المساعد الشخصي الرقمي

مشاهدة النسخة كاملة : صورة لفريق نادي جلاس

عوض جلاس
03-18-2009, 10:31 AM
صورة نادرة لفريق نادي جلاس العريق
الصورة كانت في دوري سنترليق الصعود للدرجة الثانية
والتي صعد فيها الفريق للدرجة الثانية
المباراة كانت مع فريق العلمين انتهت بفوز جلاس 3/صفر

http://sudaniyat.net/up/uploading/89EAAE63.jpg

الواقفون من اليمين : متوكل ، عبد المنعم ،عاطف تنقا ، عبد العزيز ،
المدرب هاشم الترمذي ( وهو عضو في إدارة نادي الهلال حالياً ) أمامه مباشرة سامي نور الهدى
مساعد المدرب ومدرب الحراس قاسم ، وليد كرنديس ، علي ، مدير الكرة ،
عوض جلاس والاعب الماصب في ذلك الوقت الطيب

الجالسون من اليمين : صابر جلاس ( لاعب الهلال السابق ) الهادي ، عمر ، محمود واو
الهداف عامر فرج ، طارق ، عبد الكريم ، عبد الجليل

والراقد هو الجناح الخطير الماحي


.
محمد الامين
03-18-2009, 10:36 AM
العــــزيز عــوض جلاس

ما أحلى الذكريات وما أروعها خاصة عندما تكون مليئه بالانجازات والانتصارات ..

أنا من زمان ياعوض باتساءل عن العلاقه مابين نادى جلاس - الخرطوم- وما بين جلاس -الشماليه - ماهى العلاقه بين الاثنين ؟؟

وهل هذا الفريق العريق الذى سمعنا عنه كثيراً يتبع لابناء جلاس ؟؟..
أشرف محمد خليفة
03-18-2009, 12:25 PM
بالاضافة للسؤال السابق
عوض جلاس الفي الصورة ياهو زاتوا كاتب البوست ده ؟
طارق علي صالح
03-18-2009, 12:38 PM
طبعا نحن شايفين صورة عوض جلاس قبل ما يخت صورة الشيخ المرحوم العجيمي

صورة للذكري بمعني الكلمة

بعد ان نستأذن من الاخ عوض ونستأذن البروف في الفكرة
حاعمل بوست كامل شامل عن الرائع عوض جلاس يحكي فيه
عن ذكرياته الرائعة ويجيب عن اسئلة الاعضاء
منتظر الموافقة
عوض جلاس
03-18-2009, 02:29 PM
العــــزيز عــوض جلاس

ما أحلى الذكريات وما أروعها خاصة عندما تكون مليئه بالانجازات والانتصارات ..

أنا من زمان ياعوض باتساءل عن العلاقه مابين نادى جلاس - الخرطوم- وما بين جلاس -الشماليه - ماهى العلاقه بين الاثنين ؟؟

