يا ناس البركل سلام ، اهلنا الحلوين

[هجو الأقرع]

لى عظيم الشرف ان انتمى الى هذا المكان الرائع ، الرائع باهله وسمحاتهم فقد عرفت كثيرا منهم ما خاب ظنى فيهم يوم ، اخى خالد شكرا لتفعيل العضويه وبهذه السرعة ، ارجو مراجعة بريدك للتفاهم فما اتفقنا عليه مع الاخ الطاهر مشكورا. فى انتظار المطلوب منك على بريدى المرسل لك.

[خالد الحاج]

مرحب بيك حبابك ألف أخونا هجو
ونحن زملاء لفترة في س.اونلاين
تلقت رسالتك ورديت عليها
أسعدتني همتك وغيرتك يا هجو
الله يديك العافية

[النافعابى]

مرحب بيك فى بركلك ولنا عظيم الشرف بانضمام احد العمالقه المعروفين وتانى سلام من
بركل الحضارات ومتابعين ابدعاتك بيغادى

[حسان سرالختم]

زى ما قالو الجماعه ..زول الهكر قصد يضرنا
ولكن رب ضاره نافعه وجابت لينا الشجر الكبار
واخونا هجو رجل له باع طويل فى المنتديات
والف الف مرحب بيهو فى دوحه البركل
وياريت نشوف ابنه المهندس محمد صاحب
الامكانيات المهوله فى مجال الشبكه العنكبوتيه

[ضمره بغدادى]

مرحب بى القامة هجو فى بركل العز والشموخ....... منور

[عوض جلاس]

أهلاً بالأخ هجو الأقرع وحياك الله في دارك العامرة بوجودك وابقى لا جوة

[عمر مجذوب خطيب]

الف مرحب بيك يا هجو نورت الديار - معليش تاخرت في الترحيب بك فالكومبيوتر عملها تاني وتالت

[هجو الأقرع]

الاخوة الكرام ، شكرا على كرم الضيافه الما بتشحدوه ، (خلقة ربانية) فعلا انا سعيد بالتواجد بينكم بعيدا عن منتديات السياسة ووجع الراس ، انتو عارفين اول موضوع حا يكون عن (الفرده ) حسان ، ابشر بالخير يا ابو المجتبى .

[عصام سرالختم]

لى عظيم الشرف ان انتمى الى هذا المكان الرائع ، الرائع باهله وسمحاتهم فقد عرفت كثيرا منهم ما خاب ظنى فيهم يوم ، اخى خالد شكرا لتفعيل العضويه وبهذه السرعة ، ارجو مراجعة بريدك للتفاهم فما اتفقنا عليه مع الاخ الطاهر مشكورا. فى انتظار المطلوب منك على بريدى المرسل لك.

الاخ الرائع هجو
انا من المتابعين لمواضيعك وردودك فى موقع س. اون لاين
ويعجبنى وضوحك وصدقك ووطنيتك وبغضك للعنصرية والجهوية
وحرصك على وحدة السودان ...
شرفت البركل... وفى انتظار دخول ابنك المهندس محمد هجو

[محمد الطيب]

اهلين وسهلين بالاخ والجار العزيز هجو وشرفت دارك واهلك .
ملبون مرااااااااااااحب

[الخزين ود نصر]

هلا بى هجو ودار جعل العزاز بلحيل
هلا بالجود و الكرم المافى ليهو مثيل
هلا بى كسارين قرون العاتى تور الشيل
هلا بى الحازين الرقاب لكل عميل و دخيل
هلا بصناديدا فدوه وطن عند اللقيا عدلو الميل

[احمد حسن جدعه]

لى عظيم الشرف ان انتمى الى هذا المكان الرائع ، الرائع باهله وسمحاتهم فقد عرفت كثيرا منهم ما خاب ظنى فيهم يوم ، اخى خالد شكرا لتفعيل العضويه وبهذه السرعة ، ارجو مراجعة بريدك للتفاهم فما اتفقنا عليه مع الاخ الطاهر مشكورا. فى انتظار المطلوب منك على بريدى المرسل لك.

حبه من روعتك يا ود الاقرع ..
ترليون مرحب بيك في بيتك..

صورتك الفي سودانيزأونلاين في السِلك :Dما تجيبا لينا هنا;)