المساعد الشخصي الرقمي

مشاهدة النسخة كاملة : قـوز السُـرّاي .. وإبــداعـات الطنبـور


الصفحات : 1 2 3 4 5 6 7 8 9 [10] 11 12 13 14

الهادي قنديل
06-04-2009, 02:47 AM
ونواصل في البوم الهوى يستحيل

والى اغنية (العشق الجنون) والكلمات لابراهيم ابنعوف بالتأكيد


http://sudaniyat.net/up/uploading/alishggnoon.mp3

واصل هاشم
06-04-2009, 12:07 PM
السراي سلام عليكم
والله لقيت المقطع دا وعجبني جدا حبيت انزلو ليكم

width=400 height=350

WIDTH=400 HEIGHT=350

بنت النيلين
06-04-2009, 12:24 PM
شهرزاد

سمحة النصوص فوق اهلها .. على وزن (سمحة القدله فوق اهلها)

حلـّينا محلك في غيابك (وإذني معاي طبعا) :p

بنت النيلين

حبابك في قوز السراي من جديد .. نتمناك دوما هنا

والله يجمعك ويجمعنا في (عوضك) اقصد في خناس اهلا بالرائعة شهر زاد واسم على مسمى والله .. وخناس وردة المنتدى وانتي نقول عليك قمر دورين قوز السراي ... واصلي والى الامام دوما ... تحياتي وبالود والاخاء نتواصل ..:):):)

زينب بابكر عمر
06-04-2009, 02:54 PM
السراى
ازيكم
اولا: أهنئكم ونفسي بعودة رائدة التوثيق الأولى
شهرذاد وصاحبة اليراع الفذ والمداد الانيق
بعد ن سكت قلمها عن الكلام المباح زمنا
عوداً حميدا ويابخت البركل بالعوده
وهنيئا للسراى بإنضمامك لعقدهم الفريد

ثانيا: مسئولين من الخير وين خناس
فتشتها بلد بلد ما لقيتها قلت يبقى القاها هنى فوجئت بغيابها
الهادى نزل اغنية يا أشتقت ليكى ويا ما بكت عيونى
النفقده بيها

مودتى

خناس هاشم
06-04-2009, 09:41 PM
سُراى الليل والقوزاب على قول طيبان
عدنا والشوق باعيننا
ما اصعب الغياب
وما اقسى الكلمات حينما تكون لتبرير هذا الغياب
وما أجمل لحظات العوده
هى ايام معدودات غبتها عن البركل وقوز السراى ولكنى احسبها شهور وسنين ويشهد الله على ذلك
لم اجد من الكلمات ما استطيع التعبير به عن سعادتى بإنقضاء هذه الايام وباذن واحد احد لن يتكرر الغياب مره اخرى

اما انتن عزيزاتى بت النيلين وخالتى زينب
سؤالكم عنى افرحنى جدا ولن تستطيع الكلمات ان تعبر عن سعادتى بكم
وكعادتى دوما تقف الكلمات حاجزا بينى وبين التعبير عما بداخلى

بنت النيلين
06-04-2009, 10:02 PM
سُراى الليل والقوزاب على قول طيبان
عدنا والشوق باعيننا
ما اصعب الغياب
وما اقسى الكلمات حينما تكون لتبرير هذا الغياب
وما أجمل لحظات العوده
هى ايام معدودات غبتها عن البركل وقوز السراى ولكنى احسبها شهور وسنين ويشهد الله على ذلك
لم اجد من الكلمات ما استطيع التعبير به عن سعادتى بإنقضاء هذه الايام وباذن واحد احد لن يتكرر الغياب مره اخرى

اما انتن عزيزاتى بت النيلين وخالتى زينب
سؤالكم عنى افرحنى جدا ولن تستطيع الكلمات ان تعبر عن سعادتى بكم
وكعادتى دوما تقف الكلمات حاجزا بينى وبين التعبير عما بداخلى وردتنا الجميلة حمد لله على سلامة عودتك وعودا حميدا مستطاب والله مشتاقين والشوق مطر وجاري سيل فوق قوز السراى وكان اتأخرتي شوية كان مطر شوقنا خلى القوز دلجي .. لكن ناس القوز ابدعوا واتحفونا بكلما هو رائع وجميل وصراحة كانوا اكتر من رائعين ... تحياتي لك ولهم .. وبالود والاخاء الصادق نتواصل:):):)

عوض جلاس
06-05-2009, 12:51 AM
نجوم القوز صباح الخير
وحمداً لله على السلامة بعودتك الأخت خناس والأخ واصل
وتحية ندية للأخوات زينب وبت النيلين وشهرزاد
الهادي واسامة وينكم الليلة
منتظرين الجديد

الهادي قنديل
06-05-2009, 02:31 AM
نجوم القوز صباح الخير
وحمداً لله على السلامة بعودتك الأخت خناس والأخ واصل
وتحية ندية للأخوات زينب وبت النيلين وشهرزاد
الهادي واسامة وينكم الليلة
منتظرين الجديد

الرائع عوض جلاس

اسامة مشغول بالتحضير للاحتفال بالاستاذين الجليلين

وخليك قريب المحطة القادمة سننتقل الى البوم جديد من البومات عبد القيوم

زينب بابكر

قطعت خناس رفع اي اغنية .. بحضورها يسقط عني طلب رفع الاغنية

خناس هاشم

سلامة العودة بعد يومين غياب


ونمشي

واصل هاشم
06-05-2009, 08:06 AM
سراي الليل
كيفنكم وصباحكم زين
الهادي امشي لا قدام ونحن وراك

عوض جلاس
06-05-2009, 12:26 PM
سراي الليل والنهار نهاركم سعيد
وجمعة مباركة وربنا يتقبل منا ومنكم صالح الأعمال

بنت النيلين
06-06-2009, 12:29 AM
نجوم القوز صباح الخير
وحمداً لله على السلامة بعودتك الأخت خناس والأخ واصل
وتحية ندية للأخوات زينب وبت النيلين وشهرزاد
الهادي واسامة وينكم الليلة
منتظرين الجديد مشكور الاخ عوض وتحيتك ان شاء الله تردها لك ملائكة الرحمن ولك تحياتنا الاخوية .. مع فائق الاحترام ... وبالاخاء الصادق دوما نتواصل .....:):):):)

الهادي قنديل
06-06-2009, 06:57 PM
اسامة حمزة

نعلم مشغوليتك في الايام الفائتة

وعذرناك

وننتظرك اليوم لتدخل لنا في تفاصيل البوم (اواخر الليل)

وستجدنا بجابنك... هذا ان لم تجدنا امامك


ونمشي

اسامة حمزة
06-07-2009, 01:17 AM
شكرا الاخ الهادي قنديل شكرا عوض جلاس وواصل هاشم واعتذر للجميع عن الانقطاع

البوم اوواخر الليل يمثل المحطة الثانية في مسيرة ثنائية عبد القيوم الشريف وابراهيم ابنعوف وهويمثل نقطة تحول كبيرة جدا في مسيرةعبد القيوم الشريف اذ مثل اضافة حقيقية لرصيده الفني

اولي الاغنيات


اغنية اواخر الليل


http://sudaniyat.net/up/uploading/AWKHRALEL.mp3



ونواصل

شهرزاد
06-07-2009, 08:56 AM
نص أغنية اوآخر الليل
الشاعر / إبراهيم أبنعوف
غنيتك اواخر الليل غنوات والعالم مابين غافي وحاس
ياغايبة وحاضره ووكتيه ياطالعه ونازله مع الأنفاس
***
غنيتك فرح أكبر من كون اشكال الوان افاق وابعاد
غنيتك حزناً شالو الهم كحل عينين من غير مرواد
غنيت لقاك شعوتني الشوق لا ضقت غميد لا شفت رقاد
لامن حننتا القافيه دموع عطرتبا صورتك والكراس
***
غنيت طانشت هواجس الليل لكن الليل طانشني وطال
شتان ما بين ليل زولاً موجوع وليل رافل في الزين والفال
أقصر أو طول يا ليل تنزاح لابد من صبحا يرفي الحال
ماك أصعب من يوماً في العيد شهاني الفرح الشالو الناس
***
معليش لو مره اتزاعلنا أو حتي حصل بيناتنا خصام
دا ما معناه إنك تقسي وترميها اللايمه علي الأقسام
انتي البرضاك اوهتي الريد وفي حق الريد والله حرام
معقول الببني الريده سنين يرجع في غفله يهد الساس ؟
***
أنا ما ياني الخضرت الحن حاحيت من فوقو جفاك وجفاي
عشعشتك في الخاطر ذكري وما كان الخاطر ليك نساي
لا انتي بتشبهك القسوة لا كت بتخيل تبقي جزائ
اتخيلي حال زولاً عاشق معشوقو إرتد عن الأخلاص !!
***
كيف تبقي تحب لو ما عانيت وما شلت الحب آلام وجراح ؟
والحب لو ما ودّر بالزول ما بكون في نظري الحب الصاح
والقلب البات بالحب مهموم احسن من قلباً نام مرتاح
وأنا عندي سماحة الريد في اتنين آنات الليل والطرف الحاس

اسامة حمزة
06-07-2009, 10:32 AM
شهرزاد .. شكرا جدا وتابعينا غنية بغنية


تحايا

الهادي قنديل
06-07-2009, 09:11 PM
اسامه

ومعك نبحر في البوم اواخر الليل وكلمات القامة ابنعوف وصوت عبدالقيوم الطروب

طبعا يا اسامه عبدالقيوم من الفنانين الذين يطربون نفسهم اولا ً ومن هنا يأتي تفاعل الجمهور معه ... وعينك ماتشوف الا العمة في السما :p


شهرزاد

دايما حاضرة بنصوصك

خليك قريبه

ونمشي

اسامة حمزة
06-07-2009, 10:03 PM
الاخوة السراي

لكم التحية والتقدير

نواصل في سرد تفاصيل تجربة انتاج الكاسيت عبر الشركات الفنية في مسيرة اللفنان عبد القيوم
قلنا ان تجربة الثنائية بين عبد القيوم وابراهيم ابنعوف حققت دعما لكليهما اذ اظهرت ابنعوف في جانب غنائي يمثله عبد القيوم الذي باشعار ابنعوف انتقل الي لونية جديدة عرفته بها الساحة من جديد كفنان صاحب مسيرة ولونية تمرحلت من احمد سيد احمد وحاتم الدابي ومحمد سفلة والفاتح بشير الي ابراهيم ابنعوف

حبيبتي انا
http://sudaniyat.net/up/uploading/habeebty0.mp3



.

اسامة حمزة
06-07-2009, 10:08 PM
ابراهيم ابنعوف شاعر من اطول نخلات الشمال وله اسهامات واضحة في تاريخ اغنية الطنبور .. جاءت ثنائيته مع الفنان عبد القيوم كتجربة فريدة اضافت للساحة الكثير من الابداع

عاشق ترابك من البوم اواخر الليل
http://sudaniyat.net/up/uploading/ashgtra.mp3



.

الهادي قنديل
06-07-2009, 11:38 PM
شغل رائع والله يا اسامه

تعرف اغاني ابراهيم ابنعوف دي واحد من اتنين

تعرف تتعامل معاها صاح ترفعك السماء

تحاول تجتهد فيها اكتر تنزلك الارض

والكلام عن الفنان بالتأكيد

هذا من وجهة نظري الشخصيه طبعا

؛في انتظارك استاذنا صلاح عبدالنبي لتحدثنا عن تجربتك اللحنيه والعمل الذي جمعك وعبدالقيوم

واصل هاشم
06-08-2009, 07:13 AM
ما شاء الله يا السراي اسامة والهادي ابداع شديد
معليش والله مشيت لي مشوار كدا لحدي هولندا في الايام الفاتت ديل حرمنني منكم
اها جيناكم راجعين

واصل هاشم
06-08-2009, 07:15 AM
رقم جديد حبيت انو يكون من نصيب القوز
رقم ما اظن يتكرر قريب
999999
http://sudaniyat.net/up/uploading/08-06-2009%2008-15-25.png

في حد ينافس في الارقام القياسية:D:D:p

عوض جلاس
06-08-2009, 07:35 AM
تحياتي الأخ واصل
وحمداً لله على السلامة
وفي انتظار صور هولندا
وألف مبروك التميز والإبداع والإنجازات للقوز وللمنتدى
وبالتوفيق دوماً إن شاء الله
وشكراً الهادي وأسامة وشهرزاد وبت النيلين
ومبحرين مع المحطة الجميلة ومواصلة ثنائية عبد القيوم وود ابنعوف
وفي انتظار بقية الإلبوم
وين الدكتورات هديل وخناس ؟؟؟؟

شهرزاد
06-08-2009, 09:20 AM
نص أغنية .. حبيبتي انا ؟؟
الشاعر / إبراهيم أبنعوف
بتسألوا عن حبيبتي أنا
حبيبتي أنا ..
وسعادة عمري في الدنيا
الوراها فنا ؟؟
***
دي آمالي العريضة البيها أشوف
دنياي سرور وهنا
وصباحي الزار بعد ليلا ً
سهرتو ضني
حبيبية عمري , آمالي وأعز مني
وشعوري الفايضة في جواي
هناك .. وهنا
وحروفاً ديمة أفخر بيها وسط الناس
وفي الدارات أشيلا غنا
دي حبي البين ضلوعي
إشراق ونور وسنا
تسألوا عن حبيبتي انا ؟؟
***
اسألوا عنها بتلقوها
في كلمة سلام ما أتقال
وما قالو الحبيب لحبيبو ..
أبدأ .. وما خطر بالبال
في رنة نغيم سلكاية ..
وفي سيرة العديل والفال
وفي زغرودة في الدارة
وادين مرفوعة للشبال
بتظهر في جلال لقيا
وتبين في براءة أطفال
بتسألوا عن حبيبتي أنا ؟؟
***
حبيبتي نغم حنين ..
ينساب مع موال
من عالم بعيد جواي
يموج بالبهجة
ينسيك إنو لينا زوال
فيهو أحلم وأشوف واحات
خضرة كست تلال وجبال
عالم في ترابو الغالية
ما حطت رحال ورحّال
وما عبرت سهولو أحزان
ولا هجرت رحابو آمال
عالم .. عندي أشوفو حقيقة
إلا الناس تشوفو خيال
تسألوا عن حبيبتي أنا ؟؟
***
حبيبتي أنا من عهود الريدة
عهداً باليمين أوفيهو
وحتي ان كان شقيت في دابا
قلبي تكون سعادة عليه
شان لولاها ما كان ينسي
أيام مرة من ماضيه
شان لولاها ما كانت
تزور البسمة يوم شفتيه
شان لولاها ما دنياه
باسمة والحزن ناسيه
وشان لولاها
ماعاش في نعيم
الناس تحسدوا عليه
تسألوا عن حبيبتي أنا ؟؟

شهرزاد
06-08-2009, 09:33 AM
نص أغنية .. (أغنية للوطن)
الشاعر / إبراهيم أبنعوفيابلد عاشق ترابك ... ومن ترابك عشقي نابع
زينة فوق ارضك طبيعتك ... جنة الله بلا منازع
***
انت طيب .. ياحبيب ... وطيبة فوق صدرك منابع
انت توتيك انت بركل ... وراسي للقاصدك يضارع
ياتواريخ للحضارة ... يا حضارة كتابها ناصع
ويا بطولاتاً تجلجل في ... العصور والمجد تابع
***
يجري نيلك فوق عديلك ... يسري بالخير والمنافع
شارفه جنات فوق ضفافك ... طيبها من عرق المزارع
ياسلام عند المغيرب ... سرب طير لاوكارو راجع
غني للأنسام شجونو ... وصفق الموج المسارع
***
في خريفك زاهي ريفك ... كاسيا هضره وصيدو راتع
وفي البعيد حد ما تعاين ... حاضن السماء للمزارع
تلقي تربالا مشمر ... في البرد والحر يصارع
هاشي باشي علي ديارو ... وراضي بالقسمو الله قانع
***
من صفاتك جن بناتك ... ولبسن التهذيب مقانع
بي حياهن وبي عفافن ... طششن عين المطامع
السميحات يا حلاتن ... يشبهن لك بدر ساطع
فتحت زهرات صباهن ... عاشقن للحسرة جارع
***
مرحبابك .. بي شبابك ... وشيبك الفي حماك يدافع
شالو اسمك في صدورن ... وسيفن اللي الفتنة رادع
يا وطن ليك التجله ... من رجاك جفت المضاجع
حيهم وبارك خطاهم ... ساعية للغيط والمصناع
***
يا حياتي .. وذكرياتي ... ويا هواي من قمت شافع
كم أحبك وأفدي حبك ... لا أجادل لا أمانع
يا وطن أهواك مخاطب ... يا وطن أهواك مسامع
يا وطن أهواك قضية ... فيها خاصم وبيها لاافع

اسامة حمزة
06-08-2009, 09:40 AM
شهرزاد تحياتي ومبسوط من متابعتك لينا من خلف الكواليس

بقية الاغاني حا تنزل اليوم

تابعي معانا

اسامة حمزة
06-08-2009, 09:44 AM
رقم جديد حبيت انو يكون من نصيب القوز
رقم ما اظن يتكرر قريب
999999
http://sudaniyat.net/up/uploading/08-06-2009%2008-15-25.png

في حد ينافس في الارقام القياسية:d:d:p



واصل هاشم ملك الارقام القياسية ..\\حمدلله علي السلامة ووين الصور ..هنا اولاً ثم منتدي ود كروم ..

حقيقة من ملاحظاتي المبكرة عن واصل قوة ملاحظاته وتدقيقه في تفاصيل مدهشة جدا

مانسحرك ياواصل ..

عوض جلاس
06-08-2009, 10:00 AM
أسامة كيف حالك
معليش أمس شايفك في الماسنجر تتكلم معاي وما قدرت أرد عليك
لأنو أمس عملت فرمتة للجهاز وما عارف الحصل شنو للماسنجر
يفتح ويقفل براهو
إن شاء الله الليلة برجعو تاني للفني عشان يظبطو
ما تقول الزول دا طنشني

الهادي قنديل
06-08-2009, 10:04 AM
القوز قلب نهار ؟؟؟

في غيمة الليله ولاّ شنو ياقول صاحبي عوض جلاس ؟؟ :p


واصل يمين قايل نفسي دخلت لي قسم شرطه التسعات الكتيره دي شنو؟؟؟


شايف سفرياتك كترت ياحبيب .. مابتحلك برضو

فتـّرتنا ياخ:p

واصل هاشم
06-08-2009, 10:08 AM
الاحباب عوض جلاس واسامة
لكم التحية
للاسف مشيت روتردام زيارة صغيرة وما كانت بغرض الفسحة والسياحة عشان كدا ما صورت البلد وكمان لانو دي ما اول مرة امشي والجو كمان كان ماطر ما بيساعد علي التصوير
لكن ان شاء الله المرا الجايا بملاكم صور

واصل هاشم
06-08-2009, 10:09 AM
الله يديكي العافية يا شهرزاد ملكة النصوص الشعرية في هذا المنتدي
بحضورك ازدان القوز وزاد ألقا وبريقا

لك التحية

هديل
06-08-2009, 01:07 PM
تحياتي الأخ واصل
وحمداً لله على السلامة

وين الدكتورات هديل وخناس ؟؟؟؟

عوض جلاس فيك الخير والله ...وما منعنا منكم الا الشديد القوى

خلاص الايام دى بديت العد التنازلى فى انتظار مناقشه الرساله

لاتنسونا من صالح الدعاء ...ونشوفكم قريب

اسامة حمزة
06-08-2009, 01:17 PM
عوض جلاس فيك الخير والله ...وما منعنا منكم الا الشديد القوى

خلاص الايام دى بديت العد التنازلى فى انتظار مناقشه الرساله

لاتنسونا من صالح الدعاء ...ونشوفكم قريب



دكتورة هديل بركة الظهرتي .. فقدناك

مبروك مقدما مناقشة رسالة

اسامة حمزة
06-08-2009, 10:57 PM
لازلنا في سردنا لمسيرة الفنان عبد القيوم الشريف وتجربة ثنائيته مع الشاعر ابراهيم ابنعوف فهي تحربة ذات ابعاد منها ان التجربة استطاعت ان تصل الي مستمع جديد لاغنية الطنبور وبها استطاع ابنعوف ان يربط بين ثلاثة اجيال بدءاً بالنعام ادم وحتي عبد القيوم الشريف



التحدي / ابراهيم ابنعوف /البوم اواخر الليل
http://sudaniyat.net/up/uploading/tahady.mp3

.

الهادي قنديل
06-09-2009, 07:27 AM
هديل

ربك يهون كل قاسي عليكي لو كان مستحيل

بالتوفيق

اسامة

كعادتك دائما تتحفنا بالمزيد .. قصيدة التحدي من القصائد التي وجدت رواجا ً منقطع النظير .. وما اجمله من تحدي عندما يأتي من ابراهيم ابنعوف
تلتها بعض التحديات او بالاصح بعض الردود من شعراء آخرين .. عبدالله محمد خير كمثال..ورجع ابنعوف للتعقيب كعادتة دائما

وقد تغنى بكل هذا الاغاني الفنان عبدالقيوم.. وسنتناول النماذج في مسيرتنا هذه بأذن الله

شهرزاد

الحقينا بالنـص

ونــمشي

شهرزاد
06-09-2009, 09:23 AM
نص أغنية التحدي
الشاعر/ إبراهيم أبنعوف
نومى قريرة فى خدرك .. إذا ما ضماكى ليل
وخلينى أنا للدرادر .. وسهـاد الليل الطويل
معاك قبلان التحدى .. أسـوم بيهو الروح عديل
وأشوف لا وين لىْ يودى .. عنادك والمستحيل
أعصفى شوق لا تهدِّى.. يخـمْ فوق راسى ويكيل
أنسى أو اتناسى ودى.. وميلى خلاف ما أميل
هيا ادعى زبانية عذابك .. إذا شايفة البى قليل
إذا ويلك عندى جنة .. أكيد بعشـق كل ويل
سوى سواة قوم آزر .. وقـود نارن للخليل
ونارك برداً سلاماً .. على قلباً بيـك عليل
أدفرى قواسيك علىَّ.. مجـَرَّبْ وليهن بشيل
وحتى الضالات طريقن .. علىْ ببقـالن دليل
يسوِّن زى ما يسوِّن .. شنو الأكـتر من قبيل
شنو الفضَّل منى يرقب .. بزوغ الفـرح الجميل
جفاكى هجيراً يحرِّق .. وأكوس فى حنــِّك بديل
وضل الدوم يرمى غادى.. ويحرم التحتـو المقيل
صواريخ لحظك وسهامك أفوت من ديل ألقى ديل
وأقـــع بيناتن ممدد .. والم باقى الصبـر حيل
متل ما الله حباكى .. نواعس وطـرفاً كحيل
سيوف تضرب بين لواحظك تكاد تسمعك الصليل
حبانى مواضى القوافى .. شياطين أشعـارى خيل
أجاجيبا أمثال عيونك .. واتشرف أمـوت قتيل
عشان لا بسعد بلاهن .. ولا غيــرن لىْ سبيل
ولا بقدر أفوت حِدَّاهِنْ .. ولا بيحلالى الرحيل
خصامك وشدة قساوتك.. أخير من عطف البديل
يقل غلطك والا يكتر.. يقابلو الشكـر الجزيل

اسامة حمزة
06-09-2009, 10:50 AM
شهرزاد

شكرا علي المتابعة .. الرحلة الجاية الي البوم الشوق غلاب .. تجربة اخري من عبد القيوم الشريف

خليك معانا

تحية

اسامة حمزة
06-09-2009, 11:53 PM
...
يقول الفنان عبد القيوم عن تجربته مع ابراهيم ابنعوف:-

كانت تجربة مفيدة وقدمت له جمهورا جديدا ... وتجربة الثنائية مع ابراهيم كانت مرحلة رسمت نفسها علي حارطة الاغنية ..

خرج عبد القيوم الشريفي من تجربة ابراهيم وهو اكثر نضجاً واكتر استقراراً وكما قلنا فان المتابع لمسيرة عبد القيوم يلاحظ ان عبد القيوم قد اختلفت طريقة اداءه وتوظيف الفرقة المصاحبة له واختياره لاغنياته والحانه وحتي تعامله مع جمهوره

خرج عبد القيوم من تجربة ابنعوف الي تجربة محمد احمد الحبيب وهي تجربة استطاع عبد القيوم ان يقدم عليها بثقة بعد ان تجاوز كل صعاب تجربة ابنعوف


لسعات النحل / محمد الحبيب / البوم الشوق غلاّب
http://sudaniyat.net/up/uploading/lsaatanahal.mp3


.

