عثمان الحليبي
10-18-2008, 11:43 AM
ساعة شفتا القصة إتغيرت وحالتنا أصبحت ماها ياها... محمد مات وتلودي بقت ما فيها شئ. قلت إنو نحنا بعد ده حقو نرجع لي اهلنا. والبلد كان ما شالتنا كلنا تخفف علي التانين.
ناديت عبدالله ولدنا قتلوعمك ده الله يخليهو لينا.. ماب يقصر معانا .. وانت شايفو بي عينك قاعد يسوي في شنو . عمك ده انتو عندو امانة . أمانة ابوك ادها ليهو من زمنو الصغير. ساعة كان قاعد يقرى في الكتاب . قالو انا دايرك تقرى وتبقى راجل شان الزمن إن ما خلاني للناس تسد عقابي . وابوك ده ساعة مات كان راضي عنو لانو شاف وقفتو معاهو وهو حي.
دحين يا ولدي أنت عارف عمك مهموم بي الولاد ديل . وكان جات علي نفسو ماب يخليكن ..
تعال معاي نتفق . نتفق شان نساعد بعضنا في الوقعت علينا. نساعد بعضنا في تربية أخوانك ديل زي ما كان أبوك داير يربيهم.
والحمد لله انا من تالاي . معاك أنت وعمك ماني خايفالي من شيتن يجينا . تعاونوا علي البر والتقوى ولا تعاونوا علي الاثم والعدوان.
يا ولدي تلودي دي ربنا جابنا ليها وبقت لنا سكن وبكان رزق . والحمد لله علي الأيام السمحة القضيناها فيها. العز الشفناهو فيها مافي زولا في البلد شافو. أبوك ربنا يعوضو بالجنة ويديهو قدر ما أدى. جاء تلودي دي قعد فيها لامن الله اداهو.
00ولامن مات ما قصر. ما قصر في حقنا انا وامك. سنة خمي كسانا دهب. سوالنا الما سوهو الرجال لي حريمن. خيرو واصل للقرير ولي اخواتو في كل حتة . ناس الجبال كلهن يعرفوهو. جلابة وعرب ونوبا وجانقي. بيتو من انت قمت لقيتو بيت ضيفان. نزل فيهو الجيش بي عساكرو ونزل فيهو عربات السيرة بي ناسن. ومافي زول غشى البلد دي ما دخل بيت ابوك .
يا ولدي الكلام ده كلو انت عارفو وانا ماني دايري اوريك ليهو. لكن انا عندي كلام دايري اقولو ليك.
عمك انت عارف بقى موظف حاكومة. وبقى يودوهو محل ماهن دايرين. ومن هني ولا قدام بقى ماهو زول تلودي. يعني ان جاها يجيها في الاجازة وأنت مشيت فوق دربو . باكر باكر يجوا ينقلوك من هني. ونحنا نتجهجه. وأبوك ساعة كان قاعد في البلد دي كان عندو الشئ. والحمل ما كان قدر ده. دحين انت ياك البقيت في وشي المدفع أنا خايفي عليك. مرتبات الحكومة بقت ماها حايقي. يا الله يا الله تقدر تقضي الزول.
يا ولدي أنا جيت أقولك انا دايري امشي البلد. أسلم علي ناس أمي واشوف القرير. دايري امشي هناك أشوف حال البلد. كان لقيتلي شي هناك بقعد أربي الوليدات ديل هناك. وإن ما لقيت بجيكن راجعي بعد داك نشوف الدايرين نسويهو شنو.
لكن أنا في الشئ العارفاهو البلد فيها الشئ البيساعدنا. أنا البلد عارفاها وهي عارفاني. شان كدي يا ولدي أنا دايراك تقول لي عمك الكلام ده وتقنعو بيهو. أنا شايفاهو ماهو راضي سفري. قال امشي لي ناس أمي وأرجع . وماب يرضى قعدتي هناك وأنا ماني دايراهو يقول أني قلعت ايدي منو.
يا عبدالله نحنا الوليدات ديل مانا دايرين نجهجه مستقبلن. مانا دايرنهن يمشو يشتغلوا ويبقو أقل منك ومن عمك. الولاد ديل لازم يقروا ويبقوا زيكن وأحسن منكم. وأنت أبوك ساعة قال نفيسة ما تمشي تقرى تقعد بس في البيت أنت مارضيت. مشيت رجعت كلمتو ووقفت معاها لامن رجعت. والحمد لله البنات ديل بقن قراب من القيف. باكر يساعدنك ويشيلن معاك الحمل. اربعة خمسة سنة ماب تزيد والحال يرجع لي حالو.
