه البيقفل بها البنًاء العراميز ...! ( ما تقول لي ماك عارف ( العراميز )؟؟!!


حكاية النماذج دي والله أنما زاتي بفكر فيها لكن العين بصيرة والإيد قصيرة بمعنى إني معرفتي أنا شخصياً ماها قدر ده ، البركة في صلاح ، وصلاح واعدنا بالكتير

لذلك نحيل طلبكم للسيد النائب الأول ..!

مع المودة

أخوي صلاح
من وصفك أنا ماني قاصد الصولة (ولا راجله الصول زاتو..:D)...دي زي البنقنق فوقنا الكمان براهو زي الساقية التورة فتران..الله يصرفه ما قاع أريده...يمكن "صولات؟" وردي البتعزفة مجموعة من الآلات مترادفة مع نهاية العزف اللحني الأساسي (عاشق معشوق) دي بحبها وزي دي برضو ظاهرة في (رحت في حالك نسيتني لعثمان مصطفى)...دا ما قصدي...
يمكن يكون أخوي صلاح وقع فوقه (وكسرت سنونو..:D)..إن شا الله تكون ياها باقي إسم اللزمة بتذكرو كويس..نحن زاتو ما عندنا في الطب (الأزمة الشُعَبية) زي ما إنتو عندكم (اللزمات الشَعْبية) في الغنا الشعبي المخلوت موسيقى..:D:D:D
والحدادين وحفارين الأبيار وغيرم برضو عندهم أزمة..
وناس الإقتصاد والتجارة عندهم (أزمة إقتصادية)...
وناس قريحتي راحت عنهم (أزمة مواصلات)..
وناس البايركس عندهم (أزمة عنوسة)...
هوووووووي
يا خواني لو ما وقفتوني عن حدي وأكدتو لي موضوع الإسم دا حا املالكم البوست باللغاويس بتاعتي العارفنها والموضوع ينحرف منحرف مابتدوروهو..
حسع أدور ليكم في (منحرف)دي زاته من المنحرف الزجاجي لحدى حرف الكسرة..الله يصبرني ساااكت..:D
أسرعوا أكدوا لي قبال أنفذ تهديدي..:D:D:D

بكرى سرو
11-02-2007, 07:24 AM
فوق .. فوق

صلاح عبد النبي
11-03-2007, 06:15 AM
يا خواني لو ما وقفتوني عن حدي وأكدتو لي موضوع الإسم دا حا املالكم البوست باللغاويس بتاعتي العارفنها والموضوع ينحرف منحرف مابتدوروهو..
حسع أدور ليكم في (منحرف)دي زاته من المنحرف الزجاجي لحدى حرف الكسرة..الله يصبرني ساااكت..
أسرعوا أكدوا لي قبال أنفذ تهديدي..
أخونا أب شخيت ..
والله حيرتنا .. ويا ريت لو تسجل الحاجة العاجباك دي وتختها لينا هني عشان نسمعها وبعداك نقول لك إسمها شنو .. ما بنقدر على التهديدات دي .. والله شنو يا عثمان؟؟

خالص مودتي ..

صلاح عبد النبي
11-03-2007, 06:17 AM
فوق .. فوق

الأخ بكري سرو ..

شكراً لك .. ورفع الله قدرك في الدارين ..

التوقيع
النائب الأول عن صاحب البوست :D:D

أب شخيت
11-03-2007, 07:54 AM
كنت داير أديكم هدية للإستماع "بالمزاج" لحدي ما أشوف ليكم لحن تكون فيهو مطلوباتي واضحة...بالتتبيظ ساكت غلبني ارفع ليكم ملف mp3...كان فيكم زول بيعرف اليوريني..بهراكم هري بالهدايا..:D

عثمان الدغيس
11-04-2007, 06:04 AM
تسلم أخوي صلاح

ومرحب بيك يا بكري وربنا يجيب عقابك

وحبيبنا أب شخيت والله عجبتني طلتك علينا بالحيييييييييييييييل ويا زول لخبت زي ماك عاوز البوست بوستك ( دي ماها بقت كدي ...!!) الله يجازي محني ..!!

وأتاريك قاصد دي والله حيرتنا معاك عديل كدي ... دي والله أعلم بيسموها بالإنجليزي كدي ( counter point ) ودي برضو بتلقاها في أغنية وردي أقابلك وتحديداً في ترديد ( أشوف الماضي فيك باكر أريتو باكر يكون هسع ( تا ريرم ) واللا أنا غلتان آ ب شخيت ؟؟ ياكا القاصدها واللا حاجة تانية ؟؟؟

وزي ما قلتلك لخبت زي ماك عاوز ... هو اللخبتة زاته ما فن والله شنو يا سلفاكير ..!!

عثمان الدغيس
11-05-2007, 06:26 AM
شنو يا أخوانا

مالكم صنيتو كدي وخليتوني ألعلع براي !!!!!!!!!!!؟

صلاح .الناس ديل قول لهن شي ... وييييييييينك يا أب شخيت مالك تحندك فينا كدي وتكب الزوغة ؟؟؟
ويا سلفاكير ولا أقولك يا أبو علوة ..! وين وعودك بمحاولة إنزال نماذج من شغلكم إنت وعادل عثمان الطيب ؟؟؟
وبعدين يبقالي ناخد لنا خمشة من لغة الفنانين البتشبه لغة الراندوك ... والتي لا يفهمها غيرهم إلا القليل ...

راجينكم يا شباب ..

أب شخيت
11-05-2007, 11:11 AM
شنو يا أخوانا

مالكم صنيتو كدي وخليتوني ألعلع براي !!!!!!!!!!!؟

صلاح .الناس ديل قول لهن شي ... وييييييييينك يا أب شخيت مالك تحندك فينا كدي وتكب الزوغة ؟؟؟
ويا سلفاكير ولا أقولك يا أبو علوة ..! وين وعودك بمحاولة إنزال نماذج من شغلكم إنت وعادل عثمان الطيب ؟؟؟
وبعدين يبقالي ناخد لنا خمشة من لغة الفنانين البتشبه لغة الراندوك ... والتي لا يفهمها غيرهم إلا القليل ...

راجينكم يا شباب ..

أخوي عثمان
انا والله قافل من زمان وشايل ورق نمازجي كلها ومنتظر واحد يديني كرتي الدايري طوالي خمسييييييييين تصن أضانكم..:D
أنا قلت ليكم قافل علي زول يوريني أرفع ليكم ملف صوتي كيف؟؟؟؟
أوعا أكون قافل علي كرت ميت وانتوا كلكم زيي في الرفع دا..!!!:mad::mad::mad:

عثمان الدغيس
11-06-2007, 05:00 AM
تشكر يا أب شخيت
بس ما قلت لينا هل الكلام القلناه فوق ده ينطبق على الحركة السألت منها وقلت عاجباك في الموسيقى ولا لأ ...!!

صلاح هاك المايك ده وإشتغل الصولة الجاية دي ...

صلاح عبد النبي
11-06-2007, 05:53 AM
شكراً عثمان على المايك الظريف ..
وحأديك صولة كمنجة تقول يا ليل ..
أخونا أب شخيت يطلب مساعدته في كيفية رفع النماذج للبوست .. والحقيقة أنا داخل في نفس المشكلة منذ اعادة المنتدى .. أنا أعرف الطريقة ولكن لم تعمل معي .. حاولت العديد من المرات ثم لجأت أخيراً إلى مهندس الموقع الأخ العزيز خالد الحاج وشرحت له ما أعاني وأنتظر رده مع تقديري الكامل لمشاغله الكثيرة أعانه الله عليها وعلينا ..
أخوي عثمان .. حاولت أيضاً أن أعود لنقل بعض المقتطفات المهمة من البوست المهكور ولكن للأسف أيضاً لم أتمكن من الدخول للصفحات المتعددة للبوست القديم.. دائماً تأتيني رسالة خطأ .. ولو تذكر دار نقاش وكلام كثير عن إيقاع الدليب وعن تعامل الفنانين مع السلم الواحد للطمبور وعن عمالقة الإيقاع والكورس في ديارنا الحبيبة .. كنت أود نقل كل هذه المداخلات مرة أخرى لطرحها على ساحة النقاش ولكني فشلت في ذلك .. وسأعيد المحاولة .. فلا يأس مع الحياة
ولكم خالص مودتي ....

عثمان الدغيس
11-06-2007, 07:42 AM
تسلم يا الحبيب يا الغالي صلاح

الرابط القديم أنا فتح معاي ..لكن أنقل منه كيف دي والله إلا يعرف ليها أخوي الطاهر محمد عثمان ...( الشي اللزيرق ده مسلط خلااااااااااس ) وأنا طبعاً معرقتي بالتكنولوجيا دي حدها أشغل جهاز الأورغ وأوزن مايك أكورديوني ... تاني ما بعرف التدعكني ...!!

غايتو الله يعينكم يا صلاح ويا أب شخيت

أب شخيت
11-09-2007, 02:52 PM
يا جماعة ما معقول المنتدى دا تسووهو زي بيت البكا ما فيهو أي غنا وموسيقى إلا البسيييييط جدا...
كان الناس ديل لو عرفوا كيف يرفعو الملفات الصوتية أكيد كل الكورنرات الموسيقية حانلقاها مرفوعة قدام قون الدغيس وصلاح...
كلنا نعرف الشايقية (قوم يعجبهم الطرب)...
يا جماعة ما في زول أخو بنات واللا أخت رجال...
يدلنا بعد إتدلدلنا..؟؟؟؟؟؟؟؟؟؟؟

صلاح عبد النبي
11-10-2007, 06:53 AM
يا جماعة ما معقول المنتدى دا تسووهو زي بيت البكا ما فيهو أي غنا وموسيقى إلا البسيييييط جدا...
كان الناس ديل لو عرفوا كيف يرفعو الملفات الصوتية أكيد كل الكورنرات الموسيقية حانلقاها مرفوعة قدام قون الدغيس وصلاح...
كلنا نعرف الشايقية (قوم يعجبهم الطرب)...
يا جماعة ما في زول أخو بنات واللا أخت رجال...
يدلنا بعد إتدلدلنا..؟؟؟؟؟؟؟؟؟؟؟

عزيزنا أب شخيت ..
معاك حق .. البوست دة لازم (يعج) بالطرب .. وأنا رجعت في كل صفحة ختيت أغنية .. ونحن الآن في الصفحة الثالثة .. في الصفحة الاولى ستجد العملاق محمد جبارة وفي الثانية العملاق محمد كرم الله .. وفي هذه الصفحة ..أتركها تتحدث عن نفسها
http://www.alnsri.com/grmake/1/alnas@3adelal6aib.wma

:-[/color
[color=#FF0000]والتحية لصديقنا الفنان عادل عثمان الطيب ..

أب شخيت
11-10-2007, 07:52 AM
أخوي صلاح
غايتو انا عجبتي أغنية الطابق التالت...المبدع ياهومبدع...
مشكور يا خوي...
لكين ليه دسيت "محافير" رفع الملفات الصوتية...ما قلنا ليك ورينا عشان نساعد..

صلاح عبد النبي
11-10-2007, 09:51 AM
أخوي صلاح
غايتو انا عجبتي أغنية الطابق التالت...المبدع ياهومبدع...
مشكور يا خوي...
لكين ليه دسيت "محافير" رفع الملفات الصوتية...ما قلنا ليك ورينا عشان نساعد..


الأخ أب شخيت ..
شكراً .. وإعجابك بأغنية الطابق الثالث في محلو .. فهي من كلمات وألحان شاعرنا المفوه محمد الحسن سالم حميد ..وأداء الفنان عادل لها لا يعلى عليه ..
أما من ناحية المحافير .. ما ني داسها والله .. لكن الشرح طويل ويحتاج للتوضيح بالصورة والقلم .. عشان كدة (بحتّة ) ليك بوست قديم كان كتبه الأخ خالد الحاج يشرح كيفية التعامل مع خواص المنتدى شرح واف ومفصل .. اتفضل اضغط على الرابط وخليك مركز في الشرح ..وإن شاء الله نشوف النتيجة في عمل مرفوع .. طبعاً أهم حاجة تكون الأغاني عندك في الجهاز موجودة بصيغة mp3 أو mwv عشان تعمل على الميديا بلاير أو الويندوز ريال بلاير وبعداك تقوم برفعها لمركز التحميل بالمنتدى (أو أي مركز تحميل ملفات آخر ) بواسطة أيقونة تحميل ملفات الموجودة مع الايقونات الرئيسية وبعد أن يتم التحميل تحفظ رابط الأغنية أو تعمل له نسخ حتى تتمكن من استخدامه عندما تبدأ في اعداد المشاركة الخاصة بك أو في أي رد على أي بوست موجود ..
طبعاً كدة شرحت لك نص (الهرجة) زي ما بيقولوا الجماعة عندنا هني .. والباقي لازم تتابعوا بالصورة .
وهاك الرابط :
:-
http://albrkal.com/forum/showthread.php?t=525

مودتي .

علي محمد سند
11-10-2007, 11:52 AM
عفيت منكن آ أب شخيت ويا ود عبد النبي

قلت لي الزول كان ما إستفزوه ماب يتحرك ...........!!؟

والتحية القلبية والتقدير للمبدع دوما عادل عثمان الطيب

وسمعت إنو هنالك إلبوم بين جعفر السقيد وعصام محمد نور في الأسواق
يلا يا صلاح (أتروا) لينا لأنو يخدم البوست بشكل مباشر

ولا شنو ؟؟؟؟؟

وإلى المزيد

عثمان الدغيس من لابتوب على سند

طارق علي صالح
11-10-2007, 06:54 PM
حقو كل صفحة في المنتدي يكون فيها طمبور

عصام سرالختم
11-10-2007, 09:01 PM
حقو كل صفحة في المنتدي يكون فيها طمبور


http://sudanyat.org/Khalid/SAM3.wma

http://sudanyat.org/Khalid/SAM3.wma

....

صلاح عبد النبي
11-11-2007, 05:59 AM
الأخوة الكرام .. الدغيس وأب شخيت ..وبقية الأخوة المتداخلين
الأخ طارق علي صالح .. والله اقتراحك جميل .. وأنا مستعد ..
الأخ عصام سر الختم .. للأسف الأغنية لم تعمل .. وأنا عندي نفس المشكلة في التحميل من موقع البركل .. لذا لجأت إلى مواقع أخرى ..
أما في طابقنا الرابع ..فرائعة من روائع الهرم المقاشي .. عشان ود الدغيس يبكي شوية!
وما بعدنا كتير من الطنبور ..
هاكم

http://www.alnsri.com/upload/uploads/minajelhobi.wma

عصام سرالختم
11-13-2007, 01:28 AM
الاخ صلاح عبدالنبى
كتر خير الريس خالد .. تدخل بى عملية جراحية وشغل الاغنية ( حسب طلبنا منه )
وفعلا هناك مشكلة فى التحميل من موقع البركل .. ونتوقع المعالجة السريعة من الريس ..
زادت روائع الطابق الرابع .. وموعدنا مع الخامس قريب

صلاح عبد النبي
11-13-2007, 05:33 AM
مشكووور أخوي عصام على الأغنية الرائعة جداً للفنانة حنان النيل ..
حنان النيل صوت نادر نجح بدرجة الامتياز في أداء أغنياتنا ساعدها في ذلك دراستها للموسيقى وفهمها العميق لهذا الفن .. تميزت بقدرتها الفائقة على الغناء في إيقاع الدليب الصعب وخاصة للذين هم من خارج المنطقة ..وفي تعليق ظريف لأحد أخواننا الفنانين بعد أن طرحت أول ألبوم طنبور لها في الأسواق .. قال والله الشافعي دي كان مشت فوق الدرب دة حتوقف حالنا مرة واحدة :D ولكنها للأسف توقفت بعد أن ختمت حياتها الفنية بشريط الطنبور الثاني الذي حقق رقماً قياسياً في التوزيع وضم العديد من روائع الأغنيات ..
الشكر موصول للأخ خالد الحاج وأثق في قدرته على معالجة مشكلة رفع الملفات ..
ونواصل إن شاء الله ..
تخريمة :
أخونا ود الدغيس .. إنت ما جيت ماشي بي جاي والله شنو ؟؟

عثمان الدغيس
11-18-2007, 05:41 AM
الأخوة الأحباب المتداخلين

الأخ النائب الأول والمفوض صلاح عبد النبي

لكم التحية والتجلة والمودة الخالصة

وأتأسف غاية الأسف للإختفاء الطويل عن البوست وعن الموقع بأكمله

و( حقيقتن ) النون دي عشان ما قدرت أجيب التنوين !!!! كان شاغلني موسم ثقافي بالدوحة ومشاركة متواصلة لمدة أسبوع بالقرية التراثية بكورنيش الدوحة .. وده موضوع كمان عجيييييييييييييييييب ودايرلو كباية قهوة من النوع الحبشي الساموطي داك .. لأنو فيهو تفاصيل مهمة للغاية خاصة بموضوع عادل مسلم وحيدر بورتسودان لو تذكرون ..

جاييكم راجع في التفاصيل ....

بس الواحد مطمئن على العقاب ما دام حارسو النبي حارسو الفنان الحبيب صلاح

وصلاح طبعاً بيقدر يسوي الما بقدر عليهو أنا .... يعني حكاية التحميل دي أنا ماني عارف يسووها كيف ...

لكن يا صلاح ما سمعت حاجة من الشافعي دي ...!! أغنية حنان النيل ما فتحت معاي ,,
كدي ورونا الحل شنو ؟؟؟؟؟؟؟؟؟؟؟

صلاح عبد النبي
11-18-2007, 06:08 AM
ود الدغيس ...
عييييييييييكك
آزول الحكايي شني ؟؟
والله قربت أحرد البوست دة .. لكن قلت ما نبقى زي الشريكين :D
سأظل ممارساً صلاحياتي كنائب أول !
وما حأخلي البوست دة يحتل تاني إن شاء الله ..
لكن والله واحلالللك ... مدوّر اسبوع كامل وفي كورنيش الدوحة ؟ الجبنة جاهزة بس جيب بنبرك وتعال أدينا التفاصيل ..

نخش في الجد ..
طبعاً في كلام كتير لسه ما اتقال .. رغم إنو عنوان البوست (شوية كلام ) ..
والفكرة تكمن في محاولة نقد وتحليل مسيرة الأغنية الشايقية منذ بدايتها وحتى اليوم مع رفع نماذج توضح هذه المسيرة بدءً بالنعام آدم وحتى فناني اليوم وهم كثر .. هناك مسائل كثيرة تحتاج للعرض والتحليل والنقاش .. وأبرزها تطور الايقاع وأشكاله المختلفة داخل إيقاع الدليب .. تطور الكلمة المغناة والمفردات .. تطور الشكل اللحني .. والموضوع كبير لكن نحاول تسليط الضوء عليه حتى نحقق شيئاً من أهداف الموقع في التعريف بفنون وتراث أهلنا وعرضها بشكل متخصص يخدم تطورها ..
أنا من جانبي مستعد لرفع النماذج ودي أظن أصعب مهمة .. ومسألة المناقشة والتحليل نساهم فيها جميعاً كل يدلو بدلوه ..

أها .. رأيكم شنو نبدأ مع دخولنا للطابق الخامس ..؟؟

خالص مودتي .

صلاح عبد النبي
11-18-2007, 06:10 AM
عثمان
نسيت أقول ليك .. عشان تسمع أغنية حنان النيل لازم تعمل ايقاف لأغنية عثمن حسين وبعدين تعمل play للأغنية التانية .

عثمان الدغيس
11-19-2007, 05:10 AM
لك التحية الحبيب الفنان صلاح

كلامك في محله ... الموضوع فعلاً شائك ومتشعب ويحتاج لمناقشة وتداخل كل الشباب من ذوي كافة الإهتمامات .. فهو ثقافة بمختلف أضربها وفروعها ومكوناتها وهو علم إجتماع وهو تاريخ وهو حضارة ..

أنا الحقيقة ( أحسن من حقيقتن !!) مشغول بتحريك الأفكار لمحاولة تطوير الأغنية الشايقية بمختلف أشكالها ( الإيقاعية واللحنية طبعاً ) لأنه وحسب علمي المتواضع فهنالك تشكيلات لإيقاع الدليب مثل ( الرتوتي ) وغيره مع أن تلك الأشكال الإيقاعية إختفت أو تكاد ، فعلينا محاولة إنتشالها من الضياع وتطويرها ..

كذلك مما أعنيه بالتطوير ما يتمثل بإختصار في محاولة مساعدة الفنان ( المؤدي ) بتسهيل مهمته في تقديم غناه وإخراج إمكانياته الصوتية أي بمعنى محاولة تيسير مهمة المغني ذو الإمكانات الصوتية ( الفطرية ) الكبيرة في معرفة والتعامل مع حدود تلك الإمكانيات الهائلة ...وكذلك الحال في محاولة معالجة العيوب ( الخلقية ) في آلة الطمبور الحبيبة كي يسهل إستقلالها ويمكنها من مواكبة الأشكال الحديثة من الآلات الموسيقية الأخري
وبالتالي مساعدة المؤدي عشان يقدر ينوع في إيقاعاته وكمان نخرج جميعا من مشكلة تشابه الألحان ....


أيضاً مما يشغلني مسألة إخراج الغناء الشايقي وتدريب عازفين مهرة لآلات موسيقية مختلفة لتنفيذ بعض الأعمال ال ( طمبورية ) ذات القابلية للتوزيع الموسيقي والتنفيذ بذات الروح الإيقاعية ( يعني مش بدليب الخرطوم الحنكوش داك الصفقتو ماها مسنكبة ( بكسر الكاف ) لإيقاعه وإنتو فاهميني لأنو مافي شايقي مو مزهجو دليب ناس الخرطوم لكن قليلاً من يفقهون السبب ... والسبب ( السنكبة !!!)

وأيي سنكبة عنكبة ح نضرب في الدليب ..!!

صلاح عبد النبي
11-20-2007, 08:21 AM
up
الى الطابق الخامس ..
وجاييك يا عثمان..

عثمان الدغيس
11-20-2007, 08:42 AM
يا خوانا الحكايي شني ؟؟

تخلونا نودي ونجيب برانا أنا وحبيبي صلاح كتر خيرو
وييييييييييين باقي الشباب ؟؟؟
ناس عادل عسوم
وطيبان
وناس نادر وتريليوناتو
وناس على سند وظرافاتو وطرفاتو

وناس أب شخيت ومساخاتو وملحو ومفارقاتو

ووووو
وووو
ووو

عوك آ ناس هوي

قولوا شيئ ...!

أب شخيت
11-21-2007, 05:00 AM
جبتوا لينا "السنبكة"
وباكر تجيبو الحنبكة
وأصلاً عقولنا ملبّكة
بدون سجارة وتنبكة
خيوط فهمنا مجوبكة
جاطت تقول في بيت بكا
بلة زاتو الشبّكة
ماسكاهو ياخوي دربكة
كان مالي مال ضربو اشتكي
واحسن نجيب حلل المديدة مسبّكة

عثمان الدغيس
11-22-2007, 07:13 AM
جبتوا لينا "السنبكة"
وباكر تجيبو الحنبكة
وأصلاً عقولنا ملبّكة
بدون سجارة وتنبكة
خيوط فهمنا مجوبكة
جاطت تقول في بيت بكا
بلة زاتو الشبّكة
ماسكاهو ياخوي دربكة
كان مالي مال ضربو اشتكي
واحسن نجيب حلل المديدة مسبّكة

أب شخيت آ خوي والله ماك ساهل تب ...

