ياجماعة أنا مريخاااااااااااااااااابى [الأرشيف]

مشاهدة النسخة كاملة : ياجماعة أنا مريخاااااااااااااااااابى

فائز عوض الكريم

07-10-2008, 06:35 PM

لهلال يخسر أمام الترجي التونسي برباعية .. وخريبكة تستقبل المريخ بالورود

خسر الهلال تجربته الودية الأخيرة بتونس أمام الترجي بأربعة أهداف مقابل هدف في اللقاء الذي جمع الفريقين بملعب الترجي، انتهى الشوط الأول بتعادل الفريقين بهدف لكل، بكر الترجي بإحراز الهدف الاول عن طريق نوفل اليوسفي في الدقيقة 25، وأدرك هيثم مصطفى التعادل للهلال في الدقيقة 32.. وفي الشوط الثاني أضاف الترجي ثلاثة أهداف عن طريق اليوسفي نفسه من ركلة جزاء في الدقيقة 14 ارتبكها المعز وأحرز رياضي الهدف الثالث للترجي من ركلة جزاء أيضاً ارتكبها روي قلواك في الدقيقة 28 واختتم أهداف أصحاب الأرض زين العابدين في الدقيقة 35 وشهدت المباراة طرد علاء الدين يوسف في الدقيقة 44 وشارك بدلاً عنه سيف مساوي بعد أن اتفق المدربان على إشراك لاعب بديل حال طرد أي من اللاعبين.
اللهم لاشماتة ولا حسد على طيش مجموعات الاندية .

انس البدوي بابكر

07-10-2008, 09:06 PM

عادل حمد

07-10-2008, 11:01 PM

اخى فائز لك التحايا العطرة ومنور البركل
مالك هابشنا ذى ما قالك دكتور انس دى مبارة وديه والهلال بالصف التانى
الله يستر عليكم من خريبكه وخربانه ام بنايا قش
لك كل ودى

فائز عوض الكريم

07-11-2008, 04:53 AM

الخبر ده انا نقلته من حبيبتى صحيفة الصدى ومن شدة الفرحة نسيت ان اشير الى كاتب النص الاصلى حفاظا منى على الحق الادبى لهم ولكم العتبى وهى محاولة منى لكى الفت نظر الادارة الى اهمية وجود المنتدى الرياضى وخلونا نرتاح شوية من الشمارات .

عمر مجذوب خطيب

07-11-2008, 05:22 AM

هلال الملايين - حا يظهر ويبين يا شامتين
هلالابي سابق

فائز عوض الكريم

07-11-2008, 05:27 AM

هلال الملايين - حا يظهر ويبين يا شامتين
هلالابي سابق مريخابى حاليا .

عوض جلاس

07-12-2008, 04:33 PM

الظاهر إنو الأخ فايز يكره الهلال أكتر من حبو للمريخ
لأنو متابع أخبار الهلال الانهزم من الترجي 4/1 بالصف الثاني
وما متابع إنو المريخ قبلها بيوم انهزم من الأفريقي 3/صفر بالصف الأول
مع إنو غاب من الأفريقي 7 لاعبين من أعمدته
وبرضو مريخابي ؟؟؟؟؟؟؟؟؟؟؟؟؟؟؟

فائز عوض الكريم

07-12-2008, 08:23 PM

24 ساعة
* 24 ساعة فقط تفصلنا عن موعد اللقاء الناري الذي سيجمع مريخ السودان مع مستضيفه خريبكة المغربي.

* كل معينات النجاح توافرت للفرقة الحمراء التي خضعت لمعسكر إعداد نموذجي في تونس.. وحلت في فندقين فخمين بتونس والمغرب وخاضت مباراتين أمام اثنين من أقوى الأندية التونسية واستفادت من خدمات مدرب أحمال بدنية تم استقدامه من ألمانيا خصيصاً لتجهيز رفاق العجب لياقياً.. وحضر معه مسئول علاج طبيعي متمكن (جار النبي) من الإمارات للمساهمة في علاج اللاعبين وتجهيز عضلاتهم للملحمة الكبيرة!

