دار ابناء البركل بالخرطوم

[مرتضى عوض]

الاخوة الاعزاء
كل عام و انتم بخير , تشهد دار البركاله بالخرطوم نشاط قوي منذ حوالي العشرة اشهر و خصوصا في شهر رمضان و كان في يوم للمعايدة لي كل اهل البركل و برامج رائعة لكن هذا الامر لم يجد اعلام بالمنتدي بالصوره المطلوبه , عندنا مجموعه من الاعلاميين و المبرمجين ممكن يقومو بالتوثيق لهذه النشاطات و تحميلها في الموقع بالصوره و الصوت عشان الناس تقيف علي هذا الامر و تدعمو ,
ولا رايكم شنو ؟

[Adil Assoom]

الاخوة الاعزاء
كل عام و انتم بخير , تشهد دار البركاله بالخرطوم نشاط قوي منذ حوالي العشرة اشهر و خصوصا في شهر رمضان و كان في يوم للمعايدة لي كل اهل البركل و برامج رائعة لكن هذا الامر لم يجد اعلام بالمنتدي بالصوره المطلوبه , عندنا مجموعه من الاعلاميين و المبرمجين ممكن يقومو بالتوثيق لهذه النشاطات و تحميلها في الموقع بالصوره و الصوت عشان الناس تقيف علي هذا الامر و تدعمو ,
ولا رايكم شنو ؟
مرحبا مرتضى
ما كان ولاينبغي ولن يستقيم (;)) ان لا يهتم المنتدي بتوثيق أنشطة دار البركل ...فالمثل يقول (ظل الأسم وشيجة):)
ياحبذا أخي مرتضي ومن معك من بورداب الداخل لو أمدوا المنتدى بتفاصيل نشاطات دور أهل الشمال في العاصمة (وأحسبها ذاخرة بالأنشطة) والأمر يحتاج لألمام ليس بالكبير بتقنية الوسائط فتكون المنفعة مشتركة ويتم لأهل الدور التوثيق المراد ولنا نحن المتابعة والمشاركة...
لك الشكر

[صلاح عثمان صلاح]

الاخ مرتضى::
نحن فى انتظار...اخبار دار البركل...والتوثيق لكل ما يدور هناك مهم جدا... وراجنك ..تحكى لينا بالتفصيل

وما تطول باقى دخولك للمنتدى ضنين

تحباتى لاهلى الجكانين بدون فرز

[على محجوب جعفر مصطفى]

بالفعل كان يوم المعايده يوم جميل ولمه جميع الاهل وكان فى المقدمه الوالد مربى الاجيال سرالختم محمد طيب وكل الشباب ومااحلى فقرات البراعم وانشاء الله من المرات القادمه يكون فى توثيق

[عوض جلاس]

التحية لأهلنا في نادي البركل وكل يوم نسمع بنشاطهم الكبير في إحياء الليالي الثقافية والاحتفاليات وأيضاً سمعت أنه كان هناك حفل تكريم لملك الطنبور المرحوم النعام آدم خلال شهر رمضان قد تم بنادي البركل واحياه عدد من الفنانين على رأسهم الفنان الكبير صديق أحمد ..
نتمنى أن يدوم هذا النشاط الجميل ليجمع أهل البركل والبلد في هذه الدار العامرة وان تمتد النشاطات لخدمة أهلنا بالشمالية ايضاً
ولك تحياتي أخي مرتضى عوض

[مرتضى عوض]