أسع الزول يقوم يلحنها ليك تقوم تمشي ناس المصنفات وتقول عاوز حقي الأدبي وما عارف شنو ؟؟؟

ألحنها ؟؟؟؟؟

أب شخيت
11-22-2007, 07:30 AM
أب شخيت آ خوي والله ماك ساهل تب ...

أسع الزول يقوم يلحنها ليك تقوم تمشي ناس المصنفات وتقول عاوز حقي الأدبي وما عارف شنو ؟؟؟

ألحنها ؟؟؟؟؟

يا زول اخير ماتعمل مخلط مع المسيخيت دا...
كان لحنتها ليهو ياهو الجاييك كل يوم زي اللباني...
ابعد من الشر وماتلحن..
وبالله الطابق الخامس محجوز للسيد النايب الاول...

عمر مجذوب خطيب
11-22-2007, 08:28 AM
عثمان وصلاح ما اروع صبركما على هذا البوست - ولعل هذا ابرز دليل على حبكما للموسيقى - وبعد دخول اب شخيت ستعمر الحكاية اكثر واكثر - عندي طلب هل يمكن ان نقرأ تجربة عثمان حسين موسيقيا - ما الذي يميز الحانه وجمله الموسيقية - سباعياته وثماناياته ان جاز الاقتباس يا دغيس - بعبارة اخرى دايركم تفلفلو هذه التجربة الرائعة
مودتي

صلاح عبد النبي
11-22-2007, 09:14 AM
يا زول اخير ماتعمل مخلط مع المسيخيت دا...
كان لحنتها ليهو ياهو الجاييك كل يوم زي اللباني...
ابعد من الشر وماتلحن..
وبالله الطابق الخامس محجوز للسيد النايب الاول...

ننقل للخامس ..

صلاح عبد النبي
11-22-2007, 09:16 AM
الأخوة الأحباب ..
في ليلة مسنجرية رائقة مساء أمس التقيت بالأخ د. الفاضل أب شخيت على الماسنجر .. ولحسن حظي كان قوز الرملة أمس قليل الرواد .. كان معنا الأخ ضمرة وتسامرنا قليلاً ثم انسحب بعد أن جاءه ضيف .. فانفردت بأب شخيت وسعدت بمحادثته صوتياً .. وزادت سعادتي حين فاجأني بأن أسمعني لحناً عذباً شجياً امتزج فيه الدليب والطنبور بآلات رائعة بصوت الفنان الجميل خالد الصحافة .. فقلت له هذا ما كنا نبغ أنا وأخوي ود الدغيس ..
تناولنا في هذا البوست أو في البوست المهكور تجارب الذين غنوا في إيقاع الدليب برفقة آلات موسيقية .. وكان النقد في الغالب يدور حول عدم وضع إيقاع الدليب في وضعه الصحيح بحيث يصل للمستمع وكأنه ناقص شئ ما .. والنقصان هذا هو ما عزاه أخونا ود الدغيس إلى عدم وجود (السنكبة ) في الايقاع ..
المهم يا اخوان الكلام كتير .. ما أطول عليكم .. تفضل أخي الفاضل أب شخيت- وله مني عظيم الشكر والامتنان - بإرسال مجموعة من الألحان لي عبر الايميل كلها للفنان خالد الصحافة وفيها تجربة تستحق الوقوف عندها .. أنا لن أعلق الآن .. وسأنتظر رأي الأخوة الكرام في هذه التجربة ..
وإليكم اللحن الأول في طابقنا الخامس

http://www.alnsri.com/upload/uploads/rasayel.MP3

صلاح عبد النبي
11-22-2007, 09:30 AM
عثمان وصلاح ما اروع صبركما على هذا البوست - ولعل هذا ابرز دليل على حبكما للموسيقى - وبعد دخول اب شخيت ستعمر الحكاية اكثر واكثر - عندي طلب هل يمكن ان نقرأ تجربة عثمان حسين موسيقيا - ما الذي يميز الحانه وجمله الموسيقية - سباعياته وثماناياته ان جاز الاقتباس يا دغيس - بعبارة اخرى دايركم تفلفلو هذه التجربة الرائعة
مودتي

أخونا الفنان عمر ..
والله البوست دة دايرنو يعمر أكثر وأكثر .. ونحتاج لرفقة من يقيمون وزناً لهذا الضرب من الإبداع وقطعاً أنت منهم خاصة وأنت تقترح هذا الاقتراح الجميل .. عثمان حسين يحتاج لبوستات عديدة ..وربنا يقدرنا نشارك مع عثمان الدغيس فيما يفتح به الله عليه ..
كدي أسع أسمع الشغل فوق دة وقلينا رأيك ..
خالص مودتي ..

أب شخيت
11-22-2007, 09:49 AM
أخوي صلاح
اللحن دا حاولتو اكتر من 4 مرات عشان ينزل مع بوست (الألف الأحمر) في المنتدى لأني أحس بأنه خلفية مناسبة من حيث الكلمات والالحان والأداء..كما انو اختراقو لمجال غير مطروق في المزاوجة بين آلة الطنبور وبين الآلات الحديثة -وهوتجربة مجولة النتائج- يمثل تجربتي الشخصية في دخول المنتديات العربية لأول مرة عبر البركل..
لا اطيل سانسخها واضعها في مكانها في البوست...

الغريبة لمان مشيت للالف الاحمر لقيت الغنية ذاته شغال كويس..!!!!.والل المنتدى دا تقول مسكون

عمر مجذوب خطيب
11-22-2007, 12:07 PM
ما فتح معاي يا صلاح اكيد في مشكلة - ساحاول

صلاح عبد النبي
11-24-2007, 09:23 AM
أخونا عمر خطيب ..
اللحن شغال تمام .. حاول مرة أخرى ..
وأرجو أن توفق ..
رأيك يهمنا ..

عثمان الدغيس
11-25-2007, 05:12 AM
أخواني الطمبارة

والله الحكايي خلي بالك آ صلاح دارتها عجاجها قايم

وسخنت والساكس مع الطمبور

وزي ما قال صلاح ذلك ما كنا نبغ

اللمشي أقشر وأجي الحفلة

أب شخيت
11-25-2007, 10:23 AM
أخواني الطمبارة

والله الحكايي خلي بالك آ صلاح دارتها عجاجها قايم

وسخنت والساكس مع الطمبور

وزي ما قال صلاح ذلك ما كنا نبغ

اللمشي أقشر وأجي الحفلة

تقشر شنو؟!!!.
كان برتكان كان قرفتن اديني فص...
وأنا "بصلك" براي..
فوق..فوق "بصلكم" فوق..
:D:D:D

عثمان الدغيس
11-26-2007, 05:21 AM
تشكر يا أب شخيت على المداخلة

أقول لك ماشي أقشر تقوم تجيب ليها تشديد على الشين ؟؟؟!! ماشي أكوي جلابيتي ال( مسلوبة ) حقت الصفاقين !! بالله شفتو حلاوة التجربة دي رغم فقرها من حيث التوزيع الموسيقي ، فالفنان خالد محجوب وهو طبعاًُ كما تعلمون ( من عندينا )لم يكلف نفسه عناء التوزيع الموسيقي ولا محاولة الإستفادة من وجود آلات موسيقية أخرى غير الطمبور لعمل بعض اللزمات الموسيقية والكونتر بوينت وكانت الفكرة حتكون فلته...! لكنها تجربة ممتازة في تقديري لأنها وبالإستفادة من جمهور خالد الصحافة في الإستماع لما يصدر عنه ، فذلك بلا شك مما يصب في معين إنتشار أغنيتنا للقومية ولقطاع واسع ومتنوع من المستمعين ..

ننتظر المزيد من المساهمات والتحميل لمزيد من التجارب ..

صلاح عبد النبي
11-27-2007, 08:18 AM
تشكر يا أب شخيت على المداخلة

أقول لك ماشي أقشر تقوم تجيب ليها تشديد على الشين ؟؟؟!! ماشي أكوي جلابيتي ال( مسلوبة ) حقت الصفاقين !! بالله شفتو حلاوة التجربة دي رغم فقرها من حيث التوزيع الموسيقي ، فالفنان خالد محجوب وهو طبعاًُ كما تعلمون ( من عندينا )لم يكلف نفسه عناء التوزيع الموسيقي ولا محاولة الإستفادة من وجود آلات موسيقية أخرى غير الطمبور لعمل بعض اللزمات الموسيقية والكونتر بوينت وكانت الفكرة حتكون فلته...! لكنها تجربة ممتازة في تقديري لأنها وبالإستفادة من جمهور خالد الصحافة في الإستماع لما يصدر عنه ، فذلك بلا شك مما يصب في معين إنتشار أغنيتنا للقومية ولقطاع واسع ومتنوع من المستمعين ..

ننتظر المزيد من المساهمات والتحميل لمزيد من التجارب ..


الأخ عثمان ..
التجربة في رأيي جيدة جداً .. والتوزيع فعلاً كان ضروري مع مراعاة منح مساحة معتبرة للطنبور ولو تم هذا لكان العمل أكثر زخماً وجمالاً ..
استفاد الفنان خالد الصحافة من نشأته وتربيته التي جعلته يسوق إيقاع الدليب بطريقة صحيحة بخلاف فناني الخرطوم الذين صرح الكثير منهم بأنهم يعانون كثيراً في (سواقة ) الدليب ..
هناك المزيد من النماذج .. أتمنى أن يتمكن الزعيم خالد من حل اشكالية مركز التحميل حتى أتمكن من رفعها ..
مواصلين ان شاء الله ..

عثمان الدغيس
11-28-2007, 06:09 AM
أخوي الحبيب صلاح عبد النبي

دايماً إنت السباق للإبداع

وتجربة أخونا خالد تجربة ناضجة ، وزي ما قلنا وقلت فهي بسيطة جداً ولم يبذل فيها المجهود الكبير إلا أنها تصلح لتكون أساساً يمكن تطويره والإضافة عليه وصولاً للمبتغى

وكذلك دونك تجربة حنان النيل ، يا خي البت دي لما تغني غناء الثنائي وغيرهم بالطمبور قاعده تجهجه حناني زاتو ...! البت حنينة والطمبور حنين والألحان حنيني ... نحن نطير وين يعني ؟؟!!

يعني كان في إمكانية حنان النيل إضافة الكثير وقيادة مدرسة للتطوير إرتكازاً على أساس الطمبور المتين وإيقاع الدليب المعبر ... لكن تقول شنو ؟؟!!

منتظرينك يا ود عبد النبي وكل المبدعين .. وبالمناسبة ويييييييييييييين أب شخيت ؟؟

أب شخيت
11-29-2007, 03:22 AM
أخوي الحبيب صلاح عبد النبي

دايماً إنت السباق للإبداع

وتجربة أخونا خالد تجربة ناضجة ، وزي ما قلنا وقلت فهي بسيطة جداً ولم يبذل فيها المجهود الكبير إلا أنها تصلح لتكون أساساً يمكن تطويره والإضافة عليه وصولاً للمبتغى

وكذلك دونك تجربة حنان النيل ، يا خي البت دي لما تغني غناء الثنائي وغيرهم بالطمبور قاعده تجهجه حناني زاتو ...! البت حنينة والطمبور حنين والألحان حنيني ... نحن نطير وين يعني ؟؟!!

يعني كان في إمكانية حنان النيل إضافة الكثير وقيادة مدرسة للتطوير إرتكازاً على أساس الطمبور المتين وإيقاع الدليب المعبر ... لكن تقول شنو ؟؟!!

منتظرينك يا ود عبد النبي وكل المبدعين .. وبالمناسبة ويييييييييييييين أب شخيت ؟؟

أخوي عثمان الدغيس
شايفك بتسأل عن التلميذ العجوز ابو أضان كبيرة..
نحن ياخوي راصدنكم تدونا ندون وبس..نقول راي في الموسيقى والغنا مابنخاطر إلا بعد نلقط كلمات زي اللزمة والكاونتر شنو ما بعرف..عشان كدا كلامي معاكم كلام مستمع طروب..
تعرفوا تجربة خالد دي..عدد الآلات التانية خلاف الطمبور ومقدار مشاركتها لازم يكون مزبوط..عشان ما الأغنية تفارق النمط المطلوب تطويرو لا مسخو...
الحكاية بتبقى زي الجنزبيل للقهوة, لو بقى بسيط القهوة مابتكيف الزول, ولو بقى كتير ياهو "ابو الشهيق" المسكك..دا ضرب مثل للبشربو "حلال"..ضرب مثل للتانين نقول زي بتاع طيبان وإنت داير "تشعشع" بس بدون ما تسكر وتلغلغ وتجوط..لو شربت بسيط مش حا تشعشع ولو شربت كتير ياكا المبهدل نفسك..والفرق بين حالة "الإنبساط" والسكرة لط فرق جغمة جغمتين ..فلازم تبقى حريف ما تفوت "السِنة" وتتحلج عليك قلوزة النشوة وتقوم تلف في الفاضي سكران لط..
(إستدراك: قسما بالله العظيم ماحصل شربت ولا جغماية مسكر غير عبار الطفولة بتاع المريسة الأعترفت بيهو)..
نرجع للموضوع..
غايتو إنت زيدو ونقصو في عدد الآلات لكين كمان ما تصلو حد "سكرة الدليب المطمبر"...حسع عليكم الله كموسيقيين تقولو شنو في (بنحب من بلدنا ما برة البلد) للعملاق الموسيقار وردي من ناحية الدليب,, "بس اوعا يكون دا ما دليب" وانا إتشوبرت ساكت ..الله يا زاهو لساني الهابر الداير يفضحني موسيقيا..:D
غايتو لو كانت دليب فيما أحس سماعا ً فلابد أنها من زاوية "الدليب المطبر" قد فاتت حد سِنة الشعشعة وإتحلجت وبقت "سكرة دليب مطمبر"...
نسمع راي الناس التانين شنو..ويا ريت يجو يعلقوا ناس جهلة زيي عشان نخلى الأساتذة في الآخر للتصحيح والتصويب..:D

عثمان الدغيس
11-29-2007, 05:32 AM
أخوي عثمان الدغيس
شايفك بتسأل عن التلميذ العجوز ابو أضان كبيرة..
نحن ياخوي راصدنكم تدونا ندون وبس..نقول راي في الموسيقى والغنا مابنخاطر إلا بعد نلقط كلمات زي اللزمة والكاونتر شنو ما بعرف..عشان كدا كلامي معاكم كلام مستمع طروب..
تعرفوا تجربة خالد دي..عدد الآلات التانية خلاف الطمبور ومقدار مشاركتها لازم يكون مزبوط..عشان ما الأغنية تفارق النمط المطلوب تطويرو لا مسخو...
الحكاية بتبقى زي الجنزبيل للقهوة, لو بقى بسيط القهوة مابتكيف الزول, ولو بقى كتير ياهو "ابو الشهيق" المسكك..دا ضرب مثل للبشربو "حلال"..ضرب مثل للتانين نقول زي بتاع طيبان وإنت داير "تشعشع" بس بدون ما تسكر وتلغلغ وتجوط..لو شربت بسيط مش حا تشعشع ولو شربت كتير ياكا المبهدل نفسك..والفرق بين حالة "الإنبساط" والسكرة لط فرق جغمة جغمتين ..فلازم تبقى حريف ما تفوت "السِنة" وتتحلج عليك قلوزة النشوة وتقوم تلف في الفاضي سكران لط..
(إستدراك: قسما بالله العظيم ماحصل شربت ولا جغماية مسكر غير عبار الطفولة بتاع المريسة الأعترفت بيهو)..
نرجع للموضوع..
غايتو إنت زيدو ونقصو في عدد الآلات لكين كمان ما تصلو حد "سكرة الدليب المطمبر"...حسع عليكم الله كموسيقيين تقولو شنو في (بنحب من بلدنا ما برة البلد) للعملاق الموسيقار وردي من ناحية الدليب,, "بس اوعا يكون دا ما دليب" وانا إتشوبرت ساكت ..الله يا زاهو لساني الهابر الداير يفضحني موسيقيا..:D
غايتو لو كانت دليب فيما أحس سماعا ً فلابد أنها من زاوية "الدليب المطبر" قد فاتت حد سِنة الشعشعة وإتحلجت وبقت "سكرة دليب مطمبر"...
نسمع راي الناس التانين شنو..ويا ريت يجو يعلقوا ناس جهلة زيي عشان نخلى الأساتذة في الآخر للتصحيح والتصويب..:D

حبابك ألف آ ب شخيت

دليب وري في ( بنحب من بلدنا ) ياهو الدليب نفسو بس يفتقد ل ( سنكبة ) الصفقة يعني بيشبه دليب الخوتوم !!!

وحاشاك لست من الجهلة وتشبيهاتك بالجبنة والجنزبيل في محلها ، إلا أننا لا نقصد عدد الآلات وتنوعها ( مع إن ذلك أحد مرامينا ) لكن بنقصد شوية توزيع أي توظيف وإستخدام بعض فنون الموسيقى من هارموني وكاونتر بوينت ولزمات موسيقية (للعراميز ) غير البنايين والطلب يمتنعون !!!

نفسح المجال لتعليقات الأخوة من غير المحترفين الموسيقيين !!!

صلاح عبد النبي
11-29-2007, 06:17 AM
حبابك ألف آ ب شخيت

دليب وري في ( بنحب من بلدنا ) ياهو الدليب نفسو بس يفتقد ل ( سنكبة ) الصفقة يعني بيشبه دليب الخوتوم !!!

وحاشاك لست من الجهلة وتشبيهاتك بالجبنة والجنزبيل في محلها ، إلا أننا لا نقصد عدد الآلات وتنوعها ( مع إن ذلك أحد مرامينا ) لكن بنقصد شوية توزيع أي توظيف وإستخدام بعض فنون الموسيقى من هارموني وكاونتر بوينت ولزمات موسيقية (للعراميز ) غير البنايين والطلب يمتنعون !!!

نفسح المجال لتعليقات الأخوة من غير المحترفين الموسيقيين !!!

أخوي أب شخيت والله عفارم عليك.. غايتو أحي فيك روحك الشجاعة وكذلك فهمك الجيد لما نحن فيه وكونك عايم معانا في البحر الغريق دة براااااااااك فمعناها إنت ماك ساهل .. انا شايف الناس تجي تمر وتشوفنا كتبنا شنو ..وتزوغ .. ما عارف الناس متهيبين الموضوع ولا الحاصل شنو .. عموماً نتمنى أن نستمع لبعض الآراء حول هذا الأمر لإثراء الموضوع زي ما طلب أخوي عثمان .. وتشبيهاتك يا دكتور مليانة (برم ) يعني مبرومة برم جد .. يسلم تِمّك ..

تجربة حنان النيل يا عثمان تجربة متفردة وعميقة وفيها كلام كتير .. بس خلينا نصل الطابق السادس .. عندي شهادات ناس شاركوا معاها في الألبوم الثاني حكوا لي عن سيناريو هذا العمل الكبير .. بجيك ليها صاد .. إن شاء الله ..

أب شخيت
11-29-2007, 07:16 AM
أخوي أب شخيت ..تشبيهاتك يا دكتور مليانة (برم ) يعني مبرومة برم جد .. يسلم تِمّك ..

تجربة حنان النيل يا عثمان تجربة متفردة وعميقة وفيها كلام كتير .. بس خلينا نصل الطابق السادس .. عندي شهادات ناس شاركوا معاها في الألبوم الثاني حكوا لي عن سيناريو هذا العمل الكبير .. بجيك ليها صاد .. إن شاء الله ..


مما دام ذكرت "البرم" براك وما طريتو أنا..وكمان شايف الصفحة دي دايراله "برمة" عشان نمشي لي حنان النيل, قلت النديكم الونسة دي..
إتقطعنا من السجاير في الجنوب وكنا قاعدين في محل حولي 10 فدان ومافي حركة إلا بواسطة طوف عسكري..بقينا نمشي نجيب "الكتكت" القايم بروس البيعملوهو الجنوبيين في الكدوس ..الشي صفقو عراااض وريحة دخانو زي كمينة الزبالة وتأثيرو أسكت خليهو من كترة النيكوتين جسمك كلو يرجف قصبة في شلال..تصدق كنت مابقدر أمسك كباية الشاي لأنها بتتدفق فوقي من رجفة الليد..عشان كدا بقيت أشرب نص بس "نص كباية شاي مش نص تاني"..
أها نجيب صفق (الكتكت) نقلاهو في النار عشان ينشف سريع..نحّتّو دقاااق في ورقة شفافة..نلقط العويدات منو عشان ماتقد الورقة المخصصة "للبرم"..العويدات مو دقاقة بالحيل مابتتمسك إلا براس اللصبع المبلول..بعداك تقطع قطعة مستطيلة من الورقة الشفافة قول 7 سم طول و4 سم عرض..تعمله زي السبلوقة..وتشتت (الكتكت) النضيف تملأ سبلوقتك لي حوالي نصها...تمسك الورقة من طرفاته بي اًصابعين الإبهام والسبابة والوسطى من كل يد..الوسطي الإتنين تحت الورقة السبلوقة والإبهام والسبابة ماسكات واحد من أطوال الوريقة..وتقوم تبرم الطرف دا بالراحة بحيث يكون (الكتكت) معصور شديد لحدي ما الطرف دا يجي تحت أخوهو التاني ..طوالي تقوم تقلب المسكة بحيث يكون الأبهام والسبابة اللتنين ضاغطات الطرف التاني الما كان ممسوك على أخوهو عشان اللفة ما تتفرتك..تجيب لسانك تمررو فوق الصفحة الداخلية للطرف الحر..وتقوم تلصقو فوق أخوهو وبي كدة يكون عندك أسطوانة محشية (كتكت)..تمسك واحد من أطراف الأسطوانة تبرمو زي برمة حلاوة "ريا" الزمان..وتقبل على الطرف الآخر تبرمو في الإتجاه المعاكس "مش بتاع الجزيرة"...
وبي كدة يكون عندك "سجوكاية كتكت"...تمسك واحد من الأطراف المبرومة تقطعو بي أنيابك من قرييييب لي حدو عشان يعمل فتحة صغيرة للدخان المارق...تمرق طرف لسانك الفيهو القطيعة الصغيرونة الملفوفة وتضم شلاليفك شديد على اللسان البرة..وبي حركة سريعة تدخل طرف لسانك جوة ومعاه نفيخة صغيرونة (تعمل صوت "توف") تلقى القطيعة طارت بعيييد...تخت السيجارة الملفوفة في خشمك وتعمل فيها بتاع مالبورو تشيل ليك عود بي لهبو وتولع الطرف الآخر ساحب معاهو نفس..ويلا بوووووووف الدخان الأبيض التخين يجي مارق من كمينتك..
وما تنسي المسكة للسيجارة تكون بي ضفور الإبهام والسبابة اليمين...
__________
باقيلكم الورقة دي ما إتبرمت وكملت عشان نمشي لي الصفحة الفيها حفلة حنان النيل؟؟..
حناني أنا...!!!.
(ملحوظتي بي نفس الحليفة عارفنها وما في داعي نكررها)..

عوض جلاس
11-29-2007, 10:30 PM
أب شخيت والله طلعت خبرة في لف الخرابة دي
دا ما ياهو شغل المساطيل ظااااااااااااتو تلقى الواحد يبلل في اصابعو أنا ما كنت عارفو بيبللها لي شنو ؟؟ لكن منكم نستفيد فقد عرفنا إنها لتنضيف الخرابة دي من العيدان .