اسامة حمزة
06-10-2009, 12:06 AM
خرج عبد القيوم من تجربة الثنائية الي التنويع في انتاج الكاسيت بين شعراء الطنبور فكان البومه التالي ( الشوق غلاب ) الذي جمع بين عدد من الاسماء اللامعة في قبيلة الطنبور
و بعد نجاح تجربة تجربة الهوي يستيحيل استطاع عبد القيوم ان يكتشف الكثير من امكانية توظيف الفرقة المصاحبة مع اضافة لمسات واصوات نسائية من شأنها ان تكون اكثر تطريبا وان كان البعض قد يري انها قد تكون غير مفيدة بالقدر الكبير وهنا نقف مع المبدع صلاح عبد النبي ليفتينا في بعض النقاط التي سوف نستمع الي بعض نماذجها



الشوق غلاب / ابراهيم ابنعوف
http://sudaniyat.net/up/uploading/alshogglab.mp3


.

اسامة حمزة
06-10-2009, 12:32 AM
عاد عبد القيوم الي التعامل مرة اخري مع الشاعر السر عثمان الطيب بعد ان غني له في بداية المسيرة اغنية ذكراك يامسافر باقية
عاد عبد القيوم ليتغني للسر برائعته الاجتماعية ( الضرة ) كلون الفه عبد القيوم في مسرته مع الشاعر حاتم الدابي


الضرة / السر عثمان الطيب
http://sudaniyat.net/up/uploading/darra.mp3


.

الهادي قنديل
06-10-2009, 07:21 AM
الحبيب اسامه

ما اجملك وانت تبحر بنا في بحر عبدالقيوم وتجاربه مع ابنعوف ومحمد احمد الحبيب وتاج السر عثمان الطيب

والشوق غلاب في بعدك يا اغلى امــاني

يا سر الروعة الاسطورة


وبجيك بي رواقة

عوض جلاس
06-10-2009, 08:04 AM
الأخوان أسامة والهادي سلام
محطة عبد القيوم أفردت لنا الكثير من الإبداع في جمال وأناقة أغنيه
فابحرنا في معظم الإلبومات الغنائية التي نشرها وابدع فيها
وأظن إننا في مفترق الطرق ونحن نصل إلى إلبوم الشوق غلاب
والذي حوى على الطرب والشجن والأصالة والألم
ولكن قبل أن نبحر فيه أظن ان إلبومه السابق أواخر الليل لم يكتمل
فهناك ثلاثة من أجمل الأغاني فاتها قطار الرحلة وهي
الملامة ـ شقيك يا دنيا ـ بلا ميعاد
اراكم لم تتطرقو لها هنا لعل المانع خير

الهادي قنديل
06-10-2009, 08:16 AM
الرائع جلاس

كونك هنا .. هو الوضع الطبيعي

اما بخصوص اواخر الليل .. فدفة قيادتة عند اسامة حمزة (اخير ارميها فوقو مادام جابتلها نقصان ):p

انا املك كل اغاني عبدالقيوم في جهازي بس للاسف بدون ترتيب حسب الالبومات

ونمشي

ابومنذر
06-10-2009, 09:31 AM
[=#ff1493][color=#ff1493]الاخوان الاعزاء كبير القعده الاخ اسامه وبقيه العقد الفريد حقيقه قوزكم سمح بالحيل color]ولولا العمل لقعدنا وساهرنا معكم فى القوز الليل كله لكن الله غالب ما بنقدر على السهر بليل نحنا ناس نهار ساكت المهم حبيت اشاركم قوزكم لكن بالنهار واشيد بما متعتونا بالثوثيق لفنانينا صراحه لما اسمع الطمبور حيلى بيبرد عديل خصوصا عبد القيوم[/]يا ريت تنزلو احدث اغانى لهذا الفنان المميز .


مع مودتى,,,,,,,,,,,,,,

الهادي قنديل
06-10-2009, 09:41 AM
ابو منذر

اسمح لي في غياب كبيرنا اسامه ياقولك

ان ارحب بك في قوزنا العامر بوجودك فيه

يشرفنا وجودك النهاري هنا

وخليك قريب

اسامة حمزة
06-10-2009, 10:28 AM
الأخوان أسامة والهادي سلام
محطة عبد القيوم أفردت لنا الكثير من الإبداع في جمال وأناقة أغنيه
فابحرنا في معظم الإلبومات الغنائية التي نشرها وابدع فيها
وأظن إننا في مفترق الطرق ونحن نصل إلى إلبوم الشوق غلاب
والذي حوى على الطرب والشجن والأصالة والألم
ولكن قبل أن نبحر فيه أظن ان إلبومه السابق أواخر الليل لم يكتمل
فهناك ثلاثة من أجمل الأغاني فاتها قطار الرحلة وهي
الملامة ـ شقيك يا دنيا ـ بلا ميعاد
اراكم لم تتطرقو لها هنا لعل المانع خير



تعرف ياعوض ..

فجأة اكتشفت اني مريت بدون انزل الاغنيتين ديل لكن بلا ميعاد دي نزلت

انا متااااكد منها

تحياتي ولشكرك للتنبيه .. سنعود اليهما

اسامة حمزة
06-10-2009, 10:34 AM
المشاركة الاصلية بواسطة :- ابو منذر



الاخوان الاعزاء كبير القعده الاخ اسامه وبقيه العقد الفريد حقيقه قوزكم سمح بالحيل

شكرا للمتابعة والمرور
ولولا العمل لقعدنا وساهرنا معكم فى القوز الليل كله لكن الله غالب ما بنقدر على السهر بليل نحنا ناس نهار ساكت المهم حبيت اشاركم قوزكم لكن بالنهار واشيد بما متعتونا بالثوثيق لفنانينا صراحه لما اسمع الطمبور حيلى بيبرد عديل خصوصا
عبد القيوم ياريت تنزلو احدث اغانى لهذا الفنان المميز

جدا وطلبك محل تقديرنا انشاء الله
مع مودتى

واصل هاشم
06-10-2009, 10:40 AM
غايتو يا سامة والهادي قعدتونا في كنبة المتفرجين بس
لعبتوها راس ومرة مرة كدا شهرزاد بتجي
غايتو انا اعترف العندي كملت وما عرفت زاتي اسوي شنو الا اقعد واسمع بس
الله يديكم العافية وتمتعونا كمان وكمان

عوض جلاس
06-10-2009, 10:56 AM
تعرف ياعوض ..

فجأة اكتشفت اني مريت بدون انزل الاغنيتين ديل لكن بلا ميعاد دي نزلت

انا متااااكد منها

تحياتي ولشكرك للتنبيه .. سنعود اليهما

أسامة سلامات
فعلاً أغنية بلا ميعاد نزلتها أنا في بداية الحديث عن عبد القيوم
واسع بمشي أجيبها هنا
باقي الأغاني حاولت أرفعها ما رضت تترفع معاي
منتظرنك تجيبها أنا والهادي:p

عوض جلاس
06-10-2009, 11:08 AM
بلا ميعـــــــــــاد
http://sudaniyat.net/up/uploading/blamiaad.mp3

بنت النيلين
06-10-2009, 01:52 PM
بلا ميعـــــــــــاد
http://sudaniyat.net/up/uploading/blamiaad.mp3مشكور ويديك الف عافية ..تحياتي وبالود والاخاءا لصادق دوما نتواصل ....:):)

شهرزاد
06-10-2009, 02:10 PM
نص أغنية مدهشة
الشاعر/إبراهيم أبنعوف
الشوق غلاب .. والوعد سراب
في بعدك يا أغلي أماني
وآحشاني عيونك وآحشاني ؟
***
يانسمة صباحية إنسرقت تتخلل مر صيف أحزاني
في أرحب واحة ريد فوق أرضها واكتب عنواني
يا الله عليك تمليني إعجاب وتجددي آمال من تاني
***
مدهشة يا شمساً تشرق علي قامه وإبداع رباني
لا تثيري عواقب الريد جواي لا تصحي همومي وأشجاني
وأنا بين الحاضر والماضي لا زال بتعذب إنساني
ضميني إياب نسيني عذاب خلي الأفراح تتلقاني
***
أنا جيتك من واقع مذري وعالم مليتو وملاني
لا تسألي عن كنه حياتي أنا جسداً وروحاً غلباني
أرسم للناس الكون بهجة وطرباني وما بينهم أغاني
ما رمت خطاب الا وجاب أنا شاعر لو صح بياني
***
تاتيت الريد لامن دفق وخايفلو من الزمن الجاني
شيليه علي صدرك رأفة وختيه علي حنك تاني
حجيه حجا فاطني السمحي والفارس الروياها أغاني
وياما الأحباب يوم يبقو قراب الدنيا تزغرد من نشواني
***
يا شامخي علي كل الدنيا يا وحي الشعر الإنساني
جد روحي تفتش لي روحك وما كان لقياك في حسباني
ما فاكرك من صبري تمرقي وتختالي علي أوتار ألحاني
والأمل الغاب طول ما جاب الليلي ألقاه وبيلقاني .

شهرزاد
06-10-2009, 02:13 PM
نص أغنية بـلا ميعـاد
الشاعر/ إبراهيم أبنعوف
بنتظرك بلا ميعـاد
بينك والأماني يطول رجا الفرح المشا وما عاد
تعالي مع الزمن موال أمدو على ليـالي السو
أدندن بيك للحجرات وللنسم المباري النــو
أصفق والقمر يرقص مع الموج المراقص الضو
أطنبر بيك للأشواق
وأسمعك أي زول مشتاق
وأكتب لا القلم عاجز ولا يوم جف فــيه مـداد
تعالي ندرج الأيام على درب الهـوى الوحيد
نلملم من فراقنا كلام نلحنو في لقانا نشــيد
غيابك بح صوت الناي وراك تاهت غناوي الريد
طلي من الصباح اشراق
يراري على ندى الأوراق
يصحي عيون فراش حائــر على خفر الغصن الناد
تعالي بلا خبر برجاك على وقد الهوى المقدوح
وعلى الحزن البعاتب الهم وهـــــــــم روحا يسل الروح
يشحتفه ديمة بي أشواق بسيمتك والوشي المطروح
أنادي عليك من اللأعماق
أشارف وجهك التـاواق
أشاشي على مدن عينيك وأرحل من بلاد لبـلاد
أدخلي ووزعي الأفراح على كل البيوت في الحي
وأبقي غنيوة القاعدين ومساديـر البشقو الصي
دا كان كلامي معـاك دا كان آخر حديثك لي
وقت كان الزمان حواق
قبل ما يجري بينا فراق
قبل ما تهب رياح البين وتكشح فوق وجوهنا سواد
بنتظرك بلا ميعاد موهدب الا كلي عشم
على عتب الأمل ساند ضهر صبري النقص ومـا تم
تعالي أيام زماني وحيد بلاك وشي حياتي سجم
بيني ولو على الآفاق
بدايات المطر نقناق
مطر فرحك على الأحزان حديثا تاني ما بنزاد

عوض جلاس
06-10-2009, 03:50 PM
هلا ومرحب أخونا أبو منذر
وشرفت القوز وأكيد عندك ما تضيفه لنا هنا
منتظرنك

بت النيلين حبابك عشرة مالك تجي وإيدك فاضية ؟؟؟
القوز محتاج لمساهمتك

شهرزاد مجهودك كبير وتوثيقك جميل لك الشكر
واصلي طوالي

اسامة والهادي كيف قيلتو
منتظرنكم بي غادي في البرصة

اسامة حمزة
06-10-2009, 05:08 PM
المشارركة الاصلية بواسطة واصل هاشم


غايتو يا سامة والهادي قعدتونا في كنبة المتفرجين بس

واصل هاشم ازيك .. نان ساعة قاعد تجي تكاوي فينا وشايل كمرتك وحايم من فرنسل لا هولندا ..نحن نتجدع بي شنو .. نحكي ليك عن الكلاكلة ولفة الجريف .؟؟؟
لعبتوها راس ومرة مرة كدا شهرزاد بتجي
يازول ليقنا مافي زول .. عوض جلاس شكلو كدة الليت حقو رجع بقي يجي بالنهار
غايتو انا اعترف العندي كملت وما عرفت زاتي اسوي شنو الا اقعد واسمع بس
الله يديكم العافية وتمتعونا كمان وكمان

وجودك براهو كفاية وكفانا اننا نحس بيك متابعنا ..

تحياتنا وداير اديك فكرة ( عندنا ناس تخصص سرقة روابط .. حقو تستعين بيهم ..اهو القحة ولا صمة الخشم .. :d:)) انا قلت خناس والا هديل ؟؟؟؟؟؟

مودتنا

طارق علي صالح
06-10-2009, 05:36 PM
http://sudaniyat.net/up/uploading/soray.gif

عوض جلاس
06-10-2009, 07:48 PM
http://sudaniyat.net/up/uploading/soray.gif

كربكان ـ الجلاء ـ عطارد ـ الزهرة
الليلة جايات في يوم واحد ليه ؟؟؟

اسامة حمزة
06-10-2009, 11:02 PM
http://sudaniyat.net/up/uploading/soray.gif


طارق علي صالح تغيب وتجيب .. عقدتنا عديل .. انا راجيك للبرنامج

طارق علي صالح
06-11-2009, 09:28 PM
كربكان ـ الجلاء ـ عطارد ـ الزهرة
الليلة جايات في يوم واحد ليه ؟؟؟
عوض الزومة ولا جلاس

واصل هاشم
06-12-2009, 08:59 AM
المشارركة الاصلية بواسطة واصل هاشم




واصل هاشم ازيك .. نان ساعة قاعد تجي تكاوي فينا وشايل كمرتك وحايم من فرنسل لا هولندا ..نحن نتجدع بي شنو .. نحكي ليك عن الكلاكلة ولفة الجريف .؟؟؟

يازول ليقنا مافي زول .. عوض جلاس شكلو كدة الليت حقو رجع بقي يجي بالنهار


وجودك براهو كفاية وكفانا اننا نحس بيك متابعنا ..

تحياتنا وداير اديك فكرة ( عندنا ناس تخصص سرقة روابط .. حقو تستعين بيهم ..اهو القحة ولا صمة الخشم .. :d:)) انا قلت خناس والا هديل ؟؟؟؟؟؟

مودتنا

والله يا اسامة يا اخوي غايتو بالجد الا احندكم بي الحوامة في البلاد الحلوة دي
لكن اني انافس معاكم دي ولو اجي الطيش فدا بقي شي مستحيل عديل
الله يديكم العافية
هو بالمناسبة وين ناس السرقة بقوا مختفين

واصل هاشم
06-12-2009, 09:00 AM
http://sudaniyat.net/up/uploading/soray.gif

ابداااااااااااااع يا طارق تسلم يدك

خالد البدوي بابكر
06-12-2009, 02:47 PM
كلما أجي أدور أطلع القوز ده ألقى الهجيري حارة والباتا تتملي رملة وتسخن ..
الليلي برّدت الواطة ولبست البقر المو خمج وعراقي وسرول ومتلفح لي توب . تحسبا لي برد آخر الليل ..
وطلعت القوز أخيرا .. ولدهشتي لقيت البلد عامرة .. والمواضيع ممتعة وثرية وظريفة ..
حرّم لو كنت عارف الحكايي سمحي كدي كان طلعت حبيان ..
كدي النتجول شويي و أجيكم راجع ..

خالد البدوي بابكر
06-12-2009, 03:19 PM
انا اول شى دايرة اطعن فى جايزة الهادى قنديل فى الاول
وبعد داك نشوف المسابقه الجديده...
خالد البدوى حذرنا من التعالب ..لكن حسب مسكنتنا صدقناهو[/size]

كمان لقيت إسمي مكتوب في صخرة من صخور القوز .. الله يديك العافية يا د.هديل يابتي ..

خالد البدوي بابكر
06-12-2009, 09:05 PM
كربكان ـ الجلاء ـ عطارد ـ الزهرة
الليلة جايات في يوم واحد ليه ؟؟؟

عوض جلاس يابختك كل البواخر راسية عندك .. بس أعمل حسابك من الجلا مايسوي فيك السواها في عبدو أخوي (ود الدابي مالك ساكت) بعدين إلا تكورك لي زكريا ..

عوض جلاس
06-12-2009, 09:26 PM
عوض جلاس يابختك كل البواخر راسية عندك .. بس أعمل حسابك من الجلا مايسوي فيك السواها في عبدو أخوي (ود الدابي مالك ساكت) بعدين إلا تكورك لي زكريا ..

خالد تحياتي
كان الجلا سواها فيي زي عبدو
بقولو كتير الطفشا الجلا من فريقا

عوض جلاس
06-12-2009, 09:32 PM
نواصل التبحر في إلبوم أواخر الليل
ومن ضمن أغنياته الجميلة كانت أغنية الملامة

اتغيرت أنا اتغير محال يا روحي اتغير
وحاتك إنت لا حبيبت ولا يوم في سواك فكر
http://sudaniyat.net/up/uploading/almalama.mp3


.

عوض جلاس
06-12-2009, 09:35 PM
أغنية شقيك يا دنيا من أروع أغاني الشريط في رأيي المتواضع
لحن جميل وكلمات مؤثرة وأداء رائع من عبد القيوم
التحية للمبدع إبراهيم ابنعوف الذي أبدع في كلمات الأغنية
http://sudaniyat.net/up/uploading/donya.mp3



.

خالد البدوي بابكر
06-12-2009, 09:45 PM
بعد التجوال في رمال القوز وبين أهل القوز لقيت الإبداعات والتوثيق لفن الشمال ..
سيد القوز أسامة كنت أحسبه راوية لخالد الباشا فقط .. أتاريه محتاج راوية ..
عوض جلاس وجد نفسه في القوز كان دافن كنوز في رمال القوز ..
شهرزاد جاهزة في كل لحظة بالنصوص الجميلة والإبداعات ..
الهادي قنديل بكامل زخيرته .. جاهز من كله ويدّخر الكثير ..
هديل وخناس وبت النيلين شباب القوز ونبضه القالب أقصد قلبه النابض (والله ماقاصده لكن جات كده)
طارق علي صالح راكب مروحية فوق القوز ..
بعد إذنك ياطارق مروحيتك دقايق نلف ونجيكن ..

الهادي قنديل
06-13-2009, 12:28 AM
خالد البدوي (ابو التيمان)

وجودك هنا يعني لنا الكثير

ويعني لنا اننا نسير في الطريق الصحيح

قعدتنا بيك منورة

وخليك دايما هنا (مابنشغلك عن المراهقه)

عوض جلاس

ماخليت لأواخر الليل فرضا ناقص

ياها المحريه فيك

جاييك بي غادي.. بس يشهد الله بسارق في النت مسارقه

واصل

دايما واصل وشايفك اديتني المعلوم بي هناك

طارق علي صالح

الابداع متأصل فيك

ونمشي ...

عوض جلاس
06-13-2009, 01:00 AM
سراي الليل صباح الخير
خالد والهادي منورين
وين الباقين كلهم بقوا في الليت ولا شنو ؟؟؟
أسامة مسجل غياب اليوم ... غريبة عسى المانع خير
هديل وخناس طولتو الغياب
واصل دي استراحة محارب ولا شنو
بت النيلين ما ظهرت تاني لا إيدا فاضي ولا ملياني
طارق علي صالح بوابير بحرك وصلت وانت وين ؟؟؟
الباقين سلام مطبوق

هديل
06-13-2009, 02:32 PM
كمان لقيت إسمي مكتوب في صخرة من صخور القوز .. الله يديك العافية يا د.هديل يابتي ..

مرحبا خالد البدوى ...

تمنينا حضورك من اول يوم ...ورغم التاخير كنا موقنين بانه سيكون

وهل تكتمل المراهقه بغير قمر وليل ورمال بيضاء وانس؟؟؟

أم عمار
06-13-2009, 05:28 PM
بسم الله الرحمن الرحيم
اللهم صل على محمد وعلى آله وصحبه أجمعين
الأخوه الكرام /قوز السراي
السلام عليكم ورحمة الله وبركاته

والله والله اسمعوا الحليفي دي انا كل يوم اجي عليكم ومتابعي من الاول وشئ كدي فاتني من كلامكم السمح دا مافي ؛؛؛

الاغالبني اطلع لافوق واصلكم شايفاكم فووووووووووووووق مني واعايلكم رهاب رهاب ؛؛؛؛؛؛ الكرعين كعبات والمغصة الراس فاااااااااااااااااااااااااااااااضي

ولكن والله الليلي غلبني القعاد برا قلت ادخل إنشاء الله اسويلكم شاي بي لبن ضأن مقنن وزلابية قلادة وسمحي ؛؛؛رايكم شنو؟؟؟؟
والله إندردق وابقي نازلي ؛؛؛

لكم تحياتي وإحترامي
أم عمــــــــــــــــــــــــا ر

الهادي قنديل
06-13-2009, 05:47 PM
بسم الله الرحمن الرحيم
اللهم صل على محمد وعلى آله وصحبه أجمعين
الأخوه الكرام /قوز السراي
السلام عليكم ورحمة الله وبركاته

والله والله اسمعوا الحليفي دي انا كل يوم اجي عليكم ومتابعي من الاول وشئ كدي فاتني من كلامكم السمح دا مافي ؛؛؛

الاغالبني اطلع لافوق واصلكم شايفاكم فووووووووووووووق مني واعايلكم رهاب رهاب ؛؛؛؛؛؛ الكرعين كعبات والمغصة الراس فاااااااااااااااااااااااااااااااضي

ولكن والله الليلي غلبني القعاد برا قلت ادخل إنشاء الله اسويلكم شاي بي لبن ضأن مقنن وزلابية قلادة وسمحي ؛؛؛رايكم شنو؟؟؟؟
والله إندردق وابقي نازلي ؛؛؛

لكم تحياتي وإحترامي
أم عمــــــــــــــــــــــــا ر

قالت إندردق وابقى نازلي قالت .. تنزلي وين يا ام عمــــار

بالله نحن ماصدقناك جيتينا هنا

يشهد الله بعد عملت خروج من المنتدى لقيتك منورة القوز .. قلت زول يرحب بيك قبالي مافي ..
وقلت اخير اساعدك في سواة الشاي اناولك الفحم والحقك بالسكر وحب الشاي لامن البنيات يجن عليك

سعيدين والله بطلتك استاذة ام عمـــار

وبجيك راجع تاني

اسامة حمزة
06-13-2009, 06:42 PM
خالد بدوي

ام عمار

حقيقة فرحتونا بي جيتكم وطلتكم اسعدتنا كثيرا .. نتمني دوام نشوفكم معانا


الهادي .. تسلم يازول يا ذوق .. حد ما يجي ضيف انت واقف بي حباباتك


معليش ياشباب للغياب .. الكمبيوتر ومشاكلو

اسامة حمزة
06-13-2009, 06:48 PM
سراي الليل صباح الخير
خالد والهادي منورين
وين الباقين كلهم بقوا في الليت ولا شنو ؟؟؟
أسامة مسجل غياب اليوم ... غريبة عسى المانع خيرهديل وخناس طولتو الغياب
واصل دي استراحة محارب ولا شنو
بت النيلين ما ظهرت تاني لا إيدا فاضي ولا ملياني
طارق علي صالح بوابير بحرك وصلت وانت وين ؟؟؟
الباقين سلام مطبوق


عوض اشكرك وانت تتفقدنا واحد واحد

تحية للمشاركات الخاصة بعبد القيوم و راجين المزيد


كان عندي مشكلة في الكمبيوتر وياداب اتعالجت

خناس هاشم
06-13-2009, 09:55 PM
بسم الله الرحمن الرحيم
اللهم صل على محمد وعلى آله وصحبه أجمعين
الأخوه الكرام /قوز السراي
السلام عليكم ورحمة الله وبركاته

والله والله اسمعوا الحليفي دي انا كل يوم اجي عليكم ومتابعي من الاول وشئ كدي فاتني من كلامكم السمح دا مافي ؛؛؛

الاغالبني اطلع لافوق واصلكم شايفاكم فووووووووووووووق مني واعايلكم رهاب رهاب ؛؛؛؛؛؛ الكرعين كعبات والمغصة الراس فاااااااااااااااااااااااااااااااضي

ولكن والله الليلي غلبني القعاد برا قلت ادخل إنشاء الله اسويلكم شاي بي لبن ضأن مقنن وزلابية قلادة وسمحي ؛؛؛رايكم شنو؟؟؟؟
والله إندردق وابقي نازلي ؛؛؛

لكم تحياتي وإحترامي
أم عمــــــــــــــــــــــــا ر

ام عمار تندردقى ويييييييييييييين راجين جيتك دى من زماااااااان احنا , وياحلات القعده معاك بى شايك وزلابيتك
جيت اساعدك فى سواة الشاى واللقيمات لقيت الهادى ماقصر اها انا برص ليكم الكبابى فى الصينيه:p:p
سعيدين وفرحين جدا بى وجودك هاهنا استاذتنا ام عمار وماتنقطعى مننا

خناس هاشم
06-13-2009, 10:04 PM
العم العزيز خالد البدوى
سعيدين جدا بى وجودك معانا فوق القوز وابقى قاعد اشرب معانا الشاى بى اللقيمات يمين كان جربتا شاينا تانى مابتفوتنا

اخونا كلنا عوض جلاس
شكرا ليك وانت بتفقد المافى وتسد مكانك ومكانو
ياخى اقول ليك شى يمين عقدتنا عديل كده

عوض جلاس
06-13-2009, 10:40 PM
أسامة وخناس منورين بعد الغياب
الهادي سلامات
أم عمار شرفتي القوز ومنور بوجودك
يا سلام والله جيتك سمحي وماها هيني
بس طريقة درديق ليك مافي
كل ما تنزلي تلقي لعبة السلم والثعبان قدامك تطلعك فوق
خليك قاعدي معانا وإن شاء الله ما بتقصري وبنلقى عندك المفيد
يلا نواصل الرحلة مع عبد القيوم
قلتولي وصلنا وين ؟؟؟؟؟؟؟؟؟؟؟

اسامة حمزة
06-13-2009, 11:29 PM
وبعد ان وصلنا برفقة الاخ عوض جلاس الي اخر اعمال البوم اواخر الليل الثنائية التي جمعت بين عبد القيوم وابراهيم ابنعوف نواصل سرد مسيرة الفنان عبد القيوم ونرحل اليوم الي البوم اخر زمن ( ان يكن هناك ما سقط سهواً)

اولي اغنيات الالبوم اغنية ( اصحي وصحي المشاعر ) وهي من كلمات الشاعر عبد الله محمد خير وتعتبر رداً علي اغنية
( التحدي 1 ) التي صاغها شعراً الشاعر ابراهيم ابنعوف

http://sudaniyat.net/up/uploading/sahymasher00.mp3


.

