محمد كرم الله (فيديو) - البلال بلال يا بلالي

[خلف الله التوم]

http://aafat.org/upload/uploading/Ballal.wmv

[صلاح عبد النبي]

يا سلااام ..
دي من بيت الكلاوي يا خلف الله أخوي ..
ومحمد كرم الله ما شاء الله .. شباب ونداوة صوت ..
واعتقد أنو الحفلة دي كانت في قطر ..
أتمنى أن يكون باقي الشريط متوفراً لديكم ..
ورمضان كريم .. وكل عام وانتم بخير ..وإن شاء الله تكون (منستر ) مع صيام العزوبية ..
خالص تحياتي ،،،

[عصام سرالختم]

الاخ الخلف
غبت وجبت ..
لقطة نادرة ... واظنك اول من يدخلها النت

ويا صلاح عبدالنبى هنا اكتر من ايقاع ..
ومحى الدين ابدع فى الضبط
نرجو التفصيل ...

[ضمره بغدادى]

خلف الله
الله يديك العافية ... ده الشغل البيهيج مشاعرنا ويخلينا نرجع اكثر من 30 سنه لى وراء بعدين ده الشغل الاصلى البخلينا نتزكر طيبة العشرة ورقصاتها الله يرحمها..
لا تنقطع عنا ونحن فى انتظار المزيد.

[ali009]

ودالعم ( الخلف )

واشوف فيك يا تراب بلدي الحنين المابي يتوصف

سماح ناساً حلاة ناساً بلا السكر

احييك على الاختيار الرائع شوف بالله حسيس طنبور يرن فى روعه يناقر

وحفله كانت جميله واذا ما خاب الظن كانت في المهرجان الثقافي السوداني

في الدوحة سنة 83

وان شاء الله لي عوده معكم في العيد ومحمل معاي اغاني حنينه من قديم الفن

لي المبدعين المرحوم يس عبدالعظيم والمرحوم النعام ادم وعبدالرحمن احمد محمد

وعبدالرحمن البركل وعثمان اليمني ليكون حصرياً لمنتديات البركل

واسحاق كرم الله ويوسف كرم الله ومحمد جباره وعيسى بروي وعادل عثمان الطيب

وصاحب الحنجره الذهبية محمد كرم الله صوت وفيديو



للجميع كل الاحترام والتقدير

اخوكم ( ودالبلد ) ali009

[صلاح عبد النبي]

الاخ الخلف
غبت وجبت ..
لقطة نادرة ... واظنك اول من يدخلها النت

ويا صلاح عبدالنبى هنا اكتر من ايقاع ..
ومحى الدين ابدع فى الضبط
نرجو التفصيل ...

الأخ عصام ..
فعلاً هنا أكثر من إيقاع .. إيقاع العرضة أو الدلوكة المعروف .. ثم الايقاع المتميز جداً والجذاب للغاية وهو إيقاع دليب الفردة الذي يصعب على غير الماهرات مجاراته في الحلبة وفي ذات الوقت تتجلى فيه مهارة المجيدات ..وعلى أيامنا تلك كان مقصوراً على كبيرات السن فقط والمحترفات أمثال طيبة العشرة - رحمها الله .
محي الدين رجل فنان شامل .. أبدع وقدم الكثير ..نتمنى له الصحة والعافية .

[م بروي]

.شكراً للزعيم الخلف ويديك العافية ودي تقودنا لذكريات رائعة

[السر احمد خليفه]

اخوي خلف الله
اخوي صلاح
مسابقه
تذكروا اول حفله لمحمد كرم الله في مروي شرق واول اغنيه غناها !!!!!!!!!!!!!!!!

[صلاح عبد النبي]

اخوي خلف الله
اخوي صلاح
مسابقه
تذكروا اول حفله لمحمد كرم الله في مروي شرق واول اغنيه غناها !!!!!!!!!!!!!!!!
آزوول ..
أول حفلة للفنان محمد كرم الله في مروي شرق كانت حفلة محمد الرضي الله يطراه بالخير وأول أغنية غناها في الحفلة على ما أذكر كانت أغنية النعام آدم عيني دمعتن تشقيني ..
لكن الجائزة شنو ؟؟؟:D

[خلف الله التوم]

اخوي خلف الله
اخوي صلاح
مسابقه
تذكروا اول حفله لمحمد كرم الله في مروي شرق واول اغنيه غناها !!!!!!!!!!!!!!!!

آآآرفاقة ..
أول حفلة كانت عند ناس عبد الوهاب ودصديق
في الحرزاويين .. والأغنية إبتليت يا قلبي بي دي .. فوق تلالك توه يا جدي

[السر احمد خليفه]

الاخ صلاح سبحان الله اجابتك صحيحه 100% كما كنت اتخيلها .........خلف الله اظنك ماك حاضره حفلة ود الرضي كانت ايام امتحانات علي ما اذكر ولا كلامي مو في محلو يا صلاح
..............الاشياء الجميلة لا تنسي..................................
لكم تحياتي ولجميع الاخوة
الجائزه يا صلاح تستلمها يوم 14-12-2007 انشاء الله !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!

[ضمره بغدادى]

غايتو انا عشان اعمره معاكم بى جاى . اول حفله يبقالى زى ما قال صلاح حقت ود الرضى محمد . واول اغنيه كانت ترانى حلفت بى الله وتانى بقول وحات الله .
اما فى البركل ويمكن فى المنطقه من الجبل لحدى الطريف اول حفلة كانت عرس مامون على جكنون وبعدها عباس عوض الكريم وبعدها ود الرضى ومحمد على حمد بشبا .