مبروك .. للاخ ضمرة بغدادى

[عصام سرالختم]

اخونا ضمرة بغدادى
أول عضو يتعدى ال 100 مشاركة فى الموقع الجديد ويصبح أول
( Senior Member )
انت نائم وين يا زكريا .. دفعتك اصبح سينير وانت مازلت جونير
يا حليل اخونا العريس ابوالحسين :D :D

[عوض جلاس]

ضمرة يستاهل كل خير وهو مجتهد ومثابر وبيحب البركل وبيعتبره بيتو الأول ولكل مجتهد نصيب

[الهادي قنديل]

اخونا ضمرة بغدادى
أول عضو يتعدى ال 100 مشاركة فى الموقع الجديد ويصبح أول
( Senior Member )
انت نائم وين يا زكريا .. دفعتك اصبح سينير وانت مازلت جونير
يا حليل اخونا العريس ابوالحسين :D :D

مبروك السنيره من جديد يابغدادي ولايقه عليك والله
وزكريا دا باقي كان مهكور هكره جد اصبر عليهو يومين تلاته ياعصام يا أخوي وعينك ما تشوف الا السنيره وعقبالك والجميع

[محمد علي عشرات]

عصام ....كيف حالك

ضمرة ما شاء الله غلب الوراء والقدام....اليوم بعد صلاة الفجر مباشرة ..قلت أشوف الحاصل .أصلي نايم زعلان مما حدث بمهزلة أمير الشعراء( قلت يمكن في واحد كتب شئ يفشني شوية) في هذا الوقت ألقالك أخوي ضمرة مصنقر ومعاه أبشخيت كمان(ضمرة عرفناه قام للصلاة أبشخيت دا المصحيه بدري كدي شنو ...لسه بدري علي فجر السودان ..الظاهر أنو مغترب)

عقبالك يا أخوي عصام .

[ضمره بغدادى]

عصام ....كيف حالك

ضمرة ما شاء الله غلب الوراء والقدام....اليوم بعد صلاة الفجر مباشرة ..قلت أشوف الحاصل .أصلي نايم زعلان مما حدث بمهزلة أمير الشعراء( قلت يمكن في واحد كتب شئ يفشني شوية) في هذا الوقت ألقالك أخوي ضمرة مصنقر ومعاه أبشخيت كمان(ضمرة عرفناه قام للصلاة أبشخيت دا المصحيه بدري كدي شنو ...لسه بدري علي فجر السودان ..الظاهر أنو مغترب)

عقبالك يا أخوي عصام .

يا ابو الحجاج
نحنا بقينا الواحد لو غاب ساعة عنكم بيشوف نفسه غايب سنه ... ادام الله المحبة والود والوئام .

[زكريا بابكر عمر]

اخونا ضمرة بغدادى
أول عضو يتعدى ال 100 مشاركة فى الموقع الجديد ويصبح أول
( Senior Member )
انت نائم وين يا زكريا .. دفعتك اصبح سينير وانت مازلت جونير
يا حليل اخونا العريس ابوالحسين :D :D

يا عصام يا أخوي أنا بوريك الخلا ضمره يتسنير علينا شنو ( أماني مو غتيت ) من المغرب خته قفتو البلشيي وفي بطنه التباعه والبطاريه تحت عنقريبو والبطاريه أريته مو بطاريتك مصقري وقزازته مشقوقه ونوره زي جمرة الشيشه أه قبال النباه والواطه ضلمه قام جري فللي علي السبايق يقع ويقوم وأبي يتورنا ونحنه لمن الواطه شافت وشلنا قفافنا نازلين لاقانا جايي طالع مالي قفتو فوق صنقورو وعيونو حمممر بالسهر التقول كان بايت في جبرونا وشايل نعلاتو في جيوب العراقي ويعتب من الشوك والضريسي الفي كرعيهو عاينلو ييداك يسلسل في الشوك من كرعيهو أه إنته عارف تمرو اللقطو ده نصو طور جمال والنص التاني خرت من السبايط المدلدلات من الشتل وعاين يديهو وارمات من المكاشنه التحت التمر وأصبرلي فيهو أماني مابخوزقو خلو اليشر تمرو ويمشي كل مره أشيل منو هينين تلاته وأكب فوق كومي وباكلو حنك أصلو زولا مسيكين ماهو زول حجي:D:D:D

[ضمره بغدادى]

اليوم يومك يا ضمره

[صلاح عبد النبي]

بسم الله الرحمن الرحيم

ضمرة .. آ زول مالك .. الليلي نفسك قايم قومة شديدة خلاص :confused:..
الحكايي شني ؟؟
ونفس يعقوب فيها شنو يا ربي .. :cool:

[عثمان محمد نصر]

ياخالد ياود الحاج صباح الخير عندي زغروده داير احملا وأختها في البوست دا تحية لأخونا ضمره بمناسبة حصوله على السنيره مره تانيه والله كمان إن لقيت لي صفارة بابور بحر وياحبذا بتاعة كربكان تكون تميتلي الناقصه لأنه ضمره دا وإن شاء الله يوم شكره مايجي بالهين وتستاهل السنيره ياأبو عمر ودمت لنا وللبركل ذخر وعقبال بقية الإخوه