في شهر تسعه 2007حيث انضميت لي الركب يدعوه من الاستاذه فتحيه محمد الحسن و طرق عبدالله و تم عقد عدد من الاجتماعات الدوريه و كان الحضور ضعيفا 7 الي 9 اشخاص وهم فتحيه محمد الحسن , زكريا حمزه, طارق عبد الله الزومه, ازهري ياسين,عصام سر الختم , سليمان عبدالل, عمر الجاز , معتصم العمده و مرتضى عوض . المهم اتكونت المجموعه و بعد عدد من الاجتماعات و الدعوات المتكرره لي اهل البركل للحضور لم يزيد العدد و جات فكرة اقامة نشاط في الدار و باي صوره بهدف تعريف اهل البركل بي انو عندهم دار لانو معظم الناس ما عارف و لانو منذ الافتتاح الرسمي في 1998 لم يكون هنالك اي نشاط في الدار ( اتخيلتو الوضع), طيب المتطلبات شنو , فنانين و شعراء , ساوند و كراسي , مويه بارد و ضيافه . صيوان و المواعيد متين يوم الجمعة بعد 9 يوم , اه الماليه كيف حددنا التكاليف , بسم لله , ازهري يسين يلتزم بي الفنانين , مرتضي الساوند , زكريا الكراسي , طارق الصيوان , معتصم و عمر و فتحيه الضيافة للحضور و الشعراء , المهم في لمحة بصر كل الامور اتخسمت و كل زول عرف مسؤوليتو , عملن اعلانات في الذاعة و الجرايد بواسطه الاغلاميين البركاله .
في بوم الجمعه الموعوده استنفرن عدد من الشباب و جين الدار و لحدي المغرب كان المكان جاهز و كلو في السليم و كن البعض متخوف من عدم حصور البركاله و لكن كانت المفاجاه الساره حيث كان الاقبال فوق التوقعات اكتر من 150 بركالي و الجميل في الموضوع كان الناس في شكل اسر حتي الحبوبات كانن حاضرات , 4 فنانين علي راسهم عيسى بروي و عدد من الشعراء علي راسهم شقوري و الفاتح و كان الابداع , وكانت هنالك عدد من الكلمات هاشم الجاز و عباس عبدالله و,,, و,,, و كان التقديم الرائع للحفل للاخ بكري موسى , في اليوم دا شفن الفرحه في عيون البركاله و هم يتعانقون وناس سنين ما لاقت بعض اتلاقت تاني في دار البركل و كان ناس كريمه مشرفننا و وعدو بازاله الجدار الفاصل بين الدارين قريبا , المشاهد كله كانت رائعه و كانت فرحة المجموعة المنظمه للقاء الاسري لاتوصف حيث كان الهدف في المقام الاول جمع اهل البركل حول البركل دون تبرعات او اشتراكات ولا انتخابات و لا جمعيات عموميه و كلو يجي بعدين بعد ما نتلم جوه دارنا , كان دا اول نشاط لي المجموعة و تم تقرير ان يكون اللقاء الاسري للبركاله كل اول جمعة في كل شهر و ان يكون هنالك لقاءات دوريه عاديه كل جمعة و بدانا التجهيز للقاء الاسري الثاني و انضم الينا عدد من الاخوة بعد اللقاء الاول , كان في كتير من الاخوان بيلوموا انهم ما عارقين الدار و الحاصل فيهو قلن ليهم معليش النبد من هن و لي قدام .
المهم جهزن كل شي للقاء الاسري التاني و نحن مصرين علي كلمة الاسري دي لانو البركل اسره واحده لكن للاسف لي ظروف العمل ما حضرت اليوم داك لكن بي التلفون ادوني كل التفاصيل و كان اليوم اروغ من السابق و الاقبال اكبر و التفاعل رائع , رجعت الخرطوم و بدان في التجهيز لليوم الاسري الثالث و في المرحله دي انضمو لين شباب البركل بي الجامعات و دخلت روح الشباب و برضو و في اخر يوم يوم الاريعاء 1\3\2007و بعد تجهيز كل الامور الخاصه بي اليوم قمت بتوديع الاخوه في المجموعه و ذلك لمغادرتي الخرطوم برضو لي ظروف العمل و دا لانو حظي سيئ و حتي الان وانا اتابع نشاط الدار و كلي امل ان اعود باسرع فرصه لاواصل المشوار مع الاخوه .
عموما دي كانت لقطات من بداية النشاط بدار البركاله و الاخرها كانت المعايده لكل اهل البركل في دار البركل بي مناسبه عيد الفطر , برضو في رمضان كان عندهم ليله لي اولاد حاج الماحي و تكريم النعام , و من شدة حب الناس لي البركل كل يوم الفنانين و الشعراء بيكونو اكتر لي درجة انو محمد كرم الله غنا في دارا لبركل و لكم ان تتخيلو الصور و المشاهد
عشان كده لو في اي واحد ممكن يتصل بي الاسماء المزكوره و ينبهم علي ضرزرة عرض هذه النشاطات و توثيقها بمنتدي البركل

[ضمره بغدادى]

الأخ مرتضى
كل عام وانتم بخير وكل البركالة بخير وينعمون بكامل الصحة والعافية .
مشكور اخى مرتضى وانت تنقل لنا اخبار دارنا العامره بالخرطوم .نتمنى من الله العلى القدير مذيدا من الترابط والتلاحم والاخاء والتكافل الاجتماعى وكما اسلفت اخى والاخوة المتداخلين نحن فى البركل نمتلك قوة بشرية هائلة يجب توظيفها توظيفا صحيحا كل فى مجاله لخدمة ورقى ونهوض منطقتنا ولتكن دار البركل نقطة انطلاق نحو ذلك .
اخى مرتضى ارجو منك نقل تحياتنا لهم جميعا ونحن من على البعد نحييكم على هذا المجهود الجبار الذى تقومون به انت واخوانك فمذيدا من الرفعة والسمو.
مودتى

[انس البدوي بابكر]

الاخ مرتضي ما عدمناك و لقد اثلجت صدورنا بتقريرك الرئع فدار البركل جاءت متاخره كثيرا و كان لنا في اخوتنا في الزومه و الباسا وجلاس وغيرهم اسوه حسنه و ربنا يقوي ضراعكم و ارجو ان لا تبخلوا علينا باخبار هذا الانجاز و نحن من كل اصقاع الدنيا نعلنها باننا جنود مخلصين و علي استعداد للقيام باي شئ من اجل البركل ...وفقكم الله يا اخي و ارجو ان تحمل تحياتي و تقديري للجميع

