تعابير وكلمات قديمة ( كلام حبوبات )

[عصام سرالختم]

المرأة السودانية عامة وحبوباتنا زمان كانت لهم تعابير وكلمات تستخدم حسب المكان والزمان والظرف
بدأت تختفى وجاءت مكانها كلمات وتعابير أخرى على سبيل المثال ( الشمار والجكس) وهناك الكثير الذى لا احفظه من كلمات وتعابير ابناء وبنات هذا الجيل ..

واليكم بعضا من حديث اماتنا وحبوباتنا زمان وياريت نساعد بعضنا فى حصره
ومتى يقال كل حديث منه وما المقصود به ..

سجمى وسجم خشمى
بريه يا يمه
أبرى وأستبرى
أريتو بالتابانى
مقطعاهو فى حشاي
يخربنى
كر على
ووب على
أجى يا ولدى
حال التابانى
.
.
معظم هذه التعابير كانت مستنكرة اذا قالها أحد الرجال
فلنحكى ذكرياتنا معها ..
أظهروا يا حبوبات الموقع

[علي محمد سند]

عصام ،، في لمة نسوانية في واحده من بلدان الخليج ،، قالت إحداهن تدفع تهمة عن نفسها ( إن شاء الله كان جبت الشمار دا يبقى لي بي خروج نهائي ،، فهمهمت النساء الحضور ( تبري إن شاء الله )هي كلمات لها مدلولاتها ومرجعيتها لكن رايك شنو في واااشريري ،،

[عوض جلاس]

فعلاً كلمات رنانة بدأت في الاختفاء وليس الإنقراض لأنها موجودة في دواخل النساء ولكن التجديد فرض عليهن ألفاظ جديدة لزوم الموضة ومجاراة العصر
وهناك كلمات
مثل
الغبا اليغباك
وحات ستي مريم
الرسول ينفضك
الله يجازي محنك ( وهي مستعملة كثير جداً في هذا المنتدى )
وغيرها الكثير الذي لا نستحضره
شكراً أخي عصام سر الختم وفي انتظار ناس حبوباتنا ليكون لهن الباع الأطول في هذا المجال

[عمر مجذوب خطيب]

والله عاد كلام يا عصام - دي طلعت بها من وين - فعلا كان هناك قاموس كامل لجيل من النساء توارثنهن عبر التاريخ اقل ما يقال عن هذا القاموس انه كان ابن بيئته انتجته التجارب من اعماق اعماقها .صحيح انها مفردات جيل غير متعلم لكنه لم يكن بعيدا عن الانوثة وما يميزها عن عوالم الرجولة - فالمراة التي تسميها حبوبة كانت تستخدم ذات المفردات وهي في مقتبل العمر لانها تخص المراة في مطلقها ومختلف مراحل عمرها - لكن وبدخول التعليم فقدت النساء لغتهن المشتركة بسبب تعدد المصادر والمؤثرات فبات ثمة قاموس للمرأة المتعلمة واخر لربات البيوت وثالث احتفظ به جيل الحبوبات والله اعلم
اعود وسأل مع علي سند رأيك شنو في واشريري يا عصام

[عصام سرالختم]

عصام ،، في لمة نسوانية في واحده من بلدان الخليج ،، قالت إحداهن تدفع تهمة عن نفسها ( إن شاء الله كان جبت الشمار دا يبقى لي بي خروج نهائي ،، فهمهمت النساء الحضور ( تبري إن شاء الله )هي كلمات لها مدلولاتها ومرجعيتها لكن رايك شنو في واااشريري ،،

الاخ على
بعض العبارات القديمة مليانة حنية
متل .... كلمة (يا شريرى )
تبدلت .. بقدرة قادر الى :
يااااى ده شرير .... :D :D :confused:

وشوف كمية الحنية فى :

كتر خيرك يا ود حشاى أو ( يا عشاى )
تتعلى ما تتدلى
أو..
تتبارك عليك شقيش ما تقبل
أو..
ودعتك امين الوداعة

وهناك الكثير من التعابير الصادقة فى ذلك الزمن الجميل

أما عن موضوع المغتربة ...
ما عرفنا الخروج النهائى المقصود لها وحدها ؟؟ ام هى والزوج ؟؟؟؟
الخروج النهائى لها وحدها يحدث فى حالتين اما الطلاق .. او وفاة الزوج ... وشفنا الزمن ده الارملة تتمسك بالاقامة بعد وفاة الزوج .. اما تحول اقامة اكبر الابناء لجهة ما وتظل تحت اقامته او تجتهد للحصول على اقامة لها من احدى الشركات او الجهات الحكومية .. والامثلة كثيرة ...
والله رايك شنو

[عصام سرالختم]

فعلاً كلمات رنانة بدأت في الاختفاء وليس الإنقراض لأنها موجودة في دواخل النساء ولكن التجديد فرض عليهن ألفاظ جديدة لزوم الموضة ومجاراة العصر
وهناك كلمات
مثل
الغبا اليغباك
وحات ستي مريم
الرسول ينفضك
الله يجازي محنك ( وهي مستعملة كثير جداً في هذا المنتدى )
وغيرها الكثير الذي لا نستحضره
شكراً أخي عصام سر الختم وفي انتظار ناس حبوباتنا ليكون لهن الباع الأطول في هذا المجال

الاخ عوض
هناك الكثير والكثير من الكلمات والتعابير التى بدأت تندثر
وياريت نتذكرها .... للتوثيق والحفظ
وكنا نسمع عند زعل اماتنا كلمات متل ....
الغباء اليغباك
او .........
عما كباسة
ويخلخل ضروسك
التراب كال خشمك

[الخزين ود نصر]

أخى عصام / كل الود

مكجنى الطبع الشين

أحى على طبعك الشين

يطرشنى

يبقالى شر

خصمتك بالنبى

الله يصرفك ... قايلى مستغفرى

أريتو حال البنيات

فى سعد بنياتك وفى جديد الولاد

عجبنى وسر بالى

وآ حلاتى يا يمه

[ام وعد]

النبى يتبرا منك
الرسول ينفضك
وكمان ما تنسوا ايام نتائج الشهادة البينجح يباركوا ليهو والبرسب برضو يمشو ليهو ويقولولو الله يديك العافية وبالمناسبة دى واحدة كان ولدها رسب مرتين فى المرة التالتة قالو النتائج طلعت جات لى ولدها قالت لو يا وليدى السنة دى الله يمرقنا من العافى

[عصام سرالختم]

أخى عصام / كل الود

مكجنى الطبع الشين

أحى على طبعك الشين

يطرشنى

يبقالى شر

خصمتك بالنبى

الله يصرفك ... قايلى مستغفرى

أريتو حال البنيات

فى سعد بنياتك وفى جديد الولاد

عجبنى وسر بالى

وآ حلاتى يا يمه

اخى ودنصر
اشكرك على المداخلة والاضافة
وفعلا كنت ناسى الكثير من هذه الاضافات
وشوف بالله عليك الحبوبة وهى تقول لولد بتها
وااااحلاتى يايمه .... :D:D
قد تقولها رغم انه ارتكب خطأ .. حتى وهى زعلانه
وهاك :


عشا البايتات
صباح خيرى
ود امى ـ بت امى
حبيب قساى
ضو البيت
ود بطنى ـ بت بطنى
ومازال هناك الكثير والكثير

[ام عسجد]

فعلا يا عصام هناك قاموس من الكلمات الكانت مستخدمة - من حبوباتنا وامهاتنا الهم الان حبوبات ويمكن في حبوبات امهات كمان - تكاد تكون انعدمت الا ما ندر منها ومش بس من الحبوبانت حتي بعضها كان متداول بين الصغار .
برمة الدهاده
ماهو نشيط
بايت في الفصل
خمة نفس وشحتفة روح
القر الينفخك ( ما معني القر)
لو لاحظتو الكلمات الحنينة الكان بستخدموها الحبوبات انعدمت في حبوبات اليوم ود بطني -بت حشاي - حبيبة القاسية لي - العودة والفودة - وغيرها كثير

[ام وعد]

الاخت ام عسجد القر طبعا البرد

[عصام سرالختم]

الاخت ام عسجد القر طبعا البرد

ما شاء الله يظهر انك من جيلنا وغادى يا الوعد الحق :D :D
ونرجو مواصلة شرح بعض التعابير :

الكمده بالرمده
لوم السيح والريح
تأكل الحمت رمت
كر يا ولدى

[رقيتون]

اعجبنى موضوع منشور باحدى المنتديات السودانية عن لغة وتعابير المرأة السودانية عامة وحبوباتنا زمان .. كلمات كانت تستخدم حسب المكان والزمان والظرف
بدأت تختفى وجاءت مكانها كلمات وتعابير أخرى على سبيل المثال ( الشمار والجكس) وهناك الكثير الذى لا احفظه من كلمات وتعابير ابناء وبنات هذا الجيل ..

واليكم بعض من حديث اماتنا وحبوباتنا زمان وياريت نساعد بعضنا فى حصره
ومتى يقال كل حديث منه وما المقصود به ..

سجمى وسجم خشمى
بريه يا يمه
أبرى وأستبرى
أريتو بالتابانى
مقطعاهو فى حشاي
يخربنى
كر على
ووب على
أجى يا ولدى
حال التابانى
.
.
.
معظم هذه التعابير كانت مستنكرة اذا قالها أحد الرجال
فلنحكى ذكرياتنا معها ..
أظهروا يا حبوبات الموقع

ود حشاى وودبطنى عصام سجمى وسجم خشمى انا المتكله عليك اجى ياولدى تجى البلد وماتغشى حبوبتك السويتوا ده انا مقطعاهوا فى حشاى لكن بعد داك سمعت قالوا بعافيه شوية كر على ان شاء الله تبرى وتستبرى من الالم وجاتنى ام عسجد قالت البنت عندها مغص قلت بريه يايمه قالت الرسول ياحبوبة رقيتون ماعندك شوية حرجل قلت لها يخربنى قالت اريتوا ده -حال التابانى -ووب على يام عسجد شوفى العقرب دى لدغتنى فى كراعى اجرى نادى السر ضبلان ولاياسين بسرعه قالت ياحبوبه العقرب كبيرة سجمك وسجم خشمك الليله وجرى على السر

[ضمره بغدادى]

اخى عصام
بوست مغرى جدا للمداخله وانت والاخوان والاخوات ما خليتو فرضا ناقص الله يديكم العافيه
ومن الكلمات

الطويل العنقوقة
وكاندو
وبعض الامهات لمان ولده يزهجه تقول له العقرب التقرشك والاخرى بالعكس تقوله يغطيك الانام لا اكل الطعام ويا حافض يا حفيض واخرى تقول يا ود دابى رنده

[الخزين ود نصر]

الحبوبة : ده منو الرمى القيروانه ده . آ عصام وليدك دآبو غمد و دار يحس من النوم تانى ..الاقوم أتبتبه : بسم الله يا سيدى الحسن ...: النوم النوم .. بكريك بالدوم ..
النوم تعال سكت الجهال ..

[ام وعد]

اسع اعرفوا الكلمات دى
الللس
القادوس
الكبد
الكشر
الجر
التبان

[عصام سرالختم]

لازع الكلام

يا ولد قوم من هني تقوم قبل النبي
يابت انسلي يسل رقبتك
تعال هني تجيك الجاتني في ابوي
النايملها شنو نومة اهل القبب
امرقي مروق الدخان
يا يابا كدي يهردك اللا نام و لا اكل الطعام
الليلي بي يركة من صلي وقال يا الله تتكعوج عليك شقيش ما تقبل
ماني عافالك لبن شطري

[المرهف]

أيا عصام ود سرالختم
كيفنك وكيف حالك
يطيب خاطرك
أنا البوست دة يعميني .. ويطرشني لا شفتو لا سمعبو
إن شالله تسمع الحلو والزين
وساعل ربي يحفظك
حفظ ألمي في الحفير والسيف في الجفير
بركة الليل الأمسا والصلوات الخمسة
بركة المغارب وعلي إبن طالب
تتبن الجبال يبقنلك ماااال
وتتبن الحطب يبقالك دهب
يا عصام ياود........عافي منك وراضي عليك

مودتي،،،،،،،،،

[عمر عثمان]

وين إنت يا سجمان يا رمدان
الرائع عصام سر الختم

والله يا حليل حبوباتنا وحليل كلامن الزين الحنين .. لكن انت يا مطروش جبت البوست ده من وين وانا عارف راسك قوي زي الحجر .. البارح الله يسعلني اذكرتك وقت الخرابة ده مالو ماهو ظاهر وان شاء طيبي وما اتلافتو مصيبي .. اتاريك انت يا يابا طيب وزين وتملا العين .. وماك زولا هوين شي يحفظك الحفظ جدي في تربتو

وتسلم من كل شر ومن كلو بلي

[النافعابى]

سجم خشمنا مالكم جنيتو اجى يا بت امى الرجال الوقع عليهم شنو
ياعصام برىبرى منكم

[أبو الحُسين]

يطرشنى

يبقالى شر

خصمتك بالنبى



:D:D وا عُجْزَك يا صاحبي ود نصر!!:D:D

عرَّضْتَك بي سيد الحسن... وتور الأراك ساكن الجَبَل..
.
.
.
.
.
.
عصام صاحبي ليك وحشة كبيييييييييييري قدُر شوقي ليك...

