فطور جماعي في رمضان

[عوض جلاس]

يا أخوانا بمناسبة رمضان وكل عام وانتم بخير مقدماً أنا شايف بعض المنتديات الأخرى قاعدة تخطط لعمل إفطار جماعي ..
أها ياناس البركل فطوركم الجماعي وينو ؟؟
يمكن الناس البرا صعب يتلموا ويعملو فطور جماعي لأنهم مشتتين كل ناس في مدينة بس الناس الجوة عملوا شنو وفكروا في الموضوع دا ولا لا ؟؟
غايتو أنا هني معاي صاحبي عمر عثمان في تبوك بنسوي لينا فطور جماعي برانا كارب نحن الاتنين بس ( دا يسموهو فطور جماعي ولا عندو إسم تاني ؟؟ ) وإنتو معزومين معانا من اسع الناس الجوة والبرا والما عندو حق التذكرة ما بنرسلها ليهو اليدبرا براهو !!!

[الهادي قنديل]

دايما سباق ياصديقي الله يديك العافيه ولابد ان تكون هناك افطارات جماعيه وانا عن نفسي انضميت لمجموعتك انت واخونا عمر عثمان ماني بعيد منكم شي شوف الجاتك آ عوض
والفكره ممتازه بس محتاجه لشوية تنظيم من الاخوه
ولي قدام

[عوض جلاس]

حياك الله آآآآ قنديل ودا يوم السعد والهنا يوم نشوفك معانا
بس ما تنسى أعزم ضمرا برضو ماهو بعيد مننا وربنا يبلغنا رمضان ويقدرنا على صيامه
والأيام دي الواطة عندنا قلاية عدييييييييييييييييييييييل والمكيفات ذااااااااااااتها تشكي من الحر

[أبومجاهد]

فكرة رائعة جدا يالعوض يجعلها الله فى ميزان حسناتك وبالمناسبة ناس منتدى النيلين كان عاملين لقاء الخميس الفات بحديقة النهضه بالرياض ونحن كمان ان شاء الله دعوة أخونا عوض دى تكون حافز لينا ونتبرعم ونسوينا فطور جماعى كارب فى مكان وزمان نتفق عليه بعد ما يتم التواصل بينا بالتلفونات
عموما لبداية التواصل تلفونى الجوال 0504424761
والكلام ده لناس الرياض والمناطق القريبه والبعيده وللقادر يجى من أى مكان حتى لو كان ودجدعه من بريطانيا .

[ضمره بغدادى]

اخى عوض
مقترح جميل جدا . نسأل الله ان يدوم المحنة والمحبة والاخاء . وده شى طيب بالحيل
بس انا فى القصيم واقع بين الرياض و المدينة وانشاء الله سوف اعين يوم واذهب للرياض والشلة هناك كاربه بقيادة الاخ الغالى عبد الله على الحاج .وطبعا الرياض اقرب للقصيم .

[ضمره بغدادى]

اخى عوض
مقترح جميل جدا . نسأل الله ان يدوم المحنة والمحبة والاخاء . وده شى طيب بالحيل
بس انا فى القصيم واقع بين الرياض و المدينة وانشاء الله سوف اعين يوم واذهب للرياض والشلة هناك كاربه بقيادة الاخ الغالى عبد الله على الحاج .وطبعا الرياض اقرب للقصيم .

[عوض جلاس]

شكراً الأخوان أبو مجاهد وضمرة لتفاعلكم مع الفكرة ونتمنى أن يفعلها ويجعلها الأخوان حقيقية حتى تكون فرصة للتفاكر مع بعض في هموم البركل وناس الجوة ما سمعنا صوتكم ولا ما عندكم نية تسوولنا فطور جماعي .. يمكن مكتفين بموائد الرحمن ؟؟؟

[الصادق عثمان]

يا أخوانا بمناسبة رمضان وكل عام وانتم بخير مقدماً أنا شايف بعض المنتديات الأخرى قاعدة تخطط لعمل إفطار جماعي ..
أها ياناس البركل فطوركم الجماعي وينو ؟؟
يمكن الناس البرا صعب يتلموا ويعملو فطور جماعي لأنهم مشتتين كل ناس في مدينة بس الناس الجوة عملوا شنو وفكروا في الموضوع دا ولا لا ؟؟
غايتو أنا هني معاي صاحبي عمر عثمان في تبوك بنسوي لينا فطور جماعي برانا كارب نحن الاتنين بس ( دا يسموهو فطور جماعي ولا عندو إسم تاني ؟؟ ) وإنتو معزومين معانا من اسع الناس الجوة والبرا والما عندو حق التذكرة ما بنرسلها ليهو اليدبرا براهو !!!
الأخ عوض دائما سباق ومحتضن لك المواسم فقط لاتنسونا من صالح الدعوات ....
أما ناس الدمام فحتي الآن مسجلين غياب تام نتمني أن نسمع عن ترتيب إفطار جماعي بالدمام أو الخبر .( كل عام والجميع بخير )
الصادق **

