المساعد الشخصي الرقمي

مشاهدة النسخة كاملة : قـوز السُـرّاي .. وإبــداعـات الطنبـور


الصفحات : 1 2 3 4 5 6 7 8 9 10 11 12 13 [14]

سيداحمد شامي
01-08-2012, 04:10 PM
سلاااااااامات الحكايه شنو؟؟

اشتياق القرير
01-10-2012, 10:56 AM
شتيلة قريرا :

حسن الدابي
النعام ادم ..


http://www.sudanyat.org/upload/uploads/shetaltagorera.mp3



.

اشتياق القرير
02-27-2012, 09:02 AM
الشاعر حسن الدابى ( حسن محمد بخيت الدابى ):

احد شعراء شمالنا الحبيب قال عنه الباحث الراحل محجوب كرار ( انه مثله مثل الشاعر حسونة من قبله جدد للمرة الثانية فى بناء ومعنى القصيدة الغنائية عند الشايقية ووضع لها مواصفاتها الجديدة التى لم يستطع احد الخروج عليها )تقول سيرته الذاتية انه ولد عام 1930 م وتلقى تعليمه بخلوة الشيخ حسن الناطق بنورى وخلوة الشيخ العوض مدنى بالقرير وخلوة مصطفى السيد ، كان والده جاويش بالزراعة ولذلك تنقلت الاسرة من مكان لآخر بين نورى والقرير ومنصور كتى التى اتم بها تعليمه الاولى. كان مثقفاً ومطلعاً وقد ساهم فى تثقيفه مكتبة اخيه الاكبر احمد الدابى الذى كان يعمل ترزياً وقد عمل معه شاعرنا حسن الدابى حتى اجاد المهنة فانتقل الى القرير ليعمل بها ترزى عرائس ، كان مراسلاً لجريدة الصراحة وكانت كتاباته تجد القبول والاستحسان والتعليق من الكاتب الكبير عبدالله رجب.
فى العام 1953 م عمل ببوليس الشمالية وتنقل ما بين عطبرة والدامر وشندى ومروى ، بعد ذلك انتقل للعمل كمستلم اقطان بمحلج ابوالعلا التجارى بكوستى ثم عاد للعمل بالبوليس مرة اخرى وبعد انتهاء خدمته عاد للعمل ترزياً بالقرير ، انتقل للعمل كمراقب مياه بمشروع القرير الزراعى فى عام 1986 حتى عام 1993 م.غادر شاعرنا هذه الدنيا الفانية فى يوم الاربعاء الثانى من سبتمبر عام 1998 م.
ولعل هذه الموهبة الفذة وُرثت لابناءه حاتم وياسر وصديق وادهم والراحل يحيى .
المساحة القادمة نفردها لاعماله الجليلة ونسلط فيها الضو على عبقريته الفذة

سيداحمد شامي
02-27-2012, 09:19 AM
ياحمام التعذيب كفى
حسن الدابي
يا حمام التعذيب كفى
بي ألم ، هل لي من شفا
ياحمام التعذيب كفى
البدر في ليلة صفا
نور جبينك أقسم خفا
لحظك النار البقذفا
الحجار الصم يخسفا
كابي ديسك ساتر القفا
بسمك البرق الخاطفا
فيك طبع الظبا في الجفا
دربك الصياد ما قفا
بي آلام ومصنفا
مستحيل الطب يعرفا
يا طبيبي الفيك الكفا
ضل دونك ذو معرفة
في وعودك ما ليك وفا
ليك ساسق قدمي وحفا
قلبي موسيقاك يعزفا
لي لقاك الدما ينزفا
خلي عندك لي عاطفة
كان تجاهر أو بالخفا
بي قنابلك نفسي انسفا
روحي ليك بالهنا والشفا
نجض الكيات خلفا
نار غرامك ما ألطفا

سيداحمد شامي
02-27-2012, 09:21 AM
من نيرانو محروق
شيخ الشعراء حسن الدابى


يا الله من نيرانو محروق
جمبى زارعنو عجو الشروق
مروى بابورو فجر يسوق
فوق جريدو يحمل يتوق
قلت أخد منو وأضوق
سيدو قالى دا ماهو للسوق
قلتو مرضان خليك شفوق
قالى حتى انم مت بالشوق
قالى خف عجل بالمروق
لاتحوم بى فوقى خازوق
جرعونى الحنضل عروق
وحرمونى دواى كيف أروق
شتتلو الخمره ماروق
فى المقيل قمرى يسوى قوق
نهدو يا دابو بدا المروق
رافع الفستان منو فوق
الضمير ليهو الايد تحوق
الا بس فى مشيها ممحوق
زولى زيو عدم فى الخلوق
ألادب والعفه والزوق
تضوى من بسماتو البروق
ديسو سابل ما هو ملصوق
نظره من عينها الزرق
ترهب المحجوب وزروق

سيداحمد شامي
02-27-2012, 09:22 AM
لو قُتْ سلام

فيها ايه لو قت سلام
كت تزيل من قلبى آلام
من صغير فى عهد الفطام
ما رأيت زيك فى الانام
النغيمة رطين الحمام
خدو سادة وفاطرو بسام
النهيد فى القعدة محجام
نظرتك ضربات الحسام
الصدير وزينة لو عام
هافو عامل ليهو انقسام
طرفى ساهر جافى المنام
كل زول قالى ماك ملام
اشتكيت لى قاضى الغرام
قالى عارفك كلك اجرام
لى عاين من كرسى قام
قالى وصيت حكمك اعدام

سيداحمد شامي
02-27-2012, 09:24 AM
اشتيـــــــاق

سلاااااااااامات وعوافي

اسامة حمزة
02-28-2012, 01:11 AM
اشتياق .. وسيد احمد ..

وجودكم هنا يفرح والله ..
اشكركما علي احياء الفكرة ..

واصلو وما تقيفو ..

.

سيداحمد شامي
02-28-2012, 06:24 AM
اشتياق .. وسيد احمد ..

وجودكم هنا يفرح والله ..
اشكركما علي احياء الفكرة ..

واصلو وما تقيفو ..

.


العريـــــس

انت وين والناس بتسال ؟

اشتياق القرير
02-28-2012, 10:48 AM
عوامل ساهمت فى تشكيل شاعرية حسن الدابى:
والمتأمل فى شعر حسن الدابى يجد هناك عدة عوامل ساهمت فى تشكيل هذه الموهبة الشعرية الفذة واولها :
1/ الخلوة فى اشعاره :
بدا واضحاً اثرها فى تكوين شخصية الدابى فى تسليمه بالقضاء والقدر واستهلاله لبعض قصائده بسوأله لله بان يمن عليه بعودة المحبوبة واستخدامه لبعض كلمات القرآن الكريم لاغراض معينة، كما بدا واضحاً تأثره بالمشايخ الذين تلقى العلم على يديهم وايمانه العميق بطلب مساعدتهم بالدعاء له فى اوقات الشدة ففى واحدة من قصائده يقول:
جود يا بارى جود الرايقة لينا متين تعودوفى قصيدته المشهورة دمع الدم يستخدم كلمة هلاك :
طريحة وبيها يتبلم اظنو على هلاكى عزم
وفى قصيدته شتيلة قريرا يستصحب معه العبادات كالصلاة وقيام الليل والصوم فى سبيل وصوله لمحبوبته :
اصلى واعبد البارى اقيم ليلى واصوم نهارى
عشان الشاغلة افكارى شلوخا قضيب الكبارى
كما لا يخفى علينا ثقافته والمامه بسيرة المصطفى ( ص) واحفاده:
اسبابى البعاد والبين والشمات على قاسين
يقولو لى يا مسكين عليك ظلم الحسن وحسين
ثم يقول فى نفس القصيدة:
اذاى ما بينفعو التحصين ولا الفقرا البقيمو الدين
اشكيك يا دهر لى مين بلا الخلق البشر من طين
ويستعين بمشايخه فى عدة مواقع منها قوله منها فى قصيدته قارسيقة الصيف :
يا البقيمو الدين الحنيف عقلى ولى واصبح ضعيف
يا رجال الله ولى وشريف لى تجيبو جِديَة الدِيف
وفى قصائد أُخر يقول :
يا صلا ح ام شديرة تعود ونشم من عبيرا
يا الوراريق ليكم بصيح عقلى جن بعد كان نصيح
وفى نفس القصيدة يتجلى ايمانه بالقضاء والقدر اذ يقول:
يا حليل الرايقة يا الضو قالو فى ام در سكن الاشو
الخبر جابو هلو هلو قدر الله انا شن بسو
وفى مليح اللون يقول:
يا من امرو كن فيكون رحماك بى انا المفتون
ويبلغ به الاسى مداه من صدود محبوبته وجفوتها فيشبه قلبها باللات والعزى فيقول :
حرتت لى قليبى حراته قلبها زى حجار اللاتهولما اعياه جمال محبوبته لم يجد بداً من الحلف بالله ليؤكد ذلك اذ يقول :
قودى وادى ايدك تلة يا حا وحات اسم الله كملتى السماحة

اشتياق القرير
02-28-2012, 10:52 AM
2/ المخزون الثقافى لديه :
ولعل التعليم البسيط الذى تلقاه شاعرنا كان له دور كبير فى تكوين خلفيته الثقافية بالاضافة الى استزادته من المعرفة من مكتبة اخيه الراحل احمد الدابى واطلاعه على الصحف المنتشرة آنذاك ومراسلته للصراحة بمواضيع كانت تحظى بالقبول لدى الكاتب عبدالله رجب ، ومن شعره يتبين لنا مدى مواكبة شاعرنا لما يجرى فى العالم من حوله ، واستخدامه حتى لبعض كلمات اللغة الانجليزية اذ يقول :
فريع المحلب القايد عشانو بقاسى الشدايد
سهامو رمانى ( اوف سايد ) المى الراح جانى عايد
وكثيراً ما يستخدم شاعرنا كلمة هاف فى وصفه لمحبوبته :
مضمور ( هافو) طبعو رزين فى الكون ما لقيتلو وزين
وكذلك يقول:
ان نوت للقومة الكفل اقعدا ( هافا) لفح توبا ديمة ملبدةويقول فى موضع آخر:
الصدير وزينة لو عام (هافو) عامل ليهو انقسام
واما مواكبته ومعرفته بالقديم والحديث يتضح جلياً فى قوله :
شرابى دموع وقلبى حزين بقت مشكلتى زى برلينولم يجد ما يعدد به محاسن محبوبته الا القول :
مناقبو تحير النقاد طه حسين مع العقادكذلك يقول فى وصف حاله وما آل اليه من صد المحبوب :
حالى منو الاطفال تشيب زى كتل جساس لى كليبوتتجلى ثقافته والمامه فى وصفه لدكتورات اذ يصفهن بانهن قد حزن الدكتوراة فى الطب بالرغم من ان الكثيرون يستخدمون الكلمة لم نالوا حتى البكالريوس :
ديل دكتورات مو لعب جابن الدكتوراه فى الطب ثم يصف نظرتهن :
نظرتن لو تقذف لهيب تحرق امريكا وتلابيبوفى موضع آخر يصف ضربات قلبه:
قلبى فى الدقات والرنين تعترف تشهدلو بق بنان شاعرنا يبدو ملماً حتى بما يجرى داخل المحاكم ويتمثل بها فى وصف حالته والمحبوبة التى توقفه بجرم العشق والهوى امام قاضى الغرام حيث يقول :
قالى خلاص عليك حكم ما دام عاينت برضو اجرم
ويقول فى قصيدته صغير سن :
يا غرام فى قاضيك محن قالى ساقط قبل امتحنوفى قصيدة يوم سته يقول
فى الحيثية تلت اعدامى قالت كيف تناقض احكامى
قالت كيف تبوح بغرامى قالو الاعضا ما بتتلامى
اطلع برة من قدامى لاشك مقتلك بى سهامى

