روضة ست نعمات

[احمد حسن جدعه]

هيي هييي احمد احمد قوم كفاك نوم .. يا امي ما تخليني انوم شويه .. يا ولد قوم الليله مودِنك الروضه..
ياخ انا ما داير روضه ولا روضه خليني انوم .. والله ما تقوم اجي أعدلك بالسفنجه دي قووووووم..
نننننننن اها قُمتا ..
يا بِت سوقي اخوكِ ده حميهو ولبسيهو هدوم الروضه الجُداد ديل وخليهو يجي يشرب الشاي.. سمِح يُمه..

ومشيت الروضه واطنطِن :mad:ما راضي أمشي وعيوني بي باقي نومتِن وشايل الشنيطه فيها فطوري ودخلت الروضه – روضة ست نعمات- دخلنا كلنا الفصِل وجانا القمر طالع :)..... ست نعمات صاحبة الروضه ومُدرِسة الروضه , سبحان الله جمال خُرافي (ما شاء الله) ..

وبعد ما كُنت اطنطِن بقيت البس هدوم الروضه من بالليل والصباح ما برجا الشاي جري علي الروضه واقعُد في الصف الاول – وابحلِق:D- حبيتا يا ناس والله حُب طفولي بريئ ... ويا فرحه ما تمت ..... انتهت السنه ومشينا المدرسه واستاذ عادل وسوط العنج – شتان بين هذا وذاك-

ناس الروضه يجو بي جاي والناس الما قبل التاريخ ما أشوفن هنا;)

[عوض جلاس]

أها نحن ناس الروضة جيناكم يا ود جدعة ويا حليل ناس ضمرة ما عندهم طريقة هني
خليهم يحكولنا قصص شيوخ الخلوة معاهم ( والبول ) أنا أول يوم اتذكر لما مشيت الروضة كانت اسم المعلمة حقتنا ست حواء عمر فضل الله ربنا يطول في عمرها وما داير اتغزل فيها زيك يا ود جدعة المهم وزعونا كل واحد في كرسي وقعدنا بعد شوية ما عارف طلعت وين جيت رجعت لقيت واحدة اسمها طيبة بنت إسحق قاعدة في الكرسي بتاعي قلت لها هيييييييييييي قومي من كرسيي دا قالت لي ما بقوم قعدت اجرر فيها اتخيل الجرجرة دي كيف ؟؟ ماها راضية تقوم قامت قالت لي الكرسي دا مسجل بي إسمك ؟؟ قلت لها أيوة ونهرتني ليك فد نهرة قعدت ابكي وجات ست حواء وأدتني تاني كرسي جديد وأنا ما رضيت إلا الكرسي حقي الأول واليوم داك كلوا كنت حردان لا حدي تاني يوم .
شكراً أحمد حسن جدعة لتذكيرنا بايام ما كنا لنذكرها لولا مداخلتك الجميلة وحبك لست نعمات
ولك كل التحايا

[احمد حسن جدعه]

اتخيل الجرجرة دي كيف ؟؟

زي جرجرتك القعد تسوي فيها هنا وما داير تورينا عُمرك كم ؟؟:D;)
لكن باااااااااااااااااااااااااالغتا تبكيك بت وكمان اسما طيبه

[عوض جلاس]

أماني ما بجرجركم جرجة
غايتو يا أحمد لو عاوزين تعرفو عمري كم إلا تجيبولكم واحد من ناس البرصة وتدخلوهو معانا في المنتدى دا ويمكن .. يمكن يوريكم .. شوف يمكن دي مرتين يعني يمكن في امل ما يوريكم كمان أو يمكن ما يعرف
أما البت البكتني دي أخير أنا لأنو كان بكي حق شفع اسع في ناس كبااااااااااااااااااااااااار البنات مبكاتنهم ولا رايك سنو ؟؟؟؟

[الهادي قنديل]

والله يا ودجدعه كدي كدي عوض اقنعك انو قراء روضه وانا بعد كلامو دا رجعت تاني لعنوان البوست قلت كدي النتأكد يمكن خلوه:D:D:D
اها ياود جدعه الشوره كيف؟

[عوض جلاس]

والله يا ودجدعه كدي كدي عوض اقنعك انو قراء روضه وانا بعد كلامو دا رجعت تاني لعنوان البوست قلت كدي النتأكد يمكن خلوه:D:D:D
اها ياود جدعه الشوره كيف؟

والله غايتو نحن وود جدعة قرينا روضة الكلام الناس الباقين ناس الخلاوي !!!

