خلوني الآخد نفسي !!

[زكريا بابكر عمر]

لا إلاه إلا الله وأشهد أن محمدا رسول الله ... الشهادي والعمل الصالح ....ولا عصيت لا نسيت .... أدوني جك مويه اللشرب ريقي دقيق ...وجرولي العنقريب داك علي الآرتيق الآخد لي تكيه وآخد نفسي وبعدين أحكيلكم الحصل والبقي ...... رجيت الله يالهكر ربي يهكرك في محلا المنقاش مايمرقك منو و وأسال الله ربي يجهجك زي ماجهجهتنا وجهجهته خالد .... آرفاقا كدي أول شيء حمد الله علي السلامه اللتلميتو تاني في بكاكن لكن باقي الخلق وينن؟ غايتو أب شخيت خليتو جايي وراي كنا أنا وهو زي الفي الأسانسير وقطعت عليهن الكهرباء زنقت عدوكن والله أسع أنا الكان ما خالد الحاج لحقني وسلاني كته لاسع أنز بالعرق ...كبلي آضمره المويه كب أنا مابروي السني دي كب الضحك خلو ده ماوكتو ... آرفاقا حرومنا وينن ؟ آماني كيف مشتهيكن ومشتهيهن... بالله الهكر مو خلانا زي الحمام الكسرو برجو الله لا غزه فيك بركه .

أحبتي لكم التحيه من سويداء الفؤاد قرأت في الأيام الفائته ماكتبتوه ولم أتمكن من الدخول إليكم لوجود مشكله في دخولي والحمد لله قام بحلها قائد ركبنا وربان سفينتنا الباشمهندس خالد الله يديهو العافيه ويقوي ضراعو ويعينو علي هذا البلاء .... صدقوني لاأقوي علي المواصله فالغصه تخنقني وبدأت الدموع في النزول إنها بجد دموع الفرح ومعليش هربت مني الكلمات واستعصمت بالبعد عني عذرا......

[بكرى سرو]

الاخ زكريا
ده منى ليك جك ليمونا بارد
انشاء الله تكون انجميت

[الهادي قنديل]

مرحب بيك حبابك الف يازكريا يا اخوي والله جيتك دي شدة ماعجبتني بدور اعرض عديل كدي وعقبال مايكتمل العقد الفريد
ويلا اخد نفسك والحقنا اماني مامشتهين محنك ديك يلا آزول كفاك شراب المويه دي بتشقك ذي ماكان دار يشقنا الهكر بالمغسي

[حسان سرالختم]

بركه اللميت يا زكريا
وانت باقى لى مسكت درب قجيرى وعشان كدى اتأخرت
وانت ما عارف درب العبدلاب اقصر واوسع وبيوصل
البحر سريع !!!!
الوصلك يوصل اخونا ابشخيت

[ضمره بغدادى]

آ زكريى
حمد الله على السلامه آ زول اللميت ...... امانى ماسويت فى جنس سوا ... امانى ما اتعبتنى فى الفتيش وراك .. ادوه المويه الزول ده ...... فاطر آزكريى ... يا ولد جيب الفطور وقول لى امك كترى شويى وقطعى البصلة والليمون .
اها بعد ما فطرته وشربته المويه ....... مسعول من الخير على ود محجوب وينو.. واخبارو شنو . ومالو اتأخر لى يوم الليلى... امانى سويتو فى جنس سوى .. خليتونى متل القالع الضرس .. بالله الكلام ده مو غالبنى . الا شغال بالاشارة .
الله يلعن الهكر ويلعن يومو... الكان لى اب شخيت انا شفتو يتاوق بى فوق الحيطة
والحربم العجايز ولا وحدى ما ظهرت .
اها قلت شنو آ زكريى .