اشتياق القرير
02-28-2012, 10:53 AM
3/ شعر الحقيبة:
المتأمل لشعرالراحل حسن الدابى يرى تأثره الواضح باشعار الحقيبة السائدة آنذاك وشعرائها امثال خليل فرح،العبادى ، ابوصلاح؛ ودالرضى، الامى، بطران، البنا ،عتيق ،سيد عبد العزيز،عبيد عبدالرحمن ، عبدالرحمن الريح وغيرهم ، وهى اشعار رغم الاتهامات التى وجهت لها بالتركيز على الوصف الجسدى فقط لكنها تمتاز بجمال اللغة والبلاغة والابداع ، وشاعرنا توافرت لديه كل هذه الجماليات .
واول ما يمكن ملاحظته ان شاعرنا يستخدم كلمة (ديس ) فى اغلب قصائده وهذه الكلمة وردت كثيراً فى اغانى الحقيبة حيث قال احدهم :
ديسو وافر كامل الغزرصيد عيونو الرماش فزر
واللحاظ ما بتقبل عــذر في قلوبنا تحاكى الجزر

وقال احد الرواد ايضاً :
بقى ديسك أطول منك ولا متقايسين......شفنا الضفائر جرن في القديم كايسين
أنا شوقي دائما زائد وماشى في تحسين.....وأنا صبري قلّ ويشهد باذاى حسين

وقال آخر:
ليلى طال زى ديسك الهضلم نزل.....لضميرك يا فريهيدا انسبل

وقال احدهم ايضاً:
زاحم كتفو كفلو ماج ديسو الوفر
عمعم ديسو درعو وفى بعضه انضفر

اما شاعرنا فيقول :
ديسا ليل شوف عينى ساكن جدية كيف نصطادا لكن؟
ويقول فى موقع آخر :
داكن ليل بهيم دسا السبل جبينا منور الاربع قبل
ويقول ايضاً :
ديسا شوف عينى منو شكت كتوفا والدلال الفطرى فاق لخضاب كفوفا
واذا تجاوزنا كلمة ديس وقفزنا الى العديد من التشبيهات تتضح الرؤية ففى الحقيبة مثلاً :
جبينو تلوح انوارو جميلة يفوق القمرة بعد تكميله
خدوده اسيلة سناها يبق غيماتو عسيلة
اما شاعرنا فيقول:
نغيمو الحسو يرزم فى البراجى جبينو قمر سبوعين وا حراجى
ويقول احد شعراء الحقيبة :
شعرو حاكي الغيم حاجبو هلالو ...فر بسمو نغيم والبروق لالو
شوف لحاظو سيوف حاجبو هدالو ...حرسو حولوا يدور إستعدالو
أما شاعرنا فيقول :
الرقيبة قزازة الروم حاجبو زى الهل للصوم
ويقول احد اعمدة الحقيبة :
صابنى ظبيا عيناه حور ... والدو بدري وأماتو حور
سيف مهند طرفو الجسور ... وفى خدودو النار والبحور
اما شاعرنا فيقول :
تستحى القمرة من الجبين جوز عيونو سهامن سنين
ويقول احد شعراء الحقيبة :
بالنور خدك لاح مقابل ... للشعر الطال ليله سابل
سهم ألحاظك لي نابل ... بى كل شئ دون هجري قابل
اما شاعرنا فيقول :
قصدى بس عينى امتعن فى عيون جل الصانعن
وفى وصف الشلوخ يقول احد شعراء الحقيبة :
ده العفه الهلكت رجاله
أم شلاخ تعب الرجاله
فيك خدين نايرات خجاله
وعين هلكت فرسان مجاله
ويقول آخر:
القوام متوازن ... لاقصر لاطول
والشليخ افعاله ... تصرفات مسطول
اما شاعرنا فيقول :
اصلى واعبد البارى اقيم ليلى واصوم نهارى
عشان الشاغلة افكارى الشلوخا قضيب الكبارى
وحينما اندثرت الشلوخ واصبح السادة هو المفضل قال احد رواد الحقيبة :
ما شوهوك بى فصادة على الخدود السادة
وقال آخر :
الفى قربو لى سعادة حبيبى السادة
قال شاعرنا :
النغيمة رطين الحمام خدو سادة وفاطرو بسام
وقال ايضاً :
صدرو وز فى نيلو عايم خدو سادة بلا رشايم
يقول احد شعراء الحقيبة:
الصدر المقبقب يا الضامر حشاك ... من ميلة ضميرك فرع البانه شاك
بى سهم الرشارش جوّ ضلوعي شاك ... أصلك لي ودار أعمارنا الله نشاك
ويقول آخر :
يا ام صديرا فضح الحمام جرعينا كؤوس الحِمام
اما شاعرنا فيقول :
صديرو خليج بشوفو دفر رزين فى مشيهو يتبختر
بسيمتو حلاتا جامعى درر وراهو عبرتى تتعبر
ويقول فى قصيدة اخرى :
مشيها كأنها المها فى الوحل الصدر جوز وز دفَر عام نتل

بقى ان نشير الى نقطة اخرى سبق ان افرد لها الرجل الموسوعة حفظه الله العم عبدالرحمن مامان بوست كامل وهى مسألة الغفَر والغَفَارة فى شعر الشايقية ، ولا تقتصر على اشعارنا فقط بل توجد فى شعر الحقيبة ايضاً ، نجد احد رواد الحقيبة يقول:
كل ما سألت عليك صدونى حراسك
وقد اوردها شاعرنا فى عدة مواقع منها:
حرَاسك شقى وملعون ما ب يبسم يفرلو سنون
ختاك جوة خلف حصون من قولة السلام مغبون
وفى موضع آخر :
مرة ليها مشيت زيارة عاكسونى اهل الغفارة
قالو زى شوفتك خسارة ياخى سيبنا بلا عوارة

سيداحمد شامي
02-28-2012, 05:58 PM
قطرك من كريمة

حسن الدابــــــــــي

http://www.sudanyat.org/upload/uploads/rihlaaddamar.mp3


للحفــــــــــــــــــــــــــــــــــــظ (http://www.sudanyat.org/upload/uploads/rihlaaddamar.mp3)

سيداحمد شامي
02-28-2012, 06:05 PM
علي الجــــــــــــزار

حسن الدابــــــــــــــــــــــــــــــــــــــي

http://www.sudanyat.org/upload/uploads/aliwadabrahim.mp3


للحفــــــــــــــــــــــــــــــــــــــــظ (http://www.sudanyat.org/upload/uploads/aliwadabrahim.mp3)

سيداحمد شامي
02-28-2012, 06:11 PM
قصيدة فكاهية بصوت حسن الدابي: ديك فضيلة

http://www.sudanyat.org/upload/uploads/deekfadheela.mp3

للحفــــــــــــــــــــــــــــــــــــــــــــــ ـــظ (http://www.sudanyat.org/upload/uploads/deekfadheela.mp3)

اشتياق القرير
02-28-2012, 06:19 PM
قطرك من " كريمة " ادّو الاشارة وقام
لونك خافى للدهب المسوّا زمام
في " الكاسنجراب " اثنين دقيقة وقام
ودّاك " ام رهو" الساعة واحدة تمام
***
قام من "ام رهو" دخل الخلا اب غزلان
شقّابك جبال الرملة والخرصان
وداك " اب حراز" سوّاقو كان زهجان
زوّد سرعتو وخلاّ الارض دخان
***
ودّاك العصير فى " الكاب" شراب الشاى
شايل قلبى وزّينا بريتو براى
يا قلبى الصميم ما بقلبوك جاي جاي
ليه الليلة جنّيت وعدمت الراي ؟
***
من الكاب نهر طالب " كحيلة " " محيسة"
السواق عجوز عندو النفس والريسة
يا ام شلخا قضيب الكبرى فى التقييسه
زي ريش النعام فوق الفنايد ديسا
***
وداك التقاطع "لاب حمد" طالبين
ياكل فى القضيب وداكي رمشة عين
السواق حريص فى مشيهو ما بيلين
قال متاخرين نصل اب حمد لامتين
***
قام من اب حمد بارى البحر لى" اب ديس"
السواق حريص في مشيهو جابلو حديث
قاعدين فى بسط زايد بنا التحسيس
كم لله من المحبوب سمعت حديث
***
وداك" الشريك" نجم الوكت نوّرلو
السواق حريص اسقا وطلع صفّرلو
زي برق الظلام وكت الاشرجى اشّرلو
يسهك فى القضيب تقديرو ما تقدرلو
***
وداك " العبيدية " .. وبكان السرقه
ما راضى القيام قام يبكى قبل الشرقة
فرقان الصدف وانا قلبى زايد حرقة
قاسى علينا يا اهل الكون طريق الفرقة
***
هاك وهاك في" بربر" اخدلو دقايق
مليانين عجاج يا عطشقى مالك ضايق؟
هدّن جيب لنا الونسة ومشيك الرايق
قبل الوصلة ..سائل الله يعيقك عايق
***
وداك "عطبره" المليانة بالعمال
الركاب كتار والله لا امثال
بالشباك تتوق تتفقد الاحوال
قالت لا تقوم خايفى المحل ينشال
***
قام من عطبرة وانا مانى راضى قيامو
كيف الشورة؟ والدامر قريب قدامو
حين قال لى قربنا وكشف لبلامو
الدمّاع جرت... حتى الخنادق عامو
***
فى الدامر وصل حتى الوداع غالبنا
يا ستّار علىّ اجمعنا يا فارقنا
يا رب يا كريم يوم الاحد رفّقنا
بى موت او طلاق محبوبنا يبقى رِفِقنا

سيداحمد شامي
02-29-2012, 05:08 PM
شـــتيلة قـــرير


الفجر نبحن بوابرا يا الرايقة شتيلة قريرا

كلمات / حسن الدابي

بصوت الراحل المقيم يس عبد العظيم

http://www.sudanyat.org/upload/uploads/shtylt--goryr.mp3


للحفـــــــــــــــــــــــــــــظ (http://www.sudanyat.org/upload/uploads/shtylt--goryr.mp3)

سيداحمد شامي
02-29-2012, 05:20 PM
ووب يا مليح اللون شوفتك تفرح المحزون

لي حق بيك أكون مفتون وحق التين والزيتون

ليك روحي ودماي تهون فناجين ديل ولا عيون

نحيل هاف والجبين موزون معصوم من تهم وظنون

بسمك واسمك المكنون يداوي العللو ليها زمون

ليلى وهند منك دون طبعك هادي آنت حنون

كوكاب صدرك المسنون اصبح بيهو انين مطعون

أزاي حير أطباء الكون لا هو ظهر ولا هو جنون

حراسك شقي وملعون ماب يبسم يفرلو سنون

ختاك جوة خلف حصون من قولة سلام مغبون

يا من أمرو كن فيكون رحماك بي أنا الممكون


كلمات / حسن الدابي

اداء / بابكر البرصـــــــــــــــــــــــــه

ناسف التسجيل من حفلـــــــــــــــــــــــــــــــــه

http://www.sudanyat.org/upload/uploads/babkir-malehallon.mp3


للحفــــــــــــــــــــــــــــــــــــــــــــــ ـــــظ (http://www.sudanyat.org/upload/uploads/babkir-malehallon.mp3)

اشتياق القرير
02-29-2012, 05:29 PM
شتيلة قريرا
الفجر نبحن بوابيرا
حليل تغريد عصافيرا
بلاها أصبحنا في حيرة
يازهرتنا النضيرة
حرام نقلك من الجيرة