[الهادي قنديل]

والله غايتو نحن وود جدعة قرينا روضة الكلام الناس الباقين ناس الخلاوي !!!
انت آ عوض قاصد الحبوبات ولاّ شنو؟:D:D:D

[عوض جلاس]

انت آ عوض قاصد الحبوبات ولاّ شنو؟:D:D:D

الحبوبات ياتن ؟؟ أنا قاصد الماسكين خانات سنيرية مع الاعتذار للحبيب
وبمناسبة الحبوبات ديل وين ما ظهرن لا أسع ؟؟؟

[ضمره بغدادى]

الحبوبات ياتن ؟؟ أنا قاصد الماسكين خانات سنيرية مع الاعتذار للحبيب
وبمناسبة الحبوبات ديل وين ما ظهرن لا أسع ؟؟؟


اها آ ود جدعة وعوض الروضه عرفناها .... البامبرز كييييييييييف؟؟؟؟؟
والله ما عرفنا معاكم شى.

[أب شخيت]

أخوي ودعة

يا سلام ..!!.. وصف كربوني شائق..انشاء الله ما "تكرب" يا ود عمي شايق...أعزرني أنا زول خلوة..ناس مطرق المرخ والجريد.... حتى الخرتوش مابنعرفو..!!. لكين وصفك بشوفو فوق وليداتي الصغار الله يحفظن ويحفظكم...
يا جماعة الصغرة ما كويسة لانها إما (صغارة صافية) أو (جهالة نافية للتعقل).!!.حتى لو إنتو صغار قولو نحن كبار...التطلع للكبر دي صفة الصغار..والتطلع للصغر دي صفة الكبار ما قبل "الخريف"...!!.اسع قول لي ولدك الصغير الما دخل الروضة (إنت صغير) حايقول ليك انا ما صغير انا كبير يا بابا...لكين كمان ما تكترو المحلبية وتزيدو الكبر لأتو دا بدخلكم "الخريف" و"الشتي" بتاع فيروز

[النافعابى]

نحن ياود جدعه ناس خلاوى ساكت حلالى
الله يرحمك ياشيخنا على قشى واحمد على صالح
والسيد ود قنيب عليهم الجميع الرحمه بما قدمو لنا
من علم وشوفو ناس الروضه قدمو شنو

[احمد حسن جدعه]

والله يا ودجدعه كدي كدي عوض اقنعك انو قراء روضه وانا بعد كلامو دا رجعت تاني لعنوان البوست قلت كدي النتأكد يمكن خلوه:D:D:D
اها ياود جدعه الشوره كيف؟

أصبر شويه بوست الخلوه جاييك..
بس ورونا الكان قعد يحفظ مِنو والكان قعد ينوم مِنو;)

[حميد]

والله يا ود جدعة الجماعة ضايقونا شدييييييد
في البوست حقنا دا..الحقهم بالخلوة سريع اشدههم:D


ياود جدعة انت متاكد روضة وللا عنوان البوست دا مهكور كمان؟

[احمد حسن جدعه]

اها آ ود جدعة وعوض الروضه عرفناها .... البامبرز كييييييييييف؟؟؟؟؟
والله ما عرفنا معاكم شى.

مرحب بالسيد السنير
غايتو البامبرز ده في ناس كتار ما لبسوهو لكن
بيعرفو يغيرو لي شُفعُن;)

[احمد حسن جدعه]

أخوي ودعة

يا سلام ..!!.. وصف كربوني شائق..انشاء الله ما "تكرب" يا ود عمي شايق...أعزرني أنا زول خلوة..ناس مطرق المرخ والجريد.... حتى الخرتوش مابنعرفو..!!. لكين وصفك بشوفو فوق وليداتي الصغار الله يحفظن ويحفظكم...
يا جماعة الصغرة ما كويسة لانها إما (صغارة صافية) أو (جهالة نافية للتعقل).!!.حتى لو إنتو صغار قولو نحن كبار...التطلع للكبر دي صفة الصغار..والتطلع للصغر دي صفة الكبار ما قبل "الخريف"...!!.اسع قول لي ولدك الصغير الما دخل الروضة (إنت صغير) حايقول ليك انا ما صغير انا كبير يا بابا...لكين كمان ما تكترو المحلبية وتزيدو الكبر لأتو دا بدخلكم "الخريف" و"الشتي" بتاع فيروز

