المساعد الشخصي الرقمي

مشاهدة النسخة كاملة : قـوز السُـرّاي .. وإبــداعـات الطنبـور


الصفحات : 1 2 3 4 5 6 7 [8] 9 10 11 12 13 14

عمر مجذوب خطيب
05-08-2009, 02:57 PM
الاخ أسامة:
حديثي عن صديق أحمد حديث مجروح لأن صديق هو صديق الأسرة منذ 1970 حيث كان في مستشفى الدبة وكان انس الطيب مديرا بمطار الدبة فكان يأتي لمنزلنا في الأراك وانا بين العاشرة والحادية عشرة وبدأت تدب في عظامي حمى الإعجاب بصديق ولكن سأتحدث عنه برغم شهادتي المجروحة .
هو من أفضل المغنين السودانيين ويتمتع بخامة صوتية نادرة وهي من فصيلة صوت القامة وردي وعبد الرحمن عبد الله وهذا أحد أسرار التقارب بين ثلاثتهم وهو أول من أدخل التناغم بين الصوتين العالي والمنخفض في أغانيه على امتداد الغناء السوداني وحتى الموسيقار وردي تأثر لاحقا بهذه المهارة واستخدمها في أغانيه الرائعة التي عطرت فترة الثمانينات مثل أقابلك ونظائرها .
وصديق لا يجيد التناغم فقط بل يستخدم الهمس وأحياناً الصمت ويعبر عن مفاهيم الأغنية بدلالات الصوت لا بدلالات الموسيقى أحيانا ولولا وجوده في زمان زاحمه فيه محمد كرم الله ومحمد جبارة لكان في صوته العالي تفرداً "لا يمكن الوصول إليه" ويكفي إداؤه لأغنية مثل القمري ما قوقا وابكي انت وانا الاتبكا وتراني حلفت بي ألله ولو بتذكر ويا الناسينا وكثير من هذه اللوحات الفريدة.
استخدم صديق الموسيقى في تجاربه الرائدة وسجلت معه بعض الأشرطة عازفاً على الصفارة فلم تستطع الصفارة على حدة صوتها أن تنال شيئاً من عذوبة صوته .
وربطتني بصديق علاقة خاصة وقوية منذ 1978 حين كنت وسيطاً بينه وبين أخي أبي مدين فقدمت له أغنية القليب محزون وهي من كلمات وألحان د. ابومدين الطيب ثم لحنت ثلاث أغنيات لأخي المرحوم معاوية وهي على التوالي انت لي براي وما معقول تهاجر من تراب بلدك تتم الحول وبلادي الطيبة أحكيلك حكاية زول بعيد عنك يحن لي شربة من نيلك ( واتمنى أن يدركني بها الرائع أسامة لأنني فقدتها منذ زمن بعيد) وجميع هذه الأغاني أداها صديق على أفضل صورة وأكمل وجه بل كنت حين أسمعه يغنيها لا أكاد أصدق أنها من ألحاني ثم جاءت الفرمالة التي تحدث عنها الرائع عوض جلاس وهي فعلا الأغنية الوحيدة التي كتبت كلماتها ولحنتها وتغنى بها صديق وكانت بمحض الصدفة .. لأني كنت أتعامل مع الفنان معاوية وتغنى لي بمجموعة من الأغنيات الجاهزة ثم تعاملت مع الراحل الرائع يسن عبد العظيم وأعطيته سحابة ظليلة وأثناء البروفات في منزلي بامبدة جاء الفنان صديق زائراً وحضر بالصدفة المحضة بروفات هذه الأغنية ثم مات الراحل يسن بعد عدة أشهر فكانت الأغنية ضمن أغاني الراحل التي غناها صديق!!
ثم سافرت إلى الرياض عام 1989 وتبادلت الصلة مع الراحل عبد الله محمد خير الذي بدأت علاقتي به في العام 1977 في سوق الدبة حيث كان يعمل هناك وكنت أنا طالباً بالدبة الثانوية والتقينا مرة أخرى بالخرطوم خلال دراستي الجامعية فأصبحت لا أقوى إلا أكون لصيقاً بأحد التوأمين صديق او عبد الله وأذكر في إحدى الليالي وأنا في منزل الراحل وجدت قصيدة انا بعشقك مهما السنين سرقتني أيام الشباب وكانت مكتوبة منذ العام 1983 فأعجبتني القصيدة لدرجة انني بدأت ألحن فيها قبل أن اكمل قراءتها وقال لي الشاعر ليلتها هذا هو اللحن الذي تنتظره هذه القصيدة منذ 6 سنوات وبالفعل أكملت بروفاتها وسجلتها وأرسلتها إلى صديق فكانت آخر عمل أقوم به حتى يومنا هذا .. واظن أن ما أصابني كان عقماً لكبر السن!!
وللعودة إلى صديق مرة أخرى أقول لم يكن صديق عذب الصوت أو شجي الاداء فحسب فهو مبدع بكل المقاييس وكانت لة قدرة فائقة على التلحين ويكفي فقط انه الملحن لأكثر من 80% من أغنياته والمحسّن لجميع الأغنيات التي غناها للأخرين بل كان الأخرون في كثير من الأحيان يتنازلون عن أغنياتهم إذا رددها صديق وأذكر مرة أنني قابلته في كريمة واعتقد ان ذلك عام 1978 فطلب مني أن أذهب معه للبيت لأقوم بتشكيل أغنية كتبها الراحل باللغة العربية وكانت الأغنية وجنتاها لمعت فذهبت معه وما أن فرغت من تشكيلها حتى فرغ هو من تلحينها وغناها في نفس اليوم في حفلة بكريمة !! ثم أنه كان معنا في مروي مرة حتى وقت متأخر من الليل وذهب لحفلة في ابودوم وفي الصباح عدنا معاً فأخرج نصاً من جيبه وجلس عليه فما أن أحضرنا شاي الصباح حتى كانت الأغنية بمثابة أحلى لقيمات مع ذلك الشاي واعتقد انها أغنية قصيبة التقنت ان لم تخني الذاكرة ..
وصديق أيضا له لمسات شاعرية عجيبة وكان يقوم بتعديل كثير من النصوص التي يتغنى بها إما لاجل تحسين المعني أو لتحسين العروض .. وختاما وأظن أن لي عودة للحديث عن وردي وصديق .. فالفنان صديق كان لحناً فرائحيا ممتدا وغصن زيتون منتشر وفاكهة من فواكه الغناء السوداني .. نسأل الله أن يسبغ عليه نعمه ظاهرة وباطنة وأن يتم عليه شفاءه ويحفظه فقد لمع نجمه وسارت بفنونه الركبان

دكتور توفيق - اعجتني هذه المساهمة خاصة وانني لم اكن اعرف انك من قبيلة الشعراء والملحنين وزادني اعجابا اعجابي اصلا باغنية انا بعشقك والتلوين اللحني فيها - ما خطه قلمك عن صديق يدلل ليس على ذائقتك الفنية وحسب بل تقديرك للفن الاصيل - بوركت

الهادي قنديل
05-08-2009, 03:46 PM
حكاية القصائد




مشوار القصيدة عند خالد يبدا عند احساسه وينتهي به..
ومشوار القصيدة بيني وبين خالد يبدا برسالة عبر الموبايل او عبر ورقة ( خجولة ) ودوما اكون انا اول المطلعين علي ذاك الاحساس المرهف
وفي كثير من الاحيان يبقي الوصل احساساً نحسه معا بما يكتبه
كل قصيدة اعيشها حرفا حرفا واتذوق احساسها كلمة كلمة حتي انني احس بالحروف وهي تخرج من الرسالة الي قلبي مباشرة
كنا وايام الرواويس وخالد يكتب الشعر ولا يتحدثه اطلاقا .. كان يخشي ان يكتشفه الناس فتتعري احاسيسه او هكذا كان يخيل الي
كل قصيدة يكتبها خالد تحس انه ينزفها حساً حساً و معنيً معني ..
القصيده هي ذات الدمعة والموقف والاحساس والذكريات والشوق والحنين والمعاني التي يحسها المستمع وهي تتدفق .. كلمة ... كلمة



بلاد الشوق .. هي كل الشوق وكل الحنين ( بصوت خالد الباشا )



http://sudaniyat.net/up/uploading/pladahoog0.mp3




وبلاد الشوق بعد ان تزينت بصوت النصري
http://sudaniyat.net/up/uploading/bladashoog.mp3



.


اسامة لك التحايا وكل السراي

ود الباشا يازول انت جميل بشكل

واهديكم نص بلاد الشوق



بلاد الشوق

مشيت بعدك بلاد الشوق ..
غشيت في سكتي الأطلال ..
لقيتك لسة في الخاطر ..
وفي مرقة شمس باكر ..
ملان بيك طول حياتنا جمال ..

****

رسومات روعتك تذكار .. علي ابواب بيوت الحي ..
محل تاوق .. لقيتك شوق .. مشتت في الشوارع ضي ..
اماسينا البتسهر بيك .. نجيماتنا البتشهد لي ..
وراك لاجفن الدمعات .. ولا اتلاقن رموش عيني ..
اونس بيك نصايص الليل .. احجيك دندنة وموال ..

****
سألت عليك براي النيل .. تميراتنا وعصيفير الهوى الصداح ..
لقيتك في عيون الناس .. حنين ساكن القلوب مرتاح ..
بتطلع من حكاياتنا .. وخيالاتنا .. بعيد شايفك رهاب رحراح ..
انادي عليك شموس تمرق من الواطه .. قلوب بيضا .. شعاع وصباح ..
يبق نورك مع الفجاج .. علي النخل العزيز وطوال ..

****

اتاريك إنت كلنا بيك .. بلاك نحن وبيوتنا شجن ..
تموت سيرة الفرح نبكيك .. نتوه مانلقى لينا وطن ..
جناينا وضرانا الفوق ..
قمارينا وحسيس القوق ..
رحل كل البلد وياك .. نزل جواك .. حنين وسكن ..
وأنا الكاتلني من يومداك .. علي عينيك عيوني بكن ..
اقالد ذكرتك جواي .. وأعيش باقي العمر رحال ..

ْْ ****

سلامات وين نزل محياك ... تحياتنا وأمانينا ..
اكيد باكر نجي ونلقاك ... قمر باهر أماسينا ..
تبل شوق القلوب ترتاح .. علي نمك غناوينا ..
لدايات شايك الرماي ..
مزاجات قهوتك جواي ..
احاسيس فيني تتحكر .. جمال نيلنا وعصارينا ..
نضاريك في العيون تظهر .. بريق لهفة ودمع هطال ..

اسامة حمزة
05-08-2009, 04:23 PM
وقبال الكتابة .. والإجابة .. دعوني اولا ان اعبر عن امتناني وحبي لكم جميعا وشكري الجزيل ..

اعترف الآن بأني بكم اكتشف شاعريتي ولاول مرة اطالع نفسي .. ..


ونبدأ بالرائعة خناس ...




الاختلاف بين القريه والمدينه واثره على تجربه خالد الباشا ؟

كبييييير مابين القرية والمدينة يتمدد الإختلاف ... والإختلاف ليس في ظاهر الأشياء انما هو في جوهرها .. فأنا وكلياتي .. وذكرياتي وحنيني اعيش في (ابودوم ) وكل كتاباتي حتى العاطفية لم تخرج من ..

(وفي حيشانا الطيبي كأني ..اتوسدت حنينك دافي .. لا احزان .. لادمعات مافي .. زي ما تقولي شجيرة حني .. وفي ايديك الريح حتني .. عصفور جني وداير اغني .. انتي اقترحي عناوي اللهفة وكل الشوق الفيني يثني ...)

دراستك الاكاديميه هل كان لها دور فى تجربتك او هل كانت سبب فى حدوث اى تغير فى تجربه الباشا …؟؟
تغير كبير ..
واستفدت من شوية شاعريتي في الكتابة عموما وخاصة انا اتجهاهي المهني والأكاديمي اعلامي .. واستفاد شعري من دراستي .. في اني فهمت وتفهمت بأن الشعر هو وسيلة تصل بها لغايات سامية في مجال الإبداع .. لهذا كتبت دون ان احترف الكتابة الشعرية

مجموعه الرواويس ماذا اضافت لخالد الباشا وهل اختلف الباشا قبل وبعد هذه المجموعه؟؟

ديل اجمل واحلى ناس ... وبي صراحة ديل هم الخلوني اكتب شوية القائد العندي دي .. بل هم كل الذكريات .. وانا كتبت قصيدتين عاطفيتين في واحد من الروواويس .. ومنهن .. (بحر الشعاع ) قبل ان يبدل النصري في كلماتها لتصبح مؤنثة ...

كلمات القصائد هل تكون دائما عباره عن تجارب شخصيه مرّ بها خالد الباشا ام قد تكون مجرد خيال شاعر؟؟
ما كتبته إلى الآن هو نابع من احساسي .. ومرات مراات الخيال يستخدم (كتوم وشمار )

اى من كلمات خالد الباشا يشعر انها الاقرب الي نفسه او التى تعبر عنه اكثر؟؟

هي قصيدة ضائعة .. يستخدمها صديقي اسامة كتوقيع .. واحفظ منها ..

بحبك لامن احسك ملامحي وبيك يعرفوني
واصرك فيني وادسك تمرقي دموع من عيوني





الاخ خالد الباشا

تحية وانت توهبنا هذا الزمن الجميل

واقصيدة التي تعنيها لم تضيع ( موجوووووودة ) وانا عنيت ان لاتاتي سيرتها هنا (نهائي ) وهاك بس مطلعها




بحبك لا من تحّسك .. ملامحي وبيك يعرفوني
ويملا فراغ صوتي حسّك .. وكت تهتفي بي ظنوني
واشيلك غـــنوة وابثك .. فرح تريان للبجوني
واصرك فيني وادسك .. تمرقي دموع من عيوني





بالمناسبة :عندك قصيدة اصلك ما حاتتذكرها وحا افاجأك بيها هنا قرييييييب

خناس هاشم
05-08-2009, 07:02 PM
الرائع دوما كروعه كلماته خالد الباشا
وجودك بيننا يعطل لغة الكلام
فشكرا غزيرا على تلبيتك لدعوتنا بوجودك بيننا واجابتك على اسئلتنا وبنجيك صادين لى باقى الاسئله

اغنيه عندك خبر كانت ومازالت هى الاقرب الى نفسى فالحق يقال انها اول اغنية طنبور استمع اليها بتمعن واحساس بكلماتها وكانت البدايه التى جعلتنى اعشق الطنبور بعد ذلك
السراى لكم جميعا اغنية عندك خبر بصوت المتفرد محمد النصرى وكلمات الاغنيه


http://www.alsegeed.com/upload/uploads/endek-khabr.mp3

عندك خبر ..
لليلي حبي انا مافتر
لاجف قلبي من النزيف لا انهد حيلي من السفر
شايلك حسيس قلبي البدق .. إيقاع حياتي علي وتر
يعزف مع الدم مشتهيك .. زي لهفة الصي للمطر
راجيك تبلي الشوق تجي .. في موسم الغنا والزهر
يخضر جفاف دنيانا ريـــــــــــــــــد يطرد ضلمتنا القمر
عندك خبر لايوم أموت تبريني ياأجمـــــــل قــــــــــــــــــــدر

عندك خبر قلبي البموت بي شوقو ليك ..
يهواكى رغم المستحيل
يهواك طال مانبضو حي ..
وطال مابيسقي أرضنا نيل
يهواكي زي ما العازة ريد
مدلوق علي قلب الخليل ..
يهواك دروب من شوق وشوق
مزروع علي طرف البحر
ومسنود علي أكتاف النخيل
ماقلبي بي شوقك بدأ ..
يا منتهي العشق النبيل


أما الخبر .. ياحلوة لاقدر الأسى
لاالفرقة لاجور السنين ..
يكتم إرادة زول دفن ..
إحساسو في قلبك حنين
مستني نور طيفك يصل ..
ولهفة عويناتك تبين
احكيلا كيف .. الدنيا صيف
وكيفن بلاك الكون حزين


وآخر خبر ....
ياحلوة لاتبكي المصير .. وقدر الموالفين الفراق
وقدر المتلنا مشي الهجير .. وسفر الأماني طويل وشاق
يسعدني إنك بت هواي .. تبينا من شفع دقاااق
مغروسة في جوايا ريد .. ومحفورة ساساتك غراااق

عوض جلاس
05-08-2009, 09:12 PM
وبالمناسبه انا عندي تسجيل لقصيدة بلة شوقي بصوت صاحبي عوض جلاس لو مافي اشكال ممكن ارفعها هنا...
ومنتظر الاذن من خالد الباشا وعوض جلاس
صاحبي الهادي سلامات
إنت يازول محتفظ بيها لي شنو الشي دي ؟؟؟
هي كانت تجربة وراحت مع منتدى النصري
تاني داير تحتلها لي شنو ؟؟؟
وبعدين تسجيلها زي الواطة وماهو واضح
غايتو لو واضحة وتكافي العين جيبها
وكان سجماني خلها

اسامة حمزة
05-08-2009, 10:53 PM
مابين خالد الباشا وخالد شقوري حكاوي ومشاوير تحكيها الحروف والاغنيات

وهذه سوف نقف فيها مع خالد الباشا ليحدثنا عنها

اغنية يا يا با التي تغني بها الفنان محمد النصري كتب مقدمتها خالد شقوري ( يايابا في نظرك كتل واشوقي لي لمحة رؤاك والله تمرك ماهمل مادام مسمّدو بي شقاك )
وبذات الاحساس الذي كتبت به القصيدة والمناسبة كتب خالد الباشا بقية القصيدة وقام الفنان محمد النصري بتلحينها وتغنت بها اولا الفنانة سمية حسن في البومها الخاص باغنيات الطنبور والذي لم يجد حظه من الانتشار






لنستمع الي قصيدة يايابا بصوت خالد والنصري


http://sudaniyat.net/up/uploading/yaayaabaa.mp3


.

خناس هاشم
05-08-2009, 11:17 PM
مابين خالد الباشا وخالد شقوري حكاوي ومشاوير تحكيها الحروف والاغنيات

وهذه سوف نقف فيها مع خالد الباشا ليحدثنا عنها

اغنية يا يا با التي تغني بها الفنان محمد النصري كتب مقدمتها خالد شقوري ( يايابا في نظرك كتل واشوقي لي لمحة رؤاك والله تمرك ماهمل مادام مسمّدو بي شقاك )
وبذات الاحساس الذي كتبت به القصيدة والمناسبة كتب خالد الباشا بقية القصيدة وقام الفنان محمد النصري بتلحينها وتغنت بها اولا الفنانة سمية حسن في البومها الخاص باغنيات الطنبور والذي لم يجد حظه من الانتشار






لنستمع الي قصيدة يايابا بصوت خالد والنصري


http://sudaniyat.net/up/uploading/yaayaabaa.mp3


.


ياله من احساس ذلك الذى يجمع بين مبدعين مثل خالد الباشا وخالد شقورى الغريب ان اتفاقهم لم يكن فى الاسماء والشاعريه والقبيله فقط ولكننا الان نكتشف انهم اتفقو فى الاحساس ايضاً فااستطاع خالد الباشا ان يواصل فى كلمات خالد شقورى بنفس الاحساس ياله من احساس ويالها من علاقه جميله تلك التى تجمعهم
دمتم لنا دوما مبدعين نفتخردوما بهم و انهم من ابناء جلدتنا

خناس هاشم
05-08-2009, 11:25 PM
مبدعنا خالد نواصل فى بعض الاسئله
قول واحد
مع من من الفنانين تعامل خالد الباشا

قول اتنين
ماهى اول اغنيه تغنت لك وكيف تم التعامل بينك وبين مغنيها

قول تلاته
من هو اكثر فنان من الذين تعاملت معهم تحس انه يؤدى كلماتك بنفس الاحساس الذى كتبت به هذه الكلمات

قول اربعه
فنان كنت ومازلت تتمنى ان تتعامل معه

قول خمسه
من هو اول شخص يقرا كلماتك وتقتنع تماما برايه فيها

قول سته
مازلنا فى انتظار ان تحكى لنا عن مناسبة كتابتك لبعض قصائدك

اسامة حمزة
05-08-2009, 11:34 PM
خالد هو صاحب التعبير الانيق المشحون بالعاطفة والمواقف والاحاسيس والتصوير وفي قصيدة انت وين يقول خالد :-


الضِليل حِتة مقيلك الفناجين والبنابر
الحِيط جِيرا المغبّش خَتّة ايدك فوقو ظاهر
وظاهر اكتر فوق كتوفنا يوم مقالدنا ومسافر


انظروا اخوتي الي الربط بين المشاهد في هذا التعبير مابين الموقفين وكمية الحنين الذي يحسه القارئ في هذه السطور وفي مطلع اخر يبين خالد ان الشوق هنا ليس للمحبوب وحده انما لكل من حوله


من رحلت وراكا راحل قلبي في عتمة هواهو
عنك العابرين وينشد هسة كيفن والمعاهو

وتعالوا نتأمل معاني ومفردات الشوق في اشعار خالد فكلمة الشوق تاتي تقريبا في معظم قصائده بمعان مختلفة

ففي بلاد الشوق كان الشوق عنده يمثل بلد باكملها حين يقول


( مشيت بعدك بلاد الشوق )

اذا هو قمة الشوق بكل المعاني وفي قصيدة مشتاقين يا بت واطاتنا
مشتاقين وهوايا يلولح في التمرات والريح بتغني .. مشتاقين واشواقك مرتق وحس الطير في الساقي الصني

فخالد شاعر مملوء بالحنين لذا تجد ان مفردة الشوق تاتي معبرة عنه في معظم القصائد
في اولي اعماله مع محمد النصري ( لاتزعلي )


وعارفك كمان شايلاني شوق وغرام مقلد بالصبر


فالانسان العادي يحس باشواق الاخرين من منطلق اشواقه لهم وخالد هنا اراد التعبير عن شوقه الذي احسه من شوق المحبوب رغم الام الفراق واحساس النهاية الذي نحسه في القصيدة وفي قصيدة امانة عليك ايضا نري احساس الشوق يبدو واضحا


تموت بي شوقك الافراح امد باللهفة اطرافي .. ومكان ما عشت في الاعماق هناك كلك عشق مختوت

هذه بعض الملامح التي سوف تستمر تباعاً في نقد متواضع ونحن نغوص في اعماق هذا المتفرد وسوف اقوم بنشر بقية التفاصيل تباعا عبر هذا البوست


انت وين / قصيدة في الخاطر

انت وين والناس بتسال ... الحبيب مو جاي باكر !!
والوطن من غير عيونك .. لاهو طيب ولاهو عامر
واي زول في الحلي فاقدك .. والعيون تبكي وتساهر
الضليل حتة مقيلك .. الفناجين والبنابر
الحيط جير ا المغبش .. ختة ايدك فيهو ظاهر
وظاهر اكتر فوق كتوفنا.. يوم مقالدنا ومسافر
انت وين يازول فقدتك .. ياقمر ليلنا وضياهو
ياغنانا الكان بردد .. في فضا الايام صداهو
اشتهـيناك والله شاهد . وشوقنا واصل منتهاهو
من رحلت وراكا راحل.. قلبي في عتمة هواهو
عنك العابرين وينشد .. هسة كيفن والمعاهو
يبقو كيف يا الله زييّ .. وزي عيوني المشتهاهو!
مرة واحدة حلمت بيكا .. جيت وبالاحضان تسالم
ياكا ذاتك بي صفاتك جيتا طيب وجيتنا سالم
همبريب الحلي جاها .. وهبهبت تاني النسايم
كنت وين والشوق كتلنا .. قاسي قلبك ضُمة ظالم
انت روحنا ونور عيوننا وانت كُلنا والله عالم
اما عني وسر هوايا .. ليلي والشوق و الاماني
ابكي لامن روحي تمرق .. واحردك وواهواكا تاني
واستريح في الذكري واطري .. هجرتك كانت عشاني
وريدك العلمني اطلع .. قمة الحب والتفاني




اخي خالد قد تندهش لهذه القصيدة التي غابت عنك كثيرا


الجايي اكتر


بعض التفاصل منقولة من بوست اخر خاص بخالد الباشا

اسامة حمزة
05-08-2009, 11:54 PM
خرج خالد الباشا من مروي ولكن مروي لم تغيب عن ذكراه فهي تمثل عنده مرحلة الصبا والطفولة وهي تمثل في البدء مروي الاسم والتارخ والحضارة والتراث والمعاني الجميلة وهي تمثل مروي المدينة ذات العراقة والمجد القديم


غنوة العز يابلد /قصيدة لن تـُلحن بعد


يامروي ياقبلة هواي
اشراق حياتي ومُغرِبا
ياغنوة العز البقت
تفرح دواخلي وتطربا
والله يا ارض الجمال
ارض الرجال
ارواحنا ليك بنوهبا
وجوانا رغم انف المُحال
اسمك حروفو بنكتبا
وبس قولي يا مروي الصمود
ذرًات ترابك نحسبا
يا مروي يا ..
ترهــــــــــاقا يا..
يالماضي و المجد البعيد
ياقلعة في ركن الزمن
كان فيها تاريخنا التليد
ويا وثبة فوق هامة المحن
رسمت خطاوي وطن جديد
ياغنوة في عرس البلد
نقراها للعالم نشيد ..
يالدابي .. يا اسماعيل .. وياحميد ويا حُمَد سعيد
يا مروي يا ..
يا شتلة في ارض الحزن نبتت فرح
ويا مطرة في زمن الجفاف
نزلت بعد ما الغيم نزح
ياصوت بشق قلب السكون
يملا الديار بهجة وفرح
يا الله ليل يا ليلي انا
يا امونة ياساعة العصاري وقوس قزح
ياسر بكاي يا اسباب اساي
يا طب قليبي الانجرح
ما انت يا مروي الكلام
وانت النعام وكتين صدح
شن دار نقول فيك يابلد
ما انتي في قاموس كلامنا المصطلح
يامروي يابت البلد
يا امونة بت الشيخ حمد
ياحوا ياعوض المرق
يا نورة يا مليون سطر
يانغمة جاية من القلوب
ماشة القلوب فوق الطنابير الجسر
يامروي ياطيبة القلوب
يالبركة يا تمر الهبوب
يالعافي ياطولة العمر
والله يا امي الحنون ... ام الوليدات الغبش
فتناكي ما قاصدين نفوت
خربانة دي المبنية قش
فتناكي زي كل الطيور الراحلة في ساعة الدغش
لكن مصير الحي يعود نلقاكي في ايامنا عُش
لكن مصير الحي يعود نلقاكي في ايامنا عُش



دي برضو كانت رايحة منك ياخالد ..

خناس هاشم
05-09-2009, 12:00 AM
اسامه
الله يديك العافيه يا اخوى والله ماقصرت
كلمات قمه فى الابداع
واصل واحنا متابعين بشغف

جرماكي
05-09-2009, 12:33 AM
اتاريك انت كلنا بيك بلاك نحن وبيتنا شجن......

محطة خالد الباشا محطة نتمني انها تطول لي سببين لي وجود خالد الباشا بينا ودي ما بتتكرر كتير انو يكون موجود والكلام داير عنو والسبب التاني لي ملك التوثيق اسامة يمدنا بي كل المشكن في الرفوف لي خالد الباشا لانو ان بقت عليهو ما ظنيت تطلع....

خالد الباشا في اكتر من مكان واكتر من مناسبة دايما بقرن اول كلمة من كلامو بانو هو ما شاعر وجة علي الدرب دة صدفة.....

السؤال البفرض نفسو دايما عندي سببك يا باشا انك تنفي صفة الشاعرية منك مع انو كل اعمالك وكل من سمع ليك قصيدة او غنية يشهد ليك بالشاعرية وكل مستمع بسمع ليك بعرف انو الكتابات كتابات محترف شعر واحساس القصايد احساس صادق ...

وفوق كل دة انو اي قصيدة اتغنت لي خالد الباشا وجدت خظها من الانتشار وبالرغم من دة كلو تصر علي انك ما شاعر....

هل دة تواضع ام عدم صقة في النفس ودي ما ظنيت تكون عندك بعد النجاح دة والحمد لله...

عوض جلاس
05-09-2009, 07:15 AM
صباح الخير سراي الليل
وسعيدين بهذه المحطة الجميلة من محطات الإبداع
مع الشاعر الفذ خالد الباشا
ونتمنى أن تتواصل حتى آخر قطرة
* خالد الباشا بعيد عن الإعلام المرئي والمسموع والمقروء لماذا ؟؟
* أين تحس بشاعريتك الحقة في الريف أم في البندر ؟؟؟
* عندما تكتب القصيدة هل تحس إنها لفنان معين أم تكون عامة ؟؟؟
* شاعر لا تمل الاستماع لقصائده ؟؟؟
* فنان تمنيت أن يغني لك بقصيدة ولم يتغنى لك حتى الآن ؟؟؟
* هل للشاعر زمن افتراضي يقف عنده ؟؟؟؟
* تجربتي في تلحين أغنية بلة شوق هل كانت إضافة لها أم خصم عليها .. بكل صراحة
* الغربة هل هي أفيد للشاعر أم تقف حجر عثرة أمام إبداعاته ؟؟
* مقلب أب شخيت والكاميرا الخفية .. حدثنا عنه قليلاً

صلاح عبد النبي
05-09-2009, 07:42 AM
الأخوة سراي الليل
صباح الخير ..
أتابع معكم بكل شغف وإعجاب هذه الصفحات الخاصة بالشاعر الموغل في الشاعرية
والممعن في رقة ودقة التعبير الأستاذ خالد الباشا .. أحييه عبركم وعبر هذا البوست
فهو يستحق منا كل تكريم وإعزاز ..
لفت انتباهي منذ اطلالته الأولى عبر لا تزعلي والفنان محمد النصري .. وظللت حريصاً على متابعة كل جديد يطل به على الساحة الفنية .. وكانت كل إضافة منه تعتبر لبنة بل مدماك كامل في هذا البناء السامق الشامخ .. ولكني توقفت كثيراً عند (عندك خبر ) .. ففي هذه القصيدة تجلت شاعرية خالد الباشا الفذة في التعبير عن ما يجيش في خاطره .. فالفكرة ذاتها جديدة .. والتعبير عنها ووضعها في هذا القالب الشعري الرقيق كان منحىً جديداً في الرؤية والتعبير ..
أكتفي في هذه العجالة بتسجيل حضوري ومتابعتي ..
لكن يا خالد يا أخوي .. القصائد وينه الوعدتني بيها أنا وعثمان الدغيس عشان نلحنها؟؟ ولا بس نوقي طرفنا ونعبي من القصائد التي لم تلحن والتي وردت أعلاه ؟؟ دايرين منك الإذن ;)

اسامة حمزة
05-09-2009, 09:49 AM
الأخوة سراي الليل
صباح الخير ..
أتابع معكم بكل شغف وإعجاب هذه الصفحات الخاصة بالشاعر الموغل في الشاعرية
والممعن في رقة ودقة التعبير الأستاذ خالد الباشا .. أحييه عبركم وعبر هذا البوست
فهو يستحق منا كل تكريم وإعزاز ..
لفت انتباهي منذ اطلالته الأولى عبر لا تزعلي والفنان محمد النصري .. وظللت حريصاً على متابعة كل جديد يطل به على الساحة الفنية .. وكانت كل إضافة منه تعتبر لبنة بل مدماك كامل في هذا البناء السامق الشامخ .. ولكني توقفت كثيراً عند (عندك خبر ) .. ففي هذه القصيدة تجلت شاعرية خالد الباشا الفذة في التعبير عن ما يجيش في خاطره .. فالفكرة ذاتها جديدة .. والتعبير عنها ووضعها في هذا القالب الشعري الرقيق كان منحىً جديداً في الرؤية والتعبير ..
أكتفي في هذه العجالة بتسجيل حضوري ومتابعتي ..
لكن يا خالد يا أخوي .. القصائد وينه الوعدتني بيها أنا وعثمان الدغيس عشان نلحنها؟؟ ولا بس نوقي طرفنا ونعبي من القصائد التي لم تلحن والتي وردت أعلاه ؟؟ دايرين منك الإذن ;)


الاخ صلاح عبد النبي

تحية لمرورك الذي يسعدنا جميعاً ..
تجربة خالد الباشا تجربة مليئة بالابداع والجمال والصور الرائعة
اما عن القصائد التي تحتاج الي تلحين فحقيقة ان هناك عدد كبير من قصائد خالد لم يلحن بعد بدءاً بــ(غنوة العز يابلد) و( جاية دابك ) و ( بحبك وكانت القمرة )و( بيناتنا كان ساح العرق )و ( ياساكتة بفضحك الهيام ) والكثير وانا نيابة عن خالد ( بديك الاذن تلحن كل الما مُلحن )

محمد الامين
05-09-2009, 10:54 AM
خالد الباشا شاعــــر لايختلف إثنان حــول شاعريته وقدرته على تطويع الحــــروف بشكل يجعلها تعبر عــن مايجيش بدواخلنا وقد كنت أحـــس أن رائعته بالميلاد قد كتبها بإحساســـى وعندما أطلب من النصـــرى أن يغنيها و-إتفرجخ فى الواطه - أستمع اليها بإستمتاع وأحببت هذه الأغنيه لدرجة أننى كنت عندما أطلبها من النصرى فقد كنت أقول له (عليك الله يا محمد النصرى تغنيلى غنيتى) وهــى القصيده الوحيده التى تمنيت لو اننى كنت كاتبها لشدة إعجابى بها ... إلا أن خالد - الإنسان أخو الأخوان - يتفوق على خالد الشاعـــر كثيراً فهــو من النوع الذى يصبح صديقك منذ أول لقاء يجمعك به وتحس بأنك تعرفه منذ سنين .. وفى لصداقاته وفاءا شديدا ...يتغلغل الى أعماق أعماقك ولا تملك إلا أن تحبه فهــو جــدير بذلك وقد تكلمت كثيراً عن خالد وسأظل أتحدث عنه ما استطعت الى ذلك سبيلا ...
أعماله مع النصـــر هى درر على جيد فن الطمبور و قد توقفت كثيراً أمام عدد من القصائد التى جمعته بالمبدع محمد النصرى ومن هذه القصائد رائعته أمانه عليك ...


أمانة عليك .. تخت بالك على الجواك .. علي الحلم البنينا بيــــــــــوت
علي السر الدفنّا كــــــــــــــــــــــــــلام .. تحت وجع الليـــــــالي سكوت

توقفت كثيرا عند هذه الابيات فهنا يجمع خالد الباشا ما بين وفاءه القديم والفكره الجديده ... أن يكون أمينا ووفيا لذكرياته فتلك شيمة عهدناها فى خالد الباشا .. ولكن أن تطلب من شخص أن يكون أمينا على ما هو موجود بداخله فهنا مربط الشعر ... وهنا جمال الفكره .

عهودي معاك أموت واقف... علي باب الهـــــــــــــــــــوى المفتوح
انا البرحل محـــــــــــل ترحــــــــــل ... غمامة عليكا و ين ما تروح

وهنا يتجلى الوفاء فى أوضح معانيه ... وذلك أكثر ما يميز كتابات خالد الباشا فها هو يأتى فى ختام القصيده ليؤكد هذا الوفاء

اماني وراك مابتنســــــاب .. علي طرف العيون دمــــــــعات
امش و انا بالأماني ارجاك .. سنين عمر الجفا الجايــــــــات

هذه القصيده مليئه بالمعانى الجميله واستطاع خالد أن يُحَمِّل مفرداتها كل ما تحمل دواخله من أحاسيس ...
أما محمد النصرى فقد أبدع فى ادائها والنصرى دائما ما يصل لاعماق القصيده مما يجعل الحانه تتناسب واحساس الشاعر خاصة عندما يكون الشاعر خالد الباشا ..
ليس انحيازا لخالد ولدى الكثير من الاسباب التى تجعلنى انحاز له فقد عرفته انسانا وأخاً وصديق قبل أن أعجب به كشاعر أنيق المفرده ورقيق الحس ... ولكنها الحقيقه فخالد الباشا يكتب ما يناسب محمد النصرى والنصرى يغنى ما يكتبه خالد باحساس عالى ولعل الدليل على ذلك كل الاعمال التى جمعتهما ابتداءا بــ( لا تزعلى ) و ( بالميلاد ) مرورا بـــ(بلاد الشوق ) ووصولا الى ( أمانه عليك ) .. فكلها من أجمل الأغنيات التى تغنى بها النصرى بل ومن أجمل أغنيات الطمبور على الاطلاق ...
عموما فان هذه الثنايئه الجميله التى جمعت الشاعر خالد الباشا والفنان المبدع محمد النصرى هى من أجمل الثنايئات التى زخر بها غناء الطمبور وقد منحتنا الكثير من الأعمال الرائعه والتى ستظل راسخه فى اذهاننا نجد فيها جمال الكلمه وعزوبة اللحن وروعة الأداء ...

