الفزعة آ ناس .......والكرامة بي تور

[محمد علي عشرات]

إسبتالية البركل تعلن عن إختفاء مديرها الطبي ورأس الرمح فيها ..إبنها البار د .أنس البدوي بابكر حيث لم يره أحد ولم يظهر من بعد الهجوم الغادر ....أوصافه كالآتي:

الطول: طويل القامة ( مقاس ود جدعة )

اللون : أبيض البشرة ( شبيه ضمرة )

الرأس : يلبس نظارات طبية .... و لست متأكدآ إن كانت سياط الغربة قد أصابته بالصلع أم لا, فقد إلتقيته بالحج منذ عامين وصلعته كيس دكوة (كما أسماها ود الزومة)أكانت صلعة تحلل أم أختها لست أدري.

مكان الإختفاء :حواري مدريد.

آخر ظهور له : قبل الإعتداء الآثم بيوم بالمنتدي العام بيوم وهو يخطرف مع ود خطيب عن إبن زيدون وولادة بنت المستكفي وود خطيب بأزقة مدريد.

من يتعرف عليه إخطار المنتدي الطبي بأسرع ما تيسر فمكان ود البدوي لا يملؤه إلا أبو مالك ........ويلا يا جماعة همتكم معانا وتور الكرامة جاهز.

[ضمره بغدادى]

ابو مالك
الووووووووووو
اين انت الآن ..........هل تسمعنى..... اذا كانت اجابتك بنعم ..فالاسبتالية تناديك يا ايها القامة.
عشرات
د. انس يستحق فعلا السؤال عنه لانه رجل امة
مشكور د. محمد

[زكريا بابكر عمر]

أخي ادكتور الحاج .... ياأخي إنته إسمك ده ذاتو عاملنا راوه مره نناديك بالحاج ومره محمد ( غايتو نخرت فيهو بيصفقو ) الله يديك العافيه ويقوي ضراعك ...أفتح العياده وصنقر فيها باقي الدكاتره بيجوك وعلي رأسهم د.أنس ربنا يجيبن بالسلامي ولامن يجو إستعين بيضمره عندو فكرة في التمريض لكن لاتخلي يطعن الحقن بيجيبلك كفوه... أدو الناس المفلقين يكركرلهن راسن عشان الشريط يبرا مع الراس طريقة مرقه ليهو مافي ...ولا أقولك خلو للمراسيل:cool::cool:

[احمد حسن جدعه]

الطول: طويل القامة ( مقاس ود جدعة )
.

أنفع ألبس نظاره وأجيكم :D;)

[صلاح عبد النبي]

أي والله يا دكتور ..
ربنا يرجع د. أنس البدوي وكل الطيور التي لم تفرد أجنحتها في سماء البركل
بعد الهجوم الغادر ..
لكن زي ما قالوا الأخوان كدي انت بس أفتح العيادة وبعدين باقي دكاترتنا والعيانين
بيجوا ..
الله يديكم العافية جميعاً ..

[عصام سرالختم]

اخى الحاج
فعلا افتقدنا اخونا ابومالك ..
ونتمنى ان يكون غياب عافية
ونسأل الله السلامة لكل الغائبين ونتمنى عودتهم سريعا
ودمتم

[ضمره بغدادى]

أخي ادكتور الحاج .... ياأخي إنته إسمك ده ذاتو عاملنا راوه مره نناديك بالحاج ومره محمد ( غايتو نخرت فيهو بيصفقو ) الله يديك العافيه ويقوي ضراعك ...أفتح العياده وصنقر فيها باقي الدكاتره بيجوك وعلي رأسهم د.أنس ربنا يجيبن بالسلامي ولامن يجو إستعين بيضمره عندو فكرة في التمريض لكن لاتخلي يطعن الحقن بيجيبلك كفوه... أدو الناس المفلقين يكركرلهن راسن عشان الشريط يبرا مع الراس طريقة مرقه ليهو مافي ...ولا أقولك خلو للمراسيل:cool::cool:


د. عشرات
زى ما قال صاحبى وحبيب قلبى زكريى انت قوم بالواجب لامن اخيانك يجو بالسلامه
وخاصة المدير .
بس داير اقولك شى انا اصلى ما عندى اى فكره فى التمريض بس صاحبى ان بقت جاتك حالة طهورة اللت وليدات كوركلو باقى هو فالح فيها .

[عوض جلاس]

ربنا يرجعه بالسلامة لنستمتع بمشاركاته الثرة
بس أنا شايف د. أنس عندو النية يمشي مدرجات ريال مدريد المسمى ( سانتياجو بيرنابيو ) ويمكن نفذ قرارو هناك وقال داير يجيب الكورة من وراء القوووووووون

[محمد علي عشرات]

الأخوان:

ضمرة

زكريا

أحمد جدعة

صلاح

عصام

عوض

مرحى بالسادة أعضاء مجلس الإدارة الموقر وشاكرين تواجدكم وربنا يطمنا وإياكم علي أبو مالك قريبآ...

يا ود جدعة ..ألبس النظارة وتعال ومافي مانع نفعل فقه الضرورة .

[ضمره بغدادى]

يا ناس هووووووووى البشاره
قالو القطرنزل وانس فيهو والناس شافوهو وركب فى عربات البلد وجاى جاى بس راجى العربيى تتملى .
الحاج قوم حضًر السكاكين ورنا محل عليق التور وين وخلى زكريى اليكلم مبارك عشان الضبيحى والوضيب ...