أب شخيت ذكرتني نُكتة البت البايركس مع الفكي..
خلاص حقكم علينا يا ناس الخلوه وليك علي انزل ليكم بوست كارب
للخلوه بس المشاركات عليكم انت وضمره والنافعابي وزكريا وعلي سند;)

[احمد حسن جدعه]

نحن ياود جدعه ناس خلاوى ساكت حلالى
الله يرحمك ياشيخنا على قشى واحمد على صالح
والسيد ود قنيب عليهم الجميع الرحمه بما قدمو لنا
من علم وشوفو ناس الروضه قدمو شنو

حكيمنا النافعابي
الله يرحم كل شيوخنا ..
يلا احكو لينا عن الخلوه في بوست الخلوه ;)

[احمد حسن جدعه]

والله يا ود جدعة الجماعة ضايقونا شدييييييد
في البوست حقنا دا..الحقهم بالخلوة سريع اشدههم:D


ياود جدعة انت متاكد روضة وللا عنوان البوست دا مهكور كمان؟
يا هلا بي ناس ألمانيا واليرو..
زي ما بقولو الاسلام يجُب ما قبله يعني حلال عليك
القريشات اللهفتهِن :Dوما سائلنك منهن
كدي ورينا قصتك مع ست روضتك العارفا انا ديك
وكان ما قلتا أنا بقولا وبزيدا توم وشمار;)

[احمد حسن جدعه]

الاسم:محمد تاج الدين بغدادي عمر
الاقامة:العشرة الخرطوم
العمر:عوض جلاس÷2=23
طالب في كلية الطب وغير متزوج لكن النية في
0912941344

محمد تاج الدين
القِسمه دي علي 2 والله علي 3 ؟؟
كان علي 2 ما قصرته مع الزول ده لكن برضو نحنا
عشمانين في الزياده و كان علي 3 ياهو عُمرو الحقيقي;)

[ضمره بغدادى]

احمد اخوى
الله يجازى محنك ... خليتنى احبى بالواطه
البيغيرو لى شٌفعن ديل ياربى مو ناس زكريى واللا تقصد ود جلاس :D:D

[عوض جلاس]

اها آ ود جدعة وعوض الروضه عرفناها .... البامبرز كييييييييييف؟؟؟؟؟
والله ما عرفنا معاكم شى.

كان قلنا البامبرز حصلنا نكون كضبنا عليكم غايتو يمكن جاء ورانا بي سنة سنتين

[عوض جلاس]

محمد تاج الدين
القِسمه دي علي 2 والله علي 3 ؟؟
كان علي 2 ما قصرته مع الزول ده لكن برضو نحنا
عشمانين في الزياده و كان علي 3 ياهو عُمرو الحقيقي;)

والله أنا يبقالي كان وصلت العمر القلتوهو دا زاتو تاني كتابتكم دي ما بشوفها ورد ما بقدر أرد عليكم وكان الله ريحكم مني سااااااااااااااااكت

[الهادي قنديل]

كان قلنا البامبرز حصلنا نكون كضبنا عليكم غايتو يمكن جاء ورانا بي سنة سنتين

عوض قلت كم سته وستين؟:D:D:D

[عوض جلاس]

عوض قلت كم سته وستين؟:D:D:D


ليه يا اخوي أنا رقيتون ولا عطمنو ولا بت دباي

[علاء كرار]

اها آ ود جدعة وعوض الروضه عرفناها .... البامبرز كييييييييييف؟؟؟؟؟
والله ما عرفنا معاكم شى.