وهل هذا الفريق العريق الذى سمعنا عنه كثيراً يتبع لابناء جلاس ؟؟..
تحياتي الغالي محمد الأمين
ومشكور على دخولك المشجع
فعلاً ذكريات جميلة وأيام حلوة كانت لنا في هذا النادي
وصادفت فترة لعبنا للنادي الإنجاز الكبير بالصعود لدرجة الثانية
والذي انتظره عشاق النادي منذ 1948م وهي سنة تأسيس النادي
أما العلاقة بين جلاس الشمالية وجلاس النادي فهي كما ذكرت
النادي يتبع لأبناء منطقة جلاس بالبلد
وهو مثله مثل نادي الزومة وبقية أندية المنطقة الأخرى
ولكن الفرق بين الزومة وجلاس وبقية الأندية
جلاس والزومة أندية رياضية بالإضافة إلى أنشطتهما الأخرى الاجتماعية والثقافية
وبقية أندية المنطقة كل نشاطاتها ثقافية واجتماعية فقط
إدارة نادي جلاس كلها تقريباً من منطقة جلاس وأم درق والبار
نتمنى لهما التوفيق في رسالتهما الرياضية ( جلاس والزومة )
وأن نراهما ضمن الأندية الكبيرة إن شاء الله
ولكن ينقص الفريقين الدعم المادي ووقوف أهل المنطقة خلفهما
شكراً الأخ ود الأمين وتقبل مودتي
عوض جلاس
03-18-2009, 02:35 PM
بالاضافة للسؤال السابق
عوض جلاس الفي الصورة ياهو زاتوا كاتب البوست ده ؟
تحياتي الأخ العزيز أشرف
ومشكور على مرورك الرائع
أما عن سؤالك فالشخص الفي الصورة هو نفسه كاتب البوست
وصورته كما رايتها هي قبل الأخير وقوفاً بفانلة حارس المرمى أزرق بالأخضر
ياها الصورة المغبرة الشايفها دي
طبعاً الوظيفة حارس مرمى عشان كدي الصورة حقتي طلعت مغبرة
وإن شاء الله سوف انزل لك صورة تانية عشان تعرف سبب الغبرنة دي شنو ؟؟؟
تقبل مودتي
الهادي قنديل
03-18-2009, 02:45 PM
ابو اياد

ما اجملها من زكريات

صدقني ياعوض لو استمريت في حراسة المرمي لكنت اليوم افضل من الحراس الموجودين في الساحه مع العلم بأن حارس المرمى يعمر في الملاعب طويلا

فحبك وممارستك للكره كان ناتج عن هوايه ودونك حراس عصر الاحتراف اليوم

ولكن نقول شنو للغربة البتقطع علاقتك بالناس خليك من كرة القدم
المرهف
03-18-2009, 02:48 PM
عوض صاحبي ..
عفاااارم عليك ..
صورة زمن الزمن زين والكورة مالية العينين ..
والله ياعوض شكلك كنت كاسيس زمانك :)
لو كان حضرت الزمن دة كان إحترفت صدقني ..
التحية لجلاس ونتمني لهم التقدم والإذدهار ..
فيصل محمد احمد لغمان
03-18-2009, 05:28 PM
الكابتن عوض جلاس
لك التحية والتقدير
ويبدو انك كنت كاسيس زمانك كما ذكر اخونا المرهف
لكن ياخوي يا عوض عندي سؤال - لا يخلو من خبث - ما لو الفريق ده ما فيه ولا واحد مشلخ طالما انه يمثل جلاس ادارة ولاعبين وجمهور ؟؟؟
لك التحية والتقدير .
عوض جلاس
03-18-2009, 05:55 PM
طبعا نحن شايفين صورة عوض جلاس قبل ما يخت صورة الشيخ المرحوم العجيمي

صورة للذكري بمعني الكلمة

بعد ان نستأذن من الاخ عوض ونستأذن البروف في الفكرة
حاعمل بوست كامل شامل عن الرائع عوض جلاس يحكي فيه
عن ذكرياته الرائعة ويجيب عن اسئلة الاعضاء
منتظر الموافقة

تحياتي الأخ طارق
ومشكور على المرور الرائع
وفعلاً قبل صورة شيخنا العجيمي رحمه الله كنت ختيت صورتي
ولدي الكثير من الصور مع نادي جلاس
أتمنى أن أجد فرصة لوضعها هنا
وبعدين مالك علي داير تجيبني في كرسي ساخن تاني
أنا ما صدقت قبل كم يوم خلصت منو في منتديات اوسلي الولوفة
لك التحية وأنت تتحفني بهذا الرد الرائع
عوض جلاس
03-18-2009, 06:04 PM
ابو اياد

ما اجملها من زكريات

صدقني ياعوض لو استمريت في حراسة المرمي لكنت اليوم افضل من الحراس الموجودين في الساحه مع العلم بأن حارس المرمى يعمر في الملاعب طويلا