عثمان الدغيس
12-02-2007, 04:36 AM
سيد الدار صلاح

والحبيب اللذيذ أب شخيت

والغالي عوض جلاس

حبابكم ألف

ويا اب شخيت أسع كلامك ده مو زي كلامك عن الجبنة الكترولها الجنزبيل ؟؟؟!!

الشي خليتنا في موضوع الكتكت لمن بقينا نكتكت والعازفين على المسرح راجينك تكمل لف السيجارة عشان يبدوا الغنية الأولى في الفاصل ...

تعرف ذكرتني يا اب شخيت نوع الناس الرومانسيين ديلك الدايرين يظهروا بأي طريقة ويقوموا يتحكحكوا جنب المسرح لمن يقولولن تعالوا قدموا الفنان ويمسكولك المايك ويدوروا في الناس ، ما بعرف الصوت الملائكي الذي يحلق بنا في سماوات الإبداع وما عارف مدارات الفرح السرمدي والقماري الما عارف ماله و و و و و و

يعني يندم أهل العرس في قولة قدم الفنان ...

طبعاً يا أب شخيت ده قياس مع الفارق ... وعشان ما تزعل أنا مشيت بي هناك وحررتلك بوستك

وزي ما بيقول المثل البيحررلك بوستك حررلو ( مع ترقيق الراء )بوستيهو

أب شخيت
12-02-2007, 04:57 AM
وعشان ما تزعل أنا مشيت بي هناك وحررتلك بوستك

وزي ما بيقول المثل البيحررلك بوستك حررلو ( مع ترقيق الراء )بوستيهو

مالك ياخوي داير تذكرني مقلب ضمرة وود نصر لي في قوز الرملة...
الجماعة ديل حدثوك وداير تطاعني عشان أعرفك عارف..
الجماعة ديل لو ما كريتن كانوا دايرين يسووا فوقي شنو..
هوي يا ضمرة وودنصر.كان ما دايرين تمسكوا عليكم خشمكم رجعوا لي الكروة ..يامرتشين..
:D:D:D

صلاح عبد النبي
12-02-2007, 08:03 AM
http://www.alnsri.com/upload/uploads/Matar_Alfawasil.MP3


صباحاتكم زينة ..
أسمعوا ..
حنان النيل والشاعر خالد شقوري والملحن عبد المنعم ود العوض ......

أب شخيت
12-02-2007, 08:45 AM
لحن حنون..
كلمات حنونة..
أداء حنون..
طمبرة حنونة
الفنانة زاته حنان..
أغنية جميلة بالجد وحنانه مدفق خماسي...

Adil Assoom
12-02-2007, 09:19 AM
يا خوانا الحكايي شني ؟؟

تخلونا نودي ونجيب برانا أنا وحبيبي صلاح كتر خيرو
وييييييييييين باقي الشباب ؟؟؟
ناس عادل عسوم
وطيبان
وناس نادر وتريليوناتو
وناس على سند وظرافاتو وطرفاتو

وناس أب شخيت ومساخاتو وملحو ومفارقاتو

ووووو
وووو
ووو

عوك آ ناس هوي

قولوا شيئ ...!
سيدالديوان عثمان الدغيس
ياخي آسف بالجد فوّت على رقيبتي:p كل هذا الجمال (بفتح الجيم) بعدم المرور بيشارعكم العرييييييض دة...:rolleyes:
أشارككم الراي وال(كيف) في تجربة حنان النيل ...أما المبدع خالد الصحافة فبحق الأغنية التي أنزلها الغالي عصام سرالختم...تدلل على أن خالد (سواقتو:p) ماختت المجرى قيد أنملة...وأؤكد على كلامك بأن أداء الرتم الشايقي لمن لايعيش أو يتفاعل مع لهجة المنطقة يظل (أطرق) مهما أوتي من ملكات لحنية أو فنية...فالقامة وردي في بنحب من بلدنا أجاد في اللحن والأداء ولكن حسب ذوقي الشخصي أجده غير متمالك ل(الدركسون) في مجرى الدليب والذي بالفعل يتأبى كثيرا للغير...
تعرف ياعثمان عندي أحساس داخلي ...لو حيدر بورسودان (فكّر) يحاول فوق درب أهلو يخيّل لي بأن صوته الشجي بما يحوي من مساحات واسعة للتطريب سيكون أضافة قيّمة لأيقاع الدليب...أدونا رايكم ومعاك قريبي العزيز...
شوفو لي بمبرا بي مسندو في الجيهي اليمين دييييكي:D
لكم المودة

صلاح عبد النبي
12-02-2007, 09:31 AM
أب شخيت ..
ما خليت لك حناناية حايمي :D

حنان النيل رقم لا يمكن تجاوزه .. ومعالم بارزة في خريطة الغناء السوداني .. آثرت الابتعاد عن الساحة وألبومها الثاني الذي صدر مزيناً بنغمات الطنبور يتربع على رأس قائمة توزيع الأشرطة في ذلك الوقت ..
هذا الألبوم بذلت فيه جهداً كبيراً .. من اختيار للكلمات والألحان ثم البروفات مع الفرقة التي نفذت معها الشريط وهم عبد المنعم وعطا (ثنائي العامراب ) وعازف الايقاع والطنبور الماهر ود العوض ..
حكى لي ود العوض كيف انها كانت حريصة على إخراج العمل بالصورة التي ترضيها هي أولاً .. وكما هو معلوم فقد تم تنفيذ جميع الالحان بطنبورين يعزفان في ذات السلم ولكن أحدهما قرار والآخر جواب .. يعني واحد صوتو حاد والتاني صوتو غليظ .. وكيف كانت تتأكد من دقة وزن الطنبور في السلم الذي تختاره على الأغنية وذلك بمضاهاة كل وتر في الطنبور بنظيره في الأورغن .. يعين بالبلدي كدة تمسكن سلكايي سلكايي ..تتأكد من أنها موزونة صاح في السلم ..
وهكذا خرج ألبوم مطر الفواصل .. قمة في الأداء الصوتي .. قمة في التطريب داخل إيقاع الدليب الذي لا يجيده إلا أهله .. ثم بعد كل هذا النجاح توارت عن الانظار ..
أتمنى لها التوفيق ..

عمر مجذوب خطيب
12-02-2007, 11:09 AM
والله احتجاب حنان النيل من الساحة الغنائية يوجع - فهي صوت يصعب تعويضه في هذا الزمن بالتحديد الذي يملأ اشباه الفنانين والدخلاء بالضجيج
مودتي لاسرة البوست الطاعم

عثمان الدغيس
12-03-2007, 04:14 AM
حبايبنا الطمبارة سلام عليكم

أخوي عادل عسوم الراجل الما ساهل معانا بي هني

مرحبتين حبابك واليوم السعيد الليلي جابك ( بففتح كل من الباء طبعاً )

والله الليلي ده يوم سعيد بالحيل الجابك لينا وربنا يجيب عقابك

فعلاً كلامك في محلو عن أن العملاق وردي ما قدر على الدليب بالرغم من أنه من ولاد البلد وثقافتو قريبة من إحساس الشايقية ، لكني أضيف توضيح على تشبيهك بأنه ما قدر على الدركسون ، الحكايي إنو الدركسون يمين بدل شمال محتاج ( يقلبنوه ) !!!

الغالي صلاح

لك كل الود والمحبة

قلت ليك البت دي زولة ماها طبيعية وتمتلئ إحساس حتى أطراف بصيلات شعرها وكضاب البقولك إنو ما قاعدة تطربو !! يعني يا أب شخيت ماك براك المكسر فيها أقصد في صوتها ..!

الزول اللذيذ الطاعم الأستاذ /عمر مجذوب

والله الليلي الدارة عامري عمرة ... كدي أدخل لا داخل وأخدلك شبال من البت الدهيني ديك أم مشاطاً مطارق مطارق دييييك !!

نتوقع الكثير من المشاركات فالحكايي ماشي مسخني

لقيت صبرنا أنا وصلاح على البوست ده كيف يا أبو المج ؟؟!!

عثمان الدغيس
12-04-2007, 05:42 AM
؟؟؟؟؟؟؟؟؟

فوق

ضمره بغدادى
12-10-2007, 08:44 PM
الأخوان عثمان الدغيس والأخ صلاح عبد النبى
استأذنكم وافرد هذه المساحة للأخ الغالى أبو خالد (عثمان محمد نصر ) ليحدثنى كثيراً عن تاريخ وبدايات العواده بكريمه .
اخى ابو خالد هل تفضلت .؟؟

عثمان الدغيس
12-11-2007, 05:01 AM
الأخوان عثمان الدغيس والأخ صلاح عبد النبى
استأذنكم وافرد هذه المساحة للأخ الغالى أبو خالد (عثمان محمد نصر ) ليحدثنى كثيراً عن تاريخ وبدايات العواده بكريمه .
اخى ابو خالد هل تفضلت .؟؟


حبابك يا ضمرة وحباب ود نصر

ما أشوقنا للحديث عن شقيقه الفنان الطيب محمد نصر
ودفعته محجوب خيانه
وفرقة السكة الحديد

وحكاويه الشيقة ....[/size][/color][/COLOR][/COLOR][/COLOR]

ضمره بغدادى
12-11-2007, 07:07 PM
حبابك يا ضمرة وحباب ود نصر

ما أشوقنا للحديث عن شقيقه الفنان الطيب محمد نصر
ودفعته محجوب خيانه
وفرقة السكة الحديد

وحكاويه الشيقة ....[/size][/color][/COLOR][/COLOR][/COLOR]

اشكرك اخى عثمان وانت تفسح المجال للاخ ابو خالد ان يوثق للفنان الطيب محمد نصر الذى كم تغنى بأغانيه ملايين من معجبيه فى ذلك الزمن الزين (انا ابواشراقه )والخدو زهر ...ونحن وانتم فى انتظار ابو خالد .

صلاح عبد النبي
12-12-2007, 07:17 AM
الأخ ضمرة ..
تحياتي ..
ننتظر معك أخونا ود نصر في حديث الذكريات عن الفنان الطيب محمد نصر الذي كان له شأن كبير تلك الأيام في المنطقة كلها .. كيف لا وهو زعيم العوادة ..
ننتظر ود نصر .. وبعدين نديكم العندنا عن ذلك الزمن الجميل ..

مودتي

ضمره بغدادى
12-13-2007, 02:46 PM
الأخ ضمرة ..
تحياتي ..
ننتظر معك أخونا ود نصر في حديث الذكريات عن الفنان الطيب محمد نصر الذي كان له شأن كبير تلك الأيام في المنطقة كلها .. كيف لا وهو زعيم العوادة ..
ننتظر ود نصر .. وبعدين نديكم العندنا عن ذلك الزمن الجميل ..

مودتي

الاخ صلاح
ما زلنا فى انتظار الاخ ابو خالد ليروى لنا الجديث الشيق الذى ننتظره منه .

ضمره بغدادى
12-13-2007, 02:47 PM
الأخ ضمرة ..
تحياتي ..
ننتظر معك أخونا ود نصر في حديث الذكريات عن الفنان الطيب محمد نصر الذي كان له شأن كبير تلك الأيام في المنطقة كلها .. كيف لا وهو زعيم العوادة ..
ننتظر ود نصر .. وبعدين نديكم العندنا عن ذلك الزمن الجميل ..

مودتي

الاخ صلاح
ما زلنا فى انتظار الاخ ابو خالد ليروى لنا الحديث الشيق الذى ننتظره منه .

عثمان محمد نصر
12-14-2007, 06:48 PM
الاخ صلاح
ما زلنا فى انتظار الاخ ابو خالد ليروى لنا الحديث الشيق الذى ننتظره منه .الأحباب ضمره وصلاح وكل الإخوان البيوثقوا للكلام دا والله ماكنت داير ابدا الكلام دا اللا اخد بعض البيانات من مصادر موثوقه وتراني جيتكم بعد الإتصال باخي الطيب بليبيا وكما يلعم الجميع وخصوصاً الناس الكبار بأن الفن في كريمه بدا مع ايقاع الدلوكه والفانين بندا وعطا الا من بعض الهواه على عزف العود وكما سمعت من الإذاعه في لقاء مع المرحوم الفنان العظيم عثمان الشفيع في الأربيعينيات وهو راجع من زواج صاحبه من دنقلا احيا حفله بنادي التجار ( الأهلي ثم النيل ) واستلف عود السيد عوض مدني المذيع اللامع لاحقاً الذي كان يعمل موظفاً آنذاك بكريمه طبعاً بعد ماعوده انكسر نتيجة سقوطه من سلم المسرح المتحرك وكان العود الوحيد بالبلد وكان يوجد في ذلك الزمن بكريمه ايضاً الشاعر الكبير مبارك المغربي ومن وحي المنطقة كانت قصيدة من اريج نسمات الشمال سنة 44 وبرضه كان في واحد اسمه بني وايضاً التاج وكان يعمل بالإرصاد المهم يااخوانا تأسست فرقة نادي النسر بقيادة اخي الطيب بعد اكتشافه موهبة الغناء في مناسبه خاصه جداً وهي زواج اخونا الكبير كمال بتندلاي مدينة بشرق السودان وكان يغني بمصاحبة الدلوكه المهم نرجع لحكاية بداية تكوين الفرقه بعد ماتتلمذ على عزف العود من السيد/ الأمين ابو شكيمه (تاجر بسوق كريمه) من ناس بربر فتكونت الفرقه من الطيب وعلى الكمان السيد/ الجزولي من ناس الخرطوم ويعمل بالسكة حديد والسيد/ عبد الرحمن سعيد معروف وعلى الإيقاع المرحوم عوض عبد الكريم وبدا بالطبله وثم البنقز بعد كدا التحق بالفرقة الفنان المرحوم احمد فرح وعبد العظيم عبد الله بمصاحبة عزف الطيب على العوض حتى تمكنوا من اتقانه فيما بعد وكان احمد اكثر حظاً في الوصول لإذاعة امدرمان رغم نظرة الناس القدام للفن والفنانيين والوسط الفني وحتى وقت قريب وطبعاً كعادة اي شئ يبدا صغير ويكبر بعد داك كبرت الفرقه والتحق بيها كل من المرحوم احمد حاج التوم ولاانسى الفنان خضر الفكي الذي تغنى باغنية ياجميل سويتلي لوم ماودعتك قبال تقوم بايقاع شايقي ومصاحبة الفرقة الموسيقية وبعدها اعتزل والفنانيين محمد ود النقر وحاج المنصور ومحجوب عبد الحميد( خيانه) وكانت تشارك في احياء ليلة ترفيهيه ساهره كل اسبوع بنادي النسر والتي كان يتخللها فواصل من الدراما والشعر والندواة من بعض مثقفي ذلك الزمان بكريمه وكبرت الفرقه من حيث الحجم والآلات ومن اعظم عازفين آلة الكمان بالفرقه كان الماحي ود اليهودي وصلاح زوربا الذي يعزف باركسترا الإذاعة والتلفزيون حتى الآن وكانت هذه الفرقه تحيي كل حفلات المنطقه والمناطق المجاورة الإجتماعية والوطنيه وحتى انهم دعوا للمشاركة في اول مهرجان عمل سنة 65 بمناسبة عيد واحد وعشرين اكتوبر واجمل ماكان في الفرقة هو تضامنها وتعاونها في احياء حفلات اعراس مجانية لبعض المعسرين وايضاً كل حفلات افراد الأسرة لكل عضو بها واستمر هذا المنهاج وحتى زواجي سنة 84 وكان قائد الفرقه كعازف الطيب والمطرب ابن اخي مجتبى كمال وكان دا آخر عهدي بالفرق الفنية بكريمه وبدت الأندية وكعادتها في التنافس تنشئ الفرق الفنيه فكانت فرقة نادي المريخ بقيادة الفنان بخيت وفرقة نادي السكة حديد الشعبية بقيادة الفنان مجدوب شقيق تيمان عطبره والفنان المكاشفي وتوالت الفرق واصبحت خاصه ولاتنتمي للأندية وخصوصاً بعد ما تحولت الفرقه الى شخصين مطرب واورغن وارجو ان اكون قد وفقت في ضربة البداية وقدرت اوصل المعلومة المطلوبة وسلامتكم

ضمره بغدادى
12-14-2007, 07:47 PM
الأخ الغالى ابو خالد
يشهد الله انك لتراث والتراث يجب الحفاظ عليه ... من منًا يعرف هذا التاريخ الغالى والتوثيق المهم الذى ننشده فى بركلنا هذا ...كثيرٌ منا يجهل هذه الاسماء التى زكرتها فى سردك الرائع والتى اسهمت فى نهضة ورقى الفن السودانى وكانت نشأتها الاولى بمدينة كريمة وانه فخر لنا .
انا ازكر فرقة الطيب التى كانت تتكون من عكاشة عوض وود اليهودى الذى برع فى العزف على الكمان وواحد من اولاد محمود الميكانيكى يعزف على الاكورديون وعوض عازف الدربكة رحمه الله الذى سجل مع الفنان ابراهيم عوض يا زهر نادية .وتطول الزكريات اخى ابو خالد .
اشكرك اخى ابو خالد ويلا واصل

عثمان محمد نصر
12-15-2007, 07:54 AM
الأخ الغالى ابو خالد
يشهد الله انك لتراث والتراث يجب الحفاظ عليه ... من منًا يعرف هذا التاريخ الغالى والتوثيق المهم الذى ننشده فى بركلنا هذا ...كثيرٌ منا يجهل هذه الاسماء التى زكرتها فى سردك الرائع والتى اسهمت فى نهضة ورقى الفن السودانى وكانت نشأتها الاولى بمدينة كريمة وانه فخر لنا .
انا ازكر فرقة الطيب التى كانت تتكون من عكاشة عوض وود اليهودى الذى برع فى العزف على الكمان وواحد من اولاد محمود الميكانيكى يعزف على الاكورديون وعوض عازف الدربكة رحمه الله الذى سجل مع الفنان ابراهيم عوض يا زهر نادية .وتطول الزكريات اخى ابو خالد .
اشكرك اخى ابو خالد ويلا واصل سلام ياضمره اخوي انت الموقع دا قاصدني مغسه ياخي بعد مااكتب نص ساعه واجي ارسل يقول عيد الدخول ولمن اعيد وارجع للصفحه القى كلامي راح المهم يااخي اول واحد عزف اكرديون بفرقة نادي النسر هو ازهري محمود الميكانيكي وهاجر للسعودية واستلم منه اخوه مجدي محمود وبعده استلم عاطف فضل ومازال بالفرقه وبرضه نسيت من ضمن فناني الفرقه من البركل الفنان عوض مدني وعبد الهادي علي حسون الذي ترك الفن لخجله الشديد وكان يترنم بأغية المرحوم عبد العظيم حركه اغنية كسلا وكان يجيدها جداً ودا طبعاً غير طلبة الثانويات الأكاديميه والصناعيه واذكر منهم واحد جعلي مبدع اسمه محجوب محمد الخير كرم وكان يغني لعثمان حسين وياريت الواحد كان يمتلك مسجل ذاك الزمن ليوثق بالصوت لأنه كان حاجه عجيبه وقد ترك الغناء بعد فتره بسيطه من امتحانه للجامعه ومازلت على علاقه وطيده به وساحكي لكم في وقت لاحق حفله معه في الخاطر في زواج الأخ عبده بكري الدكاني بالبركل تحت وسلامتكم

ضمره بغدادى
12-15-2007, 08:36 AM
ما أروعك أخى عثمان
فى زواج عبد الرحيم الجدى كانت الحفله بى ناس الطيب وكانت حدث فريد وقد عزف على العود مع الطيب الاخ سيف حجار ولقد قدم عبد الماجد الصوبانى فاصلا وتغنى بأغنية كسلا .ودى الحفلة الجدع فيها ود جادين احمد صالح ضحوى بيده الواحده خلف الداره .
سوف اقصها لك لاحقا
ويلا واصل

عمر مجذوب خطيب
12-15-2007, 03:54 PM
الأحباب ضمره وصلاح وكل الإخوان البيوثقوا للكلام دا والله ماكنت داير ابدا الكلام دا اللا اخد بعض البيانات من مصادر موثوقه وتراني جيتكم بعد الإتصال باخي الطيب بليبيا وكما يلعم الجميع وخصوصاً الناس الكبار بأن الفن في كريمه بدا مع ايقاع الدلوكه والفانين بندا وعطا الا من بعض الهواه على عزف العود وكما سمعت من الإذاعه في لقاء مع المرحوم الفنان العظيم عثمان الشفيع في الأربيعينيات وهو راجع من زواج صاحبه من دنقلا احيا حفله بنادي التجار ( الأهلي ثم النيل ) واستلف عود السيد عوض مدني المذيع اللامع لاحقاً الذي كان يعمل موظفاً آنذاك بكريمه طبعاً بعد ماعوده انكسر نتيجة سقوطه من سلم المسرح المتحرك وكان العود الوحيد بالبلد وكان يوجد في ذلك الزمن بكريمه ايضاً الشاعر الكبير مبارك المغربي ومن وحي المنطقة كانت قصيدة من اريج نسمات الشمال سنة 44 وبرضه كان في واحد اسمه بني وايضاً التاج وكان يعمل بالإرصاد المهم يااخوانا تأسست فرقة نادي النسر بقيادة اخي الطيب بعد اكتشافه موهبة الغناء في مناسبه خاصه جداً وهي زواج اخونا الكبير كمال بتندلاي مدينة بشرق السودان وكان يغني بمصاحبة الدلوكه المهم نرجع لحكاية بداية تكوين الفرقه بعد ماتتلمذ على عزف العود من السيد/ الأمين ابو شكيمه (تاجر بسوق كريمه) من ناس بربر فتكونت الفرقه من الطيب وعلى الكمان السيد/ الجزولي من ناس الخرطوم ويعمل بالسكة حديد والسيد/ عبد الرحمن سعيد معروف وعلى الإيقاع المرحوم عوض عبد الكريم وبدا بالطبله وثم البنقز بعد كدا التحق بالفرقة الفنان المرحوم احمد فرح وعبد العظيم عبد الله بمصاحبة عزف الطيب على العوض حتى تمكنوا من اتقانه فيما بعد وكان احمد اكثر حظاً في الوصول لإذاعة امدرمان رغم نظرة الناس القدام للفن والفنانيين والوسط الفني وحتى وقت قريب وطبعاً كعادة اي شئ يبدا صغير ويكبر بعد داك كبرت الفرقه والتحق بيها كل من المرحوم احمد حاج التوم ولاانسى الفنان خضر الفكي الذي تغنى باغنية ياجميل سويتلي لوم ماودعتك قبال تقوم بايقاع شايقي ومصاحبة الفرقة الموسيقية وبعدها اعتزل والفنانيين محمد ود النقر وحاج المنصور ومحجوب عبد الحميد( خيانه) وكانت تشارك في احياء ليلة ترفيهيه ساهره كل اسبوع بنادي النسر والتي كان يتخللها فواصل من الدراما والشعر والندواة من بعض مثقفي ذلك الزمان بكريمه وكبرت الفرقه من حيث الحجم والآلات ومن اعظم عازفين آلة الكمان بالفرقه كان الماحي ود اليهودي وصلاح زوربا الذي يعزف باركسترا الإذاعة والتلفزيون حتى الآن وكانت هذه الفرقه تحيي كل حفلات المنطقه والمناطق المجاورة الإجتماعية والوطنيه وحتى انهم دعوا للمشاركة في اول مهرجان عمل سنة 65 بمناسبة عيد واحد وعشرين اكتوبر واجمل ماكان في الفرقة هو تضامنها وتعاونها في احياء حفلات اعراس مجانية لبعض المعسرين وايضاً كل حفلات افراد الأسرة لكل عضو بها واستمر هذا المنهاج وحتى زواجي سنة 84 وكان قائد الفرقه كعازف الطيب والمطرب ابن اخي مجتبى كمال وكان دا آخر عهدي بالفرق الفنية بكريمه وبدت الأندية وكعادتها في التنافس تنشئ الفرق الفنيه فكانت فرقة نادي المريخ بقيادة الفنان بخيت وفرقة نادي السكة حديد الشعبية بقيادة الفنان مجدوب شقيق تيمان عطبره والفنان المكاشفي وتوالت الفرق واصبحت خاصه ولاتنتمي للأندية وخصوصاً بعد ما تحولت الفرقه الى شخصين مطرب واورغن وارجو ان اكون قد وفقت في ضربة البداية وقدرت اوصل المعلومة المطلوبة وسلامتكم

اخيرا يا عثمان - تذكر كم طلبت منك ان تكتب لنا سيرة هؤلاء النفر(النفر دي يتخيل لي حلوة وملعوبة) تعرف مرة في عرس في النصف الثاني من السبعينات - كانت في حفلة بالطيب نصر وجماعته وكان يعزف على العود طبعا - وانا من شلاقتي كنت بتخيل العود دا كتلة واحدة (اب شخيت ما يجينا ما دام قلنا كتلة) اي انه غير مجوف وانه ثقيل الوزن انتظرت نهاية الفاصل متوقعا ان ينده الطيب جماعة لمساعدته على حمل العود - انتهى الفاصل وشب الطيب حاملا العود بيد واحدة - صدمت صدمة كبيرة ومن يومها عرفت ان العود اجوف - وهو لازم يكون اجوف لاصدار النغمات لكن تقول شنو في الصغرة والطفولة البريئة.