دهب زادوه تجميرا
لفة خاتم ضميرا
شبيهة البدر المنيرة
ليك تاجوج ماها سيرة
نزلت العقلات الضفيرة
تداعب رمان صديرا
نظرتك قاسي تفسيرا
فيها انذارات خطيرة

ست الكل يا أميرة
روحي كفاها تدميرا
ضاقت غلبه ومريره
خلاص اتحقق مصيرا
فراقكم زادتي تعكيرا
وبلاك ما عندي تفكيرا
يا صلاح أم شديرة
تعود ونشم من عبيرا

جدي البرعن أراكن
سبيبك ولا ليل ساكن
إنت طبيبي بس لكن
رحل كت في القرير ساكن

نورى الفيكى ربونى
بدل ما تبقى فى عونى
تجورى على وتخونى
تشيلى سوادة عيونى
تفضلى نورى وسموما
قريرنا معاكى شن لوما
ليه عجلتى بالقومة
بقت لك سبب الحكومة

يفوح المسك من فاه
مضمر واحسرتاه
الفريع الهتف نداه
تموع تتنى ما لاه

ياظبية جنان مالك
فارقت القرير مالك
ربنا مالك الممالك
يحرق الكومر الشالك

شبيهة الصيد في البوادي
محكم عودك النادي
فاطرك برقو عبادي
الرزق يا جاهلة جبادي

فراقك قاسي ألمني
سواد عينيكي جنني
على الأحباب ماب تحني
فقد عقلي بقيت أغني

ليك برسل تحياتي
بضمنه موتي وحياتي
أتكرن وأمشي فلاتي
عليك يازهرة الشاطي

فريع المحلب القايد
عشانو أقاسي الشدايد
سهامو رماني أوف صايد
ألمي الراح جاني عايد

اصلي واعبد الباري
أقيم ليلي وأصوم نهاري
عشان الشاغلة أفكاري
الشلوخة قضيب الكباري

حليل الروقة والبسمة
حليل الضامرة منقسمة
شلوخ خديها مترسمة
قامت وكل شي قسمة

اشتياق القرير
03-01-2012, 10:23 AM
فجولى اللشوفا

يا خلايا فجولى اللشوفا
مسخت عوم البترطن في جروفه
الصدير رجفاته سبب لي خوفه
وخام ثمار ال الله قال دانيت قطوفا
الرقيبه قزازة الروم في وقوفا
جرعتني من العلاقم بي صنوفه
فيها طبع الْ امو تفهم بالكروفه
عبيرا كافن كافن الما فيهو زوفه
داير اسكن جوارا ما بتنفعنى طوفه
من جليدا عطورا ليها مرايا جوفا
والجبين الباقى فد يوم من خسوفا
ديسه شوف عيني من شكت كتوفا
والدلال الفطرى فاق لخضاب كفوفا
حاجبا الْ الناس تكوسلو كتر وقوفا
الا دايما نافره يا ناس ما ولوفا
صممن جاراتا قالن لي عطوفه
ومالا شوفته لي تسحب لي سيوفا
بروقيها الداره لخبطي لي صفوفا
خلي عزالك عديل تخضع انوفا
العلي والبي كلو سبب عزوفا
لو تحلو رموزا اصابع اليد حروفا

اشتياق القرير
03-01-2012, 10:26 AM
محاضرة للدكتور توفيق الطيب البشير عن شعر حسن الدابي حيث حلل أغنية (فجولي اللشوفا)_ عمنا مامان
http://www.youtube.com/watch?v=aEoXDSXNJuA&feature=related

واصل هاشم
03-01-2012, 12:07 PM
قوز السراي وما أدراك ما القوز

كانت لنا أيام وحكاوي قبل أن تتفرق بنا السبل وتكثر مشاغل الحياة

كنا نتنافس علي حجز الأماكن بالقوز و (سرقة) روابط الأغنيات والتوثيق للمبدعين من بلادنا.

قضينا أيام جميلة قل أن يجود الزمان بها فتعمقت الصلات وإزدات معرفتنا ببعضنا البعض ووثقنا لكثير من المبدعين فكان نموذجاً يحتذي به في المنتديات المشابهة لحفظ تراثنا للأجيال القادمة بل حتي الحالية.

سعدت جداً بعودة الروح لهذا البوست من قبل سيد أحمد شامي وإشتياق القرير وأتمني أن لا تلين عزيمتهم بمواصلة المشوار وإن شاء الله يجدونا من خلفهم فلهما مني عظيم الإمتنان علي رفع راية هذا البوست.

التحية لكل رواد القوز وربنا يرد الغائبين

سيداحمد شامي
03-03-2012, 02:21 PM
قصيدة فكاهية بصوت حسن الدابي

حمارة الحاجة النسيم


التحيه لعمنا الموثق مامان


http://www.sudanyat.org/upload/uploads/humaratannaseem.mp3

save (http://www.sudanyat.org/upload/uploads/humaratannaseem.mp3)

اشتياق القرير
03-04-2012, 05:49 PM
قوز السراي وما أدراك ما القوز

كانت لنا أيام وحكاوي قبل أن تتفرق بنا السبل وتكثر مشاغل الحياة

كنا نتنافس علي حجز الأماكن بالقوز و (سرقة) روابط الأغنيات والتوثيق للمبدعين من بلادنا.

قضينا أيام جميلة قل أن يجود الزمان بها فتعمقت الصلات وإزدات معرفتنا ببعضنا البعض ووثقنا لكثير من المبدعين فكان نموذجاً يحتذي به في المنتديات المشابهة لحفظ تراثنا للأجيال القادمة بل حتي الحالية.

سعدت جداً بعودة الروح لهذا البوست من قبل سيد أحمد شامي وإشتياق القرير وأتمني أن لا تلين عزيمتهم بمواصلة المشوار وإن شاء الله يجدونا من خلفهم فلهما مني عظيم الإمتنان علي رفع راية هذا البوست.

التحية لكل رواد القوز وربنا يرد الغائبين



الاخ واصل سلامات

شكرا ليك على تشريفك القوز من تانى بعدين انت من المؤسسين الاوائل يلا همتك معانا عشان نعيد للبوست سيرته الاولى

اشتياق القرير
03-04-2012, 05:57 PM
سأل عمنا مامان الراحل المقيم حسن الدابى عن بداياتو الاولى فى كتابة الشعر فاخبره انها كانت ابيات هجاء فى جارة لهم اسمها جمال وزوجها اسمو وداعة كانت تناديهو بلقب الودعو وقتها كان شاعرنا الدابى فى العاشرة من عمره واخد علقة ساخنة من جارتهم فكتب فيها:

يا جمال مرة الودعو
برتكان خورن وجدعو

سيداحمد شامي
03-05-2012, 05:54 PM
اغنية دمع الدم بصوت النصري
كلمات الشاعر حسن الدابي
لحن واداء النعام ادم وتغني بها عدد من الفنانين


http://sudaniyat.net/up/uploading/DAMADAMM.mp3


save (http://sudaniyat.net/up/uploading/DAMADAMM.mp3)

اشتياق القرير
03-05-2012, 06:35 PM
يا عيون ابكى دمع الدم *** الزمان بى عذابى حكم
ترانى بقوقى واترنم *** اجرّو مع الخيال النم
على آلامى زادت الم *** مضروب من عيونو سهم
دقيّت بابو قالى نعم *** غلبنى معاهو اتكلم
قال بى مطلبك بهتم *** قتلو يا اخى جود وارحم
لو فى بيتو يتبسّم *** عبيرو يفوح بعيد ينشم
لهيجو كمين نحل ملم *** فويطرو بريق سحابو ورزم
جديا دابو قرنو برم *** بعيده مراتعو نال وسلم
طريحه وبيها يتبلّم *** اظنو على هلاكى عزم
قاسى قليبو ماب يرحم *** حديد ما من لحم او دم
مر علّي ما سلّم *** منو وليهو بتظلّم
قالى خلاص عليكا حكم *** ما دام عاينت برضو اجرم

سيداحمد شامي
03-06-2012, 03:58 AM
قوز السراي وما أدراك ما القوز

كانت لنا أيام وحكاوي قبل أن تتفرق بنا السبل وتكثر مشاغل الحياة

كنا نتنافس علي حجز الأماكن بالقوز و (سرقة) روابط الأغنيات والتوثيق للمبدعين من بلادنا.

قضينا أيام جميلة قل أن يجود الزمان بها فتعمقت الصلات وإزدات معرفتنا ببعضنا البعض ووثقنا لكثير من المبدعين فكان نموذجاً يحتذي به في المنتديات المشابهة لحفظ تراثنا للأجيال القادمة بل حتي الحالية.

سعدت جداً بعودة الروح لهذا البوست من قبل سيد أحمد شامي وإشتياق القرير وأتمني أن لا تلين عزيمتهم بمواصلة المشوار وإن شاء الله يجدونا من خلفهم فلهما مني عظيم الإمتنان علي رفع راية هذا البوست.

التحية لكل رواد القوز وربنا يرد الغائبين




الاخ / واصــــــــل

سلااااااااااااااام مطبوق
الف شكرك لرجوغك للقوز يلا همتك معانا عشان نرجع القوز زي أول

سيداحمد شامي
03-06-2012, 05:47 PM
حسن الدابي: جمل وداعة


http://www.sudanyat.org/upload/uploads/jamalwidaa.mp3


save (http://www.sudanyat.org/upload/uploads/jamalwidaa.mp3)

اشتياق القرير
03-07-2012, 04:51 PM
روى هذه القصة عمنا مامان فقال: اشترت العمة المرحومة مدينة بت الفكي نصف كيلو لحمة وتركته بالتكل وخرجت لإحضار الواقود، فأعقبتها (برة) وهي كديسة منزل، وخطفت اللحمة وهربت.. لم تستكن العمة مدينة لما حدث ، فقامت بحشد بنات الحلة للقبض على الكديسة ومعاقبتها على فعلتها الشنيعة . وصل الخبر للمرحوم حسن الدابي فكانت هذه القصيدة:


تسرقي ضحى ونهار آ بره مالك
لا الطير انعدم لا الفار غلالك
مالك رامي نفسك في المهالك
تراها مديني قالوا مشركالك
حالفي من البلد تقلع نعالك
وحالفي لمتا فيك بي عود تتلافالك
وحالفي قبل الجاك تزنك بي شوالك
في دخولك وفي مروقك ختي بالك
انتي لا تامنيها كاتلي كتير قبالك
تعضعض في ايدا تهرج وشايلي حالك
وحالفي لمتا فيك بي عود تتلافالك

برة : مديني حلفت ما تخليك
ان طلعتي سكنتي في امية التمر ديك
طول ليلا ونهارا فزع بنوته باريك
لا التمر طلعنو.. سارقي اللحمة اتاريك
تفتحي في المغتغت برة شن ليك
لحم نص كيلو مو سوسيوة سيك سيك
برة جابوك للجقور خاب ظنهم فيك
يال البقيتي بلاوي رب العزة يبليك

البنات قالن لي فازعاهن مديني
في التمر طالعات ورا برة المسكيني
هي تهرج وشايلي فرار السنيني
وتقول لهن انهرنها ها التجيني
أماني آ برة عندي عليك غبيني
يوم سارقي اللحم .. ويوم اللبيني؟

سيداحمد شامي
03-07-2012, 05:26 PM
يانجوي الزمان فراق

كلمات : الراحل حسن الدابي
الحان :
اداء : النعام ادم

http://www.sudanyat.org/upload/uploads/najwaa.mp3


save (http://www.sudanyat.org/upload/uploads/najwaa.mp3)

طارق علي صالح
03-08-2012, 07:32 AM
سيد احمد شامي .. اشتياق القرير
الف تحية علي المجهود الكبير
لم اجد صورة للراحل حسن الدابي
الرجاء المساعدة
فهرس القوز اعداد : طارق علي صالح
(اضغط علي الاسم او الصورة)
15- حسن الدابي
http://www.sudanyat.org/upload/uploads/hasandab2i.jpg
(http://www.albrkal.com/vb/showthread.php?t=5060&page=217)

