نكات الشوايقه وما تزعلو

[احمد حسن جدعه]

الشكيه لابيدن قويه... موش البوست بتاع
النكات ده أها جبنا بي جاي ويلا علينا جاي..

جعلي كان مُسافر وقام ابوهو مات , الجماعه دفنوهو في مقابر الشايقيه.
لما رجع الجعلي شال كوريقو ومشا يحفر في قبر أبوهو داير يرحلو لي
مقابر الجعليين , أهلو جو مارين قامو سألوهو مالك بتحفر, قال ليهم
والله أبوي ده أضانو تقيله ولو القيامه قامت الجماعه الدغيلين ديل ما
بصحوهو معاهم.:D;)

[ضمره بغدادى]

الشايقى والجعلى ساكنين جيران فى امبده ..العصر يختو كراسيهم بره يعاينو للغاشى والماشى ..الجعلى عندو ديك والشايقى عندو ديك ..الديوك يجن مارقات يتشكلن .. ديك الشايقى يدق ديك الجعلى لامن يجيب الدم .
يوم الجعلى دخل جوًه جاب عصاتو قالو الديوك خلهن قوماك انا وانت:D:D:D:D

[عوض جلاس]

والله يا أخوانا نحن النكات الحافظنها كلها الناس سامعاها وخايفين يقولو بااااااااااااااااااايخة عشان كدي بس بنسمع ونضحك

[الهادي قنديل]

واحد جعلي سألوهوا من الغربه قالهم: والله الغربه شدة ماها حاره ان لاقاك شايقي تسلم عليهو بالاحضان

[هجو الأقرع]

في واحد حلفاوي اهله غصبو يمشي صلاة الجمعه وهو ماراضي المهم اقنعوا
وقام الحلفاوي يوم الجمعه ومشلى الصلاه بدددري قبل الأذان مشى لقى ليك ناس الدعوه والتبليغ
شارين هدومهم وشادين حلة الغداء
قام الحلفاوي رجع لأهله قال ليهم::
اها الحمدلله المسجد اجرو العذابه
هاهاهاهاهاهاهاي
عاااااااااااااارف انها حلووووووووه (منقولة من منتديات سودانى للأبد)

[هجو الأقرع]

جعليه قاعدة فى سوق شندى ، قام انطلق تور هائج من سوق البقر ما فى زول قدر يمسكو ، اخيرا جاء واحد مفتل كده قلب التور فى الارض وربطو ليهم ، المهم قامت الجعليه شكرت الولد وقالت ليهو انت من وين فى الجعليين ، قال ليها انا شايقى ، قامت قالت ليهو عليك الله شوف خيابة التور ده !

[ضمره بغدادى]

الحلفاوى عمرو لا صلى ولا دخل الجامع قام مات عايزين يدخلوا العنقريب عشان يصلوا عليه .. حلف العنقريب ما يدخل .. قام صاحبو جا قالهم ايه الهكايه قالو له مهمد ساله ده مات وعايزين نسلى عليه والجنازه ده ابا مايدخل .. قالهم دى بسيته نزلوه .
فتح الكفن وسوس لى الميت .. قالهم يلا دخلوه .. شالوه العنقريب دخل على طول ..قالولو ده اصلو عملتلو شنو .. قالهم انا قلتلو يا شيخ مهمد ساله انتى موش حتسلى حيسلو عليك:
D:D:D:D

غايتو دى الماب يضحك فيها يحكى نكتة على طول والبضحك يورنا ضحكو

[الخزين ود نصر]

الرباطابيه جالبى الجنى جداد عند القطر ..و تكورك .. جنى الجداد.. جنى الجداد ..

ناداها شايقى : يا بت الجنى جداد ده مسلوق ول بلا سلق ؟

قالتلو: مسلوق.

قالها : لالا أنا دايرو بلا سلق.

قالتلو : أول مانى قايلاك دار تحضن فيو ....

[عوض جلاس]

يا جماعة البوست دا عنوانو نكات الشوايقة وأنا شايفو مليان رباطاب وحلفاويين وجعليين
يعني بقى مفتوح ولا شنو ؟؟؟

[عوض جلاس]

هاكم دي واحدي باااااااااااااااااااااااايخة
قالوا واحدي اتزوجت واحد شين جداً ومشوا شهر العسل لبنان فلمان العروس شافت الشباب اللبنانيين قالت الله ينعل الاستعجال
عارف مافي واحد بيضحك
بضحك أنا
هههههههههههههههههههههههههههاي

[عوض جلاس]