أتمنى لخالد الباشا ومحمد النصــــرى دوام الابداع



http://sudaniyat.net/up/uploading/AMANA.mp3




أمانة عليك


الشاعر : خالد الباشا

أمانة عليك .. تخت بالك على الجواك .. علي الحلم البنينا بيــــــــــوت
علي السر الدفنّا كــــــــــــــــــــــــــلام .. تحت وجع الليـــــــالي سكوت
أمانة عليك .. قبل ترحل مع الأيام .. تشيل حلو الأماني تفــــــــــــــوت
تدس في بير حواسك ريــــــــد ... سقينا وفـــــــــا و حــمينا يمـــــــوت
و امانة علي يظل اسمك حروف من نور علي حيط الفؤاد مشخــوت

.........

عهودي معاك أموت واقف... علي باب الهـــــــــــــــــــوى المفتوح
انا البرحل محـــــــــــل ترحــــــــــل ... غمامة عليكا و ين ما تروح
لأنك إنت في الوجـــــــــــــــــــــدان ... مشكن بين حـــــــنايا الروح
موسمة بيــــك تفاصيلـــــنا ... و مضمدا بي غـــــــــــــــناك جروح
تعيش في ذاتي و الذكــــــــرى .. متـل صـــــــفق الشتــي المحتوت

أمانة عليك...

سنين الإلفـــة بيـــــــناتنا .. قمـــــــــــر لــــــــــيلاتك الصـــافي
تفاصيل روعتك جـــــــــــــواك ... منابع إحســــاسك الدافـــي
حواس خليتا يالمحبـــــــــــــوب .. وراك لا فيــــــــــــــنا لامافي
تموت بي شوقـــــــــــك الأفراح ... أمد باللهفة اطـــــــــرافي
مكان ما عشت في الأعماق .. هناك كلك عشق مخـــــــــتوت

..........

اماني وراك مابتنســــــاب .. علي طرف العيون دمــــــــعات
امش و انا بالأماني ارجاك .. سنين عمر الجفا الجايــــــــات
و امانة عليك محل تـــــــنزل ... تمــــد حبل المحبة صــلات
يشع نور الوفا الماليــــــــــك .. تبق ليل الفراق غــــــنوات

و أمانة عليك ....
أماااانة عليك ....
تخت بالك علي الجواك ... علي الحلم البنينا بيــــــــــوت

خالد الباشا
05-09-2009, 12:36 PM
خالد الباشا شاعــــر لايختلف إثنان حــول شاعريته وقدرته على تطويع الحــــروف بشكل يجعلها تعبر عــن مايجيش بدواخلنا وقد كنت أحـــس أن رائعته بالميلاد قد كتبها بإحساســـى وعندما أطلب من النصـــرى أن يغنيها و-إتفرجخ فى الواطه - أستمع اليها بإستمتاع وأحببت هذه الأغنيه لدرجة أننى كنت عندما أطلبها من النصرى فقد كنت أقول له (عليك الله يا محمد النصرى تغنيلى غنيتى) وهــى القصيده الوحيده التى تمنيت لو اننى كنت كاتبها لشدة إعجابى بها ... إلا أن خالد - الإنسان أخو الأخوان - يتفوق على خالد الشاعـــر كثيراً فهــو من النوع الذى يصبح صديقك منذ أول لقاء يجمعك به وتحس بأنك تعرفه منذ سنين .. وفى لصداقاته وفاءا شديدا ...يتغلغل الى أعماق أعماقك ولا تملك إلا أن تحبه فهــو جــدير بذلك وقد تكلمت كثيراً عن خالد وسأظل أتحدث عنه ما استطعت الى ذلك سبيلا ...
أعماله مع النصـــر هى درر على جيد فن الطمبور و قد توقفت كثيراً أمام عدد من القصائد التى جمعته بالمبدع محمد النصرى ومن هذه القصائد رائعته أمانه عليك ...


أمانة عليك .. تخت بالك على الجواك .. علي الحلم البنينا بيــــــــــوت
علي السر الدفنّا كــــــــــــــــــــــــــلام .. تحت وجع الليـــــــالي سكوت

توقفت كثيرا عند هذه الابيات فهنا يجمع خالد الباشا ما بين وفاءه القديم والفكره الجديده ... أن يكون أمينا ووفيا لذكرياته فتلك شيمة عهدناها فى خالد الباشا .. ولكن أن تطلب من شخص أن يكون أمينا على ما هو موجود بداخله فهنا مربط الشعر ... وهنا جمال الفكره .

عهودي معاك أموت واقف... علي باب الهـــــــــــــــــــوى المفتوح
انا البرحل محـــــــــــل ترحــــــــــل ... غمامة عليكا و ين ما تروح

وهنا يتجلى الوفاء فى أوضح معانيه ... وذلك أكثر ما يميز كتابات خالد الباشا فها هو يأتى فى ختام القصيده ليؤكد هذا الوفاء

اماني وراك مابتنســــــاب .. علي طرف العيون دمــــــــعات
امش و انا بالأماني ارجاك .. سنين عمر الجفا الجايــــــــات

هذه القصيده مليئه بالمعانى الجميله واستطاع خالد أن يُحَمِّل مفرداتها كل ما تحمل دواخله من أحاسيس ...
أما محمد النصرى فقد أبدع فى ادائها والنصرى دائما ما يصل لاعماق القصيده مما يجعل الحانه تتناسب واحساس الشاعر خاصة عندما يكون الشاعر خالد الباشا ..
ليس انحيازا لخالد ولدى الكثير من الاسباب التى تجعلنى انحاز له فقد عرفته انسانا وأخاً وصديق قبل أن أعجب به كشاعر أنيق المفرده ورقيق الحس ... ولكنها الحقيقه فخالد الباشا يكتب ما يناسب محمد النصرى والنصرى يغنى ما يكتبه خالد باحساس عالى ولعل الدليل على ذلك كل الاعمال التى جمعتهما ابتداءا بــ( لا تزعلى ) و ( بالميلاد ) مرورا بـــ(بلاد الشوق ) ووصولا الى ( أمانه عليك ) .. فكلها من أجمل الأغنيات التى تغنى بها النصرى بل ومن أجمل أغنيات الطمبور على الاطلاق ...
عموما فان هذه الثنايئه الجميله التى جمعت الشاعر خالد الباشا والفنان المبدع محمد النصرى هى من أجمل الثنايئات التى زخر بها غناء الطمبور وقد منحتنا الكثير من الأعمال الرائعه والتى ستظل راسخه فى اذهاننا نجد فيها جمال الكلمه وعزوبة اللحن وروعة الأداء ...

أتمنى لخالد الباشا ومحمد النصــــرى دوام الابداع


أمانة عليك


الشاعر : خالد الباشا

أمانة عليك .. تخت بالك على الجواك .. علي الحلم البنينا بيــــــــــوت
علي السر الدفنّا كــــــــــــــــــــــــــلام .. تحت وجع الليـــــــالي سكوت
أمانة عليك .. قبل ترحل مع الأيام .. تشيل حلو الأماني تفــــــــــــــوت
تدس في بير حواسك ريــــــــد ... سقينا وفـــــــــا و حــمينا يمـــــــوت
و امانة علي يظل اسمك حروف من نور علي حيط الفؤاد مشخــوت

.........

عهودي معاك أموت واقف... علي باب الهـــــــــــــــــــوى المفتوح
انا البرحل محـــــــــــل ترحــــــــــل ... غمامة عليكا و ين ما تروح
لأنك إنت في الوجـــــــــــــــــــــدان ... مشكن بين حـــــــنايا الروح
موسمة بيــــك تفاصيلـــــنا ... و مضمدا بي غـــــــــــــــناك جروح
تعيش في ذاتي و الذكــــــــرى .. متـل صـــــــفق الشتــي المحتوت

أمانة عليك...

سنين الإلفـــة بيـــــــناتنا .. قمـــــــــــر لــــــــــيلاتك الصـــافي
تفاصيل روعتك جـــــــــــــواك ... منابع إحســــاسك الدافـــي
حواس خليتا يالمحبـــــــــــــوب .. وراك لا فيــــــــــــــنا لامافي
تموت بي شوقـــــــــــك الأفراح ... أمد باللهفة اطـــــــــرافي
مكان ما عشت في الأعماق .. هناك كلك عشق مخـــــــــتوت

..........

اماني وراك مابتنســــــاب .. علي طرف العيون دمــــــــعات
امش و انا بالأماني ارجاك .. سنين عمر الجفا الجايــــــــات
و امانة عليك محل تـــــــنزل ... تمــــد حبل المحبة صــلات
يشع نور الوفا الماليــــــــــك .. تبق ليل الفراق غــــــنوات

و أمانة عليك ....
أماااانة عليك ....
تخت بالك علي الجواك ... علي الحلم البنينا بيــــــــــوت

مرة واحدة حلمت بيكا .. جيت وبالاحضان تسالم
ياكا ذاتك بي صفاتك جيتا طيب وجيتنا سالم
همبريب الحلي جاها .. وهبهبت تاني النسايم
كنت وين والشوق كتلنا .. قاسي قلبك ضُمة ظالم
انت روحنا ونور عيوننا وانت كُلنا والله عالم
اما عني وسر هوايا .. ليلي والشوق و الاماني
ابكي لامن روحي تمرق .. واحردك وواهواكا تاني
واستريح في الذكري واطري .. هجرتك كانت عشاني
وريدك العلمني اطلع .. قمة الحب والتفاني

اسامة حمزة
05-09-2009, 12:56 PM
خالد الباشا شاعــــر لايختلف إثنان حــول شاعريته وقدرته على تطويع الحــــروف بشكل يجعلها تعبر عــن مايجيش بدواخلنا وقد كنت أحـــس أن رائعته بالميلاد قد كتبها بإحساســـى وعندما أطلب من النصـــرى أن يغنيها و-إتفرجخ فى الواطه - أستمع اليها بإستمتاع وأحببت هذه الأغنيه لدرجة أننى كنت عندما أطلبها من النصرى فقد كنت أقول له (عليك الله يا محمد النصرى تغنيلى غنيتى) وهــى القصيده الوحيده التى تمنيت لو اننى كنت كاتبها لشدة إعجابى بها ... إلا أن خالد - الإنسان أخو الأخوان - يتفوق على خالد الشاعـــر كثيراً فهــو من النوع الذى يصبح صديقك منذ أول لقاء يجمعك به وتحس بأنك تعرفه منذ سنين .. وفى لصداقاته وفاءا شديدا ...يتغلغل الى أعماق أعماقك ولا تملك إلا أن تحبه فهــو جــدير بذلك وقد تكلمت كثيراً عن خالد وسأظل أتحدث عنه ما استطعت الى ذلك سبيلا ...
أعماله مع النصـــر هى درر على جيد فن الطمبور و قد توقفت كثيراً أمام عدد من القصائد التى جمعته بالمبدع محمد النصرى ومن هذه القصائد رائعته أمانه عليك ...


أمانة عليك .. تخت بالك على الجواك .. علي الحلم البنينا بيــــــــــوت
علي السر الدفنّا كــــــــــــــــــــــــــلام .. تحت وجع الليـــــــالي سكوت

توقفت كثيرا عند هذه الابيات فهنا يجمع خالد الباشا ما بين وفاءه القديم والفكره الجديده ... أن يكون أمينا ووفيا لذكرياته فتلك شيمة عهدناها فى خالد الباشا .. ولكن أن تطلب من شخص أن يكون أمينا على ما هو موجود بداخله فهنا مربط الشعر ... وهنا جمال الفكره .

عهودي معاك أموت واقف... علي باب الهـــــــــــــــــــوى المفتوح
انا البرحل محـــــــــــل ترحــــــــــل ... غمامة عليكا و ين ما تروح

وهنا يتجلى الوفاء فى أوضح معانيه ... وذلك أكثر ما يميز كتابات خالد الباشا فها هو يأتى فى ختام القصيده ليؤكد هذا الوفاء

اماني وراك مابتنســــــاب .. علي طرف العيون دمــــــــعات
امش و انا بالأماني ارجاك .. سنين عمر الجفا الجايــــــــات

هذه القصيده مليئه بالمعانى الجميله واستطاع خالد أن يُحَمِّل مفرداتها كل ما تحمل دواخله من أحاسيس ...
أما محمد النصرى فقد أبدع فى ادائها والنصرى دائما ما يصل لاعماق القصيده مما يجعل الحانه تتناسب واحساس الشاعر خاصة عندما يكون الشاعر خالد الباشا ..
ليس انحيازا لخالد ولدى الكثير من الاسباب التى تجعلنى انحاز له فقد عرفته انسانا وأخاً وصديق قبل أن أعجب به كشاعر أنيق المفرده ورقيق الحس ... ولكنها الحقيقه فخالد الباشا يكتب ما يناسب محمد النصرى والنصرى يغنى ما يكتبه خالد باحساس عالى ولعل الدليل على ذلك كل الاعمال التى جمعتهما ابتداءا بــ( لا تزعلى ) و ( بالميلاد ) مرورا بـــ(بلاد الشوق ) ووصولا الى ( أمانه عليك ) .. فكلها من أجمل الأغنيات التى تغنى بها النصرى بل ومن أجمل أغنيات الطمبور على الاطلاق ...
عموما فان هذه الثنايئه الجميله التى جمعت الشاعر خالد الباشا والفنان المبدع محمد النصرى هى من أجمل الثنايئات التى زخر بها غناء الطمبور وقد منحتنا الكثير من الأعمال الرائعه والتى ستظل راسخه فى اذهاننا نجد فيها جمال الكلمه وعزوبة اللحن وروعة الأداء ...

أتمنى لخالد الباشا ومحمد النصــــرى دوام الابداع


أمانة عليك


الشاعر : خالد الباشا

أمانة عليك .. تخت بالك على الجواك .. علي الحلم البنينا بيــــــــــوت
علي السر الدفنّا كــــــــــــــــــــــــــلام .. تحت وجع الليـــــــالي سكوت
أمانة عليك .. قبل ترحل مع الأيام .. تشيل حلو الأماني تفــــــــــــــوت
تدس في بير حواسك ريــــــــد ... سقينا وفـــــــــا و حــمينا يمـــــــوت
و امانة علي يظل اسمك حروف من نور علي حيط الفؤاد مشخــوت

.........

عهودي معاك أموت واقف... علي باب الهـــــــــــــــــــوى المفتوح
انا البرحل محـــــــــــل ترحــــــــــل ... غمامة عليكا و ين ما تروح
لأنك إنت في الوجـــــــــــــــــــــدان ... مشكن بين حـــــــنايا الروح
موسمة بيــــك تفاصيلـــــنا ... و مضمدا بي غـــــــــــــــناك جروح
تعيش في ذاتي و الذكــــــــرى .. متـل صـــــــفق الشتــي المحتوت

أمانة عليك...

سنين الإلفـــة بيـــــــناتنا .. قمـــــــــــر لــــــــــيلاتك الصـــافي
تفاصيل روعتك جـــــــــــــواك ... منابع إحســــاسك الدافـــي
حواس خليتا يالمحبـــــــــــــوب .. وراك لا فيــــــــــــــنا لامافي
تموت بي شوقـــــــــــك الأفراح ... أمد باللهفة اطـــــــــرافي
مكان ما عشت في الأعماق .. هناك كلك عشق مخـــــــــتوت

..........

اماني وراك مابتنســــــاب .. علي طرف العيون دمــــــــعات
امش و انا بالأماني ارجاك .. سنين عمر الجفا الجايــــــــات
و امانة عليك محل تـــــــنزل ... تمــــد حبل المحبة صــلات
يشع نور الوفا الماليــــــــــك .. تبق ليل الفراق غــــــنوات

و أمانة عليك ....
أماااانة عليك ....
تخت بالك علي الجواك ... علي الحلم البنينا بيــــــــــوت

محمد اللمين ازيك


تغيييييييييييييييييييييييب وتجي

اشكر علي المرور الجميل وتحاياي عبرك لكل من يوافقك الراي

وحقيقة يصبح احيانا الحديث عن من هم في مقام خالد الباشا اصعب مهمة

وتحية عطرة

خالد الباشا
05-09-2009, 01:03 PM
اتاريك انت كلنا بيك بلاك نحن وبيتنا شجن......

محطة خالد الباشا محطة نتمني انها تطول لي سببين لي وجود خالد الباشا بينا ودي ما بتتكرر كتير انو يكون موجود والكلام داير عنو والسبب التاني لي ملك التوثيق اسامة يمدنا بي كل المشكن في الرفوف لي خالد الباشا لانو ان بقت عليهو ما ظنيت تطلع....

خالد الباشا في اكتر من مكان واكتر من مناسبة دايما بقرن اول كلمة من كلامو بانو هو ما شاعر وجة علي الدرب دة صدفة.....

السؤال البفرض نفسو دايما عندي سببك يا باشا انك تنفي صفة الشاعرية منك مع انو كل اعمالك وكل من سمع ليك قصيدة او غنية يشهد ليك بالشاعرية وكل مستمع بسمع ليك بعرف انو الكتابات كتابات محترف شعر واحساس القصايد احساس صادق ...

وفوق كل دة انو اي قصيدة اتغنت لي خالد الباشا وجدت خظها من الانتشار وبالرغم من دة كلو تصر علي انك ما شاعر....

هل دة تواضع ام عدم صقة في النفس ودي ما ظنيت تكون عندك بعد النجاح دة والحمد لله...

اولا دعني اكتب عنك كلمات ... يا ابن الأبنوس ..

جرماكي ..
... ومن اللحظة الأولى تدخل القلوب توش .. وتقعد كمان ...

وعن استفساراتك اجيب ..

وللحقيقة وإلى هذه اللحظة لا املك قصيدة واحدة مما كتبت على دفاتري .. لا لأني مهمل ولكني مؤمن بأن الشعر يتمتع بخصوصية .. لا تحتمل الصعود على خشبة المسارح لتحكي عبر القصائد عن إحساس خاص ..تعاهدت وحبيبك انصاص الليالي بأن يكون سرا...
وللأمانة إلى هذه اللحظة لم اعطي فنان قصيدة غير (امانة عليك) ودي كانت لشي في نفسي .. وكل الأغنيات كانت عبر الكريم اسامة حمزة .. وبعض اصدقائي .. وإلى هذه اللحظة لم استلم قرش واحد مقابل نص شعري كتبته لحبيبتي .. عدا عندك خبر وعندما عجز صاحب شركة المزامير من اقناعي بإستلام قيمة تنازلي عن القصيدة .. اعطاني (بلي استيشن ) لعمرو وعمار ..

اما اصراري على اني لا شاعر .. فأنا حقيقة اكره هذه الصفة .. وصدق اولا تصدق .. لا زوجتي .. ولا اسرتي .. ولا زملائي في العمل .. يحفظون لي قصيدة واااحدة ...بل عملت اكثر من عشرة سنوات وسط مجموعة من الإخوان يتفاجأ الواحد منهم لما يكتشف اني شاعر ... ولأكثر من

خالد الباشا
05-09-2009, 01:56 PM
مبدعنا خالد نواصل فى بعض الاسئله
قول واحد
مع من من الفنانين تعامل خالد الباشا
احب التعامل مع النصري .. ولكني اتمنى ان اتعامل مع الجميع .. وكل فناني الطمبور اصدقائي ..

قول اتنين
ماهى اول اغنيه تغنت لك وكيف تم التعامل بينك وبين مغنيها
اغنية إيديا فوق ايديك وانا طالب بمروي الثانوية .. وقبلها اغنية لفنان (دكاكيني بأبي دوم )
قول تلاته
من هو اكثر فنان من الذين تعاملت معهم تحس انه يؤدى كلماتك بنفس الاحساس الذى كتبت به هذه الكلمات

النصري

قول اربعه
فنان كنت ومازلت تتمنى ان تتعامل معه

ميرغني النجار
وعادل مسلم في الغناء الحديث

قول خمسه
من هو اول شخص يقرا كلماتك وتقتنع تماما برايه فيها
اتمنيتو يكون مافي هنا .. عشان اقول اسامة حمزة

قول سته
مازلنا فى انتظار ان تحكى لنا عن مناسبة كتابتك لبعض قصائدك
كل القصائد العاطفية .. عاطفية ..(يابت غلبني اكتب ليك ... القصة دي بتجيب ليها مبيت بره البيت )

واتمنى خناس ان اكون موفق في اجاباتي ..

خالد الباشا
05-09-2009, 02:32 PM
عوض جلاس;9313]صباح الخير سراي الليل
وسعيدين بهذه المحطة الجميلة من محطات الإبداع
مع الشاعر الفذ خالد الباشا
ونتمنى أن تتواصل حتى آخر قطرة
* خالد الباشا بعيد عن الإعلام المرئي والمسموع والمقروء لماذا ؟؟
والغريبة موقع عملي يتيح لي الظهور .. وخاصة لارتباطه بالإذاعات والتلفزيون .. والصحافة .. ولكن ربما تطالع اسمي على كباشن بعض الأفلام الوثائقية والبرامج .. والأغرب ان اغلب الشعراء يمرون عبري للإعلام لطبيعة عملي

* أين تحس بشاعريتك الحقة في الريف أم في البندر ؟؟؟
في البندر وانا مليان بي شوق البلد

* عندما تكتب القصيدة هل تحس إنها لفنان معين أم تكون عامة ؟؟؟
لا والله ولا قصيدة واحدة اتخيلتها اغنية ..

* شاعر لا تمل الاستماع لقصائده ؟؟؟
حميد و خالد شقوري * فنان تمنيت أن يغني لك بقصيدة ولم يتغنى لك حتى الآن ؟؟؟
معاوية المقل .. ومعاوية تربطني بيه علاقة من زمان .. ولكن للأسف لحدي اول امس قال لي انا إلى الآن ما قادر اقنع نفسي انك شاعر ..

* هل للشاعر زمن افتراضي يقف عنده ؟؟؟؟
وده موضوع جميل فتحو هنا محمد الأمين ..
ولكن الكتابة في حد ذاتا ماعندها زمن ولكن الظهور لابد ان يتناسب مع العمر وخاصة المفردات المستخدمة
* تجربتي في تلحين أغنية بلة شوق هل كانت إضافة لها أم خصم عليها .. بكل صراحة
تصدق بالله .. سمعتها كتير .. واتمنيت ما يغنيها زول تاني وياريت .. عشان بالجد انا بحب اسمع نفسي بالطريقة الأنت اديتا بيها ..
* الغربة هل هي أفيد للشاعر أم تقف حجر عثرة أمام إبداعاته ؟؟
انا غربتي الخرطوم فقط ولكني استفدت منها شديد
مقلب أب شخيت والكاميرا الخفية .. حدثنا عنه قليلاً..؟

كان بيع موية في حارة السقايين .. وهو من اللحظات الجميلة في حياتي .. واجمل مافيهو اني اتعرفت علي ابشخيت والرجل الجميل حسين علي الحاج





عوض جلاس ..

من اول الناس الإتعرفت عليهن ولكن للأسف إلى الآن لم نلتقي ...

طارق علي صالح
05-09-2009, 02:43 PM
الاخ الرائع خالد

1- هل تبدي رأيك علي الحان اشعارك

2- هل تطرب عند سماع اشاعرك ملحنة ام تسرح في مناسبات صياغتها

3- قصة غيرك يمكن ان تلهمك قصيدة؟؟

4- خلاف مع شاعر او فنان؟

5- النجومية والشهرة ايجابيات وسلبيات

في كلمات

النعام ادم

عبد القيوم

الطنبور وايقاع الدليب



الرياضة المحببة

خالد الباشا
05-09-2009, 03:31 PM
الاخ الرائع خالد

1- هل تبدي رأيك علي الحان اشعارك

لا على الإطلاق

2- هل تطرب عند سماع اشاعرك ملحنة ام تسرح في مناسبات صياغتها

عند سماعها اول مرة فقط .. ولكني احب قراءتها لاصدقائي

3- قصة غيرك يمكن ان تلهمك قصيدة؟؟

عندما اعيشها .. ولدي تجربة في قصيدة .. القمرة وعشانك في يوم زفافك لعبد القيوم الشريف

4- خلاف مع شاعر او فنان؟

خلاف فكري .. بيني وشعراء ولكنه عمق العلاقة الحميمة بيننا لاحقا ..
مع فنان لايوجد ولا اتمنى .. ولايوجد سبب للخلاف

5- النجومية والشهرة ايجابيات وسلبيات

الحمد لله انا لا اتمتع لا بالنجومية ولا بالشهرة .. ربما لضيق المساحة البتحرك فيها .. وكتير امشي حفلات النصري وزول ما بعرفني انا منو ..

في كلمات

النعام ادم
رحمة الله عليك .. فتح لنا الأبواب .. وكتب تواريخ اغنياتنا ..
عبد القيوم

كل الأماني ان يتحرر من قيود التعاقد ..

الطنبور وايقاع الدليب
تحتاج لمبدع شجاع ... يخرج بنا من (حمديرة )



الرياضة المحببة
كرة القدم كممارسة
وماتستغرب ..
المصارعة الحرة كمشاهدة




طارق علي ..
من اقرب الناس إلى قلبي .. ورجل جدع واخو اخوان ...

الهادي قنديل
05-09-2009, 04:48 PM
دخله علي السريع كده من العمل قلنا نلحق خالد الباشا بكم سؤال كده

السينات علينا والجيمات عليك ياباشا

س1: ما هي آخر إصداراتك الشعرية وماذا أردت ان تقول فيها؟

س2:يعتبر خالد الباشا شاعر وصحفي اذا صح التعبير هل تعتقد أن الصحافة سرقتك من الشعر أم العكس وكيف تستطيع أن توفق بين الجانبين؟

س3:هل لديك طقوسا معينة عند كتابة القصيدة؟ وهل ولادة القصيدة لديك سهلة ام عسيرة؟

س4:غياب النقد الحقيقي والجاد ما هو تأثيره على الشاعر؟

س5: نسمع قولك في اسامه حمزه واركان حربه سُراي الليل ياقول طيبان

___________

وبجيكم راجع بعد اصل البيت بتسجيل قصيدة بلة شوق بصوت عوض جلاس وبعض نصوص القصائد بالطبع

اسامة حمزة
05-09-2009, 05:07 PM
لا زلنا نقف في محطة التعامل الفني بين خالد والفنان محمد النصري وقلنا ان اول تعامل بينهما كان في اغنية لاتزعلي التي خرجت للناس عبر البوم حمل اسمها ثم استمر التعاون بينهما وهنا ولضرورة التوثيق ولأن كل الاغاني التي غناها النصري لخالد الباشا وصلته كقصائد عبري انا .. لابد لي ان أدلي بشهادة بلسان النصري
كان يقول لي في كل مرة اطلعه علي عمل جديد لخالد ( انا والله الجنا ده لو عارف شيطانو ده قاعد وين كان صاحبتو ) وهو يعني شيطان الشعر االذي يلهم الابداع لخالد الباشا
وحقيقة ان محمد قد اضفي والبس شعر خالد الباشا لونا اخر وذادها جمالاً علي جمالها ...
استمر التعاون بينهما وثاني الاعمال التي غناها كانت اغنية بحر الشعاع وقد سجلها النصري في البوم ( لسه قادر )



أغنية خاتم المني ( بحر الشعاع ) ك/خالد/لحن النصري

http://sudaniyat.net/up/uploading/kmoona.mp3





.

اسامة حمزة
05-09-2009, 05:32 PM
في ترتيب الاغنيات التي غناها الفنان محمد النصري نقف علي المحطة الثالثة في مشوار التعامل الفني بينهما وذلك من خلال اغنية بالميلاد وهذه الاغنية كانت من المحطات التي اكدت انحياز عدد كبير من الناس لشاعرية خالد الباشا اذ ان مطلع الاقصيدة الذي يقول فيه خالد:



ماحبيت عينيك بالصدفة
وملاقيتك دون ميعاد
اتلاقينا صباح الدنيا وشلتك منية واتجنستك بالميلاد
اتحسستك حب بالفطرة وعشتك فكرة وشلتك زاد
من شقيتا طريق اشواقنا ولامن جيت من عندك صاد




هذا المطلع كان الناس يتبادله في شكل رسالة عبر الهاتف لفترة طويلة قبل ان تخرج الاغنية في ثوبها اللحني الحالي وقبل ان تعرف طريقها الي اذن المستمعين





اغنية بالميلاد في نموذجين بصوت النصري
http://sudaniyat.net/up/uploading/blmelaad0.mp3



http://sudaniyat.net/up/uploading/blmielad.mp3



.

خالد الباشا
05-09-2009, 06:17 PM
س1: ما هي آخر إصداراتك الشعرية وماذا أردت ان تقول فيها؟
حاولت ان اصدر ديوان (كانت حياة ) ولكن لظروف العمل .. والإحساس بي عدم اكتمال النصوص .. اخرت الفكرة شوية حتى انضج وتنضج كلماتي

س2:يعتبر خالد الباشا شاعر وصحفي اذا صح التعبير هل تعتقد أن الصحافة سرقتك من الشعر أم العكس وكيف تستطيع أن توفق بين الجانبين؟
الصحافة عندي زي الشعر وااحد اعمل بها لا محترفا ...ولكن طبيعة عملي جعلت اتجاهي تلفزيوني وانا اعمل مدير لشركة متخصصة في انتاج الأفلام الوثائقية .. والعمل في المجال ده يحتاج لتركيز شديد وخاصة لو بقت الإدارة مسئوليتك ..

س3:هل لديك طقوسا معينة عند كتابة القصيدة؟ وهل ولادة القصيدة لديك سهلة ام عسيرة؟

فجأة تجي كفكرة .. وطالما جاءت الفكرة في اي زمن اكتب القصيدة وخاصة في ساعات الإنتظار ...

س4:غياب النقد الحقيقي والجاد ما هو تأثيره على الشاعر؟

للأسف الشديد لايوجد نقد يساعد في تطوير اغنياتنا .. كانت جماعة الرواويس تجربة نقدية في حد ذاتا يتحلق شباب مثقف ومتخصص حول شاعر محدد ويبدأ النقد البناء .. وده كان ليه دور كبير في تطوير مفردات كتير من الشباب ..

س5: نسمع قولك في اسامه حمزه واركان حربه سُراي الليل ياقول طيبان
اول حاجة نبدأ بي طيبان القال ده ..
طيبان ده راجل جميل بشكل .. وزول بشوش ومن الناس الإتمنيت تدوم ساعات لقائي بيهو لي زمن اطول ..

اما اسامة حمزة .. فالبجد زول محتاجة ليهو اغنياتنا وتواريخنا وذكرياتنا .
اما السراي ..

فحقيقة اضافو نكهة للمنتدى بهذا البوست القيم .. وهم يوثقون لهذا الفن الراقي .. فشكرا لهم جميعا ...

___________

وبجيكم راجع بعد اصل البيت بتسجيل قصيدة بلة شوق بصوت عوض جلاس وبعض نصوص القصائد بالطبع[/quote]


اما انت الهادي قنديل .. فواحدة من امنياتي ان الاقيك هسة ده

خالد الباشا
05-09-2009, 07:18 PM
[quote=أسامة أحمد;96269]

مابين خالد الباشا وخالد شقوري حكاوي ومشاوير تحكيها الحروف والاغنيات

وهذه سوف نقف فيها مع خالد الباشا ليحدثنا عنها

اغنية يا يا با التي تغني بها الفنان محمد النصري كتب مقدمتها خالد شقوري ( يايابا في نظرك كتل واشوقي لي لمحة رؤاك والله تمرك ماهمل مادام مسمّدو بي شقاك )
وبذات الاحساس الذي كتبت به القصيدة والمناسبة كتب خالد الباشا بقية القصيدة وقام الفنان محمد النصري بتلحينها وتغنت بها اولا الفنانة سمية حسن في البومها الخاص باغنيات الطنبور والذي لم يجد حظه من الانتشار






لنستمع الي قصيدة يايابا بصوت خالد والنصري


http://sudaniyat.net/up/uploading/yaayaabaa.mp3

خالد عباس احمد ...

وعقدين من الزمان .. ماوجد خالد الباشا في مكان إلا وكان شقوري بجواره .. وما تواجد خالد في مركز او مؤسسة إلا وكنت انا معه ....
حتى في امواج للإنتاج الإعلامي .. وفيها لايكتمل مزاجي إلا وشقوري مشاركا في واحدة من الأعمال أوالبرامج ..

خالد شقوري .. إنسان بماتحمله الكلمة من دلالات .. وشاعر حقيقي .. يكتب الشعر بتواضع عجيب ..

التقيت معه لاول مرة في قصيدة سكة تودي وسكة تجيب .. ونحن شاقين الشارع مابين مروي وابدوم لزيارة صديقة عزيزة ارد الله غربتها ..
اختلفنا في اي الطرق نسلك .. شارع المطار الفوق واللا الشارع التحت .. فبدأ شقوري يردد..:

سكة تودي وسكة تجيب .. وبين البين عينك المرسى
وسكة تسافر في جوانا لم الشوق بيناتنا اندسة..

وكتبت انا :

لما نشيلك في خاطرنا وجوه احساسنا الكامن ترسى
ويبقى هواك ياغالية الجدول .. ونحن احساس فوق تقنتو غرسة

وكتب هو :

مالبحسو وسط عيونك .. حاجة اكبر من اريدة ..
حاجة اكبر من عيوني واكبر اكبر من قصيدة

ولقصيدة يايابا قصة وحكاية ..

وفي حوالي العام 98م ذهب خالد شقوري علي عجل بعد خبر عيون والده عباس.. وهو يقول وصل البلد العصييير .. لقى ابوه قاعد قدام البيت بهبش في قعر تمرات .. سلم عليهو وابوه ماعرفو بسبب بياض العيون ..

وكتب حزينا :
يايابا كان شوفك كمل .. باكر تشوف بي عين جناك ..
والله تمرك ما همل مادام مسمدو بي شقاك


وبعدها أتى بالوالد للخرطوم وشفي تماما والحمد لله واتفى بالبيتين اعلاه .. ولتشابه الأقدار ذهبت في العام 2000م لزيارة والدي رحمة الله عليه ... فتكرر نفس المشهد .. وعدت وكتبت القصيدة كاملة ..

ولي والأخ خالد كثير من المساجلات والمداخلات والرسائل قد لا ترى النور .. لحرية خاصة نتمتع بها ..

ولكن يظل خالد عباس واحد من الناس العلموني كيف اكتب ..

الهادي قنديل
05-09-2009, 10:31 PM
صاحبي الهادي سلامات
إنت يازول محتفظ بيها لي شنو الشي دي ؟؟؟
هي كانت تجربة وراحت مع منتدى النصري
تاني داير تحتلها لي شنو ؟؟؟
وبعدين تسجيلها زي الواطة وماهو واضح
غايتو لو واضحة وتكافي العين جيبها
وكان سجماني خلها

وهنا القصيده بصوت عوض جلاس


http://sudaniyat.net/up/uploading/ballatshoogy.mp3
المشاركة الأصلية كتبت بواسطة عوض جلاس

أغنية بلة شوقي
والتي قمت بتلحينها
للشاعر الفذ خالد الباشا

طرتني بلة شوقي يوم أنا وإنتي ناوين السفر
الدنيا كان ساعة مغيب والواطة فيها عقاب مطر

يوم شلتي إحساسك نبيل
وأنا شلت في قلبي القدر
ابكي ومعاي يجري ويسيل
دمعك على خدك وتر
يا .. قسوة الدنيا التشيل
من روعة الليل القمر

يا سر حياتي الدنيا ليل
اتذكري البقعة البحر
قاعدين على شاطي الغرام
نجدع على الموية الحجر
ترسم دواير ألمي المصير
وقدراً رضينا عشان قدر
نبكي وعلى العتمة المسير
شوق والحزن ماليني صر

وبعدك قدر ما مر يوم
يبقالي بس باكر تجي
أقعد براي انا والنجوم
يملاني صمت الليل شجي
امسك ولاد أهلي الصغار
وفيك يبقى طول الليل حجي


كانت سميحي وسُط سماح ...
كانت قمر ..
كانت نسيمي مع الرياح
مغسولة بي موية بحر
لامن يشع نور الصباح
أنا والصغار فوقك حجي
ونقعد نغني الليلي راح .. الليلي راح
الليلي راح .. وباكر يجينا وما تجي

الهادي قنديل
05-09-2009, 10:46 PM
مابين خالد الباشا وخالد شقوري حكاوي ومشاوير تحكيها الحروف والاغنيات

وهذه سوف نقف فيها مع خالد الباشا ليحدثنا عنها

اغنية يا يا با التي تغني بها الفنان محمد النصري كتب مقدمتها خالد شقوري ( يايابا في نظرك كتل واشوقي لي لمحة رؤاك والله تمرك ماهمل مادام مسمّدو بي شقاك )
وبذات الاحساس الذي كتبت به القصيدة والمناسبة كتب خالد الباشا بقية القصيدة وقام الفنان محمد النصري بتلحينها وتغنت بها اولا الفنانة سمية حسن في البومها الخاص باغنيات الطنبور والذي لم يجد حظه من الانتشار






لنستمع الي قصيدة يايابا بصوت خالد والنصري


http://sudaniyat.net/up/uploading/yaayaabaa.mp3


.