14- جعفر السقيد
http://www.sudanyat.org/upload/uploads/gsegooze.jpg
(http://albrkal.com/vb/showthread.php?t=5060&page=216)


13- محمد المهدي حامد
http://www.sudanyat.org/upload/uploads/mohmah.jpg
(http://albrkal.com/vb/showthread.php?t=5060&page=213)

12 - عبد العظيم منصور

http://www.sudanyat.org/upload/uploads/mansooor.png

(http://albrkal.com/vb/showthread.php?t=5060&page=202)
11- أزهري الحاج شرشاب
http://1.bp.blogspot.com/_-WsUrZrziv8/Sv2TBlbf0oI/AAAAAAAAAAM/MZHe8NYG0kg/S220/%D8%A7%D8%B2%D9%87%D8%B1%D9%89+%D8%AF%D8%A8%D9%89. JPG (http://www.albrkal.com/vb/showthread.php?t=5060&page=167)
ص 167
10-ميرغني النجار


http://www.sudanyat.org/upload/uploads/najaar12.jpg
(http://www.albrkal.com/vb/showthread.php?t=5060&page=166) ص166
9-عبد القيوم
http://www.wdalsharef.com/vb/image.php?u=2&dateline=1320016549 (http://www.albrkal.com/vb/showthread.php?t=5060&page=141)ص 141
8-من شعراء (الاخوانيات)
(http://www.albrkal.com/vb/showthread.php?t=5060&page=136) ص 136
7-خالد الباشا
http://profile.ak.fbcdn.net/hprofile-ak-snc4/162038_166293183414566_5531498_n.jpg (http://www.albrkal.com/vb/showthread.php?t=5060&page=114) ص 114
6-صديق احمد
http://profile.ak.fbcdn.net/hprofile-ak-snc4/50314_109191762478087_785_n.jpg (http://www.albrkal.com/vb/showthread.php?t=5060&page=98) ص 98
5-خالد شقوري
http://www.sudanyat.org/upload/uploads/shag321.jpg (http://www.albrkal.com/vb/showthread.php?t=5060&page=84) ص 84
4-محمد النصري
http://www.sudanyat.org/upload/uploads/nas321.jpg (http://www.albrkal.com/vb/showthread.php?t=5060&page=60) ص 60
3--معلومات عامة (شعراء الطنمبور) (http://www.albrkal.com/vb/showthread.php?t=5060&page=38) ص 38
2-معلومات عامة (حميد)
http://profile.ak.fbcdn.net/hprofile-ak-snc4/276860_43123695635_1771563409_n.jpg (http://www.albrkal.com/vb/showthread.php?t=5060&page=32) ص 32
1-معلومات عامة(شعراء الرووايس) (http://www.albrkal.com/vb/showthread.php?t=5060)ص1
[

اشتياق القرير
03-08-2012, 06:24 PM
مرحب استاذ طارق .. دى صورة ان شاء الله تفى بالغرض
http://www.sudanyat.org/upload/uploads/hasandabi.jpg

سيداحمد شامي
03-09-2012, 03:23 AM
تسفكي دماي

كلمات / حسن الدابــــــــــــــــــــــــــــي

اداء / عبدالقيوم الشريــــــــــــــــــــــــــف


http://www.sudanyat.org/upload/uploads/Tesfki.mp3


save (http://www.sudanyat.org/upload/uploads/Tesfki.mp3)

اشتياق القرير
03-10-2012, 08:05 AM
تسفكى دماى

تسفكي دماي تقولي مسافره يا محبوبه كيف
حرام لحظات تهدي بناي تقلبي ربيعي صيف
صيف لظاهو ينشف السما في الخريف
لادعاشات لامطر لاهمبريب لاحتى زيف
شبح الفرقه كشر نايبو طل علي مخيف
خلق لي ذهول اقرقر وابكي اتر بقفاي واقيف
يا حليل الامو سارحه بيهو باساي والعريف
ودلبون ما جاب قرن يادوبو للقش مو اليف
عالي كفيلو هودج صدرو اما وسط نحيف
يوقل في يجفل خوف بعد ماكان اليف
مبوبح عنقو تابر ساقو مهدول الكتيف
قمره جبينو قبسة سبيبو مكحول الطريف
اما بسيمتو تلخم لخمه منها يا لطيف
عارفوا براي كايس بلوه لي بلواي يضيف
قلبي العندو قلت يسندو سلَ عليهو سيف
قلت اشكيهو لي قاضيهو عارف القاضي في صفو بيقيف
اقيفوا معاي وقيعكم يا حواجنير الجريف
انهموا الفكي شيخ ابوكم قولوا جانا الدابي ضيف
كفوفكن ارفعوهن لي المهيمن واللطيف
يجيب لي دعاي انا الواقفلي فوق هدام وقيف
لا قطر ينهر يقوم لاطايره بالسما تستضيف
لا باصات ولا عربات تحركو سنت من ضلو الوريف

سيداحمد شامي
03-10-2012, 12:03 PM
كلمات / حسن الدابي

اداء / النعام أدم

http://www.youtube.com/watch?v=33pSpYDDdF4

اشتياق القرير
03-10-2012, 05:24 PM
جنا الوزين

مادام طار جنا الوزين يادوب قل نوم العين
لرؤياك مشتاقين خطفتا قلوبنا ركيت وين
شرابى دموع وقلبى حزين بقت مشكلتى زى برلين
اسبابى البعاد والبين والشمات على قاسين
يقولو لى يا مسكين عليك ظلم الحسن وحسين
قلبك قاسي مابيلين وليه الناس يقولوا حنين
آذاي ما بينفعو التحصين ولا الفقرا البقيموا الدين
أشكيك يادهر لمين بلى الخلق البشر من طين
مضمور هافو طبعو رزين في الكون ما ليقتلو وزين
جسمو عبيرو من ياسمين ارضو قرير أعز الطين

اشتياق القرير
03-12-2012, 09:51 AM
روى عمنا مامان عدد من القصص تدل على مقدرات شاعرنا الفذة وامتلاكه ناصية الشعر وتطويعه لجواد القريض حيث قال :كان الشاعر يجلس في مجلس بمدينة كوستي ومعه صديقه الشاعر ابراهيم جرقندي.. فجاءت حسناء تحمل جردلا ودلفت الى ماسورة قريبة وملأت الجردل بالماء، فطلب منه صديقه أن يصف هذا المنظر، فارتجل شاعرنا هذا البيت فورا:

مالت وانتكت بصديرة للماسورة
مربوعة القوام المن وسط مضمورة
ختفت قلبي زي ختفت سبت للكورة
بكرة رحيلنا يا جرقندي كيف الشورة

وللذين لا يعرفون سبت فهو يقصد سبت دودو حارس المرمى الشهير.

القصة الثانية :دُعي شاعرنا لحضور احتفال أقيم بمكاتب المشروع الزراعي بالقرير على شرف أحد المسؤولين الزراعيين.. وكان بين الحضور الاذاعي المعروف علي الحسن مالك والذي سأل شاعرنا سؤالا لم يخطر على باله حيث قال له: ياحسن الدابي إنت بتغني للجمال وتصف الحسان، هل سبق أن قلت قصيدة في مدح بلدك القرير؟؟ قال الشاعر نعم.. وعلى الفور ارتجل قصيدة :

قريرنا متيلو ما خلقوه لليل
حتى للبلد الشعارو مركب الفيل
منقة وبرتكان وقريب فروت متكابي بالشيل
لينا ما رفعو الفناطيز والبراميل
بنشرب سلسبيل من صرة النيل

بناتنا درع سبيبن كابي نازل
رشاقة يذكرنك ملكة بابل
ماب يصطادن الحابل والنابل
وكل واحدي صديرا محروس بي قنابل

وهذه وقصة أخرى :

جاءه صديقه سيد أحمد جرقندي بأبيات دوبيت وهي

مما قمت من حلة أم درمان
زي الكتبو ذنبو وسفرو اللومان
قالت لي سير في وداعة الرحمن
عيني حاكن الساقية البقارها سمان

وقال له أن قائلها كان يعتقد أن لا أحد يستطيع مجاراتها وقول أفضل منهاحتى ذهب الى صعيد مصر وعرض الأبيات على شيخ قرية مشهورة بشعرائها اسمها حلة البدواب والذي طلب بدوره من أحد شعراء الصعيد أن يجاري الأبيات ، فقال:

مما قمت من حلة البدواب
زي الكتبو ذنبو وسفرو بجواب
قالت لي سير في وداعة التواب
عيني حاكن اب مية وتمانين باب

ويقصد خزان أسوان (أب مية وتمانين باب)

طلب صديق الشاعر من حسن الدابي أن يجاري الأبيات ، فارتجل على الفور

مما قمت من أرضا ثراها قرير
زي الكتبو ذنبو وسفروهو أسير
قال في وداعة الباري يا خوي سير
عيني حاكن السارية السحابة غزيز

وكان تعليق صديق الشاعر : على الطلاق رميتن في الواطاة دي.. بس لافيها بقر يسوقن ساقية ولا فيها أبواب تتقفل وتتفتح

سيداحمد شامي
03-13-2012, 10:09 AM
حسن الدابي: أم قدح

التسجيل لعمنا مامان

http://www.tawtheeg.info/tawtheeg/shamel/maman299a/umgadah.mp3


للحفــــــــــــــظ (http://www.tawtheeg.info/tawtheeg/shamel/maman299a/umgadah.mp3)

اشتياق القرير
03-19-2012, 06:35 PM
كتب د.عوض (العوض بمنتدى البركل) بمنتديات القرير:

السلام عليكم
....
لم أكن أفقه شيئاً حينها وأنا اندس كغيري في الباص الذي أتى ليحملنا إلى موقع الأحتفال بنجاح المرشحين في الانتخابات
ولأنني استهللت مقالتي بأني لم أكن أفقه شيئاً فأنا معفي من سرد تفاصيل الإنتخابات تلك
كل ما أعرفه انها انتخابات اجريت في عهد مايو وكان الفائزون فيها من القرير العمدة محمد صالح ود بشير أغا ومن الشرق الشاعر اسماعيل حسن (ود حد الزين) وأظن أن العمدة كنيش كان فائزاً وقتها من نوري.
غني عن القول أن أهدافي من الذهاب إلى مكان الأحتفال (أظنه كان في القوز) كانت تتلخص في شيئين
أولها ركوب الباص وهذه كنا نعدها من ضمن المتع النادرة التي قل أن يجود بها الزمان
وثانيها سماع الشعر الذي لا بد وأن سيكون حاضراً خاصة أن ثلة من شعراء البلد كانوا مشاركين في ذلك الإحتفال.
وفعلاً لم يخيب الشعراء آمالنا
فقد تباروا في مديح الفائزين والسخرية من الخاسرين
ولكني ومنذ ذلك اليوم لم أعثر على أي من تلك القصائد الجميلة التي حفظنا أجزاء كبيرة منها على السماع
منها قصيدة جميلة للشاعر محمد المهدي حامد كان آخرها قد أثار حماسنا عندما قال:
نحن أولاد ضمة ضمة .... ومابي نعرف كلو كلو
وأظن أن القصيدة كانت مرتبطة بسخرية الشاعر اسماعيل حسن (ود حد الزين) من منافسه والذي كان اسمه فؤاد من منطقة البركل تحت...
حيث علق على اسمه بطريقته الساخرة تلك:
هسع عليك الله يا فؤاد ... اسمك ده زاتو ماهو اسم اتراك
وين شفتولكم شايقي اسمو فؤاد؟
....