تشكر عزيزي على هذا الجهد - كفيت ووفيت - واستمر

عثمان محمد نصر
12-15-2007, 04:54 PM
اخيرا يا عثمان - تذكر كم طلبت منك ان تكتب لنا سيرة هؤلاء النفر(النفر دي يتخيل لي حلوة وملعوبة) تعرف مرة في عرس في النصف الثاني من السبعينات - كانت في حفلة بالطيب نصر وجماعته وكان يعزف على العود طبعا - وانا من شلاقتي كنت بتخيل العود دا كتلة واحدة (اب شخيت ما يجينا ما دام قلنا كتلة) اي انه غير مجوف وانه ثقيل الوزن انتظرت نهاية الفاصل متوقعا ان ينده الطيب جماعة لمساعدته على حمل العود - انتهى الفاصل وشب الطيب حاملا العود بيد واحدة - صدمت صدمة كبيرة ومن يومها عرفت ان العود اجوف - وهو لازم يكون اجوف لاصدار النغمات لكن تقول شنو في الصغرة والطفولة البريئة.
تشكر عزيزي على هذا الجهد - كفيت ووفيت - واستمر العزيزاللذيذ حبيبنا عموري وانت عارفها على وزن شنو المهم من القصص الحكاها لينا الطيب ذاتو كان متخيل نفس تخيلك دا وقال مسكت العود من رقبته وهيأت كل عضلاتي لرفعه وكان قاعد على السرير وطبعاً من شدة التحميل العود قام بيه لحدي ماوقع على قفاه والحمد لله انه كان قاعد ماواقف ونواصل

عثمان محمد نصر
12-15-2007, 05:04 PM
اخيرا يا عثمان - تذكر كم طلبت منك ان تكتب لنا سيرة هؤلاء النفر(النفر دي يتخيل لي حلوة وملعوبة) تعرف مرة في عرس في النصف الثاني من السبعينات - كانت في حفلة بالطيب نصر وجماعته وكان يعزف على العود طبعا - وانا من شلاقتي كنت بتخيل العود دا كتلة واحدة (اب شخيت ما يجينا ما دام قلنا كتلة) اي انه غير مجوف وانه ثقيل الوزن انتظرت نهاية الفاصل متوقعا ان ينده الطيب جماعة لمساعدته على حمل العود - انتهى الفاصل وشب الطيب حاملا العود بيد واحدة - صدمت صدمة كبيرة ومن يومها عرفت ان العود اجوف - وهو لازم يكون اجوف لاصدار النغمات لكن تقول شنو في الصغرة والطفولة البريئة.
تشكر عزيزي على هذا الجهد - كفيت ووفيت - واستمر العزيزاللذيذ حبيبنا عموري وانت عارفها على وزن شنو المهم من القصص الحكاها لينا الطيب ذاتو كان متخيل نفس تخيلك دا وقال مسكت العود من رقبته وهيأت كل عضلاتي لرفعه وكان قاعد على السرير وطبعاً من شدة التحميل العود قام بيه لحدي ماوقع على قفاه والحمد لله انه كان قاعد ماواقف ونواصل

عثمان محمد نصر
12-15-2007, 05:14 PM
ما أروعك أخى عثمان
فى زواج عبد الرحيم الجدى كانت الحفله بى ناس الطيب وكانت حدث فريد وقد عزف على العود مع الطيب الاخ سيف حجار ولقد قدم عبد الماجد الصوبانى فاصلا وتغنى بأغنية كسلا .ودى الحفلة الجدع فيها ود جادين احمد صالح ضحوى بيده الواحده خلف الداره .
سوف اقصها لك لاحقا
ويلا واصل العزيز ضمره والله ذكرتني زول مهم جدا وهو الفنان عبد الماجد الصوباني وطبعا كان من الفنانين الأخد فترة طويله وقويه في الفرقه وشوف ياضمره الفن دا بيهذب الإنسان كيف انا بذكر عبد الماجد دا كان مشاكس جدا ومن الناس البخربو الحفلات وبعد مابقى فنان بقى النعجه تاكل عشاه وبقى يتحاشى المشاكل بصوره غريبه
معلومه : هو طبعاً خال الشاعر المرهف عاطف عوض خيري ونسيبكم طبعاً وغني عن التعريف واسف لأسقاطه من فنانيين الفرقه المعتبرين شكراً ليك ياابوعمر

ضمره بغدادى
12-15-2007, 07:38 PM
العزيز ضمره والله ذكرتني زول مهم جدا وهو الفنان عبد الماجد الصوباني وطبعا كان من الفنانين الأخد فترة طويله وقويه في الفرقه وشوف ياضمره الفن دا بيهذب الإنسان كيف انا بذكر عبد الماجد دا كان مشاكس جدا ومن الناس البخربو الحفلات وبعد مابقى فنان بقى النعجه تاكل عشاه وبقى يتحاشى المشاكل بصوره غريبه
معلومه : هو طبعاً خال الشاعر المرهف عاطف عوض خيري ونسيبكم طبعاً وغني عن التعريف واسف لأسقاطه من فنانيين الفرقه المعتبرين شكراً ليك ياابوعمر

فعلاً أخى عثمان عبد الماجد كان انسان راقى فى تعامله الله يمتعه بالصحة والعافية وقد غنى كثيرا واحيا كثير ا من حفلات الزواج ولا انسى الفنان بشير الحجاجى من البركل تحت واغنيته الليله ضوه ليك انت يالعريس مبروك عليك .
واصل يا ابو خالد

عثمان الدغيس
12-16-2007, 04:12 AM
بالله الواحد يغيب شوية يجي يلقى الشركة قابض لو دباساً قدر ده ؟؟

ما قصرت يا ضمرة وما قصرت تب يا عمر مجذوب في حوار الركن الركين عثمان محمد نصر ..

وفعلاًُ الراجل طلع حكاية يا عملات المصريين ...!

ما أذكره من فرقة السكة حديد بكريمة كان في واحد خطير بيقلد صلاح بن البادية ما عارف إسمو منو ، وما لفت نظري حينها ( حوالي سنة 1996 ) أن الفرقة كانت تضم مع الكمنجات والأكورديون والجيتارات آلة المندلين ، وطبعاً أنا وكتها (إستهجنت ) المسعلة دي وعملت ليهم فيها جيمس لاست ، لأننا تعودنا أن تكون هذه الآلة مع فناني الغناء الشعبي وليس الحديث يعني تكون مع الجيتارات والأورغن والكورس ، وعند البعيو مع الساكسفون ...

لكن السؤال لأخونا أبو خالد هو ، المعروف إن الفرقة نشأت في وسط يعج بالطنابير ولا شيئ غير الطنابير كيف كانت مقاومتها من قبل الطمبارة ؟؟ وكيف كان العكس ؟؟

السؤال الثاني هل حاولت تلك الفرقة تنفيذ أعمال شايقية يعني بإيقاع الدليب وبالفرقة الموسيقية غير تلك التجربة التي ذكرتها ؟؟؟

الإجابة على السؤالين تمثل عصب موضوعنا وتفيد أيما فائدة في نقاشنا ومسعانا لمحاولة مساعدة أغنية الطمبور ( إن صح التعبير ) ..!!

عثمان محمد نصر
12-16-2007, 06:01 PM
بالله الواحد يغيب شوية يجي يلقى الشركة قابض لو دباساً قدر ده ؟؟

ما قصرت يا ضمرة وما قصرت تب يا عمر مجذوب في حوار الركن الركين عثمان محمد نصر ..

وفعلاًُ الراجل طلع حكاية يا عملات المصريين ...!

ما أذكره من فرقة السكة حديد بكريمة كان في واحد خطير بيقلد صلاح بن البادية ما عارف إسمو منو ، وما لفت نظري حينها ( حوالي سنة 1996 ) أن الفرقة كانت تضم مع الكمنجات والأكورديون والجيتارات آلة المندلين ، وطبعاً أنا وكتها (إستهجنت ) المسعلة دي وعملت ليهم فيها جيمس لاست ، لأننا تعودنا أن تكون هذه الآلة مع فناني الغناء الشعبي وليس الحديث يعني تكون مع الجيتارات والأورغن والكورس ، وعند البعيو مع الساكسفون ...

لكن السؤال لأخونا أبو خالد هو ، المعروف إن الفرقة نشأت في وسط يعج بالطنابير ولا شيئ غير الطنابير كيف كانت مقاومتها من قبل الطمبارة ؟؟ وكيف كان العكس ؟؟

السؤال الثاني هل حاولت تلك الفرقة تنفيذ أعمال شايقية يعني بإيقاع الدليب وبالفرقة الموسيقية غير تلك التجربة التي ذكرتها ؟؟؟

الإجابة على السؤالين تمثل عصب موضوعنا وتفيد أيما فائدة في نقاشنا ومسعانا لمحاولة مساعدة أغنية الطمبور ( إن صح التعبير ) ..!!الحقيقه يابو عفان الطمباره الزمن داك ماكان ليهم وجود خالص ماعارف السر شنو في الكلام دا يعني انا لااذكر اي فنان شايقي في تلك الحقبه الا بعد ماجاء واستقره في كريمه الفنان العظيم محمد كرم الله لأنه متزوج من قريبة ليه كانوا بكريمه وبعده جاء الفنان الكبير صديق احمد والفنان المبدع عيسى بروي وايضاً الرهيب عوض الجرف طبعاً كان قبلهم الفنان الطاهر كوستي ودا غناه اقرب لغنا الرواسه وشويه شويه تحول لفنان كوميدي او الناس اعتبروه كدا ومازال يؤدي هذا الدور بسوق كريمه اما تطويع الألحان الحديثه بالدليب فالطيب ليه وضمن كتير من اغنياته تلقىليك كوبليه او اتنين بالدليب وطبعا اغنية بلالك بلالك يابلالي ودي طبعاً كانت ملازمه لختت الحنه وطبعاً اغنية انا ابو اشراقه دي كانت كلها دليب وبرضه تغنى باغنية صديق احمد متين ياربي يتحلا قيدي ومتين يايمه تفرحي بي جديدي واغنية الشاعر عوض الفضيل من البركل تحت (ان شاء الله يازينة الشباب زي مافرحتي بي حبنا نفرح ونعيش فرحك معاك-- ونجيب دليب الدنيا تفرح لو نقر وفي الحتة دي بيكون الإيقاع دليب )ارجوا اكون جاوبت على استفساراتك وشكراً على الإطراء والمداخله ونواصل وكل عام والجميع بخير ومحققه امانيكم وسلام

عمر مجذوب خطيب
12-17-2007, 02:10 AM
بالله الواحد يغيب شوية يجي يلقى الشركة قابض لو دباساً قدر ده ؟؟

ما قصرت يا ضمرة وما قصرت تب يا عمر مجذوب في حوار الركن الركين عثمان محمد نصر ..

وفعلاًُ الراجل طلع حكاية يا عملات المصريين ...!

ما أذكره من فرقة السكة حديد بكريمة كان في واحد خطير بيقلد صلاح بن البادية ما عارف إسمو منو ، وما لفت نظري حينها ( حوالي سنة 1996 ) أن الفرقة كانت تضم مع الكمنجات والأكورديون والجيتارات آلة المندلين ، وطبعاً أنا وكتها (إستهجنت ) المسعلة دي وعملت ليهم فيها جيمس لاست ، لأننا تعودنا أن تكون هذه الآلة مع فناني الغناء الشعبي وليس الحديث يعني تكون مع الجيتارات والأورغن والكورس ، وعند البعيو مع الساكسفون ...

لكن السؤال لأخونا أبو خالد هو ، المعروف إن الفرقة نشأت في وسط يعج بالطنابير ولا شيئ غير الطنابير كيف كانت مقاومتها من قبل الطمبارة ؟؟ وكيف كان العكس ؟؟

السؤال الثاني هل حاولت تلك الفرقة تنفيذ أعمال شايقية يعني بإيقاع الدليب وبالفرقة الموسيقية غير تلك التجربة التي ذكرتها ؟؟؟

الإجابة على السؤالين تمثل عصب موضوعنا وتفيد أيما فائدة في نقاشنا ومسعانا لمحاولة مساعدة أغنية الطمبور ( إن صح التعبير ) ..!!

صح يا دغيس الكان بقلد ابن البادية اسمه هشام وهو من مروي غرب - وكان راجل فنان بمعنى الكلمة - والله لما يغني سال من شعرها الدهب ما كنا نعرف ندخل وين من الطرب
(يعج دي حلوة - اظنك استفدت من وجود الاستاذ عبد الله طرفكم )

عثمان محمد نصر
12-17-2007, 04:09 AM
صح يا دغيس الكان بقلد ابن البادية اسمه هشام وهو من مروي غرب - وكان راجل فنان بمعنى الكلمة - والله لما يغني سال من شعرها الدهب ما كنا نعرف ندخل وين من الطرب
(يعج دي حلوة - اظنك استفدت من وجود الاستاذ عبد الله طرفكم ) كلامك مظبوط ياعمر اسمه هشام محمود ميرغني من مروي غرب وعندنا في كريمه تلاته من خالاته وجده لأمه اسمه يوسف المسلماني من اصول تركيه او مصريه لااذكر وكل عام انت والأسره بألف خير ومن العايدين

عثمان الدغيس
12-17-2007, 04:28 AM
تشكراتي يا أبو خالد

وأحييك على السرد الغني والتاريخ الذي فصلته

بس يخيل إلي أنه فاتك ذكر بعض الفنانين ما بين عهد محمد كرم الله وعوض الجرف

فقد تزامن ظهور عيسى بروي مع ظهور عبد الرحمن البركل بل أظن أن الأخير كان أسبق من الأول وبعدين وين ناس يوسف كرم الله وعبد القيوم الشريف وعبود تبوري و من نوري ود الشكري ومعتصم إبراهيم ومن أب دوم الفنان الحقيقي مخلص محمد علي ( وده لو غنالك لود الأمين والله تستغرب ... ) وبعدين عندك يا سيدي عروة من أب دوم برضو ..

بس تجربة الفنان الطيب كانت ممكن أن تشكل تجربة ناجحة وتصب في نفس المعين الذي نتحدث عنه ..

زيدنا يا أبو عفان زادك الله ..

صلاح هاشم السعيد
12-17-2007, 11:00 AM
الأحباب ضمره وصلاح وكل الإخوان البيوثقوا للكلام دا والله ماكنت داير ابدا الكلام دا اللا اخد بعض البيانات من مصادر موثوقه وتراني جيتكم بعد الإتصال باخي الطيب بليبيا وكما يلعم الجميع وخصوصاً الناس الكبار بأن الفن في كريمه بدا مع ايقاع الدلوكه والفانين بندا وعطا الا من بعض الهواه على عزف العود وكما سمعت من الإذاعه في لقاء مع المرحوم الفنان العظيم عثمان الشفيع في الأربيعينيات وهو راجع من زواج صاحبه من دنقلا احيا حفله بنادي التجار ( الأهلي ثم النيل ) واستلف عود السيد عوض مدني المذيع اللامع لاحقاً الذي كان يعمل موظفاً آنذاك بكريمه طبعاً بعد ماعوده انكسر نتيجة سقوطه من سلم المسرح المتحرك وكان العود الوحيد بالبلد وكان يوجد في ذلك الزمن بكريمه ايضاً الشاعر الكبير مبارك المغربي ومن وحي المنطقة كانت قصيدة من اريج نسمات الشمال سنة 44 وبرضه كان في واحد اسمه بني وايضاً التاج وكان يعمل بالإرصاد المهم يااخوانا تأسست فرقة نادي النسر بقيادة اخي الطيب بعد اكتشافه موهبة الغناء في مناسبه خاصه جداً وهي زواج اخونا الكبير كمال بتندلاي مدينة بشرق السودان وكان يغني بمصاحبة الدلوكه المهم نرجع لحكاية بداية تكوين الفرقه بعد ماتتلمذ على عزف العود من السيد/ الأمين ابو شكيمه (تاجر بسوق كريمه) من ناس بربر فتكونت الفرقه من الطيب وعلى الكمان السيد/ الجزولي من ناس الخرطوم ويعمل بالسكة حديد والسيد/ عبد الرحمن سعيد معروف وعلى الإيقاع المرحوم عوض عبد الكريم وبدا بالطبله وثم البنقز بعد كدا التحق بالفرقة الفنان المرحوم احمد فرح وعبد العظيم عبد الله بمصاحبة عزف الطيب على العوض حتى تمكنوا من اتقانه فيما بعد وكان احمد اكثر حظاً في الوصول لإذاعة امدرمان رغم نظرة الناس القدام للفن والفنانيين والوسط الفني وحتى وقت قريب وطبعاً كعادة اي شئ يبدا صغير ويكبر بعد داك كبرت الفرقه والتحق بيها كل من المرحوم احمد حاج التوم ولاانسى الفنان خضر الفكي الذي تغنى باغنية ياجميل سويتلي لوم ماودعتك قبال تقوم بايقاع شايقي ومصاحبة الفرقة الموسيقية وبعدها اعتزل والفنانيين محمد ود النقر وحاج المنصور ومحجوب عبد الحميد( خيانه) وكانت تشارك في احياء ليلة ترفيهيه ساهره كل اسبوع بنادي النسر والتي كان يتخللها فواصل من الدراما والشعر والندواة من بعض مثقفي ذلك الزمان بكريمه وكبرت الفرقه من حيث الحجم والآلات ومن اعظم عازفين آلة الكمان بالفرقه كان الماحي ود اليهودي وصلاح زوربا الذي يعزف باركسترا الإذاعة والتلفزيون حتى الآن وكانت هذه الفرقه تحيي كل حفلات المنطقه والمناطق المجاورة الإجتماعية والوطنيه وحتى انهم دعوا للمشاركة في اول مهرجان عمل سنة 65 بمناسبة عيد واحد وعشرين اكتوبر واجمل ماكان في الفرقة هو تضامنها وتعاونها في احياء حفلات اعراس مجانية لبعض المعسرين وايضاً كل حفلات افراد الأسرة لكل عضو بها واستمر هذا المنهاج وحتى زواجي سنة 84 وكان قائد الفرقه كعازف الطيب والمطرب ابن اخي مجتبى كمال وكان دا آخر عهدي بالفرق الفنية بكريمه وبدت الأندية وكعادتها في التنافس تنشئ الفرق الفنيه فكانت فرقة نادي المريخ بقيادة الفنان بخيت وفرقة نادي السكة حديد الشعبية بقيادة الفنان مجدوب شقيق تيمان عطبره والفنان المكاشفي وتوالت الفرق واصبحت خاصه ولاتنتمي للأندية وخصوصاً بعد ما تحولت الفرقه الى شخصين مطرب واورغن وارجو ان اكون قد وفقت في ضربة البداية وقدرت اوصل المعلومة المطلوبة وسلامتكم

الأخ / أبو خالد
هذا توثيق حقيقي لتلك الفترة ـ وممكن تفتح آفاق جديدة ـ ولو كل واحد كتب العندو ممكن يكون توثيق شبه مكتمل ـ وممن يكون مرجعية للبحث والدراسة ـ معلومات نادرة ـ وما دام بديت ـ حقو تواصل ـ
شكراً جزيلاً // وكتر خيرك//

عثمان محمد نصر
12-17-2007, 04:06 PM
الأخ / أبو خالد
هذا توثيق حقيقي لتلك الفترة ـ وممكن تفتح آفاق جديدة ـ ولو كل واحد كتب العندو ممكن يكون توثيق شبه مكتمل ـ وممن يكون مرجعية للبحث والدراسة ـ معلومات نادرة ـ وما دام بديت ـ حقو تواصل ـ
شكراً جزيلاً // وكتر خيرك//اخي صلاح كتر خيرك على التشجيع والإهتمام بتوثيق تلك الفترة لتطوير الفن في المنطقه والماعنده قديم ماعنده جديد عشان كدا لازم نمسك الأجيال الجديده بداية الدرب ويكون درب نضيف وعديل عشان يمشوا بسرعه وبدون عترات وكل سنه وانت طيب ومحققه امانيك

عثمان محمد نصر
12-17-2007, 04:17 PM
العزيز دغيسات طبعاً انا قصدته في توثيقي للفن بكريمه بي حدودها المعروفه ومن الذكرتهم ديل فقط عبد الرحمن محمد صالح وماسمعتوا كفنان محترف سمعته مره واحده في مسرح مدرسة كريمه الثانويه وكنا عاملين حفلة وداع سنه رابعه وتاني ماسمعته يمكن لأني مااستقريت بعد داك في كريمه يمكن عشان كدا ماذكرته ضمن الفنانيين واعتبرته هاوي اما عروة اب دوم دا سمعته بالدوحه في زواج علي سن المهم يااخوي مشكور على الإضافه ودا المهم والمقصود بالبوست دا وطوبه طوبه نبنيه قصراً كبير قصاد عمارة اب شخيت واشرف خليفه الله يعطيك العافيه

صلاح عبد النبي
12-18-2007, 10:38 AM
الأخوة الاحباب
من الخرطوم سلاااااااااااااااام ...
وزي ما قال أخوي الدغيس الواحد يغيب يومين يجي يلقى الشبكي ملاني حوتاً قدر دة ..
اخونا ابو خالد .. والله بحق سردت وأوفيت في التوثيق لهذه الفترة النضيرة الزاهرة في تاريخ الفن في منطقة كريمة ..
وهي فترة عايشناها صغاراً وشباباً ولا يزال صدى ذكراها يتردد في النفوس ..
العوادة .. كانت كلمة لها وقعها وجمالها وتمثل فرحة كبيرة لي أنا شخصياً .. فقد بدأت آنذاك بذرة العشق الموسيقي في النمو بين أوتار الطيب محمد نصر والماحي ود اليهودي وعكاشة ذلك الموظف الانيق الذي كان يعمل بشركة باتا للاحذية .. كنت أقضي جل وقتي في الحفل وأنا أرقب قوس الكمان وهو يروح جيئة وذهاباً على الاوتار باعثاً ذلك النغم الشجي الذي كنت أعشقه لدرجة أنني كنت أتخيله شيئاً من الميتافيزيقيا أو ما وراء الطبيعة ! ..
كانت تلك هي المرات الأول التي شاهدت فيها آلة الكمان ورأيتها بعيني المجردة .. وكان مجرد لمسها يعتبر حلماً من أحلامي الوردية ! .. وهكذا كبر ذلك الحلم منذ ذلك الوقت وترعرع حتى أصبح حقيقة ملموسة وواقعاً معاشاً عشته بين ردهات فندق صحاري بشارع الجمهورية وأنا أتأمل الكمنجات المعروضة هناك وأنا أمنيّ نفسي بامتلاك إحداها حتى من الله علي بذلك ولا تتخيلوا فرحتي في ذلك اليوم !!
عارف يا دغيس أنا الوقت داك كنت باعزف عود .. ولمن وصلت البيت وأنا أحمل حلمي بين يدي فوجئت بأنني لا أعرف كيف تدوزن الكمنجة !! فتوكلت على الباري وقررت أن أوزنها كما يوزن العود .. ولكني صدمت بحقيقة أن الكمنجة أربعة أوتار والعود خمسة فكيف يستوي ذلك .. المهم قمت بدوزنتها مثل الاربعة الأوتار الأولى من العود وبدأت في التمرين على استخدام القوس وتمكنت بالطبع من إخراج نغمات محسوسة ولا باس بها وكان ذلك طبعاً خطأً كبيبراً .. ولكن بعد عدة أيام من الله علي بعازف أكورديون بارع اسمه النور - عليه رحمة الله - فأرشدني إلى الدوزنة الصحيحة للالة ومن ديك و عييك ... لم أجد صعوبة تذكر في التعلم على الالة وفي خلال مدة وجيزة انطلقت في هذا العالم الساحر .. ودورنا عدادات يا عثمان مع فناني مركز جنوب والكلاكلات حتى آخر يوم قبل النزوح والرحيل المر في مراكب الغربة إلى هذا اليوم !