واليك نص القصيده يا اسامه
يـابــا يـــا قــمــري الـبِـهِّــل ْوحيـاتْ عيـونـي المشتـهـاك
يــا يـابـا فــي نـظـرك مِـتــل ْوآشـوقـي لــي لـهـفـة رؤاك
يـا يـابـا كــان شَـوفـك كِـمِـل ْباكر تشوف بي عين جنـاك
والله تــمــرك مـــــا هِــمـــلْ مـا دام مسـمـدو بــي شـقـاك

صِـــح يـابــا ايـامـنـا بَـتـقِـل الا المفـضـلـي مـنــو هــــاك
وعـمــري الـطـويـل فـوقــك يَضِل ينشر يابا حدود رضاك
بــس يـابـا لا تبـكـي وتـسِـل روحـي المَشكَنـة فـي هــواك
انـا بـس كفـايـا الـقـاك تـبـل ْشــوق القُـلـوب المشـتـهـاك

مـا يانـي زاتـي الـمِـن طِـفـل متلمـي ابويـا عـلـي ضــراك
ربيـتـنـي بالـصـبـر الـطِــوٍّل سويتنـي بــي بـركـة دعــاك
والليـلـي كــان حِمـلـك تِـقِــل خـت المحَمِـلـو فــوق جـنـاك
كـــان تـقــدر الأيـــام تـحِــل ديـن السنيـن وجـزا عـطـاك

بـس يابـا لا تخـاف المَـنَـون مـادام مصيـر النـاس هــلاك
واعرف كمان والدي الحَنون الصالِحـي مـا اتقطعـت وراك
وكان الله شـال نـور العِيـون يـا يابـا نحـنْ وهّــج ضِـيـاك
ان شاء الله ما تخيـب الظنـون عشمـك بتلقـي الـفـي جـنـاك

أنا كان مناي والكون عريس ألقـاك تهـش بالخـيـر جـنـاك
وكـان طـلّ دربـك يابـا ميـس شيلـن عيونـي ابـوي فِــداك
هبشنـي فـي الايـام بصـيـص احسبنـي خطـوة مَـعَ خُـطـاك
يا ريتنـي يوسـف والقميـص اكـســيــر عـويـنـاتــك دواك
يا يابا يا قمري البهِّل

اسامة حمزة
05-09-2009, 11:13 PM
في مرحلة موازية لفترة تعامل الشاعر خالد الباشا مع الفنان محمد النصري بدا عبري مشوارفني اخر بينه وبين الفنان عبد القيوم الشريف ..كانت قصيدة غناوي الفُرقة اولي حلقات هذا التعامل
كان عبد القيوم يحدثني عن اغنيات الباشا بكل اعجاب وكيف انه يتمني ان يغني له وتصادف في ذلك الوقت الاستعداد لبروفات تسجيل البوم اخر زمن
التقيت بالفنان عبد القيوم واذكر انه كان الجمعة مساءاً وقرأت له النص ..
في اليوم التالي اتصل بي عبد القيوم بعد ان اكمل لحن الاغنية



تعالوا نستمع اليها ..:-

غناوي الفرقة لحن واداء عبد القيوم الشريف
http://sudaniyat.net/up/uploading/fyzfaffk.mp3

الهادي قنديل
05-09-2009, 11:23 PM
لا زلنا نقف في محطة التعامل الفني بين خالد والفنان محمد النصري وقلنا ان اول تعامل بينهما كان في اغنية لاتزعلي التي خرجت للناس عبر البوم حمل اسمها ثم استمر التعاون بينهما وهنا ولضرورة التوثيق ولأن كل الاغاني التي غناها النصري لخالد الباشا وصلته كقصائد عبري انا .. لابد لي ان أدلي بشهادة بلسان النصري
كان يقول لي في كل مرة اطلعه علي عمل جديد لخالد ( انا والله الجنا ده لو عارف شيطانو ده قاعد وين كان صاحبتو ) وهو يعني شيطان الشعر االذي يلهم الابداع لخالد الباشا
وحقيقة ان محمد قد اضفي والبس شعر خالد الباشا لونا اخر وذادها جمالاً علي جمالها ...
استمر التعاون بينهما وثاني الاعمال التي غناها كانت اغنية بحر الشعاع وقد سجلها النصري في البوم ( لسه قادر )



أغنية خاتم المني ( بحر الشعاع ) ك/خالد/لحن النصري

http://sudaniyat.net/up/uploading/kmoona.mp3





.


اغنية تخليك تسرح غصبا عنك والله

واليكم نص القصيده


الدنيا صح فراقه لكن القلوب يا الدنيا مداكي الامان
وعـشم المسافرين الرجوع ولو ماكدي
ماكان في زول فات المكان
وانا لي حـبيب يــــوم دار يـسـيـب قال لي
قـريب برجع عشان نبني البيوت
نرسم خطوط الضو علي طول الـمكان

يا الله وين خاتم الـمنى
في رمشة العـيـن الأبـت بالـشـوق تـنـوم القاك هـنا
ارقــد عـلـي حضـنـك انــوم تمـلانـي ريــد املاك غـنا
مـا انتـي يــا بـحـر الشـعـاع الشمـسـو غـابـت مــن سنه
لـسـع بيغـسـل قلـبـي نـــور يشـرقـنـي يـــا ضـــي الـهـنـا
يـــا الـقـمـره ويـــن السـنـسـنـه لا حــتــي فــــي طــــرق
الــشـــعـــاع الــــمــــن زمـــــــــان فــــوقـــــك بــــنـــــا
هي اقـلـبي الصـفحه الـعـلي الـسـماء مـن هــناك مادام هنا
زولي البدي الدنيـا نـور ضلـم رحيلـوا الامكنـه

تراهو زي ما الطيف يمر الليل يمر اليوم يمر والعام يمر
وانـا فـي الـدريـب الفـتـا بيـهـو ألــم اتــر قـدمـك واصــر
ارجـي المسافريـن وانشـدن هـوي فـي المـدن مـا شفـتـوا
زول شـــــــايـــــــل بــــشـــــاشـــــات الــــفـــــجـــــر ؟
مـزج الصباحـات بالمغيـب لــون خــدودوا مــن العـصـر
وآه يـا بـيـوت لا دقــه بــاب لا فــات حيطـنـا العنكـبـوت

وانا لسه راقد في الرصيف
راجيك تقيف قدامي قبال ما اموت
دنيا من بعدك يباس ينشرا فــي الـوديـان سكوت
يا الله يوم كدي بالنهار فرح المواسم نفرعوا
صوت القطارت من بعيد فوق الفلنكات نسمعوا
اشواقنا والناس الزمان وكل المسافرين يرجعوا
المح حبيبي انا من بعيد يهجم قليبي ويقطعوا
حزن السنين الفينا ساد انا وانتي سوا سوا نقلعوا

اسامة حمزة
05-09-2009, 11:31 PM
اغنية تخليك تسرح غصبا عنك والله

واليكم نص القصيده


الدنيا صح فراقه لكن القلوب يا الدنيا مداكي الامان
وعـشم المسافرين الرجوع ولو ماكدي
ماكان في زول فات المكان
وانا لي حـبيب يــــوم دار يـسـيـب قال لي
قـريب برجع عشان نبني البيوت
نرسم خطوط الضو علي طول الـمكان

يا الله وين خاتم الـمنى
في رمشة العـيـن الأبـت بالـشـوق تـنـوم القاك هـنا
ارقــد عـلـي حضـنـك انــوم تمـلانـي ريــد املاك غـنا
مـا انتـي يــا بـحـر الشـعـاع الشمـسـو غـابـت مــن سنه
لـسـع بيغـسـل قلـبـي نـــور يشـرقـنـي يـــا ضـــي الـهـنـا
يـــا الـقـمـره ويـــن السـنـسـنـه لا حــتــي فــــي طــــرق
الــشـــعـــاع الــــمــــن زمـــــــــان فــــوقـــــك بــــنـــــا
هي اقـلـبي الصـفحه الـعـلي الـسـماء مـن هــناك مادام هنا
زولي البدي الدنيـا نـور ضلـم رحيلـوا الامكنـه

تراهو زي ما الطيف يمر الليل يمر اليوم يمر والعام يمر
وانـا فـي الـدريـب الفـتـا بيـهـو ألــم اتــر قـدمـك واصــر
ارجـي المسافريـن وانشـدن هـوي فـي المـدن مـا شفـتـوا
زول شـــــــايـــــــل بــــشـــــاشـــــات الــــفـــــجـــــر ؟
مـزج الصباحـات بالمغيـب لــون خــدودوا مــن العـصـر
وآه يـا بـيـوت لا دقــه بــاب لا فــات حيطـنـا العنكـبـوت

وانا لسه راقد في الرصيف
راجيك تقيف قدامي قبال ما اموت
دنيا من بعدك يباس ينشرا فــي الـوديـان سكوت
يا الله يوم كدي بالنهار فرح المواسم نفرعوا
صوت القطارت من بعيد فوق الفلنكات نسمعوا
اشواقنا والناس الزمان وكل المسافرين يرجعوا
المح حبيبي انا من بعيد يهجم قليبي ويقطعوا
حزن السنين الفينا ساد انا وانتي سوا سوا نقلعوا



الهادي اشكرك علي المتابعة والمجهود الكبير


طبعا البيت ده ( حزن السنين الفينا ساد انا وانتي سوا سوا نقلعوا ) كتبو محمد النصري عشان يوزن بيهو لحن الاغنية مع انو للاسف غيُر معني القصيدة تماماُ واصبحت كأنها مكتوبة لمؤنث وهي اصلا ما كده

تحية لك وله ولكل الرايعين

خناس هاشم
05-09-2009, 11:39 PM
الهادى واسامه
شغل عجيب والله
غايتو غلبنى الكلام كلو كلو
واصلو متابعين ومستمتعين بروائع المبدع خالد الباشا

اسامة حمزة
05-09-2009, 11:57 PM
المشوار الفني بين خالد الباشا وعبد القيوم كان قوامه اغنيتين الاولي التي اوردتها اعلاه والثانية هي اغنية ( اي زول بردو قـــدُر غتا وكل زول همّو قدر قروشو ) وقد تم تسجيلها في البوم غنائي لم يطرح في الاسواق بعد

نستمع اليها


ملاحظة : الاغنية مسجلة عبر الهاتف وقد لايبدو التسجيل واضح فعفوا


http://sudaniyat.net/up/uploading/ayzool.mp3


وهاك يالهادي القصيدة كمان






اي زول بردو قدُر غُــــتا
وكل زول همّو قدُر قروشو . .
انت شقيان ياحبيبي
إلاغير رزقك مابتحوشو
********
بعدك البيت ليل مضلم
وفوقنا منطلقات وحوشو
ومن فراقك يا الحبيّب
الحزن فارش بروشو
***********
الدروب الكان تقالد
بالفرح لمسات خطاكا ..
.. تسأل المارين عليكا
زولي مالو قعدهناكا
ماالقلوب شايلاكا فيها
واي زول بينات رموشو
*******
ياحبيبي كدي انت فكر
كيف في زول بيفوت ولادو
والله ماشقّالو حلقاً
جف من قلة رمادو
كان هنى اوكان هناكا
الله ماياهن بلادو
انت بس سو العليكا
ازرعو واحصد عيوشو
**********
يارفيق السكة اعرف
مافي قرشا جابلو فرحة
السعد شوفت عيونك
والصباحات تبقي سمحة
الضحك يملانى عافي
والهموم بالجملةيمحى
ويكفي ياضو الشميشي
بس اشوفك لما اصحي
وتبقي ضلي وضل ولادك
وتبقي باب البيت و .. حوشو


.

الهادي قنديل
05-10-2009, 12:19 AM
المشوار الفني بين خالد الباشا وعبد القيوم كان قوامه اغنيتين الاولي التي اوردتها اعلاه والثانية هي اغنية ( اي زول بردو قـــدُر غتا وكل زول همّو قدر قروشو ) وقد تم تسجيلها في البوم غنائي لم يطرح في الاسواق بعد

نستمع اليها


ملاحظة : الاغنية مسجلة عبر الهاتف وقد لايبدو التسجيل واضح فعفوا


http://sudaniyat.net/up/uploading/ayzool.mp3



.


اسامه والله دي اغنيه اقل شي يتقال عليها انها مجنونه جن

( اي زول بردو قـــدُر غتا وكل زول همّو قدر قروشو )

كان هنا او كان هناك الله ماياهن بلادو

انت بس سوي العليك ادرعو واحصد عيوشو

يارفيق الدرب اعرف مافي قرشا جابلو فرحه

الضحك يملاني عافي للهموم بالجمله يمحى

يمين اي مقطع فيها حكمة براهو

خالد الباشا مالك علينا ياخ؟؟؟

__________
اسامه والله حيرتنا

الهادي قنديل
05-10-2009, 12:25 AM
الهادى واسامه
شغل عجيب والله
غايتو غلبنى الكلام كلو كلو
واصلو متابعين ومستمتعين بروائع المبدع خالد الباشا

خناس قلتي لي رجعتي لي مقاعد المتفرجين؟؟ :p

برضو اخير من ناس كده عملو لبتون مرّة واحده:p

الهادي قنديل
05-10-2009, 12:33 AM
وهاك يالهادي القصيدة كمان





اي زول بردو قدُر غُــــتا
وكل زول همّو قدُر قروشو . .
انت شقيان ياحبيبي
إلاغير رزقك مابتحوشو
********
بعدك البيت ليل مضلم
وفوقنا منطلقات وحوشو
ومن فراقك يا الحبيّب
الحزن فارش بروشو
***********
الدروب الكان تقالد
بالفرح لمسات خطاكا ..
.. تسأل المارين عليكا
زولي مالو قعدهناكا
ماالقلوب شايلاكا فيها
واي زول بينات رموشو
*******
ياحبيبي كدي انت فكر
كيف في زول بيفوت ولادو
والله ماشقّالو حلقاً
جف من قلة رمادو
كان هنى اوكان هناكا
الله ماياهن بلادو
انت بس سو العليكا
ازرعو واحصد عيوشو
**********
يارفيق السكة اعرف
مافي قرشا جابلو فرحة
السعد شوفت عيونك
والصباحات تبقي سمحة
الضحك يملانى عافي
والهموم بالجملةيمحى
ويكفي ياضو الشميشي
بس اشوفك لما اصحي
وتبقي ضلي وضل ولادك
وتبقي باب البيت و .. حوشو


.


اسامه الله يديك العافيه التجمك في عضامك

تاني ماني قادر اقول شي

خالد الباشا بالغ فيها والله

خناس هاشم
05-10-2009, 12:34 AM
اسامه والله دي اغنيه اقل شي يتقال عليها انها مجنونه جن











يمين اي مقطع فيها حكمة براهو

خالد الباشا مالك علينا ياخ؟؟؟

__________
اسامه والله حيرتنا

الهادى انت الغنيه دى وقعتلك فوق جرح ولا شنو فى الباقيلى كده هبشت لها حاجات:confused::confused::eek::p:p

الهادي قنديل
05-10-2009, 12:41 AM
الهادى انت الغنيه دى وقعتلك فوق جرح ولا شنو فى الباقيلى كده هبشت لها حاجات:confused::confused::eek::p:p

خناس

فعلا الاغنيه وقعت لي في جرح وهبشت حاجات لكل مغترب

شوفي الكلام ده

ياحبيبي كدي انت فكر
كيف في زول بيفوت ولادو
والله ماشقّالو حلقاً
جف من قلة رمادو
كان هنى اوكان هناكا
الله ماياهن بلادو
انت بس سو العليكا
ازرعو واحصد عيوشو

ده ما الجرح زاتو ؟؟؟ :p

اسامة حمزة
05-10-2009, 12:41 AM
نعود الي محطة خالد ومحمد النصري حيث التقيا ثانيةً في العمل الوحيد الذي استلمه النصري منه مباشرة ( امانة عليك ) وكان دوري فيه المطلع الذي يقول ( امانة عليك تخت بالك علي الجواك ) ذلك ان خالد لم يكمل النص الا بعد فترة طويلة ( سافرت فيها انا واستقر بي المقام بمدينة كسلا 2004 تقريبا ً )
الاغنية هي من اروع الكلمات الي نفسي بعد بلاد الشوق وفي تقديري الشخصي ان لهما في نفس خالد وقع خاص قد لايعلمه الكثيرون



الهادي .. ياريت النص يكون عندك وتنزلو لينا هنا




امانة عليك / لحن واداء النصري / البوم ضل السحابة
http://sudaniyat.net/up/uploading/amanaalek.mp3




.

الهادي قنديل
05-10-2009, 12:48 AM
نعود الي محطة خالد ومحمد النصري حيث التقيا ثانيةً في العمل الوحيد الذي استلمه النصري منه مباشرة ( امانة عليك ) وكان دوري فيه المطلع الذي يقول ( امانة عليك تخت بالك علي الجواك ) ذلك ان خالد لم يكمل النص الا بعد فترة طويلة ( سافرت فيها انا واستقر بي المقام بمدينة كسلا 2004 تقريبا ً )
الاغنية هي من اروع الكلمات الي نفسي بعد بلاد الشوق وفي تقديري الشخصي ان لهما في نفس خالد وقع خاص قد لايعلمه الكثيرون



الهادي .. ياريت النص يكون عندك وتنزلو لينا هنا




امانة عليك / لحن واداء النصري / البوم ضل السحابة
http://sudaniyat.net/up/uploading/amanaalek.mp3




.


والهادي دايما انصاصو جاهزه يا اسامه :p

واليك نص القصيده

امانه عليك

أمانة عليك .. تخت بالك على الجواك .. علي الحلم البنينا بيــــــــــوت
علي السر الدفنّا كــــــــــــــــــــــــــلام .. تحت وجع الليـــــــالي سكوت
أمانة عليك .. قبل ترحل مع الأيام .. تشيل حلو الأماني تفــــــــــــــوت
تدس في بير حواسك ريــــــــد ... سقينا وفـــــــــا و حــمينا يمـــــــوت
و امانة عليك يظل اسمك حروف من نور علي حيط الفؤاد مشخــوت

****
عهودي معاك أموت واقف... علي باب الهـــــــــــــــــــوى المفتوح
انا البرحل محـــــــــــل ترحــــــــــل ... غمامة عليكا و ين ما تروح
لأنك إنت في الوجـــــــــــــــــــــدان ... مشكن بين حـــــــنايا الروح
موسمة بيــــك تفاصيلـــــنا ... و مضمدا بي غـــــــــــــــناك جروح
تعيش في ذاتي و الذكــــــــرى .. متـل صـــــــفق الشتــي المحتوت
****
أمانة عليك...

سنين الإلفـــة بيـــــــناتنا .. قمـــــــــــر لــــــــــيلاتك الصـــافي
تفاصيل روعتك جـــــــــــــواك ... منابع إحســــاسك الدافـــي
حواس خليتا يالمحبـــــــــــــوب .. وراك لا فيــــــــــــــنا لامافي
تموت بي شوقـــــــــــك الأفراح ... أمد باللهفة اطـــــــــرافي
مكان ما عشت في الأعماق .. هناك كلك عشق مخـــــــــتوت
****
اماني وراك مابتنســــــاب .. علي طرف العيون دمــــــــعات
امش و انا بالأماني ارجاك .. سنين عمر الجفا الجايــــــــات
و امانة عليك محل تـــــــنزل ... تمــــد حبل المحبة صــلات
يشع نور الوفا الماليــــــــــك .. تبق ليل الفراق غــــــنوات

و أمانة عليك ....
تخت بالك علي الجواك ... علي الحلم البنينا بيـــــــــــوت

****

الهادي قنديل
05-10-2009, 09:22 AM
اما انت الهادي قنديل .. فواحدة من امنياتي ان الاقيك هسة ده

خالد الباشا

اتلاقينا صباح الدنيا.. وشلتك منيه ..واتجنستك بالميلاد ..حسب خالد الباشا
يازول يازين انا شفتك وين؟؟ القلب يشوف قبال العين ..حسب حميد

اسامة حمزة
05-10-2009, 08:27 PM
ذكريات البلد لاتفارق معظم قصائد الباشا والمواقف لا تفارق خياله وسيرة البلد عنده تمثل الملهم لتفاصيل الشعر عنده

شجرة النــُص معلم من معالم الكثير من المناطق في الشمال الحبيب وهي تمثل منتصف الطريق بين مكان ومكان ما في المنطقة

وشجرة النص في خيال خالد .. مَعَلَم الهّم خالد الباشا احساس قصيدة

تعالوا نستمع اليها :-

http://sudaniyat.net/up/uploading/shigrt.mp3




.

ونواصل

طارق علي صالح
05-10-2009, 08:56 PM
خناس قلتي لي رجعتي لي مقاعد المتفرجين؟؟ :p

برضو اخير من ناس كده عملو لبتون مرّة واحده:p

نحن ما لابدين
نحن متابعين وسامعين ومستمتعين وقارين وللروابط سارقين
والمحل كير وانتو سباحين

اسامة حمزة
05-10-2009, 09:03 PM
نحن ما لابدين
نحن متابعين وسامعين ومستمتعين وقارين وللروابط سارقين
والمحل كير وانتو سباحين


ياهو حالكم بس

تجوا اخر الليل وتسرقوا الروابط


بالمناسبة دي وييييييين واصل هاشم وهديل ؟؟؟؟


تعرف ياطارق

خالد مرات عندو قصايد يبداها ومايقدر يتمها وتبقي مقاطع اتذكر منها ( من السارقوا انا من خالد )
مقطع للأم
http://sudaniyat.net/up/uploading/yayooma.mp3


عاين ياطارق .. لاحظ لـ :-
وااا شوقي لي شاي الصباح
و
يايمة ياسيدي الحسن .. ياستي مريم والبخور


ومقطع بدون عنوان

http://sudaniyat.net/up/uploading/fgor.mp3


ونواصل

الهادي قنديل
05-10-2009, 09:13 PM
طبعا يا اسامه حتكون فاجأت خالد الباشا قبل تفاجئنا بقصيدة شجرة النص


وتاني ياخالد الباشا جيتك بي كم سؤال وعارف نفسي بقيت ليك في رقبتك لكن مافي شي بيجيبك هنا بلا الاسئلة دي


س1: هل الشهره لها تأثير على حياتك ؟؟؟

س2: قد يحمل الشعر قضيه اجتماعيه...انسانيه ... اقتصاديه ..الخ
ماهي القضيه التي تود ان يحملها شعرك ؟؟؟

س3: أحيانا يفعل الانسان شيـئا وسـرعان ماينـدم عليه ..هل ندم خالد الباشا علي نشر قصيده ؟؟؟

س4: لو ماتكن شاعر ماذا كنت تريد ان تكون ؟؟؟

س5:صف لنا حالتك قبل وأثناء وبعد كتابة القصيده ؟ وهل هناك اجواء معينه تفضلها ساعه كتابه القصيده ؟؟؟

س6: ماهي القصيدة الاقرب الى قلبك ولماذا ؟؟؟ (ولماذا دي ممكن تعرّج منها اذا فيها حرج)

س7: برأيك .. من يصنع الاخر ,, القصيده ام الشاعر ؟؟؟

س8:بيت شعر كتبته وتردده دائما,, ؟؟؟

س9: بيت لشاعر تمنيت ان تكون كاتبه ؟؟؟

س10: مارأيك بالشعر النسائي وهل هناك اسماء تعجبك ..؟؟؟

الهادي قنديل
05-10-2009, 09:18 PM
نحن ما لابدين
نحن متابعين وسامعين ومستمتعين وقارين وللروابط سارقين
والمحل كير وانتو سباحين

وبوجودكم نحن سعيدين ومبسوطين وفرحانين

وعلي سرقة الروابط مسامحين

________
طارق بالله لاتبعد وخليك قريب يمكن نغرق في الكير

اسامة حمزة
05-10-2009, 09:37 PM
طبعا يا اسامه حتكون فاجأت خالد الباشا قبل تفاجئنا بقصيدة شجرة النص


ااي بيكون اتهجم
وتاني ياخالد الباشا جيتك بي كم سؤال وعارف نفسي بقيت ليك في رقبتك لكن مافي شي بيجيبك هنا بلا الاسئلة دي


س1: هل الشهره لها تأثير على حياتك ؟؟؟

س2: قد يحمل الشعر قضيه اجتماعيه...انسانيه ... اقتصاديه ..الخ
ماهي القضيه التي تود ان يحملها شعرك ؟؟؟

س3: أحيانا يفعل الانسان شيـئا وسـرعان ماينـدم عليه ..هل ندم خالد الباشا علي نشر قصيده ؟؟؟

س4: لو ماتكن شاعر ماذا كنت تريد ان تكون ؟؟؟

س5:صف لنا حالتك قبل وأثناء وبعد كتابة القصيده ؟ وهل هناك اجواء معينه تفضلها ساعه كتابه القصيده ؟؟؟

س6: ماهي القصيدة الاقرب الى قلبك ولماذا ؟؟؟ (ولماذا دي ممكن تعرّج منها اذا فيها حرج)

س7: برأيك .. من يصنع الاخر ,, القصيده ام الشاعر ؟؟؟

س8:بيت شعر كتبته وتردده دائما,, ؟؟؟

س9: بيت لشاعر تمنيت ان تكون كاتبه ؟؟؟

س10: مارأيك بالشعر النسائي وهل هناك اسماء تعجبك ..؟؟؟
يا الهادي سؤال الاجواء ده صعب خااااااالص اسألني منو انا ده

خناس هاشم
05-10-2009, 09:55 PM
سراى الليل
ازيكم ياخى يمين الواحد بقى لو حصل يوم وما دخل القوز ده يحس زي الرايحه ليهو حاجه
لكن تعالو مسؤلين من الخير حكايه سرقه الروابط دى شنو كمان الواحد بقى ماعارف روحو قاعد وين زاتو :p:p

الهادى واسامه شغلكم نضيف خليتونا قعدنا كنب واصلو متابعين بى مزاااااااج

اسامة حمزة
05-10-2009, 10:10 PM
ولأني عرفته عن قرب فإن اقرب مايمكن ان اصف به خالد انه انسان عاطفي بكل المعاني وهو يعرف كيف يدخل الي قلبك مباشرةً
هذه العاطفة تبدو واضحةً لكل من يتمعن اشعار خالد خاصة العاطفية منها فهو يحس بكم من المشاعر الدفاقة تنساب من كلماته واحرف قصائده


( بحبك لأنك ) .. قصيدة عن زمن جميل

http://sudaniyat.net/up/uploading/bhbkklank.mp3


تصدقوا .. من زمن وانا نفسي اسأل خالد سؤال .. :-
بحبك لأنك .. وطرتني بلة شوقي .. العلاقة بيناتن شنو ؟؟

الهادي قنديل
05-10-2009, 10:22 PM
ولأني عرفته عن قرب فإن اقرب مايمكن ان اصف به خالد انه انسان عاطفي بكل المعاني وهو يعرف كيف يدخل الي قلبك مباشرةً
هذه العاطفة تبدو واضحةً لكل من يتمعن اشعار خالد خاصة العاطفية منها فهو يحس بكم من المشاعر الدفاقة تنساب من كلماته واحرف قصائده


( بحبك لأنك ) .. قصيدة عن زمن جميل

http://sudaniyat.net/up/uploading/bhbkklank.mp3


تصدقوا .. من زمن وانا نفسي اسأل خالد سؤال .. :-
بحبك لأنك .. وطرتني بلة شوقي .. العلاقة بيناتن شنو ؟؟

تعرف يا اسامه

المقطع الاول قبل زمن كان متداول برسائل الموبايل

وقدر مافتشت علي باقي الكلام السمح ده مالقيتلو اثر ... والكاتبو منو زاتو ماعرفتو

غايتو يا اسامه انا كنت قايل نفسي بعرف خالد الباشا من خلال اعماله

لكن للشايفو ده يبقالي يادوب بدينا التعارف :p

خالد الباشا ياخي انت زول كتاب خالص خالص

اسامه حمزه كل يوم بتدهشنا

اسامة حمزة
05-10-2009, 10:38 PM
تعرف يا اسامه

المقطع الاول قبل زمن كان متداول برسائل الموبايل

وقدر مافتشت علي باقي الكلام السمح ده مالقيتلو اثر ... والكاتبو منو زاتو ماعرفتو

غايتو يا اسامه انا كنت قايل نفسي بعرف خالد الباشا من خلال اعماله

لكن للشايفو ده يبقالي يادوب بدينا التعارف :p

خالد الباشا ياخي انت زول كتاب خالص خالص

اسامه حمزه كل يوم بتدهشنا


تعرف ي الهادي

اغلب قصايد خالد دي كانت بدت في شكل رسايل بيني وبينو وكنت اغلبها برسلا لي شلة الرواويس
وبعدها بتنتشر

زي .. سكة تودي وسكة تجيب وبين البين عينيك المرسي

كنا انا وخالد بنعمل فيها علامة مميزة ونفكها تلف وتجي راجعة

مرة خالد كاتب مقال عن الرسايل ال بتمرق من زول وتجيهو راجعة وهي محرفة وكتير بتحصل

اسامة حمزة
05-10-2009, 11:00 PM
بيني وبينك
قصيدة تختلف في تفاصيلها واحساسها عن بقية القصائد .. حتي مفرداتها هي ذات طابع واحساس خاص

هذه القصيدة من القصائد الحزينة بشكل مختلف عند خالد الباشا


بيني وبينك


http://sudaniyat.net/up/uploading/benywbaenk.mp3



.

الهادي قنديل
05-10-2009, 11:08 PM
لك ولهم نص بيني وبينك
بيني وبينك كان ميثاق ..... وعهـود مكتوبـة علـي الاحـداق
وكلمة ثقة قلناهـا زمـان ..... إندفنـت وسكنـت فـي الأعمـاق
القلم البيهو انكتب العهد كان القلم الشوق ... والحبر اشواق
الـشـاهـد الـمـاضـي كـــان الـمـاضـي .. والـزمــن الـهـسـع..
كــــــــــــــــــان هـــــــــــــــــــو الــــــدفــــــتـــــــر والاوراق
وعـدك إنــك تحـفـظ عـهـدك ..امـانـة نشـيـلا عـلـي الاعـنـاق
واتوكـلـنـا عـلـيـك يـــا الله... وبـحــر الــريــد الأعــكــر راق
كنتـي الواحـة الراميـة الضـل .. وشجـر الريـد التحتـو إرتـاح
وكنتـي النسمـة اللينـا تضـل.. مـن حـر الدنـيـا البـقـي لـفـاح
وكــنــتـــي الـبــســمــة الــبــيــهــا بــــشــــرك لــــلافــــراح
وياواحتـنـا الرامـيـة الـضـل ..هـســع ضـلــك بـقــى رقـــراق
ويبس الشجر الناير واخدر ... صفقو اتحتحـت صبـح افـراق
وانتـي بقيتـي االحـزن الاكـبـر .. نــام اتـوسـد فــي الاعـمـاق
جــــد كـنـتــي الــخــدرة الــفـــي الايـــــام مـتــمــدي ربــيـــع
وانــــا طــفــلا بــــزرع فــــي الاحــــلام يــادوبـــو رضــيـــع
متخيلت الريد الكان بيناتنا يضيع... ماتصورت علي الاطلاق
يتهده البيت الساسو حنان ..... وصرح الريد البقـي عمـلاق
ماتخـيـلـت الـــروح الـمـنـك وبـيــك بتـعـيـش الـدنـيـا امــــان
يــــــوم تـبــقــيــلا .... حـــبــــل الـمـشـنــقــة والــشــنَـــاق
ماتخيلـت الحاصـل هسـة وكـل الشفـتـو انــا فـيـك مــا خـايـل
الا خــلاس مــادام القسـمـة وإيــد الـقـدرة وحـصـل الحـاصـل
وسـاقـك قلـبـك لـــي دنـيـاكـي ولـــي دنـيـايـا لقـيـتـي بـدايــل
بـسـأل الله يـغـيـر حـالــك .. ويـعــدل بـاكــر حـالــي الـمـايـل
والــــــــــــــف وداع وواع يـــــــاريـــــــدي الـــــــضــــــــاع
يـــــالـــــزول الـــلـــيــــك انــــــــــا كُــــــــــت مـــشـــتــــاق
وداع ووداع يـــــــــــــانـــــــــــــور وشـــــــــــــعـــــــــــــاع
يـــالـــشـــمــــس الــــغــــابـــــت فـــــــــــــي الافـــــــــــــاق
والله يـــــخــــــون الـــخــــايــــن وبــــــــــــاع الــــعــــهــــد
الــــــحـــــــب الـــــــكـــــــان بــيـــنـــاتـــنـــا وثــــــــــــــاق

AMALOSA
05-10-2009, 11:24 PM
السلام عليكم ورحمه الله

دي اول مشاركه لي في المنتدى وانشاء الله نتواصل
بالجد انغام الطنبور تهز الكيان وكل وتر من اوتاره تعزف لحن يكون مرسل لحاسه معينه في دواخلنا
اما عن المبدع خالد شاعر جميل وقصائده معبره واكتر من رائعه
ولكم التحيه

خناس هاشم
05-10-2009, 11:25 PM
لك ولهم نص بيني وبينك
بيني وبينك كان ميثاق ..... وعهـود مكتوبـة علـي الاحـداق
وكلمة ثقة قلناهـا زمـان ..... إندفنـت وسكنـت فـي الأعمـاق
القلم البيهو انكتب العهد كان القلم الشوق ... والحبر اشواق
الـشـاهـد الـمـاضـي كـــان الـمـاضـي .. والـزمــن الـهـسـع..
كــــــــــــــــــان هـــــــــــــــــــو الــــــدفــــــتـــــــر والاوراق
وعـدك إنــك تحـفـظ عـهـدك ..امـانـة نشـيـلا عـلـي الاعـنـاق
واتوكـلـنـا عـلـيـك يـــا الله... وبـحــر الــريــد الأعــكــر راق
كنتـي الواحـة الراميـة الضـل .. وشجـر الريـد التحتـو إرتـاح
وكنتـي النسمـة اللينـا تضـل.. مـن حـر الدنـيـا البـقـي لـفـاح
وكــنــتـــي الـبــســمــة الــبــيــهــا بــــشــــرك لــــلافــــراح
وياواحتـنـا الرامـيـة الـضـل ..هـســع ضـلــك بـقــى رقـــراق
ويبس الشجر الناير واخدر ... صفقو اتحتحـت صبـح افـراق
وانتـي بقيتـي االحـزن الاكـبـر .. نــام اتـوسـد فــي الاعـمـاق
جــــد كـنـتــي الــخــدرة الــفـــي الايـــــام مـتــمــدي ربــيـــع
وانــــا طــفــلا بــــزرع فــــي الاحــــلام يــادوبـــو رضــيـــع
متخيلت الريد الكان بيناتنا يضيع... ماتصورت علي الاطلاق
يتهده البيت الساسو حنان ..... وصرح الريد البقـي عمـلاق
ماتخـيـلـت الـــروح الـمـنـك وبـيــك بتـعـيـش الـدنـيـا امــــان
يــــــوم تـبــقــيــلا .... حـــبــــل الـمـشـنــقــة والــشــنَـــاق
ماتخيلـت الحاصـل هسـة وكـل الشفـتـو انــا فـيـك مــا خـايـل
الا خــلاس مــادام القسـمـة وإيــد الـقـدرة وحـصـل الحـاصـل
وسـاقـك قلـبـك لـــي دنـيـاكـي ولـــي دنـيـايـا لقـيـتـي بـدايــل
بـسـأل الله يـغـيـر حـالــك .. ويـعــدل بـاكــر حـالــي الـمـايـل
والــــــــــــــف وداع وواع يـــــــاريـــــــدي الـــــــضــــــــاع
يـــــالـــــزول الـــلـــيــــك انــــــــــا كُــــــــــت مـــشـــتــــاق
وداع ووداع يـــــــــــــانـــــــــــــور وشـــــــــــــعـــــــــــــاع
يـــالـــشـــمــــس الــــغــــابـــــت فـــــــــــــي الافـــــــــــــاق
والله يـــــخــــــون الـــخــــايــــن وبــــــــــــاع الــــعــــهــــد
الــــــحـــــــب الـــــــكـــــــان بــيـــنـــاتـــنـــا وثــــــــــــــاق


والله كلمات اقل مايقال عنها انها عجيييييييييييبه روعه فوق الوصف
غايتو يا خالد قاعد تفش الناس بى كلامك ده كل واحد بلقى روحو فى واحده من قصائدك
انسان مبدع بمعنى الكلمه

الهادى واسامه والله مافى كلام حقو نديكم وسام الانجاز عديل فى خالد الباشا ده
حقيقى على قول الهادى يادوب شكلنا بدينا نعرفو

اسامة حمزة
05-10-2009, 11:29 PM
تعرف يا هادي

سنة 96 في دنقلا .. مشيت اجمع ديوان خالد الباشا .. اتذكر الزولة الكانت بتطبع لي اسمها هالة .. دي زولة مجنونة شعر .. هل تصدق انها حافظة كل اشعار نزار قباني وفاروق جويدة !!!!
المهم جمعت عندها الديوان والطباعة استغرقت زي كم و20 يوم
لما جيت استلم لقيتا حافظة نص الديوان وقالت لي واتذكر تماااما انها اكتر قصيدة لفتت نظرها هي القصيدة دي

نواصل ..