القصيدة التي حازت اعجابنا وقتها
وحازت اعجاب معظم الحضور
قصيدة القاها الشاعر المرحوم حسن الدابي
كانت رموز المنافسين على ما أذكر (الفانوس) و(القندول) و(القطية)
فقال حسن الدابي ساخراً منها :




مبروك والف مبروك فازن الشدرات ** والحق حق والباطل صبح في شتات
في الضـل نحـن قيلنا المكاجر فات ** وناجضاهو الهجيري يدج بلا نعلات
الميزان نُصـب قـد رجحت كفات ** وديل كفاتنا نحن ترجح السموات
في غـابة الأسد شن دخل الصبرات ** وعارفات الأسد كفو الشمال كفات
في النيل تتحفر بير أو قعـد ينصات ** والريح شن تسوي وكت تهب في بلاط
الجـايات كتار اكتر من الرايحـات ** أخير يتعظوا مالا يفرحوا الشمات
الفـانوس مـكمل جـازو بقبق مات ** والقطية جاها عصار لواها وفات
إن كان للهلال بقى ليهو مـافي ثبات ** حالاً ضل زحزح غاب ورا نجمات
اتهجم الغزال قطـع حـبالو وفـات ** وضارب الوادي ينزاوغ ورا شدرات
القـندول عطش عند الشرايي ومات ** وقمحان سيدو علم الله من حبات
نحـن شـدرنا نور فـتح الزهرات ** ودندح بالثمار محروس من الآفات
نازل عـرقو في سابع البحور بحات ** رويان خلقه ما ربطولو بابورات
لله الحمـد قـد إنجـلت شــبهات ** وظهر التبر للعين تاني مافي غلات
اسماعيل وعمـدتنا إنتو اعملوا رباط ** وحكموا ربطو ايد على ايد تزيل عوجات
أرفعوا منطقتنا الواقعه جامعه صفات ** زمبيل التخلف وخيشه من بلوات
ابتدوا من جديد خلوا القـديم الفـات ** حوبتكن تراها الليله يا دوب جات
ماب تتوصوا وارثين الشهامه صفات ** ومعلوم بي كفوفكن تروا للغابات

اشتياق القرير
03-20-2012, 11:19 AM
يا حمايم زيدى نوح
كلمات الراحل حسن الدابى
اداء الفنان الراحل النعام آدم

http://www.sudanyat.org/upload/uploads/ya7mayem.mp3

اشتياق القرير
03-22-2012, 06:33 PM
والحزن يملؤنا ويسربلنا فتضيق عباءته ولا تتسع ... يفيض نيل ادمعنا فيغمر جراحاتنا وجراحات هذا الوطن اليتيم .. كيف لا ونحن نوارى (بعض) منا ساكن فينا .. نودع من كان يملك قواميس آلامنا واوجاعنا وآهاتنا .. هو كما كتب يكفينا كلنا مغفرة ... وبرغم فجيعتنا فيه فعزاؤنا ما تركه من اغنيات وامنيات واحرف خوالد سطره يراعه الطاهر ...

رثاء الشاعر ازهرى محمد على

جرح الوطن ختالنا خط
وحميد ختالنا خط مامنو نط
الليلي ياموت يا حيا
خاتي البختار الوسط

يافطون
فطن حميد فطمنا غنانا
لاطاطينا لاسبنا الخيول تاطانا
قدمناه امام لاضلَ لا ضلانا
ماهاب السجون مافز من سيطانا
وكت الكور حما ثابت ركز لبطانا
لكن البلاد باعت ايادى بطانا
عالجا بالرحيل مدت وراه لسانا
جربا بالعويل قلبت حديثه رطانا
حنسا بالهديل رخت الحبيبه اضانا
ذى كل الطيور دايما تحن لوطانا
ماضاق الوطن بس كبرت الزنزانا

ويادى البلاد الكل ماطايبتها
فتحت على جرحك جرح
الكل مانقطلها الكلمات عسل
نزلت على خاطرك ملح
لاتاكت ابوابها الانيقه ورحبت
لا ليله بى جيتك فرح
يادى البلاد
وين نحن هسى فى ياتو ليل
فى يات صباح
كل الشوارع تشتبه فيك
وتشابه بعضها
كل البيوت الواقفه طولها
تستبيح فى عرضها
وانا روحى تشتاق لبلاد
كان طينى من طين ارضها
ديك البلاد اللابتفوت فيك وكت
لايوم بتترك فرضها
يوماتى واصله بالحنين
يوماتى هى الفى النوم
تجيلك برضها

اشتقت ليها الشوق غلب
اشتقته انزع همى
فى عتبات بيوتها الواسعه
وانزع فى ضل عصاريها التعب
غنيتا بادب المديح
سمت غناى قلة ادب
ومشيت وراها ضريح ضريح
فتشت فى كل القبب
دقشت وراء الرزق الشحيح
ما اغنى مالها وماكسب
شغلوها بالنبى والمسيح
واتقاسموها رتب رتب
فى كل حته حصار حصار
فى كل فجه لهب لهب
صمدت امام وابل الرصاص
سقطت امام وابل الخطب
حنيت عليها من الضهب
حنيت على زحمة خطاها
التايهة بين رحمه وغضب
حنيت على دمى المشتت
فيها بين زنجى وعرب
حنيتا ياخى بلا سبب
ما دى البلاد الا جلبتها
للمدائن الصاخبه مقطوعة رحم
ولاتركتها فى الفيافى الشاحبه
مجهولة نسب
ولا رفعتها فى الرماح
ولامرقتها للمنافى
الواسعه تزروها الرياح
انا كنت كل ماالليل يفلل بندها
ياصابره حى ياصابره حى
ياصاااابره حى على الفلاح
ياصاااابره حى على الفلاح
ياصابره حى على الليالى
الفاتحه لوش الصباح
ياصابره حى على المدائن
الفاضله والقول المباح
لو كنت اقدر انزعك
من مخالب الخوف وجلجلة السلاح
ماكنت تانى رجعت ليك
خاوى اليدين دامى الخطى
ومكسور جناح

ولاكان نسيتك فى الزحام
تتعاطى مر الزكريات الفاجعه
والخدر الحرام
يادى البلاد الكل ماطايبتها
طاب ليها فى النفق المقام
زوجتها الحلم الجميل
خطبت خفافيش الضلام
وغنيته ما شاء الهديل
رطنت بما شاء الامام
راوضتنى وروضت كل الحواس
وهدهدت فى صحوى
شهوات المنام
ياطفله ابلغ من غناى
واجله عن كل الكلام
فرت ضفايرها ضفتين
والرمش تعريشة غمام
والثغر شخبين من حليب
والصدر برجين للحمام
جلست فما ابهى الجلوس
وقامت فما اسمى القيام
دخلت على الناس المسره
ومرقت على الارض السلام
وياصابره مادام الاسف
اسف على صبرك معاى
اسف على صبرك على
اسف على صبر السنين المره
عام من بعد عام
واسف اذا طال الشتات
فى الغربه او عزا المرام
واسف اذا طرف المدن
فراها اجنحة الخيام
ونزرتي عمرك للنزوح
للجوع واسلمت الطعام
واسف على هذا الكلام

اشتياق القرير
03-25-2012, 05:36 PM
يانجوي الزمان فراق

كلمات : الراحل حسن الدابي
الحان :
اداء : النعام ادم

http://www.sudanyat.org/upload/uploads/najwaa.mp3


save (http://www.sudanyat.org/upload/uploads/najwaa.mp3)

سلامات شامى : نص القصيدة

يا نجمة

يا نجمة الزمان فراق
ابكى وانوح عليك مشتاق
بعادك لى ما بنطاق
مر حنضل وما بينضاق
دمى عكر بعد ما راق
اريت العاقنى فيك يتعاق
مزروع فى قريرو دقاق
لسع بالعمار ما تاق
فجر بابورو دور ساق
يفوح من عودو طيب عباق
نورك من جبينك باق
وفاطرك منو طار براق
متبرة القدم والساق
عودك حكمو الخلاق
فى الفشفاش سهامك داق
حارق لى قلوبنا حراق
فيكى احتارت العشاق
سالبانا وبقينا رقاق
بقت بلدك بحورا غراق
حامى عروقا دودن شاق
لو يتعشم السراق
يضوق زى الوتد ما ضاق
يا قلبى البقيت خفاق
تحق الرحمة والاشفاق
حبيبك قالو ناوى فراق
ودابن تعبو ناس وراق

اشتياق القرير
03-25-2012, 05:37 PM
يا حمايم زيدى نوح
كلمات الراحل حسن الدابى
اداء الفنان الراحل النعام آدم

http://www.sudanyat.org/upload/uploads/ya7mayem.mp3

يا حمايم

يا حمايم زيدى نوح
روحى فى ريدكم دار تروح
الجدى الفى النلات يدوح
خدو سادة وحاجبو مفضوح
تاق لحظنى وجفل الجموح
ديدبانو يفرط الروح
تندى من جسمو عطور تفوح
قلبى بى نظراتو مجروح
الجبين زى بدر الوضوح
الزهر من خدو مفضوح
ثغرو منو البراق يلوح
بالادب والعفة ممدوح
يا مريسيل من عندى روح
اكتم الاسرار لا تبوح
تلقى رايقة وجيها الصبوح
النغيمة بلابل الدوح
قول لها المجنون زادجروح
كلما جات زكراك ينوح
بالسهل والديان يدوح
حالو حال قيس ابن الملوح

اشتياق القرير
03-25-2012, 06:32 PM
مشارع الهم
حسن الدابى
محمد كرم الله

مشارع الهم كتير انا واردا حتى بالآهات رئاتى مقددة
من صغير درفون مصيبتى مجلدة اكلى من زقوم شرابى من الردى
ام لهيب فى جوفى ديمة مولقدة عينى طافر نوما سقدة مسقدا
مالى دون الناس معيشتى منكدة منى ولا ارادة كايس أأكدا
ديمة شاحب لونى يا بخت العدا روحى راحت روحا قبلها وحدا
ريش نعام هضليما ديس متوسدا ووب على انا يا السرير الجن بدا
زهرة يا مامان مندى مفرهدة خرق عادة جمالا يوسف جابدا
ان نوت للقومة الكفل اقعدا هافا لفحة توبا ديمة ملبدا
النهد طغى وصل الفستان مدى تلخمك عينيها خاصاً اسودا
حاجبا الشرفولو ليهو الجو هدا والجبين لو واجه الويل يخمدا
فاطرا الفى القبسة ولول واصعدا فوقا كابى وقار خدودا موردا

http://www.sudanyat.org/upload/uploads/Presented by- sudani.ws - Presented by- sudani.ws.mp3

اشتياق القرير
03-26-2012, 09:57 AM
كتب عمنا مامان بمنتدى التوثيق : (حدثني المرحوم الشاعر حسن الدابي فقال أنه كان في ذلك الزمان يعمل ببوليس مروي ككاتب بلاغات (إحدى الوظائف الشرطية) ومن طبيعة عمله أن يقدم دفتر البلاغات صباح كل يوم للضابط المسؤول (ملاحظ البوليس) وكان الضابط المسؤول هو المرحوم مدني حسن مدني (من القرير) وهو مشهور بحزمه الشديد. كانت أغنية (شتيلة قريرا) مكتوبة في ورقة ووضعها شاعرنا في دفتر البلاغات

كان المرحوم بندة كثير الشجار مع الآخرين وصدف أن حكم بالحبس في سجن مروي وكان حسن الدابي يأتي ببندة من باحة السجن ويجلسه معه بالمكتب في العصريات، فوجد القصيدة في دفتر الأحوال وأخذها معه دون أن يخطر حسن الدابي. وقد اعتقد حسن الدابي أن القصيدة مازالت في دفتر الأحوال وخشي العقاب الشديد من الضابط ولكن الدفتر رجع اليه ولم يجد القصيدة. وفي صبيحة اليوم التالي عرف بأن بنده أخذها وحفظها عن ظهر قلب في نفس الليلة.

