المساعد الشخصي الرقمي

مشاهدة النسخة كاملة : قـوز السُـرّاي .. وإبــداعـات الطنبـور


الصفحات : 1 2 [3] 4 5 6 7 8 9 10 11 12 13 14

واصل هاشم
03-23-2009, 09:36 PM
واصل اشكرك علي وقفتك الحلوة في محطة محمد كرم الله

والله الزول ده يستحق الناس تقيف عندو وتقيف ليهو

انا عندي كمية من حاجاتو القديمة وحا اجهز ليها ونعمل ليهو مهرجان عديل رايك شنو
الهادي

الليلة مالك ساكت

يا اخواننا وين محمد اللمين

طبعا مواليد ال تمانينات ديل يكونو مستغربين فينا

تسلم يا اسامة يا رائع
فعلا الفنان دا بالد يحتاج نعمل ليهو بوست بي حالو بس برضو بالله ما تحرمنا من ابداعو هنا في قوزنا دا واصلي ما بنسي يوم جا غني في نادي البركل اول ايامو بعد عاد للغنا بعد غيبة واليوم داك كان يوم ما بتنسي والله اظن عندي تسجيلات لليوم داك غايتو بحاول انزلا ان شاء الله
بالمناسبة شنو مالك قايم علي مواليد التمانينات ما تنسي اني منهم

اسامة حمزة
03-23-2009, 09:40 PM
اها هاكم دي بداية تعارف بي واحدة من اغنياتو الشهيرة والمهمة لاهمية الحدث الذي كتبت من اجله


ونواصل


http://sudaniyat.net/up/uploading/alsalammm.mp3

الهادي قنديل
03-23-2009, 09:42 PM
واليكم النص

سوقنى معاك يا حمام

سوقنى معاك يا حمام
سوقني محل ما الحبيبة
قريبة تراعي الغرام
غريبة الأشواق حبيبة
يجيبا منام في منام
سوقني محل ماالمحنة
وأيادي تقطر سلام
سماحة الحياة فوق أهلنا
وبلادي تقرقر وئام
غلابه وأمان مو الطيابة
ضكارى بصارى وكرام
حبابه الحبان في بابه
وتدخلوا عليّ الحرام
فقارى ولكن غنايا
غنايا بهذا الغمام
بهذا النيل كم تغايا
وتيرابا نرميهو قام
إرادة القمره البتقدر
براها تضوي الضلام
شعاع شمشاً ياما خدّر
وإذا يبَّس لا يُلام
فيابا خرابا الحرابة
وخرابة فكر سوسي سام
خرابة الكل نفسو تأبى
عقابه .. تلِم عم سام
ولِيد مخلوق للقراية
خزين مدخور للجِسام
تتمر نيتو التخاية
إلاما مذهلل إلام
درب من دم ماب يودي
حرِب سُبّه .. حرب حرام
تشيل وتشيل مابِ تدِّي
عُقب آخرتا إنهزام
بطانة الشيطان قديمِة
وبعد دا منو العرشو دام
إذا الإنسان ما ليهُ قيمِة
علي إيش خلَّفُو سام وحام
تعالوا الدم ما هو مويةِ
ولا ها ترايي المسام
خباري بحمر في أخويا
وطراوة الخوة إبتسام
تعالوا نحانن بعضنا
نخل قلبو على التُمام
نبضنا يشهل أرضنا
وأرضنا تجِم العضام
تعالوا بدل نبني ساتر
نخيب ظن الصدام
نطَّيب للعازه خاطر
نقوم لأطفاله سام
أخير كرّاكةً بتفتح
حفير وتراقد الركام
أم الدبابة البتكشح
شخير الموت الزؤام
تعال لي غابتك يا خيرا
تعال لها يا أسده الهمام
بدل دوشكة يغني طيره
محل قنبلة عش نعام
بلد صمَّي وشعب واحد
عصية على الإنقسام
أبيه وبكراها واعد
صبية ومشهاده تام
بساط أحمدي كم يشيلنا
وتشهِّلنا على الدوام
نَقِل ليلنا تقوِّي حيلنا
ودليلنا تمام التمام
نلقّم سقف المتاهة
نجم هدّاي في الضلام
ونطعِّم حرف النزاهة
لإيئلافك يا حمام
ديموقراطية وأمان
سوا .. سوا عالين مقام
مواريثنا المن زمان
محصَّنة في أروع نظام
بريدك يا زول بريدك
بعشقك حتّى الهيام
أريحيتك عد تزيدك
مهابة وليك القيام
عهدي معاك يا حمام
حبِيْب الرُسل الكرام
رسول الأمراء العظام
عصامي على ما يرام
ماب تهدِل في خنادق
ولا ب تقدِل فوق حطام
ولا ب تنزل في فنادق
وسطنا مراعيك قُدام
فيا ملدوغ من أديس
معوَّق في كوكدام
تعال عمِّر فينا ميس
كفانا طشيش الكلام
جناحيك جنوب شمال
وأمش طوِّف يا حمام
محِل غصن العزّة مال
عليك وعليهُو السلام
حكيم الطير يا مهبِّر
شُراكة القَتَلة اللئام
متين بإسم الحق تكبِّر
وبالرحمة تصلِّي إمام
فلاحة العالم تعمر
محبّة مودة ووئام
تشمِّر ساعد السلام
سوقني زمن كُلُّو عافي
نتاجو عِلم خيرو عام
بري آيمة من المنافي
وطن وافي على الدوام

عوض جلاس
03-23-2009, 09:47 PM
دا شاعر معروف
أطلعو منها يا اسامة والهادي قنديل

http://sudaniyat.net/up/uploading/2345432.JPG


.

هديل
03-23-2009, 10:01 PM
عليك الله يا هديل تعالى شوفى ده قال كوتش قال كوتش ولا عشان هديل خلاص بطلت ترسل ليك الاجابات فى الخاص:p:p:p
والله الليله يا هديل يومنا بااااااااااااااااسطه

انت عارفه ياخناس الناس ديل سكتنا مانفع .....رسل ليهم الاجابات ولا حميده ولاشكر

وقدر ما اتامرو بلا فايده ...هسه اخرتها بقت فريق وكوتش وكرت احمر ...

اكان كدى النشوف زينب الحايمه ببره دى ...وبس بعد دا ان شاءالله يالهادى تكون روحك رياضيه
______________

قصه التحكيم فاشل دى مابتحلكم (احمدو الله اسا...قصدى الحكم معاكم)

اسامة حمزة
03-23-2009, 10:24 PM
الهادي


في شعر حميد مابتقدر تقول قصيدة اجمل من قصيدة لكن

نفسي اقدم ليك جميل دي من اجمل الاعمال

حميد هو اول من وضع لبنات المدرسة الرمزية وعلي دربه سار الكثيرون من من جاء بعده

ونقول ان حميد يعتبر من الشعراء الذين اسسوا لمدرسة متفرده تعتبر من المدارس التي غيرت المفاهيم الشعرية في السودان

http://sudaniyat.net/up/uploading/salamat.mp3

واصل هاشم
03-23-2009, 10:28 PM
حميد شاعر ماهو هين ابدا شعرو جميل جدا
بس مرات والله شعرو ما بتفهم بالذات لمن يكون قاصد وراهو حاجة تانية
التحية للرائع حميد ويا اسامة راجين المزيد

خناس هاشم
03-23-2009, 10:35 PM
وده النص كتابة يا اسامه

سلام ما سلمو العباد اواخر الشوق قليبن حاس
سلام والفيها شن بوفيها وإنت حجابي والوسواس
سلام ما خشَّ خيط النور على إبر النهار ومقاس
مشاعر قلبي عند زرزور يلاوي الريح بلا أنفاس
يلم الصور يسوِّي قصور وما من خرطة ما من ساس ،،
يسايسوا الريح ، يساومو صريح ، مع إنو جريح ،وما ينساس
سلامات يا أحنّ الناس
ما قهى القمر مبهور مع الوز النزل رقاص
وبين الصفقة والطنبور جزيرة غزيرة بالإحساس
بلدنا متور ومو عتمور أرضنا قريرة مو حصحاص
إذا إنسقت القلوب البور يشب شدر الولف ميّاس
ياالجرف البعد عشرو ودبش وكرو وشدير الفاس
نزل بحرو الطلق ضهرو ، وفتق ظهروا الحلو الأنفاس
سلامات يا أحنّ الناس ..يا درة ، قانقوليس ، أناناس
سلام والغربة لافي مدر فكر تحراها لاب تنقاس
قدر والفيهو ما كسناهو وين بعد الوطن بنكاس
يا حاحاي مسور الغير مسورنا الطير عليها كباس
سمانا شتا وهجير مطِّير بحرنا يحيِّر الغتاس
إن قلت النخل في نوري جنة يقوقي فوقه دباس
وإن جيت للسهل باللوري تسري ليالي لا آخر كاس
خيرنا كتير وكان بيطير دي عين والله ما هو يباس
إحنا أسياده وإحنا بخير ،،، ولا تقولي الزمن عاكاس
تمرنا ولا حلاوة الغير فقرنا ولا غنا الإفلاس
دلقاً بالعرق ينبلَّى يلبك في الضهر والراس
ضارب في الشمش ينقلَّى أرفع هامة وأحلى لباس
ولا بدّ الشبك تنحلّى يوم الناس تقوم هي الناس
والينعلَّى ماب يندلَّى لا ننذلّه لا ننداس
يا رسن الأمل عنْتِلِّي ساب الحلي ركب الباص
وين يلقى الأهل والخلِّي لو لمَّ الدهب والماس
يا عنتلي كان ودناس
كان سواي وموحداث لي ضهر الحبيب حرَّاس
ولي أتر البغيب قصَّاص تقلتو تخفف البكيات
تتقل خفتو الأعراس
نفير للقلي وحدو نفير لمينة بيت مرق رصَّاص
كان عنتلي ، علِّي آناس
وكت ضحكةْ سترتو بكت
سكت منو وليه كان ونَّاس
صحينا مع الدغش ذات يوم تبنا رقابنا ما من راس
حطب حتى الكلام ده حطب ،، حطب والحاطبو داسْ الفاس
تعب حتى السكات دا تعب 0000 تعب والتاعبو حاس الساس
يا عنتلِّي بير الحلي صد للحلي يابسي يباس
ويتلفت تميره تملِّي ماك واعد الصبر بي راس
روقي عيوني لا تنبلي بالدمع 00 الدمع منقاص
لي صبراً حبيبة فضلِّي ،درَّابة وبحر تنماص
صلِّي على البلد بعد الله .. صلُّوا على الحبيب آناس
سلام لامن نلم يا خلة في الحلي الحنيني خلاص
عليها سلام سلام وسلام .. سلام عَد فيها من أجناس
بلد ما فيها أيِّ كلام بلد بالصح بلد بت ناس
إذا ما أذَّن الآذان .00. إذا ما رنت الأجراس
سلامات يا أحن الناس
سلام لامن عشم في الشوق يلمنا نحنا ياك وخلاس
بلدنا متور ومو عتمور أرضنا قريرة مو حصحاص
إذا إنسقت القلوب البور يشب شدر الولف ميّاس
ياالجرف البعد عشرو ودبش وكرو وشدير الفاس
نزل بحرو الطلق ضهرو ، وفتق ظهروا الحلو الأنفاس
سلامات يا أحنّ الناس000يا أبنوسة قانقوليس , أناناس
سلام والغربة لافي مدر فكر تحراها لاب تنقاس
قدر والفيهو ما كسناهو وين بعد الوطن بنكاس
يا حاحاي مسور الغير مسورنا الطير عليها كباس

خناس هاشم
03-23-2009, 10:52 PM
هي يا سراى الليل انتو نمتو ولا شنو:confused:
يا اسامه واصل والهادى ديل ما تحن عليهم بى سؤال ساااااااااهل كده خليهم اليجاوبو قبل ما يشطبوهم من التسجيلات:p:p:p

الهادي قنديل
03-23-2009, 10:55 PM
اسامه لك ولهم ماخطه قلم الروائي خالد عويس عن القامه حميد بعنوان هذا الحميد

هل ينحدر النيل من فكتوريا والبرت أم من حنجرة حميد؟
حين يصعد هذا (التربال) البسيط الي المسرح ليلامس أعصابنا السرية ، ويبكي في حضن نورا ، يتسرب الأمان الي قلب "عيوشة" الغض وتشعر أخيرا بأن ثمة نبل لا زال يستر عوراتنا المستباحة
هذا الأسمر .. المتعب بوطنه ، المتعب بقلبه ، المتعب بجماله ، المتعب بشعره ، مهلا ... هل هي قصائد أم "طباشير" في الحصة الأولي ؟
عم عبدالرحيم كان معنا في الصفوف الخلفية ، بجلبابه المتسخ وأسنانه الصفراء ، يطلب شاي و(يدردم) السفة ليستمتع بحميد ، السرة كانت الي جواره ، تتمايل مع همسات الفنان قمر وهو يغني (طيبة)
كل الذين كانوا هناك ، كانوا طيبين ، بمقاييس حلم حميد في وطن فسيح
وطن يتسع لمشردين نبلاء
وحلب قادرين علي الاحساس بنبض الوطن ورهافة الانتماء
حمتو ، لم يمت
حمتو عانق حميد ، وبكي أمه من جديد حين سرّب حميد الدمع الي مآقينا تضامنا مع حمتو المهمش
حميد المنحاز تماما الي البسطاء (جدا) والمجروحين حد الدهشة ، والمطرودين من وطنهم
حميد المنحاز الي وطن مطرود من وطنه
وسواد منزوع من لونه
ونخلات عرت من لحائها وليفها وسبائطها
ونيل مطرود من سماواته
حميد الأغبش
أجمل الغبش
أروع الغبش
هذا التربال البسيط الذي يعلّم الدنيا بأكملها كيف تعيش علي نبض انساني
وكيف لا ...لا ... لا ... لا .. تساوم
المباديء حين تصبح قصيدة
والقضية حين تصبح قضية فعلا
يعلن عنها ببساطة وتلقائية
بلغة سهلة وجميلة وأنيقة
قدرة الترابلة البسطاء حين يغردون بأروع المعاني
كم كان جميلا وهو يبدل طريقة الالقاء
ليحاكي الاطفال المشردين
(ما فينا ادرابات ، بس ندرب الورنيس
الله الله الله
تسلم يا حميد
هم الآن يشعرون بالتضامن
هم يصفقون في مجاريهم وكوشهم لك
أن ينتقل المبدع بكل كبريائه الي كوشة ليعلن ميلاد عيوشة
وميلاد سودان جديد
هو تأسيس لقيم اجتماعية جديدة
منحازة للانسانية
تطرد عن أقبيتنا نعاس غشي الأمة
وجعلها رهينة المظاهر
ورهينة الالوان
اعتذر للبعض عن "غبار" قد يكون مسّهم جراء تناوله قضايا سياسية
انه يعلمنا ادب الاختلاف والحب والتسامح
ان أقول رأي من دون أن اكره خصمي
قمة التحضر أن اختلف مع الآخر
وأحبه في ذات الوقت
لأنه ينتمي الي وطني
دروس في الوطنية
والانسانية
تسلم حميد
تسلم حميد
أيها الرمز الجبار في اهاب تربال عظيم

واصل هاشم
03-23-2009, 10:58 PM
القصيدة دي انا سمعتها في نادي البركل اماني الناس ما انبسطت اليوم داك كيف

النخلة


width=400 height=350
ودا الرابط علي اليوتيوب
اضغط هنا (http://www.youtube.com/watch?v=NXTNPQfR1FQ&feature=PlayList&p=76AD4AB255F1BDF5&playnext=1&playnext_from=PL&index=24)

واصل هاشم
03-23-2009, 11:05 PM
يا جماعة انتو قصة اليوتيوب دي شنو مالا ابت تشتغل زي زمان

الهادي قنديل
03-23-2009, 11:13 PM
الهادي


في شعر حميد مابتقدر تقول قصيدة اجمل من قصيدة لكن

نفسي اقدم ليك جميل دي من اجمل الاعمال



[][/]

اسامه لي ساعه بحاول ارفع ليكم الاغنية بصوت عثمان عبدالعظيم ولم افلح

واليك جزء من النص (وإن وجدت اخطاء عليكم بالتعديل )

أقدم ليك جميل

نفسي أقدم ليك جميل
في حدود الاستطاعة
فليكن هذا الجميل
غنوه بين الناس مشاعة
والله سرية وتقاوم
في الجمود حمي المياعة
المهل ضيقا النبيل
شان بلد تاخد وساعة

غنوه قالت يستحيل
يصبح الأسف البديل
للتماسك والتواصي
بي مشي الدرب العديل
راح تموت البركة بركة
واللي نيل راح يحيا نيل

ويا عروق السنبلاية
ألمشت ما آخر مطيرة
لسه يا بيوضة جايي
ألف غيمة و ألف غيره
لا تزال القبلي طايي
والأرض باشة عشيرة

خابرتني نسيمه
شافت طيرة
خالت لي شديرة
من الشديرات التلبد
كلمة السر في صديره

والعصافير ماب تكضب
لاب تحوم فوقا الإشاعة
قالت النار اندلاعه
في المساخر حار قراعه
ولابد الدنيا وضياعه
عنوه ترجع لي جياعه

وينطلق ضهر التواريخ
المعبية سيرة 00 سيرة
تجي الطراوة تجي المطيرة
تجي النقاوة تجي الدميرة
بحر غنانا من الحجيرة
يغرق الذمم العضيرة

وللتقدم بي هداوة
التلاميذ البي خيرة
بي ضراوة
تدق براوة000وبي شقاوة
تسوي قيرة
للمطيرة المافي غيره
راتي ياخد لي خبيرة

تحكي عن عزة مهيرة
رزتا وهزة ضراعه
نفرة الولد المظفر
وكيف سفه دنيا ومتاعه
في سبيل سودانو قطر
دمو سطر فكرو واعي
بي دراويشا اشاوس
وانتصاراته التباعه

اسامة حمزة
03-23-2009, 11:15 PM
الهادي

معليش الليلة زي عندي مشكلة في النت مع انو ما سوداني

شايف حميد عندو حضور كويس

واصل ..