فحبك وممارستك للكره كان ناتج عن هوايه ودونك حراس عصر الاحتراف اليوم

ولكن نقول شنو للغربة البتقطع علاقتك بالناس خليك من كرة القدم
تحياتي الأخ صاحبي الهادي قنديل
ومشكور على مرورك الجميل
وكمان رفعت معنوياتي شوية بكلامك الحلو دا
ونحن فعلاً لعبنا من سوء حظنا لفريق البلد
والذي كنا نعتبر اللعب فيه ضريبة يجب دفعها
ولم نفكر في القروش او العائد المادي أثناء اللعب
كل ما كما نحصل عليه هو حق المواصلات بعد التمرين
او حافز بسيط عند الفوز لا يصل معنا للبيت
وكنا نخلصو في الطريق باسطة وحليب
وفعلاً في بداية تفكيري للاغتراب جاءني عرض مغري من هلال الساحل
وكان بواسطة المدرب القدير محمد حسن نقد ولكني فضلت الغربة عليه
وما شجعني للاغتراب هو مدرب حراس المرمى بنادي جلاس الأخ قاسم
والذي قال لي بالحرف الواحد السعودية أحسن لك من هلال السودان
ولكني وجدت العكس تماماً ( ويا ريت ما كان سمعت كلامك يا قاسم )
واول أربعة سنوات لي بالسعودية كنت مواصل هوايتي في لعب الكرة
وذلك بالتمارين اليومية في مدينة جدة ومباريات الحواري والدورات الرمضانية
وبعد أن انتقلت لتبوك انقطعت صلتي بها تماماً وحتى الآن
والحمد لله على كل حال
مشكور الأخ الهادي وتقبل مودتي
واصل هاشم
03-18-2009, 10:33 PM
يا عوض كنت داسي الصورة الجميلة دي وين
يا ريت لو تحكي عن تجربة فريق جلاس لتعم الفائدة للجميع
خضر سعيد طه
03-19-2009, 06:33 AM
سلام ياعوض ...
والله ايام ياعوض ... صوره من الزمن السمح
زمن الليق في ميدان المولد ومرات في ساحة الديوم
انته الكان قعد يكورك بالمكرفون ويبيع التسالي اسمو منو
راجل ظريف تلقاه لابس طاقيه طوييييييله زي حقت الطباخين
اظن اسمه الخزين ... ايام ...اتذكر وانا ساكن السجانه
يجي بي عجلته راجع ... نقوله الكوره كم ...يقول النتيجه
اللاعب منو ... بلا يقبل علينا بالله انتو شباب انتو وبي حرقه
قاعدين تحت النيم لي شنو ماتمشو تتفرجه وتشجع ..ويواصل
الصوره في نادي جلاس والله الساحه
سنة كم ياعوض والله خليه مستوره... والله الزول القالك اغترب
يازول قول الحمد لله ...ماكان معروف الراجيك شنو
أهه راجين مزيد من الصور
تسلم ياعوض ...وبالمحبه نتواصل
عوض جلاس
03-19-2009, 06:53 AM
عوض صاحبي ..
عفاااارم عليك ..
صورة زمن الزمن زين والكورة مالية العينين ..
والله ياعوض شكلك كنت كاسيس زمانك :)
لو كان حضرت الزمن دة كان إحترفت صدقني ..
التحية لجلاس ونتمني لهم التقدم والإذدهار ..
تحياتي صاحبي المرهف
ومشكور على الطلة الحلوة
وفعلاً كانت الكورة تعجبك والمشجعين ما بيرحموك لو غلطت
ولازم تكون كورتك تمام عشان تقدر تلعب في الليق
وقالو الما لعب كورة في ليق الخرطوم ودار الرياضة أم درمان ما لعب
نسأل الله أن يوفق فريق جلاس وهو يناضل في العودة من جديد للدرجة الثانية
تقبل مودتي
أبو الحُسين
03-19-2009, 07:05 AM
الكابتن عوض جلاس
لك التحية والتقدير
ويبدو انك كنت كاسيس زمانك كما ذكر اخونا المرهف
لكن ياخوي يا عوض عندي سؤال - لا يخلو من خبث - ما لو الفريق ده ما فيه ولا واحد مشلخ طالما انه يمثل جلاس ادارة ولاعبين وجمهور ؟؟؟
لك التحية والتقدير .