يا ولدي أنت البقيت في محل ابوك والناس هني وهناك تعاينلك دايرين يشوفوك تسوي شنو. أبقى لي أخوانك ضل وضرى .أنت من قمت قدامي وأنا شايفاك راجل . وزمان قلتلك الولد قايم السيف إن ما سوا سوات الرجال ماب يبقى راجل.
والحمد لله تلاتة وعشرين سنة قبل ما تصلن كنت عداد رجال . والحمد لله شفناك تميت قرايتك وأشتغلت بي شهادتك.
أنا يا ولدي ماتقول عمتي عاشا ادت كلامي الواطة . عرضك ياهو عرضك زي ما قلت ماب تخليهو للرجال . أنا والله كلامك ده مريحني ومتقل قلبي . عشان كدي أنا قلت يحرم علي حرام مكة علي الكفار ما أدخل في جوف اخوانك شيتن ماهو منك. بس إن دايرني أعفى منك تخليني أساعدك بي البقدر عليهو. وأنا كان خايفي علي أخوانك خايفي عليك من التعب . أنت قلبك حار.
كلام محمد أخوي إعتبرو ما إتقال. وإنتو بدل الساقي عندكن ساقتين. عمك شتل فيهن الشتل لي الزمن ده يكون شال. وكان أنطبقت السماء علي الأرض ماني مقدمالي زول قدامك. أنا ماني دايري أشمت الناس فيك أنا دايري إعتزابك. أنت عندي شمسا ولم تغب. وأنا كان ماني عارفاك ما بقولك متل كلامي ده. أنا شايفاك ماك راضي لكن دايراك تديني فرصة. سنة واحدي. بعد السنة تعال إن حالنا ما عجبك سوقنا وأنا برجع معاك.
هذا ما دار بين عبدالله وأمي حين قررت أمي الرجوع الي القرير. وأنا في ذلك الحين صغير لا أعي ما يدور حولي من اموركانت هي السنين الثلاثة الاولى لي في الحياة ولكن في تلودي كانت الذكريات تؤرخ في عقلي.
ناديت عبدالله ولدنا قتلوعمك ده الله يخليهو لينا.. ماب يقصر معانا .. وانت شايفو بي عينك قاعد يسوي في شنو . عمك ده انتو عندو امانة . أمانة ابوك ادها ليهو من زمنو الصغير. ساعة كان قاعد يقرى في الكتاب . قالو انا دايرك تقرى وتبقى راجل شان الزمن إن ما خلاني للناس تسد عقابي . وابوك ده ساعة مات كان راضي عنو لانو شاف وقفتو معاهو وهو حي.
دحين يا ولدي أنت عارف عمك مهموم بي الولاد ديل . وكان جات علي نفسو ماب يخليكن ..
تعال معاي نتفق . نتفق شان نساعد بعضنا في الوقعت علينا. نساعد بعضنا في تربية أخوانك ديل زي ما كان أبوك داير يربيهم.
والحمد لله انا من تالاي . معاك أنت وعمك ماني خايفالي من شيتن يجينا . تعاونوا علي البر والتقوى ولا تعاونوا علي الاثم والعدوان.
يا ولدي تلودي دي ربنا جابنا ليها وبقت لنا سكن وبكان رزق . والحمد لله علي الأيام السمحة القضيناها فيها. العز الشفناهو فيها مافي زولا في البلد شافو. أبوك ربنا يعوضو بالجنة ويديهو قدر ما أدى. جاء تلودي دي قعد فيها لامن الله اداهو.
00ولامن مات ما قصر. ما قصر في حقنا انا وامك. سنة خمي كسانا دهب. سوالنا الما سوهو الرجال لي حريمن. خيرو واصل للقرير ولي اخواتو في كل حتة . ناس الجبال كلهن يعرفوهو. جلابة وعرب ونوبا وجانقي. بيتو من انت قمت لقيتو بيت ضيفان. نزل فيهو الجيش بي عساكرو ونزل فيهو عربات السيرة بي ناسن. ومافي زول غشى البلد دي ما دخل بيت ابوك .