حميد ده شعرو عجيب لكن مغري ولو تاملتو تلقي فيهو تعابير جميلة جدا

تخيل يله زول يكتب قصيدة زي ( الضو وجهجهة التساب ) في 45 ورقة فلسكاب

ويكتب معلقة زي الجابرية .. اكيد مرت عليك ويكتب السرة بت عوض الكريم كتاب كامل

خليك من حاجاتو التانية


انا افتكر ان حميد بما وُهب من عبقرية استطاع ان يغير الخارطة الشعرية ولكن هذا التغيير له بعض السلبيات مِن مَن سعوا علي درب حميد فاوقلوا في الرمزية الي ان افقدوها معناها وانا اظن ان الرمزية لها اسس تقوم عليها
فما معني ان يكتب شاعر بكل معاني الرمزية في زمن الدمقراطية السياسية (اياً كان زمانها ) والعكس ،، فحميد كتب رسائل ست الدار واستطاع ان يوصل رسالته في نظم بسيط ومحبوب وساهل الوصول الي قلوب الناس
وكتب الجابرية في عهد كانت فيه الكلمة مباحة ، وهذا كله مربوط بتاريخ السودان السياسي الراهن والماضي ومامرت عليه من عهود جثمت علي الصدور فلم يكن المفر منها الا ان ياتي المبدعين خاصة الشعراء بمنفذ تنفذ منه الكلمة الي اسماع الناس


(بعد البري ده اديكم قصيدة ماتزعلوا )



اهداء الي كل من شارك في هذا البوست والي البركل والي عشاق الرائع حميد
والي واصل هاشم


كلام العصافير للشجر والناس
http://sudaniyat.net/up/uploading/HMEDNAFSYAG.mp3

واصل هاشم
03-23-2009, 11:28 PM
لكل المغتربين والحالهم زي حالي
لهم هذه الرائعة لحميد


كل ما تباعد بينا عوارض
كل ما هواك يا طيبة مكنِّى
تلد الغربة الكُربة الواحِد
بيكى أسمى الشوق وأكنـِّى

لمـّا أفوتك من دون خاطر
أو دون خاطر منى تفوتى
بلقى حبايب فى كل حِتـّة
وكل بيوت الفُقرا بيوتى
لا غيرت وراك الجِتـّة
لا بدلت ملامح صوتى
لا غافلنى وهادن فنى
غام لى المدن الما عِرفتنى
تبن الشوق الصبرو مصوبر
للأرياف الكم وفّتنى
وللأطفال الناشفة ضلوعا
ونازفة بغنى
أطمن روعا وأهتـّى دموعا
ببسمة بكرة اللاّها تمنى
ولا مصنوعة

أغنى لشعبى ومين يمنعنى
أغنى لقلبى إذا لوّعنى
مخيـّر دربى الما رجعنى
إذا طلعنى نخلة القرب
ولا الغربة الكدرومية
تنزل غنوتى بى قمرية
أو وقـّعنى فى بطن الجـُّبْ
بطلع يوسف بالأغنية
أغنى الناس الما بتسمعنى
المِنِّى بعيدة ومبعدة عنى
النادا نشيدا وكنت المعنى
الإيدى فى إيدا وإيدا بتبنى
فى دنيا جديدة اليوم راح تدنى
وأريت غنواتى فى ناس شغالة
تكون سُندالة وعود طورية
ضراع رجالة كتاب أطفالا
وجملة بالا الما مكرية
سدّة مالا وبقـّة فالا
فى ليلة الدخلة
على أسمى قضية


حبيبة قلبى يا سودانية
يا أسمى معانى
فى زول بيعانى
ياود ضكران ويابتْ دغرية
وأنا إنْ سامعانى
فضـّلت أغانى غُـبش فقرية
وروح غانيانى
حويتك منك يادافعانى
براحة إيديا
ويا جابدانى برفق عليا
وما بتحيـّر بين الفوق
وبين الناس التحتانية
إلاّ مغـيـّر ولاّ عقُوق
ولاّ كفيف الإنسانية

ومنـِّك وين يا كاشفة عينيا
بنور الإلفة ضِيا الحنية
وحِلم العالم ناس تتسالم
والبنى آدم صافى النية
والأطفال الناشفة ضلوعا
يطمِّن روعا
وتبدى تغنى
غناوى البكرة
الكم مسموعة
حسيس طنبارة مع نـُقارة
صفِقتاً حارة ودارة تغنى
فيا حلتنا عليكى تـُرابك
وإنتى شبابك زينة الجَنـِّى
أحلى عروس البلد اللّتنا
ولاّ الغُبُش الرّابّة تهنى
ولاّ هدير المدن التصحا
وتمحى ظلام الحاصل عنـّى

الهادي قنديل
03-23-2009, 11:31 PM
وهنا نتطرق لبعض الفنانين الذين تعامل معهم او تغنوا بكلمات القامه محمد الحسن سالم حميد على سبيل المثال لا الحصر

مصطفى سيداحمد - عقد الجلاد

ومن فناني الطمبور

المرحوم يس عبدالعظيم - محمد كرم الله - محمد جباره -محمد النصري - عادل عثمان الطيب - عثمان عبدالعظيم - معتصم ابراهيم - حسن كلمون

واصل هاشم
03-23-2009, 11:32 PM
الغربة دايري صبر
ويا ربّي وين بلدو
لا يبقى شالو قبر
وراقد مع الرقدوا
*** ***
بنحِب بلدنا قدُر
ما الزول يحب ولدو
لابدَّ تبقى خدُر
أيامو بي جَلَدو
*** ***
الطير بيصحى فجر
كان ما لقى النقدو
يقطع بحار وجزر
غير رزقو شِن بَعَدو
*** ***
زيّو الغلابة سمر
من حر شموش وقدوا
تعب السنين المر
يتحالى لو حصدوا
*** ***
يا كم ليالي تمر
وفد وقفة كيف صمدوا
بحراً جناحيه جمر
يا الشالن إن غمدوا
*** ***
أقدارنا ماله كُتر
نيرانه ما بردوا
كل النصدّو يتر
حالاُّ يجي البعدو
*** ***
للقال بلدنا فقر
قول خيره بي رعدو
لكين عوارض الضر
إنقنقتوا وقعدوا
*** ***
صقرين تعاقبوا كُر
عاقِّين وماب يلِدوا
حد ما ضروعه تدر
بي خيره ينفرِدوا
*** ***
صاح الحمام يا غُر
يا قمري .. قانقردو
يا طيرو فرَّ صقر
فاضِل لنا البعدو
*** ***
ذرُّوا الحِديْ لا يذر
سوسيونا والأخدوا
من طينّا مافي عذر
يحراهو بي لسدو
*** ***
لابد يرش أم در
غيماً فرج بردو
تحتو اليرارو خدر
إنبردوا وبردوا
*** ***
الأرضِ دايري صبر
ويا ربَّي وين بلدو
يي دا الحفرلو قبر
للغربة بي جَلَدو

واصل هاشم
03-23-2009, 11:38 PM
اتوقعت يا اسامة اول اغنية تنزل للرائع حميد هي اغنية عفارم الغناها محمد جبارة وقدر ما فتشتها في النت ما لقيتها
ان بقت عندك ما تبخل علينا بيها

اسامة حمزة
03-23-2009, 11:41 PM
تعرف ياوا صل

حميد ده يوم جا من بره الناس ماكانو مصدقين

اعلنونا في الجرايد بي ليلة شعرية ومشينا بس نشوف حميد ده للدنيا والزمان
الخلق دي ماتديك الدرب .. شفت نادي الزومة ده مابتوصف
والناس والصحافة والامة دي قاعدة بس بلا يجوا شوي ناس كدي بي مواتر يقولو مافي داعي للتجمعات وكل زول يمشي اهلو

يازول والدنيا دي جاطت
واتفرتقت الليلة الشعرية براااااحة ... تخيل
ده مش شاعر يخوف بلد ؟؟؟

حميد ده كان زي الحاجة كدة في الخيال
ــــــــــــــــــــــــــــــــــــــــــــــــــ ـــــــــــــــــــــــ
كانت قصائده تاتي رغم انف كل الحواجز السياسية وكانت اعماله مثل (المنشورات الممنوعة) يتبادلها الناس سرا وسرا جدا احيانا
.................................................. ..
ان حميد استطاع قهر جميع الاجهزة التي كانت تهابه وتهاب من يتعامل معه فنيا لذا وبرغم المحاربة التي وجدها حميد الا انه استطاع ان يثبت للعالم ان الكلمة لاتقف امام حواجز اللجان والسياسة والبنايات الخربة وكما قال الراحل مصطفي سيد احمد
قال مصطفي :- عندما حرمتني الاجهزة الاعلامية من الدخول عبرها قررت ان اخرج ( واهري الناس بالشرايط )
وهكذا كانت رسائل حميد تاتي عبرالكاسيت الي داخل البلد تحمل الينا هموم البلد

الهادي

شايفك فتران الليلة مالك ؟؟

خناس

وينك انت والدكتورة



عضم ضهر المعزة

http://sudaniyat.net/up/uploading/HMEDDAHRMAZZA.mp3

واصل هاشم
03-23-2009, 11:43 PM
والله حميد دا وقع معاي في جرح بالذات في موضوع الغربة والقراية
لكل المغتر بين المساكين زي هاكم القصيدة دي كمان



وريني شن طعم الدروس مادام بكانا مشى قطر

وكيف ذاتا ترتاح النفوس تقبل قرايتاً فى سفر

يايمه حان الإمتحان من وقتو بس فاضل شهر

ما اظنى من جور الزمان انجح واجيب ليكم نمر

كيف ذاتى يا نبع الحنان انجح من آلام السهر

عمرك سمعتيلك جبان خاض المعارك وانتصر

زينوبة كل ما افتح كتاب القاك فى أول سطر

القى الجداول والصحاب القى الجناين والتمر

فى الحصة عقلى أنا قام سدر يمه المدرس لو فكر

كان بلقى قاعد فوق ككر فى الدونكي لسع ما فطر

يسمع كليمة يا عشاي وأغلى الحكم عند الضجر

أنا قلبى كلو عليك جناى وقلب جناى على حجر

والله موش لو كان نهر لو كالنى بسيطان بقر

مادام عقيل الجن سدر ما اظنو من عندك حضر

بذاتو ابوى تلقاهو قام فاتح كتابو مع الفجر

يقرأ ويرتل فى كلام ما بفهمو الناس الكفر

زينوبة كر من حالى كر قاعد لى فوق نيران جمر

غربة وكمان حالاً فقر عذبنى قبل أصل القبر

الشوق متل شوك الكتر طعن الجسم لمن خدر

والله لو ما بنقبل ما كان بفارقك بى شبر

زينوبة دنيا الإغتراب خلتنى زي ورق الشدر

اتحت من عدم الشراب عم الأراضى وانتشر

الغربة اصلو طعيمها مر لكنى بقعد بالجبر

لمن سنين الهم تمر يا ربى الهمنى الصبر

الهادي قنديل
03-23-2009, 11:54 PM
http://sudaniyat.net/up/uploading/Hummaid.jpg

حميد قال :

يوت قلبي يدّي قبل تدور
طول حبِّي ديمة قَبَل عينيك
فضَّل لي بس لبن الطيور
ما خِبر بكانو أجيبو ليك

ونحن لو فضلنا نكتب عنه وله بقدر ماطاوعتنا الاحرف سنكون مقصرين في حقه

وسيكون قليل من الكثير الذي قدمه حميد

وفعلا اعتبر هذا اليوم هو بمثابة لمسة وفاء في حق انسان عانى ماعانى في سبيل قضيته التي يؤمن بها تماما

ويلاّ نواصل

خناس هاشم
03-23-2009, 11:58 PM
انا والدكتوره قاعديييييييييييييييييييييين يا اسامه قلنا نفسح المجال لى الكوتش اقصد الهادى وواصل:cool::cool:
لكن الغريبه سراى الليل احنا الخمسه برااااااااااااانا يا كافى البلا وقايد المحن زول يقولنا عينكم فى راسكم مافى:p:p

الهادي قنديل
03-23-2009, 11:59 PM
[quote=واصل هاشم;88422]القصيدة دي انا سمعتها في نادي البركل اماني الناس ما انبسطت اليوم داك كيف

النخلة


واليك ياواصل


النخلة


النخلة في الليل المهول ...
وحيدا في عز الرياح
فارس يدارق في الرماح ...
الجايا من كل إتجاه
رغم الجراح ...شح المي ...
الزاد والسلاح
راكز يصول ...لا أنَّ لا حنى للجباه
لا خان بصيرتو الإنتباه
لا حتى قال ديل المغول ... لا خت آه
على عز قديم ... روح عجول
طول مداميك الصبر ...سدابا طاقات النباح
كل ما نزف من جوفو دم ...
كل ما عزف لحنو الصباح
نجم الميامين الحمش
ينضارى شان تشرق شمس
تدي الحياة... الناس ... الحقول
الدابة ... والطير ... والبمش
لكنو ما بخبر أفول ...
والأرض مخلاية التعب
مصلاية العشق الصعب ...ما بتستباح
زي نخلة ... في الليل المهول
كانت بتختبر الفصول
كانت بتمتحن الرياح ... كل ما تطول
والدنيا خوف ... عابر سبيل
يشوف عنف الرياح في النخلة ...
واللا النخلة في عنف الرياح ...
في ليل مهول
طوالي راح يحلف يقول
النخلة ما بترجى الصباح
والطيب الصابر سنين
راجيها باكر ... حقو راح
لا فك دين ... لا سد جوف
رزقو المعلق في الصبيط ...
مشهادو أصبح بين بين
النخلة ما بترجى الصباح
لكن ضراعا في البلد ....
عارف عروق النخلة وين
خابر صمودا المن متين
وسامع مناتقة الرياح ... ساكت صياح
لكن ضراعا في البلد ....
عارف عروق النخلة وين
ضامن ثبات ساقا الهطيط
وسامع مناتقة الرياح ... ساكت صياح
النخلة ما بتقدر تخون الأرض ...
ما بتقدر تكون غير المراح
لي همبريب يغشى البيوت ... عند الصباح
نص النهار ... عند المغيب ... عز الرياح
النخلة تتجاسر تصون عش الطيور
البينا ...تفرد للجناح ...
ما ليها غير تطرح تمور
تملأ الشواويل ... القفاف
ينتم زين ... ينحل دين
يطلق ضهر زولا بسيط
واقف على حد الكفاف
ومن ركة الرزق المتاح
رزقو المعلق في الصبيط
ينزل كما الطير الخفاف ...يقدل نشيط
يخضر زي شتل الضفاف ...
كل ما النشاف بدأ في الصبيط
والنخلة لو عنف الرياح ... الصاقعة
أهوال الفصول ... آفة الذبول ...
قدرت على ساقا الهطيط ... تقع
آ بتموت .......
تلقاها خشت في الببيوت ... بي كل صراح
تبروقة ...سجاجة طهورة ..
طبق من العرجون ... ضنيب هبابة ..
قفة وكسكسيكة ... حبل متين
فتلوهو في ضل الدليب
نشلوبو من بير للشراب
نسجوبو بنبر وعنقريب
تلقاها خشت في الببيوت ... بي كل صراح
حويبل جريد ... يعرش سقف بيتا جديد
أول دخلتو عريس سعيد
مبسوط يقرقر بإنشراح
أو حتى واقودا تقيدو السمحة ...
في نار بارتياح
لي يوم عزيز... يطلع خبيز
نبيذ الليل صفاح
يطلع ملاح ... بروبو ناساتا ضيوف
ولي زول وراهو شغل بعيد ...
جابرا الظروف
يطلع قهيوتو وشاي صباح ...
وآخر المطاف
الموت بيلفح بسمة من توب الزفاف
الموت بشرق نسمة في كل الصبا
النخلة ترباية العباد ...
بي جلالا تنحول رماد
ورمادا ينحول سماد
وسمادا يدخل كم بلاد
وديانا تخضر والبطاح
شوف كيف كفاح النخلة ...
شوف كيفن بتتحدى الرياح
تصبر على مر الحياة ....
وتنمطق الموت بي جلد
من بعد ما ملت البلد ..شتلا معمر بالألوف
وشايل مخلف بارتياح
طول المصير ... النخلة حوتة الصحرا..
نوارة الجروف
تلقاها في أجمل وشاح
بي جراحا رجتنا الصباح ...
يا القلتو ما بترجى الصباح
النخلة تحت الأرض سر ...
والنخلة فوق نخلة نصاح
والدنيا أوسع ما تكون ... والجو براح
وكل الرياح فوقا بتمر ...
يكفيها دا ... ويكفيها صاح
ما استسلمت لي ريح غريب
وكل الرياح فوق بتمر ...
والنخلة ما بتعرف خلاف ريح اللقاح
والهمبريب ريح الصلاح
يا معوض الليل بالصباح
يا معود النار اللهب ...
روض نخلنا على الرياح
وفي لجة البحر الغريب ...
أدي الرواويس الصلاح
يكفيها دا ... يكفيها صاح

اسامة حمزة
03-24-2009, 12:04 AM
تعرفي ياخناس
باكر يجوا يلقوا اتر القعدة فوق القوز والكانون وصاج اللقيمات وبراد الشاي يقولو اريتنا ان كان قعدنا

ــــــــــــــــــــــــــــــــــــــــــــــــــ ـــــــــــــــــ
يعتبر حميد من الشعراء الذين تبنوا قضايا (الغلابة) ومعظم اعماله تاتي في هذا السياق الكبير
فكتب حميد الكم الهائل من الاعمال جاءت تحن الي الغبش التعابة وقد جاء الرمز نورا لاجمل المعاني في اعماله حتي في كتاباته العطفية نجد ان حميد قد انحاز لقضايا البسطاء

تعرف يا الهادي وواصل في اغنية زعلان منك حميد عندو فيها تعبير جميل يقول

فكر اكنك في الطوالي بيسأل عنك
عبّا رسايل فوقا رسايل يا متجاهل كل الجنك
لو كان قايل ما بالساهل صدرو الماهل يزعل منك
ضايق صدرو بي طول صبرو وماكا حجر من ايد و يفنّك
ــــــــــــــــــــ
وفي لاتقفل الابواب

جاييك من اخر الريد
مشيا علي الاشواك
عز الليالي البيد
آنست نورك باق
خبيت مشاعري شديد
الدوخا الساساق
وكل مالك انت بعيد
توميلي بالاطواق


شوفو دقة وجمال التعبير ده

ان حميد هو شاعر يهتم يتفاصيل التفاصيل كما في الجابرية يصف المواقف بدقة الزمان والمكان

كان ضحوية ...وكُنَا نسنِّد في المحروت
كان ضحوية ... وكانت عين شمس الله قوية

ويقف علي التفاصيل

قدمنالو كتاب الله ...درقة وسيف ... تبروقة هدية
.. قـُـفّة تمودة .. وفاس دهبية
وكنا قبيل بيّتنَا النية ...
بين بتين علّينا اليافطة ...
اليافطة أم زيق الدمورية
وانعبينا هتافاً واحد :-
الجابرية تحيّي الثورة ...
دايرين بوسطة ومدرسة وسطى
الشفخانة وسوق منضبطة


خوفي من تلحق رفيقك
http://sudaniyat.net/up/uploading/HMEDKHOWFY.mp3

الهادي قنديل
03-24-2009, 12:05 AM
انا والدكتوره قاعديييييييييييييييييييييين يا اسامه قلنا نفسح المجال لى الكوتش اقصد الهادى وواصل:cool::cool:
لكن الغريبه سراى الليل احنا الخمسه برااااااااااااانا يا كافى البلا وقايد المحن زول يقولنا عينكم فى راسكم مافى:p:p


اووو الناس البيجيبو الكوره من خلف المرمى

تراكم قاعدين

انا قلت يمكن نمتو

غايتو خناس مره مره كدي بترجع ليها كوره الملعب لكن في ناس كده دايرين اليجيب الكوره من وراهم كمان :p

الهادي قنديل
03-24-2009, 12:14 AM
ولا حظ يا اسامه في قصيدة تفاصيل ما حدث

وهو يقول:

سكتّ

نَضَمْ غُناي .. ورّاكْ ..