تحياتي لك وللأُسرة الكريمة...


أبو الحُسين...

[عصام سرالختم]

:D:D وا عُجْزَك يا صاحبي ود نصر!!:D:D
عرَّضْتَك بي سيد الحسن... وتور الأراك ساكن الجَبَل
عصام صاحبي ليك وحشة كبيييييييييييري قدُر شوقي ليك...
تحياتي لك وللأُسرة الكريمة...
أبو الحُسين...


الاخوة المتداخلين
سعدت بمشاركاتكم

نسمع كثرا عندنا نحن مجتمع الرجال من يقول لاى كلام او حديث لا يعجبه ( ده كلام نسوان ساكت )خاصة في مجتمعنا السودانى ونعنى بذلك انه كلام بلا معنى ولا يمكن ان يؤخد به ونعتبر الرجال هم الصادقين وهم الذين يوفون بعهدهم ويلتزمون بكلامهم .. ذلك على الرغم مما حققته المراة من نجاح سواء اكان في مجال العلم ام العمل الا ان كتيرين لايزالون يؤمنون بعبارة "كلام نسوان" مؤكدين من خلالها ان المراة اقل من الرجل حتى في صدقها ووعودها وان كنا نردد هده العبارة احيانا في اطار من الهزل وعدم الجدية ..
لماذا نصرعلى الصاق المصداقية على كلام الرجال ونضع كلام النساء في دائرة الشبهات
هل النساء يتحدثن اكثر من الرجال ؟؟
هل النساء يتحدثن على سليقتهن ؟؟
هل المرأة تطلق لنفسها العنان فى الحديث وتسهب دون التفكبر فى قولها او حديثها ومراجعته قبل النطق به ؟؟
ام نحن نظلم النساء !!!!!

[ناهد بشير الطيب]

الليلى الا اشارك فى بوست الحبوبات ده ...
منو الفتحو ؟....حدثونى

ود سر الختم ؟


موضوعك يجيب وجع الحروف
هاكم

واكربتى
احى انا
الله لى
سجم الرماد
الرماده التكيلك
سجم حبوبتك الاربعتاشر
الترابه فى خشمك
يسجمك الساجومى
يكرك الكارورى
الرماده فى خشمك
الترابه التكيلك

اها ....لقيتونى كيف ؟



يقول شاعرنا الكبير الحردلو


الى الشقى....جنا الشقى
المصطفى سعيد
الله لا كسبه دنى واخرى




اللهم صلى على سيدنا محمد وعلى اله وصحبه وسلم

[السنجك1]

زمان كان فى عريبيات هلا ام خريف بيجن يرعن الغنم تحت شدرة فى قفا بيتنا
وكان يفلعن الشجرة يالحضانقيل والدراب عشان يرمّن الخروم للغنم .
اها كنا بنمشى نحقربهم حقر شديد - نضربهم ونجرى - وكان الواحده لما الضربة تحرقه تقول للواحد -( يضربك الضريب شقاق العناقريب ) وطبعا دى ما كانت بتقيف حايل بينا لاننا كنا ما عارفين معناها شنو وتحت تحت لا اسع برضو مافى عرفه .
احلى الامنيات

[أبو الحُسين]

ام نحن نظلم النساء !!!!!

:(:mad:نحن نظلم النساء!!:mad::(

والله يا عصام يا اخوي... في واحدات يوزِنِنْ بلد بي حالة وفخر كمان مُوش ولا فخر;)

وعاااااااااارف في ناس هسع يجُو يأَوِّلُو كلامي دا:D... لكن محل رقيقي التِتْقَطِع:cool::cool:

[حميد]

آيمة الغبى اليغباك
والعمى اليعمى عدوك
البوست دا ما شفتو مالي؟
بس..

لا سمعت ولا جابو لي
شوف عيني وسمع اضاني
يا حليلك يا ام ضرع :D

[شهرزاد]

سلام عصام سر الختم
من كلام الحبوبات
عندي حبوبتي كانت تدعي لي خالي تقول ليهو :
ياربي يحفظك أنت والمتيلك والقديرك
ووليدات النسوان في كل مكان ..
وكانت كل ما تسمع عن مرض خطير
(تغز) إيدها في الواطة ..
وتبل أصبعها بطرف لسانها وتمسك طرف حلمة أضناها ..
وتقول نبرا ونستبرا يايمة
هبشت المرق لآمن عرق
هبشت الحصحاص لآمن أتماص
ياالله تحفظنا .. ياالله تحفظنا .
بي بركة سيدي الحسن ـ والجعلي رآجل كدباس وعلي الحاس
وكان عندها مثل جميل ..
(الفراغ مرض والدباغ قرض).
ربنا يرحمها ويغفر لها بإذنه تعالي ..

[عثمان محمد نصر]

يطرشني طرش الطوب الأخمر
لا سمعتوا لاجابوه لي
ولا فات قعر اضاني
غايتو كلاب بره جابنلهن جلد
والشايلو قربي تخر علي ضهرو
وأنا غايتو بره
والتسوي كريت في القرضه تلقاه في جلدا

[زكريا بابكر عمر]

وامحني....وابدعي....وافليلي...عصام البوست ده كان مدفوس وين؟؟آيا يابه تشبع في الهبوب ويحفظك الانام لا أكل الطعام حفظ السيف في الجفير وحفظ ألمي في الزير يتقيك ويوقيك إن هبشته الحجار تبقي مال(بس ماتنساني) بيبركة حمدطيب العند الله قريب وبيبركة ملوك لحاق المدروك وبيبركة بنات الآر أخوات مزار ....البوست ده أنا ماعندي خبرو ....همستا تقيلي زولا كدي يحدثني مافي؟؟ تبنته المرق لامن عرق وبت كويرس عربية سلم وسالمين....أنا أسع جعان كدي اللمشي آكلي تريمه وأجيك:D:D:D

[عصام سرالختم]

وين إنت يا سجمان يا رمدان
الرائع عصام سر الختم

والله يا حليل حبوباتنا وحليل كلامن الزين الحنين .. لكن انت يا مطروش جبت البوست ده من وين وانا عارف راسك قوي زي الحجر .. البارح الله يسعلني اذكرتك وقت الخرابة ده مالو ماهو ظاهر وان شاء طيبي وما اتلافتو مصيبي .. اتاريك انت يا يابا طيب وزين وتملا العين .. وماك زولا هوين شي يحفظك الحفظ جدي في تربتو

وتسلم من كل شر ومن كلو بلي

الزول المبدع عمر عثمان
مشتاقين ..
طولنا من الاشعار الرائعة
كدى الحقنا بى آخر الدرر
مع تحياتى

[صابرين]

ياخيى عصام دة شنو ده يايابا تتعافى فى عضيماتك
وينجيك الله
من الهجمات
والدكمات
والعربات المطاقشات
ومن البسماء طايرات
يرجعك لينا سالم
الفوده والعوده
دى كانت تقولها حبوبتى حليمه للوالد عند كل سفره وتشيلها تراب سبعه خطوات وتربطها
فى منديل لحدى الوالد مايرجع من السفر

هسع انت نلقى خطواتك وين مع الاسفلت ده

[عصام سرالختم]

شوفو حكمة الله
ناس ناهد وشهرزاد
فارزات نضم الحبوبات
الله يسألنى ..
انا زمان قايلن بنات بندر ساكت

وين حبوباتنا ناس رقيتون وعطمنو
غاتسات وين ..
ومشغولات فى شنو
يشغلوهن بى مسله
ورجيت الله بالوردى اليتبنوها بالعود

[عادل الجهينى]

التبان[/quote] الطين الجالوص

ده يخبرن ناس حبوبتنا رغييتون

اعرفولى معنى هذا:
كلام قاله سيدنا على رضى الله عنه لاعرابى أراد ان يتفلسف على على
فقال: ألصق روانفك بالجبوب

وخذ المزبر بشناتيرك
وضع حندورتك على قيحلى
حتى لاأنف نفيةَ
إلا أوضعتُها مجماط[quote=الوعد الحق;4077]اسع اعرفوا الكلمات دى
الللس على ماأعتقد وتد يحدد الساقيه

القادوس الماعون الذى يحمل الماء من البحرعن طريق الساقيه

الكبد الباب

الكشر مفتاح باب الكشر

الجر الزيرة جلجلاتك


جهينى

[عادل الجهينى]

التبان[/quote] الطين الجالوص

ده يخبرن ناس حبوبتنا رغييتون

اعرفولى معنى هذا:
كلام قاله سيدنا على رضى الله عنه لاعرابى أراد ان يتفلسف على على
فقال: ألصق روانفك بالجبوب

وخذ المزبر بشناتيرك
وضع حندورتك على قيحلى
حتى لاأنف نفيةَ
إلا أوضعتُها مجماطة جلجلانك]


الللس على ماأعتقد وتد يحدد الساقيه

القادوس الماعون الذى يحمل الماء من البحرعن طريق الساقيه

الكبد الباب

الكشر مفتاح باب الكشر

الجر الزيرة جلجلاتك


جهينى

[dayami]

الله يرحم حبوبتي الروضة بت مالك وهي من البار وناس البار ديل عندهم مصطلحات براهمومن ذلك بعض الشخصيات المشهور ادخلت في امثال وحكم يضرب بها المثل مثال على ذلك
-طه الدلاها - كناية على الغباء
-الغبيان الرديان - غباء حتى الموت
-البشرى العوير (بضم الباء) - رجل كان ينكرش وماسكاهو الكاروشه.
-راجل التاباني والياباني. رجل ما منو فايده.
-يا راجل سواكن اب سروالا ماكن انجدني (سيدي الحسن)
-الزارعه الله فى الحجر بتقوم
- يا قشر يا قشران.
- ابلم موشقي شقي البيتكلم معاهو

[عصام سرالختم]

الله يرحم حبوبتي الروضة بت مالك وهي من البار وناس البار ديل عندهم مصطلحات براهمومن ذلك بعض الشخصيات المشهور ادخلت في امثال وحكم يضرب بها المثل مثال على ذلك

-طه الدلاها - كناية على الغباء


عرفنا الدلاها كناية عن الغباء .. طه ده منو ؟؟

- تآكل الدِغّنِي ...
يخيل لى ان الدغنى اسم عشب من الاعشاب التى تنبت عشوائيا فى طرف الجدول او الحوض مثلها مثل :
- تشرب موية السلعلع ...
فالمعروف ان السلعلع نوع من النباتات الطفيلية نجدها عندنا فى الشمالية ..
والله اعلم

[اسامة حمزة]

اخى عصام
بوست مغرى جدا للمداخله وانت والاخوان والاخوات ما خليتو فرضا ناقص الله يديكم العافيه
ومن الكلمات

الطويل العنقوقة
وكاندو
وبعض الامهات لمان ولده يزهجه تقول له العقرب التقرشك والاخرى بالعكس تقوله يغطيك الانام لا اكل الطعام ويا حافض يا حفيض واخرى تقول يا ود دابى رنده

لكن يا ضمرة لقيتك زول من زماااااان
الطويل العنقوقة اظنها تشبيه علي العنقاء وكاندو دي برطانة الدناقلة تعني (ماعارف ) او شن عرفني
الدناقلة بيقولو (ارتن اكندو ) بمعني الله اعلم
طبعا انا ما دنقلاوي بس عشت معاهم كتير ومن عرف لغة قوم ...........