[أشرف محمد خليفة]

الاخ مرتضى
والله جهدكم مقدر والحمد لله انو اثمر بجمع لم البركالة
الجميع بالخرطوم يسالون عنك ويفتقدونك، وينتظرةن عودتك سالما غانما باذن الله

[مرتضى عوض]

والله نحن اكتر شوق منهم ليهم وربك يقرب المسافه . و انت قبال ما تجين بي السلامه بالله حاول تلاقي المجموعه و تاكد علي ضرورة تحميل النشاطات و توثيق في المنتدي و عارف انو دي هوايتك دايرين نشوف مقاطع قيديو وصور من الايام الاسريه........
و انت لسه ما بقيت جييي

[مرتضى عوض]

الاخ ايوالشوش
لك التحيه
والله نحن اكتر شوق منهم ليهم وربك يقرب المسافه . و انت قبال ما تجين بي السلامه بالله حاول تلاقي المجموعه و تاكد علي ضرورة تحميل النشاطات و توثيق في المنتدي و عارف انو دي هوايتك دايرين نشوف مقاطع قيديو وصور من الايام الاسريه........
و انت لسه ما بقيت جييي

[أشرف محمد خليفة]

الاخ مرتضر
والله كان نفسي اقوم بالمهمة دي، لكن الوقت ضيق وانا مسافر اليوم ان شاء الله

[على بابكر ابراهيم بابكر]

أخى العزيز/ مرتضى التحية لك فى موريتانيا وأنت قابض على جمر القضية حتى ولو كنت بعيداً عن ديارنا ودار البركل ، رد اللًه غربتك وأعادك إلينا سالماً غانماً ، وإبن أخيك يتربى فى عزكم . وحقيقة لابد من أن تجد أنشطة رابطة البركل بالخرطوم مساحتها داخل المنتديات لاعلام من هم بالخارج بها ولكى يشاركوا بآرئهم ومقترحاتهم ولتتكاتف ايادينا جميعاً مع إخوتنا فى اللجنة التنفيذية للنهوض بالدار ( تأسيساً ـ وأنشطة ثقافية واجتماعية ورياضية) .

[مرتضى عوض]

* ابوالشوش
كنت اتمني انك تحضر اليوم الاسري الجايي يوم الجمعه عشان تتحفن بي ابداعاتك , لكن معليش دقت في العارضه و الجايات اكتر من الرايحات .

* عمي علي
الله يبارك فيك و انشاء الله الوليدات بي خير , طبعا انت من الناس المتابعين دار البركاله من بدري و نحن جين متاخرين و كل المجهودات البيتقدم لي مصلحة البلد انشاء الله , و المجهودات البي تقدم و الحتقدم لابد ليها من الاعلام و انت سيد العارفين عشان كده ان طوالي مركز علي ضرورة عكس كل هذه النشاطات و خصوصا علي منتدي البركل عشان الناس كلها تتابع الحاصل و تتفاعل معاهو عشان نصل علي الاقل للترايط الاجتماعي و بعد دااك ننطلق .
و بما انك موجود في البلد عليك ان تلفت انتباه المجموعه انو ضروري ينزلو اخبار نشاطات الدار في منتدي البركل و برضو يعلنو عن منتدي البركل في النت و يدعو الكل للمشاركه فيهو ( يعملو ليهو اعلان ). و الحمد لله الكمرات الديجيتال بقت متوفره و معان كتير من الاعلاميين ذي ناس ازهري ياسين و طلاب الجامعات و ربك يسهل كل قاسي.
دايريييييين نشوف اخبار اليوم الاسري الجمعة الجاااايييي علي المنتدي

[مرتضى عوض]

يا ناس الخرطوم ما لو ما منكم خبر انشاء الله مافي عوجه

[بت دبـــــاي]

يا سلااااااااااااااام ،، كلام يا عوض دكااااااااااااااام ،، نان شنوووووووووووووووووووو ،، شي يشرح الصدر ،، التحية لي بتي فتحية وكل من وقف خلف هذا الصرح العظيم ،،، .

[زكريا بابكر عمر]

يا سلااااااااااااااام ،، كلام يا عوض دكااااااااااااااام ،، نان شنوووووووووووووووووووو ،، شي يشرح الصدر ،، التحية لي بتي فتحية وكل من وقف خلف هذا الصرح العظيم ،،، .

والله يا بت دباي أنا ما متمني شيء إلا أحضر واحده من هذه اللقاءات الجامعه لأنو في ناس حتي شكلهم نسيتو عايز أقابلن وأشوف ماذا فعل الدهر بهم(وإنتي إحداهم:p:p:p:p:p)

[مرتضى عوض]

يا ناس الخرطوم ما لو ما منكم خبر انشاء الله مافي عوجه