الهادي قنديل
06-13-2009, 11:51 PM
اسامـــة

اصحي وصحي المشاعر لبيهو ندأ قليبك
ابني طريق من ازاهر يصل بينك وبين حبيبك
معاك تصفى الدنيا تحلا ويطيبه ياطيبه طيبك
تعيشي اسطورة سماحة وخيال الناس يحجيبك
متل بالحب ما ابتلاني الله بي عدوة الريد يصيبك
تباري خطاي تتبعيني دا انا الكليت فوق دريك

بالله شوف الكلام دا ..ياخي دا يشفــّق رسمي

والكلمات لعبدالله محمد خير ردا علي التحدي لابراهيم ابنعوف (نومي)

وعاد ابنعوف ايضا وردّ علي عبدالله في رائعة سوف ناتي لها لا قدام

ونمشي معاك

اسامة حمزة
06-14-2009, 12:26 AM
ثاني اغنيات الالبوم هي اغنية اخر زمن .. وهي من كلمات الشاعر حاتم حسن الدابي وهي تمثل عودة الي مرحلة الدابي التي بدا بها عبد القيوم مسيرته



http://sudaniyat.net/up/uploading/akhirzmn0.mp3


.

عوض جلاس
06-14-2009, 12:30 AM
أصحي وصحي المشاعر
منقولة من مشاركاتها في مكتبة الشاعر عبد الله محمد خير
بعد إذن الأخت شهرزاد


أصحى وصحى المشاعر لبيهو نداء قليبك =
ابني طريق من أزاهر يصل بينك وبين حبيبك =
معاك تصفي الدنيا تحلى يطيبها يا طيبه طيبك=
تعيش سطور السماحه وخيال الناس يحييبك =
متل بالحب ماابتلاني الله بعدو الريد يصيبك =
تباري خطاى تتبعيني ده انا الكليت فوق دريبك =
شياطين شعرى سون فى وقبل ما يبقي جوابك لبيبك=
اذا جفى مدادى قوافى فلا شك يكون ده عيبك=
دريباً كان منى ساقك هو نفس الدرب البجيبك=
متل ماعاد لى حبيبي بعود لى ضرعك وجيبك =
تعالى تعالى وأنثري درر قوافي وشعر صافى يكون حليبك =
يعاود روضك نضاروا ويزينو غناء عندليبك =
قريب يا دار الحبايب معانا ينقز دليبك =
يقلّب فى الدار صيدك عجيب يا داره قلّيبك=
حسان الانس والجن بنات الحور اباهيبك =
سماح الكون بيك يبدا وسماح وعقب ينتهيبك=
عشان كدي يا نور عيوني صباحى مساي الاهيبك=
مصيري خلود فى جنانك ما خد حقى انا في لهيبك=
دموع عيني الهميله انا كفاى وكفاكن صبيبك=
دحين ارتاحى من عذابك خلاص ولى زمن نحيبك=
رموش افراحى الجميلة الله لا جاب ايام مغيبك=
بحر عطفك فاض غمرنى على زادن مناسيبك=
معاجيز وآيات جمالك تخلى الوراء يقتديبك =
خدودك كرز معتق يحدثبوا حساء نديبك =
وزارات صدرك تخوف قريبن تب مو قريبك =
كسي الارداف بي ظلامن بحر واتهادى وضيبك=
احبك وقادني لى حبك حياء ادبك وتهذيبك =
احبك واعشق دلالك غرورك وحتى تعذيبك =
احبك ويفرحنى صدقك بطرب لى اكاذيبك=
احبك وغاية مناى اني اكون آخر مجاذيبك=
احبك وكيف ما احبك حبى قدرك ونصيبك =

الهادي قنديل
06-14-2009, 12:36 AM
هي من الاغــاني التي تمثل معالجة لقضية كمـا يرى الشاعر حاتم حسن الدابي

وهي تمثل عودة التعامل بين عبدالقيوم وحاتم بعد انقطاع لفترة

ونبحر معك اخي اســامة في البوم آخر زمــن الذي نوّع فية عبدالقيوم في تعامله مع الشعراء

ونمــشي

اسامة حمزة
06-14-2009, 01:06 AM
عوض جلاس والله نحن اكتر ناس مستفيدين من قصة رفع الليت دي .. تساهر معانا وننهل من ابداعك

ثالث اعمال عبد القيوم في البوم اخر زمن هي اغنية تسفكي دماي من كلمات حسن الدابي وهي ايضا تمثل عودة الي اول نقطة في مسيرة عبد القيوم حيث كانت اولي بدايات عبد القيوم ومثلما قال الهادي فان البوم اخر زمن جاء منوعا في كل التفاصيل من حيث الاختيار والالحان والاداء



http://sudaniyat.net/up/uploading/tsfky00.mp3

اسامة حمزة
06-14-2009, 01:56 AM
وانا اسكت اكتب فجاة مرقت راسي لقيت رقبتي قاعد برااااااااااي ولاحتي العناكب مافي


http://sudaniyat.net/up/uploading/untitled101.jpg.

عوض جلاس
06-14-2009, 07:10 AM
صبح صبح يا عم الحاج
صباحات الله بي خيرا سراي الليل
شكراً اسامة وأنت تسترجع هذا الإلبوم بعد أن تجاوزته المحطة
وفعلاً هو شريط منوع ويحوي النمط القديم والحديث
ولكن أغلب النقاد صرحوا بفشل هذا الشريط وقالوا أنه لم يجد حظه من النجاح
والدليل ان عبد القيوم قبل أن يجف عرقه الحقه سريعاً بإلبوم قبلة العشاق
فهل كانت هذه دلالة على فشل هذا الشريط أم هناك آراء أخرى تصب في مصلحته ؟؟

طارق علي صالح
06-14-2009, 12:06 PM
فهرس القوز
(اضغط علي الاسم او الصورة)
1-خالد الباشا http://sudaniyat.net/up/uploading/KHALID.jpg (http://www.albrkal.com/vb/showthread.php?t=5060&page=114) ص 114
2-صديق احمد http://sudaniyat.net/up/uploading/sdgS.jpg (http://www.albrkal.com/vb/showthread.php?t=5060&page=98) ص 98
3-خالد شقوري http://sudaniyat.net/up/uploading/SH.jpg (http://www.albrkal.com/vb/showthread.php?t=5060&page=84) ص 84

4-محمد النصري http://sudaniyat.net/up/uploading/NASS.jpg (http://www.albrkal.com/vb/showthread.php?t=5060&page=60) ص 60
5-عبد القيومhttp://sudaniyat.net/up/uploading/ab23dg.jpg (http://www.albrkal.com/vb/showthread.php?t=5060&page=141)ص 141

اسامة حمزة
06-14-2009, 01:21 PM
http://sudaniyat.net/up/uploading/sorai2y.gif


طارق علي صالح

احييك وانت تسهر معنا هذه المرة لتأتي بفكرة جديدة في تنسيق القصائد والفكرة ليست في جماليات القصيدة التي ابدعت فيها جدا جدا بل في الحماية من الجماعة الشغالين فينا سرقة روابط .. نكتب القصيدة بي هني يسرقوها بي هني

اها تاني ناس فلانة وفلان وفلان الامين اليجوا يسرقولم رابط من هني

احيييييك

والله شمتاااان فيهم

صلاح عبد النبي
06-14-2009, 01:34 PM
الأخ أسامة ..
أتابع معكم مسيرة الفنان عبد القيوم الشريف ..
وجاييك إن شاء الله لمسألة استخدام الكورس النسائي في ألبوم الشوق غلاب ..
لكن يبقالي انطبق عليكم المثل البيقول:-
(تكاثرت الظباء على خراش ** فما يدري خراش ما يصيدُ ):o
قبل ما ألبوم أواخر الليل يتم ..
دخلتو في ألبوم الشوق غلاب ..
وبعد ما عوض جلاس أكمل ألبوم أواخر الليل ..
دخلتو في ألبوم آخر زمن .. وخليتو ألبوم الشوق غلاب يشكي حاله لرمال القوز :)
عفواً .. وددت الاشارة من أجل الترتيب المنطقي للبوست ..
وجاييكم بي مهلة إن شاء الله ..
لكم جميعاً التحية .. سراي الليل ورواد القوز العامر ..

اسامة حمزة
06-14-2009, 01:39 PM
صبح صبح يا عم الحاج
صباحات الله بي خيرا سراي الليل
شكراً اسامة وأنت تسترجع هذا الإلبوم بعد أن تجاوزته المحطة
وفعلاً هو شريط منوع ويحوي النمط القديم والحديث
ولكن أغلب النقاد صرحوا بفشل هذا الشريط وقالوا أنه لم يجد حظه من النجاح
والدليل ان عبد القيوم قبل أن يجف عرقه الحقه سريعاً بإلبوم قبلة العشاق
فهل كانت هذه دلالة على فشل هذا الشريط أم هناك آراء أخرى تصب في مصلحته ؟؟

الاخ عوض

تحية
اتفق معك في جزء من ما ذهبت اليه ولكن عالم شركات (الازعاج الفني ) عالم قائم بذاته .. له دهاليزه المظلمة والتي يخرج منها الابداع رغم انف المآآآآسي ... له قوانين ولغة وتفاصيل لايدركها من يشتري الشريط بخمسة الاف جنيه .. له سماسرة واصحاب خبرة في تقديم الفنانين والتحدث عنهم برفع اسهمهم او خلاف ذلك
وهناك رابط قوي مابين اشياء واشياء قد يكون لها العلاقة المباشرة بين الفشل والنجاح

احكي ليك قصة

في البوم حنان النيل ( طنبور واحد و 2) .. اتفقت حنان النيل مع شركة ( س ) علي مبلغ معين .. ولكنها وجدت عرضاً اكبر بمبلغ اكبر من سابقه مع شركة (ص) ..فعادت بكل ادب الي صاحب الشركة الاولي (س) وقالت له :-
انها لاتود ان تبيع في فنها ولكن ( لظروفها الخاصة )وحتي لاتتضرر كثيرا يجب ان نتفق علي ان تدفع لي بحسب الاتفاقية الثانية فوافق صاحب الشركة الاولي (س) علي الاتفاق علي ان يتم تنقيذه غدا ..وذهب من خلفها واتفق مع كل شعراء الاغاني التي سوف تغنيها حنان ودفع لهم (عربون ) وفي اليوم التالي اتصل بها وقال انه نقض الاتفاق وعليها ان تذهب الي صاحب الاتفاق الثاني وبالفعل ذهبت وتم الاتفاق وعندما بدات في اجراءات التسجيل اكتشفت ان كل الاغاني (قد اشتراها صاحب الشركة الاولي) (س) فعادت اليه( مجبرة) وتم تسجيل الالبوم وبمجرد الانتهاء من التسجيل اعلنت حنان النيل اعتزال الغناء طالما ان هذا الوسط يتعامل بهذه الكيفية

قصة اخري ايضا كنت شاهدا عليها

في البوم (مسافة السكة لصديق احمد ) كان من المفترض ان يتم تسجيل اغنيتي لون الجرف والناسينا للشاعر السر عثمان ..
بعد الاتفاق مع صديق واجازة النصوص (انا شفتها مجازة ومختومة وكنت حينها اكتب في صحيفة الوفاق ) بعد اجازة النصوص تم الاتصال بالشاعر السر عثمان الذي طلب مبلغ مليون ونصف لكل قصيدة ملحنة (نص +لحن) اي القصيدتين بثلاثة مليون
هنا اقام صاحب الشركة الدنيا ول يقعدها بحجة ان الشاعر فلان والشاعرفلان يتقاضون مبيلغ مائة وخمسون جنيها في قصيدة ملحنة ( يعني نص ولحن بي مية وخمسين )
وان السر ( يجب ان لايشطح هكذا *)
وحينما اصر السر علي موقفه عادت النصوص الي لجنة النصوص وخرجت غير مجازة ... اها رايك شنو

قمت بنشر الموضوع مع تحقيق صحفي اثار حفيظة (اخواننا ناس المصنفات) وكادوا ان يزجو بي في السجن لولا تدخل الشهيد محمد طه محمد احمد رحمه الله ..

هكذا تدار الاشياء ومثلما كتب الاستاذ الشاعر عثمان عوض عثمان يوما بصحيفة الوفاق ( قال ان اي اغنية مهما كانت هابطة راسمالها كيس خدار وعشرة الف ج )

ارجو ان اكون قد اوصلت لك مايدور في ساحة الفن عندنا وما يعانيه اصحاب الحقوق المباشرة ( دي طبعا لغة ناس لجنة المصنفات ) من زل وهوان والسبب المباشر للاسف الشديد بعض الاخوة الشعراء الذين يبيعون انتاجهم ساخناً الشركات الفنية ويقدمون قصائدهم ثمنا للعيش وتجدها مفروشة مثل اكسسوارات الموبايل بشارع الدكاترة وشجرة المحنة (بكسر الميم ) وهي شجرة شهيرة كان يتجمع عندها بعض الاخوة الشعراء بجوار محلات نوري للعماري الجيد بالسوق العربي )
وارجو ان تكون قد فهمت ان بعض او وكل اصحاب الشركات يعتبرون ان فناني الطنبور هم الارخص سعرا وهم في ذات الوقت الاكثر جلبا للمال لهذه الشركات لان فنان الطنبور لايكلف كثيرا ( قصيدة يشتريها صاحب الشركة من الشارع وكمان ملحنة) وكل ماعليه تسليمها للفنان الذي يغنيها في الاستديو من ( الورقة )اما شريط عبد القيوم فانا لا استطيع الحديث عنه لتحفظي علي بعض المواقف ولكنه حتما قد مر بهذا الشارع



)

* صاحب الشركة هذا لاعلاقة له بالشمال لامن بعيد او قريب بل وقد لايكون له علاقة بالفن من اصلو

محمد الامين
06-14-2009, 05:23 PM
طارق علي صالح


اها تاني ناس فلانة وفلان وفلان الامين اليجوا يسرقولم رابط من هني

احيييييك

والله شمتاااان فيهم

والله يا اسامه أقرا فى كلامك ده وأضحك براى زى المجنون - الله يديك العافـــى ضحكه محتاجلها شديد -
تعـــرف يا اسامه سرقة الروابط دى مهمه جدا وأنا عندى تجربه مع منتدى النصــــرى حفظت كتير من الأغانى النادره وبالرغم من إنو فاجعتنا فى المنتدى كبيره لكن عزاى الوحيد إنى محتفظ بهذه الأغانى الما بتتلقى بى هينه ...

متابع معاكم محطة عبد القيوم


ولاقدام

عوض جلاس
06-14-2009, 06:40 PM
شكراً أسامة لسردك لهذا الواقع الماساة الذي يسيطر عليه هوامير الإنتاج الفني
وفعلاً معاناة كبيرة تلك التي يقابلها فنانو الشمال من أجل إيصال هذا الفن لنا
ولهم الشكر رغم هذه المعاناة فهم يواصلون إبداعهم وتفردهم
وكنا نتمنى أن تقوم شركات من أهل الفن نفسهم حتى يحافظوا على حقوقهم المسلوبة
وحتى لا يكون ضريبة هذا الإبداع كل هذا النكران والجحود لهم
أيضاً سمعت بأن الفنان معاوية المقل قد واجه مثل هذه المواقف القذرة
لدرجة أن الفنيون قد لعبوا في الشريط وشوهو الإخراج بصورة سافرة
ودوركم هو محاربة هذا العبث بشتى الطرق طالما أقلامكم تصل للجميع
تقبل مودتي

اسامة حمزة
06-14-2009, 06:56 PM
الأخ أسامة ..
أتابع معكم مسيرة الفنان عبد القيوم الشريف ..
وجاييك إن شاء الله لمسألة استخدام الكورس النسائي في ألبوم الشوق غلاب ..
لكن يبقالي انطبق عليكم المثل البيقول:-
(تكاثرت الظباء على خراش ** فما يدري خراش ما يصيدُ ):o
قبل ما ألبوم أواخر الليل يتم ..
دخلتو في ألبوم الشوق غلاب ..
وبعد ما عوض جلاس أكمل ألبوم أواخر الليل ..
دخلتو في ألبوم آخر زمن .. وخليتو ألبوم الشوق غلاب يشكي حاله لرمال القوز :)
عفواً .. وددت الاشارة من أجل الترتيب المنطقي للبوست ..وجاييكم بي مهلة إن شاء الله ..
لكم جميعاً التحية .. سراي الليل ورواد القوز العامر ..


الاخ الاستاذ صلاح

تحية طيبة

حقيقة افتقدناك من زمن

الترتيب اتفقد حقيقة لبعض الظروف ولكن سنحاول التعرض لكامل المسيرة وللجميع العتبي ..

اسامة حمزة
06-14-2009, 07:53 PM
شكراً أسامة لسردك لهذا الواقع الماساة الذي يسيطر عليه هوامير الإنتاج الفني
وفعلاً معاناة كبيرة تلك التي يقابلها فنانو الشمال من أجل إيصال هذا الفن لنا
ولهم الشكر رغم هذه المعاناة فهم يواصلون إبداعهم وتفردهم
وكنا نتمنى أن تقوم شركات من أهل الفن نفسهم حتى يحافظوا على حقوقهم المسلوبة
وحتى لا يكون ضريبة هذا الإبداع كل هذا النكران والجحود لهم
أيضاً سمعت بأن الفنان معاوية المقل قد واجه مثل هذه المواقف القذرة
لدرجة أن الفنيون قد لعبوا في الشريط وشوهو الإخراج بصورة سافرة
ودوركم هو محاربة هذا العبث بشتى الطرق طالما أقلامكم تصل للجميع
تقبل مودتي






الاخ عوض .. شكرا لفتح هذا الملف تاني ..

عندما دخل السودان في عالن تقنية التسجيل الحديثة كانت هناك دول كثيرة قد سبقتنا باميال ونذكر جيدا ان البوم محمد جبارة ( شريط ليبيا ) قد انتجته شركة فرسان السعودية في السبعينات وكان مديرها انذاك الاستاذ الفنان عبد العزيز المبارك وفي البوم (البنت الحديقة ) للراحل (مصطفي سيد احمد ) الذي كان يقيم حينها في الدوحة تم تسجيل صوت الفنان مصطفي باستديو في مدينة الدوحة وتم تسجيل الموسيقي في استديو بالقاهرة وتم تركيب الصوت بدون ان يلاحظ المستمع ان التسجيل قد تم بهذه الطريقة .. وهو امر مدهش ولكنه يبدو طبيعيا في ظل التقنية الحديثة
وحتي عندما دخلت هذه التقنية الي السودان كانت اغنية الطنبور تمثل غرابة وعائق امام فهم مهندسي الصوت ودعني استرسل قليلا .. ففي اغنية الموسيقي يتم تسجيل صوت الالات الموسيقية كل علي حده ويتم تركيب الصوت بنظام التراكات الصوتية حسب عدد الالات وجاءت اغنية الطنبور وكان معاوية المقل هو اول تجربة امام شركات التسجيل فتعاملوا معها بذات الكيفية الهندسية وتم تسجيل الالبوم علي 4 تراكات هي
الايقاع اولاً والكورس والطنبور وصوت الفنان متناسين او عن جهل ان اغنية الطنبور تترتب في تناغمها مابين اداء الفنان والايقاع خاصة وعندما جاء دور تركيب الاصوات (التراكات) حدث فرق زمني مابين الايقاع وعزف الطنبور من ناحية وبين صوت معاوية والايقاع من ناحية وهذا هو الخطأ الذي اودي بحياة الالبوم .. مع مرور الايام تعلم مهندسي الصوت في شركات التسجيل ان الاغنية يمكن ان يتم تسجيلها علي 2( تراك) ويتم جمع الطنبور وصوت المغني في (تراك ) واحد وصوت الكورس والايقاع في (تراك) وبهذا يمكن جمع (التراكات في تراك واحد) وتجاوزوا محنة كيفية التسجيل التي اتعبتهم كثيراً

أم عمار
06-14-2009, 08:27 PM
بسم الله الرحمن الرحيم
اللهم صل على محمد وعلى آله وصحبه أجمعين
الأخ/ اسامة
السلام عليكم ورحمة الله وبركاته
مشكور أخي اسامة لتلك المعلومات القيمة والتي غابت عنا ؛؛؛؛

والله يااسامة ياوليدي حسيت بي طعم الدم في لساني وانا اقرأ في كلامك دا ؛؛؛؛؛الرسول شوف ذي المغصة دي ؛؛؛؛كدي ياخوانا نفكر نكون شركة ونلم فنانين الشمال كلهم (شعراء ؛؛؛ملحنين؛؛؛ ومغنيين ؛؛؛ وكل انواع الفنون ) .

ولتكن شرارة البداية من قوز السراي

وجااااااااااااااهزين للدعم المادي والمعنوي ؛؛؛؛

ولكم مودتي
أم عمــــــــــــــــــــا ر

خالد البدوي بابكر
06-14-2009, 08:49 PM
[quote=خناس هاشم;103696]العم العزيز خالد البدوى
سعيدين جدا بى وجودك معانا فوق القوز وابقى قاعد اشرب معانا الشاى بى اللقيمات يمين كان جربتا شاينا تانى مابتفوتنا

البنية البتحلف يمين علي عمها يشرب الشاي .. عمك يمين ماهو فايت شايك تاني ..
الحمد لله الذي جعل بيننا الود والإحترام رغم فارق السن ..

ثم الشكر للأخ خالد الحاج الذي أتاح لنا هذا الجمال ..
ومن هذا المنطلق أدعو الأخ الإعلامي المخضرم هاشم الجاز من خلالك وواصل لإثراء هذا الصرح الشامخ ..

خالد البدوي بابكر
06-14-2009, 09:07 PM
خالد البدوي (ابو التيمان)

وجودك هنا يعني لنا الكثير

ويعني لنا اننا نسير في الطريق الصحيح

قعدتنا بيك منورة

وخليك دايما هنا (مابنشغلك عن المراهقه)

[[/u]...

الهادى في الليل الهادي في القوز الهادي ..
بالرغم من أن ثقافتي الفنية في الشايقي الجديد صفر لكن بقعد اتابع وأعلّق .. أصلو أنا حدّي النعام واسحق كرم الله .. والرايقة شتيلة قريره والفوسيب..