* ماذا تبقى إذن سوى أن يحافظ اللاعبون على سجلهم الخالي من الهزيمة في الكونفدرالية ويعززوه بنتيجة إيجابية تسهل المهمة في لقاء الإياب بالرد كاسل؟

* المقدمات تبرر النتائج.. ومستوى التحضير المتميز الذي خضع له فريق المريخ خلال الأيام الماضية يجعلنا متفائلين بقدرته على تحقيق نتيجة طيبة في المغرب بعون الله.

* بإذن الله.. جنود الملك والسلطان قادرون على اجتياز الامتحان.
نقلا من حبيبتى الصدى للاخ مزمل ابو القاسم .
طبعا الهلال راجع للبلد ايد ورا وايد قدام ( يتبختر ) فوق ال4 يا ربى ناس د. انس وعوض وبقية الهلالاب حايستقبلوهم كيف ؟
اللهم لاشماااااااااااااااااااااااااااااااااااااااااااااا اااااااااااااااااااااااااااااااااااااااااتة .

عوض جلاس

07-12-2008, 08:47 PM

طبعا الهلال راجع للبلد ايد ورا وايد قدام ( يتبختر ) فوق ال4 يا ربى ناس د. انس وعوض وبقية الهلالاب حايستقبلوهم كيف ؟
اللهم لاشماااااااااااااااااااااااااااااااااااااااااااااا اااااااااااااااااااااااااااااااااااااااااتة .

حنستقبل هلال الملايين وسيد البلد وزعيمها يا شماته
بس ما زي ما استقبلكم الأفريقي بالتلاتة حلاتة
وإن شاء الله خريبكة يزيد الوجع للنوبة والفلاتة

فائز عوض الكريم

07-12-2008, 09:00 PM

غايتو انت الهلالابى الوحيد لسانك طويل فى زمن اصيب الهلالاب بالسكته الترجية ( وين الباقين )

السر عثمان الطيب

07-13-2008, 06:07 AM

سلام يا أخونا فائز ..
من زمان ماسك خشمي وساكت .. ما دايرين نثير النعرات الرياضية ... تقوم يا فائز يا اخوي تشمت علينا بسبب مباراة ودية ؟؟؟ وكمان تقول الباقين وينن ؟؟
أها عاد .. أنا واحد من الباقين ..لكن بالمناسبة نحن ما زيكم .. يعني لما ينهزم المريخ من برة ماب نشمت عليكم .. ولما يفوز بنهنيكم ونفرح معاكم .
لما المريخ فاز بكاس مانديلا أنا كتبت ونشرت المقاطع التالية :

مريخنا الأسطورة
بمناسبة فوز المريخ بكأس نيلسون مانديلا

يا النجمة الساطعة وضوّاية
حققتي الأمنية والغايــــــــــة
**
بي عزم القرشي وترهــــاقا
مرفوعة بنودك خفاقـــــــــة
**
أفريقيا تصفق مبهـــــــــورة
للفن الراقـــــــــــــي وللكورة
مبروك .. مريخنا الأسطورة
إنجازك عمّ المعمـــــــــــورة
**
بي كاسات نيلسون مانديــــلا
فجر الأفـــــراح يا دوب هلَّ
**
يوم عرس النصـر السوداني
أنوارك تزحـــــــــــم أركاني
الفرحة تهدهــــــــــد وجداني
أعزف لك أروع ألحانــــــي
****
قف !
طبعاً إنتو مهضربين يا المريخاب لأنكم ليكم خمسة سنوات وكاس الممتاز يبقالكم حنضل .
ولما فزنا بالتوالي الخامس وقلعنا كاسو منكم وفي إستادكم ، قلت :