[الخزين ود نصر]

أخونا عوض جلاس / كل الاشواق و رمضان كريم

أختك البديريه ..أم الشفع .. عندها قراصه كاربه فى رمضان إتفضلوا معانا من أول يوم راجنكم .

بالله إنت مع إبن العم عمر عثمان و الله إنت بخيت بلحيل

بالله كيف عمر ..عهدنا بيهو طيب و حنين لكن بقى جافى و تقيان الايام دى .. مابيرد علينا لا عام لا خاص ..

الشكيه لاب أيدا قويه ..

يديكم العافى

[عوض جلاس]

الأخ عوض دائما سباق ومحتضن لك المواسم فقط لاتنسونا من صالح الدعوات ....
أما ناس الدمام فحتي الآن مسجلين غياب تام نتمني أن نسمع عن ترتيب إفطار جماعي بالدمام أو الخبر .( كل عام والجميع بخير )
الصادق **

تحياتي الصادق عثمان
أها الكلام بقى بالجد ورمضان يوم الخميس
يعني بكرة والناس لسع لا فكرت في الموضوع ولا دبرت
والظاهر طنشوا الحكاية وكل واحد فيهم يقول أخير أفطر مع أم العيال
والدعوة مفتوحة للجميع لتنظيم هذا الفطور

[عوض جلاس]

أخونا عوض جلاس / كل الاشواق و رمضان كريم

أختك البديريه ..أم الشفع .. عندها قراصه كاربه فى رمضان إتفضلوا معانا من أول يوم راجنكم .

بالله إنت مع إبن العم عمر عثمان و الله إنت بخيت بلحيل

بالله كيف عمر ..عهدنا بيهو طيب و حنين لكن بقى جافى و تقيان الايام دى .. مابيرد علينا لا عام لا خاص ..
الشكيه لاب أيدا قويه ..

يديكم العافى


تحياتي أخي محمد عثمان ود نصر ومشكور على الدعوة
وما تقول أنا كمان عزابي بس لو ماكنتو بعيدين كنت بجيكم كل يوم
وعمر عثمان موجود وبخير
والظاهر مع الناس الماقدرت تدخل المنتدى ومكرنين برا لا أسع
لكن شايفو اليومين ديل عاصر على منتدى ود النصري
وأنا إنشاء الله بوصلوا تحياتك

[الصادق عثمان]

الأخ عوض :- ماعرفين فطوركم تمه والله لسع ولاتنسونا من صالح الدعوات
الصادق***

[عوض جلاس]

الأخ عوض :- ماعرفين فطوركم تمه والله لسع ولاتنسونا من صالح الدعوات
الصادق***

والله يا اخوي الصادق عثمان نحن لسه ما سوينا شي زينا زي الناس التانين
وأخوي عمر عثمان غاطس وين ما بعرفو
عشان الواحد يشوفو ويكلموا في الموضوع
وهو أيضاً لم يظهر في المنتدى وما عارف ليه ما سجل لحدي الآن
وإنشاء الله بحاول أوصلوا واعرف منو الحاصل
لك تحياتي

[النافعابى]

انت سويت الدعوه ومالك نضرب لك فى التلفون ماك داير ترفعو
تخلينى ساعة الفطور ياعوض الووج البركه فى دكتور عمر ماقصرو
تب ما تقصربهم فطرونى وكملو الناقصى بث ما تقول خالى ده ضارب ساعة الفطور مالو

[عوض جلاس]

انت سويت الدعوه ومالك نضرب لك فى التلفون ماك داير ترفعو
تخلينى ساعة الفطور ياعوض الووج البركه فى دكتور عمر ماقصرو
تب ما تقصربهم فطرونى وكملو الناقصى بث ما تقول خالى ده ضارب ساعة الفطور مالو

تشرفنا في اي وقت يا خال بس وكت الفطور دا الواحد ما قاعد يجمع
والتلفون محل ترميهو ما تعرفو
وزي ما قلت عمر عثمان فيهو الخير والبركة
وإنشاء الله المرة الجاية منتظرنك بس تجينا بالبراق كما وعدت