ودي واحدي أبيخ من الأولى
واحد مسطول دخل الجامع يصلي بعد الصلاة خلصت جابو جنازة عشان يصلو عليها ختوها قدام قام المسطول عاينلها سأل الجنبو قالو ديل جابو الغداء ولا شنو ؟؟؟
أضحكو ياخي مجاملة بس
هههههههههههههههههههههههاي

[على محجوب جعفر مصطفى]

قالو فى هندى حضر للسودان ولمن رجع الجماعه يسالوة عن الكفيل كيف فى السودان
قالهم جعلى رباطابى حلفاوى كل كويس بس شايقى
قحطانى سيم سيم

[أب شخيت]

هاكم دي واحدي باااااااااااااااااااااااايخة
قالوا واحدي اتزوجت واحد شين جداً ومشوا شهر العسل لبنان فلمان العروس شافت الشباب اللبنانيين قالت الله ينعل الاستعجال
عارف مافي واحد بيضحك
بضحك أنا
هههههههههههههههههههههههههههاي

أخوي عوض

الليلة دخلت بي جاي كايس البديل الشرعي الحلال بدل "طيبان" الطردني منها قبال تجيهو كشة النظام العام...!!!. يستاهل بتاع الجر بالجرورة...
أجي ألقاك يا خوي مدلدل النكتة من كرعينه.....!!!!
أفو ...أفو..أفو..ياخي الحيكومات تطير كان في النكات خلوك تقلبن الواو الضكر بي نون النسوة...النكتة المسكينة سويته لينا زي عفريتة الفلم...
تعرف أنا ما قدرت أضحك إلا لمان قلبت الهوبة فوق الحيطة وقريت النكتة حتان يا دوب إستعدلت معاي...أصلها قبل الإقلاب حلوة جدا..لكين بعد الإقلاب إلا تضحك براك...

[ضمره بغدادى]

أخوي عوض

الليلة دخلت بي جاي كايس البديل الشرعي الحلال بدل "طيبان" الطردني منها قبال تجيهو كشة النظام العام...!!!. يستاهل بتاع الجر بالجرورة...
أجي ألقاك يا خوي مدلدل النكتة من كرعينه.....!!!!
أفو ...أفو..أفو..ياخي الحيكومات تطير كان في النكات خلوك تقلبن الواو الضكر بي نون النسوة...النكتة المسكينة سويته لينا زي عفريتة الفلم...
تعرف أنا ما قدرت أضحك إلا لمان قلبت الهوبة فوق الحيطة وقريت النكتة حتان يا دوب إستعدلت معاي...أصلها قبل الإقلاب حلوة جدا..لكين بعد الإقلاب إلا تضحك براك...

اب شخيت
رمضان كريم عليك
الله يجازى محنك وخليتنى اضحك لامن اتقلبت هوبة:D:D:D

[عوض جلاس]

أخوي عوض

الليلة دخلت بي جاي كايس البديل الشرعي الحلال بدل "طيبان" الطردني منها قبال تجيهو كشة النظام العام...!!!. يستاهل بتاع الجر بالجرورة...
أجي ألقاك يا خوي مدلدل النكتة من كرعينه.....!!!!
أفو ...أفو..أفو..ياخي الحيكومات تطير كان في النكات خلوك تقلبن الواو الضكر بي نون النسوة...النكتة المسكينة سويته لينا زي عفريتة الفلم...
تعرف أنا ما قدرت أضحك إلا لمان قلبت الهوبة فوق الحيطة وقريت النكتة حتان يا دوب إستعدلت معاي...أصلها قبل الإقلاب حلوة جدا..لكين بعد الإقلاب إلا تضحك براك...

أسع يا اب شخيت بلا تقول نكتة خليتنا نفتفت من الضحك
أها كان قلتها نسوي شنو ؟؟
وبعدين الرباطاب ديل أهل النكت والفرفشة ما تطقنا بي كوم كدي منهن ؟؟
يلا راجينك بسرعة

[عوض جلاس]

واحد مغفل ضاعت منو محفظته حقت القروش مشى بلغ البوليس العسكري قالوا خلاص إنت أمشي البيت ونحن بنطلعها ليك من تحت الواطة .. رجع البيت لما هو راجع لقى عمال شغالين يحفروا في بير مشى ةقالهم : شدوا حيلكم محفظتي تراها لونها بني .

[أب شخيت]

أسع يا اب شخيت بلا تقول نكتة خليتنا نفتفت من الضحك
أها كان قلتها نسوي شنو ؟؟
وبعدين الرباطاب ديل أهل النكت والفرفشة ما تطقنا بي كوم كدي منهن ؟؟
يلا راجينك بسرعة


]هاك القدام ديل.. أفقشن أول شي ..ونفضن كويس وانفخن شديد ما تلقالك فيهن سوسة:[/[/size]color]

شايقي معـاهو ولـدو لاقـاهم ربـاطابي
خـاف مـن الرباطابـي يسحر ولـدو
قـام دسـاهو وراهو
الرباطابي قال ليهم
ما لكم واقفين زي الساعة اتناشر شوكة..!!