[القروني]

السلام عليكم شوفو دعوات حبوبتي آمنه بت يوسف رحمة الله عليها وهي كانت أميه دايما تقولن عندصلاة الصبح وصلاة المغرب.
ياربي أحمدك ألآف ألآف
أحمدك لي يوم الوقاف
أحمدك قدر الحجيج ماطاف
أحمدك قدر علمك المابنشاف
أحمدك قدر جبل قاف
حمدتو ماجحتو وفضلو مانكرتو ..... ولسه كمان
ياحافظ ياحفيظ
ياحافظ ألمي في البير
ياحافظ السيف في الجفير
ياحافظ البيضه في صوف الخلا لمن تفقع وتطير
تحفظني ووليداتي ووليداتم
من الأذي والأذيه
ومن الأيد القويه
ومن دهمت العربيه
وهجمت الحراميه
وهذا قليل من كثيروأن شاء الله نتذكر الباقي

[عمر مجذوب خطيب]

السلام عليكم شوفو دعوات حبوبتي آمنه بت يوسف رحمة الله عليها وهي كانت أميه دايما تقولن عندصلاة الصبح وصلاة المغرب.
ياربي أحمدك ألآف ألآف
أحمدك لي يوم الوقاف
أحمدك قدر الحجيج ماطاف
أحمدك قدر علمك المابنشاف
أحمدك قدر جبل قاف
حمدتو ماجحتو وفضلو مانكرتو ..... ولسه كمان
ياحافظ ياحفيظ
ياحافظ ألمي في البير
ياحافظ السيف في الجفير
ياحافظ البيضه في صوف الخلا لمن تفقع وتطير
تحفظني ووليداتي ووليداتم
من الأذي والأذيه
ومن الأيد القويه
ومن دهمت العربيه
وهجمت الحراميه
وهذا قليل من كثيروأن شاء الله نتذكر الباقي

يا سلام يا جعفر - يا اخي دا ايمان فطري صافي ومصفى وتلقائي وعفوي وحقيقي - وفيهو حكم وقيم - بالجد دعواتك حبوبتك عجبتني لدرجة قف تامل

[عصام سرالختم]

وهجمت الحراميه



اعجبتنى هجمة الحرامية :confused:
يا ضمرة احفظ الدعاء ده لتقول بدل الحرامية :
من هجمة الكديسى :D:D

[ضمره بغدادى]

اعجبتنى هجمة الحرامية :confused:
يا ضمرة احفظ الدعاء ده لتقول بدل الحرامية :
من هجمة الكديسى :D:D

عصام والقرونى
ياحافظ البيضه في صوف الخلا لمن تفقع وتطير
ياحليل حبوباتنا الحنان
يعنى الواحد لو رجع لدعاء حبوبتى بت يوسف ياجعفر يجد رغم جهلها بمبادىء القراءة والكتابة الا ان ايمانها بالله قوى ... عليك الله يا عصام شوف الدعوات دى كيف .
ومن كلامها عند الوقوف والقعاد بتقول بسم الله يا الله ويا ود دابى رنده ... جعفر فسر وزد .

[القروني]

=ضمره بغدادى عصام والقروني=#0000FF]ياحافظ البيضه في صوف الخلا لمن تفقع وتطير
ياحليل حبوباتنا الحنان
يعنى الواحد لو رجع لدعاء حبوبتى بت يوسف ياجعفر يجد رغم جهلها بمبادىء القراءة والكتابة الا ان ايمانها بالله قوى ... عليك الله يا عصام شوف الدعوات دى كيف .
ومن كلامها عند الوقوف والقعاد بتقول بسم الله يا الله ويا ود دابى رنده ... جعفر فسر وزد

العزيز ضمره السلام عليكم
إيمان العجائزدايما راسخ وقوي ..رحمة الله عليها لمن نقولها فلان مريض أوبه شئ من الوهم تقول .. قبّلو وحّدو بت كويرس ولد الدويرس تبنت الخمسي فوق المابتمشي قبّلو وحّدو .. فسردي مثل عجيب .
ثم لمن تشوفك مع زول مبهدل تقول .. لا تتعلق بي مرمي الله نقولها ليه ؟ تقول هو مرمي تتعلق فيهو يرميك وفعلا الشخص المرمي كنافخ الكير الخ......
زي قلت إيمان قوي وفطري وزي ماقال ود خطيب.
مشكوررررجدااا[/color]

[عمر مجذوب خطيب]

ضمرة بت كويرس دي منو - اي شي يقولك قبلو بت كويرس - سمعت انها امراة اصيبت بالجدري وقضى عليها - كمان في مثل يقولك تمرق مروق بابوي من حوش الدهارمة - واظنو حوشا في شبا - همتك يا فردة

[عبدالرحيم التوم كمبال]

حبوبتنا الله يرحمها
كانت نما نجي للنوم تقول
بسم الله الرحمن الرحيم -- بسم الله الا نام والا اكل الطعام

غطيتكم بجناح جبرين الا بتكسر والا بيلين

غطيتكم بالملائيكي الملائيكي زريبي والرسول سدادي
سبحان الله الله يرحم حبوباتنا

[عمر جبريل ابو البروف]

أيا عصام ود سرالختم
كيفنك وكيف حالك
يطيب خاطرك
أنا البوست دة يعميني .. ويطرشني لا شفتو لا سمعبو
إن شالله تسمع الحلو والزين
وساعل ربي يحفظك
حفظ ألمي في الحفير والسيف في الجفير
بركة الليل الأمسا والصلوات الخمسة
بركة المغارب وعلي إبن طالب
تتبن الجبال يبقنلك ماااال
وتتبن الحطب يبقالك دهب
يا عصام ياود........عافي منك وراضي عليك

مودتي،،،،،،،،،

والله الليلي ضحكت لي جنس ضحك
الله يفرحكن بي زيارة ابو فاطني يارب
مرهف يا المرهف وخطير يا عصام وكل المتداخلين
دا الكلام الحلو البينفع الجيل القادم اول مرة اعرف القر يعني البرد
لامن اجيكن

[ضمره بغدادى]

ضمرة بت كويرس دي منو - اي شي يقولك قبلو بت كويرس - سمعت انها امراة اصيبت بالجدري وقضى عليها - كمان في مثل يقولك تمرق مروق بابوي من حوش الدهارمة - واظنو حوشا في شبا - همتك يا فردة

عمر
بابوى يقال انها خادمة كانت تعمل عند الدهارمه والدهارمة ديل هم عمد البلد على اسم ابراهيم وهو جدهم ... بابوى لما كتر عليها الشغل خرجت ولم تعد لايومى ويومك ده واصبحت مضرب مثل او كما قال .:d:d:d
اما بت كويرس دى مانى عارف قصته شنو .

[القروني]

عمر
بابوى يقال انها خادمة كانت تعمل عند الدهارمه والدهارمة ديل هم عمد البلد على اسم ابراهيم وهو جدهم ... بابوى لما كتر عليها الشغل خرجت ولم تعد لايومى ويومك ده واصبحت مضرب مثل او كما قال .:d:d:d
اما بت كويرس دى مانى عارف قصته شنو .

السلام عليكم العزيز ضمره
بابوي لمن ضربتها ستها وهي ضربه مؤثره جدا قالو العمده جا ولمن رأي منظرا وهي تئن تأثر جدا وحذر ستها وقالها عليكي علاجها حتي تشفي ، العمد لمن طلع ستها ناولت الخادم ريال وقالت لها سافري ،ركبت القطر والريال وصلها لحد أبو حمد وهي الآن لها ذريه بأبو حمد . والله أعلم

[بشرى مبارك]

والله يا عصام جميل أن جددت هذه الكلمات الى بدأت فى التلاشى والانقراض ولكن لابد أن نفتح السحارات ونمرق الكنجالات ونبوّر الجكسات وعلى العموم الوالده عندها دعاء طويل لم أسمعه لا عند شيخ ولم أقرأه فى كتاب ويبدو أنها ولانها تملك خاصية النجر والتى تعلمتها منها فسوف أحاول فى إجازتى الجاية أن أجيب لى ورقه وقلم وأكتبو وأنزلو فى بوستك ده ربما أثرى البوست وجدد ركنته بإذن الله وتحياتى .

[عصام سرالختم]

والله يا عصام جميل أن جددت هذه الكلمات الى بدأت فى التلاشى والانقراض ولكن لابد أن نفتح السحارات ونمرق الكنجالات ونبوّر الجكسات وعلى العموم الوالده عندها دعاء طويل لم أسمعه لا عند شيخ ولم أقرأه فى كتاب ويبدو أنها ولانها تملك خاصية النجر والتى تعلمتها منها فسوف أحاول فى إجازتى الجاية أن أجيب لى ورقه وقلم وأكتبو وأنزلو فى بوستك ده ربما أثرى البوست وجدد ركنته بإذن الله وتحياتى .


فعلا ده بوست قديم جدا يابشرى ..
كلام حبوباتنا واماتنا كتير نتوقع منك اثراء البوست بالمزيد ...

لك التحية وانت تتحفنا كل يوم بالجديد والمفيد

[محجوب عبدالله السيد]

فإلى أُولى هذه المشاركات وهي قصة إستوقفتني ملياً.... وهي وضع الأفندي (الموظف) والمزارع الكادح في ميزان الشايقية زمان!!!!......
يقول أحدهم ناصحاً لفتاة نضُجت وأصبحت على أعتاب دخولها القفص الذهبي على سبيل الوصية والنصح لها....
أُوصيك ريلة.... لا تاْخدي المصُوبِن لي كريمي
أُخدي القشَّقة وقلع الهديمي
المنضِّف تمرو قالِبلو اْلمي ديمي
والمعلِّق تورو كارِبْلو التميمي....
فأضع بين أيديكم هذه الوصية التي تُعتبر ـ على حدِّ نظر قائلها ـ قيِّمة للغاية في زمنها

[ابراهيم سليمان]

الاخ عصام

العتيق لا يبلى، وهذه موضوع من التلاد، وان تاتى متاخرا خيرا من الا تاتى.

قالت واحدة لابنها وهو يشد عصا الترحال، وما زالت ترن فى اذنه:

ودعتك أمين الوداعة، اللا يديك لا يبضع فيك
ان شاء الله ماتطلع منك إلا الشعرة والبعرة.

[ابراهيم سليمان]

واحدة من الحبوبات كان عندها دعاء فى الوضوء. كلما غسلت طرفا سنة او فرضا له دعاء خاص به، لم اسمعه فى عنعنة او كتاب دين ماثور، وضؤءها كان عندى صلاة كاملة، عالية الصدق خاصة بها وربها، التقطت آخرة وفات على جله:

تمسح أذنها وتقول:

تسمعنى آذان بلال فى عاااالى الجناااااان.

تغسل قدميها وتقول:
تعدينى عتبات الصراط من غير جراط.
كيف البروق الخاطفات، كيف الخيول الجاريات.

[عصام سرالختم]

ودعتك أمين الوداعة، اللا يديك لا يبضع فيك
ان شاء الله ماتطلع منك إلا الشعرة والبعرة.

الاخ ابراهيم
كلام بسيط وعميق ..
دايراهو يمشى ويجيها كامل ما ناقص اى شئ
حتى السِن ما تطلع منو !!

[عصام سرالختم]

حبوبتنا عليها رحمة الله كانت لازم تقول بعد كل وجبة :

حمدتو ما جحدتو .......

[بت المك]

حبوبتنا عليها رحمة الله كانت لازم تقول بعد كل وجبة :

حمدتو ما جحدتو .......

وحبوبتي الله يرحمها كانت بعد تاكل تقول
ان شاءالله لا تحلا في السنون ،،،لا تروح من الماعون



ماتروح من الماعون واضحة طبعا بس لما سالتها من قولت لا تحلا في السنون قالت لي:

الاكل ان حلا في السنون وبقا طاعم يعني،، الزول حتى ان شبع ما بيقوم منو ،،

وطبعن ح ياكل اكتر من حاجتو

ودي في راي دعوة سمحي باللحيل


عصام ،،يديك الفي مرادك

[اراحيل]

يا سلام ياعصام يديك الفي مرادك
يجمك ويتمك
ودائما كنت اسمع حبوبتي عند كل صلاة
تقول"ياحافظ ياححفيظ
ياحافظ السيف في بطن الجفيل
وياحافظ المويه في بطن البئر
وياحافظ البيضة لمن تفقع وتتطير
احفظنا واحفظ وليداتنا وليدات المسلمين
من الانسان ومن الشيطان ومن محن الزمان
ياقادر ياماك عجزان

[عصام سرالختم]

واحدة من الحبوبات كان عندها دعاء فى الوضوء. كلما غسلت طرفا سنة او فرضا له دعاء خاص به، لم اسمعه فى عنعنة او كتاب دين ماثور، وضؤءها كان عندى صلاة كاملة، عالية الصدق خاصة بها وربها، التقطت آخرة وفات على جله:

تمسح أذنها وتقول:

تسمعنى آذان بلال فى عاااالى الجناااااان.

