الليلي شن حاصل على تلفزيون السودان

[عوض جلاس]

ساعتين وشوية وأنا فاتح التلفزيون صورة بدون صوت
من قبل صلاة المغرب وبرنامج وراء برنامج وصمت أهل القبور
معقول لا فني ولا مخرج ولا مذيع ولا موظف ولا مدير ولا غفير ماهو جايب خبر
كل الناس مشدوهين مع الفطور وناسين المصيبة دي ولا شنو ؟؟
يعني لو كان انتبهو أقل شيء كان ينوهو أو يقطعو البرامج
جاء المديح وجات مشاوير ومسادير والكاميرا الخفية ويا كترت الإعلانات والقرآن الكريم وغيره وغيره وكلو صورة بدون صوت
في شيء زي دا بيحصل في التلفزيونات غير تلفزيونا دا
وأكيد يمر الوقت ويصلحو الصوت ولن يحاسبوا أحد
وبرضو تقولو سلفاكير غلطاااااااااااااااااان !!!!

[البشير]

العزيز عوض , حصل معي نفس الشيء , مع القناة ( الصورة ) في اكتر من قناة صوتية تقدر تضبطها من الريموت ,, يبدو انو ما كل القنوات تعمل ,,, و تحياتي

[علاء كرار]

تصدق يا عوض .. ممكن واحد يكون بيجرب في مفاتيح قفل الصوت ..

مرة واحد صديقنا من اولاد الدمازين حكى قصة و موقف غريب جدا ..

قال لامن كان في الثانوي استاذ الفيزياء اخذهم للخزان عشان يشوفوا توليد الكهرباء بالطاقة المائية عمليا و كان في صحبتهم كبير المهندسين او المسئول عن التوربينات المهم، في نهاية الزيارة اخذهم الى غرفة التحكم ( الكنترول ) و قعد يشرح ليهم : دي الخطوط الرئيسية ، و ده الخط بتاع مدني و ده الخط بتاع الخرطوم و يتفرع منو خط بحري و الجريفات و بري و الزر القدماكم بتاع بحري اذا دوسته الكهرباء تقطع في بحري و قام فعلا داس الزر و قال ليهم كده الكهرباء قطعت في بحري

رأيك شنو آآآ عوض .. عوظ

[م بروي]

ساعتين وشوية وأنا فاتح التلفزيون صورة بدون صوت
من قبل صلاة المغرب وبرنامج وراء برنامج وصمت أهل القبور
معقول لا فني ولا مخرج ولا مذيع ولا موظف ولا مدير ولا غفير ماهو جايب خبر
كل الناس مشدوهين مع الفطور وناسين المصيبة دي ولا شنو ؟؟
يعني لو كان انتبهو أقل شيء كان ينوهو أو يقطعو البرامج
جاء المديح وجات مشاوير ومسادير والكاميرا الخفية ويا كترت الإعلانات والقرآن الكريم وغيره وغيره وكلو صورة بدون صوت
في شيء زي دا بيحصل في التلفزيونات غير تلفزيونا دا
وأكيد يمر الوقت ويصلحو الصوت ولن يحاسبوا أحد
وبرضو تقولو سلفاكير غلطاااااااااااااااااان !!!!

العزيز والغالي أخوي عوض لك كل التحايا...يا خوي أنا يبقالي التلفزيون ماعنده عوجي الحكاية تهكير من صاحبنا اب شخيت أكيد يكون هو السبب.

[عمر مجذوب خطيب]

عوض انا قايل تلفزيونك مورود شوية وان كنت لا استبعد العطل على تلفزيوننا الحبيب
مودتي يا غالي