العيد .. بعيييييد ..

[الطيب طمبل]

العيد بعيد

العيد.. بعيد ..والفرحة أشوفا.. رهـــاب.. رهـــاب
والدنيا مسودة وكئيبة .. تملى ماليها الضبــــــــــــاب

وأنا فى المتاهات والضياع شقيشق أقبــل مافى بـاب
تعبت من فرط الألم .. ومن كترة الهم راسى شـــــاب

وين الزمان الكان سعيد .. لا وحدة لا هم لا إغــتراب
وين الليالى الحالمة ديك .. والقعدة ما بين الصــحاب

ناسين هموم الدنيــا .. ما بنعرف معانـى الإكتئــــــاب
تكفينا قراصة قمح .. بالويكى أحلـى مـن الكبـــــــاب

وقعداتنا فى ضو القمر ..و شلتنا من خيـرة الشبـــاب
بينن تحس بى روعة الإلفة .. وحقيقـة الإنتســـــاب

فى الحارة تلقاهم أسود سنو الرماح سحــبو الحـراب
وفى فرحتك دقو الطبول أشجوك بى نغـم الربــــــاب

ما هُنْتَ يوم دايماً عزيز وقدْرَكْ معَّلى مـع السحــــاب
والليلى من كل الكؤؤس تملا وتكيل مُرَّ الشــــــــراب

من يوم بريت درب السفر وبقيت جارى ورا السراب
لا اتحقق المنى والأمل .. ومستقبلك كاسى الضبـــاب

وبقيت تشابى على الرجوع وتمنِّى فى الروح بالإياب
تلقى الظروف قاسية وعنيدة رجاك فى تذليلا خـــاب

وترجع تصارع فى الهموم والغربة والضنى والعذاب
ما ليكّ غير ترجـو الرحيم تدعوهو علو دعاك يجاب

يشيلو رزقك من هنا .. ويكون مع الأهل .. القــــراب
ويتلم من تانى الشمل .. وينسد باب الإغتــــــــــراب

[أب شخيت]

أخوي الطيب الطيب
كل عام وانت بخير..
أوجعت قلبي مما بك...أزال الله ما بك من بكا..بك أفرح لو تقبلت رسالتي الخاصة في بريدك الخاص...
ولك خالص مودتي وتحايايا..

[الخزين ود نصر]

** هنيئا لك أخي الطيب طمبل بهذه الموهبة الربانية لتنفس عن نفسك وعن الاخرين بهذا الفن الراقي الجميل ويا له من حزن نبيل يقطر ألما و أصالة و حنين ..

و كل عام و المحبة والسعادة لك مرتع خصيب ..

[الطيب طمبل]

أخوي الطيب الطيب
كل عام وانت بخير..
أوجعت قلبي مما بك...أزال الله ما بك من بكا..بك أفرح لو تقبلت رسالتي الخاصة في بريدك الخاص...
ولك خالص مودتي وتحايايا..

أخى الحبيب .. أب شخيت ..

لا أوجع الله لك قلباً أخى الغالى فى هذه الأيام المباركات وجعل أيامك جميعها سعادة وهناء .. وأنت تمنحنى السعادة وتنمى فى أعماقى بذرة الأمل والتفاؤل بالغد الجميل بتلك الكلمات المتفائلة ..
هى فقط لحظات عشتها وأنا أقضى يوم العيد بين الجدران وسؤال إبنتى الصغيرة يقذفنى بسهم حاد وهى تقول لى بابا نحن ماشين وين الليلة؟؟ .. عندها تذكرت العيد ومعناه للصغار وهذا الحرمان الغير مقصود لهم ونحن فى بلاد الغربة بعيداً عن الأهل والأحبة..
ولكن نقول الحمد لله وراضين بالنصيب وأكيد القادم أجمل ..

لك التحية وكل التقدير وكل عام وأنت وهم ونحن كما نحب ..