خالد البدوي بابكر
06-14-2009, 09:27 PM
خالد بدوي

ام عمار

حقيقة فرحتونا بي جيتكم وطلتكم اسعدتنا كثيرا .. نتمني دوام نشوفكم معانا


الهادي .. تسلم يازول يا ذوق .. حد ما يجي ضيف انت واقف بي حباباتك


معليش ياشباب للغياب .. الكمبيوتر ومشاكلو



أسامة مشتاقين .. اللقاء الجايي متين .. إن شاء الله ماتكسلوا

خالد البدوي بابكر
06-14-2009, 09:57 PM
[QUOTE=بابكر علي بابكر;99998][QUOTE=أسامة أحمد;99715]

[color=#00008B]غايتو أحسن حتة الواحد يندسا فيها من الأرباب القوز ده .. لايوم القيامي مايجي طالع .. حتى لوطلع مابيلقاك ..[/font]

خناس هاشم
06-14-2009, 10:08 PM
ايا سراى الليالى سلام مطبوق
مازلنا نبحر مع المبدع عبد القيوم الشريف ونستمتع بهذا الابداع الجميل
اغنيه تفاصيل غناى (والتى كما اعتقد ان اسمها الاصلى هو كتاب الهوى ) افيدونا يا اهل العلم والتى وردت ضمن البوم اخر زمن

كلمات الشاعر عبد الله محمد خير والحان عبد القيوم الشريف

http://sudaniyat.net/up/uploading/tfaseel00.mp3

واصل هاشم
06-14-2009, 10:30 PM
سراي الليل صباح الخير
خالد والهادي منورين
وين الباقين كلهم بقوا في الليت ولا شنو ؟؟؟
أسامة مسجل غياب اليوم ... غريبة عسى المانع خير
هديل وخناس طولتو الغياب
واصل دي استراحة محارب ولا شنو
بت النيلين ما ظهرت تاني لا إيدا فاضي ولا ملياني
طارق علي صالح بوابير بحرك وصلت وانت وين ؟؟؟
الباقين سلام مطبوق


يا عوض يا اخوي والله ماها استارحة ولا شي بس المشاغل كترت والقراية زادت وخنقتني عدييييل
الله يكون في العون ودعواتكم بس
وكتر خيرك وبارك الله فيك

واصل هاشم
06-14-2009, 10:42 PM
ما شاء الله القوز مزدان بتشريف استاذتنا الغالية ام عمار واستاذنا العزيز خالد البدوي
مرحب بيهم في القوز وان شاء الله ما ينقطعوا مننا

خناس هاشم
06-14-2009, 11:00 PM
مازال البوم اخر زمن يمتعنا ب الجميل من الاغنيات واغنية غناوى الفرقه كلمات الشاعر خالد الباشا الحان عبد القيوم الشريف

http://sudaniyat.net/up/uploading/gnaweeforga0.mp3

اسامة حمزة
06-14-2009, 11:53 PM
بسم الله الرحمن الرحيم
اللهم صل على محمد وعلى آله وصحبه أجمعين
الأخ/ اسامة
السلام عليكم ورحمة الله وبركاته
مشكور أخي اسامة لتلك المعلومات القيمة والتي غابت عنا ؛؛؛؛

والله يااسامة ياوليدي حسيت بي طعم الدم في لساني وانا اقرأ في كلامك دا ؛؛؛؛؛الرسول شوف ذي المغصة دي ؛؛؛؛ كدي ياخوانا نفكر نكون شركة ونلم فنانين الشمال كلهم (شعراء ؛؛؛ملحنين؛؛؛ ومغنيين ؛؛؛ وكل انواع الفنون ) .
ولتكن شرارة البداية من قوز السراي

وجااااااااااااااهزين للدعم المادي والمعنوي ؛؛؛؛

ولكم مودتي
أم عمــــــــــــــــــــا ر



التحية ليك ام عمار وتحية للفكرة الجميلة وانا اعلن من هنا الاتي :-

انا والاخ خالد الباشا نمتلك شركة مسجلة رسمياً لدي مسجل الشركات بإسم ( شركة الرواويس للانتاج الفني ) وانا باسم خالد اعلن عن كامل الاستعداد للتعاون والانتاج الفني ..وهذه دعوة للجميع ... ومحتاجين مستشار قانوني

خناس هاشم
06-15-2009, 12:08 AM
التحية ليك ام عمار وتحية للفكرة الجميلة وانا اعلن من هنا الاتي :-

انا والاخ خالد الباشا نمتلك شركة مسجلة رسمياً لدي مسجل الشركات بإسم ( شركة الرواويس للانتاج الفني ) وانا باسم خالد اعلن عن كامل الاستعداد للتعاون والانتاج الفني ..وهذه دعوة للجميع ... ومحتاجين مستشار قانوني

فكره جميله جدا اخى اسامه واتمنى ان تجد الدعم والتفكير والترتيب المناسب
اكان محتاجين مدير عام انا فى جاهزه:p:p
________________

نواصل فى البوم اخر زمن ونستمع معا لاغنيه شتيلى الزرعتو التى كتب كلماتها الشاعر حاتم حسن الدابى وقام بتلحينها الفنان عبد القيوم


http://sudaniyat.net/up/uploading/shtely00.mp3

بنت النيلين
06-15-2009, 12:35 AM
سراي الليل صباح الخير
خالد والهادي منورين
وين الباقين كلهم بقوا في الليت ولا شنو ؟؟؟
أسامة مسجل غياب اليوم ... غريبة عسى المانع خير
هديل وخناس طولتو الغياب
واصل دي استراحة محارب ولا شنو
بت النيلين ما ظهرت تاني لا إيدا فاضي ولا ملياني
طارق علي صالح بوابير بحرك وصلت وانت وين ؟؟؟
الباقين سلام مطبوق
الاخ ود جلاس لك تحياتي انا موجودة ومتابعة مع عمالقة القوز اول باول ويدي مليانة لكن شايفاكم ماشاء الله عليكم ما مقصرين يديكم الف عافية انت وتيم القوز ... انا كنت مشغولة شوية بقصة صديقة لي واليوم نشرتها في المنتدى العام حسب طلبها وعنوانها ارجوكم دعووني وشأني فقد ظلمتموني كثيرا .. اتمنى ان تطلع عليها .. تحياتي وبالود والاخاء الصادق دوما نتواصل ....:):):)

الهادي قنديل
06-15-2009, 04:14 AM
استاذنا صلاح

منور القوز كعادتك ومتابع

مبروك لمازن في القوز كمان

اسامــة

فتحت موضوع خطير يستاهل الوقفه

خالد البدوي _ام عمـار _بنت النيلين

وجودكم يدفعنا للامام .. خليكم قراب دايمــا ً

عوض جلاس _ واصل

ياهو بيتكم ومطرحكم ..
مع كوم من التحايا

خـُناس

زينتي القوز بالجديد في البوم آخر زمن .. ما اروعـِك

مــا يسحروك

ونــمشي

خالد البدوي بابكر
06-15-2009, 05:20 AM
فكره جميله جدا اخى اسامه واتمنى ان تجد الدعم والتفكير والترتيب المناسب
اكان محتاجين مدير عام انا فى جاهزه:p:p
]

محاسبون ومراجعون قانونيون وخبراء ضرائب

عمر مجذوب خطيب
06-15-2009, 09:57 AM
جماعة القوز - تحيات من متابع ومعجب - اسامة بخصوص التسجيلات ارجو ان تحكي لنا عن جهود تسجيلات الكمال في كريمة ودورها

عوض جلاس
06-15-2009, 10:51 AM
محاسبون ومراجعون قانونيون وخبراء ضرائب
إذا محتاجين فنانين كشمشة ( يقضوا الحيرة ) للتجربة نحن جاهزين

اسامة حمزة
06-15-2009, 12:41 PM
جماعة القوز - تحيات من متابع ومعجب - اسامة بخصوص التسجيلات ارجو ان تحكي لنا عن جهود تسجيلات الكمال في كريمة ودورها


عمر مجذوب سلامات

وتحااااايا

مكتبة الكمال تعتبر اول جهة ( علي الاطلاق ) تقوم بالتوثيق لاغنية الطنبور وجاءت بعدها اسماء اخري مثل حسونة المحسي واسامة للفيديو وغيرهم وانا كنت قد فتحت بوست عن هذا الصرح( استريو الكمال ) واليك الرابط :


http://albrkal.com/vb/showthread.php?t=4888

اسامة حمزة
06-15-2009, 12:46 PM
إذا محتاجين فنانين كشمشة ( يقضوا الحيرة ) للتجربة نحن جاهزين


محتاجين ملحنين .. يكون عندهم تجربة في التلحين خاصة عبر موقع البركل

شهرزاد
06-15-2009, 01:23 PM
الاخ عوض

تحية
اتفق معك في جزء من ما ذهبت اليه ولكن عالم شركات (الازعاج الفني ) عالم قائم بذاته .. له دهاليزه المظلمة والتي يخرج منها الابداع رغم انف المآآآآسي ... له قوانين ولغة وتفاصيل لايدركها من يشتري الشريط بخمسة الاف جنيه .. له سماسرة واصحاب خبرة في تقديم الفنانين والتحدث عنهم برفع اسهمهم او خلاف ذلك
وهناك رابط قوي مابين اشياء واشياء قد يكون لها العلاقة المباشرة بين الفشل والنجاح

احكي ليك قصة

في البوم حنان النيل ( طنبور واحد و 2) .. اتفقت حنان النيل مع شركة ( س ) علي مبلغ معين .. ولكنها وجدت عرضاً اكبر بمبلغ اكبر من سابقه مع شركة (ص) ..فعادت بكل ادب الي صاحب الشركة الاولي (س) وقالت له :-
انها لاتود ان تبيع في فنها ولكن ( لظروفها الخاصة )وحتي لاتتضرر كثيرا يجب ان نتفق علي ان تدفع لي بحسب الاتفاقية الثانية فوافق صاحب الشركة الاولي (س) علي الاتفاق علي ان يتم تنقيذه غدا ..وذهب من خلفها واتفق مع كل شعراء الاغاني التي سوف تغنيها حنان ودفع لهم (عربون ) وفي اليوم التالي اتصل بها وقال انه نقض الاتفاق وعليها ان تذهب الي صاحب الاتفاق الثاني وبالفعل ذهبت وتم الاتفاق وعندما بدات في اجراءات التسجيل اكتشفت ان كل الاغاني (قد اشتراها صاحب الشركة الاولي) (س) فعادت اليه( مجبرة) وتم تسجيل الالبوم وبمجرد الانتهاء من التسجيل اعلنت حنان النيل اعتزال الغناء طالما ان هذا الوسط يتعامل بهذه الكيفية

قصة اخري ايضا كنت شاهدا عليها

في البوم (مسافة السكة لصديق احمد ) كان من المفترض ان يتم تسجيل اغنيتي لون الجرف والناسينا للشاعر السر عثمان ..
بعد الاتفاق مع صديق واجازة النصوص (انا شفتها مجازة ومختومة وكنت حينها اكتب في صحيفة الوفاق ) بعد اجازة النصوص تم الاتصال بالشاعر السر عثمان الذي طلب مبلغ مليون ونصف لكل قصيدة ملحنة (نص +لحن) اي القصيدتين بثلاثة مليون
هنا اقام صاحب الشركة الدنيا ول يقعدها بحجة ان الشاعر فلان والشاعرفلان يتقاضون مبيلغ مائة وخمسون جنيها في قصيدة ملحنة ( يعني نص ولحن بي مية وخمسين )
وان السر ( يجب ان لايشطح هكذا *)
وحينما اصر السر علي موقفه عادت النصوص الي لجنة النصوص وخرجت غير مجازة ... اها رايك شنو

قمت بنشر الموضوع مع تحقيق صحفي اثار حفيظة (اخواننا ناس المصنفات) وكادوا ان يزجو بي في السجن لولا تدخل الشهيد محمد طه محمد احمد رحمه الله ..

هكذا تدار الاشياء ومثلما كتب الاستاذ الشاعر عثمان عوض عثمان يوما بصحيفة الوفاق ( قال ان اي اغنية مهما كانت هابطة راسمالها كيس خدار وعشرة الف ج )

ارجو ان اكون قد اوصلت لك مايدور في ساحة الفن عندنا وما يعانيه اصحاب الحقوق المباشرة ( دي طبعا لغة ناس لجنة المصنفات ) من زل وهوان والسبب المباشر للاسف الشديد بعض الاخوة الشعراء الذين يبيعون انتاجهم ساخناً الشركات الفنية ويقدمون قصائدهم ثمنا للعيش وتجدها مفروشة مثل اكسسوارات الموبايل بشارع الدكاترة وشجرة المحنة (بكسر الميم ) وهي شجرة شهيرة كان يتجمع عندها بعض الاخوة الشعراء بجوار محلات نوري للعماري الجيد بالسوق العربي )
وارجو ان تكون قد فهمت ان بعض او وكل اصحاب الشركات يعتبرون ان فناني الطنبور هم الارخص سعرا وهم في ذات الوقت الاكثر جلبا للمال لهذه الشركات لان فنان الطنبور لايكلف كثيرا ( قصيدة يشتريها صاحب الشركة من الشارع وكمان ملحنة) وكل ماعليه تسليمها للفنان الذي يغنيها في الاستديو من ( الورقة )اما شريط عبد القيوم فانا لا استطيع الحديث عنه لتحفظي علي بعض المواقف ولكنه حتما قد مر بهذا الشارع
)

* صاحب الشركة هذا لاعلاقة له بالشمال لامن بعيد او قريب بل وقد لايكون له علاقة بالفن من اصلو

الأخ أسامة ..
كثيرة هي الحكاوي عن شركات الإنتاج وما يدور بداخلها ...
ف وراء كل غلاف مزخرف وجميل .. قصة .
ووراء كل نص دسم وأغنية رنانه .. سيناريو مخزي وحزين ..
من المؤسف إن الفن أصبح تجارة يحكمها قانون الربح والخسارة ..
وإن أغلب أصحاب هذه الشركات لا يمتون للفن بصلة ..
وقل إن تجد بينهم من هو مهموماً بقضية الفن (وفن الشايقية خصوصاً) .
ومن هو غيوراً علي صقله وتطويره وإنتشاره بداءاً بالمحلية ووصولاً للعالمية
وهو أمر ممكن ..
ـــــ
مؤسف والله أن نسمع مثل هذه القصص
ربنا يصلح الحال ...
ــــ
تحياتي أسامة وكل السراي

أم عمار
06-15-2009, 05:07 PM
بسم الله الرحمن الرحيم

اللهم صل على محمد وعلى آله وصحبه أجمعين

الأخوة/ الرائعين / بقوز السراي

السلام عليكم ورحمة الله وبركاته

والله ماقادره اوصف لكم شعوري وانا اتلقي ترحيبكم بي ؛؛؛

أخي الهادي صدى كلماتك ترن علي قلبي وتطربه فرحآ بمعرفتكم ؛؛؛

أخي أسامه التزمت الصمت ونظرت الى جمال روائعك فاصابني الزهول ؛؛؛

عوض جلاس يراعي توارى خجلاً خشية الا يوفيك حقك من الحروف ؛؛؛

خناس صغيرتي وحبييبتي لقد ازدان بك السراي ألقاً ؛؛؛

واصل هاشم صاحب الحضور المميز والقلم السباق ؛؛؛

يشرفني ويسعدني كثيرآ وجودي معكم ؛؛؛؛

ومذيد من الأبداع؛؛؛؛؛؛

لكم تحياتي وإحترامي


أم عمــــــــــــــــــــا ر

أم عمار
06-15-2009, 05:23 PM
بسم الله الرحمن الرحيم
اللهم صل على محمد وعلى آله وصحبه أجمعين
الأخ / اسامة
السلام عليكم ورحمة الله وبركاته

التحية لك وإنت تحمل هموم الشمال وفنونه ؛؛؛؛؛

أخي تجدني رهن إشارتك في كل ماتحتاجه الشركة للمضي قدمآ؛؛؛

ارجو شاكره مدنا برقم حساب شركة الرواويس للإنتاج الفني حتي نتمكن من المساهمة
والدعم ؛؛؛؛؛
مع تمنياتنا لكم بالتوفيق؛؛؛
أم عمـــــــــــــــــــــا ر

الهادي قنديل
06-15-2009, 07:20 PM
ام عمـــار

كيفنك والمعاك؟؟

كدي لامــن بقية السراي يجو عاوزك تفتينا من الناحية القانونية لكلام ابراهيم ابنعوف وهو يخاطبها قائلا ً

علمتيني العشق المجنون

جالسيني وفي شرعو افتيني

افتيني في حـُكم الهوى بالزات

في نص المادة الفيهو تقول

يُظلم من حب ولو مظلوم

لا شاهد لا دفعا مقبول

لو قتل الحب عاشق عمدا ً

العدل مع القاتل على طول

طيب ما ذنب المات مقتول

ما ترُدي عليّ حيرتيني ؟

محمد الامين
06-15-2009, 07:25 PM
الســــراى من طــــرف
كيفنكم ؟؟

أتابع محطة عبد القيوم الشـــــريف فهـــو مبدع لا يختلف إثنان حول إبداعه

أهديكم هذه الأغنيه بصوت الطيب وداعه
وأخص صديقــــى الهادى القنديل

http://sudaniyat.net/up/uploading/ALTAYEB.mp3

بالله الطيب وداعه ده بعدين ماتنسوه يا أسامه

تحياتى ..

أم عمار
06-15-2009, 07:52 PM
بسم الله الرحمن الرحيم
اللهم صل على محمد وعلى آله وصحبه أجمعين
الأخ الفاضل / الهادي قنديل
السلام عليكم ورحمة الله وبركاته

والله ياوليدي الشفناه في المحاكم الشرعية يوجع القلب

الزوجة تبحت في الواطه وامها واقفي فوقه قولي لي مولانا مابيزعل مني؛؛؛ ومهملني وماجاب لي ريحة النفاس ؛؛؛؛؛وبس دايري ورقتي ؛؛

الراجل متركز علي الحيطه وشارد بعيييييييييييييييييييد

والله واحدين يضيقو لي يوم المحكمة متين يجئ فشان يشوفوا بعض وكتيييييييييييييييييييييري الحكاوي

امشي واجيك بي مهلي لي قول شاعرنا إبراهيم ابنعوف

ولك ودي
أم عمــــــــــــــــــــــــا ر

الهادي قنديل
06-15-2009, 08:22 PM
الســــراى من طــــرف
كيفنكم ؟؟

أتابع محطة عبد القيوم الشـــــريف فهـــو مبدع لا يختلف إثنان حول إبداعه

أهديكم هذه الأغنيه بصوت الطيب وداعه
وأخص صديقــــى الهادى القنديل

http://sudaniyat.net/up/uploading/altayeb.mp3



بالله الطيب وداعه ده بعدين ماتنسوه يا أسامه

تحياتى ..

انا جيت مشتاق ليك
لي نظرة من عينيك
ايديّ تسالم ايديك
رغم انو فيها الحنة

يالطيف

تعرف ياصاحبي مرّة في حديقة القرشي معاوية المقل طلب من الطيب وداعة يغني اغنية والطيب مسك الطنبور وخش في
بهاتي عميري آهه وآح
انا الفي الدنيا مامرتاح
اسوي شنو

يسألني الله يا محمد الامين نحن الماعرفنا نسوي شنو
ياخي الطيب دا مبدع رسمي وبعيد عن الاضواء

يمين ريحت اخوك في حنانو دا

واثني علي كلامك بأن ياخد الطيب وداعة موقعة في القوز (والكلام ليك يا اسامة)

ودالامين لا تطــّول غيابك تاني

الهادي قنديل
06-15-2009, 08:31 PM
امشي واجيك بي مهلي لي قول شاعرنا إبراهيم ابنعوف

ولك ودي
أم عمــــــــــــــــــــــــا ر

راجــيك يا ام عمار

بس لاتطولي الغيبه.. قولي سمح

اسامة حمزة
06-15-2009, 09:12 PM
شكرا لكل المشاركين

ام عمار بحضورها الانيق .. محمد الامين ( حرامي الروابط) يجي يدينا اغنية ويسرق مننا عشرة .. عافين ليك يامحمد .. عوض جلاس وود قنديل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ

ونعود الي سرد مسيرة الفنان عبد القيوم الشريف ووقفنا مع الاخت خناس وهي تقدم ثلاثة من اعمال عبد القيوم التي وردت في الالبوم

من اغنيات الالبوم ايضا اغنية ( من غير توادعي ) من كلمات الشاعر القامة السر عثمان الطيب وبهذه الاغنية يعود عبد القيوم الي محور السر بعد غياب طويل بعد اغنية ( ذكراك يامسافر باقي ) التي غناها عبد القيوم للسر في بداية مسيرته الفنية




http://sudaniyat.net/up/uploading/mngaer00.mp3



.

اسامة حمزة
06-15-2009, 10:03 PM
ونحن نستعرض البوم اخر زمن الذي جاء منوعا في تفاصيل اغنياته حيث عاد عبد القيوم الي بداياته الفنية وايضا الي شعراء كان لهم اسهامهم في نشأة عبد القيوم

اغنية غيمة السحاب للشاعراحمد سيد احمد ومن الحان عبد القيوم


غيمة السحاب
http://sudaniyat.net/up/uploading/gemtalshab0.mp3


.

اسامة حمزة
06-15-2009, 10:09 PM
حال الغربة احدي اغنيات الالبوم الغنائي ( اخر زمن ) وهي تكشف لنا موهبة عبد القيوم في كتابة الشعر حيث ان القصيدة من كلمات الفنان عبد القيوم الشريف والحانه
وهي المرة الاولي ( حتي صدور الالبوم ) التي يكتشف فيها المستمع هذه الموهبة


حال الغربة
http://sudaniyat.net/up/uploading/halgoorb00.mp3


.

عوض جلاس
06-16-2009, 01:33 AM
صباح الخير سراي الليل
متابعين الإبداعات والتألق والمداخلات الرائعة
اسامة مشكور وأنت تعبي هذه المساحة بكل هذا الجمال
الهادي قنديل شايفك مبسوط بإهداء محمد الأمين
محمد الأمين الحكاية شنو طولت المرة دي حمداً لله على السلامة
غاتس مع الحبش ولا شنو ؟؟؟
أم عمار منورة والله ووجودك محلي المكان وخلاهو زي السكر
أقعدي طوالي بي جاي والشاي حقك مظبوط
الدكتورات مسجلين غياب اليوم مع واصل
وخالد البدوي شردت وين وبت النيلين وينك ؟؟؟
مسعولين من الخير وين جرماكي ؟؟؟؟؟؟؟؟
طارق علي صالح وصلاح عبد النبي والباقين سلام
أسامة واصل في الإبداع

عوض جلاس
06-16-2009, 01:39 AM
غايتو سرحت ساكت في الكلام اتاري قاعد براي
بس أنا ونجيمتي والسبعة زوار
http://sudaniyat.net/up/uploading/ert.JPG




.

الهادي قنديل
06-16-2009, 03:32 AM
غايتو سرحت ساكت في الكلام اتاري قاعد براي
بس أنا ونجيمتي والسبعة زوار
http://sudaniyat.net/up/uploading/ert.JPG




.


صاحبي عوض

انت كورتك دي حاكمة سبت لبرادو؟؟ شايف الزمن الاضافي مـــاشي :p
ونحن الكسبانين ياقول اسـامة

اســامة

عفيت منك ياصاحبي .. وهطّت الغنا السمح

بس كدي شوف لي ملحن اغنية (تمشي من غير ماتوادعي) منو؟؟؟

عوض جلاس
06-16-2009, 07:15 AM
صاحبي عوض

انت كورتك دي حاكمة سبت لبرادو؟؟ شايف الزمن الاضافي مـــاشي :p
ونحن الكسبانين ياقول اسـامة

اســامة

عفيت منك ياصاحبي .. وهطّت الغنا السمح

بس كدي شوف لي ملحن اغنية (تمشي من غير ماتوادعي) منو؟؟؟

الهادي كيف حالك
نسوي شنو شفنا الناس في الاجتماعي يكوركو قالو مافي غفير
بعدين انت قايم شق الدغش كدي عندك تمر هبوب ولا شنو ؟؟؟

اسامة حمزة
06-16-2009, 07:33 AM
غايتو سرحت ساكت في الكلام اتاري قاعد براي
بس أنا ونجيمتي والسبعة زوار
http://sudaniyat.net/up/uploading/ert.jpg

.

عوض جلاس اشكرك علي تفقد الغايبين ..

تعرف اول مرة اشوف اسمك في قائمة المتواجدين

اسامة حمزة
06-16-2009, 07:39 AM
الاخوة الكرام

ونحن نستعرض مسيرة الفنان عبد القيوم الشريف نقف معه والشاعر ابراهيم ابنعوف في اغنية ليمة وهي الاغنية التي ( اظنها ) كانت سببا في ثنائيتهما لانها قد سبقت مرحلة الهوي يستحيل واواخر الليل بعدة البومات غنائية .. وهي اخر اغنيات البوم اخر زمن ومنها سوف نرحل امسية اليوم الي تجربة البوم ( مشوّرة ).. ولازلنا في انتظار الاخ الاستاذ صلاح عبد النبي لـلحديث عن الاختلاف الذي اوجده تنوع التعامل مع الشعراء وما صاحب ذلك من تغير في طريقة النظم الشعري الذي حتما كان له الاثر في تنوع الالحان وطريقة الاداء




ليمة /ابراهيم ابنعوف
http://sudaniyat.net/up/uploading/etazab.mp3



.

