المساعد الشخصي الرقمي

مشاهدة النسخة كاملة : ماهو الاسم العلمى لمرض الكتكود

رقيتون
10-25-2007, 06:06 PM
ياوليداتى الدكاتره عندى سوال
الكتكود دة هو شنو اسموا العلمى وماهى اعراضه وماهى طرق الوقايه منه
افيدونا افادكم الله
زكريا بابكر عمر
10-26-2007, 04:49 PM
ياوليداتى الدكاتره عندى سوال
الكتكود دة هو شنو اسموا العلمى وماهى اعراضه وماهى طرق الوقايه منه
افيدونا افادكم الله

إنتي يا حبوبتي مافي دكتور نبطشي ولا شنو ؟؟ شايف مافي دكتور عبرك ....الحاصل شنو؟ العياده دي فاتحنها ومافيها زول الدكاتره ديل راحو وين ؟؟ ولا أقولك أشربيلك لبن حماره لامن تلمي في دكتور يديكي علاج...... هوووووي يا دكاتره ما شايفين حبوبتكن دي قاعدي في العياده من صباح الله ومافي زول جاء عليها حتي الفراش ماهو في!!وينو أب شخيت !!ماقالو جابوهو للعياده بس لايبقي كالعاده مشي ليطيبان....عاد ده كلام ده:confused::confused:
ضمره بغدادى
10-26-2007, 04:56 PM
بعد شاب دخلوا الكتاب :D:D:D
واااااااشريرى يا حبوبة جاكى الكتكود .... أكليلك جقر محمروادى صاحبك معاكى :D
زكريا بابكر عمر
10-26-2007, 06:55 PM
بعد شاب دخلوا الكتاب :D:D:D
واااااااشريرى يا حبوبة جاكى الكتكود .... أكليلك جقر محمروادى صاحبك معاكى :D

الجقر المحمر أكلو إنته وبت دباي بتاعتك....هي وينه الخرابه بس مدت راسه وتاني الشافه ما إنشاف بس لا يبقي فكتك عكس الهوا (التسوي كريت تلقا في بت دباي):p:p
kabalo
10-26-2007, 06:58 PM
ياوليداتى الدكاتره عندى سوال
الكتكود دة هو شنو اسموا العلمى وماهى اعراضه وماهى طرق الوقايه منه
افيدونا افادكم الله
السلام عليك حبوبتي رقيتون غايتو سمعنا قالو هو ياهو السعال الديكي وعلاجو زمان كان شراب لبن الحمير غايتو شربنا كورية اللبن من الحمارة وما عارفين كانت العلاج والله عالجا الزمن
لك حبي وتقديري مع الدعاء لك بعاجل الشفاء
انس البدوي بابكر
10-26-2007, 10:10 PM
ياوليداتى الدكاتره عندى سوال
الكتكود دة هو شنو اسموا العلمى وماهى اعراضه وماهى طرق الوقايه منه
افيدونا افادكم الله
حبوبه رقيتون ...كفاره للوليد وربنا يديهو العافيه ....الكتكود او السعال الديكي (whooping cough) و تم تسميته بذلك نسبه لصوت الكحه المميز له تبدا اعراضه بالام في الحلق و شعور بالفتور قد يستمر لفتره اسبوعين قبل ظهور الكحه وبعد اسبوعين تبدا الكحه في الظهور وهي تاتي في شكل نوبات من 2 الي اكثر من 50 نوبه في اليوم و تستمر كل نوبه مده دقيقه او دقيقتين و تكون عنيفه للغايه مصحوبه باستفراغ و احتقان شديد في الوجه حتي يحس المريض انه يكاد ان يختنق و بين النوبات يكون المريض طبيعي جدا و لا يكح وقد النوبه شديده حتي لا يستطيع المريض ان يتنفس ويتحول لونه الي الازرق من انعدام الاكسجين و قد يؤدي ذلك الي حاله اغماء بسيطه سرعان ما يفوق منها المريض..وقد تستمر الاعراض من 3 اسابيع الي 3 شهور و في حوالي خمسين من المرضي قد تكون هذه الكحه غائبه...تحدث الاصابه في لغالب قبل سن الخامسه والاصابه به تعطي مناعه مدي الحياه وكذلك التطعيم و لكن يمكن ان يحدث في اي سن..في غالب الحالات لا يوجد اي علاج و المرض في الغالب يكمل دورته ويزول بمفرده بدون اي علاج ..الا في حالات المرض الشديد مثل الاطفال الصغيرين جدا اقل من 6 شهور او العجايز التعبانين مثل ناس حبوبه رقيتون و ديل قد يحتاجوا الي حبوب استيرويدس (steroids) بالاضافه للمضادات الحيويه بالاضافه لاستعمال المحاليل الوريديه و الاكسجين...للاطفال اقل من 6 اشهر المرض خطير و يحتاج الي عنايه خاصه..المرض تسببه بكتريا تسمي بوردتيلا بيرتسس و اعطاء ادويه مثل الايروثرميسين يمنع انتشار المرض الي الاشخاص الاخرين و لا يعالج المصاب...المضاعفات تحدث في 1% من المرضي وهي تشمل : الالتهاب الرئوي...فشل التنفس ...التشنجات ...و الالتهاب الدماغي و لكن هذه المضاعفات نادره......اها يارقيتون ان شاء الله المعلومات دي كافيه و الله يديك العافيه انت ووليداتك