[زكريا بابكر عمر]

ودالقنديل شديد يابه ونعلك طيب والله هكر السواد ده السواها فينا نجار في خشبه ماسواهو لكن الله غالب ...تشكر علي المرر ياراجل ياملك وأوعدك بالجديد اللنج بس خلني اللنجمه .... ويالقنديل شوف غتاتت ضمره المويه جايبه لي من الزير الساولو الأسمنت (صنجه ) حاره زي النار بس مايقول صاحبي ده جاييلو من مشوار يقطع القلب بس اللمصرلو الليمونه دي في المويه وأزرقلها سكيكري...يخرب جابه حاره وعكراني اليصبرلي عاد أب حجباتا ورق:D:D:D

[رمزى محمد الحسن]

ابو الزيك حمد لله على السلامه آزول
اخد لك تكيه و شيل نفسك و اشرب زي ماك داير
بس ما طول البكان ، ، ما بيبقا بلاك آجنا ، ، ،
الله يديك العافيه

[محمد علي عشرات]

لا إلاه إلا الله وأشهد أن محمدا رسول الله ... الشهادي والعمل الصالح ....ولا عصيت لا نسيت .... أدوني جك مويه اللشرب ريقي دقيق ...وجرولي العنقريب داك علي الآرتيق الآخد لي تكيه وآخد نفسي وبعدين أحكيلكم الحصل والبقي ...... رجيت الله يالهكر ربي يهكرك في محلا المنقاش مايمرقك منو و وأسال الله ربي يجهجك زي ماجهجهتنا وجهجهته خالد .... آرفاقا كدي أول شيء حمد الله علي السلامه اللتلميتو تاني في بكاكن لكن باقي الخلق وينن؟ غايتو أب شخيت خليتو جايي وراي كنا أنا وهو زي الفي الأسانسير وقطعت عليهن الكهرباء زنقت عدوكن والله أسع أنا الكان ما خالد الحاج لحقني وسلاني كته لاسع أنز بالعرق ...كبلي آضمره المويه كب أنا مابروي السني دي كب الضحك خلو ده ماوكتو ... آرفاقا حرومنا وينن ؟ آماني كيف مشتهيكن ومشتهيهن... بالله الهكر مو خلانا زي الحمام الكسرو برجو الله لا غزه فيك بركه .

أحبتي لكم التحيه من سويداء الفؤاد قرأت في الأيام الفائته ماكتبتوه ولم أتمكن من الدخول إليكم لوجود مشكله في دخولي والحمد لله قام بحلها قائد ركبنا وربان سفينتنا الباشمهندس خالد الله يديهو العافيه ويقوي ضراعو ويعينو علي هذا البلاء .... صدقوني لاأقوي علي المواصله فالغصه تخنقني وبدأت الدموع في النزول إنها بجد دموع الفرح ومعليش هربت مني الكلمات واستعصمت بالبعد عني عذرا......


آ زكريي أخوي كيفنك ..ويعلم الله كيف مشتهين حديثك السكر دا...الله لا كسب الهكر الكان حرمنا من زي دا ..أيام كسنوات..تعرف يا زكريي والله لمان لقيت موضوعك دا
والحمد لله بقيت في البيت (عشان مايقولوا المسكين جن وبقي يضحك براهو) والآن أنا مكوع تب وأقرا لي أم أحمد كلامك وضمرة ونضحك ..آي والله هذا ما حدث ...الله لا حرمنا من زي دا تاني مرة ...ودا ياهو ذاتو المخفف علينا الغربة وخاليني طوالي كأني قاعد في درب السبيل إتونس والدنيا مغيرب ونلقط في حب النيم ومن بعيد كأني بسمع صوت العربات جايات من كريمي والجنيات يكوركو ..بركل يلعب جو الملعب....فها قد عاد البركل وعاد زكريي وربنا يجمع بقية الطاشين ويطمنا ويطمنكم علي علي محجوب وود أخته ود خطيب ..وكل الغايبين...
وقوم يا أحمد ولدي وسلم علي عمك زكريا وبتلقي جنبه عمك ضمرة سلم عليه كمان وقولهم أبوي قال لكم لا تفطروا أنتظروني وما دام فطورك ياضمرة بي قراصة خلاص أنا فطوري بي لبيني رايبي ..بس ما تسوي معاي السويتو مع ود حسون ........ ...تاني وتالت حبابك يازكريي .