مسطول رباطابي طالع من البحر ، بيقول لصاحبو : الموية دخلت في اضاني .
صاحبو مسطول اكتر منو ، قاليهو : مبروك ، عقبال الكهربا .[/color]


[color=#8B0000]رباطابى كان ببيع العراريق فى جوبا
جاهو واحد جنوبى عريان زى ما الله خلقو
قال ليهويا مندكورو العراقى بيكم؟
الرباطابى قال ليهو قول بفد جنيه
انت جنيهك دة خاتى وين..


[color=#00008B]رباطابي ركب عجلتو من الكلاكلة إلى دار الرياضة بأم درمان ’ المباراة هلال مريخ ، كانت عصرا ، وصل دار الرياضة متعبا ، وجد الصف طويلا ، أوقف دراجته ثم ذهب إلى بائع التذاكر قائلا :
- أنا جاي من الكلاكلة بعجلة ، وصلت تعبان ، ما قادر اقيف في الصف ، لو سمحت خليني أدخل .
قال بائع التذاكر : مش لو جاي من الكلاكلة...... لو جاي واقع من السماء ، ما بخليك تدخل .
رد الرباطابي بسرعة:
-- أنا لو جاي من السماء بجي عندك ؟ ما طواااااللي بنزل دايرة السنتر

[حسان سرالختم]

ابشخيت ..الله يملاك عافى ويتقبل صيامك
رغم انو الايام دى معظم النكات اصبحت
متكرره ومستهلكه لكن نكاتك دى اول مره
اسمعه ورغم انى مريت عليها قبل الافطار
بنصف ساعه لكن برضو طلعت الضحكه
مجلجله

[عوض جلاس]

أب شخيت الله يديك العافية وكدي ما قصرت تب وفطرنا اسع بي نكاتك دي قبل ما نفطر بالموية والتمر وإنشاء الله وراك وراك وما حنخليك ترتاح بس إنت أملأ القفة حقتك وتعال وما تخاف علينا من السوس بناكلها بس سوسا الخوف يكون القفة فيها صراصير من ابو مايونيز !!!!

[أشرف محمد خليفة]

واحد شايقي ( غتيت ) بصلي بناس جماعه
شاف واحد جاري محصل الصلاه
قام سلم وهو واقف



واحد شايقى طالبوه بدفع 1000 جنيه لتسوير المقابر

قال ليهم والله من قمنا ما سمعنا لينا بميت شرد

شايقيه ولدها جابها من البلد .. ركبوا الأسانسير في عماره طويله ....الشايقيه قالت لي ولده ... دا شنو دا يا ولدي ..قال ليها دا الأسانسير يا يمه ... قالت ليهو ما بلقى لي واحد زي دا لي حش التمر

الشايقي يفتش في ولدو في القطر
والقطر مضلم ما شايف حاجة يهبش ويهبش
اثناء الهبيش دخل اصبعو في نخرة الرباطابي
الرباطابي زعلان قال ليه ده شنو انت ما بتشوف كايس شنو؟
قال ليه كايس ولدي
قال ليه ولدك ده إبريق ما تكوركلو

واحد شايقي عندو فرن بتاع خبز جاهو واحد شحاد قاليهو انا لي 3 ايام ما ضقت طعم

الخبز الشايقي : ياهو طعمو زاتو ما اتغير

[علاء كرار]

واحد رباطابي فاتح مطعم بتاع قراصة جاتو واحده حنكوشة قالت ليهو : لو سمحت اعمل لي ساندوتش مستعجله بالله .
قال ليها : و الله يا بتي إلا تجيبيلك أبره و خيط.

[علاء كرار]

حلفاوي قالوا ليهو : يا مهمد سالح ( محمد صالح) رمضان السنة دي جاي في الصيف

قال ليهم : خلي يجي يضر نفسو :D:D:D

[أب شخيت]

واحد رباطابي قاعد "يشك" في الرتينة قاعد جنبو ولدو...لمان الرتينة ولعت تب.. الولد شافلو "كربة" جارية سريع من الضلمة وقطعت النور ومرت بي غادي في لمحة بصر..
الولد قال: ابوي..ابوي ..إنت الكربة بتاكل شنو؟؟؟
أبوهو قالو يا ولدي هي فاضية من الجري عشان تاكل..!!!!.