عوض جلاس
06-17-2009, 12:43 AM
ليمـــــــــــــــــــــــة
بتعذب واقـول تسعدنـى =منَّـك يـا جميـل يـوم ليمـة
يتبـدل جفاكـى محنـة =وهجرانـك يزيدنـى عزيـمـة
آمالـى البنيتـا عليهـا =مالـى الليـلـى دُر تحطيـمـا
كيف غيرك أعيش فى الدنيا =غيرك كيف يطيب لى نعيمـا
عارفة الفرقة نار فى ضلوعى =كيف يرضيك أصالى جحيما
أرحم سيب صدودك حبى =يامـا عليـك قلوبنـا رحيمـة
إيـه فايـدة شقايـا وهمـى =وعينـىَّ البكـبـن ديـمـة
ساهرى مع النجوم ترعاها =تبكـى شبابـا تنعـى قديمـا
تبكى تقـول حليـل الماضـى =محتـارة وجفاهـا نديمـة
كل ما أقول أكف دمعاتا =ألقـى دموعـا جاريـة هميمـة
جابتنـى المقاديـر ليهـا =فـى البيـت القصـادو النيمـة
لابسة الطرحة تقدل بيها =ذوق وجمـال وطلعـة وسيمـة
مخلوقـة تـراب الجنـة =والطيـب خالطوبـو جسيـمـا
كان حاكى القمر محياهـا =لـو مـا فـى القمـر ضلِّيمـة
عش فى الدنيا ما شُفْ غيرو =نـور فـى داخـل البليمـة
فى خديها شاهد روضـة =فايحـا عطـورا جابـا نسيمـا
ديسا هدل كثيف وتجرو =كـل مـا تمشـى ياطـا قديمـا
إن بسمت تشوف فى سنونا =برقـاً يحكـى بـرق الغيمـة
آه أنا من قنابلو صديرا =روحـى أصبـح عليمـا كريمـا
من نظرات عيونو الجارحى =قلبى خِرِّبْ خـراب لا ديمـة
حبها شال سحب عقليتى =مـا ظـن تانـى تبقـى سليمـة
أشكى لمين وأصارح مين =الحـب عنـد أهلنـا جريمـة
كت فاكر بحـورا بعومـا =لكـن صوبـت بـى الشيمـة
لى بر السلامة تعود بى =يا الـزرع العنـب فـى خشيمـا

عوض جلاس
06-17-2009, 12:49 AM
سراي الليل صباح الخير
وينكم اليوم غير الهادي واسامة ما شفنا زول بي جاي
عساكم بخير
يلا يا اسامة واصل مشوار الإبداع

واصل هاشم
06-17-2009, 08:54 AM
السراي صبحكم الله بالخير
مالكم الكسل ضربكم
يا اسامة لازم تنزل لينا حلقة عبد القيوم كلها هنا للناس الما عندهم النيل الازرق الزينا ديل

صلاح عبد النبي
06-17-2009, 09:35 AM
[quote=أسامة أحمد;104591]



الاخوة الكرام

ونحن نستعرض مسيرة الفنان عبد القيوم الشريف نقف معه والشاعر ابراهيم ابنعوف في اغنية ليمة وهي الاغنية التي ( اظنها ) كانت سببا في ثنائيتهما لانها قد سبقت مرحلة الهوي يستحيل واواخر الليل بعدة البومات غنائية .. وهي اخر اغنيات البوم اخر زمن ومنها سوف نرحل امسية اليوم الي تجربة البوم ( مشوّرة ).. ولازلنا في انتظار الاخ الاستاذ صلاح عبد النبي لـلحديث عن الاختلاف الذي اوجده تنوع التعامل مع الشعراء وما صاحب ذلك من تغير في طريقة النظم الشعري الذي حتما كان له الاثر في تنوع الالحان وطريقة الاداء


الأخ أسامة ..
أشكرك ودائماً ما تخجل تواضعي بمثل هذه الإحالات .. أتمنى أن أكون كما تظنون .
وأجيك في البداية لتجربة عبد القيوم في ألبوم الشوق غلاب .. وهي الاضافة الجميلة للكورس النسائي والتي بدون شك أضافت ألقاً بديعاً للأداء اللحني ..ويرجع ذلك إلى أن الكورس النسائي كان يؤدي دوره بمهارة وخاصة في المناطق العالية من اللحن حيث تم أداؤها بطريقة مريحة ومقبولة للأذن عكس الكورس الرجالي الذي كثيراً ما (يضرس) الآذان حينما يؤدون في هذه المناطق الصعبة .. وهذا عيب أدائي أتمنى أن يتخلص منه هؤلاء الأخوة .. وعموماً الفكرة جميلة وقد لجأ إليها بعض الفنانين على ما أذكر منهم الفنان صديق أحمد في أحد ألبوماته القديمة .. ثم الفنان ميرغني النجار ..
عبد القيوم فعلاً استفاد من التعامل مع مختلف الشعراء والملحنين .. هذا التعدد منحه ميزة التنوع في أعماله فكما ذكرت أخي أسامة فلكل شاعر أسلوبه في النظم والقافية والموسيقى الداخلية للقصيدة وهذه كلها تشكل عناصر هامة في أن يخرج اللحن متفرداً ومتميزاً ..
وهكذا نستطيع القول بأن الفنان عبد القيوم نجح في تجنب فخ التكرار اللحني الذي ظل منصوباً لكثير من الفنانين باعتماده على عنصر التنوع ..

ومتابع معكم ..

أم عمار
06-17-2009, 08:30 PM
بسم الله الرحمن الرحيم
اللهم صل على محمد وعلى آله وصحبه أجمعين



ناس القوز سلام


جيت وشايلي المديدي ومالقيت زول

آها يدي في المعلاق ولاتنسو السمن في القزازي ختيتا في الطاقه

ودعناكم الله
أم عمــــــــــــــــــــــا ر

اسامة حمزة
06-17-2009, 10:17 PM
السراي صبحكم الله بالخير
مالكم الكسل ضربكم
يا اسامة لازم تنزل لينا حلقة عبد القيوم كلها هنا للناس الما عندهم النيل الازرق الزينا ديل



واصل هاشم

اخونا الزماااااااااااااااان ياااااااااااااااااااااااااا حليلك ..

ياخي والله شوفة اسمك دي هنا براها بركة

احييك واحي متابعتك .. والحلقة نازلة في بوست حسان سر الختم عن عبد القيوم

عوض جلاس
06-17-2009, 10:20 PM
أستاذنا صلاح عبد النبي تحياتي
ومشكور على مساهمتك التي جاءت بعين الخبير لتجربة عبد القيوم اللحنية
نتمنى أن تساهم دوماً في تفنيد تجارب المبدعين الذين يستضيفهم القوز

أم عمار سلام
ما شاء الله مديدتك لا يعلى عليها
يبقالي حنخلي المديدي بعد كدي لي خبازينها
منورة والله القوز
شايف اسامة وعدنا من أمس بالتبحر في روائع ( مشورة )
ولكنه لم يأتي حتى الآن لعل المانع خير
واستأذنه بالدخول مباشرة في محتوى الإلبوم

مشورة
http://sudaniyat.net/up/uploading/mshwara.mp3





.

ود حمزه
06-17-2009, 10:26 PM
[QUOTE=عوض جلاس;104553][size=5][color=#0000FF]غايتو سرحت ساكت في الكلام اتاري قاعد براي
بس أنا ونجيمتي والسبعة زوار
[align=center]http://sudaniyat.net/up/uploading/ert.JPG[/alig

~~~~~~~~~~~~~~~~~~~~~~~~
]~~~~~~~~~~~~~~~~~~~~
سلام انا معاك لاتخاف بس معدود تبع الزوار السبعه وعناكب قوقل والنجيمه زكرتني اغنيه ظريفه لشاعرنا القامه
للسر عثمان الطيب الله يطرا بالخير- طولت ما سمعتها عليك الله ماعندك؟؟؟؟
النجمه ديك تشهد براي سهران وحيد ابكي الليالي المره ساهي البال شريد
تحياتي تصبح علي خير .

اسامة حمزة
06-17-2009, 10:26 PM
[quote=أسامة أحمد;104591]



الاخوة الكرام

ونحن نستعرض مسيرة الفنان عبد القيوم الشريف نقف معه والشاعر ابراهيم ابنعوف في اغنية ليمة وهي الاغنية التي ( اظنها ) كانت سببا في ثنائيتهما لانها قد سبقت مرحلة الهوي يستحيل واواخر الليل بعدة البومات غنائية .. وهي اخر اغنيات البوم اخر زمن ومنها سوف نرحل امسية اليوم الي تجربة البوم ( مشوّرة ).. ولازلنا في انتظار الاخ الاستاذ صلاح عبد النبي لـلحديث عن الاختلاف الذي اوجده تنوع التعامل مع الشعراء وما صاحب ذلك من تغير في طريقة النظم الشعري الذي حتما كان له الاثر في تنوع الالحان وطريقة الاداء


الأخ أسامة ..
أشكرك ودائماً ما تخجل تواضعي بمثل هذه الإحالات .. أتمنى أن أكون كما تظنون .
وأجيك في البداية لتجربة عبد القيوم في ألبوم الشوق غلاب .. وهي الاضافة الجميلة للكورس النسائي والتي بدون شك أضافت ألقاً بديعاً للأداء اللحني ..ويرجع ذلك إلى أن الكورس النسائي كان يؤدي دوره بمهارة وخاصة في المناطق العالية من اللحن حيث تم أداؤها بطريقة مريحة ومقبولة للأذن عكس الكورس الرجالي الذي كثيراً ما (يضرس) الآذان حينما يؤدون في هذه المناطق الصعبة .. وهذا عيب أدائي أتمنى أن يتخلص منه هؤلاء الأخوة .. وعموماً الفكرة جميلة وقد لجأ إليها بعض الفنانين على ما أذكر منهم الفنان صديق أحمد في أحد ألبوماته القديمة .. ثم الفنان ميرغني النجار ..
عبد القيوم فعلاً استفاد من التعامل مع مختلف الشعراء والملحنين .. هذا التعدد منحه ميزة التنوع في أعماله فكما ذكرت أخي أسامة فلكل شاعر أسلوبه في النظم والقافية والموسيقى الداخلية للقصيدة وهذه كلها تشكل عناصر هامة في أن يخرج اللحن متفرداً ومتميزاً ..
وهكذا نستطيع القول بأن الفنان عبد القيوم نجح في تجنب فخ التكرار اللحني الذي ظل منصوباً لكثير من الفنانين باعتماده على عنصر التنوع ..

ومتابع معكم ..

الاستاذ صلاح :

لك التحية علي هذا الشرح الجميل والمفيد ونحن نستعرض مسيرة الفنان عبد القيوم .. وبالتاكيد ان تنوع التعامل مع الشعراء يعطي الفنان حرية التنقل بين بحور الشعر المختلفة وهذا بدوره يمنح الفنان او الملحن فرصة ايجاد الحان مختلفة

لك التحية وانت تبحر معنا في خواتيم مسيرة عبد القيوم الشريف ..ومعنا نبحر في البوم ( مشوّرة ) واولي اغنياته هي الاغنية التي حمل الالبوم اسمها


مشورة من كلمات حاتم الدابي ومن الحانه ايضاً
http://sudaniyat.net/up/uploading/mashwara.mp3


.

اسامة حمزة
06-17-2009, 10:34 PM
ثاني اغنيات الالبوم اغنية بعد الحصل للشاعر محمد احمد الحبيب ومن الحانه ايضاً وهي تجربة سبقت تحربة الثنائية الرسمية التي جمعت بين الحبيب وعبد القيوم في بعد ذلك


http://sudaniyat.net/up/uploading/baadalhasalosama.mp3


.

عوض جلاس
06-17-2009, 10:42 PM
يا خلا دلوني الطريق دايرلي بينكم مشورة=
عاشق يئن ليل فوق نهار أتعب عيونو وسهرة=
***
زولاً متيم من زمان كم شابا طالب المشترى=
لكنو ماعرف الوصول واقدامو ثابتات في الثرى=
تابع دريب زولو الحنين في دربو كم ساسق جرى =
وغلبو اصطياد قمريتو حد مادودرا=
***
الله على زولاً هلك في عتمة قدامو وورا=
يتباكو كل ماذكروا مدرسة ولا قالو مذاكرة=
انتِ الأماني الفي القليب آمنا بيك يا جوهرة=
لمتين رجوعك للقرير صبحت بلاك مكدرة=
***
انا زولي ضاوي وجيهو زي القمرة نايري مدورة=
والعود نداوتو الخيدران والقامة زي المسطرة=
خلقي وعيونو مكحلات يوم بي كحل ماجرجرا=
مافيش شبيهو بلا المحيط في كل مداها ومحورة=
***
حزمة سبيب للعاشقين مردوم مدفق بي ورا=
أما الشفاه لهجن عسل كلمات يقطر سكرة=
شوف القوام قايم يدافر موجو زي نهر أدبرة=
بشتني خلى الناس تقول مجنون دا قبالو وبرة=

اسامة حمزة
06-17-2009, 10:43 PM
ثالث اغنيات الالبوم هي اغنية ( بنتلاقا ) وهي ايضاً من كلمات والحان الشاعر محمد احمد الحبيب .. وهي من الاغنيات التي سبقت التجربة التي جمعت بينهما كثنائية معروفة




http://sudaniyat.net/up/uploading/kanallaarad.mp3


.

عوض جلاس
06-17-2009, 10:45 PM
شنو يا أسامة راجنك من أمس ما جيت
أول من نزلت أغنية مشورة جيت نزلتها بعدي ؟؟؟؟؟

اسامة حمزة
06-17-2009, 10:49 PM
شكرا عوض جلاس علي المتابعة واحييك والله .. ولنرحل معا الي الاغنية الرابعة في البوم مشورة وهي ( شكوي ) من كلمات والحان حاتم الدابي وهي تثبت لنا موهبة حاتم في مجال التلحين



http://sudaniyat.net/up/uploading/shakwaosama.mp3


.

صلاح عبد النبي
06-17-2009, 10:51 PM
الأخ أسامة
مساء الخير ..
طلة سريعة على القوز ..
وشايفكم دايرين تختموا مسيرة عبد القيوم قبل ما تجيبوا (بيضة الديك) حقتي الغناها عبد القيوم في ألبوم الشوق غلاب .. أقصد أغنية خاطرك الغالي من كلمات الشاعر الصديق السر عثمان الطيب ..
ودي عندها قصة ..
فقد قمت بتلحينها ضمن مجموعة من أعمال الأخ السر عثمان وسجلت الأعمال وعددها تقريباً أربعة .. وسافر بها الأخ السر وأسمعها لعبد القيوم .. وفي نفس جلسة الاستماع قاموا بالاتصال علي من الخرطوم وأنا في جدة وأسمعوني أغنية أديتك الخاطر أو خاطرك الغالي حينما كان الأخ عبد القيوم يترنم بها بعد أن حفظ اللحن مباشرة من الشريط ..وهي الأغنية الوحيدة التي حازت على اعجابه رغم أنني كنت أعتقد أن الألحان الأخرى أفضل منها .. وطبعاً المسألة بتعتمد على ذوق الفنان ومعرفته للحن الذي يتناسب مع صوته ..
وهكذا خرجت هذه الأغنية ..
أتمنى أن تقوموا برفعها لو كانت متوفرة .. على الاقل نستعيد بعض ذكريات ورشة العمل الفنية التي استمرت لمدة ثلاثة سنوات مع أخي السر عثمان-أيام كان يثري ليالينا في الغربة - والتي أنتجت العديد من الأعمال مثل (حقك علي- النصري) (وفي حمايا وفي ضرايا - عادل عثمان الطيب) - (البينا عامرة - قرشي الحجير ) (يا حالبة من عيني الدموع - جعفر السقيد ) وأعمال أخرى لم تر النور حتى الآن ..

مودتي ..

عوض جلاس
06-17-2009, 11:10 PM
[QUOTE=عوض جلاس;104553][size=5][color=#0000FF]غايتو سرحت ساكت في الكلام اتاري قاعد براي
بس أنا ونجيمتي والسبعة زوار
[align=center]http://sudaniyat.net/up/uploading/ert.JPG[/alig

~~~~~~~~~~~~~~~~~~~~~~~~
]~~~~~~~~~~~~~~~~~~~~
سلام انا معاك لاتخاف بس معدود تبع الزوار السبعه وعناكب قوقل والنجيمه زكرتني اغنيه ظريفه لشاعرنا القامه
للسر عثمان الطيب الله يطرا بالخير- طولت ما سمعتها عليك الله ماعندك؟؟؟؟
النجمه ديك تشهد براي سهران وحيد ابكي الليالي المره ساهي البال شريد
تحياتي تصبح علي خير .

ألف مرحب ود حمزة بيك في القوز
وياخي وينك من زمان
ناس الأراك معروفين بعشقهم للفن وهم بطبعهم ناس فنانين
ننتظر مشاركتك ومساهمتك في القوز وليس حضورك كزائر وعنكب
اتفضل يلا اتحفنا بالشيء العندك

عوض جلاس
06-17-2009, 11:14 PM
أستاذنا صلاح عبد النبي كيف حالك
ومشكور على مساهمتك وتعريفنا بقصة أغنية أديتك الخاطر
وما تخاف لسع ماشين على إلبوم الشوق غلاب
وإن شاء الله أغنيتك دي حتكون من أوائل الأغاني التي سنتطرق لها
التحية للأستاذ السر عثمان الطيب
وهو غاتس وين ما شايفنو من زمان
خليك معانا طوالي

عوض جلاس
06-17-2009, 11:17 PM
من أغاني الهجيج في إلبوم مشورة

مسلك عود القنا
http://sudaniyat.net/up/uploading/maslak.mp3



.

اسامة حمزة
06-17-2009, 11:20 PM
المشاركة الاصلية بواسطة صلاح عبد النبي

الأخ أسامة
مساء الخير ..
طلة سريعة على القوز ..
وشايفكم دايرين تختموا مسيرة عبد القيوم قبل ما تجيبوا (بيضة الديك) حقتي الغناها عبد القيوم في ألبوم الشوق غلاب .. أقصد أغنية خاطرك الغالي من كلمات الشاعر الصديق السر عثمان الطيب ..
ودي عندها قصة ..
فقد قمت بتلحينها ضمن مجموعة من أعمال الأخ السر عثمان وسجلت الأعمال وعددها تقريباً أربعة .. وسافر بها الأخ السر وأسمعها لعبد القيوم .. وفي نفس جلسة الاستماع قاموا بالاتصال علي من الخرطوم وأنا في جدة وأسمعوني أغنية أديتك الخاطر أو خاطرك الغالي حينما كان الأخ عبد القيوم يترنم بها بعد أن حفظ اللحن مباشرة من الشريط ..وهي الأغنية الوحيدة التي حازت على اعجابه رغم أنني كنت أعتقد أن الألحان الأخرى أفضل منها .. وطبعاً المسألة بتعتمد على ذوق الفنان ومعرفته للحن الذي يتناسب مع صوته ..
وهكذا خرجت هذه الأغنية ..
أتمنى أن تقوموا برفعها لو كانت متوفرة ..

تعرف ياصلاح .. بديت اسجل في الشريط .. حصلت مشكلة والشريط اتقطع داخل المسجل .. والان تمت المعالجة لانوالمسجل من النوع البيركب جوة الكمبيوتر .. ستجد الاغنية هنا بالتاكيد قبل ان نختم المسيرة وتحية ليك وانت تدينا الطلة الحلوة دي .. وعشان نرجعك شوية لذكرياتك الجميلة اقوم اديك هديتين هنا ونرجع نواصل في سرد تفاصيل عبد القيوم

على الاقل نستعيد بعض ذكريات ورشة العمل الفنية التي استمرت لمدة ثلاثة سنوات مع أخي السر عثمان-أيام كان يثري ليالينا في الغربة - والتي أنتجت العديد من الأعمال مثل (حقك علي- النصري) (وفي حمايا وفي ضرايا - عادل عثمان الطيب) - (البينا عامرة - قرشي الحجير ) (يا حالبة من عيني الدموع - جعفر السقيد ) وأعمال أخرى لم تر النور حتى الآن ..

مودتي .


حقك علي (محمد النصري )تسجيل قناة الشروق http://sudaniyat.net/up/uploading/hagkalay.mp3


السر عثمان مقطع من ياحالبة
http://sudaniyat.net/up/uploading/alsiryahalba.mp3

يلا خليك معانا


.

حميد
06-17-2009, 11:26 PM
يا سلام على هذا الابداع..
بوست يستحق ان يطلق عليه اسم ( أمينة عرش البركل)
فكرة موفقة ودرر مشتتة بانتظام وروعة..

عودة..صنقرة واستمتاااع..

اسامة حمزة
06-17-2009, 11:39 PM
[QUOTE=عوض جلاس;104553][B][size=5][font=Arial Black][color=#0000FF]غايتو سرحت ساكت في الكلام اتاري قاعد براي
بس أنا ونجيمتي والسبعة

[align=center]http://sudaniyat.net/up/uploading/1211.JPG]
[size=6][color=#4B0082]سلام انا معاك لاتخاف بس معدود تبع الزوار السبعه وعناكب قوقل والنجيمه زكرتني اغنيه ظريفه لشاعرنا القامه
للسر عثمان الطيب الله يطرا بالخير- طولت ما سمعتها عليك الله ماعندك؟؟؟؟
النجمه ديك تشهد براي سهران وحيد ابكي الليالي المره ساهي البال شريد
تحياتي تصبح علي خير .

ود حمزة ازيك وما داير اقول ليك شرفت ونورت ,, البيت بيتك

اسامة حمزة
06-17-2009, 11:45 PM
يا سلام على هذا الابداع..
بوست يستحق ان يطلق عليه اسم ( أمينة عرش البركل) فكرة موفقة ودرر مشتتة بانتظام وروعة..

عودة..صنقرة واستمتاااع..



حميد .. اهلا بيك والبيت بيتك والقوز قوزك .. تعال ولاتغيب

اسامة حمزة
06-17-2009, 11:49 PM
بعد ان اخدنا ( سندة ) مع صلاح عبد النبي ..نواصل سرد مسيرة الفنان عبدج القيوم

ونقف مع الاغنية ( رقم 5) في البوم ( مشورة ) ا

( سونا) وهي من كلمات والحان حاتم الدابي ..


http://sudaniyat.net/up/uploading/soonaosama.mp3

.

عوض جلاس
06-17-2009, 11:50 PM
يا سلام على هذا الابداع..
بوست يستحق ان يطلق عليه اسم ( أمينة عرش البركل)
فكرة موفقة ودرر مشتتة بانتظام وروعة..

عودة..صنقرة واستمتاااع..

حميد شرفت القوز ونور اليوم بطلتك
ما دايرين صنقرة بس
دايرنك تشاركنا وتساهم معانا
إنت زول شايل طنبورك وحايم في ألمانيا
أكيد عندك الكتير والكتير
مرحب حبابك الف

حميد
06-17-2009, 11:57 PM
حميد .. اهلا بيك والبيت بيتك والقوز قوزك .. تعال ولاتغيب
الحبيب اسامة احمد
عساك طيب وبخير..
مساهماتك الجميلة اعطت البركل وتر حنين سادس..

ادونا راس الخيط والفكرة حتى لا نفتح ثقوبا تلج منها الارضة لهذا ( المرق ) المتين..

حميد
06-18-2009, 12:01 AM
حميد شرفت القوز ونور اليوم بطلتك
ما دايرين صنقرة بس
دايرنك تشاركنا وتساهم معانا
إنت زول شايل طنبورك وحايم في ألمانيا
أكيد عندك الكتير والكتير
مرحب حبابك الف

عوض اخوي..
نشارك ونص وخمسة ليه لا..
مكتبتي تهاتكت اوتادها لكن اي سلك لافي في النت دا بقدر عليهو اجيبو
وكل الطلبات مجااابة..

وجودك يطمئنني علي عافية البركل..
دامت عافيتك

اسامة حمزة
06-18-2009, 12:02 AM
الاغنية قبل الاخيرة .. في البوم مشورة هي اغنية ( دُرة الغواص ) وهي من كلمات الشاعر احمد سيد احمد رحمة ومن الحان عبد القيوم .. وهي من الاعمال التي عاد بها عبد القيوم الي سابق تعامله مع الشاعر احمد سيد احمد الذي يعتبر من الذين شكلوا بدايات الفنان عبد القيوم الذي تغني له بعدد من الاغنيات منها ( كان المهور .. صوت السواقي )


http://sudaniyat.net/up/uploading/dortgwasosama.mp3


.

