تحية

[صلاح عثمان صلاح]

الاخوة بمنتديات البركل:
رمضان كريم..وتصومو وتفطرو هلى خير
الف حمدا لله على سلامتكم من الهكر...
يعلم الله اننى افتقدكم كثيرا...وبعد محاولات كثيرة فى الدخول تفضل الريس خالد من تجديد عضويتى..ومنحنى تذكرة دائمة للدخول الى عالمكم الجميل...
اسال الله للجميع دوام العافية....
ولقد انقطعت من البركل حوالى شهرين....والحمد لله وجدته فى حلة زاهيه ...مما يدل على ان القائمين على امره .مواكبين..وحريصين عليه..

[ضمره بغدادى]

د. صلاح

رمضان كريم وكل عام وانتم بخير وبركة الجمعت آ زول والله خوفتنا تب واليوم البركل نور والله يجمعنا فى اخيانك الباقين والاسبتالية فاقداكم .
الله يديك العافية

[صلاح عثمان صلاح]

والله انا الشوق كان كاتلنى.....شوية مشاغل...والحمد لله ..عدنا...
ستجدنى انشاء الله فى النوبتجيات..

[عوض جلاس]

حمداً لله على السلامة يا دكتور ونتمنى إنك دائماً تكون متواجد معانا عشان الناس ديل بعد الهكر كرعينهم بردن وشوفهم بقى طشاش وتعبو خلااااااااس
يعني محتاجنلك في العيادة خاصة الناس العجزو وفترو وما دايرين نقول اساميهم بس باكر إنشاء الله بتلقاهم واقفينل صف بي غادي
رمضان كريم وتصوم وتفطر على خير

[حسين علي الحاج]

الحمد لله على السلامة يا دكتور ونتمنى ان يتم دخول باقي الاخوان والبركل افتقدك فعلا ومكانك كان شاغرا
ولك التحية

[أشرف محمد خليفة]

نقولك حمد لله الف علي السلامة
وزي ما بيقول الجات من السما تتلقاها الواطة
نحن بنقول
الجات من الهكر تتلقاها المواقع المميزة
نورت ديارك وكدي ادخل علي العيادة وشوفلنا الحاصل شنو؟ :D

[عبد الرحمن يوسف]

دكتور صلاح حمدا على السلامة وكيف كل الاهل عساهم بخير ورمضان كريم وكل عام وانتم بخير

[عمر مجذوب خطيب]

يا صلاح يا حليلك زمن طويل شي هكر وشي سفر وشي رمضان بركة الجيت وما طشيت
مودتي

[طيبان]

سلامة العودة
سنيري العزيز...
ورمضان كريم ...
تحياتي

[طيبان]

سلامة العودة
سنيري العزيز...
ورمضان كريم ...
تحياتي

[النافعابى]

جيدا جيت يادكتور
عمرو منتداكم ونحن فى رجاكم

[صلاح عثمان صلاح]

لاخوان ضمرة..حسين على الحاج..عوض جلاس ..اشرف..عبد الرحمن ..عمر مجذوب...طيبان ..والنافعابى
ربنا يحفظكم...وربنا يديم المودة..
ويحفظ لينا البركل من كل شر..

[انس البدوي بابكر]

الاخ العزيز صلاح حمدالله علي السلامتين ....سلامه الوصول الي مصر المؤمنه و سلامه العوده الي المنتدي ....باقي النبطشيات اتردمن عليك ردم شديد فماتتاخر علينا...

[نادر رشاد]

إبن عمي الغالي الدكتور صلاح
ترليون أهلاً وحبابك
حمداً لله على السلامة بمعاودة النشاط في البركل
وحمداً لله على سلامة وصولك لأم الدنيا
تمنياتي لك بالتوفيق في مشوارك الدراسي
وتحياتي للأسرة الكريمة
كل الود ،،،

[نادر رشاد]

حمداً لله على السلامة يا دكتور ونتمنى إنك دائماً تكون متواجد معانا عشان الناس ديل بعد الهكر كرعينهم بردن وشوفهم بقى طشاش وتعبو خلااااااااس
يعني محتاجنلك في العيادة خاصة الناس العجزو وفترو وما دايرين نقول اساميهم بس باكر إنشاء الله بتلقاهم واقفينل صف بي غادي
رمضان كريم وتصوم وتفطر على خير

أخونا عوض جلاس يا جميل
إنت قاصد تجهجهنا ولا شنو بكتاباتك المزقزقة دي
براحة علينا ونحن ما بنقدر على الكتابات المتحركة
كل الود ،،،

[اللروتى]

حمد الله على السلامة يادكتور وبركة الشفناك طيب ورحلة موفقة انشاء الله وتقبل تحيات العم جبور