معتصم حمد البشير
06-06-2009, 11:25 AM
الاعزاء الاخوة اعضاء منتدى البركل
شوقنا ليكم كتير والمشغوليات حالت دون التواصل اليومي فلكم العتبى حتى ترضوا ونرسل لكم قصيدة يا بلد مكتول هواكي مهداة للأخوة المغتربين الذين اعرف حالهم جيدا وربنا يرد غربة الجميع ( سالمين غانمين )
مع خالص تحياتي واشواقي
اخوكم معتصم حمد البشير
]يا بلد مكتول هواكي
يا عيون كل المدائن يا جميلة
زي عشم زول ناوي يرجع لي ديارو
وطالت السفرة الحزينة
يا دعاش مطراً نقالدو
في يباب زحمة سنينا
يا بلد مكتول هواكي
**************************
آه من الدمعة الحزينة
والقلب ينزف غناوي
يكتب الشريان حكاوي
زي طنابير المراكبي
كلو في حبك بلادي
يا رواويس وين رسينا
يا بلد مكتول هواكي
**************************
يا سلام وكتين نصابحك
تصبح أيامنا وعمرنا
غنوة من أطفال بيقروا
في حروف الأبجدية
ودايماً المشوار بيبدأ
بيك يا أولى أولية
ويا بلد مكتول هواكي
يا عيون بالفرحة عايشي
ونحن وين أيامنا رايحى
داخل الغربة اللعينة
برسل المكتوب معنون
من طرف واحداً مسافر
لي دريب الرجعة كايس
والسراب والعتمة زادو
والبحر شال المفضل من عقابو
فضلت أيامو الحزينة
ويا بلد مكتول هواكي
**************************
أكتب المسدار غناوي
بي سلام ناساً تقالد بالمحنة
تبكي قبل الحزن بسمة
وتبقى عاضي الصبر لقمة
ويا بلد مكتول هواكي
**************************
أبدا من حلفا الجميلة
وفي طريقك لي كريمة
خلي أشواقك تقالد
كل زول في باره صامد
غنوة من أدروب وحامد
من نيالا تمشي لي نمولي الحنينة
شايلا الطير المهاجر
همسه همسه
يا بلد مكتول هواكي
وليكي راجع
رغم جور الدنيا فينا[/size]
شوقنا ليكم كتير والمشغوليات حالت دون التواصل اليومي فلكم العتبى حتى ترضوا ونرسل لكم قصيدة يا بلد مكتول هواكي مهداة للأخوة المغتربين الذين اعرف حالهم جيدا وربنا يرد غربة الجميع ( سالمين غانمين )
مع خالص تحياتي واشواقي
اخوكم معتصم حمد البشير
]يا بلد مكتول هواكي
يا عيون كل المدائن يا جميلة
زي عشم زول ناوي يرجع لي ديارو
وطالت السفرة الحزينة
يا دعاش مطراً نقالدو
في يباب زحمة سنينا
يا بلد مكتول هواكي
**************************
آه من الدمعة الحزينة
والقلب ينزف غناوي
يكتب الشريان حكاوي
زي طنابير المراكبي
كلو في حبك بلادي
يا رواويس وين رسينا
يا بلد مكتول هواكي
**************************
يا سلام وكتين نصابحك
تصبح أيامنا وعمرنا
غنوة من أطفال بيقروا
في حروف الأبجدية
ودايماً المشوار بيبدأ
بيك يا أولى أولية
ويا بلد مكتول هواكي
يا عيون بالفرحة عايشي
ونحن وين أيامنا رايحى
داخل الغربة اللعينة
برسل المكتوب معنون
من طرف واحداً مسافر
لي دريب الرجعة كايس
والسراب والعتمة زادو
والبحر شال المفضل من عقابو
فضلت أيامو الحزينة
ويا بلد مكتول هواكي
**************************
أكتب المسدار غناوي
بي سلام ناساً تقالد بالمحنة
تبكي قبل الحزن بسمة
وتبقى عاضي الصبر لقمة
ويا بلد مكتول هواكي
**************************
أبدا من حلفا الجميلة
وفي طريقك لي كريمة
خلي أشواقك تقالد
كل زول في باره صامد
غنوة من أدروب وحامد
من نيالا تمشي لي نمولي الحنينة
شايلا الطير المهاجر
همسه همسه
يا بلد مكتول هواكي
وليكي راجع
رغم جور الدنيا فينا[/size]