************
واحد شاب احمراني "زي ناس الطريف" عاملنو دقن سوداء رفيعة جدا جدا من صدغو لحدي حنكو..ماسك التسجيل في العيادة...جاهو واحد رباطابي ضايق من عينو قالو يا ولدي سجلني النخش للاخسايئ...الشاب قالو مافي طريقه الحجز كمل..الا تجي بعد اسبوع...
الرباطابي قالو يا ولدي انا حسع ضايق اجيك بعد اسبوع كيف يعني..؟؟
الشاب قالو والله يا حاج تجيني بعد اسبوع زي ما جيتني حسع..!!
الرباطابي قالو :إنت يازول مابتتفاهم ليه؟؟؟.. عامل لي دقنك دي زي درب النمل في الحيطة كان دنقرتا ساكت تقع منك ...!!!.

[أشرف محمد خليفة]

شايقي قال لابوه : ابوي عايز اكمل دراستي بره . . ابوه قال ليهو مافي مشكلة خلي امك تفرش ليك السرير في الحوش بس اوعى البرد ما يطقك
================
رباطابي عند جارة غنماية داير يبيعة
بعدين في السوق الغنماية كانت عاوزة تزووغ قام رفع ليها ولدها
جات راجعه والرباطابي يحمض الموقف كلة
قام قال ليه (اسمع ياصاحبي جبته بي الريمووووووت كنترول)
================
رباطابي ولدو بتعلم في المشي بمسك في السرير ويمشي من الاول لاخر السرير ويرجع ابوه شافو قال ليهو ياولد بفتش لاذاعة لندن
================
اتنين حرامية سرقو جنريتر وهو شغال وجو جارين بيهو اها ناس الحلة بفتشو عليهم لقو اتنين مساطيل قاعدين بسطلو سالوهم ما شفتو اتنين شايلين جنريتر ؟؟ ردو ابداا والله

لكن الغريبة في اتنين جو راكبين موتر وطافين النور

[أشرف محمد خليفة]

مسطول دخل بيت بكاء داير يشيل معاهم الفاتحه لقاهم مسيحيين قرا ليهم ( قل يا أيها الكافرون ).
================
مسطول في المدرسة
سمع الاستاذ بقول المثابرة تولّد النجاح
قال لى زميلوا : مــــــــتين هي المثابرة بقت دايه؟؟
================
مسطول سأل بتاعة الاتصالات:
عندكم مفتاح كندا
قالت ليهو ايوه في
قال ليها: اعملوا لي منو نسخة
================
مسطول بيشاغل في واحدة لونها اسمر قاليها : وين يا بيبسي ؟
قامت تفت عليهو . قاليها : وكمان بتفوري ..
================
مسطول عملوا معاه لقاء فى التلفزيون
"المذيع سأله:" ماهو أصعب موقف مرّ بيك فى حياتك ؟
المسطول قال ليه:" يوم ما كنت بحلق فى دقنى.. و بلوك لى فى لبانة"

[أب شخيت]

هذه وقايع طريفة حقيقية ما نكات:
أخونا د. عبد القادر الحسن الساعوري إختصاصي العيون الشهير ..كتيرين من البركاله بيعرفوهو (وهو بالمناسة اخ عزيز وصديق مقرب اليّ وهو الذي دفعني دفعاً لتخصص العيون بدلا عن الجراحة العامة فاستجبت له لمكانته عندي)...
مره جا مريض لدكتور الساعوري في عيادته المسائية..
المريض: والله يا دكتور "الماسوري" عيوني ديل تعبوني خلاص لفيت بيهم الدكاتره كلهم ما اتعالجن..واحد من جيراني قال لي امشي "للماسوري" وجيتك...
الساعوري مقاطعاً: لكين انا ما دكتور "الماسوري"..!!!!.
المريض باستغراب: طيب انت دكتور منو؟؟؟؟!!!.
الساعوري: انا (الخرطوشي).."الخرتوووووووووشي".!!!


واحدة من خالاتنا في البلد إسمها (شدروان) عندها موية سوداء (جلكوما) عميانة تب من زمان وميئوس منها...قالت لاولادها إلا تودوني لدكتور الساعوري في الخرتوم يمكن افتح تاني واشوف...!!!
الساعوري بعد كشف عليها قال ليها: يا حاجة انتي دايرة الحقيقة والله دايراني أغشك ساكت بالكلام؟؟؟!!!
شدروان: أجي يا ولدي يا "الساعوري" أنا كان دايرة "الغش" كنت ركبت ليهو قطر وجيتك؟؟؟!!
الساعوري: اكان كدي يا الحاجة النقول ليك عيونك ديل ما فيهن أمل شوف تاني.. ومن دربك دا وعلي قطرك طوالى..!!!!.
شدروان:يا ولدي مالو كلامك كعب كدي؟؟؟ وانا ذاتو غلطانة ...شفتولكم زول إسمو "ساعوري" ممكن يعالجو زول.!!!!.
الساعوري بدون تفكير: نحنا ذاتنا ما شفنا زوله اسمها "شدروان" ممكن عيونا يتعالجو..!!!.