[انس البدوي بابكر]

الاخ العزيز الحاج و كل الاحباب الذين سالوا عني .....كم انا سعيد بكم احبتي وانا تتفقدوني وانا تملاني الغربه هذه الايام في حلي الجديد .....اولا ادين واشجب بكل قوه هذا الهكر اللعين الذي منعني ان اصلكم و انا اعلم ان عودتي متاخره ولكن العين بصيره والايد قصيره فما زلت سارق انترنت من الهواء حتي هذه اللحظه ....اخي خالد الحاج الله يخدر ضراعك وماعدمناك ويكفيك اجرا ان كل من يسلم او يعزي او يبارك او يصل رحما تنال مثل اجره بس كبر جرابك.....اها بسم الله جينا لا هكر يوقفنا و لا جن احمر غايتو الا الموت ....

[ضمره بغدادى]

ا لسيد المدير د. انس لك التحية
اولا حمدنا الله على سلامتك ... يلا بعد ما جيت وكرمنالك بى تور متبرعبو اخونا د. الحاج الرجل الغيور على بركله بعد ده شوفولنا باقى الاطباء وين عشان النظام الزمان السمح داك يرجع نظام النبطشيات حقتكم الحلوة ديل .
اله يديكم العافيه كلكم ... وشدو حيلكم . والله يوفقكم .

[محمد علي عشرات]

يا أبو مالك مرحبتين حبابك ....و اليوم السعيد الليلة جابك

مرحى بعودتكم التي طال انتظارها ...وبهذا أعلن أني شايل تور الكرامة ومن دربي دا علي بيت أخونا ضمرة بالقصيم إحتفاءآ بعودتكم وإكرامآ لصنقرة الرجل الطيب ليل نهار حارس قطركم(قطر كريمة) عشان كدي قلت أعمل الكرامة عنده..واها السمع يكلم الماسمع ..
ويا عوض جلاس قبل ما نفطر معاك في رمضان دحين خلينا نشوفك اليوم عند ضمرة.

[على بابكر ابراهيم بابكر]

ألف حمداً على السلامة دكتور أنس بعد الغيبة الطويلة والكرامة واجبة يا الحاج ونحن حضور إنشاء الله .

[ضمره بغدادى]

الاخوان الحاج وعلى
الحاج سلامة المدير الجاكم طيب ...حبابك عشرة وبلا كشرة انت وعلى بابكر وضيوفكم ويكون يوم السعد جيتكم والتور خلًوه قبلو نحنا مجهزين حقنا هنا ... وعاد بعدين بجيكم راجع تانى

[زكريا بابكر عمر]

مليوووون حمد الله علي السلامه يا دكتور أنس ونورته عيادتك وعودا حميدا إن شاء الله وفقدناك والله . يلا قولو بسم الله وباشروا عملكن والله يقوي ضراع أخونا دكتور الحاج فتح العياده وقعد رجاكن فيها مابارحه لحظه ونحنه بيدورنا ما قصرنا جبنالو فراش نجيض كان معاهو في العياده وبعد إنته وصلته بنسحبو لكن برضو بيجيكن راجع ( للفايتمينات )والله يستر لايجيكن للحبوب (اللت الدفره ):D:D:D

[ضمره بغدادى]

مليوووون حمد الله علي السلامه يا دكتور أنس ونورته عيادتك وعودا حميدا إن شاء الله وفقدناك والله . يلا قولو بسم الله وباشروا عملكن والله يقوي ضراع أخونا دكتور الحاج فتح العياده وقعد رجاكن فيها مابارحه لحظه ونحنه بيدورنا ما قصرنا جبنالو فراش نجيض كان معاهو في العياده وبعد إنته وصلته بنسحبو لكن برضو بيجيكن راجع ( للفايتمينات )والله يستر لايجيكن للحبوب (اللت الدفره ):D:D:D


زيكو
تعالى جاى وارخى اضانك هى عندهن؟؟؟

[انس البدوي بابكر]

زيكو
تعالى جاى وارخى اضانك هى عندهن؟؟؟

العزيز الحاج كرامتك مقبوله ان شاء الله و لك تحيه خاصه وانت تدير الاسبتاليه براك بعد العدوان الغاشم وانت تضمد الجراح التي تركها ذلك اللعين.....د علي لاتدري مقدار فرحتي بعوده علي الذي عرفناه (دي بين قوسين) و نسال الله ان يديم التواصل ....ضمره الحبوب المذكوره اعلاه شالها كلها ملوك و لم يظهر حتي الان غايتو الا ترجي كوته الشهر الجاي...الحبيب زكريا ما عدمناك وقصيدتك فشتنا تب في هكر الجن ده

[عوض جلاس]

[size=5]عشان ما تقولوا جايي ضهب أها العزومة وكرت الدعوة قدامكم
يعني عندي الحق في لحم التور
ومشكور د. عشرات على هذه الدعوة الجميلة التي
ستجد المعارضة من الكثيرين

[نادر رشاد]

الحبيب د. أنس
والله اخونا الحاج وبقية الأخوان ماقصرو اتفقدوك وانت تستاهل يسافرو ليك للفقدي
وحمداً لله على سلامة العودة ولعن الله الهكر وفاعله .
المطرح الجديد مبروك وربنا يديكم خيرو ويكفيكم شرو
موفق بإذن الله
كل الود ،،،

[ام محمد]

انا لميت في واحد شبهو انا بالغلط دخلت موقع albarkal بدلا عن الalbrkal ولقيتو ياهو ولا شبهو ما بعرف

[انس البدوي بابكر]

الاخت ام محمد حمدلله علي السلامه الويب سايت كانت محاوله لجمع اهل البركل قبال اخونا خالد الحاج و الحمدلله اخونا خالد حقق احلامنا هنا فجمدت الاخري.رمضان كريم

[على محجوب جعفر مصطفى]

سلامى د بالجيه والله جهجهت الجماعه