[زكريا بابكر عمر]

جنات البركل كلكن من جم وبلا فرز .... شكرا علي المرور وإن شاء الله دايما ملمومين والبيدور يفرتكن رجيت الله علبهو ربنا يغتس حجرو ..... كانت أيام صعبه بلحيييل وأنا أصلي طشيت طشة عدوكن أماني لفلفته جنس لفليف عاينو كرعي وارمات بالمشي بالتبادي من شارع البنطون في صنب مسكته الدرب التحت لقيت لي بطان يفلعولن في بمبونه أطول من درب بدوي في سماء الله مشعشي فيها سروييي وما قصرو مملولي جيوبي تمرا عاول الكان ما التميرات ديل كان الجوع أخدني وقالولي أمسك الدرب ده دغري وسألتهن إنتو هول منو قالولي ولادا ليموحمد ود عبدالحمن وأه وكت جيت جامع شبا لقيتلي شفعا حمر حمر كدي زي نمل السكر يلعبولن بيلفي اللت شراب عرفتهن هول البغاديد ياها خليقة ضمره ذاته شبه التعاريف يقومو الشفع يمسكوني دربا كيف وعر بيقلبي قتلهن أنتو من جنس ضمره لازم من التلازم تسولكن في خازوق وفعلا سوهو السفنجه وكرتبه في طين لوكي لامن نخرته إنقطعت وسويتلها سعفة جاوتا سجريي بس ما مشيت شويي كدي تف إنقطعت تاني لقيتلي دلقانا كركرتو بيها الكرضمه التحت سوتلي نباص ييده أسع خايف أفقعو تقوم الكراع تبجبج علي أه وكت جيت عند جامع العرب لقيتلي بطان في السبيل ياولاد إنتو هول منو قالولي ولاد علي محجوب بيقلبي قلته دي الليلي بلا الله يعدله ساكت أنا أصلي من ولاد البغاديد ليولاد علي محجوب أه ولاد الذين آمنوا وفركوا العدس مسكوني دربا بعد ساعه لقيت رقبتي جنب ودعبد السلام صددوني لاوره شفتو ولاد الهرمه ديل وتاني من هناك بيدرب العربات وكته ناوي ليشفع علي محجوب في الرجعه أشيلن من جضومن تبني لبني مالقيتن التقول الواطه إنشقت وبلعتن أه وكت جيت عند الطابونه اللت عبد العظيم الطيب عيني ليكن ملمومين ومن بعيد عرفته ضمره(بيصلعتو الزي إبريق الطين دي) ..... أه وروني باقيكن وينو ؟ ووينن حرومنا الخرابات لا يبقي الهكر هكرن في جحر.... ومالكن متمحنين كدي زي الراجيين يشيلو معاهن الفاتحي ... قوموا لافوق خلونا نصلح المخروب القعاد ده مابيشبهنا إتنفضوا قوموا وأول شيء فتشوا عقاب الناس وين بلدن؟ يلا قولوا كب وهادي قومه:D:D:D:D

[أب شخيت]

أخوي زكريا

بركة بي سلامة الشوفة..إنتا تراكا وصلت قبلي...أنا غايتو ما جيت بي كرعي أصلو لقاني خالد الحاج طاشي وأطنطن أخاتي في ضمرة اللداني غبار الحمار و(حاجات تانية حامياني)...أنا الليلة زعلان منو دار أطق..وخايف كان طعنتني شوكة ساكت أروح فيها بووووووووووووووووووووووووووووووووووووووم..!!.لا تلقولكم فيني ولا فد نقطة من شخيتي...و أنا شخيتي مكعوج زي كتابة الصينين علا كان ترسموني بي سنون منجل....!!!.
كمان البكيات الكتار البي ورانا حمننا نمشي بكان ضبيحة العتود...قلنا أحسن في الاول نسابل الناس قبال نمشي أهلنا..وكمان غبار السطح مغطينا الا يبنتو سيجتنا من أول جديد..وبيني بينك خايف أروح البحر استحما ألقى نفسي جايب لي زول تاني مو أنا....
فتك بي عافية باقي قفاي أعوج..

