نصف مليون (أعمى) بالسودان

[عصام سرالختم]

طالعتنا صحيفة الراية القطرية اليوم بالخبر التالى :
كشف د. كمال هاشم مديرالبرنامج القومى لمكافحة العمى بالسودان عن وجود (500) الف حالة عمى بالسودان بينها (40) الف طفل . وقال ان اكثر من اربعة مليون سودانى معرضون للاصابة (بعمى الانهار) شاكيا من عدم توفرمعدات مكافحة العمى رغم بساطتها وعن وجود نقص كبير فى إختصاصى العيون بالبلاد ( إختصاصى لكل مليون نسمة ) عدا الخرطوم . فيما تخلو بعض الولايات من الإختصاصيين . واشار الى ان 22 مليون شخص تهددهم الاصابة بالتراكوما فيما يعانى مليونى شخص من المياه البيضاء . وأضاف أن وزارة الصحة لا تضع مكافحة العمى ضمن أولوياتها لجهة أن الإصابات لاتؤدى الى الوفاة ؟؟؟؟

بدون تعليق !!!
ومنتظرين رأى أطباء المنتدى

[انس البدوي بابكر]

[size=5]يا عصام يا اخوي ما تقلب علينا المواجع هي وزاره الصحه اولوياتها شنو؟؟!!... ما في زول عارف و يكفي الصراعات التي تدور في هذه الوزاره المهمه دليل علي الفساد و الفوضي التي القت بظلالها علي كل مناحي الحياه بالسودان...واولويات الوزاره هي العربات اخر موديل للعاملين بها ....اما اذا تحدثنا عن نقص الاخصائيين بالولايات فحدث و لا حرج عن سوء التخطيط الاداري فمستشفي الخرطوم به اكثر من 70 اختصاصي في المجالات المختلفه يزيدون عن حوجه المستشفي و ما في زول عارف من الذي قام بتعيينهم و من اين ياخذون رواتبهم ...كان الله في عون الشعب السوداني الفضل[/siz

[أب شخيت]

د. كمال هاشم بناوي مدير مستشفى الوالدين بامد رمان مرجع في هذة الأرقام بإعتباره رئيس الجمعة السودانية لمكافحة العمى(اليوم يصادف اليوم العالمي لمكافحة العمى)..وهو إختصاصي نشط و خدوم وذو اخلاق رفيعة ومهنية عالية..تزاملنا لمدة 3 سنوات إبان التحضير للدكتوراه بجامعة الخرطوم وهو يسبقنا بعام..
هل تصدق اننا عند اكتمال تخصصننا في اكتوبر1999 بلغت جملة إختصاصيي العيون السودانيين من كل الجامعات بالداخل والخارج منذ قبيل الاستقلال فقط 117 بما فيهم العاملين خارج البلاد..
علما بأن مستشفى النهرللعيون من اوائل المستشفيات المتخصصة ليس على نطاق السودان وانما على نطاق القارة الأفريقية والشرق الاوسط....فقد تاسست في 1953 في العهد الاستعماري...بلد في مثل هذه العراقه في طب العيون ما يزال يعاني من قلة الاختصاصيين وتراكم المرضى...!!!

[عصام سرالختم]

اخى دكتور الفاضل ( اب شخيت )
الى ماذا تعزى ندرة إختصاصى طب العيون بالسودان ؟
بالذات فى ولايات السودان المختلفة

وياريت مزيد من المعلومات عن عمى الانهار .. والتراكوما
ولماذا إنتشرا بالسودان .. وكيفية الوقاية منهما ؟

طبعا يا اب شخيت ...
هنا ستبتعد عن الرموز والإيماءات :D :D
ودمت

[زكريا بابكر عمر]

بعد الفقر والجهل والمرض كمان جابتلها عمي ده ما ياهو ذاتو الميتي وخراب الديار .....والله يالسودان الله يكون في عونك.....قبل يومين يا عصام (والشيء بالشيء يذكر)بمنطقة الجبلين وحتي الرنك ظهرت حمي مره يقولو نزفيه ومره مالطيه وأخيرا إتضح أنها الحمي الصفراء ومتكتمين عليها وداسنها لمن قرضت أمه من الناس ومستشفي الرنك والجبلين يعج بالمرضي ومن هناك علي المقابر ....يا عصام يا أخوي البلد دي الله يكون في عونه أماني قاعدين نشوف جنس مناظر توجع القلب وتهرد المصارين والجماعه هناك ساونها عربات وفلل بالله ديل يقولو ليربنا شنو ؟؟؟ الله المستعان .