آ ضمرة اخوي البامبرز مع ناس الروضة .. ناس الخلاوي البيقبلوا القسمة على 2 و 3خلهن مع القصريي :D

[احمد حسن جدعه]

ليه يا اخوي أنا رقيتون ولا عطمنو ولا بت دباي

هِن وينِن لا يبقي لحقن الصِح;)

[عوض جلاس]

هِن وينِن لا يبقي لحقن الصِح;)


أنا والله من أمس كنت بسأل عليهن بس مافي زول جاوبني وقالو المركب يوم غرقت في ناس كتار حتلوا وغايتو هن لا أسع في عداد المفقودين بس الأمل في إنهم ينقذوهن

[ضمره بغدادى]

آ ضمرة اخوي البامبرز مع ناس الروضة .. ناس الخلاوي البيقبلوا القسمة على 2 و 3خلهن مع القصريي :D


علاء
ناس الخلوة ديل يبقالى مع لحا الشجر .:D:D

[عوض جلاس]

علاء
ناس الخلوة ديل يبقالى مع لحا الشجر .:D:D

يعني ديل ناس إنتو ؟؟:D:D

[زكريا بابكر عمر]

أها يا ود جدعه أنا جيتك قلته ناس الروضه بيوين؟؟؟؟ ومالن ناس الخلوه ديل شوييين كدي!!!وماني شايف ضمر معاهن أوعه يكون الخرابه معانا هني في صف الروضه:p ولاآآآآ هو بالصح ما قبل الخلوه..خلاص سولك صف تالت يا ودجدعه سمو(صف الديناصورات البغداديه);):(:p:D:o:cool::eek:

[أبو الحُسين]

..خلاص سولك صف تالت يا ودجدعه سمو(صف الديناصورات البغداديه);):(:p:D:o:cool::eek:

:p:pنحن غايتو برررررررررررة!!!:p:p

[احمد حسن جدعه]

الاسبوع القبل الفات إدارة الروضه البيقرا فيها ابراهيم ولدي
اتصلو بي اُمّو قالوا ليها تعالي سوقي ولدِك ده ..
ليه ؟ قالوا ليها الود ده aggressive(شرِس) دقّ اولاد الروضه كُلّهن .. ;)

[أبو أيمن]

هيي هييي احمد احمد قوم كفاك نوم .. يا امي ما تخليني انوم شويه .. يا ولد قوم الليله مودِنك الروضه..
ياخ انا ما داير روضه ولا روضه خليني انوم .. والله ما تقوم اجي أعدلك بالسفنجه دي قووووووم..
نننننننن اها قُمتا ..
يا بِت سوقي اخوكِ ده حميهو ولبسيهو هدوم الروضه الجُداد ديل وخليهو يجي يشرب الشاي.. سمِح يُمه..

ومشيت الروضه واطنطِن :mad:ما راضي أمشي وعيوني بي باقي نومتِن وشايل الشنيطه فيها فطوري ودخلت الروضه – روضة ست نعمات- دخلنا كلنا الفصِل وجانا القمر طالع :)..... ست نعمات صاحبة الروضه ومُدرِسة الروضه , سبحان الله جمال خُرافي (ما شاء الله) ..

وبعد ما كُنت اطنطِن بقيت البس هدوم الروضه من بالليل والصباح ما برجا الشاي جري علي الروضه واقعُد في الصف الاول – وابحلِق:d- حبيتا يا ناس والله حُب طفولي بريئ ... ويا فرحه ما تمت ..... انتهت السنه ومشينا المدرسه واستاذ عادل وسوط العنج – شتان بين هذا وذاك-

ناس الروضه يجو بي جاي والناس الما قبل التاريخ ما أشوفن هنا;)

إنت من درفون سغيرووون تبحلق....
منّك خوف ياودجدعة....

[ابو مبارك]

والله يا ودجدعه كدي كدي عوض اقنعك انو قراء روضه وانا بعد كلامو دا رجعت تاني لعنوان البوست قلت كدي النتأكد يمكن خلوه:d:d:d
اها ياود جدعه الشوره كيف؟

هييييييييي ده ظهر من وييييين ؟؟؟؟؟؟؟؟

حريف والله يا ود جدعة

ناس ماتجي إلا بالـ ....... ذي ده

[ابو مبارك]

:p:pنحن غايتو برررررررررررة!!!:p:p

عاين ده برضو ياود جدعة !!!!!

[احمد حسن جدعه]

إنت من درفون سغيرووون تبحلق....
منّك خوف ياودجدعة....