وبعد أيام خرج بنده من السجن وصدف أن كان الوجيه المعروف محمد عبيد أحد تجار مروي لديه مناسبة ختان نجله، فأحيا بنده الحفل وغنى الأغنية فكانت كالقنبلة حيث طلب منه أن يغنيها عدة مرات (18 مرة في نفس الليلة) وخرج بنده من الحفل بثروة حيث حشيت جيوبه بالأوراق النقدية وكانت 18 جنيه عدا ونقدا وهي ثروة في ذلك الزمان (تجيب بيت في ام درمان))

شتيلة قريرا بصوت المرحوم عبدالرازق فضل المولى (بنده)

http://www.tawtheeg.info/tawtheeg/shamel/salahalrasheed/banda1.mp3

اشتياق القرير
03-26-2012, 10:03 AM
جود يا باري جــــود للراحل حسن الدابى بصوت الراحل بنده

جود يا باري جود *** الرايقة لينا متين تعود
مابتدوم الدنيا ام قدود *** فرقت بينا بقت بلود
العمر ياجاهلة محــــدود *** ناري زادو لهيبا واقـود
ياالوراريق ليكم بصيح *** عقلي ضل بعد كان نصيح
قلبي مرضان فيهو جريح *** عندي شرياني إذداد نبيح
خدرتا الجرجيرة في اللون *** ذي جدي الغزلان العيون
يضوي براقا من السنون *** قالو في ام در سكنت سكون
ياالقرير كان فيكا نوار *** الظلام كان ذي النهار
رايقة وين سكن الديار ؟ *** حدثيني انا فكري محتار
ياحليل الرايقة ياالضــو *** قالو في ام در سكن الاشو
الخبر جابو هلو هـلو *** قدر الله انا شن بسو؟
رايقة قالت لي جنيت *** من زمان بوصيكا وابيــت
شن بوديك؟كان مو لخبيت *** تقطع ام راس من السبيـطhttp://www.tawtheeg.info/tawtheeg/shamel/salahalrasheed/banda2.mp3

ابومنذر
03-26-2012, 10:12 AM
اشتياق متابعين باستمخاخ للطمبور

غايتو الداير طمبور ما الو الا قوز السراى

وين اسامه ماباين وماظاهر فى البوست

شايفك قاطره تريلا بعجل حديد ..

اطربينا يا بت قريرنا واسمعينا من حكاويك ..

اسامه مطلوب حضورك ..

نحى نشاطك وهمتك يا بتنا ..

اشتياق القرير
03-27-2012, 08:20 AM
اشتياق متابعين باستمخاخ للطمبور

غايتو الداير طمبور ما الو الا قوز السراى

وين اسامه ماباين وماظاهر فى البوست

..

حباب ابومنذر القوز منور بى طلتك .. خليك قريب حتسمع كل جميل

اسامة فى السكة جايى

اشتياق القرير
03-27-2012, 08:24 AM
كديسة مدينى
تسرقي ضحى ونهار آ بره مالك
لا الطير انعدم لا الفار غلالك
مالك رامي نفسك في المهالك
تراها مديني قالوا مشركالك
حالفي من البلد تقلع نعالك
وحالفي لمتا فيك بي عود تتلافالك
وحالفي قبل الجاك تزنك بي شوالك
في دخولك وفي مروقك ختي بالك
انتي لا تامنيها كاتلي كتير قبالك
تعضعض في ايدا تهرج وشايلي حالك
وحالفي لمتا فيك بي عود تتلافالك

برة : مديني حلفت ما تخليك
ان طلعتي سكنتي في امية التمر ديك
طول ليلا ونهارا فزع بنوته باريك
لا التمر طلعنو.. سارقي اللحمة اتاريك
تفتحي في المغتغت برة شن ليك
لحم نص كيلو مو سوسيوة سيك سيك
برة جابوك للجقور خاب ظنهم فيك
يال البقيتي بلاوي رب العزة يبليك

البنات قالن لي فازعاهن مديني
في التمر طالعات ورا برة المسكيني
هي تهرج وشايلي فرار السنيني
وتقول لهن انهرنها ها التجيني
أماني آ برة عندي عليك غبيني
يوم سارقي اللحم .. ويوم اللبيني؟

http://www.tawtheeg.info/tawtheeg/shamel/shatrabi69c2/bora.mp3

سيداحمد شامي
03-27-2012, 06:03 PM
كلمات / حسن الدابي


مشتاقين انت متين تجينا .. سهرانين والليل طال علينا

الشباّن قالو صعب علينا .. والشابات قالو زهور جنينة

هبّ نسيم وجاور .. يا حليلا

قولي متين تسمح ليك ظروفك

قولي متين نحن نعود نشوفك

.. نار الشوق .. حارقة قليب ولوفك





http://www.youtube.com/watch?v=a-RmN-d4MUE&feature=player_embedded#!

اشتياق القرير
03-27-2012, 07:33 PM
المسلك عود القنا
كلمات الراحل حسن الدابى - غناء عبدالقيوم الشريف

المسلك عود القنا
القوام يا دوبو اتبنى
حبى ليك يشهدوا ربنا
على فراق اليوم بى سنة
زادوعذابى انايا الله زادوا
مروى بى بابورالقرير
الجداول ليهن خرير
سيدو ما بينشلوا من بير
فوقو حرم نقدة الطير
لونو يشبه شفق المغيب
نظرة من عينيه سهام تصيب
لا تعاتبنى انا يا حبيب
ما لقيت من غيرك طبيب
منى فر وطار الحمام
فى الغدير فرخ الوزة عام
دهورن حالى انا ياسلام
نمت كان السقد نام

http://www.algadwa.com/markaz/shamel/sabehf617/masalg2sabeh.mp3

اشتياق القرير
03-28-2012, 07:47 PM
كلمات / حسن الدابي


مشتاقين انت متين تجينا .. سهرانين والليل طال علينا



سيداحمد كيفنك

انت متأكد انها كلمات حسن الدابى ؟ انا سمعت انها كلمات النعام نفسو

سيداحمد شامي
03-29-2012, 04:41 AM
سيداحمد كيفنك

انت متأكد انها كلمات حسن الدابى ؟ انا سمعت انها كلمات النعام نفسو

حسن الداـــــــــــــي

بس انتي ممكن تاكدي اكتر

اخبارك وعروستي كيف ؟؟:p:p

اشتياق القرير
03-30-2012, 11:43 AM
اخبارك وعروستي كيف ؟؟:p:p

سلامات وتحايا يا شامى عساك طيب

العروس مضيناها لى زول تانى عشان انت عملت خيانات:p:d

اشتياق القرير
03-30-2012, 11:47 AM
( فجـولى الـلـشـوفا )

كلمات وألحان: حـسـن الـدابى
غناء : بخيتة سعـد الله ( فـرفاشة )
هذه الاغنية منقولة من منتدى التوثيق الشامل والشكر الجزيل للدكتور صلاح الرشيد على التسجيل النادر
http://www.tawtheeg.info/tawtheeg/shamel/salahelrashid/saad1.mp3

الخزين ود نصر
03-30-2012, 02:22 PM
سلام إشتياق القرير .. الاغنية أبت تفتح معاي ... فجو لي معاكم باي طريقة اللسمع .. زمان كانت مسجلة عندي محل طارت ما عرفتها ... مشكورة مقدما ..

اشتياق القرير
03-31-2012, 07:16 PM
سلام إشتياق القرير .. الاغنية أبت تفتح معاي ... فجو لي معاكم باي طريقة اللسمع .. زمان كانت مسجلة عندي محل طارت ما عرفتها ... مشكورة مقدما ..

انت جيت آلخزين .. حبابك الف

كدى راجع برامج الصوت عندك فشان تسمع الغنا الطاعم دا انت شغال بى شنو؟

اشتياق القرير
03-31-2012, 07:19 PM
هذه الاغنية من التسجيلات النادرة التى اوردها د. صلاح الرشيد له اجزل الشكر بصوت الفنانة فرفاشة
فراقو الله ارادو
http://www.tawtheeg.info/tawtheeg/shamel/salahelrashid/saad2.mp3

اشتياق القرير
04-01-2012, 09:19 AM
عزى ابوك

عزى ابوك يا الرايقة حاكيلنا الوزازين
الرقيبة قزازة زى البانة فى اللين
ما الزبيب ؟ ما الخوخ ؟ وما الرمان مع التين ؟
فى زهور خديكى محتارة البساتين
ناس فلانة وغيرا ديل ساكت عناوين
اليبارنك ينجنك من العين
العيون كشافة والفاطر بلا الصين
مالى كان جنيت ؟ كم لله مجانين

http://www.tawtheeg.info/tawtheeg/shamel/fakheraldin/margni-ezeyabpk.mp3

اشتياق القرير
04-02-2012, 07:28 AM
من نيرانو محروق
حسن الدابى
بصوت الفنان ميرغنى النجار

يا الله من نيرانو محروق
جمبى زارعنو عجو الشروق
مروى بابورو فجر يسوق
فوق جريدو يحمل يتوق
قلت أخد منو وأضوق
سيدو قالى دا ماهو للسوق
قلتو مرضان خليك شفوق
قالى حتى انم مت بالشوق
قالى خف عجل بالمروق
لاتحوم بى فوقى خازوق
جرعونى الحنضل عروق
وحرمونى دواى كيف أروق
شتتلو الخمره ماروق
فى المقيل قمرى يسوى قوق
نهدو يا دابو بدا المروق
رافع الفستان منو فوق
الضمير ليهو الايد تحوق
الا بس فى مشيها ممحوق
زولى زيو عدم فى الخلوق
ألادب والعفه والزوق
تضوى من بسماتو البروق
ديسو سابل ما هو ملصوق
نظره من عينها الزرق
ترهب المحجوب وزروق
http://www.sudanyat.org/upload/uploads/gassimkhalid-----alnjar.com.mp3

اشتياق القرير
04-07-2012, 06:27 PM
قارسيقة الصيف

ودعت قارسيقة الصيف
الليلة قامت يا لطيف
يا البقيمو الدين الحنيف
عقلى ولى واصبح ضعيف
فى الخيال منها جانى طيف
انسلب لحمى بقيت نحيف
نور جبينك نظرو الكفيف
البدر يستحى ليك يقيف
سمحة ما حلاها تزييف
لا دهب لاشى تكاليف
يا رجال الله ولى وشريف
لى تجيبوجديةالديف
جوز عيونك ساحبلى سيف
كيف تحاربينى انا ليك حليف

اشتياق القرير
04-07-2012, 06:28 PM
كفاى عذاب

يا خلة كفاى عذاب
المقدر ليهو اسباب
يوم رحيلن نعق الغراب
فرقن خلا الدار خراب
الجدى المن ضلو هواب
اختفى ومن واديهو غاب
من عيونو رمانى نشاب
لى شرايين القلب صاب
فى اطبا الكون ظنى خاب
وينو دكتور عقلى المصاب
قالو جن وعقلو استطاب
الفقير قال طبو الحجاب
لو يطيب مجنون الرباب
مالو مجنون ليلى ما طاب
جفنى ساهر ودمعى منساب
ادعيت ودعاى ما استجاب
غى جمالك حارن ألباب
الصغار والشيب والشباب
من شذاك ريح الصبا الهاب
فاطرك الشبَ ووابلو كاب
الصدر رمانة يا داب
والشفايف لونا عناب
ارتضيت بالذل والعذاب
امتثلتلو خاطرو ما طاب

اشتياق القرير
04-09-2012, 09:08 AM
كتب العم مامان بمنتدى القرير ما يلى عن القصيدة الفكاهية حسن الدابى:

سأستعرض معكم عددا من قصائد المرحوم شاعرنا الكبير حسن الدابي الفكاهية ، مع تقديم شرح بسيط عن مناسبة كل قصيدة ، ثم أقوم بايراد نص القصيدة. وأعتقد جازما أن المرحوم حسن الدابي كان يرسم بالكلمات رسوما كأنها كاريكاتير ، الأمر الذي جعل من قصائده تجد قبولا ويتخطفها الناس ويحفظونها عن ظهر قلب.