عذراًَ للاطالة ولكن حديث الذكريات الجميل عن الطيب محمد نصر وفرقته أثار في نفسي هذه الشجون خاصة وأنا الآن في أرض الوطن ومراتع الذكرى في الخرطوم والكلاكلات ..
ولي عودة إن شاء الله ..
خالص تحياتي للجميع ...

عثمان محمد نصر
12-18-2007, 07:04 PM
الأخوة الاحباب
من الخرطوم سلاااااااااااااااام ...
وزي ما قال أخوي الدغيس الواحد يغيب يومين يجي يلقى الشبكي ملاني حوتاً قدر دة ..
اخونا ابو خالد .. والله بحق سردت وأوفيت في التوثيق لهذه الفترة النضيرة الزاهرة في تاريخ الفن في منطقة كريمة ..
وهي فترة عايشناها صغاراً وشباباً ولا يزال صدى ذكراها يتردد في النفوس ..
العوادة .. كانت كلمة لها وقعها وجمالها وتمثل فرحة كبيرة لي أنا شخصياً .. فقد بدأت آنذاك بذرة العشق الموسيقي في النمو بين أوتار الطيب محمد نصر والماحي ود اليهودي وعكاشة ذلك الموظف الانيق الذي كان يعمل بشركة باتا للاحذية .. كنت أقضي جل وقتي في الحفل وأنا أرقب قوس الكمان وهو يروح جيئة وذهاباً على الاوتار باعثاً ذلك النغم الشجي الذي كنت أعشقه لدرجة أنني كنت أتخيله شيئاً من الميتافيزيقيا أو ما وراء الطبيعة ! ..
كانت تلك هي المرات الأول التي شاهدت فيها آلة الكمان ورأيتها بعيني المجردة .. وكان مجرد لمسها يعتبر حلماً من أحلامي الوردية ! .. وهكذا كبر ذلك الحلم منذ ذلك الوقت وترعرع حتى أصبح حقيقة ملموسة وواقعاً معاشاً عشته بين ردهات فندق صحاري بشارع الجمهورية وأنا أتأمل الكمنجات المعروضة هناك وأنا أمنيّ نفسي بامتلاك إحداها حتى من الله علي بذلك ولا تتخيلوا فرحتي في ذلك اليوم !!
عارف يا دغيس أنا الوقت داك كنت باعزف عود .. ولمن وصلت البيت وأنا أحمل حلمي بين يدي فوجئت بأنني لا أعرف كيف تدوزن الكمنجة !! فتوكلت على الباري وقررت أن أوزنها كما يوزن العود .. ولكني صدمت بحقيقة أن الكمنجة أربعة أوتار والعود خمسة فكيف يستوي ذلك .. المهم قمت بدوزنتها مثل الاربعة الأوتار الأولى من العود وبدأت في التمرين على استخدام القوس وتمكنت بالطبع من إخراج نغمات محسوسة ولا باس بها وكان ذلك طبعاً خطأً كبيبراً .. ولكن بعد عدة أيام من الله علي بعازف أكورديون بارع اسمه النور - عليه رحمة الله - فأرشدني إلى الدوزنة الصحيحة للالة ومن ديك و عييك ... لم أجد صعوبة تذكر في التعلم على الالة وفي خلال مدة وجيزة انطلقت في هذا العالم الساحر .. ودورنا عدادات يا عثمان مع فناني مركز جنوب والكلاكلات حتى آخر يوم قبل النزوح والرحيل المر في مراكب الغربة إلى هذا اليوم !

عذراًَ للاطالة ولكن حديث الذكريات الجميل عن الطيب محمد نصر وفرقته أثار في نفسي هذه الشجون خاصة وأنا الآن في أرض الوطن ومراتع الذكرى في الخرطوم والكلاكلات ..
ولي عودة إن شاء الله ..
خالص تحياتي للجميع ...اهلاً اخونا صلاح والله مداخلتك جميله وبخصوص الكمان دي فعلاً آله رهيبه وكنت دايماً اتمنى ان اتعلمها ورغم اني لمستها او كانت موجوده في بيتنا بغرفة اخونا الطيب مما بدت فرقتهم وكان عزابي وليه غرفه خاصه ببيتنا فكانت كل عدة شغلهم(عود وكمان وبنقز) تكون موجودة بالغرفه بعد نهاية كل حفله ماعارف السبب وجايز كان كنوع من ان الحاجات دي تكون محفوظه ومهيأه للشغل في اي لحظه والغريبه انهم نادر مايبرفو ودا راجع لذكاهم وحافظين الألحان كلها وعارفين كيف يتعاملوا مع بعض ومتفقين في كل حاجه والطيب بحكم انه كان ولي امري في محل الوالد الله يرحمه كان مانعني منع بات من لمس الآلات دي وماعاوزني اتعلمها وكان في فكره انه الحاجه دي حتأثر في دراستي وتعلمت العود بالصدفه وتأكيد على الرغبه الشديده وكنت قاعد مع الطيب وهو يدرب الأخ عبد المنعم ( جكسا) على اغنية عود لينا ياليل الفرح مسكت بداية الطريق وبديت اتدرب بصوره شديده لحدي ماقدرت اطلع نغمات وبعد كدا وزي ماقلت الغربه وزحمة الحياه كتلت كل الرغبات الجوه الواحد وكل سنه والناس كلها بألف خير

عمر مجذوب خطيب
12-19-2007, 10:14 AM
يا اخوانا الحكاية قجت - ما تقيفوا ابدا - بالله شوف صلاح عبد النبي دا تعب كيف لامن اتعلم العزف - والله دا كلام يعجب

صلاح عبد النبي
01-09-2008, 10:22 AM
والله فعلا قجت يا عمر ود خطيب .. لكن نسينا الموضوع وانشغلنا بي حاجات تانية ..
وما زال هناك الكثير ليقال خاصة بعد دخول محاور جديدة في المبحث ..
يلا يا عثمان .. بعد ما تكرّم وتسمي لي بتك .. تعال دور معانا هنا ..
أخونا أبو خالد .. أعتقد أن معين الذكريات حول العوادة في كريمة لا يزال عامراً .. أرجو أن تواصل في ذلك المنحى الجميل ..

وأعود لكم بإذن الله ..

ضمره بغدادى
01-09-2008, 08:31 PM
الاخ ابو خالد
وماذا عن فرقة نادى المريخ بكريمه التى كان بها احمد حاج التوم ومحمد عطية الله (القاضى )وآخرين لا تساعدنى ذاكرتى الخربة على سرد اسمائهم وبشير الحجاجى وود النقر .
حدثنا أخى عثمان .
شكرا

عثمان الدغيس
01-10-2008, 09:22 AM
الأخوة والأحباب

رواد منتدانا منتدى الدليب والموسيقى

النائب الأول

عميدنا عثمان نصر

لكم كل الشوق والمحبة

والله الحكايي أتاريها قاجي بي هني وأنا ما جايب خبر
البوست ده بالله باقيلي زي نار الحلفي والزبل تقول خلاص إنطفت بلا تلقاها فندرب فندرت بي بكاناً تاني ...!!! الشكيي لي الله ..!!

الكلام بدأ يحلو ويأخد منحى تأريخي وده كلام زي الورد وزي عداد السبت !!
بس يا أخوانا خلونا ما ننسى موضوع البوست الأساسي وهو محاولة البحث في أي فرص لتطوير آلة الطمبور والأغنية الشايقية بشكل عام ...

راجعلكم قريييييييييييييب

ضمره بغدادى
02-07-2008, 08:11 AM
هذا البوست توثيقى من الدرجة الاولى يجب ان يرفع
شكرا

صلاح عبد النبي
02-07-2008, 09:11 AM
تاني يا ضمرة ..
البوست دة بقى زي حذاء الطنبوري .. لا داير يتفك مننا ولا دايرين نتفك منو ..
والعربي زمان قال ( الربيت داير الأيادي )
دحين البوست دة لو ما لقى الأيادي .. بيحتل تاني ..

لك الشكر أخي ضمرة ..

ضمره بغدادى
02-07-2008, 10:17 AM
تاني يا ضمرة ..
البوست دة بقى زي حذاء الطنبوري .. لا داير يتفك مننا ولا دايرين نتفك منو ..
والعربي زمان قال ( الربيت داير الأيادي )
دحين البوست دة لو ما لقى الأيادي .. بيحتل تاني ..

لك الشكر أخي ضمرة ..
الاخ صلاح

انا اليوم من الصباح عجبتنى اغنية احمد فرح النزله ود عثمان ياريت تجيبه لينا هنا .
الشىء الآخر انا حاولت اشرف الطيب محمد نصر للتسجيل للبركل للفائده والتوثيق من الطيب شخصيا وهو الان سجل وسوف يكون معنا قريب انشاء الله .

عثمان الدغيس
02-07-2008, 07:39 PM
النائب الأول ود عبد النبي

المحارب الجسور ضمرة

كل الأحباب المتداخلين

لكم كل الحب والتقدير

ويا صلاح فعلاً البوست ده بعد ما نقول الناس نسوه خلاص يجيك مبنقر بي قدرة قادر وتساليط نوع ناس ضمرة ديل وناس عثمان نصر

جيناكم يا حبايبنا بعد غربة وشوق ...
وطبعاً شوية إنشغلنا عنكم شوية بعد حصولنا على عضوية سودانيزأونلاين ..
إلا طعومية منبرنا البركل لا تعادلها طعومية ..

ويللا يا عادل مكنة أضرب الدليب ..
ويا أبو خالد أنحت الذاكرة وجيب لنا خبر فرق كريمة وما إذا كانت هنالك محاولات للغناء الشايقي بالموسيقى ...يعني هل هنالك من حاول في تلك الفترة إدخال الدليب أو غنانا الشايقي مع المزيكا ؟؟؟

عموما لا بد وأن تكون هنالك بعض المحاولات ...

لأن مما أذكره أني زرت مرة في حوالي عام 1987 فرقة السكة الحديد وفوجئت بأن بالفرقة الحديثة |( مندلين ) وكان يعزف عليه جنبا إلى جنب مع الكمنجات والأكورديون .....

فالبلد بلد عجايب ..
يلا يا أبو خالد إنداح ... ويا عمر مجدوب خلينا من البت المخشبة وتعال علينا جاي ... كفاك خلاص خلصت 300 ريالك تالت ومتلت ....!!!

صلاح عبد النبي
02-09-2008, 08:01 AM
الاخ صلاح

انا اليوم من الصباح عجبتنى اغنية احمد فرح النزله ود عثمان ياريت تجيبه لينا هنا .
الشىء الآخر انا حاولت اشرف الطيب محمد نصر للتسجيل للبركل للفائده والتوثيق من الطيب شخصيا وهو الان سجل وسوف يكون معنا قريب انشاء الله .

الأخ ضمرة ..
تحياتي .. وفعلاً الأغنية الجميلة دي مفروض تأخذ حيز في هذا المكان لأنها في صميم الموضوع الذي نتحدث عنه .. ونستأذن أخونا ود عثمان في نقلها لبوست الدليب .. وننتظر أخونا عثمان الدغيس ليدلو بدلوه ..

http://www.sudaneseonline.com/v1/yabaldna.wma

عثمان الدغيس
02-10-2008, 03:55 AM
ود عبد النبي

ضمرة
وكل الأحباب

نرحب بالفنان إبن الفنان
أخونا أشرف الطيب نصر ، جعله الله إضافة حقيقية للمنبر ...
مرحباً بك بين إخوانك وأعمامك ...

يا صلاح الأغنية حلفت بالتدخلها الكنيسي ما تفتح معاي ....!!

المشكلة مني ولا منها ؟؟؟!

صلاح عبد النبي
02-11-2008, 05:27 AM
ود عبد النبي

ضمرة
وكل الأحباب

نرحب بالفنان إبن الفنان
أخونا أشرف الطيب نصر ، جعله الله إضافة حقيقية للمنبر ...
مرحباً بك بين إخوانك وأعمامك ...

يا صلاح الأغنية حلفت بالتدخلها الكنيسي ما تفتح معاي ....!!

المشكلة مني ولا منها ؟؟؟!

ود الدغيس ..
بركة الجيت ..
الغنية شن خبارها .. شغالة تمام ..
حاول اسمعها في بوستها الأصلي حق ودعثمان ..
ولازم تسمعها من أولها .. فيها مقدمة طنبور مبالغة ..
وراجنك بعد تسمعها ..
أرحب معك بالأخ أشرف الطيب محمد نصر .. وننتظر منه الكثير في هذا البوست ..
مودتي ..

صلاح عبد النبي
02-12-2008, 05:06 PM
نقلا عن البوست المهكور ..

كنت كثيراً ما أنوي في مداخلاتي في هذا البوست أن أتحدث عن بعض عمالقة عازفي إيقاع الدليب تقديراً لهم وتعريفاً بهم لمن لا يعرفهم .. وسأورد هنا بعض من عرفتهم وعاصرتهم وشاهدت إبداعهم

(1) الكيك : عازف دليب ماهر فوق ما يتصور العقل .. كان ملازماً للفنان محمد كرم الله وأعتقد أنه من منطقة الزومة إن لم تخني الذاكرة.. عشق الإيقاع لدرجة الوله .. كان يتميز بقدرته العجيبة على الإضافة الغير مخلة بالزمن أو (السنكبة ) على قول أخونا الدغيس .. وفي لحظات الطرب كان جمهور الحفلة يصيح به ( يا الكيك أمضي أمضي ) فيقوم بحركات تشبه التوقيع على الايقاع وببراعة يحسد عليها .. كان دائماً يقابلني باكراً عند بنطون مروي وهم عائدون من حفلة في خط الغرب فأداعبه قائلاً وين امبارح يا الكيك .. فيقول لي .. آزوووول والله ليل البارح دة كلو في تنقاسي .. طبلتنا تهوي زي الكلب للصباح!! ..
رحمه الله رحمة واسعة فقد توفي وهو في ريعان شبابه .

(2) عبد الله (ود السرة ).. من منطقة البركل .. عازف مقتدر .. عمل مع الفنان محمد كرم الله وصديق أحمد في فترة السبعينيات .. في وقت لم يعرف فيه الناس آلة الايقاع الحديثة حيث كانت تستخدم (الدلوكة ) التقليدية .. كان عندما يستخفه الطرب وتلتهب الأكف بالصفقة وتعمر الدارة بالحسان.. كان يحمل دلوكته ويحبو راقصاً في الدارة وسط الراقصات مواصلاً عزفه المضبوط دون خروج من الزمن ولو للحظة واحدة ..

(3) قسم السيد .. من أوائل الذين عملوا مع الفنان النعام آدم وادريس إبراهيم ومن عاصرهم من الفنانين غادر البلاد منذ وقت طويل وأقام في مدينة جده .. التقيته وشارك معنا أكثر من مرة في جلسات مع الشاعر السر عثمان الطيب وشقيقه عادل والفنان محمد جبارة ..

(4) ود حمد ..فردة كورس وضابط إيقاع من الدرجة الأولى .. شارك مع الفنان النعام آدم والفنان عثمان اليمني وصديق أحمد ..

ومن المعاصرين في وقتنا الحالي :-

(1) عبد الله عبد الغني .. عازف ممتاز بمعنى الكلمة .. يتميز بإيقاعه الغني والمطرب لحد الدهشة .. كما يتميز بقدرته الفائقة على استخدام (الدُّم ) وتنويعه وتطريبه داخل الزمن .. . ولازال مواصلاً إبداعه ..

(2)عادل (مكنة) .. فنان وعازف متمكن..عمل مع معظم الفنانين المعاصرين .. ولازال

(3) عبد المنعم العوض (ود العوض ) : فنان شامل .. عازف طنبور مدهش ..وملحن .. وعازف إيقاع لا يعلى عليه .. وهو من الذين يعول عليهم كثيراً في تطوير أغنيتنا في الجانب اللحني .. يدهشني كثيراً وأنا أتابع إيقاعه المتميز وأكثر ما يعجبني فيه هو متابعته الدقيقة للمغني في حركاته وسكناته حتى ليكاد أن يعزف اللحن كاملاً بالايقاع ! وتميّز كثيراً في هذا الجانب بالاعمال التي رافق فيها الفنان محمد النصري حيث عمل معه في كل الالبومات التي أصدرها هذا الفنان الرائع .

هذا ما أسعفتني به الذاكرة ومؤكد أن هناك الكثير غيرهم من المبدعين في هذا الجانب الصعب من الأداء الموسيقي ..
لهم جميعاً التحية وخالص الأماني بالصحة والعافية

صلاح عبد النبي
02-12-2008, 05:10 PM
ثم كتب عثمان الدغيس أيضا في البوست المهكور :

أخوي صلاح عبد النبي

طبعاً ناس الجرقندي وأبو شعر والجماعة ديل نحن ما حضرناهم ( شفت كيف ؟؟؟ ) لكن حضرنا جيل ناس حرزاوي وسيد السر ( وكنت من أشد المعجبين بيه ) ومحمد أحمد وحسن حسين ( الجعلي ) ورقصته الشهيرة في أغنية روق أنا ما بروق يا شيوخي تقيفوا روق مع عبد الرحمن البركل ، وكان في زمنا برضو عبد الرحيم البركل الفنان ده وأياميها كان صفاق من الدرجة الأولي وكان يصفق مع صديق أحمد ومع مخلص محمد علي الراجل الفلتة !!

وبعدين من أولاد الزومة كان هنالك المجروس ( بتاع الكورة ) وأخوه عبدو سعد وطبعاً كانو مميزين جداً و و و و و وغيرهم ممن كانوا روح لحفلات الطمبور،،، وطبعاً كان لي شرف الشغل ( إن صح التعبير ) معاهم حتى تدرجت للعمل مع ود جبارة ودي طبعاً لحدي الآن انا قاشر بيها !!!

عثمان الدغيس
02-13-2008, 05:45 AM
ود عبد النبي

كيفنك يا خوي ...
وعساك بخير ..

من عازفي الطبلة البارزين والكانوا مميزين (أيامنا ) جبر الله أبو زند من نوري ، الزول ده كان فنان فعلاً ...لكن الشباب الجداد ديل والله حيروا الطبلة زااااته في رقبتها ... يا خي عبدالله ده قاعد يسنكب سنكبة ميها اللت نصاح ...!!

والله فناناً مو زمنو كااااارب ما بيقدر يغني معاه ..

الود فعلاً مبدع ...

تشكر يا صلاح على موالاة البوست بالدعم والإجتهاد الكبير في نقل ما سبقت كتابته في البوست المهكور ...

وبعدين ياخي سمعت لي أغنية لي ود النصري وقالوا لي دي من ألحانك ... يا خي أتاريك مسلللللللللللللللللللللللللللط عديل كده ...!!

والله أنا ألم فيك نسوي في غنانا الشايقي ده عمايل ...!

ربنا يجمعنا وإياكم في ساعة خير وفي دارة عامري ..

صلاح عبد النبي
02-13-2008, 07:39 AM
ود عبد النبي

كيفنك يا خوي ...
وعساك بخير ..

من عازفي الطبلة البارزين والكانوا مميزين (أيامنا ) جبر الله أبو زند من نوري ، الزول ده كان فنان فعلاً ...لكن الشباب الجداد ديل والله حيروا الطبلة زااااته في رقبتها ... يا خي عبدالله ده قاعد يسنكب سنكبة ميها اللت نصاح ...!!

والله فناناً مو زمنو كااااارب ما بيقدر يغني معاه ..

الود فعلاً مبدع ...

تشكر يا صلاح على موالاة البوست بالدعم والإجتهاد الكبير في نقل ما سبقت كتابته في البوست المهكور ...

وبعدين ياخي سمعت لي أغنية لي ود النصري وقالوا لي دي من ألحانك ... يا خي أتاريك مسلللللللللللللللللللللللللللط عديل كده ...!!

والله أنا ألم فيك نسوي في غنانا الشايقي ده عمايل ...!

ربنا يجمعنا وإياكم في ساعة خير وفي دارة عامري ..

الأخ عثمان
تحياتي ،،
يبدو أن هذا البوست لم يستنفد أغراضه بعد .. ولسه في كلام كتير ما اتقال .. ومنتظرين أخونا أبو خالد يواصل في ذكرياتو .. لكن انت انشغلت عننا شوية .. والدليل (آلو لو ) :D:D .. ياخي الأغنية القالولك عنها دي الأخ عوض جلاس عامل ليها بوست طويل وعريض هنا في البركل .. وكمان انا رفعت أغنية الجلابة (2) للفنان محمد جبارة بمشاركة كمنجتي في بوست للأخ عادل عثمان الطيب بعنوان (الجلابة 2) وإنت ولا هنا رغم إنها في صميم ما نحن بصدده ..
أها يلا قول .. والومي العتاب جابوه .. كيفن أسوي كيف الشورة :):confused:

لكن ولا يهمك أنا أجيبها ليك هنا :-

http://www.sudaneseonline.com/v1/YaJalabahMohamedJubarah.mp3

نواصل إن شاء المولى ..

صلاح عبد النبي
02-18-2008, 08:26 AM
أخونا ود الدغيس
ومن يهمهم الأمر ..
البوست دة قلعتو من الصفحة الثالثة ..
ولا زلت أعتقد جازماً بأنه لم يستنفد أغراضه بعد ..
والله إذا غلطان قولوا لي ..:confused::)
لكن بدون مشاركاتكم لن يستمر ونخليهو يمشي الإرشيف تاني ..