بَدابِكْ باتّكالي عليكْ

خَتَمْ بِكْ .. بي هروبي إليكْ

كلما تقرأ وتتمعن في الكلمات تحتار اكتر

بالله شوف جمال التعبير

غايتو حميد ده عالم براهو يبقالي

اسامة حمزة
03-24-2009, 12:18 AM
الهادي الليلة القوز بس حميد

الناس واقفة بعيد تتفرج


دي اغنية لبن الطيور

http://sudaniyat.net/up/uploading/10101020.mp3

واصل

اها كيف

الهادي قنديل
03-24-2009, 12:27 AM
الهادي الليلة القوز بس حميد

الناس واقفة بعيد تتفرج


دي اغنية لبن الطيور



واصل

اها كيف

هذا ابسط شي يمكن ان نقدمه في حق شاعرنا حميد يا اسامه

وواصل شكلو في سابع نومه لكن خناس متابعه

واليك نص لبن الطيور


يوت قلبي يدّي قبل تدور
طول حبِّي ديمة قَبَل عينيك
فضَّل لي بس لبن الطيور
ما خِبر بكانو أجيبو ليك
*** *** ***
لامن زماني عليّ يجور
أكمد كياني صبر وأجيك
وما ألقى خردلة من شعور
طيِّب تخيِّب ظنِّي فيك
*** *** ***
شقّيش أقبِّل وين أروح
وأنا تاني مجروح من وشيك
يا غربة ياليل يا نزوح
دغش الغبش ما بات وشيك ؟
**** **** ****
يا غلبي كلما الليل دخل
ياني المغنِّي "النجمة ديك“"
ولاَّ القِدر يرجى النخل
لامِن يشيل قادر عليك
**** **** ****
يا ريتني خلّيت الرياح
في الغربة ترميك بالأسى
من قلبي ما دلّيت جناح
يحميكَا في ذاك المسا
كان ما إنجرحت بلا الجراح
الفيِّ قبلك أوعسى
صبراً عليك محقتو راح
يقدر عليها ييبسه
*** **** ***
جيت لي غرد وأنا قلت بلد
لمتنا في المنفى القسى
طول عمري لي عينتك مدد
حين أحسى غيمتك تحبسه
*** *** ***
زول حاضري بالصدفة إستراح
في ضلِّي أول ما رسى
وجكّن جرابو نساني راح
وفضَّل ضليلي المانسى
…. …. ….
ليمونة فوق أزيار سبيل
عابث عياني يقصقصه
لابدّ من صبراً طويل
شان يربى شوكه ويحرسه

الهادي قنديل
03-24-2009, 12:38 AM
اها يا اسامه بقينا برانا كل الناس نامت

وانا بستـأذنك راجيني درش كتير من الفجاج

بس قبل ما امشي احب اقول ليك:

ما انبلك

ولحميد اقول:

بريدك يا زول بريدك
بعشقك حتّى الهيام
أريحيتك عد تزيدك
مهابة وليك القيام

__________
اها فتك بي عافيه

اسامة حمزة
03-24-2009, 12:43 AM
تعرف الزول ده زول ما عادي ولا بنقدر نتكلم عنو ان قعدنا فوق القوز ده شهر

لكن انا بعتبر دي بس اشارات صغبرة لبعض الحاجات هنا وهناك http://sudaniyat.net/up/uploading/ALLELL.mp3

واصل هاشم
03-24-2009, 12:47 AM
شنو يا اسامة ما لقيت لي عفارم عفارم شعبا مسالم
ولا نعست
شايف فضلنا انا وانت والدكتورة

اسامة حمزة
03-24-2009, 12:51 AM
يبقي انا اقعد في المنتدي الكبير ده براي ؟؟؟


انا بمشي واخر شي اخلي القصيدة دي فوق النار لغاية الصباح الناس يجوا يلقوها داااااافيى
http://sudaniyat.net/up/uploading/HMEDMAHANSA.mp3






واخير تحية لهذا المبدع الذي الهمنا جلسة اليوم

والي كل عشاق الرايع حميد من يملك اي ماده ارجو رفعها هنا حتي نحاول جميعا ان نوثق لجزء يسير من مسيرة هذا المبدع


تحياتي

اسامة حمزة
03-24-2009, 12:53 AM
من قبيل بحاول اعمل تحميل للغنية لكن يبدو انها معصلجة شوية


بحاول فيها

واصل هاشم
03-24-2009, 01:02 AM
من قبيل بحاول اعمل تحميل للغنية لكن يبدو انها معصلجة شوية


بحاول فيها

مافي اي مشكلة يا اسامة
اكان ابت تنزل خلها خمار لي باكر وما اساهر بيك ساكت
تصبح علي خير

اسامة حمزة
03-24-2009, 01:18 AM
شكلك نمت ياواصل ..

عموما هاك الغنية


اسمعا كدي بي مزاااااااج خاص وانت راقد علي قفاك
عفارم / حميد حسن سالم / محمد جبارة


http://sudaniyat.net/up/uploading/afarim.mp3

طارق علي صالح
03-24-2009, 05:07 AM
http://sudaniyat.net/up/uploading/Hummaid.jpg

النخلة
النخلة في الليل المهول ...
وحيدا في عز الرياح
فارس يدارق في الرماح ...
الجايا من كل إتجاه
رغم الجراح ...شح المي ...
الزاد والسلاح
راكز يصول ...لا أنَّ لا حنى للجباه
لا خان بصيرتو الإنتباه
لا حتى قال ديل المغول ... لا خت آه
على عز قديم ... روح عجول
طول مداميك الصبر ...سدابا طاقات النباح
كل ما نزف من جوفو دم ...
كل ما عزف لحنو الصباح
نجم الميامين الحمش
ينضارى شان تشرق شمس
تدي الحياة... الناس ... الحقول
الدابة ... والطير ... والبمش
لكنو ما بخبر أفول ...
والأرض مخلاية التعب
مصلاية العشق الصعب ...ما بتستباح
زي نخلة ... في الليل المهول
كانت بتختبر الفصول
كانت بتمتحن الرياح ... كل ما تطول
والدنيا خوف ... عابر سبيل
يشوف عنف الرياح في النخلة ...
واللا النخلة في عنف الرياح ...
في ليل مهول
طوالي راح يحلف يقول
النخلة ما بترجى الصباح
والطيب الصابر سنين
راجيها باكر ... حقو راح
لا فك دين ... لا سد جوف
رزقو المعلق في الصبيط ...
مشهادو أصبح بين بين
النخلة ما بترجى الصباح
لكن ضراعا في البلد ....
عارف عروق النخلة وين
خابر صمودا المن متين
وسامع مناتقة الرياح ... ساكت صياح
لكن ضراعا في البلد ....
عارف عروق النخلة وين
ضامن ثبات ساقا الهطيط
وسامع مناتقة الرياح ... ساكت صياح
النخلة ما بتقدر تخون الأرض ...
ما بتقدر تكون غير المراح
لي همبريب يغشى البيوت ... عند الصباح
نص النهار ... عند المغيب ... عز الرياح
النخلة تتجاسر تصون عش الطيور
البينا ...تفرد للجناح ...
ما ليها غير تطرح تمور
تملأ الشواويل ... القفاف
ينتم زين ... ينحل دين
يطلق ضهر زولا بسيط
واقف على حد الكفاف
ومن ركة الرزق المتاح
رزقو المعلق في الصبيط
ينزل كما الطير الخفاف ...يقدل نشيط
يخضر زي شتل الضفاف ...
كل ما النشاف بدأ في الصبيط
والنخلة لو عنف الرياح ... الصاقعة
أهوال الفصول ... آفة الذبول ...
قدرت على ساقا الهطيط ... تقع
آ بتموت .......
تلقاها خشت في الببيوت ... بي كل صراح
تبروقة ...سجاجة طهورة ..
طبق من العرجون ... ضنيب هبابة ..
قفة وكسكسيكة ... حبل متين
فتلوهو في ضل الدليب
نشلوبو من بير للشراب
نسجوبو بنبر وعنقريب
تلقاها خشت في الببيوت ... بي كل صراح
حويبل جريد ... يعرش سقف بيتا جديد
أول دخلتو عريس سعيد
مبسوط يقرقر بإنشراح
أو حتى واقودا تقيدو السمحة ...
في نار بارتياح
لي يوم عزيز... يطلع خبيز
نبيذ الليل صفاح
يطلع ملاح ... بروبو ناساتا ضيوف
ولي زول وراهو شغل بعيد ...
جابرا الظروف
يطلع قهيوتو وشاي صباح ...
وآخر المطاف
الموت بيلفح بسمة من توب الزفاف
الموت بشرق نسمة في كل الصبا
النخلة ترباية العباد ...
بي جلالا تنحول رماد
ورمادا ينحول سماد
وسمادا يدخل كم بلاد
وديانا تخضر والبطاح
شوف كيف كفاح النخلة ...
شوف كيفن بتتحدى الرياح
تصبر على مر الحياة ....
وتنمطق الموت بي جلد
من بعد ما ملت البلد ..شتلا معمر بالألوف
وشايل مخلف بارتياح
طول المصير ... النخلة حوتة الصحرا..
نوارة الجروف
تلقاها في أجمل وشاح
بي جراحا رجتنا الصباح ...
يا القلتو ما بترجى الصباح
النخلة تحت الأرض سر ...
والنخلة فوق نخلة نصاح
والدنيا أوسع ما تكون ... والجو براح
وكل الرياح فوقا بتمر ...
يكفيها دا ... ويكفيها صاح
ما استسلمت لي ريح غريب
وكل الرياح فوق بتمر ...
والنخلة ما بتعرف خلاف ريح اللقاح
والهمبريب ريح الصلاح
يا معوض الليل بالصباح
يا معود النار اللهب ...
روض نخلنا على الرياح
وفي لجة البحر الغريب ...
أدي الرواويس الصلاح
يكفيها دا ... يكفيها صاح

لبن الطيور

يوت قلبي يدّي قبل تدور
طول حبِّي ديمة قَبَل عينيك
فضَّل لي بس لبن الطيور
ما خِبر بكانو أجيبو ليك
*** *** ***
لامن زماني عليّ يجور
أكمد كياني صبر وأجيك
وما ألقى خردلة من شعور
طيِّب تخيِّب ظنِّي فيك
*** *** ***
شقّيش أقبِّل وين أروح
وأنا تاني مجروح من وشيك
يا غربة ياليل يا نزوح
دغش الغبش ما بات وشيك ؟
**** **** ****
يا غلبي كلما الليل دخل
ياني المغنِّي "النجمة ديك“"
ولاَّ القِدر يرجى النخل
لامِن يشيل قادر عليك
**** **** ****
يا ريتني خلّيت الرياح
في الغربة ترميك بالأسى
من قلبي ما دلّيت جناح
يحميكَا في ذاك المسا
كان ما إنجرحت بلا الجراح
الفيِّ قبلك أوعسى
صبراً عليك محقتو راح
يقدر عليها ييبسه
*** **** ***
جيت لي غرد وأنا قلت بلد
لمتنا في المنفى القسى
طول عمري لي عينتك مدد
حين أحسى غيمتك تحبسه
*** *** ***
زول حاضري بالصدفة إستراح
في ضلِّي أول ما رسى
وجكّن جرابو نساني راح
وفضَّل ضليلي المانسى
…. …. ….
ليمونة فوق أزيار سبيل
عابث عياني يقصقصه
لابدّ من صبراً طويل
شان يربى شوكه ويحرسه

مستمتعين

محمد الامين
03-24-2009, 09:25 AM
أسامه
والأحباب

يبدو إنو ليلة الأمس كانت أجمل الليالى نسبة لأنها تناولت الشاعـــر القامه حمِّيد ...

وحميد ده من النوع الما تقدر تقول فيهو اىِّ كلام لأنو مهما كانت كلماتك تحس بيها ضئيله أمام هذا الشاعــــر ....

أهتم الناس بشعـــر حمِّد الرمزى السياســـى وقد طغى هذا الجانب على العاطفه فى شعـــر حمِّيد لذا أتمنى أن يواصل الأحباب فى تناول الشعر الغنائى فى كتابات حمِّيد وقد سعدت جدا بأن معظم المشاركات ركزت على هذا الجانب ...
فحمِّيد لديه الكثير من القصائد الجميله التى تغنى بها فنانى الطمبور إبتداءا من المرحوم يس عبد العظيم ووصولاً للفنان الشاب محمد النصــــرى وثنائى العامراب ايضا تغنوا له بنص زعلان منك - أتمنى أن نسمعه هنا يا أسامه -

محمد الامين
03-24-2009, 09:46 AM
http://www.youtube.com/v/H3RHxytofCY&hl=en&fs=1

عوض جلاس
03-24-2009, 07:53 PM
http://sudaniyat.net/up/uploading/2345432.JPG
غلبكم ولا ما عجبكم ؟؟؟؟؟

اسامة حمزة
03-24-2009, 07:55 PM
سراي الليل


ازيكم

كيف اصبحتو وكيف امسيتو


كدي لامن نتلمه داير اسألكم سؤال

الزول سيد الصورة ده حصل فيكم زول لاقاهو او بيعرفو ؟؟؟ظ
http://sudaniyat.net/up/uploading/ahmedabdhab1.jpg

اسامة حمزة
03-24-2009, 07:58 PM
http://sudaniyat.net/up/uploading/2345432.jpg
غلبكم ولا ما عجبكم ؟؟؟؟؟


والله ياعوض ماااا كدة بس سؤالك انت ختيتو في لحظة كدة البوست كان جاري جري شديد


الصورة دي اظنها الشاعر علي الخضر

اها ... ياهو ؟؟؟؟؟

الهادي قنديل
03-24-2009, 08:04 PM
اسامه وعوض جلاس قاعد احمّل في الاغنيه دي لي ساعه اجي القى الموجه قلبت ؟؟؟


يمين ما اخليها

لا تقفل الابواب بصوت حنان النيل

الاهداء لمحمد الامين وطارق علي صالح

وسراي الليل من جم



http://http://http://sudaniyat.net/up/uploading/alabwab.mp3

عوض جلاس
03-24-2009, 08:06 PM
ياهو علي الخضر يا اسامة
بس لكن الطنيشة حرقتني
وقربت أبقى جعلي
لكن أنا الغلطان
لأني ظلمت علي الخضر وجبت صورتو
وكتين السيرة كانت عن حميد

عوض جلاس
03-24-2009, 08:13 PM
الهادي صاحبي كيفنك ونعلك طويب
ياخي الغنية ما اشتغلت
أظن تعبك حق الساعة في التحميل راح فالصو
كدي أنا بحاول عدل معاك الرابط

http://sudaniyat.net/up/uploading/alabwab.mp3

اسامة حمزة
03-24-2009, 08:15 PM
تعرف يا ود جلاس .. قبيل داير اقول ليك انت الخلاّك تجيب الصورة دي في الساعة ديك شنو خفتك تتحمق

لكن ما تزعل ..

و الصورة القديمة لقيتا وين ؟؟



الهادي قنديل

اغنية لحظة شهيق للشاعر عاطف عوض خيري زمنها نصف ساعة ما بتتحمل بالساهل قمت قسمتها ليك علي 2
حا اقوم اديك اسم برنامج تقوم ترجع تاني تخليها قطعة واحدة

البرنامج اسمو Sound Forge 6.0


دي الاغنية
(1)
http://sudaniyat.net/up/uploading/shaheeg11.mp3

ده رابط الجزء الاول (http://sudaniyat.net/up/uploading/shaheeg11.mp3)

( 2 )


http://sudaniyat.net/up/uploading/shaheeg22.mp3


ده رابط الجزء التاني (http://sudaniyat.net/up/uploading/shaheeg22.mp3)

الهادي قنديل
03-24-2009, 08:20 PM
[quote=عوض جلاس;88606]الهادي صاحبي كيفنك ونعلك طويب
ياخي الغنية ما اشتغلت
أظن تعبك حق الساعة في التحميل راح فالصو
كدي أنا بحاول عدل معاك الرابط
___________________________________________

اي تسلم انت ياعوض جلاس

بالله تعبت فيها جنس تعب

واسع من قبيل براجع في الرابط لكن لقيتك جيهت الوضع

لك التحيه وللشاعر علي الخضر

الهادي قنديل
03-24-2009, 08:23 PM
سراي الليل


ازيكم

كيف اصبحتو وكيف امسيتو


كدي لامن نتلمه داير اسألكم سؤال

الزول سيد الصورة ده حصل فيكم زول لاقاهو او بيعرفو ؟؟؟ظ
http://sudaniyat.net/up/uploading/ahmedabdhab1.jpg

اسامه
سلام

انه الاستاذ احمد عبدالوهاب (برنامج ابداعات الطمبور الرياضيه 104)

اسامة حمزة
03-24-2009, 08:31 PM
اسامه دحين ده ماهو احمد عبدالوهاب


نعم هو احمد عبد الوهاب مقدم برنامج ابداعات الطنبور باذاعة الرياضية fm104
وهو من ابناء منطقة اسلي وله التحية من هنا علي مليقدمه من ابداعات

عوض جلاس
03-24-2009, 08:34 PM
إنت آ الهادي مالك أي إجابة تلقطا من خشمنا
حيرتنا ذاتو
بالمناسبة دي في واحد جنني قال داير أغنية اسمها ضل النخل
أول مرة اسمع بها
وأنا القايل نفسي كاتل الجدادي وخام بيضا
العندو الغنية دي يلحقني بيها سريع
غايتو أنا سمعت بي ضل السحابة
لكن ضل النخلة دي يطرشني

اسامة حمزة
03-24-2009, 08:50 PM
الهادي وعوض


انتو غنيتكم دي قاعدي وين


قدر ما فتشت ما لاقتني



سؤال سريع ( عوض والهادي يمتنعون عن الاجابة )


مطلوب معرفة صاحب الصورة واسم الالبوم الذي صدر له بالطنبور وذكر اثنين من الشعراء الذين تغني لهم في الالبوم واسماء اغنياتهم



http://sudaniyat.net/up/uploading/10000.jpg


بالمناسبة الان قناة النيل الازرق تبث حلقة من ضمن ضيوفها الاستاذ السر عثمان الطيب

عوض جلاس
03-24-2009, 09:05 PM
إنت وين الناس الليلة ؟؟؟؟
بس ما قلت لي يا أسامة أغنية ضل النخل دي عندك ولا لأ ؟؟؟

خناس هاشم
03-24-2009, 09:08 PM
الهادي وعوض


انتو غنيتكم دي قاعدي وين


قدر ما فتشت ما لاقتني



سؤال سريع ( عوض والهادي يمتنعون عن الاجابة )


مطلوب معرفة صاحب الصورة واسم الالبوم الذي صدر له بالطنبور وذكر اثنين من الشعراء الذين تغني لهم في الالبوم واسماء اغنياتهم



http://sudaniyat.net/up/uploading/10000.jpg


بالمناسبة الان قناة النيل الازرق تبث حلقة من ضمن ضيوفها الاستاذ السر عثمان الطيب
والله اسئلتك دى حقو ما اجاوبها لكن عشان اثبت للهادى اننا قاعدين نلعب عدييييل
الفنان طبعا خالد محجوب الشهير بى خالد الصحافه
اسم الالبوم عشم الازاهر