وقبل ان ندخل الي الجانب الدرامي في اشعار خالد نقول ان اخر المحطات التي التقي فيها شعراً محمد النصري وخالد كانت ( عندك خبر ) وهنا ارجو ان ابدي راياً قاله لي محمد النصري يوما وهو يترنم ببداية لحنها وبحضور ود العوض .. قال لي ان هذه القصيدة لها في اغنياتي احساس خاص
وبالفعل قد لاحظت ذلك في عدد من ملمات قبيلة الطنبور ما ان يبدا النصري في التغني بها الا وشاركه الجمهور فيها بكل احساسه .. ولاحظت في كل مرة ان محمد يغنيها باحساس واداء مختلف تماما عن سابقه

الاخت خناس .. سبق وان اوردتي قصيدة عندك خبر كنص مكتوب .. ونستاذنك في رفعه ثانيةً الان وسا قوم برفعها بصوت النصري في عدة نماذج

خناس هاشم
05-10-2009, 11:49 PM
السلام عليكم ورحمه الله

دي اول مشاركه لي في المنتدى وانشاء الله نتواصل
بالجد انغام الطنبور تهز الكيان وكل وتر من اوتاره تعزف لحن يكون مرسل لحاسه معينه في دواخلنا
اما عن المبدع خالد شاعر جميل وقصائده معبره واكتر من رائعه
ولكم التحيه


مادام اول مشاركه يبقى لينا لينا الشرف والله والقوز نور
وزي ماقلنا خالد ماهو زولا هين عشان كده جابلنا الناس الجداد فوق قوزنا ده
يلا شاينا جاهز ولقيماتنا حاره
مرحب حباااااااابك مره تانيه وليك ولي كل السراى عندك خبر كما طلبتها يا اسامه (عشان تعرف كلنا جاهزين بالنصوص يا الهادى:p:p)


عندك خبر ..
لليلي حبي انا مافتر
لاجف قلبي من النزيف لا انهد حيلي من السفر
شايلك حسيس قلبي البدق .. إيقاع حياتي علي وتر
يعزف مع الدم مشتهيك .. زي لهفة الصي للمطر
راجيك تبلي الشوق تجي .. في موسم الغنا والزهر
يخضر جفاف دنيانا ريـــــــــــــــــد يطرد ضلمتنا القمر
عندك خبر لايوم أموت تبريني ياأجمـــــــل قــــــــــــــــــــدر

عندك خبر قلبي البموت بي شوقو ليك ..
يهواكى رغم المستحيل
يهواك طال مانبضو حي ..
وطال مابيسقي أرضنا نيل
يهواكي زي ما العازة ريد
مدلوق علي قلب الخليل ..
يهواك دروب من شوق وشوق
مزروع علي طرف البحر
ومسنود علي أكتاف النخيل
ماقلبي بي شوقك بدأ ..
يا منتهي العشق النبيل


أما الخبر .. ياحلوة لاقدر الأسى
لاالفرقة لاجور السنين ..
يكتم إرادة زول دفن ..
إحساسو في قلبك حنين
مستني نور طيفك يصل ..
ولهفة عويناتك تبين
احكيلا كيف .. الدنيا صيف
وكيفن بلاك الكون حزين


وآخر خبر ....
ياحلوة لاتبكي المصير .. وقدر الموالفين الفراق
وقدر المتلنا مشي الهجير .. وسفر الأماني طويل وشاق
يسعدني إنك بت هواي .. تبينا من شفع دقاااق
مغروسة في جوايا ريد .. ومحفورة ساساتك غراااق

اسامة حمزة
05-10-2009, 11:51 PM
الاخت amalosa لو كنا نعلم بمقدمك لفرشنا لك الزهور فرحةً بمجيئك ومرورك الجميل

نرحب بيك وانت تهدينا اول حروفك في قوزنا العامر .. وجودك بيننا يسعدنا وحتما ستكوني اضافة واسم يشكل حضوره المتميز معنا

شكرا لك ولاولي مشاركاتك ونتمني انك تتابعي معنا سهرنا فوق القوز واكيد عندك لينا الكتير

تحية وترحيب واهلا بيك ونهديك كل الجاي من جميل ابداع الباشا



هذه عدة نماذج لاغنية ( عندك خبر ) بصوت النصري


http://sudaniyat.net/up/uploading/indikkhapar.mp3


http://sudaniyat.net/up/uploading/indikkhapar.mp3


.

الهادي قنديل
05-10-2009, 11:52 PM
تعرف يا هادي

سنة 96 في دنقلا .. مشيت اجمع ديوان خالد الباشا .. اتذكر الزولة الكانت بتطبع لي اسمها هالة .. دي زولة مجنونة شعر .. هل تصدق انها حافظة كل اشعار نزار قباني وفاروق جويدة !!!!
المهم جمعت عندها الديوان والطباعة استغرقت زي كم و20 يوم
لما جيت استلم لقيتا حافظة نص الديوان وقالت لي واتذكر تماااما انها اكتر قصيدة لفتت نظرها هي القصيدة دي

نواصل ..




تعرف يا سامه اشعار خالد الباشا تجبر اي زول يقراها انو يعيد قرأتها مرات ومرات الى ان يحفظها
وهل تصدق لو قلت ليك اي قصيدة جديده نزلت في هذا البوست لخالد الباشا انا حفظتها من الالف للياء
واكاد اجزم بأنني حفظت قصائد الباشا اكثر من الباشا نفسه
وقبل ان ندخل الي الجانب الدرامي في اشعار خالد نقول ان اخر المحطات التي التقي فيها شعراً محمد النصري وخالد كانت ( عندك خبر ) وهنا ارجو ان ابدي راياً قاله لي محمد النصري يوما وهو يترنم ببداية لحنها وبحضور ود العوض .. قال لي ان هذه القصيدة لها في اغنياتي احساس خاص
وبالفعل قد لاحظت ذلك في عدد من ملمات قبيلة الطنبور ما ان يبدا النصري في التغني بها الا وشاركه الجمهور فيها بكل احساسه .. ولاحظت في كل مرة ان محمد يغنيها باحساس واداء مختلف تماما عن سابقه

وتأكيدا لكلامك انا في عدة مواضع استمعت لهذه الاغنيه من النصري بصورة مختلفه عن سابقتها .. حتى قلت في نفسي ان الباشا كتب الكلمات لشئ خاص بالنصري

خناس هاشم
05-11-2009, 12:08 AM
تعرف يا سامه اشعار خالد الباشا تجبر اي زول يقراها انو يعيد قرأتها مرات ومرات الى ان يحفظها
وهل تصدق لو قلت لي اي قصيدة جديده نزلت في هذا البوست لخالد الباشا انا حفظتها من الالف للياء
واكاد اجزم بأنني حفظت قصائد الباشا اكثر من الباشا نفسه

وتأكيدا لكلامك انا في عدة مواضع استمعت لهذه الاغنيه من النصري بصورة مختلفه عن سابقتها .. حتى قلت في نفسي ان الباشا كتب الكلمات لشئ خاص بالنصري

الشيئ الجميل فى كلمات خالد انو بتلقى نفسك فيها وان ماكنت عايش قصه مماثله لى قصه القصيده بتحس انو بيعبر عنك وده الشي البخلي الواحد يحفظا بدون حتى مايشعر
وده فى اعتقادى قمه الاحساس من الشاعر ان يستطيع ان ينقلك باحساسه لتعيش معه فى احساس الكلمات وكانك بطلها

اما النصرى غايتو الزول ده محيرنى عديل لانو كل مره بتحس بى احساس مختلف لما تسمع الاغنيه منو

واصل هاشم
05-11-2009, 12:37 AM
السراي كيفنكم وكيف حالكم
ما شاء الله مشيتو مشي جد
كتر خيركم علي الابداع الجميل دا



[size=5]ياهو حالكم بس

تجوا اخر الليل وتسرقوا الروابط


بالمناسبة دي وييييييين واصل هاشم وهديل ؟؟؟؟


][/align]


[color=#ff0000]ونواصل

كتر خيرك يا اسامة علي السؤال
واصل كان في قوز تاني ايييييييييك داك القوز ولا بلاش حاجة رووووووووعة فاقداكم بس

اسامة حمزة
05-11-2009, 12:39 AM
الشيئ الجميل فى كلمات خالد انو بتلقى نفسك فيها وان ماكنت عايش قصه مماثله لى قصه القصيده بتحس انو بيعبر عنك وده الشي البخلي الواحد يحفظا بدون حتى مايشعر
وده فى اعتقادى قمه الاحساس من الشاعر ان يستطيع ان ينقلك باحساسه لتعيش معه فى احساس الكلمات وكانك بطلها

اما النصرى غايتو الزول ده محيرنى عديل لانو كل مره بتحس بى احساس مختلف لما تسمع الاغنيه منو


تعرفي ياخناس .. فعلا كل مرة الزول يسمع الاغنية يجيهو احساس براااااهو .. ياربي ده شنو ؟؟؟؟



كدي اسمعيها هنا

http://sudaniyat.net/up/uploading/ink101.mp3
.

وهنا كمان

http://sudaniyat.net/up/uploading/in001000.mp3



.

اسامة حمزة
05-11-2009, 12:51 AM
السراي كيفنكم وكيف حالكم
ما شاء الله مشيتو مشي جد
كتر خيركم علي الابداع الجميل دا





كتر خيرك يا اسامة علي السؤال
واصل كان في قوز تاني ايييييييييك داك القوز ولا بلاش حاجة رووووووووعة فاقداكم بس




الخبر شنو ووووين محل القوز د اصلنا بقينا نحب القيزان ورينا محلو بس وتلقانا قدامك

الهادي قنديل
05-11-2009, 12:54 AM
السراي كيفنكم وكيف حالكم
ما شاء الله مشيتو مشي جد
كتر خيركم علي الابداع الجميل دا





كتر خيرك يا اسامة علي السؤال
واصل كان في قوز تاني ايييييييييك داك القوز ولا بلاش حاجة رووووووووعة فاقداكم بس


واصل ايا زول حمد الله علي السلامه

وبركه الجيتنا طيب وشايفك جيت محمّل من قوزك البي غادي

اما قصة كتر خيرك يا اسامه دي ... اسامه براهو السأل منك

اها جبتها ليك بالمستندات ياصاحبي

امسك قول واحد

خناس قلتي لي رجعتي لي مقاعد المتفرجين؟؟

برضو اخير من ناس كده عملو لبتون مرّة واحده

ودي كان عندك فيها شك

امسك قول اتنين
واصل يا اسامه

وبمناسبة واصل دي شايفو مسجل غياب ويجي يقول ماذكروا اسمي :p

غايتو كتر خيري :p

واصل هاشم
05-11-2009, 01:04 AM
الخبر شنو ووووين محل القوز د اصلنا بقينا نحب القيزان ورينا محلو بس وتلقانا قدامك

يا زول دا قوز حديثو براهو

بتلقاهو في بوست اسمو (مهرجان mano mundo حيث ثقافات العالم)

واصل هاشم
05-11-2009, 01:05 AM
واصل ايا زول حمد الله علي السلامه

وبركه الجيتنا طيب وشايفك جيت محمّل من قوزك البي غادي

اما قصة كتر خيرك يا اسامه دي ... اسامه براهو السأل منك

اها جبتها ليك بالمستندات ياصاحبي

امسك قول واحد



ودي كان عندك فيها شك

امسك قول اتنين


غايتو كتر خيري :p

ايا الهادي كتر خيرك الشوية دي
والله انت الخير والبركة كلها لا تلومني اصلو انا جاي وبي جاز المصافي قلت اخش اسلم واطلع:D:p
كتر خيرك يا ملك

خناس هاشم
05-11-2009, 01:05 AM
الخبر شنو ووووين محل القوز د اصلنا بقينا نحب القيزان ورينا محلو بس وتلقانا قدامك

اسامه ماشفت القوز الكان فيهو واصل؟؟!!!!
بالغت والله
ماشفت الولد بقى يمشى لى قيزان عجيييييييييييبه
امشى غايتو الحق يالحقت ليك سوشى ياما لحقت:p:p
باقى الولد مابقى هين وتانى ان رفع لينا القزاز مافى زول يسالو غايتو

اسامة حمزة
05-11-2009, 05:02 AM
اسامه ماشفت القوز الكان فيهو واصل؟؟!!!!
بالغت والله
ماشفت الولد بقى يمشى لى قيزان عجيييييييييييبه
امشى غايتو الحق يالحقت ليك سوشى ياما لحقت:p:p
باقى الولد مابقى هين وتانى ان رفع لينا القزاز مافى زول يسالو غايتو

ااي شايفو .. وانا اقول هو غاتس وين

وحتي لمن يجي .. بس دقايق ويمشي
اها واصل وعرفناهو غاتس في ( بطاطس ) .. ياربي د .هديل تكون غاتسة وين ..؟؟

اكيد تجي تقول كنت في مؤتمر الرؤساء العرب في شرم الشيخ

خناس لاحظي لي مشاركتك دي وشوفي الارقام دي عاملة كيف
http://sudaniyat.net/up/uploading/untitled1001.jpg

AMALOSA
05-11-2009, 07:09 AM
صباح الخيرات عليكم اهل القوز

اشكرك اخي خناس علي الترحيب والشاي بالقيمات الجميل جدا وانشاء الله عامرين

والقوز منور بوجودكم

لكم التحيه

AMALOSA
05-11-2009, 07:22 AM
صباحكم خير اهل القوز

اشكرك اخي اسامه وترحيبك اجمل من الورود افتراشا ومما يسعدني اني اكون بينكم

في القوز العامر بوجودكم وشكرا علي الاهداء وياريت لو الاقي عندك باقي قصيده

بحبك لأنك


لكم التحيه

عوض جلاس
05-11-2009, 08:12 AM
يا زول دا قوز حديثو براهو

بتلقاهو في بوست اسمو (مهرجان mano mundo حيث ثقافات العالم)



سلام
القيزان كمان بقت خشم بيوت ولا شنو ؟؟؟؟
يعني نلبس البنريطي ونجيكم في قوز الخواجات بي غادي ؟؟؟
سمح

هديل
05-11-2009, 08:20 AM
اها واصل وعرفناهو غاتس في ( بطاطس ) .. ياربي د .هديل تكون غاتسة وين ..؟؟

اكيد تجي تقول كنت في مؤتمر الرؤساء العرب في شرم الشيخ


مؤتمر الاطباء العرب يا اسامه فى فندق قراند حياه القاهره ....غايتو كان حكايه

انا لولا خالد الباشا كنت ظللت القزاز ورفعتو بعد المؤتمر دا...

----
دا توقيع حضور ...كدى اقرا الفاتنى واجيكم بمهله
------
سراى الليل والله مشتاقين

اسامة حمزة
05-11-2009, 09:06 AM
صباح الخيرات عليكم اهل القوز

اشكرك اخي خناس علي الترحيب والشاي بالقيمات الجميل جدا وانشاء الله عامرين

والقوز منور بوجودكم

لكم التحيه

اختي خناس ... عجبني ليك عشان قلنا غيّري اسمك ده

اسامة حمزة
05-11-2009, 09:16 AM
صباحكم خير اهل القوز

اشكرك اخي اسامه وترحيبك اجمل من الورود افتراشا ومما يسعدني اني اكون بينكم

في القوز العامر بوجودكم وشكرا علي الاهداء وياريت لو الاقي عندك باقي قصيده

بحبك لأنك


لكم التحيه


اختي amalosa

تحية عطرة وندية

نرحب بوجودك بيننا وسعداء اكتر ان تمنحينا كل مشاركتك فيالقوز المتواضع

خليك معانا .. كوني واحدة مننا

خناس هاشم
05-11-2009, 10:29 AM
اشكرك اخي خناس علي الترحيب والشاي بالقيمات الجميل جدا وانشاء الله عامرين

اختي خناس ... عجبني ليك عشان قلنا غيّري اسمك ده

ووووووووب على خناس هى
حتى انتى يا amalosa
غايتو انا والله حردااااااانه لامن تشوفو لى حل مع الموضوع ده :p:p
كمان جابت ليها شماته يا اسامه
اها ده طرفى منكم النمشى اشوف لى مؤتمر ولا مهرجان افك فيهو حردتى دى
واسمى مانى مغيراهو يا اسامه:p:p

اسامة حمزة
05-11-2009, 12:27 PM
طبعا يا اسامه حتكون فاجأت خالد الباشا قبل تفاجئنا بقصيدة شجرة النص


وتاني ياخالد الباشا جيتك بي كم سؤال وعارف نفسي بقيت ليك في رقبتك لكن مافي شي بيجيبك هنا بلا الاسئلة دي


س1: هل الشهره لها تأثير على حياتك ؟؟؟

س2: قد يحمل الشعر قضيه اجتماعيه...انسانيه ... اقتصاديه ..الخ
ماهي القضيه التي تود ان يحملها شعرك ؟؟؟

س3: أحيانا يفعل الانسان شيـئا وسـرعان ماينـدم عليه ..هل ندم خالد الباشا علي نشر قصيده ؟؟؟

س4: لو ماتكن شاعر ماذا كنت تريد ان تكون ؟؟؟

س5:صف لنا حالتك قبل وأثناء وبعد كتابة القصيده ؟ وهل هناك اجواء معينه تفضلها ساعه كتابه القصيده ؟؟؟

س6: ماهي القصيدة الاقرب الى قلبك ولماذا ؟؟؟ (ولماذا دي ممكن تعرّج منها اذا فيها حرج)

س7: برأيك .. من يصنع الاخر ,, القصيده ام الشاعر ؟؟؟

س8:بيت شعر كتبته وتردده دائما,, ؟؟؟

س9: بيت لشاعر تمنيت ان تكون كاتبه ؟؟؟

س10: مارأيك بالشعر النسائي وهل هناك اسماء تعجبك ..؟؟؟



الهادي كيفك

طبعا حاجات كتيرة حا يتفاجأ بيها خالد هنا

خالد الباشا ..

تتذكر الابيات دي ؟؟؟؟؟




حيّ والا مات ..

و الا لسع فيهو روح

هي الشمعة وكتين تتحرق

ايه يعني تاني بلا تسوح

والتضحيات ضو النهار

ننساها نحن بعد تروح

ومهما اندمل طعن الرماح

في الجـِـتّة ببقي اتر جروح

ياصاحبي ميّت والا حي

والا لسّع فيهو رُوُح




هذه الابيات اخوتي كتبها خالد الباشا ردا علي سؤالي المتكرر له عن خالد شقوري الذي كان قد غاب عنا فترة في زحمة اعماله .. كنت اكرر سؤالي له ( خالد ده حي والا مات ؟؟ )

اسامة حمزة
05-11-2009, 12:45 PM
من الابيات التي لم تكتمل بل وفي تقديري انها لو اكتملت ماكانت لتعبر عن مضمونها وهي تمثل هكذا مقطعاً حنيناً

وطبعا ياخالد الباشا الابيات دي اكيد راحت منك





خالد عباس .. خالد عباس

جاييك والشوق اضناني خلاس

احكيلك كيف .. في عز الصيف

عمري النديان انشّره يباس

كيفن في ابدوم ماضُقت النوم

بي شوق احباب إتقلـّـب حاس

خالد عباس .. خالد عباس


طبعا واضح ياشباب ان الابيات ايضاً مكتوبة في ما بين خالد وخالد وما حملته علاقتهما من مودة وحنين وشوق


( خالد الباشا .. لقيتني كيف ؟؟ !!!)

واصل هاشم
05-11-2009, 10:51 PM
ايا ناس مالكم الليلة ولا زول فيكم قال يجي يقعد في الرملة دي مافي
يوم اجي القاكم مافي
دا حظ شنو دا

خالد شقوري
05-11-2009, 10:52 PM
لم تبرح عينيه النظارة الطبية منذ ان رايته اول مرة وهو في ثورية ( كاملة الدسم) .. يلعن امر يكا علي طريقته وهو صديق للكل علي اختلافهم ..
قدم الي الخرطوم من مروي بلا دراسة جدوي مسبقة ومكث بها كذلك !!
يهرب من الشعر ولا يستطيع الا بما تسمح به مشغولياته ..
يكتب حروفه في حدة ( شوكة التمر ) وحلاوة الرطب .. شخصيته كحروفه وكل المدارس الشعرية تنصهر داخل قصيدته المتمردة
يمارس المدنية ولا يعشقها .. يعشق القرية ولا يمارسها الا في لكنته وقصيدته وشوقه الدائم للبلد .. هذا هو خالد الباشا ( خالد خليفة التوم خليفة )

مابيني وبينه مشاوير من الحروف والغناوي ومواقف من الفرح والحزن



كل السراي .. هذا هو ديدنكم .. تحملون الليل( غناوي ) وترسمون كل الخواطر في كتاب


لكم انبل تحياتي

اسامة حمزة
05-11-2009, 10:56 PM
ايا ناس مالكم الليلة ولا زول فيكم قال يجي يقعد في الرملة دي مافي
يوم اجي القاكم مافي
دا حظ شنو دا




واصل ازيك ... افتقدناك والله .. خبرك شنو مع مهرجانات الاكل الكبيرة دي

هديل
05-11-2009, 11:00 PM
ايا ناس مالكم الليلة ولا زول فيكم قال يجي يقعد في الرملة دي مافي
يوم اجي القاكم مافي
دا حظ شنو دا



ويجو يقولو رافعين القزاز ...

غايتو انا بديهم ربع ساعه بس ...اكان ما ظهرو يانى الماشه شايفه لى مؤتمر تانى

والغتسه الياها

اسامة حمزة
05-11-2009, 11:03 PM
المشاركة الاصلية بواسطة خالد شقوري : -

لم تبرح عينيه النظارة الطبية منذ ان رايته اول مرة وهو في ثورية ( كاملة الدسم) .. يلعن امر يكا علي طريقته وهو صديق للكل علي اختلافهم ..
قدم الي الخرطوم من مروي بلا دراسة جدوي مسبقة ومكث بها كذلك !!
يهرب من الشعر ولا يستطيع الا بما تسمح به مشغولياته ..
يكتب حروفه في حدة ( شوكة التمر ) وحلاوة الرطب .. شخصيته كحروفه وكل المدارس الشعرية تنصهر داخل قصيدته المتمردة
يمارس المدنية ولا يعشقها .. يعشق القرية ولا يمارسها الا في لكنته وقصيدته وشوقه الدائم للبلد .. هذا هو خالد الباشا ( خالد خليفة التوم خليفة )

تحية لك اخي شقوري وانت تلخص لنا كل الباشا في هذه الاسطر المنمقة

مابيني وبينه مشاوير من الحروف والغناوي ومواقف من الفرح والحزن


ومابينهما كل الحروف الندية .. حكي خالد الباشا في سطور سابقة عن

سكة تودي وسكة تجيب وبين البين عينيك المرسي


كل السراي .. هذا هو ديدنكم .. تحملون الليل( غناوي ) وترسمون كل الخواطر في كتاب


لكم انبل تحياتي

اسامة حمزة
05-11-2009, 11:05 PM
ويجو يقولو رافعين القزاز ...

غايتو انا بديهم ربع ساعه بس ...اكان ما ظهرو يانى الماشه شايفه لى مؤتمر تانى

والغتسه الياها


المتسبب ........... الريشة

طيبان
05-11-2009, 11:27 PM
لم تبرح عينيه النظارة الطبية منذ ان رايته اول مرة وهو في ثورية ( كاملة الدسم) .. يلعن امر يكا علي طريقته وهو صديق للكل علي اختلافهم ..
قدم الي الخرطوم من مروي بلا دراسة جدوي مسبقة ومكث بها كذلك !!
يهرب من الشعر ولا يستطيع الا بما تسمح به مشغولياته ..
يكتب حروفه في حدة ( شوكة التمر ) وحلاوة الرطب .. شخصيته كحروفه وكل المدارس الشعرية تنصهر داخل قصيدته المتمردة
يمارس المدنية ولا يعشقها .. يعشق القرية ولا يمارسها الا في لكنته وقصيدته وشوقه الدائم للبلد .. هذا هو خالد الباشا ( خالد خليفة التوم خليفة )

مابيني وبينه مشاوير من الحروف والغناوي ومواقف من الفرح والحزن
كل السراي .. هذا هو ديدنكم .. تحملون الليل( غناوي ) وترسمون كل الخواطر في كتاب
لكم انبل تحياتي




هذا هو جنيه الشعر الدهب لامن (يتفكّ) نضم ..
لا أجمل من شاعر يحكي عن شاعــر ..
تحيّة وإحترام للخالدين ..شـقوري ..والباشــا ...
وللقوزاب الخالِدين ..
_____

*لا قدّام

* لا قدام ..مسروقة من صديقي محمد الأمين ..بلا إذنه

اسامة حمزة
05-11-2009, 11:56 PM
هذا هو جنيه الشعر الدهب لامن (يتفكّ) نضم .. لا أجمل من شاعر يحكي عن شاعــر ..
تحيّة وإحترام للخالدين ..شـقوري ..والباشــا ...
وللقوزاب الخالِدين ..
_____

*لا قدّام

* لا قدام ..مسروقة من صديقي محمد الأمين ..بلا إذنه






والله التعبير ده مجنون جن

طيبان

انت وين والناس بتسأل
يا الحبيب ماك جايي باكر
والوطن من غير عيونك
لاهو طيب لاهو عامر
واي زول في الحلي فاقدك
والعيون تبكي وتساهر

واصل هاشم
05-12-2009, 12:04 AM
لم تبرح عينيه النظارة الطبية منذ ان رايته اول مرة وهو في ثورية ( كاملة الدسم) .. يلعن امر يكا علي طريقته وهو صديق للكل علي اختلافهم ..
قدم الي الخرطوم من مروي بلا دراسة جدوي مسبقة ومكث بها كذلك !!
يهرب من الشعر ولا يستطيع الا بما تسمح به مشغولياته ..
يكتب حروفه في حدة ( شوكة التمر ) وحلاوة الرطب .. شخصيته كحروفه وكل المدارس الشعرية تنصهر داخل قصيدته المتمردة
يمارس المدنية ولا يعشقها .. يعشق القرية ولا يمارسها الا في لكنته وقصيدته وشوقه الدائم للبلد .. هذا هو خالد الباشا ( خالد خليفة التوم خليفة )

مابيني وبينه مشاوير من الحروف والغناوي ومواقف من الفرح والحزن



كل السراي .. هذا هو ديدنكم .. تحملون الليل( غناوي ) وترسمون كل الخواطر في كتاب


لكم انبل تحياتي







كلمات جميلة معبرة جدا
لا املك ان اعقب او ان ارد عليها الا بالقول (ربنا يديكم الصحة و العافية ايها الخالدين)

اسامة حمزة
05-12-2009, 12:05 AM
لازلنا نبحر في ابداع الشاعر خالد الباشا وهو يدهشنا بعذب حروفه

وقلنا ان خالد يستطيع ان يدهشك حتي بحزن حروفه ويستخدم ارق المفردات ليرسم الحزن وذات المفرردات يلون بها لوحة الفرح

بيناتنا كان ساح العِرِق .. حزن مرسوم علي لوحة الابداع .. قصيدة كنت شاهداً علي لحظة ميلادها .. رايت كيف تأتي لحظة المخاض عند الشاعر .. عند خالد





بيناتنا كان ساح العِرِق


http://sudaniyat.net/up/uploading/yagaada.mp3



دنقلا 1999

اسامة حمزة
05-12-2009, 01:15 AM
فجأة لقيت نفسي براي .. مافي اي زول يونسني ..

مرقت .. اخير لي انوم :):)







http://sudaniyat.net/up/uploading/11200.jpg





.

اسامة حمزة
05-12-2009, 11:04 AM
قصدت ان اسوق تلك المشاركة حتي نعود بسيرة الرائع علي سند وحالد الباشا وماربط بينهما من علاقة امتدت الي هذه الحروف
ولاني قلت في ما مضي ان خالد يتميز بالعاطفية التي تصبغ علي كل حروفه فعذا نموذج يؤكد مدي الحب الذي سطره شعرا وهو يغني الاحساس الذي ربطه بعلي سند


http://sudaniyat.net/up/uploading/kantlagy.mp3




الصوت الذي يظهر في خلفية التسجيل ايضا هو صوت خالد الباشا وهو يتحدث عن علي سند



.

اسامة حمزة
05-12-2009, 11:30 AM
ويظل مابيني وخالد وصلاً ووداً وحباً وكل الحروف ..
يبقي مابيننا همساً دافئا وشوقاً يتزايد في كل شوق

مابيني وبينه مشاوير كل القصائد ونحن نفرح بين كل قصيدة وقصيدة بقصيدة وقصيدة


ــــــــــ

مواقف وذكريات


الزمان 5 او 6 سبتمبر 99 م

المكان دنقلا في قمة هوجات النيل

كنا والبلد كلها تغرق رويدا رويدا نجلس الي شريط كاسيت نستمع الي علي سند وهو يغننيا حقك علي وكتيرة عليك خطي الايام

في التسجيل ده لحظة انفعال وذكريات جميلة وونسة .. لم تكن الهموم وقتذاك قد اخذت منا ما اخذته الان ولم يكن الزمان قد اكل علي سنين عمرنا وشرب

( كان همّنا فاضي الزمن داك)


http://sudaniyat.net/up/uploading/matttdd.mp3الخلفية بصوت علي سند





..هذه الذكريات عمرها الان عشرة سنوات

السرة
05-12-2009, 06:48 PM
الاخوان الاعزاء قوز السراي

تابعتكم بكل فرح رغم بعدي الفترة السابقة لظروف طارئة وحقيقة ان مجهودكم في القوز مجهود ضخم وتستحقون عليه الاشادة

لكم تحياتي فردا فردا و زول زول بدون فرز الاخ اسامة سيد الفكرة / واصل/ الهادي/ عوض/ طارق / ( خناس الاسم الذي لم اعرفه اخ ام اخت )/ هديل / محمد / وكل من شارك في القوز العظيم

ارجو ان تقبلوني بينكم صديقة ومشاركة من اليوم


خالد الباشا شاعر يلفت الانتباه ويشده المستمع

زينب بابكر عمر
05-12-2009, 10:02 PM
السراى
الله يخدر ضراعكم
اجرت تكسي طلب عشان احصل قطر خالد الباشا
الحديث عن الشاعر المرهف خالد الباشا يطول ويطول
داير ليه شهر
الاستماع لكلمات خالد الباشا تنشط الاذن وتشرح القلب
وتدب في الجسم قشعريره يعنى بصراحه كده يصل بك
حد التطريب ومره مره الواحد ياخدلو نقزه
بالذات لما تكون على لسان ود النصرى
واى قصيده منو تحس انها تحكى لسان حالك وتعيش معها بكل حواسك
قمة الروعه
مزيدا من الابداع خالد الباشا
شكرا اسامه
مودتى

خناس هاشم
05-12-2009, 10:11 PM
الاخوان الاعزاء قوز السراي

تابعتكم بكل فرح رغم بعدي الفترة السابقة لظروف طارئة وحقيقة ان مجهودكم في القوز مجهود ضخم وتستحقون عليه الاشادة

لكم تحياتي فردا فردا و زول زول بدون فرز الاخ اسامة سيد الفكرة / واصل/ الهادي/ عوض/ طارق / ( خناس الاسم الذي لم اعرفه اخ ام اخت )/ هديل / محمد / وكل من شارك في القوز العظيم

ارجو ان تقبلوني بينكم صديقة ومشاركة من اليوم


خالد الباشا شاعر يلفت الانتباه ويشده المستمع

صداقتك يا السره مافى كلام قبلناها تب
لكن المشكله هسى فى خناس الماعرفتيها دى
يمين ياجماعه انا بعد ده الا احرد لى شهر عشان تمشو تكوركو لى فى بوست الغايبين وتقولو الاختتتتتتتتتتتتتتت

ولا اقول ليكم انا بقترح على الاداره تحت الاسم تخت الجنس عشان تحلونى من المصيبه دى:p:p:p
يا اخوانى الشى بت بتتتتتتت نان قولو لى اسوى شنو بس:mad::mad::p

زينب بابكر عمر
05-12-2009, 10:18 PM
صداقتك يا السره مافى كلام قبلناها تب
لكن المشكله هسى فى خناس الماعرفتيها دى
يمين ياجماعه انا بعد ده الا احرد لى شهر عشان تمشو تكوركو لى فى بوست الغايبين وتقولو الاختتتتتتتتتتتتتتت

ولا اقول ليكم انا بقترح على الاداره تحت الاسم تخت الجنس عشان تحلونى من المصيبه دى:p:p:p
يا اخوانى الشى بت بتتتتتتت نان قولو لى اسوى شنو بس:mad::mad::p


هههههههههههههههههههههههههههههههه

هديل
05-12-2009, 10:37 PM
صداقتك يا السره مافى كلام قبلناها تب
لكن المشكله هسى فى خناس الماعرفتيها دى
يمين ياجماعه انا بعد ده الا احرد لى شهر عشان تمشو تكوركو لى فى بوست الغايبين وتقولو الاختتتتتتتتتتتتتتت

ولا اقول ليكم انا بقترح على الاداره تحت الاسم تخت الجنس عشان تحلونى من المصيبه دى:p:p:p
يا اخوانى الشى بت بتتتتتتت نان قولو لى اسوى شنو بس:mad::mad::p


يسو ليكى شنو اكان خاته ليكى صورة كديس ...

اصلو ما لقيتى صورة كديسه كان مرقتى من اللخبطه دى :D :D :p

عوض جلاس
05-13-2009, 12:18 AM
تحية لكل الرواد والسراي والرائعين
والتحية للقادم الجديد للقوز السرة
نتمنى أن يطيب لك المقام في القوز الجميل
وينكم الليلة مسجلين غياب
والتحية مرات ومرات للرائع خالد الباشا
والتحية للمبدع خالد شقوري على مداخلته الرائعة
والتي كانت كلماته كلمات العارف والخبير والملازم لخالد الباشا
سعيدين بهذه المداخلة الرائعة

خالد الباشا
05-13-2009, 08:57 AM
الأحباب .. السراي .. اصدقائي القدامى والجدد ...

اولا آسف لعدم ردي على بعض الأسئلة .. لسببين ..

الأول سفري خارج الخرطوم .. والثانى .. هو احساس بالإمتنان لكل ما كتب عني كخالد وكشاعر .. فشكرا .. وللحظة تمنيت ان لا اكون عضوا بالمنتدى .. وعبركم شكرا جزيلا للبركل ..

........

ودعوني إعترف ...

والله انا زيكم واحد استمع لنفسي مندهش .. مرات اعجب بي نفسي في بعض الكلمات ومرات كتيييره اخجل وازهج منها في بعض القصائد .. والبذات (بيناتنا كان ساح العرق ) ..

وكل ما استمعت له معكم .. لا احفظ منه بيت واحد وأغلب القصائد والمقاطع دي عمرها تجاوز ال12 سنة تقريبا .. حتى صوتي وادائي هو في كست تم تسجيله للأخ اسامة في العام 98 او 99 على ما اعتقد ... وبهذه المناسبة دعوني اسجل إعتراف آخر ..
انا لا اجيد قراءة الشعر .. واصعب حاجة عندي اني اطلع مسرح ...

ولكني عبركم اسجل حبي وتقديري .. واحترامي للأخ الصديق اسامة حمزة وربنا يديه العافية . .. وعبر اسامة للهادي قنديل .. وانا مندهش .. وربنا يديه العافية ..

اسامة حمزة
05-13-2009, 11:55 AM
الأحباب .. السراي .. اصدقائي القدامى والجدد ...

اولا آسف لعدم ردي على بعض الأسئلة .. لسببين ..

الأول سفري خارج الخرطوم .. والثانى .. هو احساس بالإمتنان لكل ما كتب عني كخالد وكشاعر .. فشكرا .. وللحظة تمنيت ان لا اكون عضوا بالمنتدى .. وعبركم شكرا جزيلا للبركل ..

........

ودعوني إعترف ...

والله انا زيكم واحد استمع لنفسي مندهش .. مرات اعجب بي نفسي في بعض الكلمات ومرات كتيييره اخجل وازهج منها في بعض القصائد .. والبذات (بيناتنا كان ساح العرق ) ..


وكل ما استمعت له معكم .. لا احفظ منه بيت واحد وأغلب القصائد والمقاطع دي عمرها تجاوز ال12 سنة تقريبا .. حتى صوتي وادائي هو في كست تم تسجيله للأخ اسامة في العام 98 او 99 على ما اعتقد ... وبهذه المناسبة دعوني اسجل إعتراف آخر ..
انا لا اجيد قراءة الشعر .. واصعب حاجة عندي اني اطلع مسرح ...

ولكني عبركم اسجل حبي وتقديري .. واحترامي للأخ الصديق اسامة حمزة وربنا يديه العافية . .. وعبر اسامة للهادي قنديل .. وانا مندهش .. وربنا يديه العافية ..