خالص مودتي ..

عثمان الدغيس
02-20-2008, 06:15 AM
أخونا ود الدغيس
ومن يهمهم الأمر ..
البوست دة قلعتو من الصفحة الثالثة ..
ولا زلت أعتقد جازماً بأنه لم يستنفد أغراضه بعد ..
والله إذا غلطان قولوا لي ..:confused::)
لكن بدون مشاركاتكم لن يستمر ونخليهو يمشي الإرشيف تاني ..

خالص مودتي ..

ود عبد النبي

فعلا البوست لم يستنفد أغراضه ولن يستنفدها إلا عند التوافق على كلمة سواء بشأن معالجة أمر الطمبور الذي نريد له أن يكون مواكباً وإزالة المشاكل التي تعترض تطوره ,,
هذا من ناحية ...

من ناحية تانية عايزين نناقش مسالة إعادة إنتاج أغانينا الشايقية بإدخال الآلات الموسيقية الحديثة بل ومحاولة التوزيع الموسيقي ولو على بسيط ..

مناقشة الحالات والمحاولات التي قدمت من بعض الحادبين على أمر أغنيتنا التي هي عنوان مميز لنا كشايقية ..وإخضاعها للنقاش والدراسة ومحاولة عمل الإضافات الضرورية على تلك التجارب ...
وها أنت يا صلاح سبقتنا جميعاً وعملت تلك المحاولة/ات وهي بالجد فكرة جميلة وتنفيذ متقن ... وصدقني لو كان معكم أكورديون وفلوت ، حتى لو إقتصر دور الأكورديون على المركبات ( الكوردات ) والهارموني لكانت الصورة غاية في الإبداع ، وكمان يتم توظيف الفلوت لعمل خلفيات أو ما يسمى ( بالكونتربوينت ) ده كان يكون حكاية ما عادية ,,..

بعدين ما شاء الله التسجيل رهيب وصوت الفنان محمد جبارة في أعلى درجات نقائه ... عينا باردي ...

صلاح عبد النبي
02-20-2008, 04:37 PM
من ناحية تانية عايزين نناقش مسالة إعادة إنتاج أغانينا الشايقية بإدخال الآلات الموسيقية الحديثة بل ومحاولة التوزيع الموسيقي ولو على بسيط ..

مناقشة الحالات والمحاولات التي قدمت من بعض الحادبين على أمر أغنيتنا التي هي عنوان مميز لنا كشايقية ..وإخضاعها للنقاش والدراسة ومحاولة عمل الإضافات الضرورية على تلك التجارب ...
وها أنت يا صلاح سبقتنا جميعاً وعملت تلك المحاولة/ات وهي بالجد فكرة جميلة وتنفيذ متقن ... وصدقني لو كان معكم أكورديون وفلوت ، حتى لو إقتصر دور الأكورديون على المركبات ( الكوردات ) والهارموني لكانت الصورة غاية في الإبداع ، وكمان يتم توظيف الفلوت لعمل خلفيات أو ما يسمى ( بالكونتربوينت ) ده كان يكون حكاية ما عادية ,,..

أخي عثمان ..
دة الكلام ..
الأخ الفنان محمد جبارة كان ولا يزال يحمل مثل هذا الهم .. ولكنه يصطدم دائماً بمشكلة من سينفذ معه هذا العمل .. ويوم المنى يا عثمان لو التقينا ثلاثتنا ومعانا عازف فلوت ..وضابط إيقاع أصيل !! حينها سيكون لكل حادث حديث ..
أعتقد - في التجارب التي تم تنفيذها بالغناء في إيقاع الدليب بالالات الموسيقية الكاملة - أن أنجح تجربة في نظري هي أغنية الراحل أحمد فرح ..يا حليلك يا بلدنا .. اقتربت من حد التصور النظري لهذا الأمل الذي نرجوه والسبب يعود إلى أصالة الإيقاع فيها واستخدام الطنبور مع بقية الالات و(سنكبة ) الايقاع بالصفقة وأداء الكورس الراقي فيها ..
تواجد كل هذه العنااصر يحتفظ برونق وجمال الإيقاع مع ما تضفيه الالات الأخرى من ابعاد موسيقية شاسعة للحن ..
وكما ذكرت لك .. هناك بعض التجارب المسجلة سأحاول عرضها هنا لمناقشتها رغم أنها تمثل تجارب تتقاصر عن المستوى الذي نريده ..ولكنها جهد المُقِلْ .

وخليك معانا ..
مودتي ..

عصام سرالختم
05-04-2008, 09:15 PM
يرفع هذا البوست الراقى الجميل احتفاءا بعودة الاخ الحبيب عثمان الدغيس
واملا فى عودة صديقى ودفعتى الرجل الفنان المبدع صلاح عبدالنبى
واتمنى ان يكون هو واسرته الكريمة بخير وفى خير..
وينك يا صلاح

صلاح عبد النبي
05-05-2008, 08:21 AM
الأخ الصديق عصام سر الختم ..
خالص تحياتي لك وللأسرة الكريمة .. ولك جزيل شكري على اهتمامك وسؤالك عني ونحن والحمد لله بخير .. فقط بعض المشاغل حرمتني من التواصل معكم خلال الفترة الماضية .. وبإذن الله سأكون من اليوم معكم ودوماً في دوحة البركل الوارفة الظلال ..
وشكراً ثانياً على رفع هذا البوست .. آملاً أن يستمر تسليط الضوء عبره على هذا الضرب الجميل من الفن بمشاركة أخونا عثمان الدغيس والأخوة الكرام ..
لك خالص مودتي أخي عصام ..

عثمان محمد نصر
05-05-2008, 12:19 PM
الإخوان سلام الحقيقه في كسل شديد وكنا البوست دا عاوزينوا يبقى مش مجرد ونسه وتاريخ بس نحن عاوزينه يتحول من مجرد كلام نظري لعملي يعني نستفيد من الأساتذه الموجودين بينا ( عثمان وصلاح) ان يتحول لمدرسه للموسيقى عديل ودروس علميه وعمليه في مادة الموسيقى لكل الراغبين في تعلم لغة الموسيقى مننا ومن أولادنا وبكدا نكون سخرنا موقعنا الجميل لتخريج اجيال من المتعلمين موسيقياً وما شرط شهادات واللا أيه رأيكم ياشباب ؟؟ وتحياتنا وشكرنا لكل القائمين بهذا العمل الرائع

شهرزاد
05-05-2008, 12:19 PM
الأخ الصديق عصام سر الختم ..
خالص تحياتي لك وللأسرة الكريمة .. ولك جزيل شكري على اهتمامك وسؤالك عني ونحن والحمد لله بخير .. فقط بعض المشاغل حرمتني من التواصل معكم خلال الفترة الماضية .. وبإذن الله سأكون من اليوم معكم ودوماً في دوحة البركل الوارفة الظلال ..
وشكراً ثانياً على رفع هذا البوست .. آملاً أن يستمر تسليط الضوء عبره على هذا الضرب الجميل من الفن بمشاركة أخونا عثمان الدغيس والأخوة الكرام ..
لك خالص مودتي أخي عصام ..

أستاذنا / صلاح عبد النبي ..
نشكر وجودك اليوم ..
وقد زين المكان .. بالألفه ...

صلاح عبد النبي
05-06-2008, 06:28 AM
الإخوان سلام الحقيقه في كسل شديد وكنا البوست دا عاوزينوا يبقى مش مجرد ونسه وتاريخ بس نحن عاوزينه يتحول من مجرد كلام نظري لعملي يعني نستفيد من الأساتذه الموجودين بينا ( عثمان وصلاح) ان يتحول لمدرسه للموسيقى عديل ودروس علميه وعمليه في مادة الموسيقى لكل الراغبين في تعلم لغة الموسيقى مننا ومن أولادنا وبكدا نكون سخرنا موقعنا الجميل لتخريج اجيال من المتعلمين موسيقياً وما شرط شهادات واللا أيه رأيكم ياشباب ؟؟ وتحياتنا وشكرنا لكل القائمين بهذا العمل الرائع

الأخ أبو خالد ..
لك التحية وأنت تبدي هذا الاهتمام .. وأتمنى أن نستطيع تحقيق وتنفيذ ما اقترحت من خلال هذا البوست ..
لك جزيل شكري .. وخليك متابع ..

صلاح عبد النبي
05-06-2008, 06:31 AM
أستاذنا / صلاح عبد النبي ..
نشكر وجودك اليوم ..
وقد زين المكان .. بالألفه ...

شهرزاد ..
يا حاملة لواء الشعر ..
لست إلا منكم .. وإليكم ..
والمكان متألق دوماً بأصحابه
خالص امتناني

عثمان الدغيس
05-06-2008, 07:30 AM
الأخ صلاح والأخوة الأحباب رواد الدليب ..
أتأسف لكم جميعاً للغيبة التي طالت وإنشغلنا فيها عن البوست وعن المنبر بشكل عام ..
لكن ما يطمئننا أن هنالك رجل فنان وهميم هو صلاح عبد النبي ...
خلونا كدي ننعش الذاكرة بموضوع تطوير آلة الطمبور نفسها ...
والمحاولات التي جرت والتي أعتقد أنها كانت فعلاً رائعة تماماً ...
هذا على صعيد ... وعلى الصعيد الآخر والأهم ففي رأيي أننا لا بد وأن يكون لنا السبق في توزيع أغاني الطمبور بواسطة موسيقيين مهرة ودارسين بالإستعانة بعازفي الطبلة والكورس ( أصحاب الأصوات التيونر ) ...!
لأنو عندنا كورس أصواتهم تفك الخميرة من البيرة ...!
يعني نشاز أعوذ بالله منه ...!
يعني أنا لو قاولوني على أن أنشز بالطريقة دي وإتمرنت على النشاذ سنوات ما كنت لأكون مبدعاً في النشاذ بالطريقة دي ...!
الأستاذة حنان النيل كان ممكن تكون أفضل معين في تجربتنا دي ..
ذلك لأنها زولة مقتدرة فنياً ودي ما فيها شك ، وذات إحساس عالى بالزمن وبعدين تجربتها مع الثنائي بينت أنها تمتلك إحساس بالدليب لا يقل عن إحساس ود كرم الله زاتو ..
إضافة لحنيتها في صوتها وفي إحساسها الموسيقي الذي لا تخطؤه أذن ..
إضافة إلى علاقتها الطيبة بأهل الموسيقى من عازفين ومنوتين من كلية الموسيقى والدراما ...

بس ما عارفين نقول شنو ....!!
التوبة لله ما بناباها لكن الفيكي إتعرفت يا حنان !!!

صلاح عبد النبي
05-06-2008, 06:07 PM
أخونا عثمان .. مرحباً بك مرة أخرى في حوشك العامر ..
وبمناسبة عودتك وعودة هذا البوست مرة أخرى أهديك - وجميع من يزورنا في هذا المكان - هذا اللحن الشجي بصوت الفنان محمد جبارة بمصاحبة (خفيفة ) من كمنجتي وكان ذلك خلال جلسة غنائية جميلة ضمتني وعدد من الأخوة مع الفنان محمد جبارة بمدينة جده خلال عام 2002 .. http://sudaniyat.net/up/uploading/yagomria.mp3

عصام سرالختم
05-06-2008, 06:22 PM
غنى يا قمرية ... رددى لى غناكى
قلبى لمه حبيبو ... صدى على جناكى
عودى بعد الهجره ... امرحى دام هناكى
ابنى عشك تانى ... انسجى كل عناكى

ابداع .. وفن راقى يا صلاح
لك التحية وللاستاذ المطرب ودجبارة

تخريمه :
وين رفيق قمارى الربع الخالى ؟؟

طيبان
05-19-2008, 06:26 PM
ويوم المنى يا عثمان لو التقينا ثلاثتنا ومعانا عازف فلوت ..وضابط إيقاع أصيل !! حينها سيكون لكل حادث حديث
أها يا صلاح عبدالنبي..
دا كلامك بي عضمة لسانك في البوست دا..
ويوم المني بي جيّة عثمان حصل..واتلاقيتو..
نشوف عذركم شنو؟؟:p
_______
عثمان أوعي تقول علي مسخوت :mad:..
من ناحية غنّيتوا غنّيتوا:p..
وللا فالحين في الصور بس؟؟ :D:D

صلاح عبد النبي
05-20-2008, 07:52 AM
أها يا صلاح عبدالنبي..
دا كلامك بي عضمة لسانك في البوست دا..
ويوم المني بي جيّة عثمان حصل..واتلاقيتو..
نشوف عذركم شنو؟؟:p
_______
عثمان أوعي تقول علي مسخوت :mad:..
من ناحية غنّيتوا غنّيتوا:p..
وللا فالحين في الصور بس؟؟ :D:D

الأخ طيبان ..
والله هو فعلاً كان يوم المنى .. وما تعلمته من صديقي عثمان في تلك السويعات القليلة يوازي ما تراكم من خبرات خلال سنيني الفائتة ..وطبعاً دار حديث طويل حول الموسيقى والدليب وكان من الممكن تسجيل تجربة عملية تترجم بعض ما قلناه وما كتبناه في هذا الموضوع .. ولكن غاب عنصران هامان في هذا المنحى .. صديقنا العزيز الفنان محمد جبارة .. وأكورديون الدغيس الذي تحسر على عدم احضاره معه والسبب معروف :D الراجل جاي يعمّر يا جماعة ..
لكن من ناحية غنينا .. غنينا:) .. وأترك التعليق للأخ عثمان على موضوع الغنا دة!

دمت طيباً ..

صلاح عبد النبي
11-18-2008, 04:59 AM
الأخ عثمان الدغيس ..
رأيك شنو .. ندور في البوست دة تاني ؟؟
أنا .. (بوقي ) ليك .. وإنت (شوت ) ..
لا يزال هناك الكثير ليقال في هذا الموضوع ..
وأدعو أخي الأستاذ السر عثمان الطيب للاطلاع على ما ورد هنا فهو أشد منا اهتماماً وانشغالاً بمسألة ترقية وتطوير هذا الفن الراقي وهذه الآلة الرائعة .. وانتظر أن يدلي بدلوه بعد الاطلاع على كل ما كتب هنا ..
راجيكم ..

طيبان
11-18-2008, 05:31 AM
الأخ عثمان الدغيس ..
رأيك شنو .. ندور في البوست دة تاني ؟؟
أنا .. (بوقي ) ليك .. وإنت (شوت ) ..
لا يزال هناك الكثير ليقال في هذا الموضوع ..
وأدعو أخي الأستاذ السر عثمان الطيب للاطلاع على ما ورد هنا فهو أشد منا اهتماماً وانشغالاً بمسألة ترقية وتطوير هذا الفن الراقي وهذه الآلة الرائعة .. وانتظر أن يدلي بدلوه بعد الاطلاع على كل ما كتب هنا ..
راجيكم ..
غايتو البوست دا والله حقرتوبو وحقرتوبنا ..:mad:
دايرين والله نتعلّم منّكم ..وفترنا من التحانيس ..
أساتذة شنو ديل ؟؟؟:D:D
_____

حباب الموسيقيين وأهل الموسيقي والنضم السمح

صلاح عبد النبي
01-03-2009, 07:17 PM
http://sudaniyat.net/up/uploading/khoofyminallah.mp3
أرجو عمل stop لأغنية الفنان محمد جبارة أعلاه حتى تتمكنوا من سمع هذا اللحن بوضوح ..

شكراً أخي طيبان على حسن المؤازرة ..
وها هي شذرة من شذرات أحلامنا تصبح حقيقة واقعة نسمعها ونعيشها ..
الفنان محمد النصري .. يغني من كلمات اسحق الحلنقي .. وألحان صلاح إدريس ..
إستأذن أخي عوض جلاس الذي قام مشكوراً بوضعها في منتدى الأغاني .. ليسمح لي بنقلها هنا حيث أنها تخدم أحد أهم أغراض هذا البوست ..
وأكرر الدعوة للصديق الغائب (جداً ) عثمان الدغيس .. للعودة والمشاركة
وللأخ العزيز أبو خالد (الغائب أيضاًَ).. لمواصلة ذكرياته عن الفن في كريمة ..
ولا زال لشوية كلام في الموسيقى والدليب بقية .. لم تقال بعد ..

عثمان الدغيس
01-04-2009, 09:50 AM
أرجو عمل stop لأغنية الفنان محمد جبارة أعلاه حتى تتمكنوا من سمع هذا اللحن بوضوح
شكراً أخي طيبان على حسن المؤازرة ..
وها هي شذرة من شذرات أحلامنا تصبح حقيقة واقعة نسمعها ونعيشها ..
الفنان محمد النصري .. يغني من كلمات اسحق الحلنقي .. وألحان صلاح إدريس ..
إستأذن أخي عوض جلاس الذي قام مشكوراً بوضعها في منتدى الأغاني .. ليسمح لي بنقلها هنا حيث أنها تخدم أحد أهم أغراض هذا البوست ..
وأكرر الدعوة للصديق الغائب (جداً ) عثمان الدغيس .. للعودة والمشاركة
وللأخ العزيز أبو خالد (الغائب أيضاًَ).. لمواصلة ذكرياته عن الفن في كريمة ..
ولا زال لشوية كلام في الموسيقى والدليب بقية .. لم تقال بعد[/size] ..[/color]



ود عبد النبي ,,,
أماني بالك مو طويل ...!!
عيننا باردي ...
والله نشهده على إنك فنان ومثابر كمان ...!
وكمان طيبان خاتيه معانا قرض ..
أها ظهرنا وبنا .. ودايرين منكم الأمان وإلتماس العذر ..

بمناسبة إلتماس العذر دي لو تذكروا زمان كان في المطالعة في الإبتدائية موضوع بعنوان ( التماس العذر ) بدون تشكيل كده ,,...
والكلام ده كان في كتاب سنة تالتة ولا رابعة ما عارف ...
تخيلوا عنوان بالكبر ده وبدون تشكيل لي شفع ...!
ومع إني كنت دائماً أول الفصل وكنت غائباً يوم الدرس المشئوم وعانيت من فهم هذا العنوان وقراءته حتى وقت قريب ..

فأرجو إلتماس العذر أحبتي وجاييكم بي رواااااااااااقة ...

حذفنا الرابط إستجابة للحبيب صلاح ..
مع إني ما سامع اي حاجة .
ويبدو إنو المشكلة من جهازي

عثمان الدغيس
01-06-2009, 05:51 AM
شنو يا أخوانا ...؟

تكوركوا لينا وما نجي ...
ولما نجيكم تكوركوا ...
أقصد تلبدوا ...!!

صلاح عبد النبي
01-06-2009, 06:45 AM
أخونا ود الدغيس ..
ليك وحشة والله ..
قريت مداخلتك بالأمس .. وجاييك اليوم
كدي أول حاجة خش على مداخلتك الأولى (ما قبل الأخيرة ) وعدلها بحيث تحذف رابط أغنية النصري من الاقتباس .. بقت شغالة زي أبو التي تي .. :D
والزمن دة كلو غاتس وين ؟؟
يلا .. بالله أسمع أغنية النصري دي كويس .. وأدينا تعليقك عليها ..
هل خرجت براءة من دليب الخرطوم ؟؟ أم تسربلت به ؟؟
واللحن ذاتو .. ما بتحس إنو مكرر؟؟
تحياتي .. ولي عودة إن شاء المولى

عثمان الدغيس
01-07-2009, 09:19 AM
أخونا ود الدغيس ..
ليك وحشة والله ..
قريت مداخلتك بالأمس .. وجاييك اليوم
كدي أول حاجة خش على مداخلتك الأولى (ما قبل الأخيرة ) وعدلها بحيث تحذف رابط أغنية النصري من الاقتباس .. بقت شغالة زي أبو التي تي .. :D
والزمن دة كلو غاتس وين ؟؟
يلا .. بالله أسمع أغنية النصري دي كويس .. وأدينا تعليقك عليها ..
هل خرجت براءة من دليب الخرطوم ؟؟ أم تسربلت به ؟؟
واللحن ذاتو .. ما بتحس إنو مكرر؟؟
تحياتي .. ولي عودة إن شاء المولى


الحبيب صلاح ..
اولاً وإستجابة لطلبك قمت بحذف الرابط ...
وضحكتني حكاية أبو التي تي دي ....!
مية سنة ما سمعت العبارة دي ...!ههههههههههههههه

المشكلة يا صلاح عندي إني ما سامع أي حاجة في البوست ده ...
وبالتالي موش قادر أقيم الأغنية ...
ح أحاول إتصرف وأسمعها من أي جهاز تاني ..
وأجيك بإنطباعاتي ورايي المتواضع ..
بس خليك قريب

ضمره بغدادى
01-07-2009, 06:09 PM
الاخوان صلاح والدغيس
مشتاقين شديد
اسجل حضور فى بوستكم الطاعم ده .....واصلوا فلا تحرمونا

عثمان الدغيس
01-11-2009, 09:12 AM
الاخوان صلاح والدغيس
مشتاقين شديد
اسجل حضور فى بوستكم الطاعم ده .....واصلوا فلا تحرمونا

أخوي الحبيب ضمرة ...
أولاً إجازة إن شاء الله كانت موفقة . وباين من صوركم إنكم إستمتعتم أيما متعة ...
تحياتي ليك وللعيال ...
عامل بيتكم السمح ده ...
وتمر بريده العجيييييييييييب داك ...!



أشكرك بشدة على المرور ,,
وشوقنا صدقني بحر والله ...

عثمان الدغيس
01-26-2009, 05:11 AM
يا حبايبنا ..
مالكم قاطعين الخبر ..
الموضوع ده يا أخوانا ما ظهرت فيهو فرقة صحوة تغني غنا الطمبور ..
وفيهو ود النصري والأغنية اللي لسة ما لميت فيها عشان نشوفها ونقيمه هل هي من نوع دليب بلدنا ولا تم تم الناس ..!

و و و و و و و و
ما تمشوا بعيد ،،،،،،

عمر مجذوب خطيب
01-26-2009, 10:19 AM
يا حبايبنا ..
مالكم قاطعين الخبر ..
الموضوع ده يا أخوانا ما ظهرت فيهو فرقة صحوة تغني غنا الطمبور ..
وفيهو ود النصري والأغنية اللي لسة ما لميت فيها عشان نشوفها ونقيمه هل هي من نوع دليب بلدنا ولا تم تم الناس ..!

و و و و و و و و
ما تمشوا بعيد ،،،،،،

عثمان - اليوم بس وقعت في ايدي السي دي بتاعت ناس الصحوة - وهذه الفرق افضل سماعها على مشاهدتها فاللبس والحركات الالية التي يؤدونهاو النظرات بينهم تكاد تقتلني - المهم يا حبيب الناس ديل جضمو الشايقي دا جضم شديد -كدي ورينا ايقاعهن زي فيهو اختلاف نحو الاحسن طبعا - يكونو سوو شنو - راجيك

موسى الحسين
01-26-2009, 12:00 PM
صديقي الرائع صلاح عبد النبي

دخلت أقول نهاركم سعيد وانتم تزينونا فضاءنا بهذه الأنغام الجميلة
أما أنا فلا ناقة لي ولا جمل في موضوعه (التعامل مع كل آلات النغم)
حتى في الحفلات أيام الصبا حيث كانت الحفلات الما فيها فنان تعمر بالصفوف كل ناس حي أو قرية يعمرو صفهم وكان فيه تنافس شديد كان دائماً يدفروني بعيد بحجة إني أطرق ، لكن شدت ما كنت مكاجر تاني أجيهم تار والمرة دي معاها غني (لا تزعلي الرسول يا زينة لا تزعلي) وقبل ما اكمل ألقى نفسي تاني في برا الدارة .

