المساعد الشخصي الرقمي

مشاهدة النسخة كاملة : ياناس عووووك بت دباي جمعت

عطمنو
10-23-2007, 12:06 PM
وا شريري واشريري المرة دي جا من وين مكندكة كدي ، أدخلي أستريحي والبيت ياهو بيتك وماكي غريبي ، إنجمي يا حبيبتي وأخدي راحتك باين عليكي تعباني من المشوار وبعد داك واصلي
عبد الرحمن يوسف
10-23-2007, 12:22 PM
حمدا على السلامة والله اشتقنا لى شايك المقنن - وماتنسى الشمار
ضمره بغدادى
10-23-2007, 04:41 PM
الف سلامى الجيتى طيبة آ بت دباى ... شفقتينا عليك ... حمدا لله بسلامتك ا لجيتى طيبى وانا ورفيقتى عطعط ما خلينا بكان ما فتشناهو على الجماعة امانى سوو فيكى جنس سوى وقالوا فيكى جنس قواله وامانى انا وعطعط دافعنا عنك جنس دفاع ..
كدى لامن تنجمى وترتاحى امانى عندى ليكى جنس شمارات وكلها فوق المره الطالقى والمجينين الولد داك .
أشرف محمد خليفة
10-23-2007, 04:46 PM
الوالدة بت دباي
حمد الله الف علي السلامة ، وان شاء الله المشوار الاخرك علينا ده يكون مشوار العافية وتكوني جايبه لينا معاكي شوال شمارات :D
نحن في انتظارك من بدري
ادخلي دارك وارتاحي ليك حبة بعدين ورينا النضمي الجد ;)
زكريا بابكر عمر
10-23-2007, 05:19 PM
يا حليلك يا دباويه آيا يمه حمد الله لالك بالسلامه الجمعتي البلد ليكي وحشه كبيره نان شنو ...وين الحي بيكي مالك حاربتينا نسأل منك سؤال الضهبان نان شنو ... أوعك تسمعي كلام ضمره أصلو بتاع صواطه هو والمجنونه حقتو دي سايطين البلد بيعود نان شنو ....كدي أبقي لاداخل وإرتاحي وشيلي نفسك وبعدين نشوف الفي الكتاب نان شنو ....تحياتي ,,,
Adil Assoom
10-23-2007, 05:39 PM
بت دباي حبابك
الحمدلله لحقتي القطر...عودا حميدا;)
أب شخيت
10-23-2007, 08:58 PM
بت دباي حبابك
الحمدلله لحقتي القطر...عودا حميدا;)

نرحب بالحبوبة دبدوبة..
لكين انت القطر دا قاصد فوقو واللا فيهو واللا تحتو..:D:D:D
ميِّز لينا النعرفك ابيض واللا اسود واللا رمادي معانا..
عوض جلاس
10-23-2007, 09:36 PM
ألف حمدأ لله على سلامة الوصول حبوبتنا بت دباي
والله طولتي الغيبة لامن قلنا خلاص الحبوبة دي طفشت وماها راجعي تاني
المهم بركة الوصلتي طيبي وارتاحي شوية وورينا الشنط والمخالي دي جبتيلنا فيها شنو
مرحب بعودتك وإنشاء الله ما تغيبي تاني