يظل مابيننا لايحتاج الي شكر ويظل ماقدمه خالد للساحة اكبر من ماقدمته هنا
هناك الذكريات والمواقف وكثير من الحكاوي والمقالب الطريفة

هناك الكثير من القصائد في انتظار ان يقوم الاخ خالد بتسجيلها اليوم حسب وعده

اسامة حمزة
05-13-2009, 12:20 PM
الاخوة سراي الليل
كتب الدكتور توفيق الطيب البشير في منتدي التوثيق ما يلي :- قوز السراي : التوثيق برؤيا محترفة


قدم المهندس الزميل أسامة حمزة أنموذجاً فريداً للتوثيق لشعراء وفناني منطقة الشايقية والبديرية لأنه قدم عملاً توثيقياً مهماً برؤية جديدة حيث جعل الأسلوب التفاعلي الجاذب سمة مميزة لأعماله التوثيقية .
وجد هذا البوست الرائع تجاوباً نادراً وتجاوز الحدود المعقولة للمواضيع التي تتناولها المنتديات حتى بلغ 120 صفحة حتى الآن وتجاوز عدد المشاركات 1750 مشاركة وبث في هذه الصفحات مجموعة ضخمة من الأغاني المسجلة والقصائد الرائعة والمساجلات المفيدة واشترك في هذا البوست مجموعة متميزة من ألاخوة أعضاء منتدى البركل الشامخ الصديق الأول لمنتدى التوثيق والتحية من هنا عبركم للرائع خالد الحاج ورفاقه المتميزين ولجميع أعضاء منتدى البركل صاحب اللونية الخاصة والرسالة المتفردة .
واذا تجاوزنا المضمون الذي هو سر نجاح البوست إلى الشكل نلاحظ ايضاً تفرداً في الأسلوب وحيوية في التداخل فالموضوع يقدم وكأنه دكان ود البصير إلا أنه يقدم في ليل مقمر وكأنك ترى المشاركين مجتمعين على قوز السراي الذي هو من صنع هؤلاء المبدعين انفسهم ويتناولون المواضيع ويتجاذبون أطراف الحديث وكأنهم حقيقة يجلسون على قوز من الرمل منخفض الحرارة وساطع الأضاءة نقي الهواء نافذ العطر.
ويتميز الأعضاء المشاركين في هذا البوست وعلى رأسهم المبدع المهندس أسامة ببساطتهم وطرافتهم وخصوصية مداخلاتهم فكأنك لا تتوقع شيئاً جاداً منهم فإذا بك تري أقلامهم الموثقة تتزاحم لتعطيك المزيد من الأنغام والالحان والأشجان والكلمات الرقيقة العذبة عذوبة أهل السودان.
أنا لا أريد أن أذكر أسماء جميع الأعضاء المشاركين في هذا البوست فهم أكثرمما يحصيهم هذا القلم المتلاشي أمام هذا العمل العملاق ولكن لابد من ذكر البعض فلعل البعض يدل على الكل وليعذرني من جفل عن ذكره قلمي بغير رغبة مني ولكن هم أولى بالتوثيق وسنعود إلى ما فاتنا منهم لاحقاً لإعطائهم جزءا من حقهم المسلوب دون قصد مني. أذكر على سبيل المثال الرائع عوض جلاس والرائع واصل هاشم والرائع ابو بكر الخطيب والرائع صلاح عبد النبي والرائعة خناس هاشم والرائعة هديل والرائعة زينب والرائع محمد الامين والرائع الهادي قنديل والرائع طارق على صالح والرائع محمد النصري والرائع خالد شقوري والرائع خالد الباشا والرائع عصام سر الختم والرائع طيبان والرائع جرماكي وكثير ممن اشتكي قلمي من ذكرهم لكثرتهم، ثم بكي على عدم ذكري إياهم .
التحية مجدداً للمهندس أسامة والدعوة موجهة للجميع من أعضاء وزائري منتدى التوثيق لمشاهدة هذا الكم الهائل من العمل المتميز ..


وانقلكم مباشرة الي الصفحة في منتدي التوثيق ثم ردي عليه :

http://www.tawtheeg.net/vb/showthread.php?t=1549



ــــــــــــــــــــــــــــــــــــــــــــــــــ ـــــــــــــــــــــــــــــــــــــــ



الاخ الاكرم الاستاذ الدكتور / توفيق الطيب البشير

قد لاتتصور مدي الفرحة التي غمرتني وانا اقرا لك حروفك العظيمة عني وعن مجموعة السراي وقد لا تستطيع ان تتخيل كم زادني ذلك ( طولاً لافوق) وانا اعيد قراءة ماخطه قلمك عن البوست
استاذي توفيق
ان ماقمت به انا والسراي ليس الا اعترافاً بجميل كل من كتب حرفاً او قدم لحناً او وهو في حدذاته مجهودا ضعيفاً امام ذلك الابداع الكبير الذي قدمه هؤلاء جميعا او فرادي وهو ايضاً لم يصل في رايي الي ماهو عليه الا بعد وقفتكم وتشجيعكم لنا واصراركم علي متابعتنا وجميل مروركم عليه


استاذي توفيق
لا ادري هل اقدم لك الشكر ام ان انحني لك ودا وعرفاناً وفي قرارة نفسي انك قد اخجلت تواضعنا
بسم السراي دون فرز اقدم لك مودتنا قبل شكرنا ويقيننا بانك القائد لنا وان اختلفت المواقع


اخوك
اسامة حمزة احمد

عصام سرالختم
05-13-2009, 07:20 PM
اخى اسامة
الاخوة والاخوات سراى الليل
ظللنا نتابع بحرص واهتمام ما يدور بينكم وانتم تسهرون الليالى
توثقون لشعراء وفنانى اغنية الطنبور القدامى منهم والشباب ..
واقولها صراحة اننا عندما ندخل صباحا على الموقع
نبحث أولا عن المشاركات الجديدة فى بوست قوز سراى الليل ..

وما خطه يراع الاستاذ د. توفيق الطيب يلقى علي عاتقكم مسئولية كبيرة
الا وهى كيفية المحافظة على النجاح والتفوق .........

وإذا كانت النفوس كبارًا تعبت في مرادها الأجسام

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،

إذا غامرت في أمر مروم *** فلا تقنع بما دون النجوم

فطعم الموت في أمر حقير *** كطعم الموت في أمر عظيم

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،

واخيرا .... كلنا ثقة بانكم على قدر المهمة

عوض جلاس
05-13-2009, 09:10 PM
مساكم الله بالخير سراي الليل
وينكم اليوم مسجلين غياب
ومحطتكم واقفي دايرالا دفرة
يلا راجين نتمردغ في قوز خالد الباشا
ونشوف الجديد والرهيب من إبداعاتو

عمر مجذوب خطيب
05-13-2009, 10:23 PM
حاضرين ومتابعين وسعيدين بهذا الجمال

هديل
05-13-2009, 10:34 PM
سراى الليل دا شنو النوم دا؟؟؟


اها العندو جديد ينزلو ...انا غايتو اى ماده مشيت اجيبها لقيت الجماعه

سبقونى وسرقوها...اقصد نزلوها قدامى

:D :D :p

اسامة حمزة
05-13-2009, 10:44 PM
مساكم الله بالخير سراي الليل
وينكم اليوم مسجلين غياب
ومحطتكم واقفي دايرالا دفرة
يلا راجين نتمردغ في قوز خالد الباشا
ونشوف الجديد والرهيب من إبداعاتو

الاخ عوض

تحية وشوق

كنا علي وعد من خالد ان يتم تسجيل القصائد التي لاتتوفر بطرفي لكن حصل ظرف طارئ وتم تغيير الموعد الي الغد

لك التحية الطيبة

اسامة حمزة
05-13-2009, 10:57 PM
اخى اسامة
الاخوة والاخوات سراى الليل
ظللنا نتابع بحرص واهتمام ما يدور بينكم وانتم تسهرون الليالى
توثقون لشعراء وفنانى اغنية الطنبور القدامى منهم والشباب ..
واقولها صراحة اننا عندما ندخل صباحا على الموقع
نبحث أولا عن المشاركات الجديدة فى بوست قوز سراى الليل ..

وما خطه يراع الاستاذ د. توفيق الطيب يلقى علي عاتقكم مسئولية كبيرة
الا وهى كيفية المحافظة على النجاح والتفوق .........

وإذا كانت النفوس كبارًا تعبت في مرادها الأجسام

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،

إذا غامرت في أمر مروم *** فلا تقنع بما دون النجوم

فطعم الموت في أمر حقير *** كطعم الموت في أمر عظيم

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،

واخيرا .... كلنا ثقة بانكم على قدر المهمة


الاخ عصام

لك التحية الطيبة والشكر لاهتمامك وتحية لكل من يحمل ذات الاهتمام بما يكتب هنا

وما خطه يراع الاستاذ د. توفيق الطيب يلقى علي عاتقكم مسئولية كبيرة
الا وهى كيفية المحافظة على النجاح والتفوق ...

وحقيقة ان المسؤلية التي القاها حديث الدكتور توفيق تجعلنا في حالة بحث متزايد لتقديم الجديد دوما وربنا يقدرنا

اسامة حمزة
05-13-2009, 11:02 PM
حاضرين ومتابعين وسعيدين بهذا الجمال


تحياتي اخ عمر ولاتنقطع ... تشكر

خناس هاشم
05-13-2009, 11:12 PM
اخى اسامة
الاخوة والاخوات سراى الليل
ظللنا نتابع بحرص واهتمام ما يدور بينكم وانتم تسهرون الليالى
توثقون لشعراء وفنانى اغنية الطنبور القدامى منهم والشباب ..
واقولها صراحة اننا عندما ندخل صباحا على الموقع
نبحث أولا عن المشاركات الجديدة فى بوست قوز سراى الليل ..

وما خطه يراع الاستاذ د. توفيق الطيب يلقى علي عاتقكم مسئولية كبيرة
الا وهى كيفية المحافظة على النجاح والتفوق .........

وإذا كانت النفوس كبارًا تعبت في مرادها الأجسام

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،

إذا غامرت في أمر مروم *** فلا تقنع بما دون النجوم

فطعم الموت في أمر حقير *** كطعم الموت في أمر عظيم

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،

واخيرا .... كلنا ثقة بانكم على قدر المهمة

كم نتمنى ان نكون على قدر المكانه والثقه التى وضعتموها فينا وان يوفقنا الله ان نواصل بنفس الهمه والنشاط ان لم يكن احسن
واهتمامكم هذا كان اكبر معين لنا بان نواصل وبالتاكيد سنواصل طالما ان بالبركل اناس رائعون مثلكم يشدون من همتنا دوما ويعطونا الدافع بان نستمر لكم التحيه اهل البركل الاعزاء ولك الشكر والتقدير د.توفيق
يلا ياسُرّاى شدو همتكم باقى بعد الكلام ده طريقه لعب مافى تانى

الهادي قنديل
05-13-2009, 11:14 PM
سراى الليل دا شنو النوم دا؟؟؟


اها العندو جديد ينزلو ...



:d :d :p

سلام السراي

وكالعاده بعد الغيبه لن آتي اليكم ويدي فاضيه

امسكو دي علي عجاله كده





جيتيني كيف

احلف يمين .. انك ولا متل البشر

وانك بشر ...

وانك حواس

تنزل علي قلبي اليباس ..
كشحة رزاز ونقط مطر ...


تاقيت عليك باب العيون
سديت ممرات النظر
فتشت كل الجاني شوق ..
مريت عليهو قدر قدر ..

جيتيني كيف !!!!!!؟؟

جيتيني كيف ؟.. ومافيا باب متكول قصادك وما اتكشر
وانا من زمان الليل طويييل
قفلت ابواب الهوى وسلمت مفتاحا البحر ...!!!!!!!

جيتيني كيف ؟؟؟

جيتيني كيفن والعمر
عديت محطاتو وعبر
شقيت فيافي الأمنيات ..
هداني احساسي وفتر
ما كنت قايلو بجيبني ليك
درب المحبين الوكر
تفضح عيوني هوايا ليك
يمرق احاسيسي الوتر ...!!!


غيرك منو البملانا شوق
يقلب نسايم ليلنا حر !!

يدخل علينا متييين يريد
يمرق .. قليبنا يجرو جر

عذبني ريدك ما براي ..
اولاد بلدنا وناسنا صر

يانور عيونا وكت يتوه .. في الرملة والليل والقمر
يافيض مشاعرنا الطمح .. ماخلّ في عالمنا بر ..
زيك شويين مااا كتار .. في الدنيا انتي نفر .. نفر

اسامة حمزة
05-13-2009, 11:26 PM
الهادي بركة الجيت

اخبارك وانشاء الله تمام

اشكرك علي القصيدة وهاك المقطع ده من خالد


http://sudaniyat.net/up/uploading/ftshtfeek.mp3




.

خناس هاشم
05-13-2009, 11:33 PM
السراى يادوبى انتهيت من رمى اللقيمات وسواة الشاى المقنن
اها وانتو بتشربو فى الشاى هاكم نقرا دى سوا
بس ماتكملو الشاى على الباقين:p:p

يوم والبلد


يوم والبلد
يوم والبلد مندسي في جوف الليالي الدافي حن
والدنيا زى مالليلى صيف
والريح تجيب حس البطان حجي ويصن
وأنا لا هويت
لا بيكي للنار إتكويت ..لا حتى فاكرك ذاتي أظن
نمت وحلم
بالغيمة والبراق يشيل
والنيم يميل
والطير يوج
والضوء يفج
في عتمة الليل الطويل
ومن تالا إحساسنا الجميل ملفوح حسيس طمبور يرن
زي ماتقولي كدي البلد
شلال من الأفراح طمح
طقت مواويل الحباب .. القرقراب ألمي وقدح
زي عيد وما عيد الوكت
مليون شراع للريح فتح
وأنا وإنتي وسط الناس صغاااار
سن الحمار
أمسك طريف عمري وأفن
يابت عيونك بالكلام
مالياها كانت ضحكتك
تجري ويجري هواي وراك .. لوايدي تلفح طرحتك
وآه يالضحك
وكتين يرك زرزور برائتي علي تفاصيل لمحتك
لا البرتكان
لا كنت حاسبك بت كمان
لا حتى عارف شنهن
وآآآ بختي والأيام سماح
والليل سريع عقبو الصباح
في روعة البلد العصير
وانا وإنتي لسه قدر قدير
لا همي أيه باكر يكون
لا عارفي إنتي شني الجراح
نتجارى وينو شليل وراح
نتدسه في كوم التبن
يا شافعي والناس في البلد
والضحكة رابطاهم ربط
سمحين بطان وسط الُبكان في لمة الضحى بي تحت
نلعب نلم باقي الحصى
(يايمه ) هاك شوفي البخت
وآآآآ بختك إنتي وكت بعد
ختت بياضو شلن شلن
ياحليلي أنا الشلتك حنين
طول المسافات مانسيت
لمتنا عن شق الصباح
ونومتنا متقالدين نبيت
وين ياتميرتي الكت بفن
أشواقي في خاطر السبيط
وتجدعلي شوقا ملان سلام
باللهفة صر يملاني حن
والليل يطول
تاريني في جوف المنامات ماهو صح
لا إنتي لسه الشافعي ديك
لا قلبي عدمان الجرح
ظهرت ملامح الفرقة فيك
وإتشوه الزمن السمح
وفتح عيوني قصاد صباح تتباكا في ساعة شروقو الدنيا بالميلاد تئن ...

الهادي قنديل
05-14-2009, 12:06 AM
الهادي بركة الجيت

اخبارك وانشاء الله تمام

اشكرك علي القصيدة وهاك المقطع ده من خالد


http://sudaniyat.net/up/uploading/ftshtfeek.mp3




.

اسامه حمزه

ناديت عليك

ومعك ننتظر بكل شغف التسجيل الصوتي لقصائد الرائع خالد الباشا

خناس

كما عهدناك دائما حاضره

هديل

مايسحروك

واصل

ننتظرك

جلاس

مبروك الكاس

طيبان

رفيقي هجعيا (جنيه الدهب) ريحت اخوك

وتاني برجع اشوف الفاتني

اسامة حمزة
05-14-2009, 12:10 AM
صور ومواقف وذكريات وتعليقات ( من عندي )

(1)طارق بجدية في تعليم خالد كيفية سرقة الروابط
http://sudaniyat.net/up/uploading/osa301.jpg


(2)
وخالد يصغي للدرس باهتمام شديد
http://sudaniyat.net/up/uploading/osa302.jpg


(3)
طارق والتحضير لحصة كاربة
http://sudaniyat.net/up/uploading/osa300.jpg



(4)
طارق عازم خالد فطور للتحضير لمقلب جديد (ياربي في منو المرة دي )
http://sudaniyat.net/up/uploading/osa306.jpg



(5)
خلاص اتفقوا وحددوا الضحية ( الله يستر )
http://sudaniyat.net/up/uploading/osa305.jpg




(6)
خالد يستمع الي لحن اغنيته التي غناها عبد القيوم(دي انا جادي فيها)
http://sudaniyat.net/up/uploading/osa303.jpg




(7)
عبد القيوم يغني (اي زول بردوا قدر غُتا)
http://sudaniyat.net/up/uploading/osa304.jpg





.

عوض جلاس
05-14-2009, 12:15 AM
جلاس
مبروك الكاس
[/color]
الهادي بركة الجيت
والله يبارك فيك
والبارسا يتألق ويحصد أولى بطولات الموسم برباعية مع الرافة
نتمنى أن تتواصل الإنجازات هذا الموسم لنحقق الثلاثية
فووووووورسا باااااااااااارسا
سلام لكل سراي الليل

اسامة حمزة
05-14-2009, 12:28 AM
الاخ الهادي


احييك وانت تسهر معي و (تشيل الليل قصبة ) منذ ان تحركنا من اولي المحطات

وتحية لكل السراي الذين حملوا معنا هم هذا البوست

واحييك وانت تنبهني الي ان مشاركاتنا انت وانا قد وصلت في وقت واحد الي الرقم 900
اظننا نسير ( بسرعة واحدة ) .. خليك معانا بنفس النَفَس


دي صورة اخر مشاركة ليك
http://sudaniyat.net/up/uploading/osamaa12.jpg




وهذه مشاركتي قبل الاخيرة
http://sudaniyat.net/up/uploading/osamaa1.jpg

خناس هاشم
05-14-2009, 12:31 AM
صور ومواقف وذكريات وتعليقات ( من عندي )

(1)طارق بجدية في تعليم خالد كيفية سرقة الروابط
http://sudaniyat.net/up/uploading/osa301.jpg


(2)
وخالد يصغي للدرس باهتمام شديد
http://sudaniyat.net/up/uploading/osa302.jpg


(3)
طارق والتحضير لحصة كاربة
http://sudaniyat.net/up/uploading/osa300.jpg








.
اخيرا عرفت قصه سرقه الروابط دى يادوبى كده ارتحت:p:p
اتاريكم بتسرقو فى الروابط وشابكننا فى ناس بتسرق
يعنى تانى الزول يجى داخل القوز عامل حسابو كدى النجرى الحق حاجاتى النلمهن:p
اتارينى ما............ الحمدلله :p:p

خناس هاشم
05-14-2009, 12:41 AM
الاخ الهادي


احييك وانت تسهر معي و (تشيل الليل قصبة ) منذ ان تحركنا من اولي المحطات

وتحية لكل السراي الذين حملوا معنا هم هذا البوست

واحييك وانت تنبهني الي ان مشاركاتنا انت وانا قد وصلت في وقت واحد الي الرقم 900
اظننا نسير ( بسرعة واحدة ) .. خليك معانا بنفس النَفَس


دي صورة اخر مشاركة ليك
http://sudaniyat.net/up/uploading/osamaa12.jpg




وهذه مشاركتي قبل الاخيرة
http://sudaniyat.net/up/uploading/osamaa1.jpg

:eek:
:eek:
:eek:
هاك الاحساس ده ماعرفتكم والله لكن:p:p

والله ده اكبر دليل على العلاقه الحلوه الصنعا بيناتكم القوز ده
لكم التحيه اخوتى اسامه والهادى ومزيدا من المشاركات الحلوه التى تمتعنا دوما

تموا الالف سوا وليكم على اليوم داك حفله كاربى وعزومه كاربى قلتو شنو؟

الهادي قنديل
05-14-2009, 12:43 AM
الاخ الهادي


احييك وانت تسهر معي و (تشيل الليل قصبة ) منذ ان تحركنا من اولي المحطات

وتحية لكل السراي الذين حملوا معنا هم هذا البوست

واحييك وانت تنبهني الي ان مشاركاتنا انت وانا قد وصلت في وقت واحد الي الرقم 900
اظننا نسير ( بسرعة واحدة ) .. خليك معانا بنفس النَفَس


دي صورة اخر مشاركة ليك
http://sudaniyat.net/up/uploading/osamaa12.jpg




وهذه مشاركتي قبل الاخيرة
http://sudaniyat.net/up/uploading/osamaa1.jpg


الحبيب اسامه حمزه

انه لشرف لي ان اكون معك ال900 مشترك

وشرف لي ان يكون هذا التوارد المشترك في هذا البوست تحديدا

وشرف لي ان اشاركك السهر (واشيل معاك الليل قصبة) ياقولك

وشرف لي ان اواصل معك التحرك منذ المحطه الاولى

وبالتأكيد سأتواصل معك ومعهم الى ان يكتب الله لنا التوقف ان كان لابدّ منه

اما عن شرفي بمعرفتك ومعرفتهم فهذه هي المحطه التي سأتوقف فيها عن الكلام.. فقط سأقول (الصمت في حرم الجمال جمال)

وكفى

طارق علي صالح
05-14-2009, 12:43 AM
اخيرا عرفت قصه سرقه الروابط دى يادوبى كده ارتحت:p:p
اتاريكم بتسرقو فى الروابط وشابكننا فى ناس بتسرق
يعنى تانى الزول يجى داخل القوز عامل حسابو كدى النجرى الحق حاجاتى النلمهن:p
اتارينى ما............ الحمدلله :p:p

التحية للسراي
وحباب قنديل
خناس سرق الروابط بعد ما انت علمتو
لو داير احفظ الصور عندي اعمل شنو؟
كده الباشا ما يقدر ينكر عزوماتي
..... اشكرك

الهادي قنديل
05-14-2009, 01:26 AM
الأحباب .. السراي .. اصدقائي القدامى والجدد ...

اولا آسف لعدم ردي على بعض الأسئلة .. لسببين ..

الأول سفري خارج الخرطوم .. والثانى .. هو احساس بالإمتنان لكل ما كتب عني كخالد وكشاعر .. فشكرا .. وللحظة تمنيت ان لا اكون عضوا بالمنتدى .. وعبركم شكرا جزيلا للبركل ..

........

ودعوني إعترف ...

والله انا زيكم واحد استمع لنفسي مندهش .. مرات اعجب بي نفسي في بعض الكلمات ومرات كتيييره اخجل وازهج منها في بعض القصائد .. والبذات (بيناتنا كان ساح العرق ) ..

وكل ما استمعت له معكم .. لا احفظ منه بيت واحد وأغلب القصائد والمقاطع دي عمرها تجاوز ال12 سنة تقريبا .. حتى صوتي وادائي هو في كست تم تسجيله للأخ اسامة في العام 98 او 99 على ما اعتقد ... وبهذه المناسبة دعوني اسجل إعتراف آخر ..
انا لا اجيد قراءة الشعر .. واصعب حاجة عندي اني اطلع مسرح ...

ولكني عبركم اسجل حبي وتقديري .. واحترامي للأخ الصديق اسامة حمزة وربنا يديه العافية . .. وعبر اسامة للهادي قنديل .. وانا مندهش .. وربنا يديه العافية ..

صاحبي خالد الباشا

طبعا صاحبي دي من عندي لكن تقبلها غصبا عنك :p

اولا حمدلله ع السلامه

ثانيا اسبابك قبلناها لكن والله مابخليك بلا اسئله

يعني جهّز نفسك ياصاحبي وجاوب علي اسئلتي ... وكان غتست بعيد بجيبها ليك تاني

يعني سيك سيك معلق فيك

ثالثا ياسيدي ماشرط تجيد قرأة الشعر يكفينا ان تكون كاتبه

ويكفيك ان الكل يشهد لك بأنك شاعر وشاعر كبير .. وكتـــّااااب

رابعا الهادي قنديل زادت دهشته فيك

وربنا يديك العافيه

ونتواصل

الهادي قنديل
05-14-2009, 01:40 AM
التحية للسراي
وحباب قنديل


حباااااب الزول الرائع دون تبرير

طارق

واليك اهدي قصيدة بت واطاتنا بمناسبة سهرك معانا ده

بـت واطـاتنا

مشتاقين يا بت واطاتنا
يا قمراتنا ..
وضل نخلاتنا
وأبيار حني ،،
مشتاقين واشواقك مرتق
وحس الطير في الساقي الصني ،،
مشتاقين وهوايا يلولح
في التمرات
والريح بتغنى ،،
مشتاقين واليوم إتراوح
والإيديين في القيف تتلاوح
ياأفراح شيلينى وفنى ،،
لعب الكاك في كير إحساسك
ها لمحبوب وين طلوح مني ؟
يا اشواق ركيني احبك جوه حنين رفقاتي وسني
ويا اجراس خصمتك بالله في صناية الذكرى ترني ..
***
ومشتاقين يابت واطاتنا
مشتاقين والكون الواسع جوه عيونك
اصلو عيونك
من يوم فتك ما فاتني
كل الدنيا بشوفك فيها ..
في قمراتنا العاد تطفيها ..
في حيشانا الطيبى كأني ..
إتوسدت حنينك دافي
لا أحزان لا دمعات ما في
زى ما تقولي شجيرة حني
وفي إيديك الريح حتني
زرزور جني .. وداير اغني
إنتي إقترحي غناوي اللهفه وكل الشوق الفيني يثني ،،

ومشتاقين يلاك نغني .. يا جلابا وياجلابا
يااا جلابا غناوي الإلفه في ضلماتنا التبقى نجوم
ونتحداك ( ياحمت ديره ) .. ومن عداك ؟.. والحجي تقوم
ونتوطاك ياشوك الساقي وفي سقاية الدنيا نعوم
ويا الله ياااا الله
يا الله شتلات افراحنا في واطات احزانا تقوم
وفرحانين يابت واطاتنا
بين ضحكاتنا وضي قمراتنا نبدأ نرص ،،
ونبدأ نقص ،،
من ديكت السالف ولا ها ليوم
وريحة المحلب فوق يا احمد
فاطني السمحي ولول النوم
متقالدين في حضن اماتنا ومندفين بي حن ابدوم
***
ومشتاقين يا بت واطاتنا
واحكي لي يا بت واطاتنا
واحكي لي ..
احكي لي من وإنتي بتبكي
نص الليل جاهراك الشمعه
احكي لي ..
احكي لي وانا قمت مسافر
إتعديت بيوضه النقعه
احكي لي ..
احكى لي وانا لسه مسافر
لا طبيت لا ناوي الرجعة
لا لميت في ضحك الفاقه
ولا إتيقنت عليك يالدمعة
ومشتاقين آه مشتاقين
مشاقين يا بت واطاتـــــــــــــــنا

عوض جلاس
05-14-2009, 07:53 AM
صباحاتكم بيض
وكيف أصبحتو
وما زلنا نتكئ معكم في مرفأ المبدع ود الباشا
ونرتاح معكم في ظلال دوحاته الوارفة
فأظن عندك الكثير يا اسامة عن هذا المبدع
نتمنى أن تتحفنا به حتى آخر قطرة
مشاركين معكم بأحاسيسنا الصادقة

واصل هاشم
05-14-2009, 09:52 PM
مساكم اللخ بالخير رواد وزباين القوز
عساكم طيبين

ـــــــــــــــــــــــــــــــــــــ
تسجيل حضور ومتابعة

اسامة حمزة
05-14-2009, 11:35 PM
الاخوة الكرام

حاولنا كثيرا الجلوس الي الاخ الشاعر خالد الباشا وتسجيل جانب اخر من اشعاره الا وهو الجانب القصصي ولكن ابت مشاغلي وظروف عمله حالت دون ذلك ولكن وحتي لا اعود اليكم خالي الوفض اتصلت بالاخ خالد وقمت بتسجيل بعض القصائد عبر الهاتف

ارجو ان تقبلوا هذا التسجيل الي ان اقوم بالتسجيل له مرة اخري

قصيدة يوم والبلد من الاعمال الرائعة للشاعر خالد







http://sudaniyat.net/up/uploading/yoomalbald.mp3





.

خناس هاشم
05-14-2009, 11:40 PM
الاخوة الكرام

حاولنا كثيرا الجلوس الي الاخ الشاعر خالد الباشا وتسجيل جانب اخر من اشعاره الا وهو الجانب القصصي ولكن ابت مشاغلي وظروف عمله حالت دون ذلك ولكن وحتي لا اعود اليكم خالي الوفض اتصلت بالاخ خالد وقمت بتسجيل بعض القصائد عبر الهاتف

ارجو ان تقبلوا هذا التسجيل الي ان اقوم بالتسجيل له مرة اخري

قصيدة يوم والبلد من الاعمال الرائعة للشاعر خالد







http://sudaniyat.net/up/uploading/yoomalbald.mp3





.

اسامه يا اخوى والله الله يديك العافيه على المجهود البتبزلو عشان القوز ده غايتو ماقصرت وربنا يقدرنا على جزاك
وكلنا ح نكون فى انتظار باقى القصائد بى صوت خالد الباشا

تسلم انشاءالله

اسامة حمزة
05-14-2009, 11:55 PM
هناك الكثير من الاعمال التي كتبها خالد في الجانب الذي يحمل نمط القصة او هي من انواع الدراما الشعرية وهنا دعوني اتوقف لاقول ان دراسة خالد للدراما قد يكون لها تاثير وان كان غير مباشر علي مشواره الشعري لاسيما الجانب الذي نحن بصدده الان
ومن الاعمال التي سوف ترد كنماذج لهذا الجانب قصائد ( بكتب علي وش التراب )و( حماد قام بدري سأل امي) و(قصة القمره) وهي تبين لنا مدي الحبكة الدرامية التي نجدها في اسلوب خالد وطريقة معالجته للقضايا التي حملتها مضامين القصائد



قصة القمره // مسجلة ايضاً عبر الهاتف
http://sudaniyat.net/up/uploading/algamraa.mp3





.

هديل
05-14-2009, 11:59 PM
الاخوة الكرام

حاولنا كثيرا الجلوس الي الاخ الشاعر خالد الباشا وتسجيل جانب اخر من اشعاره الا وهو الجانب القصصي ولكن ابت مشاغلي وظروف عمله حالت دون ذلك ولكن وحتي لا اعود اليكم خالي الوفض اتصلت بالاخ خالد وقمت بتسجيل بعض القصائد عبر الهاتف

ارجو ان تقبلوا هذا التسجيل الي ان اقوم بالتسجيل له مرة اخري

قصيدة يوم والبلد من الاعمال الرائعة للشاعر خالد







http://sudaniyat.net/up/uploading/yoomalbald.mp3





.


اسامه لك كل التقدير ...وحاضرين ومتابعين ومستمتعين

بس طلب صغيرونى (امسح الحته بتاعه الهادى دى لانو لو جا سمعها الا نشوف

بلد تانيه)
:D:D:p

الهادي قنديل
05-15-2009, 12:12 AM
السراي سلام

الغائبين والحاضرين

فعلا يا اسامه ده جانب آخر من اشعار الباشا

وللحقيقه انا راجعت نص حماد قام بدري سأل امي او شاي الصباح

واعدت قرأتها كم مره .. فهذا اسلوب جديد للباشا لم اتعود عليه

___________

ونص حماد قام بدري سأل امي ... جاهز يا اسامه

اسامة حمزة
05-15-2009, 12:22 AM
الاخوة الكرام


ويظل الحديث عن خالد هو متعة الحديث عن شاعر بقامة النخيل ولون الخضرة واظل احفظ ما بني وبينه مثلما احفظ تماماً كل كلماته وكل المواقف بيننا والذكريات وكم هائل من التفاصيل والايام الجميلة

في العام 2005 اجري الاخ بابكر فرج الزاكي* مقدم برنامج( ضل التمر) حلقة باذاعة كسلا كنت ضيفاً فيها علي برنامجه الذي يهتم بالتوثيق لأغنية وشعراء وفناني الطنبور
الحلقة تناولت بعض الجوانب الخاصة بالاغتية ولكنها كانت مخصصة للحديث عن خالد الباشا الشاعر والاخ الصديق



ا

دعوكم للاستماع اليها بعد ان اجريت عليها بعض اعمال المونتاج



الجزء الاول
http://sudaniyat.net/up/uploading/dol1.mp3



الجزء الثاني
http://sudaniyat.net/up/uploading/dooll2.mp3



باكر فرج الزاكي من ابناء منطقة الحامداب مواليد كسلا وهو شاعر ذو وصف خاص وهو الذي كتب اغنية الدنيا بيكي منورة التي تغني بها الفنان القامة ميرغني النجار وله ايضا عمل يقوم النجار الان بتلحينه باسم ( يازولة خلقت مني زول ) وهو يقدم برنامج ضل التمر باذاعة كسلا وبرنامج بالتلفزيون باسم ( اوراق والحان )

الهادي قنديل
05-15-2009, 12:29 AM
اسامه لك كل التقدير ...وحاضرين ومتابعين ومستمتعين

بس طلب صغيرونى (امسح الحته بتاعه الهادى دى لانو لو جا سمعها الا نشوف

بلد تانيه)
:d:d:p


هديل
الهادي قنديل زاتو مهجوم من كلام خالد الباشا

وكرد علي كلام خالد الباشا

الهادي قنديل كان لابدّ له ان يحفظ هذا الكلام المدهش .. من الشاعر المدهش خالد خليفه التوم

وممتن لك ولأسامه ولهم

الهادي قنديل
05-15-2009, 12:41 AM
اسامه كتخريمه دعني اعلق ليك علي شئ


اغنية سر غرامك


اليوم قريت وسمعتها في بوست محمد الامين

وفي نفس اللحظه افتتح بيها خالد الباشا برنامج من ابداعات الطنبور في الاذاعة الرياضيه

والآن للمرّة التالته وانا استمع لهذا اللقاء الرائع معك تقديم بابكر الزاكي .. انت تطلبها وش

___________

كلامك جميل عن خالد في هذا اللقاء

اسامة حمزة
05-15-2009, 12:58 AM
الهادي اشكرك وكيفك واخبارك

تعرف علي ذكر التخريمة داير اقول :-




فاتني اخوتي في سردي لتفاصيل مشوار الاخ خالد الباشا ان هناك محطة لم نتظرق لها وان كانت لاتعني الكثير الا انها وقفة لنوضح فيها ان اغنية يايابا التي لحنها و تغني بها الفنان النصري كانت قد ادتها من قبله المغنية سمية حسن وان كانت لم توفق في اداءها
( راي خاص جدا ) وفي تقديري ان ذلك يعود الي ان اغنية الطنبور تحتاج في من يؤديها الي معايشتها ومعايشة الحياة والطبيعة والتفاصيل الخاصة بكل الشمال او لنقل انها تحتاج ان تجري في دماء من يؤديها وشمية حسن لم تتوفر فيها هذه المواصفات فقط عادت من هزيمة اوبريت الحلم العربي لتعيش دورا اخر لم تضف اليه وان كان هذا الدور قد اضاف اليها فقط اجر الاداء






النص بصوت خالد الباشا
http://sudaniyat.net/up/uploading/yayaba2.mp3



النص بصوت النصري
http://sudaniyat.net/up/uploading/yayabaa.mp3



النص بصوت سمية حسن /عزف علي الطنبور/ النصري
http://sudaniyat.net/up/uploading/soomayahsn.mp3




.