ولعل (سمكة شديرة الفاس) كانت من القصائد التي وجدت قبولا واسعا حتى أن الفنان النعام آدم كان يتغنى بها في حفلاته في القرير خاصة. ولعل الجيل الجديد لا يعرف القصة فكان لا بد لي من عمل مقدمة للقصيدة.

لهذه القصيدة قصة، ويلاحظ أن أغلب المذكورين في القصيدة كانوا يعملون بـ (الباجور) والباجور هو محطة رفع المياه من النيل بالقرير لتسقي المشروع الزراعي. وللعلم فقد تم إنشاء مشروع القرير الزراعي في عام 1918م أي قبل انشاء مشروع الجزيرة بسبعة أعوام. ويقال أن سمكة ضخمة من النوع المسمى (البقر) قد دخلت في شجيرة تقوم على ضفة النيل تسمى (شديرةالفاس) وسميت بذلك لأن أوراقها تذبل عندما تضرب فروعها كخدعة تستخدمها.. السمكة لم تستطع أن تخلص نفسها من الشرك الذي وقعت فيه. ويبدو أنها في محاولاتها لتخليص نفسها كانت تغطس وتظهر على سطح الماء ... وقد أغرى حجمها الكبير عمال وموظفي البيارة للمحاولة بالفوز باصطيادها. ولكن ذلك كانت يتطلب العوم في منطقة عميقة وخطرة للقبض على السمكة... وباءت محاولات الجميع بالفوز بالصيد الثمين... ونقل أحد الحاضرين الخبر لحسن الدابي الذي سارع بتخليد ذكرى الحادثة في القصيدة التالية:




يا سمكة شديرة الفاس
حجمك قالوا عاتي خلاس
عليك متلملمين الناس
من القال بقرا للقال كاس
واحدين قالوا شفنا الراس
يظهر ياها أم الماس
نزلوا الموية عوم وكباس
امواجن بلا الرفاس
قالوا الحتة قاطعي خلاس
وحددوا ما لقولا يباس

شاطر خالي ود على طه
برضو حقوق ما خلاها
شال فرارو عايم جاها
ضرب الحوتي ما في لقاها

حسن مدني كان ما فيش
جا وقال كت زمان في الديش
اصلو افكاري مابتطيش
بس جيبولي بالة خيش
بمرقة لو تطير بالريش

عبد الرحمن حلف ما يسيبه
قال انا هسع امشي اجيبه
فتش ما عرفلها صيبه
قال والله حاجة غريبة

للعوم قال حسين مابطيق
شيبو السمكة جاها حريق
آكل لي قرش دفيق
ولا باكر يقولو غريق

يسن قالو با احمد لا لا
من تالا العرق ببقالا
وانت معاي اتلقالا
يمكن يبقى فيها تقالا
بعض الحوت بدور لو عتالة

شوف عبد الرحمن كيف زعلان
حلف بي الله والنبيان
يحرسا ما يفوت له بكان
وحدو معاها للآذان
مش لو سمكة لو شيطان
الا يضوقا الجيران

شوفو جنابو جاب خرطوشو
اتحزم وقف جمب حوشو
قال يا اخوانا شن بتكوسو
ساكت في الهجيري تدوشو
زحو الكور خلوني انوشو

خلا القهوة جاها فضيل
قال ما حدثوني قبيل
اقرنو لي جوز برميل
خلوني الأدف النيل
لو كورا يوازن الفيل
الا اجيبو راسو عديل

شوفو السمكة كيف زعلانة
تبكي وتشكي من جيرانا
قالت عكروها معانا
شن سويتا جاتكم أمانه

قالت مالي شن سويت
لي زمنا طويل من جيت
وعاملة الشدرة لي زي بيت
كان طفحت كان شقيت
دي مويتي الفيها اتربيت

اشتياق القرير
04-09-2012, 09:10 AM
كان حسن الدابي يصور كل الأحداث التي تحدث في البلد خاصة تلك التي تحمل بعض الجانب الفكاهي.. وكان الناس ينتظرون قصائده الفكاهية بفارغ الصبر وربما اختلقوا قصصا لحثه على تأليف القصائد الفكاهية. وهو في هذه القصيدة لم يترك حتى أقرب أقربائه (الصادقاب) عندما وصلته الأخبار أنهم اصطادوا أبو القدح (أم دريقة) وكانت ضخمة كثيرة اللحم... وقسموها بينهم وكانت وليمة كبيرة استفادت منها حتى الطيور الجارحة والحيوانات آكلة اللحوم:



في السمع صادقابنا حصلت فيهو غارة
ضابحين ام قدح وصلتنا أخباره
قالوا بي فوق التمر تلعب صقاره
والحديات ضاربه صفارات انذاره
الصبار والكدسة للمصران تنجاره
والكلب قال نتفق نلعب مباراه
اتلزم سيد احمد بي احضاره
شرطو كومين في اللحم وكوم في المرارة
جابا في دكانو لا لوم لا عراره
وبالسنج وزنوها كم وقات عباره
يا لطيف ود العوض أحمد جزاره
قسما وفوق الحيط دقدق أسعاره
قال: حريم الحلة ما بحمل هزاره
وحقو دخلو في الخرج فوق الحمارة
جمال ود جولة غيبتك مو بشارة
وكتي ناقة ناس بنيش جبتيهو تاره
كيف تبعتها يا علي النفس الأماره
فيك ثقتنا ضاعت يا خساره
أتلي إذ يعدون وشرك بالسنارة
وكان قبضتها جيبا في البيت بي أستاره

اشتياق القرير
04-12-2012, 10:50 AM
أواصل نشر قصائد الدابي الفكاهية. وهذه قصيدة (البحث عن دهن الصبرة)
الصبرة هي الثعلب، وكان هناك اعتقاد بأن دهنها مفيد لأوجاع المفاصل. كان العم المرحوم أحمد محجوب الملقب بـ (الكديس) يشتكي من آلام المفاصل فحكى مشكلته للمرحوم الشيح /الحسن بشير أغا والذي يمتلك بندقية واستنجد به لاصطياد (صبرة) بغرض الاستفادة من دهنها. نقل المرحوم العمدة عبد الله بشير أغا الحكاية لحسن الدابي فكانت هذه القصيدة والتي تصور كيف تحرك الصياد من بيته وتحرى الأماكن التي توجد بها الصبار حتى ظفر أخيرا بستة منها



جاني عبد الله معاي حضر
قال لي يا خي الموضوع خطر
الحسن ما جاني اعتذر
والكديس لي حقي ودر
انت قاضينا الموقر
حالا افتح لي محضر
قت لو حاضر وما اعتذر
وبرضي خايف من الحقر

في ضلاما قبسو منشر
شيخ بلد شال بندقو وفر
حاقبو من البيت معمر
بالحفير خاد ألمي العكر
ناسي لاسم الله ما ذكر
في الجناين جوة طفر
غير قميص.. بي سروالو تر
حافي من الجزمة بالمر
جسمو مليان جريح شدر
ووشو من الدك مغبر
كل مرة يقيف وينصر
في مشيهو تشوفو دنقر
قالو بالحواشات سدر
وواصل الساساق ما فتر
لا كرم ساقي ولا متر
وبالبراسيم هجم الفرر
دربو بالمدناب اتحدر
قالوا كايس دهن الصبر
وبرضو في الآخر انتصر
خشمو باسم عقلو منسر
ستة جابن قبل السحر
دابو راق دمو المعكر
لا فحن فوق عضم الضهر
وبالعراقيب الدم قطر
أدو ود محجوب الخبر
قالوا موضوعك تيسر
قام صديقك بالليل ندر
لي دواك اهتم حضر
وفوق رباع سيلا انحدر
حسو من شداهو شخر
قامبو في الشعفوف والمطر
وكل مرة يلك يقول عر
لحظة شافوه قريب ظهر
طب قبل الله واكبر
خش مبسوط حسو قرقر
قال : تعيش يا صاحبي الضكر
في كتير خيرك ما نكر
خاطري من غيرك ما انجبر
أدى اتنين ليهن غرر
قالوا حاسب وكون في حذر
أسلخن فوق قيف البحر
واللحم ينفع للسكر
شقهن من عند الصرر
وبالقلم أرسم لك مجر
الجلود سوقن قالوا حر
أوعه واحد فيها يخسر
شالن أحمد للبيت سدر
والكلاب باراه نر نر
ضايقنو يسوي جر جر
فيهو شامات ريحة الزفر
والجلد في الحر ما صبر
ريحتو جايبي الصقر الطفر
للأمر حالا تدبر
ودهنو جاب جالون مكركر

ودالحوش
04-17-2012, 08:26 PM
سلام اسامة.....
نرجوان تكون في تمام الصحة...طال غيابك

مخلصك

صلاح عبد النبي
04-12-2013, 12:06 AM
ولمن فاتهم هذا الابداع
وللذين أثروا هذا البوست فردا فردا
ومعظمهم قد طال غيابه عن الموقع باكمله
اتمنى ان يعودوا جميعا لنلتقي على رمال القوز مرة اخرى .....

ودحامد
06-13-2013, 02:58 PM
https://soundcloud.com/ahmed-sardop/1-wmv

عبدالعظيم منصور
07-02-2013, 12:16 AM
سلام ..هسع انا اتجهجهت ...اسامه و عوض ..انت تخاطبوني الان وللا دا بوست قديم..وبعدين جوووه دي وين ...انا غاتس للطاقيه ...

اسامة حمزة
07-02-2013, 09:01 AM
سلام ..هسع انا اتجهجهت ...اسامه و عوض ..انت تخاطبوني الان وللا دا بوست قديم..وبعدين جوووه دي وين ...انا غاتس للطاقيه ...

سلامات يازول ياجميل .. والله طلتك تفرح ..

شاكر ومقدر والله .. سعيد بي رفعك للبوست ده ..

--------------

اسامة حمزة
01-03-2014, 10:47 PM
نبدأ حيث انتهي الجميل عبد العظيم منصور وهي مرحلة نحتاج فيها للوقوف عنده كمجطة واظن ان الاخ شامي سيد احمد سيكون حضورا هنا لمزيد من القاء الضوء علي اعمال الجميل عبد العظيم ..

فـ عبد العظيم منصور واحد من الاصوات التي عطرت ساحة فن الطنبور وقدمت الكثير من الاعمال التي تعتبر نقطة تحول في مسار الاغنية .. وهو واحد من امهر واجمل وابرع الملحنين الذين عرفتهم ساحة الاغنية ..
///

شامي يلا انا منتظرك ،،،


..

ودحامد
08-06-2014, 03:57 PM
حينما ***

عوض جلاس
08-06-2014, 08:41 PM
يا حليل القوز

متوكل طه محمد احمد
09-08-2016, 07:35 PM
حمام الدوح
يا حمام الدوح ما هذا الهديل .... أغناء هو أم دمع يسيل !