يا ولدي الكلام ده كلو انت عارفو وانا ماني دايري اوريك ليهو. لكن انا عندي كلام دايري اقولو ليك.
عمك انت عارف بقى موظف حاكومة. وبقى يودوهو محل ماهن دايرين. ومن هني ولا قدام بقى ماهو زول تلودي. يعني ان جاها يجيها في الاجازة وأنت مشيت فوق دربو . باكر باكر يجوا ينقلوك من هني. ونحنا نتجهجه. وأبوك ساعة كان قاعد في البلد دي كان عندو الشئ. والحمل ما كان قدر ده. دحين انت ياك البقيت في وشي المدفع أنا خايفي عليك. مرتبات الحكومة بقت ماها حايقي. يا الله يا الله تقدر تقضي الزول.
يا ولدي أنا جيت أقولك انا دايري امشي البلد. أسلم علي ناس أمي واشوف القرير. دايري امشي هناك أشوف حال البلد. كان لقيتلي شي هناك بقعد أربي الوليدات ديل هناك. وإن ما لقيت بجيكن راجعي بعد داك نشوف الدايرين نسويهو شنو.
لكن أنا في الشئ العارفاهو البلد فيها الشئ البيساعدنا. أنا البلد عارفاها وهي عارفاني. شان كدي يا ولدي أنا دايراك تقول لي عمك الكلام ده وتقنعو بيهو. أنا شايفاهو ماهو راضي سفري. قال امشي لي ناس أمي وأرجع . وماب يرضى قعدتي هناك وأنا ماني دايراهو يقول أني قلعت ايدي منو.
يا عبدالله نحنا الوليدات ديل مانا دايرين نجهجه مستقبلن. مانا دايرنهن يمشو يشتغلوا ويبقو أقل منك ومن عمك. الولاد ديل لازم يقروا ويبقوا زيكن وأحسن منكم. وأنت أبوك ساعة قال نفيسة ما تمشي تقرى تقعد بس في البيت أنت مارضيت. مشيت رجعت كلمتو ووقفت معاها لامن رجعت. والحمد لله البنات ديل بقن قراب من القيف. باكر يساعدنك ويشيلن معاك الحمل. اربعة خمسة سنة ماب تزيد والحال يرجع لي حالو.
يا ولدي أنت البقيت في محل ابوك والناس هني وهناك تعاينلك دايرين يشوفوك تسوي شنو. أبقى لي أخوانك ضل وضرى .أنت من قمت قدامي وأنا شايفاك راجل . وزمان قلتلك الولد قايم السيف إن ما سوا سوات الرجال ماب يبقى راجل.
والحمد لله تلاتة وعشرين سنة قبل ما تصلن كنت عداد رجال . والحمد لله شفناك تميت قرايتك وأشتغلت بي شهادتك.
أنا يا ولدي ماتقول عمتي عاشا ادت كلامي الواطة . عرضك ياهو عرضك زي ما قلت ماب تخليهو للرجال . أنا والله كلامك ده مريحني ومتقل قلبي . عشان كدي أنا قلت يحرم علي حرام مكة علي الكفار ما أدخل في جوف اخوانك شيتن ماهو منك. بس إن دايرني أعفى منك تخليني أساعدك بي البقدر عليهو. وأنا كان خايفي علي أخوانك خايفي عليك من التعب . أنت قلبك حار.
كلام محمد أخوي إعتبرو ما إتقال. وإنتو بدل الساقي عندكن ساقتين. عمك شتل فيهن الشتل لي الزمن ده يكون شال. وكان أنطبقت السماء علي الأرض ماني مقدمالي زول قدامك. أنا ماني دايري أشمت الناس فيك أنا دايري إعتزابك. أنت عندي شمسا ولم تغب. وأنا كان ماني عارفاك ما بقولك متل كلامي ده. أنا شايفاك ماك راضي لكن دايراك تديني فرصة. سنة واحدي. بعد السنة تعال إن حالنا ما عجبك سوقنا وأنا برجع معاك.
هذا ما دار بين عبدالله وأمي حين قررت أمي الرجوع الي القرير. وأنا في ذلك الحين صغير لا أعي ما يدور حولي من اموركانت هي السنين الثلاثة الاولى لي في الحياة ولكن في تلودي كانت الذكريات تؤرخ في عقلي.