الهادي قنديل
05-15-2009, 01:13 AM
اسامه

وحاتك في نعمه طال ماني موجود معاكم هنا

كاتب النص الاصلي أسامه أحمد
فاتني اخوتي في سردي لتفاصيل مشوار الاخ خالد الباشا ان هناك محطة لم نتظرق لها وان كانت لاتعني الكثير الا انها وقفة لنوضح فيها ان اغنية يايابا التي لحنها و تغني بها الفنان النصري كانت قد ادتها من قبله المغنية سمية حسن وان كانت لم توفق في اداءها
( راي خاص جدا )

ورأي اكثر خصوصيه ان سميه حسن لم توفق في تجربة الغناء بالطنبور ككل وليس اغنية يا يابا فقط

ومن وجهة نظري الشخصيه ايضا حنان النيل هي الوحيده من قبيلة الاوركسترا التي اجادت الغناء بالطنبور

____________

وبعدين سؤال ياصاحبي

انزّل القصيده ولاّ ننتظر التسجيل وينزل كلو مع بعض؟؟؟؟

عوض جلاس
05-15-2009, 01:21 AM
الأحباب سراي الليل صباح الخير
الهادي واسامة السهرانين
ومعكم متابعين النصوص الجميلة للمبدع خالد الباشا
ومشكور الأخ أسامة على طرق هذا الجانب الجديد في شعر ود الباشا
نتمنى أن ننهل المزيد من تلك الأشعارالرائعة

اسامة حمزة
05-15-2009, 01:22 AM
اسامه

وحاتك في نعمه طال ماني موجود معاكم هنا


ورأي اكثر خصوصيه ان سميه حسن لم توفق في تجربة الغناء بالطنبور ككل وليس اغنية يا يابا فقط

ومن وجهة نظري الشخصيه ايضا حنان النيل هي الوحيده من قبيلة الاوركسترا التي اجادت الغناء بالطنبور




____________

وبعدين سؤال ياصاحبي

انزّل القصيده ولاّ ننتظر التسجيل وينزل كلو مع بعض؟؟؟؟




اخي الهادي .. شن جاب لي جاب ؟؟؟


الاستاذة حنان النيل درست الفن دراسة ذهبت فيها الي درجة تحضير الدكتوراه في الصوت .. تاني شنو

بالمناسبة انا في انتظار القصيدة

اسامة حمزة
05-15-2009, 01:27 AM
الأحباب سراي الليل صباح الخير
الهادي واسامة السهرانين
ومعكم متابعين النصوص الجميلة للمبدع خالد الباشا
ومشكور الأخ أسامة على طرق هذا الجانب الجديد في شعر ود الباشا
نتمنى أن ننهل المزيد من تلك الأشعارالرائعة







عوض جلاس .. الليلة الlate مرفوع ؟؟؟؟؟

تحياتنا وانت تسهر معانا في مشوار المبدع خالد ومنتظرين منك مشاركة باعتبارك احد الملحنين الذين تعاملوا معه

خناس هاشم
05-15-2009, 01:28 AM
الأحباب سراي الليل صباح الخير
الهادي واسامة السهرانين
ومعكم متابعين النصوص الجميلة للمبدع خالد الباشا
ومشكور الأخ أسامة على طرق هذا الجانب الجديد في شعر ود الباشا
نتمنى أن ننهل المزيد من تلك الأشعارالرائعة
عوض وييييين الحى بيك والله فاقدنك فى القوز الايام دى
بقيت رافع السعر ولا شنو
بعدين شنو الهادى واسامه المساهرين ماتروح لينا سهرنا ده شمار فى مرقه ساكت:p:p

عوض جلاس
05-15-2009, 01:35 AM
عوض وييييين الحى بيك والله فاقدنك فى القوز الايام دى
بقيت رافع السعر ولا شنو
بعدين شنو الهادى واسامه المساهرين ماتروح لينا سهرنا ده شمار فى مرقه ساكت:p:p

خناس كيف حالك
آسف والله لمان كتبت الكلام دا لقيت لمبتك طافي
عشان كدي قلت يمكن ما موجودة
المهم سهرك ومكانك محفوظ بين السراي

الهادي قنديل
05-15-2009, 01:36 AM
بالمناسبة انا في انتظار القصيدة


لك ولهم القصيدة يا اسامه وعلى ما اعتقد ان اسمها (شاي الصباح) ننتظر منك الافادة

وهي توضح الجانب الآخر من اشعار خالد الباشا



حماد قام بدري سأل امي
قبّال الشاي والناس نايمين
قال ليها آيمه الناس بي كم؟
قالتلو الناس!! الناس غالين

قال ليها الزول لو دار يتباع في السوق
او كان تموين بيكون بي كم
قالتلو آآآود قول بسم الله
انتَ صِبِح محموم الليلي !!
ده كلام الجن والجان والجنبو الما طيبين
قوم صلي صلاتك واسأل الله ان شاءالله يعين
قال ليها آآيمة امبارح كان
في البيت الفاتح في الدكان
انسان معروض والناس قاعدين
قالتلو انسان زيي وزيك والناس شايفين؟
قال ليها ايمة بنية حلاتا
وكمان من ناسنا الغلبانين
جات شاقي الشارع ..العصر امبارح
والريحة تقول زرعو الياسمين
لابساله قميص زي برنامج التلفزيون الكان في السهرة
فوق للركبة وبلا ايدين ... وبتنادي الناس .. ياناس ياناس يامحتاجين
قالتلو تقول ياناس ياناس والناس سامعين ؟؟
قالليها ايمة بلا اصوات وبيناتم كان سمساري العين
قالتلو آآاود طب وين اخوانا ووينو بلدنا ووينو الدين؟؟
قالليها اخوانا ...كانو سكاري وطوالي اايمة هم سكرانين
والدين آآيمة هناك في الجامع ... بره الجامع مابسووا الدين
حماد كان عمرو يكون كمطاشر .. والوالدة تكون الكم وخمسين
شوف فرق العمر الكان بيناتم ...
وبيناتم كان كم زول عايشين ..
كم زول مبيوع كم زول اتباع وكم دلالين ..
وقبال ماتقول الوالدة كلام ..
قالليها آيمة شايك فار
قالتلو آآآود الشاي ملحوق دي انا كاتلي النار ..
قول لي كيفن مابسوو الدين !!
قال ليها اااايمة البت يايمة لو دار تتباع بس تقلع توبا وتشق الشارع ..
تقابل واحد حافظ السوق وعارف الحاصل ..
وبي نظرة صغيرة وغمزة عين ..
تصبح حق الولد البت وتصبح هي المجنونة وهو العاقل ..
عرفتي آآيمة الزول بي كم
الزول بي شرفو .. بالشرف الغالي الما مبيوع ..
عشان آآيمة ..بي اييد القدرة الزول مصنوع
قالتلو آآود سرحت معاك والبهم انطًلق وهسع برضع في النعجات
قالليها آآيمة الشاي بي كم ؟قالتلو الشاي بي كم تمرات
والسكر وين ؟؟
قالتلو خلاس !!كملت حديثك وجيت تتحدث في الممنوع والممنوعات!!
احشي خشيمك واشرب شايك بي تمرات..
وقوم اندلي وازرع شرفك وشرف اخوانك وخدر فوق الطين قمحات
وازرع شرفك وشرف اخوانك وخدر فوق الطين قمحات

__________

خالد الباشا وكمان ادهشتني هنا شديد او هجمتني ياقولك

وصدق القال كلامك زي ونستك ... وانا في شوق لهذه الونسه

عوض جلاس
05-15-2009, 01:39 AM
عوض جلاس .. الليلة الlate مرفوع ؟؟؟؟؟

تحياتنا وانت تسهر معانا في مشوار المبدع خالد ومنتظرين منك مشاركة باعتبارك احد الملحنين الذين تعاملوا معه

أسامة سلامات
الليت ما اترفع لكن نوًّمت الجماعة وزغت بي جاي
أما مشاركاتي في أشعار خالد الباشا
فأنا أمثل دور المستمع فقط
أما التلحين فهي قصيدة واحدة
وخالد الباشا مدسدسا وما داير يخليها تتغنى
أظنو اللحن ما عجبو

خناس هاشم
05-15-2009, 01:48 AM
لك ولهم القصيدة يا اسامه وعلى ما اعتقد ان اسمها (شاي الصباح) ننتظر منك الافادة

وهي توضح الجانب الآخر من اشعار خالد الباشا



حماد قام بدري سأل امي
قبّال الشاي والناس نايمين
قال ليها آيمه الناس بي كم؟
قالتلو الناس!! الناس غالين

قال ليها الزول لو دار يتباع في السوق
او كان تموين بيكون بي كم
قالتلو آآآود قول بسم الله
انتَ صِبِح محموم الليلي !!
ده كلام الجن والجان والجنبو الما طيبين
قوم صلي صلاتك واسأل الله ان شاءالله يعين
قال ليها آآيمة امبارح كان
في البيت الفاتح في الدكان
انسان معروض والناس قاعدين
قالتلو انسان زيي وزيك والناس شايفين؟
قال ليها ايمة بنية حلاتا
وكمان من ناسنا الغلبانين
جات شاقي الشارع ..العصر امبارح
والريحة تقول زرعو الياسمين
لابساله قميص زي برنامج التلفزيون الكان في السهرة
فوق للركبة وبلا ايدين ... وبتنادي الناس .. ياناس ياناس يامحتاجين
قالتلو تقول ياناس ياناس والناس سامعين ؟؟
قالليها ايمة بلا اصوات وبيناتم كان سمساري العين
قالتلو آآاود طب وين اخوانا ووينو بلدنا ووينو الدين؟؟
قالليها اخوانا ...كانو سكاري وطوالي اايمة هم سكرانين
والدين آآيمة هناك في الجامع ... بره الجامع مابسووا الدين
حماد كان عمرو يكون كمطاشر .. والوالدة تكون الكم وخمسين
شوف فرق العمر الكان بيناتم ...
وبيناتم كان كم زول عايشين ..
كم زول مبيوع كم زول اتباع وكم دلالين ..
وقبال ماتقول الوالدة كلام ..
قالليها آيمة شايك فار
قالتلو آآآود الشاي ملحوق دي انا كاتلي النار ..
قول لي كيفن مابسوو الدين !!
قال ليها اااايمة البت يايمة لو دار تتباع بس تقلع توبا وتشق الشارع ..
تقابل واحد حافظ السوق وعارف الحاصل ..
وبي نظرة صغيرة وغمزة عين ..
تصبح حق الولد البت وتصبح هي المجنونة وهو العاقل ..
عرفتي آآيمة الزول بي كم
الزول بي شرفو .. بالشرف الغالي الما مبيوع ..
عشان آآيمة ..بي اييد القدرة الزول مصنوع
قالتلو آآود سرحت معاك والبهم انطًلق وهسع برضع في النعجات
قالليها آآيمة الشاي بي كم ؟قالتلو الشاي بي كم تمرات
والسكر وين ؟؟
قالتلو خلاس !!كملت حديثك وجيت تتحدث في الممنوع والممنوعات!!
احشي خشيمك واشرب شايك بي تمرات..
وقوم اندلي وازرع شرفك وشرف اخوانك وخدر فوق الطين قمحات
وازرع شرفك وشرف اخوانك وخدر فوق الطين قمحات

__________

خالد الباشا وكمان ادهشتني هنا شديد او هجمتني ياقولك

وصدق القال كلامك زي ونستك ... وانا في شوق لهذه الونسه

الهادى والله ما خالد وحده الانهجم ياخى هجمتنا كلنا والله
ليهو حق خالد الباشا ينهجم منك
يازول والله انت حقو يدوك وسام التميز فى القوز ده بتجيب لك كلام كده عجييييب
قصيده اكتر من روعه...... لاول مره اقراها وكلماتها تشدك غصبا عنك
الرائع خالد
ادهشتنا ومازلت تدهشنا

الهادي قنديل
05-15-2009, 01:51 AM
أسامة سلامات
الليت ما اترفع لكن نوًّمت الجماعة وزغت بي جاي
أما مشاركاتي في أشعار خالد الباشا
فأنا أمثل دور المستمع فقط
أما التلحين فهي قصيدة واحدة
وخالد الباشا مدسدسا وما داير يخليها تتغنى
أظنو اللحن ما عجبو

عوض بارسا

كيفنك واياد والصغيره وامهم؟؟؟

يبقالي زي طقش اضاني كده انو القصيده بطرف جعفر السقيد

وخليك قريب دايما

اسامة حمزة
05-15-2009, 01:52 AM
لك ولهم القصيدة يا اسامه وعلى ما اعتقد ان اسمها (شاي الصباح) ننتظر منك الافادة

وهي توضح الجانب الآخر من اشعار خالد الباشا



حماد قام بدري سأل امي
قبّال الشاي والناس نايمين
قال ليها آيمه الناس بي كم؟
قالتلو الناس!! الناس غالين

قال ليها الزول لو دار يتباع في السوق
او كان تموين بيكون بي كم
قالتلو آآآود قول بسم الله
انتَ صِبِح محموم الليلي !!
ده كلام الجن والجان والجنبو الما طيبين
قوم صلي صلاتك واسأل الله ان شاءالله يعين
قال ليها آآيمة امبارح كان
في البيت الفاتح في الدكان
انسان معروض والناس قاعدين
قالتلو انسان زيي وزيك والناس شايفين؟
قال ليها ايمة بنية حلاتا
وكمان من ناسنا الغلبانين
جات شاقي الشارع ..العصر امبارح
والريحة تقول زرعو الياسمين
لابساله قميص زي برنامج التلفزيون الكان في السهرة
فوق للركبة وبلا ايدين ... وبتنادي الناس .. ياناس ياناس يامحتاجين
قالتلو تقول ياناس ياناس والناس سامعين ؟؟
قالليها ايمة بلا اصوات وبيناتم كان سمساري العين
قالتلو آآاود طب وين اخوانا ووينو بلدنا ووينو الدين؟؟
قالليها اخوانا ...كانو سكاري وطوالي اايمة هم سكرانين
والدين آآيمة هناك في الجامع ... بره الجامع مابسووا الدين
حماد كان عمرو يكون كمطاشر .. والوالدة تكون الكم وخمسين
شوف فرق العمر الكان بيناتم ...
وبيناتم كان كم زول عايشين ..
كم زول مبيوع كم زول اتباع وكم دلالين ..
وقبال ماتقول الوالدة كلام ..
قالليها آيمة شايك فار
قالتلو آآآود الشاي ملحوق دي انا كاتلي النار ..
قول لي كيفن مابسوو الدين !!
قال ليها اااايمة البت يايمة لو دار تتباع بس تقلع توبا وتشق الشارع ..
تقابل واحد حافظ السوق وعارف الحاصل ..
وبي نظرة صغيرة وغمزة عين ..
تصبح حق الولد البت وتصبح هي المجنونة وهو العاقل ..
عرفتي آآيمة الزول بي كم
الزول بي شرفو .. بالشرف الغالي الما مبيوع ..
عشان آآيمة ..بي اييد القدرة الزول مصنوع
قالتلو آآود سرحت معاك والبهم انطًلق وهسع برضع في النعجات
قالليها آآيمة الشاي بي كم ؟قالتلو الشاي بي كم تمرات
والسكر وين ؟؟
قالتلو خلاس !!كملت حديثك وجيت تتحدث في الممنوع والممنوعات!!
احشي خشيمك واشرب شايك بي تمرات..
وقوم اندلي وازرع شرفك وشرف اخوانك وخدر فوق الطين قمحات
وازرع شرفك وشرف اخوانك وخدر فوق الطين قمحات

__________

خالد الباشا وكمان ادهشتني هنا شديد او هجمتني ياقولك

وصدق القال كلامك زي ونستك ... وانا في شوق لهذه الونسه



الهادي تحياتي

القصيدة اسمها شاي الصباح وسؤال وهي تمثل جانب رمزي ودرامي في اشعار خالد حتي الحوار الذي دار بين حماد وامه هو في شبه شديد للهجة خالد نفسه وكانه كان يتحدث بلسان خالد

لك الشوق االشديد

الهادي قنديل
05-15-2009, 02:00 AM
الهادي تحياتي

القصيدة اسمها شاي الصباح وسؤال وهي تمثل جانب رمزي ودرامي في اشعار خالد حتي الحوار الذي دار بين حماد وامه هو في شبه شديد للهجة خالد نفسه وكانه كان يتحدث بلسان خالد

لك الشوق االشديد

اسامه اشكرك علي ايراد اسم القصيده كامل (شاي الصباح وسؤال)

وكما قلت فهي تمثل جانب رمزي ودرامي

ويبقالي كان سجلنا كلام خالد او نستو معاك واديناهو عوض لحنو بتطلع قصيده متكامله :p

________

والشوق بحر

الهادي قنديل
05-15-2009, 02:13 AM
الهادى والله ما خالد وحده الانهجم ياخى هجمتنا كلنا والله
ليهو حق خالد الباشا ينهجم منك
يازول والله انت حقو يدوك وسام التميز فى القوز ده بتجيب لك كلام كده عجييييب
قصيده اكتر من روعه...... لاول مره اقراها وكلماتها تشدك غصبا عنك
الرائع خالد
ادهشتنا ومازلت تدهشنا

تعرفي يا خناس

خالد الباشا ده عنده كلمات تجبرك تقراها وتحفظها وتقول هل من مزيد..

اما وسام التميز فكلكم تستحقونه وبجدارة ... وما الهادي قنديل الا جزء من هذا العمل الذي يقف علي رأسه اسامه حمزه واركان حربه الافاضل

وربنا يقدرنا ونقدم ولو القليل من كثير منحنا له البركل الموقع والبركل المنطقه


ويكفيني ان البركل عرفني علي اناس ما كنت اتوقع ان الزمان سيجود علي ّبمعرفتهم

ولو رجع بي الزمان للوراء لتمنيت معرفتهم

وكفى

الهادي قنديل
05-15-2009, 02:35 AM
طبعا يا اسامه حتكون فاجأت خالد الباشا قبل تفاجئنا بقصيدة شجرة النص


وتاني ياخالد الباشا جيتك بي كم سؤال وعارف نفسي بقيت ليك في رقبتك لكن مافي شي بيجيبك هنا بلا الاسئلة دي


س1: هل الشهره لها تأثير على حياتك ؟؟؟

س2: قد يحمل الشعر قضيه اجتماعيه...انسانيه ... اقتصاديه ..الخ
ماهي القضيه التي تود ان يحملها شعرك ؟؟؟

س3: أحيانا يفعل الانسان شيـئا وسـرعان ماينـدم عليه ..هل ندم خالد الباشا علي نشر قصيده ؟؟؟

س4: لو ماتكن شاعر ماذا كنت تريد ان تكون ؟؟؟

س5:صف لنا حالتك قبل وأثناء وبعد كتابة القصيده ؟ وهل هناك اجواء معينه تفضلها ساعه كتابه القصيده ؟؟؟

س6: ماهي القصيدة الاقرب الى قلبك ولماذا ؟؟؟ (ولماذا دي ممكن تعرّج منها اذا فيها حرج)

س7: برأيك .. من يصنع الاخر ,, القصيده ام الشاعر ؟؟؟

س8:بيت شعر كتبته وتردده دائما,, ؟؟؟

س9: بيت لشاعر تمنيت ان تكون كاتبه ؟؟؟

س10: مارأيك بالشعر النسائي وهل هناك اسماء تعجبك ..؟؟؟


ودي نقله للأسئله عشان خالد الباشا يجي يلقاها وش :p

خالد الباشا
05-15-2009, 05:19 PM
المشاركة الأصلية كتبت بواسطة الهادي قنديل
طبعا يا اسامه حتكون فاجأت خالد الباشا قبل تفاجئنا بقصيدة شجرة النص

وتاني ياخالد الباشا جيتك بي كم سؤال وعارف نفسي بقيت ليك في رقبتك لكن مافي شي بيجيبك هنا بلا الاسئلة دي


س1: هل الشهره لها تأثير على حياتك ؟؟؟

لا اتمتع بشهر ة على الإطلاق .. كأسم ممكن ولكن كملامح لا .. فكتير من الناس ما شايفني ولو شافوني مابيعرفو انا منو .. ومع طبيعة عملي كده مريح ..
س2: قد يحمل الشعر قضيه اجتماعيه...انسانيه ... اقتصاديه ..الخ
ماهي القضيه التي تود ان يحملها شعرك ؟؟؟..

قضيتي هي الحب الصادق العفيف ... وقضيتي هي كيف تظل البلد بكل تفاصيلها في كلماتنا واشعارنا وغناوينا وحتى في ونستنا ..

س3: أحيانا يفعل الانسان شيـئا وسـرعان ماينـدم عليه ..هل ندم خالد الباشا علي نشر قصيده ؟؟؟
بالجد ندمت على مطلع قصيدة بحر الشعاع ..خاتم المنى ... بالرغم من انها من احب قصائدي إلى نفسي ولكن المعنى تغير بعد النشر ..
وندمت اكتر علي مقال صحفي كتبته قبل سنوات وكان عنوانه (مابين خالد شقوري وعبدالله محمد خير مسافة المابتلحقو جدعو )

س4: لو ماتكن شاعر ماذا كنت تريد ان تكون ؟؟؟

اكتب الشعر لكن المهم لا يطلق علي لغب شاعر

س5:صف لنا حالتك قبل وأثناء وبعد كتابة القصيده ؟ وهل هناك اجواء معينه تفضلها ساعه كتابه القصيده ؟؟؟
خارج النص :( لما تعرفني عن قرب ح تندم على السوال ده )

س6: ماهي القصيدة الاقرب الى قلبك ولماذا ؟؟؟ (ولماذا دي ممكن تعرّج منها اذا فيها حرج)
هم ثلاثة قصائد كل وحدة عندها يوم خاص في حياتي وطلعن مني صادقات وبي دموعن :
1- كانت حياة
2- بحبك لانك
3- عندك خبر
ونعرج ونقول لانهن كتبن وانا حزين ..

س7: برأيك .. من يصنع الاخر ,, القصيده ام الشاعر ؟؟؟

الشاعر
س8:بيت شعر كتبته وتردده دائما,, ؟؟؟

يابت تلوت اليل بجيك قاسميني احزان الهوى
ودسيني فيك سر الحنين في جب حفرنا زمان سوا

س9: بيت لشاعر تمنيت ان تكون كاتبه ؟؟؟

اكون طماع واقول ليك :
ياكركداية الله اترشق ناقع عصيرا من ايد ملاك عند المغارب بي تحت )


س10: مارأيك بالشعر النسائي وهل هناك اسماء تعجبك ..؟؟؟

روضة الحاج اول مرة واي شاعرة لاتكتب بلسان الولد



اتمنى ان اكون (جاوبت صاح )

عوض جلاس
05-15-2009, 09:11 PM
الشاعر خالد الباشا تحياتنا واشواقنا وامانينا
حاسألك سؤال ما أظن يخطر بالبال
عندما قامت تلك المساجلات المشهورة بين الشاعر المرحوم عبد الله محمد خير والشاعر حاتم حسن الدابي تأثر بها الكثير من الناس وخاصة الشعراء .
وأصبح كثير من الشعراء يناصرون هذا أو ذاك
على سبيل المثال وداعة محمد طلب والذي انضم لحزب المرحوم عبد الله محمد خير
والشاعر محي الدين اليمني الذي انضم لحزب حاتم حسن الدابي
ليكتبو العديد من القصائد في الفخر كل ببلده والتهكم على بلد الآخر
وكان من بين القصائد الشهيرة تلك التي تغنى بها عبد القيوم الشريف
( عبدو صبرك ليه مالو عيل وكنت منو على الناس تجُر )
ليصل إلى البيت الذي يقول ( إنت قصدك تخلق فتن بين ولاد شايق وبين بدر )
السؤال هو
ما مدى تأثير هذه الفتنة على الأستاذ خالد الباشا وما هو موقفه منها ؟؟؟؟
وهل كان يميل إلى فريق ضد الآخر أم اتخذ الحياد في ذلك الموقف ؟؟؟
مع العلم بأن هذه الفتنة كانت في بداية التسعينات إذا لم تخني الذاكرة

عوض جلاس
05-16-2009, 12:47 AM
عوووووووووووووووووووك
والله الليلي جنس نووووووم
وينكم يا سراي الليل ؟؟؟
اسامة
الهادي
خناس
واصل
والباقين
الحكايي شنو ؟؟؟

عصام سرالختم
05-16-2009, 05:31 AM
عوووووووووووووووووووك
والله الليلي جنس نووووووم
وينكم يا سراي الليل ؟؟؟
اسامة
الهادي
خناس
واصل
والباقين
الحكايي شنو ؟؟؟

الاخ عوض جلاس
يظهر انو ناس الخرطوم كانوا مساهرين فى دار البركل مع خالد الحاج ومن معه من ضيوف ملتقى الاعلاميين العاملين بالخارج

بالمناسبة مشاركتك الاخيرة يا عوض كانت رقم ( 1900 ) فى هذا البوست الرائع

الهادي قنديل
05-16-2009, 09:19 AM
الاخ عوض جلاس
يظهر انو ناس الخرطوم كانوا مساهرين فى دار البركل مع خالد الحاج ومن معه من ضيوف ملتقى الاعلاميين العاملين بالخارج

بالمناسبة مشاركتك الاخيرة يا عوض كانت رقم ( 1900 ) فى هذا البوست الرائع


وناس السعوديه (الطائف تحديدا ً) النت عملها فيهم امس .. وقطع رأسهم


المشاركة الأصلية كتبت بواسطة عوض جلاس
عوووووووووووووووووووك
والله الليلي جنس نووووووم
وينكم يا سراي الليل ؟؟؟
اسامة
الهادي
خناس
واصل
والباقين
الحكايي شنو ؟؟؟

مشكور ابو اياد ويكفينا وجودك ياصاحبي

انت الخير والبركه

والعذر فوق

هديل
05-16-2009, 09:31 AM
عوووووووووووووووووووك
والله الليلي جنس نووووووم
وينكم يا سراي الليل ؟؟؟
اسامة
الهادي
خناس
واصل
والباقين
الحكايي شنو ؟؟؟

نيابه عن الباقين ....برضو النت عملنا فينا

اها وصلتو وين؟؟؟

عوض جلاس
05-16-2009, 11:08 AM
مشكور الأخ عصام على التنويه بمكان السراي
وإن شاء الله الليلة تكون قد جاءت على قدر أهل البركل
أما مشاركتي ال 1900 ما شفتها إلا بعد ما كلمتني
وعقبال البوست يوصل الألفية الثانية اليوم أو بكرة

الهادي حمداً لله على السلامة والنت إن شاء الله يكون رجع عندكم

الباقين اقصد هديل إن شاء الله النت عندكم يكون استعدل

أسامة مالك حذفت مشاركتك السمحي في قهوة أم الحسن دي ؟؟؟

وبالمحبة تواصلوا

خالد الباشا
05-16-2009, 11:39 AM
الشاعر خالد الباشا تحياتنا واشواقنا وامانينا
حاسألك سؤال ما أظن يخطر بالبال
عندما قامت تلك المساجلات المشهورة بين الشاعر المرحوم عبد الله محمد خير والشاعر حاتم حسن الدابي تأثر بها الكثير من الناس وخاصة الشعراء .
وأصبح كثير من الشعراء يناصرون هذا أو ذاك
على سبيل المثال وداعة محمد طلب والذي انضم لحزب المرحوم عبد الله محمد خير
والشاعر محي الدين اليمني الذي انضم لحزب حاتم حسن الدابي
ليكتبو العديد من القصائد في الفخر كل ببلده والتهكم على بلد الآخر
وكان من بين القصائد الشهيرة تلك التي تغنى بها عبد القيوم الشريف
( عبدو صبرك ليه مالو عيل وكنت منو على الناس تجُر )
ليصل إلى البيت الذي يقول ( إنت قصدك تخلق فتن بين ولاد شايق وبين بدر )
السؤال هو
ما مدى تأثير هذه الفتنة على الأستاذ خالد الباشا وما هو موقفه منها ؟؟؟؟
وهل كان يميل إلى فريق ضد الآخر أم اتخذ الحياد في ذلك الموقف ؟؟؟
مع العلم بأن هذه الفتنة كانت في بداية التسعينات إذا لم تخني الذاكرة

صاحبي عوض ...
وبداية التسعينات .. كنت يافعا بعيدا حتى عن الأخبار .. وبيني وبينك كده كنت صغيروني ... ولكني قرأت لاحقا المساجلات ..


وفي الحقيقة احساسي العام كان اعجاب شديد بالفكرة وده جا ربما لاني قرأتها واستمعت ليها وانا ناضج بعد المشكلة ما انتهت .. وانا من الناس البحب الحراك الثقافي والشعري عموما طالما ان النفوس طيبة .. وما اظن مهما كتب الناس ممكن يسبب مشكلة او فتنة طالما ان القلوب بيضاء .. ولكن انا كنت معجب بالشاعرين .. فكل واحد خلق من بلاده جنة ..



ياعوص جلاس ..
..... سؤالك ده صعب خلاس ..

طيبان
05-16-2009, 01:18 PM
كتب خالدالباشا
وفي الحقيقة احساسي العام كان اعجاب شديد بالفكرة وده جا ربما لاني قرأتها واستمعت ليها وانا ناضج بعد المشكلة ما انتهت .. وانا من الناس البحب الحراك الثقافي والشعري عموما طالما ان النفوس طيبة .. وما اظن مهما كتب الناس ممكن يسبب مشكلة او فتنة طالما ان القلوب بيضاء .. ولكن انا كنت معجب بالشاعرين .. فكل واحد خلق من بلاده جنة
سلام للقوزاب ..

الصديق خالد الباشا

ألاحظ أن هذه الحادثة - كما ذكر الأخ عوض -أخذت حيّزا كبيراً في زمنها ..
وقتها لم يكن من اليسير الحصول علي النصوص الكاملة او الإستماع لشعراء القصائد مالم تكن محتكّاً بهذا الوسط ..رغم مارشح للجمهور من بعض الأغنيات وقليل شعر ضاع أكثره بسبب المشافهة وعدم التوثيق ..
المقدمة دي نظام زرزرة ;) ومطالبة ليك بكتابة وتوثيق تلك (المجادعات) ..أو الإخوانيات كما أسمّيها (هذا إن لم يكن توثيقها يقلّب مواجع ..أو يؤذي أحداً )..

وياصديقنا وشاعرنا العطا (إن بقيت قريب)

قصيدتك ( يكفي نـوري ..هي نوري وكفي ) هل كانت في أيّام العرب تلك ؟؟;)

وياعوض شكراً علي الباص ;)

ويا الهادي رفيقي مشتاقين :mad:

ويا أسامة روابطك دي مسكونة ..:(
_____

ويا خلايق الله أقيفوا روق :p :p

عوض جلاس
05-16-2009, 03:21 PM
شكراً خالد الباشا اليافع في تلك الأيام على الرد السغيروني
وإن كنت أطمع في المزيد من التفاصيل كما قال العزيز طيبان

طيبان ألف شكر على مداخلتك الجميلة وأطالب معك الأخ خالد بتفاصيل أكثر
لأنه حتى لو تبرأ من أنه لم يدخل لب الموضوع
فاكيد بإحساس الشاعر عايش المشكلة بكل تفاصيلها لاحقاً ولديه الكثير مما يقوله لنا
حسب معلوماتي بأن المشكلة بدأت عندما كتب المرحوم عبد الله محمد خير قصيدته المشهورة
أو البيت الشهير بالأصح ( أرقي يا رحمن في الجمال مافي بلداً بتجاكرا )
فكان الرد من حاتم في قصيدته عبدو كان طوعت الحروف رتِّب الكلمات وأوزنا
ليقول فيها ( القرير جوهرة الشمال وانت داريها محاسنا )
بعدها لم يثار الموضوع حتى كتب حاتم قصيدته المشاعر فوق كل شيء بالغررو اوعا تطاوعا يلا يا ياسر وأقنعه
ليرد عليه المرحوم عبد الله محمد خير 0 المشاعر ما كل شيء حكمة يا حاتم أسمعا )
فكانت هذه بداية الشرارة
فكتب حاتم قصيدة ( عبدو صبرك ليه مالو عيل كنت منو على الناس تجر )
لتبدأ المشكلة منحىً آخر بتدخل العديد من الشعراء
حتى وصلت مرحلة معقدة وحرب شعواء
هذه تفاصيل بسيطة عن المشكلة
ومدخل لمن يعرف المزيد
نحن طبعاً حزب المدايد والشمارات وكدة

الهادي قنديل
05-16-2009, 10:36 PM
سلام للقوزاب ..






ويا الهادي رفيقي مشتاقين :mad:


ويا خلايق الله أقيفوا روق :p :p

وبما ان الحديث عن الرائع حد الدهشه خالد الباشا فكان لابدّ ان يأتي الرد عليك يارفيقي بكلماته

ويا طيبان

مشيت بعدك بلاد الشوق ..
غشيت في سكتي الأطلال ..
لقيتك لسة في الخاطر ..
وفي مرقة شمس باكر ..
ملان بيك طول حياتنا جمال ..

_________

ويا خلايق الله تعالوا جــاي

خناس هاشم
05-16-2009, 10:43 PM
وبما ان الحديث عن الرائع حد الدهشه خالد الباشا فكان لابدّ ان يأتي الرد عليك يارفيقي بكلماته

ويا طيبان

مشيت بعدك بلاد الشوق ..
غشيت في سكتي الأطلال ..
لقيتك لسة في الخاطر ..
وفي مرقة شمس باكر ..
ملان بيك طول حياتنا جمال ..

_________

ويا خلايق الله تعالوا جــاي

الهادى مالك بتكورك تعالو جاى
قاعدين ومجهزين شاينا ولقيماتنا فى انتظار الجديد للمبدع خالد الباشا

عوض جلاس
05-16-2009, 11:08 PM
الهادي قنديل وخناس
رفاق السهر سلام
وين اسامة الليلي مسجل غياب
إن شاء الله يكون عوافي

هديل
05-16-2009, 11:11 PM
اها الباقين حضرو ياعوض جلاس...


ومنتظرين وكلنا شوق لجديد خالد الباشا ...
-------
انتو وين واصل ...غاتس وين غايتو شويه كدا ونمشى نعلن عنه فى بوست الغايبين

اسامة حمزة
05-16-2009, 11:19 PM
اخوتي الاكارم

تحية لكل من تابع معنا مشوار الاستاذ الشاعر خالد الباشا وها نحن نقترب من نهاياته وواجب علينا الوقوف لمراجعة كل ما قدمناه عير هذه الصفحات
هنالك الكثير من الاعمال وردت في اغاني واوردها الاخوة السراي كنصوص مكتوبة ولكني اردت ان توثق بصوت الشاعر خالد نفسه وهنا اولي تلك الاعمال وهي قصيدة ( بت واطاتنا ) وارجو من الاخوة السراي من توفرت لديه او شارك بها من قبل استرجاعها هنا اتعم الفائدة مرة اخري








http://sudaniyat.net/up/uploading/mshatgein101.mp3




.

الهادي قنديل
05-16-2009, 11:29 PM
حباااااب الزول الرائع دون تبرير

طارق

واليك اهدي قصيدة بت واطاتنا بمناسبة سهرك معانا ده

بـت واطـاتنا

مشتاقين يا بت واطاتنا
يا قمراتنا ..
وضل نخلاتنا
وأبيار حني ،،
مشتاقين واشواقك مرتق
وحس الطير في الساقي الصني ،،
مشتاقين وهوايا يلولح
في التمرات
والريح بتغنى ،،
مشتاقين واليوم إتراوح
والإيديين في القيف تتلاوح
ياأفراح شيلينى وفنى ،،
لعب الكاك في كير إحساسك
ها لمحبوب وين طلوح مني ؟
يا اشواق ركيني احبك جوه حنين رفقاتي وسني
ويا اجراس خصمتك بالله في صناية الذكرى ترني ..
***
ومشتاقين يابت واطاتنا
مشتاقين والكون الواسع جوه عيونك
اصلو عيونك
من يوم فتك ما فاتني
كل الدنيا بشوفك فيها ..
في قمراتنا العاد تطفيها ..
في حيشانا الطيبى كأني ..
إتوسدت حنينك دافي
لا أحزان لا دمعات ما في
زى ما تقولي شجيرة حني
وفي إيديك الريح حتني
زرزور جني .. وداير اغني
إنتي إقترحي غناوي اللهفه وكل الشوق الفيني يثني ،،

ومشتاقين يلاك نغني .. يا جلابا وياجلابا
يااا جلابا غناوي الإلفه في ضلماتنا التبقى نجوم
ونتحداك ( ياحمت ديره ) .. ومن عداك ؟.. والحجي تقوم
ونتوطاك ياشوك الساقي وفي سقاية الدنيا نعوم
ويا الله ياااا الله
يا الله شتلات افراحنا في واطات احزانا تقوم
وفرحانين يابت واطاتنا
بين ضحكاتنا وضي قمراتنا نبدأ نرص ،،
ونبدأ نقص ،،
من ديكت السالف ولا ها ليوم
وريحة المحلب فوق يا احمد
فاطني السمحي ولول النوم
متقالدين في حضن اماتنا ومندفين بي حن ابدوم
***
ومشتاقين يا بت واطاتنا
واحكي لي يا بت واطاتنا
واحكي لي ..
احكي لي من وإنتي بتبكي
نص الليل جاهراك الشمعه
احكي لي ..
احكي لي وانا قمت مسافر
إتعديت بيوضه النقعه
احكي لي ..
احكى لي وانا لسه مسافر
لا طبيت لا ناوي الرجعة
لا لميت في ضحك الفاقه
ولا إتيقنت عليك يالدمعة
ومشتاقين آه مشتاقين
مشاقين يا بت واطاتـــــــــــــــنا


وهادي نقله لبت واطاتنا يا اسامه

عوض جلاس
05-16-2009, 11:33 PM
اها الباقين حضرو ياعوض جلاس...