اسامة حمزة
06-18-2009, 12:07 AM
الحبيب اسامة احمد
عساك طيب وبخير..
مساهماتك الجميلة اعطت البركل وتر حنين سادس..

ادونا راس الخيط والفكرة حتى لا نفتح ثقوبا تلج منها الارضة لهذا ( المرق ) المتين..


الاخ حميد .. تحية طيبة

راس الخيت عند اي رنة طنبور تجيبا لينا في القوز .. نحن هسة فاتحين ملف عبد القيوم وقربنا نصل نهايتو .. واصل معانا

تحية

اسامة حمزة
06-18-2009, 12:35 AM
اخر اغنيات البوم ( مشورة ) هي اغنية (المسلك ) والتي اوردها الاخ عوض جلاس وهي من كلمات الشاعر حسن الدابي ومن الحانه ..



http://sudaniyat.net/up/uploading/masalakosama.mp3



.

عوض جلاس
06-18-2009, 12:41 AM
تحياتي أسامة
ومشكور على هذا الجهد
إلبوم مشورة هو اسرع إلبوم ننتهي من سرده هنا ولم يأخذ اكثر من ساعتين تقريباً
يلا ورينا الإلبوم الجايي شنو عشان نعمل تسخينة من بدري

اسامة حمزة
06-18-2009, 12:56 AM
الاخ عوض

حقيقة ان سر د الالبوم لم يستغرق وقتا طويلا وعموما ان مسيرة عبد القيوم لطولها وروعتها استغرقت زمنا اكثر من اي استعراض اخر في قوز السراي

تبقي لنا قليل من (الشوق غلاب ) والبوم ( طوف الحزن ) ونكون قد طفنا علي كل التجربة

طوف الحزن البوم تم تسجيله مرتين واعادة دمج صوت الكورس في التسجيل الثاني

يلا جهز نفسك.. لكن تعال نسألك .. انت المصحيك شنو الليلة وين ( الليت )؟؟؟

عوض جلاس
06-18-2009, 01:03 AM
قبل أن نبدأ في الإلبومين الأخيرين
نشوف عبد القيوم في لونية مختلفة
أغنية لو بالصد ( عربي + رطانة )

http://sudaniyat.net/up/uploading/zz-rotanna_lw_bi_alsadd.mp3





.

عوض جلاس
06-18-2009, 01:09 AM
يلا جهز نفسك.. لكن تعال نسألك .. انت المصحيك شنو الليلة وين ( الليت )؟؟؟


الله يرحم ايام الليت
رجعنا تاني لأيام السهر
بس لكن بعد الساعة تلاتة الواحد تاني يشوف طشاش طشاش

اسامة حمزة
06-18-2009, 07:41 AM
الله يرحم ايام الليت
رجعنا تاني لأيام السهر
بس لكن بعد الساعة تلاتة الواحد تاني يشوف طشاش طشاش


تعرف .. عندنا ناس غايبين من زمن .. الهادي قنديل ..ود اللمين ..هديل ..

اها ديل عرفناهم ..هديل دي مالا .. تكون سوتلها ليت ؟؟؟؟؟

أم عمار
06-18-2009, 07:38 PM
ام عمـــار

كيفنك والمعاك؟؟

كدي لامــن بقية السراي يجو عاوزك تفتينا من الناحية القانونية لكلام ابراهيم ابنعوف وهو يخاطبها قائلا ً

علمتيني العشق المجنون

جالسيني وفي شرعو افتيني

افتيني في حـُكم الهوى بالزات

في نص المادة الفيهو تقول

يُظلم من حب ولو مظلوم

لا شاهد لا دفعا مقبول

لو قتل الحب عاشق عمدا ً

العدل مع القاتل على طول

طيب ما ذنب المات مقتول

ما ترُدي عليّ حيرتيني ؟

بسم الله الرحمن الرحيم
اللهم صل على محمد وعلى آله وصحبه أجمعين
الاخوه الكرام / قوز السراي
السلام عليكم ورحمة الله وبركاته
الأخوة اسامه وباقى العقد الفريد اعتذر عن مشاركاتى المزعجه ولكم العتبى حتى ترضوا ،،،
الأخ الهادى نعتذر بشدة لتأخيري بالرد عليك وذلك لأسباب خارجه عن ارادتي ،،، وانت تأمر ،،،
شرح مؤجز لنص المادة ( 255 ) مقروءة مع المادة( 33) الفقرة ( ج) من قانون العاشقين الضاااااااااالين
المبدأ القانوني الحب برئ حتي تثبت إدانته
تعتبر بينة العاشق باطله لانها تعتمد علي الركن المعنوي فقط لذا فأنها ضعيفة وغير منتجه في الدعوى كقول العاشق أنا وإنت والنيل والقمر؛؛؛وأنا وإنت والنجم والمساء
يقبل الطعن في شهادة الشهود وتستبعد بينات العاشق لوجود المصلحة؛؛؛؛
ومن منطلق الحب سلطان يقتل بالأهمال وبالنسيان
نري إن العاشق لاذ بالصمت مما أدى لشطب البلاغ إجازيآ
عليه قررت المحكمة شطب الدعوي الجنائية (جريمة القتل عمدآ) وإطلاق سراح الحب فورآ
ماذنب المات مقتول ؟؟؟ ذنبه دخل في المحظور
وإليكم السابقة القضائية التي نشرت في مجلة الأحكام لعام 625م
بين كل من بشر الأسيدي من بنى عبد العزى.. شاعر إسلامي
وهند، فتاة من قومه وإحدى فواضل نساء عصرها حسناً وجمالاً
ما حالتها الإجتماعية فمتزوجة من رجل يقال له سعد بن سعيد
وأما حالتها العاطفية فعاشقة حتى الثمالة لبشر( عليك الله يا لهادي أخوي شوف الجن دا)
نظرت إليه مرة يوم كان يجتاز بمنزلها قاصداً رسول الله (ص) فلم تعد تملك إلاّ
أن تنظر إليه دوماً، حتى أدمنت المكوث كل غداة على دربه تنتظر إجتيازه.
فإذا ما مر إضطرب كل شيء فيها إلا النظرة الثابتة إلى وجهه إلى أن تطويه
المسافة بعيداً عنها، دون أن يكلف نفسه عناء رمي نظرة أو إلقاء تحية أو
القيام بأي حركة تحسسها بشغل حيز في حياته..وانشدت فيه ؛؛؛
أهواكَ يا بشرُ دون الناس كلهـم
وغيركَ يهواني فيمنَعُـهُ صـدّي
تمرُّ ببابي لست تعرفُ ما الـذي
أكابدُ من شوقي إليكَ ومن بُعدي
فياليتنـي أرضٌ وأنـتَ أمامهـا
تدوسُ بنعليك الكرامِ على خدّي
ويا ليتني نعلاً أقيكَ مـن الحَفَـا
ويا ليتني ثوباً أقيكَ مـن البَـرْدِ
تباتُ خليَّ البالِ من ألمِ الجَـوَى
وقلبي كواهُ الحبُّ من شدّةِ الوجدِ
وإنك إن قصَّرت عني ولـم تـزر
فلابُدَّ بعدَ الصدِّ أدفن في لحـدي

ولك تحياتي
أم عمــــــــــــــــــــــــــار[/size]

اسامة حمزة
06-18-2009, 08:23 PM
المشاركة الاصلية بواسطة أم عمار




بسم الله الرحمن الرحيم
اللهم صل على محمد وعلى آله وصحبه أجمعين
الاخوه الكرام / قوز السراي
السلام عليكم ورحمة الله وبركاته

الأخوة اسامه وباقى العقد الفريد اعتذر عن مشاركاتى المزعجه ولكم العتبى حتى ترضوا
ليس هناك ما يستحق الاعتذار يا ام عمار فهنا كلنا نتحلي بالروح الرياضية ( والسياحية )
الأخ الهادى نعتذر بشدة لتأخيري بالرد عليك وذلك لأسباب خارجه عن ارادتي ،،، وانت تأمر


شرح مؤجز لنص المادة ( 255 ) مقروءة مع المادة( 33) الفقرة ( ج) من قانون العاشقين الضاااااااااالين
المبدأ القانوني الحب برئ حتي تثبت إدانته
تعتبر بينة العاشق باطله لانها تعتمد علي الركن المعنوي فقط لذا فأنها ضعيفة وغير منتجه في الدعوى كقول العاشق أنا وإنت والنيل والقمر؛؛؛وأنا وإنت والنجم والمساء
يقبل الطعن في شهادة الشهود وتستبعد بينات العاشق لوجود المصلحة؛؛؛؛
ومن منطلق الحب سلطان يقتل بالأهمال وبالنسيان
نري إن العاشق لاذ بالصمت مما أدى لشطب البلاغ إجازيآ
عليه قررت المحكمة شطب الدعوي الجنائية (جريمة القتل عمدآ) وإطلاق سراح الحب فورآ
ماذنب المات مقتول ؟؟؟ ذنبه دخل في المحظور
وإليكم السابقة القضائية التي نشرت في مجلة الأحكام لعام 625م
بين كل من بشر الأسيدي من بنى عبد العزى.. شاعر إسلامي
وهند، فتاة من قومه وإحدى فواضل نساء عصرها حسناً وجمالاً
ما حالتها الإجتماعية فمتزوجة من رجل يقال له سعد بن سعيد
وأما حالتها العاطفية فعاشقة حتى الثمالة لبشر( عليك الله يا لهادي أخوي شوف الجن دا)
نظرت إليه مرة يوم كان يجتاز بمنزلها قاصداً رسول الله (ص) فلم تعد تملك إلاّ
أن تنظر إليه دوماً، حتى أدمنت المكوث كل غداة على دربه تنتظر إجتيازه.
فإذا ما مر إضطرب كل شيء فيها إلا النظرة الثابتة إلى وجهه إلى أن تطويه
المسافة بعيداً عنها، دون أن يكلف نفسه عناء رمي نظرة أو إلقاء تحية أو
القيام بأي حركة تحسسها بشغل حيز في حياته..وانشدت فيه ؛؛؛
أهواكَ يا بشرُ دون الناس كلهـم
وغيركَ يهواني فيمنَعُـهُ صـدّي
تمرُّ ببابي لست تعرفُ ما الـذي
أكابدُ من شوقي إليكَ ومن بُعدي
فياليتنـي أرضٌ وأنـتَ أمامهـا
تدوسُ بنعليك الكرامِ على خدّي
ويا ليتني نعلاً أقيكَ مـن الحَفَـا
ويا ليتني ثوباً أقيكَ مـن البَـرْدِ
تباتُ خليَّ البالِ من ألمِ الجَـوَى
وقلبي كواهُ الحبُّ من شدّةِ الوجدِ
وإنك إن قصَّرت عني ولـم تـزر
فلابُدَّ بعدَ الصدِّ أدفن في لحـدي

ولك تحياتي
أم عمــــــــــــــــــــــــــار


شكرا ام عمار ونحن الحالة عندنا وااااااااااااااااااحدة

واصل هاشم
06-18-2009, 10:20 PM
واصل هاشم

اخونا الزماااااااااااااااان ياااااااااااااااااااااااااا حليلك ..

ياخي والله شوفة اسمك دي هنا براها بركة

احييك واحي متابعتك .. والحلقة نازلة في بوست حسان سر الختم عن عبد القيوم

والله يا اسامة يا اخوي المشاغل بس الحابساني منكم
الايام دي معصور والقراية زااااايدة وربك كريم بس
لكن والله متابع القوز وما بغيب عنو

الله يديكم العافية

اسامة حمزة
06-18-2009, 10:54 PM
زعلانة ليه .. (طوف الحزن)


الاخوة الكرام

اولاً نحيي الاخ واصل علي حضوره بعد غياب ونتمني له التوفيق والسداد في مسيرته الدراسية


البوم (زعلانه ليه ) هو واحد من محطات عبد القيوم في مجال انتاج الكاسيت عبر الشركات المتخصصة ولكن جاء استعراضه متأخرا حتي نتمكن من رفع الاغاني ولكن وجب التنويه ان الالبوم ( زعلانه ليه ) تم تسجيله اولاً في جلسة فنية ( بدون فرقة مصاحبة ) ثم اعيد تسجيل الكثيرمن اغنياته عبر البوم ( طوف الحزن ) بادخال او تركيب صوت الكورس مع اضافة اعمال جديدة .
سنقوم في المساحة القادمة باستعراض البوم (طوف الحزن )علي تن نختم سرد مسيرة الفنان عبد القيوم الشريفي بعرض الاغنيات غير المشتركة في الالبومين


اولي اعمال البوم طوف الحزن .. الاغنية التي حمل الالبوم اسمها

طوف الحزن ..من كلمات الشاعر محمد خير درو وهي تعتبر اول تعامل فني بينهما



http://sudaniyat.net/up/uploading/tofalhozonosama.mp3


.

عوض جلاس
06-18-2009, 11:56 PM
تحياتي سراي الليل
أسامة وأم عمار وواصل
والأغنية هي في إلبوم قبلة العشاق
وأظن إننا نسينا أن نعطي هذا الإلبوم حقوواصل
ومشكور أسامة على الأغنية الجميلة طوف الحزن
والشاعر محمد خير درو شاعر كلماته تحدث عن نفسه
وتعطيك الإحساس بانها لا تخرج إلا من كنانته
وأظنه كان له تعاون آخر جميل مع عبد القيوم هي أغنية يسوقني شوق
يا مريم الليل انتكى هدهدنا فوق إيدينا نام
أتمنى الرجوع إليه أيضاً
الظاهر محطة عبد القيوم ما حتنتهي بسهولة
لأنه فنان إنتاجه غزير جداً وكله إبداع × إبداع

اسامة حمزة
06-18-2009, 11:56 PM
ايضا من اعمال الالبوم اغنية ( اتحداكي ) وهي من كلمات الشاعر علاء الدين ابو سير وهي التعامل الثاني بعد اغنية سامحني واصفح ياحبيب التي وردت خلال هذا العرض




http://sudaniyat.net/up/uploading/ethsakyosama0.mp3


.

اسامة حمزة
06-19-2009, 12:15 AM
شكرا عوض وانت تسهر معنا (معاي .. باقي انا بقيت حارس القوز براي )
مجمد خير درو من الشعرءا الشباب اصحاب الكلمة المميزة والراقية وظهر في الساحة باعمال قوية لفتت انتباه الناس اليه عبر صوت الفنان النصري ..

من اغنياته في البوم ( طوف الحزن ) اغنية سلام يازولة في جواي



http://sudaniyat.net/up/uploading/salamyazolaosama.mp3


.

خالد الباشا
06-19-2009, 12:15 AM
تحيات وتقدير واحترامات لسراي اليل ...

وتحية للصديق اسامة حمزة وهو يواصل تفرده وصبره وابداعاته ..

وتحية لفناني المخضرم عبد القيوم الشريف ..


.......................

جيت اهبش تلوت الليالي دي قلت اسمع لي اغنية ارتاح بيها من جري النهار وشقاوة الخرطوم .. لكن حقيقة احترت اختار ياتو اغنية كلما افتح وحده القاها اسمح من التاني ..

تحياتي ..

اسامة حمزة
06-19-2009, 12:30 AM
المشاركة الاصلية بواسطة :- خالد الباشا

تحيات وتقدير واحترامات لسراي اليل ...

وبإسم السراي لك التحية الاستاذ الشاعر المرهف الجميل خالد وسعيداء ان تسهر معنا بعد غيبة وان كنا ننتظرك علي حسب وعدك لنا ان تكون معنا بعد نهاية الحديث عنك في القوز .. لازلنا ننتظرك

وتحية للصديق اسامة حمزة وهو يواصل تفرده وصبره وابداعاته ..
واين انا من ابداع الاستاذ خالد الباشا وتفرده وهو يمنحنا كل قوافيه لنرتاح بها بعد عناء وفي بالي كم من الروعة يصبها النصري وهو ينشدنا ( [color=#00008B]نضاريك في العيون تظهر بريق لهفة ودمع هطااااال )

وتحية لفناني المخضرم عبد القيوم الشريف ..

ونحن عبرك نرسل له التحايا وندعوه للتسجيل بموقع البركل لينتمي الي قبيلة المبدعين


.......................

جيت اهبش تلوت الليالي دي قلت اسمع لي اغنية ارتاح بيها من جري النهار وشقاوة الخرطوم .. لكن حقيقة احترت اختار ياتو اغنية كلما افتح وحده القاها اسمح من التاني ..



ونحن نفتح لك باب الاختيارلاي اغينة من اغنيات عبد القيوم اخي خالد بمناسبة زيارتك المشرف .. ولترحل معنا الي الاغنية القادمة ( وبرضو عند حق الاختيار تاني )
اغنية رغم الجراح ( شمعة ) من اغنيات البوم ( طوف الحزن ) ومن كلمات الشاعر الكبير السر عثمان الطيب ومهداه الي الاخ الاستاذ خالد الباشا



http://sudaniyat.net/up/uploading/shamaaosama00.mp3


.

اسامة حمزة
06-19-2009, 12:41 AM
الاستاذ الشاعر (محمد سعيد دفع الله ) كان له نصيب في مسيرة الفنان عبد القيوم بعدد من الاغنيات وردت عبر استعراض مسيرته .. ومن اسهاماته في البوم (طوف الحزن )اغنية ( استسرع الايام ) وهي من الاغنيات التي كتبها محمد سعيد في فترة اغترابه عن الوطن ضمن اعمال اخري كثيرة تغني بها عدد من الفنانين


استسرع الايام
http://sudaniyat.net/up/uploading/istsreealayamosama.mp3


.

اسامة حمزة
06-19-2009, 12:53 AM
من اغنيات البوم طوف الحزن اغينة ( خيبة امل ) وهي ايضا للشاعر علاء الدين عبد الرحيم ( ابوسير) وهي من الاغنيات التي شكلت الرقم الثالث في مسيرة تعامل عبد القيوم وعلاء الدين

http://sudaniyat.net/up/uploading/toomdaletyosama.mp3


.

عوض جلاس
06-19-2009, 12:56 AM
التحية للشاعر الفذ خالد الباشا
وهو يعود ويشرفنا في القوز اليوم
نتمنى له طيب الإقامة وأن يشاركنا بآرائه الثاقبة

اسامة حمزة
06-19-2009, 01:14 AM
بأعنية( صابرة ) التي صاغها الشاعر المرهف (محمد خير درو ) نكون قد وصلنا الي اخر اغنيات البوم ( طوف الحزن .. )
محطة الفنان (عبد القيوم الشريفي ) كانت من المحطات الطويلة والرائعة ..والتي توقفنا فيها عبر ابداعات الكثير من الشعراء الذين اسهموا في تكوين الشخصية الفنية لعبد القيوم وهي مسيرة قدم فيها عبد القيوم اعمالا عطر بها الساحة الفنية واكتسب بها جمهورا يعشق الفن ويعشق عبد القيوم .
تبقت لنا بعض الاعمال كان من المفترض تقديمها بحسب ترتيب صدورها ولكن لظروف فنية لم اتمكن من ترتيب تلك الاعمال وتم تقديم جزء منها .
لنا وقفة مع بعض الاعمال التي لم ترد خلال السرد.. ومن هنا اقدم التحية للاستاذ ( صلاح عبد النبي ) الذي لحن عددا من الاعمال للفنان ( عبد القيوم ) ومن هذه الاعمال اغنية ( اديتك الخاطر ) للشاعر (السر عثمان الطيب ) ونتمني ان يطل علينا الاخ صلاح والادلاء برأيه الفني فيما قدم من اعمال للفنان (عبد القيوم )

http://sudaniyat.net/up/uploading/abgyzyosama0.mp3



( اديتك الخاطر) من اغنيات البوم ( الشوق غلاب ) ومن كلمات الشاعر( السر عثمان الطيب ) ومن الحان الاخ (صلاح عبد النبي )





http://sudaniyat.net/up/uploading/adetkalosama.mp3


.

الخزين ود نصر
06-19-2009, 05:12 AM
أسامة أيها الصديق الجميل
أشكر لك جهدك المقدر بامتاعنا بهذا البوست الرائع فنا و تثقيفا و محبة .

يديك العافي .

اسامة حمزة
06-19-2009, 08:34 AM
أسامة أيها الصديق الجميل
أشكر لك جهدك المقدر بامتاعنا بهذا البوست الرائع فنا و تثقيفا و محبة .

يديك العافي .


الاخ محمد عثمان

تحية وتقدير ومرحب بيك في قوزك العامر بيك

خليك معانا

الهادي قنديل
06-20-2009, 03:39 AM
ايضا من اعمال الالبوم اغنية ( اتحداكي ) وهي من كلمات الشاعر علاء الدين ابو سير وهي التعامل الثاني بعد اغنية سامحني واصفح ياحبيب التي وردت خلال هذا العرض




http://sudaniyat.net/up/uploading/ethsakyosama0.mp3


.

اسامــة

كدي اول شي اسمح لي احييك وعوض جلاس شغلكم كالعادة في القمــة .. واستاذ صلاح كالعادة مشاركاته متميزة دايما .. وصاحبي واصل غرقان في بحر العلم ربي يسهل امورو


ام عمـــار

يشهد الله ماقصرتي معاي .. كفيتي ووفيتي .. ومخصوص ختيت ليك الشرك دا وعارفك مابتخزليني
وطمعانين في وجودك الدائم

اما بخصوص الغيبة يشهد الله ماحبسني منكم الا النت ومكة وحلفت ما اجي ايد وراء وايد قدام

واليكم نص قصيدة اتحداكي لعلاء ابسير

أتحداكي لو تنسيني أو لي حبي تلقى بديل
إنا الدرب الخطاي تمشيهو تعجز عن مشيهو الخيل
حبك ليا لو تخفيهو يظهر فى وشيك عديل
تبدأ ملامحو فى عينيك يقراها الكفيف بالليل
ما أتولد البسير فوق دربي والبخبر دروبي قليل
والدرب التطول ايامو بوصل ميسو في فد ليل
مابتنسينى مهما كان لأظنك تلاقى سبيل
والضاق الظلال فد مرة مابيرميهو حتى النيل
مابحزن عليك والله لو سالت دموعك سيل
جافة عيوني مما قمت مابتعرف عناق منديل
لو راجانى ارجع ليكى ماترجينى مدى حبل رجاك طويل
أموت والله مليون مرة أفضل من اجيكي ذليل
برفض أطرا زول ناسينى مهما كان فراقو تقيل
لمن أريد بريد بالجد لمن انسي بنسى عديل
مابحزن على موت ريدنا بى أيديكي كان إختير
والموت فى بعض مرات يكون افضل من العلعيل
لو كان الجمال غاريك بى احساسى ببقى جميل
لو معتادة يجرو وراك مابتلقينى من نوع ديل
حترجعى يوم براك تكتشفى انو هواى مالو مثيل
حترجعى لي حماي تكوسى في جنة غرامي ضليل
والبهدى لي لحن مثالي ابادلو جميع غناهو هديل
والحاول يمازح قلبى بلعب بى قليبو شليل
متأسف على إحساس اتخيلت انو جميل
متأسف على أوهام سمينها عشق جميل
متأسف على أحلام بيني وبينا مليون ميل
متأسف لانى اهديت مشاعر ضوقتنى الويل
متأسف على شتلات زرعتها في الصحارى قبيل
أتخيلتا أنها تبقى واحة ريد ثمار ونخيل
ارتاح في ربوعا أنجما وآخد من ثمارا أكيل
لكن ياخسارة زراعتي كانت جوه مجرى السيل

الهادي قنديل
06-20-2009, 03:50 AM
شكرا عوض وانت تسهر معنا (معاي .. باقي انا بقيت حارس القوز براي )
مجمد خير درو من الشعراء الشباب اصحاب الكلمة المميزة والراقية وظهر في الساحة باعمال قوية لفتت انتباه الناس اليه عبر صوت الفنان النصري ..

من اغنياته في البوم ( طوف الحزن ) اغنية سلام يازولة في جواي



http://sudaniyat.net/up/uploading/salamyazolaosama.mp3


.