[عوض جلاس]

الحمد لله على سلامة الوصول أخونا زكريا وكلنا أخدنالنا زنقة في الدخول وباصرنا شديد لامن قدرنا دخلنا وفي ناس نطت بي فوق الحيط وفي ناس دخلو بي تحت السلك وفي ناس دخلو بي قدود الحيط والشرم وغايتو كانت جهجهة ما يعلم بها إلا الله ولكن سماحة الجيي جات بعد التعب وبعد كدي يا دوب دار نرتاح وتراهم الأخوان بي شويي شويي كل يوم يوصل واحد ونقول الحمد لله على كل حال

[عصام سرالختم]

... بالله الهكر مو خلانا زي الحمام الكسرو برجو الله لا غزه فيك بركه


الاخو .... زكريا
الله يديك العافية خليتنى افتفت وازح فى الواطه من الضحك ...
ذكرتنا ..برج حمام العم بدوى بابكر ...
يا زول انت فرقك شنو من ابراهيم الزومة ... :D :D
بركة بالعودة ...

[ضمره بغدادى]

عصام
زيكو ده ياهو فاكهتنا
بعدين ود الزومة ياتو البيقيف مع زكريا ده فات الورا والقدام مو تربات حبوبات ومرباهو بت ابوديى

[زكريا بابكر عمر]

عصام
زيكو ده ياهو فاكهتنا
بعدين ود الزومة ياتو البيقيف مع زكريا ده فات الورا والقدام مو تربات حبوبات ومرباهو بت ابوديى

الله يديكم العافي في عضامكن يا عصام وضمره وأنا والله يومي الأغيب منكن زي الرايح لي شيء ولو ما ظروف العمل والله بس أصنقر قبايلكن ..... ضمره والله صدقت ياني ترباية حبوبتي بت أب ديي والله شايله في جواي ومابتفارقني لحظه معاها ومباريها في الطالعي والنازلي لامن صاحب الأمانه أخد أمانته ( الله يغفرلها ويرحمه ويحسن إليها ) تعلمت منها الكثير الكثير... والله يرحمه كانت مره بدعيه .

[عمر مجذوب خطيب]

زكريا شفتا السواها الزويل ديل دا موش قطعت نفسك انت بس كلنا قطع نفسنا وبقت ايدنا في قلبنا -الله لا تكسبو دنيا واخرة

[ود حمزه]

لا إلاه إلا الله وأشهد أن محمدا رسول الله ... الشهادي والعمل الصالح ....ولا عصيت لا نسيت .... أدوني جك مويه اللشرب ريقي دقيق ...وجرولي العنقريب داك علي الآرتيق الآخد لي تكيه وآخد نفسي وبعدين أحكيلكم الحصل والبقي ...... رجيت الله يالهكر ربي يهكرك في محلا المنقاش مايمرقك منو و وأسال الله ربي يجهجك زي ماجهجهتنا وجهجهته خالد .... آرفاقا كدي أول شيء حمد الله علي السلامه اللتلميتو تاني في بكاكن لكن باقي الخلق وينن؟ غايتو أب شخيت خليتو جايي وراي كنا أنا وهو زي الفي الأسانسير وقطعت عليهن الكهرباء زنقت عدوكن والله أسع أنا الكان ما خالد الحاج لحقني وسلاني كته لاسع أنز بالعرق ...كبلي آضمره المويه كب أنا مابروي السني دي كب الضحك خلو ده ماوكتو ... آرفاقا حرومنا وينن ؟ آماني كيف مشتهيكن ومشتهيهن... بالله الهكر مو خلانا زي الحمام الكسرو برجو الله لا غزه فيك بركه .

أحبتي لكم التحيه من سويداء الفؤاد قرأت في الأيام الفائته ماكتبتوه ولم أتمكن من الدخول إليكم لوجود مشكله في دخولي والحمد لله قام بحلها قائد ركبنا وربان سفينتنا الباشمهندس خالد الله يديهو العافيه ويقوي ضراعو ويعينو علي هذا البلاء .... صدقوني لاأقوي علي المواصله فالغصه تخنقني وبدأت الدموع في النزول إنها بجد دموع الفرح ومعليش هربت مني الكلمات واستعصمت بالبعد عني عذرا......
=قصة دخول زكريا للمنتدي=

قصة دخول زكريا المنتدي بعد الهكر قبل سنتين و10 أيام .قصه طريفه تابعوها
والذي عنده زكريات فاليدلي بدلوه هنا . خاصة للناس الذين لم يحضروا تلك الاحداث المحزنه الله لا عاده .

[الطريفية]

لا حولة ولا قوة دا كلو دخووول......انا قلت زكريا جاهو n1<h1:mad: