ينصر دينك ياخوي الزعيم خالد الحاج

[أب شخيت]

ينصر دينك ياخوي الزعيم خالد الحاج

أخي الزعيم خالد

والله العظيم ما عارف أشكرك كيف ...لأول مرة يغلبني الكلام...الحالة العلي موصفا أخوي زكريا بابكر اللاهث الأنفاس...!!!. والله شوقنا آلاف آلاف ليكم كلكم بدون فرز...
أنا كان مكتفني الهكر و راميني رمية عدوكم...وحد ما حاولت إتفرفص عشان أمرق غلبني...بعد تعبت جد بقيت أغمض في عيوني واقول (إنشا الله حلم..!!.انشا الله حلم..!!. )...في رميتي ديك يجي ماري فوقي أخوكم ضمرة اللنا حسع شايفو حاضر ويتاوق...!!!. هو يا ضمرة كيفن تجي فوقي بي حمارك وانا أكورك ليك وجاري وراك زي جماعة (ولاد الريف رمولنا رغيف..!!.ولاد الريف رمولنل رغيف..!!.) غير الغبار والبعر ما تديني شيئ...!!.أوعك تقول لي كنت رافع القزاز المظلل...أريتك بي قزاز "طيبان"..!!..
أنا ما رسلت ليك بوست عديل كده رسالة إستغاثة عشان تمرقوني من الهكر...!!. ليه يعني الطغا دا...!!!.أخير لك ترعى بي قيدك...!!!..أنا عندي في بلدك دي (ألف قلم مسنون جاهزة للكتابة لا يسألوني فيم غضبت..!!)...
وعشان الناس تعرف الحاصل اللكتب ليكم رسالة الاستغاثة الرسلتها لأخوي ضمرة

أنا مهكور...!!..والبمرقني مشكور..!!
ياخوانّا كتّفني الهكر
الما صلى لي ربو وشكر
خرّب مزاجنا وليهو عكّر
هو أصلو ما سودانياً ضكر
غشاهو إبليس جانا ومكر
زي التقول رامي السكر
كان سألتو إتلعثم نكر
ياخوانا لو ممكن مساعدة ولو بالفكر
وحلان عديل حتى للأضنين موكّر
وخالد الحاج الفوق قلوبنا قعد محكّر
ما تزيدو العليهو "ووبين" و "كُر"
جاريلكم السبحة التكر
أسرعو ألفوني قبال الضهر

[خالد الحاج]

أب شخيت سخسيا "شخص الدين شمسيا":D
يا زول والله ليك وحشة .. يشهد الله قومت نفسي
حمدا لله علي السلامة وتشكر علي لطيف حسن ظنك
أنا هين وهوين أمش علي عتوت دقش الجماعة يدقو في النحاس من أمس

مرحب بي عودتك

[ضمره بغدادى]

اها اجماعة شوفو الكعوبيى الواقع فيها ضمره يتفك من زكريى يقع فى اب شخيت الرساله الرسلتها يعلم الله ما لقيتا ولا عرفت محلها .
هسع آ زول سلامى اللميت وانا من زمان اسال منك واصلك انت وزكريى نزلكن فرد قطر .هاك .. هاك اشرب كورية الليمون دى الكان تبرد عليك .
اها هسع انا خلنى امشى شوف الراجيك جنب العتود المضبوح داك .

[أب شخيت]

الأخ الزعيم خالد

لك كل الود والتقدير...والعتود شغلنا فيهو شريط المارشات لحدي ما نكمل المسابلات الفوق ضهرنا...قلنا نخاف بعد في الكرعين تجي في وشينا...!!!

الأخ العزيز ضمرة

يا زول صافية لبن...وما تاخد كلامي محل زعل...نحن بنحب نهاظر الحبان ساكت وياهو دا اللمانا عليكم...ونحن لو ما مقدرينك وخاتنك كبير فوقنا (مقاما) ما كنا في الاول رسلنا ليكم رسالة الاستغاثة...عشان كدة ما تعتبر الحكاية شيل حال ..دي والله محبة في الله راجين أجرها العظيم...ولك تقديري

[ضمره بغدادى]

الأخ الزعيم خالد

لك كل الود والتقدير...والعتود شغلنا فيهو شريط المارشات لحدي ما نكمل المسابلات الفوق ضهرنا...قلنا نخاف بعد في الكرعين تجي في وشينا...!!!

الأخ العزيز ضمرة

يا زول صافية لبن...وما تاخد كلامي محل زعل...نحن بنحب نهاظر الحبان ساكت وياهو دا اللمانا عليكم...ونحن لو ما مقدرينك وخاتنك كبير فوقنا (مقاما) ما كنا في الاول رسلنا ليكم رسالة الاستغاثة...عشان كدة ما تعتبر الحكاية شيل حال ..دي والله محبة في الله راجين أجرها العظيم...ولك تقديري


اب شخيت

حبيب قلبى كتر الله خيرك والله يعلى مقامك اكثر مما عليه
يا اب شخيت هوووووووى انا هين ولين قتلك الكلام الراجيك بى غادى جنب العتود المضبوح داك..... المارشالات ماها فاكاك من الجماعة. الكان بتفك كان فكاك الهزاز:D:D:D

[عوض جلاس]

حمداً لله على عودتك يا ابشخيت وإنشاء الله تكون جايي محزم وملزم للجماعة ديل باقي من امس يفتشوا فيك وغايتو إن ما جيت معاك العكاز المضبب لا تدخل هناك على عتود دقش لأنو الجماعة في ايام الغيبة ديك أعدو لك ما استطاعوا من رباط الخيل غايتو اكرب نصك وسل سيفك والله معاك