قد آثرت الشوق فاحمل بعضه ... لحبيبي ولا تقل: حمل ثقيل

أنت لو تــدري بما أحمله في .... فـــــؤادي من ذلك الخــــليل

لاعـــتراك الخــوف من حبي ... فما لي يا صاح في الحب مثيل

يا حمام الدوح أخبره بما ........ فعل الشوق وذا دمعي ذليل

قل له انه ما كان إلا قاتلا ....... وأنا من ســـــحر عينيه قتيل

يا غزالا حلّ في جناتنا ......... فاستحى من حسنه ورد الخميل

أنت بدر كامل في تكوينه ....... أنت نور الشمس في وقت الأصيل

أنت فــجر باســم من نوره ..... ينجلي همي مع الليل الطويل

أنت كالنسمة في الصبح وهل ... كــنسيم الصبح شـــافٍ للعليل

أنت طيف مــرّ يومـاً عابراً .... هـــزّ قلبي فغــدا فيـــه النزيل


جاداك الله بحســن وافــــر ...... أحـــــرام أن تجود لي بالقليل


ظمئت نفســـي فاقبل ســاقياً ..... أنت ينبوع الحياة الــسلســبيل

أنت في العمر ربــيع دائم ....... ما تـــمنـيـنا عـــنه الــــرحيل

أنت عيد الحب في تاريخنا ...... قد تــوارثـنــاه جيــلاً بـعـد جــــيل

قـــدري أنت وإنــي قــادم ....... فانـتـظرني أيـها الخلّ الجميل

لا تــقـل أضحى محالا وصلنا ... فحــيــاتي لــيس فيــها مســـــتحيل

صابرين
10-26-2016, 09:56 AM
حمام الدوح
يا حمام الدوح ما هذا الهديل .... أغناء هو أم دمع يسيل !

قد آثرت الشوق فاحمل بعضه ... لحبيبي ولا تقل: حمل ثقيل

أنت لو تــدري بما أحمله في .... فـــــؤادي من ذلك الخــــليل

لاعـــتراك الخــوف من حبي ... فما لي يا صاح في الحب مثيل

يا حمام الدوح أخبره بما ........ فعل الشوق وذا دمعي ذليل

قل له انه ما كان إلا قاتلا ....... وأنا من ســـــحر عينيه قتيل

يا غزالا حلّ في جناتنا ......... فاستحى من حسنه ورد الخميل

أنت بدر كامل في تكوينه ....... أنت نور الشمس في وقت الأصيل

أنت فــجر باســم من نوره ..... ينجلي همي مع الليل الطويل

أنت كالنسمة في الصبح وهل ... كــنسيم الصبح شـــافٍ للعليل

أنت طيف مــرّ يومـاً عابراً .... هـــزّ قلبي فغــدا فيـــه النزيل


جاداك الله بحســن وافــــر ...... أحـــــرام أن تجود لي بالقليل


ظمئت نفســـي فاقبل ســاقياً ..... أنت ينبوع الحياة الــسلســبيل

أنت في العمر ربــيع دائم ....... ما تـــمنـيـنا عـــنه الــــرحيل

أنت عيد الحب في تاريخنا ...... قد تــوارثـنــاه جيــلاً بـعـد جــــيل

قـــدري أنت وإنــي قــادم ....... فانـتـظرني أيـها الخلّ الجميل

لا تــقـل أضحى محالا وصلنا ... فحــيــاتي لــيس فيــها مســـــتحيل

يالروعه الكلمات يأخى متوكل
هذا البوست كان متنفس للجميع ونرجو من أخونا اسامه أن ياتينا بالجديد لمواصلة مابداه من روائع محتاجين نسمع

زكريا بابكر عمر
10-26-2016, 11:21 AM
كل مره نجي نتاوق ونرجع... ياااربي المحل ده يفتح متين :confused::confused:

العابره
10-26-2016, 11:55 AM
كل مره نجي نتاوق ونرجع... ياااربي المحل ده يفتح متين :confused::confused:

تراهو فتح....تعال داخل...

زكريا بابكر عمر
10-26-2016, 12:24 PM
تراهو فتح....تعال داخل...

نان أدخل بلا سيد المحل يبقي في..باكر باكر تسرقونا وينشال حالنا زي طارق الحرامي:p:p:p

العابره
10-26-2016, 05:05 PM
نان أدخل بلا سيد المحل يبقي في..باكر باكر تسرقونا وينشال حالنا زي طارق الحرامي:p:p:p

عليك النبي؟ كان كدي اجراك النمرق من هني لامن يجوا نجيهن صادين...
يعلم الله ماني قايلاهن ناس شبك!

اسامة حمزة
10-26-2016, 07:05 PM
بعد غيبة .. اظنها قاربت الثلاثة اعوام ها نحن نعود .. نحمل فينا خالد الحاج اسماً ومكانا ولوحة جسدت اسمي معاني الترابط..
برغم الغياب .. كان البركل علي ارض الواقع يتجسد علاقات طيبة مع اخوة اعزاء عرفناهم عبر الموقع و لم تنقطع هذه العلاقات بل زادت عمقا ومتانة ..
.
عودة الي صفحات البركل ومن بوست قوز السراي احب البوستات الي قلبي ،، فقد كان ميلاده حبا ومودة.. وترعرع هذا البوست باقلام اخوة واخوات احمل لهم جميلا وامتنانا ..
اتمني ان نجد البركل كما اراد له خالد الحاج ، وكما احلامنا السابقة ..

.

بت المك
10-26-2016, 07:59 PM
البوست العجيب

قوز السراي وللامانة هو سبب دخولي البركل..

كنت بفتش عن مجموعه اغاني لعبدالعظيم منصور وجابني قوقل


البركل واحة من تعب المشاوير

اسعدني جدا ان احتمي بظلها من هجير الايام

وممتنه لكل الاقلام اللي اتعرفت عليها هنا وبقوا عزيزين جدا على القلب

كونوا بخير

طارق علي صالح
10-26-2016, 08:07 PM
بعد غيبة .. اظنها قاربت الثلاثة اعوام ها نحن نعود .. نحمل فينا خالد الحاج اسماً ومكانا ولوحة جسدت اسمي معاني الترابط..
برغم الغياب .. كان البركل علي ارض الواقع يتجسد علاقات طيبة مع اخوة اعزاء عرفناهم عبر الموقع و لم تنقطع هذه العلاقات بل زادت عمقا ومتانة ..
.
عودة الي صفحات البركل ومن بوست قوز السراي احب البوستات الي قلبي ،، فقد كان ميلاده حبا ومودة.. وترعرع هذا البوست باقلام اخوة واخوات احمل لهم جميلا وامتنانا ..
اتمني ان نجد البركل كما اراد له خالد الحاج ، وكما احلامنا السابقة ..

.

بوست يلامس الوجدان اخي الحبيب اسامة
ورجوعه اليوم علي صدر المنتدي أسعدني والله
اتمني ان يكون دائماً في الواجهة ،،،
وعبره يعود كل الغائبين ،،،
التحايا والأشواق أختي بت المك

،،،،

كسلاوي
10-26-2016, 08:19 PM
بعد غيبة .. اظنها قاربت الثلاثة اعوام ها نحن نعود .. نحمل فينا خالد الحاج اسماً ومكانا ولوحة جسدت اسمي معاني الترابط..
برغم الغياب .. كان البركل علي ارض الواقع يتجسد علاقات طيبة مع اخوة اعزاء عرفناهم عبر الموقع و لم تنقطع هذه العلاقات بل زادت عمقا ومتانة ..
.
عودة الي صفحات البركل ومن بوست قوز السراي احب البوستات الي قلبي ،، فقد كان ميلاده حبا ومودة.. وترعرع هذا البوست باقلام اخوة واخوات احمل لهم جميلا وامتنانا ..
اتمني ان نجد البركل كما اراد له خالد الحاج ، وكما احلامنا السابقة ..

.
أسامة الرائع

والله مشتاقييين

وبس :d

عمر احمد عمر دهب
10-26-2016, 08:22 PM
بعد غيبة .. اظنها قاربت الثلاثة اعوام ها نحن نعود .. نحمل فينا خالد الحاج اسماً ومكانا ولوحة جسدت اسمي معاني الترابط..
برغم الغياب .. كان البركل علي ارض الواقع يتجسد علاقات طيبة مع اخوة اعزاء عرفناهم عبر الموقع و لم تنقطع هذه العلاقات بل زادت عمقا ومتانة ..
.
عودة الي صفحات البركل ومن بوست قوز السراي احب البوستات الي قلبي ،، فقد كان ميلاده حبا ومودة.. وترعرع هذا البوست باقلام اخوة واخوات احمل لهم جميلا وامتنانا ..
اتمني ان نجد البركل كما اراد له خالد الحاج ، وكما احلامنا السابقة ..

تسلم ااسامه
ودائما نسعد بك اينما تكون
ونفتشك احيانا فى لقاء تلفزيونى قديم اوحديث
او فى بوست مثل هذا
التحية لك
وللاخ الكريم طارق على صالح

طارق علي صالح
10-27-2016, 11:11 AM
الاخ اسامة
في فترة الغياب الطويلة حدثت تغيرات كثيرة في ساحة الطنبور
تحتاج لجلسات في رمال القوز ،،، نتمني عودة لياليه العامرة ،،،

اسامة حمزة
10-29-2016, 07:29 PM
البوست العجيب

قوز السراي وللامانة هو سبب دخولي البركل..

كنت بفتش عن مجموعه اغاني لعبدالعظيم منصور وجابني قوقل


البركل واحة من تعب المشاوير

اسعدني جدا ان احتمي بظلها من هجير الايام

وممتنه لكل الاقلام اللي اتعرفت عليها هنا وبقوا عزيزين جدا على القلب

كونوا بخير

بت المك ..

زمن طويل .. ولكن .. كان الخيار هو العودة
اشكر حروفك الانيقة ..
..
والجديد قادم اكيد

اسامة حمزة
10-29-2016, 07:40 PM
بوست يلامس الوجدان اخي الحبيب اسامة
ورجوعه اليوم علي صدر المنتدي أسعدني والله
اتمني ان يكون دائماً في الواجهة ،،،
وعبره يعود كل الغائبين ،،،
التحايا والأشواق أختي بت المك

،،،،



شكرا طارق داعم فكرة العودة .. وصاحب الفضل فيها ..
البوست سيعود كمان كان . وسيظل يحمل الجديد والمفيد ..
سيعود قوز السراي انيقا نقيا .. جميلا كما اراد له من حملوه فكرة وسهروا من اجله الليالي ..

...

اسامة حمزة
10-29-2016, 07:42 PM
أسامة الرائع

والله مشتاقييين

وبس :d

دكتور كسلاوي ..

كيفنك ..
اهلا اول شي ،
الشوق ده احساس اكبر من كل الاحاسيس
..
تحية ومودة وشوق

...

اسامة حمزة
10-29-2016, 07:43 PM
بعد غيبة .. اظنها قاربت الثلاثة اعوام ها نحن نعود .. نحمل فينا خالد الحاج اسماً ومكانا ولوحة جسدت اسمي معاني الترابط..
برغم الغياب .. كان البركل علي ارض الواقع يتجسد علاقات طيبة مع اخوة اعزاء عرفناهم عبر الموقع و لم تنقطع هذه العلاقات بل زادت عمقا ومتانة ..
.
عودة الي صفحات البركل ومن بوست قوز السراي احب البوستات الي قلبي ،، فقد كان ميلاده حبا ومودة.. وترعرع هذا البوست باقلام اخوة واخوات احمل لهم جميلا وامتنانا ..
اتمني ان نجد البركل كما اراد له خالد الحاج ، وكما احلامنا السابقة ..

تسلم ااسامه
ودائما نسعد بك اينما تكون
ونفتشك احيانا فى لقاء تلفزيونى قديم اوحديث
او فى بوست مثل هذا
التحية لك
وللاخ الكريم طارق على صالح

عمر دهب ..

.

تحايا طن .. واشواق ..


من هنا لاقدام انا قاعد

..