طريقة .. تنزيل ملف .. U-Tube إلى جهاز الكمبيوتر

[أبو رنس]

أحبابي .. أعضاء منتدى البركل .. الحلوين

السلام عليكم .. ورحمة الله وبركاته ،،،

دي محاولة .. لشرح .. طريقة تنزيل .. ملف U-Tube لجهاز الكمبيوتر
ومن ثم .. تحويله .. إلى صيغة .. تصلح .. لرفعه إلى المنتدى

في البداية .. لازم طبعاً .. نمشي لموقع الـ U-Tube
عشان نختار المقطع .. العاوزين نعمل فيهو العملية إياها !!!
بعد .. اختيار المقطع .. نقوم .. بتشغيلو ..

http://sudaniyat.net/up/uploading/PAGE-11.gif

آهااا .. وبعد التشغيل .. نمشي لـ (more share options)
ونضغط عليه عشان يظهر معانا الرابط .. حق مقطع الفيديو ..!!

http://sudaniyat.net/up/uploading/PAGE-22.gif

لما يظهر معانا الرابط .. نعمليهو .. تحديد .. وننسخو ..

http://sudaniyat.net/up/uploading/PAGE-3.gif

بعد كدا .. تجي الخطوة المهمة ..

نمشي لأي موقع .. من مواقع تحويل وتنزيل ملفات الـ U-Tube

ودا رابط .. لأحد المواقع
http://vixy.net/

طبعا .. راح يفتح الموقع .. وتظهر الصفحة المطلوبة
نقوم نعمل لصق .. للرابط النسخناهو قبل شوية .. في المكان المكتوب عليهو URL:
طبعا هو واضح .. ومحدد بالأصفر

http://sudaniyat.net/up/uploading/PAGE-4.gif

(ملحوظة مهمة .. لازم مقطع الفيديو يكون شغال .. بمعنى إننا نفتح موقع التحويل في ملف منفصل)
بعد عملية اللصق .. نضغط على START وراح يبدأ الموقع في الاتصال

http://sudaniyat.net/up/uploading/PAGE-111.gif

وأول ما يلم في مصدر الرابط .. يبدأ طوالي .. في عملية التحويل ..

http://sudaniyat.net/up/uploading/PAGE-6.gif

لما تنتهي عملية التحويل .. تظهر معاكم الصفحة دي على الشاشة

http://sudaniyat.net/up/uploading/PAGE-7.gif

نعفص (على قول ود الحاج) على Download
طبعا .. راح تظهر معانا .. الواجهة دي .. ويطلب مننا الحفظ

http://sudaniyat.net/up/uploading/PAGE-8.gif

نختار الموقع المناسب لحفظ الملف .. ونقوم بالحفظ !!

(ملحوظة ثانية مهمة : الملف راح ينزل بصيغة AVI)

عشان كدا .. لازم نقوم بتحويله .. إلى الصيغ المناسبة .. حتى نتمكن من رفعه على المنتدى
طبعاً في .. برامج متخصصة .. في عملية تحويل الملفات ..
وأقترح عليكم برنامج Video Convert Master ..
جربته شخصيا .. وكان ناجح جدا معي

ودي صورة لواجهة البرنامج

http://sudaniyat.net/up/uploading/PAGE-9.gif

بعد تحويل الملف .. نقوم .. برفعه للمنتدى .. بالطريقة المعهودة ..
والجميع طبعا .. يعرفها .. تم شرحها قبل كده عندنا هنا في المنتدى
أما إذا في واحد .. ما عندو علم .. بس . يرفع أصبعو .. نجيهو راجعين .. ونشرح ليهو ..
إنشاء الله تكون .. طريقة الشرح .. وافية .. وواضحة
يديكم .. الف عافية ...
وأدوني .. دعواتكم !!!

[عوض جلاس]

جزاك الله خير يا أبو رنس
والله ما قصرت تب
كان معذبنا عذاب شديد يوتيوب السجم دا
وأنا أصلي مما ألقى الملف يوتيوب طوالي بخليهو
غايتو بعد كدة نشيل ونسولب تاني
تقبل مودتي

[مامان]

شكرا يا ود أختي على المعلومات الفنانة التي نحتاجها . رمضان كريم لك وللأسرة ولجميع التبوكاب

[خالد الحاج]

تشكر يا أبورنس
هذه خطوة تستحق التشجيع وممكن تكون نواة لمنتدي كمبيوتر..
هنا طريقة أخري توفر عليك يا أبورنس العمل بي أكتر من برنامج وكمان لا تحتاج للنت يعني اللهم إلا لتنزيل الملف من اليوتيوب.

هنا برنامج مجاني بيعمل ليك داون لوود لملفات يوتيوب وكمان بيعمل كونفرت (Convert) والبرنامج بيحول ليك الملف إلي صيغة وندوس ميديا فيديو (wmv) وطبعا هو عبارة عن ملف مضغوط ويسهل تحميله..
http://youtubedownload.altervista.org/

هنا شرح مصور لكيفية عمله :

http://sudaniyat.net/up/uploading/u.tube2.jpg

لما تفتح الرابط بيكون شكل الصفحة كما هو في الصورة أعلاه تعفص الأيكونة الخضراء المكتوب عليها (Download) وتنزل البرنامج وتعمل ليه ست أب.

http://sudaniyat.net/up/uploading/u.tube.jpg
في الصورة الثانية شكل البرنامج بعد تنصيبه.
طريقة العمل بسيطة جدا. تفتح البرنامج أولآ ثم تفتح الصفحة الفيها الفيدو المراد تنزيله من اليو تيوب.
سيلتقط البرنامج بنفسه الصفحة بعدفتحها والفيديو المعني . تعمل كلك علي الخيار تنزيل(Download Video from youtube).
ممكن طبعا تشيل رابط الصفحة وتختو بنفسك .

http://sudaniyat.net/up/uploading/u.tube1.jpg
هنا شرح لعملية تحويل فورمات الفيديو (Convert)
(1) تضغط بحث أنظر السهم بالرقم (1) في الصورة الأخيرة .
تستحضر الفيديو بعد تنزيله في جهاز الكمبيوتر.
(2) تضغط كونفيرت فيديو أنظر السهم بالرقم (2) في الصورة الأخيرة ثم OK.

تسلم يا زول يا حبوب

[أبو رنس]

جزاك الله خير يا أبو رنس
والله ما قصرت تب
كان معذبنا عذاب شديد يوتيوب السجم دا
وأنا أصلي مما ألقى الملف يوتيوب طوالي بخليهو
غايتو بعد كدة نشيل ونسولب تاني
تقبل مودتي

تشكر .. أبو إياد
أخوك .. يحب المعافرة ..
تمر علي .. حاجات كتيرة .. في اليوتيوب .. وتعجبني ..
وكنت أحب .. الأحباب .. هنا .. يشاركوني فيها ..
بس .. المحيرني .. أنزلها .. كيف ..
الحكاية دي .. غلبتني بالحيل ..
لكن الحمد لله .. بعد مجهود .. ومعافرة .. وصلت .. للنتيجة دي ..

[أبو رنس]

شكرا يا ود أختي على المعلومات الفنانة التي نحتاجها . رمضان كريم لك وللأسرة ولجميع التبوكاب

تسلم .. أستاذي مامان
وكل سنة .. وأنت بالف خير
تمليك المعلومة .. للأحباب في البركل .. واجب علينا
ودي .. محاولة .. بسيطة ..
أرجو أن تكون .. مدخل .. أو بداية
لخبرات .. يتبادلها .. الأعضاء .. في بركلنا الحبيب

[أبو رنس]

الله .. عليك .. يا زعيم
يديك .. ألف عافية ..
فعلاً .. أعط .. الخبز .. لخبازو !!!
نحن حقيقة .. محتاجين .. مثل هذه الخبرات
وانت .. الله يعطيك العافية .. كمان وكمان
مرة مرة كده .. بتدينا جرعات ..
استفدنا منها .. كتير .. كتير
الله .. لا يحرمنا .. منك !!!

[مامان]

يا سلام عليكم ياجماعة

بتوجيهاتكم، استطعت إنزال عدد من الأفلام التي تهمني في مجال عملي... وعندي تدريب تسويقي الليلة وسأفاجئ المتدربين بهذه الأفلام في المحاضرة

[أبو رنس]

يا سلام عليكم ياجماعة

بتوجيهاتكم، استطعت إنزال عدد من الأفلام التي تهمني في مجال عملي... وعندي تدريب تسويقي الليلة وسأفاجئ المتدربين بهذه الأفلام في المحاضرة

ما تتخيل .. أستاذي مامان .. كلامك دا .. بسطني كيف !!!! http://www.s77.com/3DSmile/04/Bg-033.gif
ودا .. مؤشر جيد .. يا إدارة .. لضرورة منتدى الكمبيوتر ..
لا بد .. من تبادل الخبرات .. يا أحباب ..
عشان .. نستطيع .. اثراء البركل .. بأفكارنا