هلا ابو ايمن
أخير من بحلقة الكُبار :p

[احمد حسن جدعه]

عاين ده برضو ياود جدعة !!!!!

اولاد الذين فركو العدس :d:d

[هشام ود الحسين]

وبعد ما كُنت اطنطِن بقيت البس هدوم الروضه من بالليل والصباح ما برجا الشاي جري علي الروضه واقعُد في الصف الاول – وابحلِق:D- حبيتا يا ناس والله حُب طفولي بريئ

بحلاق من بدرى:d:d

الروضة

والقميص الأحمر

والردا الاحمر ليهو شريط أبيض

ونشيد الروضة تقولو لــ زول زول ........

[ود الحجير]

والله يا ود جدعة الجماعة ضايقونا شدييييييد
في البوست حقنا دا..الحقهم بالخلوة سريع اشدههم:d


ياود جدعة انت متاكد روضة وللا عنوان البوست دا مهكور كمان؟

حميد كيفك و الزمان يا دفعة .. زمن طويل سنين و دنين من أيام فول عيساوي و أستاذ مدثر و علي سليمان يطراهم الله بالخير .. لسه في بلد ناس ( مولر و شيرر و وَرَر ) ؟؟

ود جدعة تحياتي .. نحن كمان - بعيد عنك - واقعين في الفترة الإنتقالية بين الإتنين لا حضرنا الخلوة و لا لحقنا الروضة .. دخلنا المدرسة ( صُمٌ بُكمٌ ) ..

[خالد البدوي بابكر]

هيي هييي احمد احمد قوم كفاك نوم .. يا امي ما تخليني انوم شويه .. يا ولد قوم الليله مودِنك الروضه..
ياخ انا ما داير روضه ولا روضه خليني انوم .. والله ما تقوم اجي أعدلك بالسفنجه دي قووووووم..
نننننننن اها قُمتا ..
يا بِت روضة ست نعمات- دخلنا كلنا الفصِل وجانا القمر طالع :)..... ست نعمات صاحبة الروضه ومُدرِسة الروضه , سبحان الله جمال خُرافي (ما شاء الله) ..

وبعد ما كُنت اطنطِن بقيت البس هدوم الروضه من بالليل والصباح ما برجا الشاي جري علي وذاك-

ناس الروضه يجو بي جاي والناس الما قبل التاريخ ما أشوفن هنا;)


سلام يا شيخ العرب ..
راجين الوصف الدقيق زي ماكتب قريبك عمر خطيب عن فتاة الهملايا ..
أو عمك عرفات عن الفلبينية .. يللا قول لنا أبله نعناعة كانت كيف ؟؟؟

[المجدوليه]

ود جدعه سلام...
وياريت الماضى يعود..الروضة وما احلاها الزكريات..
الروضة قومة بدرى ..العفريته الحمراء بالحمالات..القميص الابيض
والشريط الاحمر ...الشراب والجزمة السوداء..المنديل المطرز معلق
بالدبوس فى القميص ..اللياقة منزله ومعدوله.. الاظافر نظيفة ..سندوتش
ملفوف ومختوت فى الشنطة..الكراسات مجموعة عن (ست طيبة)...
الطابور الصباح...صفا إنتباه تلاتة مرات...النشيد اليومى...الحصة الاولى
لعب ومراجيح...وسباق...والست تراقب من بعيد
الجرس ضرب ..الفطور الفطور...الكل فرحان ...(والسندوتش فول)
ندخل الفصل يا شطار...السورة الاخلاص..الحرف (أ) أسد..والعدد(1)
والقصة قصة سيدنا إبراهيم عليه السلام..
إنتهى اليوم...كل زول طواااالى على البيت مادايرين لعب فى الشارع
وست طيبة تقول
علشان إنتو خريجين تجو بكرة نضاف ومسرحين أصلو المصور (جاى )
يصوركم صور تزكارية تحفظوها ..وساعة تكبرو تبقو تشوفو نفسكم
وإنتو صغار
بذات التفاصيل كان يومى فى روضة شبا..وبنفس الروتين قضيت ثلاثة سنوات فيها
(الروضة من اجمل مجطات حياتى ..اتزكرها وكأن الزمن لم يمر ..شكلت..مسارى
العام ومنها بدأت احلامى تكبر..
؛؛مودتى؛؛