التوالي الخامس
الخميس 29/11/2007م

نحن ، نحن الزُّعما .. والبلـــــــــــد أسيادا
نحن عز تاريخا .. فخرها وأمجـــــــــــــادا
جبنا إستقــــــــــــــلالا ،،،، وكنا نحن القادة
هلَّ لينا هلالا ... بالتـــــــــــــوالي الخامس
**
التوالـــــــــــي الخامس ..شلنا من استادكم
جبنا - عنوة - حصادنا .. إنتو وينو حصادكم ؟
نحن بي "أربابنــــا" .. أمشوا لي "شدّادكم"
ياهو سبب النكســـــــة ... واتحادو كوارث
**
الخميس دا خميسنا ..... فيهو كان انجازنا
فيهو خامس مرة .... بان ظهر إعجـــــازنا
بامتياز وتفوق .......... شلنا كاس ممتازنا
بي فنوننا فتحنا .......... جامعات ومدارس
**
التوالي الخامس .......... نصرو يوم العزة
(بالشريف) .. بي (رُوينا)، (بالمعز) نعتـــزَّ
شفنا يوم الحارة ... ما شــــرد .. ما فـــــــزَّ
حامي ديمة عرينو .... لا ملص ، لا اهتــــَّز
الهلال يتباهـــــــى .... عندو أحسن حارس
**
كالطوابي دفاعنــــــــا ...... إرتكازو منظَّم
(ود بخيت) دا معلّم .... منّو نــــــاس تتعلم
يا سلام على (داريو) .... بالجسارة اتحزم
يا (علاء) الصامد ... لينا تسلم ..... تسلم
الأسد ود جاستن ... صخرة ماب تتحطــــم
ماب يمر (بلدوزر)،(ركشة)كان أو(هايـس)
**
شوف (كرنقو) وجنُّو ... تاني عاد تاريخـو
زي حكاية (الحضري) ... إنطلق صاروخو
(باتريوت) ، (سام ستة) .. في شباك مريخو
الجماعة اتخلعو ........... لما جاهم كابِس
**
(البرنس) القائد ......... صِحْ أمير الكورة
سيدا ... خاتم فوقا ... بصمتـــــــو الممهورة
سيرتو بي أخلاقو ........ في البلد مخبورة
يا حلات تمريرتو ..... متقنة ،، ومشهــورة
الكفـــــــــــر ينصاع له .... لما ليهــو يلامس
**
(المهنـــــــــــــد) سيفنا .... و(سيفنا) سليناهو
بي (فييرا) و (يوسف)... فوزنا أكدناهـــــــو
الوصيف في دارو .... صُلْــنا .. جهجهناهـــــو
ما نفع (باولينو)........ لا شفع (إيداهـــــــو)
يا (أليجا) وداعاً ..... تاني عاد شن حــــارس؟
**
الثنائي المرعب ...... زي أسود الغابـــــــــة
ديل (كلتشي) و( قودويـن) .. الشِّباك أحبابا
أيِّ هبشة وشوتـــــة .... مية مية إصابـــــــة
(شيخ ريكاردو) الداهيــة .... النصيحة الجابا
قال لهم : دي بروفــــــة ... للتوالي السادس

المرهف

07-13-2008, 06:38 AM

سلام يا أخونا فائز ..