تغسل قدميها وتقول:
تعدينى عتبات الصراط من غير جراط.
كيف البروق الخاطفات، كيف الخيول الجاريات.

اخى وزميلى بشرى
بالله عليك شوف بساطة وعظمة هذا الدعاء ...رغم جهل حبوباتنا زمان ...
لك التحية ...

[اراحيل]

ودايما حبوبتي كانت تدعي لي ابوي وتقولي
عافي منك عفويا ينجح ولدك ويكتر رزقك
ويغنيك بحلالو عن حرامو
ويبعد منك اولاد الحرام وبنات الحرام
وبنجيك شر الطريق
انت القادر المقتدر

[عصام سرالختم]

وطبعن ح ياكل اكتر من حاجتو



قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَا مَلأَ ابْنُ آدَمَ وِعَاءً شَرَّ مِنْ بَطْنِه ، بحَسْبُ ابْنَ آدَمَ لُقَيْمَاتٍ يُقِمْنَ صُلْبَه ، فَإِنْ كَانَ لا محالة فَثُلُثٌ لطَعَامٌه ، وَثُلُثٌ لشَرَابٌه ، وَثُلُثٌ لنَفْسٌه "
فحياة حبوباتنا كانت كلها عبادة واقتداء بسيرة النبى الكريم

[عصام سرالختم]

ودايما حبوبتي كانت تدعي لي ابوي وتقولي
عافي منك عفويا ينجح ولدك ويكتر رزقك
ويغنيك بحلالو عن حرامو
ويبعد منك اولاد الحرام وبنات الحرام
وبنجيك شر الطريق
انت القادر المقتدر

لك التحية اختنا اراحيل
ويظهر انو سحارتك مليانة بكلام حبوبات الزمن الجميل
زمن الحنية والكلمة الطيبة ..
زمن لاغلط لا زعل ولا حتى نقنيق

[ام زينب]

عندي عمتي وحبوبتي ما بعاد من بعض كتير في العمر
المهم في الأمر كنتا بعد ما أجي من المدرسة أو الجامعة حريصة إنو أقعد معاهم أقل شيئ مهما كانت ظروفي حريصة أقعد معاهم ساعة تحت اللبختين الجنب باب الشارع وكنت كتير بسمع عندهم الكلمات دي :

يطرشني
يضرو لي
يخربني
يغير شهاتي
يسمني

أسع أنا جيت علي عجاله لي عودة تاني :):):)

[ام زينب]

نواصل

كانت دايماً تدعي لينا وتقول
بركة الجمعة الجامعة والكلمة العند الله سامعة
بركة اللتنين العرجوبا الحسن والحسين
بركة الخميس أب دعِوتاً ما بتخيس

[ام زينب]

كان عندها أقوال وحِكم
الدنيا بتهينك والزمان يوريك
وقولت فوت أخير من ضمة المابيك
والجنس الرزل ال تجعلوا دخريك
وقلت المال تمرقك من بنات واديك

أشعابا يا لطيف
يا حايد المحن
دبيتا بالله
شوف مشهادك
أزرقي اللبن في الفطير


أحي كدي النذكر لي شيئ تاني وأجيكم صاده

[عصام سرالختم]

أحي كدي النذكر لي شيئ تاني وأجيكم صاده

تتعلي ما تندلي .... يا ام زينب
اتاريك حبوبة ونحن ما عارفين
منتظرين كلام الحبوبة الحنينه ...

[بت الحوش]

كانت حبوبتنا الله يرحمها تقول بعد الاكل
حمداً كثيراً طيباً مباركاً فيه
يوافي نعم ويكافي مزيل
اللهم دمها نعمه واحفظها من الزوال

[الطريفية]

كان زمان ونحن صغار جارتنا اسمها بت زهيرة الله يرحمها

تقول: كر كر اضانى فى العتق الغزال وجلب الرجال

بالله واحد يفك طلاسم الكلام دا

[ابومنذر]

حبوباتى الاثنين رحمهم الله لهم كلمات ساتذكرها

1/ ياولد ابعد من السام ماتجيك الدوابى ..؟؟
2/ قبلك بتكويرس ..!!
3/ عرب سلمه وسالمين ..!!
4/ جيب لى مويه من الجر ..!!


ان تذكرت كلمات اخرى ساوردها وهذا ما استحضرته الان :)..

[ابو طارق]

المرأة السودانية عامة وحبوباتنا زمان كانت لهم تعابير وكلمات تستخدم حسب المكان والزمان والظرف
بدأت تختفى وجاءت مكانها كلمات وتعابير أخرى على سبيل المثال ( الشمار والجكس) وهناك الكثير الذى لا احفظه من كلمات وتعابير ابناء وبنات هذا الجيل ..

واليكم بعضا من حديث اماتنا وحبوباتنا زمان وياريت نساعد بعضنا فى حصره
ومتى يقال كل حديث منه وما المقصود به ..

سجمى وسجم خشمى
بريه يا يمه
أبرى وأستبرى
أريتو بالتابانى
مقطعاهو فى حشاي
يخربنى
كر على
ووب على
أجى يا ولدى
حال التابانى
.
.
معظم هذه التعابير كانت مستنكرة اذا قالها أحد الرجال
فلنحكى ذكرياتنا معها ..
أظهروا يا حبوبات الموقع
الاستاذ الفاضل عصام لك عاطر التحيه وجزيل السلام.....وازيك كتير
ان ما اخاف الكضب شفناك عمنول شهر اربعه فى بلدنا بس خلنى اتاكد واجيك وطبعا دخلنا المنتدى وشتنا طول وعرض شمال وييمين والسلام ما جابنا ليكم و ياعيب الشوم ياعملات من قال و ياكافى البلا وحايد المحن والمسامح كريم وان شاء الله نتلاقى فى الحلو والزين وجديد البطينين وإنتو طيبين .
تكمن جمال وعظمت هذا البوست كما قال الاخ ابراهيم سليمان انه من التلاد والعتيق لا يبلى ومصداقا لذلك كانت البدايه فى الكتابه 2007 وبعد خمس سنوات اطل علينا زى البدر الشعاعو مفجر وعليهو سماحتا زى يوم العريس الساير وكلما مر عليه الزمان لم يعفه بل زاده عتقا والقا ولطفا وجمالا وظرفا واليه المرجع وعليه الاتكاءه ولكم جزيل الشكر وعظيم الامتنان على سبر اغواره ونثر مكنون كنوزه من اللالى والدرر التى لاتقدر بثمن ونحمد الله على ادراكه واكتحال اعيننا بجميل كلامه ومصقول نظمه وخير حكمه وقصصه وامثاله وشفافيه واريحية حبوباتنا واماتنا عليهن الرحمه الاحياء منهن والاموات ............تحياتى

[ابو طارق]

كان زمان ونحن صغار جارتنا اسمها بت زهيرة الله يرحمها

تقول: كر كر اضانى فى العتق الغزال وجلب الرجال

بالله واحد يفك طلاسم الكلام دا
الطريفيه ازيك تانى وتانى وما زالت الجوعه كاتلانى وعلى الله نقدر على فك الطلسم وان غلبنا يجيك شيخ عوض مالى جيبو تمرات من كيسو الموخمج يطيرلك الجوعه ويحل الطلسم .يقول المادح
يا عاشقين متين نحدى الجمال*على بلد النبى العتق الغزال
طبعا قصه تحرير الغزاله من اليهودى مثبوته فى كتب السيره وحبوبتك تستجير به صلى الله عليه وسلم ان لايمسها ما تكره وهو المحبوب الذى جذب حبه الرجال سياح وبلو الشوق فى طيبه وربنا يوعدنا

[عصام سرالختم]

الاستاذ الفاضل عصام لك عاطر التحيه وجزيل السلام.....وازيك كتير
ان ما اخاف الكضب شفناك عمنول شهر اربعه فى بلدنا بس خلنى اتاكد واجيك

اخى الكريم ابو طارق
عمونل شهر اربعة اتقابلنا وين ياربى ؟؟
الا نكون اتقابلنا هنا فى الدوحة / قطر ..
شهر اربعة ماسافرت من مكان اقامتى الدوحة
يكون واحد يخلق من الشبه اربعين :d

البوست بوستك وياريت تتحفنا بكلام حبوباتنا واماتنا زمان

[ابو طارق]

اخى الكريم ابو طارق
عمونل شهر اربعة اتقابلنا وين ياربى ؟؟
الا نكون اتقابلنا هنا فى الدوحة / قطر ..
شهر اربعة ماسافرت من مكان اقامتى الدوحة
يكون واحد يخلق من الشبه اربعين :d

البوست بوستك وياريت تتحفنا بكلام حبوباتنا واماتنا زمان
الاخ الفاضل العمده عصام لك وافر التحيه وجزيل السلام وتاكدت وجيتك صاد وحقيقة لقد رايناكم قبل ان نراكم وبكم نسعد دوما والمقابله كانت شهر 8/2011يوم كان الاخ قيس على كرسى التعارف وحينها كنت اعاين بالشبابيك .ولكن إذا كان السؤال وليش المقابله دى دون غيرها ؟ الحمد لله ننعم برؤياكم فى اى وقت طرقنا ابواب هذا المنتدى وولجناه ولكن اردت ان اربط بين سؤالين احدهم وجه الى الاخ قيس يومها وهو ( من اين عنى لوادكم هذا الاسم الذى يندر عندنا) والسؤال الذى وجهته الى يوم التحقت بالمنتدى وسالتنى ( عن غرابه الاسم الذى لاذنب لى فيه و ان العبويه لله ) فقط اردت القول بانى صاحب الاسم المشاتر وطريد قيس ورحم الله والدنا وسامحنا اخذت الكثير من وقتك الغالى وعفوا ثم عفوا.....تحياتى

[ابو طارق]

يلا نتنقل بين الخمايل والجداول والزهر ونفتح اعينا ونستفتح بهمهمة الصالحات حبوباتنا النائرات وان شاء الله السلفن قبورن قصورا فى عالى الجنات يارب الارضى والسموات وما اجمل الاستفتاح بهذه الرقائق النديه
دعاء الصباح والاستفتاح : اصبحنا بسيد الصباح ومفر الجناح والنبى الفتاح وجبرين فى المدينه صاح
صباحك الطيب وفرجك القريب ورجاك المابيخيب يا ساتر لاتعيب اصبحنا بالله واتكلنا على الله. الجنات كيف اصبحتو طيبين صبحكم النبى قبلى وقومى آبت ولعى النار نامن اصلى واختك تحلب اللبن وتجى
بسم الله يافتاح نويت اصلى الفرض حاضر ركعتين فرضن على واجب مستقبلى الكعبه الشريفيى و الشهادى المحمديى حى على الفلا مادامت الحياة وتنتهى الصلاه ويتبعا الدعاء للوليدات الحاضرين والغايبن ، الا حياء والاموات والتحصين من الدركات ومصايب الدنيا الجايات وهآآآدى صيحه للبنات جيبن الشاى لى اخوانكن وجيبلكن معاه شى يقرضوا فيشان فكة الريق وقالوا الريق موسمح للولد الضكر والبت الفتا يضرها مبيت القوا .هيييي ماتسرعن اشآن كمان تمشن تشوفن خدمتكن....ونتلاقى بالليل ودعناكم الله

[ابو طارق]