ومنتظرين وكلنا شوق لجديد خالد الباشا ...
-------
انتو وين واصل ...غاتس وين غايتو شويه كدا ونمشى نعلن عنه فى بوست الغايبين

http://www.seedalbalad.com/vb/images/smilies/36_1_20.gif
الباقين إن شاء الله طيبين
وشرفتو ونورتو

هديل
05-16-2009, 11:41 PM
وهنا القصيده بصوت عوض جلاس


http://sudaniyat.net/up/uploading/ballatshoogy.mp3


عارف ياعوض جلاس اول مرة اشوف المشاركه دى الليله ...والله ابداع

طيب ماليك الحق تشوفنا طشاش ولا ما تشوفنا ذاتو

يازول اقدل فوق عديلك

عوض جلاس
05-16-2009, 11:52 PM
عارف ياعوض جلاس اول مرة اشوف المشاركه دى الليله ...والله ابداع
طيب ماليك الحق تشوفنا طشاش ولا ما تشوفنا ذاتو
يازول اقدل فوق عديلك
الله يسامحك يا دكتورة
أنا برضو البشوف طشاش ؟؟؟؟؟
غايتو البركة في خالد الباشا كان داير يدينا شوية مشهورين
لكن ما أظن نحن ناس قريعتي راحت ساكت

اسامة حمزة
05-17-2009, 12:00 AM
واغنية زمن ماجاني صوتك طاش التي غناها الفنان عبد الرحيم ارقي والتي وردت في بداية البوست نوردها هنا ايضا بصوت الشاعر خالد وارجو ان يحاول الاخ الهادي توفير النص مكتوب ويا حبذا يا شباب لو لقينا الاغنية بصوت ارقي

http://sudaniyat.net/up/uploading/zmn00.mp3




.

الهادي قنديل
05-17-2009, 12:01 AM
زمن ماجاني صوتك طاش من اروع الاغاني التي تغنى بها عبدالرحيم ارقي وكتب كلماتها خالد الباشا


ومعا نسمعها بصوت ارقي

http://sudaniyat.net/up/uploading/maganni.mp3




وهنا نص القصيدة


زمن ماجاني صوتك طاش

زمن ما جاني صوتك طاش .. ولا جيت ماري أناديكا ..
مشحتفة بعدك الأحضان علي تبتيب أياديكا ..
مشيت وين بس عشان أغشاك .. أبلبل شوقي ألاقيكا ..
وزمن ده أنا وإنت والأمواج .. مراكبي وشوق مراسيكا ..

سلامات والقلب طاريك .. منابع حسو أتاريكا ..
وراك لا اتلمن الاجفان .. ولا قصرن لياليكا ..
جفيتني وتهت في الأيام نسيتني أنا ماني ناسيكا ..
تعال بالي العليك مشغول كفاهو فتر يباريكا ..

أرض مجرورة راجية الغيم تشابي علي تقاويكا ..
أنا الكمترني شوق عينيك وأزاني وجع طواريكا ..
تعال أرويني بالآمال سرابة سرابة راجيكا ..
ومتين بس ياغمام الخير بتروي لهيب بواديكا ..

كتير ونست صمت الليل نشيل ونخت غناويكا ..
كتير فكرت كيف أنساك .. متل ماك جافي أجافيكا ..
غلبني وحات سواد عينيك مع العابرين أساويكا ..
وشنو الناقصني إشان إرتاح بلاك وبلا ألاقيكا ..

حليل يوم طلتك مشتاق حنين الدنيا ماليكا ..
تلومني علي غيابي إرتاح .. وكت تزعل واراضيكا ..
ومنو الكان زينا الأفراح بيملأ حسيس مزازيكا ..
وحليلك والقدر لفاح .. ختفني أنا البضاريكا


وهنا نص القصيده وبصوت عبدالرحيم ارقي كمان
شباب منو البيجيبها ليك غير الهادي يا اسامه :p

عوض جلاس
05-17-2009, 12:06 AM
وهنا نص القصيده وبصوت عبدالرحيم ارقي كمان
شباب منو البيجيبها ليك غير الهادي يا اسامه :p

انت انشاء الله لا تفووووت لا تموووووووووت

الهادي قنديل
05-17-2009, 12:11 AM
انت انشاء الله لا تفووووت لا تموووووووووت

تسلم والله ياصاحبي عوض

وانت الخير والبركه الا سؤال؟؟؟
المشاركة الأصلية كتبت بواسطة هديل
عارف ياعوض جلاس اول مرة اشوف المشاركه دى الليله ...والله ابداع
طيب ماليك الحق تشوفنا طشاش ولا ما تشوفنا ذاتو
يازول اقدل فوق عديلك

انت الباقين ديل كانو قاعدين في اضنيهم؟؟؟:p

هديل
05-17-2009, 12:13 AM
وهنا نص القصيده وبصوت عبدالرحيم ارقي كمان
شباب منو البيجيبها ليك غير الهادي يا اسامه :p


قلت كدا يالهادى ..غايتو انا الليت بتاعى جا

لكن غدا لنا شان آخر وان غدا لناظره قريب

اها تصبحو على خير

اسامة حمزة
05-17-2009, 12:25 AM
الاخوة المتابعين

ونحن نواصل مشوارنا في ابداع الاخ الشاعر خالد الباشا نحاول نغطي كل جوانبه التي تناولها عبر مسيرته المشرقة

هناك عدد من النصوص لم تر النور بعد سنحاول نشرها عبر هذه الصفحة

لنستمع الي هذا النص من اخر الاعمال التي كتبها خالد

بقيت ماك زي زمان
http://sudaniyat.net/up/uploading/fgdnak.mp3

عوض جلاس
05-17-2009, 12:34 AM
يديك العافية أسامة
ما قصرت والله في المحطة دي أتحفتنا عديل كدي
وخالد الباشا يستاهل المساحة دي وأكتر كمان

هديل الليت جاء ؟؟؟ يلا تصبحي على خير

الهادي قنديل
05-17-2009, 12:55 AM
الاخوة المتابعين

ونحن علي مشارف مشوارنا في ابداع الاخ الشاعر خالد الباشا نحاول نغطي كل جوانبه التي تناولها عبر مسيرته المشرقة

هناك عدد من النصوص لم تر النور بعد سنحاول نشرها عبر هذه الصفحة

لنستمع الي هذا النص من اخر الاعمال التي كتبها خالد


http://sudaniyat.net/up/uploading/fgdnak.mp3



ونواصل غدا


اول مرّة استمع لهذه القصيده طبعا ولكن كان لابدّ لهذا الصوت ان يتبعه النص

اجتهدت وكتبتها... واتمنى ان اكون قد وفقت في كتابة النص بالشكل الصحيح

عموما ان كانت هناك اي اخطأ ارجو التنبيه

واليكم النص


بقيت ماك زي زمان دفاي
بقيت ماك نار شتانا القــُر
ولاك ضل حرنا القلاي
فقدناك يوم عوجة الحي
ويوم سكلب قلبنا احّي
ويوم نزل الدمع جراي
****
فقدناك يا البتلحق وين
فقدناك يا المغيبك شين
فقدناك يا الجنا الغناي
****
ليالي طويلي ماك باين
ولاك صاين عهود شوقنا وعهود الحب
هبوب ساكت تعدي كلام مواعيد لقيتك كُضُُب
وانا الراجيك يوسف وين اتاريك في بطون الجُب
قفاك اديتو للاحلام
حبيبك سبتو للايام
وتــُب فوقو اشتياقك تــُب

****
منو القساك علي ناسك
علي قعر الحياة وراسك
منو الودر بياض نيتك
منو القصر مدى احساسك
منو الغشاك بالدنيا وسكن جواك وسواسك

***
مداين روعتك عامرات
وجناين حبك الوارفات
تبجن فيها بي فاسك
منو القساك علي ناسك؟؟؟

هديل
05-17-2009, 08:10 AM
يديك العافية أسامة
ما قصرت والله في المحطة دي أتحفتنا عديل كدي
وخالد الباشا يستاهل المساحة دي وأكتر كمان

هديل الليت جاء ؟؟؟ يلا تصبحي على خير

نسوى شنو كل يوم نقول النت قاطع...لامن النت حالو اتشال

قلنا نغير شويه ونقول الليت جا (وحقك الادبى محفوظ طبعا)

الهادي قنديل
05-17-2009, 10:15 AM
الاحباب السراي

فاتني بالامس ان انقل لكم تحيات د.توفيق الطيب

فقد جمعتني به مكالمه هاتفيه طويله تبادلنا فيها اطراف الحديث ولم نترك نقطه الا وتطرقنا لها .. وللامانه كلام د.توفيق يضع علي عاتقنا مسئوليه كبيره .. فالتكن كلماته في حقنا دافعا لمزيد من الجهد والتواصل



ولمزيد من الجهد والهمة والنشاط اورد لكم بعض كلمات د.توفيق في مداخلات لنا معه بمنتدى التوثيق

وهنا رد د.توفيق علي احدي مداخلاتي معه:

العزيز الهادي
الله يديك العافي ... وانت دائما تخجلني ولكن ما قلته انا بحق قوز السراي هو إحساسي العميق بالقيمة الغذائية لهذا التفرد الذي اتسم به قوز السراي وعموما نقول ليك جمال حروفك من جمال نفسك فالذي نفسه بغير جمال لا يرى في الوجود شيئا جميلا وفقنا الله واياك

وهنا رد د.توفيق علي مشاركه للاخت خناس:

العزيزة خناس
ليتني استطيع أن ارد بعض الجميل لأهله .. فبعض الناس يرتفعون عالياً فلا تكاد تصل اليهم إذا قصدتهم بالخير ولكنهم إذا قصدوك بخير وصلوك .. حفظك الله

__________________________
الا هــل بلــّغت؟؟ اللـــهم فاشـهــد

عوض جلاس
05-17-2009, 10:45 AM
لك التحية الهادي وللدكتور توفيق الطيب البشير
شايفو اليومين دي قلل الجية بي جاي
لعل المانع خير ؟؟؟
ونتمنى أن يعود ليتحفنا بمداخلاته الجميلة والثرة والقيمة

طيبان
05-17-2009, 11:01 AM
يا قوزاب

عندي أسئلة فوق مشّرك بيها لي خالد الباشا - وقيل العطا برضو -

تجيبوهم يردّوا عليها وللا أشيلا أرسّلا ليهم في الخاص ؟؟؟ :mad:


___

(وش عكليت ;))

العطا علي العطا
05-17-2009, 05:58 PM
طيبان
سلام للقوزاب ..
وياصديقنا وشاعرنا العطا (إن بقيت قريب)
قصيدتك ( يكفي نـوري ..هي نوري وكفي ) هل كانت في أيّام العرب تلك ؟؟;)

سراى قوز السراى ازيكم
نعم يا الطيب طيبا ن

شاء الله يا طيبان وقبل ان تبدا الحرب الباردة تلك ان جمعتنى الظروف فى مناسبة زواج وراق المجذوب بالاخ الفنان معتصم سمعت منه (كل زول فوق بلدو ال يقول ) وهو يتغنى بها لاول مرة علمت منه انها من كلمات عبد العظيم الكارورى 00قلت فى نفسى وقعتك سودة يا العطا - الكلا م ده عاجبك وماعاجبك - أعجبنى النص ولم تعجبنى المجاراة من الكاروى -
فى اعتقادى انو نورى ماها ناقصة لشهادة اثبات وجود شعرا كانت ام غيره -أها يالعطا تسوى شنو الزول معرفة اب تعرفو -
ياعملات صاحبى وداعة محمد طلب(مسك قلمى ومليت قرطاسى ألف )محل رقيقى ال تتقطع مامخلى الكارورى مانى مخلّى

وكتبت


عبدو بينا انزاح البعاد =وراح ضباب عدم المعرفة
ونحن عامرى البيناتنا صاح =وبينا مرفوعة التكلفة
واليقان والرضاء والقبول= وفى اسمى معناها العاطفة
عبدو اهلنا رواهن بعيد = ونيّر ة الافكار هادفة
وفينا عبدو الزول من قديم =ان غرق شبعان فى النعيم وان عدم شقيان ان حفا
يحفظ العرفان والجميل= لى بلادو يرد الوفا ء
كل زول فوق بلدو ال يقول= واجبو يا عبدو يوصّفا
يكتب الاشعار ليل نهار= صورتو عن بلدو يزخرفا
وفيها بيها يغنى ويقول = وال يطول السماء احتفاء
وانت من حقك وباعتداد = تمشى فو ق عدلك قندفة
وقنّب اتحكر بى مزاج = وشيل دى فو ق التانية اخلفا
حمّس الطارات للمديح = وشد طنابيرك ووقــّـفا
وفى الشمائل وحسن الصفات= زيد عن الألف صفة وصفة
فيها نورى اشن دار تقول =يكفى نورى هى نورى وكفى
بى ملوك الفن والشعر = والاحاسيس المرهفة
نورى نايرى الاف السنين = قاجى وهج الضوء ما انطفا
نورى جامعة (عمر الحسين) =زادت (الحمّيد) معرفة
وفات ( حسونه) حدود الغزل= فى الضمير والهاف الهفا
نورى مهد الحن والحنين =التمود الكلد المدين
برتكان لارٌدَخ القرين =للبعيد مرسول مقطفا
نورى شايلى الليل ابتهال= مافى زولا نام او غفا
الحريم كالحضرن بدر= والرجال اخوان الصفاء
عبدو كم مرات فى الزمان = نورى هام النيل يجرفا
وتطرا غدر النيل الجريف= فى تلوت الليل من قـفا
لما حام الحوت فى الحقاب = وعا م وصل حلّوف عجرفة
والعجاج القاج فى المرين= والرياح صرصر عاصفة
والبروق السابقى الرعود= السحاب مدلوق ناكفا
نورى عز غرغرة التساب= فاجّى جات سكرات الوفاة
زالفى بى حلوف حالفه =وبى شبابه السند القفا
وبى مواريثا المن قبيل = فى الحضارات السالفة
نورى تانى من اول وجديد =قائمى لى طولا وواقفه
وعبدو طول ماك قاعد هناك = عبدو اخوي (لام) طول سوّو ( فاء)
واطلع انزل زى ماتدور = وانت اكتر زول عارفا
وامى نور اقريها السلام
فيها يصبح عمرك مديد =وتبقى كل ايامك صفاء


ونواصل ونتواصل

____


بلا دودير وجم شركك خت نورى براى بقبض

توفيق الطيب البشير
05-17-2009, 07:26 PM
لك التحية الهادي وللدكتور توفيق الطيب البشير
شايفو اليومين دي قلل الجية بي جاي
لعل المانع خير ؟؟؟
ونتمنى أن يعود ليتحفنا بمداخلاته الجميلة والثرة والقيمة



اخي الودود عوض جلاس
لك التحية من الاعماق
انا متااااااابع وما بقوم الصباح من السرير لو ما فتحت قوز السراي وقريت الفاتني كلمة كلمة ومبسوط 44 قيراط من المجموعة التي اسميها الصفوة وأعجبني جدا جدا انك ملحن مرموق لكن ياخي قصة التلحين دي ما ماشة مع موضوع الليت الشايفك مكنكش فيهو اليومين ديل اعمل حسابك ونحن متمنين نقعد معاك ونسمع شئ من المدسدس والله يقويك

واصل هاشم
05-17-2009, 07:32 PM
يا السراي كيفنكم
الواحد نفسو قام عشان يقرا المشاركات الفاتتو
يا الهادي واسامة ما شاء الله عليكم جديع بالطريقة الصاح لقيتو البتين ديل واتجدعتو فيهم

اها جيتكم راجع بعد غيبة تلاتة يوم بسبب زحمة الشغل وغلبتو

توفيق الطيب البشير
05-17-2009, 07:32 PM
الاحباب السراي

فاتني بالامس ان انقل لكم تحيات د.توفيق الطيب

فقد جمعتني به مكالمه هاتفيه طويله تبادلنا فيها اطراف الحديث ولم نترك نقطه الا وتطرقنا لها .. وللامانه كلام د.توفيق يضع علي عاتقنا مسئوليه كبيره .. فالتكن كلماته في حقنا دافعا لمزيد من الجهد والتواصل



ولمزيد من الجهد والهمة والنشاط اورد لكم بعض كلمات د.توفيق في مداخلات لنا معه بمنتدى التوثيق

وهنا رد د.توفيق علي احدي مداخلاتي معه:



وهنا رد د.توفيق علي مشاركه للاخت خناس:



__________________________
الا هــل بلــّغت؟؟ اللـــهم فاشـهــد

الاخ الوفي الهادي
اطربتي تلك المكالمة التي نقلت صوتك ( الهادي) الي مسامعي ولكم سعدت بتلك الدقائق التي عبرت بي إلى قمم السعادة وليتها تكررت ولو على أقل من العشم وليت مثل تلك اللحظة النادرة تجمعني ببقية العقد الفريد في قوز السراي بعد ان حكم قضاؤنا بموت المسافة وانكسار حائط المكان.. حفظكم الله

عوض جلاس
05-17-2009, 09:14 PM
سراي الليل سلام
اكتملت الفرحة والسعادة بدخول هرمنا العملاق العطا معمعة القوز
وسعدنا بهذه القصيدة العصماء يكفي نوري هي نوري وكفى
ولا يمكن تخيل سعادتي في تلك اللحظة التي قرأت هذه القصيدة الآن
فقد سمعتها قبل عدة سنوات بصوت الفنان معتصم إبراهيم في تلفزيون السودان
ومن شدة إعجابي بالأغنية قمت بحفظها وتسجيلها بصوتي
وأصبحت دائم الاستماع لها
وما زال التسجيل موجود معي وإن كان فيها بعض الأخطاء في الكلمات
ولأول مرة أعرف أن شاعرها هو حبيبنا العطا
لك التحية الأخ العطا وأنت بكل هذا العطاء الثر
وسعيدين أيضاً بمداخلات الأخ دكتور توفيق الطيب البشير
الذي سعدنا بعودته اليوم وهو يتحفنا دائماً بحلو الحديث المشجع
والذي يدفعنا دوماً لأن نبذل المزيد والمزيد لإثراء هذا البوست بقدر ما نستطيع
ونحمد الله الذي جمعنا بهؤلاء الأفذاذ
وسلام مربع لطيبان الذي جعل العطا يتداخل معنا هنا
وأحلى سلام لكل الرواد
وحمداً لله على السلامة الأخ واصل
اشتقنا لك

واصل هاشم
05-17-2009, 09:26 PM
وأحلى سلام لكل الرواد
وحمداً لله على السلامة الأخ واصل
اشتقنا لك

الله يسلمك يا عوض جلاسونا
ومبروك للبارسا وعقبال مباراة المان في روما
اها ماك جاي تحضر الكورة هني :D:p:)

عوض جلاس
05-17-2009, 09:33 PM
الله يسلمك يا عوض جلاسونا
ومبروك للبارسا وعقبال مباراة المان في روما
اها ماك جاي تحضر الكورة هني :d:p:)



واصل كيف حالك
والله يبارك فيك
قطعنا كدة تلتين المشوار بالفوز بكاس الدوري وكاس الملك
باقيلنا أهم شيء يوم الأربعاء
المشكلة بشجع الفريقين برشلونة ومانشستر
لكن داير الكاس لبرشلونة
ربنا يوفق ومجهزين الإي آر تي عشان نستمتع

الهادي قنديل
05-17-2009, 10:10 PM
الزول الزين .. المتلوم معاهو شديد

العطا علي العطا

غايتو بعد التنسيق بتاع القصيده دي ان شاءالله نجد ولو قليل من الرضا

ياخي سعيد والله بشرك طيبان القبضك ده

ولا تبخل علينا بالله.. وان بقت ليك صعبه ادخل وجهنا بين فتره واخرى وبنديك الخاطر

شكرا لتواجدك هنا اخوي العطا وبك يزداد القوز عطاء


يكفي نوري هي نوري وكفى
كلمات : العطا علي العطا

عبدو بينا انزاح البعاد وراح ضباب عدم المعرفة
ونحن عامرى البيناتنا صاح وبينا مرفوعة التكلفة
واليقان والرضاء والقبول وفى اسمى مهناها العاطفة
عبدو اهلنا رواهن بعيد ونير ة الافكار هادفة
وفينا عبدو الزول من قديم ان غرق شبعان فى النعيم وان عدم شقيان ان حفا
يحفظ العرفن والجميل لى بلادو يرد الوفا ء
كل زول فوق بلدو ال يقول واجبو يا عبدو يوصفه
يكتب الاشعار ليل نهار صورتو عن بلدو يزخرفة
وفيها بيها يغنى ويقول وال يطول السماء احتفاء
وانت من حقك وباعتداد تمشى فو ق عدلك قندفه
وقنب اتحكر بى مزاج وشيل دى فو ق التانية اخلفه
حمس الطارات للمديح وشد طنابيرك ووقفه
وفى الشمائل وحسن الصفات زيد عن الالف صفة وصفة
فيها نورى اشن دار تقول يكفى نورى هى نورى وكفى
بى ملوك الفن والشعر والاحاسيس المرهفة
نورى نايرى الاف السنين قاجى وهج الضوء ما انطفه
نورى جامعة عمر الحسين زادت الحميد معرفة
وفات حسونه حدود الغزل فى الضمير والهاف الهفا
نورى مهد الحن والحنين وللبعيد مرسول مقطفه
نورى شائلى الليل ابتهال مافى زولا نام او غفا
الحريم كالحضرن بدر والرجال اخوان الصفاء
عبدو كم مرات فى الزمان نورى هام النيل يجرفه
وتطره غدر النيل الجريف فى تلوت الليل من قفاه
لما حام الحوت فى الحقاب وعا م وصل حلو ف عجرفه
والعجاج القاج فى المرين والرياح صرصر عاصفة
نورى عز غرغرة التساب فاجى جات سكرات الوفاة
زالفى بى حلوف حالفه وبى شبابه السند القفا
وبى مواريئه المن قبيل فى الحضارات السالفة
نورى تانى من اول وجدبد قائمى لى طواله وواقفه
وعبدو طول ماك قاعد هناك عبدو اخول لام طول سوو فاء
واطلع انزل زى ماتدور وانت اكتر زول عارفه
وامى نور اغريها السلام
فيها يصبح عمرك مديد وتبقى كل ايامك صفاء

الهادي قنديل
05-17-2009, 10:18 PM
الاخ الوفي الهادي
اطربتي تلك المكالمة التي نقلت صوتك ( الهادي) الي مسامعي ولكم سعدت بتلك الدقائق التي عبرت بي إلى قمم السعادة وليتها تكررت ولو على أقل من العشم وليت مثل تلك اللحظة النادرة تجمعني ببقية العقد الفريد في قوز السراي بعد ان حكم قضاؤنا بموت المسافة وانكسار حائط المكان.. حفظكم الله

يا سحابه ظليله جايه ... ياربيع من غير نهايه

بأذن الله سيمتد التواصل بينا ...

سعيد بمعرفتك التي اضافت وستضيف لي .. بل لنا الكثير

________________

واصل

سلامة العوده لبيتك

واصل هاشم
05-17-2009, 10:34 PM
يا سحابه ظليله جايه ... ياربيع من غير نهايه

بأذن الله سيمتد التواصل بينا ...

سعيد بمعرفتك التي اضافت وستضيف لي .. بل لنا الكثير

________________

واصل

سلامة العوده لبيتك

الله يسلمك يا الهادي انديل ما بتقصر والله
شايفك قابض الجو:D:p

اسامة حمزة
05-17-2009, 10:45 PM
ونحن في خواتيم مشوارنا في رحلة الشاعر خالد الباشا وقفنا علي ماقدمه حلال مسيرته الفنية التي قدم فيها الكثير للساحة الفنية

قدّمنا له عدد من القصائد عبر هذه الصفحات وها نحن نقدم له عددا من التي لم تنشر او تلحن وهي من الاعمال الجميلة والتي تتنوع مابين الاجتماعي منها والرمزي والغالب فيها جاء من واقع حياته وتفاصيلها

طبول الشوق قصيدة مهداه من خالد للاخ عوض جلاس




http://sudaniyat.net/up/uploading/tbool.mp3



.

الهادي قنديل
05-17-2009, 11:03 PM
اسامه

احمد لك انك قدرت تطلع المدسوس من اشعار خالد الباشا

واحمد لك ايضا انك سمعتنا صوت خالد الباشا وهو يلقي في قصائده فخالد اراه شاعر لا يعترف بشاعريته ..ولا يحسب نفسه من زمرة الشعراء..ورغما عن ذلك وصلتنا قصائده غصبا عنه :p

__________

اما بخصوص الاهداء

فعوض جلاس يستاهل ان تُهدى له الكلمات ويُهدى له كل غالي

بس ياعوض الحقنا بي نص القصيده (انت قايل الاهداء ده ساهل كده):p

اسامة حمزة
05-17-2009, 11:17 PM
ونحن نطوف في محطات خالد الشعرية استوقفني في تلك الايام قصيدة كتبها خالد وعندما سالته عنها حكي لي انها قصيدة من واقع البلد الذي عاشه يوما ما وهي من الاعمال التي حملت نمط درامي في اشعار خالد


هي كلام علي سطح التراب فتعالوا لنستمع اليها معاً



http://sudaniyat.net/up/uploading/bktb000.mp3



.

اسامة حمزة
05-17-2009, 11:26 PM
من اعمال الشاعر خالد التي مثلت جانب العاطفة في مسيرته ولم تلحن بعد قصيدة احساسي بيك وهي في تقديري لا تشبه اعمال خالد الاخري اذ تميزت بنفس غريب واسلوب جديد في المضمون والنظم

وهي من الاعمال الاخيرة التي لم تنشر بعد



احساسي بيك http://sudaniyat.net/up/uploading/ahlif.mp3

القصيدة كتبها الاخ الهادي ضمن مشاركاته

.

الهادي قنديل
05-17-2009, 11:39 PM
سلام السراي

وكالعاده بعد الغيبه لن آتي اليكم ويدي فاضيه

امسكو دي علي عجاله كده





جيتيني كيف

احلف يمين .. انك ولا متل البشر

وانك بشر ...

وانك حواس

تنزل علي قلبي اليباس ..
كشحة رزاز ونقط مطر ...


تاقيت عليك باب العيون
سديت ممرات النظر
فتشت كل الجاني شوق ..
مريت عليهو قدر قدر ..

جيتيني كيف !!!!!!؟؟

جيتيني كيف ؟.. ومافيا باب متكول قصادك وما اتكشر
وانا من زمان الليل طويييل
قفلت ابواب الهوى وسلمت مفتاحا البحر ...!!!!!!!

جيتيني كيف ؟؟؟

جيتيني كيفن والعمر
عديت محطاتو وعبر
شقيت فيافي الأمنيات ..
هداني احساسي وفتر
ما كنت قايلو بجيبني ليك
درب المحبين الوكر
تفضح عيوني هوايا ليك
يمرق احاسيسي الوتر ...!!!


غيرك منو البملانا شوق
يقلب نسايم ليلنا حر !!

يدخل علينا متييين يريد
يمرق .. قليبنا يجرو جر

عذبني ريدك ما براي ..
اولاد بلدنا وناسنا صر

يانور عيونا وكت يتوه .. في الرملة والليل والقمر
يافيض مشاعرنا الطمح .. ماخلّ في عالمنا بر ..
زيك شويين مااا كتار .. في الدنيا انتي نفر .. نفر


وهنا نص احساسي بيك يا اسامه من مشاركه سابقه

وقد اشرت في تلك المشاركه الى الاسم (جيتيني كيف) وحبيت انقلها هكذا حتى يصحح الخطأ هنا .. والصحيح (احساسي بيك) والعهدة علي اسامه حمزه

هديل
05-17-2009, 11:39 PM
منتهى الروعه خالد الباشا...

حاضرين ومستمتعين ومنتظرين المزيد اسامه

عوض جلاس
05-18-2009, 12:14 AM
لو قلت شكراً ما بتفي
الرائع خالد الباشا ألف شكر على الإهداء الراقي الذوق
وفعلاً قصيدة جميلة وعذبة
سوف أظل أفتخر بهذا الإهداء الجميل من شخصك وعبر الرائع اسامة
وكمان مستمتعين بكل الروائع في هذه السياحة الجميلة

اسامة حمزة
05-18-2009, 12:19 AM
الاخوة رواد القوز

قبل ان اواصل في سردي لمسيرة الاستاذ الشاعر خالد الباشا دعوني اقف اجلالا وتقديرا لضيف عزيز اطل علينا اليوم

العطا علي العطا اسم من اعلام البركل وغني عن التعريف .. عرف بمشاركاته الثرة ومداخلاته التي ادهشت البركل والبركل

تحية للاستاذ العطا وهو بيننا حضورا مميزاً ونحن اذ نرحب به فاننا نرحب به في داره التي لايحتاج فيها الي دعوة

كل التحايا والتقدير للعطا والف فرحة غمرت القوز وشرفت جيت


اهلا العطا ....






دي هدية للعطا
http://sudaniyat.net/up/uploading/zmn00.mp3



.

الهادي قنديل
05-18-2009, 12:30 AM
الاخوة رواد القوز

قبل ان اواصل في سردي لمسيرة الاستاذ الشاعر خالد الباشا دعوني اقف اجلالا وتقديرا لضيف عزيز اطل علينا اليوم

العطا علي العطا اسم من اعلام البركل وغني عن التعريف .. عرف بمشاركاته الثرة ومداخلاته التي ادهشت البركل والبركل

تحية للاستاذ العطا وهو بيننا حضورا مميزاً ونحن اذ نرحب به فاننا نرحب به في داره التي لايحتاج فيها الي دعوة

كل التحايا والتقدير للعطا والف فرحة غمرت القوز وشرفت جيت


اهلا العطا ....






دي هدية للعطا
http://sudaniyat.net/up/uploading/zmn00.mp3



.

انها لفته تستحق الوقوف اخي اسامه
فالعطا والشهاده لله غير الحس الشعري الذي يسري فيه حتى اخمص قدميه راجل اخو اخوان والكل يشهد له بذلك وانا اولهم

ولو حاولت ان ازيد ما استطعت (فشهادتي فيه مجروحة)

يكفي انو العطا وكفى

اسامة حمزة
05-18-2009, 01:07 AM
اخوتي الكرام
ونحن نتجه نحو المحطات الاخيرة للشاعر خالد الباشا ..هناك العديد من القصائد التي كما اسلفت لم يجد حظها من الانتشار ويمكن القول اهنا لم تخرج الي الناس ذلك لاسباب اولها عدم اعتراف الاخ خالد باحتراف الشعر السبب الذي جعل العديد من الاعمال تبقي حبيسة الاوراق لزمن طويل


جاية دابك واحدة من تلك الاعمال



جاية دابك


http://sudaniyat.net/up/uploading/jayadabik.mp3



.

عوض جلاس
05-18-2009, 08:25 AM
أسامة يدك العفية على هذا الكم الوافر من الإبداع
لكن غايتو عملتها فينا
أسع الواحد عشان يحتفظ بكل هذه الإبداعات
لازم يشتري ليهو هاردسك يكون فيهو أقل شيء جُلبقمية غيغا

اسامة حمزة
05-18-2009, 11:17 AM
أسامة يدك العفية على هذا الكم الوافر من الإبداع
لكن غايتو عملتها فينا
أسع الواحد عشان يحتفظ بكل هذه الإبداعات
لازم يشتري ليهو هاردسك يكون فيهو أقل شيء جُلبقمية غيغا



ولسة الجايي كتير ياعوض حضر زي طشتـُـمية قيقا كده .. انا دابي اتوهطت فوق القوز



بعدين شايفك بقيت طوالي ( حارق الخدمة ) ومساهر في القوز ( انشاالله عافي؟؟)

عوض جلاس
05-18-2009, 11:27 AM
بعدين شايفك بقيت طوالي ( حارق الخدمة ) ومساهر في القوز ( انشاالله عافي؟؟)


أنا أصلو يا اسامة ساري ليل من المنتدى دا ما بدأ
بس كانت ظروف وعدت والحمد لله
وإن شاء الله معاكم طوالي لا تلوت الليل
خلاص الليت دا سلمناه ناس هديل

نقح الجروف
05-18-2009, 01:21 PM
[QUOTE=الهادي قنديل;94719]يسوقني الشوق اجيكم ماني زائر

الاحباب سراي الليل ورواد النهار (رواد النهار دي عشان سر عذابك سابقا ونقح الجروف حاليا وبالمناسبة مبروك الاسم الجديد)


[color=#A0522D][size=6]جاني هاتف وملأ علي كل الحواس أن اسمي قد تذكره واحد من السراي وجيت جارية جري يغالبني الشوووووووق ليكم يا رائعين
بالله كيفنكم والله مشتاقة ليكم بلا حدود كلكم من جم
وعارفين المنعني منكم إني ما عرفت أو لنقل ما قدرت أجاريكم في هذا الابداع فقلت يا بت اخيرلك تحترمي نفسك وتقعدي في علبك ....
بالجد استمتع كتير لما اجييييييكم عِلا عدم قدرتي على مشاركتكم تقتلني خجلاً .... بس الليلي غالبت أشواقي وجيتكم ولقيتكم نسيتوني :mad::mad:... كتر خير الهادي الاتذكرني على الماشي ... عموماً شغلكم والله روعة وعيوني أتقددن عشان اقرأ ما فاتني في الايام الماجيتكم فيها ..... ولسع بقرأ والله يستر على عويناتي ....

نقح الجروف
05-18-2009, 01:49 PM
سراي اليل وينكم الليلة

الهادي قنديل شايفك بقيت تتجدع وتنزل في الشعر وبي مناسبة الشعر تعال النسالك مالك خليت قصايد ابراهيم ابنعوف وقلبت لي فاروق جويدة :d:d:p

خناس شايفك عاملا فيها مفتحة قالت اخلي باقي الصور للباقين زي التقول عارفاهم
البت دي علمتوها الاجرام زمان ما كانت كدا :):d:o

الهادي قنديل مسؤل من الخير انت وين نقح الجروف :d:p


قد نغيب كالغروب
وقد يلهينا الزمن
ولكن
ي
ب
ق
ى
نبض القلب لا ينسى قوز السراي وناسو الحلويييييين
يا واصل يا دكترة والله كتر خيرك الفقدتني ... بس انا أدييييييل كدة إستحيت من نفسي لأني ما قدرت أشارك معاكم يا كافي البلاء لا بغنوة ولا بقصيدة ... عشان كدة قلت احترم نفسي وأجي أتاوق مرة مرة لأطمئن على عافيتكم ... أما إبداعكم فاق حد الوصف ...
سراي والله مشتهياكم ونفسي في كباية شاي لبن مقننة ولقيمات معاك واقعد في نص الرملة واتوهط واشرب بمزاج وأسكت اكب ....
لكم العتبى حتى ترضو عني وبعد الرضا كمان ...
بس قولو لي كيفية طريقة مشاركتي ليكم تكون كيييييييف ؟؟؟

شهرزاد
05-18-2009, 02:27 PM
إنحناءه صغيرة
أمام هذا الإبداع ..
ـ
تحياتي لمجموعة سراي الليل الجميلة
ــ
فقط ..!
تسجيل ذهول ,,
ولي عودة ..

اسامة حمزة
05-18-2009, 02:38 PM
إنحناءه صغيرة
أمام هذا الإبداع ..
ـ
تحياتي لمجموعة سراي الليل الجميلة
ــ
فقط ..!
تسجيل ذهول ,,
ولي عودة ..





ياواقفة بين جرح السحاب ... وشهقة الارض البكر

الاخت شهر زاد .. يا صاحبة الابداع الذي ملأ البركل

تهنئة لنا نحن بحضورك .. وتحية لك بمرورك

تعالي راجنك

عوض جلاس
05-18-2009, 04:52 PM
نقح الجروف وسر عذابها زمان
حمدا لله على السلامة وبركة بالطلة
حروفك زي جروفك منقحة ومنقوحة
وعودتك جمال وفرحة وفال
أبقي اقعدي طوالي واتحفينا

عوض جلاس
05-18-2009, 05:00 PM
إنحناءه صغيرة
أمام هذا الإبداع ..
ـ
تحياتي لمجموعة سراي الليل الجميلة
ــ
فقط ..!
تسجيل ذهول ,,
ولي عودة ..