الهادي قنديل
03-24-2009, 09:15 PM
والله اسئلتك دى حقو ما اجاوبها لكن عشان اثبت للهادى اننا قاعدين نلعب عدييييل
الفنان طبعا خالد محجوب الشهير بى خالد الصحافه
اسم الالبوم رمال حلتنا


تصدقي ياخناس اجابتك ماصحيحه

هو الجديع ده ساهل كده

الهادي قنديل
03-24-2009, 09:20 PM
اسامه اشكرك على اغنية لحظة شهيق ... يمين لامن شهقت معاها

واغنية لا تقفل الابواب بتشتغل معاك مجرد فتح الصفحه

_________

ولا تنسى اغنية يعقوب (لا تقول لي قست ظروفنا) ختها في بالك بالله

اسامة حمزة
03-24-2009, 09:21 PM
إنت وين الناس الليلة ؟؟؟؟
بس ما قلت لي يا أسامة أغنية ضل النخل دي عندك ولا لأ ؟؟؟


والله ياعوض في ضل الغيمة وضل السحابة لكن زولك ده احتمال يقصد ضل التمر

(طير ياطير تعال فسراع علي كمل الصبر اظنك اتخمل بيغادي في ضل التمر )


اتاكد منو

خناس هاشم
03-24-2009, 09:21 PM
ومن اغانى الشريط رمال حاتنا
وحوا ورسايل الشوق

عوض جلاس
03-24-2009, 09:25 PM
والله ياعوض في ضل الغيمة وضل السحابة لكن زولك ده احتمال يقصد ضل التمر

(طير ياطير تعال فسراع علي كمل الصبر اظنك اتخمل بيغادي في ضل التمر )


اتاكد منو

كدي بمشي اسألو واشوفو قاصد شنو
أنا ذاتي اتحيرت في غنية ضل النخل دي

واصل هاشم
03-24-2009, 09:27 PM
حبايبنا سراي الليل كيفنكم عساكم طيبين
مالكم بديتو بأسلة ساهلة كدي يا اسامة
دقايق كدا وبجيكم راجع ان شاء الله
بس رجاءً يا اسامة ما تفوتني الحاجات الحلوة دي

عوض جلاس
03-24-2009, 09:28 PM
اسامه اشكرك على اغنية لحظة شهيق ... يمين لامن شهقت معاها

واغنية لا تقفل الابواب بتشتغل معاك مجرد فتح الصفحه

_________

ولا تنسى اغنية يعقوب (لا تقول لي قست ظروفنا) ختها في بالك بالله

الهادي الغنية دي أنا عندي في شريط بس دايرالا فتيش
لو اسامة ما لقاها بفتشها اجيبها ليك
بس تسجيل ما نضيف وكمان سريعة سرعة إدريس كاروشة

اسامة حمزة
03-24-2009, 09:28 PM
اسامه اشكرك على اغنية لحظة شهيق ... يمين لامن شهقت معاها

واغنية لا تقفل الابواب بتشتغل معاك مجرد فتح الصفحه

_________

ولا تنسى اغنية يعقوب (لا تقول لي قست ظروفنا) ختها في بالك بالله

اغنية يعقوب خاتيها في بالي واغنية لاتقفل الابواب ما لقيتا

حا ارفعا ليك بعد شوية بصوت ثنائي العامراب رايك شنو نعدد الالوان

بسجل في السر عثمان عشان اجيبو ليكم بعد شوية حااااااار في قصيدة امونة

اسامة حمزة
03-24-2009, 09:33 PM
ومن اغانى الشريط رمال حاتنا
وحوا ورسايل الشوق


نعم ومن اجمل الاغاني ايضاً رسايل الشوق للشاعر اسماعيل حسن


اشكرك


يا اخواننا الليلة الدكتورة غايبة افقدوها

الهادي قنديل
03-24-2009, 09:37 PM
صاحبي عوض

بالله ارفع كان طايري طيران بلحقها

اسامه

بالله الحقني بيها بي عقاب يومك ده

واصل

لا تتأخر علينا بالله

خناس

راجعي اجابتك لسه.. لكن برضو اخير من هديل القاعده كنب دي

هديل

من اجاباتك طولنا طول

اسامة حمزة
03-24-2009, 10:06 PM
اها جبت ليكم لاتقفل الابواب

الكلمات حميد حسن سالم الحان عطا الله فضل

انشاء الله تعجبكم

http://sudaniyat.net/up/uploading/latgfl.mp3

الهادي قنديل
03-24-2009, 10:17 PM
اسامه ياخ عندي ملاحظه علي صورة خالد الصحافه

الشريط اسمه عشم الازاهر وليس رمال حلتنا قول واحد

انت طلبت اسم اتنين من الشعراء وخناس ماجاوبت قول اتنين

ذكرت خناس من ضمن الاغاني رمال حلتنا مع العلم بأن رمال حلتنا ليس من ضمن هذا الشريط وهي ليست في شريط واحد مع اغنية حواء قول تلاته

اها باقيلك خناس جاوبت صاح بعد ده كلو؟

والله الهادي لخبتها ليكم جنس لخبته :p

اسامة حمزة
03-24-2009, 10:41 PM
اجابة خناس عن اسم الشريط صحيحة ( مشاركة رقم 552)

اما عن رمال حلتنا دي ما متاكد لمن بجيب خبرا


اها اليلة جايب ليكم مجموعة من اغنيات الفنان محمد كرم الله رايكم شنو

لكن قبل كدة هاكم اسمعوا عثمان الطيب السر قال شنو



يا اخواننا اليلة وين واصل ؟؟ و الدكتورة وين غايبة والا لابدة


السر في حلقة تلفزيون النيل الازرق

http://sudaniyat.net/up/uploading/alsiramoona.mp3

واصل هاشم
03-24-2009, 10:52 PM
تسلم يا اسامة يا اخوي
انا كنت يادوبي جيت من الجامعة ومشيت اشوف حالي
الله يقطع عيشة العزابة (الله يجيبك يا ........... :D:p:))

اماني ما انبسطت كيف لمن لقيتك بتقول عايز تنزل اغاني لي محمد كرم الله
الزول دا انا مجنون بيهو عدييييييييل

الهادي قنديل
03-24-2009, 10:54 PM
اسامه قلت لي جبتها من الصاج طوالي ؟ احيييك والله

بس صلاح ما ادى السر فرصه ... كل كلمتين ناطي لينا وشغال تنظير بالطريقه الصاح

وكمان سعد البيتظارف ده

قال شنو.. اموني .. عليك الله شوف

اسامة حمزة
03-24-2009, 11:08 PM
والله الحال من بعضو والله يجيب ال....................

الليلة الريح صلاح والقوز رملاتو باااااردة ودايرين نسمع محمد كرم الله رايكم شنو


هاك دي البداية عشان انت دابك جيت وعشان امس انت جبت سيرة الاغنية دي
( طعم الدروس )

نحن حقو نفوض عوض جلاس يقوم يشيل مواد البوست ده كل يوم الصباح يوديها منتدي التوثيق ويرص الحاجات هناك رايكم شنو


طعم الدروس كلمات محمد الحسن سالم حميد الحان وغناء محمد كرم الله

http://sudaniyat.net/up/uploading/taaamdros.mp3

واصل هاشم
03-24-2009, 11:13 PM
يا اسامة انا الحمد لله بي رخصتي وشهادة البحث في جيبي :D:p:o

الكلام دا قولو للماعندو حديدة
اسي انا قلت حاجة:D:p:)


اما الاغنية دي والله اشكرك عليها شديد والله يديك الفي مرادك ويجيب..........:p:D

الهادي قنديل
03-24-2009, 11:21 PM
يا اسامة انا الحمد لله بي رخصتي وشهادة البحث في جيبي :D:p:o

الكلام دا قولو للماعندو حديدة
اسي انا قلت حاجة:D:p:)


اما الاغنية دي والله اشكرك عليها شديد والله يديك الفي مرادك ويجيب..........:p:D

لا لا ماقلت ... لكن قول :p

الهادي قنديل
03-24-2009, 11:26 PM
اسامه

ود كرم الله نعم الاختيار

واصل

هاك الصوره دي لامن نشوف اسامه عنده شنو
http://sudaniyat.net/up/uploading/kramalla.jpg

اسامة حمزة
03-24-2009, 11:30 PM
يقول شنو ؟؟؟؟ مالك داير تكشف المستور


خلونا في طنابيرنا دي

واصل هاشم
03-24-2009, 11:31 PM
لا لا ماقلت ... لكن قول :p

انا ما بفسر وانت ما تقصر
:p

واصل هاشم
03-24-2009, 11:33 PM
يقول شنو ؟؟؟؟ مالك داير تكشف المستور


خلونا في طنابيرنا دي

اظهر وبان عليك الامان

الهادي قنديل
03-24-2009, 11:37 PM
يقول شنو ؟؟؟؟ مالك داير تكشف المستور


خلونا في طنابيرنا دي

اسامه

كلنا في الهوى اتلاقينا سايقه خطانا حمّديره :p

واصل ماداير يجيبها البر

احسن نرجع لي طنابيرنا ياقولك

اسامة حمزة
03-24-2009, 11:43 PM
محمد كرم فنان يستحق الوقوف في محطته فما قدمه للاغنية اكثر من اي حديث يمكن ان يقال

بدأ محمد كرم الله يغني في مطلع السبعينات الا انه اعتزل الغناء بعد حوالي سبعة او تسعة اعوام(تقريباً)

http://sudaniyat.net/up/uploading/kramalla2.jpg


حلمك ياحبيبي




http://sudaniyat.net/up/uploading/hobkyaha.mp3

الهادي قنديل
03-25-2009, 12:12 AM
ما ذكر الفنان محمد كرم الا وكانت اغنية الطيف حاضره وهي من كلمات الشاعر محمد سعيد دفع الله (مطالبه برفع الاغنيه يا اسامه)

وماعنوان السهره التي تم تسجيلها بعد عودة الفنان ود كرم الله للغناء (عودة الطيف) الا شاهدا ً على ذلك

فقد شكّل الفنان محمد كرم الله ثنائيه مع الشاعر محمد سعيد دفع الله وتغني له بعدد من الاعمال

محمد كرم الله صاحب صوت شجي طروب لابعد الحدود ... صوت يجبرك ان تستمع اليه في كل الظروف
اداء عالي ... نبرات الصوت واضحه .. مخارج واضحه للحروف

وقالوا قديما لا يُفتى ومالك في المدينه... وانا في حضرة الاساتذه اسامه حمزه وصلاح عبدالنبي اكون من زمرة المستمعين

واصل هاشم
03-25-2009, 12:18 AM
عزيزي اسامة
ساهم محمد كرم الله في انتشار اغنية الطمبور مع من سبقوه من العمالقة امثال النعام ادم و بلاص و ود اليمني حيث كانت اغنية الطيف للشاعر محمد سعيد دفع الله (بالمناسبة اتمني ان نتمكن في الايام القادمة من تناوله ابداع هذا الرائع ايضا) كانت هذه الاغنية مفتاح قبوله لدي الجمهور من غير الشايقية
الرائع محمد كرم الله يستحق ان تفرد له كتب للحديث عن فنه وابداعه ولست انا بمن يملك الحق في ان يقول اي كلمة فماذا يكون واصل هاشم في حضرة الرائع محمد كرم الله

اسامة حمزة
03-25-2009, 12:32 AM
تعامل محمد كرم الله خلال مسيرته الفنية الطويله مع عددمن الشعراء منهم علي سبيل المثال محمد سعيد دفع الله ،،عبد الله محمد خير ،،السر عثمان الطيب ،،حسن الدابي ،،نور الهدي كنة



نوم الهضاريب




http://sudaniyat.net/up/uploading/nomhadareeb.mp3

واصل هاشم
03-25-2009, 12:52 AM
يا اسامة مالك طوالي جاري علي نوم الهضاريب والسهر
دي الملاريا ولا حاجات تانية
شكلو كدا فعلا الله يجيبها
:d

اسامة حمزة
03-25-2009, 12:53 AM
اشكرك اخي الهادي علي هذا الاطراء الذي اخجل تواضعي وانا اصغر من ذلك

ومحمد كرم الله يستحق التقدير لما قدمه من دفع لمسيرة الاغنية ولما قدمه من ابداع خلال المسيرة المعطرة النضرة

اليكم اغنية الطيف للشاعر محمد سعيد دفع الله


http://sudaniyat.net/up/uploading/tef.mp3

اسامة حمزة
03-25-2009, 01:17 AM
جمعت المسيرة الفنية الاستاذ محمد كرم الله بعدد من الشعراء ومن خلال المسيرة جمعت العلاقة بين الاستاذين محمد سعيد والسر عثمان الطيب وخلقت نوع من الالفة الشعرية فجاءت الكثير من الاعمال التي تنادي فيها السر بشاعرية محمد سعيد
حمد سعيد شن عندو ليك يالسر

هذه القصيدة كتبها السر عثمان في زواج محمد سعيد ( بصوت الشاعر محمد المهدي حامد)







http://sudaniyat.net/up/uploading/psmalard.mp3



.

واصل هاشم
03-25-2009, 01:33 AM
يا اسامة الرائع محمد كرم الله مبدع بقدر ما تحمل الكلمة من معني وله صوت مميز وما زاد محمد كرم الله الق هو تخيره لكلماته والشعراء الذين تعامل معهم فقد تعامل مع قامات سامقة من شعراء الطمبور
عزيزي اسامة ولكل رفقاء السهر
لكم هذه الرائعة

http://sudaniyat.net/up/uploading/alwadar.mp3

واصل هاشم
03-25-2009, 03:29 AM
وينكم يا رواد قوز السهر
محمد كرم الله دا زولا عليكم الله بيتفات
مالك الليلة لملمتو اطرافكم بدري كدا ومشيتو نمتو
نوم العافية ان شاء الله
انا فجأة لقيت نفسي انا وعناكب قوقل وحدنا وشكلي كدي حا اخليهو لي عناكب قوقل وحدها تسرح وتمرح زي ما عايزا
خليتكم عافية ان شاء الله

خناس هاشم
03-25-2009, 08:27 PM
سراى الليل سلامات
وينكم الليله مالو المكان فاضى كده
اسامه راجينك وراجين ابداعاتك غايتو اكان لى الهادى العناكب طفشنو جنس طفيش
الله يستر على الباقين:p:p:p

عوض جلاس
03-25-2009, 09:16 PM
الحكاية شايفها اتقلبت توثيق
وين الأسئلة ؟؟؟

خناس هاشم
03-25-2009, 09:22 PM
الحكاية شايفها اتقلبت توثيق
وين الأسئلة ؟؟؟
شكلو اسامه فلس من كترة الجوايز الاداها لى الهادى اقصد لينا
اسامه راجين الجوايز والاسئله

عوض جلاس
03-25-2009, 09:36 PM
شكلو اسامه فلس من كترة الجوايز الاداها لى الهادى اقصد لينا
اسامه راجين الجوايز والاسئله

هو التوثيق طبعاً شيء جميل
لكن الأسئلة بتنشط الذاكرة شوية

اسامة حمزة
03-25-2009, 09:39 PM
اها مادام راجين الاسئلة بالشوق ده كلو هاكم السؤال ده


http://sudaniyat.net/up/uploading/ajeep.JPG


طبعا الليلة الهادي مافي بس لو عوض ده سكت شوية حا اتجدع في البنيات ديل جديع جد

فنان كبير من الجيل الثاني وكان احد اعمدة فرقة تماسيح الحامداب التي اشتهرت باداء اغنية بلادي اهلا

المطلوب
معرفة صاحب الصورة

من هو شاعر اغنية بلادي اهلا

عوض جلاس
03-25-2009, 09:41 PM
اها مادام راجين الاسئلة بالشوق ده كلو هاكم السؤال ده


http://sudaniyat.net/up/uploading/ajeep.jpg


طبعا الليلة الهادي مافي بس لو عوض ده سكت شوية حا اتجدع في البنيات ديل جديع جد

طبعاً فنان من المخضرمين
وهل يخفى القمر يا اسامة
له التحية ولكل ناس كنار

اسامة حمزة
03-25-2009, 10:13 PM
عوض انا ماعندي شك في انك تعرفو

انا في الناس البتفاصحو ديل


اليلة تعال نتجدع فيهم مادام الهادي وواصل مافيشين

صلاح عبد النبي
03-25-2009, 10:14 PM
مشاركة معاكم على السريع كدة ..
الفنان هو عبد الرحمن عجيب ..
والشاعر .. الكبير .. اسماعيل حسن ..
انا طبعاً ما عندي قدرة على سهركم دة ..
البنيات ديل ادوهن سعالات تانية :d
ودعناكم الله ..