وجاء المساء
كيف امستو.امسينا بسيد المسا وبارد الحشا
هى شفع سوا نعيلاتكم فى كرعيكم وقولوا النبنوح(النبى نوح) يا الكباشى خسيم السم والسموم دى تجيب الدبيان و مابتخليلا مقطوعة نصيب (عقرب) راقدى فى جحرا قبيل كاتلالى ام نويوره الساتر الله.
حجا الحبوبه:
حبوبه حجينا .حجيتكم ما بجيتكم خيرا جانا وخيرا جاكم اكل عشاكم وروح خلاكم .احكيلنا حكاية فاطنى السمحى.سمح قآلوا وقالو ينجينا الله شر قلنا وقالو والتمساح فى بحروا شالو فى بت....وتنساب الحجوه رقيقه تهدهد وتلولى ويا ديك سابع نومه

[ابو طارق]

ود حشاى وودبطنى عصام سجمى وسجم خشمى انا المتكله عليك اجى ياولدى تجى البلد وماتغشى حبوبتك السويتوا ده انا مقطعاهوا فى حشاى لكن بعد داك سمعت قالوا بعافيه شوية كر على ان شاء الله تبرى وتستبرى من الالم وجاتنى ام عسجد قالت البنت عندها مغص قلت بريه يايمه قالت الرسول ياحبوبة رقيتون ماعندك شوية حرجل قلت لها يخربنى قالت اريتوا ده -حال التابانى -ووب على يام عسجد شوفى العقرب دى لدغتنى فى كراعى اجرى نادى السر ضبلان ولاياسين بسرعه قالت ياحبوبه العقرب كبيرة سجمك وسجم خشمك الليله وجرى على السر
الاذن المقدم
رقيتون ازيكم طيبين وصبحكم النبى قبلى
مالك آيمه غبيشى وشعيراتك واقفات زى الحنقوق الضكر كدي وحفانات
ان بقى ماعندك الكركار املى تققك زويتا مره وكبيه فوق صنقورك وانا فوق دربى دا بحدثلك عطمنو تجيك باكر بعد الفطور تكوفتن ليك اخير من يبقنى منفوشات كدى
المشاط:
الحب حرقو: مشاط دقاق ويمشطوه العروس خاصة
الكوفات : مشاط قلاد للحريمات الكبار والحادات
الروق : الصف التحتانى من الشعر وتكون البدايه به
المشفى: لشق الشعر واخذ العقله المناسبه
البلوله: لبل اليد اثناءالمشاط وهى عباره عن مويه وشوية زيت
الجورسى : خيوط سوداء مضفوره لتطويل الشعر
السله : شعر صناعى
حليل زمن شعرنا كان قاسمنا لانصنا مو كسكتى و زى شعر بنيات الزمن دا يالصيق يامنفوش زى الشياطين والحكمه وحدات مصيوبات تلقاهن حالقات كارى لا تصيبنا لاتقطع نصيبنا برى حالن مايصيب
رقيتون لك العتبى....وتحياتى

[ابو طارق]

سجم خشمنا مالكم جنيتو اجى يا بت امى الرجال الوقع عليهم شنو
ياعصام برىبرى منكم

حيو ابو حسن حيو حليلا بلدنا هى ديمه عيد
الجن التعزلى على ايدك
الجن اليعلق قربو فى إضنيك
الغزاله التخليك تزوزى
يبربر كيك

[عصام سرالختم]

الاذن المقدم
رقيتون ازيكم طيبين وصبحكم النبى قبلى
مالك آيمه غبيشى وشعيراتك واقفات زى الحنقوق الضكر كدي وحفانات
ان بقى ماعندك الكركار املى تققك زويتا مره وكبيه فوق صنقورك وانا فوق دربى دا بحدثلك عطمنو تجيك باكر بعد الفطور تكوفتن ليك اخير من يبقنى منفوشات كدى
المشاط:
الحب حرقو: مشاط دقاق ويمشطوه العروس خاصة
الكوفات : مشاط قلاد للحريمات الكبار والحادات
الروق : الصف التحتانى من الشعر وتكون البدايه به
المشفى: لشق الشعر واخذ العقله المناسبه
البلوله: لبل اليد اثناءالمشاط وهى عباره عن مويه وشوية زيت
الجورسى : خيوط سوداء مضفوره لتطويل الشعر
السله : شعر صناعى
حليل زمن شعرنا كان قاسمنا لانصنا مو كسكتى و زى شعر بنيات الزمن دا يالصيق يامنفوش زى الشياطين والحكمه وحدات مصيوبات تلقاهن حالقات كارى لا تصيبنا لاتقطع نصيبنا برى حالن مايصيب
رقيتون لك العتبى....وتحياتى


اخى ابو طارق
متابعين توثيقك الرائع .. زيدنا اكثر واكثر لنستفيد
كانت للمشاط قعدات بل طقوس اجتماعية تحضرها كل نسوان الحى الجارات والصديقات، وتكون عادة بعد فطور الصباح . وتقدم في الجلسة القهوة والشاي ، وهى فرصة للونسة والدردشة والحكاوى ( القطيعة :d ) ... ومشاط العروس له شروط ومواصفات خاصة من بينها ذبح الخروف ومشاركة البنات صديقات العروس فى تلك الجلسة .. واذا دخل احد الرجال على حريم المشاط تقوم احداهن بخطف طاقيته ولا تعاد اليه الا بعد ان يدفع مبلغ من المال ..
اما الان فان المشاط اصبح موضه انتشرت بين الجنسين .. فشباب اليوم اصبح يقلد لاعبى كرة القدم البرازيلين والافارقة فى طريقة مشاط شعرهم فهناك تسريحة ( البرازيلي رونالدينو ) وتسريحة ( بوب مارلى ) وتسريحة الفنان السودانى ( طه سليمان ) والكثيرون ... فالمشاط اصبح عالم اخر يا ابوطارق ... وقول يا لطيف

وين حبوبتنا رقيتون ربنا يطراها بالخير ... ياريت تعود ليعود معها الكلام السمح

[ابو طارق]

hgul]i hghsjh` uwh

اخى ابو طارق
متابعين توثيقك الرائع .. زيدنا اكثر واكثر لنستفيد
كانت للمشاط قعدات بل طقوس اجتماعية تحضرها كل نسوان الحى الجارات والصديقات، وتكون عادة بعد فطور الصباح . وتقدم في الجلسة القهوة والشاي ، وهى فرصة للونسة والدردشة والحكاوى ( القطيعة :d ) ... ومشاط العروس له شروط ومواصفات خاصة من بينها ذبح الخروف ومشاركة البنات صديقات العروس فى تلك الجلسة .. واذا دخل احد الرجال على حريم المشاط تقوم احداهن بخطف طاقيته ولا تعاد اليه الا بعد ان يدفع مبلغ من المال ..
اما الان فان المشاط اصبح موضه انتشرت بين الجنسين .. فشباب اليوم اصبح يقلد لاعبى كرة القدم البرازيلين والافارقة فى طريقة مشاط شعرهم فهناك تسريحة ( البرازيلي رونالدينو ) وتسريحة ( بوب مارلى ) وتسريحة الفنان السودانى ( طه سليمان ) والكثيرون ... فالمشاط اصبح عالم اخر يا ابوطارق ... وقول يا لطيف

وين حبوبتنا رقيتون ربنا يطراها بالخير ... ياريت تعود ليعود معها الكلام السمح

العمده الاستاذ عصام القومه ليك والسلام بالكوم مننا ....تحياتى واحترامى
يالطيف ألطفك بعبادك. استاذنا الكريم عصام وكما تعلم ان هذه السلوكيات دخيله وغريبه على مجتمعاتنا وللاسف انتشرت وسط قطاع عريض من الشباب ولربما كان السبب فى ذلك ضعف تحصينهم وربطهم بقيمنا الاصيله وعاداتنا الفاضله التى مازلنا نفاخر بها حيث حللنا والفضل فى ذلك يعود الى اجدادنا وحبوباتنا اللاتى مهما وصفن من وصف جائر ظالم كالجهل وغيره مما يعتبر تجنى ونكران جميل ولهن فى ذلك مندوحه ولكن رغم جهالتهن الا انا لاننكر اونجحد فضلهن او نعيب عليهن تربيه او سلوك ولقد كان ولا زال لهن اليد الطولى فى غرس القيم والاخلاق الفاضله و الصفات النبيله من كرم وشجاعه واقدام وتراحم وتواصل واقمن مجتمع متماسك البنيه طويل الدعائم عميق الاصاله والجذور يمج كل دخيل مستهجن وجاء ذلك من خلال احاجيهن الشيقه الندية الشجيه وكذلك ترعرعت امهاتنا وسط هذه المثل وارضعن الحياء والطهر وعزة النفس والاخلاق الساميه مصقوله فى سلوك قويم رشيد
لقد كان اختيار هذا البوست موفقا بكل المقاييس وبعث من جديد ونحن فى امس الحاجة اليه لانه يعزز الانتماء والتاصيل ويربط الحاضر بالجميل من قيم الماضى ليساعد فى تقويم ما اعوج من سلوك واندثر من نبل وماطغى من ثقافة لاتشبهنا ورحم الله رقيتون وفطوم وعطا منو ومن اقتدت بقيمهن وسارت على نهجهن.
استاذنا العمدة والدنمو المحرك وفقك الله واعانك وسدد خطاك ولك جزيل الشكر وعظيم الامتنان وسامحنا على الاطاله.......تحياتى

[ابو طارق]

الليلى الا اشارك فى بوست الحبوبات ده ...
منو الفتحو ؟....حدثونى

ود سر الختم ؟


موضوعك يجيب وجع الحروف
هاكم

واكربتى
احى انا
الله لى
سجم الرماد
الرماده التكيلك
سجم حبوبتك الاربعتاشر
الترابه فى خشمك
يسجمك الساجومى
يكرك الكارورى
الرماده فى خشمك
الترابه التكيلك

اها ....لقيتونى كيف ؟



يقول شاعرنا الكبير الحردلو


الى الشقى....جنا الشقى
المصطفى سعيد
الله لا كسبه دنى واخرى




اللهم صلى على سيدنا محمد وعلى اله وصحبه وسلم

بعد الاذن ووافر السلام والتحيه اقولك لقيناك 100%وملاحا اخدر يفتح الشهيه ان شاء الله الله يدينا منو اكله هنيه
الملحات الخدر:
ملاح الورق : من اللوبى الطيب حق القورمستى والبعض يقول النجرمت
ملاح السبروق : اوراق نبات الباميه ويتلايق بالباميه
ملاح القتان : برضو سبروق لكن من الاوراق الغضه الطريه فى القمه الناميه
ملاح السلج : وكثير من الناس ينطقها الثلج وطبعا تحريف
ملاح الكلبيق :من اوراق لوبيه البليلى (لوبى عفن) طبعا اندثرت سواتو
ملاح الاريق :اوراق نبات البسله ودا خرتومى بحت
ملاح الخدره :الملوخيه (اصلها ملوكيه)اكل الملوك فى غابر الزمان
ملاح الكداد :نبته بريه تعرف محليا بذات الاسم وقليل من تعرف سواتو واسالن حبوباتكن واتعلمن سوات
ملاح لسان الطير :نبته بريه تنمو فى الجروف ووسط الزروع واوراقها تشبه لسان العصفور
ملاح الارجيقه :من الملحات الاندثرت
ملاح الباميه : لا تحتاج
ملاح السمقا :من اوراق الفجل قليل من يفركو عشان بلاويهو
الملحات الفرك الاخرى:
الويكى
ام رقيقه
التقليى
ملاح الروب
ملاح البصاره :عندنا الخدره الناشفه مع عدس ابو جبه ان وجد والا الاصفر
اهم شى افركن ماتستعملن الخلاط .. استعملن المفراكه وخاتم الجنيه عشان الايقاع مع الفرك

[عصام سرالختم]

ملاح الكداد :نبته بريه تعرف محليا بذات الاسم وقليل من تعرف سواتو واسالن حبوباتكن واتعلمن سوات
الفرك

سبحان الله .. قبيل وقت الغدا انا ومعى بعض الاخوة جبنا سيرة ملاح الكداد واتغالطنا فى انه نبات برى يقوم براهو والا بيزرعوه .. وفى الاخر اجمعنا بانه نبات برى ولكن هناك البعض كانوا يزرعونه من كثرة حبهم له ...
اماتنا وحبوباتنا زمان كانوا يخلطوا شوية رجلة مع نبات الكداد قبل الفرك بالمفراكة وخاتم الجنية :d :d
لون ملاح الكداد اقرب الى البنى المخلوط بالاخضر . يعنى ماهو اخضر متل السبروق وملاح السلج ( الثلج )
لك التحية والتقدير اخى اوبوطارق

[عصام سرالختم]

الملحات الخدر:
ملاح الكلبيق :من اوراق لوبيه البليلى (لوبى عفن) طبعا اندثرت سواتو
ملاح الارجيقه :من الملحات الاندثرت
ملاح السمقا :من اوراق الفجل قليل من يفركو عشان بلاويهو



غايتو يا ابو طارق انا اول مرة اسمع بالتلاتة ملحات الخدر ديل ( الكلبيق - الارجيقة - السمقا ) مع انى من ابناء الجيل القديم :d :d

[الخزين ود نصر]

ملحات فيها :
بصلات سالمات : ملاح الكرارة .