التوالي الخامس
الخميس 29/11/2007م

نحن ، نحن الزُّعما .. والبلـــــــــــد أسيادا
نحن عز تاريخا .. فخرها وأمجـــــــــــــادا
جبنا إستقــــــــــــــلالا ،،،، وكنا نحن القادة
هلَّ لينا هلالا ... بالتـــــــــــــوالي الخامس
**
التوالـــــــــــي الخامس ..شلنا من استادكم
جبنا - عنوة - حصادنا .. إنتو وينو حصادكم ؟
نحن بي "أربابنــــا" .. أمشوا لي "شدّادكم"
ياهو سبب النكســـــــة ... واتحادو كوارث
**
الخميس دا خميسنا ..... فيهو كان انجازنا
فيهو خامس مرة .... بان ظهر إعجـــــازنا
بامتياز وتفوق .......... شلنا كاس ممتازنا
بي فنوننا فتحنا .......... جامعات ومدارس
**
التوالي الخامس .......... نصرو يوم العزة
(بالشريف) .. بي (رُوينا)، (بالمعز) نعتـــزَّ
شفنا يوم الحارة ... ما شــــرد .. ما فـــــــزَّ
حامي ديمة عرينو .... لا ملص ، لا اهتــــَّز
الهلال يتباهـــــــى .... عندو أحسن حارس
**
كالطوابي دفاعنــــــــا ...... إرتكازو منظَّم
(ود بخيت) دا معلّم .... منّو نــــــاس تتعلم
يا سلام على (داريو) .... بالجسارة اتحزم
يا (علاء) الصامد ... لينا تسلم ..... تسلم
الأسد ود جاستن ... صخرة ماب تتحطــــم
ماب يمر (بلدوزر)،(ركشة)كان أو(هايـس)
**
شوف (كرنقو) وجنُّو ... تاني عاد تاريخـو
زي حكاية (الحضري) ... إنطلق صاروخو
(باتريوت) ، (سام ستة) .. في شباك مريخو
الجماعة اتخلعو ........... لما جاهم كابِس
**
(البرنس) القائد ......... صِحْ أمير الكورة
سيدا ... خاتم فوقا ... بصمتـــــــو الممهورة
سيرتو بي أخلاقو ........ في البلد مخبورة
يا حلات تمريرتو ..... متقنة ،، ومشهــورة
الكفـــــــــــر ينصاع له .... لما ليهــو يلامس
**
(المهنـــــــــــــد) سيفنا .... و(سيفنا) سليناهو
بي (فييرا) و (يوسف)... فوزنا أكدناهـــــــو
الوصيف في دارو .... صُلْــنا .. جهجهناهـــــو
ما نفع (باولينو)........ لا شفع (إيداهـــــــو)
يا (أليجا) وداعاً ..... تاني عاد شن حــــارس؟
**
الثنائي المرعب ...... زي أسود الغابـــــــــة
ديل (كلتشي) و( قودويـن) .. الشِّباك أحبابا
أيِّ هبشة وشوتـــــة .... مية مية إصابـــــــة
(شيخ ريكاردو) الداهيــة .... النصيحة الجابا
قال لهم : دي بروفــــــة ... للتوالي السادس

الأخ العزيز السر عثمان الطيب .
قصيدة أجمل من الجمال ...ديل يا فايز الهلالاب وأسياد البلد والكلام والشعر ..
يافايز هريتنا بي كلامك المنقول ،ومعلوماتك غير الصحيحة ..
لكن أقول ليك حاجة دة حقد طبقي يا خوي ..
ويكفينا فخراً إني أستاذ السر عثمان الطيب هلالابي وكفا ...

عوض جلاس

07-13-2008, 07:24 AM

غايتو انت الهلالابى الوحيد لسانك طويل فى زمن اصيب الهلالاب بالسكته الترجية ( وين الباقين )

أنا لساني ما طويل لكن الحقيقة مرة ودايماً توجعكم رغم إنكم تحاولوا نسيان الحقائق المرة وتذكر الفتات الحلو الذي أكل عليه الدهر وشرب وتذكر إنجازاتكم التي بادت .
أما الباقين فقد ظهر كوكب لا أظن إنكم تحلموا بوجود واحد مثله وهو الأستاذ السر عثمان الطيب وهو يكفينا فخراً انتماءه للهلال العظيم ..
ولو عندكم اتنين في المنتدى زي الأستاذ السر والأستاذ خالد الباشا فكلنا سنكون معكم مريريخاب ولكن يا حسرة عليكم ....
وهذا البوست الذي زعقت فيه بطووووووووول لسانك إنك مريريخابي لم يظهر أحد فيه غير أمة الهلال العظيم لتعرف قدركم ومقداركم يا ( شويييييييييين )
ولا مش كدة يا أستاذ خالد الباشا ؟؟؟؟