اسامة حمزة
03-25-2009, 10:31 PM
الاخ صلاح عبد النبي

لك التحية لمرورك الجميل

البنيات ديل بديهن السؤال ده انشا الله يعرفنو

فنان من جيل الشباب الذين سجلوا حضورا في الساحة

غني لعدد كبير من الشعراء اولهم الشاعر حاتم حسن الدابي في اغنية اجتماعية معروفة

المطلوب

معرفة اسم الفنان

اسم الاغنية الاجتماعية الشهيرة التي عُرف بها الفنان


http://sudaniyat.net/up/uploading/siged.JPG

في اسهل من كدة سؤال ؟؟ بختكن الليلة الناس البحلو الاسئلة الحارة مافي

خناس هاشم
03-25-2009, 10:33 PM
معليش يا اسامه بعد كلامك ده برضو ح ارد ليك
الفنان طبعا واكيد جعفر السقيد
والاغنيه بالتاكيد لسان الحال
اها اكتب ليك الغنيه كمان

واصل هاشم
03-25-2009, 10:42 PM
عوض انا ماعندي شك في انك تعرفو

انا في الناس البتفاصحو ديل


اليلة تعال نتجدع فيهم مادام الهادي وواصل مافيشين

انا جيت جاري جري ونفسي قايم خفت اجي القاكم فتوني بي شي كتير
بس الظاهر عليكم الليلة نعسانين
الحاصل شنو يا جماعة
وبعدين مالكم مصعبنها علي البنيات ديل ياخي ديل اظنهن تميسيح مروي بتاع البنطون داك ما شافنو لامن تجيبلهن تماسيح الحامداب
وبمناسبة تماسيح الحامداب ارجو التحية لكل من
الفنان عبدالواحد و عبدالرحمن عجيب وميرغنى النجار والاستاذ محجوب كرار وغيرهم
بالمناسبة يا اسامة وين احلام اسماعيل مالا ما جات مارا لمن جبت سيرة بلادي انا

دقايق وبجيكم راجع بي مهلة ان شاء الله

اسامة حمزة
03-25-2009, 10:48 PM
فنان معروف وصاحب صوت قوي وشجي وطروب

سجل اسمه علي خارطة الابداع عبر مجموعة كبيرة من قصائد شقيقه الشاعر المعروف صاحب السجل الشعري الحافل بالابداعات

هذا الفنا ن استطاع ان يكتب اسمه في لائحة شرف اغنية الطنبور بابداعاته ودوره المميز في نشر اغنية الطنبور

غني لعدد من الشعراء منهم القامة حميد حسن سالم ومحمد احمد الحبيب



http://sudaniyat.net/up/uploading/adilosman.JPG


واصل بركة الجيت انا نفسي قام من البحث عن اسئلة سهلة

الهادي قنديل
03-25-2009, 10:52 PM
فنان معروف وصاحب صوت قوي وشجي وطروب

سجل اسمه علي خارطة الابداع عبر مجموعة كبيرة من قصائد شقيقه الشاعر المعروف صاحب السجل الشعري الحافل بالابداعات

هذا الفنا ن استطاع ان يكتب اسمه في لائحة شرف اغنية الطنبور بابداعاته ودوره المميز في نشر اغنية الطنبور

غني لعدد من الشعراء منهم القامة حميد حسن سالم ومحمد احمد الحبيب



http://sudaniyat.net/up/uploading/adilosman.jpg


واصل بركة الجيت انا نفسي قام من البحث عن اسئلة سهلة

سلام ياناس

الصوره للفنان عادل عثمان الطيب

الهادي قنديل
03-25-2009, 10:58 PM
http://sudaniyat.net/up/uploading/alwada11.mp3لسه ماكملت سعادتي انا بي وصولك ودار تسافر

الوداع وانا اصلي عارف قدري كاتب لي الدرادر


وهي دعوة نقدمها للفنان عضو المنتدى الغائب عادل عثمان الطيب

وكذلك شاعرنا السر عثمان الطيب بالعوده الى منتدى البركل الذي فقد ابداعاتهم ومشاركتهم من زمن طويل

--------------

خناس يبقالي كفاكي جديع

خناس هاشم
03-25-2009, 11:02 PM
لسه ماكملت سعادتي انا بي وصولك ودار تسافر

الوداع وانا اصلي عارف قدري كاتب لي الدرادر


وهي دعوة نقدمها للفنان عضو المنتدى الغائب عادل عثمان الطيب

وكذلك شاعرنا السر عثمان الطيب بالعوده الى منتدى البركل الذي فقد ابداعاتهم ومشاركتهم من زمن طويل

--------------

خناس يبقالي كفاكي جديع
هو انت جيت:mad::(:eek::p
بركه الجيت طيب انا كنت قايله العناكب غتسن حجرك

طارق علي صالح
03-25-2009, 11:03 PM
مشاركة رقم 600 عيني باردي وعقبال 6000
فهرس القوز
(اضغط علي الاسم او الصورة)
10-ميرغني النجار http://www.albrkal.com/upload/uploads/N22222222222222.JPG (http://www.albrkal.com/vb/showthread.php?t=5060&page=166) ص166
9-عبد القيومhttp://sudaniyat.net/up/uploading/ab23dg.jpg (http://www.albrkal.com/vb/showthread.php?t=5060&page=141)ص 141
8-من شعراء (الاخوانيات) (http://www.albrkal.com/vb/showthread.php?t=5060&page=136) ص 136
7-خالد الباشا http://sudaniyat.net/up/uploading/KHALID.jpg (http://www.albrkal.com/vb/showthread.php?t=5060&page=114) ص 114
6-صديق احمد http://sudaniyat.net/up/uploading/sdgS.jpg (http://www.albrkal.com/vb/showthread.php?t=5060&page=98) ص 98
5-خالد شقوري http://sudaniyat.net/up/uploading/SH.jpg (http://www.albrkal.com/vb/showthread.php?t=5060&page=84) ص 84
4-محمد النصري http://sudaniyat.net/up/uploading/NASS.jpg (http://www.albrkal.com/vb/showthread.php?t=5060&page=60) ص 60
3--معلومات عامة (شعراء الطنمبور) (http://www.albrkal.com/vb/showthread.php?t=5060&page=38) ص 38
2-معلومات عامة (حميد) http://sudaniyat.net/up/uploading/hmedsS.jpg (http://www.albrkal.com/vb/showthread.php?t=5060&page=32) ص 32
1-معلومات عامة(شعراء الرووايس) (http://www.albrkal.com/vb/showthread.php?t=5060)ص1

الهادي قنديل
03-25-2009, 11:21 PM
هو انت جيت:mad::(:eek::p
بركه الجيت طيب انا كنت قايله العناكب غتسن حجرك

خناس هاك دي هديه تحت الحساب

01:18 AM عناكبGoogle يشاهد موضوع
مادام اصلاً مافي موضوع جديد .. تعالوا جاي

اها عاد كيف؟؟؟

اسامة حمزة
03-25-2009, 11:22 PM
اخي طارق

احييك وانت تتابع وتسجل حضورك المميز

واحيي معك كل الاخوة الحاضرين بوصلهم وتواصلهم عبر هذا البوست

الهادي

واصل

عوض جلاس ( عناكب قوقل)

هديل

خناس

خناس هاشم
03-25-2009, 11:24 PM
خناس هاك دي هديه تحت الحساب01:18 am عناكبgoogle يشاهد موضوع
مادام اصلاً مافي موضوع جديد .. تعالوا جاي

اها عاد كيف؟؟؟
انا ما عارفااااااااااااك من ما تجى بتجيب الداهيه دى معاك
غايتو انا وريييييييتك قاعده فى منتدى البراعم اها انت عاد فتش ليك محل تندسه فيهو

اسامة حمزة
03-25-2009, 11:28 PM
والله قصة عناكب قوقل دي شكلها حا تتنقل لاي بوست

غايتو ياعوض جلاس السويتا رقدت

انا الخلاني امشي اسأل عوض منها شنو


الهادي شرفت

اها نواصل والا نعسانين زي امس

خناس هاشم
03-25-2009, 11:32 PM
والله قصة عناكب قوقل دي شكلها حا تتنقل لاي بوست

غايتو ياعوض جلاس السويتا رقدت

انا الخلاني امشي اسأل عوض منها شنو


الهادي شرفت

اها نواصل والا نعسانين زي امس
هم امبارح قالو ليك كانو نعسانين دى خوفا سااااااااااااااكت
يازول واصل طوالى والخايف يمشى يندسه زى دست ناس كده:rolleyes:
اها انا جبت سيرتك تعاين لى كده:p:p

الهادي قنديل
03-25-2009, 11:35 PM
انا ما عارفااااااااااااك من ما تجى بتجيب الداهيه دى معاك
غايتو انا وريييييييتك قاعده فى منتدى البراعم اها انت عاد فتش ليك محل تندسه فيهو

خناس بمناسبة تندسه وين دي ... جاوبي علي السؤال ده

اغنية تحمل اسم (وين تندسه) تغنى بها الفنان جعفر السقيد

وكتبها شاعر له اسهامات واضحه في مجال الشعر الشايقي وتغنى له عدد من الفنانين

من هو هذا الشاعر؟

واصل هاشم
03-25-2009, 11:47 PM
اتوقعتك يا اسامة تنزل لينا اغنية بلادي بصوت فرقة التماسيح
فعليك الله لو عندك الاغنية دي بي صوتهم ما تحرمنا منها
والله يخليك لينا يا رائع

خناس هاشم
03-25-2009, 11:50 PM
خناس بمناسبة تندسه وين دي ... جاوبي علي السؤال ده

اغنية تحمل اسم (وين تندسه) تغنى بها الفنان جعفر السقيد

وكتبها شاعر له اسهامات واضحه في مجال الشعر الشايقي وتغنى له عدد من الفنانين

من هو هذا الشاعر؟
اسى حددو لينا البيسال منو والبجاوب منو:mad::p:p
دى مش حقت محمد سفله

اسامة حمزة
03-25-2009, 11:52 PM
طيب منو اليعرف صاحب الصورة دي

هو فنان من الشباب الذين يعول عليهم في مسيرة الاغنية



http://sudaniyat.net/up/uploading/mootaz.JPG

خناس هاشم
03-25-2009, 11:53 PM
طيب منو اليعرف صاحب الصورة دي

هو فنان من الشباب الذين يعول عليهم في مسيرة الاغنية



http://sudaniyat.net/up/uploading/mootaz.jpg

طبعا الفنان معتز عبد الرازق

الهادي قنديل
03-25-2009, 11:54 PM
اسى حددو لينا البيسال منو والبجاوب منو:mad::p:p
دى مش حقت محمد سفله

خناس البيسأل اسامه والبجاوب الهادي او واصل طبعا

اجابتك صحيحه لكن شامي فيها ريحة واصل :p

هديل
03-25-2009, 11:56 PM
سراى الليل
سلااااااااااااام( وبي تحت تحت برررررررررر....)


والله ما حبسنى منكم الا الشديد القوى....لكن قلت اديكم طله وبجيكم قريب

...... ان ربنا سهل...وابقو عشرة

خناس هاشم
03-25-2009, 11:59 PM
خناس البيسأل اسامه والبجاوب الهادي او واصل طبعا

اجابتك صحيحه لكن شامي فيها ريحة واصل :p
قلت لى البجاوب منو سبحان الله علمناهم الشحده سبقونا على الابواب:p:p
والله واصل انا من امبارح ما شفتو
بعدين ياخى ما تستهين بي ساكت انا ما زوله هينه

خناس هاشم
03-26-2009, 12:01 AM
سراى الليل
سلااااااااااااام( وبي تحت تحت برررررررررر....)


والله ما حبسنى منكم الا الشديد القوى....لكن قلت اديكم طله وبجيكم قريب

...... ان ربنا سهل...وابقو عشرة
يا دكتره معقوله بس تخلينى لى الهادى والعناكب ديل براي والله بالغتى معاى عدييييييييييييييييييل
ربنا يسهل انشاءالله ويوفقك راجنك القوز من غيرك مضلم

واصل هاشم
03-26-2009, 12:03 AM
خناس البيسأل اسامه والبجاوب الهادي او واصل طبعا

اجابتك صحيحه لكن شامي فيها ريحة واصل :p

هذا شرف لا ادعيه وجريمة لا انكرها
البت دي بقت خطيرة يا الهادي احسن نعترف
انا والله لا وريتها ولا شي وزي زيك انا زاتي استغربت لمن لقيتها مجاوبة:p:D

واصل هاشم
03-26-2009, 12:05 AM
سراى الليل
سلااااااااااااام( وبي تحت تحت برررررررررر....)


والله ما حبسنى منكم الا الشديد القوى....لكن قلت اديكم طله وبجيكم قريب

...... ان ربنا سهل...وابقو عشرة

الله يسهل عليكي ان شاء الله
نحن باقين مية بس انتي الابقي عشرة وما تطولي الغيبة

الهادي قنديل
03-26-2009, 12:06 AM
سراى الليل
سلااااااااااااام( وبي تحت تحت برررررررررر....)


والله ما حبسنى منكم الا الشديد القوى....لكن قلت اديكم طله وبجيكم قريب

...... ان ربنا سهل...وابقو عشرة

اها شوف الجبتوها يا عوض جلاس واسامه

برررره وين يا هديل خلاص العناكب رفعت التقارير

هو بيني وبينكم هديل دي ياها الضايعه لا اجابات مع الناس وكمان العناكب مابتفرز :p

اسامة حمزة
03-26-2009, 12:13 AM
الهادي

جننت الاسئلة جن

الدكتورة بقت تدينا طلة طلة وتزوغ

واصل .. خناس دي براحة عليها شايف ثقافتا الشايقية ماشة يقوي

اغنية بلادي بصوت تماسيح الحامداب مالقيتا ليك الان

حا انزلا ليك بصوت فرقة الصحوة لكن نسمع اغنية للشاعر محمد الحبيب بصوت عادل عثمان الطيب
رايكم شنو

انا والله صوت عادل ده قاعد يشجيني جدا

http://sudaniyat.net/up/uploading/adilfar.mp3

اسامة حمزة
03-26-2009, 12:23 AM
الهادي

اها خبرك .. مالك اليلة نعسان

السؤال الجايي ده مفاجأة قوية بس كيف الناس تجاوب ( واصل يمتنع )

واصل نسمع معاك اغنية بلادي بصوت فرقة الصحوة


بلادي اهلا كلمات الشاعر اسماعيل حسن /اداء فرقة الصحوة
http://sudaniyat.net/up/uploading/bladyahlan.mp3


ده رابط الحفظ (http://sudaniyat.net/up/uploading/bladyahlan.mp3)

الهادي قنديل
03-26-2009, 12:43 AM
اسامه

مافي نعاس لكن كنت برفع في اغنية بلادي انا بصوت محمد النصري

اها كده ياواصل عندك الاغنيه بصوت فرقة الصحوه وصوت محمد النصري

http://sudaniyat.net/up/uploading/bladi11.mp3

اسامة حمزة
03-26-2009, 12:46 AM
الهادي

اصلا نحن الفاضلين ناس السهر

تخيل باقي انا وانت وواصل وخناس والدكتورة


السؤال

شخصية سودانية ( شايقية خالصة )



من اعلام الصحافة السودانية وعضو مجلس الصحافة السودانية

عمل كأستاذ مشارك بكليه الاعلام جامعه امدرمان الاسلاميه

وشغل منصب الامين العام للمجلس القومي الصصحافة والمطبوعات لثلاث دورات

من اصحاب الراي الناقد في مجال الصحافة وعمل علي تطوير صناعة الصحافة والمطبوعات في السودان

http://sudaniyat.net/up/uploading/jazz1.jpg


http://sudaniyat.net/up/uploading/jazz2.jpg




الصورة من حلقة تلفزيون النيل الازرق التي اجريت امسية اليوم

واصل هاشم
03-26-2009, 12:52 AM
برضو يا الهادي واسامة ما بيلحقو صوت التماسيح
شكرا علي مجهودكم المقدر

اسامة حمزة
03-26-2009, 12:56 AM
شكرا ليك واغنية بلادي ال بي صوت التماسيح بجيبا ليك بس تكون طالبني اغنية


الهادي .. وينك


نديكم اغنية هدية
http://sudaniyat.net/up/uploading/arhmny.mp3

الهادي قنديل
03-26-2009, 12:56 AM
اسامه انت قلت واصل يمتنع ... اها خناس كيييييييييف :p


انه الدكتور هاشم الجاز الامين العام لمجلس الصحافة والمطبوعات علم من اعلام بلادي له منا كل التحيه والاحترام ولن ازيد في حضرة واصل وخناس (عشان مايقولوا كثير تلج) :p

واصل هاشم
03-26-2009, 01:04 AM
امتنع عن التعليق

اسامة حمزة
03-26-2009, 01:08 AM
نعم انه الدكتور هاشم محمد محمد صالح الذي شغل منصب الامين العام للمجلس القومي الصصحافة والمطبوعات لثلاث دورات

له التحية من هنا بقدر عطاءه الممتد والذي يتحدث عنه كل من له علاقة بالصحافة


ولك ان تطلب اغنية يا الهادي لانو الزمن فااااات لكن باكر تلقاها

الهادي قنديل
03-26-2009, 01:12 AM
ولك ان تطلب اغنية يا الهادي لانو الزمن فااااات لكن باكر تلقاها

اسامه طلبي عارفو اغنية يعقوب (وعندك فرصه لحدي يوم السبت)

وبالعدم اي اغنيه قديمه بصوت عثمان عبدالعظيم

_____________
عارف نفسي بقيت ليك في رقبتك

واصل هاشم
03-26-2009, 01:26 AM
الهادي واسامة
شايف فضلنا نحن التلاتة بس
انا زاتي بعد كدا طالع اخليكم انتو الاتنين تلعبوها راس
بس يا الهادي اسامة دا ما يجرك خمسين ويكشحها ليك في وشك:D:):p

تصبحو علي خير

الهادي قنديل
03-26-2009, 01:37 AM
الهادي واسامة
شايف فضلنا نحن التلاتة بس
انا زاتي بعد كدا طالع اخليكم انتو الاتنين تلعبوها راس
بس يا الهادي اسامة دا ما يجرك خمسين ويكشحها ليك في وشك:D:):p

تصبحو علي خير



واصل بقينا نحن الاتنين

وانتظرتك لامن تعّدل عشان ارد عليك :p

كنت داير اقبضك بالثابته لكن حنيت عليك... وصاحب بالين كضاب ياصاحبي :D

تصبح بألف خير

اسامة حمزة
03-26-2009, 08:37 AM
الهادي

نطالب بشدة برفع رابط حفظ لاغنية بلادي بصوت النصري


وامس شكلك نمت بدري

عوض جلاس
03-26-2009, 10:51 AM
الهادي

نطالب بشدة برفع رابط حفظ لاغنية بلادي بصوت النصري


وامس شكلك نمت بدري

دا رابط الحفظ بتاع الأغنية يا اسامة
بعد إذن الهادي قنديل طبعاً

http://sudaniyat.net/up/uploading/bladi11.mp3



.

اسامة حمزة
03-26-2009, 06:01 PM
سراي الليل

ازيكم

فيكم زول يعرف الصورة دي صورة منو ؟؟؟


كدي اتمعّنوها

هو فنان شاب من اعضاء نادي الطنبور



http://sudaniyat.net/up/uploading/123500.jpg




اما الناس القالوا متخصصين صوت اليجاوبو السؤال ده



http://sudaniyat.net/up/uploading/kinen.mp3

هنا القصيدة ملحنة بصوت الفنان عبد القيوم الشريف



http://sudaniyat.net/up/uploading/kinenzoma.mp3

عوض جلاس
03-26-2009, 08:01 PM
من قال الله أعلم فقد افتى
غايتو أنا اسئلتك الليلي غلبتني عديل كدة
يا حليلك يا الهادي قنديل
إنتو عارفين الهادي الليلي مشى وين ؟؟؟
قاعد في الحرم يطوف ويسعى عقبالكم
أظنو مشى يتحصن في بيت الله من عناكب قوقل
من دخل المسجد الحرام فهو آمن

خناس هاشم
03-26-2009, 10:55 PM
الليله المطره صبت بلت القوز القاعدين نقعد فيهو زى ما هو:mad:
والشاى كمل من الدكاكين مافى شى نشربو:mad:
والفحم برضو بلتو المطره:mad:
والقمره غطاها السحاب:mad:
والناس طفشتهم العناكب:eek:
سمح انا الجابنى شنو :eek::rolleyes::confused:
والله انا زاااااااااااتى ما عارفه :confused::confused:
غايتو الله يستر العناكب يلقنى براى والضحك يشرطنى:p:p
الهادى انشاءالله ربنا يقبل وما تكون نسيتنا من الدعوات
النلحق امرق رقبتى سرييييييييييييييييييي:p:p

اسامة حمزة
03-26-2009, 11:02 PM
خناس اللية عملتي ليك توقيع ؟؟؟ مبروك يله غيري الصورة العاملة زي العناكب دي ختي صورة عنكبوت كبير عشان الباقين يشردوا


واصل برضو غايب

الهادي ..