فانقلب الموضوع لضحك على الموقف الطريف..وما يزال ناس البلد يتداولونه بالحكي..!!.
التحيات لك أيها الصديق العزيز صاحب الأيادي البيضاء د. الساعوري..

[طارق علي صالح]

واحد رباطابي قاعد "يشك" في الرتينة قاعد جنبو ولدو...لمان الرتينة ولعت تب.. الولد شافلو "كربة" جارية سريع من الضلمة وقطعت النور ومرت بي غادي في لمحة بصر..
الولد قال: ابوي..ابوي ..إنت الكربة بتاكل شنو؟؟؟
أبوهو قالو يا ولدي هي فاضية من الجري عشان تاكل..!!!!.

************
واحد شاب احمراني "زي ناس الطريف" عاملنو دقن سوداء رفيعة جدا جدا من صدغو لحدي حنكو..ماسك التسجيل في العيادة...جاهو واحد رباطابي ضايق من عينو قالو يا ولدي سجلني النخش للاخسايئ...الشاب قالو مافي طريقه الحجز كمل..الا تجي بعد اسبوع...
الرباطابي قالو يا ولدي انا حسع ضايق اجيك بعد اسبوع كيف يعني..؟؟
الشاب قالو والله يا حاج تجيني بعد اسبوع زي ما جيتني حسع..!!
الرباطابي قالو :إنت يازول مابتتفاهم ليه؟؟؟.. عامل لي دقنك دي زي درب النمل في الحيطة كان دنقرتا ساكت تقع منك ...!!!.

غايتو يا ابشخيت ناس الطريف ديل اصللك ما مخليهم يازول تعال نسجلك ساقتين خلص فوق قصر كجبي وطبعا عشان تستلم تمشي معاي يا في عيد الفطر او الاضحي

[أب شخيت]

غايتو يا ابشخيت ناس الطريف ديل اصللك ما مخليهم يازول تعال نسجلك ساقتين خلص فوق قصر كجبي وطبعا عشان تستلم تمشي معاي يا في عيد الفطر او الاضحي

ياخوي طارق معقول في زول يخلي أهلو..!!. دا كلام شنو يا خوي...!!.
وبعدين انا كان مشيت معاك خايفك تسلمني "المال المسروق"..والله كمان تضارى فوقى وتقول "العملة" عمله الضيف....:D:D:D

[احمد حسن جدعه]

2 كضابين شديد.. قاعدين جمب البحر
واحد قال للتاني شايف النمله البي غادي دييييك ؟؟
التاني قال ليهو العورا والله الجمبها ..:D

[أشرف محمد خليفة]

شايقية صحباتا قالو ليها فستانك جميل ده تفصيل ولا جاهز قالت ليهم خلقه

********************************

شايقية عجوز في محو الأمية.... سألتها المدرسة: قولي لي جملة فيها إدغام بغنة ؟
قالت ليها : عمن يعميك

********************************

كان في وحدي شايقية بتعوس وماسكة القرغريبة فقاموا قالوا ليها راجلك عرس فييك فكانت جنبها جدادة، فمسكتها ومسحت بيها الصاج وجدادة تكاكي كاك كاك كاك قامت قالت ليها :
والله لو كاكيتي وال ما كاكيتي ياكي المعراكي ياكي المعراكي

[أب شخيت]

كان في وحدي شايقية بتعوس وماسكة القرغريبة فقاموا قالوا ليها راجلك عرس فييك فكانت جنبها جدادة، فمسكتها ومسحت بيها الصاج وجدادة تكاكي كاك كاك كاك قامت قالت ليها :
والله لو كاكيتي وال ما كاكيتي ياكي المعراكي ياكي المعراكي

كان لمت في الراجل كان لحقتو الجدادة..:D:D:D

[أشرف محمد خليفة]

كان لمت في الراجل كان لحقتو الجدادة..:D:D:D

شفت ؟ انا خايف عليك من جنس ده، ابعد من مواضيع ( الدو والسيه ) :D

[احمد حسن جدعه]

مسطول ماشي مع حبيبتو قالت ليهو قول حاجة توقف قلبي قال ليها اخوك ماشي ورانا:D