تحرسو كيفن براك يا اسامــة ..؟ افوتك مكسر ياصاحبي

خالد الباشا يازول وينك من القوز؟

انت وين والناس بتسأل ؟

اليكم نص سلام يازولة في جواي واهدي النص للشباب الرائعين ود حمزة - حميّد (بس مايكون جايي يمقلبنا ويمرق) - وصاحبي ود نصر الذين شرفونا في قوزنا العامر بوجودهم فيه

سلام يازولة في جواي تحوم بين القلـب والـروح
تسد باب الفرح تالاى وتفتح كل مشاعـري جـروح

كمل صبر الليالي معاى خريف أحزاني برقو يلـوح
غمر مطر الهيام جواي جراحا ت الولـه والنـوح
أنا الودر معاكى صباي امل مابيـن إيديـك مذبـوح
تسوقك غربة من دنياي تسوقني عليك غربـة روح
ولا بي أيدي احبسوا هواى دا حال العاشق المجروح

مشتاق ليكى وأنتي معاى زمن ساكناني في الأعماق
بعد ساقك قدر لسواي وقف بينـا النصيـب فـراق
تصوري حالي بعدك كيف مسكون الهيـام مشتـاق
حزني الابت تعقبو أفراح ليلى رفض يبينلو إشـراق
احوق صبري في الأيام وصبر أيوب على ما حـاق

بكاك قلبي الصبح مكلـوم يتيـم الريـدة والأحـلام
بكا الزول الرجاك عمر موهدب لا صحـا ولا نـام
كشحتى أماني عز الريح رميتي على رمادا حطـام
قدري هواك سقيتو دماي وازهر بين ضلوعي وقـام
تطردو الآهة من جواي ويدخل بي مسامـي سهـام

أرسلك رسايل الشوق وروايع الحب على الإطلاق
ترسلي في خيالك ليل يهب نـار وجـدك الحـراق
لا مليت عذابك لي ولا الشـوق اتعبـوا الساسـاق
غناي عليك لو عار فاهو ينزف مـن جـرح دفـاق
أريتو غنايا بـي ذكـراك يخفـف لوعـة العشـاق

ماك محتاجة أحكي ليك أنتي فؤادي ليـك ومعـاك
توسدي في ضفايرك ليل تنومي وحالو مـا همـاك
تكتبي على وريدو اسمك تنحتي صورة لي لذكـراك
قدري معاك بحبك موت ومكتوب إنـي مـا ألقـاك

كثير لاموني في حبك شلت دموع ملامـى بـراى
كثير صدوني من دربك لقوها أشواقي سابقة خطاي
بوحي بسر عذابي معاك عليك صدق الهوى الجواك
قوليلن صبح مجذوب ولا على كيفو ينسـى هـواى
مبارى دريبى ذي مجنون مشـدوه لا قلـب لا رأى

الهادي قنديل
06-20-2009, 05:01 AM
اغنية رغم الجراح ( شمعة ) من اغنيات البوم ( طوف الحزن ) ومن كلمات الشاعر الكبير السر عثمان الطيب ومهداه الي الاخ الاستاذ خالد الباشا



http://sudaniyat.net/up/uploading/shamaaosama00.mp3


.

لك ولهم النص ياصاحب


ما مات بين ضلوعي هواكي .. حي ..رغم الجراح والدمعة
مهما الليل طواني ظلامو ... ماب تطفي الرياح الشمعــة

حالف شان اصونو هواكي بالخلق السماوات ، سبعـة
من دربي المشيتو معاكي ... لاخوف ، لا حياد ، لا رجعــة

إنتِ النخلة شايلي غرامي ، في أحشاها ، تسعة وتسعــــة
لا انتكى من تُـقُـل عرجونا ،لا اشتكى عودا ،يوم،من وجعة

ما بِخلت على شتلاتا من فيض الحنان ، بي رضعـــة
لا عوبَس جريدا وكشَّ .....لا قمريها طار من فزعــة

مدت ضلها المترامــــي ، لي قيلــة النفوس والهجعة
ضُلاّلة القلوب .... و رهينـــي .. للدنيا المقددة ، رُقعـة

شايلي من البلد حن ناسا .....ماب ترجا البَصيح للفزعـة
إن قصَّر جنا ، اتغاباها ... عندها ليهو حق الشُّـفعــة

لو شحَّ الحصاد ...عطَّاية ....لا مَن ..لا رياء ..لا خدعة
كان ما هِي .. القساسيب تبقى...علَّمت الله،من فد دقعــة

تــربالك أنا ، الكادنـــت حوضــك ، من سموم الأفعى
من نيل المحبـــة دلقت سُقياك ...... ما مقطّعة ترعــة

مِنِّـي ، وفِيِّــي حبك شبَّ ... ما كُستو ورميتلُو الودعــة
في النَّفَس الطلع واندلَّى...حاسَّبـُو ، ساعت اغبِّى وأوعى

في الروح إنسكب ترياقو .... يشفي من العلل بي جرعـة
نعمة من الوهبني وأعطى ، ما كان يوم جريمة وبدعــة

حب ، نيرانو موقدي ... أثافيه وِهّيطة الشجن واللوعـة
برداً بي سلامو يدفِّـي ... فاض ، غمر الحواس مجتمعـة

الزول في جري الفي الدنيا.. كُلْ راسمالو سِيرة وسمعـة
سيرتي وسمعتى المدخورة ... منك تستمــد الروعــة

ولاهنا يا اسامة يبقالي عوضت غيابي الفات

رضا ياصاحبي؟؟؟

الخزين ود نصر
06-20-2009, 06:16 AM
الهادي قنديل مشكور يا حبيب على إهدائنا الاغنية الرائعة المؤثرة سلام يا زولة في جواي . و نقدر لك جهدك في كتابة نصوص الاغاني و الذي أبان لنا الكثير الخفي من جميل الشعر ..
يديك العافي .

عوض جلاس
06-20-2009, 07:37 AM
الهادي ومحمد عثمان نصر صباح الخير
شايفكم سديتو فرقة غياب أمس وما قصرتو حرستو القوز
الهادي غيابك ما بيتعوض لا تمشي وتجي وتقول عوضت الغياب
دايرنك طوالي بي جاي
محطة عبد القيوم في خواتيمها وأكيد عندك الكتير البتضيفو ليها في هذه المحطة
سائلين منك كتير
ود نصر شايف أغنية سلام يا زولة أثرت فيك كتير
إن شاء الله تكون وقعتلك في جرح
شرفت القوز ونورتوا بي حضورك الجميل
خليك بي جاي الأغاني السمحة البتعجبك كتيري
أسامة والباقين مسجلين غياب أمس إن شاء الله خير

اسامة حمزة
06-20-2009, 08:19 AM
المشاركة الاصلية بواسطة :- عوض جلاس


الهادي ومحمد عثمان نصر صباح الخير

شايفكم سديتو فرقة غياب أمس وما قصرتو حرستو القوز


الهادي غيابك ما بيتعوض لا تمشي وتجي وتقول عوضت الغياب
دايرنك طوالي بي جاي


محطة عبد القيوم في خواتيمها وأكيد عندك الكتير البتضيفو ليها في هذه المحطة
سائلين منك كتير

محطة عبد القيوم محطة طويلة بقدر انتاج عبد القيوم الغزير من الغناء

ود نصر شايف أغنية سلام يا زولة أثرت فيك كتير
إن شاء الله تكون وقعتلك في جرح
شرفت القوز ونورتوا بي حضورك الجميل
خليك بي جاي الأغاني السمحة البتعجبك كتيري

أسامة والباقين مسجلين غياب أمس إن شاء الله خير
انا والله رصيدي الاستراتيجي انتهي قلت قبل ما اختم اخلي الباب ده متاقي يمكن يجي زول يجدعلو شي
تحياتي لك عوض ..
الهادي .. لا تكتر غيابك تاني .. واصلا ما بيبقي عادي

عوض جلاس
06-20-2009, 09:02 AM
المشاركة الاصلية بواسطة :- عوض جلاس


الهادي ومحمد عثمان نصر صباح الخير

شايفكم سديتو فرقة غياب أمس وما قصرتو حرستو القوز





محطة عبد القيوم محطة طويلة بقدر انتاج عبد القيوم الغزير من الغناء

ود نصر شايف أغنية سلام يا زولة أثرت فيك كتير
إن شاء الله تكون وقعتلك في جرح
شرفت القوز ونورتوا بي حضورك الجميل
خليك بي جاي الأغاني السمحة البتعجبك كتيري

انا والله رصيدي الاستراتيجي انتهي قلت قبل ما اختم اخلي الباب ده متاقي يمكن يجي زول يجدعلو شي
تحياتي لك عوض ..
الهادي .. لا تكتر غيابك تاني .. واصلا ما بيبقي عادي

أسامة نهارك سعيد
خلي الباب متاقا شوية
لنو محطة عبد القيوم لسع فيها الكُشيق كتير مشكن في الجريد
وإلبوم قبلة العشاق ما زال لم يرى النور هنا
إذا ما عندك جاهز أنا بسجلوا وبرفعو
ما دايرين نفوتو خاصة فيهو الكتير من الدرر
مثل التحدي (1) ويا شمعة ويسوقني شوق وقبلة العشاق ويا ليلل لا تفوت خليني وغيرها

الخزين ود نصر
06-20-2009, 09:11 AM
أسامه أحمد و عوض جلاس :يومكم سعيد : القوز ما شاء الله فيهو الكتير الجميل أقبلونا من الزوار و السمار معاكم أهلي الطيبين .

اسامة حمزة
06-20-2009, 10:12 AM
أسامة نهارك سعيد
خلي الباب متاقا شوية
لنو محطة عبد القيوم لسع فيها الكُشيق كتير مشكن في الجريد
وإلبوم قبلة العشاق ما زال لم يرى النور هنا
إذا ما عندك جاهز أنا بسجلوا وبرفعو
ما دايرين نفوتو خاصة فيهو الكتير من الدرر
مثل التحدي (1) ويا شمعة ويسوقني شوق وقبلة العشاق ويا ليلل لا تفوت خليني وغيرها

والله ياعوض ياريت ترفعوا انا الايام دي عندي مشكلة فنية في التسجيل ..عندي مسجل (pc casset ) بيتركب جوة الجهاز .. متعطل ومعطلني معاهو .. يلا راجنك بي قبلة العشاق
انا قد يكون عندي اغني منو لكن ماكلها .. اها شد حيلك

اسامة حمزة
06-20-2009, 10:15 AM
أسامه أحمد و عوض جلاس :يومكم سعيد : القوز ما شاء الله فيهو الكتير الجميل أقبلونا من الزوار و السمار معاكم أهلي الطيبين .

مرحب بيك والقوز ده قوزك من اليوم تشارك وتسمع وتستمتع معنا ..


الف مرحب بيك .. تعال ومعاك اخرون

واصل هاشم
06-20-2009, 11:01 AM
سراي الليل ورواد النهار عساكم طيبين

اسامة حمزة
06-20-2009, 07:46 PM
سراي الليل ورواد النهار عساكم طيبين

واصل هاشم

سلام وتحايا كتيرة

مشتاقوووون .. مفتقدنك والله

مالك بقيت تجي انصاص الليالي

زينب بابكر عمر
06-20-2009, 07:59 PM
يا ناس القوز على ظلم شال سعاد وخلى حرم
كيفكم انشاءالله طيبين
ما منعنا منكم الا المشغوليات والواحد عشان يتابع
داير اسبوع يقرا الفات ما شاءالله عليكم ما بتتلحقو
وكمان يا اسامه الجهاز تانى بقى طروش

عموما ده سلام
يديكم العافيه

اسامة حمزة
06-20-2009, 08:47 PM
يا ناس القوز على ظلم شال سعاد وخلى حرم
كيفكم انشاءالله طيبين
ما منعنا منكم الا المشغوليات والواحد عشان يتابع
داير اسبوع يقرا الفات ما شاءالله عليكم ما بتتلحقو
وكمان يا اسامه الجهاز تانى بقى طروش
عموما ده سلام
يديكم العافيه
حباب زينب بعد غيبة ..

تقومي ترسلي الجهاز مع اي زول .. وعلي العين والراس نصلحو ونرسلو ليك ..

او قومي اعملي الاتي :-

خشي القوقل .. اعملي تنزيل لبرنامج مشغل الفلاش ( flash player ) وشوفي البيحصل عشان اقدر احدد ليك المشكلة وين بعدها لو ما اشتغل

زينب بابكر عمر
06-20-2009, 09:09 PM
حباب زينب بعد غيبة ..

تقومي ترسلي الجهاز مع اي زول .. وعلي العين والراس نصلحو ونرسلو ليك ..

او قومي اعملي الاتي :-

خشي القوقل .. اعملي تنزيل لبرنامج مشغل الفلاش ( flash player ) وشوفي البيحصل عشان اقدر احدد ليك المشكلة وين بعدها لو ما اشتغل



ما بتقصر نجرب ونوريك الحاصل
تسلم يا ملك

واصل هاشم
06-21-2009, 12:51 AM
واصل هاشم

سلام وتحايا كتيرة

مشتاقوووون .. مفتقدنك والله

مالك بقيت تجي انصاص الليالي

يا اسامة والله انا الفاقدكم
بس كدي النسألك دحين القوز دا اصلا مش كان بتاع الليل وبي قدرة قادر بقي بتاع ناس النهار
اها انا بقيت اجي وش الفجر عشان ارجعوا لماضيهو القديم:D:D:p

شهرزاد
06-21-2009, 08:03 AM
السراي .. السراي
الجافوا النوم وعقدوا الراي
...
صباحكم خير ,,

عوض جلاس
06-21-2009, 11:20 AM
واصل وزينب وشهرزاد نهاركم سعيد
والقوز منور الليلة بي وجودكم
معليش امس انشغلنا شوية وما قدرنا نطل عليكم
لكن فيكم الخير والبركة وما قصرتو ساهرتو وحرستوه
وزينب إن شاء الله يكون جهازك اتصلح
عشان تقدري تواصلي في الاستماع والاستمتاع مع بقية محطة عبد القيوم

عوض جلاس
06-21-2009, 11:22 AM
http://sudaniyat.net/up/uploading/abdalgyoom.JPGأسامة زي ما وعدتك برفع إلبوم قبلة العشاق
الحمد لله بعد جهد سجلتو وربنا يسهل وأقدر أنزل الأغاني كاملة

عوض جلاس
06-21-2009, 11:29 AM
إلبوم قبلة العشاق من الإلبومات الجميلة جداً والذي وجد صدى كبير
خاصة وإنه جاء كتعويض لعشاق عبد القيوم عن إلبوم آخر زمن
وقد جاء بعده بفترة وجيزة جداً وأظنه قد عوضنا فعلاً عنه كثيراً
احتوى على العديد من الأغاني الرائعة والمتنوعة من الشعراء
وكالعادة كان لإبراهيم ابنعوف نصيب الأسد فيه بثلاثة أغنيات
نبدأ بالأغنية الأولى وهي ( يا شمعة ) من كلمات إبراهيم أبنعوف وألحان عبد القيوم
http://sudaniyat.net/up/uploading/awadjlass-shamaa.mp3





.

عوض جلاس
06-21-2009, 11:30 AM
الأغنية الثانية هي ( يا ليل لا تطول ) من كلمات محمد أحمد الحبيب وألحان عبد القيوم
http://sudaniyat.net/up/uploading/awadjlass-yalail.mp3





.

عوض جلاس
06-21-2009, 11:33 AM
الأغنية الثالثة هي ( ريدة انتهت ) من كلمات الصادق التليب وألحان عبد القيوم
http://sudaniyat.net/up/uploading/awadjlass-raidahanthat.mp3





.

عوض جلاس
06-21-2009, 11:34 AM
الأغنية الرابعة هي ( قبلة العشاق ) من كلمات محمد أحمد الحبيب وألحان عبد القيوم
http://sudaniyat.net/up/uploading/awadjlass-giblatalaoshag.mp3





.

عوض جلاس
06-21-2009, 11:41 AM
الأغنية الخامسة هي ( يسوقني شوق ) من كلمات محمد خير درو وألحان عبد القيوم
http://sudaniyat.net/up/uploading/awadjlass-ysognishoog.mp3





.

عوض جلاس
06-21-2009, 11:44 AM
الأغنية السادسة هي ( التحدي الجزء الثاني ) من كلمات إبراهيم ابنعوف وألحان عبد القيوم
http://sudaniyat.net/up/uploading/awadjlass-altahdy.mp3




.

عوض جلاس
06-21-2009, 03:21 PM
الأغنية السابعة والأخيرة هي ( الحب الرسالة) من كلمات إبراهيم ابنعوف وألحان عبد القيوم
http://sudaniyat.net/up/uploading/awadjlass-azibygalby.mp3



.

اسامة حمزة
06-21-2009, 05:09 PM
عوض ازيك وتحايا بقدر تعبك في الالبوم ده من تسجيل وتحميل وتحضيرات

اشكرك علي المتابعة .. تعرف ياعوض اغنية شمعة دي من مجموعة (اجمل اغاني عبد القيوم ) ومن اروع ما كتب ابراهيم ابنعوف ..

فيها حتة خطرة بتقول ( هزيتا سعن الحن حنين وكتين شخيب الحن غرز ) دي عجيبة

تاني تحية وكدة نكون اكملنا مسيرة عبد القيوم بس في اتظار الاخت خناس تعمل تلخيص كما عودتنا


الف شكر

والله افتقدنا الهادي وشهر زاد في النصوص

عوض جلاس
06-21-2009, 10:48 PM
أسامة تحياتي
فعلاً الشريط أتعبني والله شديد
ويمكن عدت التسجيل تلاتة مرات
إبراهيم أبنعوف لو تمعنا كلماته بنلقى العديد من الكلمات التي تدهشنا
ولا يمكن حصرها هنا لكثرتها
المهم قبل ما نختم محطة عبد القيوم خلنا النلقط شوية من الكُشيق
ودي أول واحدي لقيتها إنشاء الله ما تكون اتكررت
ياعالم البدسو الزول على أهلو وقرايبو
http://sudaniyat.net/up/uploading/aalm_albidso_alzool.mp3

عوض جلاس
06-21-2009, 11:13 PM
عبر الهاتف
http://sudaniyat.net/up/uploading/abr_alhatif.mp3

عوض جلاس
06-21-2009, 11:15 PM
يا جماعة لو في أغنية مكرر كلمونا عشان نحذفها

عوض جلاس
06-21-2009, 11:31 PM
السمحة جودك وينو لي
http://sudaniyat.net/up/uploading/alsamha_gdik_weeno_lay.mp3

واصل هاشم
06-21-2009, 11:38 PM
ما شاء الله يا عوض جلاس عليك الليلة بيسحروك
شكرا ياخي علي الابداع دا كلو
شكلو رفع الليت حا يكون من مصلحتنا نحن:D:p:)

عوض جلاس
06-21-2009, 11:48 PM
ما شاء الله يا عوض جلاس عليك الليلة بيسحروك
شكرا ياخي علي الابداع دا كلو
شكلو رفع الليت حا يكون من مصلحتنا نحن:D:p:)



واصل تحياتي
وبركة الظهرت اليوم
يا زول إبداع شنو ؟؟ قلنا نساهم شوية في محطة عبد القيوم في نهايتها دي
وهاك كمان دي فواتح الأماني
http://sudaniyat.net/up/uploading/foatih_alamani.mp3

عوض جلاس
06-21-2009, 11:53 PM
يا فاطمة هاك تمن التي سكبت يداك وشربتها
أنجم موقعي من سما ليل الضياع جمعتها
هي آخر الكلمات شعر لا قبلها ولا بعدها
http://sudaniyat.net/up/uploading/ya_fatna.mp3

اسامة حمزة
06-22-2009, 12:38 AM
عوض جلاس احييك والله
تعرف السمحة جودك دي من الاغاني البسمعها بي مزااااااااج والعجب ريدة انتهت دي

ياخي اشكرك جدا

تعرف اغاني عبد القيوم دي مابتنتهي اصلا .. لو جينا لاغاني الحفلات دايرة بوست تاني واغاني القعدات كوم ..

ده عالم براهو ..

عوض جلاس
06-22-2009, 12:42 AM
تعرف السمحة جودك دي من الاغاني البسمعها بي مزااااااااج والعجب ريدة انتهت دي

ياخي اشكرك جدا



هههههههههههههههههههه
شكلك ممكون يا أسامة
لأنو الأغنيتين ديل بيعيدو الذكريات الجميلة
ويخلو الواحد يقول واحسرتاااااااااااه

اسامة حمزة
06-22-2009, 12:53 AM
والله ياعوض عبد القيوم ده من زمن نقرا في كورتي .. من يقولو عندو حفلة تاني القعدة تغلبنا .. كنا في الداخلية ونشرد وتاني يوم ننجلد

الزمن داك كانت اغنيات السمحة جودك .. صوت السواقي .. الزول الحروفو تلاتة ..يامحمد نصيبك ابا

ياخي ده زمن جميل خلاص ..



الاغنية دي عاجباني برضو



http://sudaniyat.net/up/uploading/darra.mp3

.

عوض جلاس
06-22-2009, 09:14 AM
أسامة سلامات
والله بالجد كانت ايام جميلة ايام الحفلات وسرقة الحمير
أظنها الحاجات دي راحت مع الزمن الجميل
مسعول من الخير وين باقي الجماعة
يومين ما ظهر غير واصل

مجالس شعرانا ضجت محيرا نومك وصحاك
أظنها نسيناها في إلبوم الشوق غلاب لو ما أكون غلطان
http://sudaniyat.net/up/uploading/awadjlass-mjalis.mp3



.

عوض جلاس
06-22-2009, 09:28 AM
سنين ساكت فيكي ضاعن خصماً من امانينا
متين ليكي نقول وداعاً وداعاً شيء اسمو المدينة
http://sudaniyat.net/up/uploading/awadjlass-sineensakit.mp3

عوض جلاس
06-22-2009, 09:58 AM
بعد مترست فيكي رجاي لقيتك في زمن أخري
طلعت من القدر نفحة وسماح قدراً يجيبك جاي
http://sudaniyat.net/up/uploading/awadjlass-zamnwokhri.mp3




.