خالد الباشا
01-26-2009, 03:13 PM
الأخ المبدع الفنان صلاح عبد النبي ...

وانا من قبل الهكر .. اعاين للموضوع ده بي طرف عيني وبراي اقول دي واحدة من حركات عثمان الدغيس موسيقة شنو وكمان لامن نزولا ...


والليلة ده وانا قاعد في مكتبي .. دخل علي زول من الناس العندهم علاقة وعلاقة كبيييرة بالموسيقى (ياسر سالم ) .. وقالي ياخي استاذ عثمان الدغيس صحي صاحبك ...؟؟ اتعدلت واتهجمت وسألتو !!!

من وين تعرفو .. ؟؟

كيف ياخي وعثمان الدغيس ده معاي في فرقة وااحده وهو من امهر عازفي الاكورديوم (او كما تكتب) ...

ولقيت نفسي بعد الإندهاش اشيل واشكر في الدغيس ...

اولا ..

لك شكرا لإعادة البوست الرائع .. ولعثمان الف شكر لأني كنت فخورا وموسيقي حكي لي عن صديقي الموسيقي عثمان الدغيس ... وتاني بنرسل ليك وانتو عليكم الألحان ..

صلاح عبد النبي
01-27-2009, 06:40 AM
يا حبايبنا ..
مالكم قاطعين الخبر ..
الموضوع ده يا أخوانا ما ظهرت فيهو فرقة صحوة تغني غنا الطمبور ..
وفيهو ود النصري والأغنية اللي لسة ما لميت فيها عشان نشوفها ونقيمه هل هي من نوع دليب بلدنا ولا تم تم الناس ..!

و و و و و و و و
ما تمشوا بعيد ،،،،،،

أخوي عثمان ..
لسه ما سمعت أغنية ود النصري وصلاح إدريس ..؟؟
أتمنى أن تتمكمن من سماعها .. وكمان إستمع لمجموعة الصحوة في شريطهم الأخير .. والحاجات دي كلها موجودة على الموقع .. كتر خير الشباب الهنا ما قصروا ..
استمعت لشريط الصحوة كله .. وأبديت فيه رأيي المتواضع في بوست سابق ..
ونواصل إن شاء الله ..
لسه (شوية الكلام ) .. باقي كتير ..
مودتي ..

صلاح عبد النبي
01-27-2009, 06:42 AM
عثمان - اليوم بس وقعت في ايدي السي دي بتاعت ناس الصحوة - وهذه الفرق افضل سماعها على مشاهدتها فاللبس والحركات الالية التي يؤدونهاو النظرات بينهم تكاد تقتلني - المهم يا حبيب الناس ديل جضمو الشايقي دا جضم شديد -كدي ورينا ايقاعهن زي فيهو اختلاف نحو الاحسن طبعا - يكونو سوو شنو - راجيك

أخونا عمر ..
ياخي تشكر لمؤازرتك الدائمة لنا في هذا البوست ..
أنتظر معك تعليق الأخ عثمان الدغيس على شريط الصحوة ..
خليك متابع ..

صلاح عبد النبي
01-28-2009, 05:50 AM
الأخ المبدع الفنان صلاح عبد النبي ...

وانا من قبل الهكر .. اعاين للموضوع ده بي طرف عيني وبراي اقول دي واحدة من حركات عثمان الدغيس موسيقة شنو وكمان لامن نزولا ...


والليلة ده وانا قاعد في مكتبي .. دخل علي زول من الناس العندهم علاقة وعلاقة كبيييرة بالموسيقى (ياسر سالم ) .. وقالي ياخي استاذ عثمان الدغيس صحي صاحبك ...؟؟ اتعدلت واتهجمت وسألتو !!!

من وين تعرفو .. ؟؟

كيف ياخي وعثمان الدغيس ده معاي في فرقة وااحده وهو من امهر عازفي الاكورديوم (او كما تكتب) ...

ولقيت نفسي بعد الإندهاش اشيل واشكر في الدغيس ...

اولا ..

لك شكرا لإعادة البوست الرائع .. ولعثمان الف شكر لأني كنت فخورا وموسيقي حكي لي عن صديقي الموسيقي عثمان الدغيس ... وتاني بنرسل ليك وانتو عليكم الألحان ..

شاعرنا المبدع المرهف خالد الباشا ..
أول شئ .. والله مرورك هنا شرفنا كتير ..
وأتمنى أن تكون قد تمكنت من الاطلاع على ما كتب في هذا البوست فالموضوع يهمك في المقام الأول باعتبارك عموداً وركناً من أركان هذا الفن الراقي الجميل .. فن الدليب ..
وكما ترى .. فالمساحة هنا مفتوحة لكل ما يتعلق بالدليب والموسيقى .. من توثيق لبعض من أثروا ساحاتنا الفنية .. ومن نقاش في مسيرة هذا الايقاع الجميل .. وغير ذلك من مساجلات غنية دارت في هذا المضمار الشيق .. ويا ريتك كنت اطلعت عليه قبل أن يتهكر .. قطعاً كنا سنحظى بمشاركات ثرة ومداخلات شجية من قلمك السيال ..
لكن ما راح شئ ..
ما زال حوشنا مفتوحاً ودارنا عامرة بوجودكم جميعاً .. وما زالت هناك الكثير من المحاور لم تنل حظها من النقاش ..
أتمنى من خلال وجودك معنا أن نعرج على الشعر والمفردة الشعرية وتطورها عبر هذه الحقب الفنية التي مرت ..

لك شكرا لإعادة البوست الرائع .. ولعثمان الف شكر لأني كنت فخورا وموسيقي حكي لي عن صديقي الموسيقي عثمان الدغيس ... وتاني بنرسل ليك وانتو عليكم الألحان
أخونا الأستاذ عثمان الدغيس فخر لنا جميعاً .. ويحق لنا بأن نعتز به .. فبالرغم من تخصصه في آلة الأكورديون إلا أنه متيم بحب الدليب ومهموم بمسألة تطوير الطنبور .. متعه الله بالصحة والعافية ..
الألحان !! .. يا ريت والله يا ود الباشا .. أتمنى أن يسعدني الحظ بتلحين أي عمل من أعمالك الرائعة .. رسّل بس ..
شكراً مرة أخرى لمرورك الباذخ ..

صلاح عبد النبي
01-28-2009, 05:56 AM
صديقي الرائع صلاح عبد النبي

دخلت أقول نهاركم سعيد وانتم تزينونا فضاءنا بهذه الأنغام الجميلة
أما أنا فلا ناقة لي ولا جمل في موضوعه (التعامل مع كل آلات النغم)
حتى في الحفلات أيام الصبا حيث كانت الحفلات الما فيها فنان تعمر بالصفوف كل ناس حي أو قرية يعمرو صفهم وكان فيه تنافس شديد كان دائماً يدفروني بعيد بحجة إني أطرق ، لكن شدت ما كنت مكاجر تاني أجيهم تار والمرة دي معاها غني (لا تزعلي الرسول يا زينة لا تزعلي) وقبل ما اكمل ألقى نفسي تاني في برا الدارة .

مولانا موسى الحسين ..
شكراً على طيب المؤازرة ..
لكن ما تخيلتك تكون (أطرق) أبداً .. يعني ما باين عليك وكدة:D
يكفيك أن تكون مستمعاً جيداً ..
تابع معنا ..

عثمان الدغيس
01-28-2009, 05:56 AM
أخونا عمر ..
ياخي تشكر لمؤازرتك الدائمة لنا في هذا البوست ..
أنتظر معك تعليق الأخ عثمان الدغيس على شريط الصحوة ..
خليك متابع ..

الأخوة الأحباب
فعلاً إستمعت للشريط المذكور ..
وفعلاً الجماعة ديل جضموا الشايقي بس من ناحية الإيقاع ..
ويبدو لي إنهم إستعانوا بعازف طبلة ( من عندينا ) ..
يعني عملوا إيقاع ( حي ) متوافق مع إيقاع الأورغن ال ( معسم ) ..
بس مرة مرة كدي بيكون في فرق شوية ... وكمان مرة مرة كدي بتظهر صفقة ( الخرطوم ) ...
يعني بتصرج معاهم شوية ...
لكنهم معذورين ...
فإيقاعنا ده تعجيزي عديييييل ..!

أما من ناحية الغناء فهنالك مشكلة بسيييطة مرة مرة في نطق الحروف والمفردات ب (آكسنت ) خرطومي وكدة ..
عموماً تجربة جريئة وممتازة ..
والأهم من ده إنها بتعكس إهتمام من كافة الأوساط بإيقاعنا المميز .....
بقت المهمة الآن ألح علينا بعمل شيئ متطور على الأقل عشان يفهموه حناكيش الخرطوم ..
يعني مطلوب توجيه المهتمين من أهل الموسيقى لأداء أغنياتنا بالموسيقى ..
ليتني كنت بالخرطوم ..كنت إستنفرت علاقاتي بالجانبين لتنشيط هذا الجانب ...
بس الله غالب ...


إتحرك معانا شوية يا ود عبد النبي .
فأنا أعلم أنك تحتفظ بالكثير المثير ...

عثمان الدغيس
01-28-2009, 06:04 AM
الأخ المبدع الفنان صلاح عبد النبي ...

وانا من قبل الهكر .. اعاين للموضوع ده بي طرف عيني وبراي اقول دي واحدة من حركات عثمان الدغيس موسيقة شنو وكمان لامن نزولا ...


والليلة ده وانا قاعد في مكتبي .. دخل علي زول من الناس العندهم علاقة وعلاقة كبيييرة بالموسيقى (ياسر سالم ) .. وقالي ياخي استاذ عثمان الدغيس صحي صاحبك ...؟؟ اتعدلت واتهجمت وسألتو !!!

من وين تعرفو .. ؟؟

كيف ياخي وعثمان الدغيس ده معاي في فرقة وااحده وهو من امهر عازفي الاكورديوم (او كما تكتب) ...

ولقيت نفسي بعد الإندهاش اشيل واشكر في الدغيس ...

اولا ..

لك شكرا لإعادة البوست الرائع .. ولعثمان الف شكر لأني كنت فخورا وموسيقي حكي لي عن صديقي الموسيقي عثمان الدغيس ... وتاني بنرسل ليك وانتو عليكم الألحان ..


الشاعر المرهف خالد الباشا ...
فعلاً الأخ الصديق ياسر سالم من جيل الشباب الذي أعقبنا في إتحاد فناني الجزيرة ...
كنت حينها أهم بمغادرة مدني إلى الخرطوم ..
وكان حينها برلوم جديد بالإتحاد كعازف باص جيتار ...
وقد إلتقيته صدفة في إجازتي الأخيرة وزرته بالأستوديو الخاص به بأركويت ...
وعلمت منه أنه يتعاون مع شركتكم أمواج ...
وإلتقيت بعدد كبير من زملاء ( المهنة ) في محله بأركويت ..
لك وله عبرك كل التحية والتجلة ...
وتشكر على الإطراء ...

عثمان الدغيس
02-02-2009, 07:08 AM
وأتمنى أن تكون قد تمكنت من الاطلاع على ما كتب في هذا البوست فالموضوع يهمك في المقام الأول باعتبارك عموداً وركناً من أركان هذا الفن الراقي الجميل .. فن الدليب ..
وكما ترى .. فالمساحة هنا مفتوحة لكل ما يتعلق بالدليب والموسيقى .. من توثيق لبعض من أثروا ساحاتنا الفنية .. ومن نقاش في مسيرة هذا الايقاع الجميل .. وغير ذلك من مساجلات غنية دارت في هذا المضمار الشيق .. ويا ريتك كنت اطلعت عليه قبل أن يتهكر .. قطعاً كنا سنحظى بمشاركات ثرة ومداخلات شجية من قلمك السيال ..
لكن ما راح شئ ..
ما زال حوشنا مفتوحاً ودارنا عامرة بوجودكم جميعاً .. وما زالت هناك الكثير من المحاور لم تنل حظها من النقاش ..
أتمنى من خلال وجودك معنا أن نعرج على الشعر والمفردة الشعرية وتطورها عبر هذه الحقب الفنية التي مرت ..


أخونا الأستاذ عثمان الدغيس فخر لنا جميعاً .. ويحق لنا بأن نعتز به .. فبالرغم من تخصصه في آلة الأكورديون إلا أنه متيم بحب الدليب ومهموم بمسألة تطوير الطنبور .. متعه الله بالصحة والعافية ..الألحان !! .. يا ريت والله يا ود الباشا .. أتمنى أن يسعدني الحظ بتلحين أي عمل من أعمالك الرائعة .. رسّل بس ..
شكراً مرة أخرى لمرورك الباذخ ..[/color][/QUOTE]


أولاً بالفعل خالد الباشا وذلك الرهط الفنان المرهف من رفقائه المبدعين .
هم المعنيون بالجانب الثقافي في شقه الغنائي ..
وفي جانب الإرتقاء بالمفردة الشعرية الصادقة ..
أو على الأقل المحافظة على إرثنا الثر في هذا الجانب ..


بالنسبة للكلام الكبييييييييير الكتبتوه في حقي ، فأنا بعد إزجاء الشكر الجزيل عليه ، إلا أنني أراني أتضاءل أمامه وتتقاصر قامتي دون بلوغه ...
فأنا مجرد طمباري وصفاق قديم ، ده في الأصل ..
وبعدين جات حكاية الأكورديون دي والموسيقى ,,,
أتمنى أن أكون مفيداً بما حملته طوال ما خلا من سنوات طوال ..
عشان كده أنا شايف إنوده كتير خالس خالس عليً ...
عموماً أتمنى أن أكون عند حسن ظنكم بي ...

عثمان الدغيس
02-12-2009, 07:32 AM
زي ما بيقول المثل الصيني ...
تشو شنغ غانق ووووووب تشاو تسي تسي ...!
يعني البوست بيرفعو سيدو برااااااااهو ...!

ضمره بغدادى
02-12-2009, 07:59 AM
زي ما بيقول المثل الصيني ...
تشو شنغ غانق ووووووب تشاو تسي تسي ...!
يعني البوست بيرفعو سيدو برااااااااهو ...!


صاحبى الدغيس
كيف حالك
قلت لى المثل الصينى قال شنو ؟؟؟؟:D:D:D:D
انت ماسمعت بى المثل البيقول البكا يحررو اهلو .
اها ماوريتونا رايكم انت والاخ صلاح عبد النبى فى ضياع اغنية الطنبور .
راجع بوست افتقد رنة الطنبور للاخ خالد الحاج واخص هنا مداخلة الاخ عصام سر الختم .
شكرا

عثمان الدغيس
02-15-2009, 09:46 AM
صاحبى الدغيس
كيف حالك
قلت لى المثل الصينى قال شنو ؟؟؟؟:D:D:D:D
انت ماسمعت بى المثل البيقول البكا يحررو اهلو .
اها ماوريتونا رايكم انت والاخ صلاح عبد النبى فى ضياع اغنية الطنبور .
راجع بوست افتقد رنة الطنبور للاخ خالد الحاج واخص هنا مداخلة الاخ عصام سر الختم .
شكرا


ضمرة يا أخوي ..
تعرف أنا إن دورت ليك في الأمثال الصينية الحافظها البوست ياهو اللحق أمات طه ...!

بس أديك واااحد تاني ...
بيقول ..
شو فا منغ تشو سانغ ووو

ده تعرف معناه شنو ؟؟!

معناهو إنو يا ناس هوووووووووي ...
نكورك ليكم وما تجو ..
ولما جيناكم تلبدو ...!
حكايتكن شني مع بوستيني ده..
ود عبد النبي شنو ياخي ؟؟
ما عايزنك ترفد البوست ده بروائعك الما بتغباني ...!

راجيكم ..
وشكراً ( للشاب ) ضمرة ...
كيتاً في زكريي ...!

صلاح عبد النبي
02-16-2009, 08:01 PM
عثمان ..
شن .. وووون .. هان يووووون ..شنق
ومعناها واصل كفاحك وخليك حريص .. إنت القائد وانت الرئيس !!!

موضوعنا دة أخونا خالد الحاج سوالو بوغة جديدة .. شايفك رميت تيرابك فيهو .. وانا كمان ..
خلينا نشوف زراعتنا دي تمرق لينا شنو ..

ود عبد النبي شنو ياخي ؟؟
ما عايزنك ترفد البوست ده بروائعك الما بتغباني ...!
لكن يا عثمان يا خوي والله هجم علي فيروس في كمبيوتر المكتب ضيع مني كنوز لا تحصى ... تحتاج وقت طويل حتى أتمكن من اعادتها مرة أخرى ..
إن شاء الله موعود من الصديق عادل عثمان الطيب بتسجيلات نادرة .. سأرفد بها هذا البوست عند وصولها بإذن المولى ..

أشواقي ..

ضمره بغدادى
02-16-2009, 08:14 PM
ياجماعة الخير الحقو الفنانين اتقلبو صينيين :D:D:D
قلبت مريق .:D:D
شايونق مخووووو خسينغ وووووووووو
دى يعنى اتحفونا بروائعكم ايها العملاقين .

خالد الحاج
02-17-2009, 02:36 PM
عزيزي صلاح
عساك بخير يا دكتور
قبل فترة قمت برفع أغنية لمحمد النصري في اليوتيوب. عادة ما يعلق عليها بعض المشاهدين.
بالصدفة شاهد الفيديو خواجة أمريكي "موسيقي" . وقد اندهش بحق لهذه الآلة العجيبة وسألني كيف يمكنه الحصول عليها :




Hello Mr. Khalidel Hassan,
This is beautiful music and video. I am a guitar player from the USA and would like to know the names of the instruments these brothers are playing and how to get one . If you can respond, please do. Hopefully I could get them through some of the local Muslim brothers in my area.

Thanks,
1sunyata

ورديت عليه يا صلاح :
It's name is ( The Tamboor ), the machine-known musical roots take several names within Sudan itself, including Rababa, a (final) Name the most common in the Arab world, however, the differences in the pronunciation of expression does not mean anything.
It is well known in Nort Sudan , if you know someone there you could get it.

Regards

K. El Hassan

هذا يا صلاح ما أعنيه أنا عندما أقول "التميز" !!.

يقول أخونا عثمان الدغيس أنه يمكن إضافة "نغمة" الطنبور لآلة الأورق . وطبعا هذا جائز وممكن
لكنه يقتل "التميز" أولا يا عثمان . ثانيا وهذه تستطيع أنت تأكيدها .. تعتبر آلة الأورق آلة جامعة لكل الآلات الموسيقية الأخري لماذا إذن لا يكتفي بها الموسيقيون ؟
لماذا نري أوركسترا كاملة (عود ،كمان ،طبل، ناي إلخ ) ؟؟
الحقيقة يا صلاح يا أخوي أن آلة الأورق رغم إمكانياتها الكبيرة لكنها لا ولن تجعل الموسيقيون يستغنون عن بقية الآلات . للأوركسترا الكاملة دائما تميز وإحساس مختلف .
رأيت أشهر الموسيقيون في الغرب يستعينون بعازفي آلات "بدائية" إن جاز لي.. يوظفونها ضمن أوركسترا ضخمة ويعطونها مساحة معقولة للإنفراد ضمن المعزوفة أو السمفونية .
هل غابت عنهم أن آلة الأورق يمكن أن تستوعب هذه الآلات ؟
قطع شك لا يا عثمان .

ما أريد قوله هنا .
دعو الطنبور علي حاله . طوروا ما شئتم من الغناء بإستخدام ما شئتم من ألات . ما الضير أن يتواجد هذا الطنبور ؟
لم يمنع هذا الطنبور شاعرنا العملاق اسماعيل حسن من تشكيل ثنائية مدهشة مع محمد وردي ليشكلا معا عصب الأغنية الحديثة السودانية بينما ظل وردي يعزف هذه الآلة "الطنبور" ويحن إليها . كذلك قدم اسماعيل نفسه مجموعة من كلماته لتغني بمعية الطنبور يا صلاح .
لا أزال أذكر محاولات مبدعنا بلاص في إدخال آلات النفخ في أغنية الدليب وهي محاولات لم يكتب لها النجاح مع كامل تقديرنا لإجتهاداته .

الطنبور آلة ظلت تؤدي دورها علي مدار آلاف السنوات ، لا تضيعوها هكذا ضربة لازب باسم التطوير .

أرجو أن لا يكون حديثي قاسي يا عثمان وصلاح انما هو اجتهاد من أخيكم أقبلوه علي علاته .

صادق مودتي وتقديري

صلاح عبد النبي
02-18-2009, 06:04 AM
أخونا العزيز خالد ..
شكراً لك على المداخلة الفاهمة جدااااً .. وهذا ما كنا نبغ !
نحن لا نختلف يا عزيزي ..
أنا معك قلباً وقالباً في كل ما قلت ..
وكدي .. نمسك الكلام دة واحدة واحدة ..


اقتباس:
هذا يا صلاح ما أعنيه أنا عندما أقول "التميز" !!.

نعم .. دون شك .. هذا التميز هو الذي أوصل هذه الآلة لما هي عليه الآن ..
وتميز الآلة يعني تفردها من حيث الشكل والصوت وطريقة العزف وكونها تحتوي على سلم واحد فقط .. ورغم ذلك فهي تفعل العجب العجاب في نفوس من يستمعون لها ..
فلو وجدت قليلاً من العناية يا ريس مؤكد أنها كانت ستكون أكثر تميزاً وأكثر ألقاً وأكثر سهولة في العزف وتوصيل اللحن للمستمع .. وهذا ما ظللنا ندور حوله منذ أن فتح صديقي عثمان الدغيس بوست الدليب والموسيقى ..
قد لا تعلم يا ريس معاناة الفنانين مع هذه الآلة .. أقلها الواحد إيدو (تنبّق ) من ملاواة الدلاقين وجرجرتها في الصراع الأزلى مع الأوتار لدوزنتها بالطريقة التي يرغب بها ..
وعلى رأس هؤلاء الفنان القدير محمد جبارة والذي يضطر لحمل أربعة وخمسة طنابير معه في الحفلة الواحدة (كل طنبور في سلم مختلف ) وكم حكى لي عن هذه المعاناة وحلمه بأن يأتي اليوم الذي يمكن أن يكون فيه طنبور دون هذه المتاعب .. وكم جلسنا سوياً نخطط ونرسم ونصمم لهذا الطنبور الحلم ..

اقتباس:
ما أريد قوله هنا .
دعو الطنبور علي حاله . طوروا ما شئتم من الغناء بإستخدام ما شئتم من ألات . ما الضير أن يتواجد هذا الطنبور ؟
هنا يأتي مربط الفرس .. حين ندعو إلى تطوير الطنبور فنحن ندعو إلى تطوير الآلة نفسها فقط بغض النظر عن أي شئ آخر .. نحلم بآلة جميلة خفيفة سهلة الدوزونة (ولاتفوح منها رائحة الجلد العطن ) وتحتوي على عدة سلالم تمكن الفنان من التنقل بينها بكل سهولة ويسر في ذات الوقت .. هنا سيكون التميز الحقيقي .. فسيتمكن المبدع فناناً أو ملحناً من إعطاء أجمل ما عنده .. سيظل الطنبور هو نفسه بروعة صوته وجمال تأثيره في النفوس ولكن التعامل معه سيصير أسهل بكثير من السابق ..