عوض جلاس

07-13-2008, 07:53 AM

الله يخلي ليكم مزمل أبو القاسم يا مريريخاب وحبيبتكم ( الصدأ ) أقصد الصدى

http://www.a7bk-a-up.com/pic/84Z81731.jpg

http://www.a7bk-a-up.com/pic/qeK87297.jpg

http://up.g4z4.com/uploads/8cef8bf863.gif

http://img406.imageshack.us/img406/2801/b7414f608ehs0.jpg

تصريح مهند الطاهر الذي قال فيه: (لم يفاوضني أحد ولم يجلس معي أحد حتى الآن) غير دقيق!
* الصحيح أن يقول: لم يفاوضني أحد ولم يجلس معي أحد (من الهلال) حتى الآن!

* آخر خبر: حسن محجوب اقترح على الوالي إقناع لابورتا بإعارة البرتغالي (ديكو) للمريخ كي يساعده على الظفر بموقعة (ذات الدجاج)!

* الدجاج داخل القفص على مسئولية صائده!
* آخر خبر: طازج الدجاج.. من القفص للصاج!

يا مأمون غلط.. بيان المجلس لن يشغلنا عن دجاج كنتاكي اللذيذ!
أمس أكدت صحيفة الاتحاد الإماراتية خبر اتفاق الزمالك مع ريكاردو لتولي تدريبه في يونيو الحالي!
* أول دجاجة برازيلية باتت على مشارف الهرب من القفص الأزرق.. وسيتم اصطيادها بواسطة الزمالك!
* هجرة عصافير الخريف في موسم الشوق الحلو!
* البقية تأتي.. الحي الله والدايم الله!

لا تباغض ولا تهاتر يا أرباب.. ألست أنت من ظل يطالب بتمكين اللاعبين من تحسين أوضاعهم بتنافس الأندية على تسجيلهم خلال مواسم الانتقالات؟
* الأرباب ظل يجاهر بضرورة فسح الطريق أمام الأندية للتنافس على اللاعبين لتحسين أوضاعهم المادية!
* وظل يرفض أي اتفاقية جنتلمان تجنبه هو وعديله شرور مضاعفة الصرف على التسجيلات!
* فما الذي دفعه لتغيير مواقفه حالياً؟
* اللاعبون في السوق.. والمريخ يرغب في خدماتهم ويملك المال الكافي لشرائهم.. والشيء الوحيد الذي سيمنعه من بلوغ غايته هو المبادرة بإعادة قيدهم في الهلال في يونيو الحالي!

( طبعاً دي تصريحات ولدكم الفاهم مزمل أبو القاسم وحلم الجعان عيش في ضم رباعي الهلال أو كما أسماه الدجاج للمريخ ..)

وضاع الحلم يا ولدي والدجاج راااااااااااااااااااااااااح

.

سموءل

07-13-2008, 08:35 AM

الأخ فائز
أنا من المؤيدين لإضافة المنتدى الرياضى الى موقع البركل الرائع حتى تكتمل الصورة الزاهية والرائعة للموقع .
أما عن موضوع هزيمة الهلال من الترجى ،أولاَ يجب أن تعلم عندما تحاول أن تشمت على أبو الهل فيجب أن يكون ذلك فى مباراة رسمية . ثانياَ الهلا لعب الشوط الأول بتشكيلته الأساسية وإنتهى هذا الشوط بالتعادل الإيجابى بهدف ، ولأننا نملك مدرب ينظر الى الأمام فأختار أن يدفع بلاعبى الصف الثانى حتى يدخلهم بفورمة المباريات الكبيرة .
ثالثاَ إذا كنت تتحدث عن هزائم المباريات الودية فأنتم حدث ولا حرج .. هزمتم أمام الأفريقى قبل هذه المباراة 3/0 على الرغم من أن الأفريقى يلعب بالصف الثانى . ولا تنسى هزيمة المريخ العام السابق داخل قلعته من أسيك العاجى .. ولأن الهلال يعتبر حامل لواء الكرة السودانيه والمدافع عن سمعتها أخذ لكم بثأركم من هذا الأسيك ..
عموماَ لا نحب أن نخوض فى هذا التعصب .... ولكن إن عدتم عدنا
وياما فى الجراب يا حاوى
تحياتى