شهرزاد ملكة توثيق الشعر
حمداً لله على السلامة
سعادتنا لا توصف ونحن نراك اليوم بهذه الطلة المدهشة هنا
كم انتظرناك لتكوني معنا في هذا القوز العامر بالسراي المبدعين منذ وقت طويل
وأكيد وصولك رغم تأخيره إلا أنه سيضيف الكثير والكثير للقوز
باللهفة ننتظر مشاركاتك وآرائك وتوثيقك الجميل
أتوهطي وتاني ما تفوتينا

خناس هاشم
05-18-2009, 09:39 PM
الليله البلد دى مالها فاضيه كده
ولا ااااااااااا نسيت صحى اسامه بكون مع دكانو بتاع اللافتات الفى سوق ملوص داك
اسامه انت قايل روحك براك البتعرف لى اللافتات كدى هاك اللافته دى لى دكانك
http://sudaniyat.net/up/uploading/osama.jpg


اما انت يا الهادى شايفاك ماحجزت ليك دكان غايتو لى ضمان المسقبل كده انا حجزت ليك دكان واللافته هديه منى ليك

http://sudaniyat.net/up/uploading/alhadi.jpg


غايتو اهى شغلانه اخير من قعاد ساى:p:p

خناس هاشم
05-18-2009, 10:14 PM
الغاليه شهرزاد
سعيدين جدا بعودتك لى البركل
وسعيدين اكتر بى وجودك فى قوز السراى
وسنكون اكثر سعاده لو شفناك معانا طوالى

طارق علي صالح
05-18-2009, 10:22 PM
الاخت خناس
احييييك
اللمسة الفنية واضحة

ابداع ومواهب مدفونة وكل يوم نكتشف جديد

مزيدا من اليافطات حتي تصبحي بائعة تواقيع

10% بس

اسامة حمزة
05-18-2009, 10:54 PM
خناس انا سا يقك معاي السوق رايك شنو

انت تصممي وانا انفذ .. وبالتلت


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ



اخوتي الاكارم

ونحن نطوف في محطات الشاعر خالد الباشا هناك قصيدة لابد من الوقوف عندها قليلاً وهي قصيدة ( حماد ) او ( شاي الصباح وسؤال )

هذه القصيدة حملت لونية الرمز في اشعار خالد وهي لونية لم يتعود خالد التصريح بها وهذه القصيدة تحديداً لم يقدمها خالد طوال معرفتي به الا مرات قليلة تحسب علي اصابع اليد الواحدة ولم تجد حظها بين قصائده
شاي الصباح وسؤال قصيدة من واقع صاغه خالد بخياله الخصب وترك للمستمع متعة الطواف بخياله في رسم اللوحة والمضمون وحتي لا اخوض في تفاصيلها اكثردعونا نستمع اليها معاً




شاي الصباح وسؤال
http://sudaniyat.net/up/uploading/hmad.mp3




.

خناس هاشم
05-18-2009, 11:07 PM
لك ولهم القصيدة يا اسامه وعلى ما اعتقد ان اسمها (شاي الصباح) ننتظر منك الافادة

وهي توضح الجانب الآخر من اشعار خالد الباشا



حماد قام بدري سأل امي
قبّال الشاي والناس نايمين
قال ليها آيمه الناس بي كم؟
قالتلو الناس!! الناس غالين

قال ليها الزول لو دار يتباع في السوق
او كان تموين بيكون بي كم
قالتلو آآآود قول بسم الله
انتَ صِبِح محموم الليلي !!
ده كلام الجن والجان والجنبو الما طيبين
قوم صلي صلاتك واسأل الله ان شاءالله يعين
قال ليها آآيمة امبارح كان
في البيت الفاتح في الدكان
انسان معروض والناس قاعدين
قالتلو انسان زيي وزيك والناس شايفين؟
قال ليها ايمة بنية حلاتا
وكمان من ناسنا الغلبانين
جات شاقي الشارع ..العصر امبارح
والريحة تقول زرعو الياسمين
لابساله قميص زي برنامج التلفزيون الكان في السهرة
فوق للركبة وبلا ايدين ... وبتنادي الناس .. ياناس ياناس يامحتاجين
قالتلو تقول ياناس ياناس والناس سامعين ؟؟
قالليها ايمة بلا اصوات وبيناتم كان سمساري العين
قالتلو آآاود طب وين اخوانا ووينو بلدنا ووينو الدين؟؟
قالليها اخوانا ...كانو سكاري وطوالي اايمة هم سكرانين
والدين آآيمة هناك في الجامع ... بره الجامع مابسووا الدين
حماد كان عمرو يكون كمطاشر .. والوالدة تكون الكم وخمسين
شوف فرق العمر الكان بيناتم ...
وبيناتم كان كم زول عايشين ..
كم زول مبيوع كم زول اتباع وكم دلالين ..
وقبال ماتقول الوالدة كلام ..
قالليها آيمة شايك فار
قالتلو آآآود الشاي ملحوق دي انا كاتلي النار ..
قول لي كيفن مابسوو الدين !!
قال ليها اااايمة البت يايمة لو دار تتباع بس تقلع توبا وتشق الشارع ..
تقابل واحد حافظ السوق وعارف الحاصل ..
وبي نظرة صغيرة وغمزة عين ..
تصبح حق الولد البت وتصبح هي المجنونة وهو العاقل ..
عرفتي آآيمة الزول بي كم
الزول بي شرفو .. بالشرف الغالي الما مبيوع ..
عشان آآيمة ..بي اييد القدرة الزول مصنوع
قالتلو آآود سرحت معاك والبهم انطًلق وهسع برضع في النعجات
قالليها آآيمة الشاي بي كم ؟قالتلو الشاي بي كم تمرات
والسكر وين ؟؟
قالتلو خلاس !!كملت حديثك وجيت تتحدث في الممنوع والممنوعات!!
احشي خشيمك واشرب شايك بي تمرات..
وقوم اندلي وازرع شرفك وشرف اخوانك وخدر فوق الطين قمحات
وازرع شرفك وشرف اخوانك وخدر فوق الطين قمحات





نص شاى الصباح وسؤال بعد اذن الهادى طبعا
عشان ماتبقى علينا زى شغل الرابط:p:p

بالمناسبه دى مفتقدين الليله الهادى قنديل وين مسجل غياب

العطا علي العطا
05-18-2009, 11:18 PM
[size=4]
السراى السراى
حمانى النت ابقى معاكم
اسروا براكم... عند انبلاج الفجر يحمد القوم السرى
الله يسهل بكرة بجيكم
بى عافيتكن

اسامة حمزة
05-18-2009, 11:38 PM
من الاعمال التي لم تجد انتشاراً في مسيرة الاخ خالد الباشا قصيدة ( بحبك وكانت القمرة) وهي من الاعمال القديمة التي كتبها خالد ( 1996) تقريباً وهي ايضاً من القصائد التي لم يقدمها خالد كثيرا في محافل قبيلة الطنبور او منتديات الشعر العامة




بحبك وكانت القمرة http://sudaniyat.net/up/uploading/bhbiwkant.mp3




.

عوض جلاس
05-19-2009, 12:12 AM
أهلاً بكل الحبايب
ومنورين والله
وخناس يا إبداع دا زمان كان وين ؟؟؟
طارق خليت بيع اللحمة بقيت بتاع صور رمزية ؟؟؟
اسامة يديك العافية على التعب والمجهود
هديل الليلة نامت بدري ولا شنو ؟؟
العطا سلام ومنتظرنك يكفي نوري هي نوري وكفى
الله يقويكم يا سراي الليل

خناس هاشم
05-19-2009, 12:40 AM
من الاعمال التي لم تجد انتشاراً في مسيرة الاخ خالد الباشا قصيدة ( بحبك وكانت القمرة) وهي من الاعمال القديمة التي كتبها خالد ( 1996) تقريباً وهي ايضاً من القصائد التي لم يقدمها خالد كثيرا في محافل قبيلة الطنبور او منتديات الشعر العامة




بحبك وكانت القمرة http://sudaniyat.net/up/uploading/bhbiwkant.mp3




.

كلمات ادهشتنى وشدتنى جدا جدا
بقيت اسمع فيها لامن حفظتها
ده نص القصيده وصلحونى لو بقى فيها غلط










بحبك وكانت القمره

بتكتب بى الشعاع احلام

وكان لسه العشق شافع

وكان كل الحكايه كلام

مشيتى معاى محل المطره طول العام

محل مارقدت الانغام

وقت ما انشرت الاحلام رزاز وغمام ونلعب وكانت الواطه

تكندك فى وشى الايام وكان قبل الشرك ناطا

قبل تتغبر الاقدام الاقيك والقلوب بيضا

صباحات الله والنسام يخربش فى خدود الشوق يسجل فى حضورنا هيام

واغنيك والحكايه كلام

احبك وكبرت الايام وكبرت غنوتك فينى

وكبرت انا على جهل الاغانى بكر

الوليك بى مشاعرى النوم ملك ليكى الليالى حكر

وملكتينى وسكنتينى وزرعتينى

واسفاى على طول المسافه ستر

جفت الّمى من جواى

اقالدك ياسموم الصيّ

اتحتيت صفق يابس

واسفاى قطعتينى

قبل تنجض مشاعرى ونى

انضريت وشالنى هواك بعيد ياحلوه شتتنى

كبرت وكبرت الايام وكبرت حسرتك فينى

واتلميتى من جواك بعدما اتبلبلت عينى

بقيت بكاى

مرقتى على تنادينى

بقيت درويش ملمات العشق اطرش

نجضت بعد حريق جواى

واسع جايه بى الماضى

تشرحى حالك الجواك

شنو العندك عشان اديك من الجواى

كفاى اسكب عليك دمع الاسى وابكى

وكفاى رحله عمر جنبك توسخى فى بياض قلبى

وانا المجبور اشيل ذنبك براى

براى انضم سبحة الشوق

تنوم انتى وانا الصلاى

اساسق فى دروب الريد وانتى المابتشيلى خطاك

ولا هان يوم تعدى خطاى

واسفاى واسفاى زمان كان العشم باكر

باكر كفتك تتقل ترجح كفة الميزان

وباكر جا

وانتى مطففه وظالمه

ليكى تكيلى بى مكيال

وتدينى حبيبه حب وشوق كُضب

بقر مافى الهديه حبال

مابيقنعنى ظلمك لى ولا ليك عندى طولة بال

ولابتنفع كليماتك ولادمعة العيون السال

ولابتشفع غنيواتك ترانيم الندم موال

خلاص جفت مواعينى

بقت بيكى القلوب غربال

فلا اسفاً على القمره على الضو الكتب احلام

ولا اسفاً على الواطه وكت رسمت خطى الاقدام

بفتح صفحتك بيضاء وعليكى الف سلام

عليكى عليكى الف سلام

اسامة حمزة
05-19-2009, 12:50 AM
خناس والله ما شا الله الليلة الهادي خلاس ماعندو طريقة يتجدع

احييك علي طولة البال وعندك اهداء خاص من الشاعر خالد قصيدة عندك خبر


وهي الاغنية التي غناها الفنان محمد النصري مع ملاحظة انه لم يتغني بكل القصيدة




عندك خبر

http://sudaniyat.net/up/uploading/indak20.mp3




بصوت النصري
http://sudaniyat.net/up/uploading/ink101.mp3


.

رابط القصيدة ..

عندك خبر .. للحفظ (http://sudaniyat.net/up/uploading/indak20.mp3)



رابط الاغنية ..رابط الاغنية (http://sudaniyat.net/up/uploading/ink101.mp3)

.

خناس هاشم
05-19-2009, 01:02 AM
غايتو بعد عندك خبر تانى ماعندى كلام
انا بى الطريقه دى باخد لى يومين كده غياب نظام تجدع وكده ولامن الراس يرجع لى حجمو الطبيعى:p:p

كانت هذه واحده من مشاركاتى واشكر جدا الرائع خالد انو اهدانى اكتر اغنيه انا بحبها
وبينى وبينكم كدى انا يومى على الله بسمعا ومن الليله تانى بعد كل وجبه


الرائع دوما كروعه كلماته خالد الباشا
وجودك بيننا يعطل لغة الكلام
فشكرا غزيرا على تلبيتك لدعوتنا بوجودك بيننا واجابتك على اسئلتنا وبنجيك صادين لى باقى الاسئله

اغنيه عندك خبر كانت ومازالت هى الاقرب الى نفسى فالحق يقال انها اول اغنية طنبور استمع اليها بتمعن واحساس بكلماتها وكانت البدايه التى جعلتنى اعشق الطنبور بعد ذلك
السراى لكم جميعا اغنية عندك خبر بصوت المتفرد محمد النصرى وكلمات الاغنيه


http://www.alsegeed.com/upload/uploads/endek-khabr.mp3

عندك خبر ..
لليلي حبي انا مافتر
لاجف قلبي من النزيف لا انهد حيلي من السفر
شايلك حسيس قلبي البدق .. إيقاع حياتي علي وتر
يعزف مع الدم مشتهيك .. زي لهفة الصي للمطر
راجيك تبلي الشوق تجي .. في موسم الغنا والزهر
يخضر جفاف دنيانا ريـــــــــــــــــد يطرد ضلمتنا القمر
عندك خبر لايوم أموت تبريني ياأجمـــــــل قــــــــــــــــــــدر

عندك خبر قلبي البموت بي شوقو ليك ..
يهواكى رغم المستحيل
يهواك طال مانبضو حي ..
وطال مابيسقي أرضنا نيل
يهواكي زي ما العازة ريد
مدلوق علي قلب الخليل ..
يهواك دروب من شوق وشوق
مزروع علي طرف البحر
ومسنود علي أكتاف النخيل
ماقلبي بي شوقك بدأ ..
يا منتهي العشق النبيل


أما الخبر .. ياحلوة لاقدر الأسى
لاالفرقة لاجور السنين ..
تكتف إرادة زول دفن ..
إحساسو في قلبك حنين
مستني نور طيفك يصل ..
ولهفة عويناتك تبين
احكيلا كيف .. الدنيا صيف
وكيفن بلاك الكون حزين


وآخر خبر ....
ياحلوة لاتبكي المصير .. وقدر الموالفين الفراق
وقدر المتلنا مشي الهجير .. وسفر الأماني طويل وشاق
يسعدني إنك بت هواي .. تبينا من شفع دقاااق
مغروسة في جوايا ريد .. ومحفورة ساساتك غراااق

وهذا يا اسامه نص القصيده كامل حتى الجذء الذى لم يتغنى به النصرى

الهادي قنديل
05-19-2009, 04:02 AM
إنحناءه صغيرة
أمام هذا الإبداع ..
ـ
تحياتي لمجموعة سراي الليل الجميلة
ــ
فقط ..!
تسجيل ذهول ,,


شهرزاد

يقول الشاعر

الليله صامت شهرزاد سكتت عن القول المباح

وهنا نتمناك الا تصمتي دقيقه

وجودك هنا اختي شهرزاد مكسب ومكسب كبير لقوز السُراي.. كيف لا ونحن نشهد لذلك الا بداع الشهرازدي المتدفق في المنتدى الشعري وكل ضروب البركل

وبطريقتنا تلك اقول لك قول حمّيد:

ان ما بتبيت فوق السبيط .. طوّل مسافة ركتك :p

ويسعدنا بل يشرفنا (ركتك ِ هنا)بل (مبيتك) في سبيط القوز

وطماعانين في المد الشهرزادي

ولي عودة ..

وعلينا بالانتظار

الهادي قنديل
05-19-2009, 04:12 AM
اما انت يا الهادى شايفاك ماحجزت ليك دكان غايتو لى ضمان المسقبل كده انا حجزت ليك دكان واللافته هديه منى ليك

http://sudaniyat.net/up/uploading/alhadi.jpg


غايتو اهى شغلانه اخير من قعاد ساى:p:p


ايا آناس

خناس علي صالح اقصد خناس هاشم :p

لا لا لا الليله نتفرج علي الضرب في الانكل ده اقصد علي الابداع
تعاقد مع فنانين وصفاقين ورقاصين وفي حالة العدم برقص براااي

:p:p:p:p

الشكيه لله

__________

وغصبا عني بسجل اعجاب بهذه اللوحه

الهادي قنديل
05-19-2009, 04:31 AM
خناس والله ما شا الله الليلة الهادي خلاس ماعندو طريقة يتجدع

احييك علي طولة البال وعندك اهداء خاص من الشاعر خالد قصيدة عندك خبر





.

اسامه

ازيك خالص ومعليش حبسني منكم الشديد القوي بالامس وقلت اخير اجي الحق بدري بدري ... وشايف الناس اتجدعت بالطريقه الصاح
وصيه يا اسامه الليله بجيكم متأخر.. تقّل الشغل حبتين عشان مايفوتني الاحتفال معكم بالالفيه الثانيه

خناس

عندك خبر انك تستاهلي كل جميل؟؟؟

مبروك الاهداء

واعتراف تاني مابتلقيهو مني (اشهد لك انك رائعه .. واتجدعي فوق عديلك)

نقح الجروف

زي عودة الروح للجسد كان عودتك

حبابك في بيتك .. وماتكرريها

ولكل السُراي اقول

تعجبـــوا

ولخالد الباشا اقول

عـقـــّدتـنـــا

_________
وبجيكم راجع

العطا علي العطا
05-19-2009, 05:35 AM
السراى السراى واحد واحد اعزكم
قبل ما اصد لى لقيط تمودى مع الكارورى بقالى اخير اتفرجخ
واقنب القط من سبايط مدين خالد الباشا الزول ده حيرنى مرتين
مرة قبال اشوفو والاقى واعرفو وعلى السمع ساكت قلت فيهو

ما تضن يا خال على عند الدرر الرائعة
وافتى قول يا مالك الشعر فتوى من مالك نسمعه
بينو انت حلال من حرام قولنا الفتوى القاطعة
شان نتابع جيهة الحلال والحرام جيهتو نقاطعه
وبينا تجرى جداول القصيد اليباس قض مضاجعه
والقوافى تقوم فى النفوس والحصاد يجنى الزارعا
السبيطة تشيل قرقراب من كترت الشيل فادعه
الهبوب ان جات كل يوم ماب تحت ضحكة تقطعه
وقرقرابنا يزيد كل عام حق زكاتو دبل ندفعه
ونحن زادنا الرضاء والقبول وهو البنملكو من امت

تانى مرة لاقيتو فى مروى اول مرة فى حياتى ولمدة ثلاثة دقائق فقط
من الفرح ماصدقت عرفنى بى نفسو قال خالد الباشا ..بعد ما فات هوزز
راسى وبرضو ماصدقتو قال خالد الباشا قال .. كضاب انت خالد وباشا
وشيخ وعمدة وشويات عليك
يديكم العافية وهو كمان

العطا علي العطا
05-19-2009, 05:50 AM
الحبيب عوض جلاس
فى القوز بقولك شكرا وشكرا وتكرم
وبى غادى فى الخاص الماخرنى منك اعزل اكراما ليك تانى من
صاحبى على عبد الماجد امانى ما ب بمرمطلك المريخ مرمطة ومن
اسع اذنك معاك محل ماك تودى ودى بس ال اعزلك .

الهادى الهادى
زى ما لفحك الهواء مننا تراهو الهوى لافحنا ليك
نحمد الله هوانا اقوى من هواء امشير اللفاح اللفحك هواء يلفحو

اسامه السامى تانى ماعندى قول

يديكم العافية والطلوع والنزول للقوز ومنو ان صعب على بباصر
اخدلى ركشة هو قوزا بتفات هايد بركل عدييييييييييييل
بجيكم راجع للتمود

الهادي قنديل
05-19-2009, 06:45 AM
السراى السراى واحد واحد اعزكم
قبل ما اصد لى لقيط تمودى مع الكارورى بقالى اخير اتفرجخ
واقنب القط من سبايط مدين خالد الباشا الزول ده حيرنى مرتين
مرة قبال اشوفو والاقى واعرفو وعلى السمع ساكت قلت فيهو

ما تضن يا خال على عند الدرر الرائعة
وافتى قول يا مالك الشعر فتوى من مالك نسمعه
بينو انت حلال من حرام قولنا الفتوى القاطعة
شان نتابع جيهة الحلال والحرام جيهتو نقاطعه
وبينا تجرى جداول القصيد اليباس قض مضاجعه
والقوافى تقوم فى النفوس والحصاد يجنى الزارعا
السبيطة تشيل قرقراب من كترت الشيل فادعه
الهبوب ان جات كل يوم ماب تحت ضحكة تقطعه
وقرقرابنا يزيد كل عام حق زكاتو دبل ندفعه
ونحن زادنا الرضاء والقبول وهو البنملكو من امت
تانى مرة لاقيتو فى مروى اول مرة فى حياتى ولمدة ثلاثة دقائق فقط
من الفرح ماصدقت عرفنى بى نفسو قال خالد الباشا ..بعد ما فات هوزز
راسى وبرضو ماصدقتو قال خالد الباشا قال .. كضاب انت خالد وباشا
وشيخ وعمدة وشويات عليك
يديكم العافية وهو كمان

ولا كلمه فوق قولك يا العطا

الهادى الهادى
زى ما لفحك الهواء مننا تراهو الهوى لافحنا ليك
نحمد الله هوانا اقوى من هواء امشير اللفاح اللفحك هواء يلفحو

زي نصرة الحق المبين يوم لاقا يوسف اخوتو

اول لقاك وهيبتو

اسامة حمزة
05-19-2009, 08:01 AM
الحبيب عوض جلاس
فى القوز بقولك شكرا وشكرا وتكرم
وبى غادى فى الخاص الماخرنى منك اعزل اكراما ليك تانى من
صاحبى على عبد الماجد امانى ما ب بمرمطلك المريخ مرمطة ومن
اسع اذنك معاك محل ماك تودى ودى بس ال اعزلك .

الهادى الهادى
زى ما لفحك الهواء مننا تراهو الهوى لافحنا ليك
نحمد الله هوانا اقوى من هواء امشير اللفاح اللفحك هواء يلفحو

اسامه السامى تانى ماعندى قول

يديكم العافية والطلوع والنزول للقوز ومنو ان صعب على بباصر
اخدلى ركشة هو قوزا بتفات هايد بركل عدييييييييييييل
بجيكم راجع للتمود



العطا الله يديك العافي ولااااااااتنقطع مننا عليك الله

راجنك

واصل هاشم
05-19-2009, 08:14 AM
قد نغيب كالغروب
وقد يلهينا الزمن
ولكن
ي
ب
ق
ى
نبض القلب لا ينسى قوز السراي وناسو الحلويييييين
يا واصل يا دكترة والله كتر خيرك الفقدتني ... بس انا أدييييييل كدة إستحيت من نفسي لأني ما قدرت أشارك معاكم يا كافي البلاء لا بغنوة ولا بقصيدة ... عشان كدة قلت احترم نفسي وأجي أتاوق مرة مرة لأطمئن على عافيتكم ... أما إبداعكم فاق حد الوصف ...
سراي والله مشتهياكم ونفسي في كباية شاي لبن مقننة ولقيمات معاك واقعد في نص الرملة واتوهط واشرب بمزاج وأسكت اكب ....
لكم العتبى حتى ترضو عني وبعد الرضا كمان ...
بس قولو لي كيفية طريقة مشاركتي ليكم تكون كيييييييف ؟؟؟

الاخت نقح الجروف بركة الشفناكي طيبة
كلنا في الهم شرق وما لاقين شي نشارك بيهو ما شاء الله اسامة والهادي ما مدننا فرصة بس ترانا قاعدين ما غبنا زيك
ما تطولي الغيبة وان شاء الله تجي زي كدا تسلمي وتقعدي تشربي شايك وتمشي :D:p

واصل هاشم
05-19-2009, 08:15 AM
إنحناءه صغيرة
أمام هذا الإبداع ..
ـ
تحياتي لمجموعة سراي الليل الجميلة
ــ
فقط ..!
تسجيل ذهول ,,
ولي عودة ..

الاخت شهرزاد
هنيئا لنا بطلتك علينا
نتمني ان تكون بداية لالف ليلة وليلة جديدة وان يمتد ابداعك الي هذا القوز
لك مني كل الود

واصل هاشم
05-19-2009, 08:17 AM
يا بت خناس بسحروووووووكي :p:p
ما عرفتك لكن :D:D

واصل هاشم
05-19-2009, 08:18 AM
استاذنا العطا علي العطا في القوز
والله دا شرف كبير
يا بختنا بي طلتك الجميلة دي

واصل هاشم
05-19-2009, 08:24 AM
http://sudaniyat.net/up/uploading/alhadi.jpg




الهادي انديل يا صحبي
فعلا شغالانة جايا معاك مية المية مالك ومال الغربة و الكلام الفاضي
احسنلك تقعد في محلك دا وتأجر كراسيك وكل يوم تمشي تقعد في الحفلات لامن تلم الكراسي :D:D بس الدور دا بيبقي معاك حق ان قعدت لامن لميت الكراسي ماهن حقاتك :p :D (وش شمتان)

اسامة حمزة
05-19-2009, 09:37 AM
يا بت خناس بسحروووووووكي :p:p
ما عرفتك لكن :d:d




واصل ازيك .. فقدناك والله

والله خناس دي بقت ما بتتلحق اصلها تاني

كل يوم جديد ومفاجاة

قلنا نزيد الجينات ..ذادت لاااامن فاقت حد الدهشة

واصل هاشم
05-19-2009, 09:42 AM
واصل ازيك .. فقدناك والله

والله خناس دي بقت ما بتتلحق اصلها تاني

كل يوم جديد ومفاجاة

قلنا نزيد الجينات ..ذادت لاااامن فاقت حد الدهشة

ما تفقد عزيز يا غالي ان شاء الله
قلت لي الجينات زادت لامن السوط كلو هبشك
شكلها بقت الحوار الغلب سيدو
بس كدي سؤال انت مختنع بانها اتطورت :D:p:D

اسامة حمزة
05-19-2009, 10:08 AM
ما تفقد عزيز يا غالي ان شاء الله
قلت لي الجينات زادت لامن السوط كلو هبشك
شكلها بقت الحوار الغلب سيدو
بس كدي سؤال انت مختنع بانها اتطورت :d:p:d





والله ياواصل بيني وبينك هي ماشة كويس وخلت سرقة الروابط وبقت تعمل تحميل للمواد براها دي انا شاهد عليها لكن قصة اليافطات دي !!!!!!!!!!!!!!

خناس هاشم
05-19-2009, 10:17 AM
ده شنو قلبتو قوز نهارى فى الصقيعه دى سمح جيبولنا شمسيه:p:p

خناس

عندك خبر انك تستاهلي كل جميل؟؟؟

مبروك الاهداء

واعتراف تاني مابتلقيهو مني (اشهد لك انك رائعه .. واتجدعي فوق عديلك)

والله ده اعتراف ماهين ومن منو من ود قنيدل لالالا شكلو اليافطه عملت شغل جامد:p:p

الهادى قنديل هاك سمح الاعتراف ده منى وماكسير تلج:p:p تعرف انو البيتعرف عليكم ياسراى الليل غصبا عنو بيبقى رائع هديتو فينا:p:p

قلت لي الجينات زادت لامن السوط كلو هبشك
شكلها بقت الحوار الغلب سيدو
بس كدي سؤال انت مختنع بانها اتطورت

انتو ده منو ده؟؟
هي يبقالى ده واصل اخوى يازول انت حي ؟؟:p:p تغيب قدر ده وجايى تشيل حالى
بالله اتجدعنا فى نزيل الاغانى قلتو سارقنها
قلبنا يافطات شكيتو فينا
نان اسويلكم شنو فى شان تقتنعو الشكيه لى اب ايدا قويه

هديل
05-19-2009, 08:26 PM
سراى الليل مساكم خير ...

مالو مافى زول منكم ظهر لهسه ..؟؟

اسامه انت داير تنوم بهديتى ...زى مانمت بجوايزنا زمااان

خناس وين الشاى واللقيمات؟؟غايتو زازيتى زينب و نقح الجروف ديل بسوات الشاى

لامن طفشتيهن ..

الهادى تعال مارق من السوق دا ...كراسى شنو الداير تجيبها هنا ...والله بس ياهو

الفلهمه العورا وقعاد الكراسى فى الرمله

واصل وعوض ...ما تعملو فيها حريفين ومشركين للالفين ..مش احنا متفقين انو المشاركه رقم الفين لود اللمين ؟؟

طارق خلى خفه اليد بتاعتك دى ... شايفنك

اسامة حمزة
05-19-2009, 09:11 PM
الاخوة الكرام


تحية وشوق

ونحن نلوح باشارات الوداع لمحطة الشاعر خالد الباشا تبقت هناك بعض الاعمال التي لم تري النور في مسيرته الفنية العامرة بالروائع
هذه الاعمال كانت تمثل مراحل مختلفة في حياة خالد االشعرية ونحن هنا نقدمها في محاولة لتغطية كل ما كتبه من اعمال لم تلحن او قُدمت باصوات عدد من الفنانين ومن هذه الاعمال قصيدة اي ول بردو قدر غُتا التي غناها الفنان عبد القيوم الشريف وسوف نستمع اليها في كامل لحنها عبر البوم سيطرح قريبا في الاسواق


اي زول بردو قدر غتا
http://sudaniyat.net/up/uploading/ayeezool.mp3




http://sudaniyat.net/up/uploading/khalidd1.jpg

.

واصل هاشم
05-19-2009, 09:12 PM
سراى الليل مساكم خير ...

مالو مافى زول منكم ظهر لهسه ..؟؟

اسامه انت داير تنوم بهديتى ...زى مانمت بجوايزنا زمااان

خناس وين الشاى واللقيمات؟؟غايتو زازيتى زينب و نقح الجروف ديل بسوات الشاى

لامن طفشتيهن ..

الهادى تعال مارق من السوق دا ...كراسى شنو الداير تجيبها هنا ...والله بس ياهو

الفلهمه العورا وقعاد الكراسى فى الرمله

واصل وعوض ...ما تعملو فيها حريفين ومشركين للالفين ..مش احنا متفقين انو المشاركه رقم الفين لود اللمين ؟؟

طارق خلى خفه اليد بتاعتك دى ... شايفنك

شنو يا هديل قلبتي علي انا وصحبي عوض جلاس
ما عندي مانع بس هو وينو اليجي يشرفنا

هديل
05-19-2009, 09:23 PM
شنو يا هديل قلبتي علي انا وصحبي عوض جلاس
ما عندي مانع بس هو وينو اليجي يشرفنا


بينى وبينك يا واصل تلقاهو غاتس فى قهوتو ديك ...واصلو بقى يظهر مرة ويغيب

مرات... اقول ليك حاجه الحشاش يملا شبكتو ..

.خناس دى مالها الليله ؟؟؟

هديل
05-19-2009, 09:26 PM
أنا أصلو يا اسامة ساري ليل من المنتدى دا ما بدأ
بس كانت ظروف وعدت والحمد لله
وإن شاء الله معاكم طوالي لا تلوت الليل
خلاص الليت دا سلمناه ناس هديل

اها الناس الخلو الليت ....انتو وين؟؟؟i

واصل هاشم
05-19-2009, 09:26 PM
الاخوة الكرام


تحية وشوق

ونحن نلوح باشارات الوداع لمحطة الشاعر خالد الباشا تبقت هناك بعض الاعمال التي لم تري النور في مسيرته الفنية العامرة بالروائع
هذه الاعمال كانت تمثل مراحل مختلفة في حياة خالد االشعرية ونحن هنا نقدمها في محاولة لتغطية كل ما كتبه من اعمال لم تلحن او قُدمت باصوات عدد من الفنانين ومن هذه الاعمال قصيدة اي ول بردو قدر غُتا التي غناها الفنان عبد القيوم الشريف وسوف نستمع اليها في كامل لحنها عبر البوم سيطرح قريبا في الاسواق


اي زول بردو قدر غتا
http://sudaniyat.net/up/uploading/ayeezool.mp3




http://sudaniyat.net/up/uploading/khalidd1.jpg

.

ابداع بلا حدود يفوق حد الدهشة
لك التحية ايها المبدع خالد الباشا
والشكر لك يا اسامة علي امتاعنا الي حد الارواء

واصل هاشم
05-19-2009, 09:34 PM
بينى وبينك يا واصل تلقاهو غاتس فى قهوتو ديك ...واصلو بقى يظهر مرة ويغيب

مرات... اقول ليك حاجه الحشاش يملا شبكتو ..

.خناس دى مالها الليله ؟؟؟

خناس انا عارفا لابتة مع المتواجدين ومشركا للالفين

تدفعي كم يا خناس واخليها ليكي

واصل هاشم
05-19-2009, 09:42 PM
اها الناس الخلو الليت ....انتو وين؟؟؟i

شايفو قااااااااعد او قولي اتوقع انو قاعد لانو عدد الاعضاء 13 والاسمائهم ظاهرة 11 يبقي الاتنين ديل اتنين من تلاتة بيملكوا الخاصية دي هم طيبان وعوض جلاس وابو الحسين
اها يبقي كدا صاحبنا لابت برضو ومشرك للالفين

واصل هاشم
05-19-2009, 09:57 PM
الاخوة السراي
هاكم الهدية دي علي الطاير كدا
لحدي ما اسامة يواصل لينا في الابداع بتاع خالد الباشا

http://www.albrkal.com/agani/aa-Sari_Allail.wma

عوض جلاس
05-19-2009, 09:59 PM
يعني إلا نبنقر كدي حتين تعرفونا ؟؟؟؟؟؟

اسامة حمزة
05-19-2009, 10:00 PM
اخوتي

الكل يهيئ نفسه الان لنيل شرف المشاركة رقم 2000 في قوز السراي
انا في اشد سعادتي ذلك ان هذه الالفية قد جاءت ونحن نستعرض مسيرة الشاب خالد الباشا ونقدم من اعماله مالم يقدم عبر الكاسيت او حلقات الشعر ومن هذه القصائد التي لم تجد طريقها الي المستمعين قصيدة جاية دابك التي تغني بجزء منها الفنان عبود تبوري






http://sudaniyat.net/up/uploading/jayadabik.mp3





.

واصل هاشم
05-19-2009, 10:03 PM
يعني إلا نبنقر كدي حتين تعرفونا ؟؟؟؟؟؟

اي نان يا عوض يا اخوي يعرفوك كيف مع الاختفاء بتاعك دا
بقيت منك خوف زي عناكب قوقل

عوض جلاس
05-19-2009, 10:05 PM
الاخوة السراي
هاكم الهدية دي علي الطاير كدا
لحدي ما اسامة يواصل لينا في الابداع بتاع خالد الباشا

http://www.albrkal.com/agani/aa-sari_allail.wma



انت بقى آصدني !!!
مشكور على الأغنية الجميلة يا واصل
واصل لينا من النوع دا لاحدي ما يجينا اسامة

هديل
05-19-2009, 10:06 PM
يعني إلا نبنقر كدي حتين تعرفونا ؟؟؟؟؟؟


ايواا كدا ...اظهر وبان عليك الامان عشان


شغل الختفى دا ما بينفع ...فضل ودعلى صالح والهادى

واصل هاشم
05-19-2009, 10:06 PM
استعدواااااااااا

واصل هاشم
05-19-2009, 10:12 PM
مبرووووووووووووك 2000

الاخوة سراي الليل
اقف لكم اجلالا وتقديرا علي هذا الانجاز الاعجاز
افتخر بوجودي بينكم ايها المبدعون
اليوم اشعر بالفخر ان تبلغ مشاركات هذا البوست 2000 مشاركة اتسمت بالثراء المعرفي والاخاء اللا ممحدود بين رواد القوز
لا اجد الكلمات التي تصف روعة المشهد
فقط اقول لكم سيروا الي الامام
واسمحوا لي ان اقتبس ما كتبته عند الالفية الاولي ليكون هو مدخلنا الي الالفية الثالثة باذن الله ونحن اكثر قوة ومنعة

بهذه المشاركة يكون البوست قد حقق رقما قياسيا جديدا
الف مشاركة اقل ما توصف بانها حملت من المعلومات والابداع الكثير
الف مشاركة تعرفنا فيها علي بعضنا البعض
الف مشاركة خلقت من رواد القوز اسرة واحدة واصدقاء اعزاء متميزين
لا اعتقد ان الكلمات يمكنها ان تصف المجهود الجبار الذي يقوم به اسامة وما زال يقوم به فقد كان السبب في خروج هذه الدرر والكنوز الثمينة الي العيان واخرجها لنا في ابهي حلة
اما اخي الهادي قنديل فقد كان نعم السند لاسامة لما يتميز به من واسع المعرفة بفن وابداع الطمبور شعراً وغناءً استفدنا من معرفته فائدة كبيرة

وكذلك اخي عوض جلاس فقد اكتشفنا في هذا البوست موهبته في عزف الايقاع وعرفنا عشقه للطمبور ولكن هل يا تري عشقه للطمبور في درجة اعلي ام اقل من عشقه للبارسا؟؟؟؟
الاخ العزيز محمد الامين علي الرغم من مشاركاتك المتقطعة الا انها تحمل في دواخلها الكثير المفيد اتمني ان لا تبخل علينا ببعض مما لديك

وعبر هذه المشاركة رقم الف احي الاخت العزيزة د. هديل فقد شكل انضمامها الي البركل اضافة حقيقية ولعله من حسن الطالع ان يتصادف انضمامها للبركل وفتح هذا البوست فكانت مناسبة سعيدة جدا تعرفنا فيها علي انسانة من اروع ما تكون عليه بنات السودان
وفقك الله اختي هديل وحفظكي لنا اختاً عزيزة

اما اختي خناس فلعل من اكبر محاسن هذا البوست ان جعل خناس تلم بفن الطمبور بعد ان كانت من اصحاب الجينات الضعيفة
لكي مني تحية خاصة بقدر حبي لك

والتحية لكل من قرأ وعلق وشارك وساهم في هذا العمل الجميل الرائع

واتمني ان يكون هذا الرقم القياسي دافعاً اكبر لمزيد من الابداع والي الامام دائما
واشكر لكم ان منحتموني شرف هذه الالفية




http://sudaniyat.net/up/uploading/was1000.jpg

لكم التحية مرة اخري

الصورة دي منعا للتلاعب


http://sudaniyat.net/up/uploading/20000.png