تلحقنا وتنجدنا


ولينا حالك

كدي ننتظر واصل يمكن يجاوب


الدكتورة زااااتا راحت بي وشيها
عوض جلاس بس مرق رقبتو دي

واصل هاشم
03-26-2009, 11:21 PM
اها يا اسامة انا جيت
بس الليلة حركة الناس في القوز تعبانة الحاصل شنو
وبمناسبة صورتك دي
بصراحة غلبتني الاعتراف بالتقصير فضيلة :p:D

اسامة حمزة
03-26-2009, 11:27 PM
واصل شرفت واهلا بيك

الصورة للفنان الشاب نور الدائم عبد العاطي ( نور الدائم العجمي )

اها الصوت ده عرفتو ؟؟؟؟؟


http://sudaniyat.net/up/uploading/kinen.mp3
طبعا نور الدائم من الفنانين الماظاهرين وبدا في الغنا من بدري

سمعت بالفنان المقداد احمد خالد ؟؟؟؟

واصل هاشم
03-26-2009, 11:51 PM
واصل شرفت واهلا بيك

الصورة للفنان الشاب نور الدائم عبد العاطي ( نور الدائم العجمي )

اها الصوت ده عرفتو ؟؟؟؟؟


http://sudaniyat.net/up/uploading/kinen.mp3
طبعا نور الدائم من الفنانين الماظاهرين وبدا في الغنا من بدري

سمعت بالفنان المقداد احمد خالد ؟؟؟؟

والله يا اسامة اول مرة اسمع بالاسم دا

يا زول انا ما قدر دا انا اسألني من الناس الظاهرين بس

اسامة حمزة
03-27-2009, 02:45 PM
معقولة دي ؟؟؟


سؤال ساهل يقعد يومين ؟؟


اها كدي اعرفوا الصوت ده صوت منو

شاعر من الشعراء الشباب

تغني له الفنان مرغني النجار بأغنيتين



http://sudaniyat.net/up/uploading/kh120.mp3

خناس هاشم
03-27-2009, 08:47 PM
يا اسامه والله سؤالك دا الا ترجيهو الهادى لما يجيوهو
شايفه الناس كلها غلبا
يا حليلك يالهادى زول غيرك بعرفو مافى هييييييييييع (طبعا دى بى تحت تحت كسير تلج عشان تورينى معاك الاجوبه)

اسامة حمزة
03-27-2009, 09:36 PM
مادام الهادي وواصل وعوض مافي الليلة شكلنا كدة حا نقلب اسئلة سهلة او بالاصح اسئلة اكتر من الساهلة



تعرفوا الزول ده منو



http://sudaniyat.net/up/uploading/argy1.jpg

خناس هاشم
03-27-2009, 09:43 PM
يعنى عشان ديلك مافيشين تعمل فينا كده
دا ما المبدع دوما عبد الرحيم ارقى
اها جايزتى شنو؟؟؟؟؟؟؟؟؟

اسامة حمزة
03-27-2009, 10:12 PM
لكن اعمل ليكم شنو اذا كان الاسئلة القوية ليها يومين مافي زول جا عليها


هسة اعرفو ده صوت منو من الشعراء ؟؟




http://sudaniyat.net/up/uploading/kh120.mp3



.

خناس هاشم
03-27-2009, 10:16 PM
يا زول قبال نعرف ليك الصوت جايزتى وينا:confused::confused::confused:
ولا هى الجوايز دي ما بدوها الا للهادى وبس

اسامة حمزة
03-27-2009, 10:23 PM
انت اصلا لو متاكدة من اجابتك تكتبيها وطوالي تطلبي الجائزة الدايراها

عموما انت بس اطلبي اي جائزة وهسة تصلك

هديل
03-27-2009, 10:26 PM
الليله وين سراى الليل ياخناس ...القوز دا مالو فاضى

دا الشاعر خالد على ....يا اسامه

------------------
الهادى الله يقبل ...وعليك الله بعد العمرة دى توب من شغل البخرات دا

خناس هاشم
03-27-2009, 10:29 PM
يا خى متأكده مليون فى الميه
واصلا ده اكتر فنان مافى زول بيغالطنى فيهو
اها نجى للجايزه
دايره اغنيه لعبد الرحيم ارقى
اما جن الريد او عشانك يابا ولو ما فيها طمع يبقى الاتنين
وبهديها لى فردتى هديل

خناس هاشم
03-27-2009, 10:37 PM
الليله وين سراى الليل ياخناس ...القوز دا مالو فاضى

دا الشاعر خالد على ....يا اسامه

------------------
الهادى الله يقبل ...وعليك الله بعد العمرة دى توب من شغل البخرات دا
والله يا دكتوره شكلو كدا العناكب دى طفشت الناس زى ما هم
اكان على الهادى من يوم العناكب مشى اتدسه وين مامعروف :confused:
وواصل شكلو العناكب خطفتو:eek:
وعوض جلاس من مايخش يلقى ليهو فرد عنكبوت يقوم صوف:p

اسامة حمزة
03-27-2009, 11:03 PM
يا خى ماتكده مليون فى الميه
واصلا ده اكتر فنان مافى زول بيغالطنى فيهو
اها نجى للجايزه
دايره اغنيه لعبد الرحيم ارقى
اما جن الريد او عشانك يابا ولو ما فيها طمع يبقى الاتنين
وبهديها لى فردتى هديل

للاسف الاغنيتين ما متوفرات في المكتبة

بس حا اقوم اسمعك اغنية يامثير للدهشة كلمات عبد الله محمد خير الي ان اقوم بتوفير الاغنيتين



http://sudaniyat.net/up/uploading/argyyasmh.mp3

الهادي قنديل
03-27-2009, 11:04 PM
الليله المطره صبت بلت القوز القاعدين نقعد فيهو زى ما هو:mad:
والشاى كمل من الدكاكين مافى شى نشربو:mad:
والفحم برضو بلتو المطره:mad:
والقمره غطاها السحاب:mad:
والناس طفشتهم العناكب:eek:
سمح انا الجابنى شنو :eek::rolleyes::confused:
والله انا زاااااااااااتى ما عارفه :confused::confused:
غايتو الله يستر العناكب يلقنى براى والضحك يشرطنى:p:p
الهادى انشاءالله ربنا يقبل وما تكون نسيتنا من الدعوات
النلحق امرق رقبتى سرييييييييييييييييييي:p:p


الاحباب سُراي الليل

تقبل الله منا ومنكم جميعا صالح الاعمال
خناس : مانسيناكم في الدعوات يشهد الله دعينا ليكم .. وعلي العناكب :p
اسامه : قصيدة كنين للشاعر حاتم حسن الدابي وتغنى بها اولا الفنان عبدالقيوم الشريف وتم تسجيلها في البوم للفان بحر

لكم التحيه جميعا ... ويادوب جايي داخل من مكه والتعب حاصل
وباكر نجيكم بي رواقه
فتكم بي عافيه

خناس هاشم
03-27-2009, 11:13 PM
الاحباب سُراي الليل

تقبل الله منا ومنكم جميعا صالح الاعمال
خناس : مانسيناكم في الدعوات يشهد الله دعينا ليكم .. وعلي العناكب :p
اسامه : قصيدة كنين للشاعر حاتم حسن الدابي وتغنى بها اولا الفنان عبدالقيوم الشريف وتم تسجيلها في البوم للفان بحر

لكم التحيه جميعا ... ويادوب جايي داخل من مكه والتعب حاصل
وباكر نجيكم بي رواقه
فتكم بي عافيه
انا ما قلت ما بحلها الا الهادى:p:p
عفيت منك (شفت ما قصرت معاك فى كسير التلج ما تقصر معاى)
ربنا يتقبل انشاءالله ويوعدنا ويستجيب دعواتك
البركه فى الدعوه العلى العناكب دى

اسامة حمزة
03-27-2009, 11:28 PM
الهادي ...

حمد لله علي السلامة

ودعواااااااتك تاني من البلد المباركة ديك

القصيدة هي فعلا للشاعر حاتم حسن الدابي

لكن هنا ليست بصوت حاتم


كدي اسمع الصوت ده كويس



http://sudaniyat.net/up/uploading/kinen.mp3

خناس هاشم
03-27-2009, 11:37 PM
سراى الليل لحدى هنا انا اقولكم مع السلامه
باكر عندى موضوع مهم عليكم الله ادعو معاى ربنا يسهلو
هديل ابقى عشره واوع تضيعي حقك فى الجوايز
اسامه ابقى طالباك غنيتين

واصل هاشم
03-28-2009, 03:00 AM
مساء الخير - ولا هو صباح الخير ما معروف - كل سراي الليل
حضرت ولم اجدكم
حتي الاسامة الكان قاعد لمن جيت داخل طلع فضلت وحدي مع العناكب والضيوف

الهادي : ربنا يتقبل وشنو ياخي تمشي عمرة بلا حس ولا خبر ياخي امكن عندنا دعوات دايرنك تدعيهن لينا معاك:d:)
اسامة: كيفنك واعذرني الليلة ما زرتكم في قوزكم دا وما منعني منكم الا الشديد القوي
عوض جلاس : شنو يا زول بقيت لابد من العناكب ولا شنو مالك بقيت تزوغ من الاسئلة وكمان الشي التاني يا زول انت ما قالو شيخ غفر الموقع دا مالقت بقيت تحرق الخدمة وتنوم بدري كدا وتخليني انا والكاشف اخوي نحرسلكم الموقع لامن وردية الصباح تجي
هديل: البركة في الطلة - ان شاء الله طيبة انتي - مالك بقيتي تظهر زي هلال رمضان
الله يعينك
خناس : ما شاء الله بقيتي تتجدعي - عارفاني يوم الجمعة ما بجي الا قريب الصباح عشان كدي بتتجدعي غاب اب شنب ولعب اب ضنب - الله يعينك ويوفقك :):d

اسامة حمزة
03-28-2009, 10:49 AM
مساء الخير - ولا هو صباح الخير ما معروف - كل سراي الليل
حضرت ولم اجدكم
حتي الاسامة الكان قاعد لمن جيت داخل طلع فضلت وحدي مع العناكب والضيوف

الهادي : ربنا يتقبل وشنو ياخي تمشي عمرة بلا حس ولا خبر ياخي امكن عندنا دعوات دايرنك تدعيهن لينا معاك:d:)
اسامة: كيفنك واعذرني الليلة ما زرتكم في قوزكم دا وما منعني منكم الا الشديد القوي
عوض جلاس : شنو يا زول بقيت لابد من العناكب ولا شنو مالك بقيت تزوغ من الاسئلة وكمان الشي التاني يا زول انت ما قالو شيخ غفر الموقع دا مالقت بقيت تحرق الخدمة وتنوم بدري كدا وتخليني انا والكاشف اخوي نحرسلكم الموقع لامن وردية الصباح تجي
هديل: البركة في الطلة - ان شاء الله طيبة انتي - مالك بقيتي تظهر زي هلال رمضان
الله يعينك
خناس : ما شاء الله بقيتي تتجدعي - عارفاني يوم الجمعة ما بجي الا قريب الصباح عشان كدي بتتجدعي غاب اب شنب ولعب اب ضنب - الله يعينك ويوفقك :):d



واصل ازيك .. امس القوز كان فااااضي وماشفتك ساعة دخلت .. هو انا وين لقيتك لامن آباك !!!

عموماً تعالوا نتلمه الليلي فوق القوز ونبارك للهادي بعد عمّر وجا

عوض جلاس
03-28-2009, 03:56 PM
الهادي بعد مشى العمرة خلاص خلا الغنا
بقى زول مديح ساااااااااااكت
بس جيبلو ولاد حاج الماحي بي جاي تاني

عوض جلاس
03-28-2009, 03:59 PM
عوض جلاس : شنو يا زول بقيت لابد من العناكب ولا شنو مالك بقيت تزوغ من الاسئلة وكمان الشي التاني يا زول انت ما قالو شيخ غفر الموقع دا مالقت بقيت تحرق الخدمة وتنوم بدري كدا وتخليني انا والكاشف اخوي نحرسلكم الموقع لامن وردية الصباح تجي


واصل كيفنك
ويا حليل ايام الغفارة كانت لامن الديك يعوعي
الزمن خلاص بقى في إيد غيرنا يا أخوي
الله يرجع ايام زمان

الهادي قنديل
03-28-2009, 04:31 PM
الهادي بعد مشى العمرة خلاص خلا الغنا
بقى زول مديح ساااااااااااكت
بس جيبلو ولاد حاج الماحي بي جاي تاني

عوض كدي اول شي انت واسامه وهطو لي اغنية (لا تقولي قست ظروفنا ) وبعدين نقبّل علي المديح

ياخي القلت سريعه ديك جيبه

عوض جلاس
03-28-2009, 04:38 PM
عوض كدي اول شي انت واسامه وهطو لي اغنية (لا تقولي قست ظروفنا ) وبعدين نقبّل علي المديح

ياخي القلت سريعه ديك جيبه

ما عندك مشكلة ما دام اسامة ما لقاها بي ليلي دا بمشي أسجلها
وبكرة بإذن واحد أحد تلقاها هني
ما دايرلك مدحة كاربي كدي

الهادي قنديل
03-28-2009, 05:06 PM
ما عندك مشكلة ما دام اسامة ما لقاها بي ليلي دا بمشي أسجلها
وبكرة بإذن واحد أحد تلقاها هني
ما دايرلك مدحة كاربي كدي


ايي عليك يا ابو اياد الحقني بيها باقي مغروووود فيها

والمديح مابناباهو بس ختني ساهور وحوده :p

اسامة حمزة
03-28-2009, 06:35 PM
الهادي بركة الجيت عمرة مبروكة

لينا كم يوم انا وواصل وعوض برانا نسأل ونجاوب ومرة مرة ندي البنيات سؤال ساااااااااااااهل وبرضو يا الله يا الله يجاوبن

عندي ليك مدحتين كاربات هدية العمرة وعوض جلاس يمشي يفتش ليك اغنية يعقوب المزهللاك دي



http://sudaniyat.net/up/uploading/yabasheer.mp3



http://sudaniyat.net/up/uploading/foogmtaya.mp3


اها قصّرت معاك ؟؟؟



.لكن سؤالي الغلبك لسة راقد

عوض جلاس
03-28-2009, 09:44 PM
أسامة والله جيهت حاج الهادي تب
وما قصرت معاهو
مدحتين في السلك

واصل هاشم
03-28-2009, 09:58 PM
انتو مسؤلين من الخير
الهادي مالو طفش حالتو مشي اتحصن من العناكب بالعمرة:D:p

الهادي يا خوي وينك تعال راجينك

الهادي قنديل
03-28-2009, 09:58 PM
اسامه ماقصرت معاي والله ومبروك النيولوك الجديد وشايفك بديت تدس في صورك ماقالوا ليك العناكب موضوعه انتهى

جلاس ياجلاس راجيك ياصاحبي

اها يا اسامه قول بسم الله وابدأ

الهادي قنديل
03-28-2009, 10:00 PM
انتو مسؤلين من الخير
الهادي مالو طفش حالتو مشي اتحصن من العناكب بالعمرة:d:p

الهادي يا خوي وينك تعال راجينك


صاحبي واصل انت تكتب حرف تلقاني جنبك طوالي

وكويس الليله ماقلت نجيكم بعد شويه

اها راجين الجديد

اسامة حمزة
03-28-2009, 10:13 PM
الهادي .. قبل نبدا انا مُصر اول شي علي سؤالي وزي ماتقول انا فرحان بي اني غلبتكم


لازم تعرف الصوت ده منو


http://sudaniyat.net/up/uploading/kinen.mp3

الهادي قنديل
03-28-2009, 10:18 PM
اسامه شاعر القصيده قلنا ليك حاتم الدابي

اما الصوت فاعتقد بانه احمد عبدالوهاب

وكخيار ثاني عبدالقيوم الشريف

اسامة حمزة
03-28-2009, 10:26 PM
المرة دي راحت عليك وقوول واحد


ده عبد القيوم الشريف


طيب السؤال الجايي ده انت حا تعرفوا لكن نشوف باقي الشباب



فنان مخضرم ومن جيل العمالقة وشكل حضورا مميزا في الساحة ويعتبر من مؤسسي نادي الطنبور



http://sudaniyat.net/up/uploading/alkoro.JPG

الهادي قنديل
03-28-2009, 10:32 PM
اسامه اول شي ثبت لي الاجابه الفوق دي قال راحت عليك قال


_____________

اسامه معليش كتبت الاجابه لكن لقيتك كاتب السؤال لباقي الشباب

وتم الحذف

واصل هاشم
03-28-2009, 10:36 PM
المرة دي راحت عليك وقوول واحد


ده عبد القيوم الشريف


طيب السؤال الجايي ده انت حا تعرفوا لكن نشوف باقي الشباب



فنان مخضرم ومن جيل العمالقة وشكل حضورا مميزا في الساحة ويعتبر من مؤسسي نادي الطنبور



http://sudaniyat.net/up/uploading/alkoro.jpg

الله يجازي محنك يا اسامة
الصور دي قاعد تجيبها من وين
والله حيرتني عدييييييييل يا زول انت شغال في الطيران المدني ولا في دار الوثائق

خناس هاشم
03-28-2009, 10:41 PM
هااااااااااااى شباب
يااااااااااي انتو لسه ما انتهيتو من اسئلتكم دى مبالغه
طبعاً الليله انا جايه بى new look عشان كده داخله لى فى دور بتاع حنكشه
قلت اتحنكش شويه وبما انى حنكوشه متجدعه وما محتاجه لى جوايز اسامه دى ح اقعد اصفق لي البجاوب صاح
يلا جااااااااااااو

خناس هاشم
03-28-2009, 10:46 PM
المرة دي راحت عليك وقوول واحد


ده عبد القيوم الشريف


طيب السؤال الجايي ده انت حا تعرفوا لكن نشوف باقي الشباب



فنان مخضرم ومن جيل العمالقة وشكل حضورا مميزا في الساحة ويعتبر من مؤسسي نادي الطنبور



http://sudaniyat.net/up/uploading/alkoro.jpg
يااااااااااي ما عرفتوها
بتبالغو معقوله؟؟؟؟
ده الفنان عبد الرحمن الكرو
وااااااااااااااو

واصل هاشم
03-28-2009, 10:47 PM
هااااااااااااى شباب
يااااااااااي انتو لسه ما انتهيتو من اسئلتكم دى مبالغه
طبعاً الليله انا جايه بى new look عشان كده داخله لى فى دور بتاع حنكشه
قلت اتحنكش شويه وبما انى حنكوشه متجدعه وما محتاجه لى جوايز اسامه دى ح اقعد اصفق لي البجاوب صاح
يلا جااااااااااااو

والله ما عرفتك بالنيو لوك دا
ولد دا بيسحروكي
بس كدي النسألك في حنكوشة عندها علاقة بالطمبور غايتو عشنا وشفنا
جااااااو ولا بركاوي
:D:):p

اسامة حمزة
03-28-2009, 10:48 PM
والله ياخناس بعد مشيتي منتدي البراعم اتبرعمتي تب

واصل

الصور دي من زمن نادي الطنبور لكن مادام ماعرفت الصورة وداير تتزاوغ خلي

الهادي يحل السؤال




وهاكم القصيدة دي هدية بصوت الشاعر الكبير محمد جيب الله كدكي


http://sudaniyat.net/up/uploading/kadky1.mp3


الهادي .. حل السؤال

.