[ود القرير]

أخوي الطيب طمبل ،،
السلام ليك ول المعاك في الأوضة قاعدين
السلام يغشى الطرابيش والقلاشين
السلام من عين شمش لا عَن فلسطين

كيف الحال ، وروقة البال ، وما ظنيت في روقة بال ، مع الغربة الملتنا وبال .
لا فُض فوك ،، وان شا الله نسمع منك أكتر .
ود القرير الخميس 1/11/2007 - 23/10/1428هـ

[عبد الرحمن يوسف]

الاخ الطيب طمبل لك كل الود وانت بخيالك الرائع والموهبة التى تجليت بيها فى وصفك للحال ياهو حال الجميع الا من رحم الله . وترجع تصارع فى الهموم والغربة والضنى والعذاب
ما ليكّ غير ترجـو الرحيم تدعوهو علو دعاك يجاب

يشيلو رزقك من هنا .. ويكون مع الأهل .. القــــراب
ويتلم من تانى الشمل .. وينسد باب الإغتــــــــــراب
والابيات تعبر عن الامل والرجوع ولم الشمل ونقول يالله تلمنا
ونرجع للبلد طولنا للناس الحنان وسعن اللبن جنبنا
لى قعده فوق العنقريب ولى ونسه والخاطر يطيب
اللهم ازل هم المهمومين وافرج كل الكرب وارجعنا الى بلادنا سالمين

[شهرزاد]

العيد بعيد

العيد.. بعيد ..والفرحة أشوفا.. رهـــاب.. رهـــاب
والدنيا مسودة وكئيبة .. تملى ماليها الضبــــــــــــاب

وأنا فى المتاهات والضياع شقيشق أقبــل مافى بـاب
تعبت من فرط الألم .. ومن كترة الهم راسى شـــــاب

وين الزمان الكان سعيد .. لا وحدة لا هم لا إغــتراب
وين الليالى الحالمة ديك .. والقعدة ما بين الصــحاب

ناسين هموم الدنيــا .. ما بنعرف معانـى الإكتئــــــاب
تكفينا قراصة قمح .. بالويكى أحلـى مـن الكبـــــــاب

وقعداتنا فى ضو القمر ..و شلتنا من خيـرة الشبـــاب
بينن تحس بى روعة الإلفة .. وحقيقـة الإنتســـــاب




ود المنابير ..
يا زول يا رائع ..
رد الله غربتك ..
وأذاقك حلاوة العيد وسط الأهل والأحباب .
فعيد الغربة .. مر

[المرهف]

[
العيد.. بعيد ..والفرحة أشوفا.. رهـــاب.. رهـــاب
والدنيا مسودة وكئيبة .. تملى ماليها الضبــــــــــــاب

وأنا فى المتاهات والضياع شقيشق أقبــل مافى بـاب
تعبت من فرط الألم .. ومن كترة الهم راسى شـــــاب

وين الزمان الكان سعيد .. لا وحدة لا هم لا إغــتراب
وين الليالى الحالمة ديك .. والقعدة ما بين الصــحاب
ناسين هموم الدنيــا .. ما بنعرف معانـى الإكتئــــــاب
تكفينا قراصة قمح .. بالويكى أحلـى مـن الكبـــــــاب

وقعداتنا فى ضو القمر ..و شلتنا من خيـرة الشبـــاب
بينن تحس بى روعة الإلفة .. وحقيقـة الإنتســـــاب

فى الحارة تلقاهم أسود سنو الرماح سحــبو الحـراب
وفى فرحتك دقو الطبول أشجوك بى نغـم الربــــــاب

ما هُنْتَ يوم دايماً عزيز وقدْرَكْ معَّلى مـع السحــــاب
والليلى من كل الكؤؤس تملا وتكيل مُرَّ الشــــــــراب

من يوم بريت درب السفر وبقيت جارى ورا السراب
لا اتحقق المنى والأمل .. ومستقبلك كاسى الضبـــاب

وبقيت تشابى على الرجوع وتمنِّى فى الروح بالإياب
تلقى الظروف قاسية وعنيدة رجاك فى تذليلا خـــاب

وترجع تصارع فى الهموم والغربة والضنى والعذاب
ما ليكّ غير ترجـو الرحيم تدعوهو علو دعاك يجاب

يشيلو رزقك من هنا .. ويكون مع الأهل .. القــــراب
ويتلم من تانى الشمل .. وينسد باب الإغتــــــــــراب



يديك 1000عافية أخوي طمبل ..وإنشالله تأتي الأيام السعيدة تارةً أخري وتحقق الأماني وينسد باب الإغتراب

مودتي