اقتباس:
لا أزال أذكر محاولات مبدعنا بلاص في إدخال آلات النفخ في أغنية الدليب وهي محاولات لم يكتب لها النجاح مع كامل تقديرنا لإجتهاداته .

هذا جانب آخر من الموضوع .. وهو ما أبديت نظرتي عنه في مداخلتي السابقة .. للأسف لا نستطيع أن نمنع أحد من الغناء في إيقاع الدليب بالالات التي يراها مناسبة ..وبالطريقة (المكعوجة ) التي لا تشبه الدليب في شئ ..
وأنا أتفق معك أخي خالد هنا.. لا يوجد ما ينافس أغنية الطنبور بشكلها المعروف الذي تربينا عليه ونهلنا من فيضه العذب الجميل وستظل هي التي تتحكر في الوجدان مهما طال الزمن ..

اقتباس:
أرجو أن لا يكون حديثي قاسي يا عثمان وصلاح انما هو اجتهاد من أخيكم أقبلوه علي علاته .
بالعكس .. أنا سعيد جداً بمداخلتك القيمة .. ويا ريت أعرف درب الأمريكي بتاع الجيتار دة كنت (حأجيّهوا ) ليك جيهة تمام:D

عثمان الدغيس
02-19-2009, 06:44 AM
أخونا العزيز خالد ..
شكراً لك على المداخلة الفاهمة جدااااً .. وهذا ما كنا نبغ !
نحن لا نختلف يا عزيزي ..
أنا معك قلباً وقالباً في كل ما قلت ..
وكدي .. نمسك الكلام دة واحدة واحدة ..


اقتباس:


نعم .. دون شك .. هذا التميز هو الذي أوصل هذه الآلة لما هي عليه الآن ..
وتميز الآلة يعني تفردها من حيث الشكل والصوت وطريقة العزف وكونها تحتوي على سلم واحد فقط .. ورغم ذلك فهي تفعل العجب العجاب في نفوس من يستمعون لها ..
فلو وجدت قليلاً من العناية يا ريس مؤكد أنها كانت ستكون أكثر تميزاً وأكثر ألقاً وأكثر سهولة في العزف وتوصيل اللحن للمستمع .. وهذا ما ظللنا ندور حوله منذ أن فتح صديقي عثمان الدغيس بوست الدليب والموسيقى ..
قد لا تعلم يا ريس معاناة الفنانين مع هذه الآلة .. أقلها الواحد إيدو (تنبّق ) من ملاواة الدلاقين وجرجرتها في الصراع الأزلى مع الأوتار لدوزنتها بالطريقة التي يرغب بها ..
وعلى رأس هؤلاء الفنان القدير محمد جبارة والذي يضطر لحمل أربعة وخمسة طنابير معه في الحفلة الواحدة (كل طنبور في سلم مختلف ) وكم حكى لي عن هذه المعاناة وحلمه بأن يأتي اليوم الذي يمكن أن يكون فيه طنبور دون هذه المتاعب .. وكم جلسنا سوياً نخطط ونرسم ونصمم لهذا الطنبور الحلم ..

اقتباس:
؟
هنا يأتي مربط الفرس .. حين ندعو إلى تطوير الطنبور فنحن ندعو إلى تطوير الآلة نفسها فقط بغض النظر عن أي شئ آخر .. نحلم بآلة جميلة خفيفة سهلة الدوزونة (ولاتفوح منها رائحة الجلد العطن ) وتحتوي على عدة سلالم تمكن الفنان من التنقل بينها بكل سهولة ويسر في ذات الوقت .. هنا سيكون التميز الحقيقي .. فسيتمكن المبدع فناناً أو ملحناً من إعطاء أجمل ما عنده .. سيظل الطنبور هو نفسه بروعة صوته وجمال تأثيره في النفوس ولكن التعامل معه سيصير أسهل بكثير من السابق ..


اقتباس:


هذا جانب آخر من الموضوع .. وهو ما أبديت نظرتي عنه في مداخلتي السابقة .. للأسف لا نستطيع أن نمنع أحد من الغناء في إيقاع الدليب بالالات التي يراها مناسبة ..وبالطريقة (المكعوجة ) التي لا تشبه الدليب في شئ ..
وأنا أتفق معك أخي خالد هنا.. لا يوجد ما ينافس أغنية الطنبور بشكلها المعروف الذي تربينا عليه ونهلنا من فيضه العذب الجميل وستظل هي التي تتحكر في الوجدان مهما طال الزمن ..

اقتباس:

بالعكس .. أنا سعيد جداً بمداخلتك القيمة .. ويا ريت أعرف درب الأمريكي بتاع الجيتار دة كنت (حأجيّهوا ) ليك جيهة تمام:D

الحبيب صلاح ..
والله ما خليت فرضاً ناقص لتبيان الأمر والرؤية ...
ويا زعيم نحن مش مختلفين ..
وده بيتضح ليك لو تابعت تسلسل البوست من أوله والإقتراحات المقدمة من الشباب المهتمين في هذا الصدد ..
مجدداً نشكر للزعيم إهتمامه وحواره الموضوعي (لحد كبير )
بس إنبنى على إختلاف ( مفترض ) في وجهات النظر ...


بعدين تعال هنا يا سلفاكير ..
أقصد يا صلاح ...

الزاد إن ما كفى أهل البيت حرام على الأمريكان ...!
إجيبلك مثل صيني ليهو ولا كفاية كده ؟؟؟!
نحن لينا زمن كايسين لينا طمبور وما لامين فيهو ، تقوم تجيه الخواجي وتخلينا ...
والله أسع أقبل عليك بالأمثال الصينية .
عالم ما تجي إلا بالصيني ...!

عثمان الدغيس
02-25-2009, 02:44 PM
وينكم يا جماعة ؟؟؟؟؟؟؟؟؟؟؟؟
ندور فيكم صيني ولا كيف ؟؟؟؟؟؟

ضمره بغدادى
02-25-2009, 04:16 PM
وينكم يا جماعة ؟؟؟؟؟؟؟؟؟؟؟؟
ندور فيكم صيني ولا كيف ؟؟؟؟؟؟

اديلم عشان نحن نستمتع ..... عالم ماتجى الا بالصينى .:D:D:D

صلاح عبد النبي
02-25-2009, 06:25 PM
وينكم يا جماعة ؟؟؟؟؟؟؟؟؟؟؟؟
ندور فيكم صيني ولا كيف ؟؟؟؟؟؟

http://sudaniyat.net/up/uploading/Allaalimya.mp3

الأعزاء عثمان .. وضمرة .. وكل من يمر من هنا

جيتكم بي دليب حاااااااار
الرائع عبد المنعم عبد الفارس ..
والله عالم يا حبيبة .. إنتي في دنياي تمني ..

بالله يا عثمان .. شوف عمايل الزول الكارثة بتاع الايقاع دة ..
دة نسميهو شنو ؟؟
ياخي دة استخدم ( الدّم ) بطريقة مذهلة .. عجيبة .. خلت الايقاع يتكلم عديل ..
عندنا مواهب مدفونة ..
دة نموذج نختو هنا عشان نوضح روعة وقوة وتأثير إيقاع الدليب الصاح في النفوس ..

تحياتي ..

عثمان الدغيس
02-26-2009, 04:07 AM
اديلم عشان نحن نستمتع ..... عالم ماتجى الا بالصينى .:D:D:D

والله يا صاحبي ضمرة إنت ألذ زول في حينا ...!
قدر ما إتحكحكنالن ماهن دايرين يجوا ..
نسويلن شنو باقيلك ؟؟
نجيبلهن الرحيمي يديهن رقيصة والا كيف ..


الصيني ده طبعاً الخيار الأخير ...
بس إن بقوا رجال يطولوا الغيبة ...!!!!!!!

ضمره بغدادى
02-26-2009, 05:54 AM
الاخوان صلاح والدغيس
الرائع عبد المنعم عبد الفارس له لونية خاصة فى ادائه وانا اعتبره من الفنانيين المميزين جدا فى اداء اغنية الدليب . بالاضافة الى انه يتمتع بخلق حسن واخلاق كريمه .
تزاملنا لسنين يا صلاح فى النقل النهرى بكريمه مع الفنان ود الفارس .
الدغيس اهو النهير جاب فايدة واتمنى ان لا يستمر حتى يستدعيك لاتخاذ اجراءات صينية . صلاح غاب وجاب:D:D:D

صلاح عبد النبي
02-26-2009, 07:00 AM
:Dوالله يا صاحبي ضمرة إنت ألذ زول في حينا ...!
قدر ما إتحكحكنالن ماهن دايرين يجوا ..
نسويلن شنو باقيلك ؟؟
نجيبلهن الرحيمي يديهن رقيصة والا كيف ..


الصيني ده طبعاً الخيار الأخير ...
بس إن بقوا رجال يطولوا الغيبة ...!!!!!!!

عثمان ..
آزول الحكايي شني ؟؟
ننغ يانغ كونق شااااانققق ..:D
ودي معناها نجي بي عدلنا .. وبي دليبنا الحار .. ولاتشوفنا ولا تسمع ..:mad:
قول بسم الله .. وعاين لا فوق شويي كدي ..
البركة في صاحبي ضمرة .. شاف وسمع ..
وكفانا الله شر الصيني ..:)
بس ما تجي تقولي ما قادر أسمع الأغنية ..
ضمرة .. عبد المنعم عبد الفارس فنان مطبوع وصاحب صوت مميز وأداء راقي ومتمكن لكنه بعيد عن الأضواء لا أدري لماذا ..
سأحاول أن أنقل هنا بعض روائعه إن شاء الله ..
تشكراتي ..

الطريفية
02-26-2009, 09:43 AM
فى شنو يا ود عمتى


انا قلت غونا ...............اجى القاهو نضم ساكت

عثمان الدغيس
03-10-2009, 05:11 AM
http://sudaniyat.net/up/uploading/allaalimya.mp3

الأعزاء عثمان .. وضمرة .. وكل من يمر من هنا

جيتكم بي دليب حاااااااار
الرائع عبد المنعم عبد الفارس ..
والله عالم يا حبيبة .. إنتي في دنياي تمني ..

بالله يا عثمان .. شوف عمايل الزول الكارثة بتاع الايقاع دة ..
دة نسميهو شنو ؟؟
ياخي دة استخدم ( الدّم ) بطريقة مذهلة .. عجيبة .. خلت الايقاع يتكلم عديل ..
عندنا مواهب مدفونة ..
دة نموذج نختو هنا عشان نوضح روعة وقوة وتأثير إيقاع الدليب الصاح في النفوس ..

تحياتي ..
ود عبد النبي يا فنان ..
والله بلاك خرباني تب ....!
ده الدليب ولا بلاش ..
دليب بطعم القراصة وهفيف جريد النخيل ...
عبد المنعم من الفنانين الذين يمتلكون إحساس متفرد بالدليب ...
ومن زمناً بعيد أمطرنا بوابل من الأداء المدهش وهو من الذين كان لهم السبق في إحداث تغيير جوهري ونقلة نوعية في الغناء على الإيقاع المسنكب البي صحو..!
كان لي الشرف أن أشاركه حفلتين في بداياته في أوائل الثمانينات مع ود أبو ريده ( وكان السنير ) وبقية العقد الفريد ...
وفعلاً يا ضمرة هو من الفنانين الذين يتمتعون بإحساس الفنان الراقي المهذب ....
زيدنا من ذلك شوية وكتر الأشواق علياً يا ود عبد النبي
وتحياتنا لأسرتك الفنانة الرائعة ...

عثمان الدغيس
03-11-2009, 10:37 AM
فى شنو يا ود عمتى


انا قلت غونا ...............اجى القاهو نضم ساكت
أسع عليك الله يا الطريفية كلامنا ده مش غنا عدييييييل كده ....!
يلا يا ود عبد النبي حرك اللعب ...

صلاح عبد النبي
03-12-2009, 06:37 AM
فى شنو يا ود عمتى


انا قلت غونا ...............اجى القاهو نضم ساكت

بت خالي الطريفية ..
إن شاء الله طيبة ..
الموضوع دة زي ما قال أخوي ود الدغيس كلو غنا في غنا .. فيه كلام زي الغنا .. وغناء عديل كدي .. قلبي البوست وارجعي للصفحات الأولى ستجدي ما يسرك إن شاء الله ..

أخوي عثمان الدغيس ..
سلامات وين نزل محياك !
جاييك إن شاء الله ..
قاعد أفتش في الحاجات النادرة والتي ترفد مسار البوست ..
لا تطول الغيبة ..

الهادي قنديل
03-13-2009, 01:57 AM
والله الناس الهنا ديل مبدعين بشكل

انعل ابو كده زاتو :p (معليش باقي اخوكم طروب وانفعل مع البوست المهجج ده)

ياخي ده ابداع ماعادي

بالله واصلوا ولا تنقطعوا عن البوست ده

سامعني يا استاذ صلاح؟

سامعني يا الدغيس؟

ولاّ ندور صيني يا ضمره ؟

ضمره بغدادى
03-13-2009, 08:10 AM
والله الناس الهنا ديل مبدعين بشكل

انعل ابو كده زاتو :p (معليش باقي اخوكم طروب وانفعل مع البوست المهجج ده)

ياخي ده ابداع ماعادي

بالله واصلوا ولا تنقطعوا عن البوست ده

سامعني يا استاذ صلاح؟

سامعني يا الدغيس؟

ولاّ ندور صيني يا ضمره ؟

الهادى
انا شايفن اتحركو شوية ولو جابو اى رخوة ندور فيهم صينى طوااالى .
صلاح والدغيس زيدونا ابداع نحن منتظرين .بوستيكم طاعم .

عثمان الدغيس
03-15-2009, 06:00 AM
أخوي عثمان الدغيس ..
سلامات وين نزل محياك !
جاييك إن شاء الله ..
قاعد أفتش في الحاجات النادرة والتي ترفد مسار البوست ..
لا تطول الغيبة ..[/quote]

ود عبد النبي ...
كيفنك آ الحبيب ...
ليتك تلقى لينا حاجة كدة من محاولاتك وود جبارة ...
والا عادل عثمان الطيب ..
وبالله عليك بلغه تحياتي الحارة جداً ...
الراجل ده فناااااااااان لمن غلط ...
ربنا يجمعنا بيكم قرييب إن شاء الله ..
بس يكون معانا أكورديون سنيييييييييييييييييين ....
يلا راجينك ...

صلاح عبد النبي
03-18-2009, 06:37 AM
اخي عثمان .
هاك التصبيرة دي لا حدي ما اتمهل شوية ..
أغنية رائعة للفنان طارق العوض ..
لطشتها من بوست ضمرة حق لحن الصباح وتستحق أن تضمن ضمن هذا البوست التوثيقي ..

http://www.albrkal.com/agani/mo7al-ansak.wma

اسمع وقولي رايك ..
تحياتي ،،

عثمان الدغيس
03-24-2009, 05:47 AM
اخي عثمان .
هاك التصبيرة دي لا حدي ما اتمهل شوية ..
أغنية رائعة للفنان طارق العوض ..
لطشتها من بوست ضمرة حق لحن الصباح وتستحق أن تضمن ضمن هذا البوست التوثيقي ..

اسمع وقولي رايك ..
تحياتي ،،


ود عبد النبي ...
تحياتي النواضر ..
تسلم يا الحبيب على هذه النفحة من الفريد طارق العوض ..
بس ما تقول لي إقتباسك ده سوى البوست زي أبو التي تي ,,..
واحدة من المشاكل المفروض يعالجها نقاشنا ده هي نوعية الألحان الزي دي ..

كيييييييييييييف ؟؟
آآآي نعم لحن جميل وفكرته حلوة ..
لكن ملحنه أو مؤلفه إستصحب فقط أن يكون اللحن راقص ...
بتاع حفلات يعني ...
مع إنو فكرته خطيرة ورهيبة ...
بس لو شلنا فكرة غنا الحفلات وبذلنا شوية مجهود على اللحن ، ومحاولة إخراجه من لونية اللحن الدائري دي بنكون حققنا أهداف كبيرة وقدمنا للناس عمل ضخم ومشحون شجن ..
أنا ما عارف لو فكرتي دي قدرت أوصلها ولا لأ ..
بس مثلاً يعني لو إبتداءً أبطأنا الإيقاع شوييييييييييييييية عشان في يتفهم الكلام ,,
يعني شعر بالمعاني الحلوة دي ..
وبالرصانة دي ..
يضيع عشان يرقصوا البنيات في الحفلة ...
بعدين لييييييييه إصرار مؤلفينا أو ملحنينا على مسألة اللحن الدائري دي ..
يعني ممكن الواحد يكتفي ب ( الشيلة ) ويمشي للأغنية البعديها ....
لأن الباقي هو نفس الشيلة ...
المقصد إنو لا بد أن ننتبه ونحن نؤلف لحن موسيقي أن نتذوق و نستصحب مضامين المفردات والمعاني المراد تلحينها ,,,
يعني ما ممكن تكون لكل المضامين التي تحتويها القصيدة نفس اللحن ...
هنالك بالتأكيد معنى حزين ويحتاج لنبرة ولموتيفة لحنية محددة لكي توصل إحساس المعني للمتلقي ....
وهنالك مفردات ومعاني فرايحية يجب إبرازها من خلال اللحن ومنحها جمل موسيقية ولحنية خفيفة ورشيقة تناسبها وتبشر بما تحتويه من معاني للفرح ..
وهكذا ...

ولا شنو يا ود عبد النبي ؟؟؟؟

صلاح عبد النبي
03-24-2009, 06:39 AM
الأخ الحبيب عثمان ..
الشوق بحر ..
كلامك سليم وأتفق معك في كل ما ورد فيه ..
اللحن الدائري توارثته الأجيال وفرضته كما ذكرت أنت فرضية أن اللحن معد خصيصاً للغناء في الحفلات وهي المجال الوحيد الذي كان متاحاً لظهور الأغاني قبل انتشار شركات الانتاج الفني ..
اللحن الدائري رغم فقره من الناحية الموسيقية إلا أنه يمتاز بالبساطة والسهولة التي تمكن الجميع من حفظه والتغني به سواء في الحفلات مع الفنانين أو أثناء ممارسة مهام الحياة المعتادة لأهلنا كحش القش أو ورود الماء بالخرج .. كان عندنا واحد كارثة جداً .. عمله كان سقا .. يعني يحضر مياه الشرب للناس بالخرج من النيل .. كان لا يفتر من الغناء خاصة وهو في طريقه للنيل لاحضار الماء .. يجلس خالفاً رجليه على ظهر حماره ثم يدوّر دليب صاح مستخدماً الصفيحة أو (الجركانة ) التي يعبئ بها الماء وهاك يا غنا .. صوت جميل وايقاع كارب يرقص الحمار ذاتو .. وطبعاً كل الألحان كانت دائرية وتكاد تنعدم فيها اللزمات أو الاضافات الداخلية في اللحن ..
الآن كما تلاحظ تنوعت الألحان وخرجت لدى كثير من المغنين من نمط اللحن الدائري والأمثلة كثيرة .. بل أنها خرجت من نمط تكرار لحن الشيلة الأساسي نفسه وتم استبداله بميلودي مختلف كما في ألبوم الفنانة المبدعة حنان النيل الأخير .. وأتمنى أن أتمكن من إيراد نماذج هنا ..
الفنان محمد النصري كذلك لديه أعمال عديدة خرجت من نمط اللحن الدائري وامتازت بتنوع الجمل الموسيقية وفيها كمية من الإبداع .. والحال كذلك لدى بعض الفنانين الشباب ومنهم الفنان المتميز بابكر البرصة ..
المسألة تحتاج لتضافر الجهود وترويج الثقافة الموسيقية لدى فنانينا بالاضافة إلى ضرورة استعانتهم بملحنين محترفين يكون لديهم الوعي الكامل بقضية فن الدليب ..

شكراً يا حبيب على الاضافة الرائعة للبوست .. وخلينا مدورين

الهادي قنديل
05-15-2011, 07:59 AM
وخلينا مدورين

وخلّونا مستمتعين

صلاح عبد النبي
05-16-2011, 10:10 AM
وخلّونا مستمتعين

الهادي إزيك ..
قلعت البوست دة تاني :p
إن شاء الله يبقى سبب رجوع لصاحب البوست الأصلي صديقنا ود الدغيس ..
عموماً تشكر يا حبيب على رفع البوست
ولو قدر الله .. حندور فيه تاني ..:p

صلاح هاشم السعيد
05-18-2011, 10:42 AM
حقيقة بوست مميز
ويستحق الاسترجاع ـ
وايضا ذي ما قال اخونا صلاح : ود الدغيس من الكتاب المميزين في المنتدى
وننتظر رجوعه وكتاباته الرفيعة.
وعودة لمناقشة ممتعة في الموسيقى ـ

صلاح عبد النبي
05-19-2011, 03:53 PM
حقيقة بوست مميز
ويستحق الاسترجاع ـ
وايضا ذي ما قال اخونا صلاح : ود الدغيس من الكتاب المميزين في المنتدى
وننتظر رجوعه وكتاباته الرفيعة.
وعودة لمناقشة ممتعة في الموسيقى ـ

شكراً شيخنا الحنين ..
ويسمع منك ربنا ..
أنا لو ود الدغيس ما جاء .. البوست دة ذاتو حأحردوا تب .:d:d

عثمان الدغيس
05-27-2011, 03:18 PM
شوقي انا للبلد بي حالة
وشوقي انا للبركالة أهلي
كانت فترة طويلة من الإنقطاع لها أسبابها الموضوعية وغير الموضوعية يطول شرحها
مشتهيكم يعلم الله
وجاييكم بالتقيييل
بس خلوا الصلعة دي تقوم ...!
كلام كتييييير وشوق عظييييم يعجز الكي بورد عن وصفه
بس قريب جاييكم ونفتوا سوا

ضمره بغدادى
05-27-2011, 09:18 PM
شوقي انا للبلد بي حالة
وشوقي انا للبركالة أهلي
كانت فترة طويلة من الإنقطاع لها أسبابها الموضوعية وغير الموضوعية يطول شرحها
مشتهيكم يعلم الله
وجاييكم بالتقيييل
بس خلوا الصلعة دي تقوم ...!
كلام كتييييير وشوق عظييييم يعجز الكي بورد عن وصفه
بس قريب جاييكم ونفتوا سوا

غايتو الصلعة الشافته عينى دى ماأظن تبتق تانى لانها محشوشة بى جضوله .
الدغيس ياخى يعلم الله مشتهنك
يلا عجل راجنك

عثمان الدغيس
06-02-2011, 06:28 AM
غايتو الصلعة الشافته عينى دى ماأظن تبتق تانى لانها محشوشة بى جضوله .
الدغيس ياخى يعلم الله مشتهنك
يلا عجل راجنك

ضمرة بغدادي الراجل الضضضضضكر إزيك وعيالك عساكم جميعاً بخير ....
يا زول بتقت ولا ما بتقت جاييكم جاييكم ...
واقولك شيئ ؟؟
ان بتقت زاتو بحلقها تاني وبجيكم بيها تلمع ...!
بس خلوكم قراب ....
ويكفي هذه البوست شرفاً أن يكون رافده الرئيسي الرجل الرقيق الفنان صلاح
وهو موسوعة فنية ومرجع رئيسي بالتأكيد لكل مهتم بتطوير اللحن الشايقي
ويكفيه ويكفي البوست مداخلته القيمة الأخيرة ولعمري هي من الدسامة والوسامة مما تنوء به آذاننا وأحاسيسنا الموسيقية ...
جاييكم بي مهلة إن مد الله في الآجال