الهادي قنديل
03-28-2009, 10:51 PM
يااااااااااي ما عرفتوها
بتبالغو معقوله؟؟؟؟
ده الفنان عبد الرحمن الكرو
وااااااااااااااو


لا لا دي قويه دي

يازوله اقول ليك حاجه؟؟؟

اتجدعي فوق عديلك

واصل هاشم
03-28-2009, 10:57 PM
والله ياخناس بعد مشيتي منتدي البراعم اتبرعمتي تب

واصل

الصور دي من زمن نادي الطنبور لكن مادام ماعرفت الصورة وداير تتزاوغ خلي

الهادي يحل السؤال




وهاكم القصيدة دي هدية بصوت الشاعر الكبير محمد جيب الله كدكي


http://sudaniyat.net/up/uploading/kadky1.mp3


الهادي .. حل السؤال

.

اسامة حقو الزول يعمل فيها ابو الدقيق ويقوم يحرد
اديت الجوايز للهادي ما قلنا شي اسي كمان تقول علي ما عارف جواب ساهل زي دا والهادي وحدو هو البجاوب
ياخي الحنكوشة اقصد خناس ردت:D:p

خناس هاشم
03-28-2009, 10:58 PM
يعنى اصلو يا واصل ما لاقتك حنكوشه عندها علاقه بالطنبور
ما ده الجديع زاااااااااااتو تشوف ال.......هى انا نسيت
حراااااااااام عليك خليتك لى ربنا اهى اهى اهى
اسامه البراعم دسونى من العناكب مالهم ما ببرعمونى بعدين انت قايل فرقى منهم كم البراعم ديل ياخى ديل اكبر منى وانا كان ما حنست الامين العام كان لى اسى ما اشتركت فى المنتدى :p:p
الهادى شفت الحنكشه جابت حقها كيف عشان ما تستهينو بى ياااي

الهادي قنديل
03-28-2009, 11:00 PM
جااااااو ولا بركاوي
:D:):p


واصل انتو حش التمر جاء ونحن ماعارفين؟؟؟ :p:p:p

اسامة حمزة
03-28-2009, 11:05 PM
لكن يا واصل انت تكتب مشاركة وتنتظر مشاركة الهادي يجاوب وتجي تقول انا عارف ؟؟؟


انت عارف طواالي تجاوب

لكن اقول ليك حاجة ..


اسمعوا الاغنية دي انت والهادي

ماخلا عنوان للبعاد ولاحتي وصي علي علي البلد ياحليلو روّح وابتعد

من كلمات الشاعر الرائع كمال حسن محمد

والله الاغنية دي ساكناني عديل

يا اخواننا وييييييييييييييييييييييييييييييييييييييييييين الدكتورة ؟؟


غياب واااااضح



http://sudaniyat.net/up/uploading/makhala.mp3

خناس هاشم
03-28-2009, 11:11 PM
انت يا اسامه حقيرتك فينى بس
انا ما جاوبت ليك ما تقول لى شى
انشاءالله شكرا ساااااااكت بلا جايزه
سبحاااااااااااااان الله
شنو يعنى نخلى الحنكشه ونقلع حقنا بى يدنا بس
ياااااااااااى عالم غريبه
تخريمه
يا جماعه الحقونى بي كلمات حقت حناكيش عشان ياي دى تعبت معاى

واصل هاشم
03-28-2009, 11:33 PM
لكن يا واصل انت تكتب مشاركة وتنتظر مشاركة الهادي يجاوب وتجي تقول انا عارف ؟؟؟


انت عارف طواالي تجاوب

لكن اقول ليك حاجة ..


اسمعوا الاغنية دي انت والهادي

ماخلا عنوان للبعاد ولاحتي وصي علي علي البلد ياحليلو روّح وابتعد

من كلمات الشاعر الرائع كمال حسن محمد

والله الاغنية دي ساكناني عديل

يا اخواننا وييييييييييييييييييييييييييييييييييييييييييين الدكتورة ؟؟


غياب واااااضح



http://sudaniyat.net/up/uploading/makhala.mp3


اسامة انت قاصدا معاي عدييييل شنو ياخي الاغاني دي نص الليل
يازول بقوم اتجرس علا تسمعو بي في مطار الخرطوم :D:p

اسامة حمزة
03-29-2009, 12:06 AM
واصل .... والله انت متسبب سااااااااااكت ومشتاق للسودان و(ناس السودان)

كدي هاك اسمع واسكت ابكي لامن تجي راجع



http://sudaniyat.net/up/uploading/ists.mp3



ده كمان رابط حفظ (http://http://sudaniyat.net/up/uploading/ists.mp3)
.

واصل هاشم
03-29-2009, 12:33 AM
واصل .... والله انت متسبب سااااااااااكت ومشتاق للسودان و(ناس السودان)

كدي هاك اسمع واسكت ابكي لامن تجي راجع



http://sudaniyat.net/up/uploading/ists.mp3



ده كمان رابط حفظ (http://http://sudaniyat.net/up/uploading/ists.mp3)
.


والله انت كدا كترتها معاي عدييييييييييييل
يا زول والله الايام ابت تمر تصدق لسا ما تميت ستة شهور فاضل لي عشرة يوم علي اول ستة شهور
مالك علي يا اسامة داير تزيد الهم
اغنية معبرة جدااا والتقول كاتبنها عشاني
بس باقي لي ما انا براي الكاتبنها فيني:d:)
الله يصبرني ويجيب.......

خناس هاشم
03-29-2009, 12:42 AM
والله انت كدا كترتها معاي عدييييييييييييل
يا زول والله الايام ابت تمر تصدق لسا ما تميت ستة شهور فاضل لي عشرة يوم علي اول ستة شهور
مالك علي يا اسامة داير تزيد الهم
اغنية معبرة جدااا والتقول كاتبنها عشاني
بس باقي لي ما انا براي الكاتبنها فيني:d:)
الله يصبرني ويجيب.......
اسامه والله بالطريقه دى بتبكينا كلنا
ياخى الولد دا براحه عليهو يادوبنا بدينا نتعود على غيابو مالك داير تجهجهنا كده
بالمناسبه انا الليله طالباك جايزه وما عافياها ليك (شفت كيف)

اسامة حمزة
03-29-2009, 10:24 PM
ناس القوز سلام

انشا الله طبين

شايف الغياب كتر وآخر مافيها واحد من عناكب قوقل سجل عضوية عدييييييل وعلي عينك يا بركل .. بعد ده الناس داااابا تطفش الطفشة البي وشيها

خناس

دي الجائزة بتاعتك

اغنية والله ما احلي الوصول / كلمات خالد شقوري/ الحان واداء عبدالرحيم البركل



http://sudaniyat.net/up/uploading/maahla.mp3

اسامة حمزة
03-29-2009, 10:30 PM
ومادام عوض جلاس قاعد نديكم سؤال

شاعر من منطقة مروي ..

كتب العديد من الاعمال الجميلة الا انه لم يتعامل في اعماله الا مع عدد يسير من الفنانين

غني له الفنان محمد النصري واحدة من اجمل روائعه

وغني له ايضا الفنان طارق العوض بواحدة من اعماله الشعرية





http://sudaniyat.net/up/uploading/abdalgadir1.jpg



http://sudaniyat.net/up/uploading/abdalgadir2.jpg



.

الهادي قنديل
03-29-2009, 10:38 PM
سلام آ ناس

انه الاستاذ عبدالقادر محمد عبدالقادر

اسامة حمزة
03-29-2009, 10:55 PM
الهادي اهلا بيك ونوّرت

هو فعلا الاستاذ الشاعر عبد القادر محمد عبد القادر


لكن الاجابة ناقصة

مطلوب معرفة الاغاني التي غناها كل من محمد النصري وطارق العوض

الهادي قنديل
03-29-2009, 11:02 PM
اسامه شنو الاجابه الناقصه؟؟؟

انت سألت من اسم الشاعر وما القصيدتين الا زيادة تعريف

انت خفت من تديني جائزه ولاّ شنو؟؟؟


لكن الليله الايه اتعكست انا جايب ليك قصيدة الشاعر عبدالقادر التي تغني بها النصري وهي (ماتظن) كجائزه ليك :p

ومعا ً نستمع


http://sudaniyat.net/up/uploading/matazin.wma

خناس هاشم
03-29-2009, 11:11 PM
سنه يااااااااااااا الجديع
تجدع بالطريقه الصاح
هااااااااااااااى قاااااااااايز
هاو ار يو
ار يو اوكى

الهادي قنديل
03-29-2009, 11:25 PM
سنه يااااااااااااا الجديع
تجدع بالطريقه الصاح
هااااااااااااااى قاااااااااايز
هاو ار يو
ار يو اوكى

جديع بالطريقه الصاح لمن صاح

وبتجدع ليكي بالاوردو كمان

كي هالي ؟؟؟

تك كي ؟؟

مش دي حنكشه برضو؟

اسامة حمزة
03-29-2009, 11:27 PM
الاستاذ عبد القادر والفنان ميرغني النجار في (لحظة قصيدة )
http://sudaniyat.net/up/uploading/osamat1.jpg


الهادي ..

اشكرك وده الجديع والا بلاش

واصل شايفو قااااعد في المتواجدين لكن عامل نايم


الاستاذ الشاعر عبد القادر محمد عبد القادرمن منطقة مروي ( مروي المدينة )

من مؤسسي جماعة الرواويس الاولي (1992) والتي كان مقرها دار تطوير المديرية الشمالية

تبني فكرة قيام اتحاد ادباء مروي (2005) الي ان كتب لها النجاح وتثبيت اقدامها

تبني في مسيرته عدد من الفنانين الشباب منهم الفنان الناشئ محمد مضوي

له الكثير من الاسهامات بالمنطقة وعرف بتجرده للعمل العام بمدينة مروي وتقلد عدداً من المناصب بنادي الاهلي الرياضي بمروي

تغني له الفنان محمد النصري بأغنية ( ماتظن انا بي وراك ابقي زي عصفور كسير من الحان الرائع المهاجر عبد العظيم محمد منصور )

وغني له الفنان طارق العوض اغنية ( انت الربيع سيد الفصول التي لحنها وتغني بها قبله الفنان مخلص)




قصيدة بصوت الشاعر (سُجلت عبرالهاتف )
http://sudaniyat.net/up/uploading/abdegadir.mp3

انت الربيع
http://sudaniyat.net/up/uploading/intarabee0.mp3




http://sudaniyat.net/up/uploading/abdalgadir3.jpg




تحية خاصة للاستاذ خالد الباشا



.

خناس هاشم
03-29-2009, 11:38 PM
جديع بالطريقه الصاح لمن صاح

وبتجدع ليكي بالاوردو كمان

كي هالي ؟؟؟

تك كي ؟؟

مش دي حنكشه برضو؟
يااااااااااااي:eek::eek:
واط اذ ذيس؟؟؟:confused:
ار يو اسبيك اوردو؟؟؟:confused:
واط اذ اوردو؟؟؟:confused:
ااي خليك كده ماشى كويس اتجدع واتحنكش ساااااااااى الدنيا فيها شنو
عناكب ما فيها:p:p:p
اسامه تسلم على هذا السرد الرائع
والاغانى الاروع

الهادي قنديل
03-29-2009, 11:41 PM
انتي الربيع سيد الفصول ما زي خريف ما زي شتا

زي القمر لمن يبين كل النجوم ياخد ضياها يشتتا

انتي الشعر جوه الشعور

انتي الوفاء البنبع بحور

انتي الربيع الجاب زهور

انتي النسيم الشال عطور

تحيه مثنى وثلاث ورباع للشاعر عبدالقادر محمد عبدالقادر ومثلها للباشمهندس عبدالعظيم محمد منصور هذا الفنان البعيد كل البعد عن الاضواء
وتحيه للفنان طارق العوض ولكل مبدع ورد اسمه في هذا البوست

ويلاّ واصل يا اسامه

اسامة حمزة
03-29-2009, 11:48 PM
الليلة ناس القوز يجوا يعاينوا ويمشوا ... وتااااني يجوا


عناكب عوض اقصد عناكب قوقل دي قاطعة قلب الناس


الهادي كدي انت اسكت نشوف منو اليعرف صاحب الصورة دي




http://sudaniyat.net/up/uploading/monemfaris.jpg

خناس هاشم
03-29-2009, 11:57 PM
دا الفنان عبد المنعم فارس
اها جايزتى شنو
انا دايره جايزه حقت حناكيش

اسامة حمزة
03-30-2009, 12:11 AM
خناس ... بقيتي تجاوبي الاسئلة الصعبة ؟؟؟؟؟

اها دايرة شنو

اطلبي الجائزة الدايراها النشوف جوائز الحناكيش دي شكلها كيف

خناس هاشم
03-30-2009, 12:18 AM
خناس

اها دايرة شنو

اطلبي الجائزة الدايراها النشوف جوائز الحناكيش دي شكلها كيف


والله ااااااااااا
ياربي شنووووووووووووووووو
طبعا ما عندى اى فكره
اسى ممكن تجيب لى غنيه لى احمد الشريف ولا اليسا
اقول ليك حاجه خلاص خلاص
جيب لى اغنيه حبك كان زادى

اسامة حمزة
03-30-2009, 12:22 AM
هو فعلا الفنان المبدع عبد المنعم عبد الفارس

والذي سوف نفرد له صفحة في القريب العاجل


لكن الي ذلك الحين لنستمع الي هذه الاغنية

شيطان شعري /كلمات حاتم حسن الدابي



http://sudaniyat.net/up/uploading/monemfaris2.jpg
http://sudaniyat.net/up/uploading/shaytanshry.mp3

الهادي قنديل
03-30-2009, 12:33 AM
دا الفنان عبد المنعم فارس
اها جايزتى شنو
انا دايره جايزه حقت حناكيش

خناس

غايتو هديل الا تنافس نفسها في عدم المعرفه تاني :p

الليله ماظهرت نهائي .. يكون اتعنكبت ولاّ شنو؟

خناس هاشم
03-30-2009, 12:39 AM
خناس

غايتو هديل الا تنافس نفسها في عدم المعرفه تاني :p

الليله ماظهرت نهائي .. يكون اتعنكبت ولاّ شنو؟
اها اسى ما خلاص دخلت فى التشكيله الاساسيه يا كوتش:p:p:p
قال كوتش قال
احنا هنا بنلعب
ياخى الجينات دى قويه جدا
اما الدكتره دى
والله انا زااااتى شلتا همها
تكون شافت عمنا عنكب ساعتو الداير يسجل
خافت وشالت رجلينا فى راسا وقامت صوف
غايتو ان بقى واحد فيكم لا قاها حايمه قولو ليها خناس جيهت ليكى عمك تب:p:p

الهادي قنديل
03-30-2009, 12:48 AM
اها اسى ما خلاص دخلت فى التشكيله الاساسيه يا كوتش:p:p:p
قال كوتش قال
احنا هنا بنلعب
ياخى الجينات دى قويه جدا
اما الدكتره دى
والله انا زااااتى شلتا همها
تكون شافت عمنا عنكب ساعتو الداير يسجل
خافت وشالت رجلينا فى راسا وقامت صوف
غايتو ان بقى واحد فيكم لا قاها حايمه قولو ليها خناس جيهت ليكى عمك تب:p:p

طبعا دخلتي التشكيله وبقيتي مهاجم خطير كمان.. عارفه كيف ؟

يدوك الكوره وتدخليها القون طوالي (بس باص القون يبقالي من واصل:p )

______________

اما عمي عنكب ... عنكبتيهو بالطريقه الصاح

خناس هاشم
03-30-2009, 12:51 AM
انتو اسامه ده زاغ بى جايزتى مالو
اسى يعمل فيها رايح:p:p
اسامه لو فى اغنيه لى عبدالرحيم البركل تكون ما قصرت

خناس هاشم
03-30-2009, 12:56 AM
طبعا دخلتي التشكيله وبقيتي مهاجم خطير كمان.. عارفه كيف ؟

يدوك الكوره وتدخليها القون طوالي (بس باص القون يبقالي من واصل:p )

______________

اما عمي عنكب ... عنكبتيهو بالطريقه الصاح
انت يا ولدى لا ترحم لا تخلى رحمة ربنا تنزل
واصل شنو ؟؟؟؟
واصل ان بقى عرفو كان قال لى دا عبود تبورى
عشان ما اجاوب
ماااااااااا اظنك عرفت واصل دا كويس:p:p

الهادي قنديل
03-30-2009, 01:02 AM
انت يا ولدى لا ترحم لا تخلى رحمة ربنا تنزل
واصل شنو ؟؟؟؟
واصل ان بقى عرفو كان قال لى دا عبود تبورى
عشان ما اجاوب
ماااااااااا اظنك عرفت واصل دا كويس:p:p

قلتي لي واصل يشوفك جاريه لي قدام يجدع ليك الكوره وراك؟ :p

واسامه شكلو لابت فوق راي ... باقيلك ياخناس مابيجيب لي اغنيتي الطلبتها قبل شهر ديك؟؟

خناس هاشم
03-30-2009, 01:05 AM
قلتي لي واصل يشوفك جاريه لي قدام يجدع ليك الكوره وراك؟ :p

واسامه شكلو لابت فوق راي ... باقيلك ياخناس مابيجيب لي اغنيتي الطلبتها قبل شهر ديك؟؟
انت راجى اسامه والله اتاريك طلعت مسكين خلاس
يا زول اقنع تب
انت باقيلى الناس ديل مااااااااااااا عرفتهم على حقايقهم
اقول لك شى تعال اتحالف معاى وانا بوريك ليهم كويييييييييييييس
وعلى الاقل بتطمن على رويحتك من العنكبوت

اسامة حمزة
03-30-2009, 01:06 AM
الهادي ....

لاحظت انك كتبت المشاركة رقم 700 في البوست ده ؟؟؟؟؟؟؟ احييك والله

خناس

هاك دي الاغنية الطلبتيها

انا المآساتي / كلمات الشاعر قسم السيد عبد الرسول/ بصوت الفنان عبد الرحيم البركل



http://sudaniyat.net/up/uploading/anamasaty.mp3

خناس هاشم
03-30-2009, 01:16 AM
عناكبGoogle يشاهد موضوع مادام اصلاً مافي موضوع جديد .. تعالوا جاي
الهادى تعال رحب بى عمك ده هنا
خلى الباقين الضحك يشرطهم:p:p

الهادي قنديل
03-30-2009, 01:16 AM
اسامه اتخيل صدفت معاي المشاركه رقم 700 وقبلها رقم 500

والمشاركه رقم الف محجوزه من هسي لواصل بمناسبة الالفيه بتاعته


خناس: اسامه لبت وطلع ليك بي طلبك

عقبال يلبت ويطلع لي بطلبي انا كمان

_________________
اها نلاقيكم باكر العيون طششن خلاص

الهادي قنديل
03-30-2009, 01:21 AM
عناكبGoogle يشاهد موضوع مادام اصلاً مافي موضوع جديد .. تعالوا جاي
الهادى تعال رحب بى عمك ده هنا
خلى الباقين الضحك يشرطهم:p:p

عوض خلاس اي اقصد خناس جلاس اي ده شنو اللخبته الانا فيها دي :p

اها مادام بقينا نلخبت كدي احسن اجي ارحب بي كمي عنعب اقصد بي عمي عنكب ده باكر

خناس وصيهو بالله

خناس هاشم
03-30-2009, 01:27 AM
عوض خلاس اي اقصد خناس جلاس اي ده شنو اللخبته الانا فيها دي :p

اها مادام بقينا نلخبت كدي احسن اجي ارحب بي كمي عنعب اقصد بي عمي عنكب ده باكر

خناس وصيهو بالله
اهااااااااااااااا بقينا فى جنس اللخبطه دى
يا زول انا ما اتفقت معاك مالك تانى
تعال تعال امرق بى جاى ما بتجيك عوجى
بس باكر لما تجى ترحبو لا تجى وايدينك فاضيى ترانى حدثتك

هى بسم الله انتو ما تزكرونى ياجماعه انى داخله فى دور بتاع حنكشه
يعنى ان بقى الواحد سها ما تلكزو
سورى شباب:p

اسامة حمزة
03-30-2009, 01:31 AM
اسامه اتخيل صدفت معاي المشاركه رقم 700 وقبلها رقم 500

والمشاركه رقم الف محجوزه من هسي لواصل بمناسبة الالفيه بتاعته


خناس: اسامه لبت وطلع ليك بي طلبك

عقبال يلبت ويطلع لي بطلبي انا كمان

_________________
اها نلاقيكم باكر العيون طششن خلاص

والله انا اتشرف بوصول البوست ده الي 1000 مشاركة
وماعندي اي مانع ندي المشاركة رقم 1000 للرائع واصل هاشم


خناس

كدي اعرفي الزول ده منو وبديك اغنية لفنانك المفضل ارقي

فنان ملا الساحة ابداعاً وساهم في ايجاد مستمع جديد لاغنية الطنبور

شكل ثنائيتين مع شاعرين من اطول نخلات الشعر الشايقي

مطلوب معرفة صاحب الصورة

معرفة اسماء الشاعرين

ذكر اغنية لكل شاعر



http://sudaniyat.net/up/uploading/osmanaaa1.jpg

اسامة حمزة
03-30-2009, 01:50 AM
خناس

امكي ناسك ديل عليك

كمان قاعدين يراقبوا
http://sudaniyat.net/up/uploading/21541.jpg

خناس هاشم
03-30-2009, 01:53 AM
خناس

امكي ناسك ديل عليك

كمان قاعدين يراقبوا
http://sudaniyat.net/up/uploading/21541.jpg
هى الليله وووووووووووب على
بعد خروفى وعصيري شغالين يراقبو
وانا القايله روحى صاحبتهم خلاص
كدي دقيقه........
بس اتصلو على قالو لى يا خناس انتى نومى قفا
الكلام الباقين:p:p:p
اها تدفع كم وانا اخليهم يختوك تب

اسامة حمزة
03-30-2009, 01:57 AM
خناس هاشم ..
مع انك ما جاوبتي لكن هاك دي اغنية من فنانك ارقي

عشان الساعة 4 جات وبعد كدة مفروض ناس الوردية التانية يستلموا الوردية بتاعة الصباح

الليلة واصل شرد عديل

شكرا مرورك الكريم



http://sudaniyat.net/up/uploading/hopylek.mp3

ده رابط حفظ (http://sudaniyat.net/up/uploading/hopylek.mp3)

خناس هاشم
03-30-2009, 02:10 AM
تسلم انشاءالله يا اسامه
والاعتراف بعدم المعرفه كويس
بي امانه ما عرفتو
لكن بجد شكرا ليك لانو دى اكتر اغنيه انا بحبها
لكن ما ممكن تشردو كده تخلونى براااااااااااى مع العناكب:eek::(:confused:
ماها المحريه فيكم

محمد الامين
03-30-2009, 11:45 AM
الأحباب

سلام

- نعتذر عن الغياب -


الفنان صاحب الصوره هو الرائع عثمان عبد العظيم شقيق الـــــراحل يس عبد العظيم وهو أحد الأصوات الجميله فى غناء الطمبور تميّز بإختياره للمفردات الجميله وجمعته عدة أعمال مع الشاعر محمد الحسن سالم (حميد) كما جمعته أيضاً أعمال رائعه مع الشاعر القامه ابراهيم ابنعــــوف ...

من أغنياته :

أدينى أمانك

نفسى اقدِّم ليك جميل فى حدود المستطاع


شتيلة منقه شايقيه

الزوله الشالت قلبى عليها

اهلى الأفاضل

آمنه ( للرائع كمال حسن محمد )

يا نور ضلمتنا المضوى




http://sudaniyat.net/up/uploading/ahli.mp3




http://sudaniyat.net/up/uploading/aaaaaaaa.mp3

هديل
03-30-2009, 05:47 PM
القوز دا مالو فاضى .....

وقت ربنا سهل وجينا ما نلقى زول!!!!

اسامة حمزة
03-30-2009, 06:28 PM
محمد اللمين ازيك

طولنا منك

تعال انت نسيتنا اظنك تعال


كيفنك واشكرك علي المرور الجميل والمشاركة الحلوة


واصل وابقي واصل
الدرب قدامك اخضر
والوداد البيننا واصل
والعيون الفي انتظارك
شوقا زي مطر الفواصل

عوض جلاس
03-30-2009, 08:00 PM
دا سؤال ساهل جداً
فنان صاحب حنجرة ذهبية
مرة سألت عثمان اليمني عن رايو في هذا الفنان
اليمني قال .... غناهو يطلُق الضهر
وكان اليمني من اشد المعجبين به
http://sudaniyat.net/up/uploading/yayay.JPG



.

الهادي قنديل
03-30-2009, 08:23 PM
دا سؤال ساهل جداً
فنان صاحب حنجرة ذهبية
مرة سألت عثمان اليمني عن رايو في هذا الفنان
اليمني قال .... غناهو يطلُق الضهر
وكان اليمني من اشد المعجبين به
http://sudaniyat.net/up/uploading/yayay.jpg



.


صاحبي عوض

صورتك ما واضحه لكن بجتهد ليك فيها عشان تنزل لي الاغنية الطالبها منك

وبالله شوف الصدف نفس الفنان صاحب الاغنيه الراجيك ليها لي يومين هنا

انه الفنان يعقوب تاج السر

يلاّ الحقني بالاغنيه سريع بالله

الهادي قنديل
03-30-2009, 08:43 PM
اها اسى ما خلاص
اما الدكتره دى
والله انا زااااتى شلتا همها
تكون شافت عمنا عنكب ساعتو الداير يسجل
خافت وشالت رجلينا فى راسا وقامت صوف
غايتو ان بقى واحد فيكم لا قاها حايمه قولو ليها خناس جيهت ليكى عمك تب:p:p

خناس يبقالي عمي مُصر شديد

10:26 PM عناكبGoogle يشاهد موضوع
مادام اصلاً مافي موضوع جديد .. تعالوا جاي

عموما كملو باقي ترحيبكم بيه وانا طالع لكن بحاول ارجع

وبالله اسأليهو عن الدكتوره

شايفه جات قبيل ولقت الجو فاضي زي ماقالت... من متين نحن بنبدأ اسئلتنا من العصر

خناس هاشم
03-30-2009, 08:50 PM
خناس يبقالي عمي مُصر شديد

10:26 pm عناكبgoogle يشاهد موضوع
مادام اصلاً مافي موضوع جديد .. تعالوا جاي

عموما كملو باقي ترحيبكم بيه وانا طالع لكن بحاول ارجع

وبالله اسأليهو عن الدكتوره

شايفه جات قبيل ولقت الجو فاضي زي ماقالت... من متين نحن بنبدأ اسئلتنا من العصر
يازول عمى ده خليهو قاعد كده بيجيه الناس ديل كوييييييييييييس
لكن المشكله هسى فى القوز الفاضى ده انت زاااااااااااتك مارق
واسامه البيت محروس وسيدو يكوس
واكان لى الدكتوره اظنها شردت بى وشيها من الاسئله
هديل فى زول فى الدنيا بيجى القوز من ما الشمس حيه والله عجايب

خناس هاشم
03-30-2009, 08:53 PM
هسى انا اقعد برااااااااااي كده
سمح اكن ما جيتو لقيتونا انا وعمى عنكب استلمنا القوز ده
تانى فتشولكم مكان اقعدو فيهو

واصل هاشم
03-30-2009, 09:12 PM
اها انا جيتكم
بس انتو سيد الدار زاتو وين
معليش يا جماعة امس ما زرناكم
بس الليلة الشاي علي انا وشوفو هديل اكان تجيب ليكم اللقيمات:):d

اسامة حمزة
03-30-2009, 09:19 PM
عوض جلاس ازيك

الليلي مالك من بدري بدري ؟؟؟؟


الصورة دي انا اقول للفنان عثمان عبد العظيم لكن لو الاجابة بقت ماياها يكون من عدم وضوح الصورة



طبعا لما ما القي الناس البجاوبو بقوم اتجدع في خناس والدكتورة


الصورة دي لشاعر معرووووووف وكتب عدد كبير من الاعمال الشعرية وغني له عدد كبير من الفنانين اشهرهم عبد القيوم الشريف جعفر السقيد

مطلوب معرفة صاحب الصورة وذكر 2 من اشهر اغنياته لكل من جعفر وعبد القيوم




http://sudaniyat.net/up/uploading/hatimadaby1.jpg

عوض جلاس
03-30-2009, 09:27 PM
صاحبي عوض

صورتك ما واضحه لكن بجتهد ليك فيها عشان تنزل لي الاغنية الطالبها منك

وبالله شوف الصدف نفس الفنان صاحب الاغنيه الراجيك ليها لي يومين هنا

انه الفنان يعقوب تاج السر

يلاّ الحقني بالاغنيه سريع بالله

الهادي سلامات
والله إنك جبتها يا صاحبي رغم إنو الصورة ما واضحة
فعلاً الفنان هو يعقوب تاج السر
وإن شاء الله أغنيتك في الطريق
أمس مفروض اسجلها بس منعني الشديد القوي
لكن بكرة كان الله سهل بتلقاها قاعدي هنا

خناس هاشم
03-30-2009, 09:27 PM
سلام لى احلى ناس
بركه الجيتو اسى انا كنت دايره اضرب لى عمى عنكب
اسامه سؤالك ساااااااااااااااااااااااهل
ده الشاعر حاتم حسن الدابى
شاعر ابن شاعر
من اشهر اغانيه التى تغنى بها الفنان جعفر السقيد هى اغنية لسان الحال
وايضا اغنية يا محسنين لله
ومن الاغانى التى تغنى له بها الفنان عبد القيوم الشريف اغانى وردت فى نفس البوست ده
اغنية ساري الليل
واغنية يا محمد نصيبك ابا

واصل هاشم
03-30-2009, 09:30 PM
يا سامة يا اخوي البت خناس اقصد الحنكوشة خناس دي ما شاء الله جيناتا ارتفعت شديد بعد كدا ما تجيب ليها من الاسئلة السهلة دي:):D:p
وبالمناسبة مالك خليت سيرة محمد كرم الله الفتحناها اليوم داك وتاني ما جبنا خبرها
اكان عندك درر ليهو ياخي امرقها لينا

عوض جلاس
03-30-2009, 09:42 PM
يا أسامة الفنان هو يعقوب وليس عثمان عبد العظيم
طيب شوفو دا كمان
من أشهر عازفي ايقاع الدليب في المنطقة

http://sudaniyat.net/up/uploading/456.JPG

برضو ما واضحة لكن أسوي شنو الصور قديمة شوية
بس السؤال ساهل زي الموية

اسامة حمزة
03-30-2009, 09:47 PM
واصل ازيك ومشتااااااااقين

بركة الجيت الليلي وقوّيت قلبك من العناكب الجابتن لينا خناس


محمد كرم الله بدّيك منّو حاجات هسة .. لكن عليك الله اسمعوا الاغنية دي

بجد من الاغاني العاجباني عند النصري

تندلقي حن ومرات جفاكي بلا إذن وهي من كلمات عطا الكنيبلي وهو من الشعراء الذين تغني لهم واكتشفهم النصري ( غني له شبر شك من قبل )


وبدّيك بعدها محمد كرم الله



http://sudaniyat.net/up/uploading/tindlgyhin.mp3



.

اسامة حمزة
03-30-2009, 09:49 PM
يا أسامة الفنان هو يعقوب وليس عثمان عبد العظيم
طيب شوفو دا كمان
من أشهر عازفي ايقاع الدليب في المنطقة

برضو ما واضحة لكن أسوي شنو الصور قديمة شوية
بس السؤال ساهل زي الموية



مع ان الصورة قديمة لكن ده المبدع جدا محي الدين عبد الوهاب

عوض جلاس
03-30-2009, 09:53 PM
مع ان الصورة قديمة لكن ده المبدع جدا محي الدين عبد الوهاب

صاااااااااااااااااااح
الصورة للموهوب محي الدين عبد الوهاب
بس دا شنو الخروف الجبتو مع البطاريق في صورة الاقتباس دي ؟؟؟؟؟؟؟؟؟

اسامة حمزة
03-30-2009, 09:58 PM
ياعوض انا صلا مابعمل اقتباس.. بعمل رد مباشر لو لاحظت ..

بس عملت الاقتباس عشان انقل الصورة


ماعارف الصورة دي جات من وين والله


المهم انا حذفت المشاركة

عوض جلاس
03-30-2009, 10:03 PM
المهم انا حذفت المشاركة

وأنا رجعتها مشاركتك
بس أعمل حسابك المرة الجاية
ما يطلع لك في الاقتباس ود أم بعلو
هههههههههههههههههه

واصل هاشم
03-30-2009, 10:20 PM
يا عوض الشي امكن يكون جابتو العناكب
الزول تاني يعمل حسابو المشاركات بقت ما مضمونة

طارق علي صالح
03-30-2009, 10:24 PM
ياعوض انا صلا مابعمل اقتباس.. بعمل رد مباشر لو لاحظت ..

بس عملت الاقتباس عشان انقل الصورة


ماعارف الصورة دي جات من وين والله


المهم انا حذفت المشاركة


البطريق اكيد من عند زكريا والخروف من خناس

والثلج داير كسار

والشغل ده شغل عنكبوت

اسامة حمزة
03-30-2009, 10:28 PM
الللية واصل لابد ساكت


عوض عليك الله اسمع محمد كرم الله ده في زمنو الزمان



http://sudaniyat.net/up/uploading/anzly.mp3



انزلي من فروعك مرة للساسق فتر

كلمات قسم السيدعبد الرسول

واصل هاشم
03-30-2009, 10:41 PM
الللية واصل لابد ساكت


عوض عليك الله اسمع محمد كرم الله ده في زمنو الزمان



http://sudaniyat.net/up/uploading/anzly.mp3



انزلي من فروعك مرة للساسق فتر

كلمات قسم السيدعبد الرسول

واصل لابت فوق راي يا اسامة ما ساكت:D:):p

اشكر بشدة علي هذه الاغنية الجميلة وياريت تواصل لينا في الزي دا

اسامة حمزة
03-30-2009, 10:43 PM
طارق علي صالح ازيك ... بقيت تجي في الأعداد الفردية !!!!!!!!!


عندي ليك اغنية عارفا مكسراك وليك زمن كايس تسمعا ..

شبر شك من كلمات عطا الكنيبلي والحان النصري


واصل هاشم

حا اواصل معاك في محمد كرم الله وعندي ليك تاااااني حاجة جميلة ارجاني بس



طارق اسمع





http://sudaniyat.net/up/uploading/shibirshak.mp3

اسامة حمزة
03-30-2009, 11:57 PM
واصل وخناس


كيفكم

بقينا نحن برانا من ناس القوز


تعالوا نسمع الاغنية دي ونشوف رايكم شنو


ضحك الدرب للشاعر عبد الرؤوف عبد الله والحان النصري



http://sudaniyat.net/up/uploading/dihkadarp.mp3

خناس هاشم
03-31-2009, 12:07 AM
اسامه
تسلم يا رائع على الاغانى الاكثر روعه
وفضلنا نحن برانا فى القوز غايتو العناكب ما عملت فينا خير
الدكتوره والله انا غايتو فاقداكى عدييييييييييل
الهادى شردت بى وشيك
واصل طولت ما اديتك فرصه تجاوب ولا شنو؟؟؟؟
اسامه مره اخرى شكرا

هديل
03-31-2009, 12:30 AM
سلااااااااااااام

وين يا ناس ....معليش راحت على نومه


اها وصلتو وين ؟؟؟

عوض جلاس
03-31-2009, 07:28 AM
يا عوض الشي امكن يكون جابتو العناكب
الزول تاني يعمل حسابو المشاركات بقت ما مضمونة

كان كدي يا واصل العناكب ما عملت فينا خير
غايتو الواحد لازم يعمل معاينة قبل اعتماد المشاركة
يمكن يطلع فيها هيك ولا هيك

عوض جلاس
03-31-2009, 07:31 AM
البطريق اكيد من عند زكريا والخروف من خناس

والثلج داير كسار

والشغل ده شغل عنكبوت

بالله مش حاجة غريبة يا طارق ؟؟؟
صورة محي الدين عبد الوهاب تطلع خروف وبطريق وتلج وإسكيمو
غايتو الزول دا متميز في كل شيء حتى صورتو
نسأل الله أن يمتعو بالصحة والعافية

عوض جلاس
03-31-2009, 07:37 AM
أسامة سلام
مشكور على كمية الأغانية الجميلة
وأيضاً أغنية محمد كرم الله الروعة

اسامة حمزة
03-31-2009, 08:56 AM
سلااااااااااااام

وين يا ناس ....معليش راحت على نومه


اها وصلتو وين ؟؟؟


الناس القاعدة تنوم وتجي اخر الليل تسأل

كيف ووين مسجلة غياب ؟؟؟

يكون ده من خوف من العناكب ؟؟؟

عوض جلاس
03-31-2009, 10:18 AM
صورة فنان شاب
دايرين اسم الفنان واشهر أغانيه
بس أعملوا حسابكم من الاقتباس بيجيب الهوا
http://sudaniyat.net/up/uploading/7677.JPG

.

الهادي قنديل
03-31-2009, 10:45 AM
بخاف الناس يا اماني

اماني بقولك واصرّح

يعرفو غرامنا ويحسدوا

حقيقه الناس مابتريح

عوض غايتو كلمة شاب دي جهجهتني لكن الصوره صورة الفنان الطيب وداعه

واشهر اغانيه وهطناها ليك فوق عقبال ماتوهط لي اغنيتي الليله

____________
الليله قوز نهاري؟ قويه دي

هديل
03-31-2009, 01:06 PM
اسامه ..جينا ليل ما لقينا زول ...جينا نهار برضو خلا ....

الحاصل شنو؟؟؟
------------
الحمد لله الواحد لمه ليهو فى رقم مميز(مشاركه 750)