[أب شخيت]

الأحباب ضمرة وعوض جلاس
وعبركم لكل الأحباب

شايفين شريط المارشات دا حيظل شغال ومدور وكمان بيقلب أتوماتيكيا لحدي ما أقضّي أغراضي كلها:
(1) المسابلات الكتيرة باقي في مركب عرس غرقت بي وراي ...ديل ياأخوان مابيرضو لو ما وصلتهم و أديتهم الفاتحة...دا واجب علي وحق ليهم...ديل ما دافنين كيبلات...ومابقدر اصهين....باقي سمعان إنو واحد رباطابي مات ليهو زول في بيتو بعد نص الليل وكت النومة السمحة ديك..!!!...الناس تكورك ، الصباح جارو جا عامل ما عارف ، سأل الرباطابي قاليهو انت الماتليك دة شنو ؟؟؟ قاليهو حجر بطارية ...
(2) راجي أخوي زكريا القال طائرة يعقوب ال (F16) إتحركت من القاعدة الجوية ولليلة ما وصلتنا...أنا خايفو يطلع لينا زي "الصحاف" العشمنا بضرب إسرائيل بالكيماوي...!!!.وحسع أنا قاعد فوق القيف راجي جنازة البحر دي..!!..
(3) داير إتأكد من الشمارات الجابوها لي الجنون المطاميس ديل...قالو لي طائرة ود العطا المشت الطريف الشفع الصغار رموها بي نبلة ...!!!. وكمان ود العطا أسروهو ..!!.. أنا باقي في ورطة شديدة ما أصلو ناس الطريف ديل حلفاي شديد وكمان ود العطا ودعمي لزم و دمي المابيبقى موية..!!. غايتو كان بقت الشمارات دي صحيحة لازماني مشية لحدي الطريف لزوم "الوساطة" وللضمان بسوق معاي طارق العمل "السواطة" دي...!!!
وتأكدو قبال أمشي الطريف لو الصحاف طلع ما صحاف باخد لي خفسة لي بكان الضبيحة وبعد داك بمشي لي واسطة الخير دي...

[عصام سرالختم]

المبدع اب شخيت
شاهد الله الاخوان فى البركل والخرطوم ما عندهم نضم خلاف اب شخيت وقصايدو وطبعا انا كنت هناك وعدت قبل ايام .. :D :D
ونحن طالعين من المسجد سمعت اخونا دقش يكلم فى ابراهيم بابكر عن هجومك الكاسح وشفت الجماعة رفعوا درجة الاستعداد الى اللون الاحمر ..
لكن بعد ما دخلت الموقع لقيتك شاعرا ما بتصاقع .. يعنى سنشهد معركة شعرية طويلة ( داحس والغبراء )
لكن المشكلة انك وحيد والجماعة هناك ما شاء الله ( الكترة غلبت الشجاعة ) ..
وفى الخرطوم لقيت اخونا عماد الطيب امتلك جهاز كمبيوتر (لاب توب) مخصوص ليتابع الموقع وشايل قصائدك والردود عليها فى ملف خاص ( الملف الساخن ) ..وبى قدرت قادر هو ذاتو اصبح شاعر ومجهز عدد من القصائد ..
وشايف الحرب الجوية بدأت من منصة صواريخ زكريا بالجنوب
وامس وصلك صاروخ ارض جو من منصة صواريخ اخونا ابراهيم بابكر بالبركل ..
وراجمات يعقوب فى حالة تاهب قصوى ....
واظن الهجوم البرى المدمر سيكون بدبابات اخونا العطا ..
ما عرفناك اب شخيت ... ام .... صدام حسين :confused: :confused:

[ضمره بغدادى]

ما عرفناك اب شخيت ... ام .... صدام حسين

عصام غايتو انا الشى الشايفو ده اب شخيت عنده خيارين
1/ ان يسلم ويستسلم ويرفع اياديه عالية .
2/ او يقول الرووووووووووب عديل ويبقالى دى اخير من اخته .

[ضمره بغدادى]

ما عرفناك اب شخيت ... ام .... صدام حسين

عصام غايتو انا الشى الشايفو ده اب شخيت عنده خيارين
1/ ان يسلم ويستسلم ويرفع اياديه عالية .
2/ او يقول الرووووووووووب عديل ويبقالى دى اخير من اخته .

[ضمره بغدادى]

ما عرفناك اب شخيت ... ام .... صدام حسين
.................................................. .................................................. ........
عصام غايتو انا الشى الشايفو ده اب شخيت عنده خيارين
1/ ان يسلم ويستسلم ويرفع اياديه عالية .
2/ او يقول الرووووووووووب عديل ويبقالى دى اخير من اخته .

[أب شخيت]

الأخ عصام

نحمد الله لك بسلامة العودة من الديار الحبيبة...ونشكر لك كلماتك الرقيقة المشجعة..تنفع يا خوي نضمك لفرع التوجية المعنوي المسئول عن المارشات العسكرية..ونطمئنك أننا قد صنعنا مضاد مخصوص للF16 تحت التجربة و للضمان لابد لكم من إتخاذ التدابير التأمينية عند إطلاق المضاد وربما ينطلق عليكم بدلا من الطائرة...بس خلوها التجي طائرة الصحاف دي..!!!...

أخوي ضمرة

غلطان با خوي ...وأنا ذاتو ما عارف صدام دا منو ..!! لكين الصحاف بالحيل بعرفو من تصريحاتو عن ال F16...!!!.غايتو بعد التأخير دا إلا تكون ( 11خ)..!!..