واصل هاشم
06-22-2009, 10:54 AM
والله يا عوض غايتو الدور دا جدعت الهادي وراااااااااا وما اديتو اي فر صة
تشكر علي الابداع الجميل
وتحية نهارية لقوز الليل

عوض جلاس
06-22-2009, 09:34 PM
لكم التحية سراي الليل
محطة عبد القيوم محطة امتدت طويلاً أنها محطة غزيرة جداً
بدأناها يوم 25/5/2009م الساعة 1.29 مساء وأمتدت حتى اليوم 22/6/2009م
أي ما يقارب الشهر وأظنها أطول المحطات التي استرحنا فيها
تخللتها الكثير من أغانيه الجميلة المتنوعة
وكانت هناك مداخلات ولقاءات رائعة بصوت الفنان عبد القيوم الشريف
شارك الكثير من أعضاء المنتدى في هذه المحطة بالنقد والتحليل وتنزيل الأغاني والشعر
قمنا بتنزيل الآتي :
( 97 ) أغنية تقريباً غير ما تكرر منها
( 5 ) مدائح
( 3 ) تسجيل فيديو
( 27 ) قصيدة شعرية
1) الأغاني
ساري الليل
بلا ميعاد
ذكراك يا مسافر
أنا يا خداري
صوت السواقي
كان المهور بعدك غلن
بدر الكمال
ليلي راح
أرحمني يا مريودي
السميحات في قريرن
أنا ابني والأيام تهد
عارفو أنا ما بيرد
الله يا نسمة
وين مسافر
السمحة جودك
يا قمرية اسكتي لا تقوقي
مألم ديمة افخر بيك
البلبل الصداح
محمد نصيبك ابا
يا كنين
اتخيلي
شكوى
ود القبائل سار
يا سمرا
مبروك الجديد
يا غالية
آسيا بابورك في الأراك
قولي قولك يا ربابة
يا يابا تقسى حرام
لا سلامك لا كلامك
زيل البلا
سامحني واصفح يا حبيب
عابرة عبر الدم
قلبي يا محزون يا جريح
الضرا ينضر
لا سليناك وانت غايب
ما راعت شعورك
الهوى يستحيل
أكيد برجاك
لا ترحل
آخر الجزاء
أسرع تعال
سلام يا زولة
الحلم الحقيقة
لا تسافري
كيف اوصلك
جاني سؤالك
حبيبتي أنا
عاشق ترابك
العشق المجنون
أواخر الليل
التحدي
لسعات النحل
الشوق غلاب
الضُرة
الملامة
شقيك يا دنيا
أصحي وصحي المشاعر
آخر زمن
تسفكي دماي
تفاصيل غناي
غناوي الفرقة
شتيلي الزارعو
من غير توادعي
غيمة السحابة
حال الغربة
ليمة
مشورة
بعد الحصل
بنتلاقا
شكوى
مسلك عود القنا
سونا
درة الغواص
لو بالصد ( رطانة )
طوف الحزن
إتحداكي
سلام يا زولة
شمعة
استسرعي الأيام
خيبة أمل
اديتك الخاطر
يا شمعة
يا ليل لا تطول
ريدة انتهت
قبلة العشاق
يسوقني شوق
التحدي الجزء 2
الحب الرسالة
عالم البدسو الزول
عبر الهاتف
فواتح الأماني
يا فاطمة
حبي البنيتو معاك أنا
مجالس شعرانا ضجت
سنين شاكت فيكي ضاعت
زمن أخري

2) الرميات
رمية المغترب
رمية نور وشك سطع

3) المدائح
يا عشاق
رقاد الميل
شاقوني
متى يا ربي تسعدني
صلاة الله ما نادى المنادي

4) تسجيلات الفيديو
مليت من الغربة
شتيلي
المسلك عود القا

5) القصائد الشعرية
بلا ميعاد
الهوي يستحيل
الحلم الحقيقة
السميحات في قريرن
الله يا نسمة
يا ريتني لو ماكتَّ رِد
محمد نصيبك أبا
تسفكي دماي
عابرة عبر الدم
سامحني وأصفح يا حبيب
ما راعت شعورك
الحلم الحقيقة
تسافري
الشوق والحنين
اكتبني يا كاتب القدر
يا بت من الماضي
حبيبتي أنا
أغنية للوطن
أواخر الليل
التحدي
الشوق غلاب
أصحي وصحي المشاعر
ليمة
مشورة
إتحداكي
سلام يا زولة
شمعة

نسأل الله أن نكون قد وفقنا في هذه المحطة الجميلة واعطينا الفنان الرائع عبد القيوم القليل من حقه

اسامة حمزة
06-22-2009, 10:53 PM
الاخ العزيز عوض

تحية ليك وشكر وافر علي هذا التلخيص الجميل الذي ان دل انما يدل علي متابعتك الشديدة وحقيقة محطة عبد القيوم كانت جميلة بنا جميعا ونحن نجتهد لاستعراضها وعبد القيوم فنان استطاع ان يقف علي قاعدة ثابتة من خلال عطاءه الجميل الممتد بكل روعة وجمال
وان كنا قد تحدثنا فيها بكل حبنا له فان البعض يري ان هناك بعض السلبيات التي قد يراها البعض هنا وهناك خاصة فيما يتعلق باداء عبد القيوم في السارح العامة ..
تجربة عبد القيوم كانت تحتاج منا الي بعض النقد الحاد في ما يخص اختياره والحانه
لك التحية مجددا اخي عوض علي هذا المجهود الكبير وحتما وكما قلنا سابقا في العديد من المحطات السابقة ..طالما ان هذا الابادع مستمر فحتما لنا عودة ..لعبد القيوم ولكل من وردت سيرته عبر قوز السراي

أم عمار
06-23-2009, 05:53 PM
بسم الله الرحمن الرحيم
اللهم صل على محمد وعلى آله وصحبه أجمعين
الأخوه/ بقوز السراي
السلام عليكم ورحمة الله وبركاته


تحية وتعظيم والقومه ليكم


تسجيل حضور وسلام
أم عمــــــــــــــــــــــا ر

عوض جلاس
06-23-2009, 11:04 PM
تحياتي أم عمار
وشرفتينا اليوم في القوز
بس شايف القوز حركتو قلت والناس نشاطهم خفَّ شوية
وين ناس الهادي قنديل وخناس وهديل وبت النيلين وطارق علي صالح ومحمد الأمين
وين الباقين الكانو مزينين القوز بمشاركاتهم الجميلة
همتكم يا شباب شوية
يلا يا اسامة المحطة الجاية شنو ؟؟؟

اسامة حمزة
06-23-2009, 11:21 PM
المشاركة الاصلية بواسطة:- عوض جلاس

تحياتي أم عمار
وشرفتينا اليوم في القوز
بس شايف القوز حركتو قلت والناس نشاطهم خفَّ شوية
القوز فعلا حركتو قلـّت الايام دي .. عكس الفترة الفاتت .. نرجع لاورا ونجي تاني ؟؟
وين ناس الهادي قنديل وخناس وهديل وبت النيلين وطارق علي صالح ومحمد الأمين
الشباب مسجل غياب شديد .. خاصة الهادي وهديل وواصل
وين الباقين الكانو مزينين القوز بمشاركاتهم الجميلة
همتكم يا شباب شوية
يلا يا اسامة المحطة الجاية شنو ؟؟؟

المحطة الجاية دي لسة ما اتحددت بس الخيار لمعاوية المقل او ميرغني النجار


اها

خناس هاشم
06-23-2009, 11:42 PM
سلامات ياناس موكره فى الفؤاد رغم المسافات والبعاد
سلامات كل السراى الحاضرين منهم والغائبين

عوض جلاس
تحياتى
وفعلا القوز فيه شويه كسل الايام دى لكن يلا ايدينا فى ايدين بعض نرجع لى النشاط والهمه تانى
وانت ماشاءالله ماقصرت الايام دى سادى الفرقه وزياده
مره اخرى تحياتى


اسامه
استمتعنا جدا بمحطة عبدالقيوم
ولو كانت المحطه الجايه تسويط انا بقول ميرغنى النجار
واكان ماتسويط بقول معاويه المقل
يعنى بى اختصار كده انت امشى واحنا وراك ايا كانت المحطه الجايه
تحياتى

واصل هاشم
06-24-2009, 10:52 PM
المشاركة الاصلية بواسطة:- عوض جلاس

تحياتي أم عمار
وشرفتينا اليوم في القوز

القوز فعلا حركتو قلـّت الايام دي .. عكس الفترة الفاتت .. نرجع لاورا ونجي تاني ؟؟

الشباب مسجل غياب شديد .. خاصة الهادي وهديل وواصل
وين الباقين الكانو مزينين القوز بمشاركاتهم الجميلة
همتكم يا شباب شوية


المحطة الجاية دي لسة ما اتحددت بس الخيار لمعاوية المقل او ميرغني النجار


اها

كل السراي مساكم الله بالخير وعساكم طيبين
يا اسامة انا اقترح انو نقيف في محطة احد الشعراء حتن نرجع للفنانين
ودا مجرد راي والراي الاول والاخير ليكم انتو

اسامة حمزة
06-25-2009, 12:05 AM
كل السراي مساكم الله بالخير وعساكم طيبين
يا اسامة انا اقترح انو نقيف في محطة احد الشعراء حتن نرجع للفنانين
ودا مجرد راي والراي الاول والاخير ليكم انتو





واصل هاشم ازيك .. لينا زمن منك .. عساك بخير يااخي
وانا معاك بس المشكلة في المادة الجاهزة الان .. تحضير مادة لشاعر محتاج وكت لكن نشوف لو لقينا زول عندو مادة جاهزة نبدا طوالي والراي للاغلبية برضو

طارق علي صالح
06-25-2009, 09:33 AM
فهرس القوز
(اضغط علي الاسم او الصورة)
11- أزهري الحاج شرشاب http://www.albrkal.com/upload/uploads/sharshab112%20.JPG (http://www.albrkal.com/vb/showthread.php?t=5060&page=167)ص 167
10-ميرغني النجار http://www.albrkal.com/upload/uploads/N22222222222222.JPG (http://www.albrkal.com/vb/showthread.php?t=5060&page=166) ص166
9-عبد القيومhttp://sudaniyat.net/up/uploading/ab23dg.jpg (http://www.albrkal.com/vb/showthread.php?t=5060&page=141)ص 141
8-من شعراء (الاخوانيات) (http://www.albrkal.com/vb/showthread.php?t=5060&page=136) ص 136
7-خالد الباشا http://sudaniyat.net/up/uploading/KHALID.jpg (http://www.albrkal.com/vb/showthread.php?t=5060&page=114) ص 114
6-صديق احمد http://sudaniyat.net/up/uploading/sdgS.jpg (http://www.albrkal.com/vb/showthread.php?t=5060&page=98) ص 98
5-خالد شقوري http://sudaniyat.net/up/uploading/SH.jpg (http://www.albrkal.com/vb/showthread.php?t=5060&page=84) ص 84
4-محمد النصري http://sudaniyat.net/up/uploading/NASS.jpg (http://www.albrkal.com/vb/showthread.php?t=5060&page=60) ص 60
3--معلومات عامة (شعراء الطنمبور) (http://www.albrkal.com/vb/showthread.php?t=5060&page=38) ص 38
2-معلومات عامة (حميد) http://sudaniyat.net/up/uploading/hmedsS.jpg (http://www.albrkal.com/vb/showthread.php?t=5060&page=32) ص 32
1-معلومات عامة(شعراء الرووايس) (http://www.albrkal.com/vb/showthread.php?t=5060)ص1

عوض جلاس
06-25-2009, 10:55 AM
مشروع فهرس القوز (اضغط علي الاسم)
1-خالد الباشا (http://www.albrkal.com/vb/showthread.php?t=5060&page=114) ص 114
2-صديق احمد (http://www.albrkal.com/vb/showthread.php?t=5060&page=98) ص 98
3-خالد شقوري (http://www.albrkal.com/vb/showthread.php?t=5060&page=84) ص 84
تحياتي الغالي طارق
والله لفتة بارعة منك وفكرة أكثر من رائعة
نتمنى أن يكتمل هذا الفهرس لنتمكن من الوصول إلى المواضيع بسلاسة وسهولة
وإن شاء الله عند اكتماله سنحاول وضعه في مكان بارز حتى يسهل الوصول إليه
لك الشكر على هذا الجهد الأخ طارق

اسامة حمزة
06-25-2009, 11:47 AM
طارق الله يديك العافية .. والله حليتني من مشكلة كبيرة خالص ..الفكرة دي من زمن وانا محتار تتنفذ كيف .. ياخ انت مبدع والله .. احييك وباقي الصفحات تلقاها في الخاص .. يلا واصل يامبدع
تحياتي للاخ طيبان وهو يبحث عن هذه الفكرة منذ زمن ..

بدري الياس
06-25-2009, 03:42 PM
لااااااااااااااااااااااااااا حول ولا قوة
،
غايتو الله يسامحكم، ويديكم العافية
،
أسامة
بجيك رايق عشان أقول رايي في البتسوي فيهو ده..
،
عموماً كنت حالف لو ما كملتو من أولو لغاية الآخر ما افتح خشمي، والحمد لله على كل حال..
،
اتمنى ليكم جميعاً إجازة نهاية اسبوع سعيدة

عوض جلاس
06-27-2009, 09:18 PM
لأول مرة القوز يحتل في الصفحة التانية
الحاصل شنو ؟؟؟؟
أكيد دي مصييييييييييييييييييييييبة
لا تكونو معلنين الحداد على مايكل جاكسون
وبكرة نشوف ناس الهادي واسامة حالقين صلع
زي يوم ما مات بوب مارلي

بنت النيلين
06-28-2009, 01:14 AM
بسم الله الرحمن الرحيم
اللهم صل على محمد وعلى آله وصحبه أجمعين
الأخوه/ بقوز السراي
السلام عليكم ورحمة الله وبركاته


تحية وتعظيم والقومه ليكم


تسجيل حضور وسلام
أم عمــــــــــــــــــــــا رودائما القوز قمة في التميز والابداع ... تحياتي وبالود والاخاء الصادق دوما نتواصل ...:):):)

توفيق الطيب البشير
06-28-2009, 06:50 PM
فهرس القوز
(اضغط علي الاسم او الصورة)

9-عبد القيومhttp://sudaniyat.net/up/uploading/ab23dg.jpg (http://www.albrkal.com/vb/showthread.php?t=5060&page=141)ص 141
8-من شعراء (الاخوانيات) (http://www.albrkal.com/vb/showthread.php?t=5060&page=136) ص 136
7-خالد الباشا http://sudaniyat.net/up/uploading/khalid.jpg (http://www.albrkal.com/vb/showthread.php?t=5060&page=114) ص 114
6-صديق احمد http://sudaniyat.net/up/uploading/sdgs.jpg (http://www.albrkal.com/vb/showthread.php?t=5060&page=98) ص 98
5-خالد شقوري http://sudaniyat.net/up/uploading/sh.jpg (http://www.albrkal.com/vb/showthread.php?t=5060&page=84) ص 84
4-محمد النصري http://sudaniyat.net/up/uploading/nass.jpg (http://www.albrkal.com/vb/showthread.php?t=5060&page=60) ص 60
3--معلومات عامة (شعراء الطنمبور) (http://www.albrkal.com/vb/showthread.php?t=5060&page=38) ص 38
2-معلومات عامة (حميد) http://sudaniyat.net/up/uploading/hmedss.jpg (http://www.albrkal.com/vb/showthread.php?t=5060&page=32) ص 32
1-معلومات عامة(شعراء الرووايس) (http://www.albrkal.com/vb/showthread.php?t=5060)ص1


العزيز الغالي طارق
احسن الله أليك فقد سبقت فأفدت ففزت ... الفكرة مبدعة وطال انتظارنا لها لأنها سمحت لهذا البوست الرائع أن ينتشر دون أن يخشى شيئاً فأنت الأن تقول له تمدد حيث شئت وكل ما فيك مكشوف للجميع !!! ما أروعك وما أروع ما قدمته من عمل أرى أنه لا يقل شأواً عما يسر له ... أكمل ونحن في الانتظار ... وأسامة في التقديم والإخراج ... ودوما إلى الامام

عصام سرالختم
06-28-2009, 07:16 PM
ده الكلام ..
شغلك نضيف يا ابن عمى .. سلمت يداك
التحية لك ولكل رواد القوز

محمد الامين
06-28-2009, 07:31 PM
أسامه والأحباب

سلامات وتحايا على ماتقدمونه من إبداع حقيقــى ...

أتمنى أن يتواصل التوثيق لبقية مبدعى المنطقه ...


تخريمه :

أسامه لو ماعندك ماده جاهزه ممكن نستلم منك المحطه الجاية لغاية ما تشيل أنفاسك شويه




تحياتى ...

اسامة حمزة
06-28-2009, 08:05 PM
أسامه والأحباب

سلامات وتحايا على ماتقدمونه من إبداع حقيقــى ...

أتمنى أن يتواصل التوثيق لبقية مبدعى المنطقه ...


تخريمه :

أسامه لو ماعندك ماده جاهزه ممكن نستلم منك المحطه الجاية لغاية ما تشيل أنفاسك شويه

تحياتى ...

محمد الامين .. ولا تستاذن .. طوالي تبدأ ..

اه يلا في انتظارك لتبحر بنا في المحطة الجاية

عوض جلاس
06-28-2009, 08:08 PM
سراي القوز تحية ود واحترام
بدري الياس ود. توفيق وبت النيلين ومحمد الأمين وعصام سر الختم
القوز نور وأشرق بوجودكم
صاحب البوست شايفو اليومين دي مسجل غياب
لا يكون ماسكاهو ( قرفة ) بي جاي كمان
وبرضو شايفين المحطة الجديدة اتأخرت شوية
وشايف اسامة اقترح قبل يومين أن تكون المحطة القادمة مع القامة ميرغني النجار
بدون استئذان افتتح لكم المحطة بهذه الصورة الجميلة
وهي بكاميرا المبدع دوماً ود كروم
http://sudaniyat.net/up/uploading/vgfg.bmp



.

اسامة حمزة
06-28-2009, 08:16 PM
سراي القوز تحية ود واحترام
بدري الياس ود. توفيق وبت النيلين ومحمد الأمين وعصام سر الختم
القوز نور وأشرق بوجودكم
صاحب البوست شايفو اليومين دي مسجل غياب
لا يكون ماسكاهو ( قرفة ) بي جاي كمان
وبرضو شايفين المحطة الجديدة اتأخرت شوية
وشايف اسامة اقترح قبل يومين أن تكون المحطة القادمة مع القامة ميرغني النجار
بدون استئذان افتتح لكم المحطة بهذه الصورة الجميلة
وهي بكاميرا المبدع دوماً ود كروم
http://sudaniyat.net/up/uploading/vgfg.bmp



.

الاخ عوض ..

تحية


البوست ده اصلا ماحقي براي ونحن جميعا شركاء فيه .. يلا انت وود اللمين تسوقوا ونحن معاكم .. في انتظاركم ..

عوض جلاس
06-28-2009, 08:49 PM
الاخ عوض ..

تحية


البوست ده اصلا ماحقي براي ونحن جميعا شركاء فيه .. يلا انت وود اللمين تسوقوا ونحن معاكم .. في انتظاركم ..




تشكر يا اسامة
يلا جيب لينا السيرة الذاتية للقامة الإنسان ميرغني النجار
عشان نبدأ نلقط نحن كمان

اسامة حمزة
06-28-2009, 11:12 PM
تشكر يا اسامة
يلا جيب لينا السيرة الذاتية للقامة الإنسان ميرغني النجار
عشان نبدأ نلقط نحن كمان


جدا وانشاء الله تجد سيرة النجار هنا .. وسوف اساعد معكم بتسجيل ورفع اغنيات البوم(درب العشق) وهو البوم تم تسجيله لاحدي شركات الانتاج الفني قبل خمسة اعوام وكان من المفترض طرحه في الاسواق قبل البوم (مرافي اللهفة ) ولظروف تخص الشركة لم يتم انتاجه .. في ذلك الوقت كنا قد انشأنا انا والاخ خالد الباشا شركة الرواويس للانتاج الفني وقمنا بالتفاوض مع الشركة المنتجية للالبوم لشراءه وكان المندوب عنها الشاعر عثمان عوض عثمان انذاك .. تعثرت المفاوضات ومات الالبوم ولكني احتفظت بنسخة منه واظنها الوحيدة التي خرجت قبل تلف المادة الخام في الاستديو ..
سوف ابدأ في تسجيلها ورفعها باذنه تعالي ..




يلا ابدو



في منزله بمساوي .. ايام لها ايقاع ..
http://sudaniyat.net/up/uploading/najar.jpg


.

محمد الامين
06-29-2009, 06:51 AM
الأحباب بقوز السراى

سلامات

الفنان القامه ميرغنى النجار هو بلاشك أحد مبدعى بلادى ويستحق أن نوثق له ولإبداعاته من خلال هذه المحطه كما أننا سنستضيف فى هذه المحطه الشاعر مولانا أزهرى الحاج شرشاب الذى سيحل ضيفا على قوز السراى ليشارك ويجيب على مداخلات الأعضاء حو ل تجربته التى سنقف عندها أيضا من خلال رحلتنا لتوثيق أعمال مبدعى بلادى ...





تحياتى ...





تحياتى ...

محمد الامين
06-29-2009, 07:41 AM
نبدأ رحلة التوثيق للفنان ميرغنى النجار وسأحاول الإتصال بالأخ قاسم خالد ليمدنا بما يملك من مكتبه ضخمه لهذا الفنان :


القمره والقيزان
كلمات : أحمد سليمان
ألحان : عبد العظيم منصور
أداء : ميرغنى النجار

http://sudaniyat.net/up/uploading/gaizan.mp3

اسامة حمزة
06-29-2009, 08:04 AM
الأحباب بقوز السراى

سلامات

الفنان القامه ميرغنى النجار هو بلاشك أحد مبدعى بلادى ويستحق أن نوثق له ولإبداعاته من خلال هذه المحطه كما أننا سنستضيف فى هذه المحطه الشاعر مولانا أزهرى الحاج شرشاب الذى سيحل ضيفا على قوز السراى ليشارك ويجيب على مداخلات الأعضاء حو ل تجربته التى سنقف عندها أيضا من خلال رحلتنا لتوثيق أعمال مبدعى بلادى ...





تحياتى ...





تحياتى ...

شكرا محمد الامين وعوض جلاس .. وحقيقة ان مولانا الاستاذ ازهري محطة تستحق الوقوف عندها .. فهو برغم غزراة انتاجه كان بعيدا عن الاعلام ..

تحية ونبدا

محمد الامين
06-29-2009, 08:18 AM
أزهــــرى الحاج شـــــرشاب

من مواليد كريمه الناصراب الساقيه 7

الوظيفة قاضى

الهام ديوان بالعامية طبع بمصر فى 1980 وذلك قبل الدخول للجامعة
اكسير الهوى المفقود بالعامية طبع فى 1987
اغنيات لامرأة خاصة جداً بالفصحى طبع فى 1987 دار صنب للطباعة والنشر
زمان القمح طبع فى 2003 بسوريا على نفقة دار الجيل ودار ابن رشد
مجموعات لم تطبع :

اساطير الهوى الكتال

شروق المغارب وهما بالعامية

ومراثى النخل والصندل بالفصحى

كتابين فى القانون :

الممارسة العملية للأحوال الشخصية امام المحاكم
ط1 2000 على نفقة السلطة القضائية ط2 2004
الدفوع الشكلية امام القضاء المدنى ط1 2004 ط2 2005

اسامة حمزة
06-29-2009, 09:46 PM
محمد الامين احييك وانت تبدا في عرض سيرة الاستاذ ازهري الحاج شرشاب وفي خط موازي له تستعرض مسيرة المبدع الانسان ميرغني النجار ولاول مرة يتفتح ملفين في وقت واحد .. احييك


ميرغني النجار في سطور ..

ميرغني محمد ميرغني بشارة .. والنجار لقب لجده الذي كان يعمل في حرفة نجارة المراكب آنذاك ..
من مواليد الشمالية 1956 .
بدأ الغناء في ( الصف ) عندما كانت الحفلات تعرف ب(اللعوب) في ذلك الوقت
تعامل في بداية مسيرته مع الشاعر التاج محمد طه وبعده توطدت الاعلاقة بينه وعدد من شعراء المنطقة وتعامل مع اغلبهم وعلي سبيل المثال لا الحصر السر عثمان الطيب ..محمد عثمان ابو شعب ..خالد علي ..خالد شقوري ..خالد الباشا
اولي الاعمال التي غناها النجار (سيد الوجعة ما بنداوي) للشاعر سيف الدين محمد الامين وهو الشاعر الذي تغني له فيما بعد بعدد من الاغنيات منها (ايوة شفتك ) و(الدريب مشتول ازاهر )



ميرغني النجار /
http://sudaniyat.net/up/uploading/najaar00.jpg


يلا يامحمد وعوض

محمد الامين
06-30-2009, 07:56 AM
العام بدا

كلمات : مولانا أزهرى الحاج شرشاب
الحان : المرحوم يس عبد العظيم


العام بدا...
وأرواحنا عاد ما أسعدا
أنا وإنتَ راشينا الندى
فى جلسة العشق النبيل
يوم جيتنى لبيت النِدا
ياإنتَ ياخاتى العِدا
أناعمرى مابيك إبتدا
وفتحتَ درب المستحيل
أفراحى بيك مُتْجَدِده
ذكرنى رجِع لى الصدى
لى جلسه ليلك شاهِدَه
يوم غنى صفق لينا نيل
يوم كُنا فى عِفه وهُدى
فى روض زهورو مفرهده
لمّا الكنار طربان شدا
غنينا رقْصّنا الخميل
أنا روحى عندك قيّدَه
وأبقالها سيدى وسيّده
بس من سعادتك أسعِدا
وارويها عطفك ياجميل
روحك رويحتى تمجِده
ماأصلو بيك مُستنجِده
لو مره تعطف تَنْجِده
تسقيها ريدك سلسبيل


شوف كيف عيونى مُسَهَده
مشتاقه ليك مُتْعَوِده
وطيفك تملى يعانده
ياريتو مره يزوره ليل
غنوة هواكَ بردده
والإلفه شوقى يأكده
أنا ريدى لى آخر مدى
إنشاء الله بالعمر الطويل
كل يوم محاسنك أعدده
القاها دايماً مُفْرده
عنك مناقص مُبْعده
شخصك نبيل معدوم مثيل

الخرطوم2/1/1984

محمد الامين
06-30-2009, 08:33 AM
ياناس سودان بلاد الخير ( رميه )
+
بلادى أنا (رائعة الراحل اسماعيل حسن )

http://sudaniyat.net/up/uploading/sud.mp3

محمد الامين
06-30-2009, 08:58 AM
الشاعر محمد المهدى والفنان ميرغنى النجار

http://sudaniyat.net/up/uploading/nmergany.mp3

عوض جلاس
06-30-2009, 11:01 AM
لك التحية الأخ محمد الأمين
وأنت تقطف الثمار من واحتين كل واحدة أجمل من التانية
مولانا أزهري وأستاذنا ميرغني
لهما التحية وأكيد سنستمتع بمحطة غاية في الروعة والجمال
ومنتظرين الكثير في هذه المساحة

بنت النيلين
06-30-2009, 02:01 PM
لك التحية الأخ محمد الأمين
وأنت تقطف الثمار من واحتين كل واحدة أجمل من التانية
مولانا أزهري وأستاذنا ميرغني
لهما التحية وأكيد سنستمتع بمحطة غاية في الروعة والجمال
ومنتظرين الكثير في هذه المساحةوهادي قعدة فوق القوز ومنظرين قمة الابداع مع الثنائي الرائع ... تحياتي وبالود والاخاء الصادق دوما نتواصل .....:):):)