زكريا بابكر عمر

07-13-2008, 08:35 AM

يا فايز من المفترض تغير إسمك ده أو تبقي هلالابي لأنو إسمك ده حق الهلال العظيم..فصاحتك دي سوها مع خربكه ونحنه غلبنا هين مباره وديه لا راحت ولا جات وبالصف التاني إنته الله يسترك...دي ذكرتني قصه....قالو رباطابي (قريبا لأب شخيت)زارعلو قصب(صيف)كل يوم يلقي البحر نازل يمشي السوق يجيب خرطوش جديد يقرنو في رفاقتو مع البابور لامن الخراطيش فلستو والبحر ماشي نازل ..خلا البحر وحفرلو جدول طوييييل من متره بعيده منو(إرتوازي)وأول موية الإرتوازي مادخلت في أول حوض عاين للبحر بيغيظ وقالو ...أنا قصبي سقيتو إنته الله يسترك مع حوتك:D:D دحين إنته يا فايز الله يسترك مع خربكه:D:D:D

فائز عوض الكريم

07-13-2008, 12:00 PM

اولا : التحية والتجلة لاخونا الشاعر الكبير السر عثمان الطيب وبالجد انا سعيد جدا بمداخلتك . طبعا كنت فاكرك مريخابى لكن قدر الله . المنتدى الرياضى لايثير النعرات الرياضية بل هو واحة نستظل عندها من هموم الحياه ونهرب اليها من مشاغل الدنيا وهو ( اى المنتدى الرياضى ) يعبر عن مدى ثقافة الفرد وقدرته على ترجمة ايدلوجياته بصورة تجعله محبوب عند الغير . اهلا بك وبكل الهلالاب ودعوة مفتوحة لكم ولكل الوجوه الزينى لمشاااااااااااااااااااااااااااااااااااااااااااااهد ة مباراة الزعيم ( سيد البلد) وخريبكة عند الثامنة مساء .

فائز عوض الكريم

07-13-2008, 12:14 PM

( الرياضية المغربية السادسة) تبث اللقاء

علمت (الصدى) أن القناة الفضائية المغربية لن تتمكن من بث لقاء خريبكة والمريخ بسبب انشغالها بنقل تظاهرة رياضية في مدينة طنجة المغربية.. وتجري محاولات لنقل المباراة على القناة الرياضية المغربية السادسة والتي تبث على (عربسات).. من ناحيته أوضح الزميل رضا مصطفى الشيخ مدير إدارة البرامج الرياضية بالتلفزيون القومي أنهم أكملوا تحضيراتهم لبث المباراة لكن توقيتها ربما يحول دون بثها لأنه يتضارب مع موعد نشرة الأخبار الرئيسية.. وإذا تم السماح للإدارة الرياضية ببث المباراة كاملة دون أن تقطع لعرض الأخبار سيتم النقل أما إذا تمسكت إدارة التلفزيون بالأخبار وطلبت بث شوط واحد وتسجيل الآخر لعرضه بعد نهاية الأخبار كما حدث في مباراة المنتخب الوطني والمنتخب المالي فسيعتذرون عن عدم بثها وربما يتم تسجيلها وعرضها بعد نهاية العرض الرئيسي للأخبار.. وعلى الصعيد نفسه أكملت الإذاعة السودانية ترتيباتها لنقل المباراة بصوت الزميل يوسف محمد يوسف.

انس البدوي بابكر

07-13-2008, 01:37 PM

الله ليك يا فايز ...يا الزول الدخلك هنا شنو ....ينصر دينك يا لسر عثمان الطيب...والله يا فايز بعد دا الاتقوم جري او قول الروووووب و كورك لضمره وعصام سرالختم اكان يقنعو من روحن ويخشو هنا ....علي العموم تمنياتنا لمريخ السودان بالفوز اليوم