بصل دقاق كتير سالم : ملاح القاورما

بصل محشوش كتير : سليقة السخينة

[ابو طارق]

غايتو يا ابو طارق انا اول مرة اسمع بالتلاتة ملحات الخدر ديل ( الكلبيق - الارجيقة - السمقا ) مع انى من ابناء الجيل القديم :d :d

استاذنا العمده عصام سلام كتير وصبحكم النبى قبلى
نحن علينا الخش وانتو عليكم تمرقو الفرصه (الزبده)اى تضعو النقاط على الحروف وىبقى لى هى الخلاصه التى يبنى عليها التوثيق وحينها نقول ابد الخض عن الزبد
الكلبيق :حكولنا عنو وكان يلجا اليه فى سنين الشده خاصة سنت ستى واربعتعشر وهو ورق اللوبى الاخدر وكانو يفرك فى الكنتوش فى زمان موغل فى القدم ومن الملحات الاندثرت
الارجيقا : ماعلقت عنها لانى كنت جاييها راجع. هناك تباين فى الاسامى بين قرانا فى شمالنا الحبيب والارجيقه هى الشبت او الشمار الاخدر حتى زمان فى الداخليات احيانا يطبخو الشبت او الارجيقه و ماكان فى رغيف وياكلوه بالكسره والعواسات موظفات (داخلية مدرسه كورتى الابتدائيه)
الفجل يسمى السمقا فى بعض القرى وهناك مثل ربما يكون شائع يقول (اصلو تويريب السمقا واحد)يطلق عندما تتماثل الطباع خاصة اذا كانت رديئه
الجبركله او الرجله اسمين لشئ واحد الا ان الاولى (الجبركله) تنمو بريا لحالها يعنى تقوم بروس والثانيه تزرع حتى ان مزارعى الخضر يخصصو ارض للرجله بعد الزرعه الاولى بعد ذالك تواصل النمو لحالها عليهم بالماء فقط والسبب يمكن نرجعلو لاحقا او فى مكان اخر خوف الاطاله والرجله تعرف ايضا بالبقله وتؤكل طازجه فى بلاد الشام ومن مكونات السلطه والفتوش

[ابو طارق]

[
لون ملاح الكداد اقرب الى البنى المخلوط بالاخضر . يعنى ماهو اخضر متل السبروق وملاح السلج ( الثلج )
لك التحية والتقدير اخى اوبوطارق [/color]
اخى لك موفور التحيه وزادك الله علما ونباهه وحرصا على الدقه واكبر فيك قوة الملاحظه ويا نعم الحسن فى التلميح(عينى باردى و فوقك اليقروا السفينه ) وصلت تب ووجب وحافى الاقدام راجع على الجيم وأقوم اللسانى الحلبى وتلقا التصليح فوق.......تحياتى

[ابو طارق]

ملحات فيها :
بصلات سالمات : ملاح الكرارة .

بصل دقاق كتير سالم : ملاح القاورما

بصل محشوش كتير : سليقة السخينة

ود نصر الخزين وينك آ عشا البايتا وبركه بالطله والشوفه وجيدا جيت والجابك يجيب عقابك ومتقريفيين والله لكلامك
ملاح الدرشيشى : القمح ينطحن دراش فى المرحاكه بالعجان ويطبخ بى بصلا كتير وطماطماياتا نجاض
الكربوج : قمح مدروش وشوية شرموط ويتقلوه بشوية دقيق
البزغولى : الملاح المفروك بلا لحم بس بصله مشويه او محروقه امانى ماهو طاعم
العصيدى : من دقيق القمح او الدخن ويشروها فى الصحن ويتكبى فوقها السمن ويمكن شوية سكر(اضافة حديثه)
ملاح الطماطم : طماطم مطبوخ وبالكسرى فقط ومع الرغيف ماعندو طعم وحب الناس مذاهب
القراصه ام سمن : حرف قراصة قمح مرشوشا بالسمن والبصل المقطع صغار فى مويه حاره والشمار يمين ريحتا تجيب الطاش
المديدى : مديدة الحلبى او التمر اكثر شى للحريم للنفس اما مديدة الدخن لليالى القارسه و مع الصباح فى برد شق العود(شهر طوبه وبدايه شيل التمر)
الموص : يدوعلو بو العروس (يسمنوها)
النشا : من العجين المر وهناك نشات القمردين فى رمضان خاصه
العقود : كسره مره مفروكه ومكترين لها الشمار تنفع للوتابه ( الوتابه غثيان اما من عدم فكة الريق او من اكل شيتا غلت على الواحد الصباح ) وبعض الحبوبات يفصدن كرعيهن بالموس عمليه اشبه بالحجامه لان الدم الخارج ليس اخلاط يعنى ليست حجامه بالمعنى

[عصام سرالختم]

اخونا ابو طارق شايفك نسيت تجيب خبر :
الشربك : تحلية مصنوعة من القرع والسكر
واصل ....

[عصام سرالختم]

واذا دخل احد الرجال على حريم المشاط تقوم احداهن بخطف طاقيته ولا تعاد اليه الا بعد ان يدفع مبلغ من المال ..


القروش البيدفعها الرجل عند دخوله على حريم المشاط اسمها ( ( الشعقيبة ) :d

[ام فئ]

ملحات فيها :
بصلات سالمات : ملاح الكرارة .

بصل دقاق كتير سالم : ملاح القاورما

بصل محشوش كتير : سليقة السخينة

غايتو عندكم جنس مِلحات ي ناس لا جوه

يقولو البت دي عينه متل البصله في الكراره
شن جاب ل جاب

[ام فئ]

ملاح الدرشيشى : القمح ينطحن دراش فى المرحاكه بالعجان ويطبخ بى بصلا كتير وطماطماياتا نجاض
الكربوج : قمح مدروش وشوية شرموط ويتقلوه بشوية دقيق
البزغولى : الملاح المفروك بلا لحم بس بصله مشويه او محروقه امانى ماهو طاعم


ملحاتك ديل ي ابو طارق ما سمعتبن ولا ضقتهن

شكرا علي التثقيف(الصحي) الغذائي
ناس جوه إبداع
تحياتي

[ام فئ]

بزاويه:
ايام كورة الجزائر ومصر بالسودان وما صاحبها من احداث
واحد مصري جاري وما عارف يدخل وين من الخوف،،،دق احد الابواب،،،فتحت ليهو مره كبيره،،،
قاليها خُديني عندك الجزائريين ح يأطعوني،،،
قالت ليهو ادخل إتفضل يا عشاي،،،
عشاء إيه إنت الاخري وقام صوف،،،
كُر علي ي ود امي مصدق إنو السودانيين قع آآآكلو الناس،،،
الله إنشاء الله تآكل الحِمط رمت(الدعوه دي يعني شنو؟؟)

[العابره]

ود سر الختم اريتو ده بوست السرور يايابه اضاني طرشي وواطاتي خرشي من حبوبات الزمن ده لايلولن ولا يحجن .بدلن الطرقي بي توب الربط.وبدلن النعلين بالمسمار .حليل ياودحشاي زمن لقيط واقودنا وحش قشنا وخرت لوبانا وضري عيشنا .
وخش لبنا وضفرتقروقاتنا وقضف ازيارنا ودعانا لي وليداتنا اشاالله تبقى حلبي ورشاد
اشاالله تبقى غابه والناس حطابا.اسع ياكافي البلا ويا حايد المحن كل شي كتر كتر .

[عصام سرالختم]

ود سر الختم اريتو ده بوست السرور يايابه اضاني طرشي وواطاتي خرشي من حبوبات الزمن ده لايلولن ولا يحجن .بدلن الطرقي بي توب الربط.وبدلن النعلين بالمسمار .حليل ياودحشاي زمن لقيط واقودنا وحش قشنا وخرت لوبانا وضري عيشنا .
وخش لبنا وضفرتقروقاتنا وقضف ازيارنا ودعانا لي وليداتنا اشاالله تبقى حلبي ورشاد
اشاالله تبقى غابه والناس حطابا.اسع ياكافي البلا ويا حايد المحن كل شي كتر كتر .


اتاريكى حبوبة يا العابرة ونحن ماعارفين ( تتعدل عليكى شقيش ما تقبلى )

[ابو طارق]

اخونا ابو طارق شايفك نسيت تجيب خبر :
الشربك : تحلية مصنوعة من القرع والسكر
واصل ....
صباح الانوارازيكم وكيفنكم نعلكم طيبينز....... ونواصل مع التحليات
البجبوج : يصنع من القرع واللبن الحليب والسكر(السكر اختيارى) بدون سكر ياكل مع الكسره اما مع السكر وهوب الغالب يؤكل بالملاعق ان تيسرت والا غرف باصبعين
اللبأ : اللبى بمجرد وضعه على الناريبدا يتفلفل حتى يصبح مثل الفشار ويضاف اليه السكر وبعدين ماتدى الجمبك .ومرات يخفف بالماء ويخلط معه شوية دقيق عشان تقلدو ويمكن اكله مع الفطير او بدون
كفتة التمر: سميت كفته لان لها نفس شكل الكفته مع ملاحظة التباين فى التسميه بين منطقه واخرى وطريقه عمله يعجن طحين القمح حتى يفك وبعدين يقطع قدر راحةاليد ويحشى بالتمر يكون ماخدلو غليه تطريه و مسحوب منه الحصى وتقلق الحشوه وتبرم ويحمر بالزيت
كعك الزيت : يعجن طحين القمح بماء التمر بعد غليه جيدا مع شويه هبهان وغرفه ثم يبرم وتعمل منه حلقات ويحمر بالزيت(كان يوزع يوم وليمة ام العروس على المدعوات -حريم الهدم -بعد ان تدفع الموجب تمد منديلا يصرولا فيه ست كعكات ويدوها سجارة برنجى تجى شايلاها للحاج والكعيكات يتوزعن تريمى تريمى على ناس البيت مهما كان الاسره كبيره اوصغيره عشان يشربوبا شاى الصباح
الرقاق باللبن : معروف
الفطير باللبن: معروف
والحياة حلوه يطلع البنبون يمرق القلوق والجبادى تقبضلها كور يا عشى البيت يا قطع الخيت......وهيا بنا

[ابو طارق]

ملحاتك ديل ي ابو طارق ما سمعتبن ولا ضقتهن

شكرا علي التثقيف(الصحي) الغذائي
ناس جوه إبداع
تحياتي
ام فئ سلامات وازيك كتير
الدرشيشى والكربوج حاولت ان افرق بينهم فقط لان الكثير لا يفرق بينهم اما الاخير اى ملاح لايدخل اللحم فى تركيبته فهو بزغولى وعشان كده يدوروا على اى اضافه تديه طعم حتى ولو مكعبات مرقه .كما تعلمين المقصود من كل هذا كيف كان هؤلاء مدبرين وساترين حالهم بالموجود عندهم ليكون لنا فيهم اسوة فى زمان كشف حال كثير من الاسر المستورة حتى تنجلى سنين الهم وعسى ان يكون ذلك قريبا

[ابو طارق]

بزاويه:
ايام كورة الجزائر ومصر بالسودان وما صاحبها من احداث
واحد مصري جاري وما عارف يدخل وين من الخوف،،،دق احد الابواب،،،فتحت ليهو مره كبيره،،،
قاليها خُديني عندك الجزائريين ح يأطعوني،،،
قالت ليهو ادخل إتفضل يا عشاي،،،
عشاء إيه إنت الاخري وقام صوف،،،
كُر علي ي ود امي مصدق إنو السودانيين قع آآآكلو الناس،،،
الله إنشاء الله تآكل الحِمط رمت(الدعوه دي يعني شنو؟؟)
مجتمع الحبوبات لايخلو من المرح والدعابه والظرف والضحك واللعب والونسه حتى تكون لهم اتكاءه ومقيل واستجمام واضعات تحت رؤوسهن طرقه محشوه بهموم الحياة ويتقوين بساعة اللهو المباح لساعات الجد وتستمر الحياه بسيطة هادئه وادعه
الفزوره الحتوته الغلوتيى الغلوبيى اين كان دعونانستجم مع غلوتية الحبوبه

[ودالحوش]

نسجل حضور...ونتمني المزيد

[ابو طارق]

القروش البيدفعها الرجل عند دخوله على حريم المشاط اسمها ( ( الشعقيبة ) :d
ونمشى راس على الغلوتيات او الغلوبيات الفزوره او الحتوته اين كان كدى نشوف حبوبه رقيتون وعطمنو داخراتلنا شنو . ياحبوبه العجوز ام كلاما يجوز ام نخراتا قدر الكوس قولينا غلوبيه عليك الرسول يقلب راسك المقودس دا قايلى مستغفرى الله .الرسول ليهو الطاعه والشفاعه حبيبى يالله تدينى الميتى الهينى والشهادى البينى استغفرتك يا ماك روحى استغفر الله من كل ختيى وزله ومن جميع شيتا حرموالله سمح تعالوا غربو لا جاى
الغلوتيات
كدى شوفونا حل واجوبة الغلوتيات دى وحذرو فزرو وحاولو

1) حبوبتى من جنها شايلى جدى فوق سنها يعنى شنوووو ؟
هاكم دى كمان 2) قالوا فى ولدين واحد يمسح امو والتانى يقمد امو ديل منو ؟....حبوبا انا اقولو سمح قول دا ال.....وال...
3)جدى فى دكانو ياكل فى مصران؟.....و قبلو وحدو
4) الحى جر الميت والميت قعد يعيط يعنى شنو؟..... حكمتو بالغى
5)حبوبتى ام اضلاف وسط الخلا مابتخاف ؟.... شعرت جلدى كلبت يا يمى دبيتا بالا
6) ضهرو العود وبطنو النار وديكا عوعا فى مكوار؟..... يالطيف منو يايمى دا شنو كمان
7) فى شيتا من الله خلقو لاخدر لا شال ورقو؟.....دا دا دا
8)رفرفت ما طارت وفشقت ما بالت ؟....برى منها
9)مابتسبى مابتلبى تطلع من حدر لا دبى بكرى الصيف جناها تربى
اكمل الجواب بكلمه .ماسبت وماشفنا لباها بكر الصيف تربى جناها معروفه ال....تراها
10)التمره بنيت النخله والعسله بنيت النحله .امانى جاتك يا تا فيهن احلى؟
الجواب :تحيد منى وتقع فى السهله ال.....احلى اكمل
11)قمريتين فوق ككر واحد ان غاب التانى حضر
هيــــــــــى نمتو ؟ يآحليلن نوم العافى التفرشوها تنومو وتلبسوها تحومو تصبحو على خير
نلمل اطراف الغلوتيات ونحتفظ بالاجابات فى مداخله لاحقه ان شاء الله

[عبدالحليم العتيقابى]

القراصه ام سمن : حرف قراصة قمح مرشوشا بالسمن والبصل المقطع صغار فى مويه حاره والشمار يمين ريحتا تجيب الطاش


وقاعدين يسموها برضو [COLOR="Magenta"]الدنس أوالمدنسة

ود أخوك عبدالحليم من جيل الوسط:d:d:d

التحية لكم جميعآ

[عصام سرالختم]

حبوبتى من جنها شايلى جدى فوق سنها يعنى شنوووو ؟

الشِعبة



جدى فى دكانو ياكل فى مصران؟.....و قبلو وحدو


الفانوس

ولنا عودة يا ابوطارق

[ابو طارق]

نسجل حضور...ونتمني المزيد

ود الحوش سلامات وازيك كتيريشرفنا الحضور ووافتح دفاترك واتحفنا

[ابو طارق]

القراصه ام سمن : حرف قراصة قمح مرشوشا بالسمن والبصل المقطع صغار فى مويه حاره والشمار يمين ريحتا تجيب الطاش


وقاعدين يسموها برضو [color="magenta"]الدنس أوالمدنسة

ود أخوك عبدالحليم من جيل الوسط:d:d:d

التحية لكم جميعآ
ابن الاخ عبدالحليم لك التحيه وكيفنك تشكرلك الاضافه ويلا ادونا من كلام حبوبات جيل الوسط وراجنك

[ابو طارق]

الشِعبة



الفانوس

ولنا عودة يا ابوطارق
الاستاذ العمدة لك التحيه وانت تتحفنا بهذه الاجوبه التى لاشك هى عين الصواب وان كان هناك ثمة اضافه فان الشعبه تعرف ايضا بالارنيق واعتقد الكلمه نوبيه وتسمى كذلك الامينه وتنصب وسط البيت ومهمتها حمل المرق لتخفيف الثقل عن الحيطان المبنيه من الجالوص اى بيوت الطين وكان يدق فيها مسمار وتعلق فيه سبحة قيرمان(كهرمان)التى تشع نورا فى الظلام وينتبه الداخل الى البيت حتى لا يصتدم بها
اما الفانوس فما زال له اهميه خاصة فى الاماكن التى لم يصلها التيارالكهربائى وفى حالة انقطاعه كذلك

[ابو طارق]

حتى لاننسى حبوباتنا وفصاحتن وماضيهن الممتد الى الحاضر بكامل النكهه والرونق وكما قلتم كلام من التيلاد والتليد لايبلى ولايعفى عليه الدهر وحتى نعود بصرونا ونورونا بمانعى هاتين الكلمتين
الولد المبطر
الولد الخمجان
هل يتفقان ام يختلفان فى المعنى ..........ولكم التحيه

[عصام سرالختم]

الولد المبطر
الولد الخمجان


الحبيب ابو طارق
اولا بالتبادى حل باقى الغلوتيات القديمة .. غلبتنا تب :d :d

الولد المبطر ؛ المدلع ( يلبس الشِدة والناس لابسين الباتا ... يلبس الرده والبنطلون والناس لابسين العراريق والسراويل ام دِكه :d )
الولد الخمجان : البييخمج فى الطين وفى الموية وفى الاكل .. يجيك هدومو وسخانة وملخبِت كرعيهو بالطين والموية .. يدينو سايلات ... ونخرينو مليانات كدوب :d
او الولد البيخمج القروش ويبعزقه فى الفارقة والمليانة ..

[ابو طارق]

الحبيب ابو طارق
اولا بالتبادى حل باقى الغلوتيات القديمة .. غلبتنا تب :d :d

الولد المبطر ؛ المدلع ( يلبس الشِدة والناس لابسين الباتا ... يلبس الرده والبنطلون والناس لابسين العراريق والسراويل ام دِكه :d )
الولد الخمجان : البييخمج فى الطين وفى الموية وفى الاكل .. يجيك هدومو وسخانة وملخبِت كرعيهو بالطين والموية .. يدينو سايلات ... ونخرينو مليانات كدوب :d
او الولد البيخمج القروش ويبعزقه فى الفارقة والمليانة ..
استاذنا العمده عصام سلامات والقومه ليك
تعازينا فى الاخ حميد ومادامت الاحزان ونسال الله ان يتغمده بواسع الرحمه والمغفره ويلهم الجميع الصبر الجميل
نرجع لحبوباتنا واماتنا وقولن النجيض واقول اوفيت وكفيت وماعندى زيادى و يتضح من تعريف الخمجان نفى الخمج عنهن وفعلهن وممتلكاتهن زى لبست توبى المو خمجان وسويت ملاحى الموخمج والعمره الموخمج......الخ وعليه كانت التربيه المو تربات خمج بكل ماتحمله كلمة خمج من معنى
اما الغلوتيات ماظنها تقسى عليك وعسى ولعل يتداخل احد بمحاوله ...تحياتى وراجع

[ابو طارق]

9)مابتسبى مابتلبى تطلع من حدر لا دبى بكرى الصيف جناها تربى
اكمل الجواب بكلمه .ماسبت وماشفنا لباها بكر الصيف تربى جناها معروفه ال....تراها
10)التمره بنيت النخله والعسله بنيت النحله .امانى جاتك يا تا فيهن احلى؟
الجواب :تحيد منى وتقع فى السهله ال.....احلى اكمل
11)قمريتين فوق ككر واحد ان غاب التانى حضر
العمده عصام...... صباح الانوار
الغلوتيتين رقم9و10منسوبه الى شاعر الشايقيه الفحل حسونه(المعلومه تحتاج الى توثيق)وجرت على السنة الاجداد والحبوبات فى سمرن وحجاهن
مابتسبى والسبا مقدمات الولاده فى الحيوانات الثديه ويستمر لعدة ايام ثم تاتى مرحلة الكسر (يفتح الرحم ويبدا خروج الماء الحامى للجنين ) وهذه بداية الطلق و طيلة الفتره من السبا حتى الطلق يوضع الحيوان تحت المراقبه ويهيا له الجو الهادى خاصة الابقار والنوق والحمير حتى لا تزعب ساعة الولادة وتنهض ويسقط الجنين ويتكسر
بعد الوضوع بسلام اول لبن يرضعه الجنين هو اللبأ او السرسوب (اللبى)مابتلبى ما عندها لبى اى لا ترضع ويكون حل الغلوتيه:
ماسبت وما شفنا لباها بكرى الصيف تربى جناها معروفه الجدادى تراها
اما الغلوتيه رقم 10يتساءل ايهما احلى عسل النحل ام التمر ؟
شوف اللباقه والذهن الحاضر وجمال الرد:تحيد منى وتقع فى السهله العافى احلى
ياسلام العافى احلى والحكمه تقول الصحه تاج على راس الاصحاء ولاقدر الله شوف العلل المانعه للتمتع بكثير مما احله الله حتى و لوكانت علة عابره من نزله وزكام وحمى لاتشوف حلاوه لا فى تمر ولا فى عسل متعكم الله بالصحه وباعد عنكم علل وامراض العصر(بينكم وبينن جبل حد من المشرق للمغرب ينسد) اللهم آميـــــــــن
العافى احلى ومصداقا لذلك قول ابو الطيب المتنبى:
قد تنكر العين ضوء الشمس من رمد* *وينكر الفم طعم الماء من سقم رقم 11 اضافة جديده بعد التعديل بسبب الترقيم لتسهيل الاجابه قمريتين فوق..... ككر ......المقصود الشمس والقمرصباحكم طيب ونواصل

[ابو طارق]

اسع اعرفوا الكلمات دى
الللس
القادوس
الكبد
الكشر
الجر
التبان
ام وعد تحياتى
تمت الاجابه تقريبا على معظم الكلمات فقط توضيح بسيط والذى يمكن ان ياتى بايضاح اكثر من احد المتداخلين .
الللس : ويقال ايضا الالس والجمع أُلسه وهو حبل غليظ يفتل من الكرسع (جريد النخل الصغار)او من الحلفه المعفن ومدقوق وتربط عليه القواديس عل ابعاد متساويه
الكبد :باب يصنع من خشب السنط او الحراز ولا يستخدم الطلح لسرعه اصابته بالسوس
القادوس :قله فخاريه صغيره وتربط على الالس بطريقه معينه مهمتها حمل الماء من اسفل الى اعلا لتصب فى السندقيقه(حوض يصنع من جذوع الاشجار المنحوته ومع تقدم الزمن صار يصنع من الحديد)ومن ثم الى الفازقيى وهى بداية جدول الساقى

[ابو طارق]

لازع الكلام

يا ولد قوم من هني تقوم قبل النبي
يابت انسلي يسل رقبتك
تعال هني تجيك الجاتني في ابوي
النايملها شنو نومة اهل القبب
امرقي مروق الدخان
يا يابا كدي يهردك اللا نام و لا اكل الطعام
الليلي بي يركة من صلي وقال يا الله تتكعوج عليك شقيش ما تقبل
ماني عافالك لبن شطري
اضافة:
تعالى تجيك عقرب السموم
ترقدى فى الترب /ترقدى فى سيدى محجوب /ترقد فى حمد وخوجلى ....الخ
كفى احشى ينقرضلك
تورتى نفسى و نشفتى ريقى خليتى دقيق الله ينشف ريقك
الله يحنضلا عليك
تشربى اليقطع بطونك

[ابو طارق]

ونمشى راس على الغلوتيات او الغلوبيات الفزوره او الحتوته اين كان كدى نشوف حبوبه رقيتون وعطمنو داخراتلنا شنو . ياحبوبه العجوز ام كلاما يجوز ام نخراتا قدر الكوس قولينا غلوبيه عليك الرسول يقلب راسك المقودس دا قايلى مستغفرى الله .الرسول ليهو الطاعه والشفاعه حبيبى يالله تدينى الميتى الهينى والشهادى البينى استغفرتك يا ماك روحى استغفر الله من كل ختيى وزله ومن جميع شيتا حرموالله سمح تعالوا غربو لا جاى
الغلوتيات
كدى شوفونا حل واجوبة الغلوتيات دى وحذرو فزرو وحاولو

1) حبوبتى من جنها شايلى جدى فوق سنها يعنى شنوووو ؟
هاكم دى كمان 2) قالوا فى ولدين واحد يمسح امو والتانى يقمد امو ديل منو ؟....حبوبا انا اقولو سمح قول دا ال.....وال...
3)جدى فى دكانو ياكل فى مصران؟.....و قبلو وحدو
4) الحى جر الميت والميت قعد يعيط يعنى شنو؟..... حكمتو بالغى
5)حبوبتى ام اضلاف وسط الخلا مابتخاف ؟.... شعرت جلدى كلبت يا يمى دبيتا بالا
6) ضهرو العود وبطنو النار وديكا عوعا فى مكوار؟..... يالطيف منو يايمى دا شنو كمان
7) فى شيتا من الله خلقو لاخدر لا شال ورقو؟.....دا دا دا
8)رفرفت ما طارت وفشقت ما بالت ؟....برى منها
9)مابتسبى مابتلبى تطلع من حدر لا دبى بكرى الصيف جناها تربى
اكمل الجواب بكلمه .ماسبت وماشفنا لباها بكر الصيف تربى جناها معروفه ال....تراها
10)التمره بنيت النخله والعسله بنيت النحله .امانى جاتك يا تا فيهن احلى؟
الجواب :تحيد منى وتقع فى السهله ال.....احلى اكمل
11)قمريتين فوق ككر واحد ان غاب التانى حضر
هيــــــــــى نمتو ؟ يآحليلن نوم العافى التفرشوها تنومو وتلبسوها تحومو تصبحو على خير
نلمل اطراف الغلوتيات ونحتفظ بالاجابات فى مداخله لاحقه ان شاء الله


نكمل ما تبقى من حل الغلوتيات وبعدين نشوف ناس رقيتون عندهم شنو تانى
نمره1و3 تمتت الاجابه عليها وكذلك 10/9و11
رقم 2 : قالو فى ولدين واحد يمسح امو والتانى يقمد امو ديل منو؟المقصود المسديق هو من يمسح امو ويد الفندك يقمد امو
4:الحى جر الميت والميت قنب يعيط والمقصود التور والساقى
5:المقصوده .........الضبعه
6:البندق ابوعشره(صناعه بلديه)
7:فى شيتا من الله خلقو لاخدر ولا شفنا ورقو ودا.......... الملح
8:الكرقه او الراكوبه

[ابو طارق]

الامثال والحكم عند الحبوبات


والله دى ياها حكايت تخلف تنكر(خالف تذكر)تقال للاشتر المخالف فى كل شى

يوصو فيها وتصفر للغاويها عندما تمنع عن فعل شى معين وتعود وترجع لنفس الفعله

ضربنى بكى وصبقنى اشتكا

يقولو تيس يقول احلبو

الجاتك فى مالك سامحتك جنا تعرفو ولاجنا ماتعرفو...........ونسمع منكم

[ابو طارق]

الاخوة المتداخلين
سعدت بمشاركاتكم

نسمع كثرا عندنا نحن مجتمع الرجال من يقول لاى كلام او حديث لا يعجبه ( ده كلام نسوان ساكت )خاصة في مجتمعنا السودانى ونعنى بذلك انه كلام بلا معنى ولا يمكن ان يؤخد به ونعتبر الرجال هم الصادقين وهم الذين يوفون بعهدهم ويلتزمون بكلامهم .. ذلك على الرغم مما حققته المراة من نجاح سواء اكان في مجال العلم ام العمل الا ان كتيرين لايزالون يؤمنون بعبارة "كلام نسوان" مؤكدين من خلالها ان المراة اقل من الرجل حتى في صدقها ووعودها وان كنا نردد هده العبارة احيانا في اطار من الهزل وعدم الجدية ..
لماذا نصرعلى الصاق المصداقية على كلام الرجال ونضع كلام النساء في دائرة الشبهات
هل النساء يتحدثن اكثر من الرجال ؟؟
هل النساء يتحدثن على سليقتهن ؟؟
هل المرأة تطلق لنفسها العنان فى الحديث وتسهب دون التفكبر فى قولها او حديثها ومراجعته قبل النطق به ؟؟
ام نحن نظلم النساء !!!!!
رقيتون وعطمنو وكلكن بيعافتكن نعلكن طيبات
وعقيباتكن طيبين ان شاءالله
جريتكن جبتكن بعد ما هكرو عربيتكن
فى الرصيف الخامس
انا مشتاق دوم ليكن وذاكر مانى ناسكن
وسمحى اشعار بس فيكن
وياحليلكن صباحات خير سلامنا كتير
ودعناكن الله وباكر مع شوفت العين بجيكن
اماااااانى يا حبوبه رقيتون مان مغرود فى حكمك
وموجوع من جور الزمان. نتموا باكر مع السلامه

[ابو طارق]

الاخوة المتداخلين
سعدت بمشاركاتكم

نسمع كثرا عندنا نحن مجتمع الرجال من يقول لاى كلام او حديث لا يعجبه ( ده كلام نسوان ساكت )خاصة في مجتمعنا السودانى ونعنى بذلك انه كلام بلا معنى ولا يمكن ان يؤخد به ونعتبر الرجال هم الصادقين وهم الذين يوفون بعهدهم ويلتزمون بكلامهم .. ذلك على الرغم مما حققته المراة من نجاح سواء اكان في مجال العلم ام العمل الا ان كتيرين لايزالون يؤمنون بعبارة "كلام نسوان" مؤكدين من خلالها ان المراة اقل من الرجل حتى في صدقها ووعودها وان كنا نردد هده العبارة احيانا في اطار من الهزل وعدم الجدية ..
لماذا نصرعلى الصاق المصداقية على كلام الرجال ونضع كلام النساء في دائرة الشبهات
هل النساء يتحدثن اكثر من الرجال ؟؟
هل النساء يتحدثن على سليقتهن ؟؟
هل المرأة تطلق لنفسها العنان فى الحديث وتسهب دون التفكبر فى قولها او حديثها ومراجعته قبل النطق به ؟؟
ام نحن نظلم النساء !!!!!
سلام لعمدتنا عصام وعساك تمام وامينا العام كمان
ظلم ممتد عبر الزمان ومن صوره ان فرض عليهن الاقامه الجبريه فى مساحة البيت
وكبلهن بقيود الفكاك منها ربما يؤدى الى مالاتحمد عقباه من طلاق وخراب بيوت مثلا
وحتى المشاركه بالراى فى حدود البيت لها خطوط حمراء لايسمح لها بتجاوزها واذا كان الامر كذلك فان كلام نسوان يقصد به لا يتعدى عتبة البيت ولا تاثير له فى المجتمع
وهل هذا صحيح والاجابه طبعا لا وبكل تاكيد بل ان للمرأة دور فى الحياة يتناسب مع طبيعتها التى خلقها الله عليها وفرضت عليها حقوق وواجبات كما للرجال مع الاحتفاظ بخصوصية محدوده لكل جنس وكلما ارتقت المجتمعات وسمت حفظت لها كينونتها وحقوقها والعكس صحيح عندما ينحط المجتمع وتسوده الجاهليه وقد نرى ذلك بوضوح فى المجتمع العربى قبل الاسلام وكيف كان ينظر للمراه بعين المهانة والاحتقار ،وعلى سبيل المثال لا الحصر نجد ان المراة العربيه تمتاز بالفصاحة والبلاغه كما الرجل لكن لم نرى قصيدة لشاعره عربيه واحده من المعلقات السبع التى حواها جوف الكعبة آنذاك رغم فحولتهن فى الشعر وان جاز التعبير ونباهتهن وفصاحتهن بجانب ذلك كانت النظره التشائميه التى اوصلتها الى الواد خوفا من ان تجلب عار او تجر فضيحه وما كان سائد فى جزيره العرب لا يقل عما كان فى اوربا ابان العصور المظلمه والحضارات القديمه الشرقية منها والغربيه حتى ان التطور المادى المجرد من القيم والمثل السماويه اذلها وامتهن كرامتها تحت مظلة الحريه وحقوق المراه وهذا مانره اليوم فى المجتمعات الغربيه ومن على شاكلتها........نعود ونواصل

[ابو طارق]

ثم جاء الاسلام وكفل للمراه حقوقها كاملة من غير نقصان ولا اجحاف
مجملة ومفصلة فى الكتاب والسنه وابان واجبات الزوجيه والشراكه والزم
كل من الشريكين بحقوق وواجبات بعدل وميزان كى لا يطغى احدهما على
الاخر ولم يبخسها احد حقها فى اوج عظمه الحضاره الاسلاميه و قد كانت لها
اسهامات فاعله لا حصر لها على امتداد التاريخ الاسلامى ولكن عندما بدا
الناس يبتعدون عن الاسلام شيئا فشيئا ظهر الاجحاف والتسفيف والظلم
وكان نصيب النساء من ذلك اوفر بحكم انها الحلقه الاضعف والحيطه
القصيره.
كما اسلفنا منح الاسلام المراه الحريه والحركه فى المجتمع حتى لا تكون
عالة عليه وفق اسس وضوابط شرعيه ملزمة لها منعا للتفريط والافرط
واعطاها حق ابداء الراى والمشاركه فى كل امر جلل يتوقف عليه صالح
الاسلام المسلمين ومن امثلة ذلك:
المشوره: فقد شاور رسول الله صلى الله احد زوجاته يوم الحديبيه
عندما تمسك الصحابه بعدم الرجوع والتحلل واشارت عليه ان يتحلل
وعندما راي اصحابه ذلك تحللوا ورجعوا وكان ذلك مقدمات الفتح المبين
اى فتح مكه....كلام نسوان (1)
الاجتهاد:اول مجتهد فى الاسلام كانت ام الورى خديجة الكبري بنت خويلد
عندما اتى اليها صلى الله عليه وسلم خائفا يتصبب عرقا عند بداية الوحى
فطمأنته وقالت والله لا يخزيك الله ابدا وذلك لما رراته من جميل
طباعه وحسن سيرته وسلوكه....كلام نسوان (2)
البيعه:بايعهن صلى الله عليه وسلم كما بينت ذلك الايات القرآنيه
ومادار بينه وبين هند بنت عتبه ساعة البيعه....كلام نسوان(3)
حراسة الثغور:تولت النساء حراسة المدينة يوم احد وابلين بلاء
حسنا...كلام نسوان (4)
المشاركه فى القتال:كان رسول الله يصطحب احد نسائه معه فى
معظم غزواته ان لم يكن جلها وشاركت كثير من الصحابيات
فى الجهاد وتولين جانب السقى والتمريض واعداد النبال وشحذ
السيوف والهمم وحمين ظهور الغزاة خاصة يوم احد...كلام نسوان(5)
الاستشهاد:شاركت نسيبه بنت كهب فى حروب الرده واستشهدت يوم
اليمامه عن عمر تجاوز السبعين....كلام نسوان(6)
اخذ كثير من العلماء الفقه من امهات المؤمنين وخاصة
السيده عائشه رضى الله عنها وارضاها.....كلام نسوان(7)
تخريمه للفائده حديث خذوا نصف دينكم عن هذه الحميراء
قيل انه ضعيف
واخيرا اخطأ عمر واصابت امراة.....كلام نسوان(8)
والامثله لاتحصى ولا يسع المجال لحصرها
وقال العطا ورا كل راجل عظيم مرا
هذا وبالله التوفيق والسداد