:D:Dلووووووووووووووووول:D:D

فِيقْ آل فيصل خليهو يجيب ليك الصورة حقتُو قِرَيِّبْ!!!:cool:

عوض يا صاحبي ليك التحايا النواضر... وسريع ألحق فيصل دا بي صورتك من قريب لا تبقى عليك البِقَت علي عبد العظيم الطاهر!!!:rolleyes::rolleyes:
عمر مجذوب خطيب
03-19-2009, 07:28 AM
العزيز عوض التحية عبرك لفريق جلاس - كان اسمه يلعلع في عالم الرياضة ايام زمان وكان لرجالات المنطقة من امثال المارشال دورا كبيرا في خدمة النادي والرياضة السودانية عموما - كلمنا عن يحيى الطاهر
عوض جلاس
03-19-2009, 08:05 AM
الكابتن عوض جلاس
لك التحية والتقدير
ويبدو انك كنت كاسيس زمانك كما ذكر اخونا المرهف
لكن ياخوي يا عوض عندي سؤال - لا يخلو من خبث - ما لو الفريق ده ما فيه ولا واحد مشلخ طالما انه يمثل جلاس ادارة ولاعبين وجمهور ؟؟؟
لك التحية والتقدير .

تحياتي الأخ فيصل
ومشكور على مرورك الرائع
المرهف طبعاً بالغ شوية ولا كاسياس ولا فالديس حتى
المهم كنا بنلعب ونمتع نفسنا قبل كل شيء
أما المشلخين النادي كان فيه الكثيرين من اولاد البلد
وشوف الصورة دي تاني
http://sudaniyat.net/up/uploading/11111111111111111111.JPG

1. سامي نور الهدى الطاهر من البرصة
2. وليد كرنديس من جلاس
3. علي أحمد من البرصة
4. عوض حسن من البرصة
5. عمر إبراهيم من القرير ( قريب ابو رنس )
6. طارق إبراهيم من البرصة وجلاس
7. عبد الكريم عثمان من مورة
8. عبد الجليل من الباسا
ودا جزء من الموجودين في الصورة
وهناك لاعبين لم يظهرو في الصورة ايضاً مشلخين
هناك أربعة لاعبين في الصورة أيضاً دناقلة ومحس
داير شنو أكتر من كدي يا فيصل
ورغم ذلك يمكن أن يكون الفريق كله من خارج المنطقة
وليس شرط أن يكونو من ابناء المنطقة أو شوايقة
لك التحية على السؤال الجميل
ضمره بغدادى
03-19-2009, 08:25 AM
الفرده عوض
ايام لعب كرة القدم من اجمل الايام التى مرت علينا ... ليتها تعود
اما انك كنت حارس مرمى جلاس فى وقتها كانت كرة القدم بالبلاد وضعها احسن بكثير من هسع .... ليتك استمريت يا عوض كنت اليوم حارس فريقنا القومى والمريخ سويا .
عوض جلاس
03-19-2009, 08:38 AM
يا عوض كنت داسي الصورة الجميلة دي وين
يا ريت لو تحكي عن تجربة فريق جلاس لتعم الفائدة للجميع
تحياتي الأخ واصل
ومشكور على مرورك الرائع
وأتمنى أن أجد فرصة أخرى
لكي أحكي عن فريق جلاس وتجربته وتجربتي معه
ودي صورة تانية للفريق وكانت بمناسبة الصعود
وتسليم الكاس والميداليات والشهادات التقديرية
الصورة أخدناها في النادي بعد الرجوع من مهرجان التكريم
والذي اقامته لنا منطقة الخرطوم الفرعية
http://sudaniyat.net/up/uploading/2FAFA27.jpg
ضمره بغدادى
03-19-2009, 09:57 AM
بعد اذن الفردة عوض
اقترح ان يدمج البوست التوثيقى هذا الى بوست الاخ عصام سر الختم اندية ولاعبون فى الزاكرة لربط الموضوعات .
الليله الوكرنى وقال لى قول منو؟؟؟؟؟؟:):):):)
عوض جلاس
03-19-2009, 10:27 AM
بعد اذن الفردة عوض
اقترح ان يدمج البوست التوثيقى هذا الى بوست الاخ عصام سر الختم اندية ولاعبون فى الزاكرة لربط الموضوعات .
الليله الوكرنى وقال لى قول منو؟؟؟؟؟؟:):):):)
ضمرة سلامات
إنت بس ما يلقوك إلا للشبك دي ؟؟؟؟
طبعاً ارفض أن يتم دمج البوست في بوست لاعبون في الذاكرة
والسبب طبعاً أنو بتكتبو عن لاعبين في ذاكرتكم وأنا ليس في ذاكرة أحد
ولم يكتب عني شخص لاكون ضمن هؤلاء الكوكبة
وكل ما كتبته هو هنا ذكريات لأيام مضت وربما اتنست وحاولت انشط ذاكرتي معها
عرفت السبب ؟؟؟
زكريا بابكر عمر
03-19-2009, 01:48 PM
الكابتن عوض جلاس
لك التحية والتقدير
ويبدو انك كنت كاسيس زمانك كما ذكر اخونا المرهف
لكن ياخوي يا عوض عندي سؤال - لا يخلو من خبث - ما لو الفريق ده ما فيه ولا واحد مشلخ طالما انه يمثل جلاس ادارة ولاعبين وجمهور ؟؟؟
لك التحية والتقدير .




عليك الله يا فيصل إنته مابتبالغ!!!كاسيس حته وحده!!يا أخي ده ظاهر عليهو كان راكوبه(يجدعولو مرتبه بيمخدته تخش;))..ده شكل حارس مرمي ده؟؟أكيد كان بيجيب الكوره من ورا القون :p:p:p
عوض جلاس
03-19-2009, 03:24 PM
سلام ياعوض ...
والله ايام ياعوض ... صوره من الزمن السمح
زمن الليق في ميدان المولد ومرات في ساحة الديوم
انته الكان قعد يكورك بالمكرفون ويبيع التسالي اسمو منو
راجل ظريف تلقاه لابس طاقيه طوييييييله زي حقت الطباخين
اظن اسمه الخزين ... ايام ...اتذكر وانا ساكن السجانه
يجي بي عجلته راجع ... نقوله الكوره كم ...يقول النتيجه
اللاعب منو ... بلا يقبل علينا بالله انتو شباب انتو وبي حرقه
قاعدين تحت النيم لي شنو ماتمشو تتفرجه وتشجع ..ويواصل
الصوره في نادي جلاس والله الساحه
سنة كم ياعوض والله خليه مستوره... والله الزول القالك اغترب
يازول قول الحمد لله ...ماكان معروف الراجيك شنو
أهه راجين مزيد من الصور
تسلم ياعوض ...وبالمحبه نتواصل
تحياتي الأخ خضر
ومشكور على مرورك الرائع وإرجاع بعض الذكريات معنا
وفعلاً كان عمنا الخزين هو الإعلام المتحرك بعجلته وتساليه ومكرفونه
ويصول ويجول من الساحة الشعبية إلى رابطة المايقوما وميدان الليق
وكان يعطي المباريات نكهة بقفشاته وهظاره الدائم
وكان الجميع يحبه جداً وكان عندو سكن داخل الساحة الشعبية
ولكن المرحوم محجوب عبد الحفيظ تحصل له من الخيرين على قطعة أرض
وذلك عند استضافته في برنامج الصلات الطيبة وتم بناءها وأظنها في جبرة
ولا أدري هل هو عائش إلى الآن أم توفاه الله
الصورة التقطناها في نادي جلاس على ما أظن
أما سنة كم دي فاسأل وشوف نادي جلاس صعد للتانية سنة كم بتعرفها
هههههههههههههههههه
لك التحية وتقبل مودتي
عوض جلاس
03-21-2009, 03:01 PM
:d:dلووووووووووووووووول:d:d

فِيقْ آل فيصل خليهو يجيب ليك الصورة حقتُو قِرَيِّبْ!!!:cool:

عوض يا صاحبي ليك التحايا النواضر... وسريع ألحق فيصل دا بي صورتك من قريب لا تبقى عليك البِقَت علي عبد العظيم الطاهر!!!:rolleyes::rolleyes:


تحياتي الأخ العزيز ابو الحسين
ومشكور على المرور
وفيصل دا شكلو داير يجيب لنا الهوا
غايتو نزلتو الصورة وفصلتها ليهو كان يقتنع
تقبل مودتي
عوض جلاس
03-22-2009, 08:33 AM
العزيز عوض التحية عبرك لفريق جلاس - كان اسمه يلعلع في عالم الرياضة ايام زمان وكان لرجالات المنطقة من امثال المارشال دورا كبيرا في خدمة النادي والرياضة السودانية عموما - كلمنا عن يحيى الطاهر

تحياتي الأخ عمر مجذوب خطيب
ومشكور على مرورك الجميل
وفعلاً جلاس كان له اسم رائد في مجال الرياضة
وخرج العديد من اللاعبين أبرزهم اللاعب كمال عبد الغني ووهبة
أما المارشال يحيى الطاهر عليه رحمة الله فقد كان علماً على راسه نار
وقدم الكثير لفريق جلاس وللكرة السودانية عامة
والحديث عنه يحتاج إلى متخصصين ليسبرو أغواره المليئة بالإنجازات
أتمنى أن أجد الفرصة لأتكلم عن هذا الهرم الكبير
تقبل مودتي
عوض جلاس
03-22-2009, 03:22 PM
الفرده عوض
ايام لعب كرة القدم من اجمل الايام التى مرت علينا ... ليتها تعود
اما انك كنت حارس مرمى جلاس فى وقتها كانت كرة القدم بالبلاد وضعها احسن بكثير من هسع .... ليتك استمريت يا عوض كنت اليوم حارس فريقنا القومى والمريخ سويا .

تحياتي لاعب شبا الدولي ضمرة
بالله شفت الكورة زمان كان كيف ؟؟؟
ويا ريت كان استمرينا فيها كان سوينا فيها نتاج
أقولك سر لأول مرة أقولو
تم تختياري في منتخب الناشئين الذي الذي لعب في إيطاليا في نهائيات كأس العالم
والذي كان يضم عاكف عطا وإبراهومة وخالد أحمد المصطفى
وطلب مني المسؤولين عن المنتخب الحضور لتمارين الفريق بميدان الجامعة الشرقي
لعمل الاختبارات اللازمة والاختيار النهائي للفريق
ولكن حدثت ظروف خارج إرادتي ولم أذهب للتمارين ولذلك لم يتم اختياري
واستبعدت من الفريق وتم اختيار حارس البرنس وقتها والمريخ لاحقاً عادل
وكل شيء قسمة ونصيب وما كان عندنا نصيب في مواصلة لعب الكورة والحمد لله
تقبل مودتي
عوض جلاس
03-22-2009, 07:54 PM
صوت لوم للأخ صلاح أحمد
لماذا حذفت صورتك من هذا البوست ؟؟؟؟؟
أنا عندما كتبت اعتراضي ضد كلام الأخ ضمرة
كنت فقط اعترض على الدمج ولم اعترض على صورتك
أتمنى أن تعيد تنزيلها مرة أخرى
شفت يا ضمرة كلامك عمل شنو ؟؟؟؟؟
صلاح احمد
03-23-2009, 09:31 AM
http://www3.0zz0.com/2009/03/23/09/912147621.jpg (http://www.0zz0.com)
الاخ عوض لك التحايا والود
اذا كان لا مانع فها انا اعيد الصورة بطيب خاطر
وكما ذكرت يمكن تكون في نفس الحقبة الزمنية
وهي بشعار نادي الخرطوم ثلاثة ( الخرطوم حاليا)
يمين الصورة شخصي وبجانبي عطا جوهر ومن الخلف
يظهر فؤاد نقة سكرتير النادي الحالي
الصورة في مدينة القطينة كنا نعسكر هناك
مودتي
عوض جلاس
03-23-2009, 09:52 AM
عليك الله يا فيصل إنته مابتبالغ!!!كاسيس حته وحده!!يا أخي ده ظاهر عليهو كان راكوبه(يجدعولو مرتبه بيمخدته تخش;))..ده شكل حارس مرمي ده؟؟أكيد كان بيجيب الكوره من ورا القون :p:p:p


الله يسامحك يا زكريا
بدل ما تجي تكسر لك تلجايي تلجايتين تقوم تشنفني ؟؟؟
كدي يوم تمشي الخرطوم قبل ما تمشي سودان تكل
امش نادي جلاس واسأل أي زول هناك عني وشوف ردهم شنو ؟؟؟
وهاك الصورة دي هدية كمان عشان تآآآآآآآآآآآآآمن

http://sudaniyat.net/up/uploading/09890.JPG





.
زكريا بابكر عمر
03-23-2009, 11:55 AM
الله يسامحك يا زكريا
بدل ما تجي تكسر لك تلجايي تلجايتين تقوم تشنفني ؟؟؟
كدي يوم تمشي الخرطوم قبل ما تمشي سودان تكل
امش نادي جلاس واسأل أي زول هناك عني وشوف ردهم شنو ؟؟؟
وهاك الصورة دي هدية كمان عشان تآآآآآآآآآآآآآمن

http://sudaniyat.net/up/uploading/09890.JPG





.


الصوره دي ماخوده في قهوة أم الحسن:p...عامل زي عود النبله;)...غايتو يا الفوتوشوب الله يصرفك السويت عوض جلاس حارس مرمي طاير في الهوا:confused:...الله يجيبك يا ودكروم عشان تورينا الخبر اليقين....حارس مرمي قال قوم لز:p:p:p
محمد الامين
03-23-2009, 12:07 PM
الصوره دي ماخوده في قهوة أم الحسن:p...عامل زي عود النبله;)...:p:p:p

قلتلى كانو لاعبين ضد أم الحســــن :p
عبد المنعم محمد محمد خير
03-23-2009, 12:12 PM
http://sudaniyat.net/up/uploading/09890.jpg





.

الصوره دي ماخوده في قهوة أم الحسن:p...عامل زي عود النبله;)...غايتو يا الفوتوشوب الله يصرفك السويت عوض جلاس حارس مرمي طاير في الهوا:confused:...الله يجيبك يا ودكروم عشان تورينا الخبر اليقين....حارس مرمي قال قوم لز:p:p:p




زكريا الله يجازي محنك إن كان خليتني أزح بالضحك .

عوض جلاس تحياتي طبعاً أصعب خانة هي حراسة المرمى الناس القدامك ديل كلهم يغلطو وممكن الغلط بتاعن يتصلح لكن حارس المرمى لو غلط خلاص ياها في الشبكة طبعاً الكلام ده يا عوض عن تجربة مع حراسة المرمى حوالي ال 10 سنوات
تقبل مروري يا ملك
عوض جلاس
03-23-2009, 03:41 PM
[url=http://www.0zz0.comالاخ عوض لك التحايا والود
اذا كان لا مانع فها انا اعيد الصورة بطيب خاطر
وكما ذكرت يمكن تكون في نفس الحقبة الزمنية
وهي بشعار نادي الخرطوم ثلاثة ( الخرطوم حاليا)
يمين الصورة شخصي وبجانبي عطا جوهر ومن الخلف
يظهر فؤاد نقة سكرتير النادي الحالي
الصورة في مدينة القطينة كنا نعسكر هناك
مودتي
تحياتي الأخ صلاح
ومشكور على إعادة الصورة
واتذكر الخرطوم تلاتة كان ليها شنة ورنة في الليق
ايام الفرزدق وجقود وبعدهم عيال أبو الجاز وعبد الرحمن لاميدو والفاتح ابو عنجة
أنا للأسف ما لعبت ضد الخرطوم تلاتة رسمياً
لأنو أول موسم لي مع جلاس كان الخرطوم تلاتة صعدت للدرجة الثانية
وأكيد ما لعبت في الحقبة حقتكم دي عشان ما تجي تقول جبت فيني قووون
لكن لعبت ضد الخرطوم تلاتة 3 مباريات ودية
وكانت الخرطوم في الدرجة التانية ونحن في الليق
نتمنى أن تحكي لنا عن تجربتك مع الخرطوم تلاتة
تقبل مودتي
عوض جلاس
03-24-2009, 10:30 AM
الصوره دي ماخوده في قهوة أم الحسن:p...عامل زي عود النبله;)...غايتو يا الفوتوشوب الله يصرفك السويت عوض جلاس حارس مرمي طاير في الهوا:confused:...الله يجيبك يا ودكروم عشان تورينا الخبر اليقين....حارس مرمي قال قوم لز:p:p:p

رأيك شنو في النطة دي بالله ؟؟؟؟
وبعدين دي ما أم الحسن يا جاهل
دا الليق الليق يا ......
سمعت بالهتاف دا
آه ولا انت قلت لي من ناس أتبرة ما عندكم غير الكتاحة
حتى الصور العجاج ما بتخليها تطلع واضحي
عوض جلاس
03-24-2009, 07:47 PM
قلتلى كانو لاعبين ضد أم الحســــن :p

ود اللمين الزول دا ماهو نصيح تب
عوض جلاس
03-24-2009, 07:51 PM
زكريا الله يجازي محنك إن كان خليتني أزح بالضحك .

عوض جلاس تحياتي طبعاً أصعب خانة هي حراسة المرمى الناس القدامك ديل كلهم يغلطو وممكن الغلط بتاعن يتصلح لكن حارس المرمى لو غلط خلاص ياها في الشبكة طبعاً الكلام ده يا عوض عن تجربة مع حراسة المرمى حوالي ال 10 سنوات
تقبل مروري يا ملك

تحياتي الأخ عبد المنعم
وشكراً على الطلة
وزكريا دا لا يعجبو العجب ولا الصيام في صنب
وفعلاً حراسة المرمى من اصعب الخانات
حتى في التمارين والتدريبات مشكلتها مشكله
ودايرالا زول صبور وبالو طويل
وكمان دايراك تكون مصحصح تسعين دقيقة
واي غلطة منك تكلف الفريق نتيجة المباراة
غايتو ماها خانة لكن كنت بحبها موووت
وأكيد عندك ذكريات حلوة مع الحراسة
تقبل مودتي
عوض جلاس
03-24-2009, 07:56 PM
الصورة دي برضو كيتاً ليك يا زكريا
http://sudaniyat.net/up/uploading/3C2631F1.jpg

العميد إبراهيم نايل إيدام وزير الشباب والرياضة شخصياً
ورئيس منطقة الخرطوم الفرعية
وأحلى ميدالية
قول كمان دي في قهوة أم الحسن ؟؟؟؟