[ضمره بغدادى]

بسم الله الرحمن الرحيم

ضمرة .. آ زول مالك .. الليلي نفسك قايم قومة شديدة خلاص :confused:..
الحكايي شني ؟؟
ونفس يعقوب فيها شنو يا ربي .. :cool:

اخى صلاح
اب شخيت قالى انت جدو ودى كلها مستندات تثبت حداثة سنى سوف اقدمها للدفاع .
بس انتو ما تتزعجوا من الموضوع وانا طيب والحمد لله .:D:D:D:D

[عوض جلاس]

دا شنو البوست دا نكتوهو من وين
الزول نط الالف بي تلاتمياة لا فوق تجو تقولو مية مشاركة
مية مشاركة شنو ؟؟ أسحبو كلامكم دا ؟؟؟
لا تكونو قاصدين عمرو وصل مية سنة :D:D:D
غايتو كان كدي بنقول هابي بيرث دي

[ضمره بغدادى]

دا شنو البوست دا نكتوهو من وين
الزول نط الالف بي تلاتمياة لا فوق تجو تقولو مية مشاركة
مية مشاركة شنو ؟؟ أسحبو كلامكم دا ؟؟؟
لا تكونو قاصدين عمرو وصل مية سنة :D:D:D
غايتو كان كدي بنقول هابي بيرث دي

دى وثائق يا عوض دايرين نقدمه للمحكمه ضد اب شخيت .:D:D:D

[أبو أيمن]

اخونا ضمرة بغدادى
أول عضو يتعدى ال 100 مشاركة فى الموقع الجديد ويصبح أول
( Senior Member )
انت نائم وين يا زكريا .. دفعتك اصبح سينير وانت مازلت جونير
يا حليل اخونا العريس ابوالحسين :D :D

ماشاء الله علي ضمرة ويستاهل أن يكون مميزاً الرجل مثابر ويحب البركل زي عيونو.
وإنت ياعصام ما أنبلك وأنت تعد عليه نجاحاته.

[رقيتون]

مبروك مبروك بس ايش

[صديق أحمد]

مبروك للعم ضمرة بغدادي .... ولكن بالمقابل ( خلوني اللبقى زي فيصل القاسم ) هناك اتهامات كتيرة موجهة للعم ضمرة في البوست السابق ( كشف حساب ) .....
وأنا كان ده ردي قبل ما أعرف عن البوست ده .... ( منقول من البوست الآخر )

( سلام لعمنا ضمرة والأخوة المتداخلين ....
أنا عندي حاسة قوية بأنو في مخطط كبير يحاك ضد الرجل ....
أول شيء كان من أكثر أعضاء المنتدى مشاركات ومواضيع وردود ....
أسع خليتوهو مشغول في رقبتو !!!!
تاني شي قوز الرملة القاعد يرشرش فيهو ده يبقالي هو الجايب لو البلاوي دي كلها .....
وخصوصاً من د أب شخيت ( كبير المشعللين ) .....
يمكن عشان في انتخابات بتاعة عمدة البوست دايرين يمرقوا منها ....
غايتوا ما عارفين الحكاية شنو ؟!!!!
وين مستنداتك ومستشارك القانوني .... ما شايفين أي اثباتات ....
أظهر سريع ... علشان ما تفقد شعبيتك ..... ويا جبل ما يهزك ريح .... )

[عصام سرالختم]

اخونا ضمرة بغدادى

انت نائم وين يا زكريا .. دفعتك اصبح سينير وانت مازلت جونير
:D :D

وين ممثل الدفاع يضيف هذا المستند الى ملف قضية الدفاع عن اخونا وحبيبنا ضمرة .. زمان قلنا ضمرة دفعة زكريا وحينها لم يعترض زكريا او ينفى ..... :confused:

[ضمره بغدادى]

ياخالد ياود الحاج صباح الخير عندي زغروده داير احملا وأختها في البوست دا تحية لأخونا ضمره بمناسبة حصوله على السنيره مره تانيه والله كمان إن لقيت لي صفارة بابور بحر وياحبذا بتاعة كربكان تكون تميتلي الناقصه لأنه ضمره دا وإن شاء الله يوم شكره مايجي بالهين وتستاهل السنيره ياأبو عمر ودمت لنا وللبركل ذخر وعقبال بقية الإخوه

ابو خالد
الجماعة ديل قالو لى انت كبير سن وبقو يقولو لى جدو ضمره الناس المابتستحى على عرضها وانا رفعت البوست ده عشان فيه بعض المستندات المهمه التى يحتاجها المحامى حقى .
اشكرك يا راجل يا طيب يا ولد الناس الطيبين

[أب شخيت]

ابو خالد
الجماعة ديل قالو لى انت كبير سن وبقو يقولو لى جدو ضمره الناس المابتستحى على عرضها وانا رفعت البوست ده عشان فيه بعض المستندات المهمه التى يحتاجها المحامى حقى .
اشكرك يا راجل يا طيب يا ولد الناس الطيبين

الإعتراف سيد الأدلة..
